رواية لعبة القلوب المحرمه الفصل الثامن عشر بقلم الكاتبه أماني السيد حصريه وجديده على مدونة النجم المتوهج
رواية لعبة القلوب المحرمه الفصل الثامن عشر بقلم الكاتبه أماني السيد حصريه وجديده على مدونة النجم المتوهج
قرب منها ماهر بخضه من شكلها وهى مسكت فيه وبعدها فقدت الوعى من الالم . حاول ماهر يفوقها لكن يدون جدول
نادى بصوت عالى على شعيب وخرج شعيب بسرعه على صوت ماهر
ـ فى ايه يا ماهر
ـ البنت تعبانه اوى وسخنه وفاقده الوعى انا هاخدها على المستشفى ازاى جت الشغل بالمنظر ده وانت إزاى شوفتها تعبانه ومخلتهاش تمشى
ـ اهدى يا ماهر انا مش ببصلها ولا بركز فى شكلها
عموما هاجى معاك نوديها المستشفى
ـ لأ اختها تحت هاخدها معايا وشوف حد يمسك غيرها
شالها ماهر ونزل جرى بيها وشعيب اتصل على احد الموظفين عشان يمسك بدل مروه
نزل ماهر وهو شايل صفا شافته مروه جريت عليه وهى مخضوضه من شكل اختها
ـ فى ايه حصل ايه
ـ مش عارف هى كانت تعبانه
ـ أه امبارح بس
.وسكتت اتحرجت تقوله أنها كانت شاكه انها البيريود
ـ بس ايه ؟؟ ساكته ليه
ـ معرفش معرفش قالتها وهى بتعيط
سابها ماهر وخرج على بره وهو مازال شايل صفا وخرجت مروه تجرى وراه وقف ماهر قصاد العربيه وطلب من مروره تخرج المفاتيح من جيبه عشان تفتح العربيه
ـ حطت مروه اديها فى جيبه برعشه وسحبت المفاتيح وفتحت العربيه
حط ماهر صفا فى الكرسى الخلفى وجنبها قعدت مروه اللى فضلت تحاول تفوق فيها
وصلوا المستشفى وشالها ودخل بيها وجريوا عليه الممرضات والدكاتره واخدوها عشان يسعفوها
ووبعدها عملوا الاشعه المطلوبه والتحاليل وخرجوا ليهم بره
قرب ماهر من الدكتور اول ما خرج من غرفه الطوارئ
ـ خير يا دكتور مالها
ـ الزايده انفجرت ولازم تدخل عمليات دلوقتي
انهارت مروه ببكاء وهى مش عارفه تعمل ايه ولا تتصرف ازاى ... ولا قادره حتى تاخد موقف تسأل ولولا ماهر مكنتش هتعرف تروح فين ولا تيجى منين
رجت مروه قعدت على كرسى بعيد عن ماهر وفضلت تعيط على اختها وعلى نفسها وقله حيلتها أنها مش قادره تعمل أى حاجة ... حتى مش عارفه تتصل تقول لامها ولا لأ مش عارفه تاخد قرار فى حاجة.
