رواية أولاد المعلم الحلقه الثانيه والثالثه بقلم الكاتبه أماني سيد حصريه وجديده على مدونة النجم المتوهج للروايات والمعلومات
 |
رواية أولاد المعلم الحلقه الثانيه والثالثه بقلم الكاتبه أماني سيد حصريه وجديده على مدونة النجم المتوهج للروايات والمعلومات
جاد : ماما اعملي حساب ايلا على الغدا
دهبيه : وماله 😬😬😬 اعمل حسابها طبعا تنور المهم انك متتاخرش
جاد: حاضر يا ست الكل مش هتاخر انا
بعد شويه عند دهبيه نزلت اشرقت عشان تساعدها
دهبيه : يا اهلا يا اهلا الشمس اشرقت بدخول اشرقت وسند بيه
اشرقت: ازيك حضرتك يا طنط انا حبيت انزل بدرى عشان لو محتاجه مساعده
دهبيه : منحرمش منك يا حبيبتي عندى البنات جوه بتساعدنى لكن لو حابه تشاركى معانا وتسلى نفسك فيلا بينا
دخلت اشرقت ودهبيه المطبخ لتجهيز الغدا وبعد شويه الباب رن وكانت وجد
دهبيه : اهلا يا قلب امك عامله ايه
وجد : بخير الحمدلله على كل شيء
دهبيه : خشي كده غيري هدومك وتعالي حضري معانا الغداء اشرقت مرات اخوكى جوه في المطبخ تعالي اقعدي معانا انا وبليل لينا قاعده مع بعض
وجد : حاضر يا ماما
بصتلها دهبيه وهي ماشيه وهزت راسها بضيق واعتراض
وجد دخلت تساعدهم وجهزوا كلهم الغداء واشرقت سابتهم وطلعت عشان تلحق تجهز نفسها قبل جوزها ما يرجع وسابت ابنها لحماتها
دهبيه لوجد : مش هتقومي يا وجد عشان تلحقي تظبطي نفسك كده قبل جوزك ما يرجع
وجد : مش مستاهله هو كده كده عارف شكلي هما قبل ما يجوا بحاجه بسيطه هدخل اغير هدومي واطلع على طول
دهبيه بصتلها بضيق : قومي يا وجد اتزوقي كده والبسي حاجه حلوه من هدومك القديمه اللي انت سايباها هنا
وجد : مش فارقه كتير يا ماما ما حدش غريب جاي
دهبيه : قومي يا حبيبتي ما تتعبنيش معاكي
وجد : حاضر يا ماما
عند جاد في الشركه
جاد : ها يا ايلا عرفتى عازمك فين
ايلا : انا جبت كل الاماكن مابقاش باقى غير الشركه هنا المكان الوحيد كل اما اقولك على مكان تقولى لا
جاد : لا يا ستى مش فى الشركه عندنا في البيت ماما عزمانا على الغدا وفرصه كمان عشان تتعرفى عليها وعلى اخواتى وبابا
ايلا : ايه ده بجد طيب احلف
جاد : هههههههههههه اه يا حبيبتي ايه رايك في المفاجاه دى
ايلا : اهلى مفاجاه وفرصه عشان اتعرف على مامتك واقدر اخليها تحبنى
جاد : إن شاء الله لما تعرفك تحبك
عدا بعض الوقت ووصل بيجاد الشقه بتاعته اول ما دخل كانت اشرقت لابسه ومجهزه نفسها وكان شكلها حلو زى العاده
بيجاد : ايه يا شو شو جهزتى عشان ننزل
اشرقت: اه يا حبيبي منتظراك
بيجاد: امال فين المفعوص الصغير
اشرقت ماتقولش عليه كده ده جميل
بيجاد: دانت اللى جميل 😉😘
اشرقت: عيب يلا بقى عشان ما نتاخرش
بيجاد يلا يا ستى واثناء نزولهم جاتله رساله
بيجاد: اشرقت اسبقينى انتى وانا هدخل الحمام وانزل وراكى
اشرقت: طيب استناك
بيجاد: لا يا حبيبتي مش مستاهله
دخل بيجاد الشقه وقرا الرساله
( مبروك يا احلى بابا وانتظر المفاجاه 😘😉)
جه يتصل بيها لكن تليفونها مقفول بيجاد فى سره . اه يابنت ال ….
