رواية زواج على الورق الفصل الحادي عشر بقلمMarità حصريه وجديده على مدونة النجم المتوهج
رواية زواج على الورق الفصل الحادي عشر بقلمMarità حصريه وجديده على مدونة النجم المتوهج
و راح فارس بسرعة بالتجاه لانا و هوي عم يصرخ عليها
فارس: لك شوووو عملتي فينا لك بدك تفضحينا
(كان فارس رح يضرب لانا بس مايا و هبة كانو عن يحاولو يمنعوه
مايا: فارس حبيبي الله يوفقك هدي شوي لك القصة مو هيك
هبة: اي لك انت فهمان غلط
فارس: لك انو غلط هاد انو غلط لك عم تقولو انا مو بنت لك شو لسا باقي
هبة : فارس وطي صوتك و الله ازا رجعت ستي هلق من السوق و سمعت صريخنا و سمعت ه الحكي و الله بتفقد أعصابا
مايا: لك هدي مشان اللي خلقك خلينا نعرف نفهمك هبة جيبي الورقة
راحت هبة و جابت ورقة الزواج العرفي و عطتا لفارس
قرا فارس الورقة بعدين اطلع بمايا بقسوة
فارس : يعني الخانوم متجوزة و انتو بتعرفو ه الشي و تاركتيني متل الأطرش بالزفة
مايا: فارس اسمعني ..
فارس: ششش اخرسي ما بدي اسمع صوتك انتي بالذات لكان عم تتستري عليها
غصت مايا و نزلو دموعا متل الشلال
فارس: ليكي ولي انتي يا لانا هني كلمتين هاد وليد بدك تجوزيه غصبا عنك و لو مجوز عليكي ٣ او عامل علاقات قد ما بدو المهم ما ننفضح فهمتي
لانا: لاء ما رح اعمل هيك
فارس: لكان شووو بدك تفضحينا مثلا
لانا: لاء مارح افضحكون و لاشي انا مستعدة ما اتجوز طول عمري و لا اتجوز من ه الواطي
فارس: فففف بتساوي يلي قلتلك عليه فهمتييي و لا بحسب الله ما خلقك
و راح و طبش الباب و بقيت لانا عم تبكي بحضن هبة و مايا كانت رامية حالا ع التخت و عم تبكي كمان
لانا: سامحيني يا مايا بعرف انك ندمانة لانو تسترتي عليي و بسببي عيط عليكي فارس سامحيتي نشان الله
مايا: انا ماني ندمانة ع شي بس ما توقعت تكون ردة فعلو هيك و هلق شلون رح نقلا لستي
هبة: خلص خلي فارس يقلا ه الشي
مايا: اي رح ارجع حاول احكي معو
طلع فارس من البيت و ضل عم يتمشى و يفكر شو بدو يعمل و كان كتير ضايج
فارس (بقلبو): ااااخ يا ربي شو بدي اعمل ب ه المصيبة لك انا شو عملت للانا لحتى تقوم تعمل هيك عملة ففف بس كمان هيي ما غلطت هيي اجوزت ففف بس تعا انت و سكت العالم و قلون هاد زواج عرفي ففف يا ربي شو بدي اعمل لك اي مالي حل غير اني احكي مع هاد جوزا و ازا رفض يجوزا ساعتا انا بفرجيه بس اخ منك يا مايا قديش كنت بوثق فيكي بلأخير بتقومي تتستري ع لانا ع هيك شي خطير اييي بسيطة!!
------------------------------
بالليل
لانا نامت من كتر البكي و مايا غرقانة بالتفكير و هبة قاعدة مع مايا و ما عم تحكي شي و الجدة مو فهمانة شو صاير و فارس لسا ما رجع ع البيت
الجدة: هبة يلا قومو لتتعشو فيقو لانا كمان لتجي تتعشا هيي كمان
هبة: الحقيقة انا مالي نفس اكل شي
الجدة: طيب مايا قومي و فيقي لانا و تعو تعشو
مايا: يسلموو ستي بس انا كمان مو جاي ع بالي آكل و بالنسبة للانا خليها نايمة احسن بلا ما ننزعلا نومتا
الجدة: قلبي حاسسني انو عم تخبو شي عليي انتو التلاتة او الاربعة
اطلعت هبة بمايا
هبة: بتعرفي مايا انا بشوف انو من الاحسن انو نحنا نخبر ستي بلا ما نستنا فارس
مايا: بسس...
