رواية وهم الخيانه الفصل الخامس والعشرين والسادس والعشرين والاخير بقلم نيره عبدالله حصريه وجديده
وائل عشان ماس'ك عليهم مستندات تثبت انهم بيشتغلوا في غس'يل الام'وال
سليم بص'دمه: غس'يل الأم'وال؟! وانت عرفت الموضوع ده ازاي؟!
وائل: هحكيلك؛( فلاش باك)
في مكتب سليمان كان قاعد هو ومحمود مستنين وائل؛ وبعد شويه وائل وصل
وائل: إزايك يا سليمان باشا؟ أنا جيت أول ما كلمني محمود، إيه الموضوع المهم؟
سليمان بابتسامة رضا: عارف إني مش هطلبك غير في حاجة كبيرة يا وائل؛ وإنت بالنسبة لي زي ابني.
وائل ابتسم: إنت عارف إنت غالي عندي قد إيه، أي حاجة تطلبها أنا تحت أمرك.
محمود اتدخل: بص يا وائل، في صف'قة محتاجين نخلصها، ومحتاجين مساعدتك فيها ومفيش غيرك يقدر يقف معانا دلوقتي.
وائل باستغراب: صفقة إيه يعني؟
سليمان اتسند على الكرسي وقال بهدوء: موضوع بسيط، غس'يل أم'وال. إحنا محتاجين شركة واجهة نمرر من خلالها الفلوس من غير ما حد يشك.
وائل اتفاجئ، بس بعد لحظة هدوء قال: اسمعوا أنا مش هقدر أتعامل مباشرة في الحسابات، بس أقدر أديكم خ'طة ذكية تخلي الص'فقة تمشي بسهولة وبدون مش'اكل.
محمود بتعجب: خطة؟ يعني إيه؟
 |
وائل: أنا أعرف طريقة تقس'يم التح'ويلات وتوقي'تاتها بحيث تمر بدون رق'ابة، ومن غير ما يكون فيه أي أثر يربطني بالص'فقة. كل اللي هتعملوه، مجرد اتباع الخ'طة.
سليمان وهو باصص في عينه: ممتاز؛ وده كله آمن ليك؟
وائل بابتسامة هادية: تمام أنا بس مرشدكم. مفيش أي حساب باسمي أو أي تورط مباشر.
محمود ابتسم: كنت عارف إنك مش هتتأخر.
سليمان بخ'بث: وصدقني يا وائل، مقابل وقفتك دي… نور هتبقى من نصيبك.
وائل اتج'مد ثواني، وبص لسليمان بتركيز، وبعدها ابتسم ابتسامة هادية: كده تمام يبقى كله مفهوم، والص'فقة هتمشي بسلاسة، وأنا محمي بالكامل.(نهايه الفلاش باك)
وائل: هو ده كل اللي حصل ومعايا مستندات تثبت كده كمان
سليم: جبت منين المستندات دي
وائل: من الناس اللي ساعدوهم بس طبعا جبتها بطريقه غير مباشره
سليم: ايه اللي يخليني اصدقك واثق فيك
وائل: يبقي خليني اقولك سر انا متاكد انك عاوز تعرفه
سليم باستغراب: سر ايه ده
وائل: خالد هو اللي عطل الكاميرات وساعدني اني اخط'فك وكمان هو اللي س'رق تصاميم المعرض الدولي بتاعتك وجابها ليا
سليم بغضب: ابن ال....؛ حسابه معايا تق'ل أوي ولازم ارب'يه
وائل: هيجي وقته وه'نربيه؛ بس دلوقتي عاوز اعرف هتحط ايدك في ايدي ولا هتعمل ايه
سليم: عاوز اشوف المستندات اللي معاك
وائل: تعالي معايا الفيلا انا شايلها هناك بس الاول عاوز اعتراف منك
سليم: اعتراف ايه
وائل: خالد ازاي غ'در بيك زمان
سليم اتنهد وحكي له اللي عمله خالد معاه
وائل: معاك دليل علي الكلام ده
سليم: حاليا لا بس قريب اوي هيبقي معايا
وائل: تمام؛ هتيجي معايا الفيلا
سليم بصله وسكت؛ ووائل فهم سبب سكوته وقال: علفكرة بابا بيكون في شركته في الوقت ده
سليم: مش همم'ني هيكون موجود ولا لا
وائل: ياريت تحاول تديله فرصه الظ'روف كانت اقوي منه وجبرته يعمل اللي عن عمله
سليم: مفيش ظ'روف تج'بر اب يبعد ويتخلي عن ابنه بالطريقه دي
وائل: لا فيه ي سليم زي ما الظ'روف ج'برتك زمان انك تع'ادي نور معنها اغلي انسانه في حياتك
سليم سكت ومردش عليه؛وائل: هبعتلك لوكيشن الفيلا واتساب لو حابب تيجي ورايا
ووائل راح ركب عربيته وبعت اللوكيشن لسليم؛ وسليم اخد نفس عميق وركب عربيته وراح ورا وائل
في فيلا وائل؛ يوسف كان قاعد مع ماما وائل
ماما وائل: أنا اتكلمت مع وائل زي ما انت طلبت وحاسه ان كلامي اثر فيه وهيعقل
يوسف ابتسم: شكرا يا ناديه مش عارف اشكرك ازاي
ناديه ابتسمت: مفيش شكر بينا ي يوسف؛قولي عامل ايه انت ويوسف
يوسف اتنهد بحزن:لسه مش قابل وجودي لا هو ولا فاطمه بس معاهم حق اللي حصلهم بسببي زمان مش قليل
ناديه بحزن: كل ده بسببي وبسبب اناني'تي زمان
يوسف: ملوش لزمه الكلام ده اللي حصل حصل خلاص بس انا مش هستسلم وهرجعهم ليا أو علي الاقل ارجع ابني لحضني
ناديه ابتسمت: أن شاء الله خير
يوسف ابتسم: يارب
في اللحظه دي دخل وائل وقال: ايه ده ماما جيتي امتي
ناديه حضنته: لسه جايه من شويه ويوسف كان رايح الشركه فقعدنا نتكلم شويه
يوسف لوائل: جاي بدري ليه مش عاويدك يعني
وائل: جاي ومعايا ضيف
يوسف باستغراب: ضيف مين
وائل بص ناحيه سليم: هتفضل واقف عندك كتير
يوسف بص ناحيه سليم وفرح اوي أما شافه وراحله وقال بفرحه: سليم حبيبي عامل ايه نورت بيتك وحضنه
سليم بعد عنه وده زع'ل يوسف؛ وقال لوائل: ياريت تجيب المستندات بسرعه عشان مستعجل
وائل: تمام ثانيه واحده؛ وطلع عشانك يجبهم
يوسف: مستندات ايه
سليم من غير ما يبصبله: وائل هيبقي يعرفك كل حاجه
ناديه لسليم: تعرف انك شبه يوسف اوي في الشكل والملامح ي سليم
