رواية ١٢٠ كيلو البارت الأول حتى البارت الخامس عشر بقلم جمانه السعيدي حصريه وجديده على مدونة النجم المتوهج

رواية ١٢٠ كيلو البارت الأول حتى البارت الخامس عشر بقلم جمانه السعيدي حصريه وجديده على مدونة النجم المتوهج 

رواية ١٢٠ كيلو البارت الأول حتى البارت الخامس عشر بقلم جمانه السعيدي حصريه وجديده 

اني رهف    مواليد ٩٩     اني حلوه     كلش حلوه 

من اني زغيره شكلي حلو 

شعري اشكر وعيوني ملونه بشرتي بيضه    

اني اشبه ابوي   اشبه بيت جدي   مااشبه امي 

امي ربت بيت   وابو موضف  عدنا بيت ملك     بلشعب

عايشين احلى حياة  ابوي بعد الدوام يشتغل سايق  تكسي 

وضعنا المادي ممتاز بلنسبه العائله زغيره مثلنا 

امي وابوي حيل متفاهمين    وحياتهم تكاد تكون مثاليه 

كلشي ما ناقصنا      ابوي عنده خوات ثنيين 

وامي عدها اخو واخت 

خالتي مزوجه ابن عمها 

يعني ابن عم امي   خالتي  سمر هيه الجبيره اكبر من امي 

بعدين سحر    امي بعدين  علاء خالي ازغر واحد 

مزوج ومسافر  عايش بلخارج 

جدي وبيبي متوفين 

خالتي عدها بنيه  اكبر مني بسنه  اسمها  شكران 

والولد عبودي  وميثم 

صار عمري خمس سنوات   وماعندي لا اخو ولا اخت 

 امي  ما حملت  بعدي 

بدت تراجع  علمود الحمل 

تريد اخ او اخت اليه 

سنه كامله وهي مابقت علاج ولا دكتوره ماراحت عليها 

الحد ما حملت 

فرحت امي وابوي بهذا الحمل  ما تنوصف 

حتى اكبر من فرحتهم   بوجودي 

اني هنا كان عمري ست سنوات    كنت فرحانه الفرحهم 

اسمعهم يكولون راح يصير عندج اخ لو اخت 

واشوف الفرحه بعيونهم ثنيينهم 

واني فرحانه وياهم    

امي طول فترة الحمل   تراجع   وتأخذ علاجات أشكال

كل شهر لازم اكو مراجعه للدكتوره 

حتى تتطمن على وضع الطفل 

كانت اغلب الأوقات تاخذني وياها 

 لان ابوي يطلع يشتغل العصر بلتكسي      

يوصلنا اني وماما للعياده   ويروح يشتغل ومن نكمل تتصل علي امي ويجي يرجعنا للبيت

جمانه السعيدي 

من اروح وياها ماتبقى وحده بلعياده ما تبوسني 

كل الي يشوفني شنو هلجمال   شلون بنيه 

تخبل     يكولن  الامي   كثري من الانتاج     انتاجكم حلو

 امي بلشهر الاخير صارت عدها مضاعفات حمل 

واضطرت الدكتوره   ادخلها مستشفى

اسبوع كامل وهي بلمستشفى    وخالتي تجي عليها 

 وعمتي 

اني بليل ياخذني ابوي البيت عمتي لو خالتي انام عدهم 

وثاني يوم يرجعني الامي 

ابوي هذا الأسبوع كوله اخذ احازه من الدوام  حتى يبقى وياا أمي 

الدكتوره اضطرت اجيبها اول يوم بلتاسع بعمليه 

جابت ولد    بس طلع تعبان ومريض  من بطن امي 

راسا اخذو للخدج   

كانت فرحتنا ناقصه   لان امي وابوي ضايجين على اخوي 

 وخايفين يموت

بقى هناك اسبوع كامل 

دائما  مصخن   حرارته  حيل مرتفعه 

سووله مجموعة تحاليل كالو  عنده التهاب بلدم 

ساعه يكولون عنده ابو صفار 

ساعه  ماعنده  مناعه 

اخوي شهر كامل بلمستشفى   تحاليل وابر وعلاجات 

وامي لا ليلها ليل ولا نهارها نهار 

بعدين طلع

بس حالته الصحيه تعبانه     كل يوم ماخذي الدكتور اطفال شكل 

ابد ماعنده عافيه 

امي تندمت على اليوم الي قررت بي  تحبل 

حياتنا تخربطت 

امي كل النهار محتاره   بي 

بيتنا مو نضيف مثل قبل   ولاكل  شلون مجان 

حتى اني من دخلت مدرسه 

امي موفارغه تقريني  مرات ابوي يقريتي 

مرات  اقرا ويا بت جيرانه 

بس اضوج من اروح بيت جيرانه   يبقون يبوسون بيه 

وشنو هلجمال وشنو  هلحسن 

عدهم ولد جبير عمره عشرين سنه   كلما يشوفوني يكول هله بخطببتي 

من تكبرين   ازوجج    اني راح ابقى منتظرج 

هو صح مايقرب عليه بس كلام 

بس اني اضوج من هذا الكلام 

كمت اروح كلش قليل  عليهم    اني ماأحب هاي السوالف 

جمانه السعيدي 

المهم  مرض اخوي استمر ويااا 

كل يوم يطلع بي شغله جديده 

بيتنا صار مخربط     والاكل شلون مجان 

مرات الكه ملابسي ما مغسولات    

كمت من ارجع اخليهن بلغساله واغسلهن 

امي كامت تشيل اخوي وتوكف  بصفي تعلمني على الطبخ 

اخلي كرسي   واوكف علي  وامي تعلمني على الطبخ 

من عمر سبع سنوات اطبخ 

بس حتى اساعد امي   لان حيل تعبانه بسبب مرض اخوي 

ماكنت حيل شاطره بلمدرسه 

محد يقريني  ومن ارجع للبيت  اشتغل  انضف لو اطبخ 

اغسل ملابس 

اطلع الزباله    

امي كل النهار حاضنه اخوي وتسكت بي 

وهو هم تعود على هذا الدلال 

بس تخلي بلكاع يكوم يبجي    يبجي  بطريقه هستريه 

مستحيل يسكت

اله ترجع تشيله  وتخلي بحظنها 

مرات احسه اناني  يفضل راحته على راحت امي 

رغم هو زغير وكلشي ما يفتهم 

اني شكد جنت فرحانه صار عندي اخ  كمت اكرها 

من يوم صار و لليوم وحياتنا كلها اتخربطت 

ابوي جان بس العصر يشتغل   وبليل يبقى بلبيت يرتاح

لو يرتاح العصر وبليل يشتغل على التكسي 

من يوم اجا اخوي للدنيا  وابوي حالته حاله 

من يرجع من الدوام بس ياكل لكمه وكبل للشغل 

منا للساعه ١٢ بليل  يشتغل 

يرجع ميت تعب 

حتى غير مكان نومته   ماينام بغرفة النوم

 لان اخوي بس يبجي ليل كله 

ينام بغرفة الخطار 

حياتنا اتحولت إلى جحيم  بسبب هذا الكائن 

رهف...كل سنه انجح بصعوبه    لان محد يهتم بيه 

ولا واحد يهتم شنو اخذت

اني اقرا وحدي 

والصراحه  شكلي الحلو كان مساعدني انجح 

المعلمات  كانن متعاطفات وياي بسبب شكلي الحلو 

كنت انجح نجاح على الحافه 

خمس سنوات عمر اخوي مصطفى وهو على نفس الحال 

كل شهره مراجعه  يم طبيب شكل 

ولازم امي من ركبتها ما يقبل يعوفها ابد 

جمانه السعيدي 

ابوي فلوس الراتب والشغل كامت ما تكفي  مصاريف النا 

وعلاجات الاخوي 

اضطر يتقرض    حتى يلحك على المصاريف 

رهف..كمت اكره بيتنا    هلكد مااخوي يتنغوص كل النهار 

وامي عايف حياتها  وعايفتني ومشغوله بي 

دائما اكول هذا مو نعمه هذا نقمه ونزل علينا 

حياتنا قبل شكد جانت حلوه ومرتبه 

وهسه  حالنا حال       نكسر الخاطر  صرنا 

هسه امي شلها بهلدوخه  مو جانت  حلوه وبيتها حلو 

وابوي يشتغل اقل   ومرتاح 

ومهتمين بيه    من اجا مصطفى انقلبت حياتنا راسا على عقب 

الحد ماوصل  عمر مصطفى خمس سنوات  واني كان عمري بوقتها  ١١  سنه 

امي سمعت اكو دكتور زين بلناصريه 

وهو الي راح يوكع على العله   وهو الي راح يلكه حل 

للحاله المرضيه الي  يعاني منها اخوي

اني عندي دوام مااكدر اروح وياهم  

  بليلتها اخذني  ابوي     انام يم خالتي 

حتى تروح هي وابوي   ياخذون مصطفى للدكتور 

بلناصريه بلكت يتعالج  وتصير حالته احسن 

بليلتها شكد حقرت وياي شكران بت خالتي 

لاتنامين هنا   لا تاخذين جرجفي     

شافت دفتري  كامت تضحك   ياا شوف درجاتها 

كلهن خمسينات 

كلش ضجت منها    فرشت ونمت من وكت 

وحلفت بس يرجعون امي وابوي 

بعد مااوصل بيت خالتي ابد   

الصبح كعدتنا خالتي اتريكنا وبدلت 

زوج خالتي اخذنا للمدرسه 

طبعا زوج خالتي دره مال الله   شكد حنيين وطيب 

ومحترم 

انطا مصرف الشكران وانطاني مصرف بكدها 

وبقى واكف منا لمن دخلنا للمدرسه يله راح 

من طلعنا اخر الدوام  لكينا ينتظرنا بلباب 

بس شافنا ضحك 

ابو شكران....اني اجيت علمود رهف   اخاف عليها 

شكران ماعليها شي   زركه محد بحالها 

راسا شكران زعلت  من ابوها لان كال عليها زركه 

اخذت جنطتها وكامت تمشي كدمنا بسرعه 

ابو شكران...معليج بيها  جيبي جنطتج اشيلها 

رهف...لا عمو شكرا 

وصلنا للبيت وشكران كلبت الدنيا تعيط   ودموع اربعه اربعه 

شلون يكول عليه زركه  كدام البنات 

طبعا محد جان منتبه  بس هي ضاجت مني 

لان كال اخاف على رهف 

يعني رهف احلى مني ويخاف عليها   واني موحلوه 

خالتي من شافتها تبجي بمكان ما تهدي الوضع 

صارت وياها وكامت تحجي على عمي 

عمي....شبيج هجمتي عليه   اني مجذب 

بتج بجمال رهف      اني ما حجيت الي الحقيقه 

خالتي...شنو رهف احلى من شكران   يااا فدوه 

بيضه وفاهيه    وسمينه   شكران سمره مملوح 

وعبالك شطب ريحان

عمي....اي هم صدك 

رهف...شكران هجمت عليه وجرتني من شعري 

وكامت تضرب بيه 

عمي من شافها تخبل  اجا وخلصني من ايدها 

وكعد يعتذرلي 

عمي....معليج بيها هاي حيوانه 

رهف...اني شعري  سرح وطويل   كام يوجعني 

من سحبتني منه 

جمانه السعيدي 

زعلت وما قبلت اتغده   وكلت هاي اخر مره اجي بيت خالتي 

بس اهلي يرجعون    احجي الامي اختها وبتها شسون بيه 

الدكتور الي راحو علي اهلي 

علي ازدحام   بقو للساعه ١١ بليل يله وصلهم  الدور 

ودخلو على 

عمي اتصل عليهم كالو راح نطلع نرجع البغداد 

الطريق من الناصريه البغداد  تقريبا اربع ساعات ونص 

يعني يوصلون ويا صلاة الفجر 

رهف ...نمت  لان عندي  دوام الصبح

كعدت الصبح  مثل كل يوم  حتى اتحضر للدوام 

واشوف اهلي  رجعو للبيت لو لا 

لكيت عمي مخبوص  ويخابر    

ومبين على الانزعاج   والحزن 

وخالتي وجها اصفر     

حاولت افهم منهم شي ماكدرت 

عمي بس شافني ارتبك اكثر   قفل التليفون وطلع بدون ما يحجي وياي ولا كلمه 

رهف....خاله شكووو  شبي عمو      

خالتي...مابي شي 

رهف...زين اني راح اخذ ملابسي واروح الاهلي 

ابدل ومناك اروح للمدرسه 

خالتي.. اكعدي اليوم ماكو مدرسه 

رهف.. ليش اليوم عطله 

خالتي....لا  مو عطله   بس اهلج 

رهف...مارجعو لسه 

خالتي...ومراح يرجعون ابد    اهلج ماتو بحادث 

ابوج نام  وهو يسوق        والسياره انكلبت 

اهلج ماتو كلهم 

#١٢٠_ كيلو

#البارت الثاني 

#جمانه السعيدي 

@الجميع 

رهف....سمعت خالتي تكول اهلج ماتو 

مااستوعبت   شنو ماتو     شلون ماتو    اهلي كلهم ماتو مره وحده 

بقيت واكفه بمكاني ومذهوله 

للحظه مااستوعبت  كلامها          

بعدين خالتي كامت تبجي        تبجي بعبره 

خالتي...يايمه راحت اخيتي   يايمه راحت سحر 

منظر خالتي وهي تبجي حرك مشاعري    او يمكن صحاني من الصدمه 

جنت شايله جنطتي بأيد وملابس المدرسه بلايد الثانيه مستعده ارجع البيت اهلي 

اتريك وياهم واغير ملابسي واطلع للمدرسه 

وكعت الجنطه من ايدي     كعدت بلكاع 

كمت ابجي    ابجي بدون صوت  مجرد دموعي تنزل منا ومنا  

اني ليش مارحت وياهم 

جان هسه ميته وياهم ليش بقيت 

  علمود المدرسه 

انعل ابو المدرسه الي فرقتني عن اهلي 

يعني بقيت وحدي     شلون ابقى بهاي الدنيا وحدي 

كلشي مااعرف  

بقيت كاعده وابجي  بمكاني 

طلعت شكران من الغرفه   واجو خوانها  مبدلين ملابسهم

شكران ....شكووو 

خالتي...بيت خالتج صار وياهم حادث وماتو كلهم

شكران...يااا صدك 

خالتي...الله يرحمهم  روحي اطلبي اجازه الج والرهف 

شكران...اي ميخالف 

جمانه السعيدي 

رهف....اني هنا كان عمري    ١١ سنه صف خامس ابتدائي

خالتي...تعاي وياي نفتح بيت اهلج ونرتبه

رهف...رحنا اني وخالتي فتحنا بيت اهلي  ونضفنا 

حتى نستقبل العزا بيتنا 

شلنا الغراض الزايده ونضفتا الصاله  والهول 

لمينا شكو شي زايد ضمينا     

بعدين  اتصل عمو ابو شكران 

ابو شكران....جبنا الجثث هنا البغداد جيبي رهف خاف تريد تودع اهلها 

خالتي...اي هسه اجينا 

روحي رهف البسي اسود وتعاي  نروح  تشوفين اهلج 

قبل   الدفن

رهف...دخلت طلعت ثوب اسود وحجاب اسود من حجابات ماما 

 لبسته

اخذتني خالتي ورحنا للمستشفى 

شكد اكو ناس مجمعه باب المستشفى 

دخلنا  جوه  شفنا عمو ابو شكران 

اجا عليه وحضني       لا تخافين حبيبتي    

البقيه بحياتج 

دخلنا الغرفة الموتى   

ماعرف ارد علي    بقيت ساكته  

جمانه السعيدي 

خالتي كالت ابقي هنا برا  

دخلت هي وعمووو  واني بقيت كاعده برا 

سمعت خالتي تعيط   وتصيح  ولج سحر ليش هيج 

ليش عفتي بنيتج 

رهف.. مجرد سمعت هذا الكلام اتاثرت  حيل وحسيت اكو غصه بكلبي  كمت ابجي بحركه 

ابجي واناشغ   خفت ادخل جوه خفت اشوف شي 

مااكدر انسى ابد 

بقيت كاعده برا وابجي  

الحد ما طلعت خالتي  

طلع عمو راح جاب  تابوتين كبار وواحد زغير 

دخلو ويااهم  كم واحد من اقاربنا  طلعو اهلي داخل التوابيت 

اهلي الي طلعو من بيتنا امس   كلشي مابيهم 

اليوم داخل التوابيت 

كله بسبب اخوي    جنا عائله  سعيده وماعدنا اي مشاكل 

من اجا اخوي بيتنا خرب كلشي 

وأخير شي ماتو اهلي بسببه

ياريته مااجا ولا شفته      حتى اهلي أخذهم مني 

بقيت كاعده وعيني على اهلي   

 التفت  عمي   شافني كاعده على الكرسي وابجي 

رجع عليه باسني من راسي   ولزمني من ايدي 

وطلعنا خارج المستشفى 

صعدنا بلسياره كعدني بصفه  كل شويه يلتفت  عليه    ويمسح دموعي 

حتى من وصلنا للنجف  بقا لازمني من ايدي  ابد ما عافني 

ولا لحظه   جابلي بطل مي    وخاولي 

كل شويه يمسح وجهي 

من كلمنا دفن   راح جابلي لفه  بس اني ماقبلت اكل 

خايفه من الجاي ومااعرفةمصيري شنو 

جمانه السعيدي 

رجعنا البغداد     رجعنا بليل    اخذني البيتهم 

ووصا خالتي وشكران عليه 

تمددت ونمت هلكد ماتعبت   راسي يوجعني من البجي 

ثاني يوم كانت الفاتحه بيت اهلي 

صوت عياط  تارس البيت 

اني كاعده بصف خالتي وابجي    

كل  وحده تدخل  للعزا  تقهرني بكلامها اكثر مااني مقهوره 

...يااا هاي بتها   خطيه 

...ياااعيوني صارت يتيمه 

...بعدها زغيره     منو يداريها 

....خطيه   شلون بيها   بعد ما راحو اهلها كلهم 

الحد ماخلص النهار   صدعت من البجي وحجي النسوان 

الي ما يخلص 

اجا عمي البيتنا بعد ما طلعت النسوان 

عمي...هااا شلونج رهف 

رهف...زينه 

عمي...لاتخافين محد يمر بيج مادام خشمي يشتم الهوى 

راح تعيشين بيتي   ومراح ينقص عليج شي 

ادللج اكثر من جهالي 

رهف...خالتي راسا خزرته    واشرتله   تعال وراي 

كامت طلعت  بس هو ما طلع 

كامت تصيح ابو شكران تعال   ابو شكران اريدك بشغله 

كام عمي طلع وراها 

اني هم كمت اروح اغسل  وادخل تواليت 

سمعت الكلام الي دار بينهم 

خالتي....رهف ما تعيش بيتنا 

عمي...ليش هاي بت اختج ومابقالها احد غيرج

خالتي...ولو مااريدها تعيش بيتنا  ومااتحمل مسؤليتها 

عمي...خافي ربج يامره  وين تروح هاي المسكينه

خالتي...خل تروح يم عمتها 

عمي...زوج عمتها رجال غريب واخاف عليها 

رهف زغيره وحلوه 

اخاف عليها من النفوس الدنيئه    رهف راح تبقى كدام عيني 

راح احافظ عليها منا لمن اسلمها الزوجها 

خالتي...شنو تبقى عدنا انت ما تعرف وجودها شلون يااثر على شكران 

شكران اضوج منها   واني مااريد بنتي تنزعج  من اي شي 

عمي...ايباخ  بتج تنزعج  وهاي المسكينه تتجهول بلبيوت 

شلون منطق هذا 

هاي يتيمه ورب العالمين    يكول اما اليتيم فلا تقهر 

الرسول محمد يكووول  انا وكافل اليتيم كهاتين 

واشر بصابعه 

هاي أمانة اختج شلون تردين اتفرطين بيها 

خالتي...شنو هاي مسؤليه   تريد تحملنا مسؤليتها ومصاريفها 

هو احنا كوه مدبرين العيشه 

جمانه السعيدي 

عمي...لا عدنا خير من الله   ومراح نصير فكر اذا رهف بقت عدنا   ايجوز تنفتح النا أبواب الرزق على عينها 

