رواية أحاسيس ميته الحلقه الثانيه حصريه وجديده على مدونة النجم المتوهج
رواية أحاسيس ميته الحلقه الثانيه حصريه وجديده على مدونة النجم المتوهج
هو اللي اتهجم عليه وكان عايز يغتصبني وانا كنت بدافع عن نفسي و في لحظة طلعت المطواة اللي معايا وغرزتها في رقبته
دة اللي قالته درة ل فريد وهي منهارة مش مصدقة اللي حصل وهنا فريد ما كنش مستوعب اللي بتقوله فقال
درة. انا عايزك تهدي وتحكي لي بالتفاصيل اية اللي حصل،،،،،،
درة
كتابة واقتباس
محمد منصور **منص**
وقبل ما نبدأ نوحد الله ونصلي علي خير خلق الله سيدنا محمد.
اللهم صل وسلم علي محمد صلاة تحل بيها العقد وتفك بيها الكرب
ونرجع للبحيرة و صابر ماسك ايد درة وبيقول
مش هتمشي
بصيت درة ل ايدة وقالت
هو انت لية ماسكني بالطريقة دي
صابر ساب ايدها وقال
اهو سبت ايدك. لية بقي خايفة مني
درة بنظرات كلها شك
انا مش خايفة منك. بس انا قولت لك اني سيبت فريد تعبان وجيت ف هرجع له تاني علشان ما يزعلش مني
صابر
فريد عمره ما هيزعل لما يعرف انك معايا. وما جاش في بالك انه ممكن يكون سابك تيجي لوحدك لغاية هنا علشان نكون لوحدنا
الجملة دي رعبتني وخوفتني من صابر دة. ومن فريد نفسه بس مستحيل فريد يعمل كدة دة بيحبني انا متاكدة. صابر هو اللي عايز يوقع بيني وبينه هو اللي طمعان في جسمي وانا مش هسمح له بانه يوصل للي بيخطط لي لازم. خرجني من تفكيري صوت صابر لما سمعته بيقول
لو عايزا تمشي امشي بس ادهني لي طهري قبل ما تمشي لان الشمس هنا حامية
ونزل الروب اللي كان لابسة وبان نص طهره وشاور علي الكريم اللي بيمنع اشعه الشمس من حرق الجلد الحساس. فضلت باصة له وباصة للكريم وانا مش عايزا اعمل كدة وهنا صابر قال
مش من الذوق انك ترفضي طلب بسيط من حد في سن والدك. وعم جوزك
هنا اتحركت بخطوات بطئية ناحية الكريم ومسكت العلبة وفتحتها وحطيت كريم علي ايدي ومن ايدي ل طهره وبدات اتعك طهره بالكريم قبل ما يمسك ايدي ويقول
ايدك ناعمه اوي
ولف لي وشه و استعد للهجوم عليه وانا بدات اصرخ وانادي علي فريد باعلي صوت عندي وهو
ما كنش خايف من الفضيحة وقال بجبروت وهو بيحاول يبوسني بالعافية
ما حدش هيسمعك لان كل شبابيك القصر ضد الصوت يعني اللي جوة ما يسمعش اللي برة
وهنا افتكرت المطواة اللي في جيب الشرط بتاعي طلعت المطواة وفتحتها وغرزتها في رقبته من الجنب
والدم بدا ينزل منه بغزارة شديدة وانا زقيته بعيد عني ورجعت للقصر،،،،،،،،،
ونرجع ل اوضة النوم ودرة بتقول ل فريد
دة كل اللي حصل وانا لغاية دلوقتي مش عارفة ازاي دة حصل
في الوقت دة باب الاوضة اتفتح ودخلت نانا وهي بتصرخ وباصة ناحية فريد وبتقول
عمك لقيته علي البحيرة سايح في دمه و،،،،،،،
سكتت نانا لما شافت هدوم درة اللي كلها دم وشافت المطواة مرمية علي الارض غرقانه دم فقالت
انتي يا درة اللي عملتي كدة في جوزي
درة
كان عايز يغتصبني وانا كنت بدافع عن نفسي
هجمت نانا علي درة وهي بتقول
هقتلك زي ما قتلتي
وفعلت نانا مسكت شعر درة قبل ما فريد يمنعها من تكملة هجموها علي درة وقال فريد
نانا بتقول لك عمي حاول يغتصبها باين عليه كان سكران ونسي ان دي مرات ابن اخوه
نانا
انت بدافع عنها بدل ما تقتلها زي ما قتلت عمك. لكن علي لية تلوث ايدك بدم واحدة زي دي الحكومة هنا هتخلصنا منها لانها صدقت نفسها وافتكرت انها ست بجد
هنا جه علي الصوت العالي كريم وعبير وشافو الدم علي هدوم درة فصرخت عبير وقال كريم
اية اللي بيحصل هنا
نانا
درة قتلت صابر
درة