سليم بصلها ومردش؛ وفي اللحظه دي وائل نزل ومعاه المستندات
وائل: هي دي المستندات اللي تدينهم
سليم خدها منه وبدأ يدور فيها وكان مصدوم من اللي شايفه؛ وقال بص'دمه: ايه الب'لاوي دي كلها
وائل: بل'وة واحده من دول تودي'هم ورا الشمس
سليم: هما في داه'يه أنا كل اللي هاممني نور فيه اي خ'طر عليها
وائل: لا اطمن المعاملات كانت بتم في فرع غير اللي نور مسكاه لأنهم عارفين أن نور مكنتش هتس'كت لو عرفت حاجه زي دي
سليم: طب وانت في الامان ولا
وائل ابتسم: متقلقش في الامان؛ المهم قولي هنبدا شغل امتي
سليم اتنهد: اخل'ص الاول من خالد وبعدها نخلص منهم
وائل: هتخ'لص منه ازاي
سليم: هظبط وأقولك؛ واداله المستندات
وائل ابتسم: اتفقنا
يوسف بعصب'ية: ما تفهموني ايه اللي بتتكلموا فيه ده
سليم بصله: ابنك هيبقي يفهمك؛ وسابهم ومشي
وائل ليوسف: هقولك كل حاجه في وقتها واطمن انا مش علي غ'در ومش ه'خون ثقت'ك فيا تاني
يوسف ابتسم وحضن وائل؛ وقاله: وانا متاكد في كده بس يوسف كان جواه ق'لقان عليه وعلي سليم وقال في نفسه: ربنا يحفظكم ي ولادي من كل ش'ر
بالليل؛ جه وقت حفله سليم وكان لابس( بدله سوده وشيميز ابيض وجزمه سوده وساعه جلد سوده وسرح شعره ودقنه بجذابية)؛ وكان واقف مع مامته واخته
مامته: نور مجتش معانا ليه يا سليم
سليم: عشان محدش يعرف أن علاقتنا رجعت ي ماما وأننا اتصالحنا فالكل لسه فاكر أن بينا ع'داوه فعشان كده هتيجي لوحدها
مامته: وناويين تعرفوا الناس امتي
سليم: نخلص بس من كام حاجه ووقتها هنعلن للكل
مامته: ربنا معاكم ويحميكم يارب ي حببيبي
سليم باس ايديها: يارب ي ست الكل؛ وسمع صوت من وراه بيقول: عقبال الميه سنه لشركتك ي سليم
سليم لف عشان يشوف مين وملامح وشه اتغيرت للغ'ضب لما شاف يوسف؛ وبص لسهيله: سوسو شوفي طنط نور وصلت لفين
سهيله: حاضر ي أبيه؛ ومشت وسابتهم
سليم ليوسف: ممكن اعرف انت ايه اللي جابك
يوسف: ايه مكنتش عاوزني اجي ولا ايه
سليم: اه وقولتك قبل كده ان اللي بتعمله مش هيصلح حاجه
فاطمه: سليم كلم ابوك بأدب واحترام فاهم ولا لا
سليم: ابويا!! انتي اللي بتقولي كده
فاطمة: ايوا أبوك ي سليم ودي الحقيقه اللي مش هتقدر تغيرها انك من دم يوسف الديميري
سليم بصلها وسكت؛ ويوسف بص لفاطمه بابتمنان علي كلامها ودخل الحفله
وبعد شويه دخلت نور وهي لابسه فستان اسود(هحاول احطلكم صورته في الكومنتات) مع هيلز اسود وعملت تسريحه في شعرها وميكب رقيق أظهر جمالها مع حلق لونه سيلفر وشنطه سوده وبريفيوم وكان معاها روضه؛ واول ما دخلت شدت انتباه الحضور وسليم بصلها بإعجاب وحب كبير وهي بادلته نفس النظرات وراح ليها
سليم بابتسامة: نورتي الحفله ي بشمهندسه نور وباس ايديها وانبسط لما شافها لابسه الخاتم اللي اتقدم لها بيه زمان
نور ابتسمت: بنورك ي بشمهندس ومن نجاح لنجاح ديما
سليم ابتسم: اتفضلي ترابيزتك هناك اهي؛ وكانت قريبه من ترابيزته
نور: حاضر؛ وقربت منه وقالت بهمس: شكلك حلو اوي
سليم ضحك وقال بهمس: وانتي شكلك يجنن وب'اس خدها
نور برقتله وسليم ضحك ؛ ودخلت قعدت علي ترابيزتها وسليم كان كل شويه بيبص عليها بعينه وواخد باله منها من غير ما حد ياخد باله
معتز لروضه: ايه الم'وزه الجامده دي
روضه بصتله وضحكت: بجد شكلي عجبك
معتز باس ايديها وقال: زي القمر يا حبيبي
روضه ابتسمت: وانت كمان قمر
معتز باس جبينها: واخيرا ي حبيبي خطوبتنا قربت
روضه: انا اسعد انسانه في الدنيا انا مستنيه اليوم ده من زمان
معتز مسك ايديها: عارف يا حبيبي ووعد مني اننا هنعيش حياتنا في فرح وسعاده والصعب هنعديه سوا
روضه بحب: وانا واثقه من ده يا حبيبي
معتز ابتسم وحضنها وباس جبينها روضه حضنته بحب
وبعد شويه جه وقت كلمه سليم وطلع وقال كلمته بمناسبه ذكري تأسيس الشركه والكل اعجب بالكلمه ونور كانت بتصوره من غير ما حد ياخد باله وباصه له بحب وفخر ويوسف كان مبسوط وفرحان بيه اوي؛ وبعد ما سليم خلص كلمته الكل سقف له جامد واشتغل بعدها لحن رومانسي وسليم راح ناحيه نور
سليم مد ايده لنور: تعالي نرقص
نور: نرقص ازاي بس كده لعب'تنا هتنكشف
سليم: انتي ناسيه انك شريكتي يعني عادي اطلب ايدك للرقص؛ ومسك ايديها تعالي يلا
وخدها وراحوا رقصوا سوا وسط استغراب الكل وسليم كان مقرب نور منه اوي
نور بهمس: سليم بتعمل ايه بس
سليم: تعرفي تنسي العالم والناس وتركزي معايا انا وبس
نور بصتله: انا بنسي نفسي في كل مره ببص فيها في عيونك يا سليم
سليم ابتسم وقربها منه: يبقي خليكي باصه فيهم وقوليلي شايفه فيهم ايه
نور بصت فيهم وابتسمت بحب: شايفه فيهم نفسي وشايفه حب وعشق
سليم ابتسم بحب: عيوني عمرها ما شافت غيرك يا نوري ولا بصت بعشق غير ليكي أنتي وبس
نور: وبعدين بقي في الكلام الحلو ده اللي هيخليني هموت واحض'نك
