خارج النطاق الفصل الثالث والرابع بقلم هلا غرابلي حصريه وجديده
ياسمين:كيف
شيرين:ما بعرف بس بدي لاقي طريقة و انت كمان شغلي مخك و فكري
قطع حديثنا دخلة مسعود و محسن لعنا ، اطلعو فينا هن و عم يبتسمو ، مسكني من ايدي بقوة و طلعنا من الباب على حديقة البيت و الناس واقفة و عم تزت علينا رز ،مشيت انا و اياه و ورانا محسن و ياسمين حتى وصلنا على كرسين مزينين بالورد ،جيت لاقعد ،مسكتني فتحية من ايدي لارجع اسند ضهري ،قرب مسعود و رفع الطرحة عن وجهي و باسني من جبيني هو و عم يطلع فيني ،بعدين قعدنا على الكراسي و بلشو يحتفلو ،يطبلو و يغنو اغاني اول مرة بسمع فيا بحياتي و يرقصو و يدبكو ،و كانت خواريف مدبوحة و مشكوكة بسياخ و عم تنشوى على الحطب ،و انا قاعدة عم افرك بايدي و كز على اسناني و اطلع بياسمين ،عبست وجها ياسمين و هزتلي راسا بس انتبهت على محسن عم يطلع فيا ،نزلت راسا فورا و رجعنا اطلعنا بالناس يلي عم ترقص،معظمن رجال شباب و كبار بالعمر و نسبة قليلة من اللنسوان و حتى هالقلة كانت اغلبية اعمارن فوق الاربعين سنة ،كانت فتحية و زهرة عم يرقصو بنص الساحة مع بعض مع باقي النسوان و ابو مسعود عم يدبك مع باقي الرجال،و باقي الشباب شي عم يرقص و ششي عم يضرب رصاص بالهوا و شي واقف عند الشوي و شي عم يقوم بالضيافة ،بعد ساعة حطو الاكل مناسف رز و فوقا الغنم المشوي و بلشت الناس تاكل بأيديا و نحن قاعدين عم نتفرج علين
فتحية:ابني حصتكن صارت بالغرفة ؟
مسعود:يسلم ايديكي يامو
فتحية:مسعود بدي تبيضلي وجهي و تشدلي همتك الليلة ،ما بدي ابن زهرة يسبقك بشي ،انت ابن الاولى ،متل ما فهمتك اعمل، قوص الضبع الليلة و ما تماطل
مسعود:اكيد يامو ،ما بتكوني الا رضيانة مني
ميل راسو لعندي مسعود
مسعود:جوعانة عروستي؟
اطلعت فيه بقرف و عبست و درت وجهي بدون ما رد عليه ،بعدين خطرتلي فكرة ، قربت لعندو لاهمسلو بادنو
شيرين:انا لازم فوت على الحمام
مسعود:ليش؟
شيرين:لاقضي حاجة
مسعود:ما فيكي تصبري ليخلص العرس؟
شيرين:لا ابدا ،مضطرة كتير
اجا لياشر بايدو لامو
شيرين:ما في داعي تنادي لامك ،انت بتروح معي
اطلعت فيه و ابتسمت ،هز راسو كانو عجبتو الفكرة ،قمت وقفت و اطلعت على ياسمين و غمزتا ، وقت نزلنا من الكرسي ،انتبهت علينا فتحية و اجت بسرعة
فتحية:شبكن ليش وقفتو ؟
مسعود:سمرا بدا تفوت على الحمام
فتحية:اي اقعد انت ،انا باخدا،مشي وراي
مسكت الشعلة و مشينا
فتحية:في حمام خلفي ،ما في داعي لتفوتي لجوا
فتحت الباب الخشب و قبل ما فوت
شيرين:ما في ضو جوا ،كيف بدي شوف
فاتت و علقت الشعلة على الحيط و طلعت
فتحية:فوتي هلأ صار في ضو
فتت و سكرت الباب وراي و بقيت جوا ما عارفة شو اعمل و كيف بدي اهرب من هالزريبة الصغيرة
فتحية:شو صار معك ،لسا ما خلصتي !