الجدة: شو مخبيين و شو بدكن تقولو
هبة: ليكي ستي في مشكلة صغيرة و رح نحلا ان شاء الله بس بدي منك تتمالكي اعصابك و ما تنفعلي لإنو ما في شي محرز
الجدة: لك احكووو!!
مايا: اه من الآخر و بلا ما نلف و ندور لانا الله يهديها اجوزت عرفيي بشب....
الجدة: شوووو!!لطفك يا رب لك انتي شو عم تحكي
هبة: روقي ستي ه الشب بحبا و كان جاي يخطبا يعني ما في مشكلة
الجدة: اخ يا ربي اعطوني كاسة مي
مايا: اتفضاي يا ستي و ازا بتريدي ما تخافي و متل ما قالت هبة ما في مشكلة انو الشب يزوجا قدام كل الناس بسس..
تنهدت الجدة
الجدة : اه بس شو احكي
مايا: بس هيي ما عاد بدا ياه
الجدة : لك انا لهلق ما عم اقدر سدء انو لانا هيك عملت اخ المهم ليش الخانوم مو قبلانة فيه فوق منا مو بنت
مايا: هيي عم تقول انو خانها
الجدة: لا الاه الا الله لك فيقوها فيقوها نحنا عم نحترق عليها و هيي غاطة بسابع نومة
هبة : لانا قومي قومي
لانا : اه شو في كمان
الجدة : ليش عملتي هيك يا بنتي لييييش فهميني نحنا قصرنا معك بشي
لانا:.......
الجدة : جاوبيييي
.و هون فات فارس
فارس: شو بدا تجاوبك شو بدا تقلك ليكي و لا لانا لك بتعرفي او في عايلات بتقتل البنت اللي بتعمل عملتك هي لك انتي مقدرة خطورة الموضوع
لانا: انا ما سويييت شي حرام بس بلأخير هوي اللي طلع ابن حرام
فارس: انا هلق ما بهمني ازا ابن حرام ابن حلال انا اللي بعرفو انو رح تجوزيه قدام الناس غصبا عنك و عنو و هلق بتعطيني رقمو لاتفاهم معو و يسترجي يرفض يجوزك
لانا : لك فهام بقا ما رح اجوزو يعني ما رح اجوز و لو بدي قضي كل عمري بلا زواج فهمت
فارس: الظاهر انتي اللي ما فهمتي قلتلك رح تزوجيه
لانا: لاء لاء
الجدة: لك اسكتو اخخ
مايا: شوي شوي ستي مشان صحتك
فارس: عأساس انتي كتير بتهتمي بصحتا لستي
هبة : خلص دخيل اللي خلقكون انا بقول انو خليني انام و الصباح رباح هلق ما رح نكسب شي من ه المناقرات
فارس: اي
و راح كل واحد لي نام
مايا: لا تدايق حبيبي مشكلة و بتنحل ان شاء الله خصوصي انو وليد بدو يجوزا للانا و ازا ما عجبتا العيشة معو تجوزو شي شهرين و بتطلق و هيك بتكفي حيا....
قاطعا فارس: لك اسكتي شوي بدي نام اسكتي
مايا: شبك فارس ليش عم تحكي معي هيك
فارس:ففف انتي ما عاد فهمتي لك بدي نام
مايا: ليش من وين اجاك ه النوم اامفاجئ لك مو من قبل كنت بضل بسهرات لوش الصبح
فارس: اها لكان بدك ارجع لسهراتي اي شو عليه اليوم كتير تعبان بس من بكرا رح ارجع لإيام العزةبية او بلأحرا ايام الزواج على الورق مايا
مايا: ليش عم تعاملني هيك شو عملت انا
فارس: للمرة الستين اتركيني نام و لا عاد تحكي
-نامت مايا و دموعا ع مخدتا
و فارس كان مدايق من طريقة حكيو مع مايا بس اخد منا موقف لإنو تسترت ع لانا و كانت ه التصرفات من اكتر التصرفات اللي بيكرهون
الصبح
فارس: شوكان اسمو الزفت جوزا للانا
مايا: .......
فارس: تاركتيني احكي مع الحيطان ردي
مايا: ليش بدك اسمو
فارس: هي لانا وحدة كتير عنيدة و بعرف انو. كتير رح تعذبني لقدر آخد رقمو ف الاحسن باخدو انا لحالي من تلفونا احسن
مايا: اسمو وليد
فاتت هبة
هبة: ههه بس مستحيل تلقا ه الإسم عند لانا
فارس: ليشش!!
