رواية حب بلا حدود الفصل الرابع عشر والخامس عشر والسادس عشر بقلم مريم وليد حصريه وجديده في مدونة النجم المتوهج للروايات والمعلومات
 |
رواية حب بلا حدود الفصل الرابع عشر والخامس عشر والسادس عشر بقلم مريم وليد حصريه وجديده في مدونة النجم المتوهج للروايات والمعلومات
قاطعها سيف بضحكه ساخره
ضحكتيني بجد موافقه تخلفي ومراتي علي ذمتي
في ثواني كانت اتحولت ملامح سيف لوحشيه حقيقي كانت مخيفه لدرجه ان جومانه ندمت علي الكلام الي قالته
سيف بغضب
هو انتي فاكره اني ممكن اخون مراتي ولا اوسخ اسمي تاني بيكي
انتي فعلا غبيه
مفكراني هخون الانسانه الوحيده اللي دوقت معاها طعم الحب والعشق
انتي خلاص اتجننتي
انا بعشق مراتي ومش ممكن اجرحها مهما حصل
جومانه بحقد وغل
وياترا الهانم بتحبك زي ما انت بتحبها ولا بتحب فلوسك طبعا ما هي مكانتش تحلم تعيش في ربع اللي هي عايشه فيه ده
بصلها سيف بغضب
انتي فكراها كلبة فلوس زيك اوعي فاكره انك بتستغفليني انا لو كنت بصرف عليكي ده عشان صله الرحم مش اكتر
مراتي اللي بتقولي عليها طمعانه في فلوسي دي عمرها ما طلبت مني حاجه
حتي لما بجبلها حاجه بسيطه بتقولي متكلفش نفسك
ياريت كلامي يكون وضح ليكي وغورييي من وشي حالاااااااا
لتنتفض جومانه من مكانها وهي تنفجر في البكاء وتهرول سريعا الي الخارج وهي بتتحلفلهم وناوية علي الشر
في صباح يوم جديد
تحديداً في جناح سيف وشجن
اتقلبت شجن في نومها وهي بتقطب جبينها بإنزعاج مم ذالك الالم الذي يضرب اسفل بطنها
اخذت تتقلب كذا مره لاكن الالم اخذ يزداد بشكل غير طبيعي حتي بدأت تشعر بضرب اسفل ظهرها
بعدت ايد سيف اللي كانت محوطاها براحه عشان متقلقوش وحطت المخده ورا ضهرها وسندت عليها لعلي تخف من الامها
لاكن الألم فضل يزيد بشكل فظيع
فجأة فتحت عينها علي اخرها
وصرخت بألم هز القصر بأكمله وهي بتحاوط بطنها
قام سيف مفزوع من نومه علي صوت صراخها وشال الغطا عنه باهمال
وقعد علي رُكبته قدامها
ايييه ياحبيبتي مالك
بتصرخي كده ليه
قالها وهو بيتفحصها بلهفه وخوف
صرخت شجن مره تانيه وتالته وهي بتمسك دراعه وبتضغط عليها من شدة المها
شجن بصراخ ووجع
بموت يا سيف بموت ااااه مش قادره في حاجه بتوجعني في بطني اوووووي
ابتلع سيف ريقه بخوف وهو مش عارف يعمل ايه
يعني دي حاجه طبيعيه في الحمل ولا ايه مش فاهم حاجه
شجن بتقطع والم
مش عارفه وماما مش هنا عشان اسألها حتي ولا حتي مامتك
بس لا في حاجه مش طبيعيه انا حاسه اني بموت بجد
ياسييف
ضمها سيف الي احضانه وهو يقول بتأنيب
بعد الشر عليكي ياحبيبتي متقوليش كده انا دلوقتي هاخدك علي المستشفى نتطمن عليكي
عاد ليحملها بين ذراعيه جاء ليستدر الي باب الاوضه وقعت عينه علي بقعه دماء علي الفراش ليست بقليله
ليتجمد مكانه وشعر بإن قلبه كاد يتوقف
وهو بيحاول ان هي متشوفش حاجه
نزل سيف جري بيها بسرعه
في نفس اللحظه كان كل القصر صحي علي صوت صريخها
اندفع قاسم ومعاه رزان التي استيقظت هي الاخري بخضه ولا تعرف ماذا يحدث في الاسفل
اسرع قاسم في خطواته حتي يلحق سيف اللي كان بيجري بشجن حتي يركب عربيته ويروح بيها علي المستشفى
قاسم بخضه
ايه يا سيف شجن مالها بس
سيف بحيرة وخوف
مش عارف مش عارف ربنا يستر
فتح له قاسم الباب وركبها
رزان وهي بتمسك ايد شجن وبتحاول تطمنها
اهدي ياحبيبتي متخفيش انا معاكي مش هسيبك
هغير هدومي وهحصلك
تشبثت شجن في ايد رزان بقوة وهي بتتكلم ببكاء
مش قادره يا رزان حاسه اني بموت من الوجع مش عارفه من اييه اااااه
لتبتلع رزان ريقها بصعوبه وهي بتهز راسها برفض
بعد الشرعليكي ياحبيبتي متقوليش كده عشان
خاطري
قالتها وانفجرت في العياط جذبها قاسم لاحضانه
وفي نفس الوقت كان قاد سيف عربيته بسرعه رهيبه