عمل التليفون صامت ونزل عند باباه عشان مايتاخرش عليهم وأثناء نزوله كان سامع حديث اشرقت مع اهلها
رواية أولاد المعلم الحلقه الثانيه والثالثه بقلم الكاتبه أماني سيد حصريه وجديده على مدونة النجم المتوهج للروايات والمعلومات
باسمه: ازيك يا شوشو وحشتيني اوى انهارده مش هسيبك غير ما تروحى معانا وتقعدى معانا يومين تلاته
هنا بيجاد اتدخل وراح حط ايده على كتف اشرقت وقال
: ولا نص ساعة حتى انا مقدرش استغنى عن اشرقت وحشاكى تعالى انتى اقعدى معاها زى ماتحبى مش بس يومين تلاته
ام اشرقت : يا سلام لأ طبعا هى وحشانا كلنا سبهلنا كام يوم نشبع منها
دهبيه : إلا اشرقت مقدرش يعدى يون من غير ما اشوفها تعالوا انتو اقعدوا معانا
ام اشرقت: صعب انت عارفه يونس مستحيل يوافق وبعدين اشرقت بعدها عننا مضايقني قوي
زيدان : طيب العماره اللي قدامنا فيها شقتين فوق بعض للبيع ايه رايك تيجي تشوفها ولو عجبوك انقلوا هنا والكومباوند هنا حلو وهادي وهتبقى جنب بنتك وشوفها في وقت ما تحب
يونس : انا شايف ان المكان هنا حلو نشوفها ولو عجبتني نتكل على الله واعتقد ان ام اشرقت هتعجبها الفكره عشان هتكون جنب بنتها
بيجاد: ان شاء الله تكون من نصيبكوا وتعجبكم وبالمره اشرقت تبقى قدامكم طول الوقت وما تضطرش تبات بره البيت ساعه
كانت اشرقت مبسوطه قوي وحب اهلها وجوزها ليها واثناء جلوسهم وحديثهم دخل جاد وعلا
دهبيه : اهلا يا حبيبي حمد لله على السلامه جيت في ميعادك
جاد : الحمد لله يا ماما الله يسلمك
دهبيه : 😒 😏😏 اهلا يا ايلا ا يا حبيبتي عامله ايه
ايلا : الحمد لله يا طنط انا بخير مبسوطه اني اتعرفت عليكى
زيدان: ازيك يا ايلا يا حبيبتي منوره البيت
ايلا : منور باصحابه يا عمى
دهببه : بقو لك يا وجد كلمي جوزك وشوفيه فين عشان عايزين نتغدى
وجد : حاضر يا ماما هكلمه
اتصلت وجد بابيل
: الو انت فين كلنا مستنيينك عشان نتغدا اتاخرت ليه كده
: افتحى الباب انا خلاص وصلت قدامه اهو
فتحت وجد الباب واستقبلت ابيل
ابيل : ايه ده انتى وجد ولا شبهها
وجد : لا انا يا خفيف ايه الجديد يعنى مناخيرى اتحركت شويه ولا عينى طلعت فوق انا هو انا
ابيل : اهدى اهدى خلاص بس لابسه شيك وميكب حلو قلت لنفسي يمكن الدلع ده ليا
وحد : ضحكت على كلامه طيب ادخل ادخل
عدى وقت الغداء ما بين ضحك وهزار وجو مليء بالدفء والقلق عند بعض الناس والحيره عند البعض الاخر واثناء الغدا
بيجاد: صحيح يا باسمه الابلكيشن اللي انتى عملتيه للجيم رائع جدا صاحب الجيم بيشكر فيكى قوي قوي سهلتي عليه حاجات كثير وعليا انا شخصيا
باسمه: طب انا مبسوطه بكلامك ده كويس ان انا عملت حاجه فادتكوا
بيجاد: الا فادتنا ده انا الاول على ما كنت احجز الفيتامينات بلاقيها يا اما خلصت يا اما بقت كميه قليله انما دلوقتي متابع كل حاجه اول باول وبطلب كمان الحاجه اون لاين وبلاقيها على طول مش بلاقيها بالصدفه زي الاول
دهبيه : صراحه يا يونس بناتك اخلاق وتربيه وذكاء ربنا يبارك فيهم
رواية أولاد المعلم الحلقه الثانيه والثالثه بقلم الكاتبه أماني سيد حصريه وجديده على مدونة النجم المتوهج للروايات والمعلومات
