رواية بنت الغلابه الحلقه السابعه والاخيرة بقلم الكاتب محمد منصور حصريه وجديده

رواية بنت الغلابه الحلقه السابعه والاخيرة بقلم الكاتب محمد منصور حصريه وجديده 

رواية بنت الغلابه الحلقه السابعه والاخيرة بقلم الكاتب محمد منصور حصريه وجديده 

يارب يكون مات. بني ادم واطي وحقير

دة اللي قالته معالي الابنه لكن عبد الله قال

معالي ما ينفعش كدة. وما تنسيش ان دة باباكي

معالي

وانا ما يشرفنيش ان واحد زي دة يبقي بابا

عبد الله

ماحدش فينا بيتخار ابو وامه

معالي

في دة معاك حق لكن ما حدش يقدر يجبرني علي احترام ابويا وامي.  وانا بعد اللي عرفته مش هقدر احترمه.  

عبد الله

هتخليني اندم اني حكيت لك ومش هكمل لك 

معالي

لا بالله عليك.  مش هينفع تسيبني كدة في نص الحكاية

وقولي هو مات ولا فضل عايش

عبد الله

مات بعد اللي حصل دة 

ب كام اسبوع.  وانها بعتها حصلته

معالي

لا. مش فاهمة وبالراحة بقي علي عقلي

عبد الله

هفهمك،،،،،،،،

وبدا عبد الله يكمل الحكاية 

بنت الغلابة 

كتابة واقتباس

محمد منصور.  

منص

وقبل ما نبدا نوحد الله ونصلي علي رسول الله

صلاة تحل بيها العقد وتفك بيها الكرب

بعد موت حسام ب شهر كان عبد الله قاعد مع معالي في مطعم وقت ما كانت بتقوله

احنا مش هننفع ل بعض

عبد الله

لية بتقولي كدة. دة انا بعد الايام علشان عديتك تخلص و اتجوزك. 

معالي

مش هنتجوز 

وبدات معالي تكح فقال

عبد الله 

معالي انت مالك

معالي

مافيش يا عبد الله.

ووقف مرة واحدة وقالت

انا لازم امشي

عبد الله مسك ايدها وبص في عيونها ولسة هيتكلم. سحبت ايدها من ايده ومشيت. استغرب اللي بتعمله لكنه قام وراء منها بعد ما دفع الحساب وخرج وراها من المطعم و قدر يحصلها ووقف قصادها وقال

م انا مش هسيبك تمشي غير لما تقولي في اية

معالي

في اني مش عايزه اتجوزك هو اية الجواز بالعافية

استغرب عبد الله اكتر وقال

بس دة ما كنش كلامك معايا قب،،،،،،

معالي اللي قلبها بيتقطع. قالت بعد ما قطعته

كنت بضحك عليك بنتقم منك برد لك اللي انت عملته فيا ولا انت فاكر اني لعبة في ايدك تقولي هبعد. فتبعد.

وبعدها تقولي هرجع فترجع وانا اقول لك في الحالتين يا مرحب بيك

عبد الله

يعني كنت بتضحكي عليه

كحت معالي تاني وقالت

ايوة افهم بقي وغور ابعد عني

عبد الله كان مصدوم وواقف مش مصدق نفسه لكن معالي سابته ومشيت و بمجرد ما اديته ظهرها دموعها نزلت زي الشلال وعبد الله لسة واقف ومش مصدق كل اللي اتقال. ،،،،،،،،

ونروح للشقة اللي عايشة فيها معالي. وكانت سماح مديرة الممرضين قاعدة قصاد منها وبتقول لها

الاشعة والتحاليل اكدت انك مريضة بالدرن. ومع المرض دة ما ينفعش تفضلي حامل

معالي

يعني عايزاني اعمل اية. انزل اللي في بطني واغضب ربنا

سماح

لا. تخليني اروح ل عبد الله واحكي له ظروفك. يمكن يقدر يساعدك

معالي 

بالله عليكي اوعي تعملي كدة لان مش هينفع بعرف اني حامل وهو المفروض انه عارف ان حسام ما دخلش عليه 

سماح

عرفي كل حاجة 

معالي عيطت وقالت 

و اخلي يبص ل ابويا وامي باصة مش حلوة.  مش هقبلها ابدا طول ما انا عايشة 

ورجعت معالي تكح. فقالت سماح

معالي حالتك محتاجة متابعه من دكتور كبير. ودة اللي يقدر يعمله عبد الله

معالي

عبد الله مش هيقدر يمنع القضاء وانا عارفة ان جسمي ضعيف ومرض زي دة هيخلص عليه بسرعة بس المهم عندي الطفل اللي في بطني ينزل سليم.،،،،،،،،

ونروح ل عبد الله اللي قاعد في اوضة حزين ودقنه طويلة. وقاعد بيفكر في اللي عملته معالي وقت ما دخلت عليه زبيدة وقالت

