رواية زواج على ورق الفصل الثالث بقلمMarità حصريه وجديده على مدونة النجم المتوهج
رواية زواج على ورق الفصل الثالث بقلمMarità حصريه وجديده على مدونة النجم المتوهج
لانا: اي فارس اجوزا
فارس: مايا ازا قلتلك انو البنت حلوة كتير و عجبتني بشكلا مو معناتا انو انا مستعد اجوزا
لانا: فارس انت رح تجوزا بس كرمال ما تجوز من هداك الرجال الكبير او يضل هداك الواطي يتحركش فيها
فارس: انتي جنيتي شي لك هي انسانة يعني رح صير مسؤول عليها و أنا بكفيني مسؤوليتك انتي و ستي و بعدين هاد جواز مو لعبة
لانا: أولا البنت من الجامعة للبيت يعني مافي مسؤولية كبيرة عليك باقي بس تصرف عليها كرمال الأكل و الشرب و بعدين ه الجواز حيكون عل الورق بس
فارس: شووو بدي اجوزا و اصرف عليها و فوقا الجواز عل الورق ليش بقا !!
لانا: لإنو بيني و بينك انت يا فارس شب و بتحب السهرات و بتبصبص كتير ع الصبايا و الله أعلم شو في كمان و بجوز ما خفي كان أعظم و..
فارس: لانا احترمي حالك
لانا: فارس آسفة بس هي الحقيقة و لازم احكي هيك كرمال حطك بالصورة
فارس: اي ما قلتيلي و شو دخل سهراتي و ه الشغلات بالجوازة
لانا: بما انو انت لساتك شب و متأكدة مية بالمية انو انت لسا ما رح تتغير فكمل عيش متل ما بدك بس خلي جوازك عل الورق كرمال ما يكون لمايا أي شي عليك و لا يكون عليك أي شي عليها
فارس: مممم فهمت عليكي يعني كرمال ما تصير مايا تحاسبني
لانا: اي هيك و ازا بدك تتغير و تبطل سهرات و مدري شو فساعتا فيك تخلي زواجك حقيقي مو بس عل الورق
فارس: لا أنا ما بدي اتغير أنا هيك منيح و لا شو بدك مني احرم حالي من السهرات و كلشي كرمال عيونا لست مايا
لانا: اي لهيك قلتلك خليه عل الورق
فارس: أنا موافق بس روحي انتي و أقنعي ستك يعني طول عمرا بدا تجوزني لتشوف ولادي بعدين وقت قررت اتجوز بيطلع الزواج عل الورق بس
و بها الوقت كانت الجدة فايقة و سمعت كلشي
الجدة: فارس
لانا و فارس(نقزو ) لانا: من ايمتا انتي هون ستي
الجدة : من لما قرر المقوص أخوكي يجوز بس ع الورق
فارس: ستي خلينا نفهمك القصة
الجدة: شرفو احكو
لانا: (حكتلا كلشي)
الجدة: يا حرام ه البنت قدك يعني لساتا زغيري هيك يصير فيها حرام و الله
لانا: و قلت يا ستي ما بصير شي ازا تجوزا فارس يعني و بنكسب فيها أجر كمان
الجدة: خليني فكر
لانا: طيب ستي
فارس: يلا أنا رايح بعدين رديلي خبر يا ستي
***********
ركب فارس بسيارتو و صار يفكر بمايا و انو معقول يجوزا كل هي الأفكار عم دور براسو
************
لانا شو ستي موافقة و لا لاء
الجدة: ما عندي مشكلة بس بدي فكر خلي ه الجواز حقيقي يعني بدي شوف فارس أب قبل ما الله ياخد أمانتو و بجوز يتغير فارس للأحسن ازا اتجوزا و يبطل طيشو
لانا: ان شاء الله يا ستي اي لكان خلينا نطلبا بأسرع و قت لإنو قعدتا بهداك البيت خطر
الجدة: ان شاء الله رح روح اطلبا من بكرا و نحاول نكتب الكتاب بأسرع وقت ان شاء الله
لانا: ان شاء الله
**********
ع التلفون
**********
لانا: ألو مايا كيفك
مايا: منيحة الحمدلله و انتي
لانا: منيحة المهم مايا جهزي حالك بكرا نجي نطلبك لأخي فارس
مايا: شوو شوو ما فهمت !!!
