رواية أحببت ارمله الفصل الاول حتى الفصل التاسع بقلم الكاتبه حوريه مصطفى حصريه وجديده
 |
رواية أحببت ارمله الفصل الاول حتى الفصل التاسع بقلم الكاتبه حوريه مصطفى حصريه وجديده
البقاء لله يـا مدام..
هي بصدمه: مين حضرتك وايه اللي بتقوله ده..
هو بحزن: انا اللوا سليم الانصاري.. والمقدم ادهم استشهد يــا بنتي..
هي بصراخ: انت اكيد غلطان ادهم لسه عايش.. ادهم ما"متش.. ادهم بيحبني مستحيل يسبني..
حماتها من وراها: في ايه يا نجمه ليه بتصرخي كده الناس اتلمت علي صوت صراخك..
نجمه بدموع وشهقات: هو.. بيقول ان ادهم ما'ت..
حماتها فاطمه بعدم فهم: هو مين يا حبيبتي اللي بيقول مش فاهمه منك حاجه..
_نجمه مدت ايدها بالفون لفاطمه..
فاطمه بهدوء: ايوه مين..
اللوا سليم بحزن: المقدم ادهم استشهد يا مدام فاطمه..
فاطمه بدموع: ابني ادهم ما'ت..
اللوا سليم بحزن: ميغالش علي الي خلقه ده نصيبه وعمره انتهي لحد كده..وبعدين قال البقاء لله وربنا يصبرك علي فراقه..
فاطمه بدموع: طيب انا عايزه اشوف ابني لاخر مره..
اللوا بحزن: تمام انا هبعت حد ياخدك انتي ونجمه علي المستشفي عشان تشوفه قبل ما يتم اجراءات الدفن..
✰ــــــــــــــــــــــــــــــــ✰
بعد فتره وصل شخص من طرف اللوا عشان يوصلهم المستشفى..
في المستشفى..✰
فاطمه بدموع :لو سمحت يــا دكتور عايزه اشوف ابني..
الدكتور بجديه: ابنك مين يا خالتي..
فاطمه بدموع وشهقات: المقدم ادهم المنشاوي..
الدكتور بحزن: تماام اتفضلي.. معايا هو موجود في الغرفه دي..
_نجمه كانت دموعها بتنزل ومش بتتكلم..
فاطمه بدموع مسكت ايد نجمه و دخلت الغرفه اللي فيها ادهم..
فاطمه بدموع مسكت ايد ادهم وقالت: ربنا يرحمك يا حبيبي ويجعلك من اهل الجنه ونعيمها..
نجمه كانت واقفه بتتخيل مواقفها مع ادهم..
نجمه بحب: ايه رايك في الدريس ده يا دومي..
ادهم بعشق: نجمتي اي حاجه بتلبسها حلوووه..
نجمه بحب: بحبك يا ادهمي..
ادهم بحب: وادهمك بيحبك يـا نجمتي..
موقف 2.. �
ادهم بحب: مالك يا نجمتي بتعيطي ليه..
نجمه بدموع: حر'قت الاكل بتاع الغدا..
ادهم بحب: فداكي يــا حبيبتي مبحبش اشوف دموعك دي..
نجمه بحزن: طيب انت هتاكل ايه دلوقتي..
ادهم بحب: هنطلب اكل من برا يـا حبيبتي..
موقف 3.. �
نجمه بحب: ايه رايك نتفرج علي فليم كرتوني لحوريه البحر «اريل»..
ادهم بحب: نجمتي تأمر وانا انفذ..
موقف 4.. �
الساعه 3 فجرا.. ♡
نجمه بحب: قوم يا ادهمي عشان نخرج نتمشي علي الكورنيش..
ادهم بنعاس: ناامي يا حبيبتي انا عندي ماموريه الصبح بدري..
نجمه ببكاء: عشان خاطري يـــا ادهم..
ادهم بحب: قومي البسي يا نجمتي خاطرك عندي غالي وانا مستحيل ارفضلك طلب..
موقف5.. �
نجمه كانت بتفرج علي التلفزيون وادهم جيه وقعد قدامه وقال..
ادهم بحزن: نجمه..
نجمه بحب: نعم يا حبيبي..
ادهم بحزن: عندي ماموريه تبع الشغل واحتمال كبير مرجعش..
نجمه بدموع: يبقا مستحيل تروح يا ادهم انا مستحيل اتخيل حياتي من غيرك..
ادهم بحب: بس ده واجبي تجاه بلدي يا نجمتي..
نجمه بدموع: طيب وانا..
ادهم بحزن: بلدي محتاجني يا نجمتي لازم ادي واجبي..
نجمه بدموع: تمام يا ادهم روح بس ارجعلي لاني مقدرش اعيش من غيرك..
ادهم بحب: هرجعلك يا روح ادهم ودنيته..
عوده..♡
نجمه مسكت ايد ادهم وقالت هتوحشني اوووي يا ادهم نجمه من غيرك ولا حاجه.. بحبك يــا ادهمي..
✰ــــــــــــــــــــــــــــــــ✰
مرت اجراءات الدفن..
في العزا..
عمه ادهم: يا حبيبي يا بني كله من بوز الفقر و وش النحس علي البيت..
واحده من اللي قاعدين في العزا: ياعيني ملحقش يتهنا في حياتي مبقالوش 3 شهور متجوز..
واحده تانيه: عريس الجنه.. ربنا يرحمه ويغفر له ويجعل مثواه الجنه يارب..
نجمه كانت سماعه كلامهم وساكته..
تقي اخت نجمه: قومي معايا يا حبيبتي اقعدي جوا.. عشان ترتاحي..
نجمه وهي قايمه سمعت عمه ادهم وهي بتقول داهيه تاخدك يا وش الففر انتي..
بدون مقدمات نجمه وقعت من طولها علي الارض..
#البارت_التاني
تقي اخت نجمه: قومي معايا يـا حبيبتي اقعدي جوا.. عشان ترتاحي..
نجمه وهي قايمه سمعت عمه ادهم وهي بتقول داهيه تاخدك يا وش الففر انتي..
بدون مقدمات نجمه وقعت من طولها علي الارض..
تقي بصراخ: نجممممه..
واحده من اللي قاعدين: حد يساعدنا ندخلها جوا ونطلبها الدكتور..
عمه ادهم بحقد: سيبوها وهي شويه وهتفوق ده اذا مكنتش بتمثل..
فاطمه بدموع: حر'ام عليكي كفايه بقا كلامك اللي زي ا' لسم ده..
تقي بدموع: خالتي فاطمه نجمه تنفسها ضعيف خالص..
عمه ادهم في نفسها: يارب تمو'ت عشان نخلص من قر'فها بقا..
فاطمه بحزن: اهدي يـــا حبيبتي الدكتور علي وصول..
بعد فتره وصل الدكتور.. ♡
الدكتور كان بيكشف علي نجمه وقال: انخفاض في ضغط الدم وده غلط علي صحتها وصحه الجنين..
فاطمه بدموع: انت بتقول ايه يــا دكتور..
الدكتور بجديه: المدام حامل..
عمه ادهم: ده اكيد مش ابن ادهم انا متاكده من ده.. وبعدين قالت ادهم كان بقالو 3اسبابيع مسافر قبل ما يتوفي..
الدكتور بجديه: المدام نجمه حامل في أسبوعين ياريت تهتموا فيها كويس لان حالتها النفسيه زيرو..
فاطمه بحزن: تمام يا دكتور معلش تعبنك معانا..
الدكتور بابتسامة: ده واجبي.. عن اذنكم..
الكل: اتفضل..
بعد ساعه نجمه فاقت وعرفت انها حامل..
تقي بحب: مبروك يـا حبيبتي..
نجمه بحزن ودموع: ادهم لو كان عايش كان هيبقا مبسوط اوووي يا تقي..
تقي بحزن: ربنا يرحمه يـا حبيبتي..
نجمه بحزن: امين يارب وبعدين حطت ايديها علي بطنها وقالت.. مبسوطه ان جوايا قطعه من ادهمي..
