رواية بعد فوات الاوان الحلقه الثانيه عشر والاخيرة بقلم الكاتب محمد منصور حصريه وجديده على مدونة النجم المتوهج
رواية بعد فوات الاوان الحلقه الثانيه عشر والاخيرة بقلم الكاتب محمد منصور حصريه وجديده على مدونة النجم المتوهج
الرصاصة ما جتش في حد لكنها خرجت من المسدس لان طارق ومنصور هجمو علي رمضان. وقدرو يوقعو علي الارض وقال طارق
لسة ما اتخلقش اللي يرفع السلاح في وش امنا
وهنا الناس اتلمو علي صوت الرصاصة اللي خرجت و بدا الخبط علي الباب يزيد
و روحت فتحت باب البيت. وقال راجل من رجاله المنطقة
في اية يا ست سميحة
سميحة
اطلب البوليس ابوس رجليك الراجل دة جاي يتهجم علينا بالسلاح اللي مع
و الناس دخلو البيت ومسكو رمضان وسلمو للقسم وسلمت الظابط الشريط اللي سجلت عليه كلام رمضان ورجعت البيت وكان معايا نهال وقعدت جنب مني
و طارق كان باصص لنهال وقال
لا انا ولا منصور فاهمين اية اللي جمعك علي امي دة انتي خططي معانا ازاي نضحك علي امنا ونخليها تسيب لك اللوح علي اساس انك محروسة
سميحة بصت ل نهال وقالت
دول لسة مصدقين انك نهال
ضحكت نهال وبدات تمسح مكياج تاني في وشها وخلعت باروكا تانية عن شعرها كانت مخليها شبه نهال بالظبط وظهرت محروسة بشحمها ولحمها ولادي الاثنين اتصدمو وقالو في نفس واحد
محروسة طيب ازاي،،،،،،
بعد فوات الاوان
كتابة واقتباس
محمد منصور **منص**
وقبل ما نبدأ نوحد الله ونصلي علي خير خلق الله سيدنا محمد.
اللهم صل وسلم علي محمد صلاة تحل بيها العقد وتفك بيها الكرب
تعالو بقي احكي لكم اية اللي حصل بعد ما محروسة فاقت
وهرجع بيكم ل كام يوم وراء قبل ما محروسة تخرج من المستشفي وانا كنت عندها وحكيت لها كل اللي حصل
و حكاية اللوح اللي كانت في الاوضة و قبل ما محروسة ترد سمعت باب الاوضة بيخبط فقومت فتحت ولقيت شاب غريب انا اول مرة اشوفه لابس قميص وبنطلون وابتسم الشاب دة اول ما شافني وقال
الست سميحة مش كدة
رديت عليه وقولت
ايوة انا سميحة انت مين بقي
الشاب
انا الظابط مفتش مباحث وبحقق في قضية ال 100 لوحة من وقت دخولهم مصر بطريقة غير شرعية
سميحة
يعني الحكومة عرفا حكاية اللوح دي وساكتة
وليد
طيب ممكن ادخل لان الكلام اللي هقوله. عاوز اقوله مرة واحدة قصاد منك انتي ومحروسة
ودخل وليد الاوضة وسلم علي محروسة وقال
حمد الله علي سلامتك
محروسة
الله يسلمك.
وليد بص لي وقال
بصي يا ست سميحة حكاية اللوح دي مقصومة نصين لما قدر موظف كبير في وزارة الاثار يدخل اللوح مصر بطريقة غير شرعية عن طريقة البحر الاحمر. ودة اسم اسعد باشا
هنا محروسة قالت
اسعد باشا دة الوزير اللي كان شغال عنده عكاشة جوزي
وليد
اللي كان وزير قبل ما البلاغات تزيد وتم اقالته من منصبه لكن قبل ما يتم اقالته باسبوع ادي اللوح ل عكاشة علشان يخبيها بمعرفته بعيد عن ايد الحكومة اللي بدات تصادر كل امواله وطبعا عكاشة خد اللوح وراح بيها لشقة محروسة مراته اللي متجوزها في السر وما حدش يعرف بالجوازة دي الا نهال اخت محروسة اللي شبها جدا في الشكل لكن غيرها في الطبع. لغاية هنا بالنسبة لينا احنا كفريق بحث مكلف بارجاع اللوح للمعارض اللي اتسرقت منها. اللوح اختفت ومعاها عكاشة قرر انه يعمل نفسه ميت علشان اسعد ما يفضلش يدور عليه وفضل عكاشة ل سنين عايش مع نهال في السر وقدام الدنيا كلها هو ميت
محروسة
يعني كان عايش وعارف اني ببيع كل حتة عفش في البيت علشان اقدر اعيش ورغم كدة ما صعبتش عليه
وليد
عكاشة ما كنش فارق مع اي حاجة بتحصل لك المهم ان اسعد يزهق من كتر التدوير علي اللوح بتاعته.