سليم ضحك: لما نروح ابقي عوض'يني وغمز
نور برقت بكسوف: سليييييم
سليم: روح قلب سليم وباس تجويف رقابتها بحب؛ نور قربته منها وكملوا رقص بحب وعشق
وخالد كان ملاحظ حركاتهم دي وكان باصص لسليم بغضب وكره كبير وقال بينه وبين نفسه: لازم اخ'لص منك يا سليم وفي اسرع وقت؛ وبعت رساله لوائل أنه هيجيله بكرا شركته وبعدها قفل فونه وبص لسليم بت'وعد: نه'ايتك قربت ي ابن الحديدي
وبعد ما نور وسليم خلصوا رقص الكل سقف ليهم وبعدها الحفله خلصت وكلهم روحوا
تاني يوم؛ في شركه وائل كان قاعد بيشوف شغله والباب خبط
وائل: ادخل
خالد دخل: ازيك يا وائل
وائل بب'رود: تمام ي وائل؛ خير عاوزني في ايه
خالد: قولي هتخ'لص من سليم امتي
وائل: انت مست'عجل اوي كده ليه انك تخ'لص منه
خالد: عشان خ'ايف عليك يا وائل سكوت سليم لحد دلوقتي معناه أنه بيخطط لمص'يبه ليك فلازم ننفذ خط'تنا دلوقتي
وائل: هنفذها بس مش دلوقتي
خالد بن'فاذ صبر: امتي يعني يا وائل
وائل لسه هيرد عليه؛ السكرتيره دخلت وقالت: مستر وائل في مشكله في السيستم ومش عارفين نتصرف
وائل اتنهد: هشوف المشكله دي واجيلك
خالد: تمام وانا مستني؛ وائل خرج وساب خالد في المكتب
وجه علي فون وائل نتوفيكيشن وخالد اخد باله لأن الفون كان قريب منه بس انص'دم لما لاقاه نتوفيكيشن من سليم
خالد اتصدم لما شاف اسم سليم علي فون وائل وفتح فون وائل لانه لمح وائل بيكتبه اكتر من مره وفتح المسدج وبصلها بص'دمه وغض'ب لما لاقي سليم باعت لوائل بيقوله( نور قدرت ت'وقع خالد في الكلام وانا سجلته) وجاب الشات من أوله وشاف أن وائل بيسأل سليم هي'وقعوه ازاي وسليم بعتله الرد ده؛ خالد قفل الفون بغ'ضب وت'وعد ليهم ونزل خرج من الشركه وركب عربيته وكان بيتنفس بغ'ضب وافتكر اللي حصل في الشركه انهارده( فلاش باك)
في مكتب خالد؛ نور كانت واقفه متع'صبه جدا وعلي آخرها وخالد جاب ليها مايه وقال: خدي اشربي ي نور واهدي شويه
نور بع'صبية: اهدي ايه ي خالد ده بي'عاند معايا عدل علي التصاميم وادي قرار التنفيذ ومن غير ما يرجعلي ولا كأني موجوده
خالد: مستغرب تصرفه صراحه ازاي يعمل معاكي كده انتوا كنتوا حلوين امبارح مع بعض والكل مفكر انكم اتصالحتوا
نور بعص:بية: الاستاذ كان بيحطلي ال'سم في العسل زي ما بيقولوا بس علي مين انا هعرفه مين هي نور المهدي لازم اخد حقي منه
ورمت الملفات اللي هي مكتب خالد بعص'بية وكان منهم الملف اللي خالد مخبي فيه صوره نور ونور اخدت بالها وجابت الصوره وكانت مستغربه أن باقي الصوره مقصوصه واتصدمت لما شافت الكلام اللي ورا الصوره وبصت لخالد
نور: ايه ده
خالد بت'وتر: نور ارجوكي اهدي وانا هفهمك كل حاجه
نور ربعت ايديها بن'رفزه: اتفضل فهمني يلا
خالد: نور صراحه انا بحبك من اول يوم شوفتك فيه عشان كده كنت بحاول اقرب منك بس لما شوفتك بت'قربي من سليم وارتبطوا ببعض كان لازم ابعد وقتها واسيبك مع اللي اختارتيه
نور: ما أنا عارفه ي خالد انك بتحبني وكنت ببقي قاصده اقرب من سليم قوي قدامك عشان اخليك تغير وتيجي تعترف بحبك ده حتي لما قولنا أننا هنتجوز استنيت منك اي رد فعل بس ملقتش ده حتي لما اتجوزنا قولت هتعمل حاجه عشان تدافع عن حبك ليا بس برضوا معملتش
خالد بصدمه: انتي بتتكلمي جد ي نور يعني انتي كنتي حاسه بيا؛ طب وانتي كانت مشاعرك ايه
نور بكدب : كان عندي مشاعر ليك يا خالد انا كنت بن'ساك بسليم ي استاذ بس انت ضي'عت المشاعر دي باست'سلامك وانك معملتش حاجه عشان ترجعني ليك
خالد بان':دفاع: لا ي نور انا عملت انا اللي كنت السبب في سجن سليم عملت كده عشان أبعده عنك
نور: س'جن تقصد ايه
خالد: هحكيلك؛ وحكي ليها أن هو اللي راح وقال لجدها أنهم متجوزين وهي حامل من سليم واتفقوا مع بعض علي حكايه ت'ذوير ورقه الط'لاق وك'دب علي سليم وقاله أن الملف مش موجود معنه كان موجود وهو اللي بعت الإيميلات للشركه المنافسه وبعت ليهم ملف الم'ناقصة
نور كانت بتسمع كل ده وجواها ق'ايد نار ونفسها تق'تل خالد بس مسكت أعصابها بأعجوبة
نور: عرفت منين اني كنت حامل
خالد: سمعتك مره وانتي بتقولي لساره
نور ابتسمت: عملت كل ده عشاني ي خالد
خالد: وعندي استعداد اعمل اكتر من كده
نور: وانا هديك فرصه ي خالد
خالد بفرحه: بجد ي نور
نور: اه بجد يا خالد
خالد باس ايد نور: وانا هبقي قدها
نور ابتسمت: هنشوف؛ وسابته ومشت وكان جواها نار ق'اديه ونفسها تخلص عليه وخالد فكان مبسوط اوي بكلام نور ليه وفرحان انها هتبقي له وبعت لوائل أنه هيجيله الشركه بعد شويه؛ اما سليم فكان بيسمع كل الكلام ده والدم بي'غلي في عروقه وكان بي'توعد لخالد (نهايه الفلاش باك)