شيرين:يلا يلا
ما كان عندي غير حل واحد ،شلحت الفستان الابيض و بقيت على التياب الداخلية ،قمت الشعلة من الحيط و قربتا على الفستان حتى بلشت النار تاكل فيه ،فتحت الباب و زتيت الشعلة و الفستان يلي عم يحترق على فتحية يلي صارت تصرخ والتهت بالحريق و انا طلعت بسرعة اركض بعيد عن البيت و العرس ،سمعت اصوات فتحية عم تصرخ
فتحية:هربت سمرا ....الحقوا ....حرقتني سمرا و هربت
كان الطريق عتمة كتير بس القمر كان مكتمل بهديك الليلة و قدرت شوف الطريق قدامي بصعوبة كنت عم اركض بعيد عن مصدر الصوت و اكلة هم ياسمين و دعيت كتير انو تقدر تستغل الضجة و الفوضي يلي عملتا و تهرب متلي، بقيت عم امشي بين الشجر انا و خايفة من شي كلب او ذئب يطلعلي بنص الطريق ،بعدين سمعت اصوات بشرية و دعسات وراي؛فتلت وجهي و لمحت خيالاتن عم يلحقوني ،توترت اكتر بس زاد اصراري انو اقدر انفد منن ،وصلت على مجرى النهر يلي قطعو مسعود هو و جايبني لهون ،ارتحت كتير انو انا ماشية بالطريق الصحيح ،مديت رجلي بالمي لحس برودتا
شيرين:يالله ..كيف بدي فوت بالمي هلأ
مسعود:ليكا..لقيتا
التفتت لورا و شفت مسعود عم يركض باتجاهي و معو رجال كتير ،نزلت بمية النهر انا و عم صرخ من الخوف و من برودة المي ،كنت كل ما غمق بالنهر باتجاه الطرف التاني،تغمر المي جسمي اكتر ،كملتو سباحة انا و جسمي متخدر من البرودة بس كان بدي اوصل للطرف التاني و اخلص من الكابوس ،كان بدي اطلع من هاالمكان يلي خارج نطاق العالم ،بس ايدين مسعود نشلتني من المي ،رفعني من المي انا و عم صرخ و ادفشو برجلي
مسعود:خلص مشي الحال ،ارجعو انتو و انا جاي وراكن و انت يا غبية امشي معي ...وين بدك تهربي مني ....
شلح جاكيتو و لفني فيه
مسعود: حسابك لنوصل على الدار
شيرين(تبكي):اتركني روح الله يخليك ،ليش ما بتتزوج بنت من ضيعتكن ،بتناسبك اكتر مني ،انا بدي رجع لعند اهلي
مسعود:....
شيرين:يالله ليش هيك عم يصير معي
وصلنا على ارضن و انا عم ارجف من البرد و الخوف ،كان كل شعري و تيابي الداخلية مي و رجلي متخدرين من المشي على الارض ،استقبلونا ابوه و امو لمسعود
ابو مسعود:البنت يلي بتهرب من عريسا بيوم عرسا عنا ،بيدفنوا و هي عايشة ..
فتحية:بتستاهلي الدفن يا بنت الكلب ،كنت رح تحرقيني
مسعود:اطمن يابي ما رح مرقلا اياها هيك
حط ابو مسعود ايدو على كتف ابنو
ابو مسعود:ايه ابني ،من اول ليلة اقطع راس القط ،هيدا الجنس ما بينعطى وجه ،بدو دعس
دفشني مسعود بأيدو على ضهري لجوا الغرفة و فات و قفل الباب ،انا بقيت واقفة عم ارجف ، قام الجاكيت عني و علقو و كمل شلح تيابو و لبس عباية و قعد على الصوفاية ،كان قدامو طاولة و عليا صنية مغطاية ،رفع الغطا و بلش ياكل بايديه
شيرين:بدي تيابي
مسعود:خليكي هيك
فتحت الخزانة و طالعت منا فستان واسع طويل و لمحت فساتين شفافة معلقة ملونة و عليا ريش كتير ملون ،ذكرتني بفساتين ستي يلي محتفظة فين لهلأ بخزانتا ،سكرت الباب بعصبية انا و عم فكر ،يالله هدول من ايمت الزمن واقف عندن و ما بيمشي ،كانو ما عايشين على كوكب الارض او ما مر من جنبن عصر الاانترنت و التلفزيون ،لبست الفستان و وقفت اتفرج على حالي ،طالعت منشفة و نشفت شعري ،بعدين سمعت صوت وحدة عم تصرخ ،ركضت على االشباك و بقي مسعود قاعد بمحلو
شيرين:هيدا صوت ياسمين ...هاي ياسمين يلي عم تصرخ ...
