رواية ولاد المعلم الحلقة الثامنة والتاسعه والعاشره والحادىه عشره والثانية عشرة والثالثة عشره بقلم الكاتبه أماني سيد حصريه وجديده

مازال جاد مستمر بالنظر لزكرياته مع باسمه

انفصل جاد عن باسمه وركز وقته كله للشغل والمشروع بتاعه لحد ما اتفاجئ باخوه بيقوله انه ساب علا وهيتجوز اشرقت الاول انصدم لكن حس ان اخوه ممكن يكون موجوع زيه فوافق وساعده واخوه اتقدم وخطب شروق ولما بيجاد اتجوز اشرقت وباسمه بقت تزورها كتير وبقى يتقابلوا اوقات كتير عشان النسب اللى بينهم قرر ساعتها جاد انه هينفصل في شقه تاتيه عشان على اد مايقدر يبعد عنها وقد كان بالفعل جاد ابتعد عن باسمه وقطع اى وسيله اتصال تخليه يفتكرها وبعدها بفتره ارتبط بايلا

ايلا بنت متحرره بعض الشيء او التزمت بزى كلاسيك بناءا على تعليمات جاد لان لبسها كان في بداية عملها مائل للتبرج ايلا فتاه زكيه واخده كورسات فى جامعات مشهوره بعد الدراسة وده مع شكلها بيرهلها انها تشتغل فى افضل واكبر الاماكن. لكن هى اكتفت بالعمل مع جاد لان جاد شاب اعزب وشركته قوية فى السوق ومش مرتبط وقدرت في فترة بسيطة انها تثير اعجابه ومن ناحية جاد شايف انها فتاه مناسبه ليه وفعلا عرض عليها الارتباط وهى متردتش لحظه لان ده اللي بتسعى ليه من اول يوم عمل ليها فى الشركه وهو ما اخدتش وقت طويل عشان يعترفلها باعجابه وحبه لانه قرر انه يعيش حياته ويستقر وفعلا ارتبطوا وكلم مامته وباباه ودهبيه راحتله الشغل مره عشان تشوفها لكن ماقدرتش تحبها او تتقبلها ومن وقتها جاد بيحاول مع دهبيه وماجل الارتباط الرسمى بايلا

فاق من سرحانه على صوت التليفون وكان من ايلا وقالها تحدد معاد مع والدها عشان يروح يتقدملها رسمى وقفل معاها وراح لمامته

دهبيه : تعالى يا جاد ادخل يا حبيبى

جاد: محتاج اتكلم معاكي شويه

دهبيه : عشان موضوع ايلا

جاد: اه وافقى يا ماما لو سمحت انا مرتاح معاها وعلى اد ما بدى على اد مباخد مش بضحى بزياده بدون مقابل وفى الاخر هاخد سراب

دهبيه : خلاص يا حبيبي حددلنا معاد مع اهلها ونروح نخطبهم

جاد: يعنى انتى اقتنعتى واروح اكلم بابا

دهبيه : انا اللى يهمنى راحتك ومش عايزة اعيد غلط تانى

جاد : تمام يا ست الكل ربنا يباركلنا فيكى وباس ايديها وخرج واتصل بابوه وبلغه وكمان بلغه بمعاد اللى اخده من ايلا

#######

عند علا قررت انها هتاخد موقف وتنهى المهزلة دى وتقضى وقتها لوحدها بعيد عن الكل بس قبل ما تبعد لازم تكلم اشرقت وتقولها الحقيقة

اتصلت علا باشرقت وفعلا حددت معاها واتقابلوا في كافيه

اشرقت: خير فى حاجة تانية حابه تبلغيهالى

علا : اه اتفضلى اقعدى لو سمحت و خلينا نتكلم كاننا بنتكلم اول مره

اشرقت قاعدت : اتفضلى عايزه تقولى ايه

علا : بصى انا وبيجاد كنا مرتبطين من زمان كان هو فى ٣ كايه وانا فى ١ كان عندي ١٧ سنه لانى دخلت بدرى شفت بيجاد حبيته لانه كان اول راجل فى حياتى كنت دايما بشجعه على حلمه اللى عايز يعمله ووقفت جمبه لما كان بيجبلى هديه غاليه كنت بخليه يرجعها واقوله انت اولى مشروعك اهم لحد ما اتخرج ووقتها انا بقيت فى ٢ وعمل مشروع ونجح وقتها بقى عندى ١٩ سنه وصحابنا بقوا يقولولى انه بيتهرب منى حصل ما بينا مشكله كبيره لانى واجهته وهو ساعتها اتهمنى انى مش بثق فيه وسبنا بعض بعدها عرفت انه خطبك وانكم خلاص هتتجوزوا لما رحلتله قالى انه عمل كده عشان يضايقنى وان الموضوع بقى امر واقع وماينفعش يسيبك عشان سمعتك وكل الكلام ده واننا نتجوز رسمى. ومع صحابنا واهلى. فقط وبصراحه قدر يقنعنى وانا ضغط على اهلى لحد مايوافقوا ومن وقتها مابقتش اعمل حاجه غير انى اتنازل واجى على كرامتى و بقيت احس انه بطل يحبنى او خلاص وجودى بالنسباله بقى امر واقع كان دايما يحكيلى عنك وعن المخلل اللى انتى بتعمليه واد ايه انتى مريحه كنت اقوله تقدر تكلمها عنى كده كان يقولى لا طبعا هى ما تعرفش مره فى مره بقيت اشيل فى قلبى وجالى اشتباه فى جلطه والحمد لله عدت بعدها حملتى انتى حسيت ساعتها انوا نسينى وانوا بيجى كل شهر ولا اسبوعين من باب الواجب جيت على نفسى لحد ماولدتى وسبعنتى وربعنتى وكل ده وهى استنى اصبرى لحد ما فاض بيا خصوصا انى عرفت انى حامل ومادانيش ربع اهتمامك ساعتها الغل ملا قلبى وجيتلكم يوم العزومه وقرررت اوضح كل حاجه

اشرقت : وانا مالى بتقوليلى كل ده ليه

علا : عشان اخليكم تدوا لحياتكم مع بعض فرصه تانيه لانى خلاص اتاكدت انى ولا فى قلبه وولا فى دماغه وهمشى فى مكان محدش يعرفنى فيه اساسا لحد مامشى خالص

اشرقت: وانتى فاكره كلامك ده اثر فيا ولا دخل عليا مايمكن فيلم زى اللى عايشتونى فيه

علا : هتتاكدى انو مش فيلم وكل كلمة قلتها حقيقة انا خلاص اخر امل ليا فى انى احس انه بيحبنى راح فخلاص انا مجرد ما اسيبك وامشى من هنا هختفى خالص

اشرقت بصتلها وسابتها ومشيت وعلا قامت مشيت بعدها وركبت قطر وسافرت اسيوط بلد مافيش فيها اى حد تعرفه لا من اهلها ولا من اهل ابوها ولا من اهل امها

واخدت معاها فلوس تكفيها ودهبها وقسيمه جوازها واشترت شقه وقاعدت فيها وبلغت الناس ان جوزها مسافر وبيبعتلها فلوس وانها هتسكن هنا لحد ما يجيى على ولادتها

##@#$$$$$$

عند اشرقت وبيجاد

بيجاد: خير يا اشرقت ما صدقتش نفسى لما كلمتينى

اشرقت: ليه هو انت مش لسه جوزى

بيجاد: اه بطعا يا حبيبتي

اشرقت بابتسامه جانبيه وكانها اول مره تشوفه

: عارف يا بيجاد انا كنت عايزه انتقم منك الاول وبعدين اسيبك لكن بعد كده فكرت انى مش هستفاد حاجه من انتقامى منك لانى خلاص مابقاش ليك مكان فى قلبى ماتستغربش انا فعلا حاسه انى معرفكش كنت مرتبطه بيك ازاى اصلا وازاى كنت متجاهله عيوبك وانانيتك دى كلها اتجوزتنى مصلحه عشان شغلك واتجوزت علا عشان ماتضيعش حب حياتك كنت بتفكر ازاى تاخد من الدنيا كل حاجه وانت عارف ان الدنيا مابتديش اى حاجه

عارف ايه اقل حاجه ممكن اعملها انى اقلد علا واسيبك

بيجاد: بتقولى ايه

اشرقت: طلقنى عشان مخلعكش وساعتها هنسى اى ود بينا

بيجاد: اشرقت بلاش تعملى كده انا بحبك

اشرقت: لا انت بتحب برستيجك وسطنا وانا اسفه مش هقبل بيه انا هروح عند بابا وبدون مشاكل ودخول المحاكم بينا طلقنى عشان يفضل الود بينا موصول عشان ابنك