✰ـــــــــــــــــــــــــــــــــ✰
مرت ايام العزا في حزن كبير.. ♡
في صباح يوم جديد.. ♡
عمه ادهم بحقد: قومي كده يا حبيبتي اتحركي وجهزي الاكل مع حماتك كفايه عليكي ايااام العزا مكنتيش بتعملي حاجه..
نجمه بتعب: حاضر يا عمتو قايمه اهو..
تقي بحب: خليكي انتي يا نجمه وانا هقوم اساعد خالتو فاطمه..
عمه ادهم بغضب: انا قولت ست نجمه اللي تقوم.. وبعدين قالت هي مش اول واحده تبقا حامل.. خليها تتحرك شويه بدل قاعدتها دي..
نجمه بتعب قامت و دخلت المطبخ..
تقي بعصبيه: ربنا ينتقم منك يا عقر'به حسبي الله ونعم الوكيل فيكي.. وقامت عشان تساعد نجمه..
عمه ادهم في نفسها: بكره هندمك علي كلامك ده يا تقي هانم وضحكت بشر..
بعد فتره الاكل جهز..
عمه ادهم بغضب: مين الي عمل الشاي ده..
نجمه بتعب: انا يــا عمتو.. ليه فيه حاجه..
عمه ادهم مكست كوبايه الشاي ور"متها علي نجمه..
نجمه بصراخ: اااااه..
عمه ادهم بغل: الشاي مفيش فيه سكر..
فاطمه بزعيق: خلاص كفايه بقا ارحمي البت انتي عايزه منها ايه.. وبعدين قالت بعصبيه العزا خلص من شهر ياريت تلمي هدومك يـــــا سهير وتمشي من هنا..
سهيـــر بعصبيه: بقا بتطرديني يـا فاطمه من بيت اخويا..
وقامت عشان تلم هدومها..
بعد وقت انتهت سهيــــر وهي ماشيه قالت بعصبيه: صدقيني هتندمي علي الي عملتيه ده يا فاطمه..
فاطمه بهدوء: مع السلامه ياريت تبقي تقفلي الباب وراكي وانتي خارجه..
سهيـر وهي خارجه رزعت الباب جامد..
تقي بفرح: الحمدلله انها مشيت دي وليه عقر'به..
فاطمه بضحك: معاكي حق والله يا تقي.. وبعدين راحت جابت مرهم الحر"وق عشان ايد نجمه..
نجمه بحزن: ليه بتعاملني كده..
فاطمه بحزن: هي بتعمل كده عشان الورث مش اكتر..
تقي بمرح: كفايه تجيبوا في سيرتها بقااا انا ماصدقت انها مشيت وبعدين قالت بمرح سيرتها بتعصبني يــا جماعه..
نجمه وفاطمه ضحكوا علي كلامها..
وهما بيتكلموا جرس الباب رن..
نجمه كانت قايمه تفتح الباب..
تقي بحب: خليكي انتي يــــا نجمه ارتاحي وانا هقوم افتح..
نجمه بتعب: طيب يا حبيبتي..
وفعلا تقي فتحت الباب..
فاطمه من جوا: مين يا تقي..
_انا يا خالتي..
فاطمه بصدمه: إلياس..
إلياس بحب: اذيك خالتي وحشتيني اوووي..
فاطمه بدموع: وانت كمان يــا حبيبي..
إلياس بحزن: كفايه دموع يا خالتي.. انا كنت جاي وعايزك في موضوع وياريت مش تفهميني غلط..
فاطمه بحزن: اتفضل يـا بني..
إلياس بهدوء: انا عايز اتجوز نجمه..
فاطمه بصدمه وعصبيه : انت ايه اللي بتقوله ده.. انت واعي للكلام ده..
#البارت_التالت
إلياس بهدوء: انا عايز اتجوز نجمه..
فاطمه بصدمه وعصبيه : انت ايه اللي بتقوله ده.. انت واعي للكلام ده..
إلياس بهدوء: ايوه واعي جدا لكلامي..
نجمه بعصبيه: انتي واحد متخ'لف وانا مستحيل اتجوز بعد ادهم انت فاهم.. واتفضل برا من غير متطرود..
إلياس ببرود: انا همشي بس انتي لازم توافقي لاني مش باخد رايك ع فكره..
فاطمه بحزن: يــــا خساره يــا إلياس بتبص علي مرات صحبك... دا ادهم كان بيتعبرك اخوه..
إلياس بصلها بحزن ومشي..
نجمه كانت منهاره من البكا...
تقي بدموع: اهدي يـــا نجمه..
نجمه بدموع: هو مش عنده د'م للدرجادي يــــا تقي عشان يطلب طلب زي ده قولي..
تقي بدموع: محدش موافق علي طلبه يــا حبيبتي..
فاطمه بحزن: قومي يــــا حبيبتي اتوضي وصلي.. وكفايه دموع عشان صحتك وصحه ابنك..
نجمه بحزن: حاضر يـــــا ماما..
مر اليوم بدون احداث تذكر..♡
✰ـــــــــــــــــــــــــــ✰
في صباح يوم جديد..♡
نجمه كانت بتجهز الاكل هي وتقي..
تقي بمرح: جمالك ده ولا جمال عبدالناصر..
نجمه بابتسامة: جمالي طبعا..
تقي بضحك: تبا لتواضعك يا فتااه..
فاطمه بتدخل: هو في زي جمال نجمه وطيبه قلبها..
نجمه بحب: تسلمي يـــــا ماما علي كلامك الحلو ده..
فاطمه بحنان: انتي بنتي يــــا نجمه انتي والشعنونه دي.. مش عارفه من غيركوا البيت هيكون عامل ازاي.. وكملت بدموع من وقت ما ادهم اتو'في وانتي قاعده معايا هنا واحده غيرك ولا كانت سالت فيا حتى يــــا بنتي..
تقي بمرح لتخفيف الحزن: الله ايه لازمه كلامك ده يـــــا فطومه دلوقتى..
فاطمه بضحك: يــــا بت احترميني ده انا زي امك ع الاقل..
تقي بحب: ما انتي امي فعلا..
نجمه بابتسامة: الاكل جاهز..
فاطمه بحب: يلا عشان ناكل وننضف البيت..
_وفعلا خلصوا اكل وهم بينضفوا البيت نجمه لقت البوم الصور بتاعها هي و ادهم..
_ نجمه مسكت الألبوم وخدته وقعدت علي السـريـــر وبقت تتفرج علي صورها هي وادهـم مع بعض ودموعها كانت بتنزل كل ما تشوف صورها مع ادهم..
فاطمه بخوف: مالك يا نجمه في حاجه بتوجعك يــــا حبيبتي.. فاطمه بتبص لقتها بتتفرج علي صورها مع ادهم..
نجمه بدموع: وحشني اووي يـــــا ماما.. ادهمي وحشني اووي..
فاطمه بدموع: ليه يا نجمه تتعبي نفسك وتتعبي قلبي معاكي يــــا بنتي..
نجمه بدموع: اسفه يا ماما مش بايدي والله.. انا مش قادره انساه..
فاطمه بدموع وحزن: ربنا يرحمه يــــا حبيبتي..
نجمه بدموع: امين ياارب العالمين..
✰ـــــــــــــــــــــــــ✰
في مكان اخر..♡
مجهول بعصبيه: ازاي يعنى ترفض تتجوزك.. انت كان لازم تقنعهم لان حياتها في خطر هي وعيلتها يـــا إلياس...
إلياس بهدوء: يــــا سياده اللوا دي حاجه مش بايدي غير كده هي طردتني من البيت..
اللوا سليم بعصبيه: ده مش شغلي يا بيه.. انت لازم تتجوز نجمه في اسرع وقت ممكن انت فاهم..
الياس ببرود: فاهم يـــــا فندم عن اذنك..
اللوا سليم: اتفضل..
إلياس ادي التحيه العسكريه وخرج..
