رواية أسد والمجهوله الفصل العاشر والحادى عشر والثاني عشر بقلم الكاتبه فلوريدا ماجد حصريه وجديده على مدونة النجم المتوهج
رواية أسد والمجهوله الفصل العاشر والحادى عشر والثاني عشر بقلم الكاتبه فلوريدا ماجد حصريه وجديده على مدونة النجم المتوهج
انت اي اللي جابك هنا
ابتسم له بإستهزاء وقال هي دي عروستك بس تصدق تستاهل ونظر لها بخبث من ااسفل الي اعلي
تؤ تؤ تؤ تؤ انت عارف انا قولت يوم مهتتجوز هتجيب واحده شما*ل من اللي انت تعرفهم متخيلتش تختار واحده جام*ده كده طول عمرك بتوقع واقف يابن الدمنهوري
لكمه اسد فسقط علي الارض قال له اسد ورحمه امي مهسيبك انا دخلتك السجن مره ممكن اعملها التانيه والتالته عادي
كانت قلب تبكي بصدمه وقالت خلااص يااسد عشان خاطري خلااص
اسمع كلاام المزه بس قولي هي تعرف ماضيك الوس*خ ولا تحب اعرفها
غلت الدماء في عروق اسد وظل يلكمه في وجهه بينما يضحك الثاني
______
طارق ؛
علي اطلع نادي اسد اي التأخير ده هو كان نازل ورايا
حاضر ياعم طالع طالع
طلع علي وهو ماشي في الممر سمع صوت عياط قلب واستغاثتها اخرج سلاحه وفتح الباب بسرعه .....
قال علي بصدمه اسر؟؟؟
فاق علي بسرعه من اثر صدمته وامسك بيد قلب وجعلها تحتمي خلفه
اهدي يااسد وسيبه هيموت في إيدك
لم يسمع له اسد وظل يلكمه ولكن بحركه سريعه أصبح أسر فوق اسد واخذ يلكمه بشده شهقت قلب بفزع وظلت تصرخ بإسم اسد ضرب علي أسر برجله ليبعده عن اسد فقام أسر سريعا ومسك مسدس علي
وقال ابعد يابن الدمنهوري بدل م بطلقه واحده اخليك تترحم علي حبيبه القلب زي مصحبك اترحم علي خطيبته
ابتعد اسد عنه وقال ملكش دعوه بيها كلاامك يبقا معايا انا عاوز اي وانا اعملهولك
ضحك أسر بسخريه اوووبااااا ده انت واقع لشوشتك وانا معرفش بس بيني وبينك البضاعه تستاهل
ااااااااسررررررر صرخ اسد بقوه اثر تلك الصرخه سمعه ادم الذي كان يتجه الي غرفتهم اخرج سلاحه واقترب بخفه من خلف أسر وشاور ل أسد ان يكمل كلاامه حتي يغفل أسر
طيب انت عاوز اي وانا اعملهولك.
مش هتقدر
ملكش فيه اللي عاوزه انا هعمله
شاور أسر علي قلب وقال عاوز المزه اللي جنبك دي
قال له اسد بسخريه بعيينك يااسر لو راجل تمس شعره منها
ضغط اسر علي الزيناد ببطء وقال ابقي قول عليها يرحمان يارحيم ضربه ادم في مؤخره رأسه ب السلاح بينما خرجت طلقه من سلاح اسر كانت سوف تصل الي قلب لكن بحركه سريعه من علي ابعد قلب واستقرت الرصاصه في صدر علي
امسك اسد علي قبل ان يقع علي الارض وظل يصرخ بإسمه
علي علي خليك معايا متقفلش عينك علي فوق ياعلي
إبتسم علي واغمض عينيه ببطء
عليييييييي ظل اسد يبكي ويصرخ كالطفل الصغير وكذلك ادم
قال طارق في نفسه انا هطلع اشوف اي اللي آخرهم صعد طارق الي الدور الذي به اسد ودخل الي الغرفه واتصدم عندما رأي علي بين أحضان اسد والدماء حولهم بكثره
فاق طارق وهز ادم وقال فووق فوق رن علي الإسعاف فوووق
فاق ادم ومسح دموعه و ذهب ليحمل علي
قال طارق ل أسد فوق يااسد فووق اخلص
قام اسد من علي الارض ونظر الي قلب الواقفه في ركن الغرفه واقترب منها أخذها قي أحضانه وظل يبكي وقال انتي كويسه
قالت قلب بين شهقاتها وصدرها يعلو ويهبط انا انا انا كويسه انا كويسه امسكها اسد من يديها و ذهبو الي العربيه سريعا ليلحقو ب ادم وطارق
_______
بعد قليل كان اسد وآدم وطارق في حاله صعبه جدا كان اسد يجلس علي الكرسي بإهمال بينما ادم كان يجلس علي الارض وطارق يأخذ الممر ذهبا وإيابا اقتربت قلب من اسد ورفعت وجهه رأت عينيه مليئه بالدموع ولكن يكافح لعدم إخراجها مسكت قلب يده وذهبت به الي الحمام واغلقت الباب واقتربت منه وقالت تعالي ي أسد ذهب اليها اسد سريعا واحتضنها بشده وظل يبكي وقال علي اخويا مش صحبي احنا كنا دفعه واحده كنا دايما
