زبانية الجحيم الجزء الخامس والأخير بقلم جمايكا احمد حصريه وجديده على مدونة النجم المتوهج

 زبانية الجحيم الجزء الخامس والأخير بقلم جمايكا احمد حصريه وجديده على مدونة النجم المتوهج 

زبانية الجحيم الجزء الخامس والأخير بقلم جمايكا احمد حصريه وجديده على مدونة النجم المتوهج 

مرق شي 5 ايام على هاد الحال، لا نحنا قادرين نفهم شو صار ولا قادرين نستوعب شو عم يصير معنا، حتى انا من فراشي ماقدرت قوم صوت نجوى وهي عم تبكي ليل نهار وادق اتصالات لتسمع صوت اولادها  كان عم يوجعني اضعاف. مرت عمي كانت تجي وتروح.. بس بعدها انقطعت رجلها عنا وماعاد حد يفوت بيتنا..

حاولت دق ع مرام ماكانت عم ترد علينا حتى امها رفضت تخلينا نحكي معها وكل اتصال بتصير تدعي علينا بموته كلا عذاب..

لعند ما اجى اليوم وقابل زهير لاعرف منو شو صار.. ومين يلي قتل قيس ابي ولا عيسى..

ريم :- الله يخليك قلي شو صار والله ماعم ندوق طعم الراحة انا واختي.. متل المقطوعين عن الدني..

زهير :-× الصبي متوفي  من يوم ما انخطف من عندك..

ريم :- مين يلي خطفو ابي ولا عيسى

زهير :- عيسى

ريم : 😢..

زهير :- بس كنتي عم تحكي معو هاديك الليلة مرسل عالم لعندك مجهولين بدون ماتحسي ومن بعد ما اتاكدو انو كاميرات الحارات مانها شغالة باتجاه بيتكن.. ومن بعد ما اتاكد انو مافي حد بالبيت غيرك.. انتي والطفل.. هو ماكان هدفو يقتلو، بس خطفو كرمال يعلم ع ابوكي ويفضحو عن طريقو.. بس غلط غلطة كبيرة.. العالم يلي ولاهن القصة لينفذوها  فهمو الموضوع انو انتقام وحدة بوحدة ومحاولين يتحرشوا بالطفل.. ومبلش يصرخ قامو عاطينو منوم عيار تقيل موقف قلبو.. ما اتحمل.. وعرف عيسى انو الصبي فرط  بين ايديهن وماكان عندو طريقة الا لياخدو ويدفنو بمخازم المصانع التابعة لبيك  ليثبت عليه تهمة التحرش واغتصاب وقتل ويروح فيها.. .. بيك ماكان يعرف وين الصبي..

ريم :- 😭😭.. لكان شو عرفوا انو عيسى

زهير :- لان عيسى واخوه هددوه كثير انو مارح تغفى عينهن الا لياخدو حقهن منو ومن اولادو واولاد اولادو.. شفنا رسائل التهديد متل يلي كانت توصلك كانت عم توصل بيك.. من ارقام مجهولة اتبعنا ip والكود  للرسائل.. ووصلنا للاجهزة كانت من عند عيسى..واتاكدنا لحظتا.. وليلة ما انفقدتي من حسن حظك كنتي مشغلة برنامج الموقع على موبايلك.. وقدرنا نصل لالك عن طريق موبايلك يلي كان خافيه عيسى..

عيسى كان يتصرف وكأنو مافي شي عم يصير كان ممثل بارع.. وقت انفقدني كان اكثر حد قلقان وتعبان وعيونوا ماوقفو بكي.. ماشكينا فيه ولا لحظة كان عم يبحث عنك بكل مكان.. متل المجنون ما تخيلنا هو يلي كان خاطفك كمان... والمصيبة الاكبر انو كان عم يتواصل مع ريان.. وريان هربان لحظتها و  بيك  بعدو مامات حالتو هلق مستقرة نوعا ما.. وهو يلي وصلنا لريان وقت خبرنا بالتمتمه انو بيجي ع المشفى بزورو ليحقق معو باختفاء ابنو.. .. كان هو وعيسى متواعدين بمكان.. وهالمكان هي مخازن بيك.. الشرطة كانت عم تراقب المكان هونيك.. بدون علم حد..شفناهن عم ينزلوا من السيارة باتجاه المخازن وهونيك ماقدرنا نلحق شي.. كل شي شفناه عيسى بالارض ميت.. وريان حامل ابنو وعم يصرخ..