الياس خرج وطلع فونه و رن علي شخص وطلب منه يقابله في مطعم**..
في احد المطاعم اللي بتطل علي البحر..
الياس بهدوء: اسف علي التاخير يــــا خالتي..
فاطمه بهدوء: انا مش خالتك وياريت تقول موضوعك المهم في اسرع وقت..
الياس بحزن: حاضر..
الياس بدا يحكيلها عن الكلام اللي حصل بينه وبين اللوا..
فاطمه بصدمه من الكلام اللي سمعته قالت: يعني انت عايزني اقنع نجمه انها تتجوزك..
الياس بهدوء: ايوه..
فاطمه بحزن ودموع: تمام..
✰ـــــــــــــــــــــــــــــــــــــــ✰
في المساء..♡
كانوا بيتناولوا طعام العشا..
فاطمه بهدوء: كتب كتابك علي الياس كمان اسبوع يـــــا نجمه..
نجمه بصدمه: ايه الكلام اللي بتقوليه ده يا ماما..
فاطمه بببرود: زي ما سمعتي وياريت كلامي يتنفذ ومش عايزه مناقشه فيه..
تقي بحزن: كمان اسبوع ازاي وادهـم متو'في بقاله شهر..
فاطمه بهدوء: الكلام اللي بقوله يتنفذ انتوا فاهمين كتب الكتاب كمان اسبوع..
نجمه بدموع: انا زعلتك في حاجه طيب..
فاطمه ببرود: لا..
نجمه بدموع: وانا مستحيل اتجوز بعد ادهم يـــا ماما..
فاطمه بهدوء: هتوافقي يـــــا نجمه لان ده في مصلحتك.. انت فاهمه..
نجمه بعصبيه: وانا مش عاوزه اتجوز بعد ادهم يا ماما.. مستحيل اتخيل حياتي مع حد غير ادهم.. انت ليه بتجبيرني علي حاجه مستحيل انها تحصل..
فاطمه بعصبيه ضربتها بالقلم وقالت: انا بعمل كده عشان مصلحتك يـــــا نجمه وبعدين قالت بدموع انا مش عايزه اخسرك زي ما خسرت ادهم..
نجمه بدموع: قصدك ايه..
فاطمه بحزن: هتعرفي بعدين انا بعمل كده ليه...
تقي بحزن: تعالي يـــــا نجمه اقعدي عشان شكلك تعبتي..
نجمه بدموع: لا انا كويسه.. كويسه اووي وسبتهم ودخلت جوا..
بعد مرور اسبوع..♡
يوم كتب الكتاب.. ♥"
الياس لفاطمه: شكرا اوووي يا خالتي انك تفهمتي الموضوع..
فاطمه بحزن: انا عملت كده عشان حياه نجمه وتقي مش اكتر..
المأذون بمقاطعه: ياريت حد ينادي العروسه..
فاطمه بدموع: ادخلي يا تقي نادي نجمه..
تقي بحزن: حاضر..
وفعلا تقي دخلت عشان تنادي نجمه..
تقي بصدمه: نجمممممه...
#البارت_الرابع
فاطمه بدموع: ادخلي يــــا تقي نادي نجمه..
تقي بحزن: حاضر..
وفعلا تقي دخلت عشان تنادي نجمه..
تقي بصدمه: نجمه..
نجمه بابتسامة: ايوه يـــــا تقي..
تقي بمرح: ده انا فكرتك هتهربي او تمو'تي نفسك..
نجمه بابتسامة حزن: وليه اغضب ربنا..
تقي بحزن: يعني انتي هتوافقي..
نجمه بغموض: هتعرفي بره يلا نخرج..
وفعلا خرجوا..
نجمه قعدت جمب فاطمه بحزن..
الماذون: انتي موافقه يـــــا بنتي تتجوزي الياس الشافعي..
نجمه بهدوء: لا مش موافقه يا شيخنا..
الياس بعصبيه مبالغه: ايه الكلام اللي بتقوليه ده..
الماذون: اهدي يـــــا بني..
نجمه ببرود: الجواز ده هيكون باطل انا عدتي لسه مش خلصت يا شيخنا.. وبعدين قالت بدموع انا جوزي متو'في من شهر تقربيا وانا دلوقتي حامل..
الياس بعصبيه: يعني ايه الكلام ده..
الماذون بعصبيه قام من مكانه وقال: يعني الجواز هيكون باطل يـــــا بني لازم تستني لحد ما تولد..
الياس ببرود: ميهمش انت لازم تكتب علينا دلوقتي..
الماذون بغضب: روح اقرا في كتاب الله يـــــا بني اللي بتعمله ده اكبر غلط وهو ماشي قال اتقوا الله ده شرع ربنا..
نجمه ببرود: اتفضل امشي لان وجودك هنا غلط وعلي ما اعتقد مش جواز والماذون مشي هو كمان..
الياس بهدوء: تمام.. وفي نفسه صدقيني هتندمي..
بعد ما الكل مشي..♡
فاطمه بدموع: انا اسفه يـــــا بنتي انا راح عن بالي موضوع العده من خوفي والله..
نجمه بحزن: الموضوع انتهي خلاص يــــا ماما..
تقي بغيظ: هو ليه الياس كان مصصم انو كتب الكتاب يتم النهارده مع ان أكيد عارف ان الجواز هيكون باطل..
نجمه بهدوء: اكيد في حاجه ومع الوقت هتبان..
فاطمه بتعب: انا هدخل ارتاح شويه..
تقي بعد ما فاطمه دخلت: هو انتي مش شاكه في الياس يـــــا نجمه..
نجمه بضحك: بلاش المحقق كونان يطلع دلوقتي و روحي ذاكري..
تقي بضحك: حاضر..
✰ـــــــــــــــــــــــــــــ✰
في مكان بعيد عن انظار الناس..♡"
مجهول 1 بغضب :انت واحد غبي مبتعرفش تعمل حاجه بعمايلك دي هنروح كلنا في داهيه واولنا انت لان انت اللي في الوش..
مجهول 2 بغضب: نعم قصدك اي بالكلام ده انا لو حصلي حاجه هوديكم كلكم في ستين داهيه اللي مش تعرفيه ان كلنا في الهواء سوا ولو نجمه عرفت السلسه اللي معاها فيها أي يبقى علينا العوض..
مجهول 1 بغضب:نعم سلسله اي اللي مع نجمه انت اتجننت يعني انت عارف انها معاها حاجه تودينا في داهيه ومخليها لسه عايشه مش قت"لتها لي..
مجهول 2 بسخريه :اقت"ل مين هو الق"تل بالبساطه دي ولو ده حصل هنوصل ازاي للحاجه اللي معاها..
✰ـــــــــــــــــــــــــــ✰
في الجهاز..♡
اللوا سليم بفخر: انا فخور بيك اووي يـــــا بني.. انت قبضت علي الدراع اليمين اللي هيقدر يوصلنا لرئيس العصابه.. واكمل بحزن ووقتها نقدر ناخد حق ادهم..
هو بحزن: انا مستحيل اسامح نفسي لاني مقدرتش انقذه وقتها..
اللوا سليم بحزن: متقولش كده يـــــا جاسر انت حاولت تتقذه بس مقدرتش لوحدك..
جاسر بحزن وعيون دامعه: دلوقتي الذئب رجع.. انا اللي هاخد حق صحبي يــــا سياده اللوا.. عشان كده انا عايز امسك القضيه بدل الياس..
اللوا سليم بهدوء: تماام انا هسحب ملف القضيه من الياس وبكرا الصبح هيكون علي مكتبك باذن الله..
جاسر بهدوء: تماام يا فندم.. وادي التحيه العسكريه وخرج..
✰ــــــــــــــــــــــــــــــــ✰
في منزل نجمه..♡
نجمه بهدوء: يـــــا ماما صدقيني احنا محتاجين الشغل عشان مصاريف البيت ومصاريف دراسه تقي..
