رواية إبن عمي الفصل الخامس والسادس بقلم الكاتبه ريهام محمود حصريه وجديده على مدونة النجم المتوهج

رواية إبن عمي الفصل الخامس والسادس بقلم الكاتبه ريهام محمود حصريه وجديده على مدونة النجم المتوهج 

رواية إبن عمي الفصل الخامس والسادس بقلم الكاتبه ريهام محمود حصريه وجديده على مدونة النجم المتوهج 

..كانت شارده بملامح منزعجه تسير علي غير هدي بالجامعه ..عند "الباركينج الخاص بالكليه"

كان يخرج بسيارته "أميرر الحوفي "معيد بالكليه ..

لم ينتبه لها تفاجأ بها تقف امام سيارته ..كاد ان يصطدم بها ..ولكن ..لحق الامر..

ترجل من سيارته بغضب ..واستدار لها ..كانت جالسه علي ركبتيها تلملم كتبها وأغراضها..

نظر صوبها بغضب ..كاد ان ينطق ..فاجأته برفع رأسها ..

ألجمته عن الحديث..اقسم بباله لم يري جمال كهذا من قبل ..لم ينتبه لحالته جلس مقابلها يجثو علي ركبتيه ..

قالت بخفوت"انا اسفه مكنتش واخده بالي..

ناظرها بوله وبنبرة ناعمه "انا اللي اسف ..

نهضت عن مكانها بعد ان لملمت اغراضها ..ورمقته بابتسامه عذبه واتجهت للداخل ..

التقتت ببعض زميلاتها والقت عليهم التحيه ..واكملت طريقها...

اما عنه هو مازال مكانه مشدوها شارد الذهن ..ظل يتتبعها حتي غابت عن عينيه..

سار صوب زميلاتها اللاتي ألقت عليهم ساره التحيه ..

وقال بابتسامته المعهوده ..مساء الخير يابنات!!

رمقته الفتيات بوله وفم مفتوح ..فكل الفتيات او بالاصح معظمهم يتمنون ان يرمقهم أمير الحوفي بنظرته الجذابه وابتسامته العذبه ..

تحدثو "بنفس واحد"مساء النور يادكتور"

انتبه لحالهم ..فتنتحنح وقال بحرج وهو يحك انفه بأصبعه"احم ..ممم كنت عاوز اسالكو عن حاجه ..

قالت احدهماا بنبرة حماسيه "أكيد ..اتفضل يادكتور..

"قال بنبرة تساؤل لا تخلي من الحرج" اﻻنسه اللي سلمت عليكو من شويه دي تبقي مين ؟!

نظرن الفتيات لبعضهم باستغراب ..ثم نطقت أحدهم ..قصد حضرتك سارة الزيني..

لوي فمه ورفع حاجباه دليل علي عدم معرفته"معرفش انا اللي بسألكم مين دي؟!

قالت احدهما "مش اللي شعرها أصفر ولسه داخله دلوقتي..

تحدث مسرعاا"أيوة هي "..مين دي وفي سنه كام؟!!

تحدثت احدي الفتيات...دي سارة الزيني في سنه تانيه مدرج ج مع بنت خالتي في المدرج بتاعهاا..

كانت عايشه برة وحولت السنادي اما نزلت مصر تقريباا

رمقهم أمير "برضا "بعد ان حصل علي مايريد معرفته .. اومأ برأسه لهم ..

وسار بخطوات مستقيمه للداخل ..

تسائلت الفتيات فيما بينهم ..ياتري بيسأل عليها ليه ؟!!

ردت الأخري..ودي عايزه كلام ..اكيد عجبااه "ولوت فمها بتحسر"

تنهدت احدهماا وتحدثت بوله...هييييييح يابختها...

       .......................

ترجل يوسف من سيارته ..ضيق عينيه عند رؤيته لتلك السيارة الحمراء المركونه امام المنزل..استدار حولها بغضب تأكد انها سيارة سهر .. جذب بانامله خصلات شعره بعنف ..ثم ضرب بقبضته علي مقدمه السيارة واتجه صوب الدرج الرخامي الخارجي للمنزل وصعده بخطي مسرعه ...ولج للمنزل واخذ يبحث بعينيه عنهاا..استوقف بنظره علي الصالون ..اعتدلت سهر بجلستها عند رؤيته ورمشت بعينيهاا مرات متتاليه ..اتجه صوبها بخطوات ثابته وهو يصر علي أسنانه من الغضب ..

استقطعته امه وهي تحدثه "ببرود متعمد"ايه مش هتسلم علي سهر ..

اقترب من سهر وهو يعقد حاجباه وقد اصابه الغضب "مد يده "ازيك ياسهر..