سوا ومع بعض كنا بنعدي اي حاجه صعبه سوا انا عمري مبينت اني بحبه ودايما بنتخانق مع بعض بس هو عارف اني بحبه هو عارف اني بحبه
ارتفع صوت اسد وظلت قلب محتضناه وقالت انت مش اسد اللي انا اعرفه لازم تبقي اسد القوي عشان تعرف تجيب حقه طول منت كده مش هتعرف تتصرف لازم تفوق يااسد فوق احنا محتاجينك خرج اسد من أحضان قلب وغسل وجهه ومسك يد قلب وخرج
اقترب الدكتور منهم
جرو عليه طارق وآدم واسد بسرعه وقال اسد خير يادكتور علي عامل اي
انا مخبيش عليكو الطلقه كانت قريبه من القلب جدا أديت لي مضاعفات كبيره بس احنا حاليا خرجنا الرصاصه وهيفضل في العنايه المركزه ليومين لحد ميعدي مرحله الخطر ذهب الدكتور
اقترب طارق من اسد وقال خود قلب وروح دلوقتي وانا قاعد انا وآدم مش هنمشي
مسك اسد بيد قلب وخرجو من المستشفي اتجهو الي الفيلا صعد اسد علي الدرج بإنكسار وفتح غرفه النوم دخلت قلب بإنبهار كانت متزينه بشكل جميل حزنت قلب بشده لان فرحتها لم تكتمل ولكن حمدت ربها
خرجت قلب من الحمام بعد ان غيرت فستانها لقت اسد واقف في الفراندا ع*اري الص*در ذهبت اليه
قلب ووضعت يدايها علي ضهره برفق التف إليها اسد ونظر لها بحب وحزن فكانت جميله بشده كانت ترتدي قمي*ص اسود وعليه الروب وأطلقت لشعرها العنان
اقترب منها اسد واحتضانها بشده واخذ يشم رائحتها ابتعد اسد عنها بعد وقت طويل وقال اسف ياقلبي
قالت قلب بحب متتأسفش اهم حاجه نطمن علي الباشمهندس علي إن شاءالله هيفوق وهتفضلو تتخانقو مع بعض تاني
مسكت قلب يد اسد واتجهت به الي الي الحمام وقالت ادخل اتوضئ عشان نصلي وندعيله
انتهو من صلااتهم ف اتجه اسد الي قلب وحملها وذهبو الي الفراش واحتضنها ونامو سويا ليرتاحو من تلك أحداث اليوم الشاقه ليرو مايخبئ إليهم القدر ..............
تململت قلب في الفراش وظلت تفرك في عينيها بسبب ضوء الشمس ظلت قليلا لاسترجاع أحداث امس نهضت من علي الفراش ولم تري اسد فزعت بشده لكن رأت ورقه مكتوب فيها انا رايح ل علي المستشفي ابقي افطري عقبال م ارجع انا مش هطول
ابتسمت قلب علي إهتمامه دخلت لتأخذ شاور وصلت فرضها ونزلت الي المطبخ لعمل طعام ل أسد اكيد هو تعبان وعاوز يرتاح انتهت قلب من عمل الطعام و ذهبت لتري الفيلا فكانت جميله جدا ووجدت
جنينه كبيره خلف الفيلا ذهبت اليها وظلت تجري وتجري حتي تعبت وسقطت علي الارض لتهداء قليلا كان وصل اسد منذ قليل ووجد الباب الخلفي للفيلا مفتوح وعلم انها في الجنينه ظل يراقبها وهي تجري وتقع وابتسم عليها حين وجدها نامت علي الارض وتنظر الي السماء وهي مبتسمه اقترب منها اسد
وجلس بجانبها علي الارض وهي سرعان مفتحت عينيها حين شمت رائحته اقتربت منه قلب واحتضنته بشده وقالت وحشتني يااسد انت ينفع تمشي منغير متصحيني او نفطر سوا حتي عيب والله مينفعش علموك كده في بلدك قالتها قلب بضحك عندما رأت حزن في عيني اسد لكن اسد لم ينتبه لكل ذلك فكان كل تركيزه علي شف*تيها واقترب منها حتي قبلها بشده ومن ثم تعمق في قبلته ابتعد اسد عن قلب لكي تأخذ نفسها وسند جبينه علي جبينه حتي اختلطت انفاسهم الساخنه وقال بحبك بحبك ياقلبي
قالت قلب بحرج وانا كمان يااسدي بحبك
ظل اسد ينظر اليها ليستوعب ماتقوله وقال انتي ليه بتتدلعي في الوقت الغلط
ابتعدت قلب عنه بحرج وقالت انا داخله اجهز الاكل
كان اسد يطعم قلب وهي علي رجله حتي قالت قلب الباشمهندس عمل اي
تنهد اسد بحزن وقال حالته مستقره لحد دلوقتي بس انا قلقان عليه اوي
رفعت قلب رأس اسد وقالت هيفوق والله خاليك واثق في ربنا انه هيساعده .