قاسم و رزان طلعوا يغيرو هدومهم
بعد مده بسيطه كانوا وصلو المستشفى
اوقف سيف المحرك نزل وفتح باب شجن وشالها ودخل بيها
تعلقت شجن في عنقه بقوة وهي بتعيط
انا خايفه اوي يا سيف
متسبنيش لوحدي انا بخاف والله بخاف من هنا
بيحاول سيف يطمنها ومن جواه قلبه بيتقطع عليها
مش هسيبك ياحبيبتي متخفيش
ان شاءالله حاجه بسيطه ونروح بيتنا علي طول
سيف بصراخ عايزززز دكتووووور بسرععععه
حطو شجن علي الترولي وصارو بيها في الممر وخدوها لاوضه الكشف
في لحظه كانت المستشفى مقلوبه وهما شايفين سيف المنياوي عندهم
اخذ سيف يمشي في الممر وقلبه يكاد يتوقف من شده خوفه عليها
عشر دقايق وكان بيخرج بسرعه
سيف بيه انا عايز اعرف هو ايه اللي حصلها ده من غير سبب
سيف برفض
لا محصلش اي حاجه احنا كنا نايمين وهي كانت كويسه اوي وفجأة صحيت علي صوت صريخها من الوجع ولقيت دم علي السرير
هز الدكتور راسه ودخلها تاني
غمض سيف عينه وهو يطرق راسه علي الحائط من الخلف عدة ضربات
يكاد يجن
يارب خليهالي هي وولادي يارب انا مليش غيرهم
قالها وهو يكاد يبكي لاول مره يتحط في هذا الموقف
في هذه اللحظة وصلت رزان وقاسم وجدو سيف يحتضن وجهه بيد يده وعيناه حمراء
قاسم قرب منه وهو يربت علي كتفه بأخوه
ايه يا سيف طمني شجن عامله ايه
رفع سيف كتفه دليل علي عدم معرفته
مش عارف الدكتور لسه مخرجش
وانا مش مطمن شكلها كان تعبان اوي
انا هتجنن دي امبارح كانت كويسه وكنا بنضحك ونهزر سوا لحد ما نمنا مكنش في اي حاجه
قاسم بيحاول يطمنه
اهدي كده وان شاءالله خير
سيف
يارب يا قاسم يارب
ثم وجهه قاسم نظره حول رزان عندما استمع الي صوت شهقاتها المكتومه
راحلها وهو بيمسح دموعها فهو لا يتحمل دمعه تسقط من عيونها التي يعشقهم
متخفيش ياروحي ان شاءالله هتبقي كويسه بطلي عياط بقي
رزان ببكاء
انا خايفه عليها اوي يا قاسم ده شكلها اتغير اوي ووشها
كان لونه اصفر
اكيد في حاجه غلط
زفر قاسم بغضب
معلش ياروحي اهدي شويه والدكتور يطلع يطمنا عليها
بعد فتره طويله خرج الدكتور وهو بيلتقط انفاسه بصعوبه
اندفعوا التلاته حوله
بينما قال الدكتور لسي
سيف بيه عايز حضرتك علي مكتبي دلوقتي
بصو لبعضهم التلاته بقلق
ودخل سيف لمكتب الدكتور
طمني يا دكتور شجن فيها ايه
الدكتور
للأسف يا سيف بيه مدام شجن حصلها نزيف هو مش نزيف جامد بس في جميع الحالات ده بيبقي خطر
سيف بصدمه
تقصد ان ولادي نزلو يعني خلاص كدا راحوا
بصله الدكتور بشفقه
لا الحمدلله هما كويسين دلوقتي واحنا ادينالها حقن مثبته
تنهد سيف برتياح
الحمدلله يارب الحمدلله
أرجوك اعمل اي حاجه عشان يفضلو
لو عايزني أسفرها بره
ممكن اعرف سبب النزيف ده
الدكتور بعمليه
هو ده الموضوع اللي كنت عايز حضرتك فيه
احنا عملنا لمدام شجن تحليل وللاسف اكتشفنا انها واخده ادوية عشان تنزل الجنين
وهو ده اللي عملها النزيف والوجع ده
بس اللي واضح كمان قدامي انها لسه بتاخد الادوية دي من قريب لسه
ابتلع سيف ريقه بمراره تكاد تسد حلقه مش صدمته
كلمات الدكتور كانت كفيله انها تحرق قلب سيف وتنزعه من مكانه
لاكن يصرخ قلبه بقوه شجن تلك الفتاه البريئه التي تشبه الاطفال لن تفعلها
سيف بصوت مبحوح
بس انا متأكد ان في حاجه غلط مراتي مستحيل تعمل حاجه زي كده دي مش بتاخد غير ڤيتامينات ومثبتات
حمل بس
وادي الروشته اللي كانت كتباها الدكتوره اللي بنتابع عندها اهو
اخدها منه الدكتور واخذ يتفحصها
الادويه دي كلها مفيهاش اي ضرر
لاكن المادة اللي حللناها كانت غير كده دي بتجهض الجنين
انا اسف علي صراحتي مره تانيه بس المدام كده بتاخد الادوية دي عشان تنزل الجنين
اعتصر قلب سيف من تأكيد الدكتور ومازال في حالة ذهول
سيف بوجع وقهر
هي حالتها ايه دلوقتي
الدكتور
هي مبدأيا كده كويسه يوم بالكتير وهكتبلها علي خروج