انتفضت سهر عن مقعدها "وقالت بنبره مهتزه وهي تبادله السلام"تماام"

ظل ممسكا بيدها يعتصرها..حتي وضح علي ملامحها الوجع ..لاحظت اميمه ذلك ..فهتفت بعدم فهم ..فيه حاجه ولا ايه!

تحدث من بين أسنانه ونظره مثبت علي سهر بعد ان ترك يدها ..لا مفيش..

عاتبته اميمه "مش تقولي يايوسف انك مرتبط بواحده وهتخطبهاا ..

زفر بضيق واشاح بكفه لامه "مش وقته ياماما ..مش وقته..

نهضت من مكانها بانفعال  ثم قالت  بانزعاج موجه له ..عموما كلامنا بعدين ..انا قايمه احضر الاكل عشان سهر هتتغدا معانا انهارده !!

غادرت الغرفه متوجهه صوب المطبخ بخطوات سريعه مستقيمه ..

احتقن وجهه بالدماء وقبض علي ذراعها بانفعال ..ايه اللي جابك هناا ..بتتحديني 

تحدثت بوجع"اااه ايدي ..وجعتني..سيبني بقي..

دفعها بقوة ارتدت علي اثرها للخلف ..

أكملت بلهجه مستنكرة"وايه المشكله اما أجي واتعرف علي اهلك ..انا عملت اي غلط؟!

هدر بها بغضب وهو يشيح بيده ..لما تكسري كلامي وتيجي بيتي من غير معرفتي وتحكي لامي ع اللي بينا ..يبقي ده مش غلط !!ا اومال الغلط عندك يبقي ايه !!

كانت متوجسه من رده فعله ..ولكنه عدي احتمالاتها بمراحل ..لم هذا الغضب ..

حدثها بوعيد "انتي دلوقتي تمشي ولينا كلاام بعدين ..جذبها من مرفقها وسارا في اتجاه الباب رغما عنهاا..

وما زاد الطين بله ..حضور هايدي وسارة معاا ..تجمدت  سارة وهايدا مكانهما عند رؤيتهم  ليوسف وضيفته ..وملامح يوسف لا تنم عن خير مطلقا ..

تسمر يوسف مكانه وترك مرفق سهر بسرعه ووجه نظراته لسارة ..رمقها بتوتر شديد ..شاهدت سهر يوسف وأحست بتوتره ونظراته المصوبه تجاه سارة .. تنفست هايدي بعمق وهتفت ..ايه مش تعرفني!! 

هتفت هايدي مسرعه :انا هايدي اخت يوسف الصغيرة ..

توجهت سهر براسها ل سارة ..فأكملت هايدي :ودي سارة بنت عمي .. "ثم تابعت باستغراب وتساؤل"مين حضرتك..

قامت سهر بشبك ذراعها بذراع يوسف وقالت بثقه "انا حبيبه يوسف وقريب هنتخطب "اتسعت عين يوسف واحمر وجهه من الغيظ  ..رمقته سهر بلا مبالاه غير مكترثه لنظراته ..

اما عن سارة وهايدي ارتفعا حاجبيهما بذهول ..ونظروا لبعضهم باستغراب .. في هذه اللحظه حضرت أميمه من المطبخ..

ايه انتو جايين مع بعض ولا ايه "وجهت حديثها صوب هايدي وسارة'

هايدي"لا احنا اتقابلنا تحت وطلعنا سوا

هتفت اميمه يوسف بنبرة جافه "عرفت البنات علي ضيفتك ولا لسه ..

تحدثت هايدي؛:اه ياماما خلاص اتعرفنا ..

هتفت أميمه "طب ياللا عشان هنتغدا سواا ..

خد ضيفتك وقعدها يايوسف ..

هايدي:انا هروح اشوف اي حاجه اشربها عشان دايخه اووي .'توجهت للمطبخ'

أصرت سارة الصمت ..رمقت يوسف باحتقار ..ثم صعدت الدرج الداخلي للمنزل ..متجهه صوب غرفتها لتبديل ثيابها ..

.........

في منزل رضوان البحيري ..

كان رضوان يجلس علي الاريكه المقابله للتلفاز باريحيه ..

حضرت اروي وجلست بمحاذاته ..

أروي:بتتفرج ع ايه ياحبيبي

رضوان"لم يشيح بصره عن التلفاز"انتي شايفه ايه

اروي"ايوة عارفه انه ماتش مين بيلاعب مين يعني..

رضوان بمرح وشماته "برشلونه واخده الريال ورا مصنع الكراسي وعامله معاه الصح

تسائلت اروي باهتمام :مين فيهم برشلونه ومين فيهم الريال؟!!

