رواية اهملتني فعشقت غيرك بقلم الكاتبه سلمي جنايده حصريه وجديده وكامله جميع الفصول على مدونة النجم المتوهج
رواية اهملتني فعشقت غيرك بقلم الكاتبه سلمي جنايده حصريه وجديده وكامله جميع الفصول
كانت حنين مالة وزهقانة وعم تتفرج عالتلفزيون وقت اتصل فيها جوزها شادي ليقلها انو مالو مروح عالبيت لتاني يوم وكانت بتعرف هالشي لانها متعودة عليه .
حنين متجوزة من شادي من تلات سنين شادي رجال بالتلاتين وسيم كتير طويل ونحيف رجل اعمال كبير غني كتير عصامي بنى حالو بحالو شاف حنين بحفلة رفيقتها تجوزها وسافرت معو وماكانت مرتاحة كتير بهالجوازة بس اجمالا رضيانة باول سنة لكن بعدها طفح كيلها من اهمالو لالها مابتشوفو كتير وحاسة حالها كأنها متجوزة عسكري يادوب تشوفو بالاسبوع تلات مرات لان بكون مشغول بشغلو اللي هو عندو اهم شي وحست حنين حتى انو اهم منها .
حنين صبية حلوة كتير كتير بالعشرين طويلة ونحيفة متل عارضات الازياء شعرها بسواد الليل ناعم متل شعر الخيل عيونها سود لوزيات يعني ملكة جمال وهاد ياللي شد شادي لألها جمالها وهدوئها ياللي سحرو .
قضت يومها كالعادة بالملل والقعدة من مكان للتاني شي بالصالون شي بغرفة نومها شي بحديقة البيت وهيك ليخلص نهارها .
تاني نهار وقت العصر كانت حنين بحديقة البيت الخلفية عم تسقي الزريعة والشجر اجاها البواب وقلها : مدام اجى الحارس الجديد اللي وظفو شادي بيك .
حنين وهي مشغولة : خلي يجي لعندي .
الحارس: مساالخير مدام .
شدها الصوت القوي واللي كلو رجولة !!!!
حنين: مساالنور 😮
حنين بقيت عم تتطلع بالحارس وقت صغير وحست انها زودتها وشعرت بالخجل من حالها.
حنين : انتي الحارس ؟
الحارس : مدام انا امير رشيد ،حاكاني شادي بيك واتفقت معو وطلب مني اليوم بلش شغلي ازا ماعندك مانع .
حنين: لا ابدا ماعندي مانع اهلاوسهلا فيك احكي لابو طه البواب يقلك وين غرفتك .....صحيح انتي مامعك حدا ؟
امير: حدا....متل مين يعني؟
حنين: يعني مرتك مثلا ؟
امير : لأ مدام انا مو متجوز ،لحالي .
حنين: اوك لكان احكي لأبو طه يعطيك مفتاح الغرفة تبعك .
أمير رجال انيق كتير موزون بكل تصرفاتو بالتلاتين من عمرو تقريبا من جيل شادي بيك .اسمر شعرو اسود حلو وناعم طويل كتير عيونو واسعين فيهن سحر غريب يعني حلو بكل معنى الكلمة .
حنين وقت شافت امير مع كل صفات الجمال اللي عندها حست انها بشعة كتير مقارنة مع جمالو وكان احلى من شادي بألف مرة.
وقت خلصت شغلها طلعت عغرفتها واخدت دوش ونزلت عالمطبخ عملت ركوة قهوة وقعدت بالصالون ومسكت رواية رومانسية وضلت تقرأ لتأخر الوقت ونعست كتير طلعت عغرفتها ونامت بسرعة .
تاني يوم الضهر دق ابو طه باب الغرفة عند أمير .
ابو طه : تفضل أمير .
أمير : شو هي ؟
ابو طه : هي بيتزا من المدام بعتتلك اياها .
أمير :ليه يعني لتبعتلي الي .
ابو طه : مو لألك لحالك وانا كمان حسبت حسابي انا ومرتي وطلبت الها كمان ..الحق عليها يعني ..
امير ضحك وقلو :لا مو القصد الله يسامحك بس استغربت انو ليه عزبت حالها .
بعد الغدا سمعت حنين صوت سيارة شادي .
شادي : مرحبا حياتي كيفك .....ااااه شو اشتقتلك وباسها من خدها.
حنين ماحكت ولا كلمة .
شادي : شو حبيبي اكيد زعلانة لأني ماروحت بكير مو ...بس والله كان عندي شغل كتير ولحتى خلص الأجتماع مع الوكلاء.
ضلت ساكتة .
شادي : حنين انتي بتعرفي انو مابحب ضل احكي مع حالي .
قامت من مطرحها وطلعت عالصالون ومعها علبة كولا .
لحقها شادي وفتلها لعندو ..وقلها : حنين انتي بتعرفي انو انا مابقدر اترك شغلي لمين ماكان صح قلتلك هالحكي قبل هيك ليه هلأ صايرة عم تتدايقي هاد باب رزقي وتعبي عواض ماتخافي عرزق وشغل جوزك عم تتدايقي .
حنين مافتحت تمها ولا بكلمة .
شادي عصب وقت شافها مطنشتو تركها وطلع ينام .
بقيت لحالها عم تحضر مسلسل مصري متابعتو .
فاق شادي عند المسا لقي حنين نايمة عالكنباية بالصالون راح عالمطبخ عمل ركوة قهوة وحط فنجانين وكاسة مي ووردة ليصالح حنين بأسلوب راقي .
فاقت حنين عريحة القهوة جلست قعدتها ومااتطلعت بشادي ...عطاها شادي فنجان القهوة واخدت رشفة منو وحطت ايدها عراسها موجوعة .
سألها: شو مصدعة اليوم كمان .
حنين......
شادي : خلص ولوو لأيمت رح اتضلي هيك ..قرب منها وعطاها الوردة وقلها : حياتي انا بعتذر خلص رح حاول نظم وقتي اكتر بس انتي مااتضلي زعلانة.
حنين شربت القهوة وهو عم يحكي وهي ماعم ترد عليه بكلمة .
شادي عصب وعلي صوتو وحكى كتير وطلع عغرفتو لبس بدلة رياضة وطلع من البيت .
حنين قامت وفشت خلقها بالشغل رغم انو بيتها عم يضوي من النضافة الا انها من كتر الملل صارت تشتغل بالبيت بدون داعي.
رجع شادي بوقت متأخر كانت حنين قاعدة عالاب توب فاتحة عالفيس عم تحكي مع اختها وقت شافت شادي داخل لعندها اعتزرت من اختها وسكرت.
شادي : شو مارقتي لسا .
حنين.....
شادي صار يعيط عملات صوتو : لك خلاااااص والله مليت من اسلوبك ومن طناشك ولك حااج حاج انتي مابتملي لك شو اعمل هيك حياتي هيك شغلي شو ساوي بحالي والله مليت مليييييت .
حنين صارت تضحك بصوت عاالي كتير لأن استفزها كلامو عن الملل .
مسكها وشدها وقلها : شو جنيتي عم تضحكي بلا سبب والا بتنبسطي وقت تشوفيني معصب هيك بدك ...احكي .
حنين انفجرت وماعاد قدرت تتحمل اكتر : ولك انتي بتحكي عن الملل عن اي ملل عم تحكي الملل اللي انتي ما بتعرفو بكل حياتك من كتر مو مشغول والا الملل من نومك برات هالبيت والا عن شو ولك مين اللي لازم يحكي عن الملل انا اللي محبوسة بهالبيت ياللي متل بيت الأشباح اللي مافي روح ولاحدا حاكي .
شادي : طيب شو اعمل الي تلات سنين عم عيد و زيد بنفس الموضوع وماكنتي تتعودي على هالحياة .،انا مشان مين عم اشتغل مو مشانك لأمنلك حياة كريمة وهنية وماتحتاجي حدا ،انا بشو مقصر معك ماعم احرمك من شي كل شي عندك غيرك ماعندو ربع اللي عندك وماعم يعجبك هدايا وعم جبلك دهب وتياب من اروع الماركات عم جبلك مصاري عم اعطيكي بلا عقل وحرية انو تطلعي وتروحي وتجي على كيفك ماعم امنعك شو بدك اعمللك اكتر من هيك .