باس اسد رأسها وقال يارب ياقلبي يارب
انتهو من الاكل وقالت قلب معلش يااسد ممكن اجي معاك اطمن عليه
قال لها اسد ماشي ياقلبي اطلعي البسي بسرعه انا هستناكي
لبست قلب وهمت ان تخرج هي واسد لكن قالت ثواني ثواني وجرت الي المطبخ سريعا وقالت يالاه بينا نظر اسد لما في يديها وقال اي ده
ده اكل اكيد محدش هناك أكل حاجه من إمبارح
إبتسم لها اسد وحمل الطعام من يدها وذهبو الي المستشفي
دخل اسد الي الغرفه التي بها طارق وآدم وقال ل قلب خاليكي ثواني هصحيهم دخل اسد وصحي ادم وطارق
يالاه قومو ياجماعه جبتلكو اكل اعتدل كل من طارق وآدم عندما وجدو اسد ينادي علي قلب دخلت قلب وهي عينيها في الأرض وقالت السلام عليكم
القي عليها السلام كل من طارق وآدم
قال اسد يالاه حماتك بتحبك انت وهو
انتهو من الطعام وقال طارق لقلب تسلم إيدك يامرات اخويا
الله يسلمك ياباشمهندس
قام ادم وقال انا رايح البيت هظبط نفسي واجي قال له اسد روح ارتاح وانا قاعد شويه انا وقلب وخد طارق كمان
تمام
ذهب طارق وآدم الي منازلهم ولكن غير ادم ملابسه وانطلق الي المخزن
_______
انزل ادم جردل ماء علي اسر
قام أسر مفزوعا وهو يتنفس بسرعه اثر صدمته
لا فوق يارو*ح ام*ك ده احنا لسه مبدأناش
إبتسم له أسر وقال السنيورة ماتت ولا لسه
ضحك ادم بإستهزاء وقال لا لسه اي عاوز تموتها
ضحك أسر ضحكه شيطانيه وقال حرام بصراحه علي الج*سم ده انه يموت
ضربه ادم برجله في رأسه وقال اممممم اي اللي رجعك يابن السيوفي
بثق اسر الدماء من فمه وقال جاي اخلص عليكو زي مخلصت علي خطيبتك زمان مش بقولك الستات الجام*ده بس هي اللي بتموت
ضربه ادم بشده في رأسه حتي هداء وفقد أسر الوعي
ذهب ادم الي المقابركان يتكلم مع خطيبته يارا
انا عارف اني ظلمتك كتير وجيت عليكي اكتر وتعبتي معايا انا عارف اني مكنتش استحقك من الاول عشان كده ربنا خدك مني بس صدقيني حقك هيرجعلك ظل ادم يحدثها وهو يبكي مره و يضحك مره اخري حتي عم الظلاالم
______
عند اسد وطارق في المستشفي
اسد : يعني اي مبيرودش
طارق : معرفش يااسد انا روحته البيت اتفقنا ان ساعتين وهرن عليه تاني عشان نجي سوا للمستشفي مكنش بيرود عليا
اسد : طب مطلعتلوش علي البيت
طارق: اكيد طلعتلو
ظل اسد يفكر قليلا حتي جاءت فكره في رأسه وقال في نفسه اكيد هناك
قام اسد من علي الكرسي وقال ل طارق انا رايح مشوار بسرعه وجاي خالي قلب معاك متسبهاش لحظه ياطارق متسبهاش لحظه
قامت قلب خلف اسد وقالت وهي ماسكه إيدو : انت رايح فين
اسد بحنيه : بأس رأسها وقال هروح مشوار صغير خالص وجايلك علطول ياجميل خاليكي مع طارق ماشي
إبتسمت له قلب وذهب اسد الي قبر يارا
_______
بعد وقت قليل كان يقف اسد أمام المقابر وعلم ان ادم موجود عندما رأي سيارته دخل اسد الي مقبره يارا وجد ادم نايم علي الارض بجانب مقبره يارا
تنهد اسد بحزن وذهب اليه
اسد : ادم ادم
ادم بنعاس : اي اللي جابك يااسد
اسد : انت مبترودش وتليفونك مقفول عاوزني اعملك اي يعني
ادم : انا سايب التليفون في العربيه
اسد : هات إيدك قوم اي اللي منيمك كده
ادم : انت عارف يا اسد اني برتاح لما بنام هنا
اسد : وهو بينفض التراب من علي ادم انت لازم ترمي الماضي ورا ضهرك عارف ان ده صعب بس انت فكرك يارا كده مبسوطه
تنهد ادم: انا لو رميت الماضي ورا ضهري هرمي معاه يارا
اسد بحزن : الحزن في القلب يااصاحبي
ادم بوجع : انا مش قادر انساها مش متخيل انها ماتت بسببي انا كنت بوجعها كتير كانت بتتعب معايا اوي هي اللي خالتني اقرب من ربنا وابعد عن اللي انا كنت فيه مش متخيل حياتي منغيرها
احتضنه اسد : انت عارف انها بتتعذب من اللي انت بتعمله ده لازم تشوف نفسك انت داخل علي 35 ومتجوزتش لحد دلوقتي هتلحق تجيب عيال امتي
إبتسم له ادم بسخريه : انت عارف ان مفيش واحده ترضي بيا غير يارا الله يرحمها
اسد : وبالنسبه ل ساره اللي عنيها فضحاها وانت عارف انها بتحبك يبقي اي
نظر له ادم وقال : خايف اظلمها معايا خايف اتجوزها واعيش علي ذكري يارا
اسد :حاول تقرب منها و تفهمها وهي اكيد هتحبك لان اللي بيحب مبيشوفش عيوب اللي قدامه
إبتسم له ادم : انت من امتي وانت رومانسي كده
ضربه اسد بخفه علي صدره وهم يتجهون الي العربيه
______
وصل ادم واسد الي المستشفي وذهب إليهم كل من طارق وقلب
طارق؛ كنت فين يالاه
ادم : كنت بتفسح شويه
اسد : سيبه ياطارق
جلس ادم بجوار طارق وقلب بجانب اسد
قلب بصوت واطي: هو ماله هدومه عليها تراب كتير ليه
تنهد اسد وقال: كان عند مقابر خطيبته الله يرحمها
تنهدت قلب بحزن الله يرحمها
صدع اذان العشاء قالت قلب بصوت عالي نسبيا : قومو ياباشمهندسين صلو وادعو ل الاستاذ علي
إبتسم لها اسد وقال طيب احنا هنروح نصلي في اوضه علي وانتي صلي في الاوضه دي ومتروحيش في حته خلصي وتعالي علطول
قلب : حاضر
ذهبو الشباب ليصلو في غرفه علي وكان اسد يصلي بهم
ولحظه فتح علي عينيه وابتسم واغمضها مره اخري
انتهت قلب من الصلاه وكذلك الشباب وذهبو للخارج
خرجت الممرضه بسرعه وهي تنده علي الدكتور
الممرضه يادكتور يادكتور الحق يادكتور .
