رواية غرام العيسى الفصل السابع بقلم الكاتبه أسماء السيد حصريه وجديده
رواية غرام العيسى البارت السابع بقلم الكاتبه أسماء السيد حصريه وجديده
رواية غرام العيسى الجزء السابع بقلم الكاتبه أسماء السيد حصريه وجديده
رواية غرام العيسى الحلقه السابعه بقلم الكاتبه أسماء السيد حصريه وجديده
رواية غرام العيسى الفصل السابع بقلم الكاتبه أسماء السيد حصريه وجديده
عيسي ببرود:كنت مستنيكي
مي بتوتر:انتا كنت عارف اني جايه يا عيسي
عيسي بحده:اكيد دا انت عيسي الهواري يعرف كل كبيره وصغيره
عامر:انتا عارفها يا عيسي
عيسي بحده وبرود:اكيد مي الشامي 27سنه قضيتين أداب واتجوزت 9مرات من رجاله قد أبوها وكلبه فلوس
مي برعب:انتا عرفت الكلام دا منين يا عي
قاطعها عيسي بغضب:متنطقيش اسمي علي لسانك فاهمه
مي بتوتر وخبث وبصت لغرام :بس انتا جوزي وانا حامل في ابنك
عيسي بضحكه خبيثه وقرب من غرام ومسكها من وسطها وهيا اتصدمت:انا متجوزتش غير غرام عيسي الهواري مراتي
ساره بصت عليهم بحقد
مي:يعني ايه انتا مش هتتجوزني تب وابني
عيسي بعد عنها وبصلها بغضب جحيمي وبنظره كفيله تقتلها وهيا اترعبت
عيسي بحده
يوسف دياب هاتوها وورايا
دياب ويوسف :حالا..... وقربو من مي ومسكوها وهيا صرخت
مي بصراخ:سيبوني انا مش هاجي معاكم
وطلع عيسي ركب عربيته وانطلق ووراه يوسف ودياب والحرس
@@@@@@@@@@@@@@@@@@@@@@
في الجامعه
كانت قاعده ميرنا مستنيه غرام
فجأه قرب منها اتنين شباب وشكلهم مخيف وكان شكلهم شاربين حاجه
احد الشباب :بقولك ايه يامز'ه انتي حلوه كدا ليه
ميرنا بعصبيه:تصدق انك مش محترم ومش متربي كمان
الشاب التاني:في ايه يا مز'ه ماتهدي كدا اعتبرينا عيالك
الشاب الاول بسخريه:او زي جوزك مثلا
ميرنا بغضب قامت وقفت وكانت ماشيه بس وقفو في وشها
ميرنا:يستحسن تبعد انتا وهوا
التاني:تؤتؤ ولو ما بعدناش هتعملي ايه ها
ميرنا بتوتر:هلم عليكم الجامعه كلها وهطلبلكم البوليس
الاول بسخريه:تصدقي خوفت ههههه لاء انا عاوزك تيجي معانا وهنديكي حسابك
ميرنا بخوف:ابعد عني يا سافل انتا وهوا
التاني :هديكي الي تطلبيه يالا بقا تعالي
ولسا هيمد ايده يمسك ايدها وقفته ايد بكل قوه وكانت ايد مالك
الشاب بوجع:ااه سيب ايدي
مالك بغضب:انتا ازاي تتجراء وتكلمها كدا
الاول:هيا تخصك ولا ايه ياشبح
مالك:اه تخصني دي خطيبتي يا ابن ال"*
وميرنا اتصدمت وعيطت في صمت
الاول بعصبيه:ماتحترم نفسك يا جدع انتا
مالك بغضب جحيمي:ااه ما انا هحترم نفسي
ونزل في الاتنين ضرب
بعد شويه كان مالك طحنهم ضرب قام من عليهم وقرب من ميرنا
مالك بحنيه :انتي كويسه
ميرنا بصتله بدموع:ااه كويسه
مالك:انتي واقفه هنا لوحدك ليه
ميرنا:اصلي مستنيه غرام
مالك:ما تستنيها جوا في الكافتريه
ميرنا:معلش يادكتور تعبتك معايا انا مش عارفه اشكرك ازاي لولاك مكنتش عارفه كان هيحصل ايه
مالك بإبتسامه :ولا يهمك دا واجبي
ميرنا بإبتسامه ومالك سرح فيها:بجد متشكره عن اذنك
ومشيت ومالك بص علي اثرها بحب
..... بعد مده وصلت غرام
ميرنا:اتأخرتي ليه ياكلبه
شاورتلها غرام.. معلش..
