خارج النطاق الفصل السابع والثامن بقلم هلا غرابلي حصريه وجديده
شيرين:شو !لوين بدك تاخدني
سيف:مهران ما تعمل شي تندم عليه العمر كلو ،يابي رح يعصب كتير و رح يخليك تندم على الساعة يلي فكرت فيا تفوت لهون
مهران:نحن بدنا اياه يعصب ،خبرو لابوك ؛ما رح نرجعلكن الكنة قبل ما تفتحو الطريق
سيف:الموضوع انتهى من زمان
مهران: ما انتهى ،هلأ بلش ، ابوك فضيلو الجو من 4 سنين من اخر مرة اخدونا غدر ،ما كنا محضرين حالنا بس هالمرة نحن جاهزين؛قلو يفتحلنا الطريق لنبيع بضاعتنا و نشحنا و الا رح نزوج مرة ابنو لواحد من عنا ،يعني شرفو رح يصير بالارض ،اكيد مسعود ما بيقبل
سيف:مهرااان!
مهران:سمعتني منيح ،يلا انسحاب
طلعو من االبيت و اخدوني معن على احصنة ،كان طريقنا بين الشجر باتجاه الاعلى ،حتى دخلنا على ارض و ضيعة جديدة ،تسمى بضيعة الاقزام ،ما كانو سكان اقزام بالمعنى الحرفي بس مقارنة مع طول سكان ضيعة العمالقة ،كانو مبينين اقزام ،كان مهران من عمر ابو مسعود تقريبا ،اخدني معو على بيتو ،اول ما فتت على البيت ،اتفاجأت بوجود تلفزيون باللون الاسود و الابيض بغرفة القعدة ،ركضت عليه فورا انا و عم اطلع فيه و لمسو بايدي
شيرين:يالله تلفزيون
مهران:هاي مرتي فتون و بنتي سمر
التفتت علين انا و خجلانة ،كان وجوهن مريحة كتير
 |
فتون:شو اسمك انت؟
شيرين:سمرا ...يالله ...حتى اسمي نسوني اياه ...اسمي شيرين
سمر:و انا سمر ،اهلا و سهلا فيكي
شيرين:انت بنت؟
سمر:هههه ايه ،ليش مبينة صبي؟
شيرين:لا ابدا بس عندن ما بخلو البنت تعيش،بدفنو من اول ما بتخلق
مهران:عندن !ليش ما قلتي عنا ؟
شيرين:انا ما من ضيعتن ابدا ،انا ساكنة بالمدينة و كنت جاي لهون لعند ام صالح يلي براس الجبل كان بدي منا عشبة كرمال دراستي بالجامعة
سمر:انت بالجامعة؟
شيرين:ايه ،بتعرفي شو يعني جامعة؟
سمر:ايه طبعا
شيرين:ها،منيح ،المهم خطفوني من الطريق انا و رفيقتي ،و زوجونا لاولاد ابو مسعود
مهرانا:اها ،هاي العادة صارت عندن هلأ
فتون:اغبياء،معناها انت كنتا لفتحية ولا لزهرة؟
شيرين:لفتحية
فتون:اممم لسوء حظك
شيرين:ايه ،حظي صار سيء من اول لحظة حطيت رجلي بارضن ،هدول ما عايشين
رجعت اطلعت بالتلفزيون
شيرين:يعني عنكن كهربا ؟
فتون_سمر:هههههههه
بقيت طول الليل انا و مفتحية عيوني و عم اطلع باللمبة بالسقف ،ياالله اديش حسيت بنعمة الكهربا ،نامت جنبي سمر هديك الليلة
شيرين:ما عندك اخوات انت؟
سمر:اي عندي 4 بس كلن متزوجين
شيرين:انت اصغر وحدة ،شو عمرك؟
سمر:15 سنة ،بس اذا خطفوكي ليش ما هربتي منن؟
شيرين:حاولت كتير بس كانو بكل مرة يلقطوني
بنفس الليلة على الساعة 3 سمعنا صوت رصاص قوي ،قمنا انا و سمر مفزوعين
شيرين:شوفي؟
طلعت فتون اما لسمر من غرفتا هي و عم تلبس روبا
فتون:ما تخافو ،هدول اكيد ابو مسعود و اولادو وصلتن الرسالة
سمر:وينو بابا؟
فتون:ما بعرف ،الله يمضي هالليلة على خير ،سمر و انت سمرا تعالو بسرعة معي
فتنا على المطبخ ،فتحت باب بحيط المطبخ بس كانو لونو متل لون الحيط و فوتتنا انا و سمر على غرفة صغيرة كتير ما فيا شي ابدا
فتون:ابقو هون و ما طلعو ولا صوت ،بجوز اولادو لابو مسعود يفوتو لهون
سكرت علينا و بقينا انا و سمر مع بعض
شيرين:انتو بتزرعو و بتاجرو بالحشيش كمان؟
سمر:ايه ،بس كانت علاقتنا منيحة وكان امير الجبل سامح نحمل مرة بالشهر مرة دورن و مرة دورنا بس ابو مسعود صار جشع كتير و صار بدو ياخد الطريق كل مرة الو و يضارب علينا و يعرقلنا شحنتنا حتى اطورت القصة للقوة و السلاح و من وقتا لهلأ على مشاكل معن مع انو مرت فترة سنين الوضع هادي بس هلأ رجع تأذم
شيرين:طيب ليش اذا الطريق لامير الجبل ليش ما بتحكو معو و بتشكو عن ابو مسعود ؟
سمر:راح ابي لعند امير الجبل و خبرو بس ما قبل يدخل بيناتنا و قال البقاء للاقوى
شيرين: طب انتو بتعرفو انو زراعة هيك شي ممنوع ،يعني الشرطة اذا عرفت رح ...