بيجاد: سكت وغمض عينيه واللى كان خايف منه حصل واشرقت طلبت الطلاق

: حاضر يا اشرقت حاضر انتى طالق وكان سايبها وخارج

اشرقت: استنى صحيح نسيت اقولك علا بتقولك انساها ومتدورش عليها تانى لانك مش هتلاقيها ومحدش هيعرف يلاقيها

بيجاد: لفلها بجسمه كله : يعنى ايه

اشرقت: يعنى هى جابت اخرها منك وبتقولك خلاص فرصك خصلت ومابقاش ليك رصيد عندها

Flash back

علا : استنى لو سمحت محتجاكى توصليله رساله

اشرقت : وانا مالى ابعتيهاله انتى

علا : انا كسرت الخط ارجوكى وصليله انه مايدورش عليا عشان مش هيلاقينى وان خلاص ماعدش ينفع اصلا انى اديله فرصه تانيه ومعدتش في وقت لده وسابتها ومشيت

اشرقت هنا حست ان اكتر حاجه هتوجعه وتكسره انهم الاتنين يسيبوه فى نفس اليوم ويخسر كل حاجه

End flash back

بيجاد: وانتى جبتى الكلام ده منين يا اشرقت

اشرقت: لو انت كنت بتهتم بيها ولا بتتصل كنت عرفت انها قافله الفون وكاسره الشريحة

بيجاد طلع الفون ولقى فعلا كلام اشرقت صح سابها وخرج يلحق يشوف علا راحت فين يمكن يلاقيها بس للاسف مالهاش وجود واتاكد فعلا وقتها انه خسر كل حاجه وقعد يبكى فى العربيه بتاعته زى الطفل الصغير

واشرقت لمت هدومها ونزلت عند دهبيه

دهبيه بخضه : اشرقت ايه ده

اشرقت: جايه اسلم هليكى قبل مامشى وبالمره تسلمى على سند

دهبيه : لا تعالى يا حبيبتي احكيلى كل حاجه

اشرقت : …….

رواية ولاد المعلم الحلقة التاسعة

عند بيجاد كان قاعد في العربيه بيبكى إن كل شئ ضاع منه للاسف بعد ما كان عنده كل حاجه بدل الزوجه اتنين وطفل ومراته التانيه كانت حامل وعنده فلوس كان واخد من الدنيا كل شئ فجاه خسر كل شئ حتى شغله اهمل فيه وبقى يخسر فيه اتصل باخوه جاد وبلغه انه هيبعد فتره محتاج يقعد مع نفسه شويه هو غلط في حق اشرقت وعلا اشرقت العقل الكبير والحنان والبيت وعلا الطفوله والشقاوه والدلع والجنان مش قادر يصدق انه فى يوم واحد خسر الاتنين زى مامتلكم في يوم واحد برضه رمى كل حاجه وراه وسافر

########

عند دهبيه واشرقت

دهبيه : ايه يا حبيبتي واخده شنطتك ورايحه فين

اشرقت: انا وبيجاد اطلقنا يا ماما خلاص مش هقدر اتحمل الوضع ده للاسف

دهبيه : انا مش عارفه اقولك ايه يا حبيبتي حقك عليا ربنا يعلم غيابك انتى وسند عندى عامل ازاى بس مش هقدر اقولك تعالى على نفسك

اشرقت: على فكره علا كلمتنى وهى كمان سابت بيحاد

دهبيه : ماتولع اللى تاخد واحد من مراته وتخرب بيته ميستحقش اى تعاطف معاها هى ضايقتك بالكلام

اشرقت: بالعكس وحكتلها كل اللى حصل

دهبيه : يعنى هو متجوزها وهى ١٩ سنه 😡😡

اشرقت: اه واهلها اتبروا منها

دهبيه : وهى فين دلوقتي

اشرقت: معرفش انا سبتها ومشيت

دهبيه : ربنا يحلها من عنده اهم حاجه كل اسبوع على الاقل اشوف سند ده اغلى من الولد

اشرقت : اكيد طبعا يا ماما عن ازنك

وسابتها ومشيت

عند باسمه اتصلت بجاد وهو فتح عليها

باسمه : تعرف ان كان عندى حق لما سيبتك زمان

جاد : انتى بتتصلى بيا عشان تقوليلى كده

باسمه: اه عشان لما حبيت تنتقم منى عشان سبتك زمان ومقدرتش تاخد معايا حق من باطل جريت اوام على اخوك وساعدته انه يجرح اختى تفتكر لو كنت وافقت عليك كنت هتعمل كده

جاد : اه كنت هعمل كده لان علا احق بيه من اختك واوعى تكونى فاكره ان ابوكى ماستفادش من ورانا زى ماحنا استفادنا من وراه احنا زودناله اسواق التصدير يعنى زودناله ربح من العمله الصعبه علا ضحت بكل حاجه عشانه تقدرى تقولى اختك ضحت بايه

علا من ايام الكليه وهى واقفه معاه وكانت صحبت عشق اختى وهو رفض يعرف حد من العيله انه مرتبط بيها عشان لما يتقدملها محدش يبصلها نظره وحشه علا لو كانت وحشه كنت رفضت انه يكمل معاها انما انا رفضت من الاول انه يرتبط باختك

تانى حاجة اختك اتجوزت اخويا ٣ سنين ماشفتش منه غير كل حب وخير ودلع وحب من العيلتين انما علا بعد ما ابوها مات بعد سنه من جوازها اهلها نبزوها وسابوها وقالواها اختيارك واللى بيجاد مايعرفوش ان علا كلمتنى كذا مره وكانت عايزه تسيبه وانا كنت بقولها لا وانا اللى قولتلها تروح تعرف العيله انها حامل بس هى اتصرفت بغباء وبتسرع بدل ماتقول كل الحقيقه بينت ليهم انها خرابه بيوت ماقلتش انه اتجوزها الاول وبدل ما يعمل لها فرح اكتفى بكتب كتاب وسط زميلها عشان يضمن ان محدش يتقدملها وسابها وراح عمل فرح لاختك واختك هى الزوجه الرسميه اللى اتعملها فرح والكل فرح بيها ومفكرش فى منظر علا قدام صحابها ايه وعلا فضلت فى الضل كان واعدها انه يعملها فرح بعد كام شهر وبعدين بقى يتحجج بقيتوا تسافروا وتخرجوا معانا كلنا عيله فى بعض وهى طبعا لا ماينفعش تسافر معانا هتسافر بصفتها ايه فضلت مستحمله كل ده ٣ سنين ولما وجهته انه حب اشرقت اعترفلها انه حبها سابتله البيت ولجأتلى عشان اساعدها بس للأسف من الحزن جالها اشتباه فى جلطه ولحقناها وبعدين عرفت انها حامل واللى حضراتكم كلكم ماتعرفهوش ان الحمل خطر عليها وان من ساعت من بيجاد قالى انها اختفت واختفى هو بعدها وانا بدور عليها هى عارفه ليه عشان اخلى بيجاد يطلقها واتجوزها انا لانها تستحق تعيش عيشه احسن من كده

باسمه : وخطيبتك المصونه تعرف انك هتتجوز غيرها ولا هتعمل زى اخوك مانتوا نسخه من بعض

جاد : لا طبعا هعرف ايلا كل حاجه وهى ليها حريه الاختيار

ها يا باسمه رضيتى فضولك الحمد لله اتمنى بجد المره دى تمسح رقمى لانى كمان همسح رقمك من عندى

باسمه قفلت معاه وكانت متضايقه اوى من كلامه هو مقدرش طموحها وهى كانت شايفه انها بجوازها منه بتقتل مستقبلها مع انه كان دايما بيشجعها على الدراسة حتى بعد ما عدا سنتين من دراستها محاولتش تروح تصالحه او تراضيه او تتنازل عن جزء من كلامها هى كانت عارفه ان ماينفعش ناخد كل حاجه عشان كده اختارت كليتها ودراستها

##########

عند جاد كان بيحاول بكل الطرق الممكنه والغير ممكنه انه يوصل لعلا باى شكل ويعرف عيلته الحقيقه وحاول يكلم بيجاد كذا مره لكن بيجاد كان مختفى ومانع اى وسيله اتصال معاه قررر انه يرجع البيت ويواجه اهله بالحقيقة ولما يرجع بيجاد يقرر هو عايز ايه

