رواية ملاك الأدهم الحلقه العاشره والحادية عشر والثانية عشرة بقلم الكاتب عادل عبدالله حصريه وجديده
في قصر الفيومي
تعود شيرين الي القصر بعدما قررت البدء في تنفيذ خطتها !!
هاجر : كنتي فين يا شيرين ؟
شيرين : كنت في مشوار يا طنط .
هاجر : تعالي علشان عايزاكي في موضوع مهم .
شيرين : خير يا طنط ؟؟
هاجر : جدك زعلان من معاملتنا لملاك وكلم عمك عامر وعايزنا نعاملها كويس وانا نبهت علي كل اللي في البيت وانتي كنتي بره .
شيرين " تضحك " : حاضر يا طنط هعاملها حلو اووووي .
هاجر : يا شوشو ده انا اللي مربياكي !! وعارفة انك كنتي بتحبي ادهم .
شيرين " بسخرية " : كنت ؟؟!! قصدك كنت ومازلت .
هاجر : معلش يا شوشو الجواز نصيب وربنا يرزقك بعريس مش هقولك احسن من ادهم لأن مفيش حد احسن منه لكن يكون عريس كويس ويستاهلك .
شيرين " بخبث " : حاضر يا طنط هعاملها كويس زي ما انتوا عايزين ، بس بارب تطلع في الأخر تستاهل انها تشيل اسم ادهم الفيومي .
في جانب اخر من قصر الفيومي
تجلس ملاك وحيدة وتبدو علي ملامحها الحزن يلاحظها الجد سليمان الفيومي فيأتي اليها متعكزا علي عكازه ويسألها : مال عروستنا الحلوة زعلانة ليه ؟
 |
ملاك : مفيش حاجة يا جدو .
سليمان : ازاي مفيش حاجة ، باين عليكي اوي انك زعلانة !! اوعي يكون ادهم زعلك ؟؟
ملاك : لا يا جدو مش زعلني .
سليمان : بس انا كده فهمت ، يبقي اكيد زعلانه علشان اهل ادهم لسه مش اخدوا عليكي وبيعاملوكي بحساسية شوية ؟!!! للكاتب عادل عبد الله
ملاك : لا يا جدو انا فاهمة ان جوازي من ادهم كان مفاجئة بالنسبة لأهل ادهم وعلشان كده هياخدوا وقت علي ما يستوعبوا المفاجئة .
سليمان : ما شاء الله عليكي ذكية ، اومال زعلانة ليه ؟؟
ابتسمت ملاك : حد يشوفك ويزعل يا جدو !! انا بس كنت سرحانة شوية .
سليمان : ادهم فين ؟
ملاك : نايم فوق يا جدو .
سليمان : عارفة انا نفسي في ايه يا بنتي ؟؟
ملاك : نفسك في ايه يا جدو ؟
سليمان : نفسي اشوف ابن ادهم .
ملاك " بارتباك " : ايييه ؟؟
سليمان : ايوه نفسي اشوف ابن ادهم قبل ما اموت .
ملاك : بعيد الشر عنك يا جدو .
سليمان : الموت مش شر يا بنتي ده كاس ومكتوب علي كل الناس بس انا بقولك علي اللي نفسي فيه ، نفسي اشوف سليمان الصغير ، انا عارف ان ادهم هيسمي ابنه علي اسمي .
ملاك : ربنا يطول في عمرك يا جدو وتشوف اولاد واحفاد ادهم كمان .
سليمان : ربنا يسعدك يا بنتي ، انا هطلع اوضتي بقي انام شوية .
ملاك : اتفضل يا جدو .
يتركها سليمان الفيومي ويصعد وبعد دقائق تأتي شيرين و تقترب من ملاك وتبتسم " بخبث " وتقول : قاعدة لوحدك ليه يا يويو !!!
ملاك " بدهشة " : اييييه ؟؟
شيرين : ايه مالك ؟؟ بدلعك ، مش عجبك اسم يويو ؟؟ اقولك يا يارو احسن ؟؟ حلو بردو اسم يارو .
ملاك " بتعجب " : مش فاهمة !!!
شيرين : انتي هتستعبطي عليا انا كمان ؟؟
ملاك : ايه ده !!!!! قصدك ايه ؟؟
شيرين : قصدي انتي فاهماه كويس يا يارا !!!
ملاك " تنظر لها بدهشة وتعجب " !!!!
شيرين : مالك مش قادرة تنطقي ليه ؟؟ المفاجئة شلت لسانك صح ؟؟
ملاك : اتكلمي دوغري وقولي عايزة نقولي ايه بدون ألغاز ؟؟
شيرين : انا عرفت انتي مين وعرفت اسمك الحقيقي وقابلت جاسر خطيبك .