سمر:ايه منعرف انو ممنوع بس الشرطة بتخاف تطلع لهون من سمعة المنطقة و اهلا و خاصة ارض العمالقة معروفين اديش شرسين و دمويين و حتى وقت بتنزل البضاعة على المدينة بتنزل مغطاية بروث المواشي ،يعني ما حدا رح يشك و يقرب يفتش بقلبا من الريحة الكريهة
شيرين:طيب انا هلأ شو بدو يصير فيني؟
سمر:انت رح تكوني ورقة للمفاوضة مع ابو مسعود و بحال قبل بشرطنا بترجعي لعندن
شيرين:بس انا ما بدي ارجع لعندن ،انا بدي ارجع لعند اهلي
سمر:ما بعرف شو بصير ...اسمعي
سمعنا صوت صراخ من برا ،حطينا راسنا على الباب لنسمع اوضح
مهران:اهلا و سهلا مسعود؛ليش ما اجا ابوك معك ،كنا شربناه قهوة ولا ما اشتاق لقهوتنا ؟
مسعود:مهراااان ...وينا سمرا ؟
مهران:بالحفظ و الصون
مسعود:ما طالع من هون قبل ما اخدا معي
مهران:لا بدك اطول بالك ،انا بجيبا لعنكن متل ما اخدتا بس لاضمن بالاول انو ابوك فتحلنا الطريق و نشحن اول حمولة النا
مسعود:و انا كل هالوقت بدي انطر و مرتي عنكن
مهران:ما بتنطر كتير ،الحمولة جاهزة بس بعدلنا من الطريق و خبرو رجالكن ما يدايقونا او يتعرضولنا بالطريق
مسعود:ابي ما رح يوافق ،انت بتعرف هالشي
مهران:معناها سمرا ما عنا
مسعود:و بعتني حتى خلص عليك و على عيلتك
مهران:تمام ،شو ناطر؟
مسعود:بدي سمرا
مهران:يعني منعطيك سمرا حتى تخلص علينا ،كل هالسنين يلي مضيت و بعدكن على نفس معدل الغباء
مسعود:مهرااان راقب حكيك
مهران:قلتلك ما في سمرا قبل ما تفتحولنا الطريق و معكن مهلة 3 ايام ،اذا ما اجاني خبر بالموافقة ،رح زوجا لابني
مسعود:مهررااان
سمعنا صوت رصاص و بعدين ساد هدوء
سمر:قتلون!قتل ابي ...قتل امي
اجت لتفتح الباب سمر ،مسكتلا ايدا
شيرين:طولي بالك ما تكشفي محلنا قبل ما نتأكد
رجعت سندت راسي على الباب
مسعود:طيب ...انا رح خاطر و افتحلك الطريق من غير علم بيي ،بس سمرا بدا ترجع بكرا
مهران:بعدما نشحن بضاعتنا،بتلاقيا عندك بالبيت ،و يبقى منضل على اتصال بلكي منعمل شغل سوا و اذا فكرت يا مسعود تلعب معنا ،رح نلعب معك كمان لعبة الغميضة،شوف ما اشطرنا بهااللعبة
مسعود:تمام ،بكرا الساعة 2 رح اخد المناوبة عن اخي جاسم و رح تلاقوني ناطركن على الطريق ،تمام؟
مهران:تمام
فتحتلنا فتون الباب
فتون:راح
سمر:فكرتو قتلكن
مهران:لا بس عصب شوي ،موعدنا بكرا
شيرين:يعني انا بكرا رح ارجع لعندن ...يالله ....ما بدي
مهران:رح ترجعي بحال نفذ مسعود كلامو
كنت عم ادعي من الله انو مسعود ما يقدرر يعمل شي و ابقى انا هون،سالتا لسمر اذا عندن اجهزة خليوي او حتى تلفون ارضي
سمر:لا ما عنا
شيرين:بدي اسالك سؤال تاني هلأ ليش ما بتتزوجو من بعض انتو و اياهن؟
سمر:طبعا نحن كنا نتزوج من بعض بس من بعد اخر مشكلة ما عدنا اخدنا منن او اعطيناهن
شيرين:ها ،يعني كنتو تقبلو تبعتو بنت من ضيعتكن لتعيش عندن ،يعني قصدي البنت كانت تقبل ؟
سمر:ارضنا و وضعنا ما كان بيفرق عنن بشي ابدا بس من بعد المشكلة الاخيرة نحن اطورنا شوي متل ما شايفة و هن بقيو متل ما هن
شيرين:ايوا
سمر:مع انو معن مالن كتير ...كتير ...كتير .
شيرين.:بس ما في مخ عندن ،ما بيستغلوه بشي يفيدن و ينفعن و كانو التكنولوجيا مرض خطير بالنسبة الن ،سمر بتساعديني؟
سمر:بشو؟ما تقليلي لهربك من هون ؟
شيرين:ايه
سمر:ما بقدر لانو هيك بكون عم ضر ابي و انا ما بقدر ضرو بس فيني ساعدك بغير طريقة
شيرين:قولي
سمر:اذا قدرت بخبر الشرطة انو انت موجودة عندن لانو من فترة سمعت انو الشرطة منتشرة بالطريق و عم تسأل عن بنتين ضايعين هون
شيرين:ايه ايه هدول نحن يلي عم يسألو عننا
سمر:بس ما فيني اوعدك ،رح حاول بأول فرصة بتصحلي
شيرين:شكرا الك
تاني يوم الساعة 2 بالليل كان مهران و اولادو عم يحملو حمولتن ،بعد ساعتين على ال 4 رجع واحد منن لياخدني كرمال يسلمني لمسعود ،سلمت على خالة فتون و سمر
شيرين:ارتحت كتير بالقعدو عنكن و ما كنت حابة ارجع لهنيك بس ..
