رواية لعبة القلوب المحرمه الفصل التاسع عشر بقلم الكاتبه أماني السيد حصريه وجديده على مدونة النجم المتوهج
رواية لعبة القلوب المحرمه الفصل التاسع عشر بقلم الكاتبه أماني السيد حصريه وجديده على مدونة النجم المتوهج
دخل شعيب البيت اتفاجئ بوجود عامر قدامه ومامته قاعده وحاطه رجل على رجل وبتتكلم بسخريه معاه
قرب منهم شعيب وقعد جمب مامته وبص لابوه باستغراب ازاى وصل هنا وبأى عين جايلهم
اتكلم شعيب باستغراب واستهزاء فى نفس الوقت
ـ إيه ده عامر بيه بنفسه جه هنا عندنا بس غريبه عرفت العنوان منين
ـ يوم ما كنت موجود وبتزور بابا لما خرجت انا خرجت وراك لحد ما وصلت لهنا
ـ ياترى ايه سر الزياره السعيده دى
ـ أولا جاى اتكلم مع راضيه واعاتبها أنها اخدتك ومشيت ومخلتنيش اعرفلكم طريق ... ماتنساش إنك فى الأول والاخر ابنى وكنت عايزك تتربى معايا وكنت ناوى ارد امك تاتى واجبلها بيت بعيد لواحدها عشان محدش يضايقها تانى
ـ ثانيا عشان اقولك أنى هساندك فى أى حاجة هتعملها وموافق على كل الكلام اللى بابا قاله انت فى الاول والآخر ابنى وهكون مبسوط وسعيد لما اشوفك ناجح وكبير العيله
كانت راضيه لسه هترد عليه وقفها شعيب بإيده
واتكلم شعيب بجديه مصطنعه مسحوبه بسخريه
ـ أنا مش عارف اقولك ايه بصراحه هى فعلاً غلطانه إنها حرمتنا من بعض ومن العيشه الحلوه اللى هى كانت عايشاها لا بصراحه غلطانه والمفروض تعتذر
قالها شعيب بسخريه واضحه مصحوبة بابتسامة .
اكيد طبعا أنت دورت علينا كتير وقلبت الدنيا وجدو عشان قلبه قاسى مقالكش مكانا
ـ تانى حاجة كلام وصيه جدوا هيتنفذ غصب عنكم مش بس بمزاجكم فالاحسن إنه يبقر بمزاجكم
ثالثا أنا مش محتاح دعمك عشان ابقى كبير وناجح لأنى كبير وناجح من غير دعم حد
ـ عيب يا شعيب تتكلم كده ما تنساش ان انا ابوك ولا عشان امك بعدتك عني خلاص هتنسى ان ليك اب
ـ لا هو انا امي ربتني راجل قد المسؤوليه وربتني اني احترم الست وابقى عارف يعني ايه بيت واسره
ربتني اعتمد على نفسي لحد ما وصلت للي انا فيه دلوقتي تفتكر لو انا كنت عايش معاك كنت هبقى في اللي انا فيه ده دلوقتي
سكت عامر ما بقاش عارف يرد ويقول ايه ده اول مره يلوم نفسه ان سمع كلام امه كان زمانه دلوقتي متحكم في كل حاجه
حتى راضيه اللي الزمن ما زادهاش غير جمال إزاى قدر يفرط فيها
راضيه قصاد مراته الحاليه تبقى بنتها عكس التانيه اللى وشها باظ من المكياج وعمليات التجميل والنفخ والشد والحقن
كانت راضيه قاعده مستمتعه بكلام ابنها و بتبصله ببرود وجوده من عدمه سواء شكله بيسبب لها اشمئزاز لبسه اللى شبه لبس الشباب الصغير واختياره لألوان لبسه اللى مخلياه شبهه المراهقين ولا شعره اللى بيصبغه ده ازاى بعد العمر ده كله مش قادر يحترم سنه
كويس ان شعيب جه فى الوقت المناسب
عشان انا كنت ناويه اطلبله الامن بس احسن انه مامشيس عشان شعيب يقوله الى فى النصيب
لسه راضيه هتتكلم لقت تليفون عامر وشعيب بيرنوا فى نفس الوقت
كان ماهر بيتصل بشعيب ومحمد كان بيتصل بعامر فى نفس الوقت
حس شعيب بقلق من رنين ماهر فى نفس وقت رنين هاتف عامر ورد على طول
ـ الو يا ماهر
صوت سكوت من ماهر وصياح بجانبه سمعته راضيه اللى بصت لشعيب بدموع من إن اللى فهمته صح
ـ ماهر جدى .....