بعدين لا تخافين راتب ابوها موجود  وتصرف منه 

مراح تاخذ لكمتج من حلكج 

عود انتي خالتها   شلون الغربه راح يعاملوها 

رهف...سمعت كل كلامهم   خفت اي خفت من خالتي 

شلون راح اعيش وياها ماادري 

شلون راح اكمل ويا شكران بنفس البيت 

ولله ماادري بس الي مطمني عمي زين وياي

طلعت ورجعت كعدت بمكاني 

رجع عمي عليه 

عمي.....رهف عمو  روحي جيبي ملابسج والشغلات 

المهمه الي تحتاجيهن  وتعاي     

انتي راح تعيشين ويانا بيتنا 

رهف..كمت دخلت جوه لكيت خالتي كاعده وضاربه البوز شبر 

منزعجه من وجودي بيتها 

جمعت ملابسي  وخليتهم بجنط ثنيبن 

اجا عمي شال الجنط وطلعهم برا 

خالتي بعدها كاعده بمكانها وتضرب اخماس بااسداس

عمي...يله كومي عليمن صافنه      اترحمي الاختج 

بدل هاي الصفنه 

كامت خالتي  طلعت  من البيت  وعمو قفل كل الابواب 

وطلع من البيت 

اجرنا  تكسي ورجعنا البيت عمي 

بس دخلنا وشكران شافت جنط ملابسي 

ضاجت حيل 

راحت على خالتي 

شكران..ماما  شنو رهف راح تبقى عدنا 

خالتي.. اي 

شكران...شنو تبقى عدنا موذك بيتها شكبره     وتكعد بي 

تردينها تكعد بغرفتي على كلبي 

ولله مااريدها بغرفتي 

عمي سمع كلامها   صاح عليها بصوت عالي 

عمي...شكران  شنو هذا الحجي رهف اختج    ديري بالج عليها  وعامليها معامله حلوه 

سمعتي لو لا 

شكران عوجت بوزها وراحت دخلت بغرفتها  وطبكت الباب 

واني بقيت بمكاني 

عمي بس شاف تصرفها هذا 

شال جنطي وراح  فتح باب غرفتها ودخل الجنط 

عمي.. باعي شكران احترمي نفسج  ليش تخليني اهينج 

 واكطع مصرفج 

احترمي بت خالتج  هاي بمكان ما تكعدين تواسيها 

هيج تتصرفين وياها 

ممنوع اسمعج حاجيه حجايه موزينه وياها لو مضوجتها سمعتي لو لا 

ماردت علي شكران بقت ساكته لان هذا الكلام مايعجبه ابد 

شلون رهف راح تشاركها بغرفتها 

وتشاركها بااهلها 

هذا الحجي ما يعجبها ابد 

#١٢٠- كيلو

#البارت الثالث 

#جمانه السعيدي 

رهف...عرفت من اول لحظه  اني راح اشوف ضيم  بهذا البيت 

اذا خالتي اخت امي ماتريدني 

وبتها أحقر منها ماكوووو 

سلمت أمري لله      وقررت اعيش وبس  الحد ما رب العالمين   يفرجها عليه 

قررت خالتي مادام اني اجيت بيتها غصبا  عليها 

راح تشوفني المر    

من هاي اللحظه شغل البيت كله صار عليه 

خالتي هي وشكران   لا شغل ولا عمل  

اني اطبخ  واغسل وانظف   حتى ملابسهم اني اغسلهن 

بلغساله 

كل النهار شغل بدون استراحه 

اذا شافتني كعدت  راسا تطلع شغل من جوه الكاع 

بس كون مااكعد 

من يجي عمي يله ارتاح   لان تخاف منه 

ماتخليني اشتغل كدامه   تخاف يصير عصبي عليها 

ولله هذا عمي حرامات ماخذ  خالتي 

ما تستاهله  طيب وحنين وكريم وشاغول 

ومتدين   الناس كلها تحبه وتحترمه 

فات ست اشهر على وفاة اهلي واني على هذا الوضع 

كل الشغل عليه 

ومن ادخل للغرفه تكوم  شكران تغلط عليه   

واني ساكته   مااكدر احجي لان  وكيحه  بس احجي وياها 

تضربني   وما يهمها اكبر واحد لان خالتي وياها 

ادخل للغرفه بس من اريد انام  ادخل بفراشي وكبل اغمض عيوني 

رغم اني ابد مااحجي وياها ولا الي شغل بيها 

بس هم ما تسكت 

اول ماادخل تكول اجت سليمه    كون الله ياخذج واخلص منج 

لان    ماببج حظ بقيتي على كلبي 

جان رحتي ويا اهلج حتى اخلص منج  المن بقيتي هنا 

لو تكول  اهوووو هم اجت  هاي الغثه 

لو الكاها شامره مي على فراشي ومبللته 

لو تسوي نفسها تفوت من يمي ودوس على رجليه 

لو على راسي

فات  ست اشهر على وفاة اهلي   واني وضعي  من سئ

إلى اسوء

بس ساكته  لان اني زغيره وكلشي مااعرف

وابد مو مال اعيش بيت وحدي 

جمانه السعيدي 

بيوم رجع عمي الصبح الساعه عشره  جانت  خالتي وشكران طالعات  واني انضف 

والولد نايمين بغرفتهم 

عمي...وين خالتج 

رهف...طلعت هي وشكران 

عمي...وليش انتي تنظفين 

رهف....عادي اني انظف كل يوم 

عمي...وهنا شبيهن مكسرات مخليات طفله تنظف البيت وهنا طالعات  ليش ماياخذنج وياهن 

شلون بقيتي بلبيت وحدج 

رهف....فدوه عمو لا تحجي كدامهن   ولله  يلعبن بيه لعب 

انت ما موجود بلبيت   حتى تحميني 

فدوه ميخالف اني انظف   ميخالف  مااريد مشاكل 

عمي...عوفي التنظيف بدلي وتعاي وياي 

رهف...وووين   عمو 

عمي...بعدين تعرفين   بدلي بسرعه 

رهف دخلت لبست رداء اسود  وحجاب اسود 

عمي...يله امشينا 

طلعنا من البيت  وعمو اجر تكسي   اخذنا ابو التكسي 

وصلنا للمصرف 

نزلت وعمو لزمني من ايدي ودخلنا للمصرف سوا 

وعمو بدا  يطلعلي إجراءات دفتر توفير 

وخله بالدفتر خمسين ألف من جيبه 

عمي...باعي  رهف اني كملت  معاملة راتب ابوج 

وإنشاء الله من هذا الشهر يطلع الراتب 

وبيتكم اجرته  بعقد  سنوي      اي فلوس راح تجيج 

من الراتب ومن الإيجار  راح تكون باسمج 

بهذا المصرف 

اني مادايم اللج  والدنيا  تخوف  على الاقل من تكبرين

عندج فلوس تصرفين منهن 

وماتحاتجين احد     هاي اني خليت اول ٥٠ الف من جيبي 

صير سباعيه    ولا تخافين  من احد 

البشر بس يخاف الناس تاكله  حتلو اقاربه 

ابد لا تحجين كدام خالتج  ولا شكران   عن الراتب ولا عن إيجار البيت 

ولا حتى عن هذا الدفتر    فهمتي لو لا 

رهف.. اي فهمت   

عمو...يله تعاي اشتري ملابس    او حذاء شنو يعجبج 

رهف...لا عمو شكرا  عندي 

عمي...اعتبريهن هديه مني

اخذني عمي اشتريت حذاء موديل جديد   وشال وعطر 

ورجعنا للبيت 

جمانه السعيدي 

لكينا خالتي راجعه للبيت هي وشكران 

ولكت البيت بعد كامل تنظيف 

دخلت قبل عمو  بس شافتني خالتي  زمخت  عليه وين جنتي  ليش ما منظفه البيت 

دخل   عمو وراي 

عمي.. ليش اصيحين عليها  طفله شتعرف   بلتنظيف 

بعدين مو عيب عليج انتي وبتج كل وحده شكبرها عايفات هاي الطفله   تنظف البيت وحدها 

انتي مو خالتها  اخذيها وياج من اطلعبن

مسكينه مكسور خاطرها  وانتي هيج تعامليها 

خالتي... شنو نمونه  التنظيف ليش ادافع عنها 

عمي.  اذا نمنونه   نضفي انتي   لو نمونه عليها وعليج مو نمونمه

اتقي الله يامره  اتقي ربج هاي طفله حوبتها تعثرج 

خالتي...انت ليش ادافع لها  تشتغل بمكان ماكاعده بهذا البيت وتأكل وتشرب 

عمي..هذا البيت بيتي مو بيتج 

وتاكل وتشرب من راتب ابوها  انتي ماخاسره عليها شي 

خالتي..  اهو ترا انت جاي تكبر راسها عليه 

تنظف وتشتغل حالها حالنا شنو  تكعد واحنا نخدمها

عمي...لا تخدمنها ولا تخدمجن    تشتغل شغل بسيط 

لا تكلفيها فوك طاقتها 

جمانه السعيدي 

رهف..كانت  عركه طويله   بينهم   وخالتي  ابد ما سكتت 

بقت تحجي ودردم  وتغلط عليه  طبعا مو كدام عمي 

دخلت للغرفه شايله العلاكه  بيها حذاء وشال

شكران...هااا فرحتي من علكتيها بين امي وابوي 

من دخلتي بيتنا لليوم والمشاكل ما تنتهي 

هو انتي فكر   انتي بومه  ماكو من وراج بس المشاكل 

النوب ماخذها مشتريلها    اي  ششتريتي  بله 

اكل وشرب ونوم ومصرف ومشتريات     

وين جنتي وين صرتي      بعد شتريدين     

رهف...سكتت لان بس احجي تكب عليه ومنا امها ترزلت بسببي 

اسكت وأمري لله وحده 

السنه سادس ابتدائي مرحله صعبه واني ماعندي وقت إقرار

كل الوقت تنظيف وغسل ملابس وطبخ 

اني اصلا من زمان مستواي مو كلش 

وشغل البيت ماخذ كل وقتي وجهدي 

تخيلو شكران حتى ملابسها الداخليه  وجواريبها

تكلي اغسليهن 

طلعت  بلدور الاول  راسبه بست مواد 

بنص السنه عدلتها صارن اتلاثه 

دخلت بكلوريا وطلعت إكمال  باربع دروس 

خالتي وشكران يضحكن عليه 

شكران تكول هو انتي كسلانه شعندج رايحه للمدرسه 

اكعدي واسكتي انتي مكانج البيت 

انتي احلى شغله لايكه عليج شغلة الخدامه 

ثوب ومفصل عليج   

جمانه السعيدي 

عمي من شافني ضايحه 

حجزلي يم معلمه بنفس شارعهم 

وكل يوم يوصلني ويرجع يرجعني 

خالتي ماقبلت  

خالتي...هي شنو والدورات بنيه كسلانه  تكعد وتسكت عليمن هلمصاريف كلها 

عمي...ماخذه من فلوسج من ورث ابوج 

فلوس ابوها وتصرف بيهن    اسكتي ومالج شغل 

بليل عمو يكعد يراجعلي الدروس الي اخذهن يم المعلمه 

لمن يتاكد اني فهمت يله يعوفني

وكت الدرس يوصلني بايده    ويرجع يرجعني 

امتحنت دور ثاني ونجحت  ولله ألحمد 

اخذني عمو اشترالي ملابس مدرسه  وجنطه 

وقدملي بلمتوسط 

ولله لوما عمو  ومواقفه الحلوه وياي جان شصار بيه 

يمكن متت من القهر 

يعني تصرفات خالتي وشكران وياي مو طبيعيه

كلما اضوج اروح اكل   كلما وحده منهن تسمعني كلام موحلو اروح اكل 

ذبيت ضيمي على الاكل 

هاي الطريقه الوحيده الي اخفف بيها عن نفسي 

بديت اسمن  والملابس كامت ماتجي عليه 

بلبيت محد يصيحلي باسمي بس عمي 

والبقيه يصيحولي الهايشه 

هلكد مااكل    

اذا يكعدون يتغدون اني ابقى اخر وحده ااكل ماعوني 

واي واحد يبقى من عنده اكل اكله 

واذا اكو بلجدر باقي اكل اكل 

عمو كل يوم يجيبلي علاكة حلويات 

خالتي...على كيفج  صرتي جنج هايشه    شكد تاكلين 

ترا  ينرادلج   عشيره تشتغل حتى تلحك عليج

ماتبقين شي بلثلاجه 

شكران.. اني اخاف على نفسي لا تاكلني بيوم من الايام 

هاي الهايشه 

خاف انام بليل وتكعد جوعانه وتاكلني

رهف...كلما انقهر منهن اروح اكل 

منا لمن خلصت المتوسطه  صار وزني ١٠٠ كيلو 

اني طويله مو كصيره  طولي ١٧٧   شايله السمن 

بطولي 

الثالث متوسط كعدلي عمي كعده دورات لكل المواد 

وهو يرجع يقريتي بنفسه بليل 

كلما يسمع خالتي تحجي على وزني 

يزمخ عليها    لا تحجين ماكله بيت ابوج 

خليها تاكل انتي شنو 

اني اتسوك وهي تطبخ    مالج شغل بيها   عوفيها  بحالها 

عود اضعفي انتي  وصيري ريشقه 

عمي...ولا يهمج عمو اكلي الف عافيه  على كلبج 

رهف....نجحت من الثالث متوسط  بلدور الثاني ودرجاتي كلهن على الحافه 

كلهن خمسينات

رحت للاعدادية  وهناك اسمع البنات يتنمرن عليه 

بلاضافه إلى شكران وصديقاتها ابد مايقبلن يعوفني بحاالي

كلما يشوفوني يشمرلي حجي 

حتى يضوجني    مااعرف اني بيش غاثتهن 

اني الي شايله جسمي مو هنا  ليش هلحجي الزايد بعد 

كمت مااطلع من الصف 

ابقى كاعده برحلتي وساكته 

حتى أجنب الحجي والمشاكل 

#_١٢٠- كيلو

#البارت الرابع

#جمانه السعيدي 

@الجميع 

رهف...هلكد ما اشوف البنات تقلد عليه بلمدرسه وما خذتني محتوى ضحك وتحشيش 

واستهزاء   كرهت نفسي   كرهت الناس 

اني ماعندي اي متعه بهاي الدنيا غير الاكل 

اشرد من الناس ومن ضغوطات الحياة بلاكل 

ماعندي احد يسمعني ويخفف عني  

اشرد للأكل    صحي مو صحي  المهم اني ما استمتع بس من اكل 

حتى المدرسات   يضحكن عليه 

لان اني مستواي الدراسي ضعيف 

يحجن عليه وعلى  وزني      

دائما المدرسات ماعدهم غير اهتمي بدراستي بكد ما تهتمين بلاكل 

اعرف اني وزني زايد واعرف صرت سمينه وهذا الشي مو حلو   ولا صحي 

بس ولله كوه جارعه الايام 

اني بيت خالتي احس نفسي وحيده 

احسهم كوه متحمليني 

وين اروح   شسوي بنفسي   عاد افرغ ضوجتي بلاكل 

كرهت الطلعه من البيت 

مااطلع الاي مكان  من المدرسه للبيت ومن البيت للمدرسه 

امشي بصف الحايط 

حتى صديقات ماعندي 

بلبيت كل وقتي تنظيف   وطبخ    وشغل ما ينتهي 

اني عايشه وبس ماعندي اي هدف بلحياة 

عايشه  علمود  شنو مااعرف   شنو نهاية هذا السمن مااعرف 

دخلت سادس ادبي ومن اول فصل راسبه بكل المواد

وبنص السنه طلعت ناجحه بمادتين والباقي راسبه بيهن 

جمانه السعيدي 

مادخلت بكالوريا 

والشماته مااحجيلكم خالتي وشكران 

الشماته وصلت بيهن يضحكن عليه كل الوقت 

حتى عمي هم اتشمتن بي لان هو الوحيد الي يدافع عني 

من يطلع عمي لمن يرجع هنا يضحكن عليه 

عمي من سمع اني رسبت كعد يهون عليه ويكول ميخالف 

السنه الجايه تعوضين

رهف...كلش ضجت  احس نفسي فاشله   بكلشي

خالتي....لو تقرا بكد ما تاكل جان على الاقل دخلت بكلوريا 

شكران....يمه ولله ميزانية البيت خربت بسببها 

الاكل الي تاكله يكفينا شهر 

خالتي...خايفه من كد السمن بعد ماتكدر تطلع من الباب 

شلون نفلش الحايط 

شكران....اني اكول خليها تصوم    بلكت تفش شويه 

خالتي...يااا اصوم      يمعوده     هاي هايشه لافهم ولا علم 

طايحه على الاكل  عبالك راح يخلص 

البشر ياكل حتى يعيش وهاي مثل الحيوانات عايشه حتى تاكل 

رهف......من كد ما سمعت منهن كلام  مزعج  انقهرت 

كمت ابجي  

اني ليش مارحت وياا اهلي        بذاك اليوم الاسود 

ليش بقيت 

جان ميته هسه ومرتاحه 

بسبب القهر والبجي تهيج عندي القالون 

كمت مااتنفس 

بس وصل عمي طلعت علي كتله الحكلي 

الحكلي كلبي يوجعني ومااكدر اتنفس 

عمي...ليش   احد ضوجج   احد حجا عليج 

رهف...بعد مااكدر  فدوه راح اموت 

اخذني عمي وطلع خطيه حتى لانزع ملابسه ولا اكل 

كبل للمستشفى 

اريد احجي ويا الدكتور مااكدر احس كلبي انقبض 

والنفس ضاع عليه 

عمي شرح حالتي للدكتور 

بعد الفحص الدكتور اكد    هذا قالون عصبي   

 اجت الممرضه خلت ابره بلمغدي      خلتلي كانونه 

نص ساعه واني  حالتي حاله        بعد ماخلص المغذي يله استقرت حالتي شويه 

اجرنا تكسي ورجعنا للبيت 

عمي...انتي احد غثج  احد سمعج حجي 

رهف...لا  يمكن من الاكل    صرت احسن لاتخاف عليه

مااكدر اكول اي شي  لان راح يسودن عيشتي اكثر ما هي سوده 

عمي...اذا احد من البيت سمعج حجي كولي لا تخافين اطردهم كلهم واخليج بس انتي بلبيت 

انعل والديهم اذا قربو عليج 

رهف...الله يحفظك اليه 

رهف...... يحجن عليه ثنيبنهن  مع ان شكران هاي السنه الثانيه تعيد السادس   

بس محد يقرب عليه لان خالتي تكلب الدنيا اذا واحد مر بيها 

السنه شكران دخلت بكلوريا   

شهر بلبيت تقرا  واني صرت خدامه عدها 

خالتي كلمه والثانيه وكالت خلوها تقرا عدها امتحانات 

انضف غرفتها واغسل ملابسها  واغير جرجف الحربايه 

وهي تقرا  تصيح وينج الهايشه    تعاي اريد جاي 

حتى ولد خالتي هم يصيحون عليه الهايشه 

بس ذوله اهون على الاقل طول النهار برا البيت 

بس مثل شكران ماكووو 

جمانه السعيدي 

امتحنت شكران    وخالتي مخبوصه بيها  عبالك راح تصير رئيس وزراء

جان اتأجل درسين وطلعت إكمال بدرسين 

عادي ولا جنها  مكمله   وخالتي  شكد مهتمه بيها 

خالتي...لا اضوجين حبيبتي امتحني دور ثاني   وحتلو دور ثالث   واذا ما تكدرين عيدي السادس 

رهف. كلت بكلبي   هاي ثاني سنه وهيج  تعاملها 

واني ليش شاده ياي  وهاي الي السنه الاولى 

اليوم الي بعده  خالتي قررت اطلع شكران تغير جو 

وتشتريلها   ملابس   وشغلات بناتيه  خاف ضايجه 

تريدها ترتاح نفسيا 

جان تجي عليه يله تعاي ويانا للسوك 

رهف...اتعجبت   شعجب      اني خاله 

خالتي.. اي انتي  اكو غيرج 

رهف...اني مااريد اروح الاي مكان 

خالتي....مو عبالج ميته عليج   لو اريد اطلع اكشخ 

بيج   اصلا استحي امشي وياج 

عبالك هايشه ضايعه 

اريد اشتري غراض ومااكدر اشيلهن   تعاي حتى تشيلين الغراض   ويانا 

بلكت اذا مشيتي  يخف وزنج شويه 

لو عليه مااطلع وياج الاي مكان   اتفشل من شكلج 

عبالك فيل ويمشي 

رهف.. مااروح اني مااريد اطلع 

خالتي.  شنو هو بكيفج  مااكدر اشيل الغراض وافتر بلسوك 

تعاي شيلي  الغراض 

اني ماخذتج احمل عليج    مو حبا بيج   

زمخت بيه بعصبيه يله كومي  بسرعه 

رهف...حكم القوي على الضعيف   امري لله 

لبست رداء اسود وشال   وبقيت انتظر ست شكران 

ساعه تبدل وتتمكيج    وتتعطر      لبست بنطرون جينز ضيك  وبدي  لازك على جسمها 

المكياج فول  العطر واصل الراس للشارع 

فتحت شعرها  وسرحته 

طبعا هي مو حلوه سمره  وشعرها مجعد 

عيونها زغار   بس جسمها حلو   رشيق  ومرتب 

المهم ساعه واني وخالتي ننتظرها تكمل   حتى نطلع 

طلعنا الراس للشارع  اجرنا تكسي وطلعنا 

ماخلت مول ولا  محل ولا شارع مادخلت بي 

واي شي يشترنه 

ينطنيا اشيله 

اديه تكطعن من العلاليك   واني منا سمينه كوه امشي 

كمت الهث  من التعب 

شكد اشترت شغلات الشكران  وبلجذب ماكالت تعاي اخذيلج 

حاجه   حتلو نعال   لو شال لو معطر من ابو ٣  الاف

اخر شي كمت اسحل بروحي سحل 

ووجهي صار احمر من كد المشي  والتعب  اخير شي 

دخلن محل ملابس 

اني بقيت برا   شسوي داخله جوه 

بعدين الصراحه اني جاي اتهرب من عيون الناس 

احس نفسي وحش ويمشي  

لان سمينه     يمكن اني مو كلش سمينه لان شايله سمني بطولي 

بس فقدت ثقتي بنفسي  هلكد ما خالتي وشكران يضحكن عليه   طول الوكت 

دخلن شكران وخالتي للمحل واني بقيت واكفه برا 

صاحب المحل ولد شاب تقريبا ٢٨ سنه      طلع علمود يطلع علاكة زباله برا   علاكه بيها  جياسة  ملابس فارغه وكراتين 

بس شافني اتفاجئ بيه 

عصام...ليش واكفه برا 

طبعاةاني خدودي صايرات حمر    وحالتي حاله من التعب 

رهف...لا ماكو داعي انتظر هنا 

عصام...شنو تنتظرين هنا الدنيا حاره مبين عليج تعبانه 

تعاي تعاي ادخلي    المحل بارد 

رهف.. حسيت نفسي محرجه  من كلامه  دخلت 

للمحل  خالتي وشكران ما انتبهن جاي يقيسين ملابس 

جابلي كرسي وبطل ماي بارد

عصام.. اتفضلي   تفضلي    

رهف....كعدت على الكرسي  وأخذت بطل المي من 

صدك عطشانه  وتعبانه 

جمانه السعيدي 

بقينا بلمحل تقريبا نص ساعه اني كاعده وهنا يقيسن بلملابس 

كلما ارفع عيني اشوفه يباوع عليه 

رهف...كلت اي  اكيد يكول  هاي شلون تمشي من هذا السمن 

عبالك فيل  كاعد على الكرسي 

يمكن يخاف على الكرسي لاينكسر  بسبب وزني 

شلون بلوه اني ليش دخلت 

جان باقيه برا      هسه هوه ماشايف وحده سمينه ابد

شكد يباوع عليه 

ولله ضجت  هسه غير يخلصن  ويفضنها 

طلعت خالتي شايله  نفنوف بايدها   

كالتله اريد جنطه تتناسق ويااا 

اختارلها    جنطه 

خالتي....شكد السعر اريد خصم 

عصام....لا مابيهن خصم سعر نهائي 

خالتي...ايجوز نصير    معامليك     ولله ذوقك حلو بلملابس 

عصام...شكرا 

خالتي...يله شكد وياا الخصم 

عصام...هاي لان اول مره    راح اسويلكم خصم 

خالتي...يله خليهن بلعلاكه 

شالت خالتي العلاليك وصاحت رهف تعاي شيلي 

رهف...كمت قربت عليها   اخذت منها العلاليك 

واني مناك شايله اربع علاليك  متروسات  ملابس واحذيه 

رهف..اخذتهن وطلعت برا انتظرهن 

عصام..  هاي بنتج 

خالتي.  اي بنتي 

عصام...الله يحفظها     ممكن  عنوانكم  ورقم ابوها يمكن نصير نسايب 

خالتي....نسايب ياا تحجي صدك     نشرف بيك مبين انت ابن اوادم 

انطته خالتي العنوان ورقم عمي 

طلعت برا المحل اني ما اعرف شنو القصه 

خالتي.. اي  شفتي شلون طلعه بيها ستين حظ 

يمه انتي طالعه تخبلين      الولد انعجب بيج 

شكران....مبين ابن ناس   راح البس ملابس كلها ماركه 

خالتي...اني مامصدكه   معقوله من اول مره دخلنا علي

هيج كبل قرر يخطب 

شكران...شنو بنتج قليله    شعبالج  اني اكبر شارب 

اسحله سحل 

رهف.. خاله اني تعبت  لو تشيلن وياي لو اتاجرن تكسي 

كلش تعبت 

خالتي.. على خبر خطوبة شكران  تعاي اناجر تكسي 

ونرجع للبيت

رهف...أجرة خالتي تكسي ورجعنا للبيت 

طول الطريق يخططن للخطوبه    وشلون يسون حفله 

وشكد يطلبن مهر من عصام 

بس وصلنا للبيت خالتي كامت تهلهل 

وشكران   تكمز 

رهف.  اني دخلت العلاليك  ورحت نزعت الرداء ودخلت للمطبخ احظر عشى 

جمانه السعيدي 

بس دخل عمي خالتي لا كته بلباب 

خالتي..باركلنا   شكران انخطبت 

عمي.. انخطبت بدون مااعرف 

خالتي...الولد كال اريد عنوان بيتكم  ورقم ابوها 

ايجوز باجر يتصل عليك 

عمي...شنو شكران قررت تعوف المدرسه وتتزوج 

خالتي.. لا نشرط علي تكمل دراستها 

عمي...وليش انتي هيج فرحانه 

خالتي .. لان مبين خوش ولد        هااا من يجي نشرط علي بيت وحدها 

اني بتي مدلله  مستحيل اقبل تعيش وياا عيال 

عمي...على كيفج   خل يجي بلاول ونسئل على اهله 

ايجوز ما يعجبنا

خالتي.. شنو ما يعجبنا  اكلك   شاب مرتب مبين ابن خير 

لو غايتة لعب جان اخذ رقم شكران بحجة تعارف

بس هو  سئل عليك   وأخذ رقم تليفونك 

عمي...ولو اسئل عنه بلاول   بعدين اشوف اذا اقبل بي لو لا 

خالتي...اهوووانت دومك مصعب الأمور علينا 

خوش قسمه خلي البنيه تمشي بنصيبها 

رهف....بعد يومين بلضبط  الولد اتصل على عمي وطلب يجي يشوفه   يعني كعدت تعارف 

الضاهر سئل على عمي    وعلينا بذني اليومين 

عمي وافق   على كعدت التعارف   حتى بعدين يسئل عنه وعن اهله 

عمي حدد له موعد بليل   يجي حتى يتعرف علي

خالتي انخبصت خبص 

دزت على اربع انواع حلويات وكيكه جاهزه  وجكليت

وببسي وعصير 

بيومها طيحت حظي بلشغل    تنضيف وترتيب 

ودزت شكران للصالون   لان اكيد راح تصير شوفه شرعيه 

المغرب يله رجعن شكران  وخالتي من الصالون 

لابسه فستان وردي فاتح  والشعر حايره شلون مسرحته 

والعطر والمكياج

رهف...ضحكت بكلبي خالتي عبالك مامصدكه 

جاي تكول للولد  اخذها وياك     خالتي فاهمه الشوفه الشرعيه غلط  عبالها  مهر مو شوفه شرعيه 

اني كملت  العشى  كعدنا نتعشى  وخالتي تسوي لفات وتوكل شكران خاف مكياجها يخرب 

المهم الساعه تسعه بليل  اجا عصام 

بلبدايه كعد هو وعمي   تعرفو على بعض 

الضاهر عمي انعجب بي   وهو فعلا مبين محترم 

اجا عمي وكال الخالتي تعاي انتي وشكران 

حتى الولد يشوفها   قبل الاتفاق 

خالتي طارت طارت من الفرح  ما مصدكه عمي قبل بعصام 

راسا اخذت شكران وراحت دخلت على عصام

بس شافها عصام  تفاجئ

عصام...من رخصتكم يمكن صار سوء فهم بلموضوع 

مااقصد هاي البنيه اقصد بتكم الثانيه 

خالتي...ماعدنا بنيه  ثانيه هي بس شكران 

هي هاي الي شفتها وياي بلمحل 

عصام...لا اقصد الثانيه الي لابسه رداء  الي كعدت على  الكرسي 

خالتي.. يااا تحجي صدك    تقصد رهف 

عصام...اي رهف سمعتج تكولين اسمها بلمحل 

اني اريد رهف 

#١٢٠-كيلو

#البارت الخامس

#جمانه السعيدي 

@الجميع 

عصام...العفو يمكن فهمتني غلط   اني قصدي على رهف 

واني من سئلتج هاي بنتج كلتي اي 

خالتي...ما توقعت تسئل على رهف     لان رهف 

رهف...خالتي جانت ناويه تحجي عليه   بس ماكدرت لان عمي كاعد 

عصام...شبيها رهف  مخطوبه 

الفرحه الي جانت بعيون خالتي وشكران انطفت 

بس نورت بعيون عمي 

اي عمي هسه هو الي فرحان   لان اتأكد عصام خوش ولد 

وكان يتمنى ازوج هيج شخص واستقر

حتى يطمن عليه 

عصام...شبيها رهف  ما كتولي 

عمي...مابيها شي يازين مااختاريت   شريفه ونظيفه 

وبت ناس    وحلوه 

عصام...اذا مو بتكم لعد  ووين اهلها 

عمي...احنا اهلها  رهف بت اخوي  وام شكران تكون خالتها 

اهلها ماتو بحادث  واحنا الي ربيناها 

عصام...والنعم منكم ومن تربيتكم 

فعلا يازين ماربيتو      اني جاي اطلب ايد رهف 

ومستعد الكل طلباتكم 

على فكره اني عندي بيت  ملك وماثث   وكامل 

بس منتظر بت الحلال   واي شي تطلبه اني مستعد 

عمي...اني ما تهمني الفلوس بكد ما يهمني اشتري رجال يحافظ على بنتي ويصونها 

عصام...الف رحمه على والديك 

رهف...خالتي من سمعت بلبيت  وسمعت عصام يكول مستعد الطلباتكم 

كامت من مكانها هي وشكران 

شكران  صارت عصبيه ناررر   وخالتي  كامت وهي ادردم  تريد تسمع عصام 

ان هو اختار البنيه الغلط 

خالتي...مالكيت غير هاي الهايشه  صدك ماكو ذوووق 

عايف الغزال ورايح يخطب الهايشه 

رهف...عمي سمعها   صاح بصوت عالي حتى يغطي على كلامها  وعصام مايسمع     صاح بصوت عالي    وووين رهف خل تجي  

عصام سمع  بس ماهمه كلام خالتي لان هو مقتنع باختياره

طلعن  ثنيينهن  ضايجات   

رهف...اني واكفه انظف بلمطبخ    لابسه دشدلشه عاديه 

مال شغل    وكاعده امسح بلطباخ 

طبعا طلعن ثنيينهن ضايحات ويحجن   فاتن من يمي 

 بس ما كالن 

جاي عليج  دخلن بغرفة خالتي وكامن يحجن بعصبيه 

اني توقعت عمي رفض لو مااقنع بلولد وهنا ضاجن 

الهذا السبب 

جمانه السعيدي 

شويه واجا عمي     ...يله عمو تعاي 

رهف...اني لازمه الوصله وامسح    كتله وووين 

عمي...العريس جاي عليج مو على شكران 

رهف....جنت افرك بلطباخ وكفت ايدي وباوعت على عمي 

مستغربه  

راسا عمي اخذ الوصله من ايدي شمرها   وكال يله بسرعه 

رهف....شنو عمو ما فهمت 

كام يحجي كلمه كلمه حتى يفهمني ويبعد عني الذهول الي 

سيطر على حالتي من سمعت هذا الخبر 

عمي....  عصام....جاي.....يطلب....ايدج...للزواج 

جاي...عليج  ...يريدج....انتي مو شكران 

فهمتي لو لا 

رهف...يريدني اني  مو شكران 

عمي...اي ليش مستغربه   انت حلوه وعجبتي  ووين يلكه وحده مثلج   لو يدور الكون كله مراح يلكه وحده مثلج 