خالد ض'رب دركسيون العربيه كذا مره وقال ب'غضب: يعني ايه كل ده فيلم اتلعب عليا ونور ك'دابه في كل كلامها وعمرها ما حبتني اصلا؛ وقال بت'وعد وان'تقام: هتدفعي تمن ك'دبك ده نور وه'حرق قلبك ي سليم انت ووائل وشغل عربيته ومشي بسرعه
عند وائل دخل مكتبه واستغرب لما ملقاش خالد وراح قعد علي المكتب وفتح فونه واستغرب اكتر أنه مفتوح على شات سليم؛ وقال: ايه اللي فتحه علي شات سليم بس سكت وفكر شويه واتنهد وقال: شكلي قفلته علي شاته لما السكرتيره بعتت ليا
وائل رد علي سليم وقال: طب حلو اوي خطتك الجايه ايه
سليم رد عليه: لما اقابلك هقولك
وائل: ماشي؛ صحيح خالد كان عندي عشان عاوزني اخلص منك بس انا قولته زي ما اتفقنا
سليم: حلو اوي؛ نتقابل ونكمل باقي الخ'طه
وائل: اتفقنا؛ وقفلوا مع بعض ووائل كمل شغله
في فيلا سليم وتحديدا مكتبه كان قاعد مع نور ومعتز
معتز: كده احنا معانا الدليل اللي نقدر نفتح بيه القضيه
نور: طب حلو كده ناقص ايه
سليم: نجيب اذن من النيابة بالتسجيل عشان يتأخد بيه في القضية
معتز: ده سهل صاحب ابويا شغال لواء هيساعدنا
نور: يعني أنا هعمل اللي عملته ده تاني مع خالد
سليم: لا ي نور ده هيبقي دور وائل
نور: نعم وائل هتثق فيه ازاي مش فاهمه بعد اللي عمله فيك هو عشان ف'تن ليك علي خالد هتثق فيه اح'ظر منه ي سليم وائل مش سهل
سليم: عارف ي نور بس بعد الموقف اللي حصل خلاني ابدا اثق فيه واعرف ان غرضه شريف
نور باستغراب: موقف ايه
سليم بص لمعتز بمعني أنه يسبهم لوحدهم ومعتز فهم وقال: طب استأذن انا بقي وسابهم ومشي
سليم راح لنور وقعدها قدامه وقال وهو ماسك ايديها: نور عاوز اقولك حاجه بس ارجوكي اتحكمي في اعصابك
نور بقلق: فيه ايه ي سليم اتكلم
سليم اتنهد: وحكي لنور عن شغل جدها وعمها
نور قامت وقفت وقال بص'دمه ودموع: لا لا اكيد فيه حاجه غلط اكيد وائل بيكدب والمستندات دي م'زوره لا يمكن يكونوا بالق'ذاره دي
سليم بحزن وزعل عليها: للاسف لا ي نور المستندات حقيقه انا شوفتها بنفسي
نور بانه'يار: يعني ايه أنا كنت عايشه مع ش'ياطين واشتغلت بفلوس ح'رام بس والله العظيم انا مكنتش اعرف اي حاجه ي سليم مكنتش اعرف والله
سليم حضن نور بحنان جامد وقال: اهدي ي عمر سليم انا عارف انك مكنتيش تعرفي حاجه عشان كنتي مستحيل تبقي عارفه وساكته اهدي عشان خاطري
نور حضنت سليم: انا تعبت من كتر الصدمات اللي ورا بعضها دي نفسي ارتاح
سليم مسح دموعها وباس جبينها: هانت خلاص ي نور وكل حاجة هتخلص واللي غلط هيتحاسب
نور بصتله: تقصد ايه
سليم: نخلص من خالد وبعدها هقدم المستندات دي للنيابه وبكده اكون جبت حقي وحقك وحق ابننا اللي راح ظلم من جدك وعمك بالقانون
نور حضنته وسندت راسها علي صدره وقالت: خلي القانون ياخد مجراه وهما اللي بدئوا الغ'در يستحملوا نتيجه أفعالهم
سليم حضنها وباس راسها: انتي كويسه
نور بصتله: طول ما أنا معاك وفي حضنك هبقي كويسه
سليم بصلها بحب وباس خدها وحضن نور جامد وبحب ونور غمضت عيونها بأمان وراحه في حضنه
وائل دخل الفيلا ولاقي يوسف قاعد مستنيه وكان متعصب جامد
يوسف بعص'بية: واخيرا شرفت ي باشا
وائل باستغراب: فيه ايه ي بابا
يوسف شاور علي المستندات: ممكن تفهمني ايه المستندات دي ي استاذ
وائل: انت بتف'تش في حاجاتي ي بابا
يوسف بعص'بية: اتكلم عدل ايه بفت'ش دي انا دخلت أوضتك الصبح عشان اشوفك صحيت ولا لسه بس ملقتش ولاقيت دول علي مكتبك وعاوز تفسير حالا عن اللي في الملفات دي وناوي علي ايه انت وسليم
وائل اتنهد: حاضر ي بابا بس اهدي وحكي له كل حاجه
يوسف بعصبية: انت اتجن'نت ي وائل ازاي تساعد في حاجة زي دي
وائل: بابا اهدي ارجوك انا مفيش اي دليل عليا وانت عارف انا ساعدتهم ليه وعشان ايه
يوسف بعصب'ية: واخرتها ايه عاوز يخلص عليك انت وسليم ويوج'ع قلبي عليكم بس لا مش هسم'حله سليمان وابنه هيدفعه التمن غالي اوي
وائل: طلع نفسك برا الموضوع ده خالص
يوسف: نعم يخويا
وائل: اه ي بابا عشان خاطر سليم
يوسف: مش فاهم
وائل: سليم قالي معرفكش اي حاجه ي بابا بس انا قولتك عشان تهدي بس وكل واحد فينا خاطط ثقته في التاني وتصرف زي ده ممكن يخليه يش'ك فيا ونبقي وقتها ف'ريسه سهله لسليمان وابنه فبلاش واطمن ي بابا احنا هن'ضربهم من غير ما يحسوا وكل حاجة هتمشي قانوني
يوسف ابتسم علي كلام ابنه وقال: خلي بالك من اخوك واوعي تغ'در بيه وتخ'ون ثقته وثقتي فيك ي حبيبي وابقي عرفني كل حاجه ولو احتجت حاجه انا موجود
وائل باس ايديه: حاضر ي حبيبي اطمن
يوسف: ربنا يحميكم من كل شر يارب
وائل ابتسم: يارب ي بابا
في الليل؛ سليم كان نايم وكان واخد نور في حضنه وحلم ان فيه حد بي'ضرب نور بالنار وهو واقف مت'جمد مش عارف يعمل ليها حاجه ونور وقعت ماتت وسليم ص'رخ وقال: نوووور
وصحي من النوم مف'زوع وهو بيقول بصوت عالي: نوووور
نوم قامت مخضوضه: فيه ايه ي حبيبي مالك انا جنبك اهو