فتون:اذا رجعت علاقاتنا منيحة معن رح نشوفك اكيد و رح ترجعي تزورينا
سمر:انا حبيتك كتير
شيرين:و انا كمان
غمزتا و هزتلي براسا انو فهمت علي ،طلعنا على الطريق الرئيسي ،شفت مسعود واقف مع مهران و كان الطريق مليان رجال شي من اولادو لمهران و شي من رجال ارض العمالقة
مهران:و هاي الامانة وصلت ،استلم
سلموني لمسعود يلي قرب علي هو و عم يدقق فيني بعدين همس بادني
مسعود:قربو عليكي شي؟
شيرين:لا ابدا
مسعود:طيب معناها نحن بدنا نرجع على البيت بما انو خلصنا شغل
مهرا:ماشي بس متل ما اتفقنا مسعود رح نرجع متل ما كنا ، الطريق مرة الكن و مرة النا
مسعود:اكيد ،كلام رجال
مسكني من ايدي و نزلنا بين الشجر بس لمحت رجال كتير حاملة اسلحتا و متخباية ،اطلعت بمسعود و قبل ما احكي كلمة ؛حط اصبعتو على تمو
مسعود:هسس ،امشي ساكتة
حملني على ضهرو و تابع مشي ،بعد ما قطعناهن ،سمعت صوت ضرب رصاص عالي
شيرين:شوفي ؟شو عم يصير؟
مسعود:عم يعطوه لمهران درس ما ينساه بحياتو،استغل غياب الرجال و فات على نص دارنا و اخد من نسوانا،هيك شي ما بيمرق عنا بالامر الساهل
شيرين:ها؛يعني انت ما فتحتلو الطريق من غير علمو لابوك ،و ضحكت عليه حتى تقتلو بالاخير
مسعود:انت ما تشغلي راسك بهيك قصص،هيك موضوع للرجال بس
شيرين:امممم
فتحتلنا االباب فتحية،اطلعت فيني و زمت شفايفا
فتحية:الله ريتو ما كان جاب البلا،هيدا الناقص تقوم حروب من ورا شقفة مرة
شيرين:توقعتك مشتاقتيلي مرة عمي
حبست ضحكتي ،اطلع فيني مسعود و ضحك
فتحية:ما تشتقلك العافية
نمت هديك الليلة و صوت الرصاص بقي شغال،فقنا تاني يوم على خبر من ابو مسعود
ابو مسعود:صاروبنا ابنو لمهران الصغير
فتحية:يه يه يه يا مصيبتي ،ليش هيك عملت،قلتلك ما بدنا دم ،خوفن بس
ابو مسعود:كان لازم نقتلن كلن بس ما قدرنا علين ،صايرين قوايا كتير
فتحية:يا خوفي يا ابو مسعود اذا مات ،يصيرو بدن ينتقمو ،و وقتا ما رح يبرد دمن قبل ما يقتلو واحد من اولادي ،يا مصيبتك يا فتحية
ابو مسعود:ما بيسترجو ،يلي عملو مهران كتير كبير بحقي انا ابو مسعود مختار ارض العمالقة و كان لازم نردلو اياها حتى يفهم اديش غلط بحقنا
فتحية:يا مصيبتك يا فتحية
مسعود:امي طولي بالك ،هلأ منشمشم الاخبار و منعرف ،الخبر السيء بوصل بسرعة
اندق الباب فجاة دقات متتالية و بصوت عالي ؛ركضت افتح الباب ،و طلع بوجهي سيف ،دفشني بايدو و فات
سيف:يابي ...ابنو لمهران الصغير مات
#خارج_النطاق
#هلا_غرابلي
#الجزء_الثامن
• صارت تخبط على راسا فتحية و ادور بالصالون و تولول و تقلي انو انا السبب بيلي صار و تنعتني بالبومة السودا ، طلع ابو مسعود مع اولادو من البيت ليجتمعو بالساحة ،بقي جو البيت متوتر و فتحية طول نهار عم تبكي كانو ابنا يلي مات او عم تستبق الاحداث،رجع ابو مسعود بالليل و جمع كل اولادو من نسوانو الاتنين و نبه علين ما حدا بيخطي خطوة برا الارض لحالو او اعزل خوفا من ردة فعل مهران ،مرت يومين على الحادثة بدون اي تغيير حتى بلشت الاجواء تروق شوي و فضيتلي فتحية
• فتحية:تعي لهون احكيلنا شفتيا لفتون شي؟
• شيرين:ايه شفتا منيحة كتير و نمت عندا
• فتحية:بعدا قصيرة زمكة
شيرين:ما بعرفا من قبل حتى قلك اذا تغيرت الا لا ،بس يلي شفتو عندا ما شفتو عند حدا تاني
زهرة:شو شفتي ليش؟
شيرين:اوووه
اخدت نفس عميق و حكيت عن شي شفتو و شي ما شفتو مستغلة غيرة فتحية من فتون
شيرين:شغلات كتيرة ،عندا تلفزيون و غسالة يعني ما بتغسل على ايدا و بتتعب متلكن و عندا فرن غاز بتطبخ عليه يعني ما بتشعل حطب متلكن ،و عندا حنفيات بالحيط بتبرميا بايدك هيك بتنزل المي و حتى اذا بدك بتنزل مي سخنة و عندا لمبات بكبسة زر بتشعل و بكبسة بتطفي ،ولا شو كانت لابسة وقت استقبلتني؟
فتحية:شو كانت لابسة؟
شيرين:شي غريب و حلو و تقيل ،ما شفت وحدة بكل الارض لابسة متلو
فتحية:شو هو احكي؟
شيرين:عباية لون نهدي عم تلمع متل النجوم بالليل ،كانت طالعة فيا متل الملكة بس ناقصا تاج
فتحية:شرشوحة لو شو ما لبست،اصلا ما بيلبقلا لانو قصيرة كتير و ما عندا خصر متلنا
شيرين:انا شفتا كتير حلوة و زوجا مهران مدللا كتير متى ما قلتلكن ما بتشتغل كتير لانو عندا كهربا
فتحية:و من وين قدرو يجيبو كهربا ؟
زهرة:على علمي امير الجبل بس يلي عندو كهرابا بهاي الارض
فتحية:ايوا معناها فتون عايشة عيشة الامراء
شيرين:تمنيت ابقى عندن و ما ارجع،حياتن حلوة كتير و الحطب عندت ما بيستخدموه الا للتدفئة
فتحية:زهرة نحن لازم نطالبو لابو مسعود يجبلنا كهرابا،فتون ما احسن مننا
زهرة:فتون ما عندا رجال متل ابو مسعود ما بيعطي دانو لمرة ،سمرا بدي اسالك فتون كان عندا بنت...