سعيد الحظ الي يوكع   برهف 

يله غيري ملابسج وتعاي بسرعه 

حتى نتفق على هاي الزواجه 

رهف...بعدني مامصدكه  كلام عمي   عبالك تحولت الوحده غبيه  بقيت صافنه علي

سحبني عمي من ايدي واخذني الغرفة شكران 

دفعني وطبك الباب    

عمي...يله بدلي بسرعه وتعاي 

رهف...فتحت الكنتور مااعرف شنو البس 

بقيت صافنه         ترا حقي الموضوع اجاني مثل المفاجئه 

بقيت صافنه   رجع دك الباب عليه   يله عموووو  بسرعه 

رهف. .طلعت الرداء ولبسته فوك الدشدشه 

وخليت شال على شعري     بيني وبين نفسي 

اكول عمي متوهم   مستحيل هذا الولد الحلو  المرتب 

جاي حتى يرتبط بيه 

معقوله   شلون واني هيج سمينه 

جمانه السعيدي 

رجع عمي دك الباب عليه

عمو...رهف  ووينج عمووو   ادخل ابدلج ليش اتاخرتي 

رهف...فتحت الباب  وطلعت علي 

اتفاجئ بيه  لان لابسه رداء اسود  وشال اسود وبدون مكياج  حتى معطر نسيت اخلي 

عرف اني مصدومه من هاي الخطبه 

لزمني من ايدي واخذني للصاله       يمشي ومبتسم 

لان فرحان بهاي الخطبه  وفرحان بقناعتي اكثر 

وشكلي البسيط   يعني مجاي احاول ابين نفسي  حلوه 

بلمكياج والبس     طلعت عليه بشكلي الاعتيادي 

دخلنا على عصام    كان مبين علي  الانتظار     من شافنا وكف  على طوله

عمي...قصدك رهف مووو 

رهف...اني باوعت علي بتركيز   منتظره يكول  لا مو هاي 

حسيته غلطان 

لان اني ثقتي بنفسي انهزت  حيل بسبب كلام الناس 

عليه وخاصه خالتي وشكران 

جاي اباوع علي وجها  شكد ملامحه رجوليه  وحلوه 

رد على عمي ببتسامه    اااي هي هاي 

عمي...انت متاكد 

عصام....اي متاكد 

رهف...وجهي صار احمر من الاحراج   والخجل 

عصام....اي اني اريد رهف  اذا توافق  عليه اخليها بعيوني 

عمي...استريح ليش واكف 

تعاي عمو اكعدي هنا كباله     واني اكعد بصفج 

رهف...كعدت وعمي كعد بصفي  حتى يطمني 

عصام....اني اتشرف اناسبكم   سئلت كل الجوارين بلمنطقه قبل لا اجي وادك بابكم 

الناس كلها تحمد بااخلاقكم 

عمي...النا الشرف 

عصام...تفضل كول شنو طلباتكم      

عمي...ماعندي اي طلب بهاي الدنيا بس تحافظ على رهف 

رهف فقدت ابوها وامها واخوها بحادث 

وعاشت محرومه من العائله  وأريدك تكون عائلتها 

حافظ عليها   صير انت الامان الها 

ولله انت محضوظ  برهف   اطيب واحن كلب بلدنيا 

رهف...من سمعت كلام عمي وحنيته عليه نزلن دموعي  لزمت عمي من ايده لا عمو لاتكول هيج  انت عائلتي  

انت ابد ما قصرت وياي بشي 

انت اهلي  كلهم   الله يحفظك اليه 

التفت عليه عمي وباسني من راسي     

عمو.. انتي كنز عمو الي يخليج بيته ربحان 

عصام....اي شي تطلبه مراح اقصر وياكم 

رهف...بقيت كاعده ومندكه مجاي اكدر اطلع من هاي الصدمه الي لا على البال ولا على الخاطر 

اتفقو عصام وعمي على كل التفاصيل   بس اذا اكللكم كلشي ماسمعت ولا عرفت على شنو اتفقو تصدكون 

لان عقلي راح بغير مكان 

مامصدكه اني راح ازوج  اطلع من هذا البيت 

واخلص من خالتي وشكران ومن الخدمه ٢٤ ساعه 

واني جاي افكر سمعت عمي كال  ...شنو رائيج عمو 

رفعت راسي  لكيت عصام يباوع عليه

رهف...شنو ما سمعت 

عمو...تكملين دراسه 

رهف...بكيفكم   اذا هذا الشي ما يزعج عصام 

عصام...ليش انزعج   من حقج تكملين دراستج 

جمانه السعيدي 

طلع عصام وهو متفق وياا عمي الخميس يكون الخطبه والمهر     على فكره عصام يتيم وامه مره جبيره 

عندا اخ ازغر منه مزوج   وامه كاعده ويااا 

من طلع    عصام كال العمي   يحتاج اجيب امي  لان ماتكدر تمشي 

على كرسي متحرك 

عمي...لا انت كافي امك تنورنا بيوم المهر انشاء الله 

نتبارك بوجودها 

بس طلع الولد  سمعنا صوت المواعين تتكسر 

خالتي واكفه بلمطبخ  وتشمر للمواعين 

عمي.. شبيج ليش  تكسرين المواعين 

خالتي.. ووافقت مووو 

عمي.. وليش مااوافق   خوش ولد 

خالتي.. انت ما سئلت عنه شلون تكول خوش ولد

عمي..اني عندي نضره  بس شفته عرفت هو خوش ولد 

خالتي.  موهذا الي جنت معاند يخطب شكران 

عمي..... من حجيت وياا عرفته خوش ولد 

وطلعت اعرف اهله  من كتلج تعاي انتي وبتج 

خلي يشوفها   جنت موافق علي    ومن عرفت هو رايد  

رهف مافرق وياي الموضوع ثنيينهن بناتي

جمانه السعيدي 

خالتي.. انشاء الله وافقت 

عمي..  وليش ماااوافق  للخميس المهر 

خالتي.. رهف بعدها زغيره مومال زواج 

عمي...لا حبيره  وتفتهم ومعدله وام بيت   خليها تزوج 

خليها تخلص من ضلمج

خالتي.. هااا اني هسه صرت ضالمه ربيتها من جانت زغيره 

عمي.  اي تربيه  مشغلتها خدامه الج والبتج 

بس شوفي رب العالمين ما يقبل بلظلم  ابد 

خالتي.  هاي الزواجه مااتم 

عمي.  شنو هو بكيفج مااتم   الخميس المهر 

 اريدج ترتبين البيت وتستعدين 

خالتي...زين خل انشوف شلون راح أتم هاي الزواجه

بعدين انت جان لازم ترفض   شلون تكسر كلب شكران 

من سمعته  كال اريد  رهف حان لازم تكول  

ماعدنا بنات للزواج 

الخاطر بتك   لازم ترفض   هي الي حانت خاله عينها علي

عمي...شو انتي ما تعرفين تحجين شنو خاله عينها علي 

الولد من الأساس هو جاي جاي على رهف مو على بتج 

شلون أكله تعال اخذ شكران 

لو مالك مره عدنا 

انت صدك بلا عقل   شنو الفرق بين شكران ورهف 

ثنيينهن بناتنا 

خالتي...لا اني ماعندي بنيه غير   شكران 

وهاي خوش قسمه ما تتعوض     جان كتله لو شكران 

لو مالك مره عدنا 

عمي...انتي شبيج  شنو هاي الانانيه    صدك عود 

شنو شكران بايره      راح تزوج اذا مو اليوم باجر 

خالتي.. وووين نلكه واحد مثل  عصام

بس مااكول غير   الله ياخذ رهف  ويخلصنا متها 

من يوم دخلت الهذا البيت وبس المشاكل من وراها 

كله بسببك 

عمي....اني اخذتها للسوك لو انتي     انتي اخذتيها وهو شافها  وعجبته

 الولد اصلا عنده ذووةق 

رهف حلوه  وحبابه وتستاهل 

خالتي..  يعني مراح تكول العصام   ماعدنا مره غير شكران 

لو شكران  لو  مالك مره عدنا 

عمي...لا طبعا  مراح اكول   شنو  اددل  ببنتج 

بنتج ماعجبته شنو هو الزواج بلغصب 

خالتي....زين خل نشوف هاي الزواجه شلون راح تكمل 

دخلت خالتي بغرفتها وطبكت الباب 

عمي.. مالج شغل رهوفه  اله اسويلج حفله تخبل 

على عناد المضغوطين 

جمانه السعيدي 

رهف...دخلت اريد انام وجان تهجم عليه شكران 

شكران.. حقيره  تسوين نفسج فقيره   شسويتي للولد

من بقيتي انتي ويااا واحنا دخلنا غرفة تبديل الملابس 

شكلتي شحجتي وخبلتي 

اكو واحد يخطب هايشه    شلون قنعتي 

رهف. ماحجيت وياها   سكتت  لان هي صايره عصبيه 

لان  عصام خطبني

تمددت وتغطيت 

وهي كمزت عليه   ادوس عليه  برجليها 

على راسي على بطني 

موتتني تموت  لمن تعبت   وراحت  كعدت على جربايتها 

وضلت كاعده وتغلط عليه 

تغلط عليه ميخالف بس من سبت اهلي انهضمت 

كمت ابجي   اهلي ميتين   ليش تسبهم 

هما مالهم علاقه 

أحقر شي من انسان تافه وبلا قيمه 

يتسلط عليك   ليش ياربي  وحده مثل هاي تتسلط عليه 

لو اهلي موجودين جان اني هسه كاعده بيت اهلي محترمه 

ومحد.يكدر يقرب عليه 

ثاني يوم خالتي طلعت من البيت العصر 

راحت العصام  حتى تقنعه يعوفني ويخطب شكران 

 بس دخلت علي وشاف شكلها  عرف هي جايه تخرب 

خالتي...من رخصتك اريد احجي وياك 

عصام...اي تفضلي 

خالتي...انت من كل عقلك جاي تخطب هاي الهايشه 

هاي تاكل اكثر ما تتنفس   وبلمدرسه كل سنه راسبه 

ولا عدها اهل  حتى تعاتبهم  اذا غلطت بحقك 

عصام...عاجبتني 

خالتي...شنو عاجبتك   انت شايفها زين 

عصام...شبيها تخبل   اول مره اشوف وحده هلكد حلوه 

والي زاد جمالها  ادبها وخجلها  وحشمتها

 وعمها الي سمعته مثل الذهب  بين الناس 

خالتي...اسمع مني  عوفها اني خالتها ومربيتها على ايدي 

لا تشوفها هيج ترا هاي حيه 

أخذلك وحده نازكه وضعيفه   تطلع وياها كدام الناس وما تخجل منها 

عصام...وليش أخجل منها  شبيها 

خالتي...يااا انت شبيك ماتشوفها شلون سمينه 

عصام..شنو السمن صار عيب   لو ذنب الناس تتحاسب علي 

يعني اني اذا سمين وتقدمة الوحده ترفضني بسبب سمني 

مو مهم السمن  اني بعد الزواج راح اخليها تضعف 

ايجوز عليها ضغوطات  خلتها تسمن 

( عصام كان قصده بعد ماشاف خالتي وطريقتها بلحجي عرف اني مضلومه بيت خالتي  وما ماخذه راحتي) 

خالتي...شنو قصدك بلضغوطات  اني ضاغطه عليها 

لو ضاغطه عليها مجان صارت هلكبرها 

وين اكو وحده ضايجه تسمن 

الي يضوج يضعف  مو يسمن   يسل سل 

عصام...هسه انتي شتريدين 

خالتي...اني اجيت انصحك   واكلك عوفها ما تفيدك 

انت خوش ولد  تستاهل وحده احسن منها 

عصام...شكرا على النصيحه   ممنون منج 

واذا اجيت اشتكيلج  عود  لا تسمعيني  اني عاجبتني رهف 

وراح ازوجها 

خالتي...مع الأسف عبالي تفتهم النصيحه 

عصام...  طلعت ماافتهم شكرا خاله 

خالتي...لاتكول خاله اني مو خالتك 

عصام...شكرا  بكل الاحوال    نصيحتج وصلت 

طلعت خالتي عصبيه من المحل   وهي محتاره شلون تخرب هاي الزواجه   وتخلي عصام  يخطب شكران 

#١٢٠-كيلو

#البارت السادس 

#جمانه السعيدي 

@الجميع 

رهف....مرن كم يوم وخالتي ابد مابطلت تحجي وياا عمي حتى يلغي هاي الخطبه 

راح تتخبل هي وشكران شلون اني راح ازوج عصام 

عبالك   شباب للعراق خلصو 

وعصام اخر واحد   واني راح اخذه 

كل يوم عركه هي وعمي    بسبب هذا الموضوع 

من غير الضغط عليه   بلشغل   والغلط والحجي 

طول النهار ؤحجن عليه  ويغلطن  ويعنني بشرفي 

ويسبن اهلي 

واني ساكته لان مااكدرلهن    ثنيينهن عليه   وياا كمية الحقد الي شايلاتها   يمكن يموتني خلاص

عدهن اموت اهون مااخذ عصام منهن 

يتصرفن عبالك عصام    ملك الهم واني اجيت اخذته منهن بلغصب 

خالتي حست   ماكو فايده من عمي      اجتني تحاول تقنعني ابطل 

خالتي...باعي رهف   هاي الزواجه ماتفيدج 

هذا واحد شايف وعايف تدخل علي كل يوم أشكال البنات 

هسه هو  يريدج لان انتي ما انطيتي مجال 

حسج ثكيله    مو مثل باقي البنات

ولو انتي ثكيله جسم  ورسم 

ماعلينا  هذا الولد  حب يجرب نوع جديد مثلج يعني 

صدكي هاي الزواجه مراح اطول ابد 

كم شهر وراح يطلك ويشمرج 

ولد هلوكت   مزاجيين    وماعدهم صبر     بس تزوجون 

راح يمل بسرعه منج 

ويطلكج    وساعتها اني ما مسؤله عن حالتج هاي 

مراح ارجع استقبلج بيتنا   فهمتي لو لا 

لان اني جاي انصحج  وانتي ما تاخذين النصيحه 

جمانه السعيدي 

من هسه كولي العمج اني مااريد ازوج 

واني اوعدج راح اغير معاملتي وياج 

وراح اساعدج تكملين دراسه   واشيل نص شغل البيت وياج 

اصلا انتي بعدج زغيره   العمر كله كدامج 

زغيره وحلوه والف واحد يتمناج

هااا شكلتي    اني اريد مصلحتج   قابل اكرهج

ترا اني خالتج  واني الي ربينج     

ارفضي عصام     هلمره ارفضي الخاطري 

ترا شكران ضايجه  لان تحبه   وتريده  تقبلين تاخذين 

حبيب اختج 

تزوجين واحد اختج معجبه بي   وتحبه 

من يوم اجا لليوم وهي ضايجه وعصبيه   وتفكر بي 

عوفي  وخل شكران تاخذه 

انتي حلوه راح تجيج فرصه احلى من هاي الفرصه 

بس شكران  من يكول تجيها فرصه  زينه 

الخاطري الخاطري ارفضي 

كولي العمج مااريده     كولي مااريد ازوج    

حتى عمج   يقتنع     ويعوف  هاي السالفه 

رهف....خالتي تحجي واني اكول  بكلبي  شنو هاي الانانيه 

تريدني  اعوفه وتاخذه البتها 

ترا هو الي اختارني   مو اني اختاريته 

شكران  جانت   كدامه كاشخه  وطالعه عروس  بس هو رفضها 

مايريدها 

وخالتي تعرف كلش زين اني مالي ايد بهاي الخطبه 

هو الي اختارني   

جمانه السعيدي 

خالتي....هااا شكلتي 

رهف...من يجي عمي احجي ويااا 

خالتي...عفيه   انت عاقله وحبابه مومثل شكران 

شكران عصبيه  ومتسرعه 

رهف ..قررت من يجي عمي احجي ويااا   مادام خلن عينها على عصام  راح ادخل وياهن بمشاكل ما تخلص ابد 

من رجع عمي بليل   اتعشينا  وعمي راح كعد بلهول على التلفزيون 

خالتي....جيبي المواعين اني اغسلهن  واني انظف المطبخ

وانتي اخذي الجاي العمج واحجيله  على  شغلة الزواج 

من عصام 

رهف....كلت شوف اليوم عدها مصلحه هي تنظف المطبخ 

وتحجي وياي بلناعم 

اخذت الجاي ورحت يم عمي 

رهف.. تفضل عمو 

عمي....شكرا    عاشت ايدج 

رهف..  اريد احجي وياك بموضوع مهم 

عمي...اي تفضلي        اخذ الريمون ونزل صوت التلفزيون 

رهف...عمو يصير ابطل من الزواج 

عمي...ليش صار شي   سمعتي شي 

رهف....لا ماصار شي   بس شكران خطيه   الها  نفس بي 

وتريده    اني بعدين على كيفي وازوج 

شنو خلصو العرسان بلدنيا 

عمي...هااا  هاي سوالف خالتج      اسمعي عمووو 

لولد  جانت كدامه شكران  وخالتج قدمتها اله 

بس هو مايريدها يرردج انتي 

ترا عيب اروح اكله  عوف رهف وأخذ شكران 

شنو تلكيط خيار وطمامه 

رهف...بس  خالتي 

عمي...ابد لا تخافين من خالتج   عوفيها  تحترك 

هي الي قربت النار وهي الي كاعد تحترك بيها 

شنو هاي الانانيه    صدك جذب   

اسمعي اني عندي حل 

رهف...شنو الحل 

عمي...كومي جمعي ملابسج وشغلاتج كلهن 

يله تعاي اني اساعدج 

رهف...وووين اروح 

عمي.  امشي وياي ومالج شغل 

رهف...دخلنا للغرفه  همزين شكران مو بلغرفه 

عمي نزل الجنط  وبدا ينزل الملابس بسرعه 

هو يخلي بجنطه  واني بلجنطه الثانيه    هيج نحشر بلملابس حشر   اني هم ماعندي هواي ملابس 

سدينا الجنط 

عمي...بعد اكو شي 

رهف....لا ماكو شي هاي هي

عمي.. البسي الرداء والحجاب    

رهف..لبستهن   طلع هو كدامي شايل الجنط ثنيينهن 

طلعنا للشارع وطبك الباب وابد محد يعرف بينا طلعنا 

يمشي كدامي بهمه 

أشر التكسي وكفت   صعدنا ثنيينه   ماسمعته شكال 

الابو التكسي  الحجاب مغطي على اذاني 

وصلنا البيت عمتي الجبير ام محمود 

دك الباب  طلع  محمود فتح الباب 

سلم علي   واني هم سلمت ودخلنا للبيت

دخلنا جوه   محمود بقا يباوع على الجنط 

شويه واجت عمتي   بس شافتني حضنتني   وكامت تبوس بيه 

طبعا هي كل فتره تجي تشوفني مره 

تقريبا بلشهر مره وحده تجي ازورني   وجيبلي وياها شي بسيط   لو حلويات   لو معطر 

شغله بسيطه  بس اني شكد افرح من اشوفها 

ولو خالتي من تشوفها اضوج 

وضل كل شويه اصخرني خاف اكعد وياها  واحجيله عن ضيمي 

عمتي جانت تعرف خالتي اضوج منها   مااطول بلكعده 

شويه   وتكوم 

عمتي عدها محمود الجبير مزوج  وطالع بيت وحده 

والثاني ميثم   مزوج وياها بيتهم بس عازل فوك بالطابق الثاني 

وبنات ثنيين  بعدهن يدرسن 

نورهان   وليان 

ابو محمود متوفي صار اكثر من عشر سنوات

جمانه السعيدي 

من دخلت عليه عمتي حضنتني وكامت تبوس بيه 

عمتي...شلونك خويه ابو شكران 

عمي...الحمد لله انتم شلونكم 

عمتي...بخير نعمه من الله 

عمي...من رخصت محمود  اني اليوم جايج  بطلب واتمنى ماترديني 

عمتي.. عيوني    تدلل    مااكدر انسى فضلك  علينا 

ربيت بت اخوي وحافظت عليها 

عمي..  اني اليوم جاي علمود رهف 

عمتي...شبيها رهف   خوفتني 

عمي.. مابيها شي بس تقدملها ولد ابن حلال    

ولد ما يتعوض   وبيتها وحدها 

عمتي...اي بيها الخير  انشاء الله   تستاهل رهف 

معدله  واصيله

عمي....احنا بلبيت وضعنا شويه مخربط   ممكن تبقى هنا بيتكم  منا للعرس 

عمتي...يااا تحجي صدك غير اخليها بعيوني 

يوم السعد والهنا    تكعد رهف  ويانا 

عمي...اني اريد اسويلها حفلة مهر    راح تصير بيتكم 

اذا ماعندكم مانع   كل التجهيزات عليه 

كلشي ماتخسرون 

اني ماامن عليها  بغير مكان     تبقى يمكم منا لمن تزوج 

اذا مااسوي عليكم زحمه 

عمتي....لا ماكو اي زحمه انشاء الله رحمة 

ويوم السعاده والهنا  رهف تبقى عدنا      اني كلبي طاك عليها 

عمي.. هاي هي اتفقنا 

عمتي...فستان المهر والكيكه عليه 

عمي.. ماانريد انكلفج

عمتي...يااا تكلفني هاي الغاليه بت الغالي 

عافني عمي وطلع واني بقت عيني علي  عبالك اليوم صرت يتيمه    شكد احس بلامان  اذا هو يكون قريب مني 

محمود....رهف البيت ببتج  اهلا وسهلا 

رهف...شكرا  

محمود...اني اترخص اريد اخذ شغلات الجهالي وارجع البيتي 

عمتي...الله وياك     باجر اطبخ كراعين تعال اخذ 

حصتك 

محمود....اجن بوكتهن     سناء تكول مااعرف اطبخهن 

طلع محمود  

عمتي.. تعاي جوه يم البنات 

دخلت بس شافني   نورهان وليان  فرحن بيه 

حاضناتني  ويبوسن بيه 

نزعت  الرداء اوالحجاب   وكعدنا نسولف ونضحك 

جابن كرزات  وحلويات 

نورهان....مادام عروسه  ادوس رجلج بلكت اعرس 

وراج 

عمتي...يااا غير تكملين دراسه 

نورهان...وووين رايحه الدراسه   بس العرس ما يتحصل 

ههههههه

ليان....يااا نورهان    تردين تعرسين  تعوفيني وحدي   شوفيلي حماج 

حتى نعرس سوه ههههه 

جمانه السعيدي 

رهف....حسيت نفسي مثل طير جان محبوس 

وفتحوله القفص وطار 

بدون مقدمات فتحت كلبي االهن  عبالك خواتي وكانن مفراكاتني  حتى عمتي   شكد حنونه وطيبه 

كعدت احجيلهن قصة حياتي وكلشي صار وياي 

من يوم انولد مصطفى اخوي وشلون تغيرت حياتي بعد الحادث الي صار الاهلي

شكد تعاطفن وياي    حسيت بحنيه مو طبيعيه 

نورهان...هاي شبيهن اديج ليش هيج خشنات 

رهف...من التنضيف  طول اليوم 

نورهان   ...راح اجيب مرطب   واخليلهن  ماكو عروسه اديها هيج خشنات 

جابت مرطب خلة الاديه والوجهي 

شافن شعري تعجبن بي   سرح وطويل واشكر 

ليان...انتي ليش هيج حلوه 

اني مو بت عمتج  انطيني شويه من هذا الجمال 

حقه عصام من شافج واجا ركض وراج 

يخطبج       

اكلج يمه   ليش اني مو حلوه مثلها    شو اني ملحه 

عمتي...انتي على ابوج   وهي طالعه على ابوها 

ليان...غير تزوجين واحد حلو مثل خالي حتى اطلع حلوه 

عمتي....هو هذا كوه حصلته وين اكو عرسان    ههههه 

رهف....راحه نفسيه مابعدها راحه 

حلوه أجواء العائله 

جمانه السعيدي 

من طلعنا من بيت عمي  خالتي اجت  شافتنا طلعنا 

بقت بقلق   وين راحو 

سئلت شكران     شكران كالت مااعرف 

دخلت شكران للغرفه شافت ملابسي وغراضي كلهن ماكووو 

شكران. .الحكي ماما  ملابس رهف ماكووووو

خالتي....يااا  ماكووو    اخذت ملابسها    ووين راحت 

يمه منها شكد حياله 

عود وصيتها تحجي وياا عمها   حتى يلغي الزواج 

شلون بنيه هاي   حجايت وجهين 

وووين اخذها     بسلا راح يزوجها العصام هسه

شكران....لا مااعتقد    وووين تولي منو يحملها 

من رجع عمي للبيت لاكنا ثنيينهن منتضراته 

خالتي....وين رهف 

عمي...وانتي ليش اتسئلين    شنو علاقتج بيها 

خالتي....وين وديتها  احجي 

عمي...انتي  من البدايه كلتي مااريدها 

لا جيبها بيتنا    هاي اني خلصتج منها    ارتاحي بعد ما تشوفين وجهها

خالتي....يعني شنووو اخذتها العصام البيتا   يااا  هيج انطيتها اله بدون زواج  

عمي....مالج شغل  اهتمي بيتج وبنتج     لا تدخلين 

انتي ما مسؤله عنها 

خالتي...شلون غير بت  اختي 

عمي....اي مو اشوفج شكد حنينه عليها   وشلون مداريتها 

خالتي...واني قابل شسويت الها   شو تاكل وتشرب وساكنه 

عمي....ارتاحي   بعد رهف ماكوووو 

ارتاحي انتي وبتج 

ولا تسئلين عليها    ولا تدخلين بحياتها  فهمتي لو لا 

#١٢٠-كيلو

#البارت السابع 

#جمانه السعيدي 

رهف...بقينا كاعدين الاذان الفجر نسولف 

مابقى شي ما حجينا بي   كل الكلام عني وعن حياتي 

والايام الصعبه الي مريت بيها  بيت خالتي

نورهان....ليش شكران هلكد تلح  ترا هو مايريدها 

شنو ماعدها كرامه   كوه خوما كوه 

رهف....اني طبعا ماجنت احب احجي بهذا الموضوع 

وعمري ما احب احجي أسرار احد 

شكران من البدايه مجانت تريدني اكعد وياها بغرفتها 

خاف افضحها   مصادقه ولد بكد شعر راسها 

تخلص اليل تحجي وياا هذا  وترجع  الهذا 

اني مااعرف انام واكو صوت بلغرفه     هي متوقعه اني غافيه   اليل كله حجي وسوالف 

حتى حجي سخيف    كل واحد تتصل علي تبقى تتوسل بي حتى يجي يخطبها   بس هما ماخذيها تسليه 

مره بقت تبجي   وواحد  عدها علاقه بي اكثر من سنه 

وسمعت خاطب   اتصلت علي وبقت تتوسل بي

حتى يرجعلها    هو من سمعها تتوسل 

حضرها   

عدها احساس بلنقص  تريد تكمله بلعلاقات 

متوقعه من تحجي ويا اكثر من واحد  لازم تحصل واحد منهم يزوجها    ذابحه نفسها على الزواج 