رضوان يشير بسبابته:بصي ياستي اللي لابس ازرق غامق ده برشلونه واللي لابسين ابيض دول الريال ..

 اروي :طب ومين الاحسن فيهم ..

رضوان "بثقه وتباهي"طبعا برشلونه ..

جلست تشاهد معه المباراه في صمت ..وبعد انتهاء المباراه بفوز فريقه المفضل التفت له مقهقها بشده ..

مش قولتلك برشلونه هتقطع الريال انهارده ..

هتفت بنعومه :مبروك ياحبيبي

انتبه لها واخيراا ..

بس اي الحلاوة دي ..

قوست فمها بتهكم:اول مااخدت بالك ..دانا قاعده جمبك بقالي اسبوع 

هتف بمرح :معلش ياروحي انا ساعات بيتعمي ع قلبي..

العيال نامت !!

اروي ..بابتسامه خجوله:اه

رضوان "ضحك بخفوت وغمزها":طب اي

ردت ببلاهه :ايه

قومي اعملناا شاي وتعالي اقولك ..طب اي

..........

في فيلا المنصوري ..في غرفه سهر ..كانت تتحدث عبر الهاتف مع صديقتها روجين..

سهر:بس ياستي واتغديناا ومكنش مديني وش طول مانا قاعده..حتي اماروحت موصلنيش

روجين:.......

سهر:انا مش هسيبه ..هو مش بمزاجه يعلقني بيه وبمزاجه ينهي اللي بينا ..ثم انا عايزه اتاكد ف حاجه بينه وبين بنت عمه ولا لا .

روجين:.........

سهر:انتي لو شوفتي بصاته ليها .كنتي هتفهمي انا قصدي اي..ده منزلش عينه من عليها ولا كاني موجوده ..

بس مامته طيبه وتقريباا اقتنعت بيا ورضيت بالأمر الواقع..

روجين:......

سهر:انا بكرة لازم اقابله واعرف اخرته اي معايا ..واي حكاية البت بنت عمه دي..

روجين........

سهر:ولا حلوةولا حاجه ..عاديه يعني .هي بس عنيها زرقا ..وممكن تكون عدسات كمان..عاديه جدا..

روجين:......

سهر:.ماشي ياحبيبتي ..اشوفك بكرة في النادي ونكمل كلامناا ..  good Night

...القت الهاتف باهمال علي المنضدة ..توسطت سريرها ..كي تخلد للنوم ..

.......

دلف اللي المنزل بساعه متأخرة من الليل ..وجد المنزل هادئ..صعد الدرج الداخلي بتملل ويده تستنده ع سور الدرج ..وقف في منتصف الردهه ...ثم سار بخطوات مستقيمه صوب غرفه سارة ..ظل واقفا امام الغرفه بعضا من وقت ..التفت يمينا ويسارا ..اطمئن بأن لا يوجد احد ..ضرب الباب بضربات خفيفه ..كانت مستيقظه تقوم بعمل بحث من علي الانترنت..

سمعت صوت طرقات علي بابها..نهضت من سريرها بتملل ..محدثه نفسها"ع اساس هايدي راحت تنام يعني "ايه جابها دلوقتي"

فتحت الباب ..اصطدمت بوجوده ..

هتفت بجفاء "خير فيه اي"

رد بتساؤل:كنتي نايمه؟!!

جاوبته باستهزاء"متهيألي ده وقت نوم يعني ..مش محتاجه ذكاء يعني..

تنهد بنفاذ صبر "انتي الكلمه عندك بموشح ..اي؟!!

اطلقت زفيرا محتنقا وهتفت بضيق .خيير!!

تلجلج في الحديث :مفييش انااا كنت..حك كفه بمقدمه راسه ..مفيش حاجه بيني وبين سهر!

هزت راسها بعدم اهتمام ..وانا مالي باللي بينك وبين سهر ..

هتف بتذمر :ولما هو مالك اتضايقتي ليه !!

رفعت احدي حاجبيها بتعجب !!

ااتضايقت ..

لا يايوسف انا مضيقتش ..في فرق بين اني اضايقت واني احتقرتك ..

احتد صوته "هتف بنبرة متحشرجه"قولتلك مفيش بيني وبينهاا حاجه "لزمته اي كلامك ده ..

مفيش بينك وبينها ايه ..يابني بتقول انكو هتتخطبو قريب ..

كاد ان يتحدث قاطعته باشارة من يدها ..وقالت بثبات ..انا فرحت اووي ع الاقل هتبعد عني بقي وتسيبني في حالي

مسح بيده علي ذقنه ..قام بالنظر لعنقها وما أسفله بوقاحه ..انتبهت لنظراته الوقحه ..فوضعت كفها علي عنقها..