شيرين:ايه سمر ،بتجنن و علاقتا حلوة كتير مع اما متل الرفقات ،اصلا بتشبه اما
دمعو عيونا لزهرة و بعدين انا سكتت فورا و حاولت غير الحديث
شيرين:لازم ترجع علاقتكن معن متل اول ،رح تستفادو و تتعلمو منن كتير
فتحية:نحن نتعلم منن،فشرو
كان مخا لفتحية متل صبة الباطون بالنسبة الي قاسي و عنيد كتير بس عرفت شو النقطة الضعف بشخصيتا،الغرور
فتحية:بكرا شوفي كيف نحن رح نصير احسن منن و نسبقن و هن يتعلمو مننا،نحن معنا المال و القوة و السلطة
شيرين(بصوت منخفض):بس اللله حارمكن العقل
المسا انا و قاعدة بغرفتي و متسطحة على التخت و عم احشي براسو لمسعود بالشي يلي شفتو ببيت مهران ،سمعنا صوت فتحية و ابو مسعود عم يعلقو،نطيت بسرعة لاعرف شو في بس مسعود مسكني من ايدي و قعدني
مسعود:شو بدنا فين ،خليكي قاعدة جنبي
شيرين:طيب ،مسعود.شو قلت؟
مسعود:قلت بقول لبيي و منحكي و منشوف
شيرين:ها ،بعرف ما رح يطلع من امرك شي و انو الكلمة الاولى و الاخيرة لابوك
مسعود:سمرااااا
شيرين:شو حكيي ما صحيح!
مسعود:لا ما صحيح
شيرين: فرجيني لكن انو ما صحيح
مسعود:بكرا بتشوفي ،قربي شوي لعندي ؟
شيرين:ايه
مسعود:ما فكرتي فيني او اشتقتيلي وقت كنت ببيت مهران
شيرين:طبعا بس كنت متأكدة انو ما رح تتركني و رح تاخدني من عندن
بعد يومين تحرك مسعود و بلش يزن براس ابوه و فتحية و زهرة عم يساعدوه ،حتى اقتنع بالاخير و بلش يمدد كهربا بالارض و بالبيت والاهم انو جاب تلفزيون لكل وحدة من نسوانو
فتحية :سمرا ،تعي شوفي هيدا متل يلي كان عند فتون؟
شيرين:لاااا هيدا ملون و احلى بكتير،اكيد اذا وصلا خبر رح تفقع و حتى تفقعيا اكتر لازم تجيبي شي ما جايبتو هي لسا
فتحية:شو هو؟ احكي لنجيبو
شيرين:كانو عم يخططو يركبو ابراج تغطية عندن و يشترو اجهزة خليوي
فتحية:شو يعني ما فهمت
قعدت اشرحلا بابسط الكلام لفتحية الجاهلة عن هالتقنية
فتحية:يعني انا بقدر احكي فيه مع اولادي وين ما كانو
شيرين:طبعا وين ما كانو و حتى كمان فيكي تجيبي واحد لبناتك و تحكي معن فيه بحال اضطريتي شو رايك؟
فتحية:رح احكي مع ابو مسعود و شوف شو بقلي ،انشالله يقبل
فرقت الحياة و اسلوب المعيشة كتير بعد ما صار في كهربا بالضيعة بس البراد و الغسالة العادية كان حكر لفتحية و بس حتى تبقى مميزة عن كل نسوان الضيعة ،كان هدفي من كل هالقصة انو يصير في موبايلات لاقدر اتواصل مع اهلي و خبرن بوجودي و اني بعدني عايشة بعد ما صارت الطلعة من هالضيعة شبه مستحيلة ،بس الموضوع تاجل و الوضع تأزم وقت اولادو لمهران قتلو ابنا لفتحية االصغير خنجر ،جمع ابو مسعود اولادو و كل رجال الارض و انا و فتحية وقفنا ورا الشباك نتسمع و نتفرج
ابومسعود:ما رح نسكتلن ،رح نردلن الصاع بصاعين و الولد من عنا بولدين من عندن،بدنا نعطين درس ما ينسوه بحياتن بدنا نفرجين مين هن رجال ارض العمالقة ،كل شي مباح و محلل الكن ،شو بتشتهو خدو من نسوان و دهب و بهايم ، جاهزين ؟
الجميع:جاهزين
طلع الكل هو و متجهز بسلاحو و انا و فتحية انضمينا لزهرة و ياسمين يلي كانت بعدا تحت تأثير الوحام و تعبانة ،كانت زهرة و فتحية طول الليل قاعدين عم يبكو من خوفن على اولادن و صوت ضرب الرصاص واصل لعنا ، ما كانت مبينة لمين بدا تنحسم هالمشكلة او هالمعركة ،على وجه الصبح اندق الباب فجأة و ركضت فتحية تفتح الباب و وراها زهرة ،استقبلو ابو مسعود متصاوب بكتفو و حاملينو اولادو،صارت تولول فتحية و زهرة و ركض اولادو جابولو الدكتور مع انو كنت مستحيل صدق انو طلع في دكتور بقلب هيك منطقة
فتحية:شو يلي صار؟
مسعود:مابعرف يامو ما قدرنالن ،بعد.ما تصاوب بيي انسحبنا فورا ،كان معن شي ضووا قوي كتير اول ما حطو بوجهنا ما بقا شفنا شي بس هن بقيو شايفينا ،تصيدونا متل الفيران و صاوبو من رجالنا كتير و اسرو مزيون
فتحية:يا مصيبتك يا فتحية
زهرة:اخدو ابني مزيون ،بدن يقتلوه
مسعود:لا ما رح يسترجو بس رح يضغطو علينا فيه ،يامو اهم شي هلأ صحة يابي ،ما تخلو الدكتور يفارقو و انتو خليكن جنبو و انا رح اطلع اتفقد وضع رجالنا
فتحية:مسعود انت هلأ محل ابوك لبين ما يرجع يوقف على رجليه ،ابني خليك قوي ،بدنا نمسح عيلة مهران من عن وجه الارض هو و عيلتو و اولادو و رجالو
مسعود:و ارضن كلها يامو ،رح نفرجين مع مين علقانين و انو هنن ما قدنا بس بدنا شوية وقت لبين ما نرجع نجهز حالنا و بدنا نشتري اسلحة كويسة نحرقن فيا
فتت لعند ياسمين
شيرين:ياسمين ،سمعتي،يالله حاسة حالي بحلم و ما عم اصحى منو،معقول في هيك ناس لسا،عايشين هيك بغابة ،طب وين الشرطة منن
