رواية لعبة القلوب المحرمه الفصل الحادي عشر والثاني عشر بقلم الكاتبه أماني السيد حصريه وجديده على مدونة النجم المتوهج

رواية لعبة القلوب المحرمه الفصل الحادي عشر والثاني عشر بقلم الكاتبه أماني السيد حصريه وجديده على مدونة النجم المتوهج 

رواية لعبة القلوب المحرمه الفصل الحادي عشر والثاني عشر بقلم الكاتبه أماني السيد حصريه وجديده على مدونة النجم المتوهج 

 فى مكتب عابدين كان يجلس وأمامه جاسر 

ـ ازيك يا معلم عابدين لما طلبتنى ماصدقتش نفسى 

ـ طول عمرك ابن أصول يا جاسر وصاحب واجب وجدع عشان كده انا متعشم إنك توافق على العرض اللى هقولك عليه  

ـ اتفضل يا معلم أنت تؤمر 

ـ اولا  أنا عارف أنى متقل عليكم بوجود شعيب ووالدته عندكم لكن مجرد ما العماره الجديدة تخلص بنى هيتنقلوا فيها بإذن الله 

ـ يا معلم عيب احنا أهل وجودهم مش مضايقنى هما كده كده قاعدين فى ملحق منفصل 

ـ ده من اصلك يا جاسر بس كل واحد فى بيته هيكون على راحته أكتر ومش هيحسوا أنهم تقال على حد وكده كده العماره قريبه منكم 

تانى حاجة ودى الأهم أنا عايز اشاركك 

ـ يا سلام ده يوم المنى طبعاً 

ـ هنا بقى مربط الفرس زى ما بيقولوا انا هشاركك وهديك كل الفلوس اللى هتحتاجها بس مش هكون أنا الشريك 

ـ مش فاهم حاجه ازاى هتشاركنى وازاى مش هتشاركنى 

ـ أنا هشاركك بإسم شعيب 

بص يا جاسر انا هدخل معاك شريك بقطعه الارض اللى فى العاشر أنت عارف انى واخد كذا قطعه من زمان 

هدخل معاك شريك بواحدة منهم اللى انت هتختارها وتشوفها مناسبه  وهدخل كمان معاك شريك فى المكن والالات اللى هنستوردها بس كل حاجه هتم بإسم شعيب يعنى فى الأوراق ورسمى هو الشريك وأنا الواصى عليه ولو جرالى أى حاجة وقتها هو يستلم منك الورق واى حاجه تخص الشراكة دى لما يكبر ويكون واعى  ومش عايز أى حد يعرف حاجه عن الموضوع ده الورق كله هيكون فى خزنه بإسمه فى البنك ومافيش حد يعرف حاجه غيرك يا جاسر 

ـ طيب ليه مش عايز ابوه يعرف 

ـ أبوه ممكن يسحب كل حاجه لو بقى الواصى عليه عشان كده أنا مش عايز حد منهم يعرف حاجه خالص 

ولو أنا ربنا أدانى العمر وعشت انا بنفسى هسلمه كل حاجه ولو ربنا أخد امانته المفتاح هسيبهولك مع المحامى بتاعى تاخد شعيب وتعرفه كل حاجه 

والمحامى بتاعى عارف كل حاجه وعارف ايه اللى هيعمله بالظبطت أنا مش عايز حد يعرف عنهم حاجه غير لما أنا اعرفهم أو شعبب يكبر بالقدر الكافى اللى يخليه يقدر يحافظ على نفسه 

ـ حاضر يا معلم ربنا يديك الصحه شوف أنت فاضى اماه ننزل نشوف الارض ونتفق مع مقاول يبنى المصنع وأنا بنفسى هسافر أجيب الاجهزه وكل حاجه ناقصه والحمد لله السيوله متاحه 

ـ يبقى على خيره الله من بكره نبدأ أنا مش عايز تأخير انا عايز نسابق الزمن 

انتهى عابدين من الكلام مع جاسر وقرر إنه يروح البيت القديم يشوف حالتهم ايه ووصلوا لايه 