سليم حضنها جامد وبخوف: الحمد لله انك كويسه ي حبيبي
نور حضنته وبعدها مسكت وشها بإيده: مالك ي حبيبي احكيلي
سليم سند رأسه علي السرير ومسك ايديها: حلم وحش أوي ي نور
نور باست ايده: خير بإذن الله بلاش تحكيه طالما وحش استغيذ بالله من الشيطان وانا هجبلك مايه
سليم هز رأسه ونور ابتسمت وقامت جابتله المايه وسليم استعاذ من الشيطان ونور بعدها ادته المايه وسليم شربها
نور بابتسامه: احسن دلوقتي
سليم ابتسم وهز راسه؛ نور راحت نامت جنبه وخدته في حضنها ولعبت في شعره بحب
نور: ارتاح بقي ونام انا جنبك اهو
سليم بصلها وباس'ها: حاضر ي حبيبي؛ نور ابتسمت وبصتله بحب وفضلت تلعب في شعره وسليم غمض عينه ومثل ببراعه انه نام ونور باست جبينه بحب ونامت
وسليم فتح عينه وبص لنور وافتكر الحلم وكان قلقان وخايف اوي علي نور وقال: يارب مت'وجعش قلبي عليها انا بحبها أوي ومقدرش علي بعدها ابدا؛ وفضل يحاول ينام طول الليل بس معرفش
تاني يوم؛ سليم كان واقف وكان لابس بدلته وبيتابع تحضيرات خطوبه معتز وروضه لأنها هتتعمل انهارده في جنينه فيلته بس كان سرحان ومكنش مركز خالص ومعتز لاحظ ده وراحله
معتز: ايه يعم مالك مش فرحان ليا ولا ايه
سليم أبتسم وحضنه: لا طبعا ده أنا هطير من الفرحه ليك ربنا يسعدك انت وروضه يارب
معتز حضنه: يارب ي حبيبي طب مالك فيه ايه
سليم: خايف وقلقان علي نور اوي
معتز: ليه مالها نور
سليم': حلمت حلم وحش اوي يخصها امبارح فمن ساعتها وانا مش علي بعضي
معتز ابتسم: يعم ده مجرد حلم بإذن الله مفيش حاجه هتحصل ليها
سليم: يارب ي معتز يارب؛ قولي روضه خلصت
معتز: اه بس لسه نور وماما روضه واختك بيجهزوا
سليم: طب حلو تعالي نشيك علي كل حاجه يلا
معتز: ماشي يلا
عند نور كانت خلصت عمايل الميكب وشعرها وقامت تلبس الفستان في الدريسنج وبعد ما خلصت لبسه سمعت صوت الباب بيتفتح وصوت خطوات في الاوضه
نور ابتسمت وقالت: سليم حبيبي انت جيت؛ ولفت بس اتصدمت لما شافت خالد قدامها بيص ليها بكل انتقام وغضب
نور بص'دمه: خالد انت دخلت هنا ازاي
خالد قرب منها: ايوا خالد اللي ضح'كتي عليه بكلامك ي نور عشان توقعيه في الكلام بس برافو مكنتش اعرف انك ممثله شاطره
نور بصتله بصدمه بس دارت ده: ايه الجنان اللي بتقوله ده؛ ولسه هتم'شي بس خالد شدها له
نور بعص'بية: ابعد عني بقولك انت اتج'ننت
خالد بجن'ون: ايوا اتج'ننت بيكي وبحبك ي نور انا خلاص عرفت كل حاجه ولو مش هتبقي ليا مش هتبقى لغيري
نور زقت'ه جامد وقالت بح'ده: انت فعلا مج'نون وعمري ما هبقي لواحد مجنـون؛ ولفت ضهرها عشان تمشي
خالد بش'ر: يبقي انتي اللي اختارتي ي نور؛ وطلع الم'طوه وشدها له وضرب'ها مرت'ين في بطنها
ونور وقعت علي الارض وال'دم نزف منها ؛ وخالد بص ليها وقال ببرود: دي ج'زاء اللي يل'عب بمشاعري ي نور وسابها ومشي بين الحياه والم'وت وخرج من الباب الخلفي من غير ما حد ياخد باله بسبب انشغال الكل وركب عربيته ومشي....(يتبع)
*توقعاتكم للي جاي ؟!
*الروايه فاضل فيها بارتين وتخلص بارت هيبقي يوم الاربعاء وبارت يوم الخميس بإذن الله
*ويجماعه انا مش بتاخر بمزاجي والله العظيم بيكون فيه ظروف منعاني فعلا فياريت تعذروني في الحته دي وباذن الله في الروايه الجديده هظبط موضوع التأخير ده
سليم كان واقف مع معتز ومره واحده حس أن قلبه مق'بوض وحط أيده علي قلبه ومعتز اخد باله
معتز: مالك ي سليم فيه ايه
سليم بق'لق: معرفش ي معتز بس حاسس ان فيه حاجه حصلت لنور انا هروح اشوفها
معتز: ي ابني اهدي متخليش حلم وحش حلمته يأثر عليك وعلي تفكيرك
سليم لسه هيرد عليه بس سمعوا صوت ماما نور بت'صرخ وبتقول: نوووررررر
سليم ومعتز طلعوا جري وسليم اتصدم لما دخل وشاف نور واق'عه علي الارض وساي'حه في دم'ها والكل حواليها بيعيط؛ سليم دموعه نزلت وجري علي نور خدها في حضنه
نور بصتله وهي بصتله وهي بتحاول تاخد نفسها؛ وقالت: كنت خايفه ام'وت قبل ما اشوفك
سليم بدم'وع: لا لا اوعي تقولي كده انتي هتبقي كويسه ي نور مينفعش تسبيني فاااهمه؛ واكمل بزع'يق: اطلب الإسعاف بسرعه يا معتز
معتز: حاضر حاضر وراح طلب الإسعاف
نور مسكت ايد سليم وضغ'طت علي أيده وقالت بصعوبه: خلي بالك من نفسك ومن ماما وسامحني لو عملت حاجه زعلتك في يوم كان غص'ب عني والله؛ وتابعت ب'وجع: انا بحبك اوي وعمري ما حبيت في حياتي حد قدك انت وغمضت عينيها
سليم بانه'يار: لا ي نور فتحي عينك عشان خاطري اوعي تسبيني
ماما نور بدم'وع: فتحي عينك ي بنتي عشان خاطري ي قلب امك
روضه بعياط: لا ي نور اوعي تسبيني دلوقتي مكنش ده أتفقنا
معتز دخل وقال: الإسعاف قدامها نص ساعه
سليم شال نور: انا مش هستني تعالي ورايا بسرعه ي معتز