لانا: (فهمت لانا كل شي لمايا و انو الزواج عل الورق بس)
مايا: انت هيك عم تنقذيني بتعرفي
لانا: عادي حبيبتي أساسا أنا كان بدي خليكي تجي تسكني معي عادي بس لما فكرت اتزكرت انو أكيد العالم رح تبلش تحكي و تقول انو انتي عايشة ببيت فيه شب عزابي و هيك يعني فإجت ببالي ه الفكرة و بوعدك يا مايا انو ما خلي شي بزعجك
مايا (تبكي): تسلمي يخليلي ياكي بس يا لانا لو سمحتي ما تنسي انو ه الزواج عل الورق ما بدي حس حالي انجرحت ازا شفت فارس مع بنت
لانا: اي أكيد يا روحي و ما عاش اللي بدو يجرحك
*********************
بالليل
فارس: شو قررتي ستي موافقة و لا لاء
الجدة: اي و بدنا نروح نطلبت بكرا
فارس: أووف بها السرعة و الله اللي بيسمع بفكرنا رح نخطب شي بنت وزير و نحنا بالحقيقة فينا نقول رايحين بعملية انقاذ ههه
لانا: فارس اوعا تحكي هيك مرة تانية
فارس: ليش ههه
لانا: ..........
الجدة : خلص انت وياه
فارس :المهم أنا طالع اسهر برا باي
الجدة: انت عنجد ما منك فايدة
فارس: ههههه
*اليوم التالي*
راح فارس و لانا والجدة و طلبو مايا
******
بغرفة مايا
وهيبة: اسمعي مايا ه المرة ما عندك و لا عذر لترفضي ه الشب لإنو خلاكي تدرسي و حالتون المادية منيحة و ما ناقصون شي
مايا: أنا موافقة عليه
وهيبة: أخيرا و الحمدلله ما تعبتيني و ما خليتيني اجبرك
مايا: .......
وهيبة: المهم هلأ البسي شي حلو و ظبطي حالك و تعي ضيفيهون و خليهون يشوفوكي
لبست مايا فستان حلو و طلعت و فردت شعرا و حطت مكياج خفيف و كانت طالعة كتير حلوة طلعت ضيفتون القهوة و أول ما فاتت ضل عاصم عم يطلع فيها من فوق لتحت و فارس لاحظ ه الشي و حس حالو مزعوج كتير
الجدة : بسم الله ما شاءالله عروستنا بتقول للقمر قوم لققعد محلك
مايا: تسلمي يا خالتي هاد من زوءك
الجدة: بما انو كلنا موافقين خلينا تعجل بكتب الكتاب
عاصم: لاء شوي شوي خلينا نسأل عليكون (كان بدو يخلي مايا عندو أكتر)
فارس(فهم عليه): معلشي أنا بحب مايا و بدي ياها و هيي كمان بدا ياني (و اطلع بمايا و غمزا)
مايا(ابتسمتلو ابتسامة هادية ) : اي و أنا كمان بدي ياه و ما بدي حدا غيرو
وهيبة : و أنا كمان رأيي نعجل يعني الجماعة طيبين و أكابر لشو بدنا نماطل
الجدة: تسلمي
*بعد أيام كتبو كتابون و عملو عرس زغير و مايا كانت طالعة متل القمر و فارس كتير عجبتو و كل الحارة حضرو العرس و صحاب فارس كانو متعجبين شلون فارس اتجوز ب ه السرعة*
بعد العرس راحو كلون ع البيت
فاتت مايا على غرفة لانا و مسحت مكياجا و لبست بجاما و قعدت بتختا و صارت تبكي
لانا: حبيبتي ليش عم تبكي؟؟!!
مايا: ما بعرف أنا بالذات ما بعرف ليش عم ببكي
لانا: خلص حبيبتي اطلعي اشربي مي و خلينا ندردش شوي لوقت ما نام
طلعت مايا تشرب المي و كان فارس كمان طالع و كان مبين انو مجهز حالو ليطلع
مايا: (اطلعت فيه نظرات استغراب)
فارس: شو يا قمر ليش عم تطلعي فيني هيك مو من الأول اتفقنا انو زواجنا على الورق يعني ما بحقلك تحاسبيني
مايا: ليش شو قلتلك ؟ أنا ما حكيت شي ؟!؟
فارس: ما قلتي شي بس نظرتك فيها ألف كلمة
*طلعت لانا من الأوضة
فارس: المهم أنا طالع اسهر هلأ يلا نامي منيح ههه باي
لانا: شووووو طالع تسهر!!!
فارس: اي ليش شو الغريب بالقصة
لانا: لك هي ليلة عرسك شبك !!
مايا: لانا اتركيه مو مهم لإنو زواجنا عل الورق بس
فارس: ا سمعتي شو حكت يلا بعدي
لانا: بس القصة مو قصة الزواج على الورق او لاء لك ما رح تفهم علييي ما في غيرا رح تفهمك ستيييييي ستييي!!!!
يتبع
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
جميع الروايات كامله من هنا 👇 ❤️ 👇
اعلموا متابعه لصفحتي عليها الروايات الجديده كامله بدون روابط ولينكات من هنا 👇 ❤️ 👇
❤️🌺💙🌹❤️🌺💙🌹❤️🌺💙🌹❤️🌺💙🌹❤️🌺💙🌹❤️🌺
تعليقات
إرسال تعليق