رواية غرام العيسى البارت الثالث والعشرون بقلم الكاتبه اسماء السيد حصريه وجديده

رواية غرام العيسى البارت الثالث والعشرون بقلم الكاتبه اسماء السيد حصريه وجديده

في الصباح

بيصحي عيسي وبيقرب من غرام وبيبوس راسها

عيسي بحزن:صباح الخير يا روما وحشتيني اوي اصحي بقا ارجوكي

اتنهد بحزن وقام اتجه للحمام الي في الغرفه

..... بعد مده طلع وكان لابس بدله رمادي

قرب من غرام وباسه بخفه وقعد علي طرف السرير

عيسي بشوق:وحشتيني اوي يا غرام اصحي بقا انا محتاجك اوي والله محتاجك اوي انا اسف انا عاوزك تصحي حتي لو هتموتيني وحشني جنانك وبرائتك وحنانك وحضنك وضحكك وكل حاجه فيكي يا قلب عيسي انا اسف يا احلي حاجه في حياة عيسي بس صدقيني لازم لما تصحي احكيلك عن حاجات كتير

وقام وطلع برا الغرفه والمستشفي كلها ومأخدش باله من ايد غرام الي اتحركت

عند سليمان

بيكون قاعد علي الفطار مع مراته وبنته

إبتسام :هوا احنا هنرجع الصعيد امتي يابابا

سليمان بتوتر:الله اعلم احل مشاكلي بس وهنرجع

حكمت:لاء بقا دا احنا بقالنا سبوعين بعيد عن بلدنا

سليمان بغضب:اعمل ايه يعني يا حكمت ما انتي شايفه الي انا فيه والي حاصل

حكمت بعوجه بوق:وانا مش مجبوره انا وبتي نستحمل الي بيحصل ده

سليمان بهدوء

حكمت انتي عارفه احنا هنا ليه

إبتسام:ليه يا ابوي

سليمان بخوف:يا جماعه عيسي الهواري لو عرف مكاني هيقت"لني ويرميني لكلاب السكك

حكمت:ومالو نروحله ونستسمحو كمان هوا انت اي حد ما انت كبير وغني وعندك فلوس وحراسه زيه واكيد هيسامحك

سليمان بسخرية:يسامحني هه عيسي الهواري ميعرفش يعني ايه رحمه ولا يعني سماح يعرف الق"تل والد*م

وكمان الفلوس والحراسه والملايين الي معايا ميجوش 1%من ثروه عيسي الهواري ولا رجالته ولا هيبته

حكمت بخوف:يامري هوا وحش للدرجه دي

إبتسام:وانت عملتله ايه عشان يعمل حاجه فيك اصلا

سليمان بتوتر:انا معملتش حاجه

فجأة دخل منصور

منصور:ياباشا

سليمان:ها في ايه

منصور:مرات عيسي الهواري اتصابت واتنقلت للمستشفي وفي غيبوبه

سليمان بتوتر:يا ابوي ومين الي عمل اكده

منصور بخوف:معرفش بس الي عرفته انه بيدور في حادثه انس

سليمان بخوف:أنس؟!

منصور بتوتر:هنعمل ايه

سليمان بتوتر:تب روح انت وهنتكلم بعديين

وخرج منصور وسليمان تعرق من التوتر والخوف وحكمت وإبتسام بيبصوله بشك وخوف

@@@@@@@@@@@@@@@@@@@@@@

في القصر

بيكون الجميع متجمع علي الفطار

روحيه:وغرام كويسه يا ولدي

حسن بحزن:مش عارف انا معتش عارف حاجه كل ما اطلع من مصيبه ارجع اقع في الاكبر منها وبنتي الي مبتقعدش في سلام اسبوع علي بعضه انا معتش عارف

عامر بمواسه:معلش ياولدي غرام طيبه وربنا بيحبها وهتقوم منها ان شاء الله

يوسف:بس ازاي يعني معرفناش مين الي اتجراء ودخل قصر الهواري واحنا نايمين

دياب بص علي بسمه وساره بشك:عموماً الي عمل. كدا مش هيفلت وهنجيبه ولو فاكر نفسه ذكي فإحنا هنوريه