حنين: اهااا انتي مفتكر انو الحياة مصاري ودهب وتياب وهدايا وطلعات وحرية انا مااابدي هيك انا بدي اطلع معك مابدي اطلع لحالي بدي اقعد معك مو لحالي بدي اكول معك مو لحالي بدي اشرب قهوتي معك مو لحالي بدي وبدي وبدي كلو معك مو لحالي انا زهقت مليييييت من كل شي لحالي صرت حس انو رح يصير عندي توحد او تصيبني كآبة او جن لك لك ....(صارت حنين تبكي وهي مخنوقة ودموعا لسا مانزلو وتغير صوتها )لك من كتر الملل صرت اقعد اتخيل انو في ناس معي بالبيت وحاكيهون لك شوي تانية رح جن والله رح جن وانتي مفكر الدلال هدايا وتياب .حنين عم تبكي بشكل هستيري وبصوت عالي لدرجة انو صوتها وصل لعند امير وابو طه اللي كانو سهرانين بالحديقة .
كملت كلامها وهي عم تبكي : بتعرف شو بجوز تحكي عني مجنونة بس رح قلك بتعرف اني اوقات بتمنى انك تخوني مع شي وحدة ...بتعرف ليش .
شادي بحلق فيها وقلها : خونك انا خونك .
حنين قاطعتو : اي بتعرف ليش لحتى حس انو صار شي جديد بحياتي موضوع تاني وسيرة تانية احكي فيها لأني مليت كتير من سيرة اهمالك لألي الي تلات سنين على هالمنوال وعلى نفس الموضوع انا قبلانة تخوني قبلانة جرب واعملها ومسامحتك بتسدق بس خليني عيش قصة جديدة معك.
حس شادي انها جنت او انو هاد كلو من الضغط النفسي اللي عليها وقال بحالو في وحدة عاقلة بتتمنى جوزها يخونها .
حنين : طلاق ماعم ترضى اتطلقني وعم تقلي من سنتين اصبري بس هالسنة ورح يخف ضغط الشغل عندي وكل مالو عم يزيد ويتوسع شغلك وكل مالك عم تبعد اكتر وتهملني اكتر ....قلك شي خلص انا تعبت ومليت وبدك تلاقيلي حل اما بتعدل حياتك معي واما بتطلقني وكل شي بينتهي .
شادي : مستحيل حاج تحكي عن الطلاق انا مافيي عيش من دونك انتي كل حياتي حبيبتي ومرتي وروحي وكل شي .
حنين تركتو عم يحكي وراحت عتختها ونامت حاول يحاكيها ووقت شافها عم تبكي كتير تركها خاف يصيبها انهيار عصبي .
تاني يوم كالعادة فاقت عصوتو وهو عم يحكي بالموبايل مع السكرتيرة ويقلها انو جاي ومارح يتأخر .
رجعت كملت نومتها ومافاقت الا لبعد الضهر وماكان من عادتها تفيق متأخر بس قالت لحالها لمين بدي قوم لا ولد ولا جوز عندي قوم مشانون .
بالمطبخ كانت عم تطبخ وحسبت حساب امير لأنو ماعندو شي ياكلو ..ووقت جهز ااﻻكل اخدتلو صينية كبيرة وحطتلو معها كاسة عصير طبيعي .
دقت عباب الغرفة وطول لفتحلا امير الباب اللي كان لساتو نايم لانو طول الليل بضلو سهران على هوا شغلو انو حارس .
حنين: اسفة فيقتك .
أمير : بسيطة مدام انا اصلا بفيق بهالوقت .
عطتو صينية الأكل وقالتلو : تفضل حسبت حسابك بالغدا لان ماعندك مرة تطبخلك ان شاء الله يعجبك طبخي وصحة وعافية .
أمير اخد الصينية منها ولمس ايدها بالغلط كركب كل كيانها فيها ...اعتزر منها وشكرها عالاكل .
مرق اسبوع على وجود امير بالبيت ولاحظ انو حنين مانها على علاقة جيدة بجوزها ...وبيوم وقت العصر كان امير قاعد عند باب غرفتو وعم يسن بخنجر كان بأيدو وشاف حنين جاية صوبو لابسة فستان ابيض وبيج طويل وحفر وشعرها مفرود عكتافها انبهر بجمالها وحس البو عم يدق بسرعة وقت قربت لعندو .
حنين : مساالخير امير كيفك .
امير :اهلين مدام تمام الحمدلله .
حنين : امير انتي بتعرف تسوق ؟
أمير : اي مدام بعرف خير بدك شي .
حنين: اي بدي اطلع مشوار ومابعرف سوق او مو مابعرف مابحب السواقة بخاف منها .، بتوصلني انتي والا اخد تكسي .
أمير : لأ شو تاخدي تكسي انا باخدك وين مابدك على عيني .
عطتو مفتاح السيارة وقالتلو بدها تروح عالنادي وقت بدها ترجع بتعود تحاكي .
بعد اسبوعين حنين اتفقت مع رفيقة لألها انو تزورها ببيتها لانها ولدت وجابت بنوتة حلوة متل امها طلعت لحتى تشوف بلكي امير بوصلها
واتزكرت انو طالع من بكير ونسيت انو تاخد رقم موبايلو نطرتو شوي ومااجى وماحبت تتأخر عرفيقتها اخدت تكسي وراحت .
قضت وقت حلو كتير عند رفيقتها واجى وقت ترجع عالبيت .ضلت واقفة بالشارع تستنى تكسي وماكانت تلاقي اخر شي اتصلت بأبو طه البواب وسألتو ازا أمير رجع والا بعدو وقلها انو رجع وطلبت تحاكيه من موبايلو
أمير : الو
حنين: كيفك أمير بتقدر تجي تاخدني ماعم لاقي ولا تكسي .
أمير : اي على طول من عيوني هلأ بجيكي بس عطيني العنوان .
عطتو حنين العنوان ووصلها بسرعة البرق .
حنين : عزبتك معي .
أمير : الله يسامحك مدام بدي خدمة تحرز ولو .
حنين: كيف وصلت بهالسرعة مع انو المسافة كتير بعيدة وبدك شي ربع ساعة لتوصلني .
أمير : اجيت من طرق مختصرة وسقت بسرعة لحتى مااتأخر عليكي ويدايقك حدا بالطريق
حنين حست بأحساس غريب انو في حدا خايف عليها ومهتم فيها .
وهنن بالطريق كانت حنين تعبانة ومعدتها عم تلعي ودايخة كتير وطلبت من أمير يوقف السيارة لأن كانت رح تطالع كل شي بمعدتها.
وقف السيارة ونزلت حنين كتير تعبانة ولما طالعت كل ياللي ببطنها نزل ضغطها وداخت كتير وقف امير لحتى يشوفها كيف صارت ارتكت عليه وقالتلو يساعدها لتوصل السيارة .
ساعدها أمير وهو عم يطالعها للسيارة اجت دورية شرطة ووقفتو .
الشرطي : وقف ...وقف شو هاد مين هي البنت شو عملت فيها ..لوين أخدها .
امير انصدم شو الي عم يحكي الشرطي .
امير : ماعملتلا شي هي بتكون المدام اللي بشتغل عندها وتعبت كتير وكنت عم ساعدها ترجع عالسيارة لأن شكلو ضغطها نزل وداخت و.....
الشرطي : وليش لتنزل من السيارة ازا تعبت ...اي شو مفكرني اجدب لسدق هيك قصة .قول شو عطيت للبنت لحتى هيك وضعها .
أمير : والله ماعطيتها شي هي تعبانة وانا كنت عم ساعدها .
الشرطي : اي هونيك بالمغفر بتحكي هالحكي للضابط .
امير : شو مغفر مامغفر بدي ودي المدام عالبيت .
الشرطي بتروح معي انتي والمدام .
أمير جن وطار عقلو : شو تاخدها عالمغفر مارح خليها تفوت هونيك لو شو مابصير اصلا هي تعبانة .
الشرطي : حلو لكان هلأ بناخدها عالمستشفى وبيفحصوها ازا كانت تعبانة والا انتي عاطيها شي .
امير : اي بنروح
الشرطي : اي وانتي رح تروح معي عالمغفر .
