رواية نقاء قلبي الفصل السادس عشر والسابع عشر بقلم الكاتبه آيه عيد حصريه وجديده على مدونة النجم المتوهج للروايات والمعلومات
 |
رواية نقاء قلبي الفصل السادس عشر والسابع عشر بقلم الكاتبه آيه عيد حصريه وجديده على مدونة النجم المتوهج للروايات والمعلومات
عز اتجه الاوضة بسرعة ،وشاف ليل واقفة بتعيط وماسكة المزهرية في أيدها ،ورفعاها علي سلمي.
رمتها عليها بس عز بعد امه بسرعة ،وبص ل ليل بغضب:لييييل.
ليل اتخضت من صوته ،وفضلت واقفة في الزاوية منكـ.مشة في بعضها وبتعيط.
عز بص لوالدته يطمن عليها.
سلمي :لا بقي يابني ،انت لازم تعا*لجها،احنا مش هنفضل في كدا كل يوم.
عز بعد عنها وقرب من ليل ال بتترعش وخايفة منه.
ليل بدموع ورعشة : م مكنتش ا اقصد ولله ،ا انا مش عارفة جرالي ايه....ا انا اسفة.
عز قرب منها واخدها في حضنه وهو شايف ضعـ.فها وخوفها منه هو كمان.
سلمي قربت وحطت أيدها علي كتفه:لو انت بتحبها عا*لجها،حالتها ممكن تسو*ء لو فضلت كدا ....ممكن ييجي يوم وتشوفك زي ما بتشوفنا.
عز نظر لها وعينه فيها حزن وتردد وغضب ،ومش عارف يقول ايه ،خايف فعلا لحالتها تزيد مع الوقت وتخاف منه هو شخصيا، ومحمل نفسه السبب ....فاكر بسبب صدمتها لما طلقها ،ويمكن بسبب الصدمة أنها تخيلت تكون وحيدة وتشوف اال بتشوفه دا.
ضمها لحضنه اكتر بعد ما بدأت تهدأ زي الاطفال،وبطلت عياط.
نظر لوالدته بهدوء:انا هتصرف.
سلمي بصتله بتنهيدة ،واومأت ليه وخرجت.
مسك ليل وقعدها علي الكنبة ،وهي مسكت في أيده بخوف:انت مش هتوديني مصحة ،صح؟!
عز حط أيده علي شعرها من الخلف بهدوء:لا يا حبيبتي ،مش هتروحي ،امال انا اقعد من غيرك ازاي؟!
ليل قربت واستلقت ورأسها علي رجله بتعـ.ب:متسبنيش يا عز،خليك جمبي....انا خايفة.
نظر لها بهدوء ،من تكرار هذه الكلمات بقت بتقولها كتير ،وكأنها حاسة أنه ممكن يبعد عنها،وتبقي لوحدها وتشوف تخيـ.لاتها دي وهو مش موجود عشان يطمنها بوجوده.
لقاها نامت ،وملامحها عليها التعـ.ب ،بس في نفس الوقت البراءة وجمالها لسة موجودين.
فجأة تلفونه رن،وظهر الضيق علي وشه من اسم المتصل رد بضيق:هااا؟!
شريف :ايه يا عز ،سيبتك كتير اهو ....مش ناوي بقي تقولي قرارك.
عز بحده:لسة محتاج وقت.
شريف:لحد امتا؟!
عز بهدوء:لحد ما اظبط الدنيا هنا....واظن انك مش هقدر تعمل حاجة،لان بنتك عايزاني ....فا لو نشرت الصور ،صدقني هند*مك انت،وبنتك مش هتبص في وشك حتي.
شريف بضيق: ماشي يا عز ،خد الوقت ال انت عايزه....بس اعرف انا مش هسكت كتير ،فا حاول تسرع الطريق شوية.
عز قفل معاه بضيق ،ونظر ل ليل ....بدأ يلعب في خصلا*ت شعرها وعينه عليها بهدوء ،بيفكر هي ازاي بقت كدا ،ازاي بتشوف الحجات دي وبتقعد فترة معينة وتختفي لما هو يقرب عليها.
@@@@@@@@@@@@@@@@@@@
في اوضة ريتاج
كانت قاعدة علي الارض وضامة رجليها بخوف،مش مصدقة أن اخوها عرف....وكانت بتسأل نفسها ،مين ال بعت الصور دي.
بصت تاني الصورة ،وكانت نفس الاوضة، نفس السر*ير،نفس كل حاجة فيها،الكاميره كانت في زاوية الغرفة من فوق....وهي مكنتش ملاحظة.
ريتاج بدموع:معقول،معقول انت يا عمار تعمل فيا كدا!!!طب ازاي ،ازاي جالك قلب تفـ.ضح مراتك....انا عملتلك ايه؟! كنت بتضحك عليا.
مسكت تلفونها ،وحاولت تتصل بيه تاني لكن مفيش رد.
رمت التلفون علي الارض بعصبية،وخبت وشها في رجليها وقعدت تعيط.
@@@@@@@@@@@@@@@@@@@
في الصباح ،وتحديدا امام القصر.
وقفت عربية انس ،ورنيم كانت معاه.
يصلها بهدوء:محتاجة حاجة؟!
رنيم بضيق وهي لا تنظر له:لا ،شكرا.
انس نظر لها شوية ،وبعدين جاب شنطتها من علي الكراسي ال في الخلف و مدها ليها.
اخدت الشنطة منه وبصتله بتوتر:ط طب وهتعمل ايه مع صحابك.
انس تتنهد وبص قدامه:هبقي اقولهم اي حاجة،هقولهم كل واحد راح لحاله ،وهما هيصدقوا طالما احمد بص فيها هيصدقوا ،لانهم عارفين أن عينه تجيب الفـ.قر.
رنيم ضحكت بتلقائية علي كلامه،وهو نظر لها وتاه في ضحكتها وغما*زتها ال سحـ.روه.
رنيم شافته وهو بيبصلها واتكسفت ،نزلت من العربية بسرعة وبصتله باحر*اج: شكرا انك ساعدتني....وصدقني ،مش هعمل كدا تاني،انا اتعلمت الدرس خلاص.
انس نظر لها واومأ بهدوء وسكت ،كان عايز يكلمها اكتر ،تفضل قاعدة معاه اكتر ....بس سكت.
