رواية زواج على ورق الفصل الثاني بقلمMarità حصريه وجديده على مدونة النجم المتوهج
رواية زواج على ورق الفصل الثاني بقلمMarità حصريه وجديده على مدونة النجم المتوهج
فارس : اي شو صار
لانا: عما لرفيقتي عطاك عمرو
فارس: الله يرحمو اي و مين هي رفيقتك بعرفا شي
لانا: اسما مايا سمعان فيا شي
فارس: لا و الله اي و هيي حلوة شي ؟
لانا: العما فارس شبك
أنا عن إلك انو البنت عما متوفي اليوم لك هاد كان آخر شي باقيلا من أهلا و بتجي تسألني ازا حلوة اما لاء
فارس: يعني ما ضللا حدا
لانا: اي و الله مسكينة
فارس: حلوو كتير
لانا: بتعرف أوقات تحسسني انك مجنون
فارس: اي بدك تروحي تعزيها
لانا: اي أكيد
فارس: أومي لكان لوصلك
لانا: شو شايفة رجعلك النشاط
فارس: ففف قومي بلا كتر حكي
لانا: يلا قمت
*************************
بالعزا
مايا عم تبكي كتير
لانا: مايا حبيبتي خلص كلنا ع ه الطريق
مايا: لك مبارح ما كان فيه شي الصبح لقيناه ميت بتختوووو
لانا: خلص روئيي يا عمري
مايا: لك اللي قاتلني هلأ اني ما بعرف بالظبط ازا عم ببكي ع عمي و لا عم ببكي ع حظي و لا عم ببكي لإنو ما ضللي حدا لك أنا ضعت لك خلص انتهيت
لانا: لك ليش هيك متشاءمةالله رح يفرجا و أنا معك مستحيل اتركك
مايا: الله يرحمك يا عمي
*وقت اجا فارس ليرجع يوصل لانا عل البيت لمحا لمايا و عجبتو مع انو كانت بأسوء حالاتا بس بتضل حلوة
*************************
فارس و لانا بالسيارة
فارس: اي لانا هي مايا هيي هديك الحلوة اللي عيونا زرق
لانا: اي
فارس: اي أحلى بكتير من هديك رفيقتك اللي إلتيلي بتحبني شو كان اسما ..
لانا: هلا
فارس: اي شو ما كان ما عجبتني و يا ريت لو كانت مايا بدالا هههه
لانا: شلون يعني ؟؟
فارس : يعني لو كانت مايا هيي اللي بتحبني بدال هلا
كان أحسن بكتير كتير
لانا: دخلك و لنفترض ه الشي شو كنت رح تعمل يعني تجوزا مثلااا!!!
فارس: .....
لانا: أكيد كنت رح تتسلا فيا بس لهيك بلا ه الحكي الفاضي
فارس: و انتي شو دخلك ازا بدي اتسلا او لاءلانا: ففف خلص حكي فاضي أساسا مايا ما بتحبك و لا شايلتك من أرضك
فارس: اي لإنو ما بتعرفني بس ههه
لانا: مبلا بتعرفك
فارس: يلا الحمدلله وصلنا انزلي لإنو خلص عنجد مليت من حكيك متل السم و الله
لانا : ع أساس انت اللي حكيك بنقط عسل ههه
فارس: ففف خلصيني
لانا: اي و لوين بدك تروح هلأ
فارس: ما دخلك
لانا:.........
******** بعد مرور أشهر
بالجامعة*
لانا: اي مايا إليلي وين بدك تسكني هلأ
مايا: مرت عمي آلتلي انو رح تبيع البيت و تقسم الورثة بينا و بين بنتا نورس و أنا أكيد ما بيحقلي شي من الورثة لإنو الورثة من حق مرت عمي و بنتو بس
لانا: اي ووين بدك تسكني
مايا: رح اسكن مؤقتا ببيت أخ مرت عمي طبعا هيي معنا
لانا: اي و هاد أخوها عندو ولاد شي
مايا: لاء هوي مالو مجوز أساسا
لانا : طيب مايا و هي لقيتي وين تسكني فتفاءلي لكان
مايا: لك انو تفاؤل لك أكيد رح اسكن هنيك مؤقتا
لانا: شلون يعني مؤقتا يعني مرت عمك وهيبة بدا تزتِّك برا بعد مدة
مايا: لاء بس بطريقة غير مباشرة يعني رح تجوزني لأي حدا بيطلبني من هلأ و أنا مجبورة وافق طبعا صرت تحت رحمتا
لانا: لا توافقي
مايا: لك وقت كان المرحوم عايش كانت مصرة تخلص مني فكيف هلأ خلص أنا انتهيت مستقبلي كلو راح
لانا: ما راح شي الا ما الله يفرجا
مايا: ان شاء الله ما أنا هاد اللي بقالي مالي بالدني غير الله
لانا: لا تنسي أنا معك
مايا: (ابتسمت)
*بعد ما خلص الدوام*
لانا: شو متيا اليوم خلصنا بكير ليكي لسا الساعة ١٠ ليش ما بتجي معي ع البيت منو منتسلا انا وياكي و منو بعرفك ع ستي
مايا: معلشي يا روحي بس و الله تعبانة و مالي نفس خليا مرة تانية انشاءالله
لانا: طيب على راحتك يلا بشوفك
مايا: باي
- فاتت مايا ع البيت
مايا: مرت عمي مرت عمي وهيبة..!!! مرت عمييي!!
