رواية دعني احطم غرورك الفصل الرابع والاربعون والخامس والأربعون والسادس والاربعون بقلم الكاتبه منال سالم حصريه وجديده
 |
رواية دعني احطم غرورك الفصل الرابع والاربعون والخامس والأربعون والسادس والاربعون بقلم الكاتبه منال سالم حصريه وجديده
Flash Backلأجواء انهاء الفرح
-عز لنفسه: مافيش إلا ابا الحاج يوسف هو اللي هيلملنا الليلة دي في كلمة ونص .. بس اكلمه ازاي ؟؟
لمح عز الدين ياسين وهو يقف على مقربة منه ويتحدث مع حازم ويمزح معه ..
فحاول عز الدين أن يشير إليه بيده وبرأسه لكي يحضر عنده في الكوشة ، ولكن لم ينتبه له ياسين . ،،،
-عز بصوت خافت بضيق : يا رب الغبي ده يشوفني
...................
ضرب حازم كفه بكف ياسين وهو يضحك على نكاته المتواصلة و...
-ياسين لحازم: ههههههههههههههههه ، ياعم ما اللي يطق يطق، فكك انت يا زوما
-حازم بضيق : قولنا كده ، بس هي دماغها صرمة
-ياسين وهو يلوي شفتيه : انت هتقولي
أدار ياسين وجهه عفوياً على الجانب ، فلمح عز لدين وهو يلوح له بيديه لكي يأتي عنده .. ،،،،
-ياسين وهو يضع يده على كتف حازم : زووما ، بقولك آحبيبي ، هاروح أشوف العريس لأحسن الظاهر انه مزنوق في حاجة
-حازم غامزاً : اوك يا معلم ، وانا هشوف دارين خلصت الـ Toiletولا هتبات هناك
-ياسين وهو يصافحه : سلام مؤقت يا برنجي
-حازم وهو يبادله التحية : تشاوو
ســار ياسين في اتجاه عز الدين وعلى وجهه ابتسامة بلهاء و...
-ياسين لعز: ايون يا عريس
-عز بنبرة حـــادة : ساعة عشان تجي
-ياسين وهو يشير بكلتا يديه : اعملك ايه ، مانا مشوفتكش إلا الوقتي
-عز بنبرة جادة : طب اسمع الكلمتين دول وركز معايا
-ياسين وهو يشير برأسه : أؤمر يا كبير
-عز بنبرة منزعجة : عاوزك تميل على عمك يوسف ، وتقوله يفركش ع كده أنا زهقت وجبت جااااز ...
-ياسين وهو يشير بيده : يعني أقوله يضرب كرسي في الكلوب
-عز وهو ينهره : الله يخربيتك ، انا بقولك ينهي الفرح بهدوء مش يطربقه ع اللي فيه !
-ياسين بغمزة : ماشي آعرررريس .. هنياله يا عم
-عز وهو يدفعه من كتفه : الله يخربيت أرك ده ، هو اللي هيجبني أرض أرض
-ياسين بنبرة جـــادة وصوت واثق : انا مش بأر ، انا بحقد وبحسد وبنؤ
-عز وهو يدفع مجدداً : طب اجري خلص اللي قولتلك عليه
-ياسين وهو يلوي فمه : حاضر يا عُمنا ، ما انا برضوه دراعك الشمال
-عز بتهكم : أيوه ، دراعي اللي عاوز قطعه .. انجزززز بقى مش هقضيها كلام معاك
-ياسين وهو يؤدي التحية العسكرية أمامه : علم وينفذ !!
.............
كان يوسف واقفاً مع حسين يتحدثان سوياً و... ،،،
-حسين بنبرة منزعجة وهو يلوي فمه : واد ثقيل وبارد
-يوسف وهو يوميء برأسه : جدااااا ... معرفش بنتك بتقف معاه ليه
-حسين بضيق : والله ولا بطيقه .. بس سهير عاوزاهم يقربوا منبعض ال ايه عشان تاخد عليه لان المحروس مكلم أمه على دينا
-يوسف وهو يشير بيده : اعوذو بالله ، بقى انت عاوز تدي دينا بنتك لواد زي ده ؟؟؟
-حسين نافياً : ابدااااا ما أرضى .. بس انت عارف سهير زنانة والواد قريبها
-يوسف وهو يمط شفتيه : ربنا يهديها ، وينجيكو منه
لمح ياسين يوسف وهو يقف إلى جوار حسين ، فسار ناحيتهما وقاطع حديثهما و.....