رنيم اتنهدت ودخلت القصر ،وهو عينه عليها لحد ما دخلت فضل باصص عليها مستنيها تلف ،تبصله ،تشاورله اي حاجة ،بس هي مشيت علي طول....ومبصتش وراها.
اتنهد بضيق وانطلق بعربيته.
٪٪٪٪٪٪٪٪٪٪٪٪٪٪٪٪٪٪٪٪٪٪٪
داخل القصر ،دخلت رنيم
ريهام شافتها وجريت عليها وحضنها ،ورنيم بادلتها الحضن باشتياق.
ريهام بعدت عنها بضيق:بقالي اسبوع بتصل عليكي ،وانتي ولا هنا....مش قادرة تتصلي عليا تطمنيني .
رنيم بتوتر:ا انا اسفة ،بس التلفون وقع في المياه ،وبا*ظ ....ومعرفتش اتواصل مع حد.
ريهام:انتي تاني مرة مش هتروحي رحلات ،انتي كبرتي خلاص بقي كفاية رحلات لحد كدا.
رنيم بابتسامة: حاضر.
ريهام:اطلعي ارتاحي يلا ،لحد ما اقول للخد*م يجهزولك الفطار.
رنيم:تمام.
وطلعت علي اوضتها بتعـ.ب من كل ال شافته في الجيـ.ش.
@@@@@@@@@@@@@@@@@@@
في غرفة عز
كان نايم علي السرير ،وليل في حضـ.نه....صحي علي رنة التلفون.
قام قعد وسند رأسه للخلف ،ومسك التلفون.
عز:اممم.
كريم:عرفنا حاجة تخص شريف.
عز بهدوء:ايه هي؟!
كريم:يستحسن تيجي وتقابله،هو عارف حاجة قديمة.
عز بهدوء :مين؟!
كريم:رفعت ،صديق شريف القديم....وصديق والدك.
عز:تمام، انا جاي...جهز الرجالة.
كريم :أوامرك يا باشا.
عز قفل معاه وقام ،بس ليل بدأت تفوق وبصتله :انت خارج؟!
عز وهو متجه للحمام :اممم.
ليل سكتت،وهو دخل الحمام.
........بعد مدة ،خرج عز وهو لابس بدلة بقميـ.س اسود ،وجاكت اسود ذات خامة من الصوف الطبيعي عالي الجودة ، وبدا يختار ساعة من مجموعة ساعاته الفخمة.... واختار ساعة اومـ.يغا باللون الاسود مصممة خصيصاً لهُ....ببنطال اسود رجالي.
وضع برفا*نه الرجالي ذات الرائحة السا*حرة،وقام بتصفـ.يف شعره الناعم للأعلي....وشكله يدل علي الهيبة والوسامة والسيـ.طرة.
ليل وقفت بابتسامة:اغير انا كدا.
عز نظر لها بابتسامته الجانبية الخفيفة ،اقترب منها وحا*وط خصـ.رها: في النهاية انا ليكي انتي وبس.
ليل ابتسمت وحطت رأسها علي صد*ره:متتأخرش.
عز:حاضر....عايزة حاجة؟!
ليل بابتسامة هادئة:لا.
عز اقترب وطبع قبـ*لة خفيفة علي شفا*يفها ،ليل ابتسمت ورفعت نفسها شوية وطبعت قبـ*لة خفيفة علي عنـ*قه.
عز بخبث:انا كدا ممكن مقدرش أخرج.
ليل ابتسمت بخجل وسكتت....عز ابتسم ليها وبعدين ابتعد وخرج.
ليل اترددت بس قررت تنزل تقعد مع العيلة شوية.
واتجهت للحمام عشان تغير هدومها.
@@@@@@@@@@@@@@@@@@
في ملـ.هـي ليـ.لي.
يجلس رجل كبير في السن ،وتجلس فتاة علي قدمه،فستانها يُظهر اكثر ما يُخفي....حواليه رجاله وبعض الفتيات أيضا.
رفعت وهو ينفث د*خان سيجا*رته وينظر للفتاه وهو يتحدث مع مساعده.
مساعده: شريف بيلعب من ورانا ،اتفق معاك أنه مش هيبعت الشحنة للناس ....بس هو بعتها.
رفعت :انا كنت عارف ،شريف دا تعبا*ن بيلـ.دغ.
مساعده:طب وهتعمل ايه؟!
رفعت وهو ينظر للفتاه بقذ*ارة :نشوف الموضوع دا بعدين ....أنا مشغول.
فجأة دخل أحد الرجال وهو بيجري ،وعلي ملامح وجهه الر*عب.
مساعد رفعت باستغراب:في ايه يا ممدوح.
ممنوع بخوف وصوت عالي:عزززز الرفاااعي هناااا.
فجأة الكل اتر*عب ورفعت اتخض و بِعد البنت عنه بقوة وقام وقف ،وكل البنات جريت وراحت الاوضة،ورجالة رفعت وقفوا بخوف منتظرين دخوله.
ورفعت كان واقف وأيده بتترعش.
فجأة دخل عز بهيبته وأيده في جيبه بجمود،وجمبه كريم.... ووراه رجالته ال لابسين اسود وفي ايدهم الاسلـ. حة.
رفعت رجع خطوة للخلف بخوف ،و ومساعد رفعت جري علي الكنبة ونضفها بسرعة وبص لعز :ا اتفضل يا باشا ،اهلا بحضرتك.
عز قعد بجمود ورجع أيده للخلف وحطها علي حرف الكنبة من فوق.... و عينه جت علي رجالة رفعت واحد واحد،وفي النهاية جت علي رفعت.
رفعت قعد قدامه بخوف وبصله:ع عايز ايه يا عز؟!
عز انزل عينه وابتسم ابتسامة جانبية: عز؟! بقيت بتنطق اسمي عادي اهو.
رفعت بتوتر: م مش انت ابن صاحبي برضوا ،يعني زي ابن.....
مقدرش يكمل كلامه لما عز نظر ليه بحده ،خلته يخر*س.
عز بحده وبصوت قوي:اسمي لوحده بيـ.دب الر*عب في قلوبكم ، فما بالك بحضوري.....فا اتعدل معايا كدا وانطلق اسمي كويس.
رفعت بلع ريقه بخوف وسكت.
عز بجمود وهو يخرج علبة سجا*ءره : قولي بقي،شريف عمل ايه مع ابويا من عشر سنين.
رفعت بخوف: م معرفش.