ياسمين:ما بعرف انا تعبانة و بدي نام و نام و نام
شيرين:نامي نامي
بعد ما شلو الدكتور الرصاصة من كتفو ، قلن لاولادو انو ابون بدو مشفى ضروري ،لهيك نزل ابو مسعود على اقرب مشفى باول المدينة مع ابنو جاسم و اخد محلو مسعود يلي بلش يجهز حالو و يجهز رجال الضيعة ليرجعو يشنو حرب على ارض مهران بس بخطة مدروسة ،يعني كان الوضع رح يصير اسوأ و الدم رح يبقى بين الطرفين و ما رح يهدو الا ليخلصو على بعض ، و انا ما كنت عارفة حالي لوين رايحة بهالحرب يلي ممكن ينولني منا شي ،لهيك طلعت براسي فكرة و بلشت فورا بالتطبيق
صرت انفرد بمسعود اخر الليل و رجعت احشي براسو لمسعود
مسعود:سمرا انت ما تدخلي بهيك قصص
شيرين:مسعود اسمع مني و ما رح تندم ؛هيك طلعتو وحدة بوحدة،انتو راح منكن واحد و هن راح منن واحد و انتو يلي بلشتو بالقتل و حطيتو الدم بيناتكن؛و اذا رخ ترجعو تقتلو حدا منن ما رح يسكتو و يرجعو يقتلو حدا منكن،و بتبقو على هالحالة حتى ما يبقى حدا منكن ،خليني روح انا لعندن و نحكي بالصلح و جيب مزيون معي
مسعود:لا مستحيل ،بلكي حبسوكي عندن و هيك بصيرو اخدين اتنين منا و بعدين انت مرة و نحن ما عنا نسوان تفاوض و تحكي مع رجال و انا ما صدقت ايمت رجعتي من عندن
شيرين:ما تخاف علي انا علاقتي منيحة مع مرتو لمهران و بنتو و انتو بكل الاحوال رح تهجمو علين و تاخدو مزيون ،خليني روح عندن و اذا ما رجعت من هون لاخر الليل وقتا بكونو حبسوني عندن و قتا بكونو هن ما تركو مجال للصلحة و بكونو بيستاهلو كل شي رح يصير فين بس خلينا نحاول
مسعود:و اذا مشي الحال و ابوي صحي و شافنا متصالحين و ما اخدنا بتارو رح يغضب علينا كلنا
شيرين: ما احسن ما يصحى و يشوف نص اولادو مدفونين تحت الارض
مسعود:....
شيرين:بالعكس ابوك رح يشكرك علىهالشي و هاي الحكمة بالشي يلي انت عملتو و بعدين بتخاف رجال الضيعة ينقلبو عليكن و يبطلو يوقفو لصفكن وقت يشوفو عم يوقع بصفوفكن كتير ،شو قلت؟
مسعود:بفكر
شيرين:ما بدا تفكير
مسعود:خلص سمرا قلت بفكر
علق مسعود مع امو كرمال فكرتي بس بالاخير قدر يقنعا بعد ما قلا انو احتمال يخسرو قدامن ،وصلني مسعود على حدود ارضن و معي اتنين مرافقة من نسوان العمالقة ما كانت هيئتن و بنيتن بتفرق كتير عن الرجال
مسعود:من هون لتعتم العين ،ما رجعتي ،رح نفوت يا قاتل يا مقتول
شيرين:مسعود،ما تخاف برجع انشالله
فتت على الضيعة ، و استدليت على بيت مهران و رحت لعندن ،فتحتلي الباب سمر
سمر:سمرا!
شيرين:فيني فوت ؟
سمر:تفضلي ،اهلا و سسهلا
شيرين:اهلين فيكي،وينن امك و ابوكي؟
سمر:يلا امي جوا رح فوت ناديا
اجت فتون و هي لابسة اسود و حادة على وفاة ابنا ،اخدت بخاطرا و قعدت انا و عم اسأل عن مزيون
فتون:هو مع مهران،مين بعتك؟
شيرين:جيت لاحكي بالصلحة
فتون:ولله،كيف هيك ،انا بعلمي ابو مسعود ما بيتنازل
شيرين:ابو مسعود بغيبوبة بعد ما تصاوب برصاصة ،انا جاي من طرف مسعود
فتون:اممم ،انا ما بقدر قلك شي حتى يجي مهران
شيرين:طيب و انا بدي شوف مزيون و اطمن عليه
تغديت عند فتون يلي استقبلتني و رحبت فيني رغم الحزن و الاسى يلي كان كاسي ملامح وجها حتى اجا مهران و حكاني من ورا الباب و خبرتو سبب زيارتي
مهران:خبريه لزوجك نحن ما عنا مانع للصلحة بعد ما اخدنا بتار ابني بس عنا شروطنا
شيرين :شو شروطكن؟
مهران:هو شرط ما فيه غيرو ،يفتحولنا الطريق
شيرين:رح قلو و منشوف شو بقول بس انا بدي شوف مزيون
مهران:ايه تكرمي؛هلأ سمر و فتون بياخدوكي لعندو
لبست عبايتي علي و مشينا وراهن ،فتنا باالارض حتى وصلنا لزريبة بقر
سمر:هو جوا ،ما منقدر نخليكي تفوتي لعندو حكيه من ورا الباب و نحن رح نبعد شوي لتاخدي راحتك
شيرين:ماشي
وقفو بعيد عني و انا دقيت الباب دقتين
شيرين:مزيون انا سمرا
مزيون:سمرا!شو جابك لهون؟
شيرين:جاي ااحكي بالصلحة ،بعتني مسعود حتى اطمن عليك،ضربوك شي؟
مزيون :لا ابدا ؛بالعكس مناح معي ،سمرا في بنت اجت عندي مبارح و جابتلي اكل ،اساليلي عنا هاي بنت مهران شي؟
شيرين :قصدك على سمر
مزيون:اسما سمر...قصيرة و بيضا و عيونا خضر
شيرين:ايه هاي سمر ،ليش بدك اياني اسال عنا ؟
مزيون:عجبتني كتير ،شفتا و خف عقلي
حطيت ايدي على تمي و حبست ضحكتي
شيرين:ايه شو يعني؟
مزيون:بدي اياها لهل البنت ، قليلا لامي اني غيرا ما باخد و الا من هون ما رح اتحرك
شيرين:ها و نحن جاين نحكي بطلعتك من هون و بعدين نحن بعدنا ما تصالحنا معن على اي اساس اهلك بدن يجو يحكولك فيا
مزيون:اي ما بعرف يصطفلو ،المهم انا بدي اياها لسمر
