رواية زواج على الورق الفصل الثاني عشر والاخير بقلمMarità حصريه وجديده على مدونة النجم المتوهج
رواية زواج على الورق الفصل الثاني عشر والاخير بقلمMarità حصريه وجديده على مدونة النجم المتوهج
زهرة: لإنو هي ولاء عم تتمسكن لحتى تتمكن
مايا: اي شلون يعني يعني هيي شو عم تعمل
زهرة: عم تحاول تتقرب من الاستاذ وسيم ما لاحظتي ه الشي
مايا: يعني بدا تتجوزو
زهرة: اي اكيد. بتذكر اول مرة بلشت ولاء تتقرب فيها من الاستاذوسيم
مايا: من ايمتا يعني
زهرة : من وقت ما وسيم طلق مرتو
مايا: شوووو ليش الاستاذ وسيم كان مجوز
زهرة: اي كان متجوز و كان كتير بحبا لمرتو بس هيي طلعت وحدة خاينة
مايا: خانتوو معقووول
زهرة: اي مع انو ما كان في اي سبب بخليها تعمل هيك كان كتير بحبا و يعاملا بكل لطف و حنية ما كان يرفضلا طلب بس الشيطان لعب براسا
مايا: مسكين الاستاذ وسيم و الله ما بيستاهل الا كل خير
زهرة : اي و الله و من وقتا و ولاء عم تحاول تتقرب منو مشان تجوزو و تاخد مصاريه و هوي الحمدلله فاهم كل تفكيرا
مايا: اي خالة زهرة شو بدي اسألك خالة انتي مو لبنانية صح لإنو لهجتك مو لبنانية بنوب
زهرة: اي يا بنتي انا سورية و اجيت من اكتر من ١٥ سنة و اشتغلت هون
مايا: ممم اي هلق فهمت
زهرة: اجا الاستاذ وسيم
مايا: ا اي
وسيم: مساء الخير
مايا: مساء النور استاذ
وسيم: كيفك خالة زهرة كيفك مايا
زهرة: الحمدلله يا ابني
مايا: تمام و انت كيفك استاذ
وسيم: منيح الحمدلله اي طابخين حلو اليوم ؟
زهرة: اي ابني في كيكة طبختا مايا لذيذة كتيير و الله ما في حدا بيعرف يطبخ حلو احسن من مايا
وسيم: جد اي حطولي شوي و ابعتولي ياها بالجنينة و ما تنسي خالتي ابعتيها مع اي خادمة الا ولاء ما بطيقا
زهرة: ههه اي تكرم
مايا: مدامك ما بطيقا ليش ما طردتا
وسيم: لإنو عيلتا فقيرة و
ظروفهن صعبة
مايا: اي هلق فهمت
وسيم: طب انا ظاهر هلق من البيت ساعة و برجع بَدِك جبلك شي خالتي
زهرة: لا سلامتك
و راح وسيم
مايا: خالة زهرة الاستاذ وسيم لبناني ما
زهرة: هلق بالأصل ابوه سوري و امو لبنانية و هوي تربا هون ببيروت
مايا: اي خالة حاسة حالي نعسانة خلينا نقسملو الكاتو و نخلي عبير( عبير وحدة من الخدم) تاخدلو ياه و نحنا نروح نام
زهرة: اي لكان لحظة يا بنتي بس لإنده لعبير
زهرة: عبيير و لك يا عبيير عبير
عبير: اي خالة
زهرة: ليكي ه الكاتو تبعتيه للإستاذ وسيم بس يرجع ما تنسي
اي
عبير: ههه ا اي اي هه
زهرة: شبك ليش عم تضحكي قلت شي بضحك شيي
عبير: ههه لاء بس ضحكتني ولاء
مايا: ليش شبا
عبير: لك مع كل البهدلة اللي عم تاكلا من الاستاذ وسيم بعدا متمسكة فيه لك بَدا تجرس حالا ههه
زهرة: ههه
مايا: ههه خلص الله يهديها
عبير: طب تصبحو ع خير.
مايا: و انتي من أهلو
------------------------------
ببيت فارس
كان فارس قاعد باوضتو و صا فن بصورة الو بالموبايل كان فيها هوي و مايا كان مبين عليهون مبسوطين كتير صار يفكر انو معقول ما عاد يشوفا معقول حبيبتو و مرتو راحت معقول يكون صايرلا شي كل ه التفكار كانت عم تقتلو و فجأة اندق بتب البيت و راح فارس ليفتحو قام طلع حامد.بوشو
فارس: خييير
حامد: بدي هبة
فارس: شو جاي لترجعا ع حياة الزفت اللي عايشتا معك
حامد: ههه لك انا معيشا بجنة معيشتا ما بتتقارن بمعيشتكن
فارس: ليش مفكر انو مصاريك و ثروتك مفرحتا لهبة و كمان نحنا عايشين عيشة حلوة و مو ناقصنا مصاري
حامد: المهم اندهلا
فارس: هبة هبة
هبة: نعمم .. شوو حامد
حامد: اي حامد ليكي هبة انا اجيت هلق لإنهي كلشي انا من الاول بعرف انك بدك تطلقي و ما بدك ياني كنت ع طول بقول هلق بصير عنا ولاد و بتتغيري بس من بعد ما طلعتي ما بتجيبي ولاد ما بقا في سبب لخليكي عندي هبة انتي طااالق طالق طالق
هبة ما قدرت تسدء ه الكلمات من فرحتا خلص وجع ه السنين كلو راح و رح ترجع لحياتا الطبيعية
هبة: اي
حامد: شو شكلك انبسطتي
هبة: .....
فارس: و هلق من بعد ما خلصت و حكيت اللي بدك ياه فيك تروح
حامد: اي رايح بس لت تنسي يا هبة شي و حطي ه الكلمة ببالك انتي بحياتك ما رح ترجعي تعيشي حياة عز و مال متل اللي كنتي عايشتا معي هه هاد ازا قبل شي رجال يجوزك من بعدي ههه
فارس: روح يلا
طلع حامد من البيت و هبة بلشو ينزلولا دموع فرح و راحت تحكي كلشي لستا و لانا
لانا: اي قلتك رح تنجح الخطة لك و اخيرا ارتحتي اخيرا
الجدة: الحمدلله يا بنتي ارتحتي من بعد كل ه العذاب و من اليوم و رايح
رحتبلشي حياه جديدة
هبة و دموع الفرحة بعينها : اي ان شاء الله
فارس: بس هبة بدي اسالك عنجد انتي طلعتي ما بتجيبي ولاد
اطلعت هبة بلانا و ابتسمو ابتسامة حزينة
هبة: لاء هي كانت خطة مايا
لانا: اي مايا قالتلنا انو نتفق مع دكتورة و نخليها تقول انو هبة ما بتجيب ولاد لحتى يطلقا
ابتسم فارس
فارس: ااخ وين ممكن تكون هلق وين !!
الجدة: لا تييأس يا ابني الا ما تلاقيها
الكل: ان شاء الله
اليوم التالي:
كان وليد عم يمشي بالسيارة مع رفيقو وائل و فجأة وقف
وصف السيارة
وائل: ليش وقفت
وليد: اي هي هيي اي انا متأكد انو هي هيي
وائل: مين مين هي
وليد: اي هي هيي نفس البنت اللي لعبت اللعبة الوسخ لتفرقني عن لانا (كان قاصد نوال)
وائل: انو وحدة في كتير بنات ب ه الشارع
وليد: ليكا هي اللي قاعدة بالكرسي و فاردة شعرا البني
وائل: قصدك هديك (و أشر باصبعو)
وليد: اي هي هيي
وائل: اي و هلق شو بدك تعمل
وليد: ما بعرف بس لازم خليها تعترف
وائل: خلي ه الشغلة عليي
وليد: لاء خايف تروح تتهور و تخربط كلشي
وائل: ليك انا ما بدي لا خطة و لا شي انا رح احكي معا و خليها تعترف
وليد: ههه شو الشغلة شوربة
وائل: انا بعرف منيح شو بدي ساوي وثاق فيني ه المرة
وليد: اه اعمول اللي بدك اساسا ما بقا في شي اخسرو
وائل: طيب انا رح صير الحقا لأعرف وين ساكنة و شو قصتا
وليد: اي اتفقنا
كانت نوال قاعدة ع كرسي و عم تتفرج ع العالم و لمحت زوجين عم يمشو و ماسكين بإيد بعضون و كانو فرحانين و عم يضحكو و كان مبين انو كتير بحبو بعضون بس شافتون نوال دمعت عيونا و صارت تحكي بقلبا
نوال: ااااخ لو ما تركتني يا محمد اااخ كنا هلق عايشين حياة حلوة متل هدول ليييش تركتني انا شو دخلني ازا خالتي كانت بنت ليل شو دخلني لو ما تركتني ما كنت صرت متلا بس لاء لاء انا ليش عم حط الحق عليك يعني ازا علاقتنا انتهت ليش لحتى قوم خرب علاقة ناس بريئين ليييش معقول المصاري اللي كانت واعدتني فيهون روز عمو ع قلبي لك ل ه الدرجة انا رخيصة اااخ شو بتمنى بطل ه الشغل الزفت و عيش حياة نضيفة افف ياريت !!