وصل عابدين البيت القديم لقى احفاده قاعدين بيلعبوا فى حوش البيت قرب منهم عشان يسلم عليهم بعدوا عنه 

ـ فى إيه يا ولاد زعلانين ليه 

ـ عشان انت جبتنا هنا وخلتنا نسيب بيتنا والمكان هنا وحش 

ـ المكان ده أنا عشت فيه سنين وكل واحد فيكم ابوه اتولد وعاش هنا 

افرض أنا فضلت فقير زى منا ماوقتها برضوا كنتوا هتعيشوا هنا

ـ بس أنت مش فقير هتلنا بيت تانى 

ـ طيب ليه ماتطلبش من أبوك يجبلك انا لما ابوك كان صغير جبتله بيت عشان وقتها كنت أنا المسئول عنه إنما دلوقتي هو كبر وبقى مسئول عنك اطلب منه يجبلك بيت 

( تفتكروا مين بقى الولد ده 🤔🤔🤔) 

دخل عابدين البيت لاقاهم كلهم متجمعين فى الصاله منتظرين دخوله 

وقف إبنه الكبير قدامه 

ـ الحمد لله إنك لسه فاكر إنك ليك ولاد وبيت تسأل عنهم جبتنا هنا ورمتنا ومسالتش فينا رميت ولادك عشان تربى ولاد غيرك 

ضحك المعلم عابدين على كلامه بعلو صوته 

ـ وأنت يا صغنن عندك كام سنه يلى مستنى ابوك يصرف عليك 

وانا اصغر منك كده كنت بشتغل وبنحت فى الصخر عشان اعيشكم عيشه كريمه كنت سايبكم مسئولية لامكم فى غيابى فاكر أنى هلاقى ست فى ضهرى تعلم الصح والغلط إنما للاسف طلعت غلطان ولقتها ربيتكم على الدلع قولت لنفسى معلش يمكن مش عايزاكم تدوقوا اللى دوقناه انا وهى قررت اخدكم معايا الشغل تتعلموا وتنشفوا وللأسف كل أما ادى ضهرى لحد فيكم يلعب بديله أصل طلع ديلكم مايل ودلوقتي بتحاولوا تربوا عيالكم زيكم عايزين اللى يأكلهم ويشربهم 

واحد غيرك منك ليه كان نزل محله وفتحه واخد ابنه فى ايده زى ما كنت بعمل معاكم عشان يعلمه الشغل 

لكن للأسف انتوا شبعوا بدرى بدرى والغلط منى للأسف 

عشان كده من هنا ورايح مافيش حاجه بدون مقابل 

ـ قصدك ايه هتسبنا هنا

ضحك بحسره عابدين فى سره على ابنه الطفل الصغير نزل لما شاف امه بتشقى صعبت عليه والفطره خلتوينزل يشتغل عشان يصرف على أمه واخته ودول لسه مش عارفين يفكروا يعملوا ايه معتمدين أنى هحن واجى افتحلهم البنك تانى 

ـ وأنت صغير انت واخواتك مافكرتوش تشتغلوا وتصرفوا على مراتاتكم وعيالكم 

ـ وأنت عايزنا نشتغلىايه صبيان فى محلتنا 

ـ وانا لو مكنتش كبرت واشتغلت عشان أعمل المحلات دى كنتوا هتشتغلوا ايه 

اتكلم عامر محاولا أن يلين قلبه 

ـ أنت عندك يا بابا بس خلاص إحنا كبرنا على كده وهنحاول نتغير واعتبرها اخر مره ولو حد فينا اثر في شغله تانى اعمل فيه اللى انت عايزه 

بص شعيب للباقى يعرف رأيهم ايه على كلام اخوهم 

ـ وانتوا رايكم ايه فى كلام اخوكم 

ـ موافقين بس خلينا نمشى من هنا 

ـ بص منك ليه هنزلكم تانى تمسكوا محلاتكم وهجيبلكم شقق إيجار لكل واحد وكل شقه هتكون فى مكان مختلف وانتوا اللى هتبقوا ملزومين تدفعوا الايجار بتاعها كل شهر 