رحمه:تب وعيسي ياحبيبي بات في المستشفى

مصطفى:حلف انه ما هيسيبها ولا هيرجع من غيرها

سامي:انا عاوز اقابل عيسي متعرفش هوا فيين

يوسف:لا والله معرفش

دياب:خليك وكدا كدا احنا راحيين ليه تعالي معانا بس في حاجه ولا ايه

سامي بتوتر:لاء مفيش حاجه بس عاوزه في موضوع كدا

فجأه دخل عيسي من الباب

عيسي:صباح الخير

الجميع:صباح النور

عامر:عامل ايه ياولدي

عيسي بتعب:الحمدلله

رحمه:تعالا افطر ياحبيبي

عيسي:لاء مش قادر

حسن:غرام لسا زي ماهيا

عيسي بحزن:الحمدلله

بسمه نغزت ساره في جمبها من تحت السفره

ساره :تب وهيا كويسه ياسي عيسي

عيسي بإبتسامه خبيثه:اه كويسه ياساره

الكل بصله بصدمه وهيا فرحت هيا وامها

سامي بسرعه:عيسي عاوزك في حاجه كدا

عيسي بملل:مش فاضي بعديين ياسامي

سامي بيأس:بس؟ ....... وطلع عيسي علي فوق

@@@@@@@@@@@@@@@@@@@@@@

في المساء وتحديدا في المستشفي

بيوصل عيسي ومعاه دياب ويوسف ولقا المستشفى مقلوبه والممرضين والدكاتره بتجري بزعر

عيسي بخضه :في ايه؟!

الدكتورة برعب:عيسي بيه!!!!!!

عيسي بحده:في ايه انطقي؟

وقف كل الممرضين والدكاتره لحد ماجه مدير المستشفي

المدير بتوتر:عيسي بيه هوا

عيسي بغضب:في ايه الي بيحصل هنا

المدير بخوف:هوا هوا مدام حضرتك..

عيسي بسرعه وقلق:مالها مراتي انطق .... ومسكه من ياقه قميصه بغضب وقلق

المدير برعب:مش لاقينها يابيه وراجعنا الكاميرات لقينها وعرفنا ان في ممرضه ساعدتها تهرب

عيسي سابه بدهشه:هربت؟ يعني غرام فاقت

دياب:اهدي هنلقيها

يوسف:فعلا عيسي اهدي و هنلقيها ممكن تكون رجعت القصر

عيسي فضل يكسر في كل الاجهزه بغضب والكل بعد عنه برعب واتحول لوحش بيكسر في كل حاجه

عيسي بغضب جحيمي:غراام لاءء غرام هترجع انا هجيبها ومش هسيبها ابدااا

وطلع جري من المستشفي وركب عربيته وساقها بسرعه جنونيه لدرجه ان يوسف ودياب ملحقهوش

@@@@@@@@@@@@@@@@@@@@@@

عند غرام

كانت ماشيه في الشارع وتايهه ودموعها مبتقفش ومش معاها تليفون حتي ولا فلوس

غرام بدموع:انا مستحيل ارجع هيقتلون"ي وانا بقيت اخاف من عيسي اووي دا وحش وكمان اعتدي عليا انا بكره.......

مقدرتش تكمل الكلمه وحست بغصه فظيعه في قلبها وعيطت اكتر

غرام وهيا بتبص علي ايدها:مش معايا غير دبلت عيسي انا هبيعها واخد فلوسها واهرب بعيد عن هنا....... اكملت بحزن شديد وحب:لاء انا مستحيل ابيعها دي اخر حاجه من ريحته معايا لاء انا ربنا مش هيسبني توكلت عليك يارب وفوضت امري اليك يا الله.....

وكملت مشي علي الرصيف لحد ماتعبتت وقعدت علي احد المقاعد ترتاح

قرب منها راجل كبير في السن وشكله تعبان

الراجل:لو سمحتي يابتي

غرام:اتفضل

الراجل:انا عاوز اروح ومش عارف وشكلي تايه متعرفيش اروح ازاي

غرام ضحكت بدموع:والله وانا كمان مش عارفه اروح ياحاج

الراجل بنظره غريبه:لاء انا فاكر بيتي بس مش قادر امشي ممكن توديني ينوبك ثواب يابتي

غرام ببراءه:من عيوني يا جدو اتفضل

وقربت وهوا سند علي العصايه الي في ايده

الرجل:تب تعالي اهو اتنين تايهين احسن من واحد تايهه

وغرام كملت معاه ببراءه وهوا كان بيبصلها بطيبه

لحد ما وصلو منطقه مخيفه شويه وقدام عماره من تلت طوابق وعليه بوابه كبيره