رمقته باحتقار واوصدت الباب سريعاا ..

هتف من خلف الباب بصوت منخفض مسموع لهاا ..براحتك.. قريب هتقعي تحت ايدي..

هتفت وهي تستند علي الباب بعد ماسمعت حديثه "وقح"وتعمدت ايضاحها له ..

ارتسم علي ثغره ابتسامه واسعه ..وكأن كلمه وقح تعني له مديح او شكر..

سار بخطي متعجله الي غرفته ...........

........................

                       .....*.........

في منزل  المستشار سالم الحوفي والد أمير ..يجلس هو وعائلته الصغيره المكونه من الأم امل أم امير "ربة منزل" كانو يجلسون في الشرفه يتسامرون ويحتسون الشاي ..

أمل :ربناا مايحرمني من قعدتكو الحلوة دي ..

أمير"طيب انا انتهز الفرصه دي واكلمكو في موضوع كده شاغلني بقاله اسبوعين اهوو..

المستشار سالم"بصوت اجش"خير يااأمير ..ايه شاغلك..

أمل"بنبرة متلهفه"خير ياحبيبي..

تنحنح امير بحرج واعتدل بجلسته للامام ..وهتف بنبرة هادئه"انا قررت اني اخطب

هتفت أمل مسرعه"واااخيراا ..هتفرح قلبي ياامير ..

المستشار:"قام بخلع نظارته ووضعها بجانبه علي المنضده "ومين بقي سعيده الحظ دي..

أمير :بنت زي القمر حلاوة واخلاق ..من عيله الزيني .. 

المستشار :اعرف ناس من عيله الزيني :ابوها اسمه ايه؟!

أمير:حك بانامله بمقدمه راسه"مش فاكر يابابا ..المهم عارف استاذ رضوان اللي ف العمارة اللي فدامنا يبقي ابن عمتهاا ..ياريت يابابا تكلمه عشان  يمهدلناا الامر وناخد ميعاد ..

امل'تدخلت في الحوار'استاذ رضوان ومراته محترمين ومراته بنت ناس ..

المستشار:خلااص سيبلي انا الموضوع ده وانا بنفسي هروح اكلمه ف اقرب وقت..

أمير:ياريت تستعجل يابابا ..انا خايف البت تتخطب ..

قهقه المستشار عاليا وقال مداعبا له ..شوفي الواد مستعجل ازاي..

أمل: وميستعجلش ليه ..الواد حلو والبنات بتترمي تحت رجله ..اصلا كان نفسي انه يفكر في الموضوع ده من زمان..

المستشار :خلااص هروح لقريبهم ده بعد صلاه العشا واتكلم معااه..

اومأ امير براسه وقال . متحرمش منك ياسيادت المستشار..

غيرو الحديث باحاديث اخري عن حياتهم واعمالهم وغير ذلك....

......................

قامت هايدي بالاتصال ب جمال  بعد محاولات كثيرة كانت نتيجتها عدم الرد ..لم يجيب ..باعين دامعه شارده ..ونغزه بالقلب ..أحست بالضياع ..حدثت نفسها بصوت لا يسمعه غيرها وهي جالسه في أحدي الاستراحات الموجوده بالجامعه ..انا اللي عملت في نفسي كده..انا اللي خليته يدوس عليا بجزمته ..لو الزمن يرجع بيا تاني ..عمري ماكنت افرط في نفسي.. .........

في مكتب "يوسف الزيني" كان يجلس علي كرسيه يقوم بالتوقيع علي بعض الأوراق ..دخل عليه رضوان دون ان يقرع الباب او يستأذنه كعادته..

يوسف "وهو يرمي القلم بانزعاج"نفسي مرة تخبط عليا قبل ماندخل..

رضوان"انا لو عملت كده اعرف اني زعلان منك

يوسف:يااريت ..ازعل مني يارضوان ..بص خاصمني يااخي..

رضوان"يضرب علي كتف يوسف"والله ماتقدر تعيش من غيري دقيقه

هتف يوسف بمرح"متهيالك"

خير جاي ليه. 

خبط رضوان بقوه علي راسه وتحدث...اووف كنت هنسي انا جايلك ايه 

يوسف"بتأفف"انجزز..

وضع رضوان ساق اعلي ساق وهتف بتكبر "حايبلك عريس..

يوسف"نعااام"

رضوان "واعتدل في مكانه وادرك خطأه المضحك"مش قصدي انت قصدي جاي لاختك عريس..

يوسف"تبدلت ملامحه للاستغراب"اختي أنا ..مين ده

رضوان:ياسيدي ده يبقي ابن المستشار سالم الحوفي راجل محترم وليه قدره وابنه بيشتغل معيد في كليه .."امسك براسه "مش فاكر كليه اي..

