رواية أحاسيس ميته 2 الحلقه الرابعه والخامسه بقلم الكاتب محمد منصور حصريه وجديده على مدونة النجم المتوهج
رواية أحاسيس ميته 2 الحلقه الرابعه والخامسه بقلم الكاتب محمد منصور حصريه وجديده على مدونة النجم المتوهج
اول ما شوفت فريد قصاد مني ضربته. بسن الايباد في حنجرته والضربه سببت له اختناق. ووقع علي الارض وهو مش قادر ياخد نفسه وقبلتني نانا وقبل ما يكون ليها اي رد فعل زقتها بعيد عني وخرجت من القصر جري قصاد كريم وعبير اللي استغربو اللي بيحصل،،،،،،
درة
كتابة واقتباس
محمد منصور **منص**
وقبل ما نبدأ نوحد الله ونصلي علي خير خلق الله سيدنا محمد.
اللهم صل وسلم علي محمد صلاة تحل بيها العقد وتفك بيها الكرب
فضلت اجري في الغابة ما اعرفش انا رايحة لغاية ما قعد تحت شجرة كبيرة وبعدها طلعت الايباد اللي كان في هدومي وانا كنت عارفة الباسورد وبدات افتح كل الملفات الموجودة في الايباد واللي فعلا كانت تخص تصرفاتي ووقفت عند خانه الذكاء اللي كانت 40 في المية وخليت الذكاء 100%100. ما انا علشان اقدر اهرب من فريد لازم اكون اذكي منه وبدات احس ان تفكيري بقي منظم كتير عن الاول وبدات احط خطة الهروب من فريد الي الابد.،،،،
ونرجع للقصر و نانا قاعدة قصاد فريد اللي بدا يرجع زي الاول وقالت
حاسس انك بقيت احسن دلوقتي
فريد بغل
انا مش هبقي احسن الا لما اوصل ل درة وانتقم منها دة كنت هموت
هنا كريم ادخل في الكلام وقال
واية اللي خلي درة بالعدوانية دي. وهما متبرمجين علي انهم ما يأذوش اي مخلوق
فريد
انا يا كريم قدرت اخترق السيستم الخاص بيها
و خليتها بالشكل دة
كريم
معني كدة انك كنت بتخطط ل قتل صابر علي ايدها
فريد
اة. وكل اللي خطط له خرب لانها هربت ولو ما قدرناش نوصل لها كلنا كدة هنلبس جريمة قتل صابر
كريم
انا ماليش دعوي بالتخريف دة انا هاخد عبير وهرجع مصر
فريد
طيب قبل ما تاخد قرار زي دة تعالي اوريك حاجة
كريم
عايز توريني اية
فريد
تعالي بس
ومسك كريم ايد فريد وراح بي ناحية خزنه كبيرة في اوضة نوم صابر وقال فريد ل نانا
افتحي الخزنه دي
فتحت نانا الخزنه اللي قدرت تعرف كلمة السر بتاعها وقت ما كان صابر سكران واول
ما اتفتحت الخزنه شافو ملالاين الدولارات كريم اتصدم من اللي شايفو وقال
اية كل الفلوس دي
فريد
صابر عمي حاطط بس نص ثروته في البنوك والنص التاني هنا في الخزنه والفلوس دي حلال علينا احنا الثلاثة
كريم بص للفلوس بطمع شديد وقال
تقصد انها هتتقسم علي اربعه ولا انت ناسي عبير
نانا بعصبية
انا هتستهبل عبير دي مجرد روبوت. جاي للمتعه زيها زي الموبيل اللي في ايدك عايز تديها فلوس
كريم
عبير دي هي كلب الصيد اللي هنقدر من خلالها نعرف فين درة
فريد
ازاي
كريم
مع انك لعبت في السيستم لكنك ما قدرتش تعرف ان الروبوتات عندهم جهاز جي بي اس داخلي بيقدرو من خلاله يكتشفو اماكن بعض حتي عن بعد
فريد
تقصد اننا نقدر نعرف درة فين عن طريق عبير
كريم مسك المسدس اللي كان فوق الفلوس وقال
بالظبط
فريد
طيب اعمل كدة بسرعة وعرفنا هي فين
وراحو الثلاثة جري ناحية عبير اللي كانت قاعدة علي الركنة بتتفرج علي الشاشة بامر من كريم وقال كريم ل عبير بصيغة الامر
نامي
النني الاسود بتاع عبير اختفي وعيونها بقيت بيضاء خالص وبدا كريم يستخدم الايباد بتاع عبير علشان يقدر يعرف مكان درة لكن درة ما ظهرتش علي الجي بي اس بتاع عبير واستغرب كريم وبص ل فريد وقال
ما ظهرتش
فريد
ازاي بس
كريم