هبة: بتكون كاتببتو لإسم شي بنت
' بعد ايام قدر فارس يجيب رقم وليد بس لسا ما قررو يلتقو
و فارس صار انسان كتير بارد و جاف مع مايا و كإنو عم يعاقلا عن تسترا عن الشي اللي عملتو لانا .
ه اليوم كان فارس عم يشرب قهوتو مقابيل الشباك و عم يدخن اجت مايغ من وراه و حطت ايدا ع كتفو و قالتلو
مايا: خلص حبيبي ازا بتريد لهون و بس علاقتنا ادهورت كتير كرمال شي مو محرز
فارس: شو قلتي مو محرز اي اكيد مايا الموضوع رح يبين تافه قدامك لإنو لانا مو اختك انتي
مايا :فارس انت هيك عم تجرحني بحكيك انت بتعرف منيح انو لانا متل اختي و اعز و ازا تسترت عليها فهادا مو معناه انو انا ما بحبا بالعكس لإنو بحبا و بخاف عليها ما قلتلك طب و اتخيل حالك محلي و حدا عطاك سرو شو بتعمل اكيد ما ح تقوم تفضحو
فارس: انتي لهلق ما عم تفهمي انو بتسترك عليها كنتي عم تلعبي بشرفا و شرف العيلة
مايا: شووو انا عم بلعب بشرف العيلة لك فارس فيق ع حالك شوي لك انت سمعان شو عم تحكي
فارس: اي سمعان و هلق لو سمحتي روحي
مايا: بدك مني روح !
فارس: اي متل ما سمعتي
مايا(غرغرو الدموع بعيونا): اي بروح ليش لاء بس سدءني انا ازا رحت ما بقا ارجع
فارس: اعملي يلي بدك انا مو رايقلك هلق مشغول بمشكلةلانا بظن انو ه الشي اهم منك هلق مووو
مايا:......(وطلعت بسرعة من الأوضة وانفجرت بالبكي )
فارس (بقلبو): فففف انا ليش حكيتا هيك خلص المساء براضيها المهم هلق لروح شوف شو بدي اعمل بقصة لانا
راح فارس ع شغلو و اتصل بوليد
فارس : الو سماع ولااا يا وليد لازم نتلاقا بشي محل لأعرف لاقي حل
وليد: انا ما عندي مشكلة يا سيد فارس و ازا بدك انا هلق بجي و بنتفاهم انا وياك
فارس: لاء انا هلق مو فاضي عندي شغل بس خلص نحكي
وليد: لحظة انا بدي اطلب منك انو تسمحلي احكي مع لانا بجوز ترضا تسمعني هل مرة و بنصلح كلشي هلق
فارس: ليش شو بدك تبرر لك انت خنتا في شي اكتر من هيك بقيان
وليد: انا ما خنتا بس انتو ما سمعتو من اي حدا غير من لانا لهيك رح تسدقو اللي حكتو هيي بس
فارس: كيف يعني هييي عم تكذب
وليد : لاء هيي ما عم تكذب و بنفس الوقت انا ما خنتا و لا رح فكر بهيك شي
فارس: شلون هي لانا ما عم تكذب و بنفس الوقت انت ما خنتا لك فوتني بالحيط شبك
وليد: بس نلتقي رح فهمك كلشي
فارس: اي هوي هيك
وليد: اي و قبل ما تسكر لازم تعرف انو انا مالي متردد ابدا انو اجوز لانا قدام الناس و انا كمان بحبا و بخاف عليها متلك
فارس: ففف شو لسا كمان بدك تحكي
وليد: و لا شي المهم انا رايح اتفاهم مع لانا
و سكر الخط
فارس: لك العماااا
