زبانية الجحيم الجزء الرابع بقلم جمايكا احمد حصريه وجديده على مدونة النجم المتوهج

زبانية الجحيم الجزء الرابع بقلم جمايكا احمد حصريه وجديده على مدونة النجم المتوهج 

زبانية الجحيم الجزء الرابع بقلم جمايكا احمد حصريه وجديده على مدونة النجم المتوهج 

اخي ريان وقتا ماقدر يكفي شي ولا قدر يحكي شي انا اتشتت وضعت، لحظتا نزلت بالارض ع ركبي عم اتذكر كل حدث صار وشو دخل عيسى.. اتذكرت ليلة خطف قيس وقت خبرتوا انو قيس نايم عندي بالغرفة ومافيني حاكيه ليفيق الصبي قلي اطلعي نحكي برا.. اتذكرت وقت قلي لا توقفي ع البرندا اقعدي كرمال بخاف وبغار ومابدو حد يشوفني.. اتذكرت وقت الرسائل يلي وصلتني.. واسئلتو الكثيرة ، كل حدث وكل معلومة كان عيسى عم يعرف فيها.. اخدنا لعند زهير وبلشت اتماطل قصة ابني.. اتذكرت حديث مرام وقت قالت بخطوبتي واللي عملو ابي.. اتذكرت وقت خبرتوا ع يلي شفتو من ابي ببنت اختي.. كل صادرة وواردة كنت خبرها لعيسى. صار بيعرف كل احداث البيت مني... بس يلي ماقدرت استوعبوا شو عرف ابي بانو عيسى لالو ايد بخطف قيس.. ..

ريم  :- وينها مرام 

نجوى :- مابعرف بدي روح شوف ابي

ريم :- نجوى اسكتي انتي كمان

نجوى :- لاء مابدي اسكت ليش ريان عمل هيك..

ريم :- رح تعرفي.. لا تستعجلي.. 

(( مرام ماكانت بالبيت لا هي ولا عيلتها كانت عم تروح تدور ع ابنها.. وانا ماقدرت احكي شي عن عيسى لحد.. 

بعد ساعتين دق موبايلي وكان ريان.. 

ريان :- ابوكي بالعناية المشددة 

ريم :- يعني مامات

ريان :- لاء.. بس حالتو خطرة 

ريم :-  ريان كيف عرفت انو عيسى..

ريان :-  طيب طيب. 

ريان :- وقت وصلتو كان قاعد بالغرفة ومقفل ع حالو الباب.. قالت مرتوا انو رافض ياكل او يشرب..وعم يجهزو حالن ليسافروا.. دفشت الباب بقوة وكسرتوا وسحبتو بقوة  لتحت وقفلت ع مرتوا وابنو  باب الشقة.. 

كنت عم اضرب فيه بدون ما اعطيه فرصة ليحكي.. واجهتو بكل شي عملو معنا.. كان ماقدران يكمش حالو تحت ايدي خايف جبان.. كنت عم اضرب راسو بحافة الدرج.. بدي اقتلو عم قلو وين ابني ويننوووو.. 

صار يقلي مااخدو.. وانو هو ماقربوا لقيس ومالمسو.. رجعت ضربتو مرة تانية.. بحافة الدرج.. صار يصرخ ويقلي ما اخدوو. 

بالاخر وقت صار الدم معبي الدرج.. صار يقلي عيسى اسال عيسى هو بيعرف مكانو.. وغاب عن الوعي.. وماعرفت شو بيقصد بعيسى.. 

ريم :- ليش عيسى رح يخطف قيس

ريان :- ابي حسيتو قال هيك لان بيكرهوا

ريم :- مين يلي اسعف ابي

ريان :- مرتوا دقت ع الشرطة.. 

ريم :- انت وين هلق

ريان :- بالمشفى

ريم :- ما اخدتك الشرطة

ريان :- لاء هربت قبل ليجو.. وانا هون بالمشفى لاعرف مصير ابوكي بدي فوت لعندو واعرف شو بيقصد بعيسى قبل ليموت.. 

ريم :- ريان تعال الله يخليك.. 

ريان :- مافيني ريان ابني ان مارجع مارح ارجع.. 

(( مابعرف شو وقتا فكرت بس رحت لبيت عيسى.. ونطرتوا ليرجع.. كانو اهلو مانهن مرحبين فيني ابدا على عكس عادتهن... 

عيسى :- لك امي وينك

(( فات البيت وهو عم يضحك وماكان متخيل يلاقيني بوجهو ملامحو وقت فات ع عكس ملامحو وقت يكون معي خوفوا وحزنوا ع ابن اخي واللي صار فينا.. 

عيسى :- ريم 

ريم :- وين قيس ريم 

عيسي :- ايوه ليكو بجيبتي تعي خديه.. 

ريم :- عم تتمسخر ابن اخي وينو عيسى 

(( وقت صرخت سحبني من ايدي.. 

عيسى :- تعي اقلك وينو حابة تشوفيه تعي يالا.. 

(( كان عم يشدني بقوة باتجاه البدروم وهي غرفة صغيرة تحت الارض.. كانت عتمة وعفشها كلا غبرة وجرذان.. 

