رواية حظ عوالم للكاتبة حنان حسن الفصل الثالث حصريه وجديده
رواية حظ عوالم للكاتبة حنان حسن الفصل الثالث حصريه وجديده
فاكرين الراجل الي انقذ بنتي من محاولة الاغت..&صاب؟
اهو دا بقي ..طلع هو نفسة حمزة الكاشف (الزبون المريض الي انا بشتغل عنده)
ودا اكتشفتة لما دخلت لغرفتة
لحظتها كنت بشوف وجهة لاول مرة
وغصب عني لقيتني واقفة متنحه وببصلة بزهول وبقول لنفسي...
هو دا الشخص الي انقذ ملك...وضرب فؤاد علقة موت..لما حاول يعتدي علي بنتي وقالي متخافيش انا معاكي
ورجعت تاني
لا مش معقول..اكيد دا واحد شبهة
لان الي ادامي دا شخص مريض مش قادر حتي ياخد نفسة..وبعدين دا راجل غني وعايش في مكان راقي يعني ايه الي هيجيبة بيتنا ويدخلة غرفة نرجس؟
وفي الاخر قلت لنفسي
لا ..لا دا اكيد دا واحد شبهة
ورجعت اتأمل تفاصيلة
واقول..غريبة
دا نفس الشبة ...ونفس العضلات البارزة من تحت القميص
واثناء ما كنت متنحة لحمزة الكاشف
سمعت صوت الطبيب وهو بيزعقلي
وبيقولي..ممكن تركزي معايا شوية؟
فا رديت بتوتر
وقلتلة.. هو حضرتك كنت بتكلمني
فا رد الطبيب
وقالي..
بقولك ركزي عشان تعرفي مواعيد الدواء الي هتعطيها لحمزة بيه
فا رديت وقلتلة
حاضر ...
وبعد ما الطبيب اعطاني مواعيد الدواء والتعليمات
تركنا وخرج...ومديرة المنزل كمان خرجت وراحت تشوف شغلها
وفضلت انا مع حمزة الكاشف في الغرفة لوحدنا
للكاتبة..حنان حسن
في اللحظة دي
افتكرت الراجل الشهم او( الشبح) الي خرج من غرفة نرجس وانقذ بنتي.. وافتكرت كمان نبرات صوتة
وكان نفسي حمزة دا ينطق ولو بكلمة عشان اقارن نبرات الصوت
لكن.. منطقش
ولاحظت انه متكلمش ولا كلمة اثناء ما كان الطبيب بيكشف عليه
دا حتي لما كان الدكتور بيكلمة مكنش بيرد
ومديرة البيت لما سالتة عن تغير الملاية برضوا مكنش بيرد
يكونش حمزة بيه اخرس؟
اكتشاف المزيد
رواية جميلة
كتب
رواية الرغبة
رفوف كتب
كتاب
للكاتبة..حنان حسن
في اللحظة دي
فكرت اسألة سؤال
واشوف ان كان اخرس فعلا ولا بيتكلم
فا قلتلة..
انا المساعدة الجديدة ..واسمي عوالم
انا هنا لخدمة حضرتك
تحب اجيبلك حاجة تشربها؟
وانتظرت انه يرد عشان اسمع صوتة
لكن مردش
واكتفي حمزة بيه بانه يبصلي فقط
نظراتة كانت غريبة
وفي نفس الوقت مش مفهومة
فا حاولت اجرب كده واتكلم تاني
يمكن يتكلم
فا قلتلة..
انا كان مفروض امشي عشان اروح لولادي
لكن الدكتور قالي لازم اقعد ساعتين كمان علي ما ميعاد الدواء يجي
وطالما بقي عندنا ساعتين كاملين
هنقعد فيهم فاضيين
فا انا ممكن احكي لحضرتك قصة
عشان تتسلي
فا سكت حمزة وفضل يبصلي بتعجب
وكأنه بيتفاجئ بكائن فضائي نزل عليه فجاءة وبيتكلم معاه
بس انا تجاهلت نظرات التعجب
وبدات اسرد قصتي
وقلتله..