مايا عم تبكي لحالا و ما ينشفو دموعا و عم تفكر شو بدا تعمل بعدين
-----------
هبة: لانا هاد المقوص حامد اتصل فيني امبارح و قلي انو جايي ياخدني بعد اسبوع لك و الله ما بتحمل دخيلك اعطيني رقم ه الدكتورة اللي بتقربلو لوليد لحتى اقدر نفذ الخطبة اللي قالتلي عليها مايا مشان اطلق
لانا: ما عندي رقما هوي عند هداك اللي ما بيتسما
هبة: ببوس إيدك تنازلي بس ه المرة كرمال و اتصلي فيه ليعطيك رقم ه الدكتورة لك ببوس إيدك اعملي ه الشي كرمالي و ما رح انسالك ياه كل عمري
لانا: يا قلبي انتي خلص روقي رح دقلو بس ازا بتريدي احكي معو انتي انا
ما عاد بدي اسمع صوتو
هبة: لك ع اي اساس بدي احكي معو لك عم اترجاكي تنازلي بس هالمرة
-شفقت لانا كتير ع هبة و هيي عم تترجاها فغمرتا و قالتلا: خلص رح احكي معو بس مشانك مشانك و بس
لانا: ههه عم يتصل
هبة: مشاني ردي
لانا: اي ماشي
----------------
لانا: الو شو بدك
وليد: مرحبا حبيبتي كيفك اشتءتلك
لانا : اوعا تناديلي حبيبتي مرة تانية مفهوم لك انا ما بحبك لك انا بكرهك
وليد: قلتلك انو انا ما خنتك و انتي ما سدءتي بس شو عليه كلو رح يتغير وقت تنكشف الحقيقة
لانا: دخلك شو بدي اكتشف مثلا انو هي كانت كميرا خفية مثلا
وليد: اي هلق تمسخري قد ما بدك بس انا ما بدي منك شي غير انك تسدقي انو انا بحبك و مستحيل خونك ساعتا عملي شو ما بدك
لانا: اي و انا مستحيل سدقك و كذب عيني
وليد: بس عيونك ما شافو شي من غير اللعبة الوسخة يلي انلعبت
لانا: ففف خلص مليت من ه العلاك الفاضي هلق سماع ازا بقيان عندك و لو ذرة حب لإلي او يا سيدي مو حب احترام اخدمني هل الخدمة
وليد: شو بدكك؟!!
لانا: بتتذكر بنت عمتك دكتور ة الامراض النسائية اعطيني رقما ازا بتريد
وليد: شو بدك برقما لهيا لتكوني حامل لانا!!
لانا: اوههوو لك ليش تفكيرك بروح لبعيد هيك
وليد: لكان شو بدك فيها
لانا: ففف مو انا و هلق بتعطيني رقما و لا بروح دور عنا لحالي
وليد: لاء اكتبي عندك بس يا ويلك تكوني و عم تكذبي
لانا: انت ما دخلك و مالك عليي شي
وليد: انا جوزك
لانا: جوزي جوزي اي جوزي اللي غدرت فيني
وليد: ففف بعرف رح يجي يوم و تسدئيني المهم سجلي عندك .......(وعطاها الرقم)
لانا(سكرت الخط بسرعة قبل ما يحكي اي شي تاني )
لانا : اتفضلي هبة هاد هوي الرقم
هبة : يسلمو تءبريني الله يخليلي ياكي
لانا: الله يسلمك
و راحت هبة عند مايا لتخبرا و هيي فرحانة و متأملة انو رح تقدر تخلص من العيشة اللي عايشتا مع جوزا
-كانت مايا قاعدة بالصالون و هيي دبلانة كتير و الجدة كانت قاعدة جنبا و نايمة
هبة(بحماس): مايا لو تعرفي شو صار!