وطبعا ممنوع الحركه وتفضل نايمه علي ضهرها طول فترة الحمل
استأذن سيف منه وغادر مكتب
توجه الي اوضه شجن التي كانت تركض علي الفراش
وجهها شاحب كالاموات
كانت شجن تأن بوجع ارجع سيف خصله شارده من شعرها
والي هنا ولم يتحمل كأنه فاق من حالة الذوهل التي سيطرت علية وهب مهرول الي الخارج كالاعصار
جاء قاسم ورزان ليتحدثوا معاه
دفعهم بقسوة دون ان ينظر لهم
ترنحت رزان وكادت ان تسقط فلحقها قاسم وهو بيبص لسيف بأستغراب من حالته
ركب سيف عربيته وقادها للقصر
بعد قليل كان بينزل سيف من عربيته مهرول لجوا بصراخ عالي
الفاااااااااات
امنننننننه
انتفضوا الي كانوا في المطبخ وتركوا مابيدهم وهرولوا الي الخارج
ألفت وهي بتلع ريقها بقلق
مالك يابني شجن هانم كويسه
ابتلع سيف غصه مريره عندما تذكر ما حدث
حصلوني علي المكتب حالا
بينما امنه كانت ترتعد اوصالها
وجسدها كان يرتجف من الخوف
مين فيكو اللي حاولت تسقط مراتي
شهقت ألفت بفزع وهي بتضرب علي صدرها
كلام اي ده يا سيف يابني واحنا هنعمل كده ليه
ده ربنا يعلم معذتك عندي قد ايه
سيف بغضب
امال مين اللي اتجرا وعمل كده
اكيد واحده فيكم اللي حتطلتها من دوا الاجهاض
وشجن عمرها ما تعمل كده انا متأكد ان في حاجه غلط
انطقوووووووا بالذوق بدل ما انطقووووا بالعافييييه
انتفضو الاتنين بفزع وهو يمرر عينه علي امنه التي كانت ترتجف من الخوف وعينها بتزوغ يمين وشمال
قرب منها سيف وضربها بالقلم علي وشها قوي
انتي اللي عملتي كده انتي اللي كنتي عايزة تقتلتي ولااااادي
انطقييييي. قالها سيف بصراخ
ومسكها من شعرها والفت بتحاول تحوشها من بين ايديه
الفت بتوسل
حرام عليك يابني انا بنتي عمرها ما تعمل كده ده احنا لحم اكتافنا من خيركم
سيف بصراخ
امااااال ميييين اللي عمل كددددده
اقسم بالله لو ما اتكلمتو لاهولع فيكم دلوقتي ولا هيهمني حد
بصتله امنه بغل وحقد
ملكش دعوة بماما انا هتكلم واقولك كل حاجه
سيف
اتكلمي بسرعه انطقي يلااااا
عملتي فيها كده ليييييييه
وضربها في بطنها بعنف
امنه بصراخ ووجع
ااااااه سبني انا هقولك علي كل حاجه
وبكل غل بصتله بتحدي وقالت
بصراحه كده انا شوفتها امبارح بتحط علي العصير نقط
دوا خلتني اشتريها من الصيدليه
الفصل الخامس عشر
سيف
اتكلمي بسرعه انطقي يلااااا
عملتي فيها كده ليييييييه
وضربها في بطنها بعنف
امنه بصراخ ووجع
ااااااه سبني انا هقولك علي كل حاجه
وبكل غل بصتله بتحدي وقالت
بصراحه كده انا شوفتها امبارح بتحط علي العصير نقط
دوا خلتني اشتريها من الصيدليه
من كام يوم كده وادتني فلوس
واكدت عليا ان مفيش حد يشوفني
ولما روحت اجبلها الدوا من الصيدليه سألت الدكتورة الي هناك
قالتلي انه بتاع اجهاض وانا طبعا مكنش ينفع اتكلم
لان اكيد حضرتك مش هتصدقني
لو مش مصدقني تقدر تروح الصيدليه اسأل هناك
ده حتي الالفين جنيه الي ادتهوملي معايا مصرفتش
منهم ولا مليم
بكل جبروت هل خدعته شجن هذا ما ردده عقله ليصرخ قلبه بين اضلعه يطلب الاستغاثه عندما تمزق الي اشلاء
صغيرة من شدة قهرته
يا الله في هذه اللحظة تجمد سيف مكانه ولم ينطق بحرف
شعر بأن احد قد سكب عليه دلو ماء ثلج
بينما امنه اخذت نفسها بصعوبه بعد ما بخت سمها في وجهه كالافعي
لاطمت ألفت علي وشها بعويل
يا مرك يا ألفت يا مررررك انتي متاكده يابت ان ست شجن عملت كده
امنه بكدب
ايوة ياماما وانا هكدب ليه يعني
ألفت مصدومه
هتجنن ازاي جالها قلب تعمل كده
دخل سيف جناحه بغضب وهو يفتح الادراج ملقاش حاجه
فتش في الخذانه وقام بسحب جميع ملابسهم علي الارض
ااااااااه خرجت من جوفه عندما قبضت يده علي زجاجه
دواء مدسوسه
خدها بيد مرتجفه
واتصل علي الدكتور يسأله علي اسم الدوا
واتفاجئ ان هو نفس الدوا اللي قال عليه