ميرنا:اسكتي شوفتي حصل معايا ايه
غرام بخوف. اايه.
ميرنا:حصل..............
غرام بصتلها بصدمه
ميرنا:مش عارفه لولا مالك كان حصل ايه قصدي الدكتور مالك
غرام بصتلها بخبث وشاورت ب. ماللك قولتيلي. وغمزت
ميرنا بكسوف:اتلمي ويالا عندنا محاضره
وقامو اتجهو للمحاضره
@@@@@@@@@@@@@@@@@@@@@@
عند عيسي في المخزن
كان واقف عيسي والرجاله مترشقه في كل مكان جوا وبرا وجمبه يوسف ودياب
عيسي بحده:مين الي بعتك
مي برعب :محدش بعتني
عيسي ببرود وحط ايده في جيبه :قولت مين الي بعتك عشان مقتلكش هنا فاهمه
مي بكذب :مافيش بس انتا كنت عاجبني وكنت مستخسراك في مراتك الخرسه
عيسي قرب منها وضربها بالقلم لدرجه انها وقعت علي الارض من قوته
عيسي بغضب:انا مراتي مش خرسه واوعك تفكري تنطقي اسمها علي لسانك مين الي باعتك انطقي
مي برعب :محدش بعتني محدش
نزل عيسي لمستواها ومسكها من شعرها جامد وهيا صرخت
عيسي بنظره مخيفه وصوت كا فحيح الافعي:مين الي باعتك اخر مره هقولها
مي بتوتر ووجع:هقولك بس سيبني شعري وسيبني امشي
عيسي بغضب وشدد على شعرها اكتر:انا محدش يساومني فاهمه اخر مره مين الي باعتك
مي برعب:ش.شهاب ومونيكا
عيسي ساب شعرها ووقف
عيسي بحده: مونيكا كنت متأكد ان جايتها مش محبه وباعتينكك ليه
مي:والله ما اعرف هو امروني بكدا وانا نفذت وخدت فلوس
عيسي بغضب:يوسف
قرب منه يوسف
يوسف:اؤمرني يا عيسي
عيسي: النهارده يكون عندي كل معلومه كبيره وصغيره عن شهاب دا تمام
يوسف:حالا يا عيسي عن اذنك... وخرج
مي بتوتر:تب سيبني امشي بقا
عيسي بضحكه خبيثه:انا هعرفك ازاي اللعب مع عيسي الهواري
مي برعب وانهيار:هتعمل ايه انا مش عاوزه اموت
عيسي للرجاله :ظبطوها... وخرج ووراه دياب ورجاله
@@@@@@@@@@@@@@@@@@@@@@
في القصر
في غرفه بسمه
كانت ساره راحا جايه بغضب وغل وبسمه بتلعب في الموبايل وبتشرب عصير
بسمه بملل:اقعدي بقا خيلتيني
ساره:انتي بتشربي عصير ورايقه وانا مش طايقه نفسي
بسمه:وليه مش طايقه نفسك
ساره:عشان عيسي هيروح مني
بسمه:متقلقيش يابت خير انشاء الله وخطتي هتنجح
ساره:ياما انا معتش قادره
بسمه:بقولك ايه كله خير وغرام اعتبريها في ذمه الله
ساره بخبث:اكيد ياما لازم اخلص منها دي بومه انتي مشوفتيش بصتلي ازاي
بسمه:متقلقيش مش هتعيش كتير بس لو تسيبيني اعمل لعيسي كمان
ساره:لاء قولت لاء عيسي لو جراله حاجه قبل مايتجوزني مش هورث
بسمه بضحكه خبيثه:تربيتي
ساره:اومال ايه لازم اطلع كسبانه ههههه
بسمه:جدعه يابت بس انا هنفذ خطتي زي ما هيا عشان مايتشكش فينا
@@@@@@@@@@@@@@@@@@@@@@
عند غرام
في اخر اليوم كانو خلصو محاضرات وطلعو
ميرنا:يالا نتغدا عشان شويه وممكن أموت
غرام بضحك شاورت. لاء كوليني احسن ههههه.
ميرنا بمرح:وايه المانع بس انا عاوزه اكل مش احدق
بصتلها غرام بغضب طفولي وضربتها في كتفها
ميرنا بضحك:خلاص ياستي احلي ههههه
غرام شاورت ب. تعالي نروح للدكتوره.