تم تجهيز صفا ودخلوها غرفه العمليات
وبعد مرور ساعتين اتصل شعيب بماهر وجاله المستشفى
وصل شعيب المستشفى ولسه هيحاسي لقى ماهر دافع الحساب ومخلص كل الإجراءات
سأل عن مكانهم وتوجه بعد كده قدام غرفه العمليات واتفاجئ بشكل مروه اللى جسمها بيترعش وداخله فى حالة انهيار وناهر مش مركز معاها واقف بعيد بيشرب سيجاره وبيتكلم بعصبيه فى الموبايل
قرب شعيب من مروه وطبطب على كتفها لقى جسمها كله اتنفض اكتر ظن شعيب إن ممكن تكون صفا ماتت وده اللى وصل مروه للحاله دى ومخلى ماهر عصبى كده
سألها شعيب بحرص
ـ خير يا مروه مالها صفا
حست مروه بأمان لما شافته مس عارفه سببه لكن هى حست بيه يمكن عشان مواقفه معاها قبل كده
اتكلمت بشحتفه وصوتها بيخرج بالعافيه خلتوقلب شعيب وجعوا على منظرها
ـ الدكاتره قالوا الزايده انفجرت ودخلت تعمل عمليه
اخد نفس وخرجه بهدوء بعد ما كان كاتم نفسه
ـ يا ستى بسيطه وهتخرج بالسلامه كل ده عشان الزايده انا ماما عملتها السنه اللى فاتت ايه المشكلة دى البلد كلها عندها الزايده اهدى واطمنى هتخرج بالسلامه وهتقعد يوم او اتنين بالكتير وتخرج انا قولت حصلها حاجه بعد الشعر
لم تحيب عليه مروه وظلت تبكى مره اخرى بشكل اكبر
ـ اهدى يا مروه أهدى انتى بتعيطى ليه المفروض تقولى الحمد لله أننا لحقناها
ـ أنا مش عارفه اعمل ايه
ـ تعملى ايه فى ايه
ـ فى أى حاجة انا ماليش لازمه فى الحياه اختى تعبت مقدرتش امنعها تيجى الشغل ولو كان حصل ده واحنا لواحدنا أنا مكنتش هعرف اعملها حاجه ولا الحقها ... ومشكلتى اللى فاتت لولا أنك اتدخلت كان زمانى رجعت لايمن وبيذلى .... انا مش عارفه حتى اكلم ماما ولا لأ خايفه اكلمها اقولها يحصلها حاجه وخايفه ماتصلش تتصل هي تشوفنا اتاخرنا ليه انا مش بعرف اتصرف انا بك*ره نفسى
لا يعلم لما ود شعيب أن يضمها ويطمئنها ولما هى بتلك الضعف أمامه
ـ ياستى اهدى اختك زمانها خارجه دلوقتي نطمن عليها وبعدين تروحى البيت تقولى لمامتك وتطمنيها ونجبها ونيجى ولسه معانا وقت الساعه دلوقتي ١ والمفروض شغلكم بيخلص الساعه ٥ يعنى هتكون صفا خرجت من العمليات وفاقت كمان
ومامتك لما تيجى هتلاقيها كويسه مس هتتعب ولا حاجه
مسحت مروه دموعها بإديها وبصتله بأمل وفضلت تفكر فى كلامه وازاى بيقدر يهون عليها كل حاجه كده
قعد شعيب جمب مروه وفضل يتكلم معاها ويديها وقدر يطمنها وبعدها قرب منهم ماهر واتدخل فى الحديث
فتره بسيطه وخرجت صفا ووشها كان شاحب نزل ماهر يشترى أكل ليها عشان لما تفوق ووصى فى المستشفى يتعملها أكل مخصوص
رجع المستشفى بالاكل والعصاير واخد منه شعيب الاكل واداه لمروه اللى رفضت تاكل لكن بعد ضغط شعيب وافقت
تجنبهم ماهر ووقف بعيد يتابعهم وهو مركز مع شعيب اللى أول مره يشوفه مهتم بحد او بيأكل حد من الأساس
وسأل نفسه سؤال خلاه يحس بقلق تجاه شعيب
ـ هل شعيب بدأ يتعلق بمروه ؟؟ بس لو ده فعلاً المشكلة مش هتكون فى إنه يتعلق بيها المشكلة لو هو متعلق بيها عشان بتفكره بمامته ووقتها ممكن يفوق ومروه هى اللى هتتعب فى النهايه
شعيب عملى مش بيهمه مشاعر حد
لما اتعرف على شرين كان باباها عازمه عنده فى الفيلا بعد صفقه بينهم ووقتها شرين بقت تقرب منه وتلاحقه فى كل حته ووقتها شعيب خطبها