هو جهاز التحكم الخاص بيها معاها
فريد
اة
كريم
وعارفه الباسورد بتاعه
فريد
اة
كريم
كدة هي قدرت تخفي نفسها علي جهاز استشعار لاي روبوت قريب منها
فريد
معدل الذكاء بتاعها انا مش مخلي اعلي حاجة دة،،،،،
قاطعه كريم وقال
قدرت تعلي معدل الذكاء علشان تقدر تهرب منك
فريد
يبقي نقلب عليها الغابة وهي هتتعب قريب لانها بقالها كتير بعيد عن الشاحن
و بطاريتها في النازل
نانا
طيب احنا مستنين اية يلا بينا
وصحي كريم عبير. وقال
يلا عبير ندور في الغابة علي درة
وخرجو الاربعة من القصر جري وهدفهم الاول والاخير الوصول ل درة،،،،،،،،
كنت انا وقتها لسة قاعدة تحت الشجرة وخطتي كانت معتمدة علي اني استني فريد يجي لغاية عندي علشان انا ارجع القصر واركب العربية وارجع للفندق لاني لو طلعت علي الطريق السريع وانا هدومي كلها دم كدة ما افتكرش ان اي حد هيرضي يوصلني للفندق. وكمان حركتي الكتير هتخلي بطاريتي تنزل. لان كان باين في الايباد اللي في ايدي ان فاضل 40 % من اجمالي طاقتي وانا مش هضيع الطاقة دي باي حركات غبية وغير مدروسة. وعديت ربع ساعة بالظبط قبل ما احس بان في حد قريب مني وقفت بحذر شديد وبصيت من وراء الشجرة اشوف مين اللي وصل عندي مالقتش حد
برجع براسي تاني علشان استخبي وراء الشجرة لقيت ايد مسكت شعري وصوت كريم بيقول
رجلك كانت باينه من وراء الشجرة. مالكيش في التخفي
لفيت جسمي بسرعة ناحيته وزقيته بكل قوتي ومن قوة الزقة اختل توازنه ووقع لكنه فضل ماسك شعري ووقعت معه من فوق منحدر وفضلنا ندحرج لغاية ما استقرينا علي ارض عدله ومعاها شوفت مسدس كان في ايد كريم ووقع منه حاولت اوصل للمسدس هو وصل ل رجلي شدني ناحيته وهو بينادي باعلي صوت
يا فريد. فريد
وحصل بيني وبينه اشتباك والمسدس بقي في ايدي وهو فوق مني ماسك حجر ولسة هينزل بي علي دماغي طلعت الرصاصة في القلب بالظبط وقع فوق مني زقيته بعيد عني وانا مش مصدقة اني قتلت تاني واحد وكنت مصدومة لكن ما فيش وقت للصدمة لان في اصوات حد جاي وبسرعة ناحيتي قومت اكمل جري وانا معايا المسدس ومحددة انا هروح فين هو القصر ورجعت القصر وركبت العربية وحاولت ادور العربية لكنها ما بدروش الا ببصمة الصوت وهنا ظهر فريد وحاول يفتح الباب وكان بيقول
اخرجي يا درة انا مش عايز أذيكي
كنت مرعوبه وانا باصة له لكن ازاز العربية كان مانع للصوت حاول يفتح الباب وانا طلعت الايباد من هدومي وبدات العب في اعدادت الصوت بحاول اوصل لنبرة صوت فريد اللي شاف كدة اتجنن وفهم انا بعمل اية راح جري ناحية حجر في جنينة القصر ومسك الحجر ورجع يكسر في ازاز العربية وكان متعصب اوي اول مرة اعرف اني كنت عايشة مع مجنون. وفضلت احاول واكرر محاولاتي واغير في نبرة صوتي يمكن اجيب نفس نبرة صوت فريد والعربية تتحرك والازاز بيتكسر. وقرب فريد يكسر الازاز خالص وانا عماله احاول ومرعوبه ودقات قلبي بتزيد والخوف قرب والموت دلوقتي ما فيش اي حاجة اقرب منه وهنا، ،،،،،،،،،
ح(5)
وخلاص ازاز العربية بدا يتكسر وهنا قدرت اوصل لصوت فريد والعربية اتحركت وداست علي رجل فريد وما كنتش مصدقة اني ممكن اكون قدرت اهرب منه وبصيت وراء مني وشوفته وهو بيعرج وبيدخل القصر ما كنتش فاهمة هو راجع القصر لية وبصيت قصاد مني وقولت بنفس نبرة صوت فريد
رجعني الفندق
وخرجت العربية من القصر،،،،
درة
كتابة واقتباس
محمد منصور **منص**
وقبل ما نبدأ نوحد الله ونصلي علي خير خلق الله سيدنا محمد.
