رواية زواج على الورق الفصل السادس بقلمMarità حصريه وجديده على مدونة النجم المتوهج
رواية زواج على الورق الفصل السادس بقلمMarità حصريه وجديده على مدونة النجم المتوهج
لانا: هبة بتكون بنت خالي طبعا انتي بتعرفي انو ستي هيي ستي من طرف امي
مايا: اي بعرف
لانا: اي و هيك بتكون هبة كمان حفيدتا لستي فهمتي ليش طولت لإنو مشتاقتلا كتير و بدا تقعد معا
مايا: هلأ فهمت بس بدي اسألك شي تاني انو فارس ليش اتهرب من الموضوع وقت سألتكون مين بتكون هبة
لانا: ااااخ لك بعرف لو فيه كان مو بس اتهرب من الموضوع كان محاه من ذاكرتو كليا
مايا: ليش بقا ؟؟؟!!!
لانا:......
مايا: طيب لانا ازا ما بدك تحكي ما في مشكلة عادي
لانا: لاء اكيد بدي احكيلك بس بدي منك ما تقولي لفارس اني حكيتلك اوعديني ب ه الشي
مايا : اكيد
لانا: هبة قدي انا و ياكي بالعمر توفت اما وقت بعد ما ولدتا بيوم فضلت هبة حوالي السنة من بيت عموما لبيت عماتا كل مرة واحد يعتني فيها بعد هديك السنة قرر خالي يتجوز مرة تانية فستي حبت تاخد هبة لتعيش معنا لبين ما تخلص قصة العرس و المباركين
و خالي وافق بس ما عاد سأل عن هبة كتير و قضت حوالي ٤ سنوات معنا و كانت هيي و فارس بحبو بعض هههه يعني حب طفولة
مايا: شو بحبو بعض !!!
لانا: اي غيورة خليني خلص القصة و غاري ع راحتك
مايا: لك أنا مو غيرانة بس اتعجبت انو فارس شلون بحب لك فارس ما بيعرف يحب !!!
لانا: لك اسكتي هلأ بيسمعك
مايا: عادي مالي خايفة
لانا: المهم خليني كمل القصة
اي بعد ه الأربع سنين قرر خالي يرجع ياخد هبة لتعيش معو بالنهاية بضلاا بنتو ووقت راحت زعلنا كلنا و ما صرنا نشوفا غير بالمناسبات و صارت تمر السنين و كبرنا و فارس و هبة صارو يحبو بعض بس ه المرة حب حقيقي مو تبع طفولة و قررو بس يلاقي فارس شغل يطلبا رسمي
مايا: اي كملي
لانا: المهم قبل حوالي تلت سنوات من هلأ كانت الساعة حوالي ال٤:٣٠ الصبح فقت ع صوت الباب عم يخبط بقوة بسرعة قمت من محلي و قبل ما فيق فارس رحت اطلعت من الباب لقيت بنت عم تبكي كتير و حالتا سيئة و للأسف بس ركزت منيح معا اكتشفت انا هبة بسرعة فتحت الباب و فاق فارس و ستي ع صواتنا
مايا: اي و شو صار يعني شبا
لانا: هبة المسكينة خبرتنا بعدا انو اغتصبا واحد من الأغنياء و بعدين طلب انو يتجوزا و كانت أكبر مفاجأة النا انو خالي وافق ع هشي مع انو بيعرف ب الشي اللي صار بس الطمع عماه كتير كتير و جبرا انو تجوزو غصبا عنا و هيي لهيك هربت و اجت لعنا لإنو كان عرسا ب اليوم اللي بعدو
مايا: لك شو عم تحكي معقول في اب هيك بيجوز بنتو ليلي اغتصبا شووو هاد!!!!
لانا: اي معك حق تستغربي بقلك شغلة انا ما بنكر ابدا انو خالي من أحقر الرجال ب ه الدني
مايا: اي و بعدين شو صار
لانا : بعدين لحقا خالي هوي و عديم الشرف اللي اغتصبا و بلش خالي يقول لستي انو لازم هبة تجوزو لإنو هيك بتنستر و هنيك قلو فارس انو هوي بدو يجوز هبة و يستر عليها احسن ما يستر عليها الواطي اللي وصلا لهون
مايا: اي و بعدين شو اللي خلا فارس ما يقدر يجوزا
لانا: جاييتك بالحكي
مايا: اي
لانا: بس خالي ما وافق و بلش يتحجج بقصة انو فارس لسا زغير ع الجواز و هيك حجج بايخة
مايا: العما في اب يعمل هيك ببنتو !!!