وجدعنه منى هدفعلكم ايجار أول شهر ونقل العفش والفرش هبعتلكم ناس تنقل 

ـ يعنى ايه 

ـ يعنى لو ماشتغلتوش واتعدلتوا هتبقوا فى الشارع ووقتها مش هساعدكم مره تانيه 

بصوا كلهم لبعض بقله حيله ووافقوا على كلام ابوهم 

ـ يلا ادخلوا لموا حاجتكم واستعدوا بكره للنقل وياريت تعلموا عيالكم كويس التربيه وانهم يطلعوا رجاله يعتمدوا على نفسهم 

كل واحد منهم راح لاوضته عشان يبلغ مراته وانهم أخيرا هينقلوا 

بص عابدين لقى جملات قاعده وحاطه اديها على خدها 

ـ مالك يا جملات 

ـ كل عيل هيكون ليه شقه وانا خلاص مكانى هنا هفضل هنا لواحدى ؟ ولا هروح اعيش معاكم وكل واحد مراته تتنى وتتفرد عليه 

ـ لأ مكانك بيت جوزك وعلاقتك بولادك ومراتتهم هيكون لها حدود عايزين يجوا يزرومى يجوا براحتهم وانتى وقت ماتحبى روحى زوريهم 

عندك بناتك متجوزين وعايشين مع اجوازتهم عيشه زى الفل ترضى واحده منهم حماتها تعاملها زى مانتى عاملتى راضيه 

اتقى الله يا جملات وبلاش نغضب ربنا فى آخر ايامنا 

ـ وجوازك عليا ورميتى هنا دى ايه 

ـ بفكرك بأيام زمان يمكن ترجعى لعقلك وجوازى ده شرع ربنا واعتقد أنك كنتى واقفه فى صف ابنك عشان يتجوز على مراته معنى كده إن موضوع الجواز التانى بالنسبالك عادى مش حاجه وحشه ولا مكنتيش نصحتى ابنك يعملها 

سكتت جملات ملاقتش رد وخافت تتكلم تانى يرجع يقلب عليها 

ـ طيب انا هعيش فين 

ـ فى عمارتى الجديدة واخدلك شقه فيها هتعيشى فيها وهتكون معاكى فى نفس العماره صفاء مراتى الجديدة 

وياريت يا جملات مالكيش دعوه بيها لأنها فى حمايتى وزى ما هى مش هتضايقك ولا تيجى جمبك انتى كمان اجتنبيها لانى وقتها هحكم بالعدل يا جملات وبلاش تبقى فى السن ده وتركبى نفسك الغلط 

ـ سن ايه يا عابدين انت ناسى الفرق بينا كام سنه 

ـ خمس سنين يا جملات 

ـ لا يا بابا دول ١٥ سنه يعنى لو حسبتها هتلاقينى اد المعدله الجديدة بتاعتك 

ضحك عابدين فى سره عليها الست هتفضل ست ربنا يستر 

ـ كيب يلا هاتى حاجتك عشان تيجى معايا

ـ والولاد 

ـ مالكيش دعوه بيهم وقت مايحبوا يشفوكى يبقوا يجولك سبيهم يعتمدوا على نفسم 

طلعت جملات لمت هدومها وراحت فى بيت عابدين الجديد وهى مقرره أنها مش هتسيب صفاء فى حالها وهتطفشها 

فى بيت صفاء كان ماهر قاعد بيزاكر ووقته كله قافل عليه الاوضه 

دخلت عليه صفاء وملست على ضهره

ـ ماتسيب المزاكره يا حبيبي وتيجى تتفرج معايا انا واختك على التلفزيون 

ـ لأ يا ماما انا عايز ازاكر كويس واطلع من الاوائل 

ـ بإذن الله يا حبيبي انت ايه قررت تطلع دكتور 

ـ لأ عايز ابقى ظابط 

ضحكت صفاء فى داخلها ده حلم اغلب الاطفال وقررت تمشى معاه للآخر 

ـ وعايز تبقى ظابط ليه عشان تمسك المجرمين 

ـ لأ المجرمين معروفين ومكانهم معروف السجن وأى ظابط يعمل كده

ـ آمال عايز تبقى ظايط ليه 

ـ عشان اجبلك حقك من بابا ومراته 

ـ ومين قالك انى عايزه حاجه منه 

ـ إنتى مش عايزه بس أنا عايز استحاله انسى إنه كان بيستقوى عليه انا واختى وكان بيض*ربك عشان مكنش لاقى حد يقفله

