رواية زواج على الورق الفصل الخامس بقلمMarità حصريه وجديده على مدونة النجم المتوهج
رواية زواج على الورق الفصل الخامس بقلمMarità حصريه وجديده على مدونة النجم المتوهج
مايا: راحت على بيت رفيقتا ليلى
فارس: اي و شو ساعتين لتجاوبي
مايا: نزلني هون
فارس: ما رح تنزلي
روز: خلص حبيبي خليها تنزل ليفضالنا الجو
فارس: معلشي يا روحي هلأ بوصلا بس و بنعمل شو مابدنا
ملاحظة: روز بنت فلتانة مو معروف أصلا و فارس تعرف عليها بالديسكو.
نزلت مايا من السيارة و فارس بسرعة طلع و لحقا و مسكا من إيدا بقوة
فارس: أنا شو حككيت اااا!!!!
مايا: تروك إيدي عم توجعني
فارس: أنا ما قلتلك ما تطلعي من السيارة
مايا: ما دخلك
فارس: والله شو و( بلش يعيط)
مايا: ششش سكوت شبك بدك تبهدلنا
فارس: يلا امشي معي ع السيارة
مايا: ففف جاية
------------------------------
بالمطعم قاعدة لانا مع وليد
-----------------------
لانا: اي وليد لإيمت بدنا نضل هيك
وليد: شلون يعني
لانا: يعني من الآخر انا بنت عيلة و ناس و مو حرزانة ضل هيك اطلع و فوت معك يعني ايمت بدك تخطبني رسمي
وليد: عن قريب ان شاء الله يعني لبين ما استقر بشغلي يعني بتعرفي يا حبيبتي هاد جواز مو لعبة يعني بدي كون شخص مسؤول
لانا: ان شاء الله
وليد: بعدين شو قصتك كإنو عم تشكي بحبي إلك
لانا: ليك وليد أنا حبيتك من قلبي و اتعلقت فيك و انت هوي حبي الأول بس ما بتتصور قديش رح اكرهك ازا شي نهار خنتني او اكتشفت انك عم تتسلا معي مو أكتر
وليد: شبكي لانا ليش عم تحكي هيك يعني كإنو ما بتعرفيني
لانا: .........
-----------------------------------
نزل فارس من السيارة و نزل مايا معو و فاتو ع البيت و الجدة ما كانت هنيك و بقيت روز تنطر فارس بالسيارة
فارس: اسمعي و لو سبق و قلتلك انو زواجنا ع الورق يعني ما بحقلك تحاسبيني
مايا: اسماع و لاااا أنا ما عم حاسبك بس انا مالي مضطرة حط كرامتي بلأرض و انهان هيك دخلك شو بدون يقولو العالم علييي عروس جديدة جوزا مركب معو بنت تانية و هيي عم تطلع عليهون هيك !!!
فارس: و الله و عم تعلي صوتك
مايا: لا تتهرب من الموضوع
فارس: أنا ما عم اتهرب و لو بدي ركب معي ١٠ بنات انتي ما دخلك
مايا: لك ازا بدك ركب ١٠٠ بنت مو فرقانة معي بس المهم ما كون معون
فارس: ممم هلأ فهمت عليكي
مايا: يلا هلأ روح و ساوي يلي بدك مع حبيبتك مو فضيلكن الجو هلأ
و ب ه اللحظات فاتت الجدة
الجدة: فارس مين البنت االي قاعدة بسيارتك
فارس: ههه اي هديك مرتي الستقبلية ههه
الجدة: حدا بيترك هيك قمر (أشرت ع مايا) و يروح لوحدة متل هديك
فارس:.......