--------------------------------------------
ببيروت بفيلا وسيم*
وسيم: اي مايا
مايا:اي استاذ وسيم
وسيم: ليكي مايا بدي منك تبطلي شغل مسح غبرة و هيكي
مايا: ليييش!!
وسيم: بَدي تصير شغلتك طبخ حلويات لإنك شاطرة كتيير به الشغلة
مايا: عنجد شكراا ما بعرف شو بدي قلك عنجد قدمتلي خدمة العمر
وسيم: ولوو بَدْنا شغلة تحرز نادين اا قصدي مايا
-بينت ع وسيم علامات حزن و طلع بسرعة من المطبخ .
مايا: خالة زهرة مين نادين ليش زلق وقال اسما
زهرة (دمعو عيونا):
نادين كانت زهرة ه البيت كانت بنت متل القمر بتجنن نادين هيي اخت وسيم الصغيرة كانت اقرب حدا لوسيم رغم انو كان في عندو اخت تانية اسما ضحى بس نادين كانت اقرب لقلبو لسا بتذكر هداك اليوم المشأوم اللي عمل فيه اخواتو التنين و ابوه حادث بالسيارة و قتا توفو كلياتن و راح صوت نادين الحنون من ه البيت كانت بعمرك وقت ماماتت و بريئة متلك تماما لهيك سيم قلك نادين انتي بتزكريه فيها و انا متأكدة انو هوي ما بشوفك الا اختو الصغيرة
مايا: عنجد شي بوجع اخواتو و ابوه بيوم واحد فف الله يرحمون
زهرة: امين
بعد مرور ايام راحت زهرة لعند وسيم ع غرفتو
زهرة: تفضل ابني و هي فنجان القهوة اللي طلبتو
وسيم: يسلم دياتك خالة
زهرة: اي ابني عم دور ع الشي اللي طلبتو منك
وسيم: اي خالة و الله عم دور و ان شاء الله بنوصلن بعدين به الاسبوع في عنا ضيوف جايين من الشام رح حاول خليهون يساعدونا كمان
زهرة: تسلم يا ابني يخليلي ياك بعرف عم عذبك بس ه الشغلة كتير غالية عليي
وسيم: عذابك راحة 😊
زهرة_😊😊
وسيم: خالة مايا مرتاحة بشغلا
زهرة: اي ابني مبسوطة كتير و عم تدعيلك
وسيم: بتعرفي بتذكرني باختي نادين الله يىرحما
زهرة: الله يرحما و الله و مايا كمان بتعتبرك متل اخوها
وطلعت زهرة
بعد كم يوم كان فارس بشغلو و عم يحكي مع مديرو
فارس: بس يا استاذ ما لقيتو غيري لتبعتوه ع بيروت ما بدي روح
مدير: اسف فارس ه الشي اجباري بعدين ما رح طول كتير شي تلت ايام مو اكتر
فارس: ا طيب امري ل الله
-------------------------------
وائل: اي وليد بتعرف شو اكتشفت وقت لحقت هديك البنت
وليد: شووو
وائل: اكتشفت انو هيي بتكون بنت ليل
وليد: معقووول بس شو مصلحتا انا تفىق بيني و بين لانا لا انا بعرف و لا لانا بتعرفا
وائل: ب ه الحالة اكيد هيي ما عندا اي مصلحة انا تعمل هيك بكون شي حدا مستأجرا لتعمل هيك و ه الحدا اكيد بيعرفكون
وليد: طب مين ممكن يكون ه الحدا
وائل: ما بعرف بس رح اكتشف ه الشي عن قريب
ببيت فارس
فارس: قال لازم روح ع بيروت الاسبوع الجاي في عندي شغل هنيك
لانا: ليك فارس ليش ما بنروح معك ع بيروت و بنقعد بشي اوتيل يعني بنغير جو شو رأيك
فارس: ليش شايفة انو هاد وقت تغيير جوك ست لانا
لانا: لك و االه يا فارس بعرف انو مايا ما عم تروح من بالك و لا لحظة بس والله كلنا انخنقنا من جو الحزن بالبيت بعدين الزعل ما بيناسب ستي خلينا نطالعا شوي من ه الجو
فارس: طيب بشوف اي صحي شو مشان. المصيبة تبعك شو بدك تعملي فيها
لانا: ليك فارس بوعدكن انو ازا قدر وليد يثبتلي براءتو و انو ما دخلو رح اجوزو و من تم ساكت و مع هيك ما بظن انو رح يقدر لك شفت كل شي بعيني
فارس: ما بتعرفي بجوز يكون سادء و يكون عنجد في حدا ورا ه اللعبة و لا نسيتي اللعبة الوسخة اللي عملتلي ياها روز لتفرقني عن مايا ااااخ و فعلا قدرت تعمل ه الشي
--------------------------------
بفيلا وسيم مايا ماسكة فنجانين تبع قهوة و رايحة لتعطيهن لزهرة و وسيم بمكتبو لوسيم بس فاتت ع المكتب حست بدوخة
وسيم : بكي شي مايا!!
مايا: اا لا ما...
ووقعت ع الأرض و فقدت وعيا
زهرة : يا لطيف مايا مايا يا بنتي شبكي
وسيم: ولااااء لاااء بسرعة جيبي مي
ولاء: لك شوو هيداا شووو صرلا
وسيم: روحييي بلا كتر حكي يلاااا
جابو مي لمايا و بلشو يحاولو يفيقوها بعد خمس دقايق بلشت تفتح عيونا
زهرة: يا روحي انتي الحمدلله فقتي كتير خفنا عليكي
وسيم: مايا بكي شي
مايا: لا استاذ و سيم لا تخافو نا فيي شي خلص دوخة صغيرة بس
وسيم: ما بدي اسمع ه الحكي لازم نشوف دكتور
مايا: لك يا استاذ وسيم ما في داعي ل لدكتور ولا شي انا منيحة سدقني بجوز ما نمت منيح يعني لهيك صرلي هيك
زهرة: مع هيك يا مايا بظن انو لا زم نطمن
مايا: بسس
وسيم: ما بدي نقاش بهيدا الموضوع اوكي
مايا: ااه طيب متل ما بدكن
-------------------------------------
الصبح كانت نوال طالعة من بيتا و ما بتعرف وين تروح و شو بدا تعمل بس كتير كانت متمنية توقف شغلا بس طلعت من باب البيت قرب وائل منا و مسكا من ايدا و جرا لعندو
نوال: يوو مين انت و لا تروك ايدي مين انت
وائل: من الآخر يا بنت هه او عفوا قصدي يا مرا
نوال: احترم حالك انت من وين بتعرفني ااا و لا قلك ازا انت واحد من الزباين فبحب خبرك انو بححح خلص ما في هيك شغل ايي
وائل: ههه لا و الله ما اجيت ابدا كرمال هيك ليش مبين عليي شي اني واحد صايع متل زباينك بسس هههه فضحتي حالك
نوال(بتوتر): .....شش شوو بدك و ميين انت مين
وائل: ازا كرمال شو بدي ف بدي تعترفي بعمايلك الوسخة
نوال(بخوف): انو عمايل انت شووو عم تحكي أساسا انا ما بعرفك بعد عن طريقي لشوفو (و اجت لتروح رجعا وائل بعصبية )
وائل: اسمعييي و ليي انا لحد هلق كنت كتير منيح معك فلا تخلي خلقي يطلع عليكي اي يا شطورة ههه
نوال : ففف شو بدك قلي
وائل: اعترفي بعملتك اللي عملتيها بحق صاحبي
نوال: بعد ما فهمتك
وائل: وليد و لانا سمعاااانة اتزكري يلا يلا
نوال: اي طيب و لنفرض متزكرة ليش لأحكيلك او لإعترفلك بصفتك شوو ليش ما اجا صاحبك وليد لعندي و قلي اعترفي انت شو دخلك
وائل: ههه رح قلك انا اجيت مكانو لإنو يعني انا انسان رايق و بطول بالي كتير ع الناس اللي متلك اما هوي فخفت يقوم يبتلي فيكي لك انت بتعرفي شو عملتييي. بتعرفي انك كنت السبب بتفريق زوجين بتعرفي انو بسببك البنت كانت رح تنفضح بتعرفيي انو لهلق ما عم تسامحو ع خيانة هوي ما عملا لك كرمال شو عملتي هيك كرمال ششو !!!