وووويتبع
الحادى عشر
تجمع طارق وآدم واسد وقلب أمام غرفه علي اثر صراخ الممرضه
اسد: حصل اي فهمييينا قالها اسد بصراخ
الدكتور : اطلعو بره كلكم بره خالونا نشوف المريض اقترب اسد من الدكتور ومسكه من لياقه قميصه صوتك ميعلااش الواد اللي جوه ده لو حصله حاجه مش هرحم*ك ارتعب الدكتور من صوت اسد فكان كفحيح الافعي
طارق : ابعد انت يااسد معلش يادكتور هو متوتر شويه اتفضل انت
قلب: اهدي يااسد اهدي مفيش حاجه متقلقش
امسك اسد يد قلب وقال يارب
بعد دقائق قليله خرج الدكتور وقال الحمد لله الباشمهندس فاق بس محتاج راحه تامه و
لم يستمع احد الي كلاام الدكتور وذهبو الي علي
اقتحم اسد الغرفه مما فزع علي بشده قال ياساتر يارب
ضحكت قلب بدموع
اقترب اسد من علي واحتضنه بشده بينما علي تألم ولكن لم يريد إحراج اسد خرج اسد من احضانه وهمس في أذنه شكرا شكرا انا مش عارف اقولك اي
اكتفي علي بإبتسامه ضعيفه
احتضنه طارق وآدم وقالو حمدلله على السلامه يااوحش
الله يسلمكو ياشباب
نظر علي الي قلب التي تبكي وتضحك في نفس الوقت وقال مالك يا انسه قلب في اي
اسد بصوت عالي: مدام يامتخلف
علي بتهكم ياشيخ اتنيل انت لحقت
طب ياجدعان منجلكوش في حاجه وحشه طلعوني يالاه من هنا
ادم : انت اهبل يالاه انت لسه الجرح ملمش
علي : جرح اي يابني هو انا اتغزيت دي طلقه
ضحكت قلب مره اخري وقال علي وهو بيسقف اللهم صلي علي النبي
نظر اسد الي قلب نظره اخرستها وقال لم نفسك يارو*ح ام*ك
علي : ملكش في دي مرات اخويا يعني اختي اهزر معاها براحتي يالاه انت بس ياشملول خرجني من هنا انا عاوز اروح بيتي
اسد : خلااص لو هتمشي هتيجي تقعد عندي
علي انت اهبل يابني انت لسه متجوز اجي اعملك اي
اسد بجديه : انا الكلمه قولتها لو انت مش هتيجي يبقا خاليك قاعد احسن وذهب اسد وقلب ل يأخذ إذن بخروج علي
لم تتكلم قلب من وقت خروجها مع اسد وهو لاحظ ذلك لكن كان يريد أن يعاقبها
______
براحه يابني انت بتجر به*يمه قالها علي وهو داخل فيلا اسد
اسد ياعم اخلص احنا هنفضل شيلينك يعني
ذهب كل من ادم وطارق واخذ اسد علي الي غرفه لكي يرتاح قليلا بينما قلب كانت تعمل طعام ل علي لأنها تعلم انه تعبان بشده
كانت تقف علي كرسي صغير كي تمسك ب علبه الملح لكن هي قصيره للغايه لم تطولها حتي
حسيت قلب بيد ملتفه حول خصرها واليد ةالاخري ممتده علي طول ذراعها ورفعها قليلا من علي الارض كي تطول العلبه كانت ذلك يد اسد اقترب اسد من رقبتها و دفن رأسه في حجابها كي يشم رائحتها الاخاذه
كانت قلب تكاد تنصهر من قربهما وخجلت بشده التقطت العلبه و وضعتها علي الرخامة بجانبها لفها اسد ليكون وجهها في صدره رفع رأسها بإصباعيه لكن أدارت قلب وجهها الناحيه الاخري إبتسم اسد لها وقال بصوت مليئ بالمشاعر انا اسف لم ترد عليه قلب
تنهد اسد بضيق وامسك قلب من خصرها ووضعها علي الرخامه واقترب من شف*تيها ليذوق شهدهم ظل هكذا لوقت ليس بقليل ابتعد عنها وقال انا اسف انا اسف ياقلبي نظرت له قلب بعيون دامعه وارتمت بأحضانه ولفت يدها حول رقبته وقالت انا زعلانه منك بتزعقلي ليه
تنهد اسد وقال انا لو عليا عاوز اخبيكي في قلبي ومخليش حد يلمحك وانتي رايحه بتضحكي طب عاوزني اعملك اي
ابتعدت قلب عنه بعصبيه وقالت انت عارف اني مبعملش حاجه غلط و
قاطعها اسد وقال عارف انك مبتعمليش حاجه غلط وانك محترمه ومدينه وعارفه حدودك كويس بس انا بغير يا قلبي بغير عليكي
وانا واثق فيكي اكتر من نفسي وواثق كمان في علي وعارف انه عمره مهيبصلك عشان كده انا جيبته معايا يالاه بقا صافي يالبن
احتضنته قلب وقالت حليب يااشطا
يالاه هاتي الاكل عشان اطلعهوله بسرعه واطلعي انتي غيري هدومك ومتناميش عشان جيلك
______
خود اطفح ياعم
قال علي بضحك اي دا اي دا اي دا اسد الدمنهوري بنفسه يطلعلي الاكل
يالاه ياعم اخلص عاوز انام
قال علي انت صح مسافرتش ليه
اسد بضحك بعيد عنك اصل في واحد اعرفه اضرب برصاص
قال علي بصدمه يخراابي وحصله اي
اسد بقا زي القرد متعرفش الواد ده نهدو ازاي
علي بغمزه مبيتهدش
______
دخل اسد الي الغرفه وجد قلب تقراء في مصحفها صدق الله العظيم
