رواية حولوني لشيطان الفصل الاول والثاني والثالث والرابع والخامس بقلم شحاته توفيق حصريه وجديده
رواية حولوني لشيطان الفصل الاول والثاني والثالث والرابع والخامس بقلم شحاته توفيق حصريه وجديده
ايوه ياميرفت انتي متأكده ان جوزك في الشغل ومش جاي في الطريق احسن يكبس علينا؟
-ايوه في الشغل اخلص وبص قدامك
-انا دخلت الشارع انهي بيت عشان البيوت كلها شبه بعضها
-انا شيفاك متبصش حوااليك عشان محدش يشك لما تقرب هقولك تدخل انهي بيت
-لبستي الطقم اللي قولتلك عليه
بضحكة مثيره -اه بس تحت الروب. ادخل في الباب اللي جاي ومتبصش حواليك اطلع الدور التالت هتلاقيني سيبالك الباب مفتوح
دخل العشيق مدخل البيت وواضح علي ملامحه الاستثاره اما في شقة الاستاذ نبيل زوج ميرفت واقفه ميرفت قدام المرايه بتتهيأ للقاء محرم هيجمعها بعشيقها بعد دقايق واقفه قدام المرايه بكامل انوثتها وزينتها في محاولات لتتجمل اكثر
علي سلم المنزل وفي الدور الثاني قابل عم محمود ذو الخمسين عام العشيق واضح علي ملامحه التوتر
-انت رايح فين يابني
-طالع لقرايبي ف شقة الاستاذ سعيد قصدي نبيل
-.بس الراجل في الشغل مراته بس اللي فوق اطلعله وقت تاني الراجل بيرجع الساعه سته
-لا ماهو. ماهو مستنيني فوق مراحش الشغل بعد اذنك ياحج مش محضر نيابه وبعدين مراته تبقي اختي
عم محمود ساوره الشك في تصرفات العشيق ونزل وهو بيلتفت لورا لحد اما وصل للشارع وقابل شاب ساكن في نفس العماره وسأله
-هو استاذ نبيل اللي ساكن في التالت مراحش الشغل النهارده؟ فيه واحد بيقول طالعله شقته.
عيون الشاب لمعت.
-نتصل باستاذ نبيل لو فوق هيقولنا خلاص ولو مش فوق يبقي اللي ف دماغي صح
في مكتب بسيط يجلس الاستاذ نبيل امامه كمية اوراق كثيره جدا وبيحكي مع صديقه في المكتب المجاور
-انا تعبت والله محدش بيرحم حد والمدير اي شغل مش لاقي حد يعمله يبعتهولي مايعينو موظفين ده حرام. والله لولا الالتزامات ومصاريف العيال كنت شفت شغل تاني غير ده عالاقل احفظ كرامتي من لسانه
-معلهش لازم تتحمل هانعمل ايه ما احنا في الهوا سوا بس برضه المدير مستقصدك لو لقيت شغل احسن شوفو
-دورت كتيير بس ربك ما ارادش والدنيا مبترحمش الغلبان لازم اتحمل عشان مراتي وعيالي ومش مهم بعد كده تعبي
في مكتب بعيد شويه عنهم يهمس موظف لزميله
-الراجل ده عمري ماشفته مرتاح زي مايكون مكتوب عليه الشقا علطول حياته كلها كوارث
يتبعه صوت المدير
-فين نبيل الزفت
بضيق شديد وضحكات من تحت لتحت من زملاء استاذ نبيل يتحرك استاذ نبيل مسرعا ناحية مكتب المدير وكأنه بيحاول يوصل بسرعه قبل مايشتم تاني
-هو انت يازفت مبلاقيش من وراك غير البلاوي بص في الكشف ده وشوف الغلط ده؟؟
-مش. مش انا اللي عملته حضرتك ده اكيد حد من زمايلي ده مش خطي
-ده انت راجل ناقص مفكر يعني لما تكذب هصدقك؟ غور ف داهيه ومخصوملك يومين
-الاستاذ نبيل بصوت مبين وجعه
-ليه بس يافندم ده حتي والله الشغل كتير وانا بعمله ومبتكلمش والخط ده مش خطي صدقني يافندم
-كلمة تاني وهزودلك الخصم وغوور ف داهيه ومش عاجبك الشغل متشتغلش. امشي من وشي
خرج الاستاذ نبيل وواضح علي وجهه علامات التعب والحيره وكأنه مش عارف يعمل ايه مش قادر يتحمل الوضع وف نفس الوقت مجبر
جلس الاستاذ نبيل علي مكتبه وفي عينيه بداية دموع عاوزه تنزل بس كاتمها
يرن هاتف الاستاذ نبيل
-الو يا استاذ نبيل
-ايوه معاك اتفضل
-انت مستني حد في البيت؟
-لا ؟ ليه خير فيه حاجه؟