اسم العريس امير..

يوسف:طب يعني يعرفهاا منين ولا شافها فين ..

رضوان"هز كتفيه بعدم معرفه"وقال معرفش اكيد شافها في الجامعه ولا حاجه..

ها ..هما عايزين ميعاد بكرة كويس..

يوسف"تنهد وهتف"طيب هكلم أمي ف الموضوع وارد عليك اما أكلمهاا..

رضوان "تمام ..متتاخرش عليا بالرد ..

هروح لمكتبي انا بقي ..يالا سلام ..

لم يتلقي رد من يوسف ولم ينتظره نهض عن كرسيه ونهض وسار بخطوات مستقيمه للخارج..رجع يوسف لعمله ..وامسك بالقلم وقام بتوقيع الاوراق بعد التدقق في فحصها..

#الحلقة_6

《الفصل السادس》

ليلا..

في منزل يوسف الزيني .. اجتمع مع امه بعد وجبة العشاء..بشأن الموضوع الذي اخبره به رضوان بالمكتب..جلس يوسف علي الاريكه المقابله لأمه ..أراح بجسده علي ظهر الاريكه ..زفر سريعاا قبل ان يتحدث ..

يوسف:هايدي جالها عريس انهارده ..

أميمه "بنبرة فرحه متلهفه"بجد ..مين اهله يبقو مين!!

يوسف"اشاح بيده "رضوان هو اللي جايبه ..ابو العريس يبقي مستشار وساكن قصاده ..راح اتكلم مع رضوان ع اساس رضوان يكلمنا ويقولهم ع ميعاد  يناسبهم ..وبيقول انهم مستعجلين

"انفرجت اساريرهاا"يااارب لو خير يكتبهولك يابنتي ..ثم نظرت ليوسف ملياا واعتدلت للامام مقتربه منه برأسها ..مالك !!مش فرحان ليه؟!! 

يوسف"حك طرف انفه بأصابعه "مين قالك اني مش فرحان انا فرحان وجداا كمان ..بس خايف لما يقعد معانا ويعرف ان عندها السكر ..يمشي وميجيش تاني زي اللي قبله ..

تبدلت ملامح اميمه للعبوس"هايدي بتتعب جامد بعد الموضوع ده .ربنا يسترر..

يوسف"مترددا" ماهو عشان كده ان خايف ومتردد ..حرام لما تتعشم وتفرح وو بعد كده ام العريس تكلم ف الفون وتقول كب شئ قسمه ونصيب..

اميمه "اعتدلت بجلستها "وقالت بثبات"خلااص مش مهم نقول من الاول ..اكيد لما يقعد معاها ويتعرف عليها اكتر هيحبها والموضوع ده مش هيأثر معااه ..

يوسف"مضيق عينيه"ايه اللي بتقوليه ده ياماما ..لا طبعاا ..

أميمه "مترجيه "والنبي يايوسف ..سيبني افرح واختك تفرح متقولش ع الموضوع ده من اولها ..

ارضخ يوسف لرغبه امه بعد ان ترجته ..زفر بضيق وهتف ..طيب هطلع انا اكلم مع هايدي واعرفها ..

نهضت أميمه من مكانها وقالت  بعجاله "لا اطلع انت ياحبيبي ارتاح وسيبيلي هايدي انا هقولها .. اتجه صوب الدرج رفع جاكته بيده علي كتفه وهتفها وهو يصعد ببطئ ..ابقي عرفيني رايها الصبح عشان اقول لرضوان يقولهم ..

رمقته اميمه برضا ..متمنيه له الخير ..داعيه من قلبها ان تسير الامور علي خير..

......................

دلفت أميمه لغرفه ابنتها هايدي ..بعد ان استئذنتها بالدخول.. 

أميمه "بابتسامه طيبه"بتعملي ايه ياقلب امك..

هايدي"وقد التمست الحنان من صوتها"هتفت بفرح ..انا بفرك اووي اما بتقوليلي ياقلب امك ..

أميمه "بتأكيد"طب منتي قلبي واخر فرحتي والدلوعه بتاعتنا ..

هايدي"بامتنان وفرحه عارمه"ربناا مايحرمني منك ياست الكل ..

بس ايه الدلع ده اوعي تكوني عايزه فلوس ..

قهقت اميمه بشده من حديث ابنتها ..وهتفت من بين ضحكاتها هعوز فلوس منك انتي ..دنتي لسه بتاخدي المصروف ..

هايدي"مضيقه عينها بفضول" ممم اومال عايزه ايه يا أميمه انا قلبي اتوغوش ..