-ياسين مقاطعاً : ده مين ده اللي بتدعو عليه
-يوسف غامزاً : واحد مكلم ع دينا
ارتسمت ملامح الانزعـــاج على وجه ياسين ، ونظر إلى يوسف بنظرات ضائقة و...
-ياسين بضيق : نعم .. دينا ؟؟ دينا دينا ، ولا دينا دينا تانية؟؟
-يوسف مؤكداً : لأ دينا بنت عمك حسين
-ياسين بحدة وهو يشير بكلتا يديه : لأ بقى ، كله إلا كده !! أنا حاجزها
-حسين باستغراب : حاجز مين يا بني ؟؟
اضطرب ياسين حينما غفل عن وجود المهندس حسين إلى جواره ، وحاول أن يخفي اضطرابه ويغير من مجرى الحديث و...
-ياسين بتردد : آآآآآ.. أأقصد حاجز التورتة يا عمي ، بالحقبالحق ابنك عز يا عم يوسف عاوزك تلم الفرح بقى لأحسن مستعجل يروح بيته مع عرةسته
-حسين ضاحكا: هههههههههههه ، لأ خليه يصبر شوية
-يوسف وهو يربت على كتفه : خلاص بقى يا سحس ، الواد استوى ع الأخر بدل ما يشيط وهو أعد كده .. بص هتلاقي ودانه بطلع دخان
-ياسين مازحاً : هيقلب تنين
-حسين مبتسماً : عشان خاطرك بس يا جوو ..
ذهب حسين الى مدير القاعة والمسئول عن تنظيم الحفل ، ثم طلب منه أن ينهي الحفل نظراً لسفر العروسين ، فوافق المنظم على طلبه وبالتالي تم انهاء الحفل على موسيقى هادئة ، وتم شكر جميع الحضور و المدعوين على مشاركتهم فرحة العروسين ....
.................
في خارج القاعة ،،،،
وقف حسين مع العروسين ، وإلى جوارهما وقفت سهير ودينا ، ثم انضم إليهم يوسف وعايدة ، واخيراً لحق بهم ياسين ...
-حسين مبتسماً : الف الف مبرووووووك يا حبايبي ، ربنا يسعد قلبكم ويهنيكم .. مش هوصيك يا عز ع جانا
-عز بنبرة فرحة : الله يبارك فيك يا عمي ..
نظر عز الدين إلى عيني جانا بنظرات عاشقة ، ثم تحدث بنبرة هادئة مليئة بالثقة و..
-عز بنبرة جــادة : ومتقلقش ، جانا في قلبي قبل عينيا
مالت سهير بجسدها على جانا ، ثم أخذتها في أحضانها ، وظلت تضمها بشدة و..
-سهير وهي تحتضنها : هتوحشيني يا جوجو .. مش عارفة هنروح ازاي ومش هتيجي معانا
أرخت سهير ذراعيها عن جانا التي نظرت إليها بنظرات حانية و...
-جانا وهي تنظر في وجهها : انا ممكن أروح معاكو عادي والله ماعندي مانع
تعالت ضحكات سهير على رد جانا الأخير و..
-سهير ضاحكة : هههههههههههه ، كله إلا النهاردة يا عروسة ، بعدين بقى تبقي تيجلنا
مالت دينا هي الأخرى على جانا واحتضنتها بشدة و...
-دينا وهي تحتضنها : بجد I will miss you Jojo.. هنام مع مين وهرغي مع مين تاني
-جانا وهي تضمها : حبيبتي دودي ، بجد انا مش قادرة اتخيل ازاي هاعيش بعيد عنكو .. خلاص انا حياتي معاكو
سمع عز الدين عبارات جانا الأخيرة ، فتدخل في الحوار ووضع ذراعه على كتف جانا وضمها إلى صدره بحنية و...