رحت على الباب لافتحو و اطلع
شيرين:افتح الباب ..بدي روح شوف رفيقتي شو عم تعملو فيا
بقي قاعد و متجاهلني و متابع اكل
شيرين:عم قلك افتح الباب
خلص اكل ،مسك المنشفة و مسح ايديه و اطلع فيني و قام وقف و اجا اتجاهي
شيرين:بعد عني..ولله بصرخ و بلم الناس عليك
ما تخيلت بحياتي انو عيش هيك ليلة بعمري ،اتعرف على الحيوانات بهيئة بشر ،انضميت لياسمين بالبكاء و الوجع ،ما كان فيه لا رحمة و لا انسانية بقلبو ،ما بعرف اذا كان عم يتصرف طبيعي او عم يعاقبني بس بكل الاحوال ،تمنيت لو حرقت حالي انا و الفستان او شي ذئب طلع و اكلني بنص الطريق و لا لقاني مسعود و رجعني معو،ما كان حال ياسمين افضل من حالي ابدا ،التقيت فيا بعد 3 ايام؛بعد ما طلعت من غرفة مسعود على عذاب من نوع تاني ،اعطتني فتحية جاط مليان تياب و و حطتلي فوقن صابونة
فتحية :سحبي مي من البير برا و افركين و اغسلين منيح ،هدول تياب زوجك
شيرين:حاضر
اخدت الجاط و طلعت لبرا ،شفت مسعود و ابوه واقفين من بعيد عم يحكو مع رجال ،التفتت على الجهة التانية و شفت ياسمين ،كانت عم تشعل حطب مع زهرة بحديقة البيت يلي جنبنا تماما ،اشرتلا بايدي لتجي عندي؛حكت مع زهرة كلمتين كانو اخدت اذنا و اجت لعندي ،كان وجهها شاحب كتير و عيونا نعسانين و دبلانين ،اول ما التقينا ،لفتني و صارت تبكي و انا صرت ابكي اكتر منا
شيرين:عم اختنق هون
ياسمين:انا تعبانة كتير و عم فكر موت حالي و ارتاح
شيرين:طولي بالك
ياسمين:الشي يلي مصبرني هو زهرة ،عم تعاملني منيح و عم تواسيني و تحكي ابنا ليخفف عني بس ابنا حيوان ،لو بتشوفي شو عمل فيني اول ليلة ،صار يضربني لانو ما قبلتو حتى فاتت زهرة و خلصتني من تحت ايديه بس يا ريتو قتلني
شيرين:ياسمين وضعي ما احسن من وضعك ،اذا انت زهرة منيحة معك ،فتحية كتير لئيمة و بدل ما تلين ابنا ،بتحرضو اكتر ،بس انا مستحيل ابقى هون و رح لاقي طريقة لنطلع بس هلأ خلين يثقو فينا انو نحن بقيانين هون و شو بيطلبو مننا منقلن حاضر،حتى يعطونا مساحة و حرية اكتر و وقتا منطلع من هون من غير رجعة
ياسمين:يا ريت يا شيري يا ريت بس شوفي وقت هربتي كيف جابوكي ب لمح البصر و انا بخاف من محسن ،عصبي كتير ؛اذا هربت و لقطني رح خليني اشتهي الموت
طلعت فتحية و شافتني عم احكي مع ياسمين
فتحية:انتو شو عم تحكو مع بعض!يلا كل وحدة على شغلا
رجعت ياسمين عند زهرة و انا رحت سحبت مي من البير ،كانت مي باردة كتير ،بعد ما غسلت تياب مسعود و نشرتن ،طلعت فتحية من البيت هي و حاملة جاط تاني و فيه تيابا و تياب اولادا الشباب الباقين
فتحية:و اغسلي هدول كمان و خلصي بسرعة لانو لسا عنا شغل
قعدت اغسلن انا و عم احفظ المكان منيح و مية فكرة عم دور براسي لاهرب ، بعد خلصت نشر الغسيل ،طلعت فتحية هي و حاملة سطل بايدا
فتحية :تعي وراي ،ولا قلك لحظة ..مسعووود ...مسعود
اشرتلو بايدا ليجي عندا بسرعة
مسعود:ايه يامو
فتحية:خدا لسمرا و علما كيف بحلبو البقرة ،بدي حليب كرمال اعمل لبن و جبنة
اطلعت فياا و رفعت حواجبي
شيرين:بدي احلب بقرة !