من وصلنا عرفنا من ريان كل شي.. مخبروا عيسى  عن مكان ابنو واخدو للمكان ليقلو هونيك خلص فيلمكن يلي من اخراجنا  لهون.. ومن شاف ابنو ما استوعب عقلو يتحمل شي.. قاتلو بارضو.. وطالع ليكفي ع ابوكي.. ابن خيك دفنوه دار جدو اهل مرام.. والمخلوقة الله يصبرها يمكن ما ضل عقل فيها.. واخوكي عم يهلوس باسم ابنو.. وحاليا هو بمشفى الامراض العقلية.. حتى الاطباء عم يحكو انو الصدمة يلي هو فيها مستحيل يطلع منها بسهولة..

لهيك ياريم مابعرف شو نتيجة هالشي حاليا بس الوضع مانو تمام والشي يلي صار صدمة على الكل.. الكل فاقد ومفقود.. حتي انا جيت هلق لاحكي معك. لان بعرف مافي حد يقلك شو صار..

بعد مرور 3 اشهر

نجوى :- تخيلي يا ريم ابني هلق صار بحضن وحدة تانية.. تخيلي مافي حد عندي لياخد بايدي ويساندني لارجع حضانة اولادي لالي..

ريم :- 😢.. شو استفاد

نجوى :- مابعرف دمرنا الله لا يرحمو بترابو.. ما النا ذنب بشي.. شو دخل زوجي يخبروا

ريم :- ماكان عيسى هيك يا نجوى، هاد حب سنين حرقوا بايديه

نجوى :- اللي عملو ابي فينا  سكتنا عليه عمر.. بس يلي عملو فيهن كلفو ارواحنا كلنا..

ريم :- رح نبقى حالنا هيك

نجوى :- ناطرة اروح لعرسوا مشان شوف اولادي

ريم :- بدك نلبس النقاب

نجوى :- ليش في عنا غير هالحل نغطي وجهنا من هالعالم..

ريم :- شو صار بابوكي

نجوى :- بالبيت .. نطروه ليتعالج مشان ياخدوه للسجن ولهلق مافي دليل عليه..

ريم :- مرت عمك صبحي عم تمر من جنبنا وما بتهتم

نجوى :- اي بسيطة هاد اقل شي فيهن يعملوه بكفي ورقة البراءة يلي طلعت بالعيلة فينا وبابي.. الله يرحم ترابك يا امي تعي تشوفي حالنا..

ريم :- رحت لعند ريان الصبح

نجوى :- اي صحيح شو صار معك

ريم :- كبران وكانو ب 50 سنه ..وهزيل وشعروا كلو ابيض ودقنو طويلة.. كانت حالتو بالويل قاعد بزاوية الغرفة وعم يحاكي حالو..

نجوى :- بتمنالو يضلو هيك.. ع الاقل مابيرجع بفيق ع هالواقع الاليم..

ريم :- مرام اسمعت راحت تزورو

نجوى :- مين خبرك

ريم :_ الادارة هونيك..

نجوى :- اي وشو صاير

ريم :- هني طالبين منها تجي ومعها الصبي البيبي  وتحاول تفهمو انو قيس وانو الولد بخير وانو هو كان بكابوس

نجوى :- شو صار بعدها

ريم :- مازبط شي.. اخوكي واعي ومانو واعي.. حتى ماقبل يشوف مرام وصار يصرخ بوجها انها هي السبب لو ماراحت لعند اهلها وبقي الصبي معها كان ما صار يلي صار..