حاول امير يحاكي شادي بيك بس ماكان يرد عتلفونو وحس بحنين قديشا مظلومة معو وقديشو مهمل فيها .
وصلو المغفر واستجوبو امير كتير وماكانو يسدقو ولحشو بالنظارة قريب الخمس ساعات وكان بالو طول الوقت عند حنين وشو صار معها وكان خايف عليها لدرجة انو مااهتم لحالو وشو رح يصير فيه .
بعد خمس ساعات اجى شرطي ونادى على امير وراحو مع الضابط عالمستشفى لعند حنين .
الضابط عم يسأل بالدكتور : طمنا دكتور عالمدام كيف وضعها .
الدكتور : هلأ صارت احسن وفاقت من شوي كان ضغطها نازل كتير وعندها انيميا حادة وهاد هو سبب الدوخة .
الضابط : طيب عملتولها كل الفحوصات دم وبول وكل شي .
الدكتور : اي كل شي .
الضابط : مابين ازا كانت مخدرة مثلا او ازا كانت شاربة شي يخليها تفقد الوعي .
الدكتور : لا ابدا مافي من هالشي هي ضعفت بس للأسباب اللي قلتلك عليها .
طلب الضابط يشوف حنين واخد معو امير ..دخلو لعندها وكان وشها شاحب وباين التعب عليها .
وقت شافت امير قالت : أمير وينك انتي وين رحت.
أمير : مدام كيف صرتي هلأ ان شاء الله احسن انشغل بالي عليكي كتير .
الضابط : مدام بتعرفي لهالرجال ؟
حنين : اي هاد امير بيشتغل عندي وكان معي وقت تعبت وساعدني بس ليش تركتني هون لوين رحت .
الضابط : مدام خليكي معي شوي يعني هالرجال ماكان خاطفك او سارقك .
حنين زبطت قعدتها واتطلعت بالضابط : خاطفني او سارقني لا طبعا قلتلك بيشتغل عندي حارس وشوفير ...ليش شو في شو صاير .
الضابط : نحنا أسفين بنعتزر منك مدام بس كنا مفكرينو خاطفك وقت شافو الشرطي وهو عم يدخلك عالسيارة وانتي مو حاسة عشي او قلنا بجوز يكون سرق السيارة منك .
حنين عم تضحك بتعب : شو هالحكي حضرة الضابط مو لهالدرجة .
الضابط : هاد واجبنا مدام ..المهم هلأ حمدالله عسلامتك ...وانت تعال معنا لتوقع عوراق الخروج تبعك .
وقف امير شوي مع حنين وقلها انو مارح يتأخر رح يروح عالمغفر ويجيب السيارة ويجي ليخرجها .
رجع أمير وكان كتير قلقان على حنين وقت طلعها بالسيارة وشاف قديه هي تعبانة .
حنين: أمير انا أسفة كتير عاللي صار معك كلو بسببي انا .
أمير : لا مدام ماتعتزري انتي مادخلك وموزنبك ازا كنتي تعبانة انا ياللي بدي اعتزر منك لأني ماقدرت ابقى معك بالمستشفى .
وصلو عالببت وكان الوقت متأخر وكان شادي لسى مو مروح وما اتصل بحنين ولا حتى فكر يرجع يرن على أمير وقت دقلو وهو بالمغفر .
وصلها ادم على غرفتها فوق واستأذن منها وراح ودخلت عالحمام اخدت دوش وحطت حالها بالفراش استنت شادي ليجي وتخبرو شو صار معها لكن انتظارها كان بدون فايدة نعست ونامت.
فاقت الصبح وتوقعت انو يكون شادي جنبها وانو اجى وهي نايمة وماحست عليه بس لأ مكانو كان فاضي وحست حنين انو هي ياللي حياتها فاضية بوجود شادي او بدونو وكانت عارفة انو ماالها اي قيمة عندو ..مع انها ماكانت بتعرف انو أمير دقلو اكتر من مرة ومارجع اتصل بامير وقت شاف مكالماتو .
قامت حنين وعملت قهوة واخدت حبة شوكولا وقعدت بالصالون .
وقت الضهر دقلها واخيرا شادي ليقلها انو جاي عالغدا وانو بدو يتغدا معها وانو تطبخلو شي طيب وانو مشتاقلها .
جهزت الغدا بالرغم من انها تعبانة كتير لكن ماحبت تحسس شادي بهالشي .
اجى شادي ودخل يتحمم وكانت حنين مجهزة السفرة من قبل لا يوصل .
استغلت دخلة شادي للحمام وراحت لعند أمير اخدتلو غدا وراحت لتتطمن عليه .
دقت الباب وفتحلها أمير الباب وفرح كتير وقت شافها .
حنين : كيفك اليوم كيف حاسس حالك هلأ .
أمير : اهلا مدام حنين انتي كيفك حقك علي ماسألت عنك لهلأ بس والله بس من شوي فقت ولسا ماشربت قهوتي وكنت بدي اجي اسأل عنك انتبهت لسيارة شادي بيك وعرفت انو اجى وماحبيت تقل دمي .
طمنيني عنك كيف صرتي هلأ اخدتي ادويتك .
حنين : الحمدلله احسن بكتير .
أمير : والدوا اخدتي والا لأ ماتحاولي تنسيني الموضوع .
حنين : لا والله مااخدتو لأني ماافطرت لهلأ ومابصير اخدو عمعدة فاضية .
أمير اتدايق لانها عم تهمل بحالها وقلها : مدام مابصير هيك مابصير تهملي حالك هي صحتك والله ماحدا بفيدك ازا صرلك شي ديري بالك عحالك وخدي دواكي بعد الغدا اي .....اتطلع أمير فيها نظرة رقص قلبها لالها مع انها مافهمت معناها .
أمير : اوعديني مدام انك تاخدي الدوا وانا رح اسألك ازا أخدتي او لأ .
حنين ابتسمت ابتسامة صغيرة : بوعدك أمير خلص.
أمير: صحيح مدام خبرتي شادي بيك باللي صار مبارح ؟
اخدت نفس طويل وقالت : لا والله ماشفتو الا هلأ .
أمير جن وقت عرف انو ماسأل عنها طول الليل وانو مااجى غير هلأ ...وقال بحالو شو هالرجال في واحد عاقل بتكون عندو مرة متل مدام حنين وبيهملها هيك ومابيسأل عنها .
عطتو الأكل واتدايق انو ليه تطبخ وهي تعبانة وعاتبها ليه هيك عم تعمل .
حنين: ..... قلك شي مابدي قلو الموضوع وانتهى لشو قلو مافي داعي .
امير : لااامدام اوعي تغلطي هيك غلطة هاد بضل جوزك ولازم يعرف كل شي عم يصير معك مابصير يعرف اي شي بخصك من الناس.
حنين ضحكت وقالتلو :ليش مفكر رح يهتم كتير جوزي وبعرفو وبعدين من مين رح يوصلو الكلام ازا نحنا ماحكينا لحدا عن اللي صار .
امير:حتى ولو لازم يعرف منك أحسن والخبر بيوصل عن طريق الهوا لما بدو ينتشر بتخافي لا سمح الله يعرف من حدا تاني ويصير عقلو يودي ويجيب ويظن فينا ظن غلط ....
حنين: غلط ...شو بدو يظن يعني احكي امير شو بتقصد .
امير زبط وقفتو وقلها : مدام لا سمح الله يخطرلو شي مو منيح وياخد عنا فكرة غلط والا لكان ليه ماخبرنا نحنا هيك رح يفسرها وبهيك بتنعدم ثقتو فيكي فهمتي قصدي.
وقتيها حست انو في روح بكلامو وقالتلو انو خلص رح تخبرو .
حنين وهي عم تتغدى : شادي.
شادي :حياة شادي شو ياالبي.
حنين: صارت مبارح معي قصة وانا مروحة من عند هالة .....حطت المعلقة من ايدهاوشربت شوية مي ..وقالتلو شو صار معها للآخر.
شادي: وليه مااتصلتي فيي لتخبريني ودخلتي للمغفر والا لأ.
حنين: قلتلك لأ مادخلتو امير ماخلاهن ياخدوني لهونيك واصر يوديني للمستشفى .
شادي وشو صار معكن بالمغفر .
حنين جنت وقت سمعت هالكلام : لك عم تسألني شو صار بالمغفر ومافكرت تسالني كيف صرتي هلأ ....هلأ هاد اللي همك بس .