الجدة : آخر مرة بتزكر انو الدكتور انو نظري صار ضعيف كتير بس شكلو خربط بيني و بينك هههه
فارس:هههههه
مايا ابتسمت
-بعد شوي فاتت لانا-
الجدة: وين كنتي لهلأ
مايا: عند رفيقتا ليلى آسفة نسيت قلك
لانا: اي شو بدي قلكون فارس مين الهيكل العضمي اللي قاعد بالسيارة هههه
فارس: أنو هيكل عظمي انتي التانية
الجدة: قصدا البنت
فارس: هلأ روز صارت هيكل عظمي ههه
لانا: اي و الله لك شبا ه البنت ما عم يطعموها يعني ههه
مايا: أنا رايحة ارتاح شوي
فاتت مايا ع أوضتا و سكرت الباب و اتسطحت و قعدت تفكر بيلي عم يصير معا
فارس: حاج ضحك انت و ياها
لانا: ههعه ليش
الجدة: اسماع فارس هي آخر مرة بتجيب هيك فلتانة معك
فارس: انا طالع....
الجدة : روححح!!!
لانا: خلص ستي لا تزعلي منو فارس وهيدا طبعو
الجدة: و هديك المسكينة مايا شو ذنبا
لانا: خلص هي أيام و تمر بسرعة و بس تقدر مايا توقف ع رجليها و تعتمد ع حالها ساعتا بتطلق هيي و فارس و يروح كل واحد بطريق
الجدة: اخ لو تعرفي قديش كنت متمنية يحب فارس مايا و يعيشو متل أي مجوزين و شوف ولادون قبل ماموت
لانا: بعيد الشر عنك ان شاء الله بتعيشي و بتشوفي ولاد ولادو
الجدة: يا بنتي ما بقا من العمر قد اللي راح و أنا الحمدلله الله عيشني لققدر ربيكون و كبركون و أنا هلأ مالي طامعة بشي من ه الدني غير ه التلت شغلات انو يرجع فارس متل ما كان قبل و يبطل طيشو و بدي شوفك عروس يا لانا يا بنتي و آخر شي بدي اطمن على هبة و شوفا مبسوطة لك هي قطعة من روحي
لانا: ان شاء الله تكون بألف خير
و أكيد رح يجي يوم و ترجعي تشوفيها
الجدة: و انتي ما بدك ترجعي تشوفيها ؟؟
لانا: بكفي اني أعرف انا بخير حاسة حالي ما بدي شوفا بتزكرني بهداك اليوم خلص دخيلك ستي ما بدي احكي ب ه الموضوع
الجدة: اي انتي متل أخوكي كمان هوي بيتهرب من ه الموضوع
لانا: اي ما حلنا ننسى و خصوصي هوي كان أكتر حدا متأثر فينا
الجدة: اي بعرف أساسا هاد هوي سبب تغيرو
لانا: اي للأسف ما بعرف ايمت رح يرجع لعقلو
-----بعد شوي فاتت لانا ع الأوضة لقت مايا نايمة و
بس اطلعت فيها لقت خدودا حمر كتير فحطت ايدا ع جبينا---
لانا: ستي ستي
الجدة: شبكي
لانا: حرارتا لمايا مرتفعة كتير
الجدة: بعدي لشوف ...اي و الله متل ما قلتي البنت سخنانة و الله عم تغلي شو بدنا نعمل
لانا: رح دق بسرعة لفارس ل يجي ياخدا عل المستشفى
الجدة: اي اعطيني احكي معو وانتي روحي جيبي مي باردة بسرعة
لانا: حاضر
------------
الجدة: ألو فارس تعا يا ابني بسرعة ع البيت
فارس: شو في يا ستي صاير شي
الجدة: لك هي مايا حرارتا مرتفعة كتير لازم تجي أوام لتاخدا ع المستشفى
فارس : طيب يلا مسافة الطريق
الجدة: الله معك
-----------------
*بسيارة فارس*
روز : شو حبيبي مع مينت عم تحكي و لوين بدك تروح
فارس: مايا حرارتا مرتفعة و لازم اخدا ع المستشفى بسرعة
روز: لاء مافي روحة
فارس: لك شبكي عم إلك البنت مرضانة
روز: انت مو مسؤول عنا اي !