جلست أميمه علي طرف السرير واشارت لابنتها للجلوس بجانبها ..طب تعالي جمبي وانا اقولك !!

هايدي "مسرعه لجوارها" ها كلي اذان صاغيه ..

أميمه "ضربتها بخفه علي راسها" بطلي لماضه يابت بقي.. ثم تابعت ..عندي ليكي خبر حلو ..

تأملت هايدي امها بتساؤل ""خير؟!!

أميمه"بصوت فرح"جالك عريس..

وما ان انهت اميمه كلمتها ..تغيرت ملامح هايدي للعبوس ..زاغت ببصرها ..واحست بانخفاض بضغط الدم مفاجئ ..

هتفت بصدمه "ايه!!

شاهدتها أميمه بتلك الحاله ..دخل الشك قلبها ..بالأساس كانت تشك بأبنتها "قلب الأم واحساسها لا يخيب" رمقتها بشك وهتفت ..في اي.. مالك !!

قالت بتوتر جلي "مم مم مفيش"

هدرت بهاأميمه بلهجه محذرة..هايدي ..لو في حاجه قوليلي ..

انتبهت هايدي علي حالتها ووانتباه امها ..ازاحت العرق من جبينها بصعوبه بالغه ..."مفيش حاجه ياماما انا بس ..بس ..كنت بقول يعني بلاش دلوقتي ..ع الاقل اخلص رابعه ..

هتفت اميمه بثبات" مفرقتش دلوقتي من بعدين ..هو عريس كويس وفرصه حلوة ..اي حد يتمناها ..

..هايدي:بس ..

قاطعتها أميمه بحده"مفيش بس ..بكرة باذن الله العريس واهله هيجو وياربيكون فيه قبول  لاني عاوزه افرح بيكي بقي ..

امام اصرار والدتها وشخصيتها القويه ..فضلت الصمت ..ورضخت للواقع ..اللي "تشوفيه ياماما"

مسحت اميمه علي ظهر ابنتها بحنان ..وقالت"ربنا يهديكي يابنتي ويجعله خير ليكي"

نهضت من مكانها ممسكه بركبتها واتجهت ببطء للخارج ..

فور خروج امها اوصدت الباب باحكام أمسكت الهاتف واخذت بالضغط عليه ..ثم تضعه علي اذنها بانتظار الرد.."للاسف لا يوجد رد"

اللعنه عليك ياجمال .اين انت ..هربت ام ماذا ..الله اعلم 

"موقف لا تحسد عليه ..تذكرت مرضها وهروب كل من تقدمو لها ..تنفست باريحيه وهتفت ..اكيد هيبقي زي اللي قبله ..ويمشي ..

متمنيه وداعيه الستر من ربهاا...

.................

صباح اليوم التالي ..تجمعو علي الفطور ..

أميمه :اعملو حسابكو مفيش مرواح للكليه انهارده انتو الاتنين ..

هتفت سارة "لعدم معرفتها بالأمر"ليه ياطنط خير ..

اجابها يوسف سريعا ..هايدي جايلها عريس انهارده ..

لم تعيره انتباها ..التفت لهايدي الجالسه بجوارها وقالت بحماااس"اووباا..مبرووك ياروحي بقي ..

اكتفت هايدي بالايماء لها بالابتسامه ..

نهضت أميمه  عن كرسيها وهتفت للفتيات بحماس"ياللا شهلو بقي عشان نساعد فاطمه ..ورانا شغل كتير ..

نهضت هايدي من مكانها وسارت خلف امها للصالون ..

سارة ويوسف وحدهم ..وحدهم علي المائده ..وجدت انهم بمفردهم همت سريعاا من مكانها دون النظر اليه ..فهم فعلتها ..نهض عن مكانه وسار خلفها ..بعد ان تأكد من انشغال امه واخته عنهما ..

جاء من خلفها ..امسكها من خصرها علي غفله منها ..ظهرها له ..مال براسه علي اذنها ..بعد ان جذب خصلاتها للخلف ..همس "عقبالك"

دفعته بقوه ..ونزحت يده عنها بقوة ..سارت بخطي متعجله لتبتعد عنه ..هتفها من الخلف ..طب قولي شكرا حتي 

ابتسم ابتسامه جانبيه وضع يده بجيب بنطاله وشرع بالذهاب للخارج ..

................

في مكتب رضوان البحيري..

كان يتحدث مع سكرتيرته الخاصه ..

هتف رضوان يسرا "بنفاذ صبر"يايسراا اللي بيحصل ده مينفعش انا راجل متجوز ..

يسرا "بدلال"وايه المشكله لما تكون متجوز ..الشرع حللك اربعه ..