ايلا كانت قاعده متضايقه جدا من كلامهم وان دهبيه متجهلاها ومتضايقه اكتر من مدحهم لباسمه وخايفه تكون امه عايزه تجوزها لجاد ساعتها هى هتكون خسرت اللى بتحاول توصله من زمان فحاولت تدخل وتجمل نفسها وتقلل من باسمه
ايلا : صحيح يا باسمه هو انتى بتشتغلي من البيت ليه ما لقيتيش مكان مناسب او شركه مناسبه تشتغلي فيها عشان كده بتشتغلي من البيت
باسمه بثقه : ومين قالك ان انا مش بشتغل مع شركات كويسه عن طريق البيت انا مبسوطه بشغلي كده على الاقل بشتغل في الوقت اللي بيعجبني مع الناس اللي بتعجبني مش حد مفروض عليا
ايلا : بس اعتقد ان النقاب عامل حاجز فى شغلك ليه ماتقلعيهوش انتى لسه صغيره عليه والإنسان مش بشكله
باسمه : ايلا انتى مش محجبه صح
ايلا : اه بس انا بلبس لبس محترم
باسمه : ايه رايك لو تلبسى الحجاب
ايلا : لا دى حريه شخصيه
باسمه : طيب ليه كلامك مش متركب هو خلع النقاب فرض وخلع ولبس الحجاب حريه انا حره البسه اقلعه انا حره والانسان اللى بيرفض يتعامل معايا عشان لبسى مع ان ده محصلش انا مش هبقى عايزه اتعامل معاه لانه بيكون سطحى وبيبص للبس والمظهر مش الجوهر
ايلا سكتت ومكنتش عارفه ترد والباب خبط وزيدان فتح الباب وبيجاد اتفاجئ بعلا 😱😱
بيجاد : علا
علا : معلش يا بيجاد نزلت من البيت بدون ازنك
دهبيه : وانتى تستاذنيه ليه هو ماله
علا : يمكن عشان مراته وابو ابنى او بنتى
بيجاد كان على اخره وبيبص لاشرقت قلقان من رد فعلها
دهبيه : ايه الجنان ده اشرقت مرات ابنى الوحيده ايه اللى بتقوليه ده
علا : اسالى ابنك وهو ياكدلك كلامى
كلهم بصوا لبيجاد مستنيينه يتكلم
اشرقت مسكت اعصابها وقالت : ……
رد فعل اشرقت ايه يا ترا 🤔🤔🤔
رواية ولاد المعلم الحلقة الثالثة
اهل اشرقت: صحيح الكلام ده يا بيحاد متجوز على اشرقت
بيجاد واقف ساكت وده اكد كلام علام
اشرقت: ايوه يا جماعه الكلام ده صحيح وانا على علم بيه
ام اشرقت: وليه ترضيها على نفسك ليه وافقتى بحاجة زى دى
بيجاد كان واقف مصدوم من رد فعل اشرقت اكتر من صدمته في علا
اشرقت: هو حكيلى كل حاجه يا ماما لو سمحت دى حاجة خاصه ومش حابه انى اتكلم فيها
يونس بص لبنته وحاسس ان فى حاجة ومحبش يتسرع في اى كلام قبل ما يفهم كل شيء الاول وهو واثق فى تفكير بنته فقرر ينسحب ويكلمها بعدين
يونس : هستاذن انا دلوقتي يا زيدان عن ازنكم وراح لبنته يسلم عليها وهمسلها لينا قاعده مع بعض وهسبلك مساحتك اللى طلبتيها
اشرقت بصتله بامتنان انه سابلها مساحه
ام اشرقت: نمشى ايه قبل مافهم ازاى يتجوز على بنتى وازاى هى تقبل على نفسها كده انا بنتى مش قليله
دهبيه : رد اشرقت حيرها وهى من جواها متاكده انها بتدارى على ابنها وبصت لزيدان اللى شكله كان عارف
ام اشرقت مشيت ورا زيدان من غير ولا كلمه ومسلمتش على حد
اما باسمه حست باختها وان فى حاجة وحبت تطمنها واحت حضنتها وهمستلها
باسمه: مع السلامه حبيبتي وانا معاكى فى اى قرار هسيبك دلوقتي واول ما تعرفى تكلمينى اتصلى بيا على طول وانا اجيلك
اشرقت: شكرا يا باسمه
جاد : طيب يلا ايلا عشان اوصلك قبل الوقت ما يتأخر