فارس: لاء يا ستي مسؤول و نص البنت أمانة
روز: لاء هيك معناتا بتحبا
فارس: لك انتي ليش هيك ع طول بتحبي تخلطي الأمور ببعضا يعني شو دخل هي ب هي انا عم قلك انو هي مسؤولية و انتي بتجي تقوليلي بتحبا !!
روز: لو ما كانت بتعنيلك ما كنت فوت علينا العشا اللي صرلي ٣ أيام و أنا عم فكر فيه و ع أي مطعم بدنا نروح عليه و بالأخير تطلع بنت شرشوحة متل هي مو معروف قرعة ابوها من وين تخربلنا كلشي اااا احكي صح و لا لاء !!!! احكيييي!!!!
فارس: فففف بكفي بقا صرعتيني شبكي دخلك ازا مايا مو معروف قرعة ابوها منين متل ما عم تقولي انتي من وين ااا؟؟؟؟!!!
روز: العمااا لك شبك كإنو عم تهاجمني لتدافع عليها
فارس: بالله ليش اعتبرتيه هجوم أنا سألتك سؤال عادي يعني مو معقول حبيبتي ما بعرف مين تكون و من انو عيلة هيي و من وين
روز: ....... اي انتا اعرف أصل مرتك بلأول بعدين اعرف أصلي أنا اييي
فارس: و مين قلك ما بعرف هي أنا كاتب كتالي عليها أكيد بعرف من وين هيي باقي أعرف عيلتك انتي ههه
روز: هههه ليش بقا انت بدك تجي تخطبني شي
فارس: ليش شو علاقة هي ب هي
روز: لإنو انت عرفت أصل مايا وقت اجوزتا لهيك ما رح تعرف أصلي غير وقت تجوزني هههه
فارس: اهاا ههه
روز: اي و دخلك وينون أهلا لهي الشرشوحة
فارس: بظن انك بتعرفي اسما ف ما في داعي انك تقولي حكي فاضي
روز: اها شكلك زعلت و ما بدك احكي عنا هيك اي فهمتك أنا😑
فارس: لاء بس انو مايا مو شرشوحة بنوب
روز: انت بتشوفا حلوة مووو!!!😤
فارس: اي حلوة ليش لحتى كذب هههه
روز: بلله شو اي بشرفي اني أحلا منا بكتير
فارس(بقلبو): (هههه قال بشرفا قال لك انو شرف عندك يا روز هه)
روز: اي و أنا حلوة بنظرك مو ؟؟؟!!!
فارس: اي أكيد ههه قمر و لو ههه
روز: ممم طيب مين أحلا أنا اما مايا
فارس: ففف قومي انزلي يلله صرعتيني ما عاد تعرفي تسكتي بقا
روز: يووو لك شبك الدني ليل بدك تنزلني هون
فارس: اي انزلي انزلي أساسا انا تعرفت عليكي بالليل لهيك ما في داعي لتلعبي دور المرعوبة بعدين اطلعي نحنا هلأ قدام الديسكو روحي اسهريلك شوي
روز: لاء عنجد تقليعة مرتبة
فارس: بشوفك بكرا يا روحي
روز: اي باي (و طلعت و هيي معصبة)
فارس عم يحكي مع حالو : اااهه ففف الحمدلله راحت و الله صرعتلي راسي ما عاد سكتت ففف العما أنا شو عجبني فيا المهم هلأ لازم روح ع البيت بسرعة
------------
بعد شوي وصل فارس ع البيت و كانت مايا فايقة
-------------
فارس: ستي ستي كيفا مايا هلأ
الجدة: و الله حرارتا ما عم تنزل بنوب لازم تاخدا بسرعة ع المستشفى
مايا: خلص ستي انا منيحة ما في داعي للمستشفى
فارس: مبلا في داعي لك اطلعي ع حالك لك من وشك مبينة سخنانة
مايا : خلص ولو رح تنزل حرارتي شوي شوي لحالا ما في داعي لتعذبو حالكن
-ابتسملا فارس و قرب منا و شالا و أخدا ع السيارة