########____&&&&

نرجع لوجد عدى كام يوم وقدرت وجد فيهم ترجع جوزها ليها وراقبت الواتس بتاعه وشافت خلافات كتير ومشاكل بينه وبين البنت اللى مرتبط بيها وكان عايز يتجوزها فقررت انها تواجهه عشان تنهى الموضوع ده نهائى وتاخد موقف فيه

اشترت وجد خط جديد من غير اسم وسجلته باسم وهمى واخدت شوت اسكرين من صور ليهم مع بعض وبعتتها لنفسها عن طريق البلوتوث وكتبت رساله وهميه وبعتتها لنفسها مضمونها

( جوزك بطل يحبك وهيتجوز عليكى خلى عندك كرامه وابعدى ) وبعدين كسرت الخط ورجعت بعتت الرساله دى لجوزها من تليفونها وواجهته بيها وجوزها وقتها شاف الرسالة ووشه بهت وساب الشغل وروح البيت عشان يواجه مراته ودخل البيت لاقاها بتلم هدومها

ابيل : وجد بتعملى ايه

وجد : هسيبلك البيت للعروسه الجديدة قبل ما تطردنى منه

ابيل : لا عاش ولا كان لو عملت معاكى كده

وجد : ليه هو انت مش هتتجوز والصور دى مفبركه مثلا

ابيل : بصى يا وجد انا عارف انى غلط لما بصيت بره ورجعت لعقلى قبل فوات الاوان

وجد : ومين قالك ان الاوان مافتش

ابيل : وجد انتى بقالك فتره كبيره متجهلانى جدا اكل مش بتعملى ولو عملتى اكل نقعد ناكل فيه اسبوع لما اجى اتكلم معاكى الاقيكى تقوليلى تعبانه وتسبينى وتمشى فطار كنت يوميا بفطر فى الشارع واوقات كتير بتغدى في الشارع لحد ما بطنى. وجعتنى على الاقل الجواز كانت ماما اللى بتعملى غصب عنى لقيت اهتمام منها وفطار بيتى كل يوم بيجلى وبقت كمان تعملى غدا فطبيعي ابص للراحتى بره

وجد : طيب ليه ماجتش واجهتنى واتكلمت معايا زى دلوقتي صدقنى كنت هراجع نفسى وارجعلك تانى منا راجعت نفسى ورجعتلك زى الاول اهو بس للاسف انت مستحملتش تقلبات غصب غنى حصلتلى بسبب الولاده فى اول مشكله نفسيه ليه بعتنى

ابيل : مش هنكر ده انا فعلا استسهلت وبصيت بره بس راجعت نفسى تانى وسبت البنت دى يمكن عشان كده هى بعتتلك الرساله انا سبتها من قبل ماتواجهينى دلوقتي يعنى انت فعلا حسيت بغلطى ورجعتلك وندمت انى عملت كده وموقفتش جمبك

وجد احنا حياتنا تستاهل فرصه تانيه صدقينى وبإذن الله نعوض بعض ونربى ابننا مع بعض

وجد: ولو رجعتلها تانى

ابيل : يبقى سبينى وماترجعليش لانى وقتها ماستحقش فرصه تانيه

وجد: يبقى وقتها انت اللى حكمت على علاقتنا

#####__________

عند جاد وصل عند بيت ابوه وكانت دهبيه وزيدان قاعدين

جاد : سلام عليكم ورحمه الله وبركاته

زيدان ودهبيه : وعليكم السلام ورحمه الله وبركاته

جاد : كنت عايزكم في موضوع مهم بخصوص بيجاد وعلا

زيدان: خير فى حاجة حصلت

جاد : لازم تعرفوا كل التفاصيل وكل حاجه بيجاد خباها عنكم وللاسف انا شاركته فى ظلم انسانه

زيدان: احكى من الاول كل حاجه بالتفصيل

جاد : ……عند بيجاد كان قاعد في العربيه بيبكى إن كل شئ ضاع منه للاسف بعد ما كان عنده كل حاجه بدل الزوجه اتنين وطفل ومراته التانيه كانت حامل وعنده فلوس كان واخد من الدنيا كل شئ فجاه خسر كل شئ حتى شغله اهمل فيه وبقى يخسر فيه اتصل باخوه جاد وبلغه انه هيبعد فتره محتاج يقعد مع نفسه شويه هو غلط في حق اشرقت وعلا اشرقت العقل الكبير والحنان والبيت وعلا الطفوله والشقاوه والدلع والجنان مش قادر يصدق انه فى يوم واحد خسر الاتنين زى مامتلكم في يوم واحد برضه رمى كل حاجه وراه وسافر

########

عند دهبيه واشرقت

دهبيه : ايه يا حبيبتي واخده شنطتك ورايحه فين

اشرقت: انا وبيجاد اطلقنا يا ماما خلاص مش هقدر اتحمل الوضع ده للاسف

اشرقت: على فكره علا كلمتنى وهى كمان سابت بيحاد

دهبيه : ماتولع اللى تاخد واحد من مراته وتخرب بيته ميستحقش اى تعاطف معاها هى ضايقتك بالكلام

اشرقت: بالعكس وحكتلها كل اللى حصل

دهبيه : يعنى هو متجوزها وهى ١٩ سنه 😡😡

اشرقت: اه واهلها اتبروا منها

دهبيه : وهى فين دلوقتي

اشرقت: معرفش انا سبتها ومشيت

دهبيه : ربنا يحلها من عنده اهم حاجه كل اسبوع على الاقل اشوف سند ده اغلى من الولد

اشرقت : اكيد طبعا يا ماما عن ازنك

وسابتها ومشيت

عند باسمه اتصلت بجاد وهو فتح عليها

باسمه : تعرف ان كان عندى حق لما سيبتك زمان

جاد : انتى بتتصلى بيا عشان تقوليلى كده

باسمه : وخطيبتك المصونه تعرف انك هتتجوز غيرها ولا هتعمل زى اخوك مانتوا نسخه من بعض

جاد : لا طبعا هعرف ايلا كل حاجه وهى ليها حريه الاختيار

ها يا باسمه رضيتى فضولك الحمد لله اتمنى بجد المره دى تمسح رقمى لانى كمان همسح رقمك من عندى

##########

########____&&&&

ابيل : وجد بتعملى ايه

وجد : هسيبلك البيت للعروسه الجديدة قبل ما تطردنى منه

ابيل : لا عاش ولا كان لو عملت معاكى كده

وجد : ليه هو انت مش هتتجوز والصور دى مفبركه مثلا

ابيل : بصى يا وجد انا عارف انى غلط لما بصيت بره ورجعت لعقلى قبل فوات الاوان

وجد : ومين قالك ان الاوان مافتش

وجد احنا حياتنا تستاهل فرصه تانيه صدقينى وبإذن الله نعوض بعض ونربى ابننا مع بعض

وجد: ولو رجعتلها تانى

ابيل : يبقى سبينى وماترجعليش لانى وقتها ماستحقش فرصه تانيه

وجد: يبقى وقتها انت اللى حكمت على علاقتنا

#####__________

عند جاد وصل عند بيت ابوه وكانت دهبيه وزيدان قاعدين

جاد : سلام عليكم ورحمه الله وبركاته

زيدان ودهبيه : وعليكم السلام ورحمه الله وبركاته

جاد : كنت عايزكم في موضوع مهم بخصوص بيجاد وعلا

زيدان: خير فى حاجة حصلت

جاد : لازم تعرفوا كل التفاصيل وكل حاجه بيجاد خباها عنكم وللاسف انا شاركته فى ظلم انسانه

زيدان: احكى من الاول كل حاجه بالتفصيل

جاد : ……

رواية ولاد المعلم الحلقة العاشرة

دهبيه : وايه الحقيقة بقى واحده راحت لواحد خاطب وطلبت منه يتجوزها الاول واتجوزها فى السر ورضيت بكده من الاول ورخصت من نفسها حتى لو عيله عندها ١٩ سنه اكيد ليها اهل يقوللها الصح من الغلط