القصة اسمها...(حظ عوالم)
المفروض ان الاسم دا
عبارة عن مثل بيتضرب عن الناس الي حظهم حلو زي حظ الراقصات
بطلة القصة كان اسمها علي اسمي
(عوالم )لكن حظها كان منيل
وانتهزت الفرصة
وبدات اسردلة حكايتي من الاول
قولتلة علي البنت اليتيمة الي اضطرت تتجوز من واحد زي فؤاد
واد ايه كان قاس..&ي وبخيل واناني
وازاي عرضها لل..&ذل والجوع والخوف والبهدلة
وازاي اغت..&صب بنتها ادام عنيها..وازاي اجبرها علي انها تق..&تلة..و بعدما دفنتة لقت عفريتة ظهرلها
وحاول ياخد بنتها ويغتصبها تاني
لكن..فجاءة ظهر رجل شهم وانقذ بنتها وقالها متخافيش انا معاكي
الراجل دا عمل في عوالم معروف كبير اوي
ولغاية ما تموت عوالم..
مش هتقدر تنسي معروفة دا ولا هتقدر تنسي شكلة
بس الغريبة ان عوالم رجعت شافت الراجل الشهم تاني
في مكان عمرها ما كانت تتوقع تشوفة فيه
عارف شافت الراجل الشهم فين؟
وانتظرت ان حمزة الكاشف يرد عليا...لكن مردش
لكن لاحظت انه كان مصغي ليا وبيسمعني بتركيز.. والدموع بتلمع في عنية
للكاتبة..حنان حسن
في اللحظة دي
اتأكدت انه مش بيتكلم لكن بيسمع
ودا قلقني اكتر
فا قلت اتأكد تاني
يمكن يكون الي في بالي غلط
والحكاية كلها مجرد تشابة في الشكل والملامح
وافتكرت لحظتها الوشم الي كان علي دراع الشبح (الراجل الشهم)
وحاولت اشوف ان كان موجود وشم علي دراع حمزة ولا لا
لكن القميص الي كان لابسة حمزة
كان بكم
ومقدرتش اتحقق من ذراعة
فا جيبت كوباية العصير الي علي التربيزة وقربت منه بحجة اني هقدمهالة ...ووقعتها علي قميصة متعمدة
وبعدها روحت بسرعة علي مديرة المنزل
وفهمتها بان العصير وقع غصب عني
وطلبت منها تساعدني اننا نغير القميص لحمزة بيه
للكاتبة..حنان حسن
وبالفعل...
جت معايا ونزعت عنة القميص
وفي اللحظة دي
اتكشف ذراعة وشوفت بعيني الوشم اياه
في اللحظة دي
اصابني الهلع...لاني اتأكدت ان الي ادامي دا يبقي ..العفريت الي خرج من غرفة نرجس
وانقذ بنتي من عفريت فؤاد الي دفنتة بايدي ..وهو نفسة الشبح الي رجع بعدها لغرفة نرجس تاني ومعاه شبح فؤاد
للكاتبة..حنان حسن
في اللحظة دي
قررت اني اغادر بيت حمزة للابد
وبالفعل غادرت بيتة فورا
ورجعت علي بيتي
واول ما رجعت روحت اجيب بناتي من غرفة حماتي
عشان نروح غرفتنا
لكن بمجرد ما اقتربت من باب غرفتها
سمعت حماتي بتتكلم مع شخص بالداخل
والغريبة ان صوت الشخص دا مكنش غريب عليا
وكان واضح ان الكلام عليا
لاني سمعت اسمي بيتردد بينهم
فا فتحت الباب علي حماتي عشان اتأكد ان كان الصوت الي سمعتة للشخص الي في بالي ولا لا
وبمجرد ما الباب اتفتح...شوفت بعيني صاحب الصوت
ومش هتصدقوا مين الي كان مع حماتي
وكان عايز ايه......؟
لو عايز باقي احداث الرواية صلي علي رسول الله وطبعا مش هننسي نضع عشر ملصقات مع متابعة صفحتي الشخصية
مع تحياتي
الكاتبة..حنان حسن
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
جميع الروايات كامله من هنا 👇 ❤️ 👇
اعلموا متابعه لصفحتي عليها الروايات الجديده كامله بدون روابط ولينكات من هنا 👇 ❤️ 👇
❤️🌺💙🌹❤️🌺💙🌹❤️🌺💙🌹❤️🌺💙🌹❤️🌺💙🌹❤️🌺
تعليقات
إرسال تعليق