سميحة
طيب انتو عرفتو ازاي ان اللوح معايا
وليد
انتي عارفة ان يسري اتقبض عليه وهو دلوقتي مسجون قرر يفش غله في رمضان شريكة اللي هو شك في انه وراء اللي حصل له لان ما حدش يعرف بحكاية تزوير التقرير الطبي بتاع محروسة غير رمضان. وحكي لنا علي حكاية اللوح علشان ما توصلش ل رمضان ويسجنه زي ما كان السبب في انه يتسجن. وبدانا نراقب رمضان وعرفنا انه مش هو بس اللي عايز اللوح دة في كمان عكاشة ونهال. وربطنا الخيوط في بعضها علشان اجي لك النهاردة بالخطة اللي لو تمت مظبوط هنلبس الكلبشات ل اي حد فكر يأذيكم
سميحة
وانا ابوس رجلك قبل ايدك خلصنا منهم بالله عليك دة انا عيالي هيضيعو مني
وليد
عارف وعارف كمان ان نهال بتلعب بعقولهم وبتحضر لملعوب هتعملو عليكي قريب
بس الملعوب دة هيخرب لما محروسة تكون نهال
محروسة
انا ما اعرفش اعمل كدة. مع انها اختي لكني طول عمري كنت متبريا منها
وليد
خططي قايمة علي انك تكوني هي و بالمكياج وشوية تدريب علي الصوت هتبقي هي. في 24 ساعة
محروسة
ازاي بس هبقي هي
وليد
دة شغلنا احنا،،،،،،،،
ونرجع تاني للبيت وكنت انا اقاعدة جنب محروسة قصاد طارق ومنصور وكنت بقول لهم
يعني اخر كام ساعة كان كلامكم كله مع محروسة علي انها نهال اللي انتم اتفقتو معاها عليه لكن معلش
اظاهر اني ما عرفتش اربي ومحتاجة اربيكم من جديد
منصور
يا اما احنا اسفين الفلوس زغللت عينينا لكن وعد اول ما نبيع اللوح هنديكي الفلوس تعملي فيها اللي انتي عايزها
ضحكت ضحكة كلها مر وقولت
لسة بتفكر في اللوح بعد اللي حكيته. الطمع خلاك غبي.
منصور
لية بس بتقولي كدة
سميحة
اصل اللوح مع الحكومة من يوم فات في نفس اليوم اللي قبضو في علي نهال. وانتو من النهاردة هتخرجو تشتغلو وتعرفو ازاي تجيبو جنية حلال واللي ابو وامه ما يعرفوش يربو. الشقا والتعب يربو
طارق
والمدرسة
سميحة
تشتغلو بعد المدرسة
طارق
ونذاكر امتي
سميحة
بعد الشغل. اصلي مش هتمرمط في الشارع تاني علشان خاطركم. عملتها مرة وطلعت بضيع عمري في الفاضي ومش هعملها تاني. يمكن الحق اربيكم قبل فوات الاوان
منصور
يا اما مش هنقدر نذاكر ونروح مدرسة ونشتغل
سميحة بعصبية
اومال تقدرو تخططو علشان تضربوني في ظهري. تقدرو تبصو في عينية وانتم عاملين عليه حوار. فاكرني لوحدي. انا ربنا معايا وزي ما قدر يحميني من شر ناس عرفتها في الشارع قدر يحميني من شر اللي اتمرمط علشانهم في الشارع. جربو الشارع وشوفو انا كنت حايشة عنكم اية. يمكن تعرفو قيمتي يا ولاد بطني
وقومت وقفت. وقال طارق
رايحة فين دلوقتي
سميحة
هخرج برة اشم هواء نظيف مش طايقة ابص في خلقتكم
وروحت ناحية الباب ومنصور جري ورايا وقال
يا اما بالله عليكي احنا ما كنش قصدنا نزعلك
بصيت له وقولت
قولها صح احنا ما كنش قصدنا نذبحك. ومن دلوقتي هتجيبو جنية هتاكلو وتشربو مش هتجيبو الجنية كلو من تحت رجليكم. مش من بعد الزمن دة الناس يقولو عليه مراة ما عرفتش تربي
وخرجت من البيت ومحروسة خرجت وراء مني وقالت
كنت قاسية عليهم اوي يا سميحة
سميحة عيطت وقالت
الدلع في الولاد بيطلع لهم خايبين وانا دلعتهم كتير وجه الوقت يعرفو ان الله حق
محروسة
حتي بعد ما الظابط وليد قال لك ان هيكون لينا نسبه من اجمالي سعر اللوح دة. نصيبنا القانوني
سميحة
الفلوس اللي هاتيجي دي حقك انتي انا ماليش فيهم جنية
محروسة
ورب الكعبة ما اخد جنية الا لما يكون ليكي في النص.
سميحة
بس
قاطعتها محروسة وقالت
خلاص انا حلفت. دة عوض ربنا لينا بعد كل اللي شوفنا في حياتنا
سميحة
لما يجي وقتها يحلها الحللال،،،،
وتعدي الايام وولادي شغالين علي العربية النص نقل في الروبابكيا وعضمهم نشف وبقو رجاله وعمرهم ما فكرو يزعلوني تاني وانا سمحتهم اصلي امهم. وخدنا من الحكومة 50 الف ج. مكافاة محروسة النص وانا النص وبدات اكبر تجارتي وجوزت العيال وبقيت جدة وشغلت عندي عمال وبطلت الف بنفسي. اصلي بقيت معلمه ودي كانت حكايتي وكنت فاكرة ان فات الاوان وعيالي ضاعو مني لكن الحمد لله لحقتهم ورجعتهم ل حضني قبل فوات الاوان. ،،،،،
مستني راي كل اللي شرفني بقراءة القصة اللي يارب تكون عجبتكم. وبكرة باذن الله استنوني وحكاية جديدة حكاية
احاسيس ميته. الموسم التاني. اللي بعنوان.
درة
يتبع
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
جميع الروايات كامله من هنا 👇 ❤️ 👇
اعلموا متابعه لصفحتي عليها الروايات الجديده كامله بدون روابط ولينكات من هنا 👇 ❤️ 👇
❤️🌺💙🌹❤️🌺💙🌹❤️🌺💙🌹❤️🌺🌹❤️🌺🌹🌹❤️🌺💙
تعليقات
إرسال تعليق