فاطمه بحزن: مستحيل اخليكي تشتغلي وانتي حامل.. فرضا انك تعبتي ولا انا ولا تقي جمبك.. وبعدين قالت احنا الحمدلله مش محتاجين ومستوره معانا..
نجمه بحب: صدقيني هكون كويسه وبعدين انا حابه اشتغل زهقت من قاعده البيت..
تقي بحب: بلاش تشتغلي يــــا نجمه وانا هوقف دروس وهبقا اذاكر في البيت..
نجمه بعصبيه: مش عايزه اسمع كلامك ده تاني.. انتي كده هتدمري مستقبللك..وبعدين قالت عشان خاطري يـــــا ماما وافقي..
فاطمه بهدوء: سبيني افكر في الموضوع ده يــانجمه..
نجمه بفرح: حاضر يا احلي ماما..
فاطمه بضحك: يــــا بكاشه..
تقي بمرح: ابغي احضنكم لكن استحي..
فاطمه بضحك: تعالي يا اخره صبري هنا.. واخدتهم في حضنها ودعت ربها ان يحميهم من كل شر..
✰ـــــــــــــــــــــــــــــــــ✰
في صباح يوم جديد..♡
فاطمه بعصبيه: اصحي بقا يـــــا نجمه بقالي ساعه بصحي فيكي..
نجمه بنعناس: معلش يا ماما اصل نايمه متاخر..
فاطمه بحزن: هتنامي ازاي وانتي طول الوقت بتفتكري ادهم..
نجمه بحزن: ادهمي مستحيل انساه يـــــا ماما وانتي عارفه كده كويس..
فاطمه بعيون دامعه: عارفه يا بنتي.. يلا قومي اتوضي وصلي وتعالي ساعديني في الاكل.. عشان عازمه صاحب ادهم..
نجمه بعصبيه: الياس..
فاطمه بضحك: لا جاسر.. يلا قومي اخلصي..
نجمه بابتسامة: حاضر...
ويمر الوقت وياتي جاسر..
علي طاوله الطعام..
فاطمه بحب: منور يا جاسر..
جاسر بود: البيت منور باهله يا امي..
تقي بمرح: وانت يـــــا عمو جاسر ليك لقب زي ادهم كده..
جاسر بابتسامة حزن: ايوه يا قمر..
تقي بابتسامة: وهو ايه لقبك بقا..
جاسر بابتسامة: الذئب..
نجمه رفعت وشها من علي الاكل وقالت الذئب..
جاسر لمح السلسه في رقبه نجمه وقال حلوه السلسه دي..
فاطمه بابتسامة: دي هديه من ادهم الله يرحمه..
#البارت_الخامس
نجمه رفعت وشها من علي الاكل وقالت الذئب..
جاسر لمح السلسه في رقبه نجمه وقال حلوه السلسه دي..
فاطمه بابتسامة: دي هديه من ادهم الله يرحمه..
الجميع بحزن: اللهم امين..
جاسر بابتسامة: عن اذنك يـــــا امي لازم امشي ضروري..
فاطمه بابتسامة: اتفضل يـــــا حبيبي وياريت تبقا تكرر الزياره تاني..
جاسر بابتسامة: باذن الله..
جاسر بابتسامة وهو ماشي قال لـ نجمه تشرفت بمعرفتك يــــا مدام نجمه..
نجمه بابتسامة: انا اكتر يـــــا سياده المقدم..
تقي بمرح: يعني انت مش اتشرفت بمعرفتي انا كمان يـــــا عمو..
جاسر بضحك: اكيد طبعا اتشرفت بمعرفتك يــــا قمري..
تقي بخجل: وانا كمان اتشرفت بمعرفتك..
فاطمه بابتسامة: مبسوطه اني شوفتك النهارده يـــــا جاسر..
جاسر بحب: يارب ديما يـــــا امي اشوفك مبسوطه.. عن اذنك لازم امشي..
فاطمه بحب: اتفضل يـــــا حبيبي..
بعد ما جاسر مشي تقي بمرح قالت: ايه رايك في جاسر يـــــا نجمه..
نجمه بعدم فهم: رايي في ايه مش فاهمه..
تقي بابتسامة: في شخصيته..
نجمه بابتسامة: هو باين عليه شخص محترم..
تقي بمرح: يابوي علي حلاوته وجماله وبعدين قالت بضحك استنوني بعد الثانويه العامه عشان قررت اتجوز الحليوه ده..
فاطمه بعصبيه: ادخلي ذاكري يـــــا فاشله يـــــام ثانويه عامه..
نجمه بخبث: استني بس يـــــا ماما فين يـــــا تقي درجه امتحان الكيميا بتاعت الامتحان اللي فات..
تقي بتوتر: لسه المستر مش وزع الدرجات..
نجمه ببرود: فين الدرجه يـــــا حيو'انه انا عارفه انك خدتيها..
تقي بتكشيره طلعت الورقه من جاب البنطلون وقالت خدي اهي..
نجمه اخدت الورقه منها واتفاجات من الدرجه وقالت بصدمه نهارك اسوح ايه ده..
تقي بابتسامة: 3 من 20..
نجمه بغيظ: ومالك بتقوليها وانتي فرحانه كده ليه..
تقي بفخر: عشان انا اعلي درجه في صحابي..
فاطمه بضحك: ابو ورده بيسلم عليكي وحدفته في وشها..
تقي بابتسامة لنجمه: عنفيه اوووي فطومه دي...
نجمه بصراخ: ادخلي ذاكري يا حيو'انه..
تقي باستهزاء: علي اساس اني نافعه اوووي..
فاطمه بهدوء: كويس انك عارفه بس اعملي اللي عليكي..
✰ـــــــــــــــــــــــــ✰
في الجهاز..♡
الياس بعصبيه: يعني ايه ملف القضيه هيتسحب مني يـــــا سياده اللوا..
اللوا سليم ببرود: صوتك يبقا واطي وانت بتكلمني.. والملف هيتسحب منك لاني شايف انك مستهتر فيها..
الياس بهدوء: انا اسف يـــــا سياده اللوا.. وبعدين قال مين اللي هيستلم القضيه..
اللوا سليم ببرود: المقدم جاسر..
الياس بعصبيه: تمام عن اذنك وادي التحيه العسكريه وخرج..
في مكتب المقدم جاسر..♥
الياس دخل بهاجميه.. وقال انت مفكر اللي بتعمله ده ايه ها.. انت عاوز تبين للوا انك احسن واحد هنا في الجهاز..
جاسر ببرود: ما انا فعلا احسن واحد هنا في الجهاز..
الياس بعصبيه: صدقني هتندم وملف القضيه هيكون عندك اشبع بيه بس مش هتقدر توصل لــ حاجه برضو بخصوص القضيه.. ولا لـ العصابه..
جاسر بضحك: انت اهبل ياض.. انا الذئب وبعدين قال باستهزاء اذا انت مش قادر توصل لــ رئيس العصابه اللي قت'ل صحبك فانا اقدر عارف ليه لاني الذئب اللقب ده مش من فراغ وانت عارف..
الياس باستهزاء: ذئب والذئب ده كان فين لما قت'لوا صحبه..
جاسر ببرود: كنت بلعب يـــــالا.. واتقضل برا عشان عندي شغل..
الياس خرج بعصبيه ورزع الباب وراه..
✰ــــــــــــــــــــــــــــ✰
في مكان بعيد عن انظار الناس..
مجهول1بغضب: يعني ايه كلامك ده..
مجهول 2 بهدوء: يعني الذئب رجع ونهايتنا قربت اوووي برجوعه.. احنا قدرنا نخلص من القناص بس مش هنقدر نخلص من الذئب..
مجهول1بغيظ: في دي معاك حق احنا خلصنا من القناص بصعوبه بس الذئب مش هنقدر عليه لوحدنا..
مجهول2 بتفكير: بس اكيد في حل..
مجهول1 بابتسامة خبث: مفيش غير ضرغام اللي هيقدر يخلص عليه..
مجهول 2 ضحك بشر وقال نهايتك قربت يـــــا ذئب..