ـ تعالى يا شعيب عشان تغسله دى وصيته انا وانت وهشام
ـ هشام ؟؟ طيب انا جاى حالا
بصله عامر وفهم إن أبوه خلاص ما.ت
مسكت راضيه دراع شعيب انا هاجى معاك استنى هطلع اغير هدومى
ـ هستناكى فى العربيه
كان واقف عامر شبه الطفل اللى مستنى اللى قدامه يقوله يعمل ايه انسان اتعود ينفذ الكلام بدون تفكير
بص عامر لشعيب مستنيه يقوله يعمل ايه مكنش قدامه غيره
فهم شعيب اللى ابوه بيفكر فيه وراح فوقه بصوته
ـ هتعرف تسوق ولا تركب معانا
اتكلم عامر بخوف
ـ جاى معاكم
خرج عامر بخطوات سريعه وخرج وراه عامر وبدأ شعيب فى تشغيل العربيه وخلال دقايق وصلت راضيه وركبت فى الخلف
وصلوا بيت عابدين كان الكل قاعد لابس اسود وماهر واقف قصاد الاوضه زى مايكون بيحرسها وعيونه حمرا واضح عليه إنه كان بيحاول يكتم الدموع
قرب شعيب من ماهر وضمه ليه جامد وطبطب على ضهره
لانه عارف إن ماهر مايقلش فى الحزن على جده عنه
ـ ادخل لجد بص عليه اخر مره ... انا كلمت الناس وهيجوا دلوقتي بالكفن وباقى الحاجه هو طلب أننا بس اللى نقف على غسله
ـ انت كنت عنده وقتها
ـ أه... بعدين نتكلم
دخل شهيب الاوضه على جدوا وشافوا وهو نايم على السرير قرب منه ببطئ وقعد جمبه ومسك ايده باسها واترمى فى حضنه وعيط وقرب من ودانه وبدأ يلقنه الشهاده مره تانيه
وبعدها دخل المرحاض غسل وشه ورجع تانى خرج بره الاوضه كان المغسلين وصلوا ومعاهم كل المستلزمات اللى طلبها ماهر
بدا محمد فى الكلام
ـ يلا يا جماعه شوفوا شغلكم وبراحه عليه
ولسه هيفتحلهم الباب
مسك شعيب نقبض الباب
ـ محدش هيدخل على جدى يغسله انا وماهر وهشام بس اللى هنغسله وثانيا مش هنلحق الترب بكره الصبح بدرى هنغسله وهند..فنه
ـ انت اتجننت إكرام الميت دفنه انت هتحنطه
ـ بص يا محمد بيييه وصيه جدى فى مين يغسله هتتنفذ ومش هيتد.فن غير بالنهار ويتصلى عليه فى المسجد هو مش حيوان ما..ت عايز تخلص منه
ولو عايز نمشيها عافيه مافيش مشاكل لحظه واحد والبيت هنا هيتملى البودر جارد بتوعى ووقتها مش هتحب اللى هيحصل بعد كده
ـ أنت واخدها بلطجه بقى
ـ اعتبرها زى ما تعتبرها
استلم ماهر ادوات الغسل ودخل شعيب عند جده
وفضلت راضيه قاعده فى وسط الحريم
كانت شبه الملكه فى وسطيهم
فضلوا كلهم يبصوا لبعض ويفكروا بعض بأيام زمان وازاى نفضت واحلوت عن زمان
سالت مرات عامر عن هويتها قالتلها مرات محمد انها تبقى طليقت جوزت
فضلت مرات عامر تبصلها بتقييم واتجاهلت راضيه نظراتهم نهائى هى جايه عشان حماها اللى الراجل اللى كان ليه الفضل بعد ربنا للحياه اللى هى عيشاها دلوقتي
افتركت حماتها وسلايفها واللى كان بيحصل
ونظره الشماته فى عنيهم لما جه يتجوز عليهت
بدأت جملات ترمى بكلام
ـ شوف الزمن الله يرحم ... طبعاً ما صدقتى حماكى يموت وجيتوا جرى فاكره إنك هتورثى لكن بعينك
ـ نورث مين يا جملات شكلك لسه عايشه على اللى فاتت كل اللى عندكم ده مايجيش حاجه جمب ابنى شعيب دا أنا اللى خايفه عليه من عنيكم
ـ والله وطلعلك صوت يا راضيه
ـ ومايطلعليش صوت ليه وأنا ابقى أم الكبير اللى كلمته سيف على رقب.ه الجميع كبير وصغير
ـ كلام ايه اللى بتقوليه ده اطلعى بره وجودك هنا مش مرحب بيه