عاصم(أخ وهيبة): تعي مايا
مايا: أهلين عم عاصم
عاصم: كيفك
مايا: منيحة الحمدلله
عاصم: الحمدلله هوي الحقيقة وهيبة مو هون هيي بالسوق خمس دقايق و بتجي
مايا: ممممم طيب عمو أنا رايحة اجلي الجليات بدك شي
عاصم: لا سلامتك
راحت مايا تجلي الجليات و ضل عاصم عم يطلع فيا من فوق لتحت
*بعد شوي وقت كانت مايا عم تجلي الجليات حست بإيد تمدت عليها و لفتا ع خصرا من ورا بلعت مايا ريقا و ماتت من الرعبة و دورت راسا ولقتو انو عاصم هوي اللي ماسكا هيك
مايا: لك انت شو عم تعمل !!!
عاصم: (بخبث)ليكي يا زغيري يا حلوة لسا في وقت لترجع وهيبة خلينا نقضي وقت حلو مع بعض
مايا(تصرخ): بعد عني بعد !!!
و فجأة مسكت سكين و برمت لعندو
مايا: ليك أحسنلك بعد عني أحسن ما اغرس ه السكين ببطنك
خاف عاصم و طلع من البيت و مايا انفجرت بالبكي
* بس رجعت وهيبة ع البيت مايا ما حكتلا شي لإنو بعرف انو ما رح تسدقا و حتى لو سدقتا ما رح تقدر تعمل شي
وهيبة: ليكي مايا في عريس جاي يخطبك بس هوي مجوز و عندو بنتين يعني بدو يجوز ع مرتو بس مع هيك انتي مجبورة تقبلي لإنو أخي عاصم مو مضطر يصرف عليكي و بعدين هوي غريب بالنسبة إلك و هيك مو منيح كرمال سمعتك و سمعتو
مايا(بقلبا ): لك الله لا يوفقك انتي و لا أخوكي
*بالليل سكرت مايا ع حالا الباب و حاولت تدرس شوي و بنفس الوقت عم تفكر بحل لمشكلتا الكبيرة*
*الصبح*
* بالجامعة*
كانت هي فترة امتحانات
كانت مايا عم تحاول تجاوب ع امتحانا بس كلما تجي تفكر بالأجوبة تتزكر عاصم و الورطة اللي هيي فيها ف اللائراديا رمت قلما ع الطاولة و حطت راسا بين ايديها و دمعو عيونا و لانا لاحظت ه الشي و قعدت تشوفا من بعيد
* بعد انتهاء الإمتحان*
لانا: مايا احكيلي شبكي
مايا: ما فيني شي بس ما عرفت جاوب بس
لانا: مايا أنا حافظتك بصم لهيك لا تجدبيا عليا و قولي شبكي
مايا(ما عادت قادرا تخبي): هاد عاصم اخوها لوهيبة..............(و حكتلا كلشي صار)
لانا: مايا أوعااا توافقي ع هاد العريس
مايا: لك هاد خياري الوحيد و لا بدك خلي هداك الواطي ياخد شرفي
لانا: خلص أنا بحلا ه المرة ايي
مايا: شلون
لانا: رح تعرفي بس مو هلأ المهم وثقي فيني
مايا: واثقة فيكي يا روحي
************************
ببيت لانا و فارس
لانا: فارس بما انو ستي نايمة بدي حكيك بموضوع بخص مايا
فارس: يا عيني ههه موضوع بخص مايا هديك الحلوة ازا بدك بحط منوّم لستي ههه
لانا: عنجد الموضوع ما بضحك
فارس: احكي عم بسمعك
لانا: .... و حكتلو كلشي عن يلي صار لمايا .....
فارس: العما لك شوووو هاااد كان بدووو يغتصب بنت قد بنتو لك شووو هاد
لانا: هاد اللي صار و المهم انو مايا قدرت دافع عن حالا
فارس: و هلأ بدا تجوز هاد اللي قد أبوها لحتى ما يتعرضلا ه الواطي مرة تانية موو
لانا: اي هيي عم تفكر هيك
فارس: بس لانا انتي شلون حكيتيلي يعني من الآخر شو المطلوب مني !!!
لانا: المطلوب انك تنقذا
فارس: كيف انقذا!!
لانا: تتجوزا
فارس: شوووو!!!!اتجوزا!!!!
يتبع ..
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
جميع الروايات كامله من هنا 👇 ❤️ 👇
اعلموا متابعه لصفحتي عليها الروايات الجديده كامله بدون روابط ولينكات من هنا 👇 ❤️ 👇
❤️🌺💙🌹❤️🌺💙🌹❤️🌺💙🌹❤️🌺💙🌹❤️🌺💙🌹❤️🌺
تعليقات
إرسال تعليق