✰ــــــــــــــــــــــــــــــ✰
في صباح يوم جديد..
فاطمه بحنان: خليكي انتي يـــــا حبيبتي وانا هنزل اشتري طلبات البيت..
نجمه بحب: لا يــا ماما ارتاحي انتي.. انتي رجلك تعباكي انا هروح ع طول ومش هتاخر..
فاطمه بحب: ربنا معاكي يـــــا حبيبتي..
نجمه بابتسامة: امين يارب..
نجمه نزلت واشترت طلبات البيت..
وعلي جانب اخر من الطريق في العربيه حيث يوجد شخصان يخططان لق'تل نجمه
مجهول1:-نفذ يلا البت قدمك اهي ويسوق باعلي سرعه..
#البارت_السادس
نجمه نزلت واشترت طلبات البيت..
وعلي جانب اخر من الطريق في العربيه حيث يوجد شخصان يخططان لقتل نجمه..
مجهول1: نفذ يلا البت قدامك اهي ويسوق باعلي سرعه..
نجمه كانت بتعدي الطريق ومش واخده بالها من العربيه..
تاتي العربيه باقصي سرعه لديها
شخص بصوت عالي: حاسبي ي بنتي العربيه هتخبطك
تاخذ نجمه بالها من العربيه وتبتعد سريعا عن الطريق..
الرجل الطيب بود: انتي كويسه يـــــا بنتي..
نجمه كانت بتنهج من كتر الخوف.. حطيت ايدها علي بطنها وقالت الحمدلله..
نجمه بخوف: ايوه يـــــا عمو شكرا..
الرجل بطيبه: بعد كده ابقي خلي بالك من الطريق يـــــا بنتي.. بلاش تسرحي وانتي بتعدي الطريق..
نجمه بابتسامة: حاضر يـــــا عمو.. وشكرا ليك مره تانيه..
الرجل بطيبه: الشكر لله وحده يـــــا بنتي.. وسبها ومشي..
نجمه رجعت البيت وكانت خايفه من الي حصل..
فاطمه بخوف: مالك يـــــا نجمه شكلك مخطوف كده ليه..
نجمه بتعب حكتلها اللي حصل..
فاطمه بعتاب: مش تاخدي بالك من الطريق يـــــا نجمه..
نجمه بحزن: اسفه يـــــا ماما.. وبعدين قالت بتعب انا هدخل ارتاح شويه..
فاطمه بحب: ادخلي يـــــا حبيبتي وانا هخلص الاكل وهبقا اناديلك انتي وتقي..
نجمه بارهاق: حاضر..
✰ــــــــــــــــــــــــــــ✰
في احد الاماكن الراقيه..
في قصر الكيلاني..♡
_اصحي بقا يـــــا حبيبي اتاخرت علي الشغل..
هو بنعناس: خمسه بس يـــــا حبيبتي..
هي بغضب: ما تنجز بقا يــــا جاسر.. لاني عايزه اروح الكليه عشان اتاخرت..
جاسر بضحك: حاضر يـــا حوريتي قومت اهو..
حوريه بابتسامة: صباح الخير يا جسوري..
جاسر بحب: صباح الورد والياسمين يــا قلب جسورك.. وبعدين قال لو حد عرف الدلع ده هنفخك.. وهحبسك مع المجر'مين في الزنزانه..
حوريه بضحك: لا متخافش انا معرفه بس الاصدقاء المقربين مني..
جاسر بغيظ: طيب يلا غوري شوفي انتي رايحه..
حوريه بضحك: متزقيش طااه..
وذهبت الي كليتها..
✰ــــــــــــــ✰
في الجهاز..♡
اللوا سليم بهدوء: الملف القضيه بقا معاك يـــــا جاسر اتمني يكون فيه تتطور ملحوظ فيها..
جاسر باحترام: هعمل الي عليا علي قد ما اقدر يـــــا فندم..
اللوا سليم بفخر: وده اللي واثق منه يـــــا جاسر يـــــا بني واكيد هتنجح في المهمه دي..
جاسر باحترام: اتمني اكون عند حسن ظنك.. وادي التحيه العسكريه وخرج..
في مكتب المقدم الياس..♡
جاسر دخل وقعد علي الكرسي المقابل له..
جاسر بحزن: ليه..
الياس بعدم فهم: قصدك ايه مش فاهم..
جاسر بهدوء: ليه بتعمل كده يـــــا الياس..
الياس ببرود: عشان انت احسن مني في كـــــل حاجه..
جاسر بهدوء: احنا مكناش كده يـــــا الياس خلينا نرجع ايد واحده عشان نقدر ناخد حق صحابنا..
الياس ببرود: عمرنا ما هنرجع زي الاول يـــــا جاسر.. واذا علي انت عامل عشان حق فانت عملت فيها شهم وخليت اللوا يسحب الملف مني..
جاسر بهدوء: يعني ايه..
الياس ببرود: يعني مش فاضي..
جاسر قام وخرج بحزن..
✰ـــــــــــــــــــــــــــ✰
بعد مرور شهرين نجمه بطنها بدات تظهر بسب الحمل..
نجمه بتعب: معتش قادره من ضهري يـــــا ماما..
فاطمه بحزن: ما انا قولتلك سيبي شغل البيت وانا هعمله بس انتي رفضتي كالعاده..
نجمه بارهاق: ما انتي بقالك فتره بتشتكي من رجلك يـــــا ماما.. وكانت هتوجعك اكتر لو عملتي حاجه..
فاطمه بحب: ربنا يبارك فيكي يـــــا حبيبتي.. قومي ادخلي افردي ضهرك علي السرير وانتي هرتاحي ان شاء الله..
نجمه بتعب: حاضر..
بعد مرور ساعتين نجمه كانت نايمه في امان الله..
تقي بصراخ: نجمممممممه انتي عارفه مين اللي بره دلوقتى..
نجمه بخضه: في ايه..
تقي بغيظ: ركزي معايا يـــــا نجمه بقولك انتي عارفه مين اللي بره دلوقتى..
نجمه ببرود: وانا هعرف منين.. مش كنت نايمه..
تقي بفخر: بس انا عارفه..
نجمه بنفاذ صبر: مين يـــــا اخره صبري..
تقي بغرور: المقدم جاسر واخته حوريه..
نجمه بغيظ: غوري من وششششي اطلعي بره حالا يـــــا حيو'انه..
تقي بخوف: طالعه اهو وبعدين قالت بتوتر هو انتي مش هتخرجي تقعدي معانا..
نجمه بعصبيه: هغير هدومي وهخرج..
بعد وقت نجمه خرجت..
فاطمه بحب: اعرفك يــــا حوريه نجمه بنتي..
حوريه بابتسامة: اتشرفت بمعرفتك يــــا نجمه..
نجمه بابتسامة: انا اكتر يـــــا حور..
جاسر بهدوء: اذيك يـــــا مدام نجمه..
نجمه بابتسامة: الحمدلله بخير..
الياس بهدوء: يدوم الحمد..
وقعدوا يتكلموا حوريه كانت مركزه مع نجمه اووي وفاطمه لحظت ده..
فاطمه بابتسامة: مالك يـــــا حوريه مركزه في ايه انتي..
حوريه بابتسامة بلهاء: في عينها..
فاطمه بضحك: في عين مين..
حوريه بابتسامة: نجمه..
نجمه بصدمه: عيني انا..
حوريه بابتسامة: ايوه عايزه اعرف نوع اللينسيز..
تقي بضحك: دي عيونها مش لينسيز..
حوريه بصدمه: هاااا هو في عيون بالجمال ده..
نجمه بابتسامة: شكرا ده من ذوقك..
تقي بمقاطعه: اصل جده امي جدتها بقا كانت من اصل تركي..
حوريه بابتسامة: بتتكلمي جد..
فاطمه بضحك: متاخديش علي كلامها دي واحده هبله..
جاسر بسرحان: بسم الله ماشاء الله عيونك حلوه اووي..