اصبحت الحقيقه واضحه امامه
ارتمي بجسده علي الارض
وهو يهز راسه بعدم تصديق وقهر وهو يبتلع غصه مريره
بطعم الحقد
الف سؤال يدور براسه لماذا مثلت عليه العشق لهذه الدرجه كان اعمي ساذج في عشقها
فهي الوحيده من بين كل النساء عشقها
اخذ يبكي ويصرخ زي الأطفال بعد ما اتحطمت امنياته
واحلامه
اخذت شهقاته تخرج رغم عنه
وقهره رجل عاشق
ليييييه كدددده يا شجن ليه تعملي فيا كده
طب كنتي قوليلي مش عايزه اطفال
وانا والله لو كنت لقيتك مصممه
كنت هخاف لتسبيني وانا مقدرش اعيش من غيرك
كنت هاجي علي نفسي وعلي حلمي عشانك
لاكن تعملي فيا كده ليييييه لييييييييييييه
كلكم كدااااابيييين وخاينيييييييين
كلكم صنننف زباااااااله
واخذ يحطم في كل ما تطوله يده
بعد مده من التحطيم
مسك هاتفه وقام بالاتصال بقاسم
سيف بحسم
قاسم خلي رزان مع شجن لان مش هقدر اجي عندي شغل مهم لازم اخلصه بنفسي بعد كده هبقي اجي
قاسم بأستغراب
شغل اي ده يا سيف
انت بتستهبل هتسيب مراتك كده لوحدها في الظروف دي وبتقولي شغل
طب تعالي انت وانا هروح اخلصه لو مهم اوي كده
سيف بحده
قاااسم كلامي خلص انا مش جاي سلاااام
وقفل السكه في وشه من غير ما يستني رده حتي
بينما علي الجهه الاخري
كانت جومانه يهوي قلبها من شدة سعادتها عندما القط هاتف من امنه
ااااه أخيراً انزحتي من طريقي ودفعتيتي دم قلبي
بس مش مهم كل ده هيرجعلي اضعاف مضاعفه وسيف هيرجعلي تاني
أخيراً الواحد هينام مرتاح بقي
في المستشفى عند شجن
تململت شجن في نومها تتاوة بالم وهي بتفتح عينها بصعوبه
ااااه ضعيفه خرجت منها
هرولت ليها رزان بسرعه ولهفه
سلامتك يا شجن الف سلامة عليكي ياحبيبتي
شجن بوهن
الله يسلمك يا رزان
وعينها المشتاقه تبحث عن معشوقها في اركان الغرفه
شجن
سيف فين يا رزان ليه مش موجود
ده انا حتي قلقت بليل ولقيتك انتي اللي جمبي
بس محبتش اقلقك واصحيكي عشان اسألك
عضت شجن علي شفايفها بخجل فهي من امبارح ومشفتوش برضو
رزان بتوتر
زمانه جاي دلوقتي هو بس كان عنده شغل واضطر يروح امبارح
شجن
رزان هو انا حصلي ايه
ولادي كويسين
رزان
اهدي ياحبيبتي هما كويسين
شجن براحه
الحمدلله ده انا كنت هموت من الخوف
بعد لحظات كان بيدخل قاسم
قاسم
حمدلله علي السلامة يا شجن
شجن بمتنان
الله يسلمك يا قاسم
شجن بتأفف
امال سيف فين يا قاسم
شتم قاسم سيف في سره وقال بحرج
احم اصل حصلت ظروف واضطر ينزل الشغل بنفسه
بس طبعاً بعد ما اطمن عليكي وقالي اجي اوصلك
الفيلا الجديده
هزت راسها شجن بحزن
تمام مفيش مشكله بس انت ورزان متسبونيش
معلش تعبتكم معايا
قاسم بود
لا طبعا مفيش تعب ولا حاجه انتي اختي وحمدلله علي سلامتك مره تانيه
بعد ساعه كانوا وصلوا الفيلا الجديده
قاسم
سيف اتصل وقال ان قدامه ساعه ويوصل
تحبي اسيب معاكي رزان لحد ما يوصل
شجن بمتنان
لا شكرا كفايه تعب كده انهارده
رزان بتأكيد
لو لسه تعبانه انا ممكن افضل معاكي لحد ما تتحسني
شجن
صدقيني بقيت كويسه
حضنتها رزان بحب
ومشيت هي وقاسم
قربت منها تلك الافعي امنه ف سيف طلب منها تقعد معاها لحد ما تتحسن
شجن بود
امنه حبيبتي عامله ايه
ابتلعت امنه ريقها بتوتر
الحمدلله كويسه
انتي عامله ايه
شجن
الحمدلله بقيت كويسه
هو سيف قالك تيجي هنا
امنه
ايوة اتصل عليا وقالي اجيلك عشان تعبانه واشوفك لو محتاجه حاجه
شجن بفرحه
علي العموم كويس اوي انتي جتيلي في وقتك عايزاكي تعملي لسيف اكله حلوة علي ذوقك عشان هو قرب يرجع
امنه ابتسمت بتزيف
حاضر من عينيا
وبدات تشك فملامحها يبان عليها السعاده رغم الارهاق اللي باين عليها
قاطع شرود امنه سيده في اواخر الاربعين
السيده ببتسامه بشوشه
ازيك يا بنتي حمدلله على سلامتك
انا داده مديحه كنت بشتغل زمان في القصر الكبير
بس سيف بيه بعتني اقعد معاكي