عايز ابقى ظايط ووقتها هاخد حقك انتى ووفاء منه 

وكمان عشان الدبقى ليكم سند ومحدش يفكر يقرب منكم قصص وروايات أمانى سيد 

ـ طيب لما هو كده بتنزل تشتغل مع عابدين ليه 

ـ كفايه اللى عملوا عشانا مش عايز اتقل عليه فى مصاريفى اكتر من كده 

طبطبت صفاء عليه وخرجت محبتش تعلق عليه عشان يفضل حماسه موجود وكلامها مايجبش معاه نتيجه عكسيه 

مرت الايام والشهور والسنين  وجاسر نفذ كلام عابدين وكبر المصنع وبقى يصدر كمان المنتجات بتاعته لبره مصر 

وكبر شعيب وكبر ماهر ودخل كليه الشرطه 

ودخل وقتها شعيب اولى ثانوى ومن هنا هنبدا فصل جديد 

ياترى حياتهم مرت ازاى 

ـ لكل الناس اللى فاكره إن راضيه هتتجوز جاسر للأسف مش هيحبوا بعض وهنعرف باقى الأحداث البارت الجاى وازاى مرت حياتهم وازاى ماهر بقى عنده شركه حراسه 

وشعيب والامبراطوريه بتاعته جت ازاى ؟؟

وهتبدأ تظهر اول خيوط لعلاقه شعيب وهشام وشرين جت إزاى ؟؟

عايزه بقى حد تكون دماغه مركزه على الآخر يخمن علاقتهم ببعض جت إزاى وعلاقتهم ببعض ايه من الأساس 

الثانية عشر 

وصل شعيب لمرحله ثانوى ووقتها قرر جده ينقلهم فى شقه منفصله وطلب من جاسر أن يأخذه معه الشركة دون أن يجعله يتعرف على أنه شريكه 

وافق جاسر وبالفعل اخذ شعيب معه 

داخل مكتب جاسر 

ـ منور الشركة يا شعيب 

ابتسم شعيب دون أن يجيب عليه 

ـ بص بقى يا بطل انا وعدتك زمان لو جبت مجموع هخليك تنزل تشتغل معايا في الشركه

ـ وأنا نفذت وعدى وطلعت من الاوائل 

ـ عشان كده هتبدأ تتعلم معايا من دلوقتي وعايزك تركز فى كل حاجه هنبدأ من الحاجات السهله وواحدة واحده على ماتدخل الكليه هتكون فاهم الشغل كله وممكن كمان تظير شركه بنفسك عشان كده يا شهيب هتبدا من الأول خالص هاخدك دلوقتي افرجك على الشركه وهوديك المصنع 

وهخلى ليك مكتب هنا بس عشان تتودك وتكون فاهم كل حاجه لازم الاول تبدأ صح وتبدأ من المصنع التعبئه والتغليف وواحدة واحده تمر على الاقسام وتشتغل فى كل قسم فتره 

ـ حاضر يا عمى 

اخذ جاسر شعيب وبدأ يعرفه كل شئ داخل الشركه والمصنع 

لم ينكر شعيب انبهاره بها وتمنى فى يوم أن يصبح مثل جاسر فهو أصبح يعتبر جاسر مثله الأعلى 

ولا يعلم أن كل ذلك هو شريك به وجاسر أيضاً كان يعتبره كأبن له 

وفى الجهه الاخرى دخل ماهر كليه الشرطه وهو يضع هدفه أمامه حتى لو كلفه الأمر ضياع مستقبله سيفعل وتزوجت وفاء اخته وتولى الحاج عتمان تجهيزها فهو أصبح يعتبرها كأبنته 