ملاك " بارتباك " : انا مش فاهمة كلامك ومش عارفة بتتكلمي عن ايه ؟!!
شيرين " بخبث " : طيب يا قلبي مادام انتي مش فاهمة انا هتكلم مع ادهم وهو هيفهم ويبقي يفهمك .
همت شيرين بالقيام : عن اذنك يا قلبي انا طالعة لأدهم ...
ملاك : استني يا شيرين .
شيرين : نعم !! فيه حاجة ؟؟
ملاك : اقعدي عايزة اتكلم معاكي .
شيرين : ايوه كددددده ، نتكلم بس المهم نتكلم بصراحة .
ملاك : ماشي تعالي نخرج نقعد في الجنينة نتكلم براحتنا .
شيرين " بسخرية " : ايييييوه علشان محدش يسمعنا .
ذهبت ملاك وشيرين وجلستا في حديقة القصر ....
شيرين : ادينا قعدنا ومحدش سامعنا .
ملاك : نعم ، قوليلي بقي عايزة ايه ؟
شيرين : عايزة اعرف انتي ليه سيبتي خطيبك وخطفتي ادهم ومثلتي عليه وعلينا انك فاقدة الذاكرة ؟؟
ملاك : انا مش مثلت علي ادهم او عليكم انا فعلا كنت فاقدة الذاكرة من وقت الحادثة ولسه الذاكرة راجعة ليا من ايام .
شيرين : والله ؟؟ ولما الذاكرة رجعتلك مش لاحظتي انك في بيت راجل غريب ؟!! عايشة وسط ناس اول مرة تشوفيهم ؟!!! بتنامي جنب راجل غريب عنك !!!!!
ملاك : بس كفاية !!
شيرين : اييييه ؟؟ الحقيقة وجعتك اوي !! ولا كرامتك تعبتك ؟!!
ملاك : انا لما الذاكرة رجعتلي عرفت ان ادهم اتجوزني علي سنة الله ورسوله .
شيرين : قصدك اتجوز ملاك !!! اتجوز ملاك اللي ملهاش وجود من الاساس !! مش اتجوز يارا عز الدين !!
ملاك : يارا وملاك انسان واحد اللي هي انا ، ملاك هي يارا ويارا هي ملاك .
شيرين : انتي بتضحكي علي نفسك ولا عليا ولا بتضحكي علي ادهم ؟؟
ملاك : أنا مش ...
شيرين : وياتري ادهم عارف ان الذاكرة رجعتلك ؟؟
ملاك : قوليلي انتي عايزة توصلي لأيه من الاخر ؟
شيرين : عايزاكي زي ما دخلتي حياتنا تخرجي منها .
ملاك : أخرج منها ؟؟!! لكن انا وادهم متجوزين وبنحب بعض !!
شيرين : ادهم مش بيحبك !! كل الحكاية انك صعبتي عليه لما حس انه السبب في اللي حصلك ، ومادام رجعتلك الذاكرة يبقي لازم يعرف الحقيقة وترجعي لجاسر خطيبك اللي بتحبيه وبيحبك .
ملاك : مين اللي قالك ان جاسر بيحبني وبحبه او انه خطيبي زي ما بتقولي ؟؟؟
شيرين : جاسر نفسه هو اللي قالي وحكالي علي كل اللي بينكم .
ملاك : ده انسان كداب ، احنا مش اتخطبنا ولا فيه اي حب بينا .
شيرين : يبقي ادهم يشوف الموضوع ده بنفسه ويتأكد !!!
ملاك : انتي كل شوية تقولي ادهم ..ادهم !!! انتي بتهدديني ؟؟
شيرين : مش هو المفروض جوزك ؟ يبقي من حقة يعرف عنك كل حاجة !!
ملاك : ايوه طبعا جوزي ومن حقه يعرف كل الحقيقة بس اللي بتقوليه ده مش الحقيقة ولو جاسر قالك كده يبقي كداب .
شيرين : ما انا قولتلك ادهم بنفسه يقدر يعرف مين الكداب ومين الصادق !! ولا اقولك فكرة احسن من كده ؟؟
ملاك : قولي .
شيرين : مادام ادهم ميعرفش عنك حاجة لحد دلوقتي يبقي تخرجي من حياة ادهم وتختفي وبعدها هو مش هيقدر يوصلك وهيعرف ان رجعتلك الذاكرة ورجعتي لحياتك الاولانية تاني .
ملاك : لكن انا بحبه وهو بيحبني !!
شيرين " تضحك بسخرية " : ادهم بيحب ؟!! تبقي متعرفيش ادهم الفيومي لحد دلوقتي !! ادهم الفيومي ميعرفش الحب والكلام ده يا روحي .