ابتسمت شجن بخجل
الله يسلمك اهلا بحضرتك اتفضلي
مديحه بسعاده
يزيد فضلك يابنتي
وانتي مين بقي يا حلوة اكيد بنت الفت مش كده
قالتها لامنه وهي بتلقي عليها نظره شامله تتفحصها
امنه
ايوة انا بنتها
كادت شجن ان تصعد لاعلي
امنه هاتيلي كوبايه مايه بعد اذنك
أومأت لها امنه وهي بتتوجه الي المطبخ
قبضت تلك العجوز علي كتفها
متتعبيش نفسك ياحبيبتي
بصي بقي انا ليا نظامي هنا
أولا ممنوع تدخلي المطبخ انتي او غيرك ده تخصصي
انا بس
شغلتك هنا النضافه بس
مفهووووم
بصتلها امنه بحقد وغضب وابتسمت بتزيف
بعد ساعه كانت شجن نايمه علي السرير متأهبه وصول سيف
سمعت صوت عربيته في الخارج
وقفت تتامل نفسها في المرأة بسعاده وقد نست تعبها
وغضبها منه
ثواني ودخل اجفلت عيناه وتعالت ضربات قلبه بقوة
عندما وجدها في لحظه ارتمت في احضانه
وحشتني اوي يا سيف وحشتني
كده برضو تمشي وتسبني في المستشفي
مش انت وعدتني تفضل جمبي لحد ما نروح بيتنا سوا
اما سيف فكان يقف جامد زي الحجر
لم يبادلها عناقها
لم ينظر لو جهها حتي
ثم رفع ايده وزاح ايدها اللي كانت لفاها حول رقبته
ابتلعت شجن بحرج باستغراب
مالك يا سيف انا عملت حاجه زعلتك مني
سيف هو الحمل كويس يعني ولادي بخير زي ما رزان قالتلي ولا حصل حاجه تانيه
انفرجت شفتي سيف بسخريه
وملامحه تحولت للوحشيه
وقالها بكل جبروت وقسوة
اسمعي كلامي كويس وياريت تنفذيه بالحرف وده يكون احسن ليكي
انا لو عليا كنت طلقتك و رميتك في الشارع من غير تفكير
لكن للاسف انتي حامل في ولادي عشان كده انا مضطر استحملك غصب عني لحد ما تولدي و ولادي يجو بالسلامه
واعملي حسابك كمان انتي هتفضلي هنا لحد ما تولدي
وبعدها هتبعدي عننا خالص مش عايز اشوف وشك تاني
مفيش جامعه
مفيش خروج
مفيش حاجه هتعمليها غير انك هتقعدي هنا لحد ما تولدي
بصتله شجن بعدم تصديق
سيف انت اكيد بتهزر صح
انت بتقولي انا الكلام ده
ده انا شجن حبيبتك
ضحك سيف بسخريه وقهر
كل ما هسمح اسمك بحس قد ايه انا كنت غبي وساذج
عشان صدقتك وحبيت واحده زيك
شايفه الفيلا دي انا بقالي اكتر من شهرين بجهزها ليكي
وكتبتها بأسمك
و دي المفاجأة اللي كنت عاملها ليكي
انا عايز اسمع منك حاجه واحده بس يمكن تريح النار اللي في قلبي شويه
انا عمري زعلتك اوي جيت عليكي في يوم
طب عمري جرحتك او اذيتك في حاجه
انطقيييييييي قالها سيف بصراخ
خافت شجن من صوته وملامحه اللي اتحولت لشخص تاني هي متعرفوش
وهزت راسها بلااا
لا يا سيف انا مشفتش منك حاجه وحشه
بس انا كمان عايزة افهم انا عملت ايه عشان تقولي الكلام ده
سيف بصراخ
لييييه عملتي فيا كده ليييه كنتي عايزة تقتلي ولااااادي
ولاااادي اللي اتمنيتهم من الدنيا عايزة تحرميني منهم
لييييييه
شهقت شجن وهزت راسها برفض هستيري
انت ايه اللي بتقوله ده انت شكلك اتجننت
رفع سيف ايده لاول مره وضربها بالقلم ليست قويه
ارتجفت شفتي شجن بقهر وهي بترفع ايدها تتحسس مكان صفعته
شجن بدموع وقهر
انت بتضربني يا سيف انت ازاي تفكر اني ممكن اعمل حاجه زي دي
ولا اعمل كده في ولادي
انت جبت الكلام ده منين
سيف بصراخ من هنا
ورما في وشها التحاليل
الدكتور قالي علي كل حاجه
واللي اكدلي كلامك ده امنه
شجن بذهووول
امنه
سيف والله انا معملتش حاجه ولا فاهمه اي حاجه خالص ومال امنه بحملي اصلاااااا
سيف بغضب
امنه اللي سيادتك دفعتيلها فلوس عشان تسكت علي عملتك السوده واللي خلتيها تجبلك الدوا ده من الصيدليه واللي شافتك وانتي بتحطي نقط في كوبايه العصير بتاعتك
ومش بس كده ده انا كمان دخلت الجناح وفضلت ادور لحد ما لقيت ازازه الدوا دي متخبيه في علبه وسط الهدوم
كفااااايه بقي كدبببب وخياااانه
كانت مديحه تقف بقلب مفتور علي تلك الباكيه والمنهاره
قبض سيف علي دراع امنه.