شيرين:طيب طيب
تركتو و رجعت لعند سمر و فتون
شيرين:بدي ارجع احكي مع مهران،صار شي جديد
رجعت على بيت فتون ،و كانت الدنيا على وجه غروب
شيرين:خلينا نزوج مزيون لسمر و هيك بتكون بادرة صلحة
فتون:بدنا نزوج بنتنا ل يلي قتلو ابنا ،مستحيل..مستحيل
مهران:فتون ...خلص ...سمرا ما عنا مانع ،بس ما قبل ما ينفذولنا شروطنا
شيرين:يلا انا بدي امشي ،العين رح تعتم ،رح خبرن شو اتفقنا و منردلكن خبر
طلعت من بيت مهران و تركتن عم يعلقو مع بعض من فكرة زواج مزيون لسمر ،رجعنا ركض بسرعة لنلحق مسعود ،شفتو من بعيد ناطرني و معو اخواتو و رجال الضيعة
مسعود:طولتو،شو صار معك؟وينو مزيون؟
شيرين:لاخد نفسي بالاول...بصالحو بس عندن شروطن
مسعود:بيطلعلن كمان يتشرطو ،ليش ما اجا مزيون معك
شيرين:هن كانو رح يتركوه يجي معي بس اخوك ما قبل ،قال ما بيطلع من عندن قبل ما يجو اهلك و يخطبولو سمر بنت مهران ،شايفة و عجبتو
مسعود:هالغبي الجحش،خليه لكن عندن و ستين عمرو ما يجي
شيرين:خلينا نرجع على البيت و هنيك منحكي
رجعنا على البيت و قعدت مع زهرة و فتحية ،احكيلن شو صار
زهرة:كيف بدنا نرجع ناخد منن و ابو مسعود مطروح بالفرشة بسببن
فتحية:مستحيل ،ما رح نقبل بعد ما قتلو خنجر ،واما مزيون منجيبو من عندن بالقوة
شيرين:مزيون ما رح يرجع و احتمال مهران يزوجو بنتو من غير موافقتكن و يخليه عندو بدل ابنو يلي راح و هيك بتكونو خسرتو اتنين من عنكن
زهرة:يعني لا ان قبلنا خلصنا و لا ان ما قبلنا رح نخلص
مسعود:و حتى لو قبلنا كيف بدنا نخطبلو اياها و ابي بالفراش؛ما فينا نتجاوزو بهيك شي ابدا
فتحية:اكيد و يا ريت ما راحت سمرا ،هيك فكرونا ضعاف و بدنا نتنازل
اخدت مسعود على جنب
شيرين:هاي فرصة للصلح قبل ما يفيق ابوك لانو اذا فاق ما رح يقبل اكيد و كل شي حكيناه رح يطير مع الهوا ؛خلينا نستغل الفرصة و بروح انا و زهرة نحكي بالبنت و العرس بصير بأرضكن
مسعود:سمرا بدك نعمل العرس و ابي بين الحياة و الموت ،مستحيل هالشي
شيرين:ابوك بغيبوبة و ما بين ايمت يفيق ،بجوز بشهر او شهرين ما يفيق و بجوز بسنة
مسعود:ما بقدر اعمل هيك خطوة قبل ما يصحى
انفتح الباب علينا و طلعت فتحية بوجهنا
فتحية:رح نعمل يا مسعود رح نعمل بس بطريقتنا ،الحقني
بلعت ريقي من شوفة وجهها لفتحية ،طلع مسعود وراها و فاتو حكو ساعة بغرفتا و بعد ما طلع من عندا حاولت افهم منو شو يلي غير راي امو فجأة بس بقي متحفظ ،راحت زهرة و فتحية و طلبو سمر من مهران و فصلو النقد و حددو العرس بضيعة العمالقة ،كنت عم شم ريحة كرهة و بشعة كتير و شي عم ينطبخ من تحت ايدين فتحية بس كل محاولاتي للمعرفة فشلت،حتى اجا يوم العرس و استضافو عندن اهلا لسمر و رجال ضيعتن ،انعمل العرس و كان الكل مبسوط و شي عم ياكل و شي عم يرقص و شي عم يطبل ،خلص العرس و نامو اهلا لسمر ليلتين و وقت رجعو على ضيعتن ،كشرت فتحية عن انيابا
فتحية:بتبعتلو لمهران انو ما في شي بيجمعنا و الصلحة يلي حكينا فيا طارت بالهوا و حطت على راس بنتو ،اذا حب يلعب معنا بنتو بحضنا و اسيرة عنا ،منسترد منا
مسعود:يامو بجوز تقوم الدنيا بعدا
فتحية:تقوم الدنيا ،لا اكلن من اكلنا و لا شربن من شربنا و لا طريقن من طريقنا هيك بتفهمن،كانو رح يقتلو ابوك و اسرو اخوك ،معقول نمرق هيك شي بالساهل
مسعود:حاضر ،اليوم المسا بيوصلن الخبر بس بلكي يامو هجمو علينا
فتحية:ما رح يسترجو طول ما بنتن عنا بخافو نعملا شي ،و انت فهمن هالشي ،يلي بقرب من حدود ضيعتنا ،يقرأ الفاتحة على روح بنتو
مسعود:بس مزيون ما بينهنلو بمرتو
فتحية:مسعود نحن كلمتنا هي يلي بتمشي بغياب ابوك،ما هالفصعون ابن زهرة بدو يمشينا على كيفو ،سايرناه لنجوزو اياها لانو النا مصلحة بس
مسعود:حاضر
كنا بالليل قاعدين على اعصابنا لانو احتمال كانت ترجع تولع الدنيا بس يلي ولع هو علاقة مزيون و سمر ،طلعنا من البيت على صوت سمر عم تبكي و تعلق مع مزيون و زهرة عم تهديا حتى ادخلت فتحية و انا وقفت اتفرج عليا بس كنت متعاطفة معا كتير
فتحية:اهلك و ضيعتك بتنسيون من يوم و رايح
سمر:ما هيك اتفقنا ،ليش جيتو طلبتوني لابنكن اذا ما بدكن تصالحونا ،انتو كذبتو علينا
فتحية: مزيون سكت حرمتك شكلا بلشت تخبص
مزيون:سمر خلص بلا هالحكي
سمر:مزيون انا بدي ارجع لعند اهلي و هلأ هلأ
فتحية: ما بترجعي لعندن الا ليدفنوكي ،زوجك و اهلو هن اهلك و هدلاك بتنسيون
سمر:مستحيل و انت ما الك دخل فينا
قربت فتحية و ضربتا كف لسمر
فتحية:قطع لسانك ما اقل تربايتك،كانو فتون ما بتعرف تربي ...