ايلا فهمت انه بيوزعها وخرجوا ومشيوا وابيل استاذن ومشى عشان يبقوا براحتهم ووجد فضلت قاعده عشان تعرف السبب اللى يخلى بيجاد يتجوز واحده على اشرقت كلهم مشيوا معادا زيدان ودهبيه واشرقت وعلا ووجد ودهبيه نادت على عزه عشان تاخد الاطفال وتعد بيهم فى الاوضه عشان يعرفوا يتكلموا
دهبيه : انا عايزه اعرف من امته وكل حاجه بالظبطت
وبصت لاشرقت وقالتلها انا عارفه انك مكنتيش تعرفى حاجه وداريتى عليه بس من حقى اعرف من امته وانت متجوز
اشرقت : لو سمحت يا بيجاد انا عايزه اتكلم معاك لوحدنا
دهبيه لسه هتتكلم زيدان مسكها من ايديها وقلها انا هفهمك سبيهم يتكلموا وبص على
بيجاد: حاضر يا اشرقت وبص على علا وانتى يا علا ليه حساب تانى معاكى اتفضلى زى ما جيتى لوحدك روحى لوحدك
علا حست بغيظ من كلام بيجاد وهى كانت متوقعه انهيار اشرقت وطلبها للطلاق وتكون نفذت اللى فى دماغها وبيجاد يرجعلها لوحدها تانى لكن حست ان اشرقت مش ساهله ومدتهاش فرصه للاسف انها تنتصر عليها وسابتهم ومشيت وهى على وشها ابتسامه خبث ومقدرتش تتكلم في حاجه لانها مكنتش متاكده ان كانت فعلا أشرقت تعرف حاجه ولا لأ فانسحبت بهدوء
طلع بيجاد واشرقت شقتهم عشان يتكلموا
اشرقت : بدموع اتجوزت عليا من امته يا بيجاد وازاى محستش بده
بيجاد: عشان انا متجوزتش عليكى
اشرقت بتبريقه : امال ايه قصدك ان انا الزوجة التانيه 😢
بيجاد بص فى الارض : لأ برضو مش التانيه
اشرقت : امال ايه لا الاولى ولا التانيه امال ايه ماشى معاها فى الحرام
بيجااد : لا لا لا اتجوزتكم في نفس اليوم
اشرقت رجعت بصدمه بضهرها لورا 😰😰
: ليه طيب ليه تعمل كده بتحبها طيب لو بتحبها اتجوزتنى ليه
بيجاد باصص في الارض وخايف يتكلم لانه لو قالها الحقيقة هيخسرها بجد
اشرقت: ساكت ليه اتكلم ليه ليه
بيجاد: طيب اشرقت انا هتكلم بس اوعدينى انك متسبنيش
اشرقت بصتله بوجع : لا انت هتتكلم وانا مش هوعدك بحاجه اوعى تكون فاكر عشان مرضتش احرجك تحت قدامهم بانى موافقه وانك تحطنى قدام الامر الواقع
لا انا عملت كده عشان ابنى وعشان انك فى الاول والاخر ابو ابنى وعشان مايجيش في يوم أهلى مايحبوش ابنى لمجرد انه ابنك وشبهك
بيجاد: …
@@@@@@@@
عند زيدان ودهبيه
دهبيه : زيدان انت من امته وانت عارف انه متجوز
زيدان: وانا بستلم قسيمه جوازه من اشرقت المكتب ادانى قسمتين وساعتها عرفت
دهبيه : معقوله اللى بسمعه ده
زيدان: لان ببساطه ابنك متجوز الاتنين فى نفس اليوم وكان متفق مع الماذون انه مايجبش سيره واللى ادانى الظرف موظف هناك عشان كانوا القسمتين موجودين في ظرف واحد
دهبيه : طيب وانت ايه اللي خلاك تروح تجبهم
زيدان: عشان يونس طلب منى نسخه من القسيمه عشان كان محتاجها
دهبيه : طيب وليه اتجوز علا دى
زيدان: لما سالته قالى انه بيحبها
دهبيه : ولما بيتنيل ويتزف. ت وبيحبها بيتجوز اشرقت ليه
زيدان: عشان الشغل
دهبيه: 😏😏 وهو انتوا محتاجين فلوس ولا وساطه
زيدان : صدقينى يا دهبيه انا كنت هتكلم اكتر من مره وكل مره تحصل حاجه تخلينى ااجل اول مره اشرقت حملت خفت على صحتها جيت لما ولدت كلمته قالى استنى شويه دى لسه نفسه اتكلمت معاه تالت لقيته بيقولى ادينى فرصه انا ابلغها بنفسى سبتله مساحه عشان مايرجعش يقول اننا السبب
دهبيه : طيب ليه مقولتليش