صارت تصرخ وتقلو مادامك واعي بكل شي ليش دمرت حياتنا بعنادك..

الطبيب عم يحكي انو هو واعي بس صدمة القتل والفقدان هلكو اعصابو وهو ماقدران يخبر الشرطة حاليا لان محتاج لوقت اطول بالمشفى

نجوى :- يعني مصيروا السجن

ريم :- مابعرف ياريم 😢😢

نجوى :- طيب انا وانتي شو ذنبنا.. انا شو ذنبي لاولادي انحرم منهن انا ماعملت شي..

ريم :- مرت حماكي شو قالت  من اتصلي عليها عند اختها

نجوى : قالت بدك اهلك كل يوم رايحة لعندن روحي اشبعي فيهن.. بدل ما بقيتي مع ابنا واخدتي اولادك وتركتيهن لاهلك مو احسن من وضعك النجس وبزقت بوجهي 😔..
ماكنت قادرة اتركن بهيك وقت لا انتي ولا مرام ولا ريان ولا ابي..كنتي انتي مخطوفة ومابنعرف عنك شي..

ريم :- لو تعرفي ياريم بهاديك الايام شو صار فيني صرت اتخيلكن بقلب العتمة.. كنت ع شوي رح جن.. 😭..

نجوى :- ااااخ من هالزمن

ريم : شو صار فينا اشتقت لقيس وريان ومرام اشتقت لامي يا نجوى لاولادك.. حاسة حالي يتيمة وكلن ماتو مرة وحدة..

نجوى :- مابقي عنا الا الصور

ريم :- امبارح رحت جيب شوية حواضر صاحب البقالة ماقبل يعطيني قلي روحي من هون..

نجوى :- هو بس البقالة اذا دار عمك واولادهن يلي المفروض يوقفوا معنا هيك عملو

ريم :- رح روح لكبير العيلة لنبرا ذمتنا من تصرقات بيك

نجوى :- وبدهن نبري ذمتنا من ريان وماعاد نفوتوا بالبيت

ريم :- شو ذنبك ياريان

نجوى :- قال قاتل

ريم :- عم حس انو هالشي كان لازم يصير ييك وكان لازم ياخد جزاتو وعيسى كان مصيروا هيك هو يلي قتل قيس

نجوى :- بدي اسال سؤال ليش مانك زعلانة ع عيسى

ريم :- سدقي هاديك الليلة وقت خطفني غير كل مفاهيم الكون بوجهي وقت حسيتو حقير واستغلني ودمرنا.. حاسة انا السبب بكل شي انا يلي جبتو لاهلي.. انا يلي دخلتو لعنا وفوتو بيتنا..

نجوى :- لا تلومي حالك هاد رددة فعل للي عملو بيك فيهن.. مع انو المفروض ياخدو حقهم منو مو منا.. ورغم كل مصيبتنا يلي كنا فيها بيك بعز وجع فقدان قيس اتواسخ مع بنتي.. 😭شو هالاب هاد..

ريم :- طول عمروا هيك ماتغير بس نحنا ماكنا واعيين ع شي وامك كانت مثل الخيال لالنا ماكانت تتركنا لحد بس هو ما ترك ريان.. كان والله اعلم هو اول حد ويمكن في قبلو كثير لابي يعمل فيهن هيك بس امك وقت عرفتك خبتنا العمر كلو منو...

نجوى :- ريم انا جبت خط جديد.. وبدي تحكي مع  جوزي.. احكي معو

ريم :- مارح يسمعني

نجوى :- امانه احكيه

ريم :- والله مارح نستفيد شي..