رفعت مايا راسا شوي و قالت بصوت مخنوق
مايا: ششوو صار
هبة: مايا حبيبتي فيكي شي باينتك مو عبعضك
مايا: لاء عادي المهم شو صار
هبة: لانا هلق حكت مع وليد و اخدت منو رقم الدكتورة اللي بتقربو
مايا: اا اي اتذكرت لكان هانت ما بقا غير انو الدكتورة توافق
هبة: ان شاء الله
------------------------------
بالليل كان فارس راجع للبيت و فجأة اتصل فيه واحد
الشخص: الو استاذ فارس مو
فارس: اي اخي انا فارس مين انت
الشخص: انا واحد ما بتعرفو و لا انا بعرفك بس في شخص بالديسكو باينتو مريض و ما عم يقدر يتحرك و عم يقلنا نتصل فيك لتجي لعندو
فارس: شووو مين ه الشخص
الشخص: ما قال مين هوي بس المهم طلب منك تجي بسرعة عندو بالديسكو اللي كنت متعود تسهر فيه من قبل
فارس: ففف طيب جاي جاي
وسكر الخط
التفت الشخص اللي كان عم يحكي مع فارس و قال
الشخص: خلص ست روز بظن انو قمت بمهمتي
روز: اي بس لا تطلع من الديسكو قبل ما كمل خطتي عل الآخر و بعدين لسا ما عطيتو المنوم
الشخص: طيب بتمنى انو ما يطول
روز: ششش بطول و لا ما بطول لازم تستنا من تم ساكت لا تنسى انو انا عم بدفعلكن انت و نوال حق مهماتكن يعني انتو ما عم تشتغلو ببلاش فلهيك بتسكت عل الآخر فهمت يا ربيع
الشخص (اسمو ربيع)ربيع: اي اي ما قلت شي
روز : طيب
فارس نازل من السيارة بسرعة و رايح بالتجاه الديسكو و كتير محتار مين يلي بدو ياه بالديسكو
*دخل ل الديسكو*
كانت روز متخبية بمطرح من الديسكو ما بيقدر فارس يشوفا فيه بس هيي بتقدر تشوفو
روز: ليك ربيع روح هلق لعندو و ساوي اللي اتفقنا عليه
ربيع: اي اي
---------
ربيع : استاذ فارس اتفضل معي
فارس: لك احكو شو صار و مين يلي عم بدور عليي
ربيع: طيب فوت هلق بتشوفو بس شراب كاسة من باينتك مخنوق من ه القصة
- مسك فارس كاسة المي و شربا كلا و قال
لربيع
فارس: اي و الله حيرتوني مين عم يدور عليي
ربيع: اي فوت هون
تحرك فارس بالتجاه ربيع و ما كمل خطوتين ووقع و فقد وعيو
و هنيك طلعت روز
و طلبت من روز ياخد فارس ع غرفة صغيرة و شلحتو قميصو و أخدت تلفونو و راحت دور ع رقم مايا بتلفون فارس بعد شوي لقتو
و طلبت روز من ربيع يصورا و هيي قاعدة بالتخت جنب فارس
و بس خلص تصوير بعتت روز الصور لمايا من تلفونا و كتبتلا شو كنتي متصورة يا حبيبتي انو فارس رح يتغير و يتركني كرمالك ههه لا ما حزرتي و هلق ازا عندك شوية كرامة لازم ما ترجعي تحكيه او تشوفيه بعد ما تشوفي ه الصور
--------------------
ب ه الوقت كانت مايا عم تشرب كاسة مي و راجعة لتنام فسمعت صوت المسج و راحت شافتو و قرتو و هيي ما عم تقدر تسدء ودموعا عم يشرو ع شاشة تلفونا حطت ايدا ع تما و مسكت كرسي و بالزور لقدرت تقعد كانت مصدومة و عم ترجف
بعدين قامت بصعوبة و هيي عم تحكي بقلبا
مايا: معقول يا فارس معقول بعد ما وعدتني انو نصير زوجين حقيقيين و بعد ما عيشتني احلا ايام حياتي هيك بتغدر فيني اااخ يا وجع قلبي و راحت بسرعة ع اوضتا و ضبت كل تيابا حست بلانا طالعة فخبت شنتايتا
لانا: شبك مايا مبينة مدايقة هلق شوي و يىجع فارس
مايا: فارس اخوكي كان الو مكان كتير حلو بقلبي و هوي بغدرو حطم كلشي
لانا: شو صار شو ساوا
مايا: و لا شي مع الوقت بتعرفي المهم هلق مالي مراق احكي
لانا: طيب تصبحي على خير
مايا: و انتي من أهلو
رجعت لانا ع اوضتا و مايا بسرعة اخدت ورقة وكتبت عليها " انا اذا رحت ف ما رح ارجع"
و أخدت شنتايتا و طلعت بكل هدوء لبرا برات البيت و محدا انتبه عليها
و صارت تفكر وين بدا تروح و دموعا ع خدا و عم تحاكي حالا
و قررت تروح عند بنت عما نجوى و اللي هيي بنت وهيبة كمان و اخدت تاكسي و راحت و بس وصلت فتحلا احمد جوز نجوى
و استقبلتا نجوى استقبال منيح و كانت كتي مشتاقتلا
احمد: طيب هلق يا جماعة انا رايح ع غرفتي لحتى تحكو ع راحتكن
مايا😊
نجوى: احكيلي هلق شبكي
يا قلبي
مايا: ... ... .......... (حكتلا كلشي )
نجوى: اييي قديش صعب الشي اللي مريتي فيه و هلق شو بدك تعملي
مايا: اكيد رح اتركو و من بكرا رح سافر
نجوى: جنيتي وين بدك تسافري وحدك
مايا: انا ما بدي تقل ع حدا لهيك من الاحسن اني سافر بمكان بلاقي فيه شغل و اهم شي فارس ما بيعرفو
نجوى: لك ليش لتسافري لك اعتبىي بيتي هوي بيتك لك نحنا متل الا خوة ما نحنا ربيانين مع بعض
مايا: انتي اكتر من اختي بس فارس رح يعرف محلي بسرعة
نجوى: بس..