عز وهو ينفث الد*خان بهدوء:اممم، متعرفش؟! تمام.
شاور لرجالته بإصـ.بعه السبـابة ،ورفعوا اسلـ. حتهم علي رفعت ،ورجالة رفعت هما كمان رفعوا عليهم.
عز نظر لرجال رفعت بهدوء:مظنش أنكوا عايزين كدا....انتوا عارفين كويس انا ممكن اعمل ايه.
رجالة رفعت بصوا لبعض بتوتر، وبعدين نزلوا
اسلـ. حتهم.
عز نظر لرفعت بجمود:انطق.
رفعت نظر ليه بخوف:ش شريف ضحك علي ابوك زمان واخد منه عقود بمصانع برا مصر.
عز بحده :دا ميهمنيش....الحا*دثة؟!
رفعت:صدقني معرفش مين السبب،ه هو اه ممكن يكون شريف ....بس قبلها بيوم كان سهـ.ران هو وابوك وكان كلامهم مع بعض كويس ،ومفيش حاجة تدل أنه يعمل فيه كدا.
عز اتنهد بضيق وقام وقف ونظر لرفعت:تمام يا رفعت،اتمني بقي مسمعتش اسمك تاني.
رفعت نظر ليه واومأ باحترام وتوتر وسكت.
وخرج ووراه رجالته وكريم.
رفعت بص لرجالته بغضب:ولا ليكم اي فايدة،امال انا مشغلكم ليييييه؟!
سكتوا بتوتر ،وهو وقف بغضب وخرج من المكان.
@@@@@@@@@@@@@@@@@@@
في القصر
ليل نزلت علي السلم وهي لابسة بنطلون اوفر سايز،وهودي لونه زيتوني وطرحة بيضة ،وشافت العيلة مجتمعة في الصالة وقاعدين علي الانتريه ،وجميلة موجودة وبتتكلم معاهم.
سلمي بضيق:كانت هتخـ.بطني تاني بليل.
جميلة:معلش ،هي بس يمكن عقلها تعبا*ن شوية.
ريهام شافت ليه وتكلمت باحر*اج:بس يا جماعة.
نزلت ليل باحر*اج بعد ما سمعت كلامهم ،وقفت قدامهم بتوتر:صباح الخير.
ريهام بابتسامة :صباح النور....تعالي اقعدي معانا.
ليل قعدت علي الكرسي بتوتر وهي ساكتة.
جميلة بخبث:انتي كويسة دلوقتي؟!
ليل بضيق:اه.
قربت منهم الخا*دمة: الفطار جاهز.
قاموا كلهم ،ريهام:امال فين ريتاج يا سلمي.
سلمي :تعبا*نة، ومش قادرة تنزل.
ريهام:يلا يا ليل ،قومي افطري معانا.
ليل قامت معاهم ،وراحوا كلهم للسفرة وجميلة معاهم.
بدأوا ياكلوا ،وجميلة باصة علي ليل كوباية العصير ال قدامها.
.......بعد مدة
الكل خلص وقام،و في نفس الوقت دخل عز ،ليل قربت منه بابتسامة هادئة.
عز ابتسم ليها :فطرتي ؟!
ليل اومأت ليه بابتسامة.
سلمي :تعالي أفطر.
عز:لا ،مش فاضي دلوقتي.
ليل فجأة حست برعشة في دماغها ،مسكت رأسها،وبقت بتغمض عينها وتفتحها وهي شايفة في حاجات في القصر بتتغير.
عز لاحظ وبصلها بقلق: في ايه؟!
ليل بصتله بتوتر وهي حاسة با*لم في رأسها....شافت شكله بيتغير،وبيكون لونه احمر.
رجعت خطوتين للخلف ،وهي بتبصله وبعدين بصت للعيلة بخوف.
عز فهم أن الحا*لة جت تاني.....لكن المرة دي ،هي خايفة منه هو كمان.
جميلة بسرعة:اكيد هتعمل كدا تاني ،عز يا لازم نلحقها....لازم تروح مصحة.
عز بغضب:اسكتييي،مش هتروح في حتة.
وبعدين بدأ يفكر بتردد،مسك تلفونه واتصل بيها بضيق:تيجي انتي وفريقك،هعا*لجها بس هنا في القصر....يستحسن يكون فريقك بنات.
الدكتورة بسرعة:حاضر.
عز قفل معاها وبص ل ليل،وبدأ يقرب منها....لكن هي خافت وجريت من قدامه وراحت عند الانتريه،شافت سـ*كينة علي طبق الفاكهة مسكتها ورفعتها قدامهم بخوف ودموع.
عز بقلق:لي ،ابعديها ،هتأ*ذي نفسك.
ليل بدموع:ابعدوووو عنييي ،ابعدوووو.
عز بعد عنها شوية وهو بيحاول يهدّيها.
عز: طب اهدي ،هبعد اهو...نزلي بس البتاعة دي من ايدك.
ليل رجعت للخلف بخوف ودموع،وقعت علي الارض بتعـ.ب:انتوا مين ،وعايزين مني ايه؟!
وفجأة استلقت علي الارض ، واغـ*مي عليها.
عز جري عندها بسرعة وحاول يفوقها،بس مفيش رد.شالها بسرعة وطلعها علي جناحه.
جميلة كانت واقفة مبتسمة بخبث ،ولما شافت العيلة كلها طلعت وراه ،جريت علي السفرة ومسكت كوباية العصير بتاعت ليل وخبتها في شنطها......بس كان في حد شافها.
عز أخدها ،ووصلت الدكتورة وفحصتها.
الدكتورة:لازم نجهز. الاوضة ال هنشتغل فيها ،قبل ما تفوق يا اما هتفضل كدا.
عز بحده:هتعا*لجيها ازاي؟!
الدكتورة بصت له بتوتر:نديها أدوية مضا*دة ،هنعملها علا*ج نفـ.سي....بس لازم تكون لوحدها،ميكونش في تواصل كتير بينها وبين حد ،عشان الحا*لة متظهرش تاني.
عز بحده:اياكي اعرف انك عملتي حاجة غير كدا.
الدكتورة بتوتر:زي ايه يعني؟!
عز بحده:زي الكهـ.ربة.
الدكتورة بتوتر:ها ،لا طبعا ،ال انت عايزه هو ال هيحصل....بس احنا محتاجين اوضة غير دي ،لازم نغير من الأماكن ال حواليها.
