رواية روح قلبي الحلقه الثانيه بقلم الكاتب محمد منصور حصريه وجديده على مدونة النجم المتوهج
رواية روح قلبي الحلقه الثانيه بقلم الكاتب محمد منصور حصريه وجديده على مدونة النجم المتوهج
وقبل ما نبدأ الحلقة نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
من داخل محل موسي يجلس موسي امام حجازي وينظر له ويقول بنرفزه
بقول لك أيه جو اخويا الكبير اللي انت عايش في ده مش هياكل معايا
حجازي
كل النرفزه دي عشان بقول لك اتقي الله في الناس الغلابة
موسي
وهو انا كنت عملت ايه لده كله
حجازي
تستغل حوجه ست وكسرتها عشان تساومها علي شرفها
موسي
هو انت برضو هاتصدقها هي وتكدبني والله هي اللي جت لغايه عندي
حجازي
بلاش تجيب سيره ربنا علي لسانك
موسي
ليه بقي ان شاء الله. هو انا مش مسلم زي ما انت مسلم. وبعدين بقي. هات لي حد شايل هم الغلابه زيي وبيطلع لهم اجهزه بالتقسيط ومن غير مقدم
حجازي
ما انت برضو بتكسب من ورائهم كتير
موسي
بص يا صاحبي دي تجاره وانا ما بغصبش حد واقول له تعالي خد حاجه من عندي الناس بتيجي لغايه عندي وبرضاها
حجازي
عشان محتاجين ومافيش قدامهم غيرك بيطلع لهم الاجهزه قسط من غير مقدم
موسي
اللي بيجي لغايه هنا بتوع اشمعني
حجازي
يعني ايه مش فاهم
موسي
افهمك. يعني اللي عندها تيلفزيون وعايزا بدل منه شاشه عشان اشمعني عند دي وانا مش عندي. واللي عايز يغير الموبيل بتاعه عشان الفشخره. وعشان اشمعني ده معه الجديد وانا لا. مع ان الموبيل اللي معه شغال واللي واللي واللي. فنصيحه اللي يصعب عليك يفقرك
حجازي
اكتر جمله بكرها في حياتي اللي يصعب عليك يفقرك جمله دخلت بينا عشان تنزع الرحمة من قلوبنا لان ببساطه لو ما صعبش عليه محتاج مش هاطلع من فلوسي وادي له. وعموما مش كل اللي بيجي لك هنا يشتري اجهزه بيكون عشان الفشخره معظم الناس اللي بتشتري من عندك بيجهزوا بناتهم.
وينهض حجازي واقفه وينظر لموسي ويقول
يا موسي انا بحبك وانت صاحبي فنصيحة لوجه الله ارحم الناس يرحمك رب الناس
ويخرج حجازي من المحل وموسي ينظر له ولا يبالي بكل ماقاله ،،،،،،،
وبعدها بكام ساعه ومن داخل الاوضة اللي يسكن فيها عم حمدان يجلس عم حمدان وهو حزين وبنته أميرة تقف بجانبه ومعها والدتها وتدعي ساميه وتقول ساميه
يعني ايه. العربيه اللي فاتحه لينا البيت وبسترزق منها خدتها البلديه
عم حمدان
ياريت خدوها وبس دول دغدغوها دونن عن كل عربيات الفاكهه اللي جانبي . ورموا البرتقال اللي كان عليها علي الارض زي مايكونو جايين ليا مخصوص. وانا دلوقتي لو حابت اشتري عربيه زي دي هاتخش تمنها في 750 ج. وممكن اكتر
ساميه
يا نهاري ده احنا كل اللي حليتنا 100 ج.