مسعود:تعي معي
اخد السطل و مشي و انا مشيت وراه ،حتى فات على اسطبل ،حطيت ايدي على انفي من بشاعة الريحة ،قعد على الارض و حط السطل تحت البقرة
مسعود:تعي اقعدي جنبي اتعلمي
شيرين:لا انا بوقف من بعيد بتفرج
قام وقف و سحبني من ايدي و قعدني محلو و قرفص جنبي و صار يعلمني
مسعود:يلا اجا دورك ،مدي ايديكي
مديت ايدي انا و مغمضة عيوني و عم كز على اسناني ،حط ايديه فوق ايدي و صار يضغط
مسعود:هيك لازم تعملي ،مرة تشدي من هون و مرة من هون و بسرعة
شيرين :ما بعرف ما بعرف ،نمل بدني من الملمس و قرفت من الريحة
قمت وقفت فورا و هو كمل حلب البقرة
مسعود:محل ما كنت عايشة،ما كنت تشربي حليب؟
شيرين:كنت اشرب حليب طبعا بس ما كنت احلب البقرة
اطلع فيني ببلاهة
مسعود:لكن شو كنت تحلبي؟
كتمت ضحكتي
شيرين:كنت احلب قطط
مسعود:...عنجد...هاي اول مرة بسمع انو في حليب قطط،كيف طيب؟
اطلعت فيه مصدومة؛تابع شغل بدون ما يفهم النكتة او يمكن صدقا
شيرينء:اممم ما كتير بفرق عن حليب البقر بس وقت بدي حليب بقر كنت اشتريه من المحلات جاهز ،الحليب و الجبنة و البيض كلو نشتريه من محلات بدون ما نضطر نحلب بقرة او نطعمي جاجة او نزرع خضرا متل عنكن
مسعود:يابي قلي انو المدينة،يعني محل ما انت كنت عايشة ،ما نظيف ابدا ،الهوا مغبر و الاكل خربان و ما طيب و حتى المي وسخة و فيا براغيت و حصى و الناس عم تمرض و يموتو بكير عنكن من هالشي ،هون كل شي نظيف و المصدر معروف
شيرين:انت رحت شي مرة زيارة على المدينة ؟
مسعود:لا ابدا ؛لا انا و لا حدا من اخواتي يعني لحد الان حتى يلي راح من هون ما بقى رجع
شيرين:ولله ليش ما بقى رجع؟
مسعود:قلي يابي انو كل يلي طلعو من هون ،ماتو ،تنفسو الهوا الوسخ وخربت رياتن و اكلو الاكل الخربان و تسمم جسمن و عفنو و ماتو لانو ما متعودين على هيك جو بس بيستاهلو
شيرين:ها ،العمى على هالجهل و التخلف !
مسعود:شو حكيتي ما فهمت ؟
شيرين:ولاشي ما حكيت شي ....(بصوت منخفض)يا بلا مخ
قام وقف و حمل سطل الحليب و طلعنا من الزريبة
شيرين:طيب من وين بتشترو تيابكن يلي بتلبسوا؟
مسعود:بيجي ابو توفيق كل اخرة الشهر على الطريق يلي كنت ماشية فيه انت و قشطة و بوقف هنيك و نحن الرجال منروح منشتري منو النا و لنسوان الضيعة
شيرين:ابو توفيق!ما غيرو يلي بعتنا لهون كرمال نبتة البقدونس السرخسية؟
اطلع فيني و رفع حواجبو و ابتسم
شيرين:اها ،هيك لكن ،يعني كنتو متفقين من قبل انو ابو توفيق بيبعتنا و انتو بتاخدونا ،و شو المقابل؟
مسعود:شوية مصاري
شيرين:طيب ليش كل هاللفة ،ليش ما بتتزوج انت و اخواتك من بنات الضيعة؟
مسعود:لانو ما في بنات بأرضنا
شيرين:كيف يعني ما في بنات،يعني الكل هون بخلف صبيان
وقف و هو عم ياخد نفسو
مسعود:لا بخلفو بنات بس هون عنا البنات مندفنن تحت التراب و هنن عايشين
شيرين:شوو!عنجد؟ليش؟
مسعود:هاي عادة اجدادنا و ربينا عليا و ما منقدر نغيرا ،البنات بيجيبو العار
تركني و مشي و انا بقيت واقفة و عم استوعب الفكرة
شيرين:بحياتي ما شفت ناس اغبى من هيك ،بيقتلو بناتن و بجيبو بنات من برا ارضن ليتجوزون
مسعود:شبك واقفة ...يلا امشي
ركضت وراه انا و عم احكي
شيرين: يعني امك خلفت بنات و قتلتون
مسعود:امي جابت من 6سنين توم بنات و انا دفنتن تحت هديك الشجرة
شيرين:يييي هاي جريمة و بتتعاقبو عليا
مسعود:مين بدو يعاقبنا ،هون نحن يلي منعاقب و منحاسب بس و ما منتحاسب؛ما حدا بيسترجي يطلع لهون على ارض امير الجبل و خاصة حدود ارض العمالقة مين ما كان يكون
شيرين:اها ليش ؟
مسعود:لانو مناكلو
#خارج_النطاق
#هلا_غرابلي
#الجزء_الرابع
شيرين:بتاكلوه !