زيدان: اولا انا مش فتان ثانيا ابنك مش صغير سبيه يتحمل نتيجة أخطاءه
دهبيه : عندك حق بس خد بالك انا فى صف الحق والحق مع اشرقت
زيدان: اهم حاجه ابنك هيكون في صف مين
دهبيه : 😒😒😒 انا رايحه لوجد اقعد معاها شويه
رواية أولاد المعلم الحلقه الثانيه والثالثه بقلم الكاتبه أماني سيد حصريه وجديده على مدونة النجم المتوهج للروايات والمعلومات
@@@@@@
عند جاد ايلا
جاد : ايه يا حبيبتي بتفكرى فيه
ايلا : ولا حاجه بس اللى حصل عندكم غريب شويه ازاى اشرقت عارفه ان جوزها متجوز عليها وساكته
جاد : هى مكنتش عارفه واتفاجئت بس مرضيتش تحرجه قدامنا
ايلا : صراحه موقفها غريب والحق كله كان معاها
جاد : تفكير الناس عكس بعض
ايلا : وانت كنت عارف
جاد : انا كنت شاهد على الجواز
ايلا : 😳😳😳 طيب وليه اتجوزها
جاد : عشان بيحبها
ايلا : طيب واشرقت
جاد : وضع اجتماعى وتسهيلات وشغل حاجات كتير جواز اشرقت من بيجاد فتحلنا مجالات كتير معارف باباها ساعدونا اننا نبقى رقم واحد فى التصدير لبره
ايلا : وانت ممكن تعمل زيه
جاد بصلها : مش عارف بس انا عازر بيجاد
ايلا : يعنى انت ممكن تتجوز عليا في يوم عشان المصلحه
جاد : لا انا بحبك وعايزك ويوم ما اسيبك هسيبك يا اما عشان بطلت احبك او حبيت واحده تانيه
ايلا : بصت لجاد وده خلاها تقلق اكتر من انه ممكن يغدر بيها وبتفكر ازاى تأمن نفسها منه
@@@@@@@
عند دهبيه ووجد
دهبيه : ممكن ادخل
وجد : اه اتفضلي يا ماما
: صحيح يا ماما معقول بيجاد العاقل يعمل كده
دهبيه : انا لحد دلوقتي تحت الصدمه الله يعنها اشرقت
: خلينا فيكى انتى دلوقتي فين وجد
وجد : انا اهو يا ماما
دهبيه : لا دى مش وجد دى واحده عجوزه عندها ٨٠ سنه
وجد : ايه الكلام ده يا ماما
دهبيه : بصى يا وجد انتى حلوه وبتتعاملى من المنطلق ده فاهملتى فى نفسك احنا طول الوقت بنفكرك بيه خلينى اسالك كام سؤال
: بتصحى امته
وجد : مع ابنى وبنام معاه
دهبيه : مين بيفكر جوزك
وجد : ايه يا ماما هو كبير بيعرف يفطر نفسر
دهبيه : اخر مره جبتى حاجات خاصه امته
وجد : اللى جبناها في جهازى
دهبيه : اخر مره عملتى ميكب فى البيت امته
وجد : انهارده
دهبيه : قبلها
وجد : وانا رايحه اولد
دهبيه : بصى يا وجد يا حبيبتي فى فتره بتمر بعد الولادة اسمها اكتئاب ما بعد الولادة الفترة دى بتصيب ناس كتير بعد الولادة والست لو ماخدتش بالها بتخسر كل حاجه حتى نفسها وبدل ما يبقى اكتئاب ما بعد الولادة بيبقى اكتئاب حاد بعد كده وممكن يوصلنا لاماكن احنا ممكن نتفاداها من دلوقتي
انا مش هقولك ان جوزك صح لا جوزك غلط ومستحملكيش ومابهكيش بحاجه هو من غير ما يتكلم معاكى راح يبص بره ويشوف الناقص فى بيته عند غيرك
وجد : طيب اعمل ايه انا حاسه نفسى تايهه
دهبيه : بصى يا ستى
يتبع
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
اللي بيحب الروايات الكامله والحصريه من هنا 👇 ❤️ 👇
❤️🌺🌹❤️🌺❤️🌹❤️🌺🌹❤️🌺🌹❤️🌺🌹❤️🌺🌹🛺🛺🛺🛺🛺
الصفحه الرئيسيه للروايات الجديده من هنا
جميع الروايات الحصريه والكامله من هنا
انضموا معنا علي قناتنا بها جميع الروايات على تليجرام من هنا
❤️🌺🌹❤️🌺❤️🌹❤️🌺🌹❤️🌺🌹❤️🌺🌹❤️🌺🌹🛺🛺🛺🛺🛺
تعليقات
إرسال تعليق