(( مرق 3 شهور تانية على وضعنا وبلشنا نتعود ع يلي صار مرام خلال هاي الفترة زارتنا.. كانت جاي مشتاقة لاغراض ابنها.. جروحها ما قفلت ولا رح تنقفل.. ونحنا بلشو العالم شوي شوي يستبوعوا انو ما النا ذنب بشي.. بس شو رح نستفيد لا العالم بتحاكينا ولا حد بزورنا.. والعالم   اعتبروا بيتنا مكان  يخوفوا فيه اطفالهن مشان مايقربوا لهون صارت قصتنا قصة رعب لالهن.. والاطفال القادرين بكونوا ناطرين لنفتح الباب او الشباك ليدلقو زبالة وحفافيض بقلب البيت.. ارتفعت قضية بخصوص اخي ريان.. وبحكم القصاص اعطوه براءة مع العلاج.. بقي فترة بالمشفى بس ماكان في فايدة من علاجو.. اخدناه للبيت وحبسناه لان كان يطلع ع الشارع يدق ع العالم يسال اذا ابنو عندهم او لاء.. واحيانا يطلع يسب بالعالم والاسوء انو صار من يشوف اطفال يصير يلحق فيهن.. مفكرين العالم بدو يتحرش فيهن وهو بكون مفكرهن قيس 😭😭...

الناس بتصير تضربوا ياما وصل ع البيت كلو دم.. مالقينا انا ونجوى الا نحبسوا بقلب الغرفة..

رحنا لمرت عمي..لنحاكيها 

مرت عمي :-شوفي انتي وهي انا عندي اولاد وبنات للزواج وسيطكن وسمعتكن  الوسخة  متعبنا.. انا مابدي تجو لعندي.. روحو اتصرفوا بحياتكن ولا تخلونا نشوف وجهكن بدي ازوج اولادي روووحوووا لا عاد تجوووو لهوووون..

وكبير العيلة.
..
عمي انتو ماالكن ذنب بنعرف بس هاد ابوكن.. وانتي اللي قتل ابن اخوكي خطيبك.. وريان افهمنا طلع براءة بس مجنون صار متل ابوه.. خلص بنتي روحو على بيتكم والايام بتمحي كل شي بتنسى الناس..

.. ريم :- طيب بدنا نبيع البيت

... كبير العيلة.

بدهن فيو ربع سعروا  بسبب اللي صار وهاد مارح يجيب لالكن شقة حتى بمكان تاني.. ومافي حد يشتريه حاليا..

ومع هالايام بلشت السنين تركض والمهجرين كتروا بالبلد وكانو لحاجة لبيوت.. سكنا في شقة اخي عيلة وضعهن ع قدهن وكانو بياخجو وبيعطوا معنا بنتسلى فيهن.. سالونا عم الماضي وانو الناس بتحكي هيك.. ووقت حكينا لالهن يلي صار بصفا نية طلعوا من بعد باسبوع..

وبقينا لحد هاد اليوم على هاد الحال.. لا باب بينطرق ولا جار مرحب فينا.. وابي لا من تمو ولا من كمو اساسا الضربة يلي على راسو تعبتو وماحد قايم فيه الا مرتوا لانها ناطرة ليموت وتروثوا.. وحتى اخي الصغير امو سفرتوا بعيد عن اللي صار وهو مابيعرف شي..

ريان  بلش يتحسن شوي عم يقعد معنا وياكل ويشرب فكرنا نجوزوا.. فتلنا الدني ع بنت يتيمة  او مطلقة او ارملة.. ترضا بحالو.. وبحالنا.. واختي نجوى بلش زوجها يتقبلها نوعا ما.. حتى تقبلو كرمال الاولاد يعني خدامة لالهن وقت يطلع مشوار هو ومرتوا الجديدة كان يجيب الاولاد كم ساعة.. بس هالشي كان منيح لاختي ع الاقل صارت تشوفهن..

اما انا  متل ما انا حاملة هموم الدني ع راسي وماعندي غير الانترنت عم اتسلى فيه.. عم نزل بمواقع زواج عن عروس لاخي او عريس لالي.. مع انو الصدمة يلي صارت فينا ما بتتنسى.. بس مليت من الوحدة والعيشة المرة وقد ما احكي مالي ذنب ماحد بسدقني.. النسب والحسب فاقدينوو..