هتفضل كدة كتير

عبد الله

زبيدة بالله عليكي انا مش عايز اتكلم مع حد

زبيدة راحت ناحيته وقعدت قصاد منه وقالت

حتي لو عرفتك ان جالي عريس

فرح عبد الله. وقال

بجد

زبيدة

اة.  شافني اكتر من مرة وانا بجيب الخضار واتاري متابعني وبيحبني

عبد الله

مين دة اعرفه انا

زبيدة

جارنا موظف البريد استاذ عاطف. ما عرفش انا عجبته ازاي

عبد الله حضنها وهو فرحان وقال

وهو انتي مالك دة انتي زي القمر 

زبيدة 

طيب هينفع بقي يجي اول مرة. عندنا يشوفك بالمنظر دة

عبد الله

لا طبعا ما ينفعش هقوم احلق حالا

زبيدة مسكت ايدة وقالت

فين معالي

عبد الله قلبه اتوجع وقال

سيبيني افرح بيكي. وبلاش كلام عن معالي دلوقتي، ،،،،،

بعد سبع شهور من الفراق والحرمان بين معالي 

وعبد الله ومع اذان الفجر  يصحو كل اللي في الشقة اللي عايش فيها 

عبد الله علي صوت جرس التيلفون الارضي. اللي رد عليه صادق وقال

الو

صوت سامح اللي باين عليها القلق والخوف

عايزا الدكتور عبد الله بسرعة لو سمحت

ندهه صادق علي عبد الله اللي صحي من النوم وراح للتيلفون ورد وقال

الو

سماح

دكتور عبد الله بالله عليك ألحق معالي

عبد الله قلبه اتخلع من مكانه وقال

مالها معالي ،،،،،،،،،

ويتغير المشهد ونشوف معالي في كشك الولادة وحالتها غبر مستقرة بسبب الدرن اللي سبب لها التهابات شديدة في الرئة. وكان واقف عبد الله مع سماح وبيقول لها

ازاي ما تعرفنيش بكل اللي حصل دة جاية تطلبيني لما خلاص الحاله بقيت حرجة

سماح

هي اللي طلبت مني كدة

بص عبد الله. ل معالي اللي حالتها كانت تمنعها من الولادة الطبيعية وقال

 ل سماح

حضري البنج الموضعي علشان هولدها قيصري حالا،،

وبعد دقايق من القلق والخوف تمت الولادة ونزلت بنت ضعيفة ودة بسبب حاله امها فقال عبد الله ل سماح

البنت دي تحضن في الحضانة وتفضل تحت الملاحظة مفهوم

وخدت سماح الطفلة وراحت بيها للحضانه وهنا مسكت معالي ايد عبد الله وقالت بصعوبه

اللي في بطني نزل عايش 

ولا ميت 

عبد الله

عايشة الحمد لله. انتي خلفتي بنت زي القمر

معالي بصعوبه اكتر

كان نفسي الرحم بتاعي ما يشيلش اي طفل الا منك انت

لكن ربنا اراد اني ما اكنش ليك في الدنيا. بس انا صليت ودعيت كتير انك تكون ليا في الاخرة

ونزلت دموعها فمسحهم عبد الله اللي دموعه هي كمان نزلت وقال

لية بس بتقولي كدة انا عرفت كل حاجة ولسة العمر طويل وهنعوض كل اللي فات

معالي كحت بصعوبه وقالت

العمر الطويل ليك انت 

يا عبد الله لكن انا خلاص مش هخرج من هنا علي رجلي.  

وكحت تاني وقالت

عبد الله احنا ما عندناش مدافن علشان انت عارف اننا علي قد حالنا. بالله عليك ادفني عندكم علشان بعد عمر طويل ليك تكون جنب مني.

وكحت اوي اوي. والوجع بقي غير محتمل وقالت

هتوحشني يا حبيبي

وبدات سكرات الموت وهي في احضان عبد الله اللي كان بيقول

اوعي تروحي مني. بالله عليكي بلاش بلاش.  يارب

وبص لفوق وصرخ تاني وقال

يارب، ،،،،،،

ونرجع ل معالي الابنه اللي كانت بتعيط وعبد الله بيقول

وراحت معالي علشان تتولد معالي تانية تطلع عيني

وابتسم وخدها في حضنه. وقال

خلصت الحكاية ممكن بقي نقوم علشان ننام ونصحي بكرة علشان يبدا يوم جديد،،،،

كنتم مع. بنت الغلابة. يارب تكون عجبتكم

اللي بيحب الروايات الكامله والحصريه من هنا 👇 ❤️ 👇 

روايات كامله وحصريه

لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم 

الحلقه الاولى من هنا

الحلقه الثانيه من هنا

الحلقه الثالثه من هنا

الحلقه الرابعه من هنا

الحلقه الخامسه من هنا

الحلقه السادسه من هنا

الحلقه السابعه والاخيره من هنا