عم حمدان وهو حزين
ربنا يجازي المؤذي. بس لو اعرف مين بس اللي خلي بتوع الحي يعملو كده في عربيتي
أميرة بحدة
هي مافيش غيرها اللي عملت كده
فينظر لها حمدان وساميه باستغراب ويقول حمدان
قصدك مين
أميرة
مرات عمي
ساميه بطيبه
زينب لا ماتعملش كده
اميرة
لا. تعمل وتعمل اكتر من كده كمان قرايبها في الحي كتير. والف مين يخدمها وانت طول عمرك واقف في الحته دي اشمعني النهارده بتوع الحي نزلو واشمعني انت اللي عربيتك اتكسرت
حمدان
وهي ليه هاتعمل ده كله
اميرة
عشان فرحتك بنجاحي تنكسر. هو انت ماشوفتش كانت مضايقه ازاي واحنا بنضحك ومبسوطين
حمدان
تصدقي معاكي حق. طيب أنا بقي هاروح واعاتبها في اللي هي عملته ده
وينهض ليستعد للذهاب الي زينب ولكن اميرة تمنعه وتمسك يده وتقول
يا بابا انت طيب قوي العتاب ده بيكون مع حد بيحبك وبتحبه. دي بتغير مننا وعمرها ما اتمنت لينا الخير
ساميه
تغير مننا علي أيه يا حسرة من كتر العزب والاملاك اللي عندنا
اميرة
الغيرة والحسد مش لازم يكونوا في الفلوس وبس. علي كل حال هي اللي جيبته لنفسها
وبدات اميرة تفكر ازاي تنكد علي زينب ،،،،،،،
ويحل الظلام وبعد منتصف الليل ومن علي سرير حمدان تنظر ساميه الي حمدان وتقول
وبعدان يا حمدان هاتعمل ايه
حمدان
اعمل ايه والله ماعارف هاعمل أيه ده انا حتي مش معايا فلوس اجيب عربيه بدل اللي اتكسرت ولا نعرف حد نستلف منه
ساميه
طيب واميرة بنتك اللي محتاجه هدوم جديده عشان تروح بيها الكليه
حمدان
لسه فاضل كام شهر علي الكليه لما يجي وقتها هاكون اشتغلت واجيب لها كل اللي هي عايزا
ساميه
تشتغل ايه بس وانت داخل علي الستين. أنا من رايي بلاش اميرة تروح الكليه وكفايه اوي عليها الثانوي
حمدان بحدة
انتي بتقولي أيه بنتي اميرة باذن الله هاتكمل تعليمها وتاخد الشهاده الكبيرة لو حتي هاشحت انتي ماشوفتيش فرحتها لما نجحت كانت ازاي وهي نفسها تكون محاميه وانا مايهونش عليه اكسر فرحتها
ساميه
طيب ايه رايك نفتح محل فاكهه
حمدان ساخره
محل حته واحده ده احنا مش معانا حق عربيه بدل اللي اتكسرت نقوم جايبين محل
ساميه
اسمع بس انا اعرف واحد اسمه موسي بيطلع فلو،،،،،،،،
حمدان مقاطعه لها وبحده
عايزاني اخد فلوس بالربا ومن مين موسي اللي الناس كلها تخاف ترمي عليه السلام لياخد منهم فلوس. أنسي انا يستحيل اخد فلوس من موسي ده. ولو هاكل زلط الا الحرام يا ساميه احنا مش قده
ساميه
طيب هاتعمل ايه
حمدان بعد ان يتنهد
قادر ربنا واحده يحلها من عنده
كل هذا الحوار يدور واميرة تنام بجانبهم علي كنبه صغيرة لانهم عايشين في حجرة وتسمع أميرة كل مايقال وتبكي علي حالها وحال والدها ولكنها صممت اكثر علي النجاح من اجله لكن ازاي والتعليم اصبح مكلف الي اقصي درجه وبدات تفكر ازاي تكمل تعليمها من غير ماتكلف والدها فوق طاقته،،،،،،
وبعدها بكام يوم تجلس عبير مع احمد في بالكونه شقتهم وتقول عبير
يعني ايه يا احمد الشقه هاضيع علينا. دي اكتر شقه عاجبتني وكفايه انها قريبه من هنا عشان لو حبيت ابص علي بابا
احمد
طيب اعمل ايه انا هي واقفه علي 5000 ج. اجيبهم منين
عبير
نعمل جمعيه
احمد
انا داخل بمرتبي كله جمعيات.