نوال: شوو زوجييين لا شو عم تحكي انت هني مو مجوزين هه وشوو تنفضح هه ما في شي
وائل: بلله اي بالنسبة الك اكيد ما في فضيحة بالنسبة لوحدة متلك شرفا بلأراضي اي
ه الكلمة خلت نوال تنهار بلحظة لإنو رجعت فيها لقبل 5 سنين و بسرعة بعدت نوال وائل عنا و فاتت ع بيتا و هيي عم تبكي و قبل ما تسكر الباب فات وائل
نوال:(تبكي): لك انت شو شو انت لك شو بدكن مني حلوو عني لك ليش ليش
وائل: انا ما بدي منك غير تعترفي بغلطك للانا لحتى ما تضل كرهانة وليد اللي بحبا كرمال شي ما عملو طب ورح خبرك شي كمان بجوز انت ما بتعرفو هني مزوجين بالسر
نوال: شوو بس انا ما كنت بعرف ه الشي روز ما خبرتني ه الشي قالت...
وائل: لحظة لحظة بفهم انو في وحدة اسما روز طلبت منك تعملي هيك
نوال: اااخ لك والله تعبت رح قلك كلشي بس حل عنيي
وائل: عم بسمع
نوال: ...(وحكتلو كلشي)
وائل: بس بقا في شغلة شو الدافع اللي خلاها تطلب منك هيك طلب في بينا وبين لانا عداوة شي
نوال: ابدا اساسا من بعد ما قلتلي انو لانا و وليد متجوزين فهمت انو عملت ه الخطة لتذل فارس اخوها للانا
وائل: ليش شو علاقتا فيه
نوال:(حكتلو كلشي كمان)
وائل:توقعت انك طولي كتير لتعترفي هه
نوال: انا ماكنت ناوية احكيلك شي بس انت قلت كلمة خلتني احكي كلشي
وائل: افف له الدرجة طب وشو هيي ه الكلمة
نوال: كلمة شرفك بالأراضي
وائل: انو انا اسف بس كمان...ما بعرف شو بدي قلك
نوال: لا تكمل انا بعرف انو معك حق به الكلمة بس الشي اللي خلاني اعترف هيي ذكراها بذاكرتي
وائل: طب معلشي ادخل بشي ههه ما بخني و اسألك شو ذكراها عندك لهل الكلمة ههه
نوال: ااااخ اي اتدخل اتدخل هه اااخ رح احكي
--------------------------------
بفيلا وسيم
اجت الدكتورة و فحصت مايا
وسيم: خير دكتورة بها شي
الدكتورة(مبتسمة): لا الحمدلله ما بها الا كل خير
زهرة: الحمدلله طب شو سبب الدوخة
الدكتورة: لحظة بس يا خالة ااييي مبروك يا جماعة المدام حامل
انصدم الكل و بقيو ساكتين و مايا كانت عم تطلع عليهون واحد واحد كانت نظرات زهرة عادية لإنو مايا حكتلا إنّا مجوزة و حكتلا عن كلشي مرت فيه من قبل بس وسيم كان كتير مستغرب و كان عم يطلع بمايا بقسوة لإنو لسا مو فاهم شي
بعد ما راحت الدكتورة قطع صوت وسيم الصمت اللي كان مخيم عليهون
وسيم: فيي افهم شو معناتو هيدا انت شو عاملى يا ست مايا
زهرة: ابني انت فهمان غلط
وسيم: طب وينو الصح
مايا: اااه يا ربي شو بدي اعمل يا خالة زهرة قليلي لك صار في شي يربطني فيه شو رح اعمل
وسيم: فهميني مايا شو قصتك
مايا😢: رح احكيلك بلشت قصتي من لما.........(و هيك حكتلو كلشي)
وسيم: اسف مايا فهتك غلط بلأول اسف
مايا: اي و انت بتعرف يا استاذ وسيم انو ما في شي اصعب من الخيانة بتكسر القلب💔 وبتمحي كلشي حلو
وسيم(بحزن):ولوو انا اللي بعرف 😔
----------------------------------------
رجعت لانا من جامعتا و فاتت ع الصالون لقت هبة قاعدة قبال التلفزيون و صفنانة
لانا: شوو هبوش ويينك
هبة: شوو اجيتي اهلين
لانا: اي بشو كنتي عم تفكري
هبة: اا كنت عم فكر بستي قبل شوي فتت ع اوضتا كانت عم تصلي و ما حست عليي سمعتا عم تدعي انو ترجع مايا و ترجع الفرحة لفارس و لكل البيت
لانا: اي والله لو تعرفي شو اشتقتلا لك مو بس فارس اللي مشتقلا
هبة: اي بعرف كلنا اشتقنالا و كلنا بدنا ترجع ليش في حدا ما بحبا لمايا لك هيي متل الملاك هه حتى يوسف الصغير ابن الجيران و اشتقلا كل ما يشوفني يقلي وينا الخالة مايا اااخ ان شاء الله تكون بخير
لانا: ان شاء الله
هبة: المهم شو مشانك انت و وليد يعني ما عم تفكري فيه شو رح تبقي طول عمرك هيك
لانا: ليش هوي عم بروح من بالي والله اشتقتلو كتير و جاي عبالي نرجع متل قبل بس فكرة انو خاني بتلخبطني عل الآخر و تخليني اكرهو بس ما فيي
هبة: قلتلك ما بتعرفي يمكن تكون لعبة وسخة متل ما ساوو بفارس
لانا: ما بعرف ما بعرف المهم بكرا بتبان الحقيقة ما في شي يضل مخبا
------------------------------
قاعد فارس بسيارتو و عم يفكر
فارس: لك انا شلون هيك عايش و عادي و انا لسا ما بعرف وين مطرح مايا خلص انا لازم لاقيها بأسرع وقت اي اي لازم شو اعمل دورت عليها بكل مطرح ففف بلغ الشرطة لا لالا هاد مو حل طب شو اعمل المهم انو لازم لاقيها خلص رح روح للبنان و بس ه الاسبوع و بس خلص ه الشغل ما رح يهدالي بال الا ما لاقيها يا ربي ارجع لاقيها
----------------------------
نوال : اي رح احكي
وائل: و انا عم بسمع
نوال: كنت بعمر الخمس سنين وقت توفت امي و بوقتا بابا قرر يجوز خالتي المطلقة قال بضلا احن عليي من غير لإنو انا بنت اختا بس يا ريتوو اجوز اي مرا اي مرا ب ه الدني و لا اجوز مين يدمرلي حياتي
وائل: لسش شو ساوتلك كانت عم بتعذبك شي
نوال: المهم وقت صار عمري ١٥سنة توفى ابي كمان و ما كان عندي لا اخ ولا اخت و صفيت لحالي معا وبلشت لا حس انا بتتغير انو كتير غريب مرا ما بترجع لبيتا غير بالصبح و كل مرة حجة شكل لوقت ما لحقتا و عرفت كلشي و هنيك هيي بلشت تبررلي و تحط الحق ع باب و انو ما تركلنا مصاري قبل ما يموت و انو هيي عم تعمل هيك كرمال تعيشني و شي من ه الحكي
وائل: بس بعمرو الحرام ما عيش الناس بطريقة منيحة
نوال:اي بعرف😔وقتا كنت صغيرة و ماكنت بقدر اترك البيت وعيش لحالي فصبرت و قلت بكرا بكبر و بشتغل شغل منيح يعيشني حياه شريفة
وائل: بسس
نوال: اي بعرف صار عكس ه الشي تماما رح قلك ليش بوقت صار عمري ١٧ سنة تعرفت ع شب اسمو محمد وحبني و حبيتو لاء كلمة الحب قليلة لك كنت بعشقو كنت شوف فيه الامل اني اخلص من الحياه البشعة مع خالتي بس ه الحلم ما طول واجا اليوم اللي قرر ينسحب فيه محمد وينهي علاقتنا و يتركني مكسورة القلب و الخاطر
وائل: ازا عنجد بحبك ليش تركك
نوال: كرمال سمعتي او عفوا سمعة خالتي السيئة اللي انعرفت بكل المنطقة
وائل: بقلك شغله لو كان بحبك عن حق و حقيق ما بيتركك لو شو ما صار خاصة بشنب مالك فيه
نوال(بحزن): من بعد اللي صار ما شفت انو ضل سبب لعيش كرمالو فقدت الأمل لكلشي و خالتي استغلت ضعفي و صارت تجرجرني شوي شوي لزبالة تبعا لحد ما اجا نهار انتقمت فيه من حالي و اسودت الدني بعيوني و استسلمت لخالتي و اشتغلت شغلة الوسخ و هيك وقعت ب ه المجال الوسخ اللي ما عم بعرف اطلع منو لهلق لك اي ما في شي بقدر اشتغلو غير ه الشغل لك ما كملت دراسة ولا اشتغلت و اجار البيت و مدري شو صرت اعمل اي شي يطلبوهلحتى ما انرمى بالشارع لك والله ندمااانة ندمااانة ع لي عملتو بحالي و عن المؤامرة الوسخة اللي عملتا لوليد بس والله ما عم بقدر اطلع من ه الشغل لك ما عم بعرف كيييف (و انفجرت بالبكي)
وصارت دموعا تنزل ع خدا متل الوديان و بتبلل رموشا و صار الكحل و المسكارا عم يسيلو ع وشا
وائل ما تحمل يشوفا هيك عم تبكي ضما و صار يقلا
وائل: خلص خلص روقي كلشي بيتصلح اهم شي انك ندمانة هي اول خطوة سدقيني