-فيه واحد طلعلك الشقه وبيقول انك مستنيه فوق
-لا اكيد في شقة تاني مش عندي يافندم
-ياعم بقولك فيه راجل دخل شقتك وجواها دلوقتي انت فوق ولا ف الشغل
جبهة الاستاذ نبيل نزل منها عرق من صعوبة الموقف وبيبلع ريقه ويقول
-لا حضرتك مستحيل انت اكيد غلطان في حاجه
-بقولك ايه اقفل انت شكلك راجل لمؤاخذه أصلا وعارف وساكت انا هاتصرف
الاستاذ نبيل قعد علي الكرسي اللي وراه رجليه مش شيلاه وزمايله بيسألوه
فيه ايه ايه حصل. مالك يا استاذ نبيل
-انا لازم امشي حالا. استرها يااارب
-طب قولنا حصل ايه بس طب نقول ايه للمدير لو سأل عليك
استاذ نبيل مردش وخرج بسرعه لخارج المكتب
في شقة استاذ نبيل استقبلت ميرفت عشيقها باحضان ساخنه وبدايات علاقه محرمه بدأتها ميرفت بكلمة وحشتني
ليبدأ العشيق في التمرد وانزال الروب لتصبح شبه عاريه
صوت بكاء من غرفه قريبه ويقترب اكثر ليفتح الباب وهي في احضان عشيقها
-انا جعان ياماما
ميرفت تركت عشيقها وجريت ناحية طفل في الخامسه من عمره جسده ضعيف واضح عليه سوء التغذيه لتنهال عليه بصفعات متتاليه وبغضب شديد تقول له
-متقولش جعاااان ابوك مش عارف يأكلكم غوور نااام ومتدخلش هنا تاني غير لما اندهلك
الطفل بيبكي من وجع الضرب ومن خضته لما شاف راجل غريب في وضع لا يناسب طفل
وكأن ميرفت انشالت منها كل مشاعر الامومه زقت الطفل جااامد لبرا وهي بتقوله غور ناام وتغلق الباب لتعود الي احضان عشيقها وكأن شئ لم يكن
في الشارع واقف الشاب اللي كلم الاستاذ نبيل بيكلم اصدقائه عشان يقتحمو شقة الاستاذ نبيل
اما الاستاذ نبيل فركب في توكتوك وبيقوله امشي بسرعه ياسطي استرررها يااارب ويطلع الموضوع سوء تفاهم يااارب انا مش حمل صدمات
دموع واضحه بدأت تنزل من عيون استاذ نبيل وهو بيحاول يمنعها.
بعد دقائق كان الاستاذ نبيل نازل من التوكتوك وعلي وجهه معالم الارتباك لما شاف اكثر من شاب واقفين قدام بيته
واحد من الشباب بص لاستاذ نبيل وبيقوول لصديقه
-اهو جه عشان يداري عليها قلتلكم الراجل ده مش تمام محدش صدقني
-ياعم ده راجل غلبان مش فاهم حاجه ف حاجه انا حاسس كده والله
-ياعم انت اللي غلبان ماهو لازم يعمل كده اومال هيقول بيطلع رجاله للبطل اللي معاه وصوت ضحكات من الشباب -تعالي نروحله عشان نطلع معاه شكلها هتبقي ليله حلوه
بيقرب الشباب من استاذ نبيل
-تعالي اطلع افتح شقتك عشان الراجل اللي فوق نجيبه
-حضرتك اكيد الموضوع فيه سوء تفاهم زوجتي انسانه محنرمه واكيد مش هتعمل كده
احد الشباب بعصبيه
-ماتخلص ياراجل يانجس ولا نطلع نكسرلك الشقه اطلع قدامنا
-دموع نزلت من عين استاذ نبيل الموقف صعب عليه بيطعن في شرفه وبيتم اتهامه انه ديوث وبيته علي وشك الخراب وهيتجرع الم الخيانه لو فعلا كلامهم صح
،طلع الكل قدام شقة استاذ نبيل واستاذ نبيل بيمد ايده يطلع المفتاح وايده بتترعش
اصوات غاضبه من حواليه
-ماتخلص وتفتح هاتقعد اليوم كله بتطلع المفتاح من جيبك ماخلاص عرفنا انك راجل قرني
ضحكات من الشباب اللي واقفين وواحد منهم ضرب استاذ نبيل بقبضته في ظهره
- اخلص يانجس وافتح الباب
داخل شقة استاذ نبيل الزوجه اتحركت من حضن العشيق اللي شهواته نقلته لعالم خلاه مش حاسس بالعالم الخارجي مفوقوش غير ميرفت بتزقه وهي بتلطم وتقوول يلهووووي سامع الصوت اللي برا شكله قدام شقتي وهي اللي هتتفتح
في هذه اللحظه فتح استاذ نبيل شقته وقبل مايدخل هو انطلق الشباب الغاضب ملأ الشقه و........