وقفت بمحلي انا و عم اطلع فيه و عابسة
مسعود: شبك، خفتي؟
بلعت ريقي
شيرين :عنجد بتاكلوه
مسعود:اي مناكلو ،منشكو بالسياخ و منشويه على الحطب متل ما شفتينا عم نشوي لحم الغنم من كام يوم
شيرين:امممم
مسعود:ههههههههه ،قصدي بالاكل يعني القتل
شيرين(تتنهد):اها
مسعود:بس اذا اضطر الامر مناكلو
وصلنا على البيت ، فتت انا و مسعود و شفنا امو و ابوه و باقي اخواتو الشباب قاعدين على الارض عم ياكلو
فتحية:يلا يامو فوت و لاقيلك محل ،الاكل سخن
قعد تربع و انا قعدت جنبو ،بعد ما تغدينا ،قمت الاكل على المطبخ و جيت لفضي باقي الاكل بالزبالة بس وقفني صوت فتحية
فتحية:وقفي ...شو عم تعملي...عم تكبي الاكل بالزبالة ،نحن ما منكب البواقي بالزبالة،منطعمين للدواب
شيرين:طيب ماشي؛ما كنت بعرف ،وين بحطن ؟
فتحية:فضي الاكل هون بهالجاط و انا باخدن بكرا للدواب
شيرين:طيب
بنص الليل فقت ،ما شفت مسعود جنبي ؛قمت بسرعة و جيت لافتح الباب ،كان مقفل
شيرين:ها عامل حسابك بهالموضوع
رجعت كملت نومتي انا و عم فكر بمخرج من هون،تاني يوم فقت الصبح على صوت فتحية
فتحية:قومي اعمليلنا قهوة ،نفيسة هون
شيرين:مين نفيسة؟
فتحية:تقلي القهوة؟
شيرين:حاضر حاضر
غليت القهوة ،و فتت ضيفتا،نفيسة من عمر امو لمسعود،صحتا منيحة و سمرا غامقة و بس تضحك بتخاف من منظر اسنانا السود و المكسرين
نفيسة:هاي عروسة مسعود؟
فتحية:ايه شو رايك ما احلى و مجذبة اكتر من عروسة محسن؟
نفسية:اي بكتير ،مشالله عيونا كبار سود و ملوزين ولا هالشفايف المليانة ولا هالعود النحيف و الناعم ولا الشعر الليل الناعم،شتان بين هاي و هديك الجقمة اللبطة ،ما بتنطاق ،ما الكنة بتجي بتشبه حماتا و هاي طالعة الك فتحية
حسيت راسا لفتحية كبر كتير ،قعدت لفت رجل على رجل و شربت القهوة و اعطتا لنفسية فنجانا القهوة
فتحية:يلا نفيسة ادلي دلوك،شو شايفة اليوم بفنجاني
نفيسة:ابيض متل قلبك الابيض،شايفة عيون وحدة عليكي عشرة على عشرة كيف ما عم تتحركي،مقهورة و مكيودة منك
فتحية:كيف شكلا نفيسة؟
نفيسة:طويلة كتيررر...