تعالي معاياا وقوليلها كل حاجه
ابتلعت امنه ريقها برعب
ايوة انتي اللي قولتيلي اجبلك الدوا وكنتي بتديني فلوس كل شهر عشان اخبي واداري عليكي
وشوفتك وانتي بتحطي نقط في العصير بتاعك
شهقه عاليه خرجت من شجن تبعتها مديحه التي كانت تريد ان تجذب امنه من شعرها
سيف بقسوة
اهم حاجه عايزك تعرفيها اني هرجع مراتي الاولي جومانه
الفصل السادس عشر
ابتلعت امنه ريقها برعب
ايوة انتي اللي قولتيلي اجبلك الدوا وكنتي بتديني فلوس كل شهر عشان اخبي واداري عليكي
وشوفتك وانتي بتحطي نقط في العصير بتاعك
شهقه عاليه خرجت من شجن تبعتها مديحه التي كانت تريد ان تجذب امنه من شعرها
سيف بقسوة
اهم حاجه عايزك تعرفيها اني هرجع مراتي الاولي جومانه
وبما انك غلطتي نفس غلطتها زمان فمعلش لازم هي كمان ترجع لحضني تاني علي الاقل دي بنت خالتي
و ده هيكون عقابك التاني
تهللت اسارير امنه وهي قررت ان تخبر جومانه بهذا الخبر السعيد فأكيد ستحظي بمبلغ كبير من المال
اما شجن فشعرت انها امام وحش ليس بشر فكلماته قد اصابتها في مقتل
وشعرت بان الارض تدور بها وتشوشت الرؤيه قدام عينها
حاولت ان تصرخ بوجههم لاكن في لمح البصر فقدت السيطرة علي جسدها
وارتطم جسمها علي الارض
ليتجمد سيف مكانه ويقع قلبه ويتمدد بجانبها علي الارض ابتلع صدمه وهو يشعر بصوت ارتطامها
هذ ارجاء المكان
بعد مرور ساعتين كانت جت الدكتورة كشفت علي شجن وطمنتهم انه عندها انهيار عصبي بس
وقاسم و رزان رجعو لما عرفوا اللي حصل من داده مديحه
دخل سيف الي احدي الغرف وكل ما يقابله قدامه يحطمه
حتي وصل قدام مراية وبكل قوته هشمها بإيده اتكسرت
الي قطع صغيرة وهو يزمجر زي الاسد الحبيس المجروح
كانت يداه تنزف بغزارة وكل انش بها اتفتحت بسبب قطع الزجاج التي غرزت به بكل قسوة
لم يشعر حتي بالألم
فوجع قلبه عليها وعلي ما اصابه بسببه
هرول قاسم مسرعا ورائه عندما استمع الي صوت التحطيم والتكسير فوجده بحاله لا يرثي لها
قبض قاسم علي زراعيه وهو بيحاول انه يهديه
قاسم بتهدئه
اهدي ياسيف اهدييي حرااام علييك كددده
الي انت بتعمله في نفسك ده
كل حاجه وليها حل
سيف بقهر وغضب مكتوم في قلبه
سبني ياقاسم سبني الغلط عليا من الاول اني صدقت
انها ممكن تعمل كده انا اللي ساذج وعبيط وهي ملهاش
دعوة
من اول ما الزباله دي اتبلت عليها
كمل بندم وقهر
انا لا عندي دم ولا احساس عشان اتخلي عنها واسيبهالك انت ومراتك تقعدو بيها
وانا قاعد هنا استحلفلها علي حاجه هي معملتهاش
اااااااه
طلعت فيها عقدي القديمه من جومانه عليها وظلمتها
وصدقت لعبتهم القذرة انا مش هسيبها بنت ال.......