بس انا حاليا عم اتعلم الكتابة عم اكتب شغلات اشعار نثر قصص.. بغير جو مع حالي.. مابتسدقي شو يلي خلاني احكي بعد هالكم سنة قصتي.. انتشرت بين الناس موضوع اغتصاب المحارم  وعم شوف واسم قصص بترعب واغلبها من اقرب الناس يا الاب يا الاخ يا العم.. والاكثر المخيف  من يكون مع اطفال.. والمخيف الاكبر اطفال باطفال.. يعني تخيلي طفل عمروا 9 سنين او 12 سنة عم يتحرش بطفل عمروا 5 سنين  او اصغر.. مابتتخيلي كمية الصاعقة بالحكي هاد.. طفل ومابيعرف شي.. عم يعمل اشياء بطفل تاني..

انا رح كون واضحة اكثر بالكتابة.. وما رح اخجل من شي الحق الاول والاخير ع الاهل اي ع الام والاب.. ع العم والعمه على كل حد حوالين الطفل والاكثر هي الام..

انا ماكنت امو لقيس بس حملت ذنب لهلق لتن ما كنت جنبو ليلتها.. امهات هالعالم وين بتكون من تفقد ابنها ساعة او اتنين.. ليش كم هالاطفال بالشوارع.. قرات من يومين قصة لبنت متزوجة عندها اطفال.. قصتها مع ابن جيرانهن من كان عمرها 8 سنوات قبل 20 سنة كان بيتحرش فيها طفل بعمرها.. كان يقلا هيك امي وابي بيعملو.. تعي نلعب بيت بيوت.. يقلا تعي نلعب عروس وعريس.. ونعمل متلهن.. ليش غايب هالوعي عند الامهات.. غرفة نومك من يبدا عمر ابنك سنة اعزليها حركاتك قدام اطفالك وقفيها.. لا تنسي انو الطفل مخو ورقة بيضة وبيرسم فيها كل شي من الصغر.. لا تنسي الفستان القصير يلي لبستيه بسهرة مع زوجك قدام ابنك.. بعدو بعقل ابنك يلي شافك مبسوطة فيه.. لا تنسي انو هاد الطفل ذكي وقت تنيميه بغرفتك بكون حاسس عليكي بكل شي بس عامل حالو غفيان.. ولا تنسي انو الباب من ينقفل عليكي وابنك برا فايق عم يلعب بالصالة..هو لغز صار بدو يعرف ليش انقفل..

ابن العم وابن الخال وقت تحكي لالهن انتبهوا ع زيد الصغير ولا تضربوه.. هني مارح يضربوه بس هني لاقوه فرصتهن ليمثلو يلي شافوه...

انا بقلك هاد الواقع ابنك مانك قدرانة تحميه وموبايلك ومكياجك وغرفة النوم شاغلتك لا تجبيه ع الدني..

هالطفل والطفلة هني امانات عندك.. وقت يرجعوا من الروضة او المدرسة فقدي تيابهن راقبي تصرفاتهن.. وقت يلعبوا مع اطفال كوني حواليهن اوعي لشو بصير معهن..التحرش والاغتصاب ما صفي بس للكبار مع الصغار صفي صغار بصغار.. بنات ببنات صبيان ببنات ووصبيان مع صبيان.. المحتوى يلي عم تتركيه بين اولادك بدون رقابة.. بدك تودعيهن فيه للابد..

انا يمكن حديثي خلص.. بس قصص الناس ماخلصت.. والرحمة على روح ابن اخي.. والطفلة نيبال الاردنية يلي اغتصبها وقتلها طفل عمروا 17..كرمال شهوتوا.. الرحمة على الطفل عباد العراقي يلي لقوه مقتول ومدفون وهو بايدو قطعة خبز.. الرحمة على كل اطفال التحرش بالشوارع والبيوت.. الرحمة على كل اطفال الاغتصاب يلي قصصهن دفنها الزمن..

والرحمة على ارواح الامهات يلي بعدها بتسمع بقصص الاغتصاب واولادهن  برا بعيدين عن عينها  لانها مشغولة.....

انتهت..
💙💙💙💙💙