-عز مقاطعاً : كان زمان يا جاجوو .. انتي الوقتي حياتي ،وحياتي هتكون معاكي
-يوسف مبتسماً : ربنا يديم الحب ما بينكم يا بني ..
-عايدة بنبرة هادئة : مش هوصيك يا عز ع جانا .. انت عارف هي غالية الوقتي عندنا ازاي
-عز بنبرة سعيدة : مش محتاج توصية يا ماما .. هي أغلى ما عندي الوقتي
-ياسين وهو يدعي البكاء : طب مش يالا بقى يا جماعة ، انا الدمعة هتفط من عيني ..
ضحك الجميع على طرفات ياسين .. فأكمل هو بــ...
-ياسين مكملاً وهو يغمز : عاوزين نسيب العرسان يجروا ع بيتهم ، بدل ما أحنا معطلينهم عن مهامهم القومية ..
-عز وهو يلكزه في كتفه : انت بتفهم يا واد يا سينو!
-ياسين غامزاً : عد الجمايل بس ، النوتة طفحت من كتر ما بسجلك !!
-عز وهو يوميء برأسه : هظبطك بس اما يجي وقتها.
-ياسين وهو يجز على أسنانه : اصيييييل يابن عمي
انحنت جانا قليلاً على عز الدين ، و...
-جانا بصوت خافت : طب ما نقعد شوية ، هنروح البيت دلوقتي نعمل ايه؟
-عز مبتسماً : لأ أنا تعبان اوي وعاوز أرتاح.
-جانا بجدية : خدلك مسكن !
-عز بلهجة حادة نسبياً : لأ عاوز انام .. يالا بقى !!
أمسك عز الدين بذراع جانا ، ثم تأبط بها ، وسار كلاهما نحو السيارة ، فتح لها عز الدين الباب ، ودلفت هي داخل السيارة لتجلس على المقعد الأمامي ، ثم أغلق الباب خلفها ، ودار حول السيارة وركب خلف المقود ..
لوح عز الدين لعائلته بيده ، وكذلك بادلوه هم التحية ..
ضغط عز الدين على دواسة البنزين ، لتنطلق السيارة بهما ، ثم لحق بهما باقي أفراد العائلتين ، وقاموا بعمل زفــة سيارات لهما مصحوبة بموسيقى الأبواق ، وأطلقوا الألعاب النارية في الهواء ، وظلوا مرافقين لهما إلى أن وصل كلاهمـــا إلى فيلا الزوجية ...
#الحلقة_45
توجه العروسان إلى الفيلا الجديدة التي أهداها حسين إلى كليهما ..
تم اعداد الفيلا وترتيب الأثاث بها ليليق بالعروسين ،
لم تغفل سهير أو دينا في وضع بعض اللمسات الرومانسية من أجل إسعاد العروسين .. تم تزيين المدخل بالورود الحمــراء ، ونثرت بعض البلالين البيضاء على الأركــان ، كما وضعت بعض الأطعمة الشهية والحلوى على المائدة ، كانت الأجواء رومانسية بحق ، ولم تغفل دينا عن وضع اسطوانات خاصة بالموسيقى الهادئة ، ولم تنسى أيضاً أن تضيء المصابيح ذات الإضاءة الخافتة كي تضفي سحراً على المكــان .....
وصل عز الدين بسيارته إلى مدخل الفيلا ، ثم صفها بهدوء ، ونظر إلى زوجته بأعين متلهفة و..،،،
-عز بفرحة: حمدلله ع سلامتك يا عروسة ، نورتي بيتك ياقمر
بدأت جانا تشعر بالاضطراب يتسرب إليها ، هي تخشى أن يتحول كابوسها إلى حقيقة ..
-جانا بقلق : آآآ.. شـ.. شكراً
ترجل عز الدين من السيارة أولاً ، بينما ظلت جانا جالسة في الداخل ، دار عز الدين حول السيارة وهو يطرق على مقدمتها بأصابع يده في سعادة ، ثم وقف أمام الباب الأمامي ، وفتحه لجانا وأشـــار لها بيده و...
-عز مبتسماً : يالا يا عروسة ، ولا هتفضلي اعدة جوه
-جانا بنبرة خافتة : التكيف حلو هنا ، أنا أعدة شوية
خمــــن عز الدين أن جانا ربما تشعر بالخجل والاضطراب منه ، لذا حاول أن يطمئنها قليلاً و...