شادي قام لعندها وقلها: لا حياتي ماقصدت شي طولي بالك علي كنت رح اسألك ورح اخدك عالدكتور لاتطمن عليكي اكيد.
وكمل كلامو :انتي اي ساعة صار معك هالحكي.
حنين: بعد العصر اممممم يعني فيك تقول عالخمسة المسا ليه عم تسأل.
شادي : يعني وقت كان يدقلي امير كنتي بالمستشفى وهو كان بالمغفر .
انصدمت وقت عرفت انو امير دقلو😮😮
حنين: امير اتصل فيك؟
شادي : كان يدقلي بس كنت بالاجتماع وما قدرت رد .
حنين: وكم مرة اتصل فيك؟
شادي: حوالي سبع مرات. وراح عن بالي ارجع رنلو فكرت الموضوع عادي.
حنين صارت تصرخ وقامت من مكانها: لك رنلك سبع مرات ومافكرت ترجع ترنلو وماخطرلك انو ممكن يكون صاير شي ....لك لك انتي شو .شو ولك لهالدرجة وصل الاهمال فيك ولهلا ماسالتني بشو حاسة وكيف صرتي .... اها امير ماخبرني انو حاول يدقلك لانك مارديت عليه وماقلي حفاضا على مشاعري انو ماازعل و اتدايق من قلة اهتمامك لك الغريب حس فيني وخاف عمشاعري وانتي شريك عمري مااهتميت انتي من شو معجون شو طينتك ...انا ماعاد اقدر اتحمل
خلااااص حاجتي.
شادي : الحق على امير ليه ماضل يدقلي اكتر لو انو حاول اكتر كنت شكيت انو في شي .
حنين عصبت عالاخر : لك شو اكتر من سبع مرات شو كتر خيرهن اللي سمحولو يحاول اكتر من مرة انت نسيان انو كان بالمغفر ومو مسموحلو يستخدم التلفون اكتر من مرة والا لحتى اتداري على غلطك عم تحط الحق على امير ....انا بصراحة ماعدت عرفت انت شو شو هالبرود ياللي عندك اهمال لابعد الحدود والله ماكنت بدي خبرك بالموضوع لاني متوقعة اهمالك وردة فعلك بس الله يسامحو امير هو اللي اصر علي انو خبرك
قعدت شوي وقالتلو قلك شي انا مارح ضل عندك لوشو ماصار ومابدي منك شي ياخي طلقني وريحني وجيب اربع نسوان بدالي وخليهن عايشين بالنعيم تبعك تبع المصاري والرفاهية والاهمال وانا تركني روح لجهنم المهم ماابقى معك .
قامت حنين لتطلع من البيت وحاول شادي يمنعها وطلعت اصواتهن وضلت تمشي لطلعت برات البيت ومشيت بالحديقة بسرعة ..سمع امير اصواتهن وماقدر يتدخل وقال انو هي مسائل عائلية ومابيطلعلو يحكي شي..واكتفى انو يتطلع ويتوجع على حنين اللي كانت عم تبكي متل المجنونة وعرف انو صار متل ماقالتلو انو مارح يهتم كتير وانها بتعرفو منيح .
صارت تصرخ بنص الحديقة وقعدت عالارض وغطت وشها بايديها وصارت تبكي وتبكي وتبكي (امير كان عم يتطلع من شباك غرفتو وكان البو عم يعتصر عليها وعصب كتير وزاح وجهو للجهة التانية ومغمض عيونو وعم يضرب ايدو بالحيط انو مو طالع بايدو يعمللها شي ) .
مسكها شادي وصار يعتزر منها ويبوسها من راسها ويطلب انها تسامحو ويوعدها انو رح يعوضها وانو رح ياخدها يسافرو لتريح اعصابها شوي ويثبتلها انو ادي
بحبها .
انهارت وتعبت كتير وماعاد قدرت توقف عرجليها حملها شادي وطالعها على غرفتها وتركها تنام وترتاح .
ضل شادي بالبيت ماطلع منو خاف انو تطلع وقعد بالصالون عم يلوم حالو ليه هيك عمل معها وانو لو رد عتلفون امير ماكان صار اللي صار وقدر وقتها يكسب حب واحترام حنين لألو .
فاقت حنين بعد العصر وضلت بغرفتها ماطلعت منها وحاول بعديها شادي يحاكيها وكانت ترفض تحاكيه وتقلو انو بدها تبقى لحالها .
خلص النهار واجى الليل وكان امير ناطر انو تطلع عالجنينة ليشوفها كيف صارت وخلص الليل واجى تاني نهار ، شادي راح على شغلو لما وعدتو حنين انها مارح تطلع من البيت ، وقت المسا كان امير قاعد بالجنينة وتوقع انو يمكن يشوفها لحنين بس خاب املو وضل يستنى وقت طويل كان قاعد مع ابو طه وقلو : ابو طه من بعد ازنك ممكن تحكي لمرتك تروح تشق عالمدام تشوفها شلون صارت الها يومين ماطلعت من البيت .
ابو طه: اليوم الضهر كانت عندها ومن شوي بعتتها تشوفها هي لساتها متدايقة وتعبانة ، قلك شي امير صراحة انا كتير بشفق عليها للمدام حنين ياحرام دايما لحالها بهالبيت ماحدا بيجي لعندها لانها مابتعرف حدا كتير هون معدودين عالأصابع ياللي بيجو لعندها وبالصدفة احيانا بسمعها عم تبكي كتير وقت بتتخانق مع شادي بيك مسكينة شو مظلومة هالبنت .
امير جن عليها اكتر وسألو لأبو طه : انت بتعرفها من زمان .
ابو طه : لما البيك تجوزها وجابها لهون انا كان الي خمس سنين بشتغل عندو وبعرفها من يوم اجت انسانة محترمة كتير وحدة غيرها كان عملت وسوت وماخلت مكان ماراحتلو بس هي بيتوتية صاينة بيتها وزوجها فوق اهمالو لألها .بس شو بيطلع بأيدو الواحد ماحدا بيقدر يتدخل بينهن.
كانت الساعة تنتين ونص بالليل وامير قاعد عباب غرفتو عمالو على قهوة ودخان ودخان وقهوة مااكل شي بنوب وعم يفكر كل الوقت بحنين وعم يتزكر اول مرة شافها فيها من خمس شهور وقت اجى واشتغل عندهن وكل مااتزكرها ينبض البو اكتر واكتر كان ممد عكرسي كبير وعم يسمع غنية وائل كفوري (مشتاق كتير ارجع شوفك ياعمري )وماكان يعرف ليه بيضل عطول يفكر بحنين لحتى اكتشف انو معجب فيها بشكل واضح وكان خايف يتطور اعجابو لشي تاني ويضلو يزكر حالو انها متجوزة وانها ست البيت اللي بيشتغل فيه .
كانت حنين بالصالون متمددة عالكنباية وسرحانة بحياتها ولوين وصلت ولوين رح تصل ، بهداك الوقت كان امير عم يفكر فيها وقال بحالو انو لازم يتطمن عليها وانو عم يدقلها وموبايلها مسكر ماكان حابب يروح لعندها عالبيت لان مو حلوة بحقو وبحقها واستنى لحتى تطلع من كآبتها وهيك بتكون ارتاحت .
حنين ماكانت عم تاكل الا شي بسيط حتى القهوة ياللي بتعشقها ماكانت تشربها كتير ، وغابت حنين عن عين امير تلات ايام .وماكان حدا يشوفها الا مرتو لأبو طه لحتى تخدمها وشادي ياللي كان يجي وماكانت حنين تقبل تحاكيه .
باليوم الرابع كان امير عم يغسل السيارة وفاتح على اغاني من جوا السيارة طلعت حنين عالبلكونة عصوت الأغاني واستندت على عامود وحطت ايديها على بعض ووقت سمعت الاغاني ياللي كانو عن الحنية والشوق والحب نزلت من عينها دمعة سخنة ، امير كان متقصد يفتح هالأغاني وكان مهتم انو حنين تسمعهن من غرفتها بس ماكان منتبهلها انها واقفة كان لابس فانيلا سودة وبنطلون بيجامة اسود وكان مبلل حالو شوي .