انا رح ساعدك لتطلعي من ه الوسخ كلو رح دبرلك شغل منيح مناسب الك بتعيشي منو بالحلال اي خلص
نوال: ششو هوي ه الشغل
وائل: انا عندي معارف كتير و لا ما لاقيلك شغل بناسبك و بريحك
نوال: ما بظن لإنو قلتلك ما عندي شهادات ااخ يا ريت كملت دراستي
وائل: مو شرط يكون في شهادات و كمان شي انت مبين عليكي صغيرة و لسا ما فاتك شي صحي اديش عمرك هه وكمان شو اسمك لك صرت بعرف قصة حياتك كلا و ما بعرف اسممك
نوال: هه صحي انا انا نوال عمري 22 هلق و انت شو اسمك حكيتلك كلشي عني ولهلق ما بعرف عنك شي ههه
وائل: ههه يا ستي انا وائل و عمري 25 سنة هلق
نوال: اتشرفت بمعرفتك عنجدد انا ما بعرف شلون اتشكرك بس انت اول حدا بحكيلو قصتي و برتاح ه القد
و راحت نوال تغسل وشا من بعد كل ه البكي وبس غسلت وشا و انمحى المكياج بانت ملامحا البريئة و الطفولية اللي كان مغطيهن المكياج و معطيها طابع جريئ
اطلع فيها وائل و قلا ليش لحتى وحدة حلوة متلك ضيع مستقبلا اوعا ترجعي لهداك الشغل
نوال: اي اساسا انا قررت انو وقف كل ه القرف حتى لو ما لقيت شو بدي اكل اساسا الصبح كنت رايحا قول لروز انو بدي بطل
وائل: طب وينا خالتك هلق
نوال: انسجنت قبل شي سنة بعد مداهمة الشرطة لدار الدعارة اللي كانت فيه نوال اسمااع وائل انا بدي اعترف لوليد و لانا و فارس بكل الشي بدي ريح ضميري خلص اذا علاقتي انا ومحمد فشلت ليش لحتى خرب علاقات ناس تانية بتحب بعضا
وائل: اي هيك هاا
نوال:😊
-----------------------------------------
مايا: خالة زهرة انا لازم نزل الولد اي هاد هوي الحل الوحيد لكمل حياتي عادي اي هاد هوي الحل
زهرة: شوو لك حرام عليكي يا بنتي هي روح طاهرة مالا علاقة بالشي اللي عملو جوزك لك و الله حرام
وسيم: صح مايا ليكي انت ما عملتي شي غلط تتخافي منو و تسقطي الولد خليه يعيش و مارح خليه يحتاج شي
مايا: لك يا استاذ وسيم و الله ما عم تفهمني انا ما بدي نزلو كرمال المصاريف بس ما بدي فارس يرجع يظهر بحياتي انكسرت مرة ما بدي ارجع انكسر اكتر و اكتر
زهرة: حرام عليكي رح تقتلي روح بلا زنب ما تنسي انو هاد انسان و من حقو يعيش بكرا بتتحاسبي عنو قدام ربنا
مايا(تبكي): ما بعرف ما بعرف والله انا كتير مشوشة و ما بعرف شلون عم فكر
وسيم: ما تخافي من شي مايا نحنا حدك فكري منيح و ح تلاقي انو كلامي خالتي زهرة كلو مزبوط و ازا بدك تطلقي من جوزك منو اطلقي هيدا حقك الطبيعي و حضل حضانة الطفل الك و هلق عن اذنكن بدي روح كفي شغلي بكرا جايينا جماعة من الشام بليييز مايا ما تعملي شي من راسك
مايا: اه ما رح اعمل اي خطوة قبل ما خبرك استاذ انت الك فضل كبير عليي و الله لو اخي ما بيساعدني قد ما ساعدتني و ساندتني
وسيم: و لوو مايا انت متل اختي
-------------------------
بالليل صارت مايا تفكر بكلام زهرة و وسيم و لقت انو كلامن كلو صح و ما بحقلا تقتل ابنا اللي بعد ما خلق و صارت تبكي و تقول يا ربي سامحني لك انا شلون اجا ببالي نزل ابني كرمال هيك سبب لك شلون انا شو صرلي و حطت ايدا ع بطنا و قالت آسفة يا عمري اني فكرت اءذيك هلق لو شو ما صار ما رح فرط فيك رح تعيش ان شاء الله يا روحي
قامت زهرة و ضمت مايا و قالتلا
زهرة: الحمدلله يا بنتي اللي رجعتي لعقلك و فهمتي الصح من الغلط خلص روقي!
-----------------------------------------
الصبح
-----------
وسيم: خالة زهرة اليوم جاييني ضيوف من الشام
زهرة: تبع الشغل يعني
وسيم: هوي في واحد بس تبع الشغل و هوي جاب عايلتو معو ليزورو لبنان فقلتلو يجيبون معو ع الفيلا تحتى نضيفيهن
زهرة: اي طب ابني رح بلش اطبخ من هلق و بس يجو ان شاء بكون كلشيى جاهز
وسيم: بتشكرك يا اهضم خالة زهرة بالدني
زهرة😊😊😂😊
---------------------------------
بسيارة فارس
هبة : فارس قديش ضل لا نوصل
لانا: اي و الله زهقنااا ففف
فارس: اي هاد فوق مو آخدكن معي وعم تتشرطي كمان
لانا: نحنا اجينا كلنا لنغير جو و خاصة مشان ستي خطي داق خلقا من البيت مو هيك ستي ههه
الجدة:ههه😂
بعد حوالي نص ساعة وصل فارس و عيلتو ع لبنان و وين بدو يرووح يا حزركن؟؟
----------------------------------
وائل: اي وليد خلص قصتك محلولة
وليد: شلون يعني حكيت معا لهديك وقررت تعترف بعملتا
وائل: اي و طلع انو في حدا وراها لنوال به اللعبة
وليد: ااا ه البنت اسما نوال طيب مين وراها وليش ليعمل هيك
وائل: هني متقصدين يأذو فارس
وليد: شلون يعني ما فهمتك احكيلي كلشي لشوف
وائل: (حكالو كلشي)
وليد: اها بجوز لهيك صرلي فترة ما شفت مايا مرت فارس بجوز تركتو لإنا بتعتقد انو هوي خانا ففف لك العما شو ه اللعبة الوسخة والله لدفعك الثمن غالي يا نوال
وائل: لاء نوال ما دخلا لا تأذيها
وليد: شلون ما دخلا شلون ما هيي شريكة به المؤامرة
وائل: صدقيني انا عبد مأمور بس والله هيي ضحية هيي حكتلي كلشي عن حياتا و انا متأكد انا ندمت و لو ما كانت ندمانة ما كانت هيي لي قالتلي انا بدا تعترف
وليد: هيي هيك قالت اذا عنجد ندمانة ف رح سامحا بس هي اللي اسما روز ما رح ارحما لا انا و لا فارس هيي تخطت حدودا كتير
وليد: اسماع وائل بدي احكي مع هي نوال من الصبح و اتاكد انو بدا تعترف مشان ازا عنجد رح تقر ف رح استنا لانا بس ترجع من لبنان و اثبتلا اني ما عملت شي و لا قلك ما رح استنا و لا شي رح روح لعندا ع لبنان لازم تعرف اليوم قبل بكرة بكفي فراق
وائل: اي والله اي صحي وليد بتتذكر صديقتنا جيهان اللي درست معنا
وليد: اي اي صاحبة محل الكاتو ما
وائل: اي هيي بتذكر انو آخر مرة كانت دور ع شغيلة لنشتغل كرسونة
وليد: اي ولسا لهلق عم بدور
وائل: تمام لكان رح اقترح عليها انا تشغل نوال لإنو هيي عنجد ندمانة وبدا تطلع من الوساخة اللي هيي فيها و انا بدي ساعدا لتشتغل شغل نظيف وتبلش حياه جديدة
وليد: عنجد انك ابن أصل
--------------------
بعد شوي استقبل وسيم ضيوفو اللي كانو قاعدين بالصالون هلق و عم يحكو و زهرة جهزت الغدا و بدا تاخدلون ياه
زهرة : عبير عبير لك يا عبيير
ولاء: اوووفف لك عبير مش هون طلعت من شوي
زهرة: اي اي
ولاء: ليش شو بدك
زهرة: ولا ولا شي حلي عني و راحت ولاء و اجت مايا
مايا: خالتي شبك بدك شي
زهرة: خلص حبيبتي ريحي حالك انا كان بدي بس طالع الغدا عند وسيم و ضيوفو بس ما لقيت عبير لطالعو معي و هي ولاء وشا بيطع الرزق و وقحة كتيى ما بدي اطلب منا شي
مايا: الله يصلحا بسيطة خالتي اعطيني انا بساعدك
زهرة: لا حبيبتي انت حامل لا تنسي ه الشي لازمك راحة اي
مايا: اي خالتي بعرف بس ما في تعب لك هيي كم طبق بس بدي احملون
زهرة: اه ماشي تفضلي يلا خلينا نطلع بس انتبهي لحالك اي
مايا: اي خالة لا تخافي
طلعت مايا و زهرة لصالون و بس فتحو الصالون ليفتو الأكل كانت صدمة التنين كبيرة وقت شافو مين هني الضيوف
اي اي الضيوف هني فارس و عيلتو و هنيك وقف فارس مصدوم
فارس: مايا!!