-عز مازحاً : عندنا والله واحد جوه هيخليكي كأنك أعدة في تلاجة
-جانا بجدية : لأ ده حلو
-عز بنبرة آمــرة : بلاش دلع يا جوجو ..
-جانا وهي تمط شفتيها : أوووف
نظر عز الدين إلى جانا وهو يجز على أسنانه ، صم وضع أصابع يده على طرف ذقنه ليحكها قليلاً ..
فكر عز الدين للحظات .. ثم قرر أن يجذب جانا من ذراعيها ..
وبالفعل مد يده إلى ذراع جانا وجذبها خــارج السيارة برفق .. وأحاط خصرها بذراعه ..
سار عز الدين إلى جوار جانا حتى وصلا إلى باب الفيلا .. ثم انحنى عز الدين فجــأة بجسده ناحيتها، ووضع يده أسفل ركبتيها ، وحملها برفق بين ذراعيه
اضطربت جانا أكثر وهي بين ذراعي زوجها ، بينما نظر هو إليها بنظرات المحبين ، وارتسمت على وجهه علامات الفرحة و..
-جانا بقلق: ايه اللي انت بتعمله ده ؟؟؟؟؟
-عز مبتسماً : بشيلك
-جانا وهي تركل بقدميها برفق : لأ نزلني
-عز مازحاً : يعني هي جت ع المرة دي ، وبعدين النهاردة غير أي مرة ، قبل كده كنت بشيلك مجبر ، النهاردة بشيلك وانا فرحان انك هتنوري الفيلا
-جانا بحدة : طب انجز !
-عز مازحاً : آآآآآه يا وسطي ، انتي بقيتي تخينة أوي ، هما كانوا بيعلفوكي ايه قبل الجواز؟
-جانا وقد ارتسم على وجهها الضيق: بيعلفوني ؟؟ ما تتلم شوية
-عز مبتسماً : خلاص خلاص لأحسن تتأمصي ، يبقى الفستان هو اللي تقيل
-جانا وهي تشير بيدها : على جمب ، نزلني بقى
-عز بتهكم : انتي راكبة مكروباص ..
صمت عز الدين للحظات ، ثم أكمل بـ ...
-عز مبتسماً : على العموم ، انت تؤمر ياجميل ، ما الليلة ليلتك !
-جانا بقلق : ها ..
أنزل عز الدين جانا لتقف على قدميها ، ثم تركها لتجوب ببصرها في المكان ...
أعجبت جانا بتصميم الفيلا من الداخل ، وارتسمت على ملامحها نظرات الانبهار ، ظلت تمط شفتيها في تعجب ، وتتسائل في نفسها كيف تفنن عمها ومعه يوسف الكيلاني في تزيين وتجميل الفيلا ووضع كل هذا الآثاث الفاخر بها و.... ،،،
-جانا بنظرا اعجاب : ماشاء الله ، الفيلا تحفة
وقف عز الدين خلف جانا ، ثم وضع يده على كتفها في حنية فانتفض جسدها و...
-عز بنبرة حانية : اه اوي ، مش يالا بينا بقى
أزاحت جانا يد عز الدين عن كتفها برفق ، وحاولت أن تخفي توترها و...
-جانا وهي تشير بيدها : بص الستاير ، شوف الـ designبتاعها
تحرك عز الدين مجدداً خلفها ، ثم أشـــار لها بيده و...
-عز: اه شوفته جامد ، يالا بقى
التفتت جانا بجسدها ، وحاولت أن تبتعد عنه و...
-جانا بنبرة مرتبكة : الله ! آآآ... ما تصبر بقى شوية ..
-عز بنفاذ صبر : ما انا صابر بقالي كتير
أدركت جانا أنه لا مفر من الهروب من ذاك الأمــر المحتوم ، لذا عليها أن تفكر في حل سريع ، وبالفعل توصلت إلى ......
-جانا وهي تشير بيدها : طب بص ، انا هغير في الأوضة اللي فوق .. وانت خد هدومك وغير تحت
-عز بخبث وقد اقترب منها : طب ما انا عندي اقتراح جامد ، بدل ما نقضيها حبة فوق وحبة تحت ، ايه رأيك نغير احنا الاتنين سوا ع السلم
تراجعت جانا بضعة خطوات للخلف و..