وقد خارت قواه وارتمي علي الكنبه وصدره يعلو ويهبط
من شدة انفعاله
قاسم بإستغراب
اهدي بس كده وفهمني عشان انا مش فاهم حاجه
في هذه اللحظه توجهت شجن بفزع عندما استمعت الي صوت تحطيم وتكسير في الخارج
وقفت علي قدام الباب وهو مغلق بتسمع كلامهم بخوف
فهي خايفه ان يبقيها رغماً عنها في هذا المكان حتي تلد ويأخذ اطفالها منها
سيف بسخريه
انا مش هضحك عليك و اقولك اني مصدقتش الكلام اللي اتقال علي شجن ده لا انا صدقته
عشان كده مشيت ومرجعتلهاش المستشفى
وفعلا لما اتصلت عليك عشان اخليك تجبها هنا
انا كنت ناويلها علي نيه سودة وكنت هطلقها وانتقم
منها عشان خدعتني
وده لاسباب كتيرة اولهم
ان امنه ملهاش اي مصلحه انها تقول عليها كده
ولما طلعت الاوضه فوق وانا بفتش في الحاجه
لقيت الدوا اللي قال عليه الدكتور
كمل بخزي وحرج من نفسه
كنت زي المغيب من كتر عصبيتي والشيطان لعب في دماغي وشكيت فيها
وروحت فتحت تليفونها وفتشت فيه
اما في الخارج كان تسمع شجن كلامه بقلب مفتور
الي هذا الحد ويكفي
تجرعت حديثه المخزي عنها
نزلت راسها بقهر ولم تعد تتحمل ان تسمع اكتر
قد اتهمها بأبشع التهم
وشك بها ايضاً
ماذا فعلت معه حتي يصبح بهذا الظلم معها
جاءت لكي تغادر لتتسمر عندما استمعت الي باقي كلامه
اما في الداخل
كان سيف بيكمل كلامه بقهر
ولما فتشت في تليفونها
اكتشفت ان الزباله جومانه بتبعتلها رسايل وبتحاول توقع بينا
وباقي الرسايل فيها تهديدات
وفي نفس اللحظه وانا منهار رميت الهدوم من الدولاب
ولما بصيت في الارض لقيت لبس بيبي كتير قلبت فيهم بحسره
لقيتها كاتبه جوه كل حاجه من حاجتهم اهداء للاطفال
من قبل ما يجو بتوصفلهم فيه شعورها وقد ايه هي مبسوطه انهم هيجو وينورو حياتها
عشان هي وحيده ومعندهاش اخوات
وقعدت فكرت لما سألت الفت وامنه مين اللي حط دوا الاجهاض
لقيت امنه مش علي بعضها وبتترعش وكأنها خايفه من حاجه
ساعتها اتأكدت ان جومانه هي اللي خلتها تعمل كده عشان في يوم جاتلي الشركه وطلبت اننا نرجع واني اديها فرصه تانيه
معني كده انها كانت علي تواصل بحد وعرفت انها حامل
كل اللي بحكيهولك ده مش معايا دليل عليه وكله من تخميني بس
لاكن لما واجهت شجن اتأكدت انها مظلومه فعلا
دليل انهيارها
قاسم بغضب
ولاد الكلببب هي حصلت انهم يعملو كده دول شياطين
انا عايز اعرف مين اللي وصل امنه لجومانه ده مفيش اي رابط معرفه بينهم
سيف بتفكير
ده بقي اللي عايز اعرفه
المشكله بقي اني عايز اعرف الفت مشتركه معاهم ولا لا
قاسم بصدمه وذهول
ده ايه المصيبه السوده دي بس
معتقدش ان داده الفت تعمل حاجه زي دي
بس عندك حق مش لازم ندي الثقه لاي حد
لغايت ما نعرف الحقيقه فين بالظبط
طيب ناوي تعمل ايه مع جومانه
سيف بتوعد
كل خير ان شاءالله
انا هاخد منها اعز شيء ليها وهي الفلوس والمظهر هخليها تشحت
قاسم بتأنيب
بس انت غلطان برضو يا سيف ازاي بس
تصدق ان شجن تعمل كده
بصراحه لو كان حصل نفس اللي حصلك ده مع رزان
قسمآ باالله لاكنت قتلت اللي قالي حاجه زي كده
جز سيف علي سنانه بغضب
كنت عايزني اعمل ايه يعني وانا لقيت الدوا في دولابها
ساعتها دماغي وقفت معرفتش افكر
وبالعكس كمان ده انا براتها من غير ما اتأكد حتي
لاكن ورحمه ابويا لهدفعهم التمن غالي اوووووي
قاسم بإستفسار
طب لما عرفت ان شجن مظلومه ليه خلتها تنهار كده
سيف بندم وحزن
ما ده اللي قاهرني انا كنت عايز اسبُكها قدام امنه
عشان تبلغ الكلبه دي
قاسم
الحمدلله انك فكرت بعقلك ومخلتش الشيطان يلعب بيك اكتر من كده
سيف
انا دلوقتي همشي الزفته امنه دي عشان اعرف اتكلم مع شجن براحتي واعتذرلها
مش متخيل رد فعلها هيكون ايه
كانت شجن بره بتسمع كلامه بعين متسعه بذهول وصدمه لا تصدق ان في ناس بتلك البشاعه وعدماء الضمير
وفهمت ايضا انه كان يمثل عليها رجوعه لجومانه
لاكن كل تلك التي سمعته لايعني لها شيء يكفي انه صدق لعبتهم وقذارتهم
في مطار اسكندريه
رفع دكتور مختار نضارته الشمسيه واخد نفس عميق يستنشق رائحه بلده وهو بحمد الله بأنه اتم بحثه