اما زهرة فوقعت كلشي بإيدا من الصدمة
الجدة. : زهرة لا لا هي زهرة ما عم صدق هي انتي زهرة
زهرة(مصدومة)
فارس و لانا و هبة : شششووووو
#تتمة_الجزء_الثاني_عشر_و_الأخير #من_قصة_زواج_على_الورق
#بقلمMarità
الجدة: بنتي زهرة بنتي هي انتي مو
زهرة: امي امي لك ما عم صدق لك هدول هني فارس و لانا ولادي
مايا: شو خالتي ما عم بفهم شي
و ركضت الجدة و زهرة و غمرو بعض و هني عم يبكو كتير اما وسيم ففهم انو هدول هني عيلة زهرة اللي كانت تطلبمنو عطول انو يدورلا عليهون اما فارس فكان شبه فاهم و بلش يتذكر شوي من ملامح امو بالماضي اي زهرة هيي امو و ام لانا و هيي ما ماتت اما لانا و هبة فلسا مو قدرانين يستوعبو اي شي و مايا بلشت تفهم الموضوع شوي شوي و صارت تراقب فارس بعيونا لتشوف ردة فعلو
فارس: مشان الله جاوبيني انتي امي انتي امي
زهرة: اي يا عمري طول ه المدة وانا عم دور عليكون
لانا: شششو انت شو عم تحكي امي ماتت من و انا و صغيرة
زهرة: لا انا لساتني عايشة يا قلبي و اخيرا لقيتكون و اخيرا
فارس: لك انا مو فهمان شي لك امي ماتت شو عم يصير هلق شو عم يصير
صار فارس كتير مشوش و طلع من الصالون و هوي ما عم يفهم شي و ضايع و مايا اللائراديا لحقتو و ب ه اللحظة نست انو ما بدا تحاكيه بس كان بدا تهديه
مايا: فارس استنا روق روق شوي هلق بتفهم
وقت شاف فارس مايا ضما لصدرو بقوة و صار حاسي انو بدو يبكي صدمتين بنفس اللحظة
و صارت مايا تهديه
مايا: خلص لازم تكون مبسوط لك هي طلعت امك عايشة اي هيي امك كتير مرات كنت اسمعا تقول للأستاذ وسيم انو يدورلا ع ناس بالشام و انا ما كنت بفهم هلق لفمهت
فارس: و لك و انت وين كنتي لك دورت عليكي بكل محل لك كان بدي بس خلص شغلي هون و من بعدا ما وقف بحث عليكي بس ما توقعت شوفك هون اي ماتوقعت يصير كل هاد
بعدت مايا حالا عن فارس
مايا: هلق مو وقت قصتي انا وياك خلينا بقصتك انت و امك
فارس: لك مايا ارحميني خلص ما عملت شي انتي اللي فهمتي غلط
مايا:انت اللي ارحام حالك و لانا و فوت هلق ع الصالون و خلينا نفهم كلشي لك اذا انت ضعفت هيك لانا شو رح يصير فيها
فات فارس و مايا ع الصالون و كانت لانا منهارة و مو قدرانة تستوعب لهلق لك عاشت كل حياتا بحقيقة انو اما ماتت وهيي صغيرة شو صار هلق
هبة: لو سمحت يا استاذ وسيم فهمني شو هيي القصة انا رح اقدر استوعبا و فهما للانا شوي شوي
وسيم: اي آنسة هبة معك حق و بدي منك تعرفي بلأول اني ما كنت بعرف انو فارس و لانا نفسون ولاد خالتي زهرة والا ما كنت خليتون يلتقو هيك و ينصدمو ببعض
هبة: اي و الله يا استاذ الصدمة صارت صدمتين لفارس لإنو مايا هيي مرتو
وسيم: جد مايا فارس هيدا هوي نفسو جوزك
مايا: اي استاذ هوي بس لو سمحتو هلق شيلونا من سيرتي انا و فارس و خلونا نحكي بالمهم
وسيم: اي معك حق هلق لو سمحتو بدي ياكن كلياتكن تسمعو منيح لنقدر نفهم بعض
فارس: اي تفضل
وسيم: خالة احكيلون كيف
وصلتي لهون
زهرة: قبل سنين كتيرة كنت انت يا فارس و اختك كتير صغار وقت سافرت انا و ابوك للبنان و بالطريق عملنا حادث كبير و هنيك توفا ابوك اما انا فوقت فتحت عيوني ما لقيت غير ابوك ميت قدامي و كلو دم صرت اجري لحالي و عم دور ع مشفى بس وقت وصلت للمشفى فقدت وعيي و وقت فقت خبروني انو توفا و انو اخدو جثتو و انا بوقتا ما قدرت اتحمل شي و كانت الضربة ع راسي كمان كتير قوية خلتني افقد الذاكرة و بظن بوقتا انو الناس اللي كانو يعرفونا ما لقو جثتي ما حاولو يعرفو اكتر و دغري قالولكن انو متت انا كمان
فارس: ستي لهيك نحنا ولا مرة رحنا عقبر امي
الجدة: اي يا ابني و انا بهداك الوقت قلت انو هيب اكيد توفت لإنو الحادثة كانت كتير كبيرة و قلت لو انو هيي لساتا عايشة كانت خبرتنا ما تصورت انو تكون فقدت ذاكرتا(تبكي)
لانا: بس ليش ما دورتي علينا قبل هلق ليش لك كنت بشتهي كلمة ماما
زهرة: و الله يا روح امك انتي ما بلشت اتذكر غير به السنين الأخيرة
وسيم: هيدا الحكي مزبوط لإنو من وقت ما اجت خالتي ع بيتنا و هيي نسيانة كلشي و الدكتور قلنا بهداك الوقت انو من كتر ما صدمتا كانت قوية صار عقلا من جوا ما يحاول يتذكر و من سنين قليلة صدفة بلشت تتذكر بس وقت ما راحت و سألت عنكون ما لقتكون ببيتكون القديم
زهرة: اي وقت سألت عنكون الجيران كمان ما كانو بيعرفو اساسا لقيت انو الجيران تغيرو و بعدا صرت اطلب من وسيم يدور عليكون و هوي و الله ما قصر و كان بدو يسألكون ازا بتعرفو ه الناس بالشام و الحمدلله الحمدلله ما توقعنا انوتكونو انتو
مايا: الحمدلله اي الف حمد و شكر صدفة كتير حلوة
لانا: انتي امي اي انتي امي انا فيني اندهلك ماما مو فيني قولا له الكلمة(تبكي)
زهرة: يا روح امك انتي يا عمري
و قربو و ضمو بعض بقوة و قربت زهرة من فارس و ضمو بعض و مايا كانت قاعدة مع الجدة و فرحانين كتير
وسيم: ههه شو ياا الظاهر صفينا نحنا برااا مش هيك آنسة هبة
هبة: ههه اي و الله مين شاف حبابو نسي صحابوو ههه
وسيم: تشرفت بمعرفتك آنسة هبة
هبة: وانا بالأكتر استاذ وسيم
مايا: ههه شو يا ست هبة الظاهر نسيتيني
هبة: ههه لك يا عيب الشوم منك حدا ينسا افضل صديقة لك انتي قدمتيلي خدمة ما بنساها بحياتي لك خطتك نجحت و حامد طلقني
مايا: عنجد! و الله كتير فرحتلك لك مبرووك ههه!