سمر:ما تجيبي سيرة امي على لسانك،بتعرف تربي اكتر منك
سحبا مزيون من ايدا على الغرفة و صار يضربا و انا ركضت خبط على الباب ليفتحلي و فوت خلصا من تحت ايديه
فتحية:سمرا انت ما تدخلي و ارجعي على البيت يلا
شيرين: بترضي حدا يحرمك من بناتك ،بترضي بناتك حدا ياخدن منك و يحرمن من شوفتك
كان كل هم فتحية انو تحرق قلبا لفتون على بنتا ،اطلعت فيني و زورتني و زهرة واقفة و رافعة حواجبا
فتحية:شو عم تخبصي؟انا ما عندي بنات ،بناتي ماتو من زمان
شيرين ا:...قصدي لو كانو عايشين ..بترضي حدا يعملن فين هيك بترضي حدا يضربن
مسكتني من ايدي و دفشتني لبرا بيت زهرة و مشيت وراي ،فتنا على البيت نحن و ساكتين
مسعود:شو عم يصير عند خالتي زهرة ،لحقو العرسان يعلقو
فتحية:بنات كاسرات و فاجرات و بدن ترباية
فاتت على المطبخ و نادتني ،لحقتا انا و عم نفخ
فتحية: اذا بسمع من تمك كلمة بناتي مرة تانية لاسحبلك لسانك من محلو و طعميه للكلاب يلي باول الارض
شيرين:حاضر حاضر
فتت على غرفتي و سكرت الباب بعصبية وراي ،لحقني مسعود
مسعود:شو القصة؟
شيرين:انت كنت عارف امك هيك رح تعمل من الاول و سايرتا بدون ما تخبرني
مسعود:ليش كنت لازم يعني خبرك، ولا لازم بكل شي و بكل خطوة بدنا نعملا ناخد رايك
شيرين:لا ابدا ،معك حق
قعدت بالتخت و انا عم هز برجلي و عم اسرح بأفكاري ،من تاني يوم عملت جهدي لالتقي بسمر و حكيتا من شباك غرفتا ،كانو عيونا حمر و حالتا سيئة
سمر:سمرا ما الي حدا غيرك هون ،انا لازم اطلع من هون و ارجع لاهلي
شيرين:بشو بقدر ساعدك ،انا متلي متلك محبوسة هون و عندي اهل و بدي ارجع لعندن
سمر:انت طلعيني من هون و انا بوعدك اوصل لحدا من اهلك و خبرن عن محلك
شيرين:عنجد سمر ،بتوعديني
سمر:وعد ،اصلا بدي اعمل هيك ما بس كرمالك ،بدي اقهر فتحية و فرجيا بنت فتون شو بيطلع بأيدا
شيرين:طيب رح حاول ،انا هلا لازم امشي قبل ما حدا ينتبه علي
رجعت على البيت انا و عم فكر بسمر و كيف بدي هربا من هون ،كانت هي املي الوحيد لاطلع من هون ،ما طلع براسي غير فكرة وحدة ،حكيت سمر تاني يوم من الشباك و فهمتا شو بدي اعمل و قلتلا تفهم ياسمين كمان ،تاني يوم الساعة 8 اول ما عتمت العين ،رحت على قن الجاج ،كنت خايفة و مترددة من الفكرة و خطورتا على اولاد فتحية بس ما كان عندي غير هالحل ،اخدت معي علبة عيدان كبريت و ولعت بكل الاش يلي بالقن و رجعت على البيت فورا ،اول ما شافتني فتحية
فتحية :وين كاينة انت ،فكرتك بغرفتك
شيرين:انا ..كنت على السطح ،كان بدي لم الغسيل بس ما نشف لسا
فتحية:ايه ما لحق ينشف
فتت على غرفتي و سكرت الباب ،بعد 5 دقايق اجا مزيون يخبط على الباب و يصرخ
مزيون:خالتي فتحية القن عم يحترق
فتحت الباب فتحية و طلعت اركض معا باتجاه القن و اجت زهرة و اولادا و لحقونا مسعود و اخواتو يطفو النار يلي كانت شاعلة حولين القن ،كانت فتحية خايفة على اولادا يوصلن الحريق او يختنقو من الريحة لهيك وقفت تصرخ متل المجنونة و تساعد اولادا ليطفو النار بالمي و انا كنت موجودة و عم ساعدن حتى ما يلفت نظر غيابي ،بهالوقت و الفوضى يلي صارت،فتحتلا ياسمين االباب لسمر يلي كانت مجهزة حالا و رجعت لضيعة اهلا ،بعد ما انطفى الحريق ،رجعنا على بيوتنا و اول ما كنت عم غير تيابي،سمعنا صوت مزيون عم يصرخ و يكسر ،عرفت انو سمر هربت من عندن ،بقيت متل ما انا ورحت مع فتحية لعند زهرة لنشوف شو القصة
فتحية:هربت!كيف و ايمت ؟
زهرة:ولله ما بعرف ،يمكن بالوقت يلي كنا عم نطفي فيه الحريق ،استغلت الفرصة و طلعت و هلأ طلع مزيون يركض وراها لشوف اذا بقدر يلحقا و يجيبا
فتحية:ياسمين ،ما كان الباب مقفل ،مين فتحلا اياه
ياسمين:ما بعرف ،انا كنت نايمة ما عم اقدر ارفع راسي من الدوخة
فتحية:زهرة كيف طلعت البنت من هون اذا ما حدا فتحلا الباب،طلعت من خرم الباب يعني
زهرة:ما بعرف ،ما بعرف
فتحية:ياسمين احكي انت يلي فتحتيلا الباب احسن ما خلي محسن يقررك
ياسمين:انا ما دخلني بشي،ما دخلني،كنت نايمة ما حسيت على شي
شيرين:بجوز معا نسخة عن المفتاح
اطلعت فيني فتحية و شردت شوي ،حسيتا عم تفكر و تربط كل شي ببعضو
فتحية:سمرا بتعرفي اذا بكون الك ايد بحرق القن و هروب سمر من هون لادفنك انت و عايشة
شيرين:انا ؟معقول اعمل هيك
فتحية:لكن كيف احترق القن !
