رواية دموع قمر الحلقه الرابعه بقلم الكاتب محمد منصور حصريه وجديده على مدونة النجم المتوهج
رواية دموع قمر الحلقه الرابعه بقلم الكاتب محمد منصور حصريه وجديده
وقبل ما نبدأ الحلقة نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
وتنتهي ساعات العمل في الكوافير وتخرج قمر من الكوافير متجهه الي العنوان اللي خدته من السمسار ووصلت العنوان فلقيت السمسار قاعد قدام باب المحل ومعه سهير هانم وعبير وسهير كانت بتبص لها بغل شديد. وقالت
انتي يا قمر تطلعي واطيه كده
قمر بعصبية
سهير هانم بلاش غلط وبعدين انتي وعبير عرفتو ازاي اني جايه هنا
سهير هانم
هو انتي فاكره يا بت ان في حاجه بستخبي عليه. عايزا تفتحي كوافير يا جعانه
و تخرج سهير فلوس من شنطتها وترمي الفلوس في وش قمر وهي بتقول
ده باقي حسابك ومش عايزا اشوف وشك تاني في الكوافير
قمر
طيب انا عملت ايه لده كله
سهير هانم
مش عارفه عملتي ايه ها تستعبطي يا بت اوعي تقربي ناحيه الكوافير بتاعي او زباينه
فتبص لها قمر وتبص لعبير الذي كانت بتبتسم ابتسامه صفراء وتقف سهير ومعها عبير ويمشوا من المكان وتنزل دموع قمر علي خدها وتنزل ناحيه الفلوس وتلمها من علي الارض وتبص للسمسار وتقول له
هو في ايه. انا مش فاهمه اية اللي حصل لدة كله
ولكن السمسار يقوم هو كمان وكان باين في ملامحة الخبث وابتسم ابتسامه صفراء. وقال
دي عبير بس كانت بتمسي عليكي. تعيشي وتاخدي غيرها.
ضحكت قمر وقالت لنفسها باستهزاء
دي لعبه من ولاد الكلب وعرفت عبير توقع بيني وبين سهير هانم غبيه يا قمر ابوكي بردو هيسعي ليكي في محل. بطلي طيية بقي. لا بطلي عبط
ومشيت قمر في الشارع وهي مش عارفة هتعمل اية، ،،،،،
ومن جوة شقه عم زلطه كان عم زلطه نايم لما سمع صوت خبط علي الباب بنفس الطريقه المستفزه واحد بيخبط بايدة ورجله راح فتح الباب لقي رمضان ومعه فلتر للماء وباين عليه انه فلتر قديم ومكان الشمع المنقي للماء رمضان حاطط شمع السبوع فبص عم زلطه ل رمضان بقرف وقال
انت تاني عايز أيه مني المرة دي
فيدخل رمضان الشقه ويقول
ازيك يا عم زلطه
عم زلطه بضيق
نعم عايز أيه
رمضان
أنا جايب لك النهارده معايا الفلتر المعجزه فلتر لبوسي من الشركه الالمانيه الهنديه الكنافه بالطعميه فلتر عالمي
عم زلطه بزهق
مش عايز منك حاجه امشي اطلع بره
رمضان
ازاي انت عارف ان الفلتر ده ما فيش زيه لازم تعرف يا عم زلطه ان ميه المجاري لو دخلت وعدت علي اول شمعه هاتروح لتاني شمعه وهي هي ميه مجاري انما بقي المعجزه انها لما هاتعدي علي تالت شمعه هتفضل ميه مجاري زي ما هي وهنا بقي احنا بنرد علي كل اللي شككه في منتجنا ميه المجاري زي ما دخلت زي ما خرجت
عم زلطه وهو منبهر
دي فعلا معجزه
رمضان
اومال أيه. انت فاكر اني هاجيب لك حاجه ملهاش لزمه ده انت زبوني وخد بالك الشمع اللي في الفلتر من عند احسن عطار يعني شمع من النوع الزباله بس حلو جدا
عم زلطه
بس ليه مش حاطت في الفلتر شمع من اللي بينقي الميه
رمضان
سؤال جميل من مرحوم زيك الميزه في شمع السبوع ان الميه لما بتعدي عليه ما بيحصلش فيها اي تغير وبكده تطمئن انك تشرب ميه نظيفه وسخه وانت الكسبان ومش هاتخسر غير صحتك والفلوس اللي هاتدفعها
عم زلطه
هاتبيعه بكام فلتر لبوسي
رمضان
علشان خاطرك انت الفلتر ده ولفتره محدوده ب 250 جنيه لكن انت علشان حبيبي هاعمل عليه خصم 50%
يعني تمنه واقف عليك بعد الخصم برضو 250 جنيه