مايا: لو سمحتي نجوى انا مو طفلة صغيرة و بعرف شو بعمل
نجوى: طيب بس و الله انا من خوفي عليكي
مايا: لا تخافي رح كون منيحة
نجوى: طب وين رح تسافري
مايا: ع بيروت
نجوى: طب رح خلي احمد يساعدك بالسفر
مايا: تسلمو يخليلي ياكن
نجوى: هاد واجبي يا روحي
---------------------- الصبح-------
فاق فارس لقا حالو بسيارتو و ما كان قدران يتذكر اللي صار منيح
ر
و رجع لبيتو
------------------
احمد: اي مايا انتي كيف رح تعيشي ببيروت لحالك
مايا: في معي شوية مصاري مصمدتون بدبر فيهون حالي لبين ما لاقي شغل
أحمد: طب ليكي هوي في عندي اقتراح بس خايف ما يعجبك
مايا: لا اخي عادي احكي
احمد: هوي في رجل اعمال غني كتير ببيروت محتاج خدامات ببيتو يعني بتمشي حالك بهيك شغل لبين ما تلاقي شغل تاني
نجوى: لك احمد شو عم تقول شلون مايا تروح تشتغل ببيوت خادمة ببيوت العالم
أحمد: انا آسف يا مايا ازا زعجتك
مايا: لا احمد ما زعجتني بنوب بالعكس يعني فيك دبرلي ه الغل بأسرع وقت
نجوى: مايا شبكي ليش لتعملي هيك لك و الله مالك محتاجة هيك شغل و ما تنسي نحنا معك مالك لحالك
مايا: اي حبيبتي انتو ع عين و راسي بس ما تخافي ما رح ادايق من هيك شغل يعني شو بدو يكون رح امسح الغبرة و اشطف و هيك يعني مالي حاسة انو ه الشي صعب
نجوى: فففف و الله ما بعرف شو بدي قلك المهم اعملي يلي بدك بس ما تنسي انو ع طول في عندك سند و انا و احمد عطول جنبك
مايا: تسلمو
احمد: لكان رح حاول دبرلك ه الشغل بأسرع وقت
مايا: شكرا
احمد : العفو و لو
و به الوقت كانت الدني قايمة قاعدة ببيت فارس و محدا فهمان وين راحت مايا و ليش
فارس: لككك وييين راحت وين راحت طب و ليش راحت معقول تكون ملت من معاملتي الا قام قررت تروح و تتركني معقووول
هبة: لالا لا ما بظن هيك مايا أعقل من انا تتركك كرمال هيك سبب
لانا: ليك فارس لقيت هي الورقة بغرفتك انت و مايا
الجدة: شو مكتوب فيها
مسك فارس الورقة و قراها
فارس(عم يقرا محتوى الرسالة اللي تركتا مايا):
حبيتك و ما حبيت حدا غيرك بحياتي سلمتك قلبي و انت بخيانتك هي كسرتو و نهيت علاقتنا بإيدك بتمنا ما تحاول دور عليي لإنك ما رح تلاقيني و لو شو ما عملت ما رح ارجعلك .
الجدة: لك شو عملت ليييش خنتا
لانا: فارس انت ما وعدتا انك تتغير شوو نسيت
فارس: لك يا جماعة و الله انا نفسي مالي فهمان شي و ابدا ما فكرت خونا
الجدة: لكان شو هاد
هبة: طب وين كنت مبارح
فارس: اي اي اكيد في شي غلط بالموضوع اي
و بعد حوالي خمس دقايق اجاه تلفون لفارس
فارس: الوو مين
روز: ههه اهلين ياروحي شو نسيت صوتي
فارس: اسمعي و لي يا روز انا مو فاضيلك يلي فيني مكفيني
روز: اي بعرف مشاكل مع مرتك حبيبة قلبك اي بعرف
فارس: انت شلون عرفتييي احكييي
روز: لحظة شوي سكر هلق وروح اتفرج ع صورنا الحلوة انا وياك
فارس (سكر فارس الخط و راح شاف الصور اللي بعتتلون ياه روز و كانو نفسون الصور اللي بعتتون لمايا
فارس: ستييي لك هي الواطية ورا كلشي
و دغري فهم فارس اللي صار و حكا كلشي لستو و لانا و هبة و هني سدءوه لإنون بيعرفو روز و طباعا الوسخة
فارس: هلق انا لازم روح جيب مايا بسرعة و فهما كلشي قبل ما يفوت الاوان
لانا: وين ممكن تكون مثلا
فارس: اكيد عند مرت عما مالا غيرا
هبة: طب يلا خلينا نتحرك يلا
الجدة : يلا ابني استعجل.