ملاك : يعني ايه ؟؟ يعني ادهم كان بيخدعني ؟؟
شيرين : زي ما انا قولتلك انتي صعبتي عليه علشان الحادثة وتلاقيه قال يتسلي معاكي شوية لحد ما ترجعلك الذاكرة وكل واحد يروح لحاله .
ملاك : يتسلي !!! ادهم !!! مش ممكن !!
شيرين : لا يا حبيبتي زي ما بقولك كده ، انتي مش هتعرفي ادهم اكتر مني !! انا بنت عمه ومتربيين سوا مع بعض واعرف ادهم بيفكر ازاي ، ولو مش مصدقة جربي بنفسك قوليله ان ذاكرتك رجعتلك وهتشوفي بنفسك هيرميكي ازاي زي السيجارة اللي بيدوس عليها بعد ما ياخد مزاجه منها .
ملاك : لااا مش ممكن .
شيرين : نصيحة مني اخرجي من حياته وحياتنا كلنا بكرامتك .
ملاك : طيب انا بكره الصبح همشي واختفي من حياته للأبد .
شيرين : لو عملتي كده تبقي فعلا عندك كرامة .
في صباح اليوم التالي
يجلس ادهم وسط العائلة يتناول قهوته وبجواره زوجته ملاك التي تبدو شاردة الذهن !!!!
أدهم : فيه ايه يا ملاك ؟ سرحانة في ايه ؟
ملاك " بأبتسامة مصطنعة " : لا أبدا يا حبيبي مفيش حاجة .
أدهم : شكلك مش طبيعية النهاردة !!!
ملاك : لا ابدا معرفتش انام كويس .
أدهم : ليه ؟ كنتي تعبانة ؟؟
ملاك : لا لا مجرد أرق بدون سبب .
أدهم : تحبي نروح للدكتور ؟؟
شيرين " بسخرية " : روحوا للدكتور احسن ممكن تكون حامل !!!
تنظر ملاك لها ثم تبتسم لأدهم : متشغلش بالك يا حبيبي انا كويسة .
ادهم : طيب انا هروح للعلاج الطبيعي وبعدين اروح الشركة ، عايزة حاجة قبل ما امشي ؟؟
ملاك : لا يا حبيبي تروح وترجع باالسلامة .
ادهم : الله يسلمك .
ملاك : كنت عايزة اخرج اتمشي شوية .
ادهم : استني لما ارجع ونخرج بالليل مع بعض .
ملاك : لا انا هخرج لوحدي علشان اشتري شوية حاجات .
أدهم : وفيها ايه لما تستني نخرج مع بعض وتشتري اللي انتي عايزاه ؟
ملاك : لا يا حبيبي انا هخرج لوحدي عايزة اشتري حاجات حريمي .
أدهم : اااه ، طيب تمام ماشي .
#ملاك_الأدهم #الحلقة_الحادية_عشر
#الكاتب_عادل_عبد_الله
ملاك : لا انا هخرج لوحدي علشان اشتري شوية حاجات .
أدهم : وفيها ايه لما تستني نخرج مع بعض وتشتري اللي انتي عايزاه ؟
ملاك : لا يا حبيبي انا هخرج لوحدي عايزة اشتري حاجات حريمي .
أدهم : اااه ، طيب تمام ماشي .
خرج ادهم من القصر وخلفه ملاك وبجوارها شيرين التي تتابع الموقف عن بعد ، لحقته ملاك لتودعه في صمت دون ان تتكلم !!
تلألأت الدموع في عينيها بينما كانت تتابعها شيرين بحسد وغيرة شديدة !!
صعدت ملاك غرفتها واخذت بعض من ملابسها واوراقها وارتدت ملابس الخروج وغادرت القصر .
غمرت شيرين السعادة وهي تتابع مغادرة ملاك القصر وهي الوحيدة التي تعلم انها مغادرة بلا رجوع .
وبعد عدة ساعات عاد ادهم الي القصر قبيل المغرب بقليل ووجد والدته ووالده وبعض افراد الأسرة يتناولون الغداء .
ادهم : مساء الخير يا جماعة .
هاجر : مساء النور يا ادهم ، تعالي اتغدا معانا .
ادهم : اومال ملاك فين ؟
هاجر : مش عارفة ، من ساعة ما خرجت الصبح مشوفتهاش .
ادهم : تلاقيها رجعت من بره تعبانه ونامت ، انا هطلع اشوفها .
بعد قليل
ادهم : ملاك مش فوق وبتصل عليها تليفونها مقفول !!!!!
عامر : معقول !! دي كده اتأخرت اوي !!
ادهم : دي كده بره لوحدها من اكتر من ٧ ساعات !!! وكمان دي متعرفش اي حاجة في اسكندرية يعني المفروض كانت تشتري طلباتها وترجع في اقل من ساعة او ساعتين بالكتير !!!