   وواحد   على اساس يحبها  ماخذها البيتهم تتعرف على اهله 

وطالع البيت فارغ      بس هي كايمه تعيط   وتكسر بلباب 

خايف منها فاتح الباب وهي مهزومه منه 

وبعد وبعد   كل الي تحجي وياا تبقى تتوسل حتى يتقدملها 

بس هما يرفضون 

من شافت عاصم شكل وشخصيه  وكارزمه 

وهو راسا سئل خالتي هاي بنتج 

اتوقعت يسئل    عليها   كالت اي بس  راح اخذ واحد حلوه 

ومتمكن  وهو الي راح يجي يخطبني بدون مااتسول بي مثل البقيه

 بيوم الي اجا  خالتي اخذتها للصالون 

وحتى فستان جديد اشترتلها 

بعدين اتفاجئت هو جاي عليه مو عليه 

حست نفسها راح تخسره مثل ما خسرت كل الي قبله 

هجمت عليه  بقت تضربني   اني ممده ومتغطيه وهي ادوس عليه برجليه 

بس خافت لا اعيط  وعمي يسمعني 

عافتني وكعدت على الجربايه ونزلت عليه غلط  وحجي 

بعدين سبت اهلي 

هذا الحجي حيل هضمني 

اهلي ميتين    شعليهم تكعد تسب بيهم 

جمانه السعيدي 

نورهان...ليش ماكلتي الخالتج   بتج تخابر بلولد 

شكران...خالتي ابد ما تحاسبها    عود هاي البنيه الوحيده 

المددله   حتلو تغلط  ما تحاسبها 

بعدين اني ماادخل بينها وبين بتها 

بلاخير اطلع اني الغلطانه   هنا منا يكرهني  والنوب انافق بينهن    غير يموتني تموت 

ليان...شلون تحملتي هذا الضلم وسكتي  كل هذا الوقت 

رهف...وووين اروح  مثلا 

عمي كلش زين وياي   

نورهان...جان اجيتي يمنا ولله نفرح بيج 

رهف...عمي ماقبل   ابوكم جان موجود ولولد بعدهم مامزوجين

كال ابوهم رجال غريب  وولدهم شباب واخاف عليج 

صدكي عمي حتى يوصلني للدوام ويرجعني بايده 

هلكد يخاف عليه

كل يوم عركه هو وخالتي   علمودي 

حتى خالتي تخاف منه من يدخل للبيت ما تكلفني بلشغل

لان مايقبل  عليه 

ليان...صدكي لو جايه عدنا من زمان  جان خطبناج الواحد من الولد حتى تصيرين جنتنا 

رهف....من ازوج محمود  جان عمري ١٣  ومن ازوج ميثم جان عمري ١٦  يعني بعدني زغيره

نورهان....صدك كلشي قسمه ونصيب 

ليان...شلون شكلها شكران اني ما شافتها من وفاة خالي 

رهف...نفس شكلها  ما تغيرت 

بس زادة حقد وانانيه    والسبب خالتي هي الي جاي اشجعها على هذا الشي 

نورهان...باعي منا للعرس  تكعدين مثل الاميره 

كله مساكات   للوجه   وترطيب للجسم 

كون اطلعين غير وحده 

ليان...انتي اضحكي على نفسج   هي حلوه بدون كلشي 

دشوفي العيون    ماشايفه  هيج لون قبل 

نورهان...ولج لا تحسديها خليها تعرس  على خير 

جمانه السعيدي 

رهف...هلكد ما بقينا نسولف   للصبح    ثاني يوم اني والبنات 

بقينا نايمين للضهر    كعدنا لكينا عمتي طابخه كراعين والريحه تارسه البيت 

طابخه على صفحه دجاج شوي 

عمتي...اني طبختلج دجاج خاف ما تحبين الكراعين 

رهف...لا احبهن   لا تعبين نفسج عمه    واطبخين وتوكفين بلمطبخ   اني اكل حالي حالكم 

خاف عبالج سمينه واكل اكثر منكم 

عمتي...الف عافيه   حبيبتي    إذا واحد صحته زينه ليش ماياكل 

كملنا اكل والبنات  ماقبلن انضف   هنا نضفن المطبخ 

بعدين دخلني للغرفه   وبدن  يخليكي كريمات 

ومرطب 

وقناع الوجهي 

اجت عمتي كالت عمج اجا يريدج

اجيت اشيل القناع البنات ماقبلن    لا تشلينه  هيج اطلعي 

من طلعت العمي بس شافني ضحك 

عمي...شنو هذا 

رهف...البنات ماقبلن اشيله  من وجهي 

عمي...بالعافيه حبيبي 

هاج عصام دزلج فلوس المهر   خل عمتج تاخذج 

اشتري ذهب وملابس  واي شي يعجبك 

واذا الفلوس ماكفن  اتصلي عليه واني انطيج بعد فلوس 

اصيرلج فلوس 

اني كم رهف عندي 

رهف....كلشي مااريد بس رب العالمين يحفظك اليه 

عليك  الله   خالتي شكالت من طلعنا من البيت

عمي....من البارحه لليوم   ووين رهف وووين خليت رهف 

شوفي شكد غبيه تكول اخذتها العصام حتى يزوجها 

رهف...الله يهديها  انشاء الله 

عمي...شيهديها من يوم ازوجنا لليوم   وهي هذا حالها 

مشاكل ما تخلص    تخلق المشكله خلق 

صدكي لو ما  الولد وشكران اخاف يتبهذلون

جان طلكتها من زمان      هاي مو مره مرمره 

رهف....خير انشاء الله 

عمي....اخذي عمتج وروحي اشتري اي شي يعجبج 

واريدج توصين عمتج خاف تجي خالتج 

تكول رهف مو عدنا   فهمتي لو لا 

ولا تخليها تدخل للبيت ابد   منا لمن يتم الزواج على خير 

رهف...انشاء الله     جمانه السعيدي 

ثاني يوم اخذتني عمتي وراحت ويانا نورهان 

اشتريت ذهب    يعني تقريبا  اتلث ارباع  المبلغ  

اشتريت ذهب  والباقي جبت بيهن ملابس 

أصعب مهمه  الكه ملابس على قياسي 

الملابس الحلوه ما تجي على قياسي 

واذا اكو ملابس قياس خاص   تصميمها موحلو 

الذهب جبته بااول يوم   و٣ ايام  اني ادور ملابس حلوه 

على كدي 

احا يوم المهر  من الصبح عمي دك الباب 

كراتين كيك وعصير وماي     

وعمتي حجزت قبل بوم كيكه جبيره للمهر    واخذتني 

جبت بدله نيلي تخبل 

 حجزنا صالون   ورحنا اني ونورهان 

وليان بقت ترتب بلبيت  علمود الحفله 

ام الصالون من شافتني  بقت صافنه عليه 

اول كلمه كالتها 

سبحان الخالق المبدع    شنو هاي البنيه 

تخبل      بعدين ابتسمت وكالت لو اضعفين 

جان صرتي احلى 

لان اول مره احف وجهي   بحياتي  واخلي خيط على وجهي 

وارتب حواجبي      طلعت مو اني 

لبست بدله نيلي   ردن تول   وشعري عافته مفتوح 

لان هو سرح وطويل  لونه اشكر   يخبل 

بس خلت تاج بسيط    مرتب  ومكياج يخبل 

طلعت وحده ثانيه    

طلعت اخبل بلنيلي   اني بيضه  طلعت اشع   

حتى بينت ضعيفه بلبدله   مو كلش سمينه 

اجا عمي اخذني من الصالون   البيت عمتي 

بعدين اجا العريس ووويا شكد زلم   عشرين سياره 

بس نسوان قليلات 

امه خطيه اجت على كرسي متحرك 

وزوجت اخو وبنات خالته  ثنيبن 

امه بس،شافتني بقيت تصلي على النبي

ام عصام....يمه  تخبل كمر كمر  مو بنيه    حقه عصام 

بس يسولف بيج 

اول عقدولي   بعدين عقدو  العصام 

شويه واجا  بس شافني   وجها كله ابتسم 

قرب عليه كال مبروك 

رهف...الله يبارك بيك 

قرب عليه وهمس باذني 

عصام...اني شفتج  بلرداء والحجاب بدون مكياج 

تخبلت عليج     النوب اليوم شطالعه 

انتي اكيد تردين تكتليني 

عمي هاي شمسويه    طالعه تخبلين 

رهف ..حسيت نفسي محرجه    البنات شغلن اغاني 

وهو سحبني اله تركصين وياي 

شكد حلو يركص      واني بس  اهز بنفسي على كيف 

بعدين لبسني الذهب 

حسيته صدك فرحان بيه 

هذا الاحساس وصل الكلبي   ومنا بديت احبه وتعلقت بي

جابلي تليفون هديه   خال بي بس رقمه 

ورقم امه   وخال صورته خلفيه 

جمانه السعيدي 

مافرحانه بلذهب ولا بلملابس ولاحتى بلتليفون 

بس فرحانه بي هوو 

حسيت هو هذا العوض من رب العالمين 

بعد كل سنيين التعب والضيم 

بس خلصت الحفله   كال بدلي نطلع نتعشى برا

اترخص من عمي وعمتي      حتى نطلع سوه 

اني لبست   نفنوف طويل ومحتشم   وحجاب 

وطلعنا بسيارته 

رحنا مطعم راقي      

شكد اني احب الاكل ومخلصه معضم وقتي بس اكل 

اول مره استحي اكل 

واحس نفسي ماأحب الاكل هلكد 

اكلت قليل   وبطلت 

عاصم...اكلي ليش  ما تاكلين   لاتستحين مني 

اكلي براحتج  

رهف.. اول مره احس نفسي موجوعانه 

يمكن لان مرتاحه  نفسيا     قبل كلما اضوج ااكل 

عصام...ماعاش الي يضوجج    واني موجود 

رهف...الله يحفظك اليه 

بعد العشى رحنا  للمول  نفتر    اشترالي ألبوم للصور 

وكفر للتليفون 

واخذنا كم صوره اني ويااا  سوه 

شربنا بببسي    شفت دب ابيض   حلو عجبني 

راح جابليا 

رجعنا للبيت  الساعه    ١١ بليل 

وصلني للباب وراح 

دخلت لكيت البنات منتظراتني 

بدلت وكعدنا نسولف 

اول مره انسى الاكل   ومااحس نفسي جوعانه 

يمكن  راح اخلص من مرض الاكل الزايد 

رهف.. خالتي بعد حفلة المهر عرفت اني بيت عمتي

اجت عليه  اتريد ترجعني للبيت 

طبعا خسرت الخدامه الي جانت شايله البيت كله على راسها 

وهم تريد تعرف اخر الاخبار 

يمتى العرس   شنو باقي التفاصيل    

شكد اشتريت ذهب      اني وعصام شلون العلاقه بينا 

دكت الباب طلعت عليها    ليان    

سلمت على ليان    و دخلت 

خالتي...اريد اشوف رهف

ليان عرفت اكو شي بلموضوع 

كعدتها بلصاله  واجت  علينا   عمتي جانت نايمه 

واني ونورهان   ندور بدلة زفاف 

ليان...ولج رهف خالتج اجت 

رهف...شتريد   لا حكتني

عمتي سمعت   كالت لا اطلعين اني اطلع عليه 

ابد لا اطلعين   لو تسمعين العياط  واصل السابع جار 

لا اطلعين ابد 

طلعت عمتي عليها 

واني والبنات رحنا وكفنا بصف الباب نسمعها شتريد 

عمتي....هله باام شكران 

خالتي...ماعليج سلام    شلون تاخذين رهف   من بيتنا 

اني ربيت وكبرت  تالي  تاخذيها على الجاهز

عمتي...انتي هم ماعليج سلام 

طفله اخذتيها لحمه زغيره  مشغلتها خدامه بيتح 

تكرب النهار كله 

حتى ملابسجن الداخليه تغسلها 

خالتي...بت اختي هاي   واذا خدمتني موعيب

بعدين منو كال هي تغسل ملابسنا الداخليه 

احنا جنا شايليها شيل 

عمتي...من شكلها     اديها عبالك خشب    مكعده بتج 

وتكربين على هاي المسكينه 

جان خليتي الله بين عيونج  هاي بت اختج ويتيمه

خالتي... لازم هسه انتي مكعدتها اميره  بيتج 

كلشي ما تشتغل 

ايجوز كاعده تخدم بيج انتي وبناتج  خوش لكيتي خادمه 

بلاش 

اني اتعب و اكبر وانتي تاخذيها على الحاضر 

يله صيحي عليها ترجع وياي 

رهف تطلع عروسه من بيت عمها الي رباها وتعب عليها 

مو من بيت رجال غربب 

عمتي...شو انتي ما تعرفين تحجين 

هذا بيت عمتها    مو بيت رجال غريب 

رهف ماترجع وياج   كافي   تعبت هواي خليها ترتاح قبل عرسها 

خالتي...شنو هو بكيفج       رهف  رهف    رهف  خاله 

تعاي   لازم ترجعين وياي 

رهف....طلعت عليها  كتله اني ماارجع وياج 

كافي عليه عمري الراح 

ومازعلانه منح   اني هنا بيت عمتي    عايشه معززه مكرمه 

خالتي.. من يمتى هذاالسان الطويل عليه 

رهف...اني جاي احجي وياج باادب    ما غلطت ولا صحت عليح 

خالتي...شبسرعه  صرتي هيج تحجين 

رهف...ادافع عن نفسي  ما مسويه شي غلط 

خالتي...اني طالعه بس قسما بلله  اذا ماخليتج تتندمين 

وتبجين ابدال الدموع دم يارهف 

مااصير اني ام شكران 

#١٢٠-كيلو

#البارت الثامن 

#جمانه السعيدي 

@الجميع 

اسبوعين بين المهر  ويوم الزواج 

لان عصام  كان مجهز كلشي   البيت ماثث وكامل   حتى غرفة النوم جاهزه 

عصام كان مستعجل على الزواج  حيل    كنا نحجي اني وياا طول الوقت ونتفق على كل تفاصيل الزواج 

من  يتصل ونبقى نحجي اني ويااا 

حتى إذا اجو زباين للمحل يعوف التليفون مفتوح 

يخلص شغل ويرجع نحجي اني ويااا

شكد حاول يعرف شنو نوع العلاقه بيني  وبين خالتي 

لان مبين هي ماتريدني   وكارهتني وتفضل بتها عليه 

خاصه وهو حجالي شلون خالتي اجته للمحل وحاولت 

تقنعه يعوفني 

وشلون هو بقى متمسك بيه 

بس اني ابد ما حجيت شي   مهما يكون تبقى خالتي 

واني عشت بيتها عشر سنوات 

بغض النظر كنت مرتاحه لو لا 

بعدين مايصير اكشف كلشي  عن حياتي كدامه  اني بعدني 

ماعشت ويااا    

ايجوز نختلف بيوم من الايام    

خاف يحس نفسه  طلعني من الجحيم     ويحسسني بلنقص 

ويكعد يعيرني باااهلي

كنت دائما اذكر  خالتي وعمي بلخير 

بس بلحقيقه   اني اذكر عمي اكثر    وامدحه   

لان هو يستاهل     احجي عنه بلخير والطيب 

خالتي طول هاي الفتره كل يوم عركه وياا عمي  بسببي 

تكله انت الي قويتها عليه 

انت الي كبرت راسها   وخليتها تطلع من  طوعي   وتكلب عليه  ماغزر بيها الربه 

عمي بين يوم ويوم يجي  يكول اني وخالتج ما نحجي 

واذا ججينا تعاركنا 

اخذت فراشي ونمت بلصاله من وراها 

ماتنحمل  محملتني مسؤلية زواجج     ودها كون تحركني 

لان طلعتج من البيت 

رهف....حملتك شي فوك طاقتك   اني اسفه 

بيتك صار جحيم بسببي 

عمي...لا مو بسببج  هي هيج سحر من يوم خذتها لليوم 

تحب المشاكل   تخلق الطلاب من جوه الكاع 

تحب تفرض رائيها عليه   وعلى كل الناس حتلو كان رائيها غلط   

رهف....هسه كم يوم تقبل بلامر الواقع بس اتشوفنا ازوجنا وتسكت 

عمي...انشاء الله  الله يهديها     ولله صايره  ما تنقبل ابد 

رهف....الله يساعدك 

عمي.  عوفينا منها انتي محتاجه شي 

رهف...ما محتاجه غير سلامتك 

عمي....الله يسلمج   انتي وجه الخير كله  من دخلتي بيتنا لليوم واني  الله رزقني من خيره 

بلاعدد ولا حساب   بالعافيه على عصام    راح يخليج بيته 

رهف...انت نيتك صافيه  والله منطيك على كد نيتك 

عمي...الله يحفظج يابويه    انتي ربيتي نفسج بنفسج 

ونعم التربيه 

احسن مني بنيه وحده وماعرف اربيها   خربتها عليه سحر 

الله ينتقم منها   خربت بيت كامل بهاي عقليتها السخيفه 

رهف....لاتشيل همي عمو   لا تخاف عليه  بعمري مراح انزل راسك    ابد    اني لو ماانت بحياتي جان ضعت 

عمي...لا ولله انتي معدله من كاعج   وما محتاجه احد يعلمج

رهف...رن تليفوني 

عمي...هذا اكيد عصام    اترخص منج  واذا تحتاجيني شي 

بس اتصلي عليه 

رهف...انشاء الله 

جمانه السعيدي 

رهف.....طول النهار نحجي اني ويااا     تقريبا عرفت عنه كلشي 

شنو يحب شنو بكره 

مانفصل التليفون اله  وقت الاكل لووقت النوم 

كل     كم   يوم يجي  ساعه بليل   نكعد اني ويااا 

ويروح 

يكول عيب هذا البيت بي بس نسوان   زحمه كل شويه جاي 

عليكم

لازم احترمج واحترم عائلتج 

بيوم اشترا قاط العرس اخذني ويااا 

اختارينا سوه     ومن اني رحت اختار بدلة عرسي  اجا وياي هو اختارها على ذوقه 

مدري شعجب لكيت بدله على كدي وحلوه 

بيوم العرس الصبح جابلي ريوك   وكعدنا نتريك اني ويااا 

بعدين اخذني للصالون   

كلما اشوف الفرحه بعيونه يزيد حبي اله  اكثر واكثر 

كنت ادعي ربي يديم عليه هاي السعاده ومايحرمني من عصام   ولا عمي 

لان هما سبب سعادتي بعد رب العالمين 

يوم عرسنا احلى يوم مر عليه من يوم اجيت  الهادي الدنيا الهذا اليوم 

كل تفاصيل هذا اليوم عندي مميزه وحلوه 

الزفه تخبل      عصام يسوق بلسياره واني كاعده بصفه 

حسيت نفسي طايره ولا عبالك نمشي على الكاع 

وصلنا البيتنا لكيت عمتي  ام محمود  واصله قبلي 

وعمتي ام عصام    محضرات الأكل 

ومعطرات البيت 

بس دخلنا عمتي ام عصام كامت تقرا علينا ايات 

عصام...هااا حجيه تخافين علينا 

ام عصام.. اي ولله اخاف عليكم 

رهف...دنكت عليها وبستها  من ايدها 

ام عصام ...الله يرضا عليج 

رجعت بست عمتي ام  محمود  من ايدها وراسها   لان لو ما 

هي   مكعدتني  بيتها الله العلم شصار بيه  

بعد العشى راحن عماتي ثنيينهن    

عصام...واخيرا اجت اليوم الي كنت منتضره 

تعرفين  امي شكد صار تلح عليه حتى ازوج 

وكل البنات ما عاجبني كل يوم مرشحتلي وحده شكل 

كلهن بنات عوائل وخريجات  بس  مايعجبني مااعرف ليش 

كلبي جان منتظرج

   من غير البنات الي يجن 

يشترن مني    يوووو حرشه حرشه مو معقوله   اكو بنات 

فعلا بدون اخلاق   ولا يعرفن ريحة المستحه  شلونه 

بس من شفتج    عبالك وواحد وكالي هاي  اي هي هاي 

حسيت نفسي حبيتج من اول مره شفتج بيها 

جمال وأخلاق وادب 

فوك كل هذا الجمال الثكل   والادب   ومحترمه نفسج 

غاليه  مارخصتي نفسج 

كلشي بيج  عجبني

صدكي اكو يجن يعرضن عليه علاقه مقابل قطعة ملابس 

مايجاوز سعرها ٢٥ الف 

اني كلما اشوف هيج بنات اكول يمكن اني راح ابقى بدون زواح    لان مجاي اشوف وحده زينه ومحترمه 

رهف....ممنوع بعد تصير عينك منا لو منا  فهمت لو لا 

عصام....شنو مخبل   عندي كمر ١٤  وعيني تروح هيج لو هيج   خلاص اني قفلت ملفات  البنات 

لان اخذت حوريه من الجنه 

رهف...الله يحفظك    ويفرحك بكد مجاي ادخل الفرح الكلبي 

جمانه السعيدي 

عدت هاي اليله  وكانها من الف ليله وليله

اربع ايام عصام مليقبل يطلع للشغل  مكابلني وكاعد 

وعمتي ام محمود تطبخ ودز اكل 

وعمتي ام عصام ابد ماقصرت ويانه   بلاكل والحلويات 

شهر كامل واني ماداخله المطبخ 

لو عماتي يدزلي اكل  لو انجيب جاهز 

سبحان مغير الاحوال   جنت اكرب ليل نهار هسه كاعده لاشغل ولا عمل 

رجع عصام الشغله   يطلع بلعشره الصبح 

ويرجع ب ١١  بليل   مرات للساعه ١٢   يله يرحع 

بس اني ويااا على اتصال    متواصل  من يطلع لمن يرجع 

يكول خاف اضوجين وحدج 

كلما تمر عليه لحظه من الفرح والسعاده 

اكو هاي هيه رب العالمين عوضني أجمل عوض  بلدنيا 

خالتي وشكران بهذا الوقت  صابهن جنون    لان زواجي 

كان حديث الاهل والأقارب 

الكل  يحجي بتفاصيل يوم عرسي

وبيتي  حياتي   ولهفة عاصم عليه   واهتمامه الزايد بيه 

طبعا هذا الشي ماجاي على هواهن 

باعتبار عصام جان الهن واني اخذته منهن 

هنا هيج كانن يفكرن 

عصام الهن واني اخذته منهن 

والي اله حق لازم يرجعه     مادام عصام حقهن 

لازم يرجعنه   وهذا الخير  كله هنا أولى بي مني 

شلون يكدرن يخربن حياتي    كعدن يفكرن    شلون هاي الحياة لازم تخرب 

اني مااخذ شي  احسن منهن 

اذا يردن يخربن حياتي لازم  يعرفن كل تفاصيل هاي الحياة 

لازم يكونن قريبات مني 

حتى يكدرن يتحكمن   بكلشي 

اول خطه  خلنها   وقررن يبدن بيها      لازم ترجع العلاقه بيني وبين خالتي 

تتحسن العلاقه ويكدرن يدخلن بيتي   

بعد شهر من زواجي    هذا الشهر مر عليه عبالك يوم واحد 

شكد جنت فرحانه    طايره من الفرح 

مااكدر اوصف اهتمام عصام بيه   اهتمام فوك الوصف 

وعمتي وبنات عمتي ابد ما  عافني 

يسئلن عني ويجن يزورني  ويجيبلي   اكل 

اما عمتي ام عصام 

مااكدر اوصف حنيتها عليها   حتى زوجت   حماي 

انسانه مثقفه وراقيه بشكل 

جمانه السعيدي 

بعد شهر من زواجي اتصل عليه عمي 

رهف.. هلو عمو شلونك 

عمي.. الحمد لله   انتي شلونج 

رهف...بخير دام انت سالم وتذكرني 

عمي.. انشاء الله دوووم   اريد احجي وياج بموضوع 

رهف.. اي كووول اسمعك 

عمي...خالتج صار كم يوم  بس تحجي بيج  وتكول شكد متندمه   لان جنت موزينه ويا رهف 

جاي اشوف  اختي بلحلم   ضايجه مني 

اني جنت بلاعقل   وماافتهم   ورهف طلعت احسن مني

اني ليش هيج  سوت بيها 

مسكينه شكد تحملت مني اااذيه 

رهف... هاي خالتي هيج تكووول 

عمي.  اني مستغرب اكثر منج 

رهف..  الله يهديها 

عمي... تكول اريد اروح اعتذر منها واخذلها هديه 

وتريدني اجي وياها 

اني ما قبلت   مااريدها تدخل بيتج خاف اضوجين 

بس شو  سالفتها جنها صدك 

ووضعها كله متغير    صايره حبابه   وماتسوي مشاكل 

وبس تحجي بيج طول الوكت 

رهف.. ايجوز صدك حست بغلطها 

عمي.  تقبلين اجيبها تعتذر منج      

رهف...عليمن تعتذر    مهما يكون تبقى خالتي 

خليها تجي    اني ما شايله بكلبي عليها    

عمي...انتي متاكده 

رهف...اي متاكده    خل تجي اهلا وسهلا 

عمي.. مراح اخليها اطول  ربع ساعه واخذها ونطلع 

رهف...اي انت ابقى   كاعد لا تطلع   اله تأخذها وياك 

عمي.. هاي هي اتفقنا  على باجر بليل 

رهف.. اي انتظركم 

عمي   تمام    موعدنا باجر 

من رجع عصام حجيتله كلشي صار بيني وبين عمي 

عصام....عادي خل تجي اهلا وسهلا 

رهف...خوما يضايقك وجود اهلي بلبيت 

عصام...بلعكس   اهلا وسهلا بيهم 

ثاني يوم اندكت الباب   رحت فتحتها 

بس شافتني خالتي كامت تبجي    حضنتني وكامت تبجي 

بقيت مذهوله من تصرفها معقوله هاي خالتي 

الي اخر مره  كالت راح اخليج تتندمين   وتبجين بدموع دم 

بقت تبوس بيه وتبجي 

خالتي..  اسفه  اني اسفه     سامحيني    مااعرف شلون اعتذر منح 

رهف...لا تعتذرين    ماصار شي    تفضلي تفضلي

دخلت جوه هي وعمي 

عمي.. شلونج عموووو

رهف.. اهلا وسهلا

خالتي...يمه رهف فدوه سامحيني  واني مستعده 

اقدملج اعتذارات  منا  اليوم القيامه 

اني شكد غلطت بحقج     جنت غبيه ماافتهم 

توني يله وعيت على نفسي     فدوه  العينج اعذريني 

اني مثل امج 

رهف.. خاله لا تعتذرين  مصار شي 

خالتي...شلون  مصار شي   اني اذيتج هواي 

رهف.. اني سامحتج من كلب ولسان 

خالتي....ولله انتي احسن مني الف مره    اعقل مني 

اني مدري شبيه    تخبلت كمت اتصرف بلاعقل 

الشيطان ركب عقلي 

رهف...عوفي هذا الحجي نبدي من جديد 

سولفلي شلونج منو يساعدك بلبيت      

خالتي....منو يساعدني بعد ماجنت مدلله     من انتي وياي 

هسه حال الضيم حالي   اكرب وحدي ليل نهار 

وهاي شكران بس النوم  كلشي ما محصله منها 

رهف.. لا تعبين نفسج انتي ماتكدربن 

خالتي.  اوي فدوه الحلكج   الله يسعدج دنيا واخره 

رهف..عمي كاعد ومتفاجى من كلام خالتي 

سبحان   مغير الاحوال من حال إلى حال 

#١٢٠-كيلو

#البارت التاسع 

#جمانه السعيدي 

رهف...بليل ماكدرت انام  منظر خالتي  هي تبجي مايروح من بالي 

معقوله تندمت على كلشي سوته وياي 

هيج بسرعه الندم دخل كلبها 

ابجوز صدك على حجيها امي اجتها بلحلم     وحست بغلطتها   كلشي يصير 

صار عشر سنوات راوتني الويل    وهسه يله حست بغلطها 

يله قابل اني شريد منها   اني بعد ازوجت خلاص

وزوجي خوش انسان   وخايف الله  ويعاملني احلى معامله 

الله يهديها  قبل عبالها يعوفني وياخذ شكران 

هسه بعد مابيها مجال   اخذني  خلاص 

اني ليش مدوخه نفسي وافكر زايد

ايجوز صدك  اتندمت    الله قادر يغير الاحوال 

ايجوز حالها تغير      الله يهديها 

ثاني يوم الصبح كعدنا نتربك اني وعصام ودك تليفوني 

عمي جاي يتصل 

عمي ..صباح الخير 

رهف...صباح الخيرات    شنو هلصباح الحلووو 

عمي..  ماغيرج حلوه وصباحك احلى صباح 

راسا عصام كرصني    من رجلي  عود اغار  لاتحجين هيج 

رهف...شلونك عمو 

عمي...الحمد لله  تمام    اليوم خالتج عازمتج على العشى  انتي وعصام 

رهف...ليش اتكلفون نفسكم 

عمي...وووين التكلفه  احنا شنجازي منج  شلتينا شيل 

 اني ماصدقت خالتج  الله هداها  والأمور استعدلت 

رهف....ولله ياعمو لو انطيك عيوني قليل بحقك 

رجع عصام كرصني كرصه أقوى من الاولى 

رهف....ااااي 

عمو...اكيد عصام كاعد يمج ويغار ما يقبل 

رهف....اي شمدريك 

عمو...حقه يغار  عليج  

رهف....خل اسئله يجي وياي للعشه 

هااا تجي وياي البيت عمو للعشى 

عصام...لا مااكدر اعوف المحل   انشاء الله غير يوم 

رهف...انت سمعت   مايكدر 

عمي. .خلاص اني اجي اخذج   ومن يخلص شغل 

يمر عليج   ترجعين وياااا 

رهف...تمام    سديت التليفون 

عصام...هلمره  سكتت الخاطر عمج   اذا سمعتج تحجين ويااا هيج لو وياا اي واحد   ما تعرفين شسوي 

