رواية بعد فوات الاوان الحلقه الحاديه عشر بقلم الكاتب محمد منصور حصريه وجديده على مدونة النجم المتوهج
رواية بعد فوات الاوان الحلقه الحاديه عشر بقلم الكاتب محمد منصور حصريه وجديده على مدونة النجم المتوهج
كنت واقفة وباصة ل ابني طارق مش مصدقة انه اتجوز محروسة و مسكت في رقبه طارق وقولت
قولي اية اللي قالته محروسة دة انت فعلا اتجوزتها
طارق
انتي يا اما اللي خلتيها صعبه علينا. ونشفتي دماغك وما خلتيش قصاد مننا اي حل تاني واهه محروسة بنفسها قصاد منك ومراتي وجاية تاخد الامانه بتاعتها اللي انتي شيالها
بصيت ل محروسة وقولت
طيب دة عيل و اهبل والفلوس جننته. لكن انتي ما طمرش فيكي اي حاجة كويسة عملتها ليكي في يوم
محروسة
زعلانه اني عايزا اعيش اللي فاضل من حياتي متهنيا
سميحة
وجاية تتهني مع عيل من عيالي دة انا ما حلتيش.
الا هما اتنين خدي الدنيا باللي فيها وسيبيهم ليا
محروسة
ومين قال لك اني انا اللي خده دة هو اللي خادني
سميحة
روحي منك لله وخدك ربنا يا بعيدة
ومن غير ما احس هجمت علي محروسة و ضربتها بعزم ما فيا وقعت علي الارض سايحة في دمها، ،،،،،،،
بعد فوات الاوان
كتابة واقتباس
محمد منصور **منص**
وقبل ما نبدأ نوحد الله ونصلي علي خير خلق الله سيدنا محمد.
اللهم صل وسلم علي محمد صلاة تحل بيها العقد وتفك بيها الكرب
ما كنتش مصدقة ان دة حصل وباصة لمحروسة اللي واقعة علي الارض قصاد مني وسايحة في دمها وبصيت
ل طارق وقولت
دي ماتت ولا اية
طارق قرب منها وحط ودنه علي صدرها. وقال
لسة فيها الروح
سميحة ل منصور
طيب هات بن بسرعه خليني اكتم لها مكان الجرح
منصور
احنا ماعندناش بن
سميحة
هات من اي بقال يلا بسرعة
خرج منصور جري يجيب البن وانا روحت ناحية محروسة علشان اطمئن عليها. وفضلت اهز فيها وانا بقول
محروسة قومي بالله عليكي محروسة فوقي
هنا لقيت اللي اسمه رمضان دخل البيت وبص لمحروسة والدم اللي بينزل منها وقال
واضح اني جيت في وقت مش مناسب. لكن من حسن حظي ان لقيت الباب مفتوح علشان اشوف المنظر دة
قومت وقفت علي رجلي وبصيت لرمضان دة وقولت
منظر اية هو انت فاكر انها ميته دي بس داخت ووقعت وانا بحاول افوقها
رمضان راح ناحية محروسة و مسك ايدها علشان يجس النبض وهو بيقول
عارف. انك ما عملتيش حاجة وانا مش عايزك تخافي مني دة انا طلعت قبل كدة السجن يعني انا معاكي مش ضدك. ولو ماتت انا عندي اللي يشيل القضية
طارق
انا شايف انك تمشي من هنا احسن ما اشوف لك اللي يشيلوك ويرموك برة
رمضان ضحك وقال
طيب لية بس كدة يا شاطر مش عيب برضو تفتري علي راجل كبير زيي. طيب والله ل اقول ل امك علي اللي انت بتخطط له من وراها
طارق ارتبك وقال
هتقول اية
رمضان راح ناحية شعر محروسة وشدة و مسح بايدة المكياج اللي علي وشها علشان اتصدم لما اشوف نهال هي اللي علي الارض وهنا منصور ابني جه ومع البن وبص للي بيحصل وبص ل طارق اصل خططهم اتكشفت وقال سميحة
يعني دي ما كانتش محروسة
رمضان
كنت فاكرك انصح من كدة. وهتكشفي الملعوب اللي عاملينه عليه عيالك. بس بصراحة دي فكرة الشيطانه دي
وشاور علي نهال وكمل وقال
استغلت انها شبه محروسة فقررت تعمل تيجي لك في صورة محروسة وكانها اتجوزت عيل من عيالك علشان تقولي لها علي مكان اللوح في مقابل انها تسيبي ابنك.