شيرين:ما بعرف
فتحية:كلو بينعرف بعدين ،ما في شي بضل مخبى
انفتح الباب و فات مزيون و هو وجهو احمر و عم يعرق
مزيون:ما لحقتا ...يلعن الحظ ..يامو هلأ شو بدنا نعمل ،سمر خلص راحت و ما بقا ترجع
فتحية:ايه تروح بالناقص،منزوجك غيرا
مزيون:انا ما بدي غير سمر
فتحية:اوووه زهرة رصي ابنك شوي ،رح يبكي متل الحريم على شوي تانية
طلعنا انا و فتحية من عند زهرة ،و التقينا بمسعود واقف على الباب،لفتو فتحية من ايدا و مشيو باتجاه البيت بعيد عني هي و عم تهمسلو بادنو ،حتى طلع فيني مسعود بطرف عينو و هز براسو؛بس انا كان كل همي انو سمر تصدق بوعدا و تساعدني ،لهيك كنت ناطرة كل يوم دخول الشرطة على الضيعة ،بس كانت الامور هادية لدرجة الملل و اخبار ضيعة الاقزام و اخبار سمر انقطعت عنا بشكل نهائي رغم حزن مزيون على فراق مرتو ،حتى اجا اليوم يلي رجعت فتحية فيه من الارض هي و مسعود ،فاتو لعندي على المطبخ هن و مستنفرين
فتحية:شو هادا؟
رفعت ايدا بوجهي و هي حاملة علبة الكبريت
شيرين:علبة كبريت
فتحية:انت يلي حرقتي القن حتى تلهينا بالحريق و ياسمين تهرب سمر
شيرين:مرة عمي،شو عم تحكي انت ؟
فتحية:مسعود ،هاي عم تغشم حالا،من كفين بتحكي كل شي
بعدت عن مسعود و لزقت بالحيط
شيرين:مسعود؛امك بدا تبليني بهيك قصة حتى تصير تكرهني
فتحية:يعني انا كذابة
شيرين:لا بس انا ما دخلني بالحريق
فتحية:ياسمين حكت كل شي بعد اول كفين من محسن
شيرين:شو حكت؟
فتحية:قالت انو انت صاحبة الفكرة و قلتيلا تفتحلا الباب لسمر
شيرين:......ياسمين ...
فتحية:ما قلتلك ابني هي راس الفتنة و المصايب بكل شي بصير هون ،ابني هاي بدا تعملنا مشاكل كتير لقدام ،قدما بشع علينا كتير،من اول ما فاتت و نحن على مشاكل انقتل اخوك و اتصاوب ابوك و اليوم كانت رح تقتلي اخواتك ،هاي عم تصفينا واحد ورا التاني ،شو ضل لسا اكتر من هيك يصير معنا حتى تصدق ،لازم نخلص منا باسرع وقت قبل ما هي تخلص علينا
شيرين:رجعني من محل ما جبتني
فتحية:لا ما حذرتي ،انا قلتلك بدي ادفنك عايشة اذا بتطلعي الك ايد بالقصة
شيرين:بدكن تقتلوني..بدكن تعملو فيني متل ما بتعملو ببناتكن ،اسمعي اذا حدا بقرب علي ،وقتا علي و على اعدائي و رح افضح كل شي و رح قول انو بناتك بعدن عايشين
فتحية:ما رح تلحقي تحكي ،رح اخفيلك صوتك و نفسك
جيت لارجع لغرفتي و مر بين مسعود و امو ،بس رجع مسعود خبطني على الحيط
شيرين:اخ
مسعود:سمرا انا اعطيتك فرص كتير و كل مرة عم سامحك بس هلأ خلص ،ما ضل الك شي عندي يشفعلك
فتحية:اليوم االساعة بعد نص ليل 12 رح تاخدي اخر انفاسك ،حفرلا حفرة ورا الزريبة لانو هنيك مستواها و التابوت علي
شيرين(تبكي):مسعود بدك تقتلني بدك تموتني ...يالله انتو شو ...مستحيل تكونو بشر
فتحية:خدا على غرفتا هلأ بدون ما يطلع حسا و روح احفرلا قبرا
حملني مسعود انا و عم ابكي و صرخ ،ما كنت متوقعة حياتي تخلص بهالشكل ،هون ..على هالضيعة ..و بهالطريقة ...حطني مسعود بالغرفة يلي كان عم ينفذ كلام امو متل الاعمى ،ربطني و راح يحفرلي قبري ، كنت رح افقد عقلي انا و عم اتخيل حالي بقبرر معتم و لحاالي و فوقي التراب ،ترجيتو كتير لمسعود انو يعطيني فرصة اخيرة بس كان ساكت و كأنو ما عم يسمعني ،على الساعة 11 بالليل انفتح الباب علي و فاتت فتحية هي و لابسة عبايتا السودا ،مسكتني من ايدي و سحبتني على الارض غصب عني
شيرين:فتحية خلص ولله بقعد عاقلة ...فتحية خلص دخيل الله ...لوين اخدتيني . .. ما بدي موت ..ما بدي موت
تابعووووووني
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
أدخلوا واعملوا متابعة لصفحتي عليها كل الروايات بدون لينكات بمنتهي السهوله من هنا 👇 ❤️ 👇
❤️🌹🌺💙❤️🌹🌺💙❤️🌹🌺💙❤️🌹🌺💙❤️🌹
تعليقات
إرسال تعليق