عز : الاوض كتير ،تقدري تجهزي حاجتك في أي واحدة منهم .
الدكتورة بصت لفريقها وكانوا بنتين:يلا.
وقاموا وراحوا الغرفة ،وعز شال ليل واخدها هناك كمان.
٪٪٪٪٪٪٪٪٪٪٪٪٪٪٪٪
خرج من الاوضة بعد ما حطها علي السرير، وهو قلقان عليها.
سلمي حطت أيدها علي كتفه:اهدي ،هتبقي كويسة.
عز تتنهد بضيق ،وهو بيفكر فيها.
داخل الغرفة ،الدكتورة جهزت كل حاجة والأدوية ،وجهزت كمان حق*نة،وبصت ل ليل.
.......بعد مدة ليل فتحت عينها ببطء ،وبصت حواليها .....اتصدمت لما لقت بنتين شكلهم غر*يب والدكتورة معاهم.
ليل قامت قعدت بسرعة وخوف وهي تبص حواليها:انتوا مين،و وانا بعمل ايه هنا....عز ،يا عزززز.
الدكتورة قربت منها بهدوء:اهدي لو سمحتي ،انتي لازم ترتاحي.
ليل بصت علي المحا*ليل ال في أيدها:ايه دا ؟!من ال حط لي البتاعة دي.
شدتها بسرعة وقامت وهما بيحاولوا يوقفوها.
ليل بدموع وعصبية:عزززز،الحقني....ابعدوا عني عايزة أخرج.
الدكتورة:يا مدام مينفعش ،انتي في فترة علاج دلوقتي.
الباب اتفتح ودخل عز،ليل بصتله وبتحاول تروح له بس البنات ماسك*ين فيها.
ليل بدموع :عز ،خليهم يسبوني....ا انا بعمل ايه هنا؟!
الدكتورة قربت من عز :لو سمحت يا عز بيه،لازم تطلع حالتها هتسو*ء واحنا عايزينها تاخد الادوية.
عز نظر ليها بضيق،وبعدين بص ل ليل بحزن ،وهو شايفها بتعيط وبتترجاه يأخذها معاه.
سلمي قربت منه:يلا يا عز .دا لمصلحتها يابني.
بعد ورجع للخلف، وليل بتنادي عليه بدموع.
خرج والدكتورة قفلت الباب ،وليل أنها*رت وهي بتنادي عليه.
ليل بدموع :عزززز،متسبنييييش...والنبيييي،عزززز.
الدكتورة قربت منها بالحق*نة ،وليل خافت ورجعت للخلف ،لكن هما مسكتها وعطوها الحق*نة.
وحست بتعـ.ب وحركتها بدأت تهدي.
ونامت تاني علي السرير.
٪٪٪٪٪٪٪٪٪٪٪٪٪٪٪٪٪
في الصالة عز رايح جاي بغضب.
جميلة:هتبقي كويسة يا عز ،اهدي انت.
عز يصلها بغضب:انتي بتعملي ايه هنا، هو كل يوم هتيجي عندنا.
جميلة بصتله بضيق وسكتت.
سلمي :ليه كدا يا عز،انا ال بقولها تيجي.
عز مسح علي شعره بغضب :في حاجة غلـ.ط ،انا متأكد.
جميلة اتوترت ،وبلعت ريقها.
عز :هي كلت حاجة النهاردة شربت حاجة؟!
ريهام:فطرت معانا.
عز نادا الخا*دمة وبصلها:الاطباق ال ليل اكلت فيها ،تديها لكريم وتقوليلوا يروح بيها المعـ.مل.
الخا*دمة:حاضر يا بيه.
ومشيت من قدامه.
وعز خرج من القصر بغضب ،وهو بيفكر في ليل.
خارج القصر شاف كريم و وقف معاه.
كريم :اهدي ياباشا،ما انت بتعمل كدا لمصلحتها.
عز سند أيده علي العربية:مش قادر اشوفها كدا،بتستـ.نجد بيا وانا مش قادر اعملها حاجة.
كريم :هي فترة بسيطة و هتبقي كويسة متقلقش.
عز:المهم،عملت ايه في موضوع الصور.
كريم:ملقيناش حاجة في بيته،ولا في الشركة ....بعتنا ناس تخصنا وملقوش حاجة.
عز:عنده بيت تاني ،ما اكيد مش هيبقي عنده الفيلا دي بس وهو نا*هب من ابويا قد كدا.
كريم:تمام ،هكلم الرجالة ،ويشوفوا.
عز:ابقي خد الاطباق ،وشوف بواقي الاكل دي فيها ايه.
كريم:اوامرك يا باشا.
@@@@@@@@@@@@@@@@@@@
في المساء
دخل عز اوضة ليل ،وشاف الدكتورة.
الدكتورة قربت منه:عز بيه أن.....
عز بحده:هقعد معاها شوية،اطلعي برا.
الدكتورة سكتت بتوتر وخرجت.
عز قرب وقعد جمب ليل علي السرير،ومسك أيدها بحنية.
ليل فتحت عينها ببطء ولما شافته دموعها نزلت بهدوء وبصتله بحزن.
عز با*س أيدها: سامحيني.
ليل مردتش عليه،وهو قومها وقعدها واخدها في حضنه ورأسها علي كتفه:عارف انك زعلا*نة مني ،بس انا عملت كدا لمصلحتك...انتي ممكن تأ*ذي نفسك لو فضلتي كدا.
ليل بدموع زي الاطفال: د دي عطتني حق*نة.
عز مسح علي ضهرها:معلش ....حقك عليا.
ليل بدموع:ب بس انا مش عايزة اقعد هنا.
عز بحزن: معلش استحـ.ملي ،عشان خاطري.
ليل بحزن ودموع:م متسبنيش طيب ،خليك معايا شوية.
عز :حاضر،انا معاكي اهو....مش همشي.
ليل حطت رأسها علي صد*ره ،ودموعها لسة علي خد*ها.
ليل ببحة:ا اوعي تمشي.
عز:مش همشي .
فضل معاها وهو بيمسح علي شعرها بهدوء ،وهي غفت في حضنه.
٪٪٪٪٪٪٪٪٪٪٪٪
في الصباح ،صحيت ليل ،وبصت حواليها ملقتش عز،زعلت أنه حتي مقدرش يستني لحد ما تصحي.