رهف...يااا غير عمي ومربيني     

عصام...لا تخليني اشعل صفحة عمج   ممنوع يعني ممنوع 

هاي كلمة حبيبي ومشتاقه    وهذا الصباح الحلو 

وعيوني وكلبي   ذني بس اليه    ممنوع السانج يكولهن الاي احد غيري   لا اكص السانج 

رهف....يااا هههه  تحجي صدك 

عصام...لا اتشقى  طبعا احجي صدك   كوليهن كدامي الاي احد وشوفي شسوي بيج 

رهف...لا مو الهدرجه 

عصام...اكثر   من هاي الدرجه   بس جربي وكولي حبيبي الواحد غيري  وشوفي الوحش الي راح يطلعلج

رهف...عليمن   يطلع الوحش   الطيب احسن 

اسفه وبعد مااعيدها

بس توجع   ليش كرصتني  اذيتني   

عصام...حتى تاخذين درس        وبليل اليوم اقفل المحل من وكت واجي اخذج    بيت خالتج عدهم ولد ومااقبل تبقين عدهم 

رهف....هما واحد عمره ١٦ وواحد ١٤   يعني زعاطيط 

عصام....شباب مراهقين وينخاف منهم 

رهف...تمام 

عصام...وممنوع تنزعين الحجاب    فهمتي لو لا 

رهف...حاضر بعد اكو أوامر ثانيه 

عصام....لا هاي هيه    بله اشوف رجلج   صارت حمره 

رهف...صارت زركه   مو ايد عبالك   جلابتين 

انت شنو تطلبني ثار 

عصام....اسف   وجعتج 

رهف...اي وجعتني   

عصام...اسف  بعد مااعيدها        يله اني اجيبلج وياي 

هديه بليل واصالحج 

رهف...مااريد هديه   اريد شي واحد  اذا صار بينا خلاف 

ابد لاتمد ايدك عليه 

احجي وياي عاتبتي      بس لاتمد ايدك عليه 

عصام...يله وهاي بوسه وبعد مااعيدها مره ثانيه 

رهف... اني هم مراح اضوجك ابد 

عصام...فدوه لمريتي الحلوه   الي تسمع الكلام وماتعاند 

جمانه السعيدي 

رهف...طلع عصام نضفت الييت  وسبحت وبدلت 

ماتغديت لان الساعه  عشره   اتريكنا متاخر   

بقيت انتظر عمووو  قبل الاذان بشويه اجاني 

وصلت البيت عمي 

استقبلتني خالتي بلباب   حضنتني وتبوس بيه 

وشكران  بس شافتني ضحكت  وحضنتني 

شكران...خوما شايله بكلبج عليه 

رهف...عليمن اشيل بكلبي عليج   احنا خوات 

اني نسيت كلشي 

دخلت    اجووو   الولد سلمو عليه 

شكران...نزعي الحجاب  ماعدنا احد 

رهف....لا عوفيني هيج احسن       عصام مايقبل 

شكران...عليمن مايقبل  احنا غير اهلج 

رهف...ميخالف اني احب احترم رائيه  

رحت اساعدهن بلمطبخ    بس ما قبلن   كالن اكعدي واسكتي انتي عروسه 

حايران شطابخات   كعدنا ناكل كلنا سوه 

خالتي...شلون عصام وياج 

رهف....عصام  دره   ما ينوصف ابد    يحبني ومقدرني 

خالتي....يمتى يطلع يمتى يرجع  للبيت 

رهف...يطلع الساعه عشره  الصبح ويرجع الساعه ١٢ بليل 

شكران...تخلصين النهار كله وحدج 

رهف...شعندي انضف البيت   اسبح  احضر عشى 

اتصل على بنات عمتي  نسولف 

يخلص النهار 

شكران...زين ومتحمله  لو اني مااكدر اتحمل ابقى طول النهار وحدي 

رهف...اني ماأحب الطلعه  هلكد   وبيتي نظيف ومرتب 

اذا عندي وقت انام   ارتاح 

شكران...اريد اجي اشوف بيتج 

رهف...اهلا وسهلا    هله بيج 

شكران....وبيج اكثر    

كملنا عشى  وكعدنا نشرب جاي   

شكران....بله تليفونج   خل اشوف صور عرسج 

رهف....  ماخاله بلتليفون بس كم صوره اني وعصام 

من تجين بيتنا  اشوفج الصور 

شكران....خل اشوف صورتكم سوه 

رهف...هاج  شوفي 

انطيتها التليفون  وبقينا اني وخالتي  نسوالف 

ماانتبهت عليه   بعدين رجعتلي التليفون 

شكران...حلوين لا يكين واحد للثاني 

رهف....شكرا    

الساعه عشره  اندكت الباب 

طلع عمي  سمعته   كال هله بعصام   تفضل 

عصام...لا مااكدر تعبان ممكن   تصيح رهف حتى نرجع البيتنا 

خالتي بس سمعت اسم عصام خلت الشال على راسها 

وطلعت علي 

خالتي...ليش ماتدخل   عيوني    احنا هم اهلك 

عصام....لا ولله تعبان 

رهف...طلعت  علي سلمنا عليهم ورجعنا البيتنا 

جمانه السعيدي 

رهف...اليوم من وكت 

عصام....كله بسببج 

رهف.. اني شعليه 

عصام... بقيت افكر بيج    وطار واهسي كله 

رهف.  ماتفكر بيه كل يوم وترجعلي من وكت  احسن ماابقى انتظرك النهار كله 

عصام...بعد اذا عزموج بيت عمج لا ترحين 

رهف...ليش 

عصام...ماارتاحلهم 

رهف....ماترتاحلهم     اني عايشه بهذا البيت عشر سنوات 

عصام...ممكن تسمعين الكلام 

رهف...سكتت       ضجت من كلام عصام 

بس وصلنا شافني عرف اني ضايجه 

عصام...ليش الحلو ضايج 

رهف.. انت تشك بيه   اذا تشك بيه كول  خل افتهم 

عصام...طبعا مااشك بيج  شنو اشك بيج 

بس انتي على نياتيج     فقيره  تصدكين بلناس 

بسرعه 

وهاي الناس حياله    اني عندي خبره بلناس  هلكد ماشفت 

ناس أشكال واللوان 

مااريدج تصدكين    بكلشي  صيري حذره من الناس 

رهف....غير اهلي 

عصام.. حتلو اهلج    اني من شفت كلام خالتج عليج 

عرفت هي ما تحبج  والعدو  مايصير صديق ابد 

رهف...يعني شلون اقاطع اهلي 

عصام...لا تقاطعيهم   بس بنفس الوقت لا تامنيين

رهف...فهمتك 

عصام....لاازعلين حبيبتي   ولله احجي المصلحتج

رهف....هاي هي تمام 

عصام...تعاي شوفي  شجبتلج   شلحه مصري 

رهف...يااا هاي مال رقصات 

عصام...هو اني اريدج رقاصه  بس اليه  

رهف...اني اصلا مااعرف اركص 

عصام...بله روحي البسيها  خل اشوفها عليج 

رهف رحت لبستها تخبل عليه  فتحت شعري  هي وياها وصله  بيها ليرات  ربطته على شعري   عصام دخل للحمام 

واني اخذت بيها صوره 

طلع من الحمام   بس شافني ضحك 

 عصام..... الله هاي منو سعاد حسني 

رهف...اذا سمعتك سعاد حسني بكبرها تزعل   هي وين واني وووين    اني بكدها مرتين 

عصام...ولو   تخبلين    انتي ماسامعه   نظرية نيوتين 

رهف.. النوب نيوتن   شيكول بله 

عصام....كلما زادة الكتله زادت الجاذبيه 

رهف....صدك الله عليك انت ما ضايج لان اني سمينه

عصام...غير تخبلين      

رهف...كام يهوس    هي طماطم ولا تكول محمره  

وهي طماطم ولا تكول محمره 

رهف طماطه      لا تكول محمره 

رهف...كمت اضحك    اخذ ايدي وخلاني اكمز وياااا

الصوره بقت بتليفوني 

شكران وخالتي عرفن مواعيد  عصام يمتى يطلع ويمتى يرجع للبيت     من استجوبني بيتهم  هنا متعمدات يسئلن هيج اسئله

ثاني يوم العصر اجت خالتي وشكران 

اني الصراحه من شفتهن   استغربت   يعني كلنا رجعت العلاقات   بس مو كل يوم زياره 

رحبت بيهن  ودخلت اخلي الجاي على النار 

شكران شافتني من فتحت التليفون بيتهم   حفظت الرمز

فتحت تليفوني تشوف شكو ماكووو 

شافت صوتي  بالثوب المصري  جان طالع نص جسمي 

لان هو مثل بدلة الركص 

اخذت الصوره  نقلتها التليفونها     بس بدون مااعرف

مادزتها  التليفونها   اخذتلها صوره    خاف اشوفها دازتها التليفونه واعرف هي أخذت صورتي 

بعدين  دخلت على المحادثات اني وبنات عمتي 

واني  وعصام 

المهم اني علما خليت القوري   وطلعت كيك 

وطلعت  كوابه جدد   خليتهم بلصينيه   هي أخذت راحته 

شافت كلشي بتليفوني 

من رجعت وشفت التليفون بايده 

راسا شمرته   بصفها 

شكران...الله بيتج يخبل    

رهف....شكرا  حبيبتي 

خالتي.. انشاء الله تتهني بي   تترسه اطفال 

صدك ماكو شي 

رهف...هههه   صار ٤٠ يوم من ازوجنا   شبسرعه 

صار شي    جمانه السعيدي 

شكران...اريد اشوف صور عرسج 

رهف.. اي هسه 

رحت جبت الألبوم انطيتها   ورجعت للمطبخ  جبت الجاي 

شكران...ما تنطيني كم صوره تبقى ذكرى عندي

وحتى هم البنات صديقاتي يشوفنها 

رهف.. اذكرت  كلام عصام من كال لا تامنيين 

رهف...اعذريني عصام ما يقبل    محلفني  ماانطي ولا صوره 

شكران....اي ما يقبل على الناس الغريبه مو عليه 

رهف...اعذريني مااريد مشاكل 

شكران ...براحتج 

طبعا هي طكت كم صوره اليه بلتليفونها  من صور العرس 

واخذتلي كم صوره  واني ما منتبهى 

اني جنت لابسه ثوب قصير  ربع ردن      

شكران...تقبلين    اشوف بيتج 

رهف...اي تفضلي    براحتج 

كامت تفتر بلبيت  وتصور بيتي 

اني شفتها تصور  بس عادي  خليها تصور البيت 

يعني واذا صورته 

كل هاي التصرفات كانت خطه مدروسه   تريد ادمر حياتي هي وخالتي 

ماكو يوم  واليوم الي بعده هم اجن هي وخالتي 

جنت لابسه برمودا  توني كاعده من النوم 

من شفتهن  كلت ياستار   شعدهن كل يوم والثاني 

جايات 

رحبت بيهن  دخلن  ثنيينهن  كعدن وبقن يسولفن منا للمغرب 

ما بقن شي ما سئلني عنه 

حتى على العلاقه بيني وبين عصام هم سئلني 

شتاكلون....ششربون.. كل شكد يجيب مسواك 

شنو يحب   شنو يكره    عمتج ام عصام تجيكم 

ترحون عليها 

زوجت حماج   هم تجيكم   حبابه لو حيه 

كل تفصيله لازم يعرفنها  حتلو اتهرب من السوال 

يبقن يلحن  عليه لمن يعرفن الجواب 

هلمره اني صدك ضجت منهن    يعني شنو تحقيق خوما تحقيق    بعدين شدعوه كل يوم والثاني جايات 

ماعدهن شغل وعمل  بس اني

علما طلعن من البيت طلعت روحي   شكد يلحن 

يومين ورجعت اجتني شكران وحدها 

شافتني ضجت من شفتها 

شكران....خوما اضوجين اذا شفتيني   اني ماعندي شي 

وضايجه  والنت اليوم خلصان 

امي كالت روحي على رهف غيري جووو 

راح ابقى اتعشى يمج   ومن يرجع  عصام يوصلني البتنا 

رهف...من يرجع   عصام   عصام يرجع الساعه ١٢

شكران...واذا  عادي حتلو الساعه بلوحده 

خوما اضوجين من جيتي 

رهف...لا عليمن اضوج      

دخلت كعدت  شافت الدب  الي جابه اليه عصام بيوم المهر 

شكران...حلو هذا الدب

رهف...جابليا عصام بيوم المهر 

شكران...ياعيني على الحب      

رهف ..عفتها بلهول  ودخلت   للمطبخ احضر شي نشربه 

وعندي دجاجه طلعتها  نكعتها  اريد اشويها 

من يرجع عصام  نتعشى بيها 

بصراحه اني عفتها وحدها متعمده   اريدها تحس هي مامرغوب بيها  حتى    بعد ما تجي 

لان كمت اضوج من دخلتها بيتي    

للمغرب اتصل عمي عليه 

عمي...شكران يمج 

رهف...اي عموووو 

عمي...هاي هم تستحي شعدها كل يوم والثاني  كامزه عليج 

انطينياها     ناس عرسان جدد   وهي عبالك لكتلها ونسه 

كل يوم رايحه الرهف

عمي كام يحجي عليها ويغلط      

وهي ولا عبالك   ولا مهتمه  الكلامه 

شويه واجا عمي واخذها ويااا 

كلت اي    همزين اجا خذاها   لا وتريد عصام يرجعها البيتها الساعه ١٢ بليل  شنو يشتغل عندج  بله هاي هم تستحي

اني الصراحه كيفت كلت بلكت بعد ماتجي 

لان جاي تقلق راحتي       كل يوم  جايه   شعندي 

شنو بيتي ونسه جاي تتونس عندي 

ماكو يومين ورجعت اجتني وحدها    وهم بقت عندي للمغرب وراحت 

اني من تجيني اعوفها وادخل للمطبخ   اعوفها وحدها 

لو ادخل للحمام اغسل ملابس 

اكول بلكت  تحس  اني ماارتاح الوجودها 

وبعد ماتجي 

بس هي ولا عبالك  تفتر بلبيت وماخذه راحتها 

تفتح الثلاجه وطلع فواكه   كيك  عصير 

 اجيب مخده من الغرفه وتتمدد   بلهول  على القنفه 

طلع كرزات  وتكعد تكرز 

عبالك بيتها   اني قبل بيتهم ماجنت هيج ماخذه راحتي 

شلون عدها جرئه 

طبعا تجي بدون علم عمي

لان مايقبل   تجيني       واني استحي احجي العمي 

مااريد تصير مشاكل بسببي 

#١٢٠- كيلو

#البارت العاشر 

#جمانه السعيدي 

رهف....من يوم حذرني عصام من بيت خالتي لليوم 

ابد ما حجتيله  عن خالتي وشكران وزيارتهن البيتنا 

الزياره الي تكررت خلال شهر  واحد اكثر من عشر مرات 

وخاصه شكران 

كل يومين تجي يوم    

المشكله اني عندي شغل اعوفها واروح اشتغل وهي ولا عبالك 

ابد ماعدها اي احساس   عادي عدها  الموضوع 

تبقى كاعده وحدها   ولا كانما     

كمت احجي كدامها بطريقه غير مباشره  بلكت تحس 

وبعد ما تجي للبيت 

رهف...   يمتى اداومين 

شكران....بعد وكت  عليمن مستعجله 

رهف....بس الدوام بدا صار اسبوع 

شكران...اني  عايده هاي السنه الثالثه   يعني سهله عليه 

وهسه بس لعب بعده الدوام الحقيقي مابدا 

رهف.... اريد اروح اشوف عمتي ام محمود والبنات 

بس ماأحب اتأخر من اروح عليهم 

زحمه واحد يكعد   هواي هو الخطار كون خفيف 

ايجوز نص ساعه وارجع 

اني صار شهر تقريبا مارايحه عليهم 

(  كنت اشمر بلكلام عليها بلكت تحس   ولله لو يدري عصام هي تجي وتكعد وتأخذ راحتها بلبيت  جان شسوه بيه، )

شكران...ترحين هسه البيت عمتج 

رهف   ...اي يمكن اروح هسه حتى ارجع بسرعه 

لان عصام ما يقبل اطلع من البيت هواي 

ولا يقبل اتأخر يم احد 

جمانه السعيدي 

شكران...اي روحي اني ابقى هنا بلبيت 

رهف....تبقين وحدج هنا   ليش تبقين 

شكران...هنا احسن    بلبيت امي كل شويه دازتني  اخلص شغله   هنا كاعده لا شغل ولا عمل

تكنيك وااكل    وهدوء  وبيت نضيف 

هنيالج   رهف    بعد شتريدين 

رهف...كلت بكلبي هاي بدون احساس  شلون بيه 

مراح تفك مني ياخه   صوجي اني  رجعت العلاقه بينا 

بس استحي مااعرف شلون امنعها تطلع منا وبعد ما تجي 

هلمره طلعت وبقت اربع ايام ماكووو ماجتني 

كلت هاي هي رجعت للمدرسه بعد ما تجيني     تجي تعبانه تنام 

بعد ماعدها وقت  تجيني 

اليوم الي بعده مااحس غير دكت   الباب  فتحته طلعت هي 

بس   شفتها ضجت حيل   اهوووو شلون وياها هاي 

   دخلت كالت عطشانه اريد مي 

رحت اجيبلها مي    شربت مي وكالت   اشتاقيتلج 

رهف  ..مارديت عليها 

كعدت تقريبا ساعه   اني عفتها ورحت للمطبخ 

قبل أذان المغرب بشويه  طلعت   اني ماشفته من طلعت بس سمعت الباب انطبك   عرفت هي طلعت 

  مااحس اله  عصام فوك راسي 

عصبي وعيونه يطير منهن شرار 

دخل كبل للهول       دنك   يباوع جوه  القنفه 

طلع بيده تليفون 

التليفون عبالك واحد   وكاله هنا تليفون 

لان اجا على مكانه بلضبط 

عصام...بعصبيه شنو هذا   احجي شنو هذا 

رهف...تليفون    شنو يعني تليفون بس انت ليش عصبي

هذا التليفون  ماشايفته قبل

ألمن الك هذا التليفون 

عصام.. تسوين نفسج غشيمه    هذا تليفونج   

تخابربن بي حبيبج   موووو   والمراسلات  يمتى  كولي 

من اطلع من البيت    جم مره نمتي ويااا  احجي 

رهف لزمني من شعري وجرني حيل

رهف...شبيك عصام   عن شنو تحجي يااا حبيب 

شو مافهمت 

عصام..  انكشفتي ياحلوه    وهذا التليفون اكبر   دليل

على الخيانه 

رهف جرني من شعري وشمرني بلكاع   وضربني برجله 

ماكدرت اسيطر على دموعي 

رهف.  ...فهمني شكووو ولله العظيم كلشي مافهمت 

عصام...كافي تمثيل كافي    انكشفتي على حقيقتج 

رهف...اي حقيقه 

جمانه السعيدي 

رجع سحلني من شعري يريد يطلعني بلشارع 

بملابس البيت    وبدون حجاب

رهف.. هاي شبيك عصام استر عليه       ووين مطلعني 

عصام..استر عليج    ما فكرتي انتي بلستر 

صدك لا تأخذ وحده  مامترببه بيت اهلها 

متعلمه من كل بيت شويه    صوجي اني  ماعرفت اختار 

انتي طالك   وباجر اقيم عليج دعوه طلاك وخيانه وهذا التليفون    دليل عليج 

رهف.. يحجي وياي بعصبيه    ويسحبني من شعري يريد يطلعني بلشارع   واني لازمه ايده   لان شعري كام يوجعني 

طلعني بلشارع وتفل عليه   وطبك الباب بعصبيه 

كمت ابجي   ثوب قصير وشعري طالع 

وعصام مافهمت شبي ليش هيج يسوي وياي وهذا التليفون شنوووو 

ليش هو هلكد عصبي 

شبي هذا التليفون   وليش يقدمه دليل عليه 

اني شسويت 

كام الاذان يااذن 

صاح الله اكبر الله اكبر 

رفعت عيني للسما وكلت الله اكبر على كل ضالم 

الله اكبر على كل   ضالم   يارب اني مضلومه اريد اطلع حوبتي بكل واحد ضلمني 

انت تدري اني مااذيت احد  ليش الناس جاي اتاذيني 

دكيت الباب وصحت عصام استرني   استرني  انطيني شي البسه    فهمني شكووو و

ولله العظيم  مافهمت شي 

مارد عليه     وكانما مايسمعني

كمت من مكاني ودكيت الباب على الجوارين 

حتى بعدني ما متعرفه عليهم  ولا اعرف اي شي عن جيراني 

طلعتلي بنيه عمرها تقريبا ١٥ سنه 

رهف .. امسح بدموع اريد اطلع الكلام مااكدر

اريد عبايه 

البنيه...شنووو 

رهف.  اريد عبايه  وباجر ارجعها الكم 

امسح بدموع وعيني على الشارع   مستحيه 

شلون اني واكفه بلشارع  بهذا المنظر    

البنيه دخلت للبيت  واني دخلت وراها اريد اضم نفسي 

استحي  واكفه بلشارع هيج 

طلعتلي امها تقريبا عمرها ٤٠ سنه 

..  هااا خاله   خير شبيج 

رهف.. مسحت دموعي  احس نفسي اختنكت   اتهيج القالون من الحركه 

اريد عبايه وحجاب اني جارتكم   هذا بيتنا 

صارت مشكله بيني وبين زوجي   وطلعني هيج بلشارع

المره....يااا سوده عليه  تعاي ادخلي   جوه  تعاي اغسلي وجهج 

رهف... شكرا    مسحت دموعي    فدوه اريد عبايه 

باجر ارجعها اللج 

دخلت المره جوه    جابتلي عباية راس   وحجاب 

وانطتني ١٠ الاف كالت هاي كروه ترحين الاهلج 

رهف.  شكرا الله يخليج  باجر ارجعهم اللج 

....لا ترجعين اي شي    كلهن اللج   اذا اهلج بعيد وتردين اوصلج     اجيب عباتي واجي وياج 

رهف...شكراالف شكر 

جمانه السعيدي 

رهف...طلعت واجرت تكسي  وطلعت  كبل البيت خالتي 

اريد عمي   اريده يشوف   حالي 

يشوف عصام شلون طلعني بلشارع   

اريد اعرف ليش  ليش هيج   اني شسويت   

وصلت البيت خالتي لكيت الباب  مفتوح  دخلت كبل 

بس شافتني خالتي هي وشكران  ضحكت ضحكت شماته 

خالتي.  هااا خير 

رهف.. وين عمي  اريد عمي  عصام ضربني وطردني بلشارع 

طلكني خاله   طلكني 

راسا كامت تضحك بصوت عالي هي وشكران 

خالتي.. مو كتلج   اخليج تتندمين    انتي مو كدي 

فهمتي لو لا   كتلج اخليج تبجين بدال الدموع دم   

لو منسحبه من هاي  الزواجه  من البدايه 

مجان  انفضحتي هيج فضيحه 

باجر  الناس كلها تسولف بيج 

رهف..  مسحت دموعي    مو دموع تكول نار وتنزل على وجهي

ليش خاله ليش انفضح اني شسويت 

خالتي....   كولي شنو الي ما سويتي     عصام عرفج على حقيقتج    

هااا نسيت ناذره اهلهل اذا طلكج عصام  ولازم اوفي نذري 

كلللوووش  كلللوووش   كلللوووش 

رهف..عرفت من فرحت خالتي وشماتته بيه 

اني وكعت بمصيبه   مصيبه من تدبير خالتي وشكران 

بس شنو هاي المصيبه مااعرف 

خالتي.  اطلعي برا  مايشرفني وحده مثلج تكون بيتي 

.واياني واياج  توصلين البيتي بعد 

فهمتي لو لا   امشي  الهايشه  صدكت نفسها

صارت ام بيت 

ولج انتي سمل خدامه مااشغلج عندي 

رهف.. بقيت مصدومه من الشي الي جاي اشوفه 

تقدمت  شكران   ودفعتني   طلعتني من البيت 

شكران...برا  يله برا   الهايشه عبالها  صارت ام بيت 

اطلعي   برا  وبعد لا تخليني اشوف وجهج مره ثانيه

دفعتني  وطلعتني من الببت 

كمت ابجي بصوت عالي 

اني شلون خليتهن يدخلن بيتي   الله اعلم شنو المصيبه الي لبسنياها

جمانه السعيدي 

رحت البيت عمتي مشي  بس مااشوف الطريق من كد البجي

بكل عمري ما باجيه هلكد 

حتى من ماتو اهلي مابجيت هلكد 

وصلت البيت عمتي بس دخلت وشافتني عمتي   

عيوني مورمه من البجي وصوتي راح هلكد ما توسلت بعصام 

عمتي...يمه اسم الله  شبيج   منو وياج  ليش تبجين 

رهف...اهههي عمه هجمت بيتي   عمه   عصام طلكني 

عمتي...ياا طلكج   ليش طلكج 

البنات سمعن صوتي واجن يركضن

نورهان...يااا  هاي   رهف شبيج   شصاير 

ليان...منو سوا بيج هيج 

رهف...خالتي   خالتي    هجمت بيتي     عصام طلكني 

ليان...طلكج ليش ياستار 

رهف.. مااعرف  مااعرف ليش

اريد تليفون اتصل على عمي       اريد عمي  بس هو راح يبرد نار كلبي   هو الي  راح يعرف   شنو الملعوب الي لعبنه

عليه 

راحت ليان جابت تليفون عمتي  بي رقم عمي 

اتصلت علي  مايرد 

رجعت اتصلت مره ثانيه 

جاوب....الووو ام محمود 

رهف...من سمعت صوته كمت ابجي بصوت عالي 

عمو الحك عليه   عمو عصام طلكني 

عمي....رهف   هااا بابا  شكو   فهميني  كلشي ما فهمت من 

كلامج 

رهف...الحك عليه تعال هنا بيت عمتي  واني افهمك 

عمي.. اي اجيت

رهف البنات نزعن مني العبايه والحجاب 

 جابن مي غسلت وجهي    وشربني   شويه 

بس اني مجاي اكدر اسكت    شلون عصام طلكني 

 شلون بهل سهوله هانت علي العشره 

هذا التليفون شكو بي    ليش عصام تخبل هيج 

شويه واجا عمي من شاف شكلي تخبل 

عمي...هاي شبيج    منو وياج 

رهف. طلكني عمو  عصام طلكني 

عمي..  اهدي وفهمني شكووووو 

رهف...اجت شكران   ساعه وطلعت   هي صار كم يوم تجيني  بين يوم ويوم  تكعد للمغرب وتطلع 

