محطات العمر البارت السادس والسابع والثامن والتاسع والعاشر بقلم الكاتبه جمانه السعيدي حصريه وجديده على مدونة النجم المتوهج
محطات العمر البارت السادس والسابع والثامن والتاسع والعاشر بقلم الكاتبه جمانه السعيدي حصريه وجديده على مدونة النجم المتوهج
اريج....اتهسترت كمت اضرب على راسي وعلى عيوني
فقدت السيطره على نفسي
شلون تموت وتعوفني حتى ما ودعتني
اني متأكده هي جانت تسمعني وتعرف حالتي عليها
من احجي وياها دموعها ينزلن على المخده
ليش عافتني منو اليه منو يحميني
صوتي راح كمت مااكدر احجي
اجت امي للمستشفى بس شافتني كامت تبجي
امي تعرف اني بقيت وحيده ومالي احد بهاي الدنيا من بعد عين بيبي
اصرخ بيبي بس مايطلع صوتي صوتي راح
تعبانه وحزينه وفاقده الامل امشي حافيه وراها ماادري بنفسي
مامصدكه تعوفني وتروح حتى ماودعتني ولا كالت ديري بالج على نفسج
رحت وياها للنجف غسلتها باديه عبالك نايمه مو ميته
احجي وياها مايطلع صوتي
الماي بارد عليها ليش ماتكعد وتحجي وياي
مجاي اكدر الزم دموعي
دموعي ينزلن ويا الماي على جسمها
احجي وياها ماترد عليه بعد شيفيد الحجي
توقعت من ينزل الماي على جسمها تكعد بس ابد
ما كعدت ولا كالت اي شي
رجعنا للبيت نصبنا الفاتحه اباوع كلهم عدهم عادي
خالي عادي عنده الموضوع مره جبيره وماتت
خوب زوجته تفننت بلضحك والسوالف
وما تدخل وياا النسوان الي تجي تعزي لا كاعده بلمطبخ
امي وبت خالتها هنا يستقبلن النسوان
اريج...تعبت حيل تعبت صار ايام واني مانايمه
راسي يوجعني عيوني يحركني
نمت رغم الهوسه بلبيت نمت عبالك ميته مو نايمه
هلكد ما تعبانه
بقت امي ٣ ايام واجا زوجها ياخذها
جمانه السعيدي
امي....يمه اريج اني اروح
اريج...بصوت مبحوح لا تعوفيني وحدي
امي... اني ودي ابقه وياج بس حميد عصبي اذا كال كلمه كون ماتنزل للكاع
صح هو زين وكريم بس بي هلطبع هذا عصبي
مايقبل احد يناقشه كلمته تمشي وبس
اني مااريد مشاكل وهم اخوج هذا حرك خاف
يتأذى وشيخلصني من ابو ولله يموتني علي
اني هم اجي اشوفج مراح اعوفج
اريج...خلصت اول ايام الفاتحه حابسه نفسي بلغرفه
مااطلع
اطلع اي شي من ثلاجة بيبي واكل وارجع انام
اذا اريد اسبح لمن ينامون كلهم اطلع اسبح واغسل ملابسي وارجع للغرفه
سكتت مني زوجت خالي مدري شعجب
بيوم السبعه اجت امي تشوفني تعشت وراحت البيتها
اريج...مالي واهس بكلشي مكسور خاطري حيل
الغرفه وحشه على بيبي بليل اطلع قطعه من ملابسها احظنها وانام
بعد ١٥ يوم من وفاة بيبي
احا خالي الغرفتي
خالي....خالو حبيبتي إلى متى تبقين حابسه نفسج بلغرفه
اريج...وين اروح
خالي.. اطلعي بلبيت ويانا
اريج...مااكدر تعبانه
خالي...اني اليوم جايج بسالفه
انتي بنيتنا وربيتي بهذا البيت واني اعزج مثل ولدي
حتى احنا تعودنا عليج
اريج...لزمت كلبي بايدي ياستار ياربي من هاي المقدمه
خالي...انتي بنيتنا واحناومانريد وحده غريبه تدخل هذا البيت تعرفين البنات هلوكت وسوالفهن التعبانة
اريج...بقيت ساكته لان خايفه من الجاي
خالي...اني اريدج العمار عمار صار عمره ٢٩ سنه
واريد ازوجه حتى يستقر صح هذا الكلام مو وكته هسه
بس اريدج تعرفين هذا بيتج
واحنا اهلج وبلاخير عمار ابن خالج وتعرفي زين
وهو هم اله نفس بيج
جمانه السعيدي
اريج...رفعت راسي خالي انت تحجي صدك
خالي.. اي ولله احجي صدك
اريج...انت تحجي هذا الحجي وبيبي ماصار كم يوم ماتت
خالي...كلنا نموت بيبيتج مره جبيره وهذا يومها
اريج...اسفه انت خالي على عيني وراسي بس اني مااريد ازوج اريد اكمل دراستي
خالي...اي ازوجي وكملي دراستج
اريج...لو يبقى عمار اخر واحد بهاي الدنيا ماازوجه
خالي...انجبي ولج شبي عمار شناقصه
اريج...كول شنو الي ما ناقصه من الاخير اني زواج ماازوج
اريد اكمل دراستي
خالي...هااا هيج الحجي
اريج...مااريد اجذب عليك ماازوج عمار
اني ماكاعده بيتكم اني كاعده بحصة امي بهذا البيت
خالي...زين يااريج نشوف منو الي يبقى على كلامه ومنو الي يغيره
طلع خالي زعلان مني لو تقبلين بابني العار لو اكو تهديد مبطن يعني راح تتندمين
كمت اخاف اقفل عليه غرفتي ومااطلع
زوجت خالي تحجي تغلط ابد ماافتح الباب
اذا اسمعهم طلعو لو نامو اطلع للحمام والتواليت
امي من تجيني اجيبلي وياها جبن وقشطه وخبز وحلويات
اكل ومااطلع من غرفتي
جمانه السعيدي
امي ماتجيني كل يوم حضرت زوجها مايقبل تعوف بيتها
شكد تخاف من زوجها
وتحسبله الف حساب لو كال ما اطلعين ما تطلع
لو كال ترجعين بهاي الساعه ترجع قبل الوقت
كلش عصبي ويحاسبها على كلشي
تخاف تخرب حياتها مره ثانيه
بلاسبوع تجيني ساعه وحده وترجع ركض
بعد ماحجا وياي خالي بيومين
زوجت خالي ماعجبها ردي شلون أرفض ابنها
المفروض اقبل واني الممنونه لان اني ماعندي اهل ووين اروح ازوج ابنها واسكت قابل اخذ واحد احسن منه
يعني زواجه بلوشي كلشي ما تخسر عليه اساعدها بلبيت
اخدمها هي وولدها
واذا طلع تعييني زايد خير اشيل نفسي و اصرف على ابنها
بدت تفكر شلون تخليني اقبل بهاي الزواجه
لا واتوسل بيها تاخذني العمار
ماكو غير تكسر عيني تساعد عمار يعتدي عليه
حتى اقبل بهاي الزواجه
اذا اعتدى عليه عمار بعد مااكدر ارفع عيني
وراح اروح اني اتوسل بيهم ياخذوني العمار
من سمعت من خالي اني رافضه هاي الزواجه سكتت
ماحجت مثل كل مره
رغم اني توقعت راح تكلب الدنيا على راسي
بس كلشي ما سوت سكتت بس ضامتلي مصيبه
كامت تترقب يمتى اطلع من الغرفه حتى تنفذ خطتها
العصر سمعت البيت سنطه
طلعت للصحيات لان جنت ستوني كاعده من النوم
طلعت اغسل ورجعت لكيتهم بغرفتي هي وعمار
بدون كلام هجم عليه عمار يضربني وهي تضربني ويااا
كمت اعيط وادفع بيهم اريد افهم شكوووو
ردت اطلع من الغرفه لزموني ثنيبنهم
هي لزمتني من شعري وهو يحاول ينزعني ملابسي
قاومت بكل قوتي اصرخ بصوت عالي
ادفعه ويلزموني اصرخ خليت اصابعي بعين عمار
عافني وصاح اخ بت الكلب مااكدرلج
لزمتني امه من شعري التفتت عليها دفرتها