وشال نور ونزل بيها بسرعه وركب العربيه وخد نور في حضنه ومعتز ساق بسرعه؛ وسليم كان حاضن نور جامد ودموعه نازله وباصص عليها بخوف: نور اوعي تسبيني ي نور احنا اتفقنا هنكمل حياتنا سوا وهنعوض كل اللي فاتنا وانتي وعديتيني أن عمرك ما هتسبيني بلاش تخلفي بوعدك بقي؛ وحضنها دموعه نازله
وبعد شويه وصلوا المستشفي وسليم دخل وهو شايل نور والممرضين خدوها منه بسرعه ودخلوا بيها أوضه العم'ليات؛ وسليم والكل كانوا واقفين علي أعصابهم
في بيت خالد كان بي'قطع كل صور نور اللي عنده ببرود؛ وفونه رن برقم سليمان
خالد ببرود: اهلا ي سليمان بيه
سليمان: اسمع ي خالد الخطه اتغيرت ولازم نخلص من سليم في اسرع وقت لانه عرف حقيقه اللي حصل زمان
خالد: حاجه متخص'نيش ي باشا انا مهمتي خل'صت وخدت حقي
سليمان بعصب'ية: انا اللي احدد امتي مهمتك تخلص ي خالد وانت هتساعدني اخلص من سليم لانه بي'شكل خطر عليك وعليا وانا مش ناقص ش'وشره ولو منفذتش اتفاقنا تنسي نور
خالد ضحك: لا ما أنا مفيش خ'طر عليا خلاص لاني كلها كام ساعه ومسافر أما نور بقي خليها مع سليم يشبع بيها وسليم خطر عليك انت لوحدك ي باشا ومبقاش هو لوحده
سليمان: تقصد ايه بكلامك ده
خالد: اقصد أن وائل دخل مع سليم في الخط والله اعلم بقي ناويين علي ايه فخلي بالك من نفسك يا باشا سلام؛ وقفل المكالمة وقال: خليهم يخل'صوا علي بعض كده وانا هتفرج من بعيد وضحك جامد
سليمان قفل المكالمه مع خالد وهو في حاله ص'دمه
محمود: مالك ي بابا فيه ايه
سليمان حكي له اللي خالد قاله
محمود بصدمه: وائل وسليم في صف بعض يبقي كده وائل السبب أن سليم يعرف الحقيقه بس ده حصل ازاي
سليمان بغ'ضب: اكيد كان بيتصنت علينا عن طريق حاجه اسمع ي محمود تجيب حالا فريق مختص يدور في كل مكان في الشركه والفيلات بسرعه
محمود: حاضر ي بابا وراح يكلم الشركه
سليمان بغضب: يويلكم مني انا هوريكم اخره اللع'ب معايا ايه
في المستشفي سليم كان واقف وساند ضهره الحيطه ودموعه نازله وحاسس أن روحه رايحه منه؛ وفي الوقت ده وصل يوسف ومعاه وائل
فاطمه بدموع: يوسف انت عرفت ازاي
يوسف: روحت ليكم علي الفيلا وقلقت لما ملقتش حد فرنيت علي معتز وقالي اللي حصل وأنكم هنا
وائل راح لسليم وحط أيده علي كتفه وقال: متقلقش هتبقي كويسه وهتقوم بالسلامه
سليم بصله وهز رأسه ورجع رأسه لورا وغمض عينه
يوسف راح وحضن سليم وقال: ربنا عارف وعالم قد ايه انت محتاجها ومحتاج وجودها جنبك ربنا حنين اوي ومش هياخدها منك بعد ما جمعكم سوا خلي عندك ثقه في ربنا ي حبيبي
سليم بدم'وع: يارب متحرمن'يش منها يارب
وبعد ساعتين الدكتور طلع من اوضه العم'ليات وسليم والكل جري عليه
سليم بخ'وف وقل'ق: طمني علي ي نور ي دكتور
الدكتور: نور ربنا كتب ليها عمر جديد لو كنتوا اتاخرتوا شويه كمان كان ممكن تخ'سروها
ماما نور بدموع: طب حاله نور عامله ايه دلوقت
الدكتور: تعتبر عدت مرحله الخ'طر بس هنحطها في العنايه المركزه لحد ما تفوق عشان نبقي مطمنين عليها اكتر
سليم: ارجوك يا دكتور عاوز ادخل ليها
الدكتور: ص'عب دلوقتي عشان صحتها
سليم برجاء: مش هاخد وقت كبير ي دكتور بس ارجوك يا دكتور انا عاوز اطمن عليها
الدكتور سكت شويه وبصله؛ وقال: ماشي بس مش دلوقتي يا سليم يعني كمان كام ساعه احنا هنطلعها من الباب الخلفي للعمليات علي العنايه دلوقتي
روضه بدموع: طب احنا ممكن نشوفها امتي
الدكتور: بكرا بإذن الله اصلا وجودكم كلكم مش مستحب حاليا ياريت شخص واحد بس اللي يفضل وسابهم ومشي
سليم: انا هفضل مع نور وهخلي بالي منها
ماما نور بعص'بية ودموع: زي ما خليت بالك منها زمان ودلوقتي
سليم قعد قدامها: صديقني مش ههدي غير لما اعرف مين عمل فيها كده وادف'عه التمن غالي
ماما نور: واللي عملته فيها زمان كان ايه هت'دفع تمنه ازاي
سليم: والله العظيم ما كان ذنب'ي
ماما نور: اومال ذن'ب مين
روضه: جدو وعمو محمود ي طنط رحمه وحكت ليهم الحقيقة
رحمه بدموع: الكل ظ'لم بنتي وانا ظل'متها معاهم بدل ما اساعدها واقف جنبها
ماما روضه: كلنا ظلم'نا نور ي رحمه ومنه'م لله اللي كانوا السبب
رحمه لسليم: حقك عليا والله مكنتش اعرف سامحني
سليم باس ايديها: مسامحك والله هروح اطمن علي نور ومسح دموعه وراح لنور ويوسف راح وراه
ماما روضه: يلا ي رحمه تعالي روحي معايا البيت باتي معانا
روضه بدموع: بس انا مش عاوزه اسيب نور
معتز مسح دموعها: هنيجي ليها بكرا ي حبيبي تطمني عليها وتكون فاقت
روضه بصتله وحضنته وهو حضنها بحب
سليم راح بص علي نور من ازاز العنايه وشافها وهي متوصله بالأجهزة ومعلقين ليها المحاليل وسند جبينه علي الازاز ودموعه نزلت؛ وحس بإيد بطبطب عليه وكانت ايد يوسف وسليم بصله والدموع نازله منه وحضنه
يوسف بحنان: اهدي ي حبيبي وخليك قوي عشانها
سليم بدموع: اهدي ازاي واللي حصلها ده بسببي انا الله واعلم مين اللي غ'در بيها كده عشان يوجع'ني انا عاوزني اهدي ازاي وهي في الوضع ده بسببي ي بابا