فى منزل الحاجه عتمان اصبح الشيب يملأ رأسه واصبحت صحته تخونه فلم يعد قادر على العمل كما السابق وترك كل شئ لاولاده 

كما أنجب عامر من زوجته الجديدة فتاه وسماها جملات تحت ضغط من امه وافق 

لم يعد يتذكر شعيب أو امه إلا نادراً فأصبح كل همه هو واخواته انهم يبينوا لابهم اهم الأفضل عشان يختار منهم عابدين واحد يتولى اداره املاكه ويكون اخواته تحت وصياته 

كان عارف عابدين كل اللى ببدور فى دماغهم ولكن سايبهم يمكن يقدروا ينجحوا 

كان عابدين يجلس دائما فى شقته مع جملات ليعطى مساحه لوفاء أن تجلس براحتها فى المنزل 

فلم تكن العلاقه من البداية بينهم كعلاقه زوج وزوجه كما اعتقد البعض وعرض عابدين اكثر من مره على صفاء الطلاق والتكفل بها لتتزوج من بسنها لكنها رفضت هى فقد تريد أن تعيش لتربى ابنائها دون أن يضايقها أحد وهى كانت تشعر بأمان لها ولابنائها فى وجود الحاج عتمان 

وكان ماهر فى فترات اجازته ينزل للعمل في شركه  الحاج عابدين وكان دائما يرفض أن يأخذ اجرا نظير نفقات الحاج عابدين عليه 

وكان الحاج عابدين حريص أن يعطى أجره لامه حتى تعطيه له ويشترى ما يريد 

بالنسبة للحاجه جملات فظهر العمر عليها واصبحت حركتها قليله لا تقوى على خدمه نفسها فقرر المعلم أن ياتى بعامله لها مره كل اسبوع لتنضف المنزل وتعمل على خدمتهم 

بينما كانت صفاء لا تتركهم وتصنع لهم الطعام كل يوم وترسله لها 

حاولت كثيراً جملات بشتى الطرق افتعال المشاكل مع صفاء ولكن صفاء لم تعطيها الفرصه فدائما ما كانت تصمت تقديراً لموقفها 

فمهما فعلت معها جملات لن يكون ربع ما فعله معها متولى ووفاء 

ومع الوقت اصبحت جملات تتجاهلها خاصه أن المعلم يجلس معظم الوقت لديها 

ولكن لم يخبرها بأمر زواجه الصورى منها 

مر ثلاث سنوات اخرى واصبحت حاله المعلم عابدين سيئه ووقتها كان شعيب فى المرحلة الثانوية وقرر المعلم أن يتحدث معه قبل أن يلتقى بوجه كريم 

اتصل المعلم بجاسر 

ـ السلام عليكم ازيك يا جاسر عامل ايه 

ـ أهلا يا معلم انت اخبارك ايه وصحتك عامله إيه 

ـ الحمد لله نحمد ربنا المهم شعيب عامل ايه 

ـ ما شاء الله عليه تقريبا بقى فاهم كل حاجه فى الشركه ويقدر يديرها لواحده كمان 

ـ أنا عايز اقابله ان الاوان إنه يعرف الحقيقه واسلمه كل حاجه بنفسى أنا من سنتين كلمت راضيه وهى رفضت انها ترجع أو تواجهه وكنت معرفها بموضوع شعيب وإن الشركه دى شركته انت وهو 

ـ أنا خايف يرفض يقابلك هو مايعرفش أى حاجة غير إنك بتبعتله شهريته وده مأثر فى نفسيته 

ـ لازم يعرف كل حاجه ولازم يوافق يقابلنى اتصرف 

ـ طيب انت فاضى أمته يا معلم 

ـ بكره باذن الله تعالى هستناك الصبح محدش بيجيلى خالص من الاولاد ولا الأحفاد 

ـ بإذن الله هنكون عندك أهم حاجة تاخد بالك من صحتك يا معلم 

فى اليوم التالى طلب جاسر من شعيب أن لا يذهب للمدرسه وقرر أن يبلغه فى الطريق حتى لا يعطيه مجال للرفض أو التفكير.