سميحة
مش محتاجة كل اللفه دي. لاني بمجرد ما كنت هشوف محروسة برة المستشفي كنت هاديها اللوح وارتاح من الحمل التقيل دة.
رمضان
ما هي لو نهال تعرف انك كنتي هتعملي كدة كانت جت لك في صورة محروسة من غير حوار الجواز من ابنك لكنها فاكرا انك طمعتي ومش هتعرفيها مكان اللوح الا لما تلوي ذراعك بجوازها من طارق
هنا طارق اتعصب وقال
انت عرفت دة كله ازاي وانت مين اصلا
رمضان
شريك نهال. عكاشة جوز محروسة مربوط عندي في المحل بتاعي. وبعد ما كسرت عضم وشة من الضرب قالي علي كل اللي انتم خططو مع نهال اخت محروسة. اللي محروسة متبريا منها بسبب اعمالها الوسخة
بصيت ل ولادي وما بقتش عارفة اقول اية لكن في واحدة دمها سايح ف خد البن من ايد منصور وحطيت شوية علي ايدي وكتمت الجرح ل نهال و ما كنتش عارفة الجرح اللي بقي في قلبي اكتمه ب اية. ولما اطمنيت ان الدم وقف. وقفت علي رجلي وجمعت اللي فاضل من اعصابي وبصيت ل رمضان وقولت
طبعا انت بتعمل معايا دة كله علشان تاخد اللوح
رمضان
اومال تفتكري انا بعمل كدة لية
سميحة
حبست يسري و وصلت
ل عكاشة وكتفته وعرفت اللي بيخطط لي هو واللي مع
وبصيت بطرف عيني ل نهال وكملت وقولت
نظفت سكتك قبل ما تطلب مني اللوح علشان انت فاكر انك هتاخدها مني خالصا مخلصا
رمضان
دة اقل واجب تعملي معايا ولا انا ما استهلش
سميحة
لا تستاهل. بس دي لوح مسروقة
رمضان
وانا ما بشتغلش الا في المسروق
سميحة
هتاخدهم بكام
رمضان
هما كام لوحة
سميحة
هو عكاشة ما قالكش
رمضان
قال 100 لكن مش كلهم اصلي
سميحة
والله اصلي بقي ولا مش اصلي دة مش بتاعتي انت هتشتري ال 100. علي بعضهم
رمضان
وانا موافق. وهديكي 10000. ج.
ضحكت وقولت
دة ما يجيش سعر واحدة
رمضان
ما انا بشتري سمك في مية يعني ممكن واحدة فيهم بس تطلع اصلي والباقي اونطة
سميحة
انا يا بية ماليش في الاونطة انما هي ليها
ومديت ايدي ناحية نهال اللي قامت وقفت اصلها
ما كنش فيها حاجة وقالت نهال
اية يا سمحية فاتني كتير
سميحة
انا تعبت يا نهال من الرغي خلصيها بقي بمعرفتك
نهال
بس كدة من عيوني يا حبيبه قلبي
رمضان كان هايتجنن وقال
هو اية اللي بيحصل هنا بالظبط
نهال
خالص احنا بنلعب بيك علشان نخليك تخلصنا من عكاشة واهو انت عملت كدة وسجلنا ليك كل اللي قولته وان عكاشة انت حبسة في المحل بتاعك. يعني قضية خطف في القانون عقوبتها
ما تقلش عن 15 سنة.
سميحة
اومال احنا سيبنا الباب مفتوح لية
رمضان حط ايدة وراء ظهرة وطلع سلاحه المترخص وقال
لا. مش انا هيتعمل فيا كدة من جوز نسوان
وصوب المسدس ناحية سميحة وقال
ما اني عارف ان دة من تخطيطك انتي. و دة بموتك يا سميحة
وخرجت الرصاصة من خزنه المسدس وجت في، ،،،،،،،
جت في مين يا شطار. اللي هيعرف لي عندي رحلة سفاري ل فردين ونص ل مساكن كفر عنبه. ويلا سلام ومعاها باي
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
جميع الروايات كامله من هنا 👇 ❤️ 👇
اعلموا متابعه لصفحتي عليها الروايات الجديده كامله بدون روابط ولينكات من هنا 👇 ❤️ 👇
❤️🌺💙🌹❤️🌺💙🌹❤️🌺💙🌹❤️🌺🌹❤️🌺🌹🌹❤️🌺💙
تعليقات
إرسال تعليق