#البارت_السابع
فاطمه بضحك: متاخديش علي كلامها دي واحده هبله..
جاسر بسرحان: بسم الله ماشاء الله عيونك حلوه اووي..
نجمه ابتسمت بخجل وقالت: شكرا ليك..
حوريه بابتسامة هبله: يــــا بخت اللي في حياتهم نجمه وعيون نجمه..
فاطمه بحب: فعلا والله يـــــا حوريه يـــــا بختنا بنجمه..
تقي بمرح: بدون غرور والله يـــــا جماعه انا عارفه انك مكسوفين تقولها..
نجمه بابتسامة: نقول ايه يـــــا تقي..
تقي بغرور: الحيــــــاه من غير وجودي اللطيف ولا حاجه.. الحيــــــاه من غيري حيــــاه بائسه وممله.. و..
نجمه بصدمه: بسسسسس ايه كل ده.. انتي واخده مقلب في نفسك كده يـــــا روحي..
حوريه بضحك: تبا لتواضعك يـــــا فتاه..
تقي بغرور: لا داعي للتصفيق يــــا شوباب..
فاطمه بصداع: كفااايه ايه راديو اشتغل..
تقي بغيظ: يعني انا غلطانه اني بعمل جو فرفوش في العيله الكئيبه دي..
الجميع بضحك: ايووه..
تقي بابتسامه بلهاء: عارفين الجو ده محتاج ايه يـــــا جماعه..
نجمه بنفاذ صبر: ايه..
تقي بابتسامه: محتاج حبيب..
فاطمه بصدمه: بتقولي ايه..
تقي بابتسامه: سحلب.. هقوم اعمل سحلب.. وطلعت تجري..
جاسر طول الوقت كان مركز مع نجمه.. و الكل لاحظ ده..
حوريه نغزت جاسر في ايده وقالت بهمس: في ايه يـــــا جاسر انت مركز مع نجمه اووووي كده ليــه.. خف شويه يـــــا عم الكل لاحظ..
جاسر فاق من سرحانه وقال: احنا لازم نمشي يـــــا امي لان الوقت اتاخر..
فاطمه بابتسامة: ما تخليك شويه يـــــا بني..
جاسر بابتسامة: اعذريني يـــــا امي الوقت اتاخر وعشان حور عندها كليه بكره..
حوريه بهمس: بس انا مش عاوزه اروح يـــــا جسوري..
جاسر ببرود: اخرسي انتي..
حوريه بغيظ: حاضر..
فاطمه بحب: اللي تشوفه يــــا بني.. بس ياريت تبقا تكرر الزياره..
جاسر بحب: حاضر يـــــا امي..
حوريه راحت حضننت نجمه وقالت: انا حبيتك اوووي وحبيت عيونك اكتر..
نجمه بضحك: وانا كمان حبيبتك يـــــا روحي...
جاسر بهدوء: يلا يـــــا حوريه..
حوريه بابتسامة: حاضر..
وفعلا جاسر وحوريه مشيوا..
✰ــــــــــــــــــــــــ✰
في صباح يو9م جديد..♡
في الجهاز..♡
اللوا سليم بفخر: انا فخور فيك يــــا جاسر في وقت قياسي هنقدر نمسك العصابه دي..
جاسر بابتسامة: باذن الله يـــــا فندم خلال اسبوعين هعرف مين الراس الكبيره بتاعت العصابه دي..
اللوا سليم بحب: ده اللي واثق منه يـــــا بني..
جاسر بهدوء: اتمني اكون قد ثقتك فيا يــــا فندم..
اللوا سليم بهدوء: في مجهول حاول يق'تل نجمه وهي بره البيت..
جاسر بصدمه: وحضرتك عرفت ازاي..
اللوا سليم ببرود: لان نجمه متراقبه مننا.. لان حياتها في خطر بسب السلسله اللي معها..
جاسر بهدوء: فعلا دي كانت محاوله اغتيا'ل واكيد هتتكرر تاني..
اللوا سليم بهدوء: لازم السلسه اللي معها هتكون معانا في اسرع وقت ودي مهمتك انت يـــــا جاسر..
جاسر بغيظ: مهمتي ازاي يـــــا فندم..
اللوا سليم ببرود: انت زيارتك هناك كتيره اليومين دول.. حاول تجيب السلسه وانت هناك..
جاسر بهدوء: هي لابسه السلسه في رقبتها طول الوقت.. لانها هديه من ادهم الله يرحمه..
اللوا سليم بعصبيه: اتصرف يـــــا سياده المقدم..
جاسر بغيظ: تمام يـــــا فندم.. وادي التحيه العسكريه وخرج بعصبيه..
✰ـــــــــــــــــــــــــ✰
في منزل نجمه.. ♡
فاطمه بخوف: يــــا بنتي اسمعي كلامي وخليني اخدك للدكتور يشوفك..
نجمه بتعب: انا كويسه يــــا ماما.. شويه وهرتاح..
فاطمه بهدوء: طيب خدي كلي انا عملتلك شوربه الخضار دي عشان تدفي بطنك..
نجمه بارهاق: صدقيني يـــــا ماما مش هقدر اكل حاجه دلوقتي.. معدتي مش متقبله الاكل خااالص..
فاطمه بحب: يــــا بنتي دي حاجات بتحصل لاي واحده حامل.. انتي لازم تاكلي حاجه عشان اللي في بطنك يـــــا حبيبتي..
نجمه بهدوء: حاضر يــــا ماما..
بعد وقت انتهت نجمه من تناول الطعام..
نجمه بابتسامة: كويس كده يـــــا ماما..
فاطمه بضحك: كويس اوووي يـــــا قلب ماما.. وبعدين قالت نامي انتي وارتاحي وانا هروح اشوف تقي بتذاكر ولا لا..
نجمه بتعب: طيب..
في غرفه تقي.. ♡
كانت حاطه الفون في قلب الكتاب وبتقرا روايه عشق الزين..
تقي كانت بتكلم نفسها: يارب واحد زي زين الجارحي او مراد الالفي انا راضيه والله بواحد منهم..
فاطمه بهدوء: وايه كمان يـــــا اخره صبري..
تقي بابتسامه بلهاء: مش هتصدقيني صح لو قولتلك اني لسه ماسكه الفون حالا يــــا فطومه صح..
فاطمه ببرود: صح اوووي كمان ..
تقي بابتسامه هبله: كنت عارفه والله..
فاطمه بعصبيه: هاتي الفون ده يـــــا حيو'انه..
تقي بغيظ: خدي يـــــا فطومه وبعدين قالت بهمس مش مسامحكي عشان ديما ظالمني كده..
فاطمه بهدوء: بتقولي حاجه يـــــا تقي..
تقي بابتسامه بلهاء: لا ابدا..
فاطمه بهدوء: بحسب.. يلا ذاكري..
تقي بغيظ: طيب..
✰ـــــــــــــــــــــــــــ✰
في مكان بعيد عن انظار الناس يسوده الحقد والغل..
مجهول1 بغضب: يعني ايه كلامك ده..
مجهول 2ببرود: يعنى انا معتش عاوز اكمل في القر'ف ده..
مجهول1 ضحك بشر وقال: القر'ف ده انت اللي دخلت فيه برجليك.. ومحدش كان جابرك عليه..
مجهول 2 بهدوء: وانا بنسحب منه دلوقتي..
مجهول 1 بشر: يبقا علي مو'تك يـــــا سياده المقدم..
#البارت_التـــامن
مجهول 2بهدوء: وانا بنحسب منه دلوقتي..
مجهول 1 بشر: يبقا علي مو'تك يــــا سياده المقدم..
مجهول 2 بضحك: ولا تقدر تعمل حاجه.. اوبس قصدي ولا هتقدري تعملي حاجه.. عارفه ليه.. لاني انـــا المقدم الياس الرفاعي..
مجهول 1 بشر: لا اقدر وانت عارف كده كويس انا قت'لت اخويا وابنه و لا كان فارق معايا.. علي قد ما فرق معايا الفلوووس..