فيخرج عم زلطه من جيبه 250 جنيه ويديهم ل رمضان فيمسك رمضان منه الفلوس وهو يقول
وربنا انت لو مت انا هازعل
ويمشي رمضان من عند عم زلطه وعم زلطه يمسك الفلتر في أيده وهو يضحك ويقول
حمار ضحكت عليه وخد منه الفلتر بنص تمنه ،،،،،،،،
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
جميع الروايات كامله من هنا 👇 ❤️ 👇
اعلموا متابعه لصفحتي عليها الروايات الجديده كامله بدون روابط ولينكات من هنا 👇 ❤️ 👇
❤️🌺💙🌹❤️🌺💙🌹❤️🌺💙🌹❤️🌺💙🌹❤️🌺💙🌹❤️🌺
وبعدها بيوم ومن جوة شقه قمر كان صبحي قاعد بيتفرج علي التيلفزيون وتدخل عليه قمر وكان باين عليها التعب لانها كانت بدور علي شغل ويبص لها صبحي ويقول
لاقيتي شغل
قمر
لا لسه
صبحي
يعني ايه لسه. طيب وانا دلوقتي محتاج فلوس اجيب منين
قمر
طيب وانا اجيب منين
صبحي
اتصرفي يا قمر اخواتك نايمين من غير عشا
قمر
اني اخوات فيهم اللي في البيت هنا ولا اللي في البيت اللي هناك
صبحي بنرفزه
جري اية يا بت انتي هتحاسبيني ولا ايه. انا عايز فلوس تتصرفي وتجيبي الفلوس اللي انا عايزها
قمر
كل حاجه اتصرفي يا قمر انا عايز يا قمر هي قمر دي هاتعمل ايه ولا ايه حرام عليك هو انا ما بصعبش عليك
فستان وحيد عندي ودايب من كل حته ومش عارفه اجيب غيره ما تخلي رمضان يشيل عني الحمل شويه
فيضحك صبحي ضحكه أستهزاء ويقول
رمضان هو فين رمضان تعرفي عنه حاجه تعرفي له طريق
رمضان بيجي هنا بس علشان ينام. من الاخر يا قمر انتي لازم تتصرفي وتلاقي شغل علشان انا محتاج فلوس
قمر
حاضر بكره ما عنديش كليه هاخرج ادور علي شغل من الصبح بدري
صبحي
وليه بكره ما لسه بدري اخرجي لفي تاني ممكن تلاقي كوافير عايز واحده
قمر
حرام عليك والله الساعه بقيت 11 وانا من الساعه 7 بلف في الشوارع كلها وبسال اي كوافير بقابله لكن ما فيش شغل وانا جعانه اوي من ساعه مافطرت وانا علي اللقمه دي
صبحي
بقول لك اتصرفي في فلوس تقولي تعبانه وجعانه
قمر
بابا انا مش هاخرج ولا هاروح في حته دلوقتي ولا حتي عايزا ااكل
وتسيبة وتخش اوضتها وهي بتعيط وتمسك بطنها وتتوجع وتصرخ صرخه مكتومه. وتف دم من بوقها وتمسح بوقها بمنديل وتغير هدومها وتنام علي الارض جنب اخواتها اللي كانوا نايمين علي السرير مكانها وتبص ل سقف الاوضة وتقول
يارب
وتنزل دموع قمر علي خدها ويحترق شباب قمر بسبب حزنها الذي لا ينتهي،،،،،،،،
وتاني يوم الصبح تخرج قمر من شقتها علشان تدور علي شغل وفعلا تلاقي شغلانه في كوافير لسة فاتح وتحمد ربنا انها لقيت شغلانه بسرعه وبيومية ضعف اللي كانت بتاخدها عند سهير. وتعدي الايام وكانت ديما تروح الكلية تدور علي عمار. لكنها ما قدرتش توصل له، ،،،،،،
ومن جوة شقة عمار كان جمعه والد عمار واقف قدام عمار وبيقول له
واخرتها جيبت لك من البلد بدل العروسة تلاته وانت ترفض مع انهم موافقين
عمار
موافقين من غير ما يشوفوني موافقين علشان انت ابويا. وسمعتك في البلد تخلي اي حد يوافق يناسبك.
ويبكي عمار ويقول
انما انت بعت صورتي لاي واحدة من التلاته. علشان تشوفني الاول
جمعه
وابعت لهم صورتك لية. فيك اية يتعيب
عمار وهو بيوري الحرق لجمعه
فيها دة. شايف العاهة دي كويس ولا. لا
جمعه
يا ابني لازم ترضي بقضاة ربنا
عمار بصوت حزين
والله انا راضي وعمري ما قولت غير الحمد لله. لكن اللي في الشارع هما اللي بيشوفوني ويخافو يبصو في وشي كاني جربه. يبقي ازاي اعيش مع واحدة تحت سقف بيت واحد واحكم عليها انها كل يوم تتصبح بالخلقة دي
جمعه وهو بياخده في حضنة.
