اسكريبت المريضة العنيدة بقلم سما عادل الفصل الاول حصريه وجديده على مدونة النجم المتوهج للروايات والمعلومات

 اللهم صل وسلم وبارك على نبينا محمد وعلى آله وصحبه أجمعين 

سبحان الله وبحمده سبحان الله العظيم 

اسكريبت المريضة العنيدة بقلم سما عادل الفصل الاول حصريه وجديده على مدونة النجم المتوهج للروايات والمعلومات 

اسكريبت المريضة العنيدة بقلم سما عادل الفصل الاول حصريه وجديده على مدونة النجم المتوهج للروايات والمعلومات 

بتتكلم جنة وهي متعصبة اوي من صحبتها دعاء 

و بتقول: 

بت هضربك و احط المياه السخنة عليكي بس بجد يا دعاء حطي كيس الشطة كله

دعاء وهي بتبص ليها بقرف: 

لا احط كله ازاي حد قال لك اني شايلة المعدة حطي انتي

جنة بتمسك الطبق بتاعها و بتقرب من دعاء وهي على وشها ابتسامة شريرة:

دودو ايه رايك اسيب الطبق عليكي

دعاء وهي بتقوم من مكانها: 

لا لا انتي كيوت مش هتعملي كده انا عارفة خلاص اقعدي كده و هعمل زي ما تقولي

جنة بتقعد تاني وقالت: 

حطي كيس الشطة كله زي ما عملت و كمان معلقتين من الشطة دي

دعاء: 

ما تهزريش ما كفاية الشطة اللي مع الاندومي ده اندومي كوري يا مفترية انا اللي غلطانة اني قولت عايزة اجرب الاندومي ده 

جنة هزت رأسها بالمواقفة وقالت: 

اه انتي غلطانة حطي بقي و خلصي الاندومي هيبرد و اعملي حسابك هتدفعي معايا حق الكهربا انا مشغلة التكيف

دعاء بصدمة: 

لا جدعة يا صحبتي و ادفع حق اني قاعدة في بيتكم بالمرة

جنة: 

لا لا متخافيش دي من غير فلوس اقعدي براحتك

دعاء: 

حنينة اوي

جنة: 

يلا بقى نبدا التحدي و ممنوع تشربي في نص التحدي او تاكلي زبادي يلا ابداي

دعاء لنفسها: 

ايه اللي انا عملته في نفسي ده انتي بت مفترية

دعاء قالت لنفسها كده و بدات تاكل الاندومي اللي طبعا كان حراق جدا

بعد عشر دقايق كانوا البنات خلصوا الاندومي وقالت جنة وهي مش قادرة تتكلم من كمية الشطة اللي اكلتها

جنة: 

مش قاردة حاسه بنار في معدتي انتي السبب يا دعاء انتي السبب

دعاء: 

انتي السبب مش قولتي محدش يشرب في نص التحدي و ماحدش قال لك توافقي و نحط الكيس كله يا مفترية

جنة: 

الفكرة فكرتك يا باردة

دعاء بتقوم من مكانها وبتقول وهي بتمشي عند الباب: 

انا همشي 

جنة: 

اقعدي و نامي هنا و امشي الصبح على الشغل

دعاء: 

مش قاردة بوقي مولع نار 

جنة: 

اقعدي بقى مش قادرة اتكلم 

و بتقعد دعاء تاني 

تاني يوم بتقوم دعاء على صوت المنبه و بتصحي جنة

دعاء:

قومي يلا يا جنة هنتاخر على الشغل

جنة ما ردتش عليها وكملت نوم

دعاء: 

بت قومي الشغل شكلك هيكون ايه قدام الطلاب لما المس تروح متاخر

جنة ما ردتش عليها و دعاء جابت معجون الاسنان و حطته على وش جنة 

دعاء: 

قومي بقى يا قمر عشان تغسلي وشك 

جنة اخدت مناديل و مسحت وشها وقالت بعصبية 

جنة: 

يا باردة لو بشرتي اللي زي  الاطفال دي حصل ليها حاجة هتاكلي اندومي كوري تاني و المرة دي لوحدك 

دعاء: 

معلش مستحيل يا قلبي هو انا معدتي هتستحمل اصلا انا مش باكل الشطة وانتي عارفة

جنة:

مش مشكلتي مش انتي عملتي كده في بشرتي السكر

دعاء: 

بت قومي هنتاخر على الشغل

جنة: 

مش هروح مش قادرة روحي انتي بس عشان معاد الشغل قرب 

دعاء: 

حاضر هروح بس انتي مالك انتي كويسة

جنة: 

مافيش روحي انتي بس الشغل

دعاء كانت عارفة انها مستحيل تقول حاجة في وقتها لازم تقولها بعد فترة عشان كده راحت عند الباب و نزلت وهي في طريقها للمدرسة 

و جنة بتكمل نوم

•••••••

في مكان تاني

بيدخل شاب في بداية العشرينات الاوضة و بيروح عند سرير اخوه و بيقعد على طرف السرير وبيقول

محمود: 

شهاب قوم الساعة 6

شهاب بهدوء: 