فتحية:و ما احلاها ما تكون طويلة ،ليش في غير الطوال هون ههههههه
نفسية:ههههه بس قصدي طويلة و نحيفة ،بيضا و عيونا عسليات و شعرا خرنوبي،عرفتيا؟
فتحية:هههههه طبعا عرفتا ،يبعتلا بقلعن لعيونا ،اقلعيلا اياهن باصبعتك نفيسة
نفيسة:ايه ما تكرمي يا ست الكل ،ليش في حدا بكل نسوان هالارض ما بغار منك بس ما حدا بوصل لضفر رجلك
ابتسمت فتحية من حكي نفيسة يلي كانت عم تلطش فيه على زهرة
نفيسة:ابصمي يا ستي
لحست اصبعا فتحية و بصمت بنفس الفنجان
نفسية:خاتم!جايكي خاتم دهب هدية
فتحية:اكيد من ابو مسعود
نفسية:ايه لا تنسينا من الحلوان ...تعي انت افتحلك فنجانك
شيرين:لاا لا ما بدي ،ما بأمن بهيك شي انا
نفيسة:تصطفلي
طلعت نفيسة من عنا بعد ما حملتا ام مسعود سطل لبن وسطل بيض و الاولى عم تشكرا و تبوسلا ايدا ، انا و عم اغسل كاسات القهوة ،شفت مسعود جاي هو و ابوه من بعيد ،فات ابوه على البيت و قرب لعندي مسعود
مسعود:انا سابقك على غرفتنا ،لحقيني بدي فرجيكي شو جايبلك
بعد ما خلصت ،فتت لعندو
شيرين:ايه مسعود شو جايبلي ؟
مسعود:قعدي هون
قعدت التخت و قرفص على ركبو و رفع الفستان عن رجلي و لبسني خلخال دهب و باس رجلي ،سحبت رجلي فورا
شيرين:شو هيدا؟
مسعود:عجبك؟
شيرين:ايه حلو يسلم ايديك،مبارح بالليل وين كنت؟
مسعود:كان عندي شغل
شيرين:شغل بنص الليل!
مسعود:ايه ،بدك تتعودي كل فترة بصير عنا شغل بنص الليل
شيرين:شو هالشغل؟
مسعود:منبعت خضرة و مواشي للمدينة
شيرين:طب ليش ما بتبعتون بالنهار؟
وقف يحك جبينو هو و متلبك
مسعود: لانو ما بدنا حدا يشوفنا من اهل الارض و يصير الكل بدو يقلدنا و هيك منخسر كتير
شيرين:اها،مسعود انا كنت ناطرتك لاخد اذنك
مسعود:بشو؟
شيرين:حابة روح زور قشطة،من اول ما تزوجنا ،ما عاد شفنا بعض
مسعود:...
شيرين:ما بطول
مسعود:طيب البسي لوصلك انا
شيرين:من بعد البيت يعني،بروح لحالي
مسعود:ما عنا نسوان بتطلع خطوة برا البيت بلا رجال معا
شيرين:طيب
لبست تنورة سودة طويلة للارض و فوقا بلوزة سودا طويلة و جمعت شعري بشال ربطتو من ورا و راح وصلني مسعود على بيت زهرة،استقبلتني زهرة بابتسامة هادية
زهرة:يلا هلأ بنادي لقشطة
اجت ياسمين من غرفتا،كان وجهها مرتاح اكتر من اخر مرة ،قعدت معنا زهرة شوي وبعدين تركتنا لحالنا و فاتت لجوا
ياسيمين:شو شيري احكي صار معك شي جديد
شيرين:خطرت على بالي فكرة
ياسمين:احكي
شيرين:اول الشي،بتجي لعنكن نفيسة فتاحة الفنجان
ياسمين:اي اجت من يومين
شيرين:ايه كتير منيح ،الفكرة يلي براسي هي كالتالي
خبرتا لياسمين فكرتي هي و عم تهز براسا
ياسمين:و مقابل شو بدا تعمل هالحكي؟
رفعت تنورتي و هزيت برجلي
شيرين:مقابل هيدا،شكلا غلبانة و فقير كتير و انا متأكدة رح تشط ريالتا عليه
ياسمين:و اذا ما مشيت على فتحية و ما اثر شي
شيرين:منكون حاولنا على الاقل،كيفك انت و محسن؟
ياسمين:مناح مناح،انا عم سايرو متل ما قلتيلي
شيرين:كتير منيح ،بكل الاحوال بدو ياخد طلبو غصب عنك و رح يضربك
ياسمين:و انا هيك حكيت ،اسمعي مبارح قلتلي زهرة انو جابت بنت من كام سنة بس دفنو هي و عايشة ،عم تتخيلي الوضع؟
شيرين:بعرف ،قلي مسعود ،كمان دفنو بنتين لفتحية..