اللهم صل وسلم علي محمد صلاة تحل بيها العقد وتفك بيها الكرب
ونرجع ل فريد اللي دخل القصر وهو بيعرج و كان بيدور علي اي موبيل وفعلا وصل ل موبيل صابر ودخل علي الابلكيشن الخاص بالعربية وقدر يوقف العربية بالتحكم فيها عن بعد. في نفس الوقت درة كانت جوة العربية مستغربه انها بتقف بعد سمعت رساله.
تم التبليغ عن سرقة العربية
درة
لا. اوعي توقف العربية كمل
لكن العربية وقفت وكمان ابوابها اتقفلت عليه صرخت وضربت التبلاو بايدي وانا متعصبة. ورجعت صوتي زي ما كان وبدا الشحن بتاعي ينزل وبقي 20 في المية. بصيت حوالين مني وانا محبوسة في العربية ومابقتش عارفة هعمل اية. بس لازم اتصرف وبسرعة،،،،
ونرجع ل فريد اللي كان في الغابة وواقف قصاد نانا وشافته وهو جاي عليها وبيعرج وقالت
اية اللي حصل
فريد وهو متعصب
هربت مني
وقال كدة وبص ل عبير اللي واخدة جثة كريم في حضنها وعماله تعيط فقال
عبير انا محتاجك توصلي ل درة وتخلصي عليها
نانا
عبير مش هتسمع كلامك ابدا لانك مش كريم
فريد
كدة لازم اعمل اعادة ضبط مصنع و اعمل انشاء رابط حب جديد بيني وبينها
نانا
وتفتكر ان فكرتك دي هتنجح
فريد وهو بيحط ايده وراء ودان عبير الشمال علشان يفصل عنها الباور وقال ل نانا
ما فيش قدامنا غيرها لاننا مش هنقدر علي درة وخصوصا بعد ما داست علي وش رجلي بالعربية باين عليها كسرته
ومد فريد ايدة في جيب بنطلون كريم وطلع الايباد الخاص بعبير. وقدر يفتحو ببصمة صباع كريم واختار اللغة العربي وهنا عبير عيونها بعد ما كانت مقفوله اتفتحت وقالت
ل انشاء رابط الحب خليك علي مسافة تسمح لي
قعد فريد قصاد عبير وبدا انشاء رابط الحب وبعدها بتلت دقائق بالظبط عبير فتحت وبقيت مرات فريد اللي طلع الفلاشة اللي بيقدر عن طريقها يخترق البرمجة وقدر يعلي مستوي الاجرام عند عبير. وقال لها
درة قريبة مننا عايزك توصلي ليها وتجيبيها القصر
عبير
حاضر
وقامت وقفت عبير ومشيت في اتجاة الطريق السريع وهنا نانا قالت لفريد
الحكاية بدات توسع مننا وانا مرعوبه من اللي ممكن يحصل بكرة يارتني ما كنت سمعت كلامك
فريد بعصبية
بقول لك اية بطلي ندب انا فيا اللي مكفيني.،،،،،،
كنت انا في الوقت دة بدات اكسر ازاز العربية برجلي وهو هيتكسر لان فريد كان بيكسر في بالحجر يعني قرب يتكسر خالص. ومجهودي بدا يقل والشحن بقي 2 % ما انا عملت مجهود كبير لغاية ما الازاز اتكسر لكني فتحت باب العربية من برة ونزلت من العربية ولسة همشي لقيت عربية بوليس ونزل ظابط امريكي قوام اخترت اللغة الانجليزية والظابط وقف قصاد مني و بص للازاز العربية المكسور والدم اللي علي هدومي وقال