الياس بصدمه: انتي اللي قت'لتي ادهم..
مجهول 1بضحك: ايوه انا اللي قت'لت ادهم ابن اخويا.. انا سهير اكبر زعيمه مافيا في العالم..
الياس بصدمه: يـــــا جبروتك يــــا شيخه.. ادهم عمل ايه تقت'ليه.. وتحرمي عيلته منه..
سهير بضحك: عمل كتير اووووي.. ادهم ابن اخويا في اخر مهمه ليه عرف اني ورا خطف البنات وعمليات القت'ل اللي بتحصل في البلد.. فكان لازم اخلص عليه..
الياس بصدمه: معقول انتي ورا كل ده..
سهير بضحك: انا بنفذ كلام الباشا مقابل الفلووس مش اكتر يـــــا سياده المقدم.. انت مفكر لقب السفا'ح ده من فراغ.. انا بقت'ل بدم بارد.. حتي الناس القريبه مني.. شغلي مفيش فيه رحمه..
الياس بغيظ: وانتي مش خايفه اني ابلغ عنك..
سهير بضحك: مش هتقدر لان الكل مفكر انك الشرير في الحكايه دي..
الياس بصدمه: ايه..
✰ــــــــــــــــــــ✰
في منزل نجمه..💜
فاطمه بحب: ها يــــا نجمه ايه رأيك فيهم..
نجمه بحب: شكلهم كيوت اوووي يـــــا ماما..
فاطمه بحزن: دي كانت هدوم ادهم الله يرحمه.. كنت بحب احتفظ بحاجته..
نجمه بدموع: الله يرحمه يــــا ماما.. ان شاءلله نجتمع كلنا في الجنه..
فاطمه بحب: امين ياارب..
نجمه بتعب: عن اذنك يـــــا ماما هدخل ارتاح شويه..
نجمه خدت الهدوم دخلت اوضتها..
نجمه قعدت علي السرير وحطت ايديها علي بطنها وقالت ياريت كنت موجود معايا يــــا ادهمي في الوقت ده.. وحشتيني اوووي يــــا ادهم..
بعد مرور ساعتين تقي دخلت علي نجمه ولقتها نايمه ودموعها علي خدها..
تقي بحزن: نجمه اصحي..
نجمه بتعب: حاضر يـــــا حبيبتي صحيت اهو..
تقي بحزن: نجمه انتي كنتي بتعيطي..
نجمه بابتسامه: كنت بعيط ايه يـــــا هبله.. ما انا كنت نايمه..
تقي بدموع: انا مش هبله يــــا نجمه وانا وانتي عارفين كويس انك كنتي بتعيطي ليه..
نجمه بدموع وحزن: مش قادره يـــــا تقي.. بشوفه في كل مكان.. بفتكر مواقفنا مع بعض.. ضحكنا مع بعض وهزرانا.. مش قادره انسي ادهم يـــــا تقي..
تقي بحزن خدت نجمه في حضنها وقالت: بصي يـــــا نجمه كلنا عارفين انك مستحيل تنسي ادهم.. بس لازم تحاولي تتعيشي مع الواقع انه معتش موجود في عالمنا دلوقتي..
نجمه بحزن: من امته وانتي بتفهمي كده.. قولي..
تقي بمرح: طول عمري يــــا اختشي..
فاطمه بصراخ من بره: انتي يـــــا زفت'ه انا قولتلك تروحي تصحي نجمه مش تنامي جمبها..
تقي بضحك: طول عمرها ظالمني الوليه دي..
نجمه بابتسامة: اوووي.. قومي يلا نخرج..
تقي بابتسامة: يلا..
وفعلا خرجوا..
فاطمه مسكت تقي من شعرها وقالت: مش انا قولتلك صحيها وتعالي اغسلي المواعيين..
تقي بغيظ: ما هي مكنتش راضيه تصحي يا فطومه اعمل ايه يعني..
نجمه بضحك: خلاص يـــــا ماما.. انا فعلا مكنتش راضيه اصحي..
تقي بحزن: شوفتي طلعتي ظالمني ازاي.. وقالت بدموع مزيفه.. هروح اغسل المواعيين عايزين مني حاجه..
فاطمه بحزن: اسفه يـــــا روحي فكرتك نمتي مع نجمه.. خليكي وانا اغسلهم عشان ظالمتك...
تقي بصراخ: تعيش فاطمه.. تعيش..
فاطمه بصدمه: انتي مش كنتي بتعيطي من شويه..
نجمه بضحك: همو'ت مش قادره.. ههههه..
فاطمه بغيظ: بقا بتضحكي عليا يــــا بنت الجز*مه.. وحدفت ابو ورده في وشها..
تقي بغيظ: ما انا مش هغسل المواعيين في البرد ده..
نجمه بضحك: امال الساخن جوا بيعمل ايه..
تقي بغيظ: راح عن بالي..
فاطمه بصراخ: غورررري من وششي بسرعه..
تقي دخلت المطبخ وبدات تغسل المواعيين..
✰ــــــــــــــــــــ✰
في قصر الكيلاني..♥
حوريه بدموع: بالله عليك يـــــا جاسر وافق..
جاسر بعصبيه: مستحيل اخليكي تسافري لوحدك انتي فاهمه..
حوريه بدموع: فاهمه.. وطلعت تجري علي اوضتها..
جاسر بعصبيه طلع فوق وسمع حوريه وهي بتعيط..
جاسر دخل بهدوء الاوضه لقها دفن وشها في المخده وبتعيط..
جاسر بهدوء: حوريه..
حوريه بشهقات: انا مخصمك مش بكلمك يـــــا جاسر..
جاسر بحزن: مينفعش اسيبك تسافر لوحدك يـــــا حوريتي..
حوريه بدموع: بس انا هكون مع اصحابي يــــا جاسر..
جاسر بهدوء: خلاص يـــــا حوريه روحي وانا هفضل قاعد لوحدي هنا في القصر..
حوريه بحزن: بس انت بتروح شغلك وبترجع متاخر وانا بفضل قاعده في القصر الكبير ده لوحدي..
جاسر بحزن: غصب عني يـــــا حوريه.. وانتي عارفه كده..
حوريه بحزن: عارفه.. قوم البس عشان تروح شغلك..
جاسر بحب: مش زعلانه..
حوريه بحب: لا..
جاسر بحنان باس راسها وقال: احلي حوريه في الكون.. وخرج عشان يلبس..
بعد ما جاسر خرج حوريه بصراخ جتلي فكره وقامت لبست هي كمان..
بعد وقت حوريه خلصت لبس ونزلت تحت لقت جاسر خارج من باب القصر..
حوريه بصراخ: جاسر استني..
جاسر بصدمه: انتي لابسه وراحه فين..
حوريه بابتسامة: عند نجمه وتقي...
جاسر اول ما سمع اسم نجمه قلبه بقا يدق جامد..
حوريه بحب: بالله عليك يـــــا جاسر وافق.. بدل ما اقعد لوحدي..
جاسر بهدوء: طيب يلا علشان اوصلك..
حوريه بابتسامة: يلا..
وفعلا جاسر وصل حوريه عند بيت نجمه وذهب الي شغله...
✰ــــــــــــــــــــــــ✰
في الجهاز..♥
جاسر كان قاعد في مكتبه بيشتغل.. بس تفكيره بيروح عند نجمه..
جاسر بعصبيه: فوق بقا دي كانت مرات صاحبك..
جاسر فاق من سرحانه علي صوت مسدج..
جاسر مسك فونه وفتح المسدج وكان عباره عن فيديو تعذ'يب
لادهم قبل ما يمو'ت..
جاسر بصدمه: ورحمه امي ما هرحمك يـــــا الياس الكل'ب...
#البارت_التاسع
جاسر بصدمه: و رحمه امي ما هرحمك يـــــا الياس الكل'ب..
في مكتب المقدم الياس..
الياس كان بيشتغل وجاسر دخل عليه بهجميه ومسكه من هدومه..