انا صاحي اصلا بس مش هقوم دلوقتي هقوم بعد خمس دقايق اقوم انت عشان الجامعة

محمود: 

ماشي 

خرج محمود من الاوضة و شهاب قام بعد خمس دقايق و كل حد فيهم بدا يجهز نفسه

•••••••••

في المدرسة عند دعاء 

دعاء دخلت الفصل و اول ما دخلت كتبت على السبورة تقييم الاسبوعي و بتكتب الاسئلة وبعد ما الاسئلة خلصت قعدت على المكتب 

دعاء وهي مستغربة: 

في ايه مالكم كده محدش بيكتب ليه هو انتم الكشاكيل قدامكم بتتفرجوا عليها اكتبوا يلا

دعاء قالت كده و طلعت التلفون تشوف اخر الرسايل 

••••••

قامت من على السرير و بتحس بحرقان في معدتها دخلت الحمام وهي بتتنفس بصعوبة و بتجيب كل اللي في بطنها 

غسلت وشها بتعب و بعد كده بتقعد على السرير 

جنة بتعب: 

بطني بتتقطع مش قاردة 

وفي الوقت ده بيدخل اخوها الصغير اسر و بيقعد جنبها وقال: 

ماما عايزكي تقعدي معانا وتخرجي من الاوضة

جنة: 

حاضر هخرج اهو

و بتخرج جنة هي و اخوها و بتقعد جنب امها

مريم بحنان: 

احضر ليكي الفطار و مالك وشك متغير انتي كويسة 

جنة: 

لا مش عايزة اعملي ليكي انتي و اسر وانا كويسة يا ماما بس مش عايزة افطر

مريم بدات تقلق على بنتها وقالت بخوف: 

ليه كده مالك حاجة بتوجعك 

جنة: 

لا مافيش  

مريم باستغراب وهي اصلا عارفة ان جنة بتكدب: 

ليه بتقولي لا وانتي عارفة اني عارفة انك مش بتقول الحقيقة احكي يا جنة مالك

جنة: 

هو بس واجع بسيط و حرقان في معدتي و عشان كده ما رحتش الشفل 

مريم: 

هنروح نكشف النهارده 

جنة: 

لا بجد مش هروح دي حاجة بسيطة يا ماما عادي هتمشي لوحدها مش بحب اكشف وانتي عارفة مش بحب العلاج 

مريم: 

لا بجد انتي طول الصيف بتقولي كده و السبب اصلا هيكون الشطة عشان قولت ليكي اكتر من مرة وانتي عاملة نفسك مش سامعة

جنة: 

هو ده السبب اني بكون مش عايزة اقول ليكي عشان في الاخر بنتخانق

اسر: 

عندي حل و هو هيحل المشاكل ماما مش عايزكي تاكلي شطة و تروحي عند الدكتور انتي بقى تعملي ايه تاكلي شطة براحتك بس كمية قليلة و تروحي عند الدكتور و لو مش عايزة العلاج ما تاخديهوش

 مريم بعصبية: 

هو ده الحل لا برافو عليك يا حبيبي 

جنة:

انت اصلا قاعد معانا ليه ادخل ذاكر هاجي اشوفك حليت الواجب ولا لا و لو في غلطات كتير شوف ايه اللي هيحصل ليك هقول للمستر يزود ليك الواجب

اسر: 

انا غلطان يعني عشان قولت اساعدكم 

جنة: 

اه غلطان ادخل ذاكر

اسر: 

حاضر الواحد ما يعرفش ياخد استرحة في البيت ده 

جنة: 

اه ما يعرفش برافو عليك 

•••••

دعاء كانت بتطلع على السلم وهي مش قاردة تتنفس و بتقول: 

لازم يعني الاسانسير مش يشتغل النهارده لسه هطلع كل ده اعيط 

وفي الوقت ده تلفونها بيرن و بتطلعوا وبتقول: 

جنة عاملة ايه دلوقتي 

جنة: 

كويسة انتي عاملة ايه 

دعاء: 

كويسة شوفتي ايه اللي حصل الاسانسير مش شغال بطلع على رجلي السلم 

جنة: 

هو المفروض اقولك معلش بس لا هقولك احسن عشان التحدي و فكرتك الجميلة 

دعاء كانت بتفتح الباب و بتدخل الشقة و كل ده وجنة بتتكلم على اساس انها سمعاها

جنة: 

دعاء انتي سمعاني

دعاء: 

كنت بفتح الباب كنتي بتقولي ايه 

جنة: 

لا خلاص 

دعاء: 

وفرتي يا قلبي المهم انا اتعزمت على فرح و هتروحي معايا غصب و هننزل بكره نجيب الفساتين

جنة: 

لا مش هينفع النهارده هروح الدكتور 

دعاء بصدمة: 

ليه كده مالك انتي كويسة

جنة: 

بعد التحدي معدتي حرقاني هروح اكشف

دعاء: 

طمنيني بعد ما ترجعي من عند الدكتور مش اول ما ترجعي تنامي عشان انا عارفاكي

جنة كانت لسه هترد بس فجاة......

يتبع