انا معجبه بيك وانت معجب بيا ..ليه هتقعد الموضوع يارضوان..

هتف رضوان باستنكار مزيف"ومين قالك ان الاعجاب متبادل "

اقتربت منه وجلست علي المكتب مقابله ..أمسكت بيده انا عارفه انك معجب ..بيا هنستفيد ايه من البعد ده ..هه 

توتر كثيراا من اقترابها الوقح ..ارخي ربطه عنقه ..وفك اول زرين من قميصه بتوتر ..تنهد ..

اقتربت بوجهها منه .اقتربت كثيرا ..عضت علي شفتها السفليه باثارة ..رمقته بوله ..استجاب لما تفعله ..كان بعالم اخر عالم لم يجربه ولا كان علي دراية به ..أخرجته يسرا من الرجل العادي الروتيني ..الي الرجل المطلوب المرغوب ..جعلته يهرب من حبه ومن مسؤليته ..

اغمض عينيه وترك البدايه لها ..

فجأة اهتز هاتفه ..افاق من حالته وغيبوبته ..حمحم بتوتر ..امسك الهاتف ..

"ايوة يايوسف ......

بجد والله ....

خلااص هكلم سيادت المستشار واعرفه ان الزيارةه بالليل ..القي الهاتف بانفعال بلل شفتيه بطرف لسانه ..وهتفهاوهو يشيح ببصره عنها ..روحي انتي يايسرا علي مكتبك ..

زفرت بضيق ..رمقته بتحدي ..

طيب هخرج دلوقتي .بس فكر يارضوان ..انا مش هستني قرارك أكتر من كده ..

غادرت المكتب بانفعال ..وضع رضوان كفه علي رأسه مستندا بساعده علي سطح المكتب .. رفع راسه ببطء مسح بكفه علي وجهه ..وأمسك الهاتف وقام بالاتصال بسيادة المستشار ..لتحديد الموعد..

......................

ليلا ..من امام منزل يوسف الزيني ترجل أمير ووالديه من السيارة الخاصه بهم ..صعدوا علي الدرج الرخامي بالمقدمه المستشار وخلفه أمير ووالدته ..قرعو الجرس بثبات ..فتحت الباب فاطمه .وقالت بابتسامه واسعه ..اتفضلو اتفضلو يا أهلا وسهلا يأهلا وسهلا ..حضر يوسف ومعه رضوان لاستقبالهم تبعتهم أميمه ..بابتسامه عذبه قابلهم يوسف .

ضوان مرحباا ..اهلاوسهلا سيادة المستشار ..اتفضلو للصالون سار يوسف بالمقدمه وتتبعه الجميع الي غرفه الصالون ...

مرح وترحيب بهم ..تجولت الاعين بالمنزل معجبين بالأثاث والتحف الانيقه ..

أميمه "انتو نورتونا والله ..

أمل"البيت منور بأهله ياام يوسف ..

"رمق يوسف أمير بنظرات غير مفهومه ..لماذا لم يسترح له !!

.."نتركهم مع بعضهم وترحيبهم  ونذهب لغرفة هايدي..".

......

عند هايدي ..التوتر غالب علي ملامحها ..

سارة"بقلق"مالك يادودو .انتي خدتي علاجك ولا لأ.

هايدي"بتوتر جلي"ايوة خدته ..بس دايخه شويه ..

سارة "بخفتها المعهوده"اجمد كده ياعم "ثم لكزتها في خصرها "دايخه من قبل ماتشوفيه اومال لو شوفتيه بقي..

اجلستها امام المرآه ..واخذت تمشط شعرها ..ايه رأيك يتهايدي اجيبه ع الجمب كده ..

هايدي "بلا مبالاه"متفرقش "

احست ساره بقلقها ..لكنها طردت احساسها بعيداا ..خلاص بقيتي جاهزة ...

ياللا انزلي ..خلاص بقيتي جاهزة ..

خرجت هايدي من غرفتها بتملل ..وشرعت بالنزول للمطبخ ..

نهضت أميمه من مكانها ولحقت بهايدي الي المطبخ ..ماشالله ياحبيببتي زى القمر ..ربنا يحرسك ياارب .. رمقتها برضا ..ثم تحدثت "شيلي ياحبيبتي صينيه العصير وحصليني علي جوة واضحكي شويه ..

اومأت هايدي بالايجاب وتتبعت امنا حامله صينيه العصير ..

أميمه "بتباهي وفرح"هايدي بنتي..

رمقت أمل لأمير "بمعني ..هي دي؟!"

هز امير راسه بالنفي لامه ..

امل :ربنا يخليهالك ..زي العسل ماشالله ..

