رواية ظلم وتنمر الفصل الاول بقلم ايسو إبراهيم حصريه وجديده على مدونة النجم المتوهج
رواية ظلم وتنمر الفصل الاول بقلم ايسو إبراهيم حصريه وجديده على مدونة النجم المتوهج
كانت رايحة الكلية زي كل مرة وطلاب من دفعتها قاعدين يتريقوا عليها أول ما شافوها
واحدة منهم بضحك: أهي بنت الزبالة وصلت ورافعة راسها كأنها بنت الوزير
وعدت من قدام الكافتيريا وهي ماشية بسرعة ولكن لقيت حاجة بتتقلب عليها بصت على هدومها لقيت قهوة
البت غمزت لصاحبتها واسمها لوجي وقالت: سوري يا شوشو أصل شربت القهوة ورميت الكوباية من غير ما أبص وأشوف حد ماشي ولا إيه
البت التاني واسمها رفيف بمكر: أكيد هي مش قصدها يا شوشو وبعدين أنتم متعودين تنضفوا الزبالة فمش مشكلة لو جت عليكي زبالتنا ابقي روحي الحمام ونضفي هدومك يا حبي يلا سلام عشان السيكشن هتبدأ أهي
وخدت صاحبتها لوجي ومشيوا وهما بيضحكوا بخبث ومبسوطين من اللي عملوه فيها
كانت كل كلمة بتتقال لشروق كأنها سهام بتترمي على قلبها مش كلام وخلاص دخلت الحمام بسرعة وفضلت تعيط وتغسل هدومها
كان في حد شاف الموقف دا وعايز يتدخل لكن رجع تاني في قراره ومشي
في الجهة التانية كان المعيد داخل القاعة ولكن لقي موبايله بيرن وقف عن الباب ورد على والده: ازيك يا بوي كيفكم كلياتكم
أنا داخل لسه هبدأ السيكشن، لا كيف يا بوي لازم أرد عليك وسلملي على الحاجة وهبجى أكلمكم لما أخلص في رعاية الله يا بوي
وقفل مع والده ودخل السيكشن وعم الهدوء المكان أول ما دخل: السلام عليكم، وعينه على لوجي ورفيف ومتضايق منهم
مسك المايك وقال: النهارده هيبقى السيكشن اللي قبل الأخير وكل واحد المرة الجاية يكون محضر كل الرسومات بتاعت الحيوانات عشان نتناقش في الامتحان العملي
قطع كلامه خبط عالباب بص يشوف مين لقاها شروق هو طبعا عارفها عشان شاطره وبتتناقش معه كل سيكشن وبتجاوب على كل سؤال
قال: ادخلي يا شروق وآخر مرة يكون في تأخير
هزت راسها بتوتر ودخلت على طول ملابسها عادية جدا وكل اللي يهمها الدراسة وبس هي في آخر سنة في الكلية نفسها تخلص عشان تشتغل وتخفف عن والدتها التعب
بدأ الدكتور يشرح وكل شوية يسأل سؤال عن الجزئية اللي شرحها عشان يتأكد فهموا ولا لا
رفعت شروق إيدها وسمح ليها تجاوب والطلبة المتنمرين عليها ضحكوا عليها فالدكتور سمع ضحكهم بص عليهم
فخافوا لما لقوا الدكتور بببص عليهم شاور لهم وقال: هاتوا حاجتكم وتعالوا
بصوا لبعض بخوف وخدوا حاجتهم وراحوا عنده
حط القلم قدامه بغضب وقال: هاتوا الكارنيه بتاعكم وماشوفش وشكوا السيكشن الجاي ولا هاخد تكليفاتكم وأعمال السنة صفر
لوجي ورفيف بصدمة حاولوا يوضحوا ويقولوا أي حاجة لكن ما سمحش ليهم
قال بزعيق: يلا يا أستاذة منك ليها هو أنا مش واقف بشرح ليكوا لما مش قد التعليم بتتعلموا ليه أكيد عشان التفكير السطحي اللي المعظم بيفكر فيه
إن البنت تتدخل كلية ويبقى معاها شهادة عشان تتجوز واحد معه كلية وخلاص ولا عشان أهلها يمشوا يقولوا بنتي ولا ابني معه كلية لكن لو بصوا من ناحية تانية هيلاقوا ابنهم ولا بنتهم ميح خالص أخلاق وتربية وثقافة وتعليم
بقلم إيسو إبراهيم
اللي تيجي تقابل واللي تيجي تتنمر واللي تيجي تاكل واللي تيجي تتمنظر عشان الشباب واللي تيجي هربانة من مساعدة والدتها في شغل البيت واللي تيجي غصب عشان أهلها بيزعقوا لها لو مارحتش
وقليل جدا لما تلاقي واحد ولا واحدة جاي عشان التعليم وإن محتسب دي عبادة بردوا وعايز ياخد حسنات وكمان عايز يبقى له مستقبل ينفعه إذا كان في شغل أو في تعليم عياله ويبقى فاهم الدنيا حواليه ماشية إزاي بس نقول إيه
يلا أنتِ وهي برا ابقوا خلوا ضحكوا ينفعكوا في العملي والفاينل
ياترى هينفذ كلامه فعلا ولا ايه وهل هيفضلوا يتنمروا على شروق على طول
انتظرووووووني
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
جميع الروايات كامله من هنا 👇 ❤️ 👇
اعلموا متابعه لصفحتي عليها الروايات الجديده كامله بدون روابط ولينكات من هنا 👇 ❤️ 👇
❤️🌺💙🌹❤️🌺💙🌹❤️🌺💙🌹❤️🌺💙🌹❤️🌺💙🌹❤️🌺
تعليقات
إرسال تعليق