زيدان: استنى يا دهبيه احكى كل اللى تعرفه واللى حصل من الاول

جاد : بابا حضرتك عارف ان انا وبيجاد كنا في تجاره مع بعض واننا كنا بنزل مع حضرتك من بدرى ونشتغل من ايام دراستنا لما دخلنا الكليه من اول سنه بدانا نخطط لمشارعنا انا كنت عايز الشركه وبيجاد كان عايز المزرعه فضلنا نخطط وندرس كل حاجه بحيث اننا على اخر سنه فى الكليه نكون جهزنا كل حاجه منستناش حتى التخرج المهم اننا واحنا فى تالته ظهرت علا كانت لسه داخله الكليه جديد وتايهه وكانت حلوه فكل اما تسال حد يا اما البنات تضايقها وتتنمر عليها يا اما الولاد يعكسوها لحد ما شفناها انا وبيجاد وساعتها ساعدناها واتعرفنا عليها وقولنالها لو احتاجتى اى حاجه كلمينا ولما كانت عشق بتيجى الكليه لينا انا وبيجاد كنا بنخليها تعد مع علا واتصحبت عليها وحبوا بعض بس طبعا مكانوش بيتقابلوا كتير بحكم الدراسة بتاعتهم لحد ما بيجاد جالى فى يوم وقالى انه بيحب علا وهى كمان كانت شايفاه البطل بتاعها اللى بيساعدها دايما ويدافع عنها وفعلا بعد وقت قصير ارتبطوا ببعض وكنا مخبيين عشان دى سمعت بنت

المهم فى الفرته دى رحنا انا وبيجاد سالنا عليها وعرفنا ان مامتها متوفيه وهى صغيره وباباها متجوز تانى ومراته التانيه خلفتله ٣ ولاد وطبعا علا عشان هى البنت كانوا مخلينها الخدامه بتاعتهم لاخواتها الشباب معادا اخ واحد اللى دايما بيساعدها وسافر بعد ما خى دخلت الكليه واطمن عليها وقدر يقنع باباه انه يسبها تكمل تعلمها عشان تشتغل بمرتب حلو وتساعده بفلوس حلوه وفرشله الارض طحينه زى مابيقولوا عشان يسبها تتعلم وهو كان بيبعتلها فلوس من وراهم المهم ده خلى بيجاد يتعاطف اكتر مع علا ويحبها اكتر وخصوصاً انه اول شخص فى حياتها وكان دايما بيحكلها عن مستقبله واخدها وراها المزرعه كان بيعتبرها انها حاجه ملكه

زيدان: طيب ماتجوزهاش ليه بعد كل ده

جاد : بيجاد كان ضامن علا وكان عايز يضمن شغله فى الوقت ده مع يونس والد اشرقت فى الوقت ده كنت انا وباسمه مرتبطين فكان براحته مع علا لانه كان ضامن نسبى من باسمه ولما سبنا بعض انا وباسمه الحوار ده مطلعش من دماغ بيجاد وفضل فتره يفكر يعمل ايه

اللى حصل بعد كده انا مكنتش اعرف تخطيطه ايه غير متاخر جدا

دهبيه. : عمل ايه

جاد : لما بيجاد حقق حلمه وفتح المزرعه كانت ساعتها علا فى تانيه جامعه وكانت دايما تساله انت معطل ارتباطنا ليه وكان دايما يتحجج لحد ما فى مرهوراح اتخانق معاها وقالها بطلى زن انا عندى مشاكل وانتى بتزوديها وبعدها سابوا بعض وبعدها باسبوعين قالى انه معجب باشرقت وعايز يخطبها الاول رفضت وبشده قلتله انت متعلق بعلا وهتظلم اشرقت قالى لا ماتخافش انا محتاجها معايا وعمرى ما هظلمها

وفعلا اتخطبوا وكان الجواز بعدها بحوالى شهر وففى الفتره دى بيجاد كان مانع اى محاوله اتصال من علا بيه وغير كده مكنش معرف حد من زمايلنا عشان محدش يبلغ علا قبل فرح بيجاد بيوم كلم مرات ابوها واداها مبلغ كبير عشان تساعده فى خطته

زيدان : ايه بقى الخطه

جاد : كلمت حد من صحاب علا وخلتها توصلها ان بيجاد خطب بحجه انه علا تخرجه من دماغها وكان هدفها ان علا تروح تعاتبه وطبعا مكنش معرف اى حد بجوازه ولا بفرحه من زمايلنا او اى حد يعرف علا من قريب او بعيد وساعتها لاغى البلوكات اللى كان عاملهلها وفعلا علا وقعت في الفخ وراحتله وواجهته وقالتله انت كنت بتلعب بيا ورحت خطبت ومكنتش تعرف نهائى ان ده يوم فرحه

دهبيه : وانت مكنتش تعرف ده كله

جاد : لا مكنتش اعرف كل ده . هكملك وهقولك عرفت امته

بيجاد وقتها قالها لا هو بيحبها وعمل كده في لحظه غضب وعشان يثبت حسن نيته راح لابوها وطبعا كان متفق مع مرات اب ها تعمل ايه فى القاعده

دهبيه : وعملت ايه

جاد : لما راح يتقدملها وقال انه زميلها فى الجامعه وكانوا مرتبطين وانه جاى عايز يخطبها

وهنا طبعا خرجت مرات ابوها وفضلت تزعق وتقوله الهانم مش رايحه تتعلم دى رايحه تعلق وسخنت اخواتها وابوها وطبعا بيجاد حب يعمل البطل كالعادة قالهم انا مستعد اكتب عليها دلوقتي واتجوزها وطلع شيك بمليون جنيه لابوها وابوها طبعا ماصدق ووافق ولقيته كلمنى كانه بيستنجد بيا ولقيت نفسي شاهد على جوازه وبعدها قاعدنا سالته هتعمل ايه فى فرحك انهارده لقيت علا اتفاجئت من كلامى اتارى البيه كان مخبى لحد ما يضمن انه يتجوزها طبعا علا عيطت ورفضت الطلاق وابوها كان قبض فمكنش فارق معاه انها تتطلق فقاله طلق بنتى وحظرها انها توافق انها تكمل معاه وهو طبعا لعب فى عقلها وقالها الفرح شغال ولو مرحش البنت هتتفضح وانه مش بيحبها وانه هيروح ينقذ موقف وانها لو موافقتش خلاص مش هيروح ومش مهم الفضيحه طبعا غصب عن علا وافقت وراحت معاه ومسمعتش كلام اخوها لما كلمها من بره وقالها لا وانا هنزلك خافت تسببله مشكله في شغله ومشيت مع بيجاد وصلها بيت المزرعه وراح الفرح بعد كده ووقت كتب كتبها اكتفى بكام صاحبه ليها وخلاص وطبعا بعدها حب اشرقت ولما واجهته مانكرش ده وقالها اه ساعتها جاتلى عشان اساعدها عشان تطلق من بيجاد انا قلتلها اصبرى ودى. كانت غلطتى انى قلتلها اصبرى ولما واجهت بيجاد قالى انه عمل كل ده عشان يتجوز الاتنين فمستحيل يضحى بحد ولما عرفت كلمتها وقلتلها تيجى تعرفكم لان قبلها بشهر تعبت وجالها اشتباه فى جلطه واثرت على قلبها ودلوقتي هى حامل ولما سالت دكتور ووريته اشاعتها اللى كانت معايا اكدلى ان الحمل والولاده عليها خطر

هو ده كل اللى اعرفه

دهبيه : كلملى اخوك عايزاه دلوقتي

جاد : للاسف قافل الفون وقالى محتاج اقعد مع نفسى شويه وانا مش عارف اوصله

دهبيه : طيب وعلا

جاد : اختفت بعتتلى رساله انى مدورش عليها وبعدها قفلت الفون وانا مش عارف اوصلها

دهبيه : هى اخر مره كانت مع اشرقت انهارده وقالتله الوقت والمكان اللى قابلتها فيه

جاد : انا عندى واحد صاحبى ممكن نراجع الكاميرا بتاعت الطريق ونعرف

دهبيه : دورلى عليها وعايزاك تجبها في اسرع وقت واخوك ده انا ليه صرفه تانيه معاه

جاد : وانا هساعدك لازم نعلمه الادب لانه بيحطنى قدام الامر الواقع مش مدينى فرصه افكر

دهبيه : اخوك لازم يخسر كل حاجه حتى شغله عشان يعرف ان بنات الناس مش لعبه اشرقت عمرى ماشوفت منها إلا كل خير كانت ونعم البنات وعلا مكسوره الجناح استغل الاتنين وخلاهم يحبوها اخوك لازم يتربى بجد واضح انى معرفتش اربى مهمتك تجبلى علا واوعاك اوعاك اخوك يعرف مكانها فين حتى لو لقتها

جاد : حاضر يا ماما عن اذنك محتاجه حاجه تانيه

دهبيه : اه احنا اتكلمنا عن اخوك لكن انت بقى

جاد : انا ايه

دهبيه: على ماما يلا

زيدان: ايه جالك زهايمر ولا مكنتش واعى لكلامك باسمه ها ايه علاقتك بيها

جاد : ……..