و به الوقت كانت مايا مستعدة لتسافر و كانت عم تودع نجوى و احمد اللي قدر يأمنلا هداك الشغل و اتفقو بس توصل لبيروت تروح لبيت هاد رجل الاعمال اللي رح تشتغل عندو و رح تسكن ببيتو لإنو كبير و مليان خدم و كامت مايا رضيانة بكلشي المهم تحاول تنسا فارس
مايا: يلا بشوفكن باي
نجوى: باي يا روحي
مايا: صحي شو بدي قلكون اوعا تجيبو سيرة لفارس عن محلي لو شو ما صار
نجوى: اطمني ما رح انطق بحرف ديري بالك ع حالك
و مشت السيارة اللي رح توصل مايا لبيروت
ببيت عاصم اخو وهيبة-
فارس: يعني بفهم من كلامك انو مايا مو عندك
وهيبة: لك و الله ما اجت لهون حتى و ما شفتا بنوب يعني وين بدا تكون راحت
فارس: ففف و الله ما بعرف فكرتا بتكون عندك مالا غيرك
وهيبة: طب انت و ما قلتولي و هيي ليش تركت البيت
الجدة: سدءيني يا ست وهيبة و الله سوء تفاهم
وهيبة: ممم قلتيلي سوء تفاهم اي هه بحاول سدقك
لانا: و الله يا ست وهيبة نحنا مو طالبين منك تسدءينا اي
وهيبة: ولي شلون بتحكي معي هيك
هبة: لك خلص يا جماعة هاد مو وقت الخناق لازم نلاقي مايا لو سمحتي يا خالة وهيبة فكري وين ممكن تكون مايا انت مرت عما و مربيتيا من صغرا يعني حاولي تفكري شوي معنا مايا لوين فيها تروح
وهيبة: اي بجوز تكون راحت عند نجوى
لانا: و مين نجوى ؟؟
وهيبة: نجوى بتكون بنتي الوحيدة و هيي و مايا ربيانين سوا
فارس: لكان اعطينا عنوانا لهي نجوى
وهيبة: طب رح اكتبلك ياه
و كتبت وهيبة عنوان بيت نجوى و عطتو لفارس و راح فارس دغري لبيت نجوى
فارس: شو يا ست نجوى معقول ما بتعرفي و ين ممكن تكون
نجوى (كذبت عفارس و قالتلو انو ما بتعرف وينا مايا لإنو مايا طلبت منا تعمل هيك) : لا والله ما بعرف وينا يعني وين ممكن تكون
فارس: ففف انا رايح دور عليها بغير محلات
نجوى: طب حاولو تتصلو فيها
فارس: خطا مسكر
نجوى: ممم
فارس: طيب عن اذنكن يا جماعة
احمد: اذنك معك
-----------------
راح فارس و ضلت نجوى و احمد لحالون
احمد: ليش ما قلتيلو الحقيقة ما شفتيه كيف كان ضايج و خايف عليها
نجوى: بيستاهل لازم يدفع ثمن خيانتو
احمد: يعني ع القليلة قولي لمايا انو اجا يدور عليها و شوفي شو بدا تقول
نجوى: اي رح قلا
---------------------
به الوقت وصلت مايا ع ببيروت و كانت قدام فيلا رجل الأعمال
فاتت ع الفيلا و هيي عم تتفرج عليها كانت أشبه بالقصر كانت مايا عم تمشي وتتأمل حيطانا و الديكور اللي فيها و بدون ما تنتبه خبطت بوحدة
مايا: اااآسفة كتير يا خالة ما انتبهت
المرا: لا عادي يا بنتي ما في مشكلة بس المرة الجاية انتبهي
ه المرا كانت مرا بأواخر المسينات طيبة و بتشتغل خدامة كمان بالفيلا
المرا: بس عفوا يا بنتي مين انتي
مايا: انا اجيت لاشتغل هون
المرا: اي انتي الخادمة الجديدة
مايا: اي
المرا: انا زهرة و بشتغل كمان خدامة هون
مايا: تشرفت يا خالة
زهرة: تفضلي معي يا بنتي لورجيكي اوضتك بس الظاهر يا بنتي ما في اوض فارغة لإنو في عنا كتير خدم الظاهر رح تصيري تنامي بأوضتي
مايا: ا اي عادي
زهرة: تفضلي معي لكان
اخدت زهرة مايا و ارجتا اوضتا و عرفتا ع الخدم و تركتا ترتاح لتبلش شغل بكرا
-----------------------
ب ه الوقت كان وليد مع رفيق الو اسمو وائل و كان عم يحكيلو عن اللعبة الوسخة اللي لعبتا نوال لتفرقو عن لانا.