محتاج افهم اية اللي حصل هنا. واية الدم اللي علي هدومك دة
درة حاولت تكذب لكنها ما قدرتش فاختارت اللغة الروسية وقالت بالروسي علشان الظابط ما يفهمهاش
انا كنت في زيارة ل صابر المصري وهو حاول يتهجم عليه فقتلته وانا ما كانتش عايزا اعمل كدة
الظابط ما افهمش هي بتقول اية فقال
ممكن تحكي اللي حصل بالانجليزي
درة لسة بتتكلم روسي وقالت
ما اقدرش اتكلم بالانجليزي علشان ما تقبضش عليه
الظابط لسة مش فاهم فقال
انا محتاج افهم اية اللي حصل والا هضطر اقبض عليكي.
درة هنا شافت عبير فقالت
انا لازم امشي دلوقتي حالا
ولسة هتتحرك الظابط افتكر انها عايزا تهرب منه. فقال
اقفي مكانك
درة لسة بتتحرك و هي بتقول
ما ينفعش اسمع كلامك لازم امشي حالا
لكن هنا الظابط هجم عليها ومسكها من ايدها ولفهم بقوة وراء ظهرها ولبسها الكلبشات وهو بيقول
هيتم القبض عليكي لاني شاكك ان وراكي شئ مريب من الافضل ليكي انك تلتزمي الصمت
درة قالت وهي بتبص علي عبير اللي بتقرب وفي عيونها الشر
من فضلك سيبني امشي
لكن الظابط قال
انتي مشتبه فيها
وهنا تقف عبير قصاد منه فيقول لها
انتي مين
لكن عبير ومن غير اي كلمة سحبت المسدس بتاع الظابط من جرابه وبدات تضرب الظابط بكعب المسدس في مناخيرة اللي اتكسرت وبدات تجيب دم بشكل مرعب ودرة استغلت اللي بيحصل دة وقررت تجري لكنها وقعت من طولها لان الشحن خلص. بصت لها عبير بشر مخيف و راحت ناحيتها ومسكتها من رجليها وبدات تسحبها ووش درة كان علي الاسفلت وبدا وشها يتجلط بشكل مخيف ،،،،،،،،،
بعدها بشوية تقف عربية الظابط جوة القصر وفريد ونانا راحو يشوفو في اية وعربية الظابط بتعمل اية عندهم في القصر و هنا يشوفو عبير نازلة من العربية وعلي ذراعها درة فاصلة شحن فرح فريد وقال
الله عليكي يا عبير. انا كنت صح لما قررت اسخرك
ل خدمتي
نانا
دة كل اللي همك. ومش واخد بالك انها راجعه لك بمصيبة تانية. سرقة عربية شرطة
فريد
عبير انتي جبتي العربية دي منين
عبير
من الظابط دة
وراحت ناحية شنطة العربية وفتحت الشنطة علشان فريد ونانا يشوفو جثة الظابط وعضم مناخيره متكسر والدم مغرق وشه صرخت نانا من المنظر وفريد قفل شنطة العربية تاني وقال
الحكاية كدة اتعقدت والمصيبة ما بقاش في منها مخرج،،،،،،،،
خلصت الحلقة لكن ما خلصتش الحكاية. وبكرة نكمل ويلا سلالللللللمو عليكم
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
جميع الروايات كامله من هنا 👇 ❤️ 👇
❤️🌹💙🌺❤️🌹💙🌺❤️🌹💙🌺❤️🌹💙🌺❤️🌹💙🌺❤️🌹
تعليقات
إرسال تعليق