هبة: ههه الله يبارك فيكي
وسيم: مش فاهم هلق انت كنتي مجوزة
هبة: اي و اطلقت من مدة
وسيم: و الله مبينة صغيرة ع الجواز و بعدين ليه ه القد فرحانة انو اطلقتي
هبة: انا عمري تقريبا 20 سنة و احيانا يا استاذ يكون في ظروف تخلي الناس تبارك و تهني الواحد ع طلاقو
وسيم: بعتذر بس شكلو جوازك كان مش منيح
هبة: كلمة مش منيح كلمة قليلة بس خلص المهم قصة ومرىقت
وسيم: اي و هلق بدنا نفهم قصة مايا و فارس فارس انت ليه خنتا
زهرة: صحي ابني انت ليه عملت هيك
فارس: و الله القصة مو متل ما سمعتو
مايا: معناتو عم كذب
لانا: مايا و الله هي كانت لعبة من روز
وفجأة رن تلفون لانا وكان وليد هوي المتصل
لانا: اي الو وليد اسفة بس هلق مو وقت حكينا
وليد: لك لحظة استني ه الشي كتير مهم بدي اسألك فارس معك هلق
لانا: اي هوي و ستي و هبة و مايا و رجل الأعمال الاستاذ وسيم و ماما
وليد: امك !!!
لانا: اي اي طلعت عايشة
وليد: عنجد ما عم سدق بس لحظة الموضوع اللي بدي احكي فيه هلق مستعجل كتير افتحي السبيكر بدي الكل يسمعو و خاصة اخوكي و مرتو
لانا(بالستغراب): اي اوكي
و فتحت السبيكر و صار الكل يسمع شو عم يقول وليد
وليد: لو سمحتو ركزو معي كلكن اي
فارس: اي وليد عم نسمعم
وليد: لانا بتتذكري رفيقي وائل
لانا: اي بتذكرو
وليد: اي وائل حكيتلو عن قصتي و عن اللعبة الوسخة اللي عملوها فينا و خلوكي تسدقي اني خنتك و مرة كنت انا و وائل بالسيارة لمحت هديك البنت اللي شفتيها معي و ارجيتا لوائل و هوي قلي انو رح يحل القصة و فعلا حكا مع نوال وهيي طلعت ندمانة وقررت تعترف بكلشي
لانا: مو معقول
وليد: لحظة رح اعطيكون وائل لتحكو معو
وائل: الوو اختي لانا بعرف انو الشي اللي صار ما بفوت للقعل بس هي هيي الحقيقة و نوال الحمدلله مع كلشي صار طلعت منيحة وقررت تعترفلكون لتريح ضميرا
لانا: انا ما عم سدق طب وينا نوال خلوها تحكي و تعترف ليش لتعمل هيك فينا و انا من وين بعرفا لتساوي فيني هيك
وائل: طيب اصبري هلق رح اعطيكون لتحكومع نوال وهيي رح تفهمكون كلشي
نوال: الو مرحبا ياجماعة بتمنا تسمعوني للآخر
مايا: احكي عم نسمعك
نوال: اول شي بدي فهمك يالانا انو كل شي صار كانت روز هيي اللي وراه و كانت متقصدة انو تأذي فارس بظن انو روز كانت بتعرف انو انتي ووليد مجوزين عرفي و مو مخبرين حدا لهيك
زهرة: لانا انتي متجوزة!!؟
لانا: اي ماما لو سمحتي خليها تكفي حكيا و بعدين ما رح اتركك بنوب و رح احكيلك كلشي عن حياتي بالتفصيل الممل
زهرة: ماشي يا عمري
نوال: فيني كمل حكي
مايا: اي نوال كفي حكيك عم نسمعك
نوال: اي و وقت عرفت روز ب ه الشي قررت تلعب بشرف فارس عن طريقك لدمرو بظن فهمتوني
لانا: اي اي هلق لوصلت الفكرة كملي
نوال: و بعدا بعتتني لأعمل هديك المؤامرة سدقيني كان كلشي خطة من روز و تمثيل من عندي و وليد ما عمل شي (و حكتلون و شرحتلون كلشي بخصوص المؤامرة اللي صارت ضد لانا و وليد )
لانا: لك ما عم سدق مل هاد كان تمثيل و انا ظلمتو لوليد لك نوال انتي متأكدة انو عم تحكي الصح
نوال: والله يا لانا هي هيي الحقيقة و ما في شي بخليني كذب هون
مايا: طب نوال فيكي تكملي قصدي عن الخطة ال
فارس: احكي عن الخطة اللي عملتا روز لفارس
نوال: اي الخطة كانت انو تستدرج فارس ع الديسكو..و .............(حكتلون نوال كل الخطة اللي عملتا روز بحذافيرها و بالتفصيل)
فارس: شو مايا اتأكدتي هلق انو انا ما عملت شي
#تتمة_الجزء_الثاني_عشر_والاخير
فارس: شو مايا اتأكدتي هلق انو انا ما عملت شي
مايا: لسا ما اتأكدت
فارس: شووو شو لسا بدك
مايا: نوال انتي مستعدة تعترفي به الشي قدامنا عيني وش وش
نوال: اكيد انا والله بعمل كلشي بس سامحوني بدي اطلع من ه القذارة و بلش حياه جديدة اذا بتريدو سامحوني كلكن
لانا:…
مايا: بوعدم اننا نسامحك بس اعترفي قداننا مو هيك لانا
لانا: ا ا اي مع انو اللي عملتيه يا نوال كتير كبير
نوال: بعرف بس الله يخليكي سامحيني اي انا بدي اعترفلكن وش لوش بس المشكلة انكون مو بالشام هلق
مايا: معلش في شغل بس هلق وقت بنرجع بتخبرينا
وسيم: لاء اذا صاير كل هاد فلازم تحطو حد لهي روز بأقرب وقت و اذا بدكن بكرا بنروح كلنا ع الشام و بعدين بنكمل شغلنا يا فارس
فارس: اي اي طبعا اذا ما عندك مشكلة
وسيم: لا عادي
و قررو يروحو كلن ع الشام بكرا و نامت لانا و ستا و اما و هبة بأوضة وحدة و لانا ما فارقت حضن اما طول الليل اللي انحرمت منو بصغرا
اما مايا فراحت لتنام بأوضة لحالا و اجت لتسكر لباب قام طلعلا فارس و بعدا شوي و فات ع الأوضة و سكر الباب عليهون
مايا: شو هاد لك شلون سمحت لحالك انو تفوت عليي هيك متل الحرمية
فارس: ههه شو يا شكلك نسيتي يا حبيبتي انك اميرتي و مرتي الحلوة و قرب منا و لفا من خصرا
مايا: فارس بعد عني انا لسا ما اتأكدت من حكي نوال اي و من هون لوقتا لا انا مرتك و لا انت جوزي اي
فارس: لكان هيك بدك تعملي فيني يا حلو اي بس بقولو انو بضل المتهم بريئ لحتى تثبت ادانتو ههه😂
مايا: ههه بلله شوو بس يا حبيبي نسيت انو ثبتت ادانتك لازم تثبت براءتك هلق
فارس: ههه ايه قولي شو ما بدك المهم ست مايا المهم انو انا من هون مالي طالع
مايا: اي معناتو انا رايحة نام ع الأرض و انت نام ع التخت
فارس: اي اتفقنا😂
مايا: لك شو هاد و الله كنت متوقعة انو ح تقلي لا خليكي انت نامي ع التخت و انا ع الأرض بس طلع ما فيك خير بنوب
فارس: 😂😂لك عم بمزح معك رح نام ع الأرض اي منيح هيك
مايا: اي هيك منيح لإنو اكيد ما بدك ابنك يتعذب بالنومة ع الأرض
فارس: لحظة لحظة قلتي ابني مايا انتي ..