قامت قعدت بحزن ودموعها في عينها.
قربت منها الممرضة:تقدري تروحي تستحمي ،وتيجي عشان نبدا الجلسة.
ليل قامت بضيق ودخلت الحمام.
.......بعد مدة خرجت وهي لابسة بنطلون واسع ،وتيشرت واسع لونه اسود.
خرجت وقعدت علي حرف السرير.
قربت منها الدكتورة:عز بيه طلع بدري لانه جاله مكالمة عمل،وعرفت أنه هيرجع متأخر....وقالي ابدا معاكي بالعلاج التاني.
ليل باستغراب:قصدك ايه؟!
الدكتورة بصت للبنات وراحوا عشان يجيبوا حاجة.
الدكتورة بخبث ل ليل:يعني احنا هنعا*لجك صح.
بعد وقت جت البنات ومعاهم جهاز ،زي اسا*ور حديد واسعة شوية.
ليل خافت، والدكتور بصت لها : دي مو*جات ،كـ.هربة.
ليل بعصبية:انتي اتجننتي ،وكمان كد*ابة ....اكيد عز مقالش كدا.
الدكتورة بابتسامة:لا هو ال قالي كدا،وانا بنفذ كلامه بس.
ليل اتصدمت وبصت لها بعصبية وخوف،والبنات قربوا من ليل ومسكوها....والدكتورة قربت منها ووووووو
@@@@@@@@@@@@@@@@@@
#نقاء_قلبي
قعدوها علي الكرسي ،وربـ.طوا أيدها بالجهاز في الكرسي....وكمان حطوا حاجة علي دماغها.
وبدأت تشغله،وصوت صر*اخ ليل دوى في الاوضة كلها.
دخلت جميلة بسرعة وخوف وقفلت الباب وراها وقربت من الدكتورة بعصبية: انتي اتجننتي ،دا انا سامعة صوتها من برا....مش قادرة تحطي حاجة تكـ.تم صوتها دا!!!
الدكتور:حاضر هشوف حاجة.
وجابت لا*صق ،وقربت من ليل ال بتعيط با*لم.
وحطته علي فمها.
وبدأت تشغل الجهاز تاني ،وجميلة واقفة بغر*ور وعاقدة ذراعيها ومبتسمة بخبث.
فجأة الباب خبط،وجميلة والدكتورة اتخضوا....بعدوا الأجهزة عن ليل وخبوها، وشالوا ليل وحطوها علي السر*ير.
الدكتورة فتحت وكانت رنيم،رنيم دخلت باستغراب لما شافت جميلة:انتي بتعملي ايه هنا؟!
جميلة بتوتر: ع عشان اطمن علي ليل.
رنيم بسخرية:اه تطمني عليها ،اوكي....اطمنتي بقي!!! يلا برا.
جميلة بغي*ظ:اتكلمي معايا كويس.
رنيم:ماشي ،اتفضلي برا بقي ،عايزة اتطمن عليها.
جميلة بسخرية:هه ،اوكي.
وخرجت جميلة هي والدكتورة بتوتر وضيق.
رنيم قربت من ليل ال بتترعش بقوة ،حتي شفا*يفها كمان....وبتتنفس بسرعة وانفاس مرتعشة.
رنيم قربت منها ومسحت علي جبينها :الف سلامة عليكي.
ليل كانت باصة للسقف برعشة،وبسبب الدوا ،الحالة بدأت تظهر مرة تاني.
رنيم استغربت منها وقلقت ،قامت ومسكت تلفونها واتصلت بعز.
في الخارج
جميلة ببرود:هتقول حاجة لعز؟!
الدكتورة: لو علي ليل ،فا هي بسبب مش هتقدر ،دي ممكن تخاف منه هو اصلا....وكمان لسا*نها هيتـ.شل ،من الكهـ. ربة ال اخدتها.
جميلة:كويس....انا عايزاكي تعملي فيها كدا كل يوم ،لحد ما نخلص منها.
الدكتورة بخوف:انتي تخلصي منها ،وعز بيه يخلص عليا.
جميلة:متقلقيش ،هخليكي تسافري انتي وجوزك....المهم ،مفعول الدوا دا بيقعد قد ايه؟!
الدكتورة:يعني من ست ل سبع ساعات.
جميلة :تمام.
ومشيت جميلة من قدامها وهي بتفكر تكمل خطتها ازاي.
@@@@@@@@@@@@@@@@@@@
في غرفة ريتاج.
دخلت جميلة وشافت ريتاج علي الارض، وضامة رجلها.
قربت منها جميلة بتمثيل القلق:مالك يا ريتاج ،قاعدة ليه كدا.
ريتاج اتخضت وقامت وقفت بتوتر:ه ها ا لا ،لا مفيش.
جميلة:ازاي بس ،دا واضح عليكي جدا انك خايفة.
ريتاج دموعها نزلت غص*ب عنها ،وقعدت علي السرير.
جميلة قعدت جمبها وحطت أيدها علي كتفها:قوليلي،في ايه ....واعرفي اني مش هقول لحد.
ريتاج بصت لها بدموع وخوف:وعد؟!
جميلة بابتسامة خبيثة:وعد.
ريتاج بصت للأرض وبدأت تحكي ليها.
جميلة بصدمة:ايه ،يعني انتي طلعتي متجوزة؟!
ريتاج بدموع:اه ،و ومش عارفة اوصل لجوزي لحد دلوقتي.
جميلة بخبث:طب هو اسمه ايه؟!
ريتاج:اسمه عمار العوضي.
جميلة بصدمة:ايه؟! دا اتقـ. تل.
ريتاج بصت لها بصدمة واستغراب:ايه!!!انتي بتقولي ايه؟!
جميلة مسكت تلفونها:ايوا يابنتي ،دول ناشرين عنه ،في حد هـ.جم عليه هو ورجالته ،ومخلص عليهم بطريقة وحـ. شية.
وأخرجت صورة الاخبار في تلفونها ،وعطت التلفون لريتاج ال اتصدمت ودموعها نزلت.
جميلة بحزن:معلش يا حبيبتي اهدي.
ريتاج بدموع:مين ال عمل كدا؟!
جميلة بخبث:الله اعلم ،لسة محدش يعرف.
واكملت بخبث اكبر:بس عز ممكن يكون عارف حاجة.
ريتاج بصت لها بخوف وتوتر وسكتت وبصت قدامها بشر*ود.