رواية ولاد المعلم الحلقة الحادية عشر

دهبيه : واضح انى كنت مغيبه عنكم او مكنتش عايشه معاكوا عشان كل ده يحصل وتخبى عنى احكيلى يا جاد عن باسمه كنت بتلعب عليها انت كمان زى اخوك

جاد: لا يا ماما ابدا كل ما هونالك ان انا فى فتره من حياتى كنت مرتبط بباسمه كانت هى لسه في ثانوى وانا كنت قربت اخلص كليه ومتفقناش مع بعض لانها كانت عايزه تكمل تعليمها وبعدين نرتبط وانا ماوفقتش فاختلفنا مع بعض ومكملناش

دهبيه بشك : بس كده سبتها عشان عايزه تكمل دراستها

جاد : حسيت انى هستنى كتير وهى مش عايزه اللى يعطلها عشان كده مكملتاش

دهبيه : طيب ماهى خلصت كليه اهو وانت لسه بتفكر تخطب

جاد بتهرب : مالقتش نصيبى يا ماما وبعدين ايلا موجوده انتى ناسيه انا اضطريت ااجل معاها المعاد بتاع مقابله باباها بسبب الظروف وهى تفهمت الوضع

دهبيه : كويس انك عملت كده

@@#########

عند اشرقت كانت قاعده مع اهلها وبتتكلم معاهم وكانت بتراعى متجبش موضوع باسمه وجاد وفى نفس الوقت مكنتش عايزه تقول عنه كلام وحش عشان باباها ومامتها مايخدوش موقف من ابنها لمجرد ان ابوه بيجاد او يعانده معاه وتدخل في مشاكل بعد كده بخصوص الحضانه والرؤية بتاعت الطفل

ام اشرقت: حسبي الله ونعم الوكيل فيه على كسره قلبك دى يا بنتى

اشرقت : الحمدلله يا ماما انا اه زعلت واضايقت لبعض الوقت بس انا قويه وقادره اعدى اى مشكله والحمد لله انكم معايا وسند ليا مش لوحدى فى الدنيا

يونس : ربنا يكلمك بعقلك يا بنتى

اشرقت : بابا بعد اذنك ينفع من بكره انزل معاك الشركة زيى زى اى موظفه حابه اعمل زى باسمه وابدا من الاول

يونس : انا معنديش مشاكل يا حبيبتي ياريت تبقى خفيتى عنى الحمل شويه وانا كبرت ومحتاج حد يشيل معايا

اشرقت: خلاص يا حبيبي من بكره هنزل معاك

وهشيل عنك بس ادينى فرصه ابدأ من الارشيف عشان افهم كل حاجه في الشركه

يونس: انتى صح من بكره تعالى وانزلى الارشيف واعرفى الاماكن اللى لسه بنتعامل معاها والشركات اللى وقفنا تعامل معاهم

قامت باست راس باباها ومامتها وندت على باسمه عشان تتكلم معاها شويه

اشرقت: احكيلى يا باسمه كنت داخله اكلمك لقيتك كنتى بتكلمى جاد فسبتك براحتك ومشيت . هو اتصل عليكى ورخم عليكى تانى

باسمه : لا انا اللى اتصلت بيه عشان اتخانق معاه لانه كان عارف وشاهد على موضوع علا وبيجاد ومخبى ومشترك زيه بالضبط الحمد لله انى مكملتش معاه

اشرقت: يعنى انتى معترفه انك انتى اللى سبتيه اهة

باسمه : كنت خايفه منه . تسرعه كان مخوفنى

اشرقت: بس هو تنازل وجاد لو كنتى اتنازلتى مره عشانه اتحداكى انه كان ممكن يرجع فى كل كلامه عشانك وانتى عارفه كده جاد غير بيجاد طول عمرى شايفه جاد شبه باباه اوى جد ومالوش فى اللف والدوران وكتوم عكس بيجاد لما كان بيطلب منى طلب كان بيفضل يلف ويدور مش بيجى دوغرى

عارفه يا باسمه لما بعدت عنهم وفضلت اراجع نفسى وحياتى كلها مع بيجاد لقيت ان فى حاجات كتير اوى كانت نقصانى معاه كنت بدى دايما اكتر ما باخد كنت حابه الاستقرار وكنت شايفه ان حياتى كانت مثاليه اوى لكن لما فوقت وخرجت بره القوقعه بتاعت بيجاد اكتشفت انه إنسان انانى وان حياتنا كانت ممله او حياتى انا كانت عباره عن سند وشغل البيت وبس ولولا ماما دهبيه كانت بتاخد منى سند وتقولى انزلى هاتى لبس وشوفي نفسك في ايه اعمليه وهاتيه كان زمانى دلوقتي مكتئبه وكارهه بيجاد منكرش ان وجود ماما دهبيه كان مهون عليا كتير ووجود سند كان شاغلنى

الحمد لله إن الواحد فاق فى الوقت المناسب

باسمه : انتى عندك حق

اشرقت: صحيح يا باسمه ايه اللى خلاكى تلبسى النقاب مره واحده هل فعلا عشان ربنا زى ما قولتى

باسمه : فى الاول لأ لكن بعد كده صدقيني حبيته جدا ومقدرش اخلعه او افكر انى اخله

اشرقت: لبستيه ليه

باسمه : مش عايزه ارد ينفع

اشرقت: مش هضغط عليكى دلوقتي بس اكيد هتحكيلى

باسمه: اكيد طبعا يا حبيبتي

#############

عدا اسبوع على ابطالنا ومازال جاد بيدور على علا وعرف انها سافرت اسيوط من خلال كاميرات المراقبة اللى على الطريق واللى في محطة القطار لكن مش قادر يعرف راحت فين بالظبطت ومنتظر ظهور بيجاد يمكن يعرف منه اذا كان ليها اهل فى اسيوط ولا لأ

########_____

عند علا كانت قاعده في البلكونه بتاعت الشقه اللى اجرتها

وكانت ست عجوزه قاعدة فى الشقة اللى قصادها وكانت بتشاورلها

ام منعم : اسمك ايه يا حبيبتي

علا : انا اسمى علا

ام منعم: شكلك مش من من هنا تعالى اقعدى معايا شويه معنديش حد وقاعدة لوحدى تعالى تعالى

علا : طيب خليها وقت تانى

ام منعم : تعالى ماتخفيش هعملك عصير مانجه انما ايه مش هتشربى زيه

علا ضحكت : حاضر جايه وفعلا لبست علا وراحت لجارتها ام منعم

ام منعم ست كبيره معندهاش غير ابنها منعم مسافر بره ومش بيجى غير كل كام سنه وكتير طلب منها تسافرله هى بترفض لانها بتحب جرانها ودايما بيودوها لانها ست حكيمه

دخلت علا عند جارتها وفضلوا يتكلموا كتير فى مواضيع مختلفه

ام منعم : انتى عارفه يا علا انا حبيتك وارتحتلك ومخلفتش بنات عايزاكى تحكيلى بصراحه ايه حكايتك

علا : حكتلها كل حاجه عنها وعن اخواتها

ام منعم : طيب اخوكى ده اللى مسافر وكان بيساعدك ليه ماتصلتيش بيه

علا : اخويا بعد الثانوية جتله منحه ودى اخر سنه ليه حرام انى اخليه يضيع كل اللى عمله وينزل

ام منعم: لا حول ولا قوه الا بالله طيب انتى بتكلميه ازاى دلوقتي

علا : عملت اكونت باسمى بس غيرت اسم بابا وبعت لخويا منه وقلتله ان تليفونى اتسرق ومعرفتش اجيب الرقم تانى ونسيت باسورد الفيس عشان كده عملت اكونت جديد

ام منعم: وهو صدق

علا : اه الحمد لله

ام منعم: طيب ابنك ده يا بنتى فكرتى فيه لما تولدى هتعملى معاه ايه

علا : قبل الولادة هبعت لجاد اعرفه مكانى وهو يجيى وقتها ساعتها هكون قبلت وجه كريم وبكده اكون ريحت الكل منى

ام منعم : لا يا حبيبتي ده مش حل وربنا هيحسبك على نفسك اللى انتى بتظلميها دى وعلى صحتك اللى بتهمليها