مايا(بخجل): اي حامل انا حامل
فارس: يا الله ما عم سدق لك الحمدلله يا ربي الف حمد و شكر الك بيوم واحد خليتني لاقي امي و مرتي و ابني
و شال مايا و صار يدور فيها
مايا: ههه لك نزلني يا مجنون نزلني ههه
فارس: ههه
بظن انو ابني ما رح ينبسط اذا شاف ابوه نايم ع الأرض لهيك يا حلوو ما في مفر رح نام جنب بعض اي
مايا: اه لك أمري ل الله ما في مفر منك ههه
فارس:😂😂
و هيك نامت مايا بحضن فارس و تنيناتن كانو كتير فرحانين و مايا كانت مسدقة كل حكي نوال بس حبت تتأكد لتقطع الشك بس
بالليل فاقت هبة من نوما و كانت كتير عطشانة و قررت تطلع تشرب مي فنزلت بسرعة للمطبخ بس حست بحركة و كان المطبخ معتم و فجأة سمعت صوت شي انكسر و بسرعة شغلت الضو و هيي ميتةة من الرعبة
هبة: لك هاد انت !! موتتني رعبة الله يسامحك
وسيم: ههه و الله آسف بس هيك وقع الكاس من ايدي
هبة: كان بدي اشرب مي يلا بسيطة خليني لم الأزاز تبع الكاس
وسيم: لا ولوو انا بشيلوو
و نزلو تنيناتن يلمو الأزاز بس انجرت ايد هبة من الأزاز
هبة : سس ايييي
وسيم: قلتلك ما تشيليه بسيطة ما تخافي خليني نظفلك و قطبلك هيدا الجرح
و بلش وسيم يقطب جرح هبة و عيونون بعيون بعض و كانو تنيناتون حاسين بشعور حلو و هبة ما عاد حست بجرحا و وسيم سارح بتفاصيل وشا الحلو الناعم و عيونا العسلية الحلوة
وسيم: عمَّ شوف بعيونك الحلوة لمعة حزن جوزك السابق عندو علاقة به الشي
هبة: هوي عندو علاقة بأي شي بشع بحياتي قتل كلشي حلو فيني بعمر الورد😔
وسيم: اف كل هيدا مع انو انا قطعت من قبل بعلاقة زواج فاشلة بس ما صار فيني كل هيدا
هبة: انت ليش طلقت مرتك
وسيم: لإنو طلعت وحدة خاينة
هبة: انت طلقتا لإنو علاقتكن فشلت بالنهاية و خربت بس انا علاقتي بجوزي السابق من البداية بلشت فاشلة و خربانة لك انبنت ع الكره
وسيم: هلقد طب هوي شو عمل فيكي تحتى تكرهيه لهل الدرجة بظن ما في اي زلمة بالدني بيستاهل ينكره له الدرجة
هبة(منفعلة و بلهجة صارمة) : حدا اعتدى ع و حدة بعدين طلب من ابوها يجوزو ياها غصبا عنا و ابوها باعلو ياها مشان شوية مصاري شو شومتوقع تكون علاقتي فيه مثلا لهاد شووو
وسيم: بعتذر منك جد ما تخيلت انو يكون صاير فيكي كل هيدا آسف الظاهر فتحت جروحاتك سامحيني اي معك حق تكرهيه للموت
هبة: ا انا اللي آسفة مدري شلون انفعلت هيكي
وسيم: وحدة متلك بتستاهل حياه حلوة طب فيي اعرف شو كان اسمو ه المجرم جوزك
هبة: حامد ال.....
وسيم: مش عم سدق لك هيدا بكون رجل اعمال مش هيك
هبة: مبلا ليش انت بتعرفو
وسيم: اي هيدا خطب اختي ضحى الله يرحما بالزمانات بس بيي رفض يجوزو ياها بعدين صار هيدا حامد يزعجا و حاول يأذيها بس ما قدرنا نفوتو ع السجن مان عندو نفوذ كتير بس من فترة قريبة حوالي اسبوع تقريبا سمعت انو فات ع السجن لإنو عامل صفقات مشبوهة
هبة: اي خرجو الله لا يقيمو بس سمعتك حكيت "اختي الله يرحما" اختك متوفية
وسيم: اي كل عيلتي امي ماتت من انا و صغير و بيي و اخواتي التنين ضحى و نادين عملو حادث سيارة و ماتو
هبة: الله يرحمون 😔
وسيم: تعيشي و انت وين عيلتك
هبة: انا......
وقعدو يحكو طول الليل و ما نامو
الصبح حملو حالون و راحو كلون ع الشام و وسيم كمان راح معون
----------------------------------------------
بمحل الكاتو
وائل: مرحبا جيهان
جيهان: هاااي وائل كيفااااك !!!
وائل: كتير منيح كيف الشغل مع شغيلتنا الجديدة الحلوة و (أشر ع نوال)
برمت نوال و شافت وائل
و حست بفرحة بقلبا
نوال: اهليين وائل كيفك
وائل: بشوفتك صرت منيح وانت
نوال(بخجل): تمام الحمدلله
وائل: يلله نوال الجماعة رجعو من لبنان من شوي و لازم نروح عندون و تساوي يلي عليكي هلق
نوال: اي حاضر لحظة بس لآخد الطلبية ع ه الطاولة و بشلح المريول و بجي و راحت نوال لتاخد الطلبية و شافت شلون جيهان عم تضحك مع وائل فحست نوال بشعور مزعج و غيرة و صارت تحاكي حالا
نوال: شو هاد انا ليش هيك مزعوجة معقول بحبو لوائل معقول غيرانة عليه لالا بس انا ما صرلي زمان بعرفو اي بس ما في غيرو ساعدني بحياتي هوي اللي طالعني من هداك الوسخ اي يا سيدي و حتى لو بحبو هوي رح يطلع بوحدة عديمة شرف متلي افف الله يفرحو و يبعتلو ايام حلوة
وائل: ويينك نوال يلله مطولة
نوال: ااا معك معك اي اي لحظة بس جايي
و طلعت نوال مع وائل و وليد اللي كان ناطن بالسيارة و راحو ع بيت فارس اللي كان الكل قاعد هنيك
دق وليد الباب و بسرعة فتحت لانا و بس شافت وليد رمت حالا بحضنو
لانا: وليد يا عمري سامحني آسفة انو شكيت فيك (تبكي)
وليد: خلص حبيبتي ما في مشكلة لك انا و شكيت بحالي ههه
نوال: لانا سامحيني بترجاكي
لانا....يلا فوتو شو بدكن ضلو واقفين يلا فوتو
فاتو وقعدو
نوال: مرحبا يا جماعة انا هيي نوال اللي حكت معكون ع التلفون و اجيت لإنو طلبتو مني اعترفلكون وش لوش
مايا: اتفضلي نوال عيديلي كل شي صار و فهمينا كلشي بالحرف
نوال(حكت كلشي): و هلق بتمنا تسامحوني هاد طلبي الوحيد سامحوني
مايا: مسامحة نوال المهم انك ندمتي و الندم هوي أول خطوة لتصحيح الغلط
نوال: تسلمي و انت لانا سامحيني
لانا: افف و الله صعب اللي عملتيه مو قليل
وائل: اختي لانا مشان الله سامحيها و الله ندمت و تغيرت
وليد: اي لانا مسامحا سامحيها
نوال(تبكي): الله يخليكي سامحيني بدي اعرف عيش
لانا: خلص خلص لا تبكي يا عمري سامحتك بس ما ترجعي له الطريق هيك بتغلطي بحق العالم و تغلطي بحقك كمان
نوال: لا ان شاء الله ما رح ارجعلو بحياتي
فارس: نوال باقي تساعدينا بشغلة لو سمحتي
نوال: اي اي تفضل
فارس: روز لازم تنسجن
نوال: ااا اي فهمت يعني ارجيكون دار الدعارة اللي بتشتغل روز فيها و منو بتتصلو بالشرطة و يحاصروهن
فارس: اي هيك
نوال: طب اليوم بالليل الساعة ١٠ خلينا نطلع كلياتنا و دلكن ع البيت
فارس: اي اتفقنا
وائل: اي بس لازم ما تبيني قدام روز يا نوال لإنو رح تحقد عليكي بوقتا و تبلش تحكي عليكي للشرطة و بوقتا بتفوتي بمشاكل الون اول ما لون آخر
وليد: خلص ما رح نخليها تبين رح تقعد بالسيارة مع مايا و لانا
نوال: طيب هلق عن اذنكن يا جماعة و شكرا لإنكن سامحتوني و انت يا وائل ما رح انسالك فضلك طول عمري
وائل: ولو ما عملت غير الواجب