@@@@@@@@@@@@@@@@@@@
خارج غرفة ليل.
جه عز بسرعة من مكالمة رنيم،وشاف رنيم واقفة قدام الاوضة بخوف.
عز:في ايه؟!
رنيم بتوتر: ل ليل ،دخلت عليها وكانت تعبا*نة ،وبتترعش بقوة....و وبعدين.
عز بغضب:وايه؟!
رنيم: وبعدين بدأت تصر*خ تاني,وبهـ.دلت الدنيا....انا مش عارفة البيت بقي غر*يب ليه كدا....دا انا لسة شايفة جميلة امبارح بتخبي كوباية العصير في شنطتها.
عز نظر برفعة حاجب وشك:جميلة؟!
رنيم:اه ،جميلة.
عز بص قدامه شوية وهو بيفكر وبعدين دخل بسرعة وشافها قاعدة وضامة رجلها عند الزاوية وهي مخبية وشها.
قرب منها ،لكن هي بصتله بخوف:ابعد،ا ارجوك....ا انا معملتش حاجة.
عز استغرب وقلبه وجـ.عه عليها،وهي قامت ووقفت بخوف وهي منكـ.مشة ،وعز بيبصلها بو*جع وباستغراب من حا*لتها ال زادت.
قرب منها بهدوء ولسة هيمسكها. لكن هي صر*خت: اوعييييي،ابعد عنييييي....انا بكر*هكككك.
عز استغرب من ردها،وبهدوء:طب اهدي دلوقتي ،اهدي انتي تعبا*نة.
ليل عيطت ووقعت علي الارض بدموع :انا بكر*هك....بكر*هكم كلكم،ابعد عني مش عايزة حد هنااااا.
وضمت رجلها تاني ومسكت رأسها با*لم.
عز نظر للادوية ال علي الكمود ،قرب منها واخد منهم علبة ونظر لها بشـ.ك....سأل عنه في الانترنت ،ولقا أنه مضا*د اكتـ.أب عادي وليس به ضر*ر ،استغرب اكتر.
ولكن لاحظ أن ما بداخل الزجاجة لون آخر غير لونها الطبيعي.
وضعها في جيبه ونظر ل ليل بهدوء وهي ضامة رجلها ومخبية وشها وبتعيط.
قرب منها بهدوء وحط جنبها قطعة شوكولاتة ،وهو ينظر لها بحزن.
خرج....وهي رفعت رأسها ببطء، نظرت للباب بحزن ودموعها لسة علي خد*ودها،وبعدين نظرت للشكولاتة ،اخدتها ونظرت لها....افتكرت حاجة.
وقامت بسرعة وضيق ،وقررت أنها مش هتفضل هنا ،جه في دماغها فكرة ،وقامت وجهزت خطـ.تها،واستعدت.
@@@@@@@@@@@@@@@@@@@
في مكتب عز
دخل بغضب ورما جاكته علي الارض بقوة.
مسك تلفونه واتصل بكريم:تيجي حالا ،عايزك.
قرب من خزنته وفتحها، اخد منها بعض الأوراق ،لفت نظره قسيمة جوازه هو وليل ،مسكها ونظر فيها وافتكر الماضي....شعر بالذ*نب،انه د*مر حياة طفلة ،وكبرها في السن من غير حب ولا مشاعر.
حطها مكانها وقفل الخزنة ،ولسة هيمشي ويتجه للمعـ.مل.
فجأة الباب اتفتح وكانت ريتاج ،دخلت وقفلت الباب وراها:عايزة اقولك حاجة.
عز بحده:انا مش فاضي،ويستحسن تمشي من وشي ،يا اما هخلص عليكي.
ريتاج بسرعة:هقولك مين ال معايا في الصور.
عز نظر لها بغضب.
ريتاج بخوف:د دا عمار،عمار العوضي.
نظر لها بشدة من ردها،فكيف يخبرها بأنه قتـ*له.
ريتاج بحزن ودموعها بتتجمع في عينها:ا انا سمعت أنه اتق*ال ،ا ارجوك يا عز لو تعرف مين ال عمل كدا قولي....د دا جوزي ،و وانا بحبه.
نزل كف قوي علي وشها ،اوقعها علي الكنبة.
عز بغضب: لا ولسة بتقولي جوزي!!! انتي المفروض وحمدي ربنا اني لسة سايبك عائشة بعد ال عملتيه.
ريتاج بدموع:ط طب انا عايزة اعرف مين ال عمل فيها كدا.
عز بغضب:اسكتييي،متدخليش في الحاجات دي.
ريتاج :بس انا عايزة اعرف،دا جوزيبي.
عز قرب منها بغضب ومسك شعرها ونبرة مخيفة:انا ،انا ال قت*لته....عاجبك كداااا!!!
نظرت له بصدمة وسكتت،وهو بعد عنها وخرج من المكان .
وهي كانت لسة مش مستوعب هو قال ايه.
@@@@@@@@@@@@@@@@@@@
في عربية عز.
كان قاعد بيسوق ،وكريم جمبه.
عز أخرج الدوا من جيبه وأعطاه لكريم:اعرف الدوا دا نوعه ايه.
كريم أحدها منه:تمام....كنت عايز اقولك بقي احنا اكتشفنا أن شريف عنده شقة في مكان بعيد،بعتت الرجالة وهما في طريقهم لهناك.
عز :تمام....انا انا بقا ،هخليه يا خد بدل الضر*بة اتنين.
كريم:ازاي؟!
عز: ورق يوديه في ستين دا*هية.
كريم نظر له وهو شايف نظرة الشـ.ر والغضب في عينه.
@@@@@@@@@@@@@@@@@@@
في غرفة ليل.
دخلت الممرضة وبصت حواليها مش لاقية ليل،استغربت وافتكرتها في الحمام.
فجأة وقعت علي الارض ،عندما خبـ.طها أحد من الخلف علي رأسها.
ليل اخدت نفس بقوة ،ورمت التمثال من أيدها بضيق.
قربت منها وبدأت تبدل ملابسها بملابس الممرضة ،وكان بنطلون ازرق ،وتيشرت بكم ازرق.
لبستهم ومعاهم الكاب.
وخرجت فورا،وهي خايفة.
طلعت من الباب الخلفي ،واستغـ.لت أن مفيش حد من العيلة تحت.