عبير
خلاص نستلف الفلوس
احمد
منين بقي. مين دلوقتي بيدي حد فلوس
عبير
طيب أنا هاتصرف
احمد
ناويه علي أيه
عبير وهي تفكر ان تستلف المبلغ من موسي لكنها عارفه ان احمد مش بيحب موسي ولا بيحب طريقته في التعامل مع الناس فقالت
هاكلم واحده صاحبتي شايله فلوس علي جنب اخد منها المبلغ وبعد كده ابقي اعمل جمعيه واسدها
احمد
واحده صاحبتك ولا موسي
عبير بارتباك
موسي. لا. طبعا انا عارفه انك مش بتحب اني اتكلم معه في فلوس
احمد
شوفي انا عارف انك بتكدبي عليه عشان تريحني انما موسي في موضوع الفلوس ده مالهوش عزيز ولا غالي. فنصيحه ماتحرجيش نفسك وتتكلمي معه احسن لك
عبير
احراج ايه بس ده انا اخته هو معقول يحوش عني مبلغ صغير زي ده، ،،،،،،،
وفي نفس الليله يجلس موسي امام الشاشه في حجرته وكان معه حجازي ويتفرجوا علي ماتش للاهلي والزمالك وعبير تجلس في حجرتها ومش قادره تستني لغايه بكرة او حتي تستني لغايه ما يمشي حجازي وتكلم موسي علي الفوس لانها خايفه للشقه تروح منها فقامت ولبست حجابها وخرجت من حجرتها. وخبطت علي باب اوضه موسي ودخلت ووقفت قدام موسي وقالت
عايزاك
فينظر لها موسي بلامبالاه ويقول
بعد الماتش ماحبكش دلوقتي.
عبير بالحاح
لا دلوقتي الموضوع مايستناش
حجازي
ماتقوم ياعم تشوف اختك عايزا ايه. هو الماتش هايطير
فينهض موسي وهو مضايق ويخرج معها من الاوضة ولايغلق الباب ويقف امام عبير ويقول
خير
عبير
خير أن شاء الله
ثم تنظر له وتسكت فينظر لها موسي ويقول
قولي عايزه أيه
عبير
كنت انا واحمد النهارده بنلف مع سمسار وشوفنا شقه حلوه قوي لكن
ثم تسكت عبير فيقول موسي
ايوه. وبعدين
عبير
بصراحه الفلوس اللي معه احمد اقل من حق الشقه
موسي ببرود
وبعدين
عبير
فانا محتاجه منك 5000 ج. عشان اخد الشقه
موسي
للدرجه دي عجباكي الشقه
عبير
اوي اوي
موسي
وماله. خلي احمد يفوت عليه في المحل وياخد الفلوس اللي عايزها
عبير
احمد لا. هو اصلا مايعرفش اني قولت لك علي الفلوس دي
موسي
اومال انتي بتكلميني ليه
عبير
عشان انا عايزاهم منك ومن غير احمد ما يعرف كاني استلفتهم من واحده صاحبتي. واهي تبقي مساعده منك ليا
فيضحك موسي ساخرا ويقول
أة. فهمت. هو في حد قال لك اني انا لاقي فلوسي في الشارع
عبير بدهشه
مش فاهمه
موسي
افهمك. انتي عايزه تاخدي الفلوس مني صدقه. انا مابطلعش صدقه. عايزه الفلوس خدويها علي اسمك بس ترجع كمان سنه 7500 ج.
عبير مصدومه
أنت بتكلم جد
موسي
اومال بهزر.
عبير
ده انا اختك. يا موسي
موسي
اختي علي عيني لكن في الفلوس انا ماليش اخوات
ثم يتركها ويدخل حجرته ويغلق الباب فتنزل دموع عبير منها وتقول
احمد. كان عنده حق لما قال انك مالكش عزيز ولا غالي،،،،،،
وتدخل حجرتها وهي تبكي بحرقه، ،،،،،،
وبعدها بساعه واثناء ماكنت عبير في حجرتها ولاتزال تبكي تسمع صوت خبط علي الباب فتقول
ادخل يا بابا
ولكنها تسمع صوت حجازي يقول
انا حجازي يا عبير
فترد قائلا
خير يا حجازي
حجازي
كنت عايزك
عبير
طيب حاضر
فتمسح دموعها مسرعا وتلبس حجابها وتنهض من علي السرير وتفتح باب الحجرة فينظر لها حجازي ويجد الدموع في عينيها ويقول
انتي بتعيطي
عبير وهي تمسح دموعها كمان مرة
لا.