اقترب منها اسد وجلس بجانبها علي الارض وقال صدق الله العظيم
عامله اي ياقلبي
أمسكت قلب شعره تلعب فيه وقالت انا بخير قوم يالاه خود شاور
مش قادر والله ياقلبي عاوز انام تعبت اوي النهارده قامت قلب من علي الارض وامسكت بيد اسد و قامت بخ*لع جاكيته وقالت يالاه بسرعه بسرعه هتلقيك خلصت ودفعته براحه الي الحمام
بعد قليل من الوقت خرج اسد وهو عا*ري الصدر ولاابس شور*ت قص*ير
اخفضت قلب بصرها وقالت يااستاذ انت في بني ادمين عيشين معاك
قال اسد بضحك طب منتي مراتي اقعد براحتي قدامك عادي نظر لها كانت ترتدي شورت جينز و بادي اسود قصير و لمت شعرها علي هيئه ديل حصان اقترب اسد منها ك المغيب وامسك بشعرها فك الربطه لينسدل شعرها بطوله علي ضهرها اخذ يتأمل فيها اسد وقال معلش ياقلبي مش هنقدر نسافر عش
وضعت قلب يداها علي فم اسد وقالت الايام بينا لسه كتير هنخرج ونتفسح ونروح في كل حته بس تفوق انت بس
شالها اسد ووضعها علي الفراش احتضانها بشده وقال تصبحي علي خير ياقلبي
اسد : تعالي ياطارق معايا انا طالع علي المخزن الواد ده لازم نطلع عين ام*ه عشان نعرف مين اللي بعته
ذهب علي وطارق الي المخزن بعد وقت قليل دخلو سويا الي أسر
إبتسم لهم أسر الذي كان بيتجول في الغرفه وقال ده الحبايب هنا مشاء الله طب مترنو علي ادم بالمره عشان القعده الحلوه دي تكمل وقولو ليه يجيب معاه مز*ه عشان نرجع أمجاد زمان
لم يرد عليه طارق ولا اسد نظر إليهم أسر وقال طب طارق وعارفين انو مش بتاع الحجات دي ووجه كلاامه ل أسد إنما أنت الدنجوان راحت عليك ولا حرمك المصون ماليه عينك
ضر'به اسد بالقلم من شدته نزف أسر لكن كاد ان يسقط الا انه تحامل علي نفسه بثق أسر ال'دم من فمه وقال انت سخن اوي يااسد لي كده
طارق : متريحنا وريح نفسك وقول مين وراك واوعدك ان محدش هيلمس شعره منك
إبتسم أسر بسخريه وقال :انسي بقا ياطارق مش عارف تنسي روح الظابط اللي جواك
جلس اسد امامه وقال : انا ورحمه امي مهسيبك الا علي موتي يااسر
أسر :والله مهتفرق كده كده هنموت وبعدين ياطارق انت عاوزني اسلمك رقبتي زي مصحبك عمل زمان وفي الاخر اي اللي حصل اترميت في السجن 5سنين امي ماتت بحسرتها وخواتي اتبرو مني كل ده عشان كنت عاوز اكبر كنت عاوز اطلعهم فوق واكمل بشر وهو يقول ل أسد بس انت انت يابن الدمنهوري بوظت كل حاجه
اوعدك اني مش هسيبك تتهني بأي حاجه
من امتي وانت زبا'له كده يااسر للدرجه دي انا كنت معمي عنك ومديك الأمان للدرجه دي انا كنت مغفل قالها اسد بحزن بس تعرف يااسر انا اللي غلطان ياما طارق حظرني منك و وانا اقول ده صحبي وعشره
عمري مش معقول يعمل معايا حاجه وحشه لحد مفوقت أما لقيت الشركه بتخسر وصفقات مش،بوهه بتدخل بإسمي وانت تشككني فيهم كلهم وكنت هخسر كل واحد فيهم بسببك انت مش غلطان انا اللي غلطان انا اللي امنتلك
يالاه بينا يااسد الساعه 2 انا هاجي بكره اروقه
ذهب اسد وطارق
______
بينما قلب كانت منتظره اسد بفارغ الصبر ومجهزه عشا رومانسي علي ضوء الشموع ومزيكا هاديه وكانت ترتدي قمي*ص احمر ووضعت ميكب خفيف يبين جمال ملامحها ظلت تنتظر اسد وهي قلقه
قالت في نفسها طب هو ممكن يكون جراله حاجه انا برن عليه تليفونه مقفول طب ارن علي مين معيش رقم حد ظلت تبكي قلب حتي رأت اسد يفتح الباب جرت عليه قلب بكل سرعتها وارتمت في احضانه وظلت تبكي بصوت عالي وشهقاتها تزداد
اسد :انا اسف والله ياقلبي تليفوني كان مقفول انا اسف والله وظل يلمس علي رأسها حتي تهداء
ابتعدت قلب عنه بعد فتره من الوقت وقالت انت عارف انا اخترعت في دماغي كام حاجه بشعه حصلتلك انت عارف اني قاعده بقالي 4ساعات مستنياك
ظلت تصرخ به قلب وتضربه بقبضه يداها الصغيره علي صدره الحديدي وقالت بنهيار انا كنت قاعده مستنياك انا انا لم تكمل كلاامها والتهم اسد ش،فتيها بغضب اعترضت قلب في البدايه لكن استسلمت في الاخر ولفت يداها حول رقبته وتحولت من ق،بله وجع الي قب،
له حب حمالها اسد وهو مازال يقبلها ودخل بها الي الغرفه وضعها