لانه فكر أنها مناسبه ليه اجتماعيا والعلاقه بينهم بارده وهى اغلب الوقت مسافره ومدياله مساحته كش بتزن عليه وهو عجبه الموضوع ده فمكمل فى الخطوبه اللى ماهر من الاساس محظره منها وعارف أنها مش هتكمل
بعد فتره خرح الدكتور وقالهم انهم يقدروا يشفوها دخل ماهر ومروه اطمنوا عليها ووقعدوا معاها وقرر ماهر انه يمشى ويرجع بليل عشان يخلص شغل متعطل وشعيب نزل الكافتريا يشرب قهوه
بعد ساعتين طلع واطمن عليها ونامت صفا بسبب البنج والادويه اللى ادتهالها الممرضه
واخد شعيب مروه ووصلها للبيت عشان تجيب مامتهم ويرجعوا تانى المستشفى
طلعت مروه البيت واستناهم شعيب فى العربيه وبلغت مروه مامتها اللى حصل ومامتها لبست بسرعه ونزلوا راحوا المستشفى عشان يطمنوا على صفا ووقتها صفا كانت نايمه والدكتور طمنهم انها ممكن تخرج بكره لان حالتها كويسه بس محتاجه راحه واكل صحى وبعدها هتبقى كويسه
عند هشام
كان قاعد فى النادى بيلعب كره سله ودماغه مشغوله بشعيب واللى حصل ووضع جده وهل شعيب ممكن يعمل حاجه تضرهم هو مابقاش فاهم حاجه بس اللى حاسس بيه من جواه إنه مبسوط إن شعيب طلع ابن عمه وإنه هيكون كبير العيله
مش قادر ينسى معايره باباه ليه بعد اللى حصل اخر مره
لكن من جواه حاجه بسطاه يمكن عشان هيبقى كبير على أبوه
ولا يمكن هو واثق إن شعيب هيحافظ على ورث جده اكتر من أبوه واعمامه
طول عمره بيسمع باباها بيتكلم عن جده وازاى هو اولى واحد بفلوس أبوه وشايف إنه اكنر واحد بيشتغل رغم إنه اكتر واحد خسر جده فلوس مره عشان يوضب الشركه ومره عشان يجدد معدات والالات كانت سليمه وشغاله حتى الشركات اللى بعها بحجه انها مش شغاله واشتراها شعيب
شغلها وكانت ناجحه وليها اسمها
وازاى كلن سايب مامته كول الوقت مع اختها واولاد خالتها وبيحب المظاهر وبيكون حريص أنه يهادى بهدايا غاليه عشان دايما الكل يشكره ويمجد فيه
خلص هشام الماتش واتصل على شعيب وطلب يقابله
ووافق شعيب بس أجلها لتانى يوم
فى المستشفى شكرت والدتهم شعيب على وقفته معاهم
ـ مش عارفه اشكرك ازاى يا ابنى على اللى عملته
ـ أنا معملتش حاجه الفضل لماهر هو اللى جابها هنا وقام بالواجب انا ملحقتش اعمل حاجه
ـ انتوا ولاد اصول رينا يكرمك يارب ويبعد عنك شر ولاد الحرام
ـ شكرا على الدعوه الحلوه دى بالدنيا كلها
تحب. اوصلكم البيت دلوقتي
ـ لأ إحنا مش هنسيبها هنبات معاها
ـ طيب انا هروح دلوقتي وبكره تقدرى يا مدام مروه تاخدى اجازه وهبعتلكم عربيه بسواق تروحكم ولو احتاجتم اى حاجه هيكون موجود معاكم
ـ شكراً يا ابنى مالوش لازمه التعب ده
ـ لا تعب ولا حاجه اعتبرينى ابنك ولو احتاجتى أى حاجة كلمينى فورا وساب رقمه لمروه واستاذن ومشى
وصل شعيب البيت لقى عربيه غريبه قصاد الفيلا
دخل الفيلا ولقى والده قاعد ومامته قاعده
اول مواجه لعامر وراضيه وشعيب تفتكروا هتكون عامله ازاى ؟
وهل شعيب حب مروه او شدته عشان شبهه مامته ولا لانه فعلا معجب بيها وكلام كاهر غلط ؟؟
كل ده هيبان فى الاحداث
انتظرووووووني
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
جميع الروايات كامله من هنا 👇 ❤️ 👇
اعلموا متابعه لصفحتي عليها الروايات الجديده كامله بدون روابط ولينكات من هنا 👇 ❤️ 👇
❤️🌺💙🌹❤️🌺💙🌹❤️🌺💙🌹❤️🌺🌹❤️🌺🌹🌹❤️🌺💙
تعليقات
إرسال تعليق