وهو عم يمسح بالقزاز رفع راسو ورجع نزلو رجع مرة تانية رفع راسو بسرعة وقت لمح حنين واقفة البو طار من الفرح وبقي وقت عم يتأملها من بعيد شافها عم تمسح بدموعها اتجرأ وراح لعندها وهي مو حاسة عليه انو صار حدها وقريب منها ، واخيرا حاكاها : كيفك مدام حنين؟
حنين جفلت وقت سمعت صوتو : اهلا امير كيفك .
امير : انا ااااااه منيح انا انتي كيفك ليه ماعم تبيني ولا عم تطلعي ليه هيك عم تعملي بحالك .
حنين دمعت وابتسمتلو : فقدتني بهاليومين .
امير : مو يومين تلاتو وهاد الرابع.
حنين ركزت بعيونو : عادهن للأيام انتي ..
أمير : اكيد مدام.....مدام انا مابحب شوفك هيك.. شو رأيك اخدك شي مشوار تطلعي تغيري جو اه.
حنين : شكرا امير مالي مراق اطلع لمكان .
امير : امبلى روحي غيري تيابك خليني اخدك عالنادي شوفي رفقاتك او روحي عشي مطرح بترتاحي تقعدي فيه ....بالمناسبة عم تاخدي ادويتك كنت كل هالفترة عم حاول حاكيكي عموبايلك بس كان مسكر بدي اتطمن عليكي وازا عم تاخدي ادويتك اولأ .
حنين حست انو في حدا مهتم فيها لأول مرة من وقت اجت لهالبيت ...ضحكت وقالتلو بتعرف انو شادي ماسألني ازا عم باخد ادويتي ولا لأ .
امير سرح شوي وهو عم يتطلع فيها وكان عم يحكي بحالو انو حرام هيك ملاك تعيش مع واحد مهمل متل شادي ..
حنين عم تأشرلو بأيدها : امير وين رحت عم حاكيك .
امير ؛ اه ....نعم مدام اسف بس شردت شوي خير شو كنتي عم تقولي .
حنين: كنت عم اسألك شووكنت عم تاكل بهاليومين .
امير : عم دبر حالي مايكنلك فكرة ..هلا شو قلتي تروحي تطلعي لمكان ..
حنين: لا والله اليوم مو خرج تعبانة كتير وحاسة بدوخة ...صحيح انتي ليه ماخبرتني انك حاولت تتصل بشادي وقت كنت بالمستشفى .
امير نزل راسو وماعرف شو بدو يقلها مابدو يجرحها : ماقلتلك وماكان بدي تعرفي مابدي تاخدي عخاطرك اكتر .
حنين: انا قلتلك انو مارح يهتم مو كان مهتم لأشيا ء تانية ااااااخ شو بدي قول الحمدلله عكل شي .
وهنن عم يحكو اجى شادي واستأزن امير وراح يكمل تنضيف السيارة .
بعد اسبوع تحسنت حنين شوي وكانت لابسة فستان رمادي قصير وحفر وعاملة شعرها ديل الفرس كانت حلوة كتير رغم انها نحفانة اكتر من اول .
طلعت عالجنينة وشافت امير قاعد عباب غرفتو مع ابوطه عم يشربو قهوة ،وقت شافها امير ضحكو عيونو ..
حنين: مساالخير كيفك ابو طه .
ابو طه ؛ اهلين مدام .
حنين : كيفك امير فاضي تطلع معي عالسوق .
امير : من عيوني مدام انتي بتؤمري .
ابتسمت وقالتلو يلا لكان .
راحت جهة السيارة ووقفت ليفتح الباب بالريموت وامير كانت عليه نظرات استغراب .
حنين : في شي امير .
امير ضل ساكت شوي وقال : لأ مدام مافي شي تفضلي .
طلعت حنين من قدام مو من ورا .
امير : مدام ليه قعدتي هون .
حنين : هيك اريحلي مابحب الرسميات حاجتي قعدت ورا كتير .
طلعو وطلبت انو تنزل على محل الخضرة تشتري اغراض .ضل امير ناطرها بالسيارة واتدايق وفار دمو وقت شاف رحال قريب كتير منها وعم يتفحصها من فوق لتحت ، وضل هالرجال يلاحق حنين بالمحل من مكان لمكان ..
نزل امير وراح وقف عند حنين وسألها ازا مطولة وقالتلو انو بدها تجيب كل شي لان مابدها ترجع مرة تانية .
امير كانت عيونو عالرجال ولما قرب منها وقف امير قدامو وقلو : عشو عم تتطلع اه ...انت ماحتزوء عحالك انا شايفك من بعيد وانتي عم تلاحق المدام بدك تحترم حالك والا علمك انا كيف تحترم الناس .
الرجال : وانت شو دخلك مين بتكون بلا زغرة .
مسكو امير من قبة قميصو وشحطو لبرا وقلو رح قلك مين انا بس مو قبل ماتاكل اللي في النصيب ...وبلش امير في ضرب على وين بيوجعك ورملو وجهو للرجال ....حنين واقفة بعيد ومصدومة بأمير اول مرة بتشوفو هيك معصب وعم يضرب حدا ، حاولت حنين تتدخل وبعدت وقت سمعت صوت امير عم يؤمرها : خليكي بعيدة وروحي عالسيارة (وصرخ عليها )اوااااام .
حنين خافت وركضت عالسيارة وتركت كل شي اشترتو وكانت عم تحاسب عليه ، التمو الناس واتدخلو وفكو الرجال من امير ياللي كان فارط بين ايديه .
تركو وقلو :هاد درس الك لتتعلم كيف تحترم اي انثى بتكون قدامك ....تفي عليك واحد واطي .
رجع عالسيارة وكان كتير معصب وحنين وشها اصفر وخايفة وسألتو وهي مترددة : أمير شو باك ليه عملت مع الرجال .
أمير اتطلع فيها نظرة غضب وزورها زورة قسمتها نصين استغربت انو عم يعاملها هيك .وقطع وقلهاالصمت : انتي حاسبتي عالأغراض والا مابدك اياهن ...مابدك اياهن خلص .
حنين : لأ شو مابدي اياهن امبلى رح روح جيبهن كتت عم حاسب وقت صارت .....وسكتت .
مسكها من ايدها ورجعها مطرحها لما كانت عم تفتح بالباب .
حنين رفعت عينها فيه .
أمير : خليكي انا بروح بجيبهن ....نزل ومشى شوي ورجعلها وقلها : سكري الشباك ولا تنزلي بنوب ماشي .
راح جاب الأغراض وحطهن بصندوق السيارة وطلع .
حنين : فيي احكي والا لأ .
أمير وهو عم يسوق ومااتطلع فيها :تفضلي .
ممكن تعزمني على شي بارد اشربو .
أمير اتطلع فيها : بنشربها هون بالسيارة .
حنين : مابدي لكان وديني عالبيت .
امير : متل مابدك .
حنين : ماسدقت انتي لأ بدي وننزل نشربها بالمطعم كمان يلا ..ها.
أمير ماحب انو يخذلها متل جوزها وقلها انو رح يوديها.
دخلو عالمطعم وطلبت بوظة بالشوكولاتة والكريمة وهو طلب الو قهوة سادة .وقال للجرسون يجيبلها بوظة بالكاسة مو بالبسكويت واعترضت حنين انو ليه هيك طلب وقلها من بين سنانو : ان شاء الله بدك تقعدي تلحوسي البوظة قدام الناس يا بالكاسة يااما اطلبي شي تاني ..ووافقت على طلب امير واخدت بوظة بالكاسة .
حنين سألتو : ممكن اسألك مرة تانية ليه هيك عملت مع الرجال .
أمير .......
حنين : يوووو ليه ماعم تجاوب شو في شو ساوالك هالمسكين لحتى ورمتو هيك .
أمير عصب وانتبه انهن بمكان عام وقلها وهو معصب : مسكين ....هاد حقير حثالة هاد زبالة .
حنين : اوف ..اوف زبالة وحثالة طيب فهمني شو في مارح حل عنك لتخبرني اي .
أمير : مدام ...مدام انا ماحبيت احكي من البداية لأن مابيطلعلي اتدخل بس وقت شفت هالحقير شو عمل ماحملني عقلي .
حنين : رح تحكي والا شووو.