يوسف حضنه جامد وطبطب عليه: اهدي ي حبيبي والله هتبقي كويسه اوعي تفقد ثقتك في ربنا ابدا ربنا كريم وكرمه اكبر يا حبيبي وهتشوف واللي عمل فيها كده هن'دفعه الت'من غالي انا معاك وفي ضهرك وحضن سليم وسليم حضنه
وائل ابتسم لما شافهم كده وراح ليهم وقال: في طريقه نعرف بيها مين عمل كده
سليم بصله: ايوا فيه كاميرات خفيه انا حاططها في للبيت اكيد سجلت كل اللي حصل
وائل: انا ممكن اروح اشوفها
يوسف: خليك جنب اخوك عشان لو حصل حاجه ومعتز يقوم بالمهمة دي
وائل: تمام ي بابا
سليم رن علي معتز وقاله يشوف الكاميرات بعد ما يروح أهل نور ويوسف روح فاطمه وسهيله علي الفيلا عنده عشان مينفعش يقعد في فيلا سليم
في فيلا سليمان؛ الشركه قدرت تلاقي جهاز التصنت اللي وائل كان حطه
محمود: ده الجهاز ي بابا هنعمل ايه
سليمان بغضب: ماشي ي ابن الديميري نخلص من صفقه بكرا وبعدها هعرف الاتنين الادب
محمود: تمام ي بابا خلينا نن''ضف المع'لب بقي
سليمان: هينضف بس الصبر
في المستشفي؛ معتز اتصل بسليم
سليم: شوفت الكاميرات
معتز: اه واللي عمل كده خالد
سليم بغضب وانتقام: خالد؛ وقفل المكالمه
وائل: فيه ايه
سليم: خالد هو اللي ض'رب نور
وائل: وليه يعمل كده فيها وهو بيحبها وسكت شويه وقال: معقوله
سليم: فيه ايه
وائل: حكي لسليم علي موضوع شاته اللي كان مفتوح علي فونه وسليم كان بيسمعه وهو ساكت؛ ووائل لاحظ ده وقال: لتكون شاكك اني بعتك لخالد
سليم: لا ي وائل م'ش شاكك انا بس بفكر هتصرف ازاي
وائل: تتصرف بالعقل ي سليم عشان نور وامك واختك اوعي تعمل حاجه تندم عليها
سليم بصله وهز رأسه
خالد قاعد في بيته بيجهز شنطته عشان يسافر، وشكله مطمّن إنه خلاص هيفلت.
سليم ووائل دخلوا عليه فجأة، خالد اتفاجئ بس حاول يخفي خوفه.
خالد بيحاول يتصرف طبيعي: سليم ووائل سوا وعندي جايين ليه خير
سليم بصوت غاض'ب وعيونه كلها ن'ار: جايين عشان نجيب نهاي'تك ي خالد
خالد بتوتر: نهايه ايه انت بت'خرف تقول ايه
وائل: هتعرف دلوقتي يا خالد كل حاجه
وائل حط فلاشة فيها تسجيل الكاميرات على المكتب وشغّلها، ظهر خالد وهو بيتهجم على نور.
خالد اتوتر وحاول يتماسك: دي مش حقيقة.. دي فبركة!
سليم مسك خالد من قميصه وزع'ق: ف'بركة إيه يا ج'بان! كنت عاوز تق'تلها عشان متب'قاش لحد غيرك! مش مك'فيك حياتنا اللي دم'رتها زمان عاوز تخ'دها مني تاني
خالد حاول يحرر نفسه: أنا اللي اتظ'لمت طول عمري! انا اللي كنت أحق بيها منك
سليم دفعه على الأرض:اللي زيك نه'ايته دايمًا الخ'سارة.
في اللحظة دي دخلت الشرطة، وائل قال: التسجيلات اتس'لمت.. ونور هتقوم وت'اخد حقها منك بنفسها.
الضباط كبّ'لوا خالد، وهو بيصرخ:انتو الاتنين السبب! انت وهو السبب!
سليم رد عليه ببرود: لا يا خالد سبب نه'ايتك هو مرض'ك وحق'دك.؛ وخالد اتس'حب وهو بي'صرخ لحد ما صوته اختفى.
سليم: خلصنا من اول جزء من الخ'طه
وائل: لسه الجزء التاني منها وكلها كام ساعه والنهار يطلع ونخلص بقي
سليم بص لوائل: شكرا يا وائل لولاك مكنتش عارف كان ممكن يحصل
وائل ابتسم:, احنا اخوات ومفيش بينا شكر؛ وقرب منه سامحني يا سليم علي اللي عملته فيك انا مكنتش عارف الحقيقه بس لما عرفت اختارت ابقي في صفك
سليم ابتسم: مسامحك ي وائل؛ وحضنوا بعض
سليم: يدوب نروح للواء يلا عشان نظبط معاه
وائل: يلا وركبوا العربية
تاني يوم؛ في شركه سليمان المهدي كان قاعد مع محمود ومعاه وفد بيخ'لصوا الصفقه؛ وفجأة سمعوا صوت اقت'حام من بره.. الشرطة دخلت والكل اتفاجئ.
محمود حاول يطلع س'لاح، لكن وائل ظهر مع قوة خاصة وقال: أي حركة هت'دفع تمن'ها غالي.
سليم دخل ووقف قدام سليمان: فاكر لما قلتلي زمان إن اللي يعان'دك نهايته وح'شة؟ جه وقتك عشان تشوف بنفسك.
سليمان بابتسامة ساخرة رغم الموقف: فاكر إني هقع بسهولة؟ أنا سليمان المهدي!
سليم: وهي دي نهايتك.. تاريخ كله ف'ساد وغ'در، ومفيش حد هيترحم عليك.
الشرطة كبّلت محمود وهو بيصرخ: بابا اعمل حاجة! متسيبنيش!
سليمان فضل ساكت وباصص للأرض، كأنه لأول مرة حاسس بالهزيمة الحقيقية.
سليم قرب منه وقال: الغ'در عمره ما بيك'سب، واللي بت'زرعه لازم في يوم تح'صده. وده حقي وحق ظل'مك ليا انا ونور زمان وابننا اللي راح غ'در
وائل وقف قدام سليمان: وياري'تك اكتفيت بكده كنت عاوز تخ'لص مني بالرغم من اني كنت سندك وكنت عاوزني اخ'لص من اخويا
سليمان بصدمه: اخوك مين
وائل ضحك: أصل انا وسليم اخوات ابونا واحد ودمنا واحد وبسببك انت اتحدنا
سليمان كان مصدوم من اللي بيسمعه والشرطة أخدوا سليمان ومحمود، واللي كانوا معاهم
سليم خرج بره وهو شايف وائل واقف جنبه، وقال له: خلصنا من كاب'وس طويل.. والباقي إننا نبدأ من جديد.