ياسمين:انو شفتي اغبى من هيك ناس على وجه الارض
شيرين:لا ما شفت لحد الان،تعي لاحكيلك عن حليب القطط ههههه
قعدت ساعة عند ياسمين و اجا مسعود اخدني و رجعني على البيت
فتحية:وين كاينة؟
شيرين:عند قشطة
فتحية:ها
اطلعت بمسعود و زورتو و فاتت على المطبخ و لحقا فورا و انا فتت غير تيابي و لحقتن على المطبخ؛سمعتن عم يتهامسو بصوت واطي ما قدرت اسمع شي ،طلعت فتحية هي و حاملة جاط الاكل الباقي من مبارح
فتحية:انا رايحة طعمي الدواب
مسعود:و انت تعي معي
سحبني من ايدي على الغرفة و قفل الباب
مسعود:نعسان كتير و بدي نام
شيرين:و شو دخلني انا؟
مسعود:ما بعرف
بعد اسبوع اجت عنا نفيسة،ضيفتا القهوة و قعدت و انا عم ادعي انو تكون ياسمين عملت متل ما خبرتا ،مسكت فنجان فتحية و شردت فيه
فتحية:شو نفيسة ليش ما غردتي لهلأ،شو شايفة ؟
حطت الفنجان على الطاولة و سكتت
فتحية:شبك احكي
نفيسة:ما شفت شي منيح ابدا و ما حابة احكي ،انت بتعرفيني ما بحب خبرك الا الشي الحلو
فتحية:احكي نفيسة شغلتيلي بالي و فورتيلي دمي
رجعت مسكت الفنجان هي و عم تطلع فيني
نفيسة:شايفة حية عندك بالبيت ؟
فتحية:ببيتي؟
نفيسة:ايه بنص بيتك ،عم تزحف بكل زوايا البيت و عم تبخ سما ،ديري بالك كتير يا فتحية منا هالحية من اهل بيتك رح تصير الكل بالكل و تاخد محلك و تكشف المستور و تحرق الاخضر و اليابس ...يا لطيف ...لازم تبعديا و تشيليا من وجهك باسرع وقت
فتحية:مين هاي نفيسة ،اعطيني وصفا
نفيسة:ما بقدر ،اطلعي حوليكي و بتلاقيا ،هي بنص بيتك ،طلعيا من بيتك بسرعة و رجعيا من محل ما جبتيا
اطلعت فيني نفيسة و غمزتا انا و عم ابتسم
نفيسة:يلا انا بدي قوم ،كنت حابة سمعك اخبار حلوة بس كمان لازم نبهك قبل ما يوقع الخطر
قامت فتحية اضبلا شوية اغراض لنفيسة و انا ناولتا الخلخال ،اطلعت فيه و ابتسمت برضا
شيرين:لا تنسي تكملي معروفك ببيت زهرة بالمرة الجاية
نفيسة:ايه ما تكرمي يا حلوة
طلعت نفيسة من عنا و بقيت فتحية قاعدة طول النهار و شاردة حتى اطلعت فيني من تحت لفوق و حسيت من جوا انو وصلتا الرسالة يلي كنت حابة ابعتا ،بس رجع مسعود المسا من الارض هو و اخواتو ،خبرتو انو الخلخال وقع من رجلي من دون ما انتبه وقت رحت احلب البقرة
مسعود:طيب بكرا انا بجي بدور عليه
شيرين:كتير انزعجت،هاي اول هدية منك و هيك اضيع مني
مسعود:ما تزعلي بكرا بجبلك احسن منا
رغم اشمئزازي و كرهي لمسعود بس كان انسان كتير منيح معي و كأنو ما فتحية اللئيمة يلي ربتو ،كنت ناطرة ردة فعل فتحية بعد حكي نفيسة بس كل شي عملتو انقلب ضدي،؛تاني يوم اجت عنا مرة من الضيعة اسما ام جواد،قعدت هي و عم تمهد لفتحية بحكي ما قدرت افهم مغزاه حتى طلعت من جيبتا خلخالي الدهبي،خطفتو فتحية من ايدا
فتحية:هيدا شو جابو لايدك؟
ام جواد:ولله يا ام مسعود بعرف ما حدا غيرك بيلبس دهب بكل الارض لهيك جيت لرجعو لاصحابو
فتحية:هادا لسمرا ،مع مين كان؟
ام جواد:كان مع نفيسة،اجت بكل عين وقحة تبيعني اياه هالحرامية
انا فورا وقفت و فتت على المطبخ و وقفت اتسمع على االباب انا و عم اكل باظافري
ام جواد: بس على مين ،اخدتو منا و قلتلا بكرا تعي خدي حقو و جيت بوجهي لعندك