-جانا بتهكم : يا سلاااااااام سلم ... لأ .. ده اللي عندي ، لو مش عاوز خلاص ، خلينا أعدين
لاحظ عز الدين أن جانا متوترة ، فهي عروس ، لذا سوف تلجأ لأي حيلة لكي تتهرب من تلك الليلة ، وما عليه إلا أن يهديء من روعها ويبث في نفسها الطمأنينة ..
-عز غامزاً وهو يشير بيده : أعدين ايه ؟؟ خلاص ، اطلعي غيري وانا هستناكي ، ولو عاوزة مساعدة ، هه ، ايه مساعدة ، انا اهو
-جانا وهي توميء برأسها : متشكرة
وقف عز الدين امـــام جانا ليسد عليها الطريق ، ثم انحنى قليلاً ناحية أذنها و...
-عز بنبرة هامسة : مش عزومة مركبية والله
ارتبكت جانا مجدداً حينما شعرت بأنفاس عز الدين الحارة على عنقها ، فحاولت أن تقاوم هذا الشعور، وقامت بدفع عز الدين بيدها و..
-جانا وهي تدفعه : عن اذنك
-عز غامزا: ومــاله .. أنا برضوه هاصبر
وبالفعل صعدت جانا على الدرج ، وامسكت بالدرابزون ، و توجهت إلى الغرفة الموجودة في الطابق العلوي لتبدل فستان الزفاف ..
ظل عز الدين منتظراً إياها بالأسفل ، قام بخلع السترة الخاصة بحلته ، ثم تجول قليلاً في الفيلا وهو واضع كلتا يديه في جيبي بنطاله .. تفاجيء عز الدين بالوليمة التي تم اعدادها على مائدة الطعام ،،،،
-عز بنظرات إعجاب : اللهم صلي على النبي ، هو ده الكلام ، جمبر يواستاكوزا وحمام وفراخ .. ده الواحد هياكل لحد أما يشع وينور ..
تناول عز الدين بضعة لقيمات من الطعام ، و..
-عز وهو يمضغ الطعام : ممم .. لأ الأكل طعمه تحفة ..
تأخرت جانا لوقت طويل في تبديل فستانها ، فشعر عز الدين بالضجر و... ،،،
-عز باستغراب : كل ده يا جانا ، بتعملي ايه فوق ؟؟؟ ايه بتخترعي الذرة ، ده مكنش حتة فستان بيتسلت !! يا مهون يااااا رب
أخذ عز الدين يتجول في أرجـــاء الفيلا ، ويعبث بأصابعه في الأثاث ، وبين الحين والأخر يرفع بصره للأعلى لعل جانا تكون قد انتهيت من تبديل فستانها ...
-عز بنفاذ صبر : لأ بقى مبدهاش ..
صاح عز الدين بصوت عال في جانا وقد وقف على أول سلمة في الدرج و..
-عز بصوت جهوري قوي : يا جانا ، يااااا جااااااانا.. انتي يا حاجة
-جانا من فوق: اييييه ، عاوز ايه ؟
-عز بحدة: ايييييه بقى ، كل ده بتغيري
-جانا بنبرة عالية : اصبر قربت أخلص
-عز بضيق وهو يرفع أحد حاجبيه : تخلصي اييييه بالظبط ؟؟؟ ربنا يكرمك انجزي
-جانا وهي تلوي شفتيها : طيب طيب ، اصبر ماتستعجلنيش !!!
-عز بتهكم وهو يمط شفتيه : كل ده ومستعجلكيش ؟؟؟ يا شيخة ، ده انا زهقت !!
وبالفعل نزلت جانا على الدرج حيث وقف عز الدين ينتظرها ..
تأمل عز الدين جانا بنظرات مشدوهة ، ظل يمط في شفتيه في تعجب و...