برفق علي السرير وابتعد عنها وذهب الي الحمام ظل قرابه نص ساعه ظلت قلب تأنب نفسها وهي تقول اكيد هو جاي من الشغل تعبان او حاجه حصلت بدل منتي بتساعديه وتختفي عنو بتزودي همه بجد انا غبيه بجد قامت قلب سريعا وظبطت مكياجها وملابسها ونزلت سريعا الي السفره واحضرت الطعام في صنيه كبيره وذهبت بها الي الغرفه وظلت تنتظر اسد حتي خرج
كان اسد يرتدي بنطال فقط
ذهبت اليه قلب ووضعت راسها في الأرض خجلا منه وقالت انا اسفه يااسدي انا اسفه انا بس قلقت عليك وانت كمان مبترودش علي تليفونك
رفع اسد رأسها بإصبعه وابتسم لها شدته قلب الي السرير ووضعت الاكل عليه و بدأت تأكله جذبها اسد لكي تجلس بأحضانه وهي تطعمه وهو يلمس علي شعرها انتهي اسد من طعامه نزلت قلب للمطبخ لوضع الأطباق وذهبت اليه مره اخري كان اسد
ينتظر قلب ذهبت اليه قلب ف إحتضانها اسد وجعلها تنام علي صدره وظل يلمس على ضهرها وشعرها حتي ذهبو الي نوم عميق
ووويتبع
الفصل الثاني عشر12
بقلم فلوريدا ماجد
في الصباح احس اسد بشئ علي صدره فتح عينه كان شعر قلب علي وجهه بالكامل ازاح قلب شعرها وهو مبتسم في تلك اللحظه أدارت قلب وجهها ناحيه اسد فظل اسد يتأملها
وازاحها قليلا عنه ببطء شديد حتي لا تستيقظ وذهب الي الحمام يأخذ شاور ولبس ملابس كاجول مكونه من بنطال رياضي ابيض وتيشيرت اسود وصفف شعره ووضعت عطره المميز ونزل الي المطبخ ل إعداد الفطار قبل ان تستيقظ قلب
فتحت قلب عينيها لم تجد اسد بجانبها جلست بضيق وذهبت الي الحمام وأخذت شاور ولبست بادي اسود ضيق بحمالات رفيعه وشورت جينز اسود وتركت الي شعرها العنان
جرت علي اسد احتضانته عندما رأته يقف في المطبخ قال اسد صباح الخير ياقلبي ردت قلب بإبتسامه جميله صباح النور يااسدي
ضحك اسد بشده عليها وقال انتي بتغريني بقا خالي بالك انا الحجات القمر اللي شبهك كده مقدرش امسك نفسي عليها
ابتسمت قلب بكسوف وقالت عامل اي دلوقتي
تنهد اسد وقال الحمد لله ياقلبي جهزي نفسك بقا عشان النهارده انا هبقا بتاعك لوحدك وهاخدك افسحك قفزت قلب عليه وباست،ه من خده وقالت انا هطلع البس هوااا
اسد بضحك. يامجنونه انتي تعالي افطري
قلب.اما البس استناني
_____
اسد.غمضي عينك يالاه وادخلي
قلب.اسد انا مش شايفه حاجه خالص يااسد
إبتسم اسد وهو يضع يده علي عينيها وقال منا مفتح اهو اتحركي انتي بس معايا
اسد.خلااص ياستي فتحي
فتحت قلب عينيها بإنبهار وقالت اي الجمال ده
اسد.عجبك ياروحي
قلب .اوي اوي يااسد بس الشاليه ده بتاعك صح
اسد .تؤ تؤ بتاعك انتي
قلب .بتهزر بتاعي انا ازاي
اسد.انا كتبته بإسمك ياقلبي
احتضنته قلب بشده
امسك اسد يد قلب ودخلو الي الشاليه
ادخلي غيري هدومك في الحمام وانا هغير هنا وتعالي عشان ننزل البحر
بعد وقت انتهت قلب ولكن اتكسفت انها تلبس الم*ايو قدام اسد فلبست شور'ت ابيض وبادي كت ابيض وقميص اسود مفتوح وخرجت ل أسد كان اسد ينتظرها علي السرير إبتسم لها وقال ملبستيش الم*ايوه ليه
لم ترد عليه قلب امسك اسد يديها وقال مش عيب كده اما تتكسفي من جوزك بس متقلقيش انا هكس،ر كل الحواجز دي
بعد قليل من الوقت عادو الي الشاليه مره اخري
غيري هدومك ياقلبي انا مستنيكي علي مهلك ومتطلعيش الا لما تنادي عليا
خرجت قلب بعد ان غيرت هدومها ولبست قم*يص ن*وم اسود ووضعت ميكب جرئ غير شخصيتها وربطت شعرها علي هيئه ديل حصان نظرت علي نفسها برضي وندهت علي اسد الذي فور دخوله وقف مصدوم أمام قلبه تحرك إليها وقال انتي كل يوم بتحلوي عن اللي قبليه أنزلت قلب عينيها بكسوف
لا لا تعالي نطلع بسرعه قبل متهور عليكي شالها اسد وقال لها غمضي عينك انزلها اسد وهمس لها في أذنها فتحي عينك ياقلبي فتحت قلب عينيها بإنبهار تفاجأت بالشموع والورد التي تملئ المكان وطربيزه صغيره عليها الطعام وصوت مزيكا هاديه جدا ظلت تنظر حولها بإنبهار بينما يتابعها اسد بنظراته اقترب منها ومسك يدها وقال تعالي نتعشا
الاول همت قلب ان تجلس علي الكرسي المقابل لكن اوقفها اسد وهو يقول من امتي وانتي بتقعدي كده امسكها اسد من خ،صرها ووضعها علي رجله انتهو من طعامهم تحت مشاكسات اسد وخجل قلب انتهي اسد وقال انا هنزل احط الأطباق تحت خاليكي انتي هنا متتحركيش