كفاية يا عمار ما حبش اشوفك كدة
عمار
والله يا حج انا كويس. بس الناس اللي شايفني مش كويس
جمعه
يا ابني جوازك هيخليك تبقي نفسية احسن من كدة
عمار
انا مش هتجوز وانا بالمنظر دة
جمعه بعصبية
لا. هتتجوز وتحبك وتحبها وتنسي كل اللي عايز يخلص علي اللي فاضل منك
ويكح جمعه لانه تعبان فيقول عمار
طيب بالله عليك اهدئة وانا هعمل علشانك اللي انت عايزة بس سايبني انا اختار اللي هتجوزها، ،،،،،،،،،
ومن علي احدي القهواي يقعد عمار مع حسان ويقول عمار
انا تعبت يا حسان ابويا مبقاش في حوار بيني وبينه غير اني اتجوز قال يعني الجواز دة هو الحل والعلاج للي انا في
حسان
طيب ما تتجوز وتريحة
عمار
حتي انت.
حسان
انا شايف ان دة حل كويس برضو ست تكون معاك علي الحلوة والمرة وتتلهي معها شوية وتنسي وشك واللي حصل له
عمار
يعني ادور علي واحدة تعيش معايا شفقة بحالتي
حسان
مش كدة
عمار
لا كدة. انت عارف ابويا العرايس اللي بيجبهم ليا عبارة عن اية. اما بت فاتها سن الجواز. او ارمله او مطلقة. لانه عارف ومتاكد ان مافيش بنت بنوت ترضي بشكلي دة ورغم كدة بيكابر
حسان
يبقي خلاص نتصرف في فلوس وتعمل العملية
عمار
نتصرف في 100 الف ج.
حسان
اة. وفيها اية انت شغال معانا بعد الظهر بس زود كمان وردية وادخل بيها جمعية. وانا من ناحيتي ممكن ابيع،،،،
فيقاطعه عمار قائلا
بس بس. حيلك. انت لو بعت كل اللي حيلتك مش هتجمع 20 الف. وانا محتاج خمس جمعيات علشان اجمع ال 100 الف.
حسان
يعني تستسلم
عمار
لا. الاحسن اني اسيبها علي الله، ،،،،،،،،،
وتعدي الايام وفي يوم كانت قمر قاعدة قدام باب الكلية مستنية تشوف عمار وفعلا شافت عمار وهو خارج من باب الكليه ورايح ناحية الموتوسيكل بتاعه فرحت اوي ووقفت وراحت ناحيته ووقفت قدامه وقالت
انا عماله ادور عليك
عمار باستغراب
بدوري عليه انا. خير
قمر بارتباك
علشان يعني علشان عايزا اقول لك شكرا
ما افتكهراش عمار فقال
أنتي تعرفيني.
قمر
انا اللي اسامه بتاع الامن ماكنش عايز يدخلني من كام يوم لولا انت قولت له يدخلني
فيبتسم عمار ابتسامه خطفت قلب قمر وقال
دة انا كنت نسيت والله. الموضوع مش مستاهل انك تدوري عليه و تشكريني
قمر
أزاي انت عملت حركه جدعنه تستاهل عليها اني أشكرك
عمار
ماشي يا ستي لا شكر علي واجب
ولسة هيركب الموتوسيكل قالت له
انت اسمك عمار صح
عمار
ايوا صح
قمر
وانا قمر
عمار مجامل لها
وانتي فعلا قمر تشرفنا
ويلبس الخوذة بتاعتة فتقول قمر
انت في كليه تجاره
فيضحك عمار وتتعلق قمر وتسرح في عيون ضحكته وهو يقول
قمر انتي عايزا أيه بالظبط
قمر وهي في قمه الاحراج
انا أسفه ومش عارفه انا ازاي نسيت نفسي كدة
ولسة هتمشي مسك ايديها فبص ل أيده فشالها بسرعه وهو مكسوف من نفسه وقال
اسف اني مسكت ايدك
قمر
لا ما فيش حاجه
عمار
بس انا لما سالتك عايزا ايه كنت شايف في عينيكي كلام تاني غير شكرا وعايزا تقولي
قمر وهي بتبص في الارض ولاتزال محرجه
لا انا كنت عايزا. اقول شكرا وخلاص
عمار ضاحكا
وبالنسبه لسؤالك انت في كليه تجاره
قمر
كان سؤال عادي
عمار
ومش عايزا تعرفي اجابته
قمر وقلبها بيضحك
لو عايز تقول. قول
عمار
انا لسه في الثانويه بس باجي كل يوم الكليه علشان احجز مكان
فتضحك قمر ويضحك عمار وعيون قمر تعوم في عيون عمار وعمار ينجذب لقمر فهي اول بني ادم لا تشعره انه مشوه وقمر تنجذب لعمار فهو اول شخص يبص لها بصة بعيدا تماما عن معيرتها بفقرها وبانها بنت السواق وبدات حكايه عمار وقمر، ،،،،
ومن النهاردة الحكاية بقي ليها حكاية تانية خالص، ،،،،،،
تعليقات
إرسال تعليق