علا : طيب بايدى ايه اعمله غير انى استنى

ام منعم : بصى يا حبيبتي انتى اهم حاجه الاول لازم تاخدى فيتاميناتك وادويتك والباقي بتاع ربنا مافيش حاجه اكبر من اللى خلقاها . اهتمى باكلك وابعدى فتره بسيطه تكونى فكرتى لكن الهروب مش حل

فى مقوله اهلنا علموهالنا بتقول ايه

اعمل لدنياك كأنك تعيش ابدا واعمل لاخرتك كأنك تموت غدا

لازم ترجعى يا علا انتى مش متجوزه عرفى وخايفه من كلام الناس انتى مظلومه ومضحوك عليكى ارجعى واتطلقى منه وتابعى مع دكتور شاطر في حالتك هو اللى وصلك انك تبقى زوجه فى السر مع انك متجوزه الاول وعند مأذون وقدام جيرانك وصحابك لكن هو حرمك من كل حقوقك ارجعى وابعدى عنه وهتلاقى الشخص اللى يقدرك ويحبك لانك طيبه وتستاهلى الحب واحده غيرك كانت حكمت عليه مايروحش الفرح وياريتك عاملنى كده كانت هى هتزعل شويه وكل شئ يتنسى وهى اهلها كبار مكنش حد هيجيب سيرتها خوفا من اهلها لكن واضح ان فى حاجات كتير كان متخطت لها

علا : انتى عندك حق انا هفضل هنا فتره وهرجع تانى اكون رتبت افكارى وعرفت انا عايزه ايه وانفذه وكمان اكون بعدت عنه وافتكر كل حاجه وحشه سببهالى عشان لما ارجع واطلب الطلاق اكون قويه وقادره استحمل ده وماسبش ليه فرصه يلعب في عقلى تانى

ام منعم : برافو عليكي حبيبتى خليكى بقى الفترة دى قاعده معايا والغى الايجار انتى فى عرض كل قرش انتى اولى بيه

علا : شكرا يا طنط مش عايزه ازعجك

ام منعم : لا ابدا بالعكس وجودك معايا في البيت هيمنع اى حد يتكلم عنك ده اولا ثانيا هتسلينى لانى زى ما انتي شايفه انا قاعده لوحدى

علا : والراجل هيوافق

ام منعم. : سبيه عليا مالكيش دعوه وبلاش طنط طنط دى اللى مسكهالى قوليلي يا ماما

علا : قامت حضنتها وهى بتعيط : حاضر يا ماما

#####$#######

عند جاد

جاد : ايلا انا خارج دلوقتي عندى ميتنج بره ومش هرجع تانى خلصى اللى معاكى وروحى

نزل جاد وهو فى العربية افتكر انه نسى ملف الصفقه طلع تانى عشان ياخده اتفاجئ بايلا بتكلم شخص فى الفون

ايلا : ……..

رواية ولاد المعلم الحلقة الثانية عشر

قبل ما ابدا البارت اسمها باسمه مش بسمه اى ضاحكه

دخل جاد المكب باستعجال لكن وقف عن كلمت ايلا

ايلا : اعمل ايه طيب شكله بيخلع والمثل بيقول

اللى متعرف تتجوزه فلسه عشان كده موافقه احط ايدى فى ايدك واقولك العرض اللى مقدمه لشركة ( …. ) وليه عمولتى

المجهول: خلاص يبقى اتفقنا

ايلا: مع السلامه بقى عشان الحق اخلص اللى ورايا

جاد خرج بدون اى صوت أو مواجهه

جاد لنفسه : اه يا ولاد ال ……… لازم اعرف مين وراكى وعايز يوقعنى

جاد : اتصل بالعملا وأجل معاهم الموعد واستنى لحد ما ايلا خرجت ورجع الشركة وجاب الملف وعمل عليه تعديلات وطلع على شركه كاميرات مراقبه جاب مايكروفون صغير وكلم حد من الحرس يتابع ايلا ويعرف تحركاتها

عند اشرقت نزلت الشغل وبدات تتعرف على ناس وتعمل زمايل في الشغل ورجعت كل الملفات القديمة وعرفت نظام الشغل ماشى ازاى وبدأت تحط بعض الملاحظات وطلبت من باسمه تعملها ابلكيشن يسهلها تحميل اى ملف بسهولة وفى بعض الملفات خلتها برايفت فقط على تليفونها

وبدأت تقعد مع باباها فى الاجتماعات بتاعت العملا وشجعت باسمه انها تنزل معاها الشركة وفعلا نزلت باسمه ومسكت ال IT

##$$$….

عدا اسبوع كمان وفى الاسبوع ده كان زيدان كلم كل التجار والمصانع بوقف التعامل مع بيجاد وبدا يشترى كل عجول اللى عنده وااجر مكان تانى غير الاماكن اللى يعرفها بيجاد وبدا يوقعه في الشغل وطبعا بيجاد مختفى وسايب الشغل بتاعه وده سهل الموضوع على زيدان انه يشترى بأسماء وهميه وقدر خلال اسبوعين ياخد اكتر من نص عجول بيجاد وسابله الباقى عشان الالتزامات بتوريد المصانع وخاصة مصانع يونس

@#######$

عند علا كلام ام منعم فرق معاها وفعلا اهتمت بنفسها وبقت تتابع مع دكتور شاطر ودتها ليه ام منعم واخدت قرار انها هتطلق من بيجاد ده شىء مفروغ منه وبالفعل صحتها بدات تتحسن وقررت انها بعد شهور الوحم هتنزل تواجهه وتطلب الطلاق كدا هى خلاص تمت شهرين فاضلها شهر

ام منعم : بسم الله ماشاء الله شوفتى وشك نور ازاى يا حبيبتي

علا : البركه فيكى وفى كلامك بجد فوقنى لنفسي

ام منعم : اهم حاجه حق ابنك يا بنتى

علا : انا هروح لجاد على طول وهخليه يقعدنى مع باباه ومامته واحكيلهم كل حاجه عشان لو حصلى حاجه وانا بولد اكون مطمنه على ابنى وغير كده اهل بيجاد محترمين

ام منعم : لسه بتحبيه

علا : الحب مش كل حاجه انا كنت فاكره انى هعيش حياتي فى استقرار وامان لكنى عشت في قلق وخوف عشان كده مابقاش ينفع اكمل معاه

ام منعم عين العقل يا بنتى

@####_____

عند جاد كلم يونس والد اشرقت وحدد معاد معاه عشان يتناقشوا فى شغل وطلبيات المفروض يستلمها منه

@########

فى البيت عند يونس كانوا كلهم قاعدين بيتغدوا

يونس : اشرقت يا حبيبتي بكره جاد جاى الشركة هنتكلم في الشغل هو من العملا المهمين عندى تحبى تحضرى الاجتماع

اشرقت: اه طبعا يا بابا انا ماعنديش مشاكل مع اى حد منهم وجاد شخص محترم ماشفتش منه إلا كل خير

يونس : وانتى يا باسمه هتحضرى معانا

باسمه: إن شاء الله يا بابا هحضر

يونس على خيره الله

تانى يوم عند يونس فى الشركه قابل جاد واتكلموا فى الشغل فى حضور زيدان وجاد واشرقت وباسمه وطبعا ماختفاش على زيدان نظرات باسمه لجاد والعكس

يونس : يعنى كده المفروض ان بيجاد هيوردلى العجول بزيادة عشان اقدر ازود كمية الإنتاج

زيدان: اه ولو مقدرش يوفرهالك كلمنى وانا هديك الناقص لان عندى بزياده

يونس : طيب بيجاد مجاش ليه

زيدان: من ساعه الطلاق وهو مختفى وسايب شغله ليا انا وجاد اخوه

يونس : ربنا يقدم اللى فى الخير

جاد لاشرقت: حلو الابلكيشن ده مسهل اوى خروج ودخول الملفات محتاج واحد زيه الفتره دى تقدرى تدينى رقم المهندس اللى صممه

اشرقت بصت لباسمه بخبث : باسمه هى اللى عاملاه لو حابب تعملك واحد مش مشكله وتقولها الحاجات اللى محتاجها فيه وكده انا قاعدت معاها ووريتها الملفات وعرفتها طريقه الشغل اللى محتاجاها وهى نفذت

جاد اخد نفس وبص لباسمه : ايه رايك يا انسه باسمه تشرفينى في الشركه عشان اعرفك الابلكيشن اللى محتاج اعمله عايزه يحتوى على ايه