ماعافتني رجع عليه عمار ضربني دفره احس مصاريني انمردن بطني
كمت اعيط بصوت عالي اريد واحد يسمعني ويجي يخلصني منهم
زوجت خالي تكله اكسرها اكسرها مابيك خير اذا
ما تعرس عليها هسه
شايفه نفسها علينا
وهو مثل الحيوان هجم عليه مااعرف منيين اجتني هاي القوه الاخر لحظه واني ادافع عن نفسي
بس معروف الكثره تغلب الشجاعه
خالي جان طالع قبل هاي المعركه بشويه من حسن حظي
جيرانه واكف بلباب سلم علي وسئله على ورقة الكهرباء
لان جايتهم هواي عليهم فلوس واذا بيت خالي هم جابتهم ورقه مثلها
صوت عياطي والصياح كان واضح
الرجال سائل خالي هذا الصوت بيتكم
خالي كاله لا
الرجال مركز كاله اي بيتكم هذا الصوت
رجع خالي وهذا الرجال ويااا
دخل خالي للبيت شاف زوجته لازمتني وعمار يحاول ينزعني ملابسي
واني ادفع بي برجليه همزين لا بسه تراك
مو دشداشه واعيط عليهم
مااستسلمت الاخر لحظه مااعرف منيين اجتني هاي القوه والشجاعه يمكن رب العالمين نزل عليه قوه بهاي اللحظه
خالي دخل للبيت والرجال بقه بلباب كل شويه وصاح هااا هذا شنو الصوت
عائلتك زينين خوما بيهم شي
جمانه السعيدي
خالي من شاف المنظر صاح على عمار
خالي.. عمار هااي شنو
زوجت خالي...خلي يطيح حظها
اريج.. خالو الحك عليه خالو تعالي
الرجال سمع صوتي واني استنجد بخالي
ومستمر يصيح شكوووابو عمار شكووو
اريج.. بعدني ارافس وادفع بعمار عني تقدم خالي ودفعه
عني
كمت بسرعه واني احاول ألم نفسي
الدم يجري من خشمي وحلكي وراسي يوجعني هلكد ما سحبت زوجت خالي شعري
زوجت خالي ...خلي يكسر عينها وحده حقيره
عايشه بنصنا وتتبطر علينا
خالي...شنو هذا الحجي ليش هيج تسوون
اني كلت اجيب امها تقنعها بهذا الزواج
مو هيج طاح حضك عمار مو عيب
اريج..ابتعد عني عمار واني ما مصدكه رب العالمين
خلصني من هاي المصيبه
بس ولله قاتلت قتال ما صاير ابد ما استسلمت
الاخر احظه واني ادافع عن نفسي
زوجت خالي ...انت شرجعك للبيت
خالي....ابو ضياء سئلني على ورقة الكهرباء ورجعت
على صوت الصياح
#محطات العمر
#البارت السابع
#جمانه السعيدي
اريج...أثناء العركه ادفعهم ويدفعوني وانهزم منهم ويلحكوني
الحد ما طلعنا من الغرفه للهول لذالك طلع صوت عياطي للشارع
بعد مااجا خالي وشافني هذا الموقف
وابو ضياء بلباب يسمع الحجي والهوسه
عافوني دخلت الغرفتي جسمي كله يرجف
فحطانه وتعبانه هلكد مادافعت عن نفسي
اباوع بلمرايه خشمي كله دم وحلكي مورم لان ضربني عمار على حلكي
البدي الي لابسته انشك من جتفي رفعت البدي بطني
بيها جرح مثل الشخط بس يوجعني
جسمي ارزك وجهي موروم من كل جهه
شعري وكعت منه خصل هلكد ما سحبتني زوجت خالي من شعري
بدلت ملابسي وكعدت على جربايه بيبي اعاتبها و ابجي
اريج...شفتي بيبي شفتي شصار بيه من بعد عينج
شفتي شلون اتكاثرو عليه كلهم
اسمعهم برا يحجون عليه
زوجت خالي.... انت منك السبب انت انطيتها مجال
وحده مامربايه شكو تكبر راسها وتأخذ رائيها بلزواج
تقبل غصبا ماعليها
خالي...اني مااريد مشاكل بعد أربعين امي ماطلعت
اصبري اني اقنعها هي ماعدها مكان تروح علي
لازم تقبل
زوجت خالي.. شوف هسه بهاي اللحظه تدخل عليها لو تقبل تزوج عمار هسه حالا تروح اجيب شيخ
وتعقد الهم بدون مهر بدون كلشي
لو تطلع من البيت اني مااريدها بيتي خليها تروح تعيش وياا امها
امها ازوجت عايشه مرتاحه واني متحمله مسؤليتها
عمار...يمه شوفي عيني اتاذيني هاي الحيوانه خلت اصبعها بعيني
زوجت خالي...الله يفكس عينها انشاء الله دايحه ماعليها عتب
جمانه السعيدي
اريج...دخل خالي عليه لكاني كاعده ابجي
اي ابجي على حظي الاغبر شلون بيه ووين اروح
خالي...هااا تبجين مو حجيت وياج من البدايه
شبي عمار ليش ماتاخذينه ولج غبيه الي تعرفي احسن من الي ما تعرفي شفتي بس طلعت شويه
رادو ياكلونج هو وامه اتكفي الشر واقبلي
واذا ماعجبج طبعه اكيد راح يتغير بس يزوج ويصير عنده اطفال راح يحس بلمسؤليه ويتغير
اريج...عمره ٢٩ سنه وماتغير لا شغل ولا دراسه
ولا شخصيه هسه يتغير وين لكيت هذا الحجي
خالي....مادام انتي هيج تحجبن خلاص عندج خيار من ثنيين لو تزوجين عمار لو اطلعين من هذا البيت
اريج...اعيش بلشارع ولاازوج عمار
كمت من مكاني طلعت جنطنتي لميت ملابسي
وأخذت كل مستمسكاتي وطلعت من بيتهم
خالي....بعد لا ترجعين هنا فهمتي لو لا ممنوع اشوف
وجهج لاترجعين عليه
اني هيج بنيه بلا اخلاق مااتقبلها بيتي
اريج...زوجته طلعت وراي للشارع اتصيح
اي همزين خلصنا منج هم ونزاح روحه بلا رده
عساج لا فرحتي ولا تهنيتي
اريج...اجرت تكسي ورحت الامي
دكيت الباب فتحلي اخوي الزغير بس شافني
انصدم بعدين خاف من شكلي
ركض الامي ركض تعاي شوفي اريج
جمانه السعيدي
اريج دخلت بلبيت وطبكت الباب
طلعت امي شافتني لطمت على وجها
امي...يااا هاي شنوو شبيج
اريج...ماكدرت اتحمل كمت ابجي شمرت الجنطه وحظنت امي
امي...شبيج احجي
اريج......مااكدر ارد عليها ابجي بصوت مجاي اكدر اتخطى الي صار وياي
دخلتني امي جوه بغرفتها
امي...شبيج هذا وجهج ليش مورم
اريج...كتلوني عمار وامه
امي...ليش ليش كتلوج
اريج...يردوني ازوج عمار
امي....يااا كتلوج حتى تزوجين عمار
اريج...لان رفضت استغلو خالي طلع وكتلوني
اتخيلي زوجت خالي تكول العمار اعتدى عليها اكسرها حتى تقبل تاخذك
امي...يايمه عود صدك وصلت الهاي الشغله
رفعت التليفون امي اتصلت على خالي تعاتبه
امي...ليش خويه هيج ليش هيج سويت بلبنيه
خالي...بنتج مامربايه تغلط علينا
احنا ما تعدينا عليها بلعكس ردنا ناخذها العمار
بس هي متعافيه علينا
امي...انت شايف شكلها ووجها كله مورم الله واكبر عليكم
ما تخافون من الله
خالي...عليمن شمسوين بتج محتاجه احد يربيها
طالعه من الطريق
قفلت التليفون امي وهي منزعجه حيل
ضاجت عليه حيل لان شكلي يخوف
اريج...اني اريد اروح اشتكي عليهم هسه الشرطه بس يشوفون شكلي يلزموهم
ثنيبنهم يدخلون السجن عمار وامه
امي...لا يمه زحمه نشتكي عليهم اني ماعندي بس هذا االاخ
تاليتي اشتكي علي