-عز وهو يمط شفتي في استغراب : ماشاء الله يا جانا ؟ انتي اتحجبتي امتى ؟؟؟؟
-جانا وهي تشير بيدها : ياااااه يا عز ، ده من زمـــــان اوي ، على طوووول بعد الفرح
-عز بتهكم : يااااا شيخة .. تصدقي مكونتش أعرف ! الله يقوي ايمانك
-جانا مبتسمة ابتسامة مصطنعة : الله يكرمك
ارتدت جانا منامة حريرية ذات أكمام طويلة ، ومن فوقها ارتدت سويت شيرت ، ثم وضعت القبعة الخاصة بالسويت شيرت فوق رأسها ، ومن فوقهم ارتدت روباً ، وأحكمت غلقه عليها ، ووضعت في قدميها لكلوك السنافر
-عز ساخراً : بس مش شايفة أنها غريبة شوية ، يعني مع كل الناس انتي بتقلعي ، ومعايا بتتحجبي ؟؟؟
-جانا وهي تلوي فمها : تأثيرك !
-عز بتهكم : لا يا رااااجل
أشــاحت جانا بيدها في وجه عز الدين ، ثم تحركت مبتعدة عنه و...
-جانا وهي تشيح بيدها : يوووه بقى ، انا جعانة .. فين الأكل
-عز وهو يشير برأسه ناحية الطاولة : ماشي يا ستي ، نكمل بعد الأكل .. بصي ايه رأيك ؟؟؟
-جانا بنظرات منبهرة : ياه دي مائدة رحمن يا بني
-عز مبتسماً : سمي بالله و كلي
مدت جانا أصابعها وبدأت في تناول لقيمات من الطعام و...
-جانا وهي تلوك الطعام في فمها : بسم الله ، ممم .. لأ طعم الأكل فعلا ..
-عز وهو يتأملها : الأكل حلو عشان انتي بتاكلي معايا
-جانا وهي توميء برأسها : اها
ظلت جانا تتناول الطعام بنهم شديد .. كانت تشعر بالجوع ، فحاولت أن تمليء معدتها بقدر ما تستطيع و..
-عز وهو يستند على يده : فاكرة اول مرة اما قولتلي اطفح
شرقت جانا فور سماعها لعبارة عز الدين الأخيرة ، وظلت تسعل و...
-جانا وقد شرقت: كح.. كح .. انت بتردهالي ؟
-عز ضاحكاً : ههههههههههههههه لالالالا . مقدرش !
-جانا محذرة : بحسب
تناول الاثنين الطعام سوياً ، وكان عز الدين بين الحين والأخــر يتأمل جانا ويرمقها بنظرات اشتياق ورغبة ..
فرغ عز الدين من الطعام الموضوع أمامه و....
-عز وهو ينفض يديه : مش يالا بقى نطلع نريح فوق؟
اضربت جانا، لقد حـــان الوقت ، فكيف ستتصرف مع عز الدين الذي يحلم بأن تكون زوجته فعلياً و..
-جانا بقلق : هه ، آآآآ.. لأ انا لسه عاوزة أحلي
-عز وهو يمط شفتيه في تعجب : تحلي ايه ، ده الواحد عاوز فوار عشان يفجر القنابل اللي في معدته
-جانا بنبرة ساخرة : اشرب زيفن
-عز باستغراب : نعم ؟؟؟
-جانا برقة: سفن آب !!
-عز بضيق : سفن آب ، سفن أم .. المهم يالا نطلع نريح فوق
-جانا بعدم اكتراث : لأ انا مش تعبانة ومش عاوزة أريح وهأقعد اتفرج عالـ TVشوية
-عز بنبرة منزعجة : اييييه يا بنتي، انتي متعبتيش . عاوزين نقول كلمتين مينفعوش يتقالوا كده
-جانا بعدم فهم : كلمتين ايه ؟؟ عاوز حاجة قولها الوقتي ؟؟
-عز بخبث وهو يغمز لها : لأ دول مش بيتقالوا ع الواقف كده
فهمت جانا ما يرمي إليه عز الدين ، لذا حاولت أن تدعي الغباء أمامه و....