أمير : مدام هالحقير كان عم يلاحقك وانتي بالمحل وعم يتطلع فيكي نظرات .....نظرات ماعحبتتي مابيفهمها الا الرجال وانتي بصراحة وماتزعلي مني فستانك كتير قصير وملفت وانتي حلوة كتير وانا من البيت بدي قلك عن الفستان بس ماقدرت احكي مابيطلعلي .
حنين ضلت صافنة بأمير : وليه ماخبرتني قبل ما نطلع يعني عحبك اللي صار .
أمير : طبعا ماعجبني والا ماكنت كسرتو لهالندل بس انا مين لقلك واتدخل فيكي واشترط عليكي شو تلبسي او ماتلبسي .
حنين حست بسعادة عم تغمر البها وحست انو في رجال خايف عليها وبغار عليها لدرجة انو يضرب رجال قد الحيط قدام كل الناس ومايسأل عن حدا.
حنين عم تحكي بصوت حنون كتير وهادي كتير خلت أمير غصب عنو يهدا ويروق : اي امير قلي ازا شفت عليي شي ممكن يعمل مشاكل وشي ملفت او مغري خبرني مابزعل بالعكس بنبسط انا ...انا ولا مرة حسيت بهيك احساس وضحكت واحمر خدودها .
أمير : كيف شادي بيك بخليكي تطلعي هيك مابيزعل مابغاااااار عليكي..
حنين كانت بدها تحكي بس قاطعها الجرسون وقت جاب البوظة والقهوة وكان عم يتطلع بحنين ويبتسم .
امير شافو وضرب عالطاولة بعصبية : وبعدين يعني شو كني الكل حابب ينضرب اليوم .
الجرسون خاف واعتزر وراح بسرعة .
حنين عم تضحاااااااك ومبسوطة .
أمير : مدام مشاااان الله كلي البوظة بسرعة وخلينا نمشي من هون بلا ماانبلي بشي واحد تاني .
رجعو عالبيت ونزللها الأغراض وطلبت منو يدخلهن عالمطبخ .
قبل مايطلع اتطلع فيها وقلها : مدام بترجاكي مرة تانية وقت بدك تطلعي حاولي تلبسي شي مستر اكتر اي .
ضلت واقفة مكانها وراح امير وهي لسا واقفة مكانها عم تعيد كلامو براسها وكانت مبسوطة وفرحانة ...وبيوم حنين مابينت بنوب ولا شافها حدا استغرب امير انو حتى اضوية البيت مو مشعلة وكانت الشمس رح تغيب وهي ماالها حس او خبر وحاول يتزكر ازا قالت انها رح تطلع او لأ وقال بحالو انو لو كانت رح تطلع كانت طلبت منو يوصلها وانشغل بالو اكتر وقت كان يدقلها وماترد عالموبايل وعجرس البيت كان البو ناقزو انو في شي صايرلها ، ومرتو لأبو طه ماكانت بالبيت اللي تروح وتشوفها وتتطمن عليها ...امير كان على اعصابو قلقان ومرتبك ورايح جاي بالجنينة شوي ورن تلفونو توقع انها تكون حنين لكن كان شادي بيك رد عليه
امير : اهلين شادي بيك
شادي : اهلين امير ...بدي اسألك حنين وينها عم دقلها من ساعتين وماعم ترد عموبايلها ولا عالأرضي ممكن تشوفها وتقلها ترد عالموبايل .
امير : والله يابيك المدام مابينت اليوم بنوب وحتى اضوية البيت كلها مطفية .
شادي : معقول يكون صاير معها شي او تكون طلعت من البيت ....يااامير روح عالبيت وحاول تشوف بلكي الباب مفتوح وانا معك عالخط ....
كان امير عم يدق الجرس وفتحت واخيرا حنين الباب وقبل مايقلو انها فتحت الباب سكر الخط وقال انو اجاه تلفون ضروري.ضحك امير وقت شافها وسالها :ّمدام انتي وينك من الصبح مابينتي خير لسا تعبانة ؟
حنين كانت متقصدة انها تغيب لتشوف امير رح يسأل عنها او لأ.
حنين: لأ امير مافيني شي انا منيحة، بس كنت حابة أقعد لحالي شوي وماكنت حابة اطلع من البيت .
امير : قلقت عليكي مدام لما غبتي كل النهار .
سالتو ازا شرب قهوة والا بعدو وقلها كان عم يشرب من شوي
عملت قهوة لألها وطلعت تمشي بالجنينة امير وقت شافها انها بخير ارتاح بالو مشى لعند الياسمينة وقطف وردة منها وقرب لعند حنين : تفضلي مدام
حنين ابتسمت : يسلمو ايديك .
امير بقي عم يتطلع فيها وعملت حالها انو مو منتبهة ودارت وشها للجهة التانية وبقي يتأمل فيها لحس انو زودها كتير .
كانت خجلانة كتير ومنشرحة بنفس الوقت .
قعدت عالمقعد وطلبت من امير انو يقعد ويحكيلها عن حالو وعن حياتو ..فرح كتير بطلبها وكانت اول مرة بيقعدو وبيحكو هيك وحكالها كل شي عن حياتو وكان سادق معها بكل كلمة وضلووقاعدين وقت طويل عم يحكو بمواضيع كتيرة وعلى مزح وضحك وما كانو منتبهين للوقت وحسو التنين بالجوع قامت وعملت ساندويشات وشاي واكلو وكملو حديثهن وكانت هي اول مرة بتقعد وبتفش غلها بالحكي والمزح وقلها امير : بتعرفي انو ضحكتك كتير حلوة ،وانو روحك حلوة وماشفتك ولا مرة عم تضحكي هيك .
خجلت وقالتلو : انا ماضحكت هالضحك من وقت كنت عند اهلي يعني قبل مااتجوز ومن تلات سنين ونص اول يوم بضحك وبنتعش هيك ....شكرا الك امير كانت قعدة كتير حلوة بتعرف انك غيرتلي نفسيتي وماعدت مكتئبة .
#أهملتني_فعشقت_غيرك
#بقلم_سلمى_جنايدة
#الجزء_الثاني_والاخير
خجلت وقالتلو : انا ماضحكت هالضحك من وقت كنت عند اهلي يعني قبل مااتجوز ومن تلات سنين ونص اول يوم بضحك وبنتعش هيك ....شكرا الك امير كانت قعدة كتير حلوة بتعرف انك غيرتلي نفسيتي وماعدت مكتئبة .
امير فرحلها وتمنالها احلام سعيدة.
طلعت لتنام لكن اخدت وقت وهي عم تتزكر شو كانو عم يحكو وكيف كانت عم تضحك ارتسمت عوشها ابتسامة وغمضت عيونها ونامت .
مرقو الأيام وحنين كانت عم تشوف امير كل يوم ويقعدو بالساعات ويحكو ويضحكو لدرجة انو حست انو مافيها يمرق يوم بدون ماتشوفو .
بيوم كانت حنين وامير عم يسقو بالزريعة وزحطت رجلها وكان امير قريب منها صرخت حنين وانتبهلها امير وبسرعة مسكها وصارت بين ايديه اتطلعت فيه لاقتو عم يتنفس بسرعة وكان لزقها وضلووعم يتطلعو ببعض لحسووالتنين انو ماعاد يقدرو يخبو اكتر من هيك ووقتها بس عرفت حنين انها مغرمة فيه وكتير كمان ، وامير كانت عندو هاي المشاعر من قبلها بكتير .
وبيوم قالت حنين لشادي انها زهقانةو حابة تطلع وقلها انو رح يجي لياخدها ويطلعو مشوار .
اتاخر شادي وكل شوي يقلها انو رح يجي وماكان يجي ...اتصل على امير وطلب منو يرافق حنين وين مابدها ويبقى معها لحتى ترجع عالبيت .
راح امير لعندها وقلها شو طلب منو البيك وفرحت كتير لان هي اصلا ماكان بدها تطلع مع شادي وتغيب كتير عن عيون امير .
كانت لابسة بنطلون ابيض وبروتيل اخضر زيتي مفتوح من الصدر والضهر كتير .
لما سكرت باب البيت لتطلع اتطلع فيها نظرة ماعجبت حنين حست انو في شي مو عاجبو .
حنين : امير باك شي ليه هيك عم تتطلع .