باسمه بارتباك وفرحه محاوله مدارتها : معنديش مشكله ممكن اعدى عليك بكره وأعرف نظام الشغل اللى محتاجة واعملهولك

جاد : اتفضلى الكارت بتاعى فى عنوان الشركه ورقمى الخاص

زيدان فى سره فينك يا دهبيه عايز اضحك مش عارف امسك نفسي

واتحجج انه عايز يدخل الحمام وسابهم وقام ودخل كلم دهبيه وحكالها وفضلوا يضحكوا

بعد ما خلص الاجتماع خرج زيدان وجاد وركب زيدان مع جاد ووصلوا البيت عند زيدان

دهبيه : تعالى يا حبيبي لسه معرفتش مكان علا ولا اخوك

جاد : لا لسه بس بيجاد موجود في مرسى مطروح لانه سحب فلوس من ماكينه سحب هناك

دهبيه : وهو راح لمين هناك

جاد : مش عارف يا ماما شكله بيغير حو وبيعيد تفكيره

زيدان: يارب يكون عقل

صحيح انا اخدت كل العجول اللى عند اخوك وسبتله الكميه اللى اللى محتاجها

جاد : طيب الفواتير

زيدان: جدع يطلع غلطه فى فاتوره او العدد

جاد : كده لو جه ممكن يقلب الدنيا

زيدان: هو اللى سايب شغله والمال السايب يعلم السرقه

@@@#########

تانى يوم الصبح باسمه اتصلت على جاد وراحتله واول ما دخلت لقت ايلا قاعده فى المكتب مع جاد و بيخلصوا شغل واضايقت جدا لانها لسه موجوده ولما ايلا شافتها بصتلها بقرف

ايلا : انتى ازاى تدخلى كده مش فى حاجة اسمها استاذان

باسمه : اولا مافيش حد بره ثانيا انا واخده معاد ثالثا انا خبطت قبل مافتح الباب واظن انا داخله مكتب فى شركة محترمه مش مكان تانى

جاد : مكان تانى ايه هو انتى قفشتينا بوضع مخل لامؤاخذه

باسمه: امال الانسه مش انسه برضو بتتنرفز عليا ليه كده

جاد : خلاص محصلش حاجه وانتى يا ايلا شوفى انسه باسمه تشرب ايه وانا فنجان قهوه

باسمه : مهندسه باسمه وعايزه عصير برتقال فريش

جاد : اتفضلي يا ايلا وهاتى اللى طلبناه

باسمه : اوف مستحملها ازاى دى

جاد : بتقولى حاجه

باسمه: لا ابدا يلا نبدا

وفعلا بدؤا شغل وجاد شاف اد ايه باسمه كبرت ومابقتش الطفله الصغيره وفعلا شاطره فى شغلها وشاف غيره جواها عليه وواضحه مقدرتش تداريها وقرر يربيهها شويه

جاد : تمام كده هو ده اللى انا محتاجه هيخلص امته بقى

باسمه: ممكن اسبوع

جاد : وهتاخدى كام

باسمه: انا بتعامل بالدولار والعادى تصميم الابلكيشن من ٥٠٠ ل ١٠٠٠ دولار بس عشان انت عم سند ممكن اعملك تخفيض

جاد: شكرا ليكى يا باشمهندسه باسمه وانا شايف ان السعر كويس من غير تخفيض

ايلا دخلت عليهم عشان تاكد مواعيد اجتماعات جاد

جاد : ايلا يلا عشان نتغدى بره وانتى كمان يا باشمهندسه تعالى اتغدى معانا

باسمه: بصت لهم بقرف : لا مبحبش ارمرم من اكل المطاعم بحب الاكل البيتى النضيف عند ازنكم وسابتهم ومشيت

جاد بص فى ساعته : ايلا الاجتماع التانى الساعه كام

ايلا : ٣.٣٠

جاد : مش هنلخق نتغدى للاسف ابقى اطلبلنا وجبات ويلا عشان نلحق نجهز للاجتماع

@@#######

عدى اسبوع وجه رد الشركه بإنهم موافقين على توريد الكمية المطلوبة كلها من شركه جاد وايلا اللى استلمت الايميل وكانت مصدومه وجاد كان شايفها فى الكام بتاعت المكتب وبيضحك عليها وسايبها لاخر لحظه تتصرف وتشوف هتعمل ايه

اتصلت ايلا بالشخص المجهول وقالتله ان الصفقه رسيت على جاد وده خلا الشخص المجهول يتعصب عليها ويطلب منها كل الفلوس اللى اداهلها وقفل معاها ورسمت بسمه مزيفه على وشها ودخلت لجاد عشان تباركله

ايلا : مبروك يا جاد الصفقه رسيت علينا مبروك

جاد : الله يبارك فيكى بس علينا اللى هما مين إسمها عليك ها عليك يا ايلا

ايلا : إنت ليه بتكلمنى كده

جاد : اصلى زهقت بصراحه وقرفت وكنت مستنى اللحظه اللى تشوفى فيها الايميل ده عشان اعرفك انتى كنتى بتتعاملى مع مين وبتحاولى تلعبى على مين وطلعتى خايبه و متفقه مع مين مع عواد هههههههههههه

طيب كنتى استنضفى ايلا بقت واقفه مصدومه ازاى عرف وامته قدر يغير الملف بقت هتتجنن ومعندهاش رد

جاد كمل كلامه : بصى يا ايلا انا مش متعود اخد حقى من نسوان بس صدقيني لو شفتك او لمحتك في طريقى هتخلى عن مبادئى وساعتها هتصرف معاكى ومش عايز اسمع منك حرف واتفضلى اطلعى بره ولو حاولتى تتكلمى او تببررى هطلبلك الامن يرموكى في الشارع يلا من غير مطرود

بعديها بيوم كانت باسمه خلصت الابلكيشن وكلمت جاد عشان تروحلها ولما راحت لقت سكرتيره تانيه استغربت جدا وطلبت منها تدخل لجاد وفعلا دخلتها على طول

باسمه: صباح الخير

جاد : صباح النور اتفضلى

باسمه: هى علا فين

جاد : ……..

ها نجماتى رايكم بحب اسمعه

رواية ولاد المعلم الحلقة الثالثة عشر

باسمه: ايه ده امال التانيه راحت فين

جاد : مشيت

باسمه بفرحه لم تستطع مدارتها : بجد مشيت ليه

جاد بصلها بصه طويله : بجد هتفرق معاكى

باسمه بارتباك لانها كشفت نفسها : لا عادى بس هى كان دمها تقيل فى ناس كده الواحد مابيرتحش في التعامل معاهم

جاد : لحد امته

باسمه : لحد امته ايه ؟؟؟

جاد : هتعاندى معايا

باسمه: انت اللى بتعاند مقدرتش خوفى وان يحصل معايا زى ماما لما بابا قعدها من الكليه عشان تربينا وقالها ولادك اولى من الكليه نفس اللى عملوا باباك مع مامتك لما رجعت تكمل تعليمها بعد ما خلفتكم خلاها تقعد ماتكملش

جاد : ليه مواجهتنيش بمخاوفك دى وانا كنت بحاول اوفرلك كل سبل الامان انى هخليكى تكملى تعليمك وقلتلك هخليكى شريكه معايا وده مهرك انتى عملتى ايه فضلتى تكابرى ومصممه تمشى رايك عليا

باسمه: مكنش قصدى صدقنى الخوف كان متملك منى

جاد : طيب ليه لبستى النقاب

باسمه : سكتت

جاد : اقولك انا لما اخدتى بالك منى انى باجى واشوفك واطمن عليكى من بعيد لبستيه عشان لما ماشوفكيش اجرى اتصل اطمن عليكى وترضى غرورك صح

باسمه: الاول كان صح بس مش عشان ارضى غرورى عشان اصالحك واحاول اوصل معاك لحل وسط بس بعد كده لبسته عن اقتناع

جاد : اه طبعا غرورك منعك تتصلى بيا تراضيني وانتى عارفه وقتها انى كنت هرجعلك بس ازاى تتصلى لازم تتمسكى برايك لاخر لحظه يمكن انا اللى اتنازل واجى على نفسى وانفذلك كل رغباتك صح