و طلعت نوال
وليد: اي لانا الخانوم هيي حماتي
زهرة: ههه اي يا ابني انا ام لانا و فارس
وليد: يا اهلين بحماتي تشرفت فيكي و انا صهرك وليد
زهرة: يا أهلين بإبني
وليد: اختي مايا بربك نحنا مو محظوظين انو طلعت عنا حماية ظريفة لك شو حماية لك ام تانية
مايا: اي والله انا افضل شي صار معي انو طلعت الخالة زهرة الحنونة حماتي
زهرة: لك تسلمولي يا احلى كنة و احلى صهر
وسيم: اما انا فأسوء شغلة صارت انو رح تاخدو مني خالة زهرة
الكل: هههه
هبة: عمتو زهرة و الله انبسطت انك طلعتي عايشة
ووقت اتصل بابا فيني خبرتو به الشي و هوي جاي بعد اسبوع و بدو يشوفك
زهرة: يا روح عمتك انتي و الله اشتقتلكون كلكون
الجدة: احم احم شكلكن نسيتوني ههه
الكل: ههههه
مايا: ولو انتي ست الكل ههه
---------------------------------------
اجا الليل و اجت نوال و دلت وائل و فارس و وليد و وائل ع بيت الدعارة اللي قاعدة فيه روز و قعدت هيي مخبية مع مايا و لانا ف السيارة و اخيرا اجت سيارة الشرطة و حاصرت البيت و طالعو روز و مجموعة بنات و شباب بالكلبشات
نوال(تبكي): الحمدلله يا ربي طالعتني من ه الوسخ الحمدلله
لانا: مايا اطلعي و هي رح تتعاقب هي سبب كل مشاكلنا
مايا: اي والله عذبتنا كتير
------------------------------------------
بعد مرور ايام رجعت المي لمجاري و رجعت الألفة و المحبة بين الكل و مر اسبوع و محدا فاهم ليش وسيم لساتو بالشام مع انو خلص كلشي
----------
وسيم و هبة لحالون برا بالحديقة
وسيم: ليكي هبة من الآخر بدي قلك اني حبيتك و كتير كمان عشقت كل شي فيكي وما بحياتي اصورت انو ممكن ارجع حب او فكر ارتبط من بعد غدر سوزان فيي و لهيك قعدت ه الاسبوع هون كرمال شوف بيك و اخطب منو بس وقت فكرت بيني و بين حالي خفت اخطبك منو و هوي يجبرك تجوزيني لانو معي مصاري لهيك حبيت قلك انت بلأول اذا بتحبيني او ع الأقل حدا مناسب الك و مش حقصر معك وبحاول قد ما فيي عوضك عن هولي الايام السودة اللي عشتيهون
هبة: سسس خلص بكفي وسيم انا حبيتك كتير و من اول نهار حكينا فيه عشقتك بس لسا عندي خوف من الجواز بتمنى تكون مقدر ظروفي
وسيم: انت موافقة و لا لاء من الآخر بطلبك من بيك و لا لاء
هبة: اي وسيم موافقة موافقة بحببك
------------------
بعد ما اجا ابو هبة خطبا وسيم و وافق ابوها و الكل كان فرحانلن و خصوصي زهرة لإنو كانت مطمنة ع هبة مع وسيم لإنو بتعرف قديش هوي انسان منيح و رح يعوض هبة عن كلشي سيئ عاشتو و بعد أشهر كان عرس لانا و وليد و كان عرس بجنن و حضرو الكل حتى نوال و عزمتا لانا و صار كل ثنائي يرقص مع بعض و كانو بجننو خصوصي مايا و فارس
فارس: لك شوو هاد مايا
مايا: شو شو شو في
فارس: مايا انت طالعة كتير حلوة
مايا: اي شكرا بعرف احم احم ههه
فارس: لا قصدي لا عاد تطلعي هيك بغار عليكي فهمتي و لا عيد حكيي ههه
مايا: ههه اي بلشنا بالغيرة اساسا ما فيي اعمل شي شو ما عملت بطلع حلوة احم احم ههه😂😂
فارس: معناتو لبقا تطلعي من البيت كلو😂 ما في حل غير هيك
مايا: بلله شوو 😂
فارس: لك روقي عم نمزح معك بس 😂
مايا: اي كفي كفي رقص لشوف
من جهة تانية
لانا: اااه و اخيرا بعد كل شي صار معنا اجوزنا
وليد: اي و اخيرا و ان شاء الله هاد بكون درس الك بالمرة الجاية بتكذبي عيونك و بتسدقيني الي ههه
لانا: ههه وليد اسكوت ما تنزعلي فرحتي
وليد: ههه و الله عم نمزح لك بحبك يا مجنونة
------------------------------------
برا كانت نوال عم تمشي ع شط البحر وقت الغروب و كانت فرحانة انو تغيرت حياتا وصار شغلا شغل نظيف
وقفت سيارة و طلع منا وائل وراح لعند نوال
وائل: نوااال نوااال
نوال: وائل!
وائل: اي نوال ليش ما جيتي ع عرس لانا و وليد هلق
نوال: حبيت اتمشا شوي المنظر كتير حلو مو
وائل: بحبك
اطلعت فيه تطليعة هادية و كانو عيونا لحالون عم بقولو و انا كمان بحبك و وائل فهما و فهم نظراتا
نوال: يلله بتمشي معي هلق بالغروب المنظر بجنن و خاصة قدام البحر
وائل: يلله و ما تنسي بعدين منروح ع العرس
نوال: اي😊
---------------------------------
بصالة العرس
هبة: لك وسيم وينك من الصبح و انا عم دور عليك
وسيم: انا هون حبيبتي كنت عم بشرب مي بس
هبة : اي ليش ما وقعت الكاسة لإجي انا شيل القزاز و انجرح بعدين بتقطبلي الجرح
وسيم: اي قصدك اول لحظة بينا يعني قصدك نجدد حبنا😉
هبة(بخجل): اي هيك شي يلا خلينا نروح نرقص مع بعض
وسيم: يلله
و بعد شوي فات وائل و نوال ع الصالة و رقصو مع بعض و طلعو بجننو والكل انبسطولن لإنون صارو بحبو نوال لإنو بالعترافا بغلطا حلت كل المشاكل
زهرة: ليكي امي كيف الكل مبسوطين يؤبروني طالعين بجننو
الجدة: اي و الله يا بنتي الله يحميهون من العين
*مايا و فارس عم يرقصو
مايا: اي فارس طلع معي حق انا والخالة زهرة اعترف انو احساسنا كان مزبوط
فارس: ههه اي مدري شلون امي عرفت انو ابننا بنت مو ولد لك بلأول ما سدقت وقت قالتلي بجوز تطلع بنت لإنو مايا توحمت ع الحلو فكرتا عم تمزح بس بلشت سدق وقت اخدت ع محل جيهان تبع الحلو لك المسكينة نوال ما وقفت شغل من كتر ما عم تطلبي جيبيلي ه الكاتو و لو سمحتي جيبي هاد و هاد مو حلو ما عجبني و مدري شوو ههه
مايا: يوو غليظ مو له الدرجة ههه
فارس: اي و بالنهاية اتأكدت من كلام امي وقت عملنا الإكو و طلعت بنت بتعرفي والله فرحت لإنو عنجد بدي اول ولادي تكون بنوتة حلوة بتشبهك
مايا:خجلتني 😊 صحي شو بدنا نسميها
فارس: بنسميها روز ههه
مايا: فااارسسس
فارس: خلص والله عم بمزح
مايا: هيدا مو مزح بنوب
و الله رح ابكي
فارس: اي ابكي ابكي حبيبتي بقولو عقد ما تكون الأم حزينة بفترة حملا عقد ما يطلع الجنين حلو😂😂😂😂
مايا:😂لك منين جايبا هييي
فارس: طب شو رأيك نسمي بنتنا 'نورسين'
مايا: اي اي اسم بجنن اي بنسميها نورسين
فارس: اي ميوشتي اوعك تبعدي عني مرة تانية لك بعشقك
مايا: اطمن ما ببعد بنوب ليش حدا بيبعد عن روحو💜
انتهت
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
جميع الروايات كامله من هنا 👇 ❤️ 👇
اعلموا متابعه لصفحتي عليها الروايات الجديده كامله بدون روابط ولينكات من هنا 👇 ❤️ 👇
❤️🌺💙🌹❤️🌺💙🌹❤️🌺💙🌹❤️🌺💙🌹❤️🌺💙🌹❤️🌺
تعليقات
إرسال تعليق