فتحية:شو جابو لايد نفيسة؟
ام جواد:ما بعرف يا ستي يا سارقتو يا حدا عاطيا اياه ،انت اعرفي بطريقتك
فتحية:سمرااا ...سمراااا
شيرين:ايه مرة عمي
فتحية:خلخالك شو جابو لايد نفيسة؟
شيرين:ما بعرف انا قلتلو لمسعود انو وقع من رجلي من غير ما حس انا و عم اشتغل بالحوش برا
فتحية:طيب ام جواد مشكورة و ما رح انساكي على هالمعروف و اما نفيسة الها حساب عسير معي
شربت القهوة ام جواد و راحت من عنا و لبست فتحية عبايتا بسرعة و طلعت هي و ابنا سيف بعدما قفلت علي باب غرفتي ،كنت قاعدة و متوترة وخايفة من انو نفيسة تحكي و تعلقني بهالورطة ،بعد ساعة رجعت من مشوارا من دون ما تحكي معي كلمة او تطلع فيني ،رجع مسعود و ابوه و اخواتو،تعشينا و فتت سخنتلو المي لمسعود ليتحمم و بعدين ارجعت على غرفتي كرمال حضرلو تيابو و قلو الحمام جاهز ،بس شفتو قاعد هو و امو و عم يحكو مع بعض بصوت واطي،وقف على الباب خايفة
مسعود:فوتي و سكري الباب وراكي
فتت و سكرت الباب انا وعم زبط شالي ،قامت وقفت فتحية و قربت مني هي و عم تبتسم
فتحية:وقت وصفتك نفيسة بالحية ،ما قصرت ابدا ...شوف شغلك معا مسعود و هديك ببيحاسبا محسن لتتعلمو كيف تحيكو من ورا ضهري و اما نفيسة حسابا كبير
طلعت فتحية و سكرت الباب
مسعود:تعي لهون
شيرين:مسعود..
مسعود:انا جبتلك الخلخال الك و انت بتعطيه هيك لنفيسة؛بس ما انقهرت عليه قد ما انقهرت من المقابل ،فكرت انك نسيتي فكرة الرجعة و حبيتي العيشة هون معي ...
شيرين:مستحيل اتقبل العيشة هون ،كانو عايشين بالعصر الحجري ،اذا بدي اتحمم بدي سخن المي على حطب ،اذا بدي اغسل بدي اغسل على ايدي و اسحب مي من البير ، و بدي احلب البقرة وطعمي الجاجات و اشطف و اجلي بمي باردة ،كهربا ما في ،تلفزيون راديو انترنت ما في ،ما في شي عنكن ،ما واصلكن شي من الحداثة و التطور ،هاي ما حياتي ،انا ما عشت هيك ابدا ما بقدر عيش و مستحيل اقدر اتأقلم مستحيل
مسعود:انا كنت من قبل عم عاملك منيح لانو كنت دائما لوم بيي لانو بعامل نسوانو متل الدواب بس هو الصح ،المرة بدا دعس حتى تخاف و تهاب زوجا و لو انت خفتي مني ما كنت استرجيتي تعملي هيك
شيرين:لو كيف ما عاملتني؛انا ما رح ابقى هون و رح يجي يوم و اقدر اهرب من عنكن
مسكني من ايدي
مسعود:اليوم يلي بتقدري تهربي فيه من هون ،رح اقتل حالي لانو وقتا بكون ما رجال و ما بستاهل عيش بين الرجال و علي راسي و المرة التانية اذا بسمعك انك عم تحاولي تفكري انك تهربي من هون ،رح ادفنك انت و عايشة و بدون ما يرفلي رمش؛انا دفنت اخواتي الاتنين بايدي هدول يا سمرا ،لهيك ديري بالك كتير منيح مني ،انا هادي كتير بس وقت عصب ،بصير مجنون
شيرين:طيب
مسعود:بس ما رح مرقلك يلي عملتيه هيك بالساهل
شيرين:خلص ما بقا عيدا
مسعود:معلش هيك بتأكد انو ما بقا رح تعيديامرة تانية
شيرين:يييي..شو بدك تعمل فيني؟
تابعووووووني
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
أدخلوا واعملوا متابعة لصفحتي عليها كل الروايات بدون لينكات بمنتهي السهوله من هنا 👇 ❤️ 👇
❤️🌹🌺💙❤️🌹🌺💙❤️🌹🌺💙❤️🌹🌺💙❤️🌹
تعليقات
إرسال تعليق