عمي...وشكران شنو علاقتها بلموضوع 

رهف...بس طلعت دخل عصام عليه عيونه صايرات بكصته من العصبيه 

دخل للهول  دنك وطلع تليفون من جوه القنفه 

راسا كال هذا شنووو 

كشفت خيانتج    سحلني من شعري  طلعني بلشارع 

بهدوم الييت    وكال انتي طالك 

وباجر ارفع عليج قضيه طلاك وخيانه 

وهذا التليفون هو الدليل 

بلشارع واكفه     مثل الجلب محد بحالي  

رحت للجوارين اخذت منهم عبايه  وكروه 

عمي... شبي التليفون 

رهف.. مااعرف شبي   ولله مااعرف شبي 

وهذا التليفون بعمري لا شايفته  ولا اعرف المن 

عمي....شلون يطردج من البيت هيج  شنو هي سايبه 

حتلو غلطتي شنو مالج جبير 

يتصل عليه ونتفاهم اني ويااا واذا اله حك  ياخذه 

رهف...عمي اسمع المصيبه الأكبر 

اجيتكم للبيت  وخالتي طردتني وكالت مو كتلج اخليج تبجين دم   انتي مو كدي حتى  لا  تعانديني

كلنالج عوفي   برضاتج 

ماقبلتي هسه عفتي بفضيحه 

وشكران دفعتني وطلعوني من البيت 

عمي...وخالتج شلها علاقه 

رهف...صار فتره تجيني هي وشكران   اكيد هنا ورا هاي المصيبه 

الشماته بعيونهن    هنا ورا  هاي المصيبه 

كال عصام لا تامنيين  بيهن     العدو بعمره مايصير صديق 

بس اني ما صدكته وكتله ذوله اهلي 

شلون اعوفهم   

عمي.. اني اروح على  عصام بلاول افتهم شنو المشكله 

وبعدين   اتفرغ الخالتج   واشوف شنو قصتها 

جمانه السعيدي 

طلع عمي  واني رجعت ابجي 

صدمتي  بعصام   ما تنوصف   شلون هيج يضربني 

شلون يطلعني بلشارع  بملابس البيت 

لو كلشي مسويه  مايصير هيج يضربني 

هسه لو مفهمني اني شسويت     لو بس شايفه التليفون شكووو بي

جان ارتاحيت 

معقوله   هذا الزواج الي كل الناس تحجي بي 

ينتهي بهاي السهوله 

زواج  اتلث اشهر ما كاملات      شلون هيج ينتهي 

معقوله هذا الحب كله  ينتهي بهاي السرعه 

اي يرهف ما مكتوبلج  ترتاحين   هي كوه   

انتي مخلوقه للضيم  والعذاب 

وينج وين الراحه    

جمانه السعيدي 

رجعت النقطة الصفر   نقطة الضياع      

رجعت بلا اهل ولا وطن     

شبعت بجي من صدك    شكد مقهوره من عصام

ساعه كامله  ورجع عمي 

بس وجها اسود   وضايج حيل 

رهف....هاااعمو شكوووو    ليش هيج  شكلك 

بس اوكف قبل لا تحجي اي شي 

اقسم بلله  العظيم  اني ماسويت شي  مو اخلاقي 

وعمري مافرطت بشرفي 

ولا خنت الامانه      حافظت على شرفي وسمعتي 

وعمري ماحاولت انزل  راسك ابد 

عمي...المصيبه جبيره    حيل جبيره     

ومااعرف شلون اتصرف 

رهف.. احجيلي  وإنشاء الله  اكو حل      ترا خوفتني 

انت تشك اني ممكن اسوي شي موزين 

عمي..  اني مااشك بيج   اشك بنفسي ومااشك بيج 

بس الموضوع  مايقبل الغلط 

مترتب صحيح   

اذا مالكينا حل  الليله  باجر فضيحتنا على كل السان 

رهف..  احجي مو كلبي وكف 

#١٢٠-كيلو

#البارت الحادي عشر 

#جمانه السعيدي 

عمي....التليفون الي عد عصام  بي بلاوي  ما تنحجي 

رهف...احجيلي اريد افتهم 

عمي....علي محادثات اللج انتي ووولد 

محادثات   جنسيه  بينج وبينه 

رهف...يااا عزززز    منو هذا   شلون  اني مااعرف اي احد 

ولا منطيه رقمي الاحد 

عمي...خل اكمل   لا تقاطعيني  ومايحتاج تبررين  اني واثق 

منج انتي بنتي اني ربيتج على ايدي 

رهف...كمل  خل افهم 

عمي...التليفون على صورة  ومنها صورج بملابس النوم 

بيهن اتفاق بينج وبينه هذا الولد    يجي للبيت من زوجج يطلع 

تحديدا يعرف يمتى يطلع ويمتى يرجع 

ويجي يمج للبيت 

رهف...محد داخل عليه شلون يجي يمي للبيت 

عمي...هو مصور من داخل البيت 

هو كاعد بيتكم وانتي لابسه ثوب قصير وتقدميله جاي وكيك   منهن مقطع مدنكه وطالع صدرج بلتصوير 

ومره ثانيه جايج للبيت  وانتي لابسه برمودا 

مصورج  فديو مدته  ٧ دقايق  وانتي تفترين كدامه 

بملابس بيت  قصيره وشفافه 

اللج اكثر من سبع فديوات  وانتي بملابس بيت 

التصوير  من داخل بيتج

اكو كلام بينكم على علاقه جنسيه   انتي ويااا 

هو من يجي بيتكم انتي وياا دخلون علاقه 

كلام شبه يومي  بينج وبينه ومواعيد 

حتى انتي منطيته فلوس      وكايلتله  ؤمته ما تحتاج فلوس تعال اني انطيك     

الكلام بينكم كله خارج   وما ينحجي ابد 

يوصف جسمج    وشلون من يجي بلبيت يتلذذ بلعلاقه 

ومقاطع وانتي تقديمه ااكل وفواكع   وكرزات 

واكو حديث بينكم تغلطين على  عصام  وتكولين 

هو مصدك اني احبه   واني جاي اضحك علي 

همزين يطلع من الصبح ومايرجع اله بليل    اني اضوج منه

بس ومتحمله علمود المصرف

اكو مقطع العفو داز صورة ملابسج الداخليه   ويكول نسيتيهن  يمي  من آخر مره اجيتيني 

هواي اكووو كلام  عن حياتج وادق التفاصيل   يمتى تنامين يمتى تكعدين 

واكو صوره  هو سائلج  على دب ابيض  طالع وراج  بصوره

وتكولين هذا من يوم المهر عصام جابله اليه     

هيج معلومات دقيقه   خبلت عصام     

يكول عصام مستحيل يكون هذا الكلام  والفديوات    تركيب لو مفبركه    اني جنت ضام حيه بيتي 

جمانه السعيدي 

هواي هواي اشياء  كلها حقيقيه 

زين هذا التصوير شلون من داخل بيتج  وانتي بملابس بيت 

شلون تفترين كدامه 

حتى صور غرفة النوم      

اكو صوره دازتها اله   صورة فاتحه الكنتور   ومطلعه ملابسج  الخاصه للنوم 

وتكولين من تجي راح البسلك هاي الملابس واحد واحد 

اكو حجي على عصام   شلون يطلع من الصبح ويرجع بليل متاخر    وماله شغل بيج 

ينام هلكد ما تعبان 

وهو راد عليج يكول  مالج شغل بعصام 

انتي اليه  ممنوع يقرب عليج عصام 

اكو هواي شغلات تحير   الي خله هاي الخطه 

دارسها   بدقه 

بحيث عصام متخبل اكثر شي  من الفديوات الي داخل بيته 

وانتي تفترين بملابس البيت 

يكول من اطلع  من البيت ادخل صاحبها  

تخوني بيتي وعلى فراشي 

تاخذ من فلوسي وتصرف على صاحبها 

يكول اني شكد جنت مفغل وصدكت بيها  عبالي بت اودام 

طلعت بت حرام 

معروف البنيه اذا ما تربت بيت اهلها  بين امها  ابوها 

تطلع  مو تمام 

عمي...طبعا اني ماقبلت يحجي عليج لان اني ربيتج 

 اعرف اخلاقج 

رهف...يعني هسه اني صرت خاينه  بعين عصام 

 ادخل زلم للبيت  من يطلع 

ولله ماكو غير شكران  هي الي جانت تدخل بيتي وتصورني 

واني مااعرف 

عمي...اني اليه حساب ويا شكران 

رهف... منو الي دز كل هاي المعلومات العصام وشلون عرف مكان التليفون 

عمي...وواحد  دازله الفديوات الي  من داخل بيتج 

ودازله  صورج    بعدين داز محادثه بينج وبينه 

هو يكولج   وين تخلين التليفون الي  تتواصلين وياي منه 

انتي راده علي  اخلي جوه القنفه بلهول   حتى عصام لا يشوفه 

 القنفه الي بصف باب الهول      

صار شكد اخلي بهذا المكان وعصام ابد ماشايفه 

ولا يعرف اصلا اني عندي تليفون ثاني 

رهف...على كولتك  خطه مدروسه  مابيها اي غلط 

استغفر الله ربي     بس اريد اعرف ليش هيج كارهاتني

 هسه شلون  نخلص من هاي المشكله 

لازم شكران تروح  وتحجي العصام عن هاي الخطه 

عمي...واذا ما قبلت   شلون نعوفه يشهر بيج 

اني اكدر اطعن بكلامه    اطلب  مطابقت الحديث  والصور 

بس هاي المحادثات والصور  

راح تفتر بين المحكمه  ومركز الشرطه  ومراح يبقى واحد ما يشوف صورج 

اكو أفراد من الشرطه نفسهم ضعيفه 

صورج راح تصير على اكثر من تليفون  ووواكيد

راح تنزل بلنت 

احنا لازم  نتفق وياا عصام قبل لا يقدم هذا التليفون

ويشتكي عليج 

جمانه السعيدي 

رهف...شلون  بيه   عمو   صحيح    حجيك كله صحيح

صوري راح تنتشر 

عمي...اول شي اني راح اليله اضغط على خالتج وشكران بلكت  يعترفن هنا ورا هاي السالفه 

واذا عاندن وماقبلن 

اروح على عصام  بلكت يطلك بستر  حتلو ندفعله تعويض 

 بس كون يسكت 

الناس ما تصدك تلكه خبر موزين كبل   اضل اسولف بي 

رهف...اني عقلي وكف  مجاي اكدر افكر 

عبالك حلم  معقوله  الكره   يخليهن يطعنني بشرفي 

ترا مهما يكون    اني من لحمهن ودمهن 

يمكن راح انجلط   شلون بيه 

ليش هيج  اني بيش اذيتهن   

ولله عشت خدامه الهن طول عمري ولا شكيت ولا حجيت 

تالي هيج يجازني 

حتى من ازوجت وخالتي كالت اني ندمانه 

صدكتها   لان هي خالتي 

اثاري هاي   الرجعه بيها سبب 

من البدايه خالتي كالت عوفي عصام عوفي 

ارفضي هاي الزواجه 

بس اني ما سمعت كلامها   لو رافضه عصام ماصار وياي هذا الشي  ابد 

عمي...اني رايح اهجم البيت على راسها هي وشكران 

بس اني اعرف مراح نحصل منهن شي 

بس احاول حتلو اعتراف بسيط   يمكن   عصام يغير رائيه 

جمانه السعيدي 

رجع عمي للبيت 

اول مادخل شاف خالتي 

عمي.. ليش هيج مو بت اختج   حرام عليج 

انتي ما تخافين الله 

خالتي...يااا اني شموسيه 

عمي...كولي شنو ما مسويه   ولله حرام عليج 

الدنيا دواره كما تدين تدان 

مثل ما طلكتيها بتج راح تطلك وترجع عليج 

خالتي...يااا اسم الله  اني بنتي شريفه  مو مثلها 

ادخل زلم البيتها 

عمي.. انتي شمدريج     ادخل زلم البيتها 

خالتي...غير اجت هنا وحجتلي 

عمي.. اكبر جذابه   رهف هسه قبل شويه يله  عرفت 

شنو المصيبه الي وكعتنها بيها انتي شكران 

خالتي...خل تولي  جذابه هي تعرف  نفسها   ام الزلم 

سوت نفسها فقيره كدامك 

اصلا اني وشكران من جنا نروح عليها 

جنا نشوفها  شلون   تتصل بصاحبها وتواعده 

من يطلع عصام 

بس احنا كلنا شعلينا   ليش ندخل  هي اعرف بمصلحتها 

اني كم مره حذرتها  تنتبه البيتها 

بس هي  مثل الي ماشايف وشاف 

عبالك ماصدكت لكت واحد يحترمها ويقدرها 

البت فد مره  استهترت

عمي...كلمه وحده منج مامصدك  انتي اضحكين عليه على نفسح  انتي اساس المصايب 

جان عفتي هاي المسكينه تعيش حياتها 

شنو بتج بايره  اكيد تزوج 

بس شلون رهف تزوج وتستقر   لازم تخربين عليها 

خالتي...اني لا خربت عليها ولا الي علاقه بيها 

عمي..  اخر مره اكلج   تعاي وياي  احجي العصام الحقيقه 

خالتي.. اي حقيقه هاي     اي حقيقه  رجال اكتشف زوجته 

خاينه  وطلكها اني شنو علاقتي بهذا الموضوع 

عمي...شوفي برائت رهف بكفه ووجودي بهذا البيت بكفه 

اني مراح اكدر اعيش وياج بعد هاي المصيبه 

لان راح اكون شريك   وياج انتي وبتج 

اختاري لو وجودي بهذا البيت 

لو  ترحين وياي تحجين الحقيقه العصام حتى يرجع رهف 

خالتي...يااا  صدك تحجي 

ولله لو تموت   شايف شلون تموت     وحياتك 

واكفه على كلمه مني العصام 

هم مااحجي هاي الكلمه   واذا تريد  تعوفنا   روح الله وياك 

اصلا انت من زمان  ادور حجه  حتى تعوف البيت 

جمانه السعيدي 

عمي..  هذا اخر كلام عندج 

خالتي...الله وياك     وبعد لاترجع 

رهف..عمي زعل من كلام  خالتي   راح على شكران  حتى يحاول وياها بلكت   تقبل تحجي الحقيقه

عمي...بابا شكران اني ابوج  انتي مو  تحبيني  وتحترميني 

شكران...اكيد احبك 

عمي...زين تعالي وياي احجي العصام عن الخطه الي 

دبرتيها انتي وامج  الرهف 

شكران...اي خطه هاي   اني اصلا ماواصله بيت رهف 

من اخر مره كمت تحجي عليه بلتليفون بعد ما وصلت بيتها ابد   انت شنو تريد تركبني مصيبه مالي علاقه بيها

بعدين اي خطه   شو اني مافهمت

عمي...لا تمشين ورا كلام امج   بعدج زغيره  وباجر   تزوجين وتستقرين 

وهذا الشي الي سويتي حرام       ورب العالمين 

مايقبل  واحد يقذف المحصنات 

بت خالتج بنيه محترمه وماعدها هاي السوالف التعبانه 

وهي وثقت  بيج ودخلت بيتها 

شلون تخونين ثقتها بيج  وتصوريها   وتاخذين 

صور من تليفونها      حتى ملابسها الداخليه ماخذتهن 

ترا هاي الشغله عيب 

مهمه يكون هاي بت خالتج 

شوفي انتي شنو سويتي راح يرجع عليج 

اتهمتيها بشرفها راح  يتهموج بشرفج 

طلكتيها من زوجها راح تطلكين   هذا قانون الدنيا 

شسوين تلكين 

كما تدين تدان 

اني ابوج واذا اليه معزه بكلبج   تجين وياي تحجين الحقيقه كدام عصام 

شكران....اي حقيقه بابا  هاي رهف غسلت عقلك 

اني مالي علاقه  بهذا الموضوع 

ليش تريد تبرئه  على حساب سمعتي اني 

يعني هي تطلع بريئه  واني اطلع      بدون شرف 

انتي ليش هلكد تحبها ومتعلق بيها 

ترا اني بنتك مو هي 

هي شسوتلك وهلكد   تركض الها   اني بنتك 

مادافع عني بكد مادافع عنها 

عمي...ليش بابا   ليش هلكد قاسيه وانانيه  ولج خطيه يتيمه 

ليش انتي وامج مستكثره عليه السعاده ولاستقرار 

ولله خطيه عليجن 

مراح تتوفقين بحياتج صدكي   مراح تشوفين التوفيق 

بعيونج  ابد 

شكران...شكرا  عود انت ابوي 

عمي...هسه شلون خطيه ساعديها  بس هلمره 

شكران...شلون اساعدها واجيب مصيبه النفسي 

انت صدك تحجي 

بعدين اني مالي علاقه بيها 

هي الي وكعت نفسها بهاي المشكله  شكو تعرف زلم على رجلها  ماخافت الله 

وكالت هذا الرجال تعبان  ويشتغل ليل نهار 

خل اصونه   واحافظ عليه 

عمي...مو كتلج الخاطري 

شكران....ابد 

عمي...ليش تخليني   اموتج تموت واسحلج من شعرج هسه 

وافرج الناس عليج 

موجاي احجي وياج    بلعقل 

شكران...لو تموتني  تموت   ولله مااروح العصام ولا ابرء 

رهف 

لو تكطعني وصل   مااطلع من بيتنا  ولا ادافع عن 

رهف   خليها تأخذ  استحقاقها 

عمي...بت امج  وطالعه عليها     كل الحجي مايفيد وياج 

من هاي اللحظه اعتبري لا انتي بنتي ولا الي شغل بيج 

شكران....بعد احسن   انت بنتك رهف   طول عمرك ادافع عنها 

روح الها بلكت تلكه حل المشكلتها 

رهف...عمي اخذ ملابسه وطلع من البيت  كنوع من التهديد 

بلكت يخافن  ويصلحن غلطهن 

بس ولا عبالك   اصلا هنا جانن يردنا يطلع من  البيت 

حتى ياخذن  راحتهن

اخذ ملابسه وراح كعد يم اخته     مره جبيره وارمله 

عدها ولد معاق  جبير بلعمر كاعده علي 

جمانه السعيدي 

رهف...... اليل كله ماكدرت انام  بس ابجي  ابد مامصدكه

شلون دبرن هاي الخطه   وشلون قنعن عصام  بخيانتي 

اتصل عليه عمي الساعه عشره بليل 

رهف..هااا عمووو 

عمي...حجيت لمن  تعبت  ما يقبلن يعترفن بغلطهن 

عفت البيت وطلعت 

رهف...كله بسببي   سوده عليه 

عمي...لا مو بسببج  اني عايش ويا حيايه 

وكشفتهن على حقيقتهن       

رهف...وهسه شلون 

عمي...باجر من الصبح اروح على عصام   واتفق ويااا 

نتنازل عن كلشي ويطلك وكلمن يروح بحاله

انتي وين ذهبج  جبتي وياج  لو لا 

رهف...كلشي ما جبت طلعني بثوبي الي لابسته 

كلشي بقه عنده 

عمي....راح اتفق ويااا  نتنازل عن كلشي بس يطلك 

وحتى لو يريد تعويض  هم ماعدنا مانع 

بس لازم هاي السالفه تنسد     مانريد فضايح 

كدام العالم   الناس ما تصدك تسمع خبر   موزين 

تبقى تحجي بي طول العمر 

ثاني يوم من الصبح اتصل عليه عمي 

طبعا اني لا نايمه ولا مغمضه عيني   ابد    وقالوني متهيج 

وراسي يوجعني     لان الشي الي جاي يصير وياي ابد مو طبيعي 

عمي...اني راح اخذ   واحد  من جماعتي واروح على عصام 

بلكت الله يهدي 

رهف...تمام عمو تعبتك وياي 

عمي...بس خل تخلص هاي المشكله  واني ارتاح 

راح عمي على عصام  وبقا يحجي ويااا ويقنع بي 

 بلكوه يله وافق  يطلك واني اتنازل عن كل حقوقي 

رجع عليه عمي وجايب وياا التليفون  الي لكا عصام بيتنا 

فتحته  يمه مصايب مصايب   صدك عود    شلون دبرن هاي السالفه   ذني الشيطان يتعلم منهن ثنيينهن 

بنفس اليوم طلكني عصام يم الشيخ 

وثاني يوم رحنا اني وعمي للمحكمه تنازلت عن  كل حقوقي 

عصام واكف بعيد  وابد ما بباوع بوجهي 

صدك جذب  معقوله كل هذا الوقت وماعرفني على حقيقتي 

ميخالف   رب العالمين مراح ينساني ابد 

لابد بيوم اخذ حقي منه ومن خالتي وشكران 

هيج صرت مطلقه بعد أقل من اتلث اشهر من زواجي 

بسبب خالتي وشكران 

#١٢٠-كيلو

#البارت الثاني عشر 

#جمانه السعيدي 

@الجميع 

رهف....رجعت النقطة الصفر    لا شنو نقصة الصفر  جوه الصفر 

مااعرف شسوي   لو منيين ابدي   احس نفسي ضايعه 

عبالك بجزيره وتايها

مااعرف شلون اصرف    محتاجه  انام وبعد مااكعد 

محتاجه غيبوبه    حتى انسى كلشي صار وياي 

شلون انسى  مااعرف 

شكد اني ضعيفه   لا حول ولا قوى 

بحيث وحده مثل شكران لادين ولا اخلاق  كدرت تضحك عليه ودمر حياتي 

ليش اني هيج ضعيفه 

يمكن لان ماعندي سند   لو عندي أهل  مجان كدرن خالتي وشكران   يسسون بيه هيج 

بنيه بهاي الدنيا الصعبه وماعدها اهل   

اكيد الناس راح تلعب بيها طوبه  

ضعت هلمره من صدك     

وهسه شلون    قبل ماعندي اهل    وهسه ماعندي اهل ومطلقه   إلى متى راح ابقى هيج 

مثل الطوبه واحد  يشمرني  على الثاني 

راح ابقى لاجئه  بكل بيت شويه  وانتظر الناس تعطف عليه 

والى متى    شنو نهاية هاي القصه الحزينه 

ماعندي حل    ومااعرف اتصرف 

لو اعرف اتصرف مجان  شكران كدرت تدمر حياتي بكل هاي السهوله   ماعندي خبره  بهاي الدنيا 

منيين تجيني الخبره واني  لا دراسه ولا طلعه ولا دخله 

 لا احتكاك بلناس  

رهف...انطويت على نفسي    حبست روحي  داخل حزني 

اشوف كل الابواب مسدوده  كدامي 

ماكو مجال اطلع من هذا الحزن 

بدت امتحانات نص السنه والبنات التهن عني بلقرايه

حسيت بوحده اكثر  

عمي يجيني بين يوم ويوم يطمن عليه ويروح 

لو يتصل عليه    كمت اطلب منه يسحب فلوس 

من المصرف    اقصد من فلوسي 

اشتري اكل واكعد اكل 

اكل كله موصحي   فطائر وبتزا   ومعجنات   وبببسي وحلويات

واكعد اكل ومن اخلص انام 

مااعرف شسوي غير اكل وانام   حتى اشرد من همي وضيمي   اطلع حركتي بلأكل 

وزني زاد اكثر من قبل    اصلا هو الحزن والكئابه

يسممن  من غير الاكل   

كل ليله مااكدر انام هلكد ما قالوني يوجعني  بسبب الاكل 

بس عود ابطل   بلعكس اكل اكثر واكثر 

مااعرف  شسوي       مااعرف وين اروح  لو منيين ابدي  

جمانه السعيدي 

بعطلة نص السنه البنات اتفرغلي 

نورهان....بعد ماكو اكل   صرتي عبالك فيل 

رهف...اي وشلون اذا مااكل  اني ما استمتع بس بلاكل 

ووين اروح 

ليان...اولا بعد ماكو وجبات سريعه 

وثانيا لازم نشوف جم قريب ونسجل اسمج   

حرامات انتي شجاي تسوين بنفسج 

رهف...اكل ماابطل  وجم مااسجل    خليني هيج 

بلكت  من كد الاكل اموت واخلص 

نورهان...هسه عرفت ليش وحده مثل شكران كدرت تدمر حياتج 

شكد ضعيفه انتي ومستسلمه

ليش اضيعين نفسج بلاكل   ليش  ما تبدين حياة جديده 

حياة تختلف عن حياتج السابقه 

عوفي رهف القديمه الضعيفه  الي اي واحد يجي 

ياكل حقها  ويضحك عليها 

هسه لازم تنولد وحده ثانيه     شخصيتها قويه 

ما تخاف من احد     عدها حياتها   الخاصه 

رهف...هههه ضحكتيني    اي وبعدين   شراح يصير 

اكو حقيقه نسيتها  اريد اذكرج بيها  

ابقى بدون اهل  ومطلقه بعيون الناس اني مالي وجود 

ومحد.يفكر  بيه مجرد تفكير 

نورهان.... وانتي شعليج بلناس  عيشي النفسج 

الناس مشاركينج بحياتهم    ياخذون رائيج 

مفكرين بيج  بكد ماانتي خايفه منهم وتفكرين بيهم 

طوري نفسج   الحكي على شبابج   لا انتي اول ولا خر وحده   يموتون  اهلها 

واذا اطلكتي  شنو يعني     رجال مايستحقج 

خلي يولي الله وياااا 

عمرج توه عشرين     يعني هسه بدت الحياة 

عوفي كلشي صار وراج   وابدي من جديد 

هاي صار شهر ونص وانتي حابسه نفسج  وبس تاكلين 

اسئلي نفسج   إلى متى    ووين راح توصلين 

ترا انتي حلوه وشابه والف واحد يتمناج 

جمانه السعيدي 

كومي واثبتي الكل واحد  اذاج  انتي قويه  ومحد يكدر عليج   الالف خطوه تبدي بخطوه 

وانتي اذا ماتبدين بنفسج    مراح تكدرين تحققين اي شي

لا تنتظرين الناس تجي تغير حياتج 

انتي الي لازم تغيرين كلشي  هاي حياتج مو حياة واحد غيرج 

رهف...اقتنعت بكلام نورهان بس ماعندي اراده 

حياتي بلنسبه اليه مالها معني  

نورهان....باجر السجل بلجم 

رهف......لا هسه ما مستعده بعد كم يوم   

كنت ااجل كل يوم اكول باجر ابدي ويجي باجر ونفس الشي 

اني اصلا ماأحب نفسي حتى اتعب عليها 

احس نفسي نكره والناس كلها تكهرني 

بعد شهرين بلضبط من طلاكي 

اتصل عليه عمي 

رهف...هلو عمووو 

عمي...شلونج حبيبتي 

رهف...الحمدالله  زينه 

عمي...اريد احجي وياج بموضوع بس ولله مستحي منج 

رهف...لا كول ليش مستحي 

عمي...اني مالي اي علاقه   بكلشي الي راح يصير 

رهف...خوفتني شكوو

عمي...ولله مااعرف شلون   افتح وياج الموضوع 

رهف...هيج هذا الموضوع صعب  احجي عمي ترا مو أصعب من طلاكي 

عمي...اليوم عصام اتصل عليه يريد   يريد 

رهف...اي شيريد   اني بعد ماارجعله   بعدما  طعني بشرفي 

عمي...يريد يتقدم الشكران 

رهف...من سمعت ذني الكلمتين عبالك واحد وطعني بكلبي  صدك جذب   ماصار شهرين  من طلكني