فارس: أنا بدي عذب حالي الك عندي شي هههه
مايا(بخجل): هههه غليظ
-اجت لانا لتروح معون ع المستشفى بس ستا منعتا-
الجدة: لا تروحي معون اتركيهون لحالون بجوز هيك يتقربو من بعض
لانا: اي و الله معك حق بس شفتي شلون شالا يا ستي و الله شايفتلك هي خطوة منيحة بعلاقتون ههه
الجدة: ههه ان شاء الله المهم هلأ الله يشفيها لمايا
لانا: ان شاء الله
*بعد شي ساعة رجع فارس و مايا من المستشفى و هني بالسيارة ع الطريق للبيت *
فارس: ليكي يا حلوة لا تنسي تاخدي أدويتك بوقتا اي
مايا: ان شاء الله اي فارس عجل لنروح للبيت ما عم طيق السيارة رح اختنق فيا
فارس: افف له الدرجة ليش بقا ؟؟
مايا: ما بعرف بس ريحة البارفان فيها كتير قوية و ما عم طيقا
فارس: قصدك ريحة البارفان النسواني اللي مليي السيارة
مايا: اي هاد هوي اي
فارس: لاء بالعكس ريحتو حلوة كتير بس انتي ما عجبتك لإنو انتي غيرانة ههه
مايا: من مين بدي غار انت التاني ههه
فارس: من صاحبة العطر هههه
مايا: بلله شو اي و عشو بدي غار منا
فارس: بدك تغاري علييي أنا ههه
مايا: هههه سكوت دخيلك و الله مو قدرانة هلأ آخد و أعطي معك
فارس: ههه معلش سكتت أساسا وصلنا ع البيت يلله ارتاحي هلأ من ريحة البارفان ههه
*بعد مرور يومين *
الصباح الساعة ٨
مايا : لانا فارس ستي يللا جهزت الفطور تعو
فارس: يلا جاي
لانا: اي مايا لحظة شوي يلا اجينا
قعدو ع الطاولة
مايا: شو وينا ستي
لانا: سافرت الصبح بكير ع الضيعة قال اشتاقتلا عل العموم هيي ما بطول يعني شي يوم و بترجع بس
مايا: ممم بتروح و ترجع بالسلامة ان شاء الله
فارس: اي مايا شو لهلأ. ما لبستي ما رح لحق و صلك
مايا: لاء أنا بالأساس ما رح روح اليوم كمان ع الجامعة حاسة حالي لسا تعبانة
فارس: على راحتك يلاا لانا بسرعة أنا مو فاضيلك
لانا: ففف لك يا أخي استنا شوي لسا ما نزل الأكل لبطني فففف
فارس و مايا: هههههه
لانا: اي ضحكو ضحكو
---------------------
بعد شوي راحو فارس و لانا و مايا عزلت البيت شوي بعدين نامت حوالي ساعة و لما فاقت راحت فتحت الشباك و قعدت تتفرج عليه كانت الحارة هادية نوعا ما و فيها غير شوية ولاد زغار عم يلعبو بعد شوي شافت ولد زغير كان عم يجري بعدين وقع ع الأرض و بلش يبكي و هيي طلعت بسرعة لعندو
شالت مايا الولد من الأرض و قالتلو
مايا: يا حبيبي يا روحي تأذيت شي شو اللي عم يوجعك
الولد(عم يبكي ): رجلي رجلي عم توجعني كتير 😭😭😭
مايا : خلص يا روحي هلأ بنضفلك جرحك و بروح الوجع اي يا عمري
الولد: عنجد فيكي تروحي الوجع
مايا: ان شاء الله يلا استناني دقيقة جيب شغلات من البيت و برجع أوكي
* راحت مايا ع البيت و جابت قطن و شغلات من يلي بداوو فيهون الجرح و رجعت و بلشت تداوي الولد *
الولد: ااايي و جعتيني اي اييي