توها امي ماتت الناس شتكول علينا امهم ماتت منا وهي اشتكت على اخوها منا عيب
خالج زين بس زوجته خبيثه
اريج...يعني راح اتسكتين على هذا وضعي
امي...شبيدي الله يجازيهم ذوله ما يخافون من الله
اريج..ابقي انتي اني اروح اشتكي عليهم
امي...اسكتي بس يسمع ابو علي ( تقصد زوجها )
يطلكني من الصبح
بتج تدخل للمركز وتشتكي على خالها
اريج...واني شعليه بزوجج اني اريد اخذ حقي منهم
امي...يمه فدوه اسكتي الخاطري
اريج...يمه شلون اسكت
امي...هسه هذا شلون اقنعه تكعدين يمنا هنا
اريج...يمه اني بنتج وماعندي مكان اروح علي
امي...خاف يصير عصبي ويطردنا ثنيبنه اني وياج
راح اكول تبقى كم يوم وتروح عدها خلاف ويا خالها
انت اسكتي لا تحجين
جمانه السعيدي
اريج...يمه اني هلكد عندج رخيصه تخافين من زوجج
وماتخافين عليه اني قبل ساعه وحده
جان ضعت جان عمار دمر حياتي يمه ليش هيج اسوين بيه
امي...شلون اخرب بيتي علمودج
اريج...اتمسكي بيه شويه كوليله لو اني وبنتي لو اعوفلك البيت
امي.. حتى يفتح الباب ويكول الله وياج حتى ابني ياخذه مني يمه مو هيج تنحل الامور
احنا هاي الغرفه انام اني وياا ببها
وعدنا غرفتين فوك للولد ولده ماخذين كل واحد غرفه
انتي وين تكعدين وين تنامين
يعني بالعقل هيج هذا البيت مابي مكان اللج
اريج...عود صدك تحجين تردين اطرديني ووين اروح
امي...انتي ليش ما تقبلين بعمار اذا هسه موزين بس يزوج يتغير وابن خالج والي تعرفي احسن من الي ماتعرفي
اريج...صحت بصوت عالي وينج بيبي تعاي شوفي مصيبتي الي ما تتسولف
تعاي شوفي امي شتريد تسوي بيه
امي...اس اس لا تعلين صوتج انتي مشكلتك مالها حل غير
تقبلين بعمار وترجعين البيت خالج
قابل تبقين عايشه بلشارع
جمانه السعيدي
اريج...يمه تصدكين بيت خالي مليون مره ارحم منج
يمه ليش هيج تعامليني
ليش تفضلين راحتج عليه اني جاي اضيع محتاجه مساعدتج
امي....يمه اذا وكفت وياج ثنيينه راح نضيع اذا طردني ابو علي ووين نروح اني وياج
ثنيبنه نسوان ومابيدنا شغل ولا عدنا فلوس
انضيع ثنيينه فكري بااخوج هذا بعده زغير شلون يعيش بدوني
ماكو حل غير ترجعين البيت خالج وتقبلين بعمار
روحي اعتذري من خالج أقبلي بعمار
ترا الحياة مو سهله مثل ماانتي تتوقعين هي الحياة هيج ضيم وضلايم
اريج....هذا اخر كلام عندج
راسا قطع كلامنا دخلو زوجها للغرفه
طفرت امي عبالك لازم عليها لزمه
امي...هله هله
باوع عليه نضره غريبه حقه شاف الخارطه الي بوجهي
ملامحي ضايعه
ابو علي...شبيها بتج ليش هيج شكلها
امي..مابيها شي واكعه بيت خالها اجتني حتى اخذها اضمد جروحها
ابو علي...خوما جايه وجايبه وياها مشكله
اذا اكو مشكله احجي من هسه لان اني ما ناقصني مشاكل
امي...الله يستر من المشاكل من رخصتك تبقى عدنا الليله وتروح
ابو علي.. اي ميخالف
امي.. تعاي يمه اضمد جروحج
اريج...جروحي كبرت وبعد ما تضمد بعد الشي الي صار وياي
اليوم
طلعت من الغرفه وامي اجت وراي
دخلتني بلاستقبال وكالت لا اطلعين ابد ولا تخلين ابو علي يشوفج
قفلت الباب عليه وطلعت
اريج...كعدت بلكاع ياربي انت جاي تشوفو حالي
اني ما غلطت ولا اتعديت على احد الناس هي الي جاي تتعدى عليه
تقبل امي تريد تشمرني بلنار بيدها
انت اليوم نقذتني من اكبر مصيبه جان دمرت حياتي
وامي امي الي طالعه من بطنها تريد ترجعني للنار مره ثانيه
تمددت بلكاع كلشي يوجعني جسمي كله يوجعني من الضرب
بس اكثر شي يوجعني كلبي
من كلام امي معقوله امي ما تحبني
لان ماكو ام تحب بتها تتصرف هيج وياها
غابت عني امي اكثر من ساعه الاذان اذن واسمعها تطبخ وتحظر وتراضي زوجها وأولاده
واني بعدني بمكاني والباب مسدوده عليه
تخاف تقصر وياا زوجها ويلومها لو يحجي عليها
بس اني عادي تقصر وياي
دخلت جابتلي عشى وماي خلته بصفي وطلعت بسرعه
كعدت على حيلي
اباوع اني موجوعه ولااريد اكل اني اريد احد يفهمني ويقدرني يدافع عني
ليش لانسان ما يختار اهله ليش يطلع للدنيا يلكه
نفسه وسط ناس مجبور يتحملهم
تحت مسمى الاهل ليش اني طلعت للدنيا وياا اب
مايحس بلمسؤليه
وأم انانيه تخاف على نفسها اكثر من بتها
وخال استغلالي وعم جاحد حتى مايسئل
ليش من دون ذوله كلهم الانسانه الحنينه عليه تموت
بيبي تموت وخالي هو وابنه العار يبقون
هسه اني وين اروح احتمال باجر يطرودني من هذا البيت
صدك لو كال حسام الرسام
لا احباب عندي ولا كرايب تعادل ضحكتج يم شعر شايب
وينج بيبي اطلعي وشوفي حالي من بعدج
حتى امي ماتريدني الله كريم
شربت ماي دفعت الصينيه تمددت وخليت ايدي على عيوني حتى عيوني يوجعني
هلكد ماتعبانه وجسمي مورم ماكدرت انام
شويه ورجعت عليه امي جايبه حبايه مسكن
وضماد
امي...ليش مااكلتي
اريج ...مااشتهي اخذت حباية المسكن
وامي ضمدت جروحي وجابتلي فراش طفيت الضوه
وغمضت عيوني
امي...يمه لا اطلعين برا الولد بلبيت تقصد ولد زوجها
واحد عمره عشرين سنه وواحد ١٨ سنه
اريج...مارديت عليها كلي الي شفته بحياتي قبل شي
وتصرفات امي وياي اليوم شي ثاني
أخطر واعمق جرح الجرح الي يجيك من اقرب الناس
لان الصدمه تكون اكبر
بقيت شكد اتكلب المخده تبللت بلدموع
كلبت المخده على الجهه الثانيه ونمت
كعدت الصبح على صوتهم يتريكون
تعرفون اني هاي ثاني مره ادخل بيت امي من ازوجت لليوم
اول مره اجيت اني وبيبي بعد زواج امي
وهاي ثاني مره ادخل بيتها
ويمكن راح تكون الاخيره
بقيت بفراشي لمن طلعو كلهم للدوام وبقت بس امي طلعت اغسل ورجعت المكاني
امي شافتني اجت وراي
امي...شلونج اليوم
اريج...شلوني حالي مايسر لا عدو ولا حبيب
احتاج اروح للمستشفى اريد علاج
امي...لا مااروح مستشفى راح يسئلو ن هذا شنووو
ومنو سوو بيج هيج
اخذج العصر للصيدليه واجيبللج علاج
العصر اخذتني امي للصيدليه شافني الصيدلاني وانطاني علاج على معرفته ورجعت وياها للبيت
بس دخلت للبيت كالت بعد لا اطلعين لان ابو علي والولد راح يجون عبالك اني مجرمه حابسيني بلغرفه
نفس الشي بليل جابتلي اكل اكلت شويه وأخذت علاج ونمت