سليم بصله: اطمن علي نور الاول وبعدها هنبدا صفحه جديده
وائل: يلا نروح المستشفي
سليم: يلا وركبوا العربية وراحوا المستشفي
ووصلوا المستشفي ووائل حكي ليهم علي كل اللي حصل وسليم دخل لنور اللي كانت لسه مفاقتش
سليم كان قاعد جنبها في العناية، ماسك إيدها وبيطبطب عليها، عيونه حمراء من كتر البكاء. قرب وشه منها وبدأ يهمس بصوت مليان وجع وحب:
سليم:يا نور… انتي سام'عاني صح؟ أنا عارف إنك سام'عاني. أنا عمري ما حسيت بالض'عف اللي حسيته من يوم ما شفتك واقعة في دم'ك. أنا طول عمري واقف، مهما وقعت بقوم… بس من غيرك مش عارف أقوم.
مسك إيدها بقوة وحطها على صدره: حسي دقات قلبي… كل دقة فيهم بت'ناديكي. أنا غل'طت زمان لما سبتك تضيع مني، بس المرة دي مستحيل أسيبك.
أوعى تفكري تسبيني يا نور… أوعى تسيبيني تاني.
ودموعه نزلت وهو بيبص لملامحها الهادية:
كفاية عذاب… تعالي نعيش اللي ضاع مننا. تعالي نبدأ من جديد… زي ما كنا بنحلم من زمان.
وفجأة نور بدأت تحرك صوابعها بخفة. سليم اتجمد وهو ماسك إيدها، قلبه دق بسرعة: نور! انتي… انتي سامعاني؟
نورفتحت عينيها بص'عوبة وبصت له وابتسمت ابتسامة ضعيفة وقالت بهمس: كنت… سامعاك.؛ ووعد مني… مش هسيبك تاني.
سليم ما قدرش يمسك نفسه، نزل بوس جبينها وهو بيضحك ويبكي في نفس الوقت: حمد لله على سلامتك يا روحي… حياتي رجعتلي.
وبعدها الدكتور دخل وكشف علي نور وطمنهم وان حالتها بقت مستقره نوعا ما وكلهم دخلوا واطمنوا علي نور؛ وحكوا ليها اللي حصل بس إصرار منها وهي اتقبلت كل حاجه
نور: الحمدلله أن القانون اخد مجراه واللي غلط اتعاقب والحقيقه بانت
وائل ابتسم: اسف يا نور علي كل حاجه سامحيني
نور ابتسمت: طالما سليم سامحك يبقي انا سامحتك
سليم بص لوائل وضحك: أخويا بقي ولازم اسامحه
يوسف: طب وانا ي سليم مش ناوي تسامحني
سليم بص لامه اللي بصتله بمعني سامح وابتسم وراح عند يوسف وقال: مسامحك ي بابا
يوسف عينه دمعت وحضن سليم جامد وسليم حضنه؛ ويوسف قال دموع: ي حبيبي يا سليم ربنا يقدرني واعوضك عن كل حاجه وح'شه سبتها بسببي
سليم بصله وابتسم ويوسف حضنه هو ووائل
معتز: بقولك ايه يا نور شيدي حيلك بسرعه عشان انا هعمل فرح مره واحده عاوز اتجوز ي ناس
روضه بضحك: وانا موافقه بس نحل مشكله الشركه الاول
نور: فرحكم الاول ده الأهم عاوزين نفرح بقي
سليم: نور معاها حق وبعدين مشكله الشركه هتتحل وأنا في ضهر نور لحد ما تقف علي رجلها من جديد
نور بصت لسليم بحب كبير وهو بادلها نفس النظرات؛ ويوسف لأحظ ده وقال: طب تسيبهم سوا شويه بقي
والكل طلع وساب نور وسليم سوا؛ وسليم راح مسك ايد نور وباسها وبصلها بحب وعشق حقيقي وعينه دمعت
سليم: نور… أنا وعدتك إن عمري ما هسيبك تاني. ومن النهارده… هبدأ أوفي بوعدي. مش مهم اللي فات، المهم إننا لسه عايشين ومعانا فرصة نبدأ من جديد.
نور ابتسمت بخفة وهي بتحاول ترفع إيدها تمسح دموعه: وأنا عمري ما كنت لحد غيرك يا سليم… حتى وأنا زعلانة منك، قلبي كان ليك.
سليم نزل راسه على إيدها وباسها بحب:خلاص من هنا ورايح مفيش فراق، مفيش أسرار، مفيش خيانة. من هنا ورايح فينا إحنا… "سليم ونور".
نور ابتسمت وهي عينيها مليانة دموع فرحة: بحبك يا سليم.
سليم بدموع وضحكة: وأنا بعشقك يا نور… لآخر نفس في عمري. (النهايه)
* وبكده حدوته نور وسليم خلصت وحقيقي انا اتعلقت بالرواية دي وحبتها جدا واتمني انكم تكونوا حبيتوا الروايه بجد وآسفه لو كنت بتأخر عليكم في نزول البارتات بس كان غصب عني وشكرا بجد علي دعمكم وتشجيعكم ليا بجد
*ان شاء الله في روايه جديده هتنزل قريب جدا وبإذن الله مش هتأخر في تنزليها وتنزيل البارتات انتظروا القادم
*تفاعل حلو بقي فرحوني بقي بالتفاعل 🥺
*وهم الخيانة بقلم نيره عبدالله
تابعووووووني
رواية زواج لدقائق معدودة كامله من هنا
رواية خيانة الوعد كامله من هنا
رواية الطفله والوحش كامله من هنا
رواية جحيم الغيره كامله من هنا
رواية مابين الضلوع كامله من هنا
رواية سيطرة ناعمه كامله من هنا
رواية يتيمه في قبضة صعيدي كامله من هنا
الروايات الكامله والحصريه بدون لينكات من هنا
إللي خلص القراءه يدخل هيلاقي كل الروايات اللي بيدور عليها من هنا 👇 ❤️ 👇
❤️🌺🌹❤️🌺❤️🌹❤️🌺🌹❤️🌺🌹❤️🌺🌹❤️🌺🌹🛺🛺🛺🛺🛺
الصفحه الرئيسيه للروايات الجديده من هنا
جميع الروايات الحصريه والكامله من هنا
انضموا معنا علي قناتنا بها جميع الروايات على تليجرام من هنا
❤️🌺🌹❤️🌺❤️🌹❤️🌺🌹❤️🌺🌹❤️🌺🌹❤️🌺🌹🛺🛺🛺🛺🛺
تعليقات
إرسال تعليق