امير : لا ابدا مافي شي .....
حنين : امبلى ليه هيك تبدلت ملامحك شو في احكي اتفقنا نحكي لبعض الصراحة مو .
امير : امبلى بس بجوز كلامي مايعجبك .
حنين : لا تلعيلي البي احكي وخلصني مارح اتدايق او ازعل .
امير : عفوا مدام انتي رح تطلعي معي بهالتياب هدول ؟
حنين : اي ليش شو باهن هدول التياب .
امير : كيف شو باهن بنطلونك ابيض ولزق كتير وكنزتك .....بصراحة مشلحة كتير .
حنين : اي والمعنى .
امير : ....يعني ازا بدك تطلعي معي غيري تيابك هيك اضمن واحسن لحتى مايصير متل الخطرة الماضية .
حنين قربت منو و بكل هدوء : حاضر سيد امير رح غير تيابي .رجعت دارت وشها وقالتلو :يعني ضروري غيرهن،امير نزل راسو ليشعل السيجارة واشرلها بايدو انو روحي،
طلعت ولبست فستان كروهات احمر واسود مو قصير كتير ومو مشلح كتير يعني ماشي حالو وفردت شعرها وحطتلو بندانة من نفس قماشة الفستان .
نزلت وقالتلو والبها عم يرجف : ها...شو رأيك هلأ ماتقلي مو مناح ازا رح تقلي غيريهن رح بطل اطلع مابحب ضل بدل تياب بمل بسرعة .
امير عم يتأمل وايدو على خدو وعم يقيسها من فوووق لتحت : مممممم ماشي حالهن بس المرة الجاية وقت نطلع البسي شي استر من هيك اي .
فرحت كتير وقت قلها لما نطلع مرة تانية .
طلعو ولفو بالسيارة كتير وقضو وقت كتير حلو ونسيت كل ايامها المرة مع شادي .
بيوم المسا كان امير قاعد برات غرفتو واستغرب انو ماشاف حنين واخر شي دقلها وكان موبايلها مسكرقلق عليها كتير وعصب انو ليه موبايلها مسكر وانو وينها لهلأ ...وشوي شافها وهي عم تدخل عالبيت كانت طالعة من الضهر لعند رفيقة لألها تغدت عندها وضلت عندها للمسا .
امير مسكها من كتافها وصار يصرخ عليها بدون وعي ومو حاسس عحالو انو شو عم يعمل : وينك لهلأ اه وليه موبايلك مسكر ووين كنتي ومتى طلعتي غليتي البي عليكي كنت مفتكر انك بالبيت وماكنت اعرف شو رح اعمل او قلت انك طلعتي مع شادي بيك ..
حنين واقفة وكانت متل الصوص بين ايديه وقالتلو : امير طول بالك كتت عند رفيقتي مها وطلعت الضهر وكنت انت نايم ماحبيت ازعجك .
امير : وكيف روحتي ليه مادقيتيلي .
حنين: روحت مع مها معها سيارة وهي اللي وصلتني لهون روق امير مافي شي محرز .
امير ووشو كلو غضب : كنت رح موت رعبة عليكي كنت رح جن فكرتك طالعة مع شادي بيك كنت رح طق لو كنتي معو .
حنين ضحكت وانصدمت بنفس الوقت : ليه كنت رح اتطق لو كنت معو .
امير : مابدي تكوني معو مابدي ماعم اقدر اتحمل حنين ماعدت قادر شوفك معو انا بجن وقت بتطلعي معو حتى لو بالصدفة وبجن وقت بشوفو رجع عالببت وبجن وقت بشوف تسكر عليكن باب واحد وانك .....وانك عم تنامي معو بغرفة وحدة وسرير واحد .
حنين البها عم يدق بسرعة وفرحت وقت عرفت انو عم يغار عليها من جوزها كمان مو بس من الناس .
حنين : امير هي اول مرة بتناديلي باسمي بدون مدام... طيب ليه هيك عم يصير معك .
امير صرخ بصوت عالي كتير : لأني بحبك بحبك بحبك وماعم اقدر اتحمل اكتر خلص مدام خلص انا اسف كتير بعرف اني تجاوزت حدودي ومابحقلي حاكيكي هيك وحاسبك انا اسف بترجاكي انسي كل اللي قلتو .
حنين : يعني انت مابتحبني وكل اللي حكيتو بس لانك كنت قلقان علي.
امير فتل ضهرو وقلها : لأ كل اللي قلتو طالع من البي بس نسيت حالي ونسيت انك ست البيت ومتجوزة .
حنين : امير يعني انت بتحبني قولها مرة اخيرة .
امير : ....اي مدام بحبك بحبك وكتير كمان .
حنين قربت منو وحضنتو ودموعها متل الشلال على خدها رفعت عينها فيه وقالتلو : امير انا ماعم اتخيل حياتي من دونك انت صرت النفس اللي عم اتنفسو امير انا بحبك بعشقك بموت فيك .
امير طار عقلو من الفرحة وضمها لألو ووعدتو انو ماتطلع من البيت بدون ماتاخد ازنو .
تاني يوم فاقت مبسوطة مابتعرف ليش .
اتزكرت انو بسبب امير ياللي حسسها انها انثى وبتستحق انو حدا يهتم فيها هيك ويغار عليها .
صارت حنين شوي شوي تستعيد حيويتها وردت الدموية بوشها وحتى ماعادت اهتمت لشادي ازا بروح عالبيت او لأ وماعاد حست بالملل بوجود امير ياللي كان مهتم فيها كتير .
وبيوم فاقت حنين بكير لان كانت عم تحس بلعية نفس ودوخة وراحت ركيض عالحمام مسكها شادي وقلها : شو حياتي ارتحتي هلأ .
حنين : لا مابعرف شو باني ماني منيحة انا ..
سألها شادي بشو حاسة قالتلو الأعراض اللي عندها ضحك وكان باين عليه مبسوط ..استغربت منو انو ليه عم يضحك وهي تعبانة وقلها : حياتي روحي عمري البي انا حاسس انو هي اعراض حمل بجوز تكوني حامل .
حنين اصفر وشها اكتر هلأ هي ماعاد بدها تحمل مابتعرف ليش الها تلات سنين ونص عم تحاول انو تحمل بس ماعم يزبط معهاكانت بدها بيبي يغيرلها حياتها ويعبي الفراغ ياللي بحياتها .
وهنن طالعين لتفحص للحمل حنين شافت امير عم يساعد ابو طه بسقاية الشجر وغص البها وقت صارت قريبة منو كانت خايفة تطلع حامل هالمرة ماكانت بدها وعم تدعي جواتها انو ماتكون حامل .
شادي طلب من ابو طه وامير يديرو بالهن عالبيت وانهن رح يغيبو شغلة ساعة او اقل وقلهن ازا اللي ببالو صحيح رح يكافئهن ويزيد معاشهن.
قلو ابو طه : ان شاء الله يابيك بيصير اللي بدك اياه.
شادي شاف مرتو لأبو طه وقلها من يوم ورايح رح تهتمي بالمدام كتير ومابدي الياسمينة تشيلها عن الأرض ماشي .
ام طه : ليش يابيك خير المدام تعبانة شي .
شادي وهو مبسوط : لأ مافيها شي بس بجوز تكون حامل قولي يارب .
حنين عم تتطلع على حبيبها ياللي كان وشو اسود وقت سمع بهالخبرية وانو ممكن هالشي هاد يقربها من جوزها وانو تتركو وتنساه .
وهنن بالمستشفى عملت الفحص وكانت بانتظار النتيجة .
اجت الممرضة وخبرتهن انو مابين معهن حمل بالفحص وانو الدكتور عم يقول بجوز يكون بأسابيعو الاولى وطلب انو يعمللها فحص عالجهاز ليتأكد.
حنين ارتاحت مبدئيا لكن ضل الخوف من الفحص السريري .
طلعت عالتخت وشافها الدكتور وقلها تلبس تيابها.
راحت لعند الدكتور وسألتو هي وشادي انو شو بين معو .
الدكتور : انا اسف مدام لا تزعلي بعرف انكن ناطرين يجيكن بيبي بس ربنا ماراد لهلأ .
شادي : شو يعني دكتور يعني حنين مو حامل .
الدكتور : لا مع الأسف مو حامل .