طلعت وشافت تاكسي ،وقفته بسرعة وهي بتبص حواليها،وقف التاكسي وهي ركبت وانطلق بيها.
@@@@@@@@@@@@@@@@@@@
في المستشفي.
عز بحدة:عشر دقائق ،واعرف ال جوا العلبة دي ايه.
الدكتور بتوتر:ب بس دا بياخد وقت نص ساعة مثلا.
عز بنظرة حده: قدامك عشر دقايق،هقعد اكتر من كدا!!!هحر*ق المستشفي دي بال فيهااا.
الدكتور بلع ريقه بخوف:ح حاضر ،حاضر يا عز بيه.
واخد الدوا وجري من قدامه ،وعز فضل واقف مستني بضيق.
@@@@@@@@@@@@@@@@
في القصر،وتحديدا في الجنينة.
الدكتور:انا عايزة اقولك حاجة.
جميلة وهي بتشرب القهوة ببرود:ايه؟!
الدكتورة بتوتر:هي حامل.
جميلة القهوة وقعت من فمها بصدمة ،وبدات تسـ.عُل.
بصت للدكتورة بصدمة: ه هي مين؟!
الدكتورة:ل ليل.
جميلة بعصبية:نعممم، ي يعني هيا حامل....ا ازاي!!!ل لا ا انا مش هسمح.
الدكتورة :هاتعملي ايه؟!
جميلة بشـ.ر :هخلص عليها.
الدكتورة بخوف:طب وانا؟!
جميلة بعصبية:انتي مش هتمشي في حتة غير لما تنفذي ال اقولك عليه.
الدكتورة بتوتر:هعمل ال انتي عايزاه ،بس انا وجوزي نسافر برا قبل ما عز بيه يعرف.
جميلة بحده:اوكي.
ومشيت ووراها الدكتورة ومتجهين لغرفة ليل.
@@@@@@@@@@@@@@@@
عند عز ،مر عشر دقائق بالظبط ،وخرج الدكتور بسرعة من المعـ.مل.
قرب من عز بتوتر: المادة ال موجودة في الدوا، مادة هلو*سة ، وال بياخد من من المادة دي بتجيله حالة اسمها هلو*سة بصرية....بتخلي الشخص يهلو*س لمدة معينة ،المواد دي بتكون في حق*ن ،عصير، اكل زي كدا يعني.
عز بصله بشدة ،والدكتور استأذن منه ومشي.
عز كان واقف والصدمة والغضب في عنيه.
مسك تلفونه واتصل بكريم.
عز بحده: الدكتورة وال معاها ،يكونوا في المخزن.
كريم باستغراب بس بطا"عة:أوامرك.
قفل معاه وهو بيتوعد ليهم،خصوصا جميلة وأبوها.
اتصل بشخص آخر.
عز بنبرة كلها شـ.ر وحده: هشام، في شخصية عايزها تكون تحت رجلي.
هشام: انت توأمر يا زعيم،قول اسمه بس واحنا نخليه ير*كعلك.
عز:شريف الجندي.
هشام:بليل هيكون في المخزن الجنوبي.
عز قفل معاه وخرج من المستشفي وانطلق بعربيته بأقصي سرعة.
@@@@@@@@@@@@@@@@
في القصر
طلعت جميلة هي والدكتورة علي غرفة ليل ،فتحوا الباب واتصدموا لما لقوا أحد البنات مرمية علي الارض....ولابسة لبس ليل.
الدكتورة قربت منها وفوقتها.
جميلة بعصبية:هي فييييين؟!
البنت وهي ماسكة رأسها با*لم :م مش عارفة ،د دي شكلها هر*بت.
جميلة بعصبية:هر*بتتتت ، ازايييي،انت مش المفروض تبقوا معاها طول اليوووووم.
فجأة الباب اتفتح ،ودخل كريم ووراه الرجالة ،ال قربوا من الدكتورة ومسكوها ،واخدو البنت كمان،وجابوا البنت التانية.
الدكتورة بخوف:في ايه ؟!ا انا معملتش حاجة....سبونيييي.
جميلة باستغراب وتوتر:في ايه يا كريم؟!
كريم :دي أوامر عز بيه.
واخدوا الدكتورة والبنات وخرجوا.
جميلة خافت وحست أن خطتها اتكشفت.
مسكت شنطتها وخرجت من القصر بسرعة واتجهت لبيتها عشان تحكي لابوها.
........بعد مدة
وصل عز ،وطلع علي اوضة ليل ،بس ملقهاش،استغرب دور في البلكونة والحمام ....بس ملقهاش.
نزل بسرعة وغضب وهو بينادي:كرييييييم.
العيلة اتجمعت علي صوته.
سلمي باستغراب:في ايه يا عز؟!
عز بغضب:فين ليل؟!
سلمي :في اوضتها هتروح فين يعني!!!
عز بغضب :مش في اوضتها.
ريهام:امال هتكون فين؟!
عز مسح علي شعره بقوة وغضب:كرييييييم.
جه كريم بسرعة:نعم يا باشا.
عز بحده:فين ليل؟!
كريم:مش عارف ،لما اخدنا الدكتورة مكانتش موجودة برضوا.
عز بغضب: جمع الرجالة،وخليهم يدورا عليها في كل حتة....ويروحوا بيت خالتها،يلاااا.
كريم:حاضر.
وخرج جري من القصر.
سلمي :يا ابني تلاقيها هنا ولا هنا في القصر.
عز بغضب :مش هنااااا،مشيت....مشيت وانتوا موجدين ومحدش مهتمممم.
سلمي سكتت بضيق.
وهو خرج من القصر يدور عليها.
ركب عربيته والغضب واضح في عنيه....قعد يفكر هتكون راحت فين.
ضر*ب بايده علي الدركسيـ.ون بغضب جحي*مي:انا السببببب....انا السبب في ال حصل،هر*بت بسبييييي....بس لا ،مش هسمح انك تبعدي عني،انتي بتاعتي وليا وهتفضلي ليا.
شد المقبض بقوة وانطلق بسر*عة جنو*نية.
@@@@@@@@@@@@@@@
في بيت جميلة
دخلت بخوف وشافت مامتها.
جميلة:فين بابا؟!
رقية باستغراب:مش عارفة...مالك قلقانة ليه كدا؟!
جميلة مسحت علي وشها بتوتر:ل لازم أكلمه في حاجة ضر*ورية.
رقية:في ايه؟!