جاسر بغضب: ليه عملت كده..
الياس بعدم فهم: مش فاهم عليك يا جاسر..
جاسر بغضب: اسمي المقدم جاسر يـــــا رو'ح امك..
الياس بعصبيه هو الاخر: متغلطش يــــا سياده المقدم... انت فاهم..
جاسر بعصبيه: لا مش فاهم يالا..
الياس بهدوء : في ايه يـــــا سياده المقدم..
جاسر فتح فونه علي الفيديو وقال: في انك واحد ند'ل وخاين يــــا الياس..
جاسر بقا يضر'ب الياس بعصبيه.. والياس مستسلم من صدمته..
اللوا سليم بعصبيه: ايه اللي بيحصل هنا..
جاسر بعصبيه: ولا حاجه يـــــا فندم..
اللوا سليم بعصبيه.. شد فون جاسر من ايده.. وقال بصدمه: انت يـــــا الياس تعمل كده..
الياس بهدوء: صدقني يـــــا سياده اللوا الفيديو ده كله كدب انا مستحيل اعمل كده في ادهم..
اللوا سليم بهدوء: انت متحول للتحقيق يـــــا سياده المقدم الياس.. و موقوف من العمل..
الياس بصدمه: صدقني يــــا سياده اللوا انا مظلوم والله..
اللوا سليم مردش علي الياس وخرج..
الياس بحزن: صدقني يـــــا جاسر انا مستحيل اعمل كده.. مستحيل اخون يـــــا صاحبي..
جاسر بهدوء: انا هدور علي الحقيقه بنفسي.. بس صدقني يـــــا الياس لو طلع ليك ايد في قت'ل ادهم.. صدقني ما هرحمك..
العسكري بمقاطعه: اتفضل معايا يـــــا سياده المقدم علي غرفه التحقيق..
الياس مشي مع العسكري بهدوء وهو في حاله حزن..
✰ـــــــــــــــــــــــ✰
في منزل نجمه..♥
كانوا في المطبخ بيجهزوا الاكل لحد مــا رن جرس الباب..
فاطمه بهدوء: روحي يـــــا تقي شوفي مين..
تقي بغيظ: اصل انا الخدامه الفلبينية بتاعتكو صح..
فاطمه ببرود: انجزي يــــا حيو'انه..
تقي بغيظ: حاضر..
نجمه بابتسامة: ارتاحي انتي يـــــا ماما وانا هكمل..
فاطمه بحب: معتش غير السلطه.. هعملها وخلاص..
نجمه بابتسامة: طيب..
تقي بصراخ من برا...
فاطمه بخوف: في ايه يابنت الهبله..
تقي بابتسامه بلهاء: حوريه هنا..
فاطمه بغيظ قلعت اللي في رجلها وحدفته في و'ش تقي..
تقي بابتسامه بلهاء: بتحبني اوووي الوليه دي..
نجمه بضحك: تستاهلي عشان تخوفيني عليكي اووووي..
حوريه بابتسامة: ازيك يــــا امي..
فاطمه بحب: كويسه يــــا حبيبتي.
حوريه بحب: عامله ايه يـــــا نجمه والبيبي عامل ايه..
نجمه بابتسامه: الحمدلله يـــــا حبيبتي المهم انتي..
حوريه بابتسامة: الحمدلله بخير..
نجمه بحب: ديما يارب..
فاطمه بحنان: اقعدي يـــــا حبيبتي ارتاحي لحد ما نحط الاكل علي السفره..
حوريه بابتسامة: لا انا حابه اساعدكوا..
تقي بسعاده: طيب ساعديهم انتي يـــــا حور وانا وهرتاح شويه..
فاطمه بهدوء: ترتاحي من ايه يـــــا حبيبتي..
تقي بابتسامه بلهاء: من الراحه يـــــا امي..
فاطمه بصراخ: علي المطبخ يـــــا تقي يلا..
تقي بابتسامه: بهزر والله..
وفعلا جهزوا الاكل في جو مليان حب وبهجه..
بعد فتره انتهوا من تناول الطعام..
فاطمه بحب: جاسر عامل ايه يـــــا حور..
حوريه بابتسامة: بخير الحمدلله..
فاطمه بحب: يـــــارب ديما ياقلبي..
حوريه بابتسامة: ممكن يـــــا نجمه اشوف السلسه دي عشان اخلي جاسر يجيبلي واحده زيها..
نجمه بابتسامة قلعت السلسلة وقالت: اتفضلي يـــــا حبيبتي..
حوريه خدت السلسه من نجمه وبدون مــــا حد يلاحظ بدلت السلاسل مع بعض..
حوريه بابتسامة: شكرا يـــــا نجمه..
نجمه بحب: العفو يــــا قلبي..♥"
مر اليوم بدون احداث تذكر..💜"
✰ـــــــــــــــــــــــــ✰
في صباح يوم جديد..♥"
في الجهاز..💜"
اللوا سليم بحزن: مكنتش اتوقع ان الياس يكون خا'ين..
جاسر بحزن: الياس مستحيل يعمل كده يـــــا سياده اللوا.. اكيد في حاجه ورا الموضوع ده وانا لازم اعرفه..
اللوا سليم بحزن: يـــــاريت يطلع كل ده كذ'ب..
جاسر بهدوء: الحقيقه هتظهر يـــــا سياده اللوا انا واثق ان الياس برئ..
اللوا سليم بهدوء: عملت ايه في السلسه يـــــا سياده المقدم..
جاسر بتذكر.. انا نسيت امر السلسه بسب موضوع الياس..
اللوا سليم بعصبيه: احنا محتاجين السلسه دي ضروري يـــــا سياده المقدم.. هي حل اللغز.. انت فاهم..
جاسر بايماء: فاهم يــــا فندم وادي التحيه العسكريه وخرج..
في قصر الكيلاني..♥"
حوريه بصدمه: انت رجعت من الشغل بدري يــــا جاسر... هتتحسد والله..
جاسر بهدوء: انتي جبيتي السلسه اللي قولتلك عليها يــــا حوريه..
حوريه بابتسامة: نسيت..
جاسر بعصبيه: نعاااام..
حوريه بخوف: بهزر والله وطلعت السلسه من جيب بنطلونلها..
جاسر بهدوء اخد السلسه وقال.. يـــــاريت بلاش هزار من ده تاني يــــا حوريه..
حوريه بحزن: تمام يـــــا جاسر..
جاسر خرج بعصبيه من القصر ورجع الجهاز التاني..
✰ـــــــــــــــــــــ✰
تقي بابتسامه: بالله عليكي وافقي يـــــا فطوومه..
فاطمه بهدوء: لا مفيش خروج..
نجمه بابتسامة: خلينا نخرج يـــــا ماما احنا من زمان مش خرجنا.. وانا زهقت من قاعده البيت..
فاطمه بحب: طيب ادخلوا البسوا يلا..
تقي ونجمه بسعاده: حاضر..
بعد وقت نجمه وتقي خلصوا لبس..
نجمه بابتسامة: احنا خلصنا يــــا ماما..
وفعلا خرجوا واتفسحوا وهم راجعين جيت عربيه بسرعه رهيبه شدت نجمه بالقوه ودخلتها العربيه واختفت عن الانظار..
يتبع..
نزلت معنا التفاعل علي اللي قبله وحش فياريت القي تفاعل
الفصل العاشر والحادى عشر من هنا
❤️🌺🌹❤️🌺❤️🌹❤️🌺🌹❤️🌺🌹❤️🌺🌹❤️🌺🌹🛺🛺🛺🛺🛺
الصفحه الرئيسيه للروايات الجديده من هنا
جميع الروايات الحصريه والكامله من هنا
انضموا معنا علي قناتنا بها جميع الروايات على تليجرام من هنا
❤️🌺🌹❤️🌺❤️🌹❤️🌺🌹❤️🌺🌹❤️🌺🌹❤️🌺🌹🛺🛺🛺🛺🛺
تعليقات
إرسال تعليق