ميرنا بصدمه:انتي قررتي تتعالجي بجد
غرام اتنهدت وهزت راسها ب ااه
ميرنا:اكيد عيسي في الموضوع مش كدا. وغمزت
غرام بصتلها بكسوف وابتسمت
ميرنا بضحك:الله الله ولع بقا بتحبيه صح
غرام بصتلها شويه وبعدين هزت راسها ب ااه
ميرنا :مبروك يا ابو نواف يا اخوي
غرام بصتلها وشاورت. تب ومالك.
ميرنا بخجل:يعني مش اوي اعجاب بس
غرام سقفت بفرحه وشاورت. الصناره غمزت
ميرنا بخجل:بس بقا يالا عشان نلحق الدكتوره وبعدين نروح نتغدا
ومشيت هيا وغرام
@@@@@@@@@@@@@@@@@@@@@@
عند سليمان
كان قاعد في مكتبه ودخل عليه منصور
منصور بخبث:وصل ياباشا
سليمان:خليه يدخل
وفجأه دخل سامي
سليمان:اهلا اهلا يا سامي
سامي بضيق: انا جبتلك شويه معلومات
سليمان بخبث:قول بسرعه وانجدني
سامي بخبث:انا سمعت يوسف اخويا بيتكلم في التليفون ان في شحنه جديده وصلت المخازن بس عليها حرس كتير وجامدين
سليمان:تب كويس دا ما عرفتش في انهي مخزن
سامي بتفكير:كان في. في. المخزن الصحراوي
سليمان :تمام ياسامي
سامي بخوف:بس لو عيسي عرف مش هيرحمني
سليمان بقلق:ان شاء الله خير هوا الي بدأ معانا العداوه انا بس عاوز اعرف عيسي بيحب مراته
سامي بستغراب:ليه
سليمان:لو كدا نضرب عصفورين في حجر واحد ونهدده بيها اونقتلها ونحرق قلبه
سامي بصدمه:غرام بس دا . دا ممكن عيسي يهد الدنيا
سليمان :يبقا غاليه عليه
سامي:معرفش لسا هتأكد
سليمان :تجبلي الرد قريب
سامي:تمام.... وقام واتجه للخارج
سليمان بخبث:والله لهدمرك يا عيسي وبعد كدا اخلص علي الواد العبيط دا ههههه
@@@@@@@@@@@@@@@@@@@@@@
عند عيسي في الشركه
كان في مكتبه وبيشتغل دخلت السكرتيرة
سلمي:عندك اجتماعات كتير النهارده حضرتك وكمان في عشاء عمل النهارده بليل و بكرا الصبح هيوصل الوفد الايطالي في القاهره
عيسي ببرود:تمام
سلمي بخبث:حضرتك هتحتجني معاك هناك
عيسي برفعه حاجب:اشمعنا
سلمي بتوتر: عادي حضرتك
عيسي بحده وبرود:عاوز قهوه وانا مش محتاجك
سلمي بإحراج:تمام يا بيه.. عن اذنك وطلعت
عيسي رجع بضهره علي الكرسي وغمض عينه وافتكر غرام ببراءتها وطيبتها وطفولتها وابتسم غصب عنه
عيسي وفتح عينه:معقوله اكون حبيتها بس ازاي مستحيل دا انا عمري ما حبيت وهي ما بتحبنيش لاء لاء انا مبعرفش احب اصلا ااه انا عيسي الهواري قلبي من حجر معقوله يوم الي تخطف قلبي تبقا غرام وليه ما احبهاش دي جميله وشاطره وطيبه وكمان شقيه ايه الي بقوله دا
وغمض عيونه وقعد يفكر فيها
فجأه دخل يوسف
يوسف:عرفتلك تاريخه كله
عيسي بحده:وبعدين
يوسف مدله ملف:كل كبيره وصغيره عنه في الملف دا
عيسي اخد الملف وبص فيه
يوسف بتوتر: بس بس في حاجه
عيسي وهوا باصص في الملف:خير
يوسف بتوتر:اصل اصل غرام تعرفه
عيسي بصله بغضب:يعني ايه تعرفو انتا اتجننت
يوسف:لالا انا الي عرفته ان شهاب وغرام عارفين بعض
عيسي بتفكير وغضب:تب روح انتا
وخرج يوسف وعيسي كان هيتجنن
@@@@@@@@@@@@@@@@@@@@@@
عند غرام
كانت في عياده الدكتوره هيا وميرنا
ميرنا :انا مبسوطه اوي يا غرام انك عاوزه تتعالجي
غرام شاورت. عاوزه اتكلم عشان عيسي.
ميرنا:ياسيدي علي الحب بتحبيه يا غرام
غرام شاورت. ااه بحبه اوي لانه طيب معايا واحن شخص عليا وكمان حسيت معاه بالأمان.