فى اليوم التالى فى سياره جاسر 

ـ ازيك يا جاسر عامل ايه فى الدراسة 

ـ الحمد لله السنه قربت تخلص وقررت ادخل تجاره اداره اعمال 

ـ بس أنت شاكر انا افتكرت هتدخل هندسه او حاجه من الحاجات دى خصوصاً إنك علمى 

ـ أنا علمى رياضة عشان بحب الرياضه إنما انا حبيت التجاره عشان كده عايز أدخل أداره اعمال 

ـ بإذن الله ربنا يوفقك فيها طالما حبيتها يبقى هتنجح فيها ... المهم انت عارف احنا رايحين فين دلوقتي.

ـ لأ معرفش انت ماقولتليش اي حاجه 

ـ بص يا شعيب احنا دلوقتي هنروح لجدك لانه تعبان جدا ومحتاج يشوفك ضروري 

بص له شعيب بغضب وطلب منه انه يوقف العربيه 

ـ وقف العربيه لو سمحت ونزلنى 

ـ ايه ده يا شعيب ده جدك برده وعمل عشانك كتير

ـ ايه اللي عمله بيبعت لنا كل شهر فلوس عشان يبعدنا عنه ويرتاح مننا وما نفكرش نطلب منه اي حاجه 

ـ الحقيقه غير كده يا شعيب لما تعرف كل حاجه وقتها هتغير فكرتك خالص .

انت بتثق فيا ؟ 

ـ ايوه طبعا يا عمى جاسر 

ـ يبقى عشان خاطري قبله وانا معاك ومش هسيبك 

وافق شعيب على مضد عشان خاطر جاسر وبالفعل وصلوا لبيت عتمان واستقبلتهم الحاجه جمالات لكن ما كانتش تعرف هم مين بس كانت بتشبه على شعيب 

دخلت شعيب منزل جدو وأتعرف على جدته لكن اتظاهر انه ما يعرفهاش وجملات شافته ومعرفتوش لكن شبهت عليه فالشبه بينه وبين عامر كبير 

قطع الصمت صوت جاسر 

ـ السلام عليكم يا حاجه جمالات احنا جايين نقابل المعلم عابدين وفي معاد مابينا 

ـ أه كان قايلى أنه جايلوا ضيوف اتفضلوا ادخلوا مستنيكم 

دخلت الحاجه جملات ومعاها حاسر وشعيب اللى التزم الصمت طول للوقت 

دخلوا الغرفه وجودوا المعلم عابدين يجلس على السرير ويقرأ فى المصحف وتوقف عندما دخلوا وطلب منها أن تتصل بصفاء وتطلب من ماهر أن يصعد لهم بعد ساعه 

حاولت جملات الجلوس معهم أو معرفه من هم لكنه رفض فخرجت وهى تشعر بالغيظ واتصلت على صفاء كما طلب منها عابدين وقالت له ما قاله لها عابدين وحاولت أن تعرف منها هل تعرف من هما الضيوف ولكن أخبرتها صفاء أنها لم تعلم من هم ضيوف للمعلم وسترسل ماهر كما أمر 

فى غرفه المعلم 

كان شعيب يقف أمام سرير جده 

ظل ينظر له عابدين بحب وتأمل فهو أقرب حفيد لقلبه لو يستطع شعيب الدخول لقلبه ليجده مستحوذ على قلبه 

لم يكن عابدين عادل فى حبه لشعيب فهو كان يرى به نفسه كان يراه مرايته وكأن الزمن عاد مره أخرى ولكن بشكل أقوى 

شاورله عابدين أنه يجيله وهزله جاسر رأسه انه يسمع كلامه 

وقف  شعيب قصاد جده وجذبه جده من دراعه عشان يقعد جمبه على السرير 

وبعدها اتعدل فى جلسته وضم شعيب وبقى يشم ريحته كأنه بيشبع منها 

ـ وحشتنى أوى أوى يا شعيب ياه كنت بتمنى اللحظه دى من زمان أوى 

فضل شعيب ساكت ومش فاهم حاجه بس احساسه اتجاه جده كان مختلف عن احساسه اتجاه جدته 

فهو شعر بحب جده الصادق فى نظراته 

ـ اقعد يا شعيب عايز اتكلم معاه 

ثم فتح درج جمبه وطلع منه أوراق واداها لشعيب 

ـ عارف يا شعيب على عينى أنى ابعدك عنى بس كل ده عشان خاطرك بس أوعى تفتكر انى نسيتك 