هاجر : متقلقش يا ادهم زمانها جاية .
ادهم : لأ كده اكيد فيه حاجة حصلتلها .
شيرين " بسخرية " : يمكن تكون قابلت حد من اصحابها .
ادهم : انتي مبتسمعيش ؟؟؟ انا لسه بقول ملاك متعرفش حاجة او حد في اسكندرية !! وبعدين هي فاقدة الذاكرة يعني متعرفش اي حد من صحباتها !!
شيرين : انت متأكد انها لسه فاقدة الذاكرة ؟؟
ادهم : قصدك ايه ؟؟
شيرين : مش يمكن رجعتلها الذاكرة ورجعت لأهلها ؟؟
أدهم : أنتي تعرفي حاجة ؟؟ انطقي .
الجد سليمان الفيومي : بالراحة يا ادهم يا ابني .
أدهم : انا مش لاقي مراتي يا جدي !! عارف يعني ايه مش لاقي مراتي ؟؟؟
الجد : انا عارف ومقدر لكن عصبيتك مش هتفيد دلوقتي لازم تهدا علشان تعرف تفكر وبأذن الله ممكن تلاقيها داخلة علينا دلوقتي .
يمسك ادهم بهاتفهه ويتصل بها مرة اخري فيجد هاتفهها مغلق !!!
يتصل سريعا برقم هاتف اخر ....
أدهم : انت فين يا نادر ؟؟
...............
أدهم : سيب كل اللي في ايدك وتكون قدامي حالا .
................
أدهم : ملاك مراتي اتخط.فت ، خلال ساعة بالكتير لازم اعرف هي فين ؟؟؟
...............
يهم ادهم بالخروج من القصر فيسأله والده عامر : رايح فين يا ادهم ؟؟
أدهم : هلف اسكندرية كلها لغاية ما اوصلها .
عامر : مش هتلف لوحدك انا هتصل بنور وزياد اخواتك هيروحوا معاك .
أدهم : انا همشي يا بابا مش هستني اكتر من كده .
بعد منتصف الليل
يعود ادهم الي القصر وتبدو عليه اثار الحزن والهم !!! ويجد كل العائلة ينتتظرون بقلق !! بينما يجد اخته نانسي جالسة تبكي .
الجد : عملت ايه يا ادهم ؟؟
أدهم : مفيش لها اي اثر في اسكندرية !!
الجد : يعني ايه ؟
ادهم : معرفش يا جدي انا هتجنن !!
هاجر : يمكن تكون رجعت لأهلها .
أدهم : ازاي يا ماما ؟ وهي فاقدة الذاكرة ومتعرفش اهلها مين ولا مكانهم فين !!! انا خايف يكون حصلها حاجة .
نانسي : يعني ايه يا ابيه ادهم ؟ مش هنشوفها تاني ؟؟
ادهم : اسكتي يا نانسي اسكتي خالص ، اوعي تنطقي .
تزيد نانسي في بكائها فتحت.ضنها والدتها وتحاول تهدأتها : معلش يا حبيبتي اعذري ابيه ادهم هو مش في وعيه دلوقتي من خوفه عليها .
عامر : بص يا ادهم يا ابني غياب مراتك بالشكل ده ملوش الا تفسير واحد من اتنين اما انها تكون رجعتلها الذاكرة ورجعت لأهلها او أنها بعد الشر اتخط.فت !!
ادهم : هي اكيد اتخط.فت ، بس اوصله اللي خطفها وانا اكله باسناني .
شيرين : ياااه !! للدرجادي قلقان عليها ؟؟
ادهم : طبعا ، ملاك دي مراتي وحبيبتي
شيرين : للأسف هي مش بتحبك زي ما انت بتحبها وهتتجنن عليها كده .
ادهم : مين اللي قالك كده ؟؟
شيرين : انا اللي بقولك يا ادهم ، ملاك مشيت ومش راجعة هنا تاني .
أدهم : وعرفتي ازاي ؟؟
شيرين : مراتك رجعتلها الذاكرة .
ادهم : بتقولي ايه !! انتي متأكدة ؟؟
شيرين : ايوه هي بنفسها اللي قالتلي .
ادهم : مش ممكن !! تقولك انتي وتخبي عني انا ؟!! مستحيل !!!
شيرين : اهدا طيب يا ادهم وانا هفهمك كل حاجة .
ادهم " بعصبية شديدة " : متقوليش اهدا ، اتكلمي وقولي كل اللي تعرفيه .
شيرين : ملاك قصدي يارا...
أدهم : يارا ؟!!
شيرين : ايوه اسمها الحقيقي يارا عز الدين ، وهي رجعتلها الذاكرة وكلمتني بصراحة وقالتلي انها هترجع لأهلها وخطيبها .