وليد: و هي هيي كل القصة ووهلق شو ما قلت للانا ما رح تسدقني
وائل: ما بستغرب إنّا ما تسدقك يعني بلأخير هيي شافت ه الشي بعينا و اكيد رح تفهمك غلط
وليد: اي و الحل هلق شو بدي اعمل
وائل: لازم تخلي ه البنت اللي لعبت ه اللعبة الوسخة تعترف بعملتا
وليد: لك وين بدي لاقيها و كمان شي لك انت من كل عقلك متصور انو متل هيك واطية رح ترضى تعترف
وائل: بتضلا انسان و عندا نقاط ضعف
وليد: شو يعني قصدك هددا
وائل: لاء مو هيك كان قصدي بس اازا لزم الامر ليش لاء
وليد: اي من شوف
بعد مرور ايام كان فارس لساتو عم يدور ع مايا و كان كتير حزين ع غيابا هبة و لانا راحو لعند الدكتورة هيا و شرحولا وضع هبة و هيي لإنا مرا حست فيها و رضت تساعدا و قالت لحامد زوج هبة انو هبة ما بتجيب ولاد و مستحيل تجيب ولاد و هوي صار يفكر بينو و بين حالو انو يطلقا
مايا: تعودت ع الشغل ولإنو كان شعل سهل و مو متعب كتير و مو مطلوب منا غير مسح الغبرة و كانت مبسوطة. مع الست زهرة يلي كانت كتير حنونة معها و بتعاملا متل بنتا .
--------------------بمطبخ الفيلا قاعدة مايا مع الست زهرة
مايا: بتعرفي خالة زهرة و الله ما تخيلت بنوب انو الاستاذ وسيم رجل الأعمال الكبير و صاحب ه الفيلا اللي متل القصر يكون شب
زهرة: ههه ليش يا بنتي شلون كنتي متخيلتيه لكان
مايا: تخيلتو رجال بالستينات مثلا و يكون حدا جاف و قاسي كتير ههه
زهرة: ههه و طلع عكس تخيلك تماما مو
مايا: اي طلع شب و كمان بحسو شخص حباب و بيعامل الكل بالحترام
زهرة: اي هوي حدا متواضع و الله عطول بيناديلي خالتي و بقلي بحبك متل امي الله يرحما
مايا: اي الله يرحما بس دخلك يا خالة ليش الاستاذ وسيم بعامل الكل بلطف الا ..
زهرة: قصدك ولاء مو
مايا: اي بحسو جاف كتير معا يعني بالأول كنت بعتقد انو بعاملا هيك لإنو هي طريقة معاملتو مع كل الخدم بس بعدين شفت انو بعامل كلالخدم بلطف من غيرا هيي
زهرة: اي معو حق لإنو هوي فاهم نية كل حدا فيهم
مايا: الحقيقة ما فهمتك
زهرة : لإنو هي ولاء ....
ملاحظة:
وسيم هوي رجل الاعمال اللي بتشتغل مايا بالفيلا تبعو و هوي شخص طيب و متواضع وشب حليوة عمرو ٢٩
يتبع .
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
جميع الروايات كامله من هنا 👇 ❤️ 👇
اعلموا متابعه لصفحتي عليها الروايات الجديده كامله بدون روابط ولينكات من هنا 👇 ❤️ 👇
❤️🌺💙🌹❤️🌺💙🌹❤️🌺💙🌹❤️🌺💙🌹❤️🌺💙🌹❤️🌺
تعليقات
إرسال تعليق