ريم :- وين اخدني

عيسى :- لمكان ابن اخوكي

( دفشني برجلو لقلب الغرفة.. وجلس ع كرسي بلشت افتل لاشوف شو في بالغرفة.. 

ريم:- قيس قيس عمتو. وينك 

عيسي :- مانو سامعك علي صوتك 

ريم :- عيسى ليش هيك عم تعمل وينو ابن اخي

عيسى :- ليكو قدامك

ريم :- لك وينووووو (( صرخت باعلى صوتي وهجمت عليه.. هو بعدني ونزلني بالارض وقفل تمي بايد وبايدو التانية صار يحاول يفتح عيوني بالقوة.. 

عيسى :- ليكوووووو قدامك

((كانت الغرفة شبه عتمة وماباين فيها شي وهو عم يفتح عيوني بقوة.. 

عيسى :- شفتيه شفتيه هاد ابن اخوكي ظلام فص ملح وذاااااااااب..متل ما ابوكي عيش اخي وابنو هالعتم رح عيشكن اياه كلكن كلكن... 

ريم :- مممممممم لللللك. خخخخللللص.. 

(( رفع ايدو عن تمي.. 

عيسى :- شبك شبك اهدي بعدنا بأول المشوار.. 

ريم :- ابن اخي مالو ذنب عيسى 

عيسى :- والله ابن اخي كمان مالو ذنب ياحلوة.. قولك شو يلي خلاني مشي الخطوبة رغم القذارة يلي شفتها من ابوكي.. حبي لالك هههه اساسا لحظتا ماااااات.. 😁😁

ريم : طيب انت اعمل كل شي بدك اياه بس ابن اخي مالو ذنب متل ابن خيك.. 

عيسى :- اذا بالدين قالو السن بالسن والبادي اظلم.. 

ريم :- عيسى ابوس ع ايدك خد حقك منا كلنا بس قيس مالو ذنب

عيسى :- لك حاجي تحكي قيس.. ابن اخوكي بح خلص اقرولو الفاتحة.. 

ريم :- شو يعني عيسى شو قصدك بالحكي هاد.. 

عيسى :- يعني الارض انشقت وبلعتو 

ريم :- انت بتمزح صح عيسى 

عيسى :- والله كل  ما انصدمتي بتقولي بتمزح بتمزح لا ياستي مابمزح..

ريم :- طيب قلي شو يلي بدك اياه وتقلنا وينو

عيسى :-، قبل قبل دخيلك كيف عرفتي انو انا ماشاء الله شو ذكية.. 

ريم :- لان انا ما اعطيت نسخة لمفتاح البيت الا لالك.. 

عيسى :- ههههههه اي منيح متذكرة وبتذكري ليش

ريم :- مشان تجي لعندي بالوقت يلي بناسبك

عيسى :- بتذكري شو قلتلك

ريم :- 😢. نذل

عيسى :- نفسي شي يوم اجي لعندك فجاة وتلاقيني بقلب البيت او لاقيكي غفيانة وبوس قلبك.. قام من غبائك وخفتك سلمتيني القلب ومفتاحو 😂😂.. كنت بعرف انو قيس مابفارق بيت عماتو.. 

ريم :- ليش مارحت اخدت حقك من ابي

عيسى :- وشو بيعمل ريان بعدين انا مابلوث ايدي بدم واحد نجس.. 

ريم :- عيسى بس جاوبني قيس عايش ولا ميت

عيسى :- والله مابعرف اللي بعرفوا انو عم يجرب الوجع  اللي جربوا ابن اخي بس هو مسكين كل يوم

ريم :- لك حرااااااام هو طفل ما صار عمروا 5 سنين.. شو عم تحكي.. 

عيسى :- بسيطة الدنيا كمان تدين تدان.. 

ريم :- عيسى بس اسمعني اذا ابن اخي عايش الله يخليك قلي وخد حقك متل مابدكن مني.. 

عيسى :- انتي هبلة شي.. 

ريم :- عيسى دخيلك

عيسى  :- لك يامجنونة ابوكي سلمك لالنا  هيك ع طبق من ذهب.. 

ريم :-شو يعني

عيسى :- يعني هو كرمال ما يضر حالو وخايف ع مصلحتو باعكن..

ريم :- كذاب

عيسى :- اي يا حزرك ليش رفض يبلغ الشرطة ومن عرف انو ريان بلغ رجع ع بيتوو هريبة مع انو دفع الغالي والرخيص كرمال ما تنتزع سمعتو بالبلد

ريم :- اتركني لاروح 

عيسى :- ليش ياعمري اتركك هو دخول الحمام متل خروجو ومن بعد ما قلنا كل شي كيف هان عليكي تتركيني

ريم :- والله انك مجنون

عيسى :- ييييه لهلق ماعرفتي.. 

 ريم :- بدي روح عيسى..  عيسى انطر طالعني من هون.. 

(( تركني وراح.. قفل عليه باب القبو  وتركني هونيك وحيدة.. من الوجع يلي فيني صرت اصرخ بكل قوتي.. وكسر كل شي عم المسو بقلب الغرفة.. كنت بدي اياهن يسمعوني.. مرق اليوم الاول والثاني.. كانو يدفشو لالي الاكل والمي... 