-جانا بتردد : آآآ.. بص اطلع انت.. آآآ.. أنا هاقعد شوية
-عز بضيق : استغفر الله العظيم ياااا رب .. طيب تعالي عشان نصلي ؟
-جانا باستغراب: نصلي ايه ؟ مش خلاص العشا صليناها ؟؟
-عز موضحاً : لأ دي صلاة الزوجين بيصلوها قبل ما يبدأوا حياتهم مع بعض عشان ربنا يباركلهم ويتهنوا سوا
-جانا وهي توميء برأسها : أها
-عز وهو يضع يده على رأسه : وبعدين أنا بحط ايدي على رأسك وأقول الدعاء ده" اللهم إني أسألك من خيرها وخير ما جلبته عليها ، وأعوذ بك من شرها وشر ماجلبت عليها
-جانا وهي تزيح يده : اها .. في حاجة تانية
-عز: وبعد كده بقول اخر دعاء بس واحنا سوا " اللهم جنبنا الشيطان وجنب الشيطان ما رزقتنا " ..
صمتت جانا قليلاً لتفكر فيما قاله وفي النهاية أجابت بـ...
-جانا: اوك يالا نصلي
-عز بفرحة : يالا يا حبيبتي .. هتوضى واحصلك
وبالفعل صلى عز الدين بجانا إماماً في غرفة الصالون ، وحينما فرغ كلاهما من الصلاة نهضت جانا من على الأرض ، وركضت ناحية الدرج لكي تدلف إلى غرفة النوم ...
-جانا بنبرة جادة : بقولك ايه انا بنعس وجسمي مكسر وهنام ومش فايقة لأي حوارات خالص ، تصبح ع خير
فغر عز الدين شفتيه في اندهاش شديد و...
-عز بدهشة: هه !!!!
بينما أكملت جانا باقي حديثها بـ ...
-جانا: أه .. وهقفعل الباب ورايا بالمفتاح ، معلش مش عاوزة ازعاج ومش واخدة ع ان حد ينام جمبي .. سلام
صعدت جانا على الدرج بسرعة رهيبة ، في حين تسمر عز الدين في مكانه ، وظل يرمق جانا بنظرات حانقة ، فهو لم يتوقع ان تذهب جانا إلى النوم في ليلة العمــر بتلك السرعة وبمفردها ، بل والأغرب من هذا كله هو إصرارها على ان تغلق الباب بالمفتاح ..
وقف عز الدين يزفر في ضيق و...
-عز بضيق: الجايات أكتر من الرايحات .. هتروحي مني فين ؟
ســار عز الدين بخطوات ثقيلة ، ثم توجه إلى غرفة المعيشة و
استلقى على الأريكة أمام التلفاز .. أمسك بجهاز التحكم في يده ، وظل يقلب بين المحطات الفضائية المختلفة إلى أن غفا وهو ممدد على الآريكة ..
.......
وفي الصباح ،،،
فتح عز الدين عينيه ليجد نفسه قد غفا على الأريكة ، ظل يتململ قليلاً ، ويتمطع بجسده ، ثم نهض عن الآريكة وعلى وجهه ابتسامة أمل ...
صعد عز الدين الدرج على عجالة ، ثم توجه ناحية غرفة نومه وظل يطرق على باب الغرفة وهو يدندن و..
-عز وهو يطرق على باب الغرفة: يا عروووسة .. تك، تك ..افتحي يا عروووسة ، أنا العرررريس ♫
تملمت جانا هي الأخرى في الفراش ولم تصحى بعد، ولكن صوت الطرقات المتواصل أزعجها و..
-جانا بصوت ناعس : سيبيني يا أنطي أنام شوية ..
-عز باستغراب : أنطي مين والناس نايمين !! .. أنا عز يا روحي ..افتحي بقى
أفاقت جانا من نومها ، وبدأت تستوعب أن من بالخارج هو زوجها و..
-جانا وقد أفاقت: عز مين ، انا معرفش حد بالاسم ده
-عز مازحاً : طب افتحي واحنا نتعرف
نهضت جانا من على الفراش، وحاولت أن تعيد ترتيب هندامها و..
-جانا بصوت عالي : ثانية واحدة
-عز بضيق : خلصت الثانية
-جانا على مضض : يوووه ، دقيقة
-عز: ماشي ..
تأكدت جانا أن ملابسها مهندمة ، وأن شعرها مرتب .. نظرت إلى نفسها في المرآة ووجدت أثاراً لمساحيق التجميل على وجهها .. فمسحتها بأحد المناشف الورقية .. وبعد ذلك توجهت ناحية الباب وفتحته لتجد عز الدين يقف وعلى وجهه ابتسامة عذبة و....