الحلقه الثانيه
-استاذ نبيل بيجري ورا الشباب وقلبه مقبوض والشباب قدامه هجمو علي غرفة نومه
-مراته قاعده لوحدها وبتصرخ في الشباب اييه اللي دخلكم هنا يامتخلفين وبتبص لاستاذ نبيل زوجها
-انت بتفتح الباب للشباب يدخلو عليا وانا كده ياراجل ياعره
استاذ نبيل جسمه كله بيترعش من رهبة الموقف ومن جواه بيقول الحمد لله عشان مراته طلعت بريئه وبيته مخربش
احد الشباب جري ناحية شباك غرفة النوم وصرخ فجأه
-عشيقها نازل علي الماسوره اهوه
صرخت زوجة استاذ نبيل. يخرااااب بيتي
والشباب كله اندفع ناحية الشباك وبدأو يضربو العشيق في ايديه
اما استاذ نبيل جري ناحية زوجته وبدأ يخنق فيها وبعض الشباب بيضربوه من ضهره ويقولو
-هاتعمل نفسك متعرفش حاجه يانجس جاي تنجسلنا الحاره انت ومراتك
ضربات علي جسم استاذ نبيل من كل مكان مع شتايم خلت دموعه تنزل بغزاره وحاسس كأنه هيموت من كتر الخنقه والتعب
علي شباك الغرفه كان واحد من الشباب ماسك ماسوره حديد طويله بيضرب ييها العشيق اللي وقع من الدور التالت ونزل غرقان في دمه
كل الشباب الموجودين في الشقه بدأو ينزلو لتحت يشوفو العشيق وسحبو معاهم استاذ نبيل واخر واحد طالع من الشقه قفلها بمفتاح استاذ نبيل بعد اما ولع في ستاره جوا الشقه
ناس كتييره جدا بتضرب العشيق ضرب مبرح وهو يينازع وبيطلع في الروح بعد اما نزل علي دماغه من الدور التالت وبعضهم رابط أستاذ نبيل في كرسي وبعصي غليظه نازلين ييها علي جسده المرهق
استاذ نييل رغم قسوة الضرب اللب نازل علي جسمه بيصرررخ وهو باصص لشقته في الدور التالت اللي طالع منها دخااان كثيف.
-ولااااادي طلعو ولااااادي من الشقه والله مالينا ذنب
محدش بيلتفت لصراخه اللي كل صرخه بتعلي عن اللي قبلها وييحاول يفلت ويجري يجيب ولاده من وسط النيران لكنه مربوط باحكام
مرات استاذ نبيل واقفه في البلكونه بتصرخ عشان حد يلحقها
ناس كتيره واقفه بتبص وتضحك وبعض الستات بتصرخ والست بتطلع علي الشباك بتحاول تنط
واستاذ نبيل بيبصلها : طلعي ولادي هيموتو محروقين ادخلي هاتيهم
بس كأنه مبيتكلمش ومحدش مهتم بكلامه
قبل ماتنط مرات الاستاذ نبيل من البلكونه حصل انفجار غااز خلاها طااارت من الشباك واتخبطت في الحائط المقابل ونزلت ميته
استاذ نبيل بيصرخ صرخات مستديمه صوته مييتقطعش ولاااااادي ولااااادي ملهمش ذنب. ولاااادي
كل اهالي المنطقه جريو علي شقة استاذ نبيل يشوفو حل للغاز عشان الشارع كله ميتفحمش
واحد منهم بيجري علي محبس الغاز العمومي وقفلو واتصل بالشرطه
احد اهالي المنطقه
-لو الشرطه جت وعرفت اللي حصل هاتحبسنا
-انا مليش دعوه ياعم انا هامشي
-لا تمشي ايه ماهو هيجيبوك كده مفيش غير حل واحد
-ايه هو
-استاذ نبيل جه من الشغل لقي مراته مع عشيقها رمي العشيق من الشباك وقفل الباب وولع في الشقه واهو يستاهل عشان بيجيب رجاله لمراته
كل اللي واقفين شجعو الفكره وهما بيبصو لاستاذ نبيل
استاذ نبيل في عالم ثاني ساكت وفاقد النطق مبيتكلمش ولا يقول غير ودوني لولادي ملهمش ذنب هي السبب
استاذ نبيل واضح انه الصدمه خلته مش حاسس بحاجه حواليه
في بضع دقائق عربيات الاطفاء وعربيات الشرطه ملت المكان وبعد سماع اقوال اهل المنطقة قبضت الشرطه علي استاذ نبيل
في قسم الشرطه وبعد انهاء الاجراءات وتقفيل المحضر تم وضع استاذ نبيل في الحجز الاحتياطي وكان بدأ يفوق
صرخاته من الحجز الاحتياطي عاليه جدا