اليوم الثاني من طلعو امي جابتلي ريوك واجت
امي...اني لكيت الحل
اريج...شنو الحل سمعيني
امي..... ترحين يم عمج اكيد مراح يطردج بلشارع
اريج.. عمي صار ثمن سنوات ماشايفته ولا شايفني ولا سئل عني
ولا يذكرني شلون اروح اكله اريد اعيش وباك بيت نساباك
يمه كولي شي معقول
#محطات العمر
#البارت الثامن
#جمانه السعيدي
@الجميع
اريج....للعصر اجا خطار عليهم لان اني كاعده بلاستقبال يعني غرفة الضيوف
ا
امي....تعاي جيبي فراشج وتعاي اجا خطار على علاوي
اريج...شلت فراشي وطلعت
كعدت بلمطلخ يم امي
اني ماخذه احتياطاتي لا بسه دشداشه طويله وردن
وخاله شال على راسي
دخل علاوي باوع عليه هو يعرف اني موجوده بيتهم قبل يومين بس اني ماطالعه كدامه ولا مسلمه علي
علي...شلونج اريج
اريج...واني مدنكه الحمد لله
اخذ الجاي وراح الاصدقائه
بدت امي تحضر بلعشى واني اساعدها
اجا زوجها شافني سلم عليه وراح الغرفته
راسا صاح بصوت عالي على امي تعاي بسرعه
امي راسا وجها صار اصفر عافت شغلها وراحت للغرفه
طبعا هو متعمد يحجي بصوت عالي حتى اسمع
ابو علي....ليش اريج بعدها هنا
امي....بس اتصير زينه تروح
ابو علي...واني شنو هنا عندي مستشفى
امي...باجر اتروح بعد هسه الدنيا ليل
ابو علي...باجر ارجع مالكاها هنا اني عندي ولد شباب
ثنيين وبتج وضعها مو طبيعي
لازم اكو وراها مشكله اني ما مستعد اتحمل مسؤليتها
امي...لا باجر انشاء الله تروح ماتبقى هنا
جمانه السعيدي
اريج...سمعت كلشي وهذا الشي اني جنت متوقعته
اني ما اعتب على زوج امي اصلا هو رجال غريب
اذا ابوي وخالي اتخلو عني هو ليش يتحمل مسؤليتي
كملنا الاكل واجا حسون وعلاوي اخذو للخطار
ثنيينهم يباوعون عليه بتعجب لان وجهي صاير خارطه
من الضرب وحتى جسمي بعده يوجعني
رغم مر ٣ ايام بس بعدني تعبانه
الخطار اتاخر للساعه ١١ بليل بعدهم ما طالعين
واني كاعده بلمطبخ وحدي امي راحت نامت وقفلت الباب عليها
طلع الخطار اجا علاوي
علي...اليوم ازعجناج
اريج....لا اني اصلا وجودي بيتكم مزعج
علي...ليش تكولين هيج هذا بيتج
اريج....شكرا اخذت فراشي ورجعت فرشته بلاستقبال
سديت الباب نزعت الشال
علي...اريج اذا تحتاجين شي اني بعدني كاعد
قصدي إذا تحتاجين علاج
اريج...شكرا عندي علاج
جمانه السعيدي
الصبح كعدت على صوتهم
كاعدين يتريكون
علي....خاله اريج خاف تحتاج تروح دكتور اني اخذها
ابو علي...وانت شكووو ابوها اخوها خالها
مالك شغل بيها
اسمعي زين بتج اليوم ارجع مالكاها بلبيت فهمتي لو لا
اني عندي ولد شباب
مااقبل يصير شي مانكدر نعالجه بعدين
كفينا المشاكل ورجعيها بيت خالها فهمتي لو لا
امي...حاضر
علي...ليش بابا خطيه حيل متاذيه
ابو علي... اسكت انت مالك شغل
اريج بس طلعو من البيت امي اجتني يله تعاي اتريكي
حتى ترحين البيت عمج
اريج...اعرف زوجج ما يريدني بهذا البيت
بس شلون اروح البيت عمي عمي اصلا ماعنده بيت
هو عايش بيت نسابته واني هم اعيش وياهم
مايصير
امي...اسمعي اذا ماترحين البيت عمج روحي البيت سهيله
بت خالتي لو ترجعين البيت خالج
بس لا ترجعين هنا فهمتي لو لا
الرجال صاير عصبي عليه بسببج
قبل ابوج دمر حياتي وهسه انتي جايه ادمريني من جديد
عيشي وين مجان بس لا ترجعين عليه فهمتي لو لا
انتي جبيره وتفتهمبن وعندج شهاده
تكدرين تعيشين وين ماكان
جمانه السعيدي
اريج....اويلي عليج اريج السجاجين تطعن بيج من كل مكان
كمت جمعت ملابسي خليتهن بلجنطه
طلعت امي ٢٥ الف انطتني
لبست رداء وحجاب وطلعت من بيت امي واني دموعي على خدي
صعدت بلخط وباقي الطريق مشي
وصلت البيت عمي الساعه ١١ ونص الصبح
دكيت الباب طلعتلي وحده من بنات عمي
عمي عنده اربع بنات وزوجته الخامسه وعمته وشريجتها
وعمت مرته ارمله وهو الرجال الوحيد بلبيت
بعد وفاة جدي الله يرحمه
طلعتلي بنيه زغيره فتحت الباب
هاي ازغر حده بنات عمي
بيتهم قديم وزغير ١٠٠ متر
سمعت صوت زوجته تصيح منو نور منو على الباب
اريج...دخلت اني خاله اني اريج
ام حوراء زوجت عمي.....طلعت عليه لابسه دشداشه قديمه
وتعبانه ولافه شعرها طربه شعرها مليان شيب
وجها بي كلف شكلها كلش تعبان
ام حوراء ..... اريج منو
اريج... اني اريج سعدون عمي موجود
راسا نزلت حوأجبها وبينت على وجها علامات الغضب الانزعاج من وجودي وخاصه وهي شافتني شايله جنطة ملابسي بايدي
ام حوراء....اهلا شكووو خير
اريج...اريد عمي موجود
ام حوراء...عمج يرجع الساعه بلوحده الضهر
اريج...سكتت لان محرجه هي حتى ما كالتلي تفضلي
طلعت امها بيبيتي عمت ابوي شافتني استغربت شكلي لان وجهي
بي آثار ضرب
....منو هاي
ام حوراء....هاي بت سعدون الي باكنا
....سعدووون ؟؟؟؟؟؟؟هله يمه تعاي تفضلي
ام حوراء...وووين تتفضل
....تعاي بيبي تعاي ادخلي
دخلتني العجوز رغم ام حوراء مكانت موافقه ادخل بيتهم
دخلت يم العجوز بغرفتها لكيت شريجتها كاعده على الجربايه بيدها سبحه تسبح
سلمت عليها راسا سئلت
....منو هاي
بيبي...هاي بت سعدون اكعدي بيبي اكعدي
اريج...كعدت شويه راسا اجت عمتهم الارمله
تريد تشوفني بعد ما سمعت اني اجيتهم ضعيفه سمره
جبيره ووجها مليان شعر
سلمت عليه من وره خشمها واكفه كبالي وطك بعلجها
بيبي...هذا وجهج شبي
اريج...تعاركت ويا زوجت خالي وضربتني
بيبي...هااا شعجب جايه اليوم علينا
اريج...اريد عمي بشغله
بيبي...وهاي الجنطه شنو
اريج...بيها ملابسي
بيبي....وليش جنطة ملابسج وياج
اريج...طلعت من بيت خالي
هذا الحجي ام حوراء واكفه ورا الباب تتسنط عليه
راسا دخلت تااشر بعصبيه
ام حوراء.. انشاء الله جاي تكعدين عدنا مو لو تردين عمج يدورلج سكن
اريج...سكتت كلت بكلبي الضاهر محد يريدني
وهذا المكان مو مكاني
جمانه السعيدي
ام حوراء...احجي ليش ساكته ليش جايه هنا
طردوج محد يريدج واذكرتي عمج
ليش ماذكرتي باايام الخير ليش جايه هسه
اذا تصورين تعيشين ويانا انسي احنا اصلا عشيرة نسوان كاعدات بهاي الخرابه
لا تعبين نفسج مالج مكان بينا
روحي يم امج هي الي تتحمل مسؤليتج