باسمه كانت واقفة ساكته مش عارفه تبرر ولا ترد لانها فعلا معندهاش مبرر

جاد : عارفه يا باسمه انتى لو كنتى بتصدقينى وتثقى فيا كنتى عرفتى انى اد كلمتى وكنت هسيبك تكملى تعليم وشغل للكن للأسف انتى ماوثقتيش فيا وكنتى شايفانى عيل وهرجع فى كلمه ادتهالك بس من غير ما تبررى انا ابويا وابوكى من الاول واضحين وماكنش فارق معاهم تعليم مراتتهم وعلى فكره هما خيروهم وهما اختارونا ودى تضحيه نشيلهالهم العمر كله

جاد : هاتى يا باسمه الابلكيشن عشان نكمل شغل ورينى

باسمه: حاضر اتفضل وكانت بتعيط ومش قادرة توقف عياط وجاد كان قلبه بيتقطع عليها بس هى اللى اختارت

جاد : تمام يا باشمهندسه باسمه الشغل ممتاز يستحق اللى هيدفع فيه اتفضلى واداها ظرف

باسمه: ايه ده

جاد: اللى اتفقنا عليه ال ١٠٠٠$

باسمه : شكرا واخدت الظرف ومشيت بدون اى كلمه

وجاد وقف فى شباك مكتبه يتتبع اخر أثر ليها

وبيكلم نفسه : لازم اعمل كده عشان تحسى بقمتى ومتغلطيش تانى نفس الغلط

عند باسمه : كانت خارجه بتعيط من عند جاد وحاسة انها خسرته بخوفها

“”””____”””””””

عدى شهر بدون احداث جديده غير ان جاد ركز جدا في شغله ودخل موردين جداد عشان يزود نسبه الموردين

وعلا صحتها اصبحت أفضل بفضل ام منعم

“”””””____&&

عند بيجاد رجع اخيرا وكان باين على ملامحه الإجهاد والتعب

دهبيه : ايه ده مالك يا حبيبي خاسس ليه كده مكنتش بتاكل ولا ايه

بيجاد : انا تعبان جدا يا ماما ومحتاج ارتاح

بقولك فين جاد

دهبيه : قال انه جاى انهارده يتغدا معانا

بيجاد: لما يجيى صحينى

دهبيه : ماشى خش ريح شويه على ما اجهز الغدا

“”””

دخلت دهبيه كلمت زيدان وعرفته انه جه وقالتله شكله عامل ازاي وبعدين اتصلت على جاد

دهبيه : الو يا جاد اخوك جه

جاد: اخيرا ظهر

دهبيه : اه وشكله يصعب على الكافر وخاسس خالص

المهم انا بقولك لما تيجى اوعى تعرفه انك عرفت مكان علا زى ما اتفقنا

جاد : لا متقلقيش مش هقوله حاجه

دهبيه : وهى عامله ايه دلوقت

جاد : صحتها بقت احسن

دهبيه : عايزه ابقى ازورها وكويس انك قدرت تقنعها ترجع هنا تانى

Flash back

الحارس: جاد باشا عرفنا مكان مدام علا

جاد: هى فين

الحارس: فى اسيوط فى قريه هناك قاعدة مع ست غلبانه اسمها ام منعم

جاد: ابعتلى اللوكيشن واوع تشوفك او تحس بحاجة

وفعلا جاد اخد العنوان وسافر ليها وقابلها هناك وعلا اتفاجئت بيه

جاد : مساء الخير ممكن ادخل

ام منعم: مين يا علا

علا : ده جاد يا ماما اخو بيجاد

ام منعم قامتله : اهلا وسهلا يا ابنى اتفضل

دخل جاد: كده يا علا تختفى انا مش اخوكى برضو ليه مالجأتليش

علا : انت عرفت مكانى منين

جاد: انا بدور عليكى من ساعت ما اختفيتى واول ماعرفت مكانك سبت كل حاجه وجيت

علا : كتر خيرك واخوك فين وليه هو اللى مدورش

جاد: لانه اختفى يوم ماختفيتى ومش عارفين نوصله لحد دلوقتي

علا : لا كتر خيره الصراحه بدل ما يدور عليا ويعرف مكانى ويسيب تليفونه مفتوح لحسن يكون حصلى حاجه واكون كلمته استنجد بيه بيختفى معايا من غير ما يحاول يدور عليا

جاد : انا مقدرش اقول حاجه لانى معرفش غير انه طلق اشرقت واختفى يومها

علا : اه قول بقى كده اختفى عشان مقهور على طلاقه من اشرقت طيب بص يا جاد انا كده كده كنت ناوية اجيلكم او اكلمكم عشان اعرفكم مكان. لكن طالما انت عرفت مكانى مبقاش ليها لازمه اروحلكم انا دلوقتي خلاص اكتفيت ومابقتش عايزه اى حاجه غير الطلاق

جاد : صدقيني يا علا المره دى مختلفه وانا مش هقولك اصبرى زى كل مره انما انا جاى اعرفك اانى عرفت بابا وماما كل حاجه وهما عايزين يشوفوكى ويكلموكى ويفرحوا بحفيدهم وزعلانين من نفسهم على موقفهم معاكى

علا : كل ده متأخر انا مش عايزه غير ورقة طلاقى ويوم ولادتى حد منكم يكون موجود عشان لو جرالى حاجه البيبى مايكنوش لوحده

جاد : بعد الشر عليكى يا علا بصى انا جبتلك شقه قريبه مننا تيجى تقعدى فيها محدش عارف مكانها عشان لو حصل ولاده او حاجه نقدر نجيلك بسرعه وتبقى جمبنا

انتى والنونو و عد بيجاد مش هيعرف مكانك الا لو انتى قولتيله

علا : واهلك

جاد : صدقيني كلهم فراحنين بالنونو ونفسهم يشوفوكى وبيدوروا عليكى معايا كمان

علا : بصت لام علا وهزتلها دماغها بمعنى روحى

علا . انا مش هقدر امشى من هنا واسيب ام منعم لوحدها دى وقفت معايا جامد وجمايلها مغرقانى

جاد: هاتيها معاكى وان ماشلتهاش الارض اشيلها فوق راسى

علا لام منعم : انا مش همشى من هنا غير وانتى معايا

ام منعم : مقدرش اسيب اهلى وناسى

علا : منا كمان اهله

جاد:طيب خليكى معاها لحد الولاده عشان ماتقعدش لوحدها

بعد محايلات كتيره وافقت ام منعم تروح مع علا على الاقل لحد الولاده وفعلا كلهم مشيوا ووداهم جاد شقه جميله جدا فى كمبوند راقى وكمان بعت اللوكيشن لابوه وامه عشان يروحوله على هناك وفعلا زيدان ودهبيه راحوا لعلا فى شقة جاد

وعلا اتصدمت بوجودهم دهبيه اول ما شفتها حضنتها هى وزيدان ورحبت بيها وعلا بصت لجاد بلوم

زيدان فهم بصه علا

زيدان: على فكره يا بنتى انا مش راضي عن اللى ابنى عمله واوعى تكونى فاكره انى هقف فى صفه بالعكس اعتبرينى ابوكى اللى هيجبلك حقك

دهبيه : ايوه طبعا ابوكى بيتكلم صح وصدقينى احنا فى صفك انى واشرقت انتوا مالكوش زنب ابدا

علا رجعت حصنتهم وعيطت ودهبيه وهى حضناها قالتلها بخبث وانتى كمان لازم تاخدى حقك

علا : ازاى وانتى اللى بتقولى كده

دهبيه : اه طبعا انا مع الحق وعندى بنت واخاف يتردلها لو ظلمتك

علا : طيب اخد حقى ازاى

دهبيه

انا بكتب الفصل وانا مجهده جدا بس مش خساره فيكوا كفايه تفاعلكم معايا وسبب التاخير انى لما كتبت اكتر من نصه الفون هنج ورستر ورجع مسح اللى كنت كتباه عشان كده يعتبر عدته تانى

يتبع

لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم

الحلقه الاولى من هنا

الحلقه الثالثه والرابعه من هنا

الحلقه الرابعه من هنا

الحلقه الخامسه والسادسه والسابعه من هنا

الحلقه الثامنه والتاسعه والعاشره والحادىه عشره والثانية عشرة والثالثة عشره من هنا

اللي بيحب الروايات الكامله والحصريه من هنا 👇 ❤️ 👇

روايات كامله وحصريه

❤️🌺🌹❤️🌺❤️🌹❤️🌺🌹❤️🌺🌹❤️🌺🌹❤️🌺🌹🛺🛺🛺🛺🛺

الصفحه الرئيسيه للروايات الجديده من هنا

جميع الروايات الحصريه والكامله من هنا