وزعت العصير علي الجميع الوضع غريب..أمير وضعه اغرب "اين سارة-حوريته-اين العروس"

هتفت أمل "بتردد اومال فين عروستنا الحلوة ..

تغيرت ملامح الجالسين ..أميمه .:نعم ياحبيبتي ..

رضوان "مدركا للموقف"  وقال بمرح ملطفا للجو المشحون"احنا عندنا العرايس كتير ..ثم ضحك وقال ..شاور بس ..

أمير "بابتسامه عذبه"هي عروسه واحده مفيش غيرها..

 سارة..

يوسف .."أقال سارة ..ام انها تهيؤات ..نفض عن رأسه سريعاا ..ضيق عينيه ..وجه حديثه لأمير ..

"قولت مين ..؟!!

احس كلا من أمل وأميرر بالقلق نظروا لبعضهم باستغراب ..

لحقت الامر هايدي "التي تنفست الصعداء وانفرجت اساريرها لذكر اسم سارة وتنحيها عن الموضوع ..شكراا يالله ..سترتني وانا لا استحق"..

"هطلع اندهلها اهوو "

"ولا اي وصف ..اقدر ان اوصف به يوسف ...لكم مطلق الحريه في تخيله .....

احست أميمه بخيبه الامل ..ورضوان بالحرج ..اما يوسف ..!!

صعدت هايدي مسرعه متجه صوب غرفه بنت عمها ..دلفت لغرفتها دون استئذان ..انتفضت سارة لرؤيتها .."خضتيني يادودو ..ف اي""

هايدي "تتنفس بصعوبه بشكل واضح..العريس ...

سارة "ماله !!

ضحكت هايدي بشده وهتفت بصعوبه ..العريس جاي يتقدملك انتي...

اتسعت عين سارة بذهول وغير تصديق ..اقتربت من هايدي بتوجس "انتي لسعتي ياهايدي.."

هايدي:والله ابداا ..عايزينك تحت ..ياللا بسرعه ..شرعت بفتح خزانتها واخذت تنتقي لها ملابس كي ترتديها قبل النزول ..

ايه رأيك ف ده ..

هايدي ممسكه بفستان ابيض ممزوج بالبمبي ..مفتوح قليلا من أعلي ..

ارتدته سارة بعد اصرار هايدي .."الذهول سيد الموقف بالنسبه لها"..

استبقتها هايدي ع الدرج وتبعتها سارة ..دخلت هايدي عليهم مشيرة بيدها بحركه مسرحيه ..سارة .

ثم تنحت جانباا ..

هتفت أمل ماشاءالله ..

نظرات أمير كانت كلها وله واعجاب ..كانت كالملاك باللون الأبيض وشعرها الكستنائي مفرود علي ظهرها ..

هزت سارة راسها بالتحيه وجلست بحوار أمل .. 

امل :جميله اووي يأمير ..ربنا يهنيك ياابني ..

رمقت سارة يوسف الجالس امامه بنظرة سريعه ..

حالته لا توصف ..عينان مبحلقتان بغضب يتطاير منهما الشرر ..حواجب معقوده ..ووجه مكتظ محتقن ..

انزلت راسها سريعاا ..

المستشار سالم "بما ان العروسه جت احنا جايين نطلب الانسه المصون سارة لابننا أمير ..

ايه رايك ياست أميمه !!

أميمه "بهدووء "الرأي رأيها هي ..

توجهو جميعا بالنظر لسارة ..في انتظار ردها ..نظرت ليوسف سريعاا ..قابلها بالتحذير ..هز راسه لها بالنفي ..اي رفض الخطبه..

رفعت راسها بشموخ واومات برأسها بالموافقه ..ثم رمقت يوسف بتحدي ..الذي بادلها بنظرات وعيد ..

اطلقت هايدي زغروده عاليا بعد موافقه سارة ...

..نهض يوسف عن مكانه بانفعال .. شرع بالذهاب خارج المنزل بأكمله ..حتي ينفس عن غضبه .."الأن يعلم لماذا لم يسترح له "....

في المنزل ..شعور بخيبه الامل..شعور بالنصر ..شعور بالراحه .شعور بالفرحه ..اختلطت المشاعر لكلا منهما ....

....................... يتبع.. متنسوش لايك و5 تعليقات دعم للصفحة عشان نكمل نشر الرواية في مواعيدها ومتابعة هنا عشان فصول الرواية توصلكم

بداية الرواية من هنا

لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم 

جميع الروايات كامله من هنا 👇 ❤️ 👇 

روايات كامله وحصريه

❤️🌹💙🌺❤️🌹💙🌺❤️🌹💙🌺❤️🌹💙🌺❤️🌹💙🌺❤️🌹