ادهم : خطيبها ؟؟ انتي بتكدبي !!!
شيرين : لأ يا ادهم ، انا مش بكدب ، يارا مخطوبة وبتحب خطيبها وخطيبها بيحبها ورجعتله القاهرة .
ادهم : انتي بتكدبي علشان بتكر.هيها من يوم ما دخلت هنا معايا .
شيرين : لأ انا مش بكدب ولو مش مصدق انا هوريك بعينيك اسكرينات لاعلانات اهلها وهما بيدورا عليها ولمحادثاتي مع خطيبها !!
اظهرت شيرين الاسكرينات لأدهم الذي اشتاط غضبا .......
ادهم : انتي لازم توصليني بالحق.ير ده .
شيرين : انا معرفش عنه حاجة .
أدهم : هتتصلي به وتطلبي منه ميعاد تقابليه فيه وسيبي الباقي عليا .
شيرين " بخبث " : لا يا ادهم مش ادهم الفيومي اللي يجري ورا واحده سابته علشان واحد تاني .
ادهم : مين اللي بيقول كده !! انتي يا شيرين !! انتي باالذات عارفة ابن عمك ، مش انا اللي اجري ورا واحدة لكن بردو مش انا اللي حد ياخد مني حاجة غصب عني ، انتي فاهمة ؟ مش انا يا شيرين !!
الجد : ادهم ، انا عايزك .
أدهم : نعم يا جدي .
الجد : تعالي ورايا عايزك في كلمتين .
أدهم : أرجوك يا جدي مش دلوقتي .
الجد : انا بقول عايزك دلوقتي يبقي دلوقتي يا ادهم .
أدهم : حاضر يا جدي .
الجد : تعالي ورايا ، تعالي انت كمان يا عامر .
دخل ادهم ووالده عامر غرفة الجد ....
الجد : اقفل الباب يا ادهم وتعالي انت وابوك اقعدوا هنا قدامي .
عامر : نعم يا حاج خير فيه ايه ؟
الجد : خير يا عامر ، انا خايف علي ادهم ، خايف عليك يا ادهم تتسرع في اي تصرف ترجع تندم عليه .
أدهم : لا يا جدي متخافش عليا ، انت بالذات عارفني مش بتسرع وبفكر كويس اوي قبل ما اعمل اي خطوة .
الجد : انا شايف الغضب عاميك يا ادهم ، وخايف تظلم البنت .
أدهم : أظلمها ؟!! اظلمها ازاي يا جدي ؟
الجد : انت عارف يا ادهم ان جدك بيفهم الناس كويس اوي ومش ممكن حد يقدر يخدعني ، وانا من اللي شوفته من مراتك عرفت ان البنت دي طيبة جدا وبنت حلال .
أدهم : قصدك ايه يا جدي ؟ قصدك ان ملاك مرجعتش لأهلها وحصلها حاجة ؟؟
الجد : البنت دي يا ادهم بتحبك بجد وعلشان تمشي من هنا يبقي اكيد حصلت حاجة احنا لسه منعرفهاش .
عامر : حاجة زي ايه يا حاج ؟؟
الجد : ممكن يكون حد زعلها وعلشان كده مشيت .
أدهم : يا جدي انا شوفت الاسكرينات بين شيرين بنت عمي وبين اللي بتقول عليه كان خاطب ملاك !!!
الجد : مش مهم ، ممكن تكون خدعة .
أدهم : معقول شيرين بنت عمي تخدعني ؟؟
الجد : انت متعرفش اللي في ضماير الناس اللي حواليك ايه ، انا مقصدش ان بنت عمك عايزة تضرك او تأذيك لكن قصدي انك لازم بردو تتأكد الاول مراتك مشيت ليه من هنا وراحت فين علشان متظلمهاش .
أدهم : المفروض يا جدي انها دلوقتي عند اهلها اكيد .
الجد : الله اعلم يا حبيبي ، انا ذات نفسي قلقان عليها .
أدهم : انت كده قلقتني زيادة وحاسس اني اتلخبطت يا جدي .
الجد : اطلع نام يا ادهم والصبح نقعد مع بعض ونشوف هتعمل ايه .
ينصرف ادهم ويصعد غرفته ويظل متوترا .
ثم يفتح النافذة ويلقي نظرة علي حديقة القصر في نفس المكان حيث كان يجلس مع ملاك !!!
ثم ينزل الي الحديقة ويجلس يسترجع كلماتها له ......
فلاش بااااك
في غرفة ملاك في المستشفي ...
ملاك تبكي بشده والممرضات والطبيب حولها يحاولون تهدئتها وتبدو هي وكأنها منهارة !!!