إبتسمت له قلب وقالت حاضر
كانت قلب تنتظر اسد وهي تنظر الي البحر بشرود حتي قاطعها صوت اسد وهو بيقول لها تسمحيلي بالرقصه دي نظرت قلب إلي يده وامسكتها بإبتسامه اقترب اسد منها وحاوط خص،رها حتي قالت قلب بكسوف انا فرحانه اوي يااسد
قال لها اسد وهو يرفع رأسها انا قولت اعوضك عن ليله إمبارح اللي اضر،بت وشهر العسل اللي باظ والله يابنتي انا شاكك في الجوازه دي
ضر،بته قلب في
صدره بضحك وقالت كده طيب انا زعلانه منك
لمس اسد وجنتها بحب وقال انتي الحاجه الوحيده الصح اللي في حياتي ياقلب خاليكي متأكده من كده قال وهو مغيب وهو يشم رائحتها المغر،يه
انا بحبك بكل تفاصيلك بشعرك البني الطويل و ريحته وعنيكي اللي فيها حب ودفا انا عمري محسيت بيهم كل تفصيله فيكي قال وهو يلتهم شف،تيها وشفايف،ك اللي اول مشوفتك حسيت اني عاوز اذوقهم
بدلته قلب بخجل ابتعد اسد عنها وهو يلهث وساند رأسه علي رأسها وقال انا عايزك تبقي مستعده ان احنا هنقابل حجات كتير وحشه في حياتنا لازم توعديني ان احنا هنعدي مع بعض اي حاجة عاوزك توعديني انك وقت متزعلي تيجي ل حضني وانا هصلحك انا وانتي ياقلبي ملناش غير بعض اوعديني ياقلبي ان مهما حصل مش هتبعدي عني قالت قلب وهي تحتضن اسد اوعدك اوعدك يااسد باس،ها اسد بشغف اكتر وحملها وذهبو الي الفراش وضعها اسد بحنيه وقال جاهزه ياقلبي
اكتفت قلب بأن تختبئ في صدر اسد نز،ع اسد التيشيرت واقترب من قلب ووو ( سكتت شهرزاد )
جماعه اي رأيكو اعمل ألبوم مجمع الحلقات لحد موقفنا عشان محدش يتلغبط
بقولك اكابتن متجيبلي إزازه مياه
الحارس : اسد بيه مانع ان احنا نديك اي حاجه
أسر بكدب: طب تعالي فكيني عاوز اعمل شبه الناس
الحارس :انت ياعم مبتفهمش ولا اي
أسر: ياعم خاليك واقف معايا عقبال م اخلص وبعدين انت هتفك رجلي بس اخلص انت .
الحارس : طيب تعالي تعالي
اقترب الحارس من أسر وفك رجله قبل ان يرفع الحارس نظره ل أسر
كان الحارس فاقد للوعي أثر تلك الض،ربه
إبتسم أسر بسخريه ومسك المفتاح اللي مع الحارس ووضعه في فمه وفك رباط يده
نهض أسر من علي الارض وهو يضحك بسخريه خرج سريعا من الباب الخلفي لقا كل الحراس نايمين
قال أسر في نفسه اهم الب،هايم اللي زي دول هما اللي بيضيعوك ياابن الدمنهوري
__
الحارس : أسر السيوفي تحت
أبتسم تلك الشخص المجهول بخبث وقال طلعهولي
دخل أسر الي المكتب بهيبته وجلس علي الكرسي بكبرياء وقال اذيك يا
بوص
اتجه اليه ذلك الشخص وقال انا عارف انك قدها وقدود
اجهز عشان المره الجايه هتبقا القاضيه وهنخلص علي اسد الدمنهوري
__
تململت قلب في الفراش وهي لم تقدر علي الحراك فتحت عينيها لقت راس اسد علي صدرها ويده محكمه علي خصرها كأنه خايف ان تهرب إبتسمت قلب وظلت تنظر اليه بحب وتلعب في شعره صحي اسد بسبب حركتها وفتح عينيه ببطء رأها تنظر له وهي مبتسمه إعتدل اسد وجعل قلب فوقه وقال بإبتسامه جميله صباح الخير يامدام الدمنهوري أنزلت قلب رأسها بكسوف وقالت بصوت واطي صباح النوم
قال لها اسد وهو يلمس علي كتفها الع*اري انتي لسه مكسوفه مني واقترب من شفت*يها وهو يقول لا احنا لازم نضيع الكسوف ده بادلته قلب قبل*ته وقالت ل أسد بخجل بطني بتوجعني اوي وحاسه إن جس*مي متكسر
تنهد أسد بضيق لانه عارف ان هو كان عني*ف معاها
إبتعد اسد عن قلب ولبس بنطلونه ودخل الي الحمام خرج بعد شويه واتجه الي قلب وهو يحملها فزعت قلب وقالت هتوديني فين قال لها اسد وهو يضعها في البانيو بصي انا شغلتك مياه دافيه انتي بس ريحي جس*مك كده وهتلاقي بطنك وجس*مك فك خالص
إبتسمت له قلب وقالت ايوه ايوه انا ارتحت كده
إقترب اسد منها بخبث وقال طيب هاتي الملاايه اللي اتبلت دي
شهقت قلب وقالت اطلع بره ياق*ليل الا*دب ضحك اسد وهو يخرج وقال الاه منا شوفت كل حاجة
___
الو ذيك ياطارق
طارق بضحك : اهلا باللي خاربها
اسد : الله يخربيت قرك ياجدع
طارق بضحك : الجواز حلو يالاه
اسد : بلاش بدل مقولك تسأل مين عشان متزعلش
طارق : خلااص ياعم مش عاوز اعرف بترن ليه صحيح
اسد بجديه : روحت ل أسر النهارده ولا لا
طارق ؛لسه اما اخلص الورق اللي قدامي الأول