اريج...بلعت ريكي من كلامها كلت بكلبي شكد وكحه شلون عمي متحملها
اريج...بس اشوف عمي واطلع
عافتني وطلعت اسمعها برا تغلط عليه وعلى ابوي
الي اكل حقهم وخلاهم يكملون حياتهم بهاي الخرابه
استغفر الله ربي واتوب اليه ليش اني اتحمل أخطاء اهلي
ليش ماعندي مكان حالي حال البنات
بيت عمي يكرهوني بسبب ابوي
هو اني ابوي شسوي علمودي حتى يسويلكم
واحد لا يخاف الله ولا عباده
اذن الاذان طلعت توضيت وصليت
العجايز ثنيينهم يصلن يمي عمتهم بعد ما شفتها بس اول ما وصلت
بس بناتهم كل شويه وحده جايه تباوع عليه وتروح
خطيه حالتهم حيل تعبانه البنات ملابسهن قديمه
اباوع للساعه يمته تصير بلوحده ويجي عمي
بلكت ينصفني
سمعت البنات صاحن اجا بابا اجا بابا
مادخل علينا اسمعه يسولف وياا زوجته
اكيد انطته التعليمات الي تخص وجودي بهذا البيت
شويه ودخل عمي للغرفه لا بس بنطرون رصاصي قديم
وبي زرف مخيطي بلايد وقميص اسود صاير املح
هلكد ماقديم جمانه السعيدي
عمي....شلونج عمو
اريج...وكفت سلمت علي وبسته
عمي...استريحي شلونج
اريج...الحمد لله زينه
عمي...شبي وجهج
أريج... زوجت خالي ضربتني
عمي..ليش
اريج....مشكله صارت وضربتني وطردتني من البيت
عمي...وهسه انتي وين كاعده
اريج...ماعندي مكان اجيت عليك
عمي.....ههههه صدك تحجين جايه عليه اني شعندي
عائله شكبرها بركبتي
اني وياهم تسع نفرات وياج نصير عشره
هو اني شعندي كفيلج الله نلزك بيها تلزك
يوم اكو ويوم ماكووووو
غرفه العماتي اتلاثتهن وغرفه اني والمره وهاي الزغيره تنام يمنا وذني البنات ينامن بلهول
انتي وين اخليج
تعذريني بعد عمج لو ابوج خايف الله بيه ودازلي
حصتي من بيت ابوي
جان هسه وضعي غير مو كاعد بخرابه
وفوكاها مو بيتي بيت اهل المره
تغدي هسه ويانه وروحي الامج اني مااكدر اتحمل هاي المسؤليه
اريج....حسيت نفسي زغيره ما موجوده ضايعه
شلون اني اتحملت كل هذا الكلام تمنيت اختفي
لو الكاع تنشك وتبلعني
ليش الناس كلها ماتريدني ليش اني ماعندي اهل
شنو المشكله شنو الي صار وخلاني ضايعه
كمت شلت جنطتي وطلعت
عمي...ابقي اتغدي عدنا
اريج...شكر مالتفتت علي خاف يشوف دموعي نازلات
امشي وابجي ياربي وين اروح اكتل نفسي واخلص
كعدت على الرصيف شبعت بجي
كل الي يفوت ويشوفني وجهي خارطه وكاعده ابجي يبقى يباوع عليه
كلها الناس شبيج شبيج
بقيت كاعده ومااعرف مصيري شنووو
فاتت ساعه ساعتين واني كاعده بمكاني
امي كالت لاترجعين عليه
خالي كال اذا طلعتي لا ترجعين عليه
عمي كال ماعندي مكان وطردني
راح اتصير الدنيا مغرب واني كاعده بنفس مكاني
اذكرت امي كالت روحي السهيله بت خالتي
خل اروحوو شوف
لازم اروح اشوفها مااكدر ابقى بلشارع راح تصير الدنيا ليل
بله سهيله ليش تتحمل مسؤليتي واني عندي اهل
شنو ذنبها تتحملني
رحت مشي رغم بيتها بعيد
وصلت الاذان مخلص والدنيا ليل
دكيت الباب فتحلي ابنها الزغير
اريج...ووين ماما حبيبي
امير....ماما رجلها مكسوره تعاي ادخلي عليها
طبعا سهيله ازوجت عن كبر وواحد ازغر منها بخمس سنوات وماصار عدها بس هذا الولد وبنيه شويه اكبر منه
البنيه السنه خامس ابتدائي
والولد صف اول ابتدائي
دخلت جوه الغرفتها ممده ورجلها مجبسيها
اريج...هلو خاله شلونج
سهيله....هله هله حبيبي اريج يااا شعجب
اريج...اجيت بعد
سهيله...هله وكل الله بيج .شبي وجهج
اريج....زوجت خالي ضربتني
سهيله...يااا كسر بايدها انشاء الله
اريج.. انتي شبيها رجلج
سهيله....جاي امسح زلكت صارت وكعتي على رجلي
جلي التوت ووكعت عليها صار يومين شايفه الضيم
البيت هوسه وحسره الي ينطي ماي
ملاك عدها امتحانات وأمير يريد واحد يقري
والبيت هوسه
ابو أمير ماله واهس يقري وحتى ملابسه مايقبل يغسلهن
واني بليل ماانا من الوجع
اكثر شي بليل يهيج الوجع عليه
جمانه السعيدي
اريج...الله يساعدج
سهيله...امج شلونه
اريج.....اتحسرت بعدين كلت زينه
سهيله ...شبيج حبيبتي شو ضايجه احجي الصدك
اريج...زوجت خالي طردتني من البيت
سهيله.. خل تولي هو بيتها اروح اطيح حظها خالج شبي
ساكت
اريج...لو تزوجين عمار لو اطلعين من الببت
سهيله...يااا عمار عوووع شنو عمار هم محسوب على الزلم
اريج...طلعت من بيتهم رحت الامي زوجها مايريدني بلبيت
يكول عندي ولد شباب ومااريد مشاكل
سهيله....يااايروحلج فدوه هلعار هذا شنو مشاكل
طاح حظه صدك ناقص
اريج...رحت العمي حالته تكسر الخاطر
البيت زغير وقديم والبيت كله بس نسوان
لابس قميص وبنطلون يهدن الحيل بس شافني
كام يحجي على ابوي بعدين كال ماعندي مكان بهذا البيت اللج ولا اكدر اتحمل مسؤليتح
سهيله...ياعيوني عمت عيني هاي شبيها الناس
ما تخاف من الله
امج شبيها شلون تقبل تعوفج وحدج هيج انعل ابو الرجال الي يخليها تعوف بتها
اريج...خاله ماعندي مكان ومااعرف وين اروح
امي تكول ارجعي الخالج وأخذي عمار واسكتي
سهيله...لا شنو عمار خل يولي ليش تاخذين عمار
حلوه وزغيره وعندج شهاده شنو تاخذين عمار
عمار لو بي حظ جان ازوج مابقى السه بلازواج
تعاي اكعدي هنا عندي
العين أوسع اللج من البيت
اريج...الله يسلمج خاله الف رحمه على روح اهلج
#محطات العمر
#البارت التاسع
#جمانه السعيدي
اريج...واخيرا لكيت مكان اكعد بي واستقر
بعد ماطلعت روحي واني انتقل من بيت البيت
سهيله....تعاي نحضر العشه وسوالفيلي شصار وياج
اريج...نزعت الرداء بس الشال عفته على راسي
طلعنا للمطبخ
اريج...اكعدي خاله انتي واني اطبخ
سهيله....فدوه العينج حبيبتي طلعي كبه من المجمده
وهاي السله بيها بتيته
اريج...اكو خبز بلمجمده
سهيله...لا هسه ماجد يجيب وياا صمون الجهال يحبون الصمون بليل يسوون لفات
اريج...خليت الطاوه على النار خليت دهن وبديت اكلي
نسولف اني وياها
شويه واجا زوجها من شافني تفاجئ بيه
سهيله...هاي اريج بت سعدون
ماجد...اهلا وسهلا
اريج...هله بيك عمووو
سهيله...ادخل جوه علما نكمل العشى
اريج...نزل العلاليك من ايده ودخل جوه
كملت تكلا وثرمت زلاطه طلعت الصمون من العلاكه
خليت سفره بلكاع اجو الجهال