يسرع نحوها أدهم ويسألها بقلق : في ايه ؟ مالك ؟
تتوقف ملاك عن البكاء قليلا ثم أشارت اليه أقترب ، أدهم أقترب نحوها بتعجب واذا بها ترتمي بين ذراعيه و تبكي كالأطفال !!!
تعجب أدهم ولكنه لم يشعر بنفسه الا وهو يضمھا و يمسح علي شعرها الناعم المسترسل كالأطفال حتي بدأت تهدأ .
أدهم : بقيتي كويسة ؟؟
تنظر ملاك إليه بعيناها الزرقاء المليئة بالدموع ...
ملاك " بطفولية " : أنا مش بحبك ، أنت وحش .
أدهم " بتعجب " : ليه ؟!!!
ملاك " ببراءة " : أنت ليه سبتني لوحدي هنا ؟ مش انت جوزي والمفروض تفضل جنبي !!! ليه مشيت وسبتني ؟؟؟
أدهم " متعجبا " : جوزك ؟!! مين اللي قالك كده ؟؟
ملاك " ببراءة " : الممرضة اللي قالتلي .
بااااااك
تترقرق عيناه بالدموع ويبتسم ثم يقول : هي فعلا ملاك ، طفلة بريئة زي الملايكة بالظبط ، انا بحبك اوي بحبك اوي يا ملاك ليه سبتيني ليه مشيتي وسبتيني يا حبيبتي .
فلاش باااااااك
ملاك : عايزه انام بقي .
أدهم : طيب يا حبيبتي نامي ، أنتي فعلا محتاجة تنامي علشان لسه تعبانة .
تمسك يده بكلتا يدها وتضغط عليها بقوة !!!
أدهم " باستغراب " : مالك يا حبيبتي ؟ فيه ايه ؟
ملاك : انا عايزاك جنبي وأنا نايمة اوعي تسيبني وتمشي ؟؟
أدهم : متخافيش مش همشي .
ملاك : خليك ماسك ايدي عشان انام وأنا مطمنة ومش خايفة .
باااااااك
ادهم : روحتي فين يا ملاك ؟ ليه مشيتي ؟ انا بحبك اوي !!! أنا هتجنن لو موصلتش لمكانها الليلة او بكره بالكتير .
يفاجأ أدهم بشيرين تأتي وتجلس بجواره وتضع يدها علي كتفه وتقول :
#ملاك_الأدهم #الحلقة_الثانية_عشر
#الكاتب_عادل_عبد_الله
يفاجأ أدهم بشيرين تأتي وتجلس بجواره وتضع يدها علي كتفه وتقول :
مالك يا ادهم ؟ كل ده علشان سابتك ومشيت !!!
ادهم : شيرين هسألك سؤال وتجاوبيني بصراحة ، ملاك فعلا رجعتلها الذاكرة ولا فيه حد زعلها ومشيت وانتي بتكدبي عليا ؟؟
شيرين : انا !!! انا عمري ما كدبت عليك يا ادهم ، انت مش عارف انت بالنسبالي ايه !! ثم اقتربت منه ووضعت يدها علي كتفه !!
ادهم يرفع يدها من عليه ويقول : عارف طبعا ، انتي بنت عمي ومتربين سوا وزي اختي بالظبط .
شيرين " بعصبية " : لأ انا مش زي اختك ولا عمري بصتلك انك زي اخويا .
ادهم : يعني ايه ؟؟
شيرين تضع يدها مرة اخري علي كتفه وتقترب منه : يعني بحبك يا ادهم .
فينظر لها ادهم باندهاش !!!
شيرين : ايوه يا ادهم انا بحبك واوعي تقول انك مش حاسس بحبي لك !!
ادهم : انتي اتجننتي يا شيرين !! انا عمري ما حسيت بيكي الا زي اختي !!
شيربن : وبعد ما اعترفتلك بحبي لك لسه شايفني زي اختك ؟؟؟
ادهم : يا شيرين انا قلبي مش ملكي وزي ما قولتلك انتي بالنسبالي اختي .
شيرين " بعصبية " : اومال قلبك ملك مين ؟؟ اكيد طبعا الهانم اللي سابتك ومشيت ورجعت لخطيبها .
ادهم : انتي مصممة تستفزيني ؟!!
شيرين : هي دي الحقيقة ولا أنت مصمم تضحك علي نفسك !!!
ادهم : انا عايزك تتصلي باللي بيقول انه خطيبها ده وتاخدي منه ميعاد ، هو ده الطريق الوحيد دلوقتي اللي يوصلني لملاك .
شيرين تقف بعصبية : بعد اذنك اوعي تدخلني تاني في اي حاجة تخصك او تخص حبيبة القلب .
ثم تهم بالأنصراف .
يمسك ادهم يدها : استني هنا ، مادام مش هتساعديني يبقي هاتي رقم تليفونه وانا هتصرف .