عارف الورق اللى معاك ده بتاع ايه 

ـ لأ 

ـ عارف الشركه اللى انت فاكر إنك بتشتغل فيها مع جاسر والمصنع 

ـ مالهم 

ـ الشركه والمصنع دول انت شريك فيهم بنسبه ٦٠ ٪ 

مسالتش نفسك اشمعنى المصنع والشركه دول اللى جاسر كان حريص إنك تتعلم وتعرف كل حاجه عنهم 

فضل  عابدين يحكى لشعيب كل حاجه عملها شعانه 

وازاى خايف عليه حد مع اعمامه يعرف فيأذيه وأنه كان مستنى لما يكبر عشان يعرفه كل حاجه وأنه كان سايبله الورق ده فى خزنه فى البنك

فضل عابدين يحكى وشعيب حاسس إنه بيحلم 

ازاى فى يوم وليله يبقى صاحب الشركه اللى بيشتغل فيها وفعلاً جده عمل كل ده عشانه 

بقى عامل زى التايه مش عارف يقول إيه أو يعمل ايه

ـ طيب ليه قولتلى قولتى 

ـ خايف يجرالى حاجه قبل ما اشوفك واملى عينى منك يا شعيب بس أنا خلاص دلوقتي بقيت مطمن عليك وهعرفك على واحد هو يعرفك من كلامى عنك ليه 

لكن أنت ماتعرفوش 

دخل ماهر واتعرف على شعيب وبدأ الحاج يعرفهم على بعض 

ـ ده يا شعيب ماهر ابن مراتى وزى حفيدى ودراعى اليمين ويعرف عمامك وابوك كويس أوى وفى كليه الشرطه دلوقتي وقرب يخلصها خلاص 

خليك معاه هيفيدك لانه يعرف كل دبه نمله رايحه فين وجايه منين

ظابط بقى قالها بمزاح 

قعد ماهر وأتعرف على شعيب وبدأ يعرفه جده بيحبه أد ايه وكان بيقول إيه عليه 

ماتكلمش شعيب كتير كان مصدوم وبيبص للى حواليه باستغراب 

وسأل جده 

ـ هى ماما تعرف حاجه 

ـ طبعاً امك وجاسر وماهر هما التلاته اكتر ناس بقق فيها 

وقف شعيب وقرر إنه يمشى وكان عايز يقعد مع نفسه يراجع حاجات كتير جواه 

وطلب منه جده يقابله تانى ووافق شعيب ومشى بعدها .

وهو خارج حاولت جمالات توقفه عشان تتأكد من ظنونها لكن هو سابها ومشى من غير ما يرد عليها

ياترى شعيب هيقتنع بجده ؟

ياترى رد فعلها ايه وقت ما تعرف شخصيه شعيب ؟؟ 

وهل اولاد عابدين هيعرفوا يحافظوا على الورث ولا هيتباع 

ورد فعلهم وقت ما يتفاجئوا بشعيب ؟

انا عايزه أوضح ربنا يعلم أنا بكتب وشكلى إزاى من الارهاق 

فرجاء لو فى كلمه غلط او اسم اتبدل 

ياريت نلتمس العذر تصبحوا على خير 

يتبع 

بداية الرواية من هنا

لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم 

جميع الروايات كامله من هنا 👇 ❤️ 👇 

روايات كامله وحصريه

اعلموا متابعه لصفحتي عليها الروايات الجديده كامله بدون روابط ولينكات من هنا 👇 ❤️ 👇 

روايات كامله وحديثه

❤️🌺💙🌹❤️🌺💙🌹❤️🌺💙🌹❤️🌺🌹❤️🌺🌹🌹❤️🌺💙