مايا: آسفة حبيبي خلص ما بقى شي و نخلص اتحمل شوي زيادة يا بطل
الولد: حاضر 😊
بعد شوي اجا فارس بسيارتو و ما فهم بلأول ليش مايا برا فنزل من السيارة و راح لعندا و راح من و راها و حط ايدو ع كتفا
مايا: ييييي نقزتني لك انت من وين طلعت
فارس: ههه شو عم تعملي هون ؟
مايا: شوفة عينك كنت عم حاول داوي جرح الصبي
الولد: أهلين عموو فارس
فارس: ههه شو شايف يوسف الأزعر هون ههه
مايا: لكان إسمك يوسف يا بطل
يوسف : اي اسمي يوسف و انتي
مايا: أنا اسمي مايا و تشرفت بمعرفتك يا حبيبي عنجد انت بطل لإنو ما بكيت وقت نضفتلك الجرح ههه
فارس: اي لكان معقول يا مايا هلأ لحتى تعرفتي على يوسف الزغير
يوسف: أنا مالي زغير ها
فارس: اي صحيح انت كبير كتير ما عمرك ٥ سنبن لاء عنجد كبير كبير ههههه
مايا: هههه
يوسف: شو عمو فارس و انت من وين بتعرفا لمايا
فارس: شو مايا حاف هيك
يوسف: طيب خالة مايا منيح هيك
مايا: تقبرني طالعة من تمك متل العسل
يوسف :اي لهلأ ما جاوبتني من وين بتعرفا للخالة مايا
فارس: هههه شو استاذ يوسف شايفك عم تحقق معي اي مايا بتكون مرتي
هههه
يوسف: عنجد اي محظوظ ههه
مايا: هههه
فارس: و لااا ههه طولان لسانك يلا قوم روح ع بيتك
يوسف: رجلي عم توجعني ما فيني
شالتو مايا
مايا: طيب حبيبي هلأ بوصلك انا
فارس: لا مايا هاتيه انا بوديه ع بيتو أحسن ما ضلي دوري ع بيتو
مايا: طيب يلا حبيبي يوسف بنلتقي مرة تانية باي دير بالك ع حالك
و عطت مايا يوسف لفارس و ايديها هيي و فارس لمسو بعض حست مايا بالأمومة اتجاه يوسف و فارس و مايا تخيلو لو انو كان عندون ولد زغير و حلو متل يوسف طبعا تنيناتون تخيلو ه الشي بس و لا واحد قال ل التاني شو تخيل
بعد ٣ أيام كان فارس و لانا و مايا عم يتعشو و فاؤس بلش يخفف سهرات و بلش يميل لمايا و صار يراقب حركاتا و حكياتا
مايا: شايفتلكون ستي مطولة بالقعدة بالضيعة
لانا: اي و الله ما توقعتا طول ه القد
فارس: اما انا فتوقعت انا طول
لانا: طيب ليش طولت
فارس: لإنو من تاني يوم راحت فيه اجت هبة ع الضيعة
لانا: شو عم تحكي جد !!!
فارس: اكيد ما رح امزح معك بهيك موضوع
مايا : مين هبة
فارس : كملي اكل
غمزت لانا مايا و مايا كملت أكل
*بعد العشا*
* بأوضة لانا*
مايا: صحي مين هيي هبة
لانا: هي هبة قصتا قصة قعدي لإحكيلك ياها
مايا: هي قعدت يلا احكي
لانا: هبة بتكون ....
يتبع...
حاولت اعملكن جزء طويل متل ما طلبتو
برأيكون مين هيي هبة و اعطوني رأيكون بكل شخصية به القصة لإنو جاية عبالي كتير أعرف أراءكون 😊
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
جميع الروايات كامله من هنا 👇 ❤️ 👇
اعلموا متابعه لصفحتي عليها الروايات الجديده كامله بدون روابط ولينكات من هنا 👇 ❤️ 👇
❤️🌺💙🌹❤️🌺💙🌹❤️🌺💙🌹❤️🌺💙🌹❤️🌺💙🌹❤️🌺
تعليقات
إرسال تعليق