يأخذ منها ادهم رقم هاتف جاسر ثم تتركه شيرين وتنصرف بعصبية .
ينظر ادهم الي هاتفهه ويتصل بجاسر ...
ادهم : الو ، انت جاسر ؟
جاسر : ايوه انا جاسر الغمراوي ، انت مين ؟
أدهم : أنا ادهم الفيومي .
جاسر : اااه ، ادهم الفيومي اللي ضحك علي يارا خطيبتي ؟!!
أدهم : اسمع يلا لو مش عارف انت بتكلم مين فوق لنفسك واعرف مين بيكلمك !!
جاسر : لأ الواضح انك انت اللي متعرفش انت بتكلم مين ، انا جاسر الغمراوي تسمع عني ولا سمعك تقيل ، وعلفكرة كويس اوي انك اتصلت لأنك لو مكنتش اتصلت كنت انا هتصل بيك .
أدهم : من غير كلام كتير قولي ملاك ... قصدي يارا فين ؟؟
جاسر : أنت اللي بتسأل !!! ده انا اللي لازم اسألك فين يارا خطيبتي ؟ هي كانت معاك وانت ملزوم تجبهالي لحد عندي .
أدهم : اخرس قطع لسانك اوعي تجيب سيرتها تاني علي لسانك ، انت دلوقتي هتقولي هي فين وانا هاجي اخدها لو حتي في أخر الدنيا ، ولو متكلمتش وقولت مكانها فين دلوقتي تبقي فتحت علي نفسك ابواب جهنم .
جاسر : بص يا ادهم يا فيومي بغض النظر عن تهد.يدك الخايب ده انا مش بكدب انا فعلا معرفش يارا فين وتبقي مص.يبة لو انت كمان متعرفش مكانها !!
أدهم : أنت هتمثل عليا يا رو...ح امك ، انا شوفت محادثاتك مع شيرين بنت عمي وبعدها علطول ملاك اختفت ، يبقي انت السبب المباشر لأختفائها ، هتقول مكانها فين ولاااا....
اغلق جاسر المكالمة فاشطاط أدهم غضبا واتصل بصديقه نادر ....
أدهم : أنت فين يا نادر ؟؟
نادر : خير يا ادهم فيه ايه ؟؟
أدهم : هديلك رقم موبايل دلوقتي وتجيبلي عنوانه وكل بياناته وتجيلي ومعاك كل الرجالة في اقل من نص ساعة ، فاهم ؟؟
نادر : حاضر يا ادهم .
داخل القصر
تنزل تمارا علي الدرج الداخلي للقصر فتجد اختها شيرين تجلس ويبدو عليها الغضب والتوتر !!!!!
تمارا : مالك يا شوشو ؟ فيه ايه ؟
شيرين : مفيش .
تمارا : مفيش ازاي ؟! ده انتي وشك احمر من الزعل !!
شيرين : ادهم !!!
تمارا : ماله ؟
شيرين : تخيلي اعترف له بحبي يكسفني ويقولي انتي زي اختي !!!!
تمارا : علشان غبية .
شيرين : ايييه !!! انا غبية ؟؟؟
تمارا : طبعا غبية علشان قولتلك قبل كده ان ادهم معرفش الحب الا لما عرف ملاك علشان كده مش هيشوف غيرها .
شيرين : واهي غا.رت في دا.هية بعيد عننا والمفروض كده الجو فضيلي !!!
تمارا : غلطانة لو تفكري بالشكل ده !! حتي لو ادهم هينساها ويحب غيرها انتي اخترتي الوقت الغلط .
شيرين : ليه بقي ؟
تمارا : علشان هو دلوقتي مش هيفكر في غيرها ، كل تفكيره دلوقتي انه يعرف هي فين ويوصلها .
شيرين : معرفتش امسك نفسي ، انا حبيته بجد يا تمارا ولما شوفته بيفكر فيها وزعلان عليها كنت هت.جنن !!
تمارا : كنتي لازم تصبري لحد ما يمر وقت ويبدأ ينساها علشان يكون فيه مكان في قلبه تقدري تدخليه انما دلوقتي هي لسه ملية قلبه وعقله وتفكيره .
شيرين : والعمل يا تمارا ؟؟؟
تمارا : انا من الاول قولتلك تنسيه خالص .
شيرين : معرفتش .
تمارا : يبقي لازم تسكتي دلوقتي خالص لحد ما تتأكدي انها مش هترجع تاني ويبدا أدهم ينساها ساعتها تقدري تحاولي تدخلي قلبه ده لو عرفتي .
شيرين : مش هقدر .
تمارا : مفيش حل تاني قدامك .