-عز بنظرات عاشقة : صباح النور ع البنور
-جانا مبتسمة : هاي
-عز بتهكم : ايه هاي دي ؟؟ مافيش حاجة كده تحية أو تصبيرة ؟؟ ده انا أعد على ناري من امبارح !
ارتبكت جانا مجدداً من إيحاءات عز الدين لها و...
-جانا بتردد : آآآآ.. أنا... آآآآ.. بص ... الحكاية .. آآآ
-عز وهو يعقد حاجبيه : في ايه ؟
-جانا بنبرة جادة : بص ومن الأخر كده أنا مش... مش .. بص مش هينفع
-عز بعدم فهم : ايه اللي مش هينفع؟
-جانا وهي تنظر إليه بتوتر : اللي في دماغك
فهم عز الدين مقصد جانا ، فامتعض وجهه على الفور ، ونظر لها بنظرات مغلولة و...
-عز بحنق : نعم ياختي ؟؟
-جانا وهي تشير بيدها : I am off..
-عز بتهكم واضح : ايه اووف دي كمان ؟؟ قافلة ؟؟ طب وهتفتحي امتى يا حاجة
-جانا وهي تعض على شفتيها : مش عارفة أفهمهالك ازاي ..
-عز بضيق: لأ واحدة واحدة عليا ، وفهميني لأحسن أنا ممكن ارتكب جناية الوقتي
-جانا بتوتر : بص .. الحكاية ومافيها إني .. I am on holiday !
-عز بعدم فهم : نعم .. مش فاهم حاجة !
لم تجد جانا بداً من أن توضح لعز الدين ما الذي تريده ، فشبت بقدميها للأعلى قليلاً ، واستندت بيدها على كتفه ، ثم مالت ناحية أذنه وهمست له بما جعله يصدم وتجحظ عيناه .. حيث اخبرته جانا بأنه لا يجوز له الاقتراب منها لأنها في فترة الأجازة الشهرية الخاصة بكل فتاة ...
-عز بضيق: ماهو أنا ناقصها هي كمان .. ودي بتقعد أد ايه؟؟؟
-جانا مبتسمة : انت وبختك !
-عز بنبرة منزعجة : أفندم ؟؟؟؟
-جانا ببراءة : يعني من اسبوع لـ 10 ايام
-عز بنفاذ صبر : ليييييييييييييه ؟؟ هو معسكر مغلق ؟؟؟
-جانا وهي تعقد ساعديها أمام صدرها : معرفش بقى !!
-عز بخنقة: يادي الحظ المهبب .. انا قولت من الأول الجوازة دي منظورة وفقر
ظل عز الدين يتمتم بكلمات غير مفهومة ، وعلى وجهه علامات الانزعـــاج الواضحة ، نظرت له جانا بنظرات فرحة ، فهي قد نجحت في خداعه ، ثم وضعت يدها على كتفه وربتت عليه و..
-جانا وهي تربت على كتفه : معلش بقى ، بكرة تتعوض
-عز بتهكم : Die ya Donkey.. موت ياحمـــار !!
-جانا بنبرة سعيدة : عن اذنك بقى عشان هروح أفطر .. اجيبلك تاكل ؟
-عز بضيق: لأ مش عاوز اتنيل أطفح
-جانا بخبث: طيب
شعر عز الدين بالضيق الشديد ، وظل يركل بقدمه الأرض في عصبية ، أيقن عز الدين أن الحظ العاثر حليف له ..
ثم سمع صوت هاتفه وهو يرن في داخل جيبه ، فأخرجه ونظر إلى اسم المتصل على الشاشة فوجده ياسين ..
ضغط عز الدين على زر الايجاب و...
-ياسين هاتفياً : صباحية مباركة يا عمنا ، هاااا سبع ولا ضبع ؟؟
-عز هاتفياً بضيق واضح : لأ فقر
-ياسين بعدم فهم : نعم ؟ مش فاهم ؟؟
-عز بحنق : يعني صباحك زي وشك يا زفت .. أريت عليا