لانا: الطمع الطمع عما قلبو و عيونو وهداك الواطي قدر يسكتو عن حق هبة بقرشين
مايا: اي كملي
لانا: وهنيك هبة رفضت بشدة و ستي كمان بس ما طلع بإيدا تعمل شي (دمعو عيون لانا)
مايا: حبيبتي شبك ؟؟!!
لانا: و بتزكررر آخر شي صار وقت رفضت هبة تطلع من بيتنا بشدة طالعا خالي بالضرب و الإهانات و سمع فينا كل الحارة و لسا صوت هبة بإدني وقت كانت عم تصرخ و تنادي ع ستي و فارس يلي كانت متأملة انون رح يقدرو يساعدوا بس خاب أملا
و راحو جوزوها للواطي و هيي لهلق مرتو 😭😭 و هني هلأ ساكنين بدبي و هي اول مرة تجي زيارة ع الضيعة من بعد ما جوزت و لهيك ستي طولت لإنو بدا تشبع منا
مايا: خلص لانا قطعتيلي قلبي لا تبكي الله يوفقك
لانا: لك اللي بقطع القلب هوي فارس اللي جوزولو حبيبتو من واحد هوي سبب تعاستا لك هني سرقولو احساسو مشاعرو لك من هداك النهار ما عاد حب بحياتو صار ببساطة انسان بلا قلب
مايا: انا آسفة لإنو قلتك قبل شوي انو هوي ما بيعرف يحب و ما بعرف شو و الله ما كنت بعرف انو ه الموقف بقي مأثر عليه هيك
لانا: عادي لا تعتذري اي حدا محلك بشوفو متل ما قلتي واحد بلا قلب
مايا: بدي اسألك آخر سؤال بس هبة هلق عندا ولاد شي ؟؟؟!!
لانا: لاء ما عندا بتزكر مرة حكيت ظعا بالتلفون قالتلي انو عم تاخود حبوب منع الحمل من لما اجوزت و الحمدلله لسا ما انكشف ه الشي
مايا: معترة كتير ه البنت الله يفرجا عليها
لانا: ان شاء الله المهم نامي هلق اي و بكرا لازم نفيق بكير
مايا: ليش لنفيق بكير بكرا ما عنا محاضرات شو نسيتي
لانا: لاء ما نسيت بس هاد وليد بدو يشوفني و انا ما عندي حجة تانية لطلعة من البيت غير لروح ع الكلية
مايا: ففف المطلوب !
لانا: لا تقولي لفارس بس انو ما عنا محاضرة
مايا: بس نحنا عم ندرس مع بعض يعني صرت مجبورة انو روح ع الكلية
لانا: لاء انتي بس مثلي انو ما بدك تروحي
مايا: اوكي تصبحي ع خير
---------------
الصبح عملت مايا و لانا متل ما اتفقو لانا طلعت و مايا بقت لحالا بالبيت كانت عم تتفرج ع التلفزيون وقت اجا فارس
مايا: شو فارس باينتك خلصت شغل بكير موو
اييي بعد بعد شوي من وشي بدي شوف ه اللقطة !!!
*أخد فارس الريموت و طفا التلفزيون *
مايا: ليش طفيتو
فارس:(بجدية) بدي احكي معك
مايا: اي احكي
ضحك فارس ضحة سخرية بالأول بعدين قال
فارس: شو يا ست مايا شو قلتي مبارح مين هاد اللي ما بيعرف يحب ههه
مايا: شو كنت عم تتسمع علينا مبارح يعني
فارس: لاء بس فتت بالصدفة جنب الأوضة و لفت انتباهي اسمي ههه وقت قلتي "شو ليش فارس بيعرف يحب أصلا "
مايا: اي و هي سمعت و عرفت شو بك تعمل فيني يعني ! ههه!!
فارس: فيني ساوي كتير اشيا بس أولا بدي برهنلك انو انا مو متلك اي
مايا: شلون مو متلي ؟
يتبع .و برجع اطلب منكون تعطوني رأيكون بكل شخصية من شخصيات القصة اي 😊
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
جميع الروايات كامله من هنا 👇 ❤️ 👇
اعلموا متابعه لصفحتي عليها الروايات الجديده كامله بدون روابط ولينكات من هنا 👇 ❤️ 👇
❤️🌺💙🌹❤️🌺💙🌹❤️🌺💙🌹❤️🌺💙🌹❤️🌺💙🌹❤️🌺
تعليقات
إرسال تعليق