اجا ماجد كعدنا نتعشى كلنا سوه
ماجد...شبي وجهج
اريج...زوجت خالي ضربتني
سهيله ...شايف ابنيه مرتبه وحلوه وخريجة تحليلات
وخالها يريدها تزوج ابنه عمير الدايح
لاشغل ولا عمل ولأن ما قبلت ضربوها
ماجد....لا ماتستاهل الضرب شبيهم ماكو بكلبهم رحمه
اريج...لان شفته يحجي بالرحمه ودافع عني فرحت رفعت عيني
لكيته يباوع عليه بس نضرته ماعجبتني
دنكت راسي ومااخذت ابالي شي كلت ايجوز لان وجهي
بي آثار ضرب
بعد ما رفعت عيني بعينه ابد كملنا عشى غسلت المواعين
ورجعتهن وخدرت جاي
راح ماجد دخل بغرفته وسهيله بقت وياي بلمطبخ
سهيله...هاج يمه ملاك اخذي جاي الابوج
ملاك شالت الجاي مشت شويه وكلبته
سهيله ثول كون ثول بعد شكبرج اصيرين
رادت تكوم سهيله تاخذه الجاي تعرج
اريج...اني اخذله الجاي جيبي
اخذت الكوب وصلت الغرفته دكيت الباب
اريج...عمو هذا الجاي
ماجد....تعاي ادخلي جان متمدد على الجربايه كعد
مد ادي ثنيينه شلون حضن الكوب حتى يلزم ايدي
سحبت ايدي صاح وراي شكرا
ابتسم شبيج خايفه جمانه السعيدي
طلعت كلش ضايجه هذا شبي
رجعت كعدنا بلمطبخ والجهال جابو كتبهم وبدينا نقريهم اني وامهم
كملنا الساعه صارت عشره بليل
سهيله...تنامين بغرفة الجهال لو بلاستقبال
اريج...لا انام وياا الجهال
سهيله ...خاف يضوجج
اريج....لا مايضوجوني اني احب الجهال وجهالج حيل محبوبين
اريج....بيني وبينكم كنت خايفه من ماجد خاف انام وحدي
ويجيني على الاقل وانام اني والجهال بلغرفه احسن
فرشنا الفراش سهيله راحت الغرفتها واني غسلت ودخلت اني والجهال للغرفه سديت الباب وطفيت الضوه وتمددت
كلشي فات من عمري مر عليه استرجعته مثل شريط فلم وجاي اباوع علي
بعد كلشي صار تمنيت لو مزوجه وكاعده وساكته
من اجاني هذا الولد الموضف
احسن من وضعي هذا الف مره
جان هسه عندي بيت وجهال ومستقره بمكان
ماهذا حالي
كلبي خايف من ماجد مااعرف ليش حسيته مو راحه
رغم هو شكله ابد مو حلو ضعيف اسمر وجها محفر
شواربه طوال خالتي احلى منه الف مره
نمت الصبح كعدت على صوت سهيله تكعد الجهال يرحون للمدرسه الساعه سته ونص الصبح
اني هم كعدت غسلت وصليت طلعت لكيت سهيله مشغله الصوبه
زوجها كعد طلع يغسل
اريج....اكلي بيض لو اسلكه
سهيله....لا سلك احسن وعدنا جبن بلثلاجه
جيبي الصمون اني احمي على الصوبه
خليت البيض بجدر على النار وخليت القوري على الصوبه
دخل زوجها كال صباح الخير
رديت علي واني مدنكه صباح الخير
ماجد...شلونج اليوم
اريج...زينه ابد ما رفعت عيني بعينه خاف اباوع علي ويكول هاي مكيفه
ماجد...اذا تحتاجين ترحين مستشفى اني اخذج
اريج...لا شكرا تسلم
جمانه السعيدي
كعدو يتربكون واني رجعت الغرفه الجهال
سهيله تعاي اتريكي
اريج...ماااشتهي اريد ارجع انام شويه
سهيله بكيفج
الجهال اجو وراي حتى يبدلون
اني بدلتلهم ومشط شعر ملاك بعدين أخذهم ابوهم وطلع
سهيله...ارجعي نامي ماعدنا شي اليوم
راح اطلع سمج
الضهر نكلي للغده
اريج....زين رجعت نمت كعدت الساعه ١١ سمعت سهيله تحجي وياا امي
اشرتلي تحجين وياها
اريج....لا مااريد احجي وياها
صلينا اني وسهله وبديت اكلي بلسمج علما الجهال يجون
شويه رجعو هما وابوهم
ابوهم عنده بسيطه مخضر بلسوك
دخل كبل للمطبخ
بس شافني واكفه بلمطبخ وحدي
ماجد...شلونج اريج
اريج...الحمد لله
نزل العلاليك واجا قرب عليه
ماجد...اكلي بمكانج خاف اضوجين من الزفره
مد ايده لزم ايدي على اساس ياخذ مني الملقط الي اطلع بي السمج
اريج.. سحبت ايدي وكتله شكرا . كملت
اجت سهيله هو راسا دنك على العلاليك سوه نفسه يعزل بلمسواك
اريج...ما تتوقعون شكد ضجت بعد وين اروح ياربي
شلون راح تخلص وياا هذا الحيوان
هسه خالتي زينه ليش انت هيج نفسك دنيه
مزوج وعندك اطفال ليش هاي السوالف التعبانه
تغدينا هو وخالتي دخلو يرتاحون شويه واني نظفت المطبخ
ودخلت بغرفة الجهال ادرسهم
من راد يطلع العصر للشغل سمعني اسوالف اني والجهال
فتح باب الغرفه بدون مايدك الباب
اني كنت كاعده ومندكه اقري باامير ونازعه الحجاب
من فتح الباب اني نشغت لان تفاجئت بي
ماجد...اسم الله هاي شبيج اريد اسئلج هم تردين اجيبلج شي وياي
اريج...اني سحبت الشال خليته على راسي وعدلت كعدتي
....لا شكرا كلشي مااريد
امير...اني اريد جبس ثنيين
ملاك...اني اريد من هاي النستله الي احبها واريد جبس
وكاكو
امير...اني هم اريد كوكو
ماجد....وانتي ليش ماتكولين شتريدين
اريج...شكرا مااريد شي
ماجد...... بكيفج
طلع وسد الباب سهيله نايمه ماتدري بلدنيا وين ماوين
اريج...هاي شلون بلوه مراح تخلص ابد
جمانه السعيدي
كملت تدريس الجهال كعدت سهيله
سهيله.. هااا عذبوج الجهال
اريج...لا ولله ونسوني شنسوي عشه
سهيله اني وصيت ماجد يجيب عجينة فلافل صمون وعمبه وببسي
اريج...زين ادخل اسبح
سهيله...اي اسبحي اني اكلي فلافل بمكانح لان تصير بيج ريحه
اريج...خاف ماتكدرين
سهيله ...اخلي الكرسي واكلي
انتي اجيتيني رحمه من الله ولله جنت بلضيم
حتى مااكدر انام اليوم شبعت نوم
والجهال هم خلصت منهم
اريج....انتي الي رحمتي حالي من الجهوله بلبيوت
باوعت عليها وكلت لو تدري برجلها يتحرش بيه
جان طردتني من هذا البيت
الله يستر من الجاي وتعدي على خير
دخلت سبحت طلعت مشطت شعري سمعت ماجد اجا
ماطلعت من الغرفه لفيت شعري بلحجاب
مااحس اله فتح باب الغرفه عليه همزين لا بسه حجابي
ماجد...ليش كاعده وحدج تعاي يمنه
اريج.. هسه اطلع عمووووو
ماجد... اول مره اسمع كلمة عمو هلكد حلوه
طالعه تخبل من حلكج
اريج...مارديت علي مااعرف شلون اتصرف ويااا
ماجد...يله كومي موحلو الاكل بدونج
سهيله تكلي فلافل ومشغله التلفزيون بلمطبخ مسكينه مجاي تسمع ماجد
لفيت حجابي وطلعت ورا
اريج...اساعدج خاله
سهيله....لا كملت بس افرشي السفره وخلي الزلاطه
والببسي والصمون عليها اني كملت
كعدنا نتعشى اني اكل على كيف ومندكه وهو يسولف ويضحك ويحجي نكت يريدني اضحك
واني عقلي بغير عالم
خايفه انطرد من هذا البيت ووين اروح