حنين فرحت كتير لأول مرة من يوم اللي تمنت انو تصير ام انها هالمرة ماطلعت حامل لأنها ماعاد بدها ولاد من شادي .
امير قاعد وعم يدخن سيجارة ورا سيجارة متل المدمن وهو عم يتخيل انهن داخلين وجايبين الحلوان معهن والكل عم يبارك ماعدا هو ياللي مابدو يصير هيك .
وصار عقلو يودي ويجيب انو كيف صار هيك هي بتحبو متلو تمام ليه لحتى تسمحلو يقرب منها وليه لتسمح انو تحمل منو هالفكرة ياللي سيطرت عليه خلتو يجن عالأخر وبدون وعي كسر الطاولة ياللي قدامو وكل ياللي عليها .
دخلو عالبيت ونزل شادي وهو معصب على عكس حنين ياللي كانت مبسوطة وطايرة من الفرحة بس بدون ماتحسس شادي بهالشي وبينتلو انها متدايقة .
نزلت من السيارة واجت عينها بعين امير ياللي كان ناطرها على نار .
اتطلعت فيه وضحكتلو وغمزتو.
ارتاح مؤقتا لكن ماصحلو يشوفها بنوب وطلب من ابو طه يروح ويسأل البيك انو شو صار معهن .
راح ابو طه وفتحتلو حنين وقالتلو انو ماطلعت حامل ورجع لعند امير زعلان ومتدايق .
امير : اي ...اي شو قالتلك احكي بسرعة .
ابو طه : ياحرام يامدام حنين....مسكينة ماطلعت حامل .
امير ارتاحت ملامحو وعطا ضهرو لأبوطه وضحييييييك ضحكة واسعة بس رجع اتدايق وقت اللي تزكر انها معو وانو ممكن يصير كل شي بينهن .
شادي : خلص حبيبي لا تزعلي ربنا لهلأ ماراد انو تحملي ان شاء الله قريب لا تزعلي اي .
حنين عملت حالها زعلانة وقالت : وليه لأزعل هي ارادة ربنا لا اعتراض على حكمو ....بس كنت مفكرة انو رح صير ام بس شكلي مارح افرح بهاللقب .
شادي : ليه يك عم تحكي ان شاء الله بتصيري.
حنين : اي شكلو مارح يصير .
شادي : شو قصدك لشو عم تلمحي اه انو انا مابخلف مثلا او اني عاجز ولا شو .
حنين عصبت وقالت: انا ماحكيت هيك شي بس ازا بدك اي مابتوقع اني رح احمل بكل حياتي بتعرف ليش ....لأنك مهمل قلي كيف بدي احمل وانت مابتروح عالبيت ومابشوفك الا كل حين ومين وكيف بدي احمل بدون مايكون عندك رغبة .....ايواااا هلا عرفت ليه بدك ياني احمل مع انك كنت معارض من الاول بس بتقول بحالك بخليها تحمل لحتى تبطل تقلي وينك وماعم شوفك ومليت لحالي وبهيك بتكون بطلتلي حجتي اني عم مل لحالي مو .
وطلعت اصواتهن ووصلت لعند امير وانشغل بالو انو شو صاير لحتى عم يتخانقو.
اخر شي طلع مع حنين وقالتلو : ليك شادي والله والله ازا مابتطلع معي بكرة هالمحكمة وبتطلقني الا سم حالي او انتحر بأي طريقة تانية انا مليت منك ومليت عشرتك قلك شي ومن الأخر انا مابحبك انا بكرهك ..بتعرف شو يعني بكرهك ازا عندك كرامة بتطلقني والا والله رح نفذ يميني وتخسرني للأبد وخليك تندم انك ماطلقتني .
حاول شادي يهديها بس كانت كل مالها عم تعصب اكتر وانهارت من كتر البكي وبالأخر اتفقو عالطلاق وانو تمهلو كم يوم بس مارضيت وقالتلو بكرة بدك تروح وتطلقني .
مانامت كل الليل ولا شادي ولا امير اللي اصلا بطبيعة شغلو مابنام بالليل وكان كل الوقت عم يفكر بحنين شو صار معهن وكان ناطر الصبح على نار ليحاكيها ويتطمن عليها .
الصبح طلعو عالمحكمة وكان امير لسى فايق .
سألها شادي بالطريق ازا غيرت رأيها وماجاوبتو ولا بكلمة .
سألهن القاضي ليش بدهن ينفضلو وحاول انو يأجل الطلاق لكن حنين اصرت وقلو شادي انو هددتو ازا مابطلقها اليوم غير تنتحر .
جهزت اوراق الطلاق ووقعت حنين عليهن وقالت لشادي انها مسامحتو بكل حقوقها ومابدها منو ولااااا شي
واجى دور شادي ليوقع بس كانت ايدو عم ترجف وعم يتطلع فيها نظرة ترجي ورمى القلم من أيدو وقلها انو ماعم يقدر يوقع وانو تعطي فرصة اخيرة ....والقاضي اجللهن الطلاق لمدة اسبوع .عسى انو الأمور تنصلح بينهن .
رجعت عالبيت عيونها مورمين وصوتها مختغي من كتر البكي والصياح .
ووقت شافت امير زادت اكتر انو حبيبها قبالها وماعم تقدر تحكي معو .
أمير عصب وفهم انو مارضي يطلق ودخل على غرفتو وصار يكسر كل شي قدامو .
اخد شادي وعد منها انو ماتعمل بحالها شي لحتى يمضى الأسبوع وانو ازا ماغيرت رأيها رح يطلقها والبو مكسور .
المسا طلعت عالجنينة لتشوف امير ولما لمحها مشى بسرعة جهتها وشرحتلو شو صار من وقت رجعو من المستشفى لحد الصبح وقت رجعو من المحكمة .
أمير : يعني مارضي يطلقك ماا .ليكي حنين ازا طلقك قرش واحد مابدي تاخدي منو وانا بوعدك الا عوضك عن كل شي اي حبيبي وباس ايدها .
دمعت عيونها وهزت راسها .
خلص الأسبوع وحنين على موقفها ورجعو عالمحكمة واخيرا انفصلو وكان شادي مو شادي بهالأسبوع دقنو طولت وتيابو تبهدلت وحالتو النفسية ساءت كتير .
طلب شادي منها تسامحو على كل دمعة نزلت من عينها بسببو وبسبب اهمالو وحس بغلطو اللي كان متأخر .
استأجرت حنين بيت صغير لتقضي عدتها فيه وقلها شادي انو متكفل بكل لوازمها لكن رفضت بناء على طلب من امير وقلها انو مارح يخليها تحتاج شي وضل يتواصل امير معها بدون مايشوفها او يسمع صوتها لكن عن طريق مرتو لأبوطه ورفقاتها اللي عرفو بقصتها .
وامير ترك الشغل عند شادي ولاقى شغل جديد .
ووقت خلصت العدة اول شخص حبت تشوفو هو حب حياتها امير وتلاقو الحبايب بعد طول غياب واخدو وقت ليرتبطو لحتى جهزو بيت صغير على قدهن ولحتى ماحدا يشك فيهن ازا تزوجو بعد العدة مباشرة .
امير متشوق كتير ليشوف حنين بفستان العرس كان واقف مع رفقاتو ورفقاتها وناكر على نار .
طلعت حنين وكانت متل البدر واحلى لاقاها امير ومسك ايديها وباسهن وقلها : معقول ....معقول هي الدلوعة صارت لألي ملكي مرتي واخيرا .
حنين : اي حبيبي صرت لألك انا الك وملكك ومخلوقة منك ورح حبك عطول عطول .
ضمها امير وباسها من جبينها وهمس بأدنها : مطولين هدول ليروحو .
حنين خجلت وحطت راسها عصدرو وضحكت وضحكتلها الدنيي واخيرا .
النهاية
بقلمي سلمى جنايدة
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
جميع الروايات كامله من هنا 👇 ❤️ 👇
اعلموا متابعه لصفحتي عليها الروايات الجديده كامله بدون روابط ولينكات من هنا 👇 ❤️ 👇
❤️🌺💙🌹❤️🌺💙🌹❤️🌺💙🌹❤️🌺🌹❤️🌺🌹🌹❤️🌺💙
تعليقات
إرسال تعليق