مر اسبوع وماكنت بعرف شي عن اهلي.. ولا عن ريان الهربان ولا عيسى.. ولا شو صار بقيس..

لوقت ما انفتح باب هالغرفة المجهورة.. وكان زهير.. وجه النور باتجاه عيوني ماكنت قدرانة شوف شي.. ولا قدرانة احكي شي.. 

زهير :- قومي ريم قومي

(( طالعوني من الغرفة لبرا.. ومن ثم ع بيتنا كانت اختي نجوى وضعها ماساوي.. وعيونا من البكي متورمين.. وحال البيت مبهدل.. فتت وكانت مرت عمي صبحي واولادها حواليه.. ساعدتني بالحمام وحطتني بالفراش.. ماكنت قدرانة احكي شي قربت نجوى جنبي وصارت تبكي.. 

نجوى :- اخدو مني اولادي يا ريم 

مرت عمي : نجوى بنتي  اتركي اختك ترتاح.. 

(( تركت كل اوجاع الدني ونمت كنت مفكرة حالي بكابوس او اني متت هاي الراحة يلي شعرت فيها وقت طالعوني من الغرفة كانت لالي مجرد موته صغيرة من بعد سكرات موجعة.. فقت تاني يوم على وجه مرام وبايدها طفل صغير مولود جديد.. 

ريم :- شو صار بقيس

مرام :- هاد قيس 

ريم :- مرام قيس شو صار فيو 

مرام :- شوفي سميتو قيس

(( صارت تبكي وتنووح.. 

مرام :- بيشبهو صح بيشبه قيس.. لهيك سميتو متلو 

مرت عمي :- لقوه ميت 😢

ريم '- مرت عمي وينو قيس

مرت عمي :- قاتلينو الله لا يرحمهن برحمتو  

مرام :- قتلوه لالي ياريم ابني مات يا ريم.. لقوه .. بتعرفي شفتو هيك صغير ملفوف بسجادة كانو عيونو متورمين ولونو  ازرق مابعرف ليش هيك لونوا قلتن هاد مانو ابني انتو بتكذبو.. بس تيابو هني انا عرفتو من تيابو.. 

مرت عمي :- لقوه مدفون بمخزن الردم تبع البضاعة تبعت ابوكي 😢😢

ريم :- تعبت تعبت 

نجوى :- اخدو مني اولادي ريم.. خطيبك الحقير خبرهن انو ابي عم يغتصب الاولاد اخد البنت على كشف طبيب انا ابي مابيعمل هيك ياريم صح هني كذابيين مشان ياخدو الاولاد.. اساساا انا بعرف انهن كذاااابين.. قال شو. بنتي لميس. ابي عامل معها شغلات.. بكرهن انا.. انا بس بدي شوف بنتي خديني ريم لعندها الله يخليكي ابني بعدو عم يرضع شوفي صدري فيو حليب كيف بهون عليهن ياخدووه مني.. ريم روحي انتي لعندن.. ولا بس انتي بتروحي رحلات وعلى ناس وناس.. ريم قومي الله يخليكي بدي جيب اولادي.. 

مرت عمي :- من يوم يلي صار وهي بهاي الحالة عم تبكي.. 

مرام :- بتعرفي ياريم قلبي من جوا موقف بس مابعرف ليش عايشة لهلق انا.. 

ريم :- ريان.. 

مرت عمي :- 😢😢. اخ ياريان شو اللي صار لالك 

ريم :- ريان وينو ريان.. 

مرام :_ اخوكي اخدوه للسجن بس هلق هني حطينو بمشفى مجانين عم يضحك علينا ..

مرت عمي :- قتل عيسى 

ريم :- انا صح بكابوس مو هيك

مرام :- اتخيلي كيف حياتنا صارت لا ابني ولا ريان ولا نحنا نحنا.. 

 مرت عمي :- مرام اهلك بدن اياكي.. 

مرام :- انا جاي قلك شي ريم. قبل لاروح 

مرت عمي :- مرام بعدين هالحكي 

مرام :- جاي قلك مارح سامحكن لا انتي ولا ابوكي ولا كل عيلتك ع الشي يلي عملتوه بابني.. لولا الخنزير يلي جبتيه ع بيتنا ماكان مصير ابني تحت التراب هلق.. الله لا يسامحكن الله لايسامحكن.. الله يورجيكن العذاب اضعاف مضاعفة.. 

ريم :- بدي شوف ريان.. 

مرت عمي :- ارتاحي هلق.. رح نروح لعندو 

ريم :- كيف عرفتو مكاني.. 

مرت عمي:- هو قال عيسى 

ريم : كيف قلكن

مرت عمي :- بنتي ارتاحي.. رح تعرفي مصيرك كل شي.. 

ريم :- انا ماعدت افهم شي   قيس مات ومين قتلوه وعيسى مات  كمان واخي بالسجن ونجوى عم تنوح ع اولادها.. ومرام ماشية متل الاموات وانا هون كيف صرت هون😢😢

يتبع