بعد ماعندي مكان اروحله
لان اذا استمر ماجد يتحرش بيه مستحيل ابقى هنا
خالتي ما تستاهل واحد حقير مثل ماجد كلبها طيب وحنينه
بعد العشى ماجد بقا بلمطبخ هو وخالتي والجهال
اني غسلت المواعين وخدرت جاي
انطيته الخالتي تصب
وشلت جيس الزباله اريد اطلعه بلباب
مااحس اله ماجد جاي وراي لزمني من ايدي
ماجد....انطيني الجيس لاتشيلين الزباله ذني الادين لازم يشيلن ورد مو زباله
اريج...عفت الجيس ورجعت ركض دخلت للمطبخ
سهيله....ماجد ماقبل انتي اذبين الزباله يكول زحمه
اريج.. غسلت اديه ورحت الغرفة الجهال
سهيله...تعاي اخذي جاي ليش رحتي للغرفه تعاي
خل نسوالف
اريج... اريد اراجع للجهال دروسهم
سهيله...تعاي اخذي جاي وروحي الف رحمه على والديج
خلصتيني من القرايه مالت الجهال
اريج...قبل لا ادخل للغرفه دخل ماجد وين اريج
سهيله....انت لازم تصرفلها راتب خلصتنا من قراية الجهال
ماجد...اليوم كتلها اجيبلج شي ويا الجهال ما تقبل
سهيله....اريج روحها عزيزه بس الوكت اغبر لعب بيها لعب
ماجد .. اله ادللها دلال ماصاير اهلهاما يفهمون اكو واحد يفرط بهيج جوهره ثمينه
سهيله....امها اتكول خليها يمكم مااريدها ترجع عليه زوجها متخبل من اريج
وعمها طردها وخالها مايريدها
مسكينه اريج الوكت كله ضدها
ماجد....احنا بعد ما نقبل تعوفنا وتروح البيت صار حلو من دخلت بي اريج
اريج.... بقه ماجد يلاحقني بلحجي والنظرات واني اتهرب منه رغم اني ابد ما منطيته وجهه
بس ما بطل يلاحقني وخاصه من سهيله كالتله
اهلها مايردوها حس اني فريسه سهله
بنيه حلوه شابه محد يريدها وماعدها مكان تروح علي
اكيد راح تستسلم بلاخير وتقبل تسوي وياي علاقه
احسن ما تنطرد بلشارع
مايدري اني اهون عليه انام بلشارع
ولا اخون خالتي
مر اسبوع وهو يحاول وياي بس على الخفيف
يعني ماضاعط عليه حيل واني جاي اتهرب منه واجاهله
كنت اكول بلكت يمل ويبطل بلكت اكسر خاطره
بس هو بلعكس جاي يتمادى عليه أكثر واكثر
يحس اني ضعيفه وماعندي ضهر يحميني
اذا غلط وياي محد راح يوكفله ويحاسبه
كان منتظر الفرصه حتى يستفرد بيه ويعتدي عليه
مفكر اذا اعتدى عليه راح اصير تحت امره
لان اخاف من الفضيحه
#محطات العمر
#البارت العاشر
#جمانه السعيدي
@الجميع
اريج...فات اسبوع واني بيت خالتي سهيله
وجهي تحسن هواي ورجع مثل قبل
خالتي بعد اسبوع وتفتح رجلها بس زينه تكدر تطبخ
وتغسل ألمواعين
بلنسبه للتنظيف سهل لان شتا والبيت مفروش
اكنس البيت واغسل الطرمه واقري الجهال
احاول قدر الإمكان من يجي ماجد للبيت ادخل للغرفه
حتى لا اشوفه ولا يشوفني
اريج....خاله غرفة الجهال وين مفتاحها
سهيله...مفتاحها ضاع واني مادورت علي اخاف الباب تنقفل عليهم ليش تسئلين
اريج...لا هيج مرات عمو ماجد .يدخل علينا كبل بدون مايدك الباب
واني ملابسه حجاب لو مدده
سهيله...شكو بيها غير عمج
اريج...لا مرات مااكون منتبها
سهيله...اني راح ادوره بلكت الكا ميخالف سهله
وانبه ماجد ترا ماجد حاسبج مثل ملاك
يعني انتي مثل بنته بعد لازم انتي هم تتعودين علي لان هو مثل ابوج
اريج....كلت بكلبي ولله انتي ياخاله ماتدرين بلدنيا وين ماوين دخيل بختج
بليل بعد العشى خالتي دخلت تسبح والجهال بغرفتهم
اجا ماجد لكاني واكفه بلمطبخ انظف
قرب عليه اني ابتعدت بدون ماارفع راسي
جمانه السعيدي
ماجد....تدرين انتي شكد حلوه
اريج....باوعت علي نضره اشمئزاز منه
ماجد...ليش تباوعين عليه هيج ترا اني احجي الصدك انتي كلش حلوه
اريج...عمو عيب هذا الحجي خالتي سهيله ما تستاهل منك
هاي التصرفات عيب اني مثل بنتك
انت جبير وتفتهم شنو هاي تصرفات المراهقين
ماجد...عيب ليش عيب طبعا يحجي بصوت ناصي يخاف سهيله تطلع وتسمعه
ليش عيب يعني اغمض عيوني واني جاي اشوف احلى بنيه بلدنيا واكفه كبالي
اريج....انت ماعندك غيره ما تستحي
اني مو طفله تضحك عليها بكلمتين
ماجد... اريد اعبر عن اعجابي بيج اني من اول مره شفتج بيها حبيتج
اني أول مره بحياتي احب
اريج....خطيه عليك خالتي وجهالك
ماجد...اني ما مقصر وياهم ابد بلعكس خالتج مقصره وياي اكبر مني وما فاهمتني
اريج... شمرت الجدر على السنك بعصبيه
انت شتريد بلضبط
ماجد....اريد اني وياج نحب بعض اني اول مره اجرب احساس الحب بحياتي
شوفي اطلبي بكيفج واشرطي عليه بشرفي اله اعيشج ملكه
واخلي خالتج خدامه عندج
عوفي غسل المواعين هي تغسلهن بمكانج
لو جيبيهن اني اغسلهن حرامات ذني الادين الحلوات
يخربن بغسل المواعين
جمانه السعيدي
اريج....ابتعدت عنه هذا الإنسان مريض ابد مو صاحي
ماجد...لاتخافين مني ابد اذا تردين بيت وحدج
ذهب سفرات كلشي الي اطلبي بس اشري علي
اريج...اريدك تبتعد عني لان اذا ما تعوفني بحالي
اخذ ملابسي واطلع من هذا البيت
حرام عليك مايصير هيج تتصرف
ماجد...يعني اهلج كلهم مايردوج حتى امج ماتريدج
واني جاي افتحلج اديه واكلج ادللي عليه
هيج تردين عليه انتي مالج احد بهاي الدنيا
واني راح اعوضج عن اهلج وناسج كلهم
اريج...عمو ابتعد عني ترا احجي الخالتي كلشي
ماجد...هذا البيت اني اصرف علي مو خالتج
وانتي وخالتج عايشات من خيري
اريج....استغفر الله ربي واتوب اليه
ماجد...لا تصيرين كلش براسي انتي شنو تردين
زواج ماعندي مانع
نزوج زواج بلسر واخليلج بيت وحدج
بعد شتريدين مني
لا تدللين عليه لان كتلج احبج هاي خوش فرصه لا اضيعيها من ايدج
اريج...باجر اطلع من هذا البيت الضاهر انت ما تفهم بلكلام
ماجد...وووين ترحين مثلا
اريج... مالك شغل بيه وين مااروح اروح
جمانه السعيدي
ماجد...اني اعرف ماعندج مكان ترحين علي
ليش تعذبيني وتعذبين روحج
اريج...عفت المطبخ ورحت للحمام دكيت الباب على خالتي
اجا وراي ماجد. متعجب من تصرفي متوقع راح احجي الخالتي عنه
اريج...خاله خلصتي لو بعد
سهيله...اي خلصت بس البس ملابسي اوكفي يمج حتى تساعديني اطلع
اريج...اي خاله منتظرتج
عافني ماجد وراح الغرفته
طلعت خالتي ساعدته لمن وصلت الغرفتها ودخلت
ماجد مسوي نفسه نايم
