رواية ليل المستبد الفصل السادس عشر والسابع عشر بقلم اسماعيل موسى حصريه وجديده على مدونة النجم المتوهج

رواية ليل المستبد الفصل السادس عشر والسابع عشر بقلم اسماعيل موسى حصريه وجديده على مدونة النجم المتوهج 

رواية ليل المستبد الفصل السادس عشر والسابع عشر بقلم اسماعيل موسى حصريه وجديده على مدونة النجم المتوهج

استقرت الأوضاع فى بيت ليل مدكور

تصدى ناصر لاكتر من محاوله لحرق الزرع وسرقة المواشى

كما أنه نجا من أكثر من كمين نصبه له رجال فارس بين الزراعات وعند المقابر القبليه.

أجرى فارس اخو ليل اكتر من عملية تجميل واخيرا قدر يطلع بره بيته ويباشر مع اخته أحوال الأرض والأموال ،لكن دا مكنش كافى بالنسبه لليل مكنتش مهتمه بالزرع او الأرض والمواشى، ليل كان همها تاخد بتارها.

وزعت الفلوس على الرجاله من غير حساب ،رجاله كتير سعت للخدمه عندها بعيد عن ناصر ،ليل بقى ليها رجالتها الخصوصين حتى لو كانو ببشتغلو تحت ايد ناصر.

وبعد شهور من الاستقرار البلد كلها صحيت على كارثه كبيره

زرعة القمح بتاعة جاسر اكتر من عشر فدادين اتحرقت باليل

ومواشيه ادبحت جوة الزريبه.

الشرطه وصلت وحققت من غير فايده، جاسر كان عارف مين الى عمل كده، لكن الشرطه مكنش ممكن تساعده

وناصر كان متأكد ان إلى عمل العمله دى من بره رجالته

عشان كده راح لجاسر بنفسه، وهناك بين شد وجذب ناصر أكد ان رجالته مقربتش ناحيت أرض جاسر ولا ومواشيه.

ورغم العداوه بين جاسر وناصر الا انه صدقه، ناصر مش بيكدب، لكن مفيش دخان من غير نار

رجالة جاسر بعد بحث قدرو يوصلو لواحد من الرجاله إلى شاركو فى الجريمه وبعد الضرب والتعذيب اعترف انه من رجالة ناصر.

شديد صرخ خلاص بقا يا كبير الحقيقه اتعرفت، احنا ناخد الراجل ده على بيت ليل وهناك كل واحد ياخد حقه!

جاسر قال لا... مش دلوقتى، فيه حاجه غريبه فى الموضوع لازم اعرفها، ناصر مش بيكدب رغم كل الخصال الزفت الى فيه.. ثم ابتسم جاسر، دا شغل ليل

صرخ شديد ليل ولا ناصر المهم ناخد حقنا

يا بهيم ،همس جاسر، احنا معانا دليل نقدر بيه نوقع بين ليل وناصر ولازم نستخدمه صح

لو ناصر ساب الشغل مع ليل، وقوعها هيبقى قريب اوى

كل إلى حواليها مجرد عيال من ورق.

ليل حست بالقوه، رجاله كتير حواليها ،حرقت أرض جاسر ومواشيه ومش فاضل غير تقضى عليه بضربه وأحده وتشفى غليلها.

خططت ليل كويس ،وبعد ما حصدو المحصول وباعت المواشى فى ليله هاديه رجعت لشغل زمان

غيرت شكلها لشكل ناصر لمت الرجاله حواليها ،ناصر كان فى مشوار بره البلد، واخدت الرجاله على بيت جاسر فى نص الليل..

ليل وزعت الرجاله على مداخل بيت جاسر فخر الدين وسدت كل طرق الدخول والخروج

عايزاكم تقتلو اى حاجه تتحرك ان شاله تكون قطه او كلب

فعل الرجال اسلحتهم الاليه وزحفو تجاه بيت جاسر من كل جهه ثم انطلق الرصاص على البيت، يمكن جاسر مكنش متوقع الهجوم ،او يمكن كانت استعداداته اقل من تخطيط ليل، إلى قاوم من رجالة جاسر اتقتل ،وإلى قدر يهرب هرب وهو مصاب بطلقه او اتنين

ليل بنفسها دخلت بيت جاسر ومعاها الرجاله ،جاسر كان بيقاوم لكنه مجرد شخص واحد، اتصاب فى اكتر من مكان لحد ما وقع من على السلم وسقط على الأرض غرقان فى دمه ،ليل وقفت فوقيه بانتصار وأطلقت اخر رصاصه على جاسر قبل ما تجمع الرجاله وترحل.