عدلت راشيه مكانها فر كرسيها أكتر وبصت لابنها
ـ محدش يقدر يخرجنى من مكانى يا جملات وجريى اغصبينى على حاجه
راضيه اللى قدامك غير راضيه القديمه وبكلمه من ابنى اخليكم تعيشوا فى البيت القديم فاكرينه وكل حاجه معاكم تبقى هوا بلاش تختبرى صبرى
انا جايه هنا عشان الراجل الكبير قيمه ومقام اللى الله يرحمه كان يستاهل كل خير
إنما لما تبقى تحصليه صدقينى لا أنا ولا شعيب هنقفلك في. عذا ولا هنعملك عذا ولادك اولى بيكى اعمليها انتى واكيد هما مش هيسيبوكى هيدفنوكى بليل زى ماكانوا هيعملوا مع ابوهم كده بس شعيب وقتها مش هيوقفهم
ولما تقفى بين ادين ربنا ويسالك عنى وعن ابنى وقتها هقوله انى مش مسمحاكى ولا هسامحك ورينى بقى ساعتها هتفلتى منه ازاى
صمت تام حل فى المكان من كلام راضيه اللى شب.هه الكرباج والكل بقى خايف ينكق معاها
وفضلت جملات قاعده ساكته بتفكر فى كلام راضيه واترعبت من فكره انهم ممكن يدفنوها بليل
. صحيح هتقول لربنا ايه لما يسألها عنهم
سكتت جملات ودخلت اوضه تانيه فى الشقه وقفلت على نفسها بتفكر فى ايه فات اوان الندم
( ياريت كل حد وجده يفكروا الف مره قبل مايميزوا بين احفادهم او بين واحده والتانيه من مراتات ولادها يفكروا يوم مايتعرضوا على ربنا هيقولوا ايه )
مر باقى اليوم وشعيب وماهر كانوا بيجهزوا مكان العذا وبيبلغوا الصحافه عشان ينشروا الخبر واتصل ماهر على هشام اللى جه مجرد ماسمع الخبر واستغرب ليه ابوه مابلغوش
مر الليل وفضل الكل سهران
طلب شعيب من مامته يوصلها ترتاح لكنها رفضت وقررت تحضر الدفنه عشان تودعه
تانر يوم تم تحهيز الغسل وخرج شعيب الكل وفضل هو وماهر وهشام
جه هشام يخرج وراهم وقفه صوت شعيب
ـ هشام استنى هتغسل جدك معانا
اترعش جسم هشام بخوف
ـ لأ يا شعيب مش هعرف مش هقدر
ـ دى وصيته يا هشام ماتخفش
ـ مش هقدر مش هقدر
ـ ماتخفش إحنا معاك
قرب هشام من جده وبدأ شعيب فى تغسيل جده وبعده ماهر وشغل شعيب القران مره تانيه
وبدأ هشام يقرب واحده واحده وهو شايف ازاى شعيب بيتعامل بمهاره وواضح انها مش أول مره
بدأ ماهر يستغفر فى سره ويدعيله هو وشعيب وحاول هشام يعمل زيه لكن غلبه الفضول
ـ هو انت وقفت على غسل قبل كده
ـ اه يا هشام مش اول مره واخرهم عمى سليمان والد عمى جاسر الله يرحمه
يلا يا هشام غسل معانا ونفذ الوصيه
بدا هشام يغسل جده ويعمل كل اللى شعيب بيقوله عليه
فى الساحل عند شرين وخطيبه هشام كانوا قاعدين وفاتحين النت وشافوا الخبر ووقتها قرروا ينزلوا فورا
وفى نفس الوقت عند مروه وصفا شافوا الخبر فى التليفزيون هى ومامتها وصفا
اتكلمت مروه وهى بتسال صفا
ـ صفا مش ده شعيب اللى جده اتوفى
ـ اه الخقى دا طلع هشان ابن عمه مش بس صاحبه .ـ
اتكلمت مامتهم بسؤال
ـ طيب هو مش واجب نروح نعذى بصراحه الجدع كان محترم وراجل معانا
بصت مروه لصفا ومش عارفه تعمل ايه تروح ولا لا
ياترى هتروح وهتقابل شرين ؟؟
ولا هتتكسف ؟
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
جميع الروايات كامله من هنا 👇 ❤️ 👇
اعلموا متابعه لصفحتي عليها الروايات الجديده كامله بدون روابط ولينكات من هنا 👇 ❤️ 👇
❤️🌺💙🌹❤️🌺💙🌹❤️🌺💙🌹❤️🌺🌹❤️🌺🌹🌹❤️🌺💙
تعليقات
إرسال تعليق