شلون يتقدم الشكران 

شكران   ماغيرها    

صدك شكران انتصرت عليه وأخذت عصام مني

ولله سوتها بت سحر

عمي...اني طبعا رفضت  مايصير هذا الحجي 

رهف...ليش مايصير  هنا خربن حياتي حتى ياخذن عصام بالعافيه عليهن 

بس شلون بهاي السرعه   شلون كدرن يقنعنه 

وهو جان يكول ديري باج منهن

عمي...ولله اني هم استغربت   من طلبه  هذا 

رهف...بالعافيه 

عمي...شنو بالعافيه اني ماموافق

رهف...راح تاخذه اذا وافقت واذا ما وافقت   شكران 

وخالتي محد.يكدر عليهن غير رب العالمين 

وافق احسن     لان راح تاخذه من وراك  وتسود وجهك 

انت ما تعرفها بكدي 

اذا رادة شي تاخذه  حتلو  تسوي شي حرام ماعدها مانع 

تاخذه يعني تاخذه 

عمي.. اني خلاص بلغته رفضي     اني مااكدر أوافق ابد 

شلون  طلكج وجاي بطلب ايد شكران 

رهف.... بكيفك عمووو   حتلو توافق   عادي 

اني بعد عصام طلعته من قاموس حياتي   اذا مو شكران 

راح يزوج وحده غيرها 

عمي...شنو ماكو غيره زلم بلدنيا  يطلك  هاي وياخذ هاي 

اني بعد عصام مااخلي ايدي بايده 

بعد ما طلكج   بهاي السهوله 

رهف...بكيفك عمووو  براحتك   انتي تعذبت بسببي 

عمي...  انتي  بنيتي اكو واحد يتعذب بسبب بنته 

رهف ...قفلت الخط    محتاره ولله محتاره 

ليان ...شكووو وجهج صار  اضلم  خير 

رهف....باركيلي زوجي راح يزوج بت خالتي 

نورهان...يااا تحجين صدك  ولله

رهف...الي محيرني  شلون بهلسهوله  وبهل السرعه 

شلون البنيه الي  كان رافضها ويحجي عليها     يريد يزوجها 

ليش شكران بلذات 

معقوله يريد يحرك.كلبي 

اكيد قصده يحرك كلبي      يريد يبين ما مهتم 

ويكدر يطلك منا ويزوج منا 

بس شلون كدرن يقنعنه  عصام ما يقتنع بسهوله 

ليان...يااا   ولله راح يزوج شكران   شلون يزوجها 

وعمج شنو رائيه 

رهف.. عمي هلمسكين مايكدر عليهن 

ليش هيج الدنيا وياي جاي تلطمني  تلطم 

اي ازوج  بس مو شكران  العراق بي  ملايين البنات 

مالكيت غير شكران 

نورهان...حيل بي يستاهل شكران خلي يعرف شجان ماخذ قبل    وهسه   بيش وكع    صدكي هذا الزواج مراح يطول ابد 

هي ماخذته علمود فلوسه   وسوتها شغلة عناد 

وهو هم   اخذها عناد بيج 

رهف....... واخيرا انتصر الباطل على الحق 

انتصرن خالتي وشكران عليه      مو يكولون الحق ينتصر 

وين الحق ينتصر 

شو الباطل الي انتصر 

طلكني وطلعني من بيتي  واخذن  رجلي وبيتي 

على الحاضر 

عود صدك  اني ليش هيج بلاحظ    ليش ماعندي حظ مثل البنات 

هسه على الاقل   لو عندي اهل مثل كل البنات 

ليش كلشي حلو جاي يروح مني

معقوله اني نحس   ايجوز رب العالمين انطاني الجمال 

وأخذ مني الحظ 

جمانه السعيدي 

ليان...ولله اني منج مااضوج   اكوم اركص   افضل عقاب العصام على الشي الي سوووا 

اخذ شكران   ماكو هيج بوري معدل 

احمدي ربج الف مره واشكري  خلصتي   من هيج واحد نرجسي  عصبي ما يتفاهم 

نورهان...فعلا كلام ليان صح     باعي الهذا الموضوع من غير زاويه 

عصام مجان يستحقج 

يستحق وحده مثل شكران راح تلعبه تلعب   واذا ماعرفت علي عشره  تعاي عاتبيتي   الي متعوده على العلاقات 

ماتكدر تعوفهن 

شوفي وكولي  نورهان كالت  اذا مالعبت بي لعب 

ليان...عليجن الله خل نحتفل بهاي المناسبه  بمناسبه زواج عصام من شكران   هو هذا الشي الصح 

رب العالمين يريد  يطلع حقج منهم ثنيبنهم 

عبالج دمعتج هينه عد رب العالمين 

يتيمه وشريفه وعمرج مااذيتي احد 

ولله اللج حوبه شكبرها يم رب العالمين 

بس اصبري وشوفي الفضايح الي راح تصير    الشكران 

وامها   

كومن خل نحتفل   احسن شي بهيج مواقف 

الواحد يحتفل    خل نركص ونطلع الكبت  الي بداخلنا 

نورهان... جيبي التليفون خل اطلع ساجده عبيد 

ولله عليمن زعلانه  وغاثه نفسج 

يروح واحديجون عشره 

جمانه السعيدي 

رهف...شغلن ساجده عبيد وسحبني وكامن يركصن

بس مالي واهس  ودي امدد رجليه واكعد ابجي 

جان عندي امل ولو بسيط 

عصام ينتبه الغلطه  ويجي يصالحني   عصام اول حب بحياتي   ومستحيل اكدر انسى بهاي السهوله 

ليان...الله عليج  اركصي 

رهف...شركص هو اني اكدر اتحرك  عبالك فيل 

خاف اتحرك والبيت يوكع على راسنا 

نورهان ...خل يوكع اهم شي تطلع الطاقه السلبيه 

ونرجع نشاطنا 

رهف...كمزن شويه واني ماكدرت اشاركهن بااي شي 

مستحيل اتغلب على حزني بهاي السهوله 

محتاجه وقت  حتى اكدر اعدي هاي الازمه 

رهف...رجع عمي اتصل عليه بعد يومين    

شايل هم زعلي خاف اسمع عصام وشكران ازوجو واضوج 

عمي...خالتج مابقت واحد مادزته عليه حتى أوافق بهاي الزواجه 

رهف...وافق ليش ترفض   ترا اني وعصام مابقى بينا شي 

عمي...شلون أوافق

كل شويه دازتلي واحد  يقنعني   اوافق 

واني جاي ارفض  شلون اقبل  شكران تزوج  عصام 

رهف...عمو وافق   ولله وافق   هنا  جانن يردنا من زمان 

ومادام  يردنا راح ياخذنا 

ليش تخلي نفسك بموقف محرج 

بسببي  لان خالتي مراح تسكت لمن توأفق على هاي الزواجه   

وافق واحفظ ماي وجهك      خليها تاخذه بالعافيه عليها

رهف...ماكو يومين ونشرن حفلة لمهر  ستوري 

بس عصام ماكان فرحان مثل يوم مهرنا اني ويااا 

كاعد وساكت  مدري كفخنه بسحر 

الله اعلم   يستاهل كلشي يصير ويااا     

هي شكران استحقاقه   ثوب ومفصل علي 

شكران كانت طايره من الفرح    تصرفاته مرعبله

عبالك ماصدكت تاخذه

من شفت حفلة المهر  قررت خلاص  مثل ماهو شاف حياته 

وعافني ورااا اني هم لازم اشوف حياتي 

وابدي من جديد  

لازم افتح صفحه جديده  وانسى كلشي 

والدنيا كفيله  تخليني اصير قويه 

ثاني يوم رحنا اني والبنات سجلنا بلجم 

طبعا هنا ضعيفات بس سجلن علمودي حتى يصيرعندي واهس 

الجم بلطابق الثاني 

علما صعدت كمت الهث  احس كلبي  راح يوكف 

بس وصلت  اول كرسي كعدت علي 

كابتن الجم    ملاك   ...اهلا وسهلا 

ليان ونورهان....هله بيج 

ملاك....هااا هاي الحلوه الدبه شتريد 

رهف...من اولها دبه راح ابطل 

اولا ليش طابق ثاني مااكدر اصعد  هذا الدرج كل يوم 

ثانيا   ليش دبه  شايفه نفسج رشيقه عليه

ملاك...كومي اشوف وزنج شكد  اذا ما طلعتي دبه عاتبيتي 

رهف...خل ارتاح كلبي كام يدك على السريع 

ملاك....طبعا كلبج يدك على السربع  من الشحم النايم علي 

رهف...كمت صعدت على الميزان 

والمفاجئه طلع وزني (((١٢٠- كيلو وو )))))

صدك تفاجئت بوزني   ما توقعت وزني صاعد هلكد  

ملاك...هااا دبه لو ما دبه 

رهف...هو اني جايه حتى تحوليني من دبه الغزاله 

بس اريد اكلج شي  ترا الاراده صفر 

ملاك...اني ماعندي الاراده صفر    راح نبدي التحدي 

بارده قويه 

مفهوم لو مامفهوم

رهف...مفهوم 

ليان...احنا راح نجي بس بلعطله  يعني اشتراك يومي 

بس رهف  اشتراك شهري 

ملاك...تمام     بس اريدجن تساعدني   مادام ارادتها صفر خاف تنهزم من اول ايام 

اني هنا اهتم بيها وانتن بلبيت   تحاولن اسيطرن على 

اكلها   راح اكتب قائمه بلاكل الممنوع تاكله 

لازم تراقبنها    وتحاولن تساعدنها 

لان وحدها مراح تكدر    

ليان...مفهوم 

نوهان...كلام  ذهب   احنا وياج شتكولين حاضر 

     ...هااا تحمستو للجاي

#١٢٠-كيلو

#البارت الثالث عشر 

#جمانه السعيدي 

رهف.....١٢٠-كيلو   كانت نقطة الانطلاق بلنسبه اليه 

نقطة التغير 

هذا التغيير جان لازم يتحقق من زمان 

محتاجه شويه صبر واراده 

اول ٣ ايام بلجم  متت  من الوجع لان جسمي مامتعود على هيج حركه 

بطني مشجنه  رجليه مااكدر امشي عليهن 

اديه يوجعني   

 احساس الوجع وقله الاقل   دمرني   خلاني افكر   اتراجع عن قراري   

وخاصه بليل   ممنوع الاكل    بعد العشى 

حسيت نفسي محبطه 

وادور عذر حتى اتراجع     يمكن مااكدر اكمل 

رهف...يمكن بعد مااروح للجم 

ليان...شنو شنو  شنو ماتروحين للجم   صدكي اسحلج سحل 

بعدنا بلبدايه   شبسرعه   استسلمتي 

رهف...ولج جسمي كله يوجعني 

نورهان...اي واذا كم يوم وجسمج يتعود   شنو قابل راح تموتين من الرياضه مثلا 

رهف...اسبوع وارجع  للجم 

ليان...ولا يوم واحد ممنوع   سمعتي لو لا 

ثاني يوم ليان راحت وياي للجم 

حتى يصير عندي واهس   

شفتها تحجي هيه وملاك  ماسمعت كلامهن    بش اني بعدين حللت كلام ملاك 

وعرفت هي وليان شحجن بينهن 

ليان وصت ملاك تصادقني   وتحجي وياي يعني تسويلي  واهس  حتى لا ابطل  من الجم 

لان مثل ماكتلكم ماعندي وهس ولا دافع اكمل 

بلدايت والرياضه

ملاك...يله رهوفه الحلوه   اني ناويه  اطلعج منا غزاله 

واحلى من الغزاله  

اذا مااخلي كل الي يشوفج يتعجب بيج  مااسمي ملاك 

بدت ملاك تحجي وياي وتنقلي تجارب بنات   تغيرت حياتهم كليا  بسبب  الرياضه 

حتى اتشجع  اكمل وياها

ملاك...شوفي رهف   انتي بس محتاجه شوية صبر 

وراح  تصيرين انسانه ثانيه 

اكو بنيه مزوجه صار ثمن سنوات  وما بقت دكتوره مراحت عليها  بس كون يصير عدها حمل 

والتشخيص كان   تكيس مبايض 

مجرد التزمت بلاكل والرياضه    وبأقل من ست اشهر صار عدها حمل    رغم هي كانت شبه يائسه من حالتها 

من غير أصحاب الفقرات  والمفاصل 

هسه راح تجي بنيه اعرفج عليها

بنيه زغيره عمرها ١٧ سنه  الدكتور شخص حالتها كئابه حاده  بسبب ضروف اهلها وعدهم مشاكل 

مجرد ماالتزمت ويانا  اتحسنت حالتها   حتى هي تكول

كمت انام بدون مهدئات

وراحت مني العصبيه     انتي ما تقلين شي عن البنات 

بس انتبهي وياي   انتي نفسج راح تحسين بفرق 

شنو رائيج اني اليوم عازمتج 

جمانه السعيدي 

رهف...انتي عازمتني على شنووو   لازم بيض سلك وخبز شعير   اكيد اكل دايت 

ملاك..لا مواكل دايت   لفة كص شنو رائيج 

رهف...تحجين صدك لو ناصبه عليه 

ملاك...لا احجي صدك وياها ببسي دايت 

رهف...بس لفه وحده 

ملاك...هااا لا تصيرين طماعه  اني مااريد عقلج يعيش 

حالة حرمان  وتكون ردة فعله عكسيه 

بمكان ماتنزلين وزن  لا  جسمج يتمسك بلدهون 

رهف...موافقه 

ملاك...هسه اني راح اشرحلج شلون وضع العقل بلدايت 

العقل مسؤل عن كلشي بلجسم 

ينبه الجسم اذا اكو خطر   او مثلا اذا جاع الانسان 

العقل يرسل إشارة تنبيه للجسم

من تبدين دايت

العقل يخاف يفقد طاقة الجسم 

راسا ينبه الجسم  راح تصير حالة حرمان 

مثل دوله  جانت عايشه بخير ونعيم   بعدين  يفرضون عليهاحصار 

شراح تسوي هاي الدوله راح تخزن مواد   حتى لا 

يجيها الجوع  وتنهار 

هيج الجسم  مجرد ما ينبها العقل الحالة الرجيم 

يحس راح تصير حالة حرمان 

ينبه الجسم حتى يحتفظ بلدهون الحشويه 

الي هي مصدر الطاقه انتي بلبدايه راح جسمج يرفض الوضع الجديد    وراح يتمسك بلشحوم اكبر وقت ممكن 

كنوع من الحمايه      فهمتي لو لا 

رهف...اي فهمت 

ملاك...ممكن تعتبريني اختج الجبيره واذا اكو شي مضوجج

نحجي بي اني وياج  ونحاول نلكه حل

رهف....يمعوده اذا احجي الضروف الي مريت بيها 

منا الباجر مااخلص 

ملاك...مو اليوم غير يوم نحجي  تمام 

رهف...تمام  موافقه 

دزت ملاك وجابتلنا اني وياها كل وحده لفه وببسي 

ملاك...هاي عربون الصداقه 

رهف..كلش ارتاحيت الها   احسها راقيه وواعيه 

من غير شكلها يخبل   جسمها ولا غلطه 

جمانه السعيدي 

خل  نطلع من  جو الجم والدايت واحجيلكم شويه  عن ولد عمتي 

 محمود وميثم لان نسيت احجي عنهم 

محمود  سبورتي من يجي يكعد يمنا ويبقى يسولف ويضحك 

حتى زوجته حبابه    دائما تسئل عني

واجيبلنا شغلات من تجي اني والبنات    وعزمتنا مرتين 

بيتهم  

اما ميثم   تذكرون قبل عرسي  بقيت بيت عمتي اسبوعين 

قبل زواجي  

 ميثم.نزل بس مره وحده سلم عليه 

زوجته من شافتني  منعته ينزل   جوه

خاف ينعجب بيه        اذا   راد  ينزل تنزل   ويااا 

اما هسه من اطلكت   كام ماينزل ابد   

اذا نزل يشوف امه تتخبل علي    شلون تنزل عليهم 

خاف   عينك على رهف 

شفتها حلوه وكل شويه نازل تشوفها 

المسكين بطل ينزل جوه   يطلع للشارع من الدرج الخارجي 

عمتي تصعد يمهم تشوفهم وتنزل 

اما هو انحرم من بيت اهله بسببي 

هاي الشغله حيل مضوجتني    وافكر بيها ليل  نهار

اريد الكا حل  بسرعه    

مااريد الوضع يبقى هيج   للدوم 

خلص اول اسبوع بلجم     جسمي عبالك مكسر تكسير 

اتصل عليه عمي...

عمي...شلونج رهف 

رهف.. الحمد لله  ابشرك سجلت بلجم 

عمي...عفيه  عفيه   هاي بنتي الحلوه  الي تكدر تغلب كل الضروف  وتصير قويه 

رهف...انت شلونك 

عمي...الحمد لله تمام    

رهف.. هم اتشوف الولد 

عمي...اي رحت للمدرسه شفتهم     وانطيتهم مصرف 

بس خالتج وشكران من يوم  المهر بعد ما شفتهن ابد 

رهف...يمتى العرس

عمي...مااعرف  وما يهمني اعرف   عسى نارهم تاكل حطبهم

(  عمي جاي يحجي هيج حتى يخفف عني  ومااضوج )

رهف...عمووو  بعد شكد ويخلص عقد الإيجار 

عمي...ليش 

رهف...اريد اعيش بيت اهلي    وانت تجي تعيش وياي 

اني وياك ثنيبنه لا جئين 

ليش نعيش بيت هذا وذاك ليش ما نعيش بيتنا 

شنو رائيك 

عمي...مو انتي مستفيده من الإيجار  واني مااريد اضايقج 

رهف...انت اضايقني  ياريت الناس كلها مثلك 

عمي...يمكن بعد ٣ اشهر ويخلص العقد 

رهف...بعد لا تجدده    نسكن بي اني وياك 

بلكت الله يهديك ونزوجك   ترا بعدك زغير وحلوه 

عمي.. خالتج كرهتني بلنسوان كلهن  

اني ازوج بعد شبي تخبلت 

رهف...ولله سعيدة حظ الي تاخذك   بعدك زغير 

كلهن ٤٣  سنه  الي بكدك بعدهم مامزوجين 

عمي...اليوم شنو لكيتلي عروسه 

رهف...انت بس اااشر    عشره مو وحده   ازوجك على حسابي     جمانه السعيدي 

عمي...زين اليوم اروح احلق واصبغ شيباتي 

واشتري ملابس حتى اعجب العروس 

رهف..  هيج انت تعجب بنت السلطان

عمي...ولله رفعتي معنوياتي   بعد منو يكدر عليه 

رهف...عمو فدوه مو تنسى موضوع البيت الله يخليك 

عمي... احجي الصدك   احد مضوجج    اذا ضجتي ااجرلج بيت واطلعج 

رهف...لا ولله شايليني على كفوف الراحه   بس  إلى متى 

اني عندي بيت ليش اضايقهم 

عمي...صار تدللين 

رهف...عمو اريد فلوس اجدد اشتراك الجم واشتري اكل صحي  وملابس رياضه 

عمي...صار من عيوني الثنيبن 

رهف...سالمات عيونك   الله يحفظك اليه 

من اول شهر بلجم نزلت عشره كيلو   كلش فرحت 

من بعدها جسمي توقف عن النزول   رغم الاكل الصحي 

والرياضه 

رهف...ليش مجاي ينزل وزني 

ملاك...اولا ممنوع كل شويه واكفه على الميزان 

ثانيا جسمج هسه بحالة دفاع 

عقلج جاي يرسل اشاره للجسم يحتفظ بلشحوم

العشر كيلوات الي نزلتيهن كانن مي مو شحوم  

سهل الجسم يتخلص من  المي الزايد بس صعب يتخلص من الشحوم 

رهف...يعني شلون اغير عقلي 

ملاك...لا نغير الرياضه   ونغير جدول الاكل 

يعني نضحك على العقل 

رهف...يااا اكو واحديضحك على عقله 

ملاك...اي تكدرين اضحكين على عقلج      نبدل  الاكل المصنع بااكل صحي والياف  الدهون المصنعه بدهون  صحيه 

وتكثرين من البروتينات   

رهف...اول مره اسمع واح.يكدر يضحك على عقله 

ملاك...امشي مثل مااكولج  فهمتي لو لا 

رهف.. حاضر كابتن      كابتن   اني حبيتج     كلامج 

بيه حنيه 

ملاك ...واني هم حبيتج   

رهف...اريد احجيلج قصتي    قصة السمن  منيين بدت وياي 

ملاك...يله اسمعج 

رهف..اني كنت رشيقه  وجسمي حلو

من ماتو اهلي دخلت بصدمه     وحولت كل اهتماماتي للاكل 

ملاك...ياا عيوني انتي ماعندج اهل 

رهف...اي ماعندي اهل 

وصار اربع أشهر انفصلت عن زوجي 

ملاك..  انتي منفصله  بعدج زغيره   .يا مسكينه   ليش 

رهف...هاي قصه وحدها تحتاج كعده وكلام  هواي 

ملاك...اني هم منفصله 

رهف...يااا تحجين صدك   هذا الجمال كله والثقافه

وطلكج  شكد اثول 

ملاك...وانتي  الأثول العندج شلونه   اكو واحد يطلك وحده حلوه مثلج 

رهف...اني طلاكي صار بسبب مكيده   انحاكت عليه 

وطلكت    انتي ليش اطلكتي 

ملاك  وياي بالجامعه ذبح نفسه عليه  اهلي ماكانو موافقين 

بهاي الزواجه   بس اني صممت علي  شكد.ثوله

لان ماعنده امكانيه  زواجنا صار تلزيك 

اني ابد ماهمتني الفلوس    كان اهم شي عندي  نزوج ونكعد اني وياا سوه 

بس ازوجنا  انكلبت احواله كلها      مايقبل يشتغل  يطلع حجج 

حسره عليه الربع  ومااكدر احجي كدام اهلي  لان هما 

كانو معارضين هاي الزواجه 

كلما الطلب منه شي يكول روحي الاهلج.جيبي منهم 

اكله ليش ما تشتغل

يكول ماكو شغل

جزعت منه حيل سنتين واني عايشه بدوامه   ما تخلص 

اطلكت وتنازلت عن كل حقوقي بس اخلص منه 

رهف...زين تسوين

ملاك....لو باقيه ويااا اكثر جان انجلطت  هسه  اني  

اشتغل وخير من الله على الاقل كسبت راحة بالي 

رهف...اني بعدني ماحصلت راحة البال 

كل يوم اذكره  واذكر زواجنا واذكر اليوم الي طلكني بي 

بس اتمدد بليل على الفراش 

تهجم كل الأفكار السلبيه عليه وطير النوم من عيني 

هم يجي يوم واتخطى كل هذا الضلم والحزن 

ملاك...اكيد راح تتخطين   بس صيري شجاعه 

وشوفي شلون راح تتخطين كلشي 

اكو قصد من سرد قصة ملاك      لان الها دور بحياة رهف الجايه 

#١٢٠-كيلو 

# البارت الرابع عشر

#جمانه السعيدي 

رهف...شكد جاي احاول اشغل نفسي  واطلع من هاي الحاله 

بس اجذب اذا اكول عادي 

نسيت وجاي اعيش حياتي 

اني بطبيعتي انسانه حساسه   ومااكدر اتخطى بسرعه 

المهم اني كدام   الناس ابين اني عادي طبيعيه 

والأمور تمام   

حتى لا يكولون عليه ضعيفه  

بس مجرد مااكون وحدي تهجم عليه الأفكار  وتحاصرني 

وتخليني ارجع النقطة البدايه 

اكيد راح اجاوز كلشي بيوم من الايام    بس محتاجه 

صبر  ووقت    الانسان الي يحب من صدك مايكدر يتخطى بسهوله 

شكران نشرت حنتها  ستوري 

دائما من اشوف تصرفات شكران  احاول احلل شخصيتها 

ليش هي هيج انانيه واستفزازيه 

ليش هلكد شايله حقد   

معقوله  كلبها اسود الهلدرجه    بحيث ماهان عليها 

اني ازوج واستقر وماشافت بهاي الدنيا  كلها غير عصام تخلي عينها علي 

يارب  اريدك اتساعدني حتى اتخطى  واعيش حياة طبيعيه  حالي حال باقي البنات 

اريدك تقويني  وتصبرني    وتشد عزيمتي  انت اعلم بحالي يارب   لا تنساني من عطفك   وكرمك 

بيوم عرس شكران عمي اجاني   من الصبح 

يريد يشوفني مقهوره زعلانه  ضايجه    يارب ماكو اطيب من كلبه بهاي الدنيا  شايل همي خايف ازعل 

دك الباب   اني فتحتله 

عمي...الله شنو هلصباح الحلووو 

رهف...هلو عمووو   (  جان مبين عليه ضايجه )   هاي مشاعري مااكدر اخفيها  اني فعلا كنت ضايجه 

عمي...اليوم اني عازمج  نطلع نتريك  سوا 

لو تردين نتغده 

رهف...بس اني  مسويه رجيم 

عمي...هسه هو الرجيم على وجبه وحده 

رهف...لو تسمعك ملاك 

عمي...ملاك منو     جمانه السعيدي 

 اني بهاي اللحظه اجتني فكره 

راسا فكرت اعرف عمي على ملاك هاي الفكره  اجت ابالي 

اي ليش لا   ولله ملاك حلوه وحبابه وطيبه  وتستاهل كل خير  وعمي ماكو منه 

عمي...وووين صفنتي    يااا ملاك 

رهف...عمو ممكن  تعزمني على الغده 

عمي...اي ممكن ليش لا 

رهف...ممكن اجيب وياي صديقتي  

عمي... اي جيبي صديقتج  ليش لا   

رهف...اي مطعم  نروح 

عمي...اكو مطعم مفتح جديد  اكله يخبل 

رهف...عمو بعد عندي طلب 

عمي...عيوني كولي  شنووو 

رهف...اني راح اكول اني عازمتها   وانت تجي  وكانما مفاجئه   يعني كانك داخل للمطعم فجئه  وشفتنا اني وياها 

واجيت  تسلم علينا 

عمي...عود ليش هاي الفره كلها 

رهف... اريد اعرفك عليها   

عمي...ليش تعرفيني عليها 

رهف...شكد تسئل   خليها مفاجئه   ممكن تجي كاشخ 

ولا بس كل الي على الحبل 

والعطر عموووو العطر كلش مهم     اذا اتريد اتأثر على الناس استخدم عطر مميز 

عمي...وليش ترديني ااثر عليها   مافهمت 

رهف...بعدين اني راح افهمك 

عمي...اي والغده  

رهف...شبي الغده 

عمي...اريد اتغده شلون 

رهف...ومنو لازمك  اتغده 

عمي...يعني نكعد اني وياج وياها وناكل سوه  خاف ما تقبل 

رهف...شنو ما تقبل 

عمي...عود ليش تردين تعرفيني على زعطوطه  بكدج 

رهف...لا مو زعطوطه  عمرها ٣٠ سنه   

عمي...وانتي ليش مصادقه وحده عمرها ٣٠ 

رهف...هاي الكابتن   الي  اروح يمها  بلجم  والها فضل عليه 

واريد اعزمها 

رهف...صعد حواجبه وكال بس هيج 

رهف...اي بس هيج  كلشي ماكووو  الله عليك كون طالع 

احلى من احلى شاب  كون من تشوفك    تصوفر من جمالك 

عمي...شنو تصوفر   اني حمامه 

رهف....لا انت نسر  مو حمامه 

عمي...صح اني منطيج على كد عقلج  بس فهمت انتي شتردين   راح اجي  كاشخ  وما افشلج  ابد 