-ولادي اتقتلو اقبضو علي اللي قتلووهم
انا مقتلتش ولادي وعاوز حقهم
ده نادر كان نفسه ف لعبه وملحقتش اجيبهاله هاتووولي حق ولادي
احد المسجونين يقترب من استاذ نبيل : اقعد ساكت ياجدع انت بدل ما افلقك نصين
استاذ نبيل بحرقه بيكمل صراخه وهو جنب الباب
المسجون بغضب مسك أستاذ نبيل بقوه من هدومه وسحبه وسددله لكمه قويه
رد استاذ نبيل بلكمه اقوي وكأنه بيعلن تمرده علي استسلامه للحياه ومحاولة تجنبه للمشاكل
مجموعه من المساجين اتلمو علي استاذ نبيل ولكمات وركلات متتاليه منهم
صوت باب الحجز ببتفتح وكل المساجين رجعت لورا الا استاذ نبيل بيحاول يهاجمهم في محاولات لاسترداد الباقي من كرامته ومحاولات لتفريغ شعوره بالوجع
العسكري والظابط دخلو ومسكو استاذ نبيل كتفوه
الظابط : الواد ده شكله كده ناقص ربايه وديه الحبس الانفرادي اسبوع
أستاذ نبيل بيحاول برضه يكمل خناقته مع المساجين وبيحاول يفلت من قبضة العسكري
الظابط : لا وكمان عامل مبيخافش. دخلوه الاول المكتب عندي وروقوه وبعدها يروح الحبس الانفرادي شهر
بعد ربع ساعه خرج اتنين عساكر من مكتب الظابط وهما بيجرو وراهم استاذ نبيل واضح انه من كتر الضرب فقد القدره علي الحركه وفي غرفه مظلمه رموه جواها وقفلو الباب
استاذ نبيل بصوت ضعيف : طلعووني انا معلمتش لحد حاجه. طلعوني اخد حق ولادي
طلعوووني
لمدة ثلاث ساعات متواصله واستاذ نبيل بيقول نفس الجمله
صوت همس من ورا استاذ نبيل من وسط الظلااام بيقووول :هانطلعك متخافش
جسد استاذ نبيل ارتعش لانه مفيش حد في الغرفه غيره
وقف وهو بيصرخ مين اللي هنا
الصوت جاي من وراه : انا اللي هنطلعك يانبيل انا عارف حصل ايه معاك
لف استاذ نبيل بسرعه ناحية الصوت كان واقف قدامه حاجه مش باين منها غير عيوه حمرا. مد استاذ نبيل ايده يحسس علي اللي واقف قدامه حس بشكة ابره في ايده وحس وكأن شئ بارد بيسري في عروقه وتوقف صراخه تماااما
في موعد عشاء المساجين عسكري ماسك طبق فيه اكل بتاع استاذ نبيل ورايح ناحية الزنزانه
وقف واتسمر مكانه مكانه وهو قدام باب الزنزانه
رمي الاكل وطلع يجررري ناحية مكتب الظابط
-الحق ياباااااشا. المسجون اللي اسمه نبيل زنزانته مفتووووحه وهرررررب
علي بعد خطوات من قسم الشرطه فيه واحد واقف خلف القسم وبيبدل ملابسه وهو بيبص لورا ويضحك ضحكة مخيفه و......
الحلقة الثالثة....
في قسم الشرطة الدنيا مقلوبه اول مره يهرب مسجون من الحبس الانفرادي
الظابط خلي العساكر كلها تفتش في كل مكان حوالين قسم الشرطة وجري علي غرفة الكاميرات
جوا غرفة الكاميرات الظابط مركز جامد مع الكاميرا حركة الاستاذ نبيل طبيعيه جدا لحد قبل موعد عشاء المساجين بدقائق
وقف استاذ نبيل من مكانه ومشي ناحية الباب ومسك الباب بقبضته شد الباب الحديد اللي اتفتح واتكسرت في ايده الاقفال الفولاذ بتاعت الباب
الضابط قاعد مذهول من رهبة الموقف وبيبص باستغراب شديد
استاذ نبيل خرج بكل هدوء وبص للكاميرا وهو بيضحك وبدلا يتسلق الحائط كأنه عنكبوت
الظابط مبيقولش غير كلمة واحده بس
اعوذ بالله من الشيطان الرجيم
استاذ نبيل بدأ يزحف علي حيطان القسم لحد اما وصل للسطح بتاع القسم ومحدش خد باله خالص
الظابط : بسرعه يابني هاتلي كاميرات القسم من ورا هو عند الجزء الخلفي من القسم
واضح جدا في الكاميرا استاذ نبيل وهو بيزحف علي الحيطه وينزل وكأن ده شئ عادي.