في فيلا عز الدين في القاهرة
نجلاء : مين اللي كنت بتكلمه ؟
جاسر : ده أدهم الفيومي اللي البنت اللي كلمتنا قالت انه اتجوز يارا .
نجلاء : وجيبت رقم تليفونه ازاي ؟
جاسر : ده هو اللي اتصل بيا .
نجلاء : هو اللي اتصل !!! غريبة دي !! وبيتصل بك ليه ؟؟!
جاسر : بيسألني عن يارا وبيقول انه مش عارف مكانها !!
نجلاء : نعم !!! يعني ايه ؟؟ يارا اختفت ؟!!
جاسر : هو بيقول كده وبيسألني عن مكانها !!
نجلاء : دي اكيد خد.عة بيعملها لما عرف اننا قربنا نوصلها علشان متسألوش عنها .
جاسر : لا يا ماما ده بيسألني بعصبية وواضح انه هيتجنن ويعرف يارا فين .
نجلاء : ده بيمثل عليك علشان متطلبش منه انه يطلقها .
جاسر : انا هنزل لحرس الفيلا علشان يصحصحوا لأن من نبرة صوته ممكن نلاقيه جاي هنا دلوقتي .
ينادي جاسر علي حرس الفيلا وينبه عليهم .....
جاسر : عايزكم تصحصحوا الليلة بالذات ومفيش نملة تدخل الفيلا ولو اي حد سأل عليا ترن الجرس عليا وتحاولوا تعطلوه لحد ما انزلكم ، مفهوم ؟؟
الحرس : مفهوم يا جاسر بيه .
في قصر الفيومي
يصل نادر ومعه عشرات من رجال الحراسة مدججين بالسلا.ح في خمسة سيارات جيب .
يدخل نادر القصر ويجد أدهم يقف يكاد يحتر.ق غضبا !!!
أدهم : جيبت بيانات الرقم ؟؟
نادر : ايوه ، ده رقم جاسر الغمراوي رجل الاعمال وساكن في القاهرة ومعايا العنوان اهو .
ادهم : والرجالة فين ؟؟
نادر : الرجالة بره يا ادهم .
أدهم : طيب يالا بينا .
نادر : علي فين ؟؟
أدهم : ع القاهرة .
نادر : دلوقتي !!!
أدهم " بعصبية بالغة " : فيه ايه يا نادر ؟؟؟؟؟ ايوه دلوقتي .
نادر : حاضر يا أدهم ، بس احنا كده هنوصل ع الفجر !!!
أدهم : من امتي والوقت بيفرق معانا ؟!!
نادر : طيب فهمني فيه ايه ؟؟
أدهم : ملاك موجودة في العنوان ده ولازم نروح نجيبها قبل ما النهار يطلع .
يخرج والده عامر الفيومي ومعه نور وزياد من القصر الي الحديقة .....
عامر : فيه ايه يا أدهم ؟؟
أدهم : مفيش يا بابا أدخلوا انتوا ناموا انا رايح مشوار وراجع علطول .
عامر : لأ مش هسيبك تمشي الا لما افهم فيه ايه ورايح فين ؟؟
ادهم : انا رايح اجيب ملاك .
عامر : أنت عرفت مكانها ؟؟
أدهم : تقريبا .
عامر : وليه واخد العربيات والحرس ده كله معاك ؟؟
ادهم : متخافش يا بابا ادخل حضرتك نام وانا هروح اجيب ملاك وارجع قبل ما تصحي الصبح .
عامر : انت اتجننت !! انام ازاي وانا عارفك متهور وممكن تعمل اي حاجة ؟!
ادهم : يا بابا قبل ما تطلع الشمس لازم ملاك تبقي معايا ، انا مش هدخل باب القصر ده الا وهي في ايدي .
عامر : يبقي لازم اجي معاك انا واخواتك .
نور : اللي انت ناوي تعمله ده يا ادهم غلط ، فيه وسائل قانونية ممكن ترجع بيها ملاك بعيد عن العن.ف .
زياد : انا مش هسيبك يا ادهم تتحرك من هنا الا ورجلي علي رجلك .
أدهم : بعد اذنكم ، ملاك دي مراتي وانا عارف هرجعها ازاي .
عامر : وانا بقولك مش هتتحرك من هنا الا وانا واخواتك معاك .
وفجأة يرن هاتف ادهم ............
يتبع
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
الحلقه الثالثه والرابعه من هنا
الحلقه الثامنه والتاسعة من هنا
الحلقه العاشره والحادية عشر والثانية عشرة من هنا
تابعوا صفحتي عليها كل الروايات بدون لينكات علشان يوصلكم اشعار فور نزول الروايات من هنا 👇 ❤️ 👇
❤️💙🌺🌹❤️💙🌺🌹❤️💙🌺🌹❤️💙🌹🌺💙❤️
تعليقات
إرسال تعليق