رهف....اي اموت على الي يفهم السالفه وهي طايره

عمي.....   بس لا تكونين متاكده من  هاي الشغله 

القبول اله أسباب  مايصير هيج  كبل

رهف...واني اكولك راح يصير قبول  شنو رائيك 

رهف...يله روح بسرعه   اكشخ وتعطر مثل ما كتلك 

عمي...هههه   اني اخر عمري امشي ورا رهف 

جمانه السعيدي 

رهف...جنت اريد اعرف عمي على ملاك   عاجبني عمي يعيش حياة حلوه بعد ما شبع ضيم من  خالتي 

وهم اريد اغيض خالتي    

راح يروح منها رجلها   اني هم اعرف اخطط مو بس هيه 

هي متاكده هو مايزوج عليها 

بس اني راح افاجئها   مفاجئت عمرها

اتصلت على ملاك 

رهف...هلو ملاكي 

ملاك...هلو رهوفه 

رهف...ممكن تقبلين عزيمتي 

ملاك...عزيمه   ووين بيت عمتج مااكدر 

رهف...لا بمطعم مفتح جديد ويكولون اكلهم يخبل 

ملاك...اي ولله من زمان ما طالعه مطعم 

رهف...الساعه وحده الضهر  نلتقي هناك 

ملاك...تمام بس ما كلتي شنو المناسبه 

رهف...المناسبه اليوم   زواج   زوجي 

ملاك...يااا صدك تحجين 

رهف...وليش متعجبه

ملاك....ماادري    شو سالفه    مخربطه 

رهف...مو تتاخرين 

الساعه ١٢  اترخصت من عمتي وطلعت وياا عمو رحنا للمطعم 

مااسولفلكم عمو طالع ولا عبالك شاب عشريني 

يخبل   يمكن اخذه الواهس  من سمع بلعرس

لابس قاط اسود وقميص ابيض وحالق شعره 

وخال عطر   رهيب    شي مختلف 

طبعا هو يعرف اني اريده يشوف العروسه   اخذني على كد عقلي 

وصلنا  هو طبعا حاجز طبله 

اني كعدت وهو راح كعد بعيد   يعني بلكوه اشوفه 

بقيت كاعده ربع ساعه  واجت ملاك 

لابسه بنطرون وبدي   رافعه شعرها بطريقه اجنن 

مصبغه اظافرها 

عبالك هاي الممثله الهنديه كاترين كيف 

لعابه مو مره  اني متاكده اذا شافها عمي يوكع مغمى علي

كعدنا اني وياها 

ملاك...المكان حيل حلووو  تعرفين صار شكد ما طالعه مطعم 

رهف...اني هم اليوم قررت اطلع واغير جو 

ومااعرف ليش اجيتي على بالي   

ملاك... شكرا   المره الجايه العزيمه عليه 

رهف...موافقه 

ملاك.. شنو موضوع زواج   زوجج   اليوم 

رهف...ممكن ما نحجي بهذا الموضوع ابد   جايه انسى مو اذكر

دزيت اوكي العمي حتى يجي   

اجا من بعيد  وهي تسولف وابد ما منتبه  علي 

قرب وسوو نفسه متفاجئ بيه

عمي...رهف  هلو شلونج   هااي انتي هنا 

رهف...اجيت اطكها ضحكه  كوه سيطرت على  نفسي 

درت وجهي علي   وضميت ضحكتي كوه 

هلو عمو شلونك 

ملاك بقت تباوع علينا ومستغربه 

رهف...اعرفك  ملاك صديقتي 

اسكتو على المنظر   اول مره اشوف عمي هيج يباوع 

بقه واكف ويباوع عليها 

نظره  ماشايفتها ابد    اني متاكده عجبته  

هاي نظرته مو خاليه ابد 

عمي...اهلا وسهلا    فرصه سعيده 

رهف.. كامت  ملاك   من  مكانها وكفت     ابتسمت ابتسامه خفيفه     اهلا وسهلا 

رهف...عمو الي حجيتلج علي اطيب واحن كلب بلعالم 

ملاك....لان تكولين عموو اتوقعته جبير 

راسا تحولت ابتسامة عمي الضحكه  تخبل 

هلكد مايباوع عليها   ابتسمت ودنكت 

جمانه السعيدي 

رهف...عمو الله عليك لازم تكعد ويانا   اني عازمتك على الغده 

عمي...اذا  ست ملاك تقبل   مااريد ازاحمكم 

ملاك...لا بلعكس   ليش ازاحمنا    تفضل     

رهف...كعد  عمي   وااشر يطلبنا ااكل 

عمي...شتاكلون 

ملاك...اي شي 

رهف...بكيفك عموووو  انت اطلب 

عمي...خاف تردون اكل .دايت 

ملاك...عادي اليوم فري 

عمي...راح اطلبلكم على ذوقي 

كعدنا  ناكل  وعمي مجاي يكدر يخفي إعجابه بملاك 

وهي حست بهذا الشي 

كملنا ورحنا نغسل   اني غسلت ورجعت قبل ملاك 

لكيت عمي  جاي يحاسب 

رهف...شنو رائيك 

عمي...ولج هاي صاروخ مو مره   معقوله تقبل بيه 

رهف...وليش ما تقبل بيك  انت الي ما تعرف قيمة نفسك 

عمي...خاف تفشلني 

رهف...شنو رائيك انطيك رقم تليفونها 

عمي...اي شلون ياشاطره  شراح اكووول  من رخصتج اريد اتعرف عليج 

رهف...  كول عندي سوال  عن الرياضه   عن الاكل 

عن الدايت الي يلائم جسمي 

عمي...ولله مااكدر  أدبر هيج سالفه   اكيد راح تكول يتحرش بيه 

رهف...هنياله واحد مثلك يتحرش بيها  بعد شتريد 

عمي...انتي لان تعرفيني تكولين هيج  هي ما تعرفني

رهف...اني هسه ارتبلك الأمور لا تخاف 

ماكو احلى من الصراحه بلعلاقات 

عمي....يعني شلون 

وصلت ملاك        مرتبه  مكياجها ومزوده العطر 

رهف...اريد احجي وياج بموضوع مهم 

راسا عمي دنك   محرج من الكلام الي راح اكوله 

ملاك...اي كولي  ليش لا 

رهف....عمو معجب بيج ممكن تنطي فرصه يتعرف عليج 

راسا عمي شال ايده وغطى وجهها   ما متوقع اني هيج راح احجي      طك بطك 

انطيها الها بوجها كبل   بدون مقدمات 

راسا هي ضحكت  بصوت   

عمي جان مغطي  وجها بايده من سمعها تضحك  نزل ايده مستغرب من ردة فعلها 

ملاك...طبعا اني بس وصل عمج عرفت اكو خطة تعارف 

وانتي صاحبة هاي الخطه 

ثنيبنكم ماتعرفون تمثلون 

رهف...زين عرفتي هسه شنو رائيج 

ترا انتي وياا حيل متوالمين تخبلون ثنيينكم

ملاك....ماعندي مانع نتعرف   ثنيبنه   كبار ونفتهم 

اذا صار بينا توافق ماكو مانع 

واذا ما اتفقنا    ماصار  شي     كلمن يروح الحاله 

رهف...اني متاكده بس تتعرفين على عمي راح تحبي 

وتجين اطلبين ايده مني 

وساعتها افكر اقبل لو لا

رهف...من سمعو كلامي ثنيبنهم ضحكو بصوت عالي 

ماطلعنا من المطعم اله عمي مسجل رقمها  بتليفونه

بعمري ما شفت عمي هلكد   سعيد  مثل هاي المره 

يمكن اني كمت اعرف اخطط   

وخططي جاي تنجح     كولو ماشاء الله  لا تحسدوني 

#١٢٠-كيلو

#البارت الخامس عشر

#جمانه السعيدي 

رهف....  اجرنا تكسي وصلنا ملاك البيت اهلها   ورجعنا اني وعمي بيت عمتي 

عمي...اذا ضبطت  هاي السالفه الج هديه 

رهف...هديتي الحقيقيه   انت تكون سعيد   

بكد ماجاي تهتم بيه وتخليني سعيد    

  اني مااعرف شنو من صبر عندك   شلون بقيت هاي السنيين كلها   متحمل خالتي  واسلوبها  الماينجرع 

عمي....شسوي  الجهال جانو زغار   وخفت اضيع عائلتي 

اتحملت   الخاطرهم 

رهف...انشاء الله  تكون من قسمتك ونصيبك 

عمي...الله يسمع منج 

 هاي الزواجه اذا صارت مثل الي يطلع من النار ويدخل بلجنه 

 رهف.....ههههههه  انشاء الله خير

رهف...تحديدا من هذا اليوم بدت علاقة حب بين ملاك وعمي 

قبل اني وملاك اغلب الوكت نحجي سوه 

صرنا اكثر من صديقات 

بس من اتعرفت على عمي   صارت وحده ثانيه 

كل الوقت السماعه بااذنها وتحجي وياااا 

يعني كلام متواصل طول النهار بدول ممل

واي  وحده تدخل الجم       تشارلي روحي شغليلها الجهاز 

لو انطيها ورقة التمارين 

حتى شغلها بلجم  كامت ما تشتغله

اني كمت اشتغل بمكانها 

 عمي الي كان يتصل عليه  كل يوم  ويجي يشوفني بين يوم ويوم 

نساني            يمكن وكع بلحب 

اكثر من مره  ملاك تعوفني وحدي بلجم  ويااا البنات 

وتطلع  وياا عمي   يرحون مكان   يشربون جاي كهوه

صرت اني المسؤله عن الجم 

وعم   البنات  اعرف كل التمارين    واي وحده شنو التمرين الي يناسبها 

بعد  مرور شهر على  هاي العلاقه     عمي اتصل عليه 

هاي الفتره الي فاتت  تواصلنا اني ويا كلش قليل 

شغلت تفكيره ملاك 

رهف....همزين اذكرتني صدك لو كالو من لكه احبابه نسا اصحابه 

عمي...هااا بدينا الغيره 

رهف...طبعا اغار    قابل  عرفتكم على بعض  حتى تنسوني 

ثنيبنكم نسيتوني 

عمي.. انتي منو يكدر ينساج   غير انتي الكلب 

رهف...لا عيني اني مو الكلب ملاك الكلب 

عمي...اريد   أتقدم الملاك 

رهف....لولووووش   شايف خير ومستاهلها    على الخير والبركه 

عمي...بس شلون بلمكان   ااجر  بيت لو مشتمل شنو رائيج 

رهف...شكد بعد ويطلع المؤجر من بيتنا 

عمي...بعد شهرين 

رهف...شنو رائيك  انشوف بيت للمرجر   وندفعله  إيجار شهرين مقدم   حتى ينتقل ونرتب بيتنا وتزوج بي

بس اني وياكم على كلبكم   من هسه اكولك 

مو تريد ملاك تاخذك مني  اني اليه حصه بيك 

عمي....ههههه   يمه الغيره يمه 

رهف...يااا ولله مااعوفك الها وحدها   اني اليه  حصه بيك اكثر منها 

عمي...حبيبتي انتي 

رهف...زين أتقدم الها   وخل أتم الخطبه   وبعدين نحاول 

نلكه بيت   ونرتب امورنا 

عمي...انتي تشوفين هيج 

رهف...اي خل العلاقه تكون رسميه  بينكم    والبيت سهل 

عمي...زين راح احدد    موعد ويا اهلها 

اني عندي قطعة ارض مشتريها من زمان  بس محد يعرف بيها    راح احاول انطيها المقاول يبنيها اليه  بالقسط 

جمانه السعيدي 

رهف...ما يحتاج بيتي هو بيتك   اني مو جنت كاعده بيتك عشر سنوات وتصرف عليه   ولا يوم استثقلت مني 

عمي...بس هذا زواج  يعني عائله  انتي جنتي نفر واحد واحنا اربعه 

بعدين ملاك تستاهل يكون عدها بيت وحدها 

رهف...يعني خالتي ماتعرف انت عندك قطعة ارض 

عمي...ولا اي واحد يعرف  انتي اول وحده تعرفين هذا الموضوع 

رهف...تمام   يمتى انشاء الله الخطبه 

عمي...بس احجي ويااا ملاك   واشوف اي موعد يناسبها 

تحدد موعد خطبة عمي   بعد اسبوع 

هذا الاسبوع الجم كله صار براسي  لان ملاك تحضر الحفل خطبتها  من عمي 

كلشي كان سري  محد.يعرف عمي راح يخطب ويزوج 

بس اني وبيت عمتي  وأهل ملاك 

مانريد خالتي تعرف    خاف تسوي مشكله وياا اهل ملاك  

لمن تكمل الشغله  يله نعلن الخبر

وزني بوقتها وصل ٩٥  كيلو   بلكوه لكيت فستان محتشم 

البسه بهاي المناسبه   وجبت حزام كورسيه حتى يطلع الفستان حلو عليه 

الفستان كان زيتوني   وشال   كريمي فاتح   اللون ضرب على عيوني    مكياج هادء   اكسسوارت نازكه 

طلعت اجنن                 من شافتني ملاك   

ملاك...ولج  هاي شطالعه   بشرفج لا تجين توكفين بصفي 

ولج اضيع     عين الحاره بارده 

رهف....انتي ما تحسديني  لان تحبيتي 

كملنا من الصالون  واتصلت ملاك على اخواها يجي ياخذنا 

من الصالون للبيت 

اني طبعا ماشايفه اي احد من اهلها   لان نلتقي اني وياها بلجم    لا هي جايتني بيت عمتي 

ولا اني رايحه بيت اهلها   علاقتنا  داخل الجم وبس 

بنات عمتي شايفاتها ويعرفنها 

بس اني مااعرف اي احد من اهلها   بس اكيد هيه حاجيه عني الهم 

جمانه السعيدي 

وصل اخوها بسيارته    

ملاك...يله تعاي وصل   علي 

طلعنا اني وياها         السياره جانت حيل قريبه باب الصالون 

نزل منها ولد شاب   تقريبا عمره ٢٥ سنه   لابس قاط 

زيتوني داكن 

فتح الباب طلعت ملاك واني طلعت وراها 

التفت عليه شافني    بقه يباوع عليه 

انتبهت ملاك 

ملاك....نسيت اعرفك رهف        العريس يصير عمها 

علي....اهلا وسهلا 

رهف...دار من الجهه الثانيه وفتحلي الباب 

حسيته   حيل مركز عليه  عبالك يريد يحفظ ملامحي 

من قربت اريد ادخل    حجا بصوت ناصي 

علي... تفضلي  عيوني 

رهف.. التفتت علي اجن عيوني بعيونه    

علي....يمااااي   تذبح 

رهف...دخلت للسياره مستغربه من ردة فعله 

شغل السياره 

علي...شنو اسم الانسه  ترا نسيت

ملاك...رهف 

علي...اني ورهف مطقمين اليوم ثنيينه لابسين زيتوني 

ملاك...اي ولله صدك اني ابد مااانتبهت 

علي...هاي الخلقه الحلوه وين لكيتيها    

ملاك...علي  اسكت رهف تستحي   ما متعوده عليك وعلى 

سوالفك         ترا علي نص كلامه تحشيش    

هو الي مخلي للبيتنا طعم  بسوالفه الحلوه 

علي.... لا ولله احجي صدك   مو شقى    

مجاي اكدر اسكت     اكلج ملاك عمها هيج حلو مثلها 

ملاك...انت ليش تسئل   خطيبي لو خطيبلك 

علي....هسه اني شحجبت      عيني رهف نسيت اعرفج بنفسي   علي        العمر ٢٥ سنه  خريج  اعلام 

عندي محل   تحف وثريات  وانتيكات

رهف...اهلا وسهلا 

وصلنا للبيت    بيتهم كلش حلو   وبمنطقه راقيه 

استقبلونا اهلها     دخلنا جوه واهلها كلهم اجو سلمو عليه 

ابوها وامها وخواتها   زوجت اخوها مؤمل 

حسيتهم جاي يحتفلون بيه مو بملاك 

ابو ملاك...احنا حبيناج من  كلام ملاك عنج 

رهف...اني هم حبيتكم     شكرا لهذا الاستقبال الحلو 

فرصه سعيده تعرفت عليكم 

ام ملاك...احنا الاسعد      الله يحفظج   خاله    شنو هذا الجمال 

رهف...الله يسلمج خاله 

انجمعو اهلهاكلهم ياخذون صور وياا ملاك قبل لا اصير هوسه  ويجمعون  المعازيم 

حتى اني اخذت صوره جماعيه وياا اهلها 

جمانه السعيدي 

شويه واجت    المعازيم واجا عمي وويا  سيارتين زلم 

كله زلم كبار    وشيوخ 

عقدولهم   وهاي كانت اول فرحه اليه بعد   كل المصايب الي مرت  عليه 

اكثر واحد جان فرحان     طاير من الفرح عمي 

وخاصه من شاف ملاك بلبدله     طالعه اجنن 

لازك بصفها ما يقبل يعوفها   عبالك اول مره يزوج    

مامصدك هاي الحلوه صارت اله 

رهف...ابو ملاك صمم نبقى  للعشى اني وعمي 

عمتي ام محمود اخذت البنات ورجعت للبيت  

رغم شكد اتوسلو بيها تبقى للعشى بس ما قبلت 

بقا عمي وملاك يسولفون جوه واني رحت للمطبخ اساعدهم 

خوما ابقى كاعده  يم العرسان  هما ماصدكو يزوجون 

ام ملاك....لا ولله اكعدي واسكتي ملابسج   تتوصخ 

كاشخه وتشتغلين بلمطبخ 

اصلا احنا طلبنا اكل  كله   جاهز      بس نحضر كم حاجه بسيطه  

رهف....لا اساعدكم حتلو بشي بسيط    

من شافني علي  بلمطبخ   كل شويه جاي مطلع حجه 

بس كون يدخل للمطبخ 

اني اجاهلته  عبالك ماموجود       

اني اصلا استحي   هما طبعهم مو مثل طبعنا 

عائله  متحرره  كلشي عدهم عادي   بس بحدود الاخلاق 

يعني ام ملاك  بيوم المهر لابسه فستان ومسويه شعرها بلصالون   وطالعه عبالك شابه   ابوها لابس قاط وشكله يخبل 

راقين    وعايشين حياة غير حياتنا 

كعدنا نتعشى كلنا سوه   كل العائله   وعمي واني 

اني ابد ما حجيت ولا كلمه  اذا يسئلوني اجاوب على كد الكلام   واسكت 

خلصنا عشى   بعدها بساعه   

رهف.. هاا عمو نروح 

عمي...اي نروح      يله 

رهف.. اتشكرنا من اهلها   وطلعنا لكينا علي مشغل السياره وينتظرنا برا 

علي...يله اوصلكم 

عمي...لا مانريد انزاحمك 

علي....شنو ازاحموني         اريد  اوصلكم حتى اعرف  مكان البيت وين             يمكن اعزم نفسي عدكم 

عمي...مو تدلل   من عيوني  تطلبني عزيمه 

بلبدايه وصلوني بيت عمتي      وراحو 

بس وصلت غيرت ملابسي وسولفنا  اني والبنات شويه وتمددت اريد انام 

اجتني رساله  من ملاك 

ملاك....الحلو نايم كاعد 

رهف....شعجب   عافج عمي  اني كلت اليله للصبح ما ينامون 

يخلصوها سوالف   حب وغراميات 

ملاك....هو عليوي يخليني اسولف واكف بلعومي 

رهف...يااا عليوي 

ملاك...هذا المتيم العاشق     خبصني  خبص  بس يسئل عنج 

ويسولف بيج 

رهف...كليله ما تفيدك   

ملاك....يااا غير كون يقتنع   تخبل عليه  يريد رقمج 

رهف....ممنوع   مااقبل    اذا انطيتي رقمي ازعل عليج 

اني مو مال حب وهاي السوالف 

ملاك....زين انطي فرصه يتعرف عليج 

رهف....ابد   ممنوع   اني ماعندي وقت الهاي السوالف 

ابد     مستحيل ادخل بعلاقه  هسه 

ملاك....شلون ياربي    ولله كرع راسي 

جمانه السعيدي 

رهف...اسفه  ولله ماافيده       اذا تنطيي رقمي ازعل عليج 

وبعد مااحجي وياج ابد 

ملاك...بكيفج    اني مراح اغصب عليج 

ثاني يوم   بلجم اجا  علي   بحجة يشوف ملاك 

بس اني ابد مادرت بال  ولا طلعت علي  ولا شفته 

يمكن هو خوش فرصه   بس اني ما مستعده حاليا لا احب ولا ارتبط 

اريد اكون نفسي   اريد ارجع البيت اهلي 

اريد اكمل دراستي       اي علاقه ادخل بيها   راح اتاخرني 

واني اتاخرت هواي 

من بعد ماراح علي اجا عمي اخذ ملاك وطلع 

وبقيت وحدي بلجم 

كدر عمي يلكه بيت   ويقنع المؤجر يشيل من بيتنا 

بس ماطلع اله دفعناله ٣ اشهر إيجار ليكدام 

مع انو  يطلبنا بس شهرين ايجار    وبدا عمي يرتب البيت 

 صبغه كله من جديد 

بعنا الأثاث القديم   واشترينا اثاث جديد وحديث 

اشترا عمي غرفة نوم تخبل   

واحنا نرتب بلبيت علي جان حاضر ويانا 

مو علمود المساعده بس حتى يشوفني ويحجي وياي 

رهف....ممكن  ما تحجي وياي 

علي...ليش ضجتي مني 

رهف....اي ضجت  لان مجاي تحترم خصوصيتي 

علي...بس وين المشكله اذا حجينا اني وياج 

رهف...انت عندك مو مشكله بس اني    عندي أكبر مشكله 

علي.. انتي ليش هيج معقده 

رهف...عندي أسبابي مااريد اذكرهن  ممكن تحترم رائي 

علي...اكيد ممكن 

كملنا كل التفاصيل  خلال شهر واحد من بعد الخطبه 

علي جان متواجد بشكل يومي ويانا 

بس ماكو بينا بس نظرات  اي كلام ماكوووو 

خالتي سمعت اني جاي اعدل بيت اهلي 

بس متوقعه اريد اكعد بلبيت   ابد ما تعرف عمي راح يزوج 

بيتي 

اكثر شي هليام    مشغوله وياا شكران 

يكولون كاعده بيت عصام كعده 

بس بليل  ترجع البيتها    ما مصدكه بيت رهف  الي جانت تحلم بي 

صار من نصيب شكران 

ازوج عمي  صحيح الحفله حانت بسيطه 

بس كلش حلوه    اني فرحانه الفرحت عمي   بعمري ما شايفته هلكد سعيد  ومرتاح 

جمانه السعيدي 

اني اول اسبوع زواج الهم   بقيت بيت عمتي 

حتى ياخذون راحتهم    كنت مسؤله مسوليه كامله عن الجم 

لان مانكدر انسده 

البنات دافعات اشتراك وملتزمات بكورسات  رياضه 

اني جنت اطلع الضهر افتح الجم 

 الساعه عشره بليل يجي عمي يرجعني للبيت 

اليوم السابع  جمعت غراضي وقررت ارجع اكعد وياا عمي وملاك بيت اهلي 

تحديدا هذا لليوم بلذات خالتي يله عرفت عمي ازوج عليها 

بس وصلت  البيت ابوي   تقريبا الساعه ١١ الصبح

دخلت للبيت   سلمت على ملاك 

اقل العشر دقايق  

  اتكسر الباب تكسير 

عمي فتح الباب جان يشوف خالتي 

ووجها اسود وعصبيه   يطير من عيونها شرار 

خالتي....الله لايرضا عليك صدك ازوجت عليه 

انت تزوج عليه    وووينها هاي بت الشوارع الي اخذتك

مني  خل اشوفها   

دخلت جنا اني وملاك واكفين كبالها 

بقت تباوع على ملاك 

ملاك لا بسه  بدي خيوط   وشورت للركبه  وفاتحه الشعر 

والمكياج يخبل    والعطر تارس البيت 

طالعه عبالك لعابه   

مو بس عمي فرحان بيها هي هم فرحانه بي 

خالتي  لا بسه جبه سوده  وشال شامرته شلون مجان 

ووجها اسود  من القهر 

ما متوقعه عمي ياخذ هيج وحده 

عبالها مزوج مره جبيره   موحلوه     عجوز    وحده 

كلشي الجان 

بس شافت ملاك    صاحت وين العروس 

ملاك....اني العروس   انتي منو 

خالتي....يااا هاي العروس    هلكد ما تفاجئت  بيها 

ماعرفت شلون تعبر عن  غضبها 

راسا صاحت مزوج وحده من الكاوليه      

تقدمت تريد تلزمها من شعرها    راسا عمي لزمها من ضهرها 

سحبها  للباب 

عمي....روحي البيتج  انتي شتريدين

اني وياج من زمان   منفصلين  انتي مو كلتي 

اطلع من البيت خفت وراحه 

جايه وراي شتريدين    اطلعي من حياتي دمرتيني 

خالتي....اني تزوج عليه  هاي مجازات العشره 

مافكرت بيه  مافكرت بجهالك

 تحجي ودموعها ينزلن منا ومنا    

رهف...وكفت كبالها واني اشوفها تغلي   غلي  ضحكت نفس ضحكت الشماته الي ضحكتها عليه من اجيتها بعد ما طلكني عصام 

خالتي...انتي السبب كله منج انتي ساس المصايب 

انتي الي زوجتي   جايبتله وحده من الكاوليه   

عمي...من الكاوليه من الشارع انتي شعليج شنو دخلج بلموضوع  اني مليت منج  عفتلج البيت كله  وشردت 

اريد اعيشلي يومين بيش طالبتني 

دفعها عمي طلعها برا وطبك الباب 

بقت تعيط بلشارع   وتفشر علينا   وتكسر بلباب 

بعدين تعبت وراحت 

ملاك...يمه هاي مو مره   هاي ثور هايج  شلون جنت عايش وياها     صدك جذب 

رهف...كلت بكلبي يوم الشكران تطلك وترجع عليج 

انشاء الله   تطلع حوبتي بيها  مثل ما طلعتي حوبتي بيج 

انتظرونا......

لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم 

جميع الروايات كامله من هنا 👇 ❤️ 👇 

روايات كامله وحصريه

اعلموا متابعه لصفحتي عليها الروايات الجديده كامله بدون روابط ولينكات من هنا 👇 ❤️ 👇 

روايات كامله وحديثه

❤️🌺💙🌹❤️🌺💙🌹❤️🌺💙🌹❤️🌺💙🌹❤️🌺💙🌹❤️🌺