ميرنا:ربنا يشفيكي يارب نفسي اسمع صوتك بقا
الممرضه:غرام الهواري دورك
ميرنا:يالا يا روما دورك
دخلت غرام وميرنا عند الدكتوره
نسمه بإبتسامه:اهلا اهلا يا غرام اتفضلي اقعدي
قعدت غرام هيا وميرنا
ميرنا بفرحه :بصي يادكتوره غرام اقتنعت وبقت عاوزه تتعالج بسرعه
نسمه:بجد مشاء الله قوليلي بقا اخدي الادويه الي كتبتها
غرام هزت راسها ب ااه
نسمه:تب اتفضلي معايا
وقامت غرام وميرنا عند السرير وغرام طلعت عليه
نسمه:ارفعي النقاب
غرام بدأت ترفع النقاب ونسمه انبهرت من جمالها
نسمه:بسم الله مشاء الله تبارك الرحمن
غرام ابتسمت وغمزاتها ظهرت
نسمه:ربنا يحميكي بجد والله
وبدأت تكشف عليها
نسمه:حاولي تنطقي كدا
غرام حاولت بس معرفتش في حاجه مش قادره
نسمه بإبتسامه:حاولي تنطقي اسم حد انتي بجد نفسك تنطقيه من قلبك
غرام ابتسمت وبدأت تحاول تاني
غرام :... اا. ع. ع. ع. ي. ع. ي. ي.
نسمه بفرحه: برافو عليكي يالا حاولي كمان
غرام بفرحه:ع.ع.ي.ي. س.. ي.
ميرنا بسعاده:كمان يا غرام كمان يارب
نسمه:غرام انتي مفيش عندك حاجه انتي تمام واحبالك الصوتيه كلها كويسه انتي بس عاوزاكي تفضلي تتكلمي وهيحصل... يالا حاولي كمان
غرام:ع.ي.ع.ع.ي.س.س.ي.عي.س
............ بعد مده من المحاولات الكتير
نسمه:هوا في حاجه بتوجعك طيب
غرام هزت راسها ب لاء
ميرنا:يالا ياغرام انتي قدها لو بتحبيه كملي
غرام بحب:ع.ع.ع.يس.ي.. عي. سي. عيسي
ميرنا:برافو يا غرام برافو
غرام بسعاده:عيسي عيسي
نسمه:الله عليكي
ميرنا:قولي اسمي
غرام بفرحه:ميرنا
ميرنا حضنتها بفرحه وكمان نسمه حضنتها
نسمه:حمد الله علي السلامه تب قولي اسمي
غرام بإبتسامه:نسمه بجد شكرا شكرا
ميرنا:انا مش مصدقه نفسي انتي بتتكلمي
غرام :ميرنا ههههه
ميرنا بسعاده:والله صوتك تحفه
@@@@@@@@@@@@@@@@@@@@@@
في القصر
كان الكل متجمع علي الغدا
حسن:هيا غرام لسا مجتش
عامر:لا لسا ماجتش من الجامعه
روحيه:وعيسي كمان لسا مجاش ليه مش عوايده
رحمه:عيسي كلمني وقلي انه هيتأخر النهارده عنده شغل كتير
تفيده:الله يوفقهم يارب
فجأه دخلت غرام
غرام شاورت. سلام عليكم.
الكل:عليكم السلام
حسن:تعالي يا حبيبتي كولي
غرام شاورت بلاء
ووجهت نظرها لكرسي عيسي
رحمه:لسا مجاش يا غرام
غرام بصتلهاوطلعت
عامر بصدمه:دي حتي مسلمتش عليا دي اول مره وتعملها
روحيه:اه والله تصدق دي علطول بتسلم علينا اشمعنا مسألتش غير علي عيسي
تفيده:الله مش جوزها يا اما
حسن:ربنا يفرحهم
الجميع معادا بسمه وساره :اللهم أمين
@@@@@@@@@@@@@@@@@@@@@@
في غرفه عيسي وغرام
دخلت غرام وقلعت النقاب والخمار واخدت هدوم واتجهت لحمام
..... بعد شويه طلعت وهيا لابسه شورت وتيشرت بحملات
واتجهت لصوره عيسي الكبيره الموجوده في الغرفه ووقفت قصادها
غرام بحب:انا مرضتش اتكلم قدام حد غيرك كان لازم اقولك انتا الاول
واتجهت للسرير واستلقت عليه وراحت في النوم
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
تابعووووووني
تعليقات
إرسال تعليق