فيمد حجازي يده في جيبه ويخرج مبلغ ال 5000ج. ويضعهم في يد عبير فتنظر لهم عبير وتقول
ايه ده
حجازي
اديهم لي احمد وخدي الشقه اللي عجباكي
فتفرح عبير ولكنها لاتريد اخذ المبلغ وتحاول ردهم لحجازي ولكن حجازي يقول
انا اخوكي. ولو ماخديش الفلوس والله هازعل منك
عبير
بس انت عرفت ازاي
حجازي
سمعتك وانتي بتتكلمي مع موسي. بس والله انا ماكنتش بتصنت لكن انتوا سيبتوا الباب مفتوح وصوتكم ماكنش واطي
عبير
بس احمد لو عرف اني خد فلوس من،،،
حجازي مقاطعه لها
ومين هايقول لي احمد. الفلوس دي انتي وخداهم من موسي. وبطلي رغي بقي واعمل لنا كوبيتين شاي من ايدك اللي الواحد والله ما يزعلش عليهم لو ادلقو
ويضحك حجازي وتضحك عبير ودموعها تنزل من عيونها فرحا وتقول
حاضر. هاعمل شاي. بس الفلوس دي هاردها ليك
حجازي ضاحكا
قولي ان شاء الله.،،،،،،
ويمر شهرين ومن داخل شقه زينب تجلس زينب في البالكونه وتتناول كوب من الشاي فيدخل عليها أبنها حجازي ويبوس ايدها ويقول
ست الكل عندي ليكي مفاجاة حلوة
فتبتسم زينب وتقول
مالك كده فرحان ده انا اول مره اشوفك كده
حجازي
بحب وانتي عارفه بقي الحب
زينب
كبرت وبقيت تحب طيب خد الشهاده بتاعتك وانا اجوزهالك لو هي بنت مين
حجازي
انا مش هذاكر ولا هانجح الا لما تجوزيني البت اللي انا حكيت ليك عنها
زينب
طيب ازاي بس اجوزهالك هو في حد يرضي لبنته بعريس لسه في الجامعه
حجازي
في اللي رضي بيا وانا بقي مش هاكمل حياتي من غيرها
زينب
يا سلام للدرجه دي بتحبها
حجازي
ده انا مش بحبها وبس ده انا بعشق التراب اللي بتمشي عليه.
زينب
ده باين عليها حلوه قوي اللي قلبت حياتك كده
حجازي
احلي بت ممكن تشوفيها في حياتك.
زينب
خلاص ابقي خليني في يوم اشوفها واقعد معها
حجازي
ايه رايك تشوفيها وتقعدي معها دلوقتي
زينب بدهشه
دلوقتي. ليه هي ساكنه قريب من هنا
حجازي
هي اصلا بره في الصاله ومستنياكي عشان نفسها تشوفك
زينب
انت مجنون كمان جيبتها معاك
حجازي
ومش هاسيبها تروح الا وانتي موافقه علي جوازي منها
زينب ضاحكا
دماغك نشفه زي أبوك. تعالي يا سيدي عرفني عليها
وتخرج معه زينب من البالكونه وتتجه ناحيه الصاله وتنظر لمن تجلس علي الانتريه فتلاقي أميره قاعدة وهي حطة رجل علي رجل وتنظر لها نظرة الانتصار، ،،،،،،،
خلصت حلقة النهاردة اللي يارب تكون عجبتكم. سلام
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
جميع الروايات كامله من هنا 👇 ❤️ 👇
اعلموا متابعه لصفحتي عليها الروايات الجديده كامله بدون روابط ولينكات من هنا 👇 ❤️ 👇
❤️🌺💙🌹❤️🌺💙🌹❤️🌺💙🌹❤️🌺💙🌹❤️🌺💙🌹❤️🌺