بعد ما انتهي من الاوراق اتصل بصديقه مصطفي ليخبره بوصوله
بعد نص ساعه كان وصل مصطفى اليه يستقبله بحفاوة
حمدلله علي سلامتك وحشتنا يا راجل
كاظم
الله يسلمك يامصطفي
حقيقي انا بشكرك من كل قلبي علي وقفتك جمبي وعلي وقفتك مع رزان بنتي
قالها بمتنان
ربت مصطفى علي كتفه بإخوه
انا معملتش حاجه لكل الشكر ده
انت اكتر من اخويا يا كاظم وبعدين بنتك هي بنتي
وبقيت مرات ابني قاسم ابني يعني معزتها زادت كمان
كاظم وقد تلاشت ابتسامته
طيب الحمدلله انها كويسه
تعالي بقي نروح القصر عشان هي وحشتني اوي
غادروا الي الفيلا بتاعت سيف
في الفيلا عند سيف
كان طلب سيف من امنه انها تمشي
وقف قدام اوضه شجن بتوتر لاكنه عزم علي ان يحكي لها ما حدث
خد نفس عميق وفتح الباب ودخل قرب منها ببطئ
كانت رائحته سابقته وتسللت الي رئتيها
اما هو لا يريد ان يفعل شيء سوا احتضانها
سيف بلهفه
شجن
غمضت عينها تأخذ نفسها بعمق
الي هذا الحد واكتفت منه
دفعت ايده عنها بعنف وقفت تبصله بنظره عمره ما هينساها
سيف
اهدي انا عارف انك زعلانه مني بس في حاجات كتيرة انتي لسه مش فهماهما وانا جيت عشان اوضحلك كل حاجه حصلت
شجن بنبرة تحمل الحزن والاسي
متتعبش نفسك اللي انت عايز توضحه انا فهمته وعرفته كويس لاني سمعتك وانت بتحكي لقاسم
تجمد سيف مكانه وتوسعت عينه بتوتر وارتباك هو مكانش هيقولها كل حاجه مكانش هيقولها انه شك فيها وانه فتش في تليفونها وانه صدق كلامهم في الاول
سيف
يعني انتي عرفتي اني كنت بمثل عليكي
شجن بحرقه وخيبه امل
ايوووة عرفتتت
عرفت انك صدقت لعبتهم القذرة وانك شكيت فيا
عرفت انك مشيت وسبتني في اكتر وقت المفروض تكون جمبي فيه
وانت قاعد هنا تخطط ازاي تنتقم مني علي حاجه انا معملتهاش
قرب منها يمسك ايدها وهو يمرر عينه علي ملامحها البريئه بندم وتوسل
شجن انا عارف اني غلطت في حقك وظلمتك جامد بس حاولي تقدري موقفي
انا كنت بتصرف بدافع الحب
قاطعته شجن بقهر
اياااااك تتكلم عن الحب
انت متعرفش يعني ايه حب اصلااااا
الحب يعني ثقه وانت شكيت فيا
الحب سند وامان وانت اتخليت عني في اكتر وقت كنت محتجاك جمبي فيه
لييييه ده انا مليييش غيبييرررك
لتكمل ببكاء
ازاي هونت عليك كده
مش انت وعدتني تفضل جمبي
كم المه مظهرها ابتلع تلك الغصه التي اصابته علي شكلها المنهار امامه
قرب منها وهو بيقولها بصوت مخنوق من البكاء
سامحيني يا شجن غصب عني والله
انتي عمرك ما هتحسي باللي انا حسيته ولا النار اللي في قلبي
انا حكتلك سبب طلاقي من جومانه
تخيلي اني اشوف المرار ده تاني بس المرادي مع اللي عشقها قلبي
انا بحبك يا شجن والله العظيم بحبك
قاطعته شجن
شششش متقولش بحبك مش عايزة اسمع الكلمه دي تاني منك
لو كنت بتحبني فعلا مكنتش صدقت عني الكلام ده
انا اتصدمت فيك صدمة عمري يا سيف ليييييه كده
ليييييييه
غمض سيف عينه بحسره ولم يتحمل انهيارها
شجن انا اسف عارف انه معاكي حق في كل كلمه انتي قولتيها
بس ممكن تهدي شويه كده غلط عليكي كفايه اللي اتعرضتيله
عشان خاطري بطلي عياط
شجن بقوة لاول مره
مبقاش ليك خاطر عندي يا سيف
اتنهد سيف بحسره
خلاص يا شجن انا هسيبك لحد ما تهدي وبعدين نتكلم
انا مش عايز اضغط عليكي
شجن
الكلام بينا خلص يا سيف مبقاش في كلام بينا تاني
مستحيل اسامحك
قرب منها وقالها ببكاء لاول مره قدام حد بس هي مش اي حد دي معشوقته زوجته
مفيش حاجه هتخلص بينا يا شجن انا مقدر زعلك
وحتي لو سامحتيني انا مش هسامح نفسي
هسيبك تهدي شوية وتفكري بهدوء
اللي بيني وبينك عمره ما هيخلص يا شجن
فاااااهمه
خرج بعدها سيف وهو عازم علي استعادة حبها من جديد
يتبع.....
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
الفصل الحادي عشر والثاني عشر والثالث عشر من هنا
الفصل الرابع عشر والخامس عشر والسادس عشر من هنا
❤️🌺🌹❤️🌺❤️🌹❤️🌺🌹❤️🌺🌹❤️🌺🌹❤️🌺🌹🛺🛺🛺🛺🛺
الصفحه الرئيسيه للروايات الجديده من هنا
جميع الروايات الحصريه والكامله من هنا
انضموا معنا علي قناتنا بها جميع الروايات على تليجرام من هنا
❤️🌺🌹❤️🌺❤️🌹❤️🌺🌹❤️🌺🌹❤️🌺🌹❤️🌺🌹🛺🛺🛺🛺🛺
تعليقات
إرسال تعليق