انا كنت بدافع عن نفسي
كريم
مستحيل درة تعمل كدة لانها مش مبرمجة علي اذية اي مخلوق
درة اتصدمت وقالت
يعني مبرمجة
فريد مسك ذراع كريم وقال بارتباك
مش وقته يا كريم الكلام دة وتعالو نتكلم بالعقل ونشوف هنحل المشكلة دي ازاي
وبص فريد ل درة وقال
وانتي يا درة خليكي هنا
ونزلو كلهم للدور التاني من القصر وقال فريد ل نانا
عايزك تهدي وكل حاجة ليها حل
نانا
حل اية دي لازم الحكومة تيجي تاخدها وهما،،،،،،،
فريد قاطع نانا وقال
ممكن نتكلم علي انفراد
نانا
عايز تقول اية بعد المصيبة اللي عملتها مراتك
فريد
هنتكلم علي انفراد يا نانا،،،،،،
ومن عند البحيرة كان فريد واقف مع نانا قصاد صابر اللي لسة في الروح وقالت نانا
دة لسة في الروح
فريد بغل واحد مريض
كان لازم تضربه اكتر من طعنه في رقبته علشان نخلص منه
نانا
ماسك في الدنيا بايده وسنانه
فريد
طيب والعمل دلوقتي
نانا
نخلص احنا عليه وكدة ولا كدة. درة هي اللي هتلبسها
فريد
هيتعرف انه مات بسبب تاني غير طعن في الرقبه وكل اللي احنا خططنا لي هيبوظ
نانا
طيب نعمل اية
فريد بدا يفكر ل كام ثانية وبعدها قال
نسيبه هنا وكلها ساعة او اقل ودمه هيتصفي ويموت
نانا
ولو كريم جه يشوفه ولقا عايش
فريد
يبقي لازم نمنع كريم من انه يجي هنا لغاية ما صابر يموت
نانا
هنعمل اية برضو
فريد
لسة مش عارف لكن تعالي نرجع ونشوف هنقدر نعمل اية
نانا
و درة
فريد
هترجع مكان ما جت ماهي اللي زيها مش هيتقبض عليها
نانا
اة هتتحط تحت بند عيوب التصنيع
فريد
اسم الله عليكي. وحلال علينا فلوس العم صابر
نانا
المهم دلوقتي كريم هنعمل مع اية
فريد
عايزك اول ما نرجع القصر،،،،
ويرجع فريد ونانا للقصر ومع دخولهم واول ما يشوفهم كريم قال ل فريد
اية ناويته علي اية
نانا بعصبية
صاحبك فريد بيحاول يقنعني بكلام فارغ وانا مش هسكت
فريد بعصبية
انتي اللي مش عايزا تفهمي ان اللي حصل دة غلطة عمي مش غلطتها هي
نانا
لا والله وعمل اية عمك بقي يخليك تزعل اوي كدة
فريد
كان عايز يغتصب مراتي
نانا
مراتي مراتي. خوتنا بالزفته بتاعتك دي
كريم
ممكن تهدو انتو الاثنين وتعالو نشوف عم صابر يمكن لسة في الروح
نانا
روحنا شوفنا مات وانا لازم اخلص بايدي علي بنت الكلب دي
وعملت نفسها نانا انها طالعه فوق ل درة قبل ما فريد يمسكها من هدومها ويبعدها عن السلم و حصل بينهم شد وجذب ووقعت نانا علي الارض مغمي عليه. ودي لعبة بالاتفاق مع فريد يضيعو بيها وقت لغاية ما دم صابر يتصفي ويموت وكريم وعبير حاولو يفوقو نانا وكريم قال فريد
اية اللي انت بتنيله دة
فريد
انا اعصابي تعبانه وطالع
ل درة قبل ما ارتكب جناية
وطلع فريد ل درة وساب كريم مع نانا. وقعد قصاد درة اللي كانت لسة مرعوبه وبتقول
فريد انت كنت فين انا عايزاك جنبي والله انا ما كنتش عايزا اقتله لكنه هو اللي،،،،،
قاطعها فريد وقال
خلاص يا درة اللي حصل حصل وانا مش عايزاك تخافي لان اللي زيك ما بيطبقش عليهم القانون الجنائي
درة استغربت وقالت
يعني اية اللي زيي
فريد
جه الوقت تعرفي حقيقتك. انتي مش بني ادمه.
درة اتصدمت اكتر وقالت
اومال انا اية
فريد
روبوت
بدات درة تهيج وهنا فريد قال بصيغة الامر
درة نامي
اتوقفت درة عن الحركة تماما والنني الاسود اختفي من عيونها وظهرت علي حقيقتها مجرد روبوت، ،،،،،،،
خلصت الحلقة لكن ما خلصتش الحكاية. ويلا سلام ومعاها باي
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
جميع الروايات كامله من هنا 👇 ❤️ 👇
❤️🌹💙🌺❤️🌹💙🌺❤️🌹💙🌺❤️🌹💙🌺❤️🌹💙🌺❤️🌹
تعليقات
إرسال تعليق