جميلة سكتت بتوتر ،ومسكت تلفونها واتصلت بابوها بس مردش.
رمت التلفون علي الارض بعصبية واتكـ.سر.
رقية بعصبية:انتي اتجننتي!!!
جميلة بعصبية:اه اتجنننت ،ما المفروض يرد عليا مش يسيبني زي الكلـ.بة كدا.
وطلعت علي اوضتها بعصبية،ورقية بتبص ليها بذهول.
رقية بضيق:دلعتها اوي يا شريف،لدرجة أنها ممكن تنسي انك ابوها وانا امها.
@@@@@@@@@@@@@@@@
في المساء
في مخزن مجهول.
شريف فتح عينه بتعب وبص حواليه ببطء،جه يحرك أيده لكن مقدرش.
بص علي أيده لقاها مربو*طة بحبل، اتصدم وبص حواليه،لقي نفسه في مكان مجهو*ل.
شريف بغضب:مين ال جابني هنااااا.
هشام بحده وهو ماسك سلا*جه: اهدي يا يسطا، لسة ال جاي حلو.
شريف بغضب:انتوا ميييين ،وعايزين مني ايه!!!
هشام ببرود:الزعيم ال عايزك.
شريف بصدمة:عز؟!
دخل عز في هذه اللحظة وفي عينه الحده والغضب.
عز قرب منه بعيون مليانة شـ.ر: عز باشا...يا شريف.
شريف بغضب: بقي انت تعمل كدا يا عز،بتخطـ.فني!!!
عز بجمود وسخرية: تؤ تؤ تؤ...عيـ.ب عليك،واحد في سنك يتخطـ.ف.
شريف بحده:انت فاكر كدا انك هتقدر تمنـ.عني اني انشر الصور....دا في بُعدك،بنتي هتنشرهم مكاني.
عز نظر له بهدوء ولكن هدوء مخيف: ولله ،متأكد بقي علي كدا!!!
شريف نظر ليه باستغراب من هدوءه.
عز بحده : كان لازم تعرف انت بتلعب مع مين كويس.
شريف بغضب:انت عملت ايه؟!
عز حط أيده في جيبه بابتسامة جانبية خفيفة ونظر ليه بهدوء.
شريف بغضب :انت كد*اب ،انا مخبيهم في حتة انت متعرفهاش.
عز :وفاكر أن دا صعـ.ب عليا.
شريف نظر ليه بغضب وفهم أن خطتته فش*لت،وعز قدر يوصل للصور.
شريف نظر ليه بحده:وهتعمل ايه بقي؟!
عز قرب منه ووضع يديه علي الكرسي وبحده: هنتـ.قم لابويا ،ومراتي ال شافت الو*جع بسببك انت وبنتك.
شريف بصدمة:ا ابوك!!!
عز بعيون حمراء:ايوا ،ابويا ال انت نهـ.بت عليه فلوسه ،وخططت للحا*دثة.
شريف بلع ريقه بخوف وسكت.
عز: كان صاحبك ومعتبرك زي اخوه،بس انت ال عامل زي التعبا*ن....لازم تاخد ال يعجبك حتي لو علي حساب غيرك.
شريف بحده:خرجني من هنا يا عز،انت مش عارف انا ممكن اعمل فيك ايه.
عز وقف برفعة حاجب :ياراجل،وهو انت طلعت بتعرف تعمل حاجة؟!
شريف بقي بيحرك نفسه بقوة وغضب علي الكرسي:خرجنيييي.
عز واقف بيبصله وأيده في جيبه ببرود،وشاور لرجالته وراحوا جابوا حاجة.
جابوا جهاز فيه اب*رة في المقدمة وحطوه قدام شريف.
شريف بصدمة:ا انت هتعمل ايه؟!
عز :هنلعب.
قرب الجهاز منه ،وواضح أنه لما بيشتغل بيقرب ويدخل في دماغ شريف.
شريف بغضب:انت حيو*ااااان يا عز،حيو*ااااان.
عز قرب منه ووضع أيده تاني علي الكرسي ونظر ليه نظرة مخيفة،وبنبرة كلها شـ.ر: عندك حق،انتو خلتوني حيو*ان مفتر*س مبيرحمش....وانا هوريك الحيو*ان دا هيعمل فيك ايه.
شريف بلع ريقه بخوف من عيون عز ال مليانة شـ.ر وغضب.
عز بعد عنه وشغل الالة، وبدأت الابـ.رة تلف،وتقرب من شريف.
شريف بدموع:سامحني يا عز،والنبي سبني ....ا انا عايز اعيييييش سبنيييي،ارحمنييي.
عز وقف بعيد وأيده في جيبه وهو بيبص لشريف بجمود.
شريف:الحقني يا عز،سامحني انا عايز اعيش لبنتي.
عز بحده:متقلقش،هخليها تحصلك.
شريف بخوف:هتعمل فيها ايييييه؟!
عز بحده:هحر*قها.
شريف بصله بصدمة وبعدين بص الإب*رة ال بتقرب منه.
فجأة تلفون عز رن ،وكانت أحد الخد*م من الفيلا بتاعته ال كان عايش فيها هو وليل.
عز:الو؟!
الخا*دمة: اهلا يا عز بيه....كنت عايزة اقول لحضرتك ،ان ليل هانم هنا.
عز بسرعة:عندكم؟!
الخا*دمة:ايوا يا بيه،لسة جاية دلوقتي.
عز :اوعي تخليها تمشي،انا جاي.
وقفل معاها وبص لهشام: ابقي اخلص من جثـ.ته،وارميها في حتة.
هشام:أوامرك يا زعيم.
ومشي عز وركب عربيته وانطلق بسرعة متهو*رة،عشان يشوفها.
@@@@@@@@@@@@@@@@@
وشكرا لتعليقاتكم الحلوة
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
الفصل الاول حتى الفصل السابع من هنا
الفصل الثامن والتاسع والعاشر والحادى عشر من هنا
الفصل الثالث عشر والرابع عشر من هنا
الفصل السادس عشر والسابع عشر من هنا
أدخلوا واعملوا متابعة لصفحتي عليها كل الروايات بمنتهي السهوله بدون لينكات من هنا 👇 ❤️ 👇
❤️💙🌺🌹❤️💙🌺🌹❤️💙🌺🌹❤️💙🌺🌹❤️💙🌺🌹❤️💙🌺🌹
تعليقات
إرسال تعليق