الرعب مسك قلب الظابط وهو بيقول الحمد لله انه هرب انا من الاول حاسس ان فيه حاجه غلط
عرق بينزل كتير من الظابط وسرح في تفكير عميق
قطع تفكيره صوت جاي من وراه خلاه نط لفوق ييجي متر من الخضه وبيقوول
-مفيش حد حوالين القسم ياباشا بس فيه ناس بتقول شافت واحد بيجري ناحية الطريق الجديد
الظابط بتردد : طب جهزو قوه يابني هانروح للطريق الجديد
في احد المنازل المهجوره داخل استاذ نبيل لاحدي الغرف المظلمه شكله متبهدل وهدومه مليانه طين
بدأ يقول كلام غير مفهوم ويبص حواليه زي المجنون
علي مقربه منه فيه مكان يقدر ينام فيه
نام استاذ نبيل في المكان حط راسه وفرد جسمه وبدأ يبص للسقف ويضحك شويه وبعدها يبكي ويرجع تضحك وكأنه فقد عقله لحد اما نام
في حارة استاذ نبيل
-الحق يا ابني الدنيا مقلوبه بيقولو نبيل هرب
-وانا مالي ياعم مايهرب ولا يولع
-يابني انت نسيت اننا شهدنا ضده زور يعني ممكن ييجي يعمل قلق هنا
-ياعم ده راجل ملوش لزمه ده بيخاف من خياله تقولي هاييجي يعمل قلق؟
-ماهو مقهور ومتستبعدش اي حاجه وكمان انا اللي ولعت في الستاره وهو شافني قبل اما اقفل الباب بالمفتاح وولاده ماتو انت نسيت؟
-ماتهدا ياعم قولتلك ملوش لزمه ولو فعلا هرب من القسم اخرو هايشوف مكان يستخبي فيه
استاذ نبيل نايم مكانه وشايف في حلمه كابوس مخليه بيئن ويتحرك
استاذ نبيل شايف ابنه في المنام بيقوله
-حرقونا يابابا انا شفت اخويا وهو بيعيط اوي والنار مخلياه بيسيح ويموت
وانا قلت لماما انا جعان دخلتني اوضتي وضربتني عشان الراجل اللي كان معاها شكله زعل مني وحبستني وقفلت بالمفتاح
استاذ نبيل في منامه بيبكي ونازله دموعه وبيكمل الكابوس اللي هو فيه
مراته جت بسرعه علي ابن استاذ نبيل. كانت محروقة وجسمها متكسر كله في الحلم
-امشي من هنا ومتجيش لابوك تاني انت فاهم؟؟ ده هو اللي جاب الناس ولعت فينا
جه من ورا مرات استاذ نبيل واحد دماغه مفلوقه نصين وماسك في ايده حديده وبدأ يضربها بعنف ويصرخ ويقووول انتي السبب
هي بتصرخ وتحاول تجري لكنه بيطاردها بيضربها بعنف وقوه بالحديده علي راسها
ابن الاستاذ نبيل قرب منه ومد ايده الصغيره علي خد استاذ نبيل وقالو
-خلي بالك من نفسك يابابا انا واخويا كويسين خليك طيب زي ما انت يابابا
استاذ نييل صحي مفزوع وبيبص حواليه ومادد ايده كأنه عاوز يحضن ابنه بس بيحضن الهوا
بدأ يبص حواليه باستغراب ويقوول
-انا ايه جابني هنا. انا كنت في السجن ايه المكان ده
هو انا ميت وجزاء لسلبيتي وخوفي جابوني هنا ولا إيه
استاذ نبيل مش مستوعب اي شئ وكأنه مش فاكر اي حاجه ولا عارف أزاي جه هنا
في قسم الشرطه
-احنا قلبنا الدنيا ياباشا وملقيناش حد
الظابط بصوت واطي :.انا عارف انكم مش هتلاقو حد
-بتقول ايه ياباشا؟
-لا. لا مبقولش. بقولكم لازم نلاقيه دي فيها محاكمه لينا
استاذ نبيل خرج من البيت المهجور وبدأ يبص حواليه عشان يفتكر ايه المكان ده وفجأه افتكر. ااااه ده الييت المهجور اللي كنت باجي فيه زمان لما الدنيا تضيق بيا
استاذ نبيل سلك طريق مختصر بيودي لبيته وهو محتار مش عارف يعمل ايه. عاوز يعرف هو اللي حصل ده كان حلم ولا حقيقي
رجليه مسابقة الزمن عشان يوصل للبيت وجواه خيط امل انه يلاقي ولاده ومراته
دخل استاذ نبيل الحاره وعينه علي شقته وقلبه اتقبض الشقه كلها متفحمه من بعيد
يعني كده كل اللي فات مكانش حلم
في شباك المنزل شايف استاذ نبيل شبح طفل في الشباك بيمد ايده ناحيته
والاستاذ نبيل بدون وعي بيبكي بصوت عالي ويجري ناحية المنزل
صوت جاي من بعيد بيقول بصوت عاالي. نبيل جه تاني ياجدعان
واحد تاني بيقول حد يكلم الشرطه شكله ناوي علي حكاية
ست بتنادي من بعيد هرب ازاي الراجل النجس ده
دربكه في الشارع وناس كتيييره اتلمت حوالين نبيل اللي مش فاهم في ايه
مستغرب ازاي بعد اما ظلموه بيعملو كده
وسط ذهوله كانت الناس كلها عملت دايره حواليه وفيه شباب منهم ماسكين شوم وسلاح
وكأنهم عارفين كويس انهم ظلموه وخايفين من رد فعله
دايرة من الناس بتتقفل حوالين استاذ نبيل واللي ولع في الشقه ماسك في ايده سكينة مطبخ وبيقرب عشان يمسك ايد استاذ نبيل ويكتفه ويسلمه للشرطه
ايده بتقرب علي أستاذ نبيل اللي من الصدمه مبينطقش وباصص للكل مستغرب
فجأه استاذ نبيل بحركة فجائيه مسك ايد اللي ولع في الستاره وخد من ايده السكينه بحركة سريعه جدا
غرس المطوااه في وركه
الشاب باصص في ملامح استاذ نبيل اللي علطول ملامحه مليانه طيبه وييخاف من خياله. ملامحه بقت وكأنه بلطجي والشر بينط من عينيه
الشاب وقع علي ركبته وهو بيصرخ وبيحاول يدافع عن نفسه ومد ايده يشد هدوم نبيل لكن السكينه كانت اسرع لذراعه تقريبا قطعتله كل اوتاره
اهل المنطقه اللي عاملين دايره حوالين استاذ نبيل ملامحهم مليانه غضب رفعو الشوم والسلاح وتوجهو ناحية استاذ نبيل والشاب المضروب تحتهم بيصرخ من الام تقطع اوتاره
اهل المنطقه بيقربو بس قلقانين وكأن كل واحد فيهم مستني التاني يضرب االاول
استاذ نبيل بصلهم فجأه وبصوت غير صوته خااالص. قالهم
تحبو اضربكم واحد واحد ولا كلكم مع بعض وختمه بضحكة غرييه
شاب من اللي واقفين رفع الشومه ولسه هاينزل بيها علي راس استاذ نبيل لقوووه طااار لفوق ونزل علي رقبته اللي اتكسرت ولفظ انفاسه في الحال
كل الناس بدأت تهرب واستاذ نييل بيبص عليهم ويضحك مع كل ضحكة كان حد فيهم يقع ويقوم يكمل جري
بص استاذ نبيل للشاب اللي ولع في ستارة المنزل غرقان في دمه ومش قادر يجري ومرعووووب
بضربة بالسكينه من ايد استاذ نييل انهي حياته بعد اما اتغرست السكينه في رقبته
صوت عربيات الشرطه مالي المكان واضح ان حد كلم الشرطه وبلغهم عن مجرم هارب
سارينة الشرطه بتقرب واستاذ نبيل واقف مكانه وبيبص حواليه
الظابط جوا عربية الشرطة بيقول للعساكر. جالي بلاغ انه قتل اتنين حالا. اول ماتشوفوه لو حب يقاوم اضربوه طلقة ف دماغه فاهمين! ؟؟؟
استاذ نبيل باصص لشباك منزله وبيبص ويبتسم وصوت عرييات الشرطه بيقرب و......
الحلقة الرابعه
-سيارات الشرطة داخله علي الشارع ونزل منها قوه كبيره
فجأه النور قطع في الحاره كلها وصوت صراخ الاهالي وكأنهم بيستنجدو بالشرطه
العساكر طلعت موبايلاتهم ونورو الكشافات والظابط بصوووت عالي
-بسرعه يابني انا شوفته كان واقف هناك
جري تلات عساكر علي المكان اللي شاورلهم عليه الظابط
-الشارع فاضي يافندم
-ازززااااي انا لسه شايفو قبل مايقطع النور
صوت عالي من شقة في عمارة استاذ نبيل جري عليها الظابط والعساكر ناحية الصراخ
في شقة الراجل اللي شاف عشيق استاذ نبيل واتكلم معاه واقف الراجل الخمسيني وبيقوول
-والله يا استاذ نبيل ماليا ذنب انا شهدت معاهم انك انت اللي ولعت في الشقه عشان لو قلت غير كده هيقتلوني سامحني
مراته بتصزخ بصوت عالي واستاذ نبيل بيقرب من الراجل وبيضحك وبلكمه قويه وقعت الاسنان المتبقيه في فكه ودم كتير نازل من بوئه
عساكر كتيييره بتخبط علي الباب والظابط بيقولهم وسع يابني وبركلة قويه كسر الباب
في شباك المنزل باين استاذ نبيل وهو بيمسك في الحيطه وباين نصه بس والظابط طلع سلاحه وبدأ يضرب نار من سلاحه ناحية استاذ نبيل
استاذ نبيل اختفي تماما ومتصابش ولا طلقه من اللي ضربهم الظابط وقوات الشرطه بتجري ناحية السطوح بسرررعه
فجأه النور رجع للحاره والضابط واللي معاه واقفين علي السطوح
-ملوش اثر ياباشا كأنه فص ملح وداب
-بصو كويس علي الحيطان واللي يلمحه يضرب في المليان
عساكر كتيييره بتجري في كل اتجاه ملقوش غير ملابس متغرقه دم بالكامل مرميه علي السطح
لكن استاذ نبيل ملوش اثر وكأنه فص ملح وداب
في الحاره عربيات اسعاف كتييره شايله المتكسرين واللي سنانه متكسره وعربيه حاطين فيها جثث الاتنين شباب اللي ماتو
ولوله وصراخ من كل نساء المنطقه وكل البيوت خايفين من عودة استاذ نبيل او عفريته كما يعتقدون
في منزل بسيط من غرفتين مبني من الطين ست عجوزه وف حضنها شاب بيبكي بشدة وهي بتقوله استهدي بالله يابني كل شئ مكتوب
من بين احضانها بيرفع استاذ نبيل راسه وفي عيونه نهر من الدموع وشبه عاري
قتلو ولادي يا امي بسبب مراتي واتهموني في قتلهم ودلوقتي بيحصلي حاجات غريبه افوق مره واحده الاقي نفسي ف مكان تاني
اخر حاجه متذكرها لقيت نفسي شبه عريان وواقف قدام شقتي اللي اتحرقت وناس كتيييره بتقول نبيل اللي قتلهم
ولما بصيت من الشباك لقيت شابين مقتولين
يعني ولادي ماتو وانا بقيت قاتل يا امي
الام دموع بتنزل من عينيها
-انا مكنتش موافقه يانبيل ياولدي علي الجوازه دي
انت مأذي يانبيل ياولدي وحضنته جامد ودموعها بتجري
-مأذي ازاي يا امي قالها نبيل بفضول
-يعني جن لبسك او حد عاملك حاجه
-بس يا امي....
-مفيش بس ياولدي البس ونام وهانروح بكره لشيخ معرفه يقولنا فيك ايه
-نبيل بص لامه وبضحكه مفاجئه وصوته اتغير
-لا مش هانروح مكان ياكلبه
وقام من قدامها وبدأ يجري في البيت
ينط علي الحيطان شوية ويجري في كل اتجاه شويه
الام مذعوره ومرعوبه من المنظر ونبيل مره واحده نط قدامها وعينه ف عينها وهو بيقوولها
-انتي خايفه؟؟؟ احلي حاجه لما تبقي خايفه ف اخر لحظات عمرك ومسكها من رقبتها وهو بيضحك بهستيريه
ام نبيل برد فعل سريع جدا وقبل مايتمكن من خنقها مسكته من راسه ودااااست بقوه وهي بتقرأ اية الكرسي
نبيل بيحاول يفلت منها ويصرخ وهي ماسكه بقوه وكأنها متشبسه بحياة ابنها ومستمره في القراءة
عيون نبيل بدأت سوادها يتحرك في كل اتجاه ويترفع لتحت الجفن
استاذ نبيل وقع مره واحده في الارض مغمي عليه وامه بتحاول تفوقه او تشوفه مغمي عليه ولا مات
فتح استاذ نبيل عينيه وهو بيقول لامه ايه حصل يا امي كنتي بتقولي انت مأذي ومحسيتش بعدها بالدنيا
-متخافش ياولدي بكره هانعرف فيك ايه غير هدومك وادخل نام علي سريري انا مشغله هناك قرآن طول اليوم
في منزل قديم قاعد راجل طاعن في السن وبيتكلم كأنه بيكلم حد بس قاعد لوحده
-يعني ايه اللي بتقوله لا اتصرف مينفعش يروحو لحد
احنا قبضنا خلاص حق الشغلانه
يمسك بخور كتير في ايده ويرميه في نار قدامه ويقووول
شمررووووش شمررروووووش ياقاهر الوحوش
ياتري مين الراجل ده ومين ورا اللي بيحصل لاستاذ نبيل
الحلقة الخامسه
العجوز بيرش بخور كتيير علي النار وصوته باين فيه الغضب
جننوه
البسو امه
اقتلوهم
اهم حاجه بكره ميروحوش لشيوخ
صوت كركبه حواليه وصوت يادوب يتفهم بالعافيه
-منزلهم محمي حوله دائره تمنعنا من الدخول
العجوز بغضب :عشان القرآن اللي مشغلينه. لازم نتصرف اكيد فيه حل
فجأه لمعت عين العجوز وكلم اصحاب الصوت الغامض
-بكره وهو خارج مع امه من البيت اتصرفووو المهم ميروحوش لشيوخ
انصرفوووووو
الصوت اللي مش واضح وكأنه متضايق من كلمة انصرفووو بيقول امرك امرك ويختفي
الشبخ بيرش بخور كتيير علي النار لدرجة انه بيملا الغرفة
ويقوم من مكانه ويدخل غرفة يجيب منها فرخه وبمنتهي القسوه يمسك راسها بين اسنانه ويخلعها ويسكب دمها علي النار
يمسك بريشه منها ويحط الريشه في الدم ويكتب علي ورقه بيضه معاه كلمه واحده ضياااااع
يلف الورقه علي شكل حجاب ومن برا يكتب عليها نبيل
والناحيه التانيه يكتب دماأار
وبسكينه يفتح بطن الفرخة ويحط الحجاب جواها ويدفنها في احدي الغرف اللي طالع منها رائحه نتنه
استاذ نبيل لاول مره ينام نوم عميق وكأنه فاقد الوعي شايف في منامه ولاده الاتنين بيلعبو ف مكان واسع وواحد منهم بيبصله ببراءه
-تعالي معانا يابابا. هنا فيه اكل وحاجات كتيره جميله
اخوه التاني يقرب من وش استاذ نبيل ويمشي ايده علي وشه ويقوله متزعلش علينا يابابا احنا هنا احسن ويمسك الطفل ثمرة فاكهه ويأكلها لباباه اللي دموعه علي خده وببراءة شديده
-طعمها حلو يايابا صح؟ لما تيجي هاخليك تاكل منها كتيير
صحي استاذ نبيل من نومه فجأه وهو بيعيط ويقول
-ااه طعمها حلو اوي ياحبيبي
استاذ نبيل بيبص حواليه اكتشف انه كل ده كان حلم
شفايفه بتمدغ حاجه وكأنه فعلا كان بياكل وطعم الفاكهه دي يين حاسس بيه بجد. حاسس بلمسه علي خده وناحية الشباك حد واقف وبيقووول بلهفه
-اطلع من هنا يابايا روح عند جدتي
بص استاذ نبيل علي مصدر الصوت لقي طيف ابنه واااقف واختفي
النور قطع وصوت القرآن سكت
شباييك وابواب المنزل بتخبط جامد واستاذ نبيل حاسس ان فيه حاجه بتلف حواليه وبتضحك
صرااااخ وبكاء جنبه بالظبط خلاه اتفزع هو ايه بيحصل
صوت خشن جدا من ورااه
-كنت عاوز تروح فين يانبيل هاهاهاها
حس استاذ نبيل بشكة في ضهره وشئ بارد بيسري في عروقه
النور رجع واستاذ نبيل بدأ يبص حواليه ويضحك ومشي ناحية الباب وقبل مايمد ايده يفتحه الباب اتفتح
ودخلت والدة نبيل في ايديها المصحف
قزبته من وش نبيل اللي بيحاول يهاجمها
-كنت حاسه انكم مش هاتسكتو وهاتيجو عشان تاخدوه
نبيل بدأ يتحرك ناحية الشباك عشان يهرب
بقبضة الام المحبه لابنها مسكت ام نبيل هدوم ابنها من ورا وحضنته جاااامد وهي بتبكي وتدعي
-يااااارب انا تعبت عشان اربيه احميييييه يااااارب
لجأتلك يارب تحميه من شرهم احميه واحميني يااارب
استاذ نبيل بيئن بصوت واضح كأنه بيتألم وبيحاول يفلت منها او يضربها بس مش قادر
وعيونه بتلف في كل الاركان وكأنه بيفكر ف حل ملامح وشه بتتغير وراسه بتتهز جااامد
امه بتكمل وهي بتبكي
-ملنااااش غيييرك ياااارب احمينا يارب من شر الانس والجن
وتحضن نبيل جاااامد من ضهره وهو بيحاول يفلت لكنه مش قادر
فجأه جسمه كله ساب وكأنه اغمي عليه وكان هيقع من بين ايديها
لكنها لحقته وحركته لسريره
النور رجع والراديو اشتغل تاني وام نبيل بتبكي وحاضنه اينها جامد كأنها خايفه يروح منها لحد اما نامت جنبه
الصبح جه وام نبيل صحيت وصحت ابنها
-اصحي يابني عشان نروح مشوارنا
-حاضر يا امي هادخل اخد دش ونروح عشان بقالي كذا يوم الميه ملمستش جسمي
-لااااا يانبيل زي ما انت كده الحمام بالذات متدخلوش
قوم البس واغسل وشك من حنفية المطبخ
نفذ نبيل كلام والدته ومسكت في ايديها المصحف وخرجت معاه من الباب وزي مابيقولو قلب الام بيحس ب اي خطر ممكن يحصل لاولادها كانت ماسكه ابنها بايد والمصحف بالايد التانيه
حواليهم حاجات بتخبط تبص ام نبيل متلاقيش حاجه تقووول
احمينا ياااارب
عرفاكم حوالينا بس اهوووه معايا كتاب ربنا
صوت زمجره من حواليها وحاجات بتخبط جامد وكل اما يعدو من جنب بيت شبابيكه تترزع جامد
وصلت ام نبيل وابنها اللي ماشي جنبها خاااايف ومذعووور لبيت الشيخ المبروك وخبطو علي الباب
-اتفضلي ياحاجه ام نبيل ادخلي
وبيبص برا البيت ويقووول
-اعوذ بالله من كل شيطان رجيم
صوت حاجه بتتكسر جااامد برررا بيت الشيخ والشيخ قفل الباب
اتفضلو ادخلو الاوضه دي
في قسم الشرطة الشرطه الدجال داااخل بسرزررعه لمكتب الظابط والعسكري بيمسكه من قفاه
-انت داخل زريبه ياراجل يامجنون. ؟؟ رايح فين انت
-انا داخل ابلغ عن واحد مموت مراته وعياله وقاتل اتنين كمان وهارب منكم وانا عارف مكانه
العسكري والظابط اللي فتح الباب علي الدوشه وسمع الكلام في صوت واااحد
-انت عارف مكان نبيل؟؟
انتظروني في الحلقة السادسة
تعليقات
إرسال تعليق