اريج...رجعت للمطبخ اخذت سجينه جبيره ورحت الغرفة الجهال خليت السجينه جوه راسي ونمت
تحسبا الاي غدر من ماجد
هلمره مراح اسكت عليه وعلى اعدائي
ثاني يوم صادف جمعه بس سمعت ماجد طلع طلعت من الغرفه
سهيله...صباح الخير ليش كاعده اليوم جمعه
اريج...اريد اروح ادور شغل اشوفلي مختبر تحليلات
عياده بلكت يشغلوني
سهيله...ليش ادورين شغل .خاف محتاجه فلوس الله عليج
اريج...لا عندي ٢٥ امي انطتني
سهيله...وهاي ٢٥ من عندي واذا جاي ادورين شغل علمود الفلوس اني انطيج واكعدي واسكتي منا لمن يطلع التعيين
اريج...لا اني اريد اشتغل حتى اطلع واغير جو
وحتى استفاد من شهادتي
سهيله...زين روحي الله وياج
اريج...ماارجع الضهر لا تحسبين حسابي اليوم جمعه
وكل المختبرات والعيادات مفتحه
اريد ابقه ادور لمن الكه شغل حتلو اشتغل ممرضه
احسن من كعدتي هاي
سهيله...بكيفج حبيبتي
اريج لبست بنطرون وبدي وفوكهن رداء وشال
اخذت جنطه زغيره بيها فلوسي وطلعت
وين اكو شارع بي عيادات رحتله وين اكو مختبرات
مريت عليهم
كل الي اسئله يكول لا ما محتاجين موظفين
الضهر اشتريت لفه وبطل ماي ابو الربع كعدت اكلت
رحت اكثر من مكان طاحن رجليه وكلشي ما حصلت
لليل واني افتر بس كلشي ما حصلت بس التعب
ماجد الضهر من رجع للبيت وما لكاني بلبيت
اتوقع اني عفت البيت بسبب كلامه وتحرشه بيه
سئل خالتي وين اريج
سهيله...راحت ادور شغل بلكت مختبر عياده
تكول حتلو ممرضه اشتغل ومابقه كاعده هيج
ماجد.. رد عليها بعصبيه
شنو ادور شغل منو سمحلها تطلع هي عايشه بهذا البيت
لازم تسمع كلامي
هي هسه محسوبه عليه شلون تطلع بدون ما تاخذ
اذن مني شنو اني مالي كلمه بهذا البيت
محد يحترمني
كل اهلها يعرفون هي عايشه بيتي يعني اي شي يصير عليها اني اتحاسب
هذا التصرف ممنوع سمعتي لو لا
طلعه من هذا البيت بدون مااعرف ماكوووو
ممنوع جمانه السعيدي
اريج...رجعت للبيت بعد أذان اامغرب
قبل لا يرجع ماجد للبيت
اريج...شلونج خاله
سهيله...هلو حبيبتي هااا بشري
اريج...بس التعب مالكيت شغل رجليه طاحن واني افتر
كلشي ما حصلت
باجر ارجع ادور بغير منطقه
سهيله.. عمج مايقبل
اريج....ليش مايقبل
سهيله...اليوم صار عصبي وكام يعيط عليه
شلون تطلع اريج بدون مايكون عندي خبر
اذا يصير عليها شي اهلها راح يحملوني كل المسؤليه
اريج...وهو شنو علاقته بيه اني اريد اشتغل
سهيله... حبيبتي اصبري كم يوم بس يهدء اني احجي ويااا
اريج...لا اني مراح اصبر اكثر لازم الكه شغل بأسرع وقت ممكن
اني مراح اخليكم تتحملون مسؤليتي
انتم شنو ذنبكم
سهيله.. احنا ماخسرانيين عليج شي تاكلين حالج حالنا
اريج...ولو لازم الكه شغل واشتغل اني موزغيره
وعندي شهاده
سهيله....كم يوم لمن عمج يهدء شويه
اريج...بعدنا نسوالف واني حتى مانازعه ملابسي
الي طالعه بيهن
دخل ماجد بس شافني خنزر عليه
ماجد...وووين جنتي مبين توج اجيتي
اريج...اي هسه اجيت جاي ادور شغل اريد اشتغل واعيش وحدي
ماجد...اسمعي اريج مادام انتي عايشه بيتي تسمعين كلامي
فهمتي لو لا
ممنوع اطلعين من البيت اله اني اسمحلج
فهمتي لو لا
اريج...واني جاي ادور شغل حتى اطلع من هذا البيت
واخلصكم من هاي المسؤليه
انت مامسؤل عني اني هنا مجرد ضيفه كم يوم واعوف البيت
ماجد...انتي شنو جاي تعاندين
اريج...عفته ودخلت بلغرفه لميت ملابسي
باجر لازم اطلع من هذا البيت
حتلو اكعد بلشارع مستحيل اعوف واحد مثل ماجد
يتحكم بحياتي ويستغلني الرغابته وشهواته
لو ما الدنيا ليل وبارده جان هسه طلعت
رب العالمين الي خلقني مراح ينساني ابد
مادام اني مجاي اقبل بلغلط والمعصيه اكيد رب العالمين
راح يحميني من ماجد وامثاله
اجت خالتي شافتني اجمع ملابسي بلجنطه
خالتي...هااا خير زعلتي من ماجد ترا ماجد مثل ابوج ويدور مصلحتج
مايريد احد يحجي عليج ويكول تطلع وتدخل بكيفه
اريج...اني ابوي الحقيقي تخلى عني وخالي وعمي وامي
مابقا غير ماجد يدور مصلحتي اني جبيره واعرف مصلحتي وين
سهيله...ليش زعلتي ترا كلامه مابي شي
اريج...خاله وين الغلط اذا اني دورت شغل شنو راح ابقى طول عمري عايشه هنا
ليش ماجد يتحمل مسؤليتي
اني اشتغل واشيل نفسي مااريد احد يمن عليه
سهيله...تعاي تعشي
اريج...مااريد شبعانه وباجر من الصبح اطلع من هذا البيت
سهيله...وين ترحين
اريج.. الجهنم الحمره
سهيله.. انتي ليش عصبيه
اريج...الدنيا كلها تمشي ضدي شتريدين اضحك مثلا
رجليه طاحن واني افتر اليوم
محد يقبل اشتغل ويااااا
سهيله....تهون حبيبتي تهون اكيد الايام الصعبه راح تمر
وتجي الايام الحلوه وكولي خالتي كالت
طلعت خالتي من الغرفه نزعت الرداء لبست تراك
وتمددت وتغطيت
اسمعهم تعشو ويسولفون خالتي جابت لفات ثنيين
وماعون فواكه وبطل ماي خلتهن يمي وطلعت
خطيه ماهان عليها انام جوعانه
بعدني اتكلب بفراشي هلكد ما عصبيه ومقهوره مجاي اكدر انام
جمانه السعيدي
ماجد حرك دمي مابقى بس ماجد عليه
الدنيا مابقت واحد نذل ما سلطته عليه بقه بس ماجد
ولله لو يموت مااخلي يلزم ذياب ثوبي
واحد حقير بلا ذمه وضمير
الساعه عشره انفتح الباب فتحت عيوني خفت خاف هو اجاني للغرفه
خالتي دخلت للغرفه
سهيله...بعدج كاعده
اريج...هسه انام
دنكت خالتي شالت فراش الجهال
اريج...ليش اخذتي فراشهم
سهيله...ابوهم يكول جيبيهم ينامون يمنا امير اليوم
مصخن
اريج...مصخن خاف بلاعيمه
سهيله...يمكن انطيته علاج راح أخذه ينام يمي خاف تصعد حرارته بليل
اريج...عوفي ملاك تنام هنا بلغرفه
سهيله....ابوها يكول جيبيهم ثنيينهم هنا
اريج كمت خليت الشال على راسي وشلت الفراش وياا خالتي ووصلته الباب غرفتهم مادخلت بلغرفه
ورجعت الغرفتي رفعت المخده اتاكدت السجينه جوه المخده
اخاف من ماجد ايجوز هاي حركة غدر منه
ليش مصمم الجهال ينامون بلغرفه ويااا
يمته يطلع الصبح واعوف هذا البيت
يارب اني بحمايتك اليله
سهل أمري واستر عليه
انتظرونا
النت عاطل هسه كنكت على الرصيد
مراح اكدر انشر اله تصلح الشبكه
اعذروني اتاخرت عليكم
انتظرونا
تعليقات
إرسال تعليق