اسد: تمام بس متنساش
طارق :طب انت راجع امتي
اسد : بكره وعليك خير يالاه سلام
قفل اسد مع طارق وحمل الاكل ونزل لقلب كانت لم تخرج من الحمام عدل اسد السرير و ظبط الغرفه وفتح الشبابيك إبتسم عندما تذكر ماحدث أمس وظل يأخذ نفس عميق بسعاده كبيره ظلت قلب تنادي عليه لكنه لم يسمعها إقتربت منه قلب وقالت اسد انت مبترودش ليه فاق اسد من سرحانه
وهو ينظر لها بصدمه الله يخر،بيتك ملبستيش ليه أنزلت قلب عينيها وهي تقول قعدت انادي عليك عشان تجيبلي هدوم وانت ولا هنا ملقتش الا الفوطه دي ابعد اسد نظره عنها وهو بيقول أعوذ بالله من الشيطان الرجيم يارب صبرني يابنتي انتي مش هتجيبيها لبرر خودي ياماما البسي بسرعه عقبال مااخد شاور
خرج اسد بعد قليل ونظر الي قلب الواقفه أمام المرأه
بتسرح شعرها اقترب منها اسد ومسك الفرشه وبداء في تسريح شعرها عامله ايه دلوقتي ياقلبي
قلب .الحمد لله بقيت احسن
اقترب منها اسد وبا*سها من رقبتها وقال انا اسف ياقلبي
إبتسمت له قلب وقالت يالاه بقا انا جعانه موووت
شالها اسد ووضعها علي الفراش وجلس بجانبها وهو بيأكلها كانو بيتمنو لو يقعدو لوحدهم دايما بعيد عن المشاكل وهم الدنيا ويفضلو سوا فب حضن بعض
___
ادم :طارق امضيلي علي دول
طارق :تمام بقولك ياادم انت وراك حاجه
ادم :انا خلصت يعتبر كل الورق كده مفضلش الا إمضتك
دخل علي المكتب : ازيكو ياباشوات
طارق : يابني خبط علي ا*م الباب وادخل انت قطعتلنا الخلف
علي وهو يجلس علي الكرسي : فدايا ياعم
علي بجديه : انا في حاجه عاوز اقولهالكو
استغرب كل من ادم وطارق لان علي مش من عادته انو يتكلم بجديه كده الا لما يكون في حاجه كبيره
طارق بإنتباه: خير ياعلي
علي : الشركه اللي احنا اتفقنا معاها ان احنا نستورد منها اللي نقصنا اللي هي بتاعت واحد اسمو مارك
ادم : اه مالها
علي :دي بقا ياباشا من المفترض انها بتدينا العربيات اللي بنشتغل بيها في فرع الشركه اللي في إيطاليا اللي انت ماسك إدارتها هناك
ادم : اه يابني مالها بقا
علي :وانا براجع في الأرباح بتاعت الشركه اللي في إيطاليا لقيت ان احنا بس الشهر ده خسرنا 2مليون
طارق :وبعدين ياعلي
علي :قولت انا ازاي في شهر نقل ب ال2 مليون فتحت الملف بتاع الشهر اللي قبليه لقيت ان احنا الشهر اللي قبليه خسرانين 1 مليون بمعني ان الشهرين اللي انت رجعت فيهم مصر ياادم خسرانين بس 3 مليون اكتشفت بقا كل ده ازاي الشركه اللي كنا بنتعامل معاها قبل شركه مارك عمرنا معلينا في الخساره عن ربع مليون ده غير المكن اللي كان كله سليم متلقيش ولا واحده فيهم في عطل فني حاليا الشركه اللي اتعملنا معاها بقلنا شهرين المكن بيجي في منهم 500 مش شغالين وده باين اوي من الاحصائيه اللي معايا من الاخر الشركه دي مخسرنا الأرباح اللي المفروض بتدخلنا كل شهر
طارق : كده لازم تروح إيطاليا ياادم وانا هبقا أبلغ اسد لما يرجع وانت يا علي اعرفلي كل حاجه عن الشركه بتاعت مارك من اول عمال النظافة لحد هو شخصيا والمساعدين بتوعه كمان
علي :اكيد انا مش هستناك تقول الملف فيه كل حاجه انا ملحقتش اقرأ كله الا اللي انا قولتلك عليه انا حاسس ان احنا هنلاقي وراهم بلاوي
طارق وهو بياخد الملف ؛خير بس محدش يجيب سيره ل أسد اما يرجع نبقا نقله
دلوقتي ادم هتروح المخزن عند أسر
قومو يالاه
_
عند اسد كان مقعد قلب علي رجله وحاضنها
اسد :مبسوطه ياقلبي
قلب :اوي
إعتدل اسد ومسك رأسها وقال تيجي ننزل البحر
قلب : لا خاليني كده احسن
ضحك اسد بصوته كله وقال حضني عجبك ولا اي
ض،ربته قلب في صدره وقالت عيب علفكره
إقترب اسد من شف*ايفها لكن قاطعه رنه تليفونه
مسك اسد التليفون بزهق :اي ياعم طارق لحقت اوحشك
طارق ............
انتفض اسد وقال من امتي
طارق................
اسد :انا جاي حالا
قلب :في اي يااسد
اسد : أسر هرب
______ووويتبع
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
جميع الروايات كامله من هنا 👇 ❤️ 👇
اعلموا متابعه لصفحتي عليها الروايات الجديده كامله بدون روابط ولينكات من هنا 👇 ❤️ 👇
❤️🌺💙🌹❤️🌺💙🌹❤️🌺💙🌹❤️🌺🌹❤️🌺🌹🌹❤️🌺💙
تعليقات
إرسال تعليق