#ليل_المستبد

        17

تركت ليل منزل جاسر فخر الدين محترق واهالى البلد يحاولون اخماد النار المشتعله ونقل الجثث المبعثره

تمت السيطره على الحريق بعد وصول المطافى وتحولت البلد لسكنة عسكريه ،مأمور المركز والضباط الكل يحقق ويبحث عن الأسباب، ليل نفسها استقبلت مأمور المركز فى بيتها لتسهيل التحقيقات وقامت بواجب الضيافه على أكمل وجه.

لما رجع ناصر لقى الدنيا مقلوبه، بيت جاسر محترق ،رجالته مقتوله ولأنه من العناصر الخطيره

الشرطه قبضت عليه كمجرم محتمل وتم نقله إلى سجن المركز

لكن ناصر بطريقة ما قدر يثبت انه كان خارج البلد

الناس إلى كان معاهم شهدو لمصلحته ،خرج ناصر من المركز

وراح على بيت ليل

ليل كانت قاعده وسط الرجاله حاطه رجل على رجل وفارس اخوها قاعد جنبها

انا عارف انك انتى الى عملتى كده يا ليل

ابتسمت ليل، هو انت غيرت نشاطك ؟ بقيت مخبر شرطه

مش كنت شغال عندى واحد من رجالتى ؟

السخريه التى يكرهها ناصر ،انا شغال معاكى مش عندك يا ليل، دا كان اتفاقنا

الاتفاق اتلغى همست ليل بغل ،عاجبك تكون واحد من رجالتى ماشى ،مش عاجبك يبقى شوف مصلحتك

رفع ناصر ايده ،فعلا ملكيش امان، يلا بينا يا رجاله

شاور ناصر الرجاله إلى كانو شغالين تحت امرته

لكن مفيش ولا واحد منهم وقف

بقا كده ؟ همس ناصر فى صدمه، ماشى يا رجاله براحتكم

انا مش هكون شريك فى الدم لان الدم مش بيجيب غير دم

همس فارس هتسيبيه كده ؟

اصبر قالت ليل بصوت واطى احنا خلاص ملكنا القريه كلها مش عايزه حاجه تافهه تبوظ كل إلى عملته.

خرج ناصر من بيت ليل يشعر بالخييه والخيانه ،رجع عند بيت جاسر ووقف قدامه بحزن

مكنش ليا ذنب يا جاسر رغم كرهى ليك انا بريء من دمك

ثم اخذ طريق بيته خلف بيت جاسر وسط الحقول.

معداش وقت كتير وليل بدأت تفرض سيطرتها على القريه كلها، اشترت اراضى وبيوت وبقت كلمتها مسموعه عند الكل

البلد كلها بقيت تحت سيطرتها

بيت جاسر وارضه أصبحت ملكها وحدها ،وخلال كل إلى حصل ده ناصر مظهرش ولا حاول يعمل اى حاجه

رغم كده ليل مكنتش مستريحه لبقائه حى

ناصر شوكه فى ضهرها ولازم تتخلص منه وذى ما عملت مع جاسر، جمعت الرجاله وراحت على بيت ناصر

ضرب النار اشتغل، جدران البيت اتخرمت من الرصاص

بعدها دخلت ليل بيت ناصر البسيط، دورت على ناصر فى كل مكان مكنش موجود، حتى قطته ماتت بالرصاص

هو راح فين؟

الايام اثبتت ان ناصر مكنش فى البيت ولا حتى فى البلد كلها لانه مظهرش بعد الهجوم ولا اى شخص لمحه

ليل ضمت بيت ناصر لاملاكها وبداء ربيع ليل يزهر

يتبع 

بداية الروايه من هنا

لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم 

اعلموا متابعه لصفحتي عليها الروايات الجديده كامله بدون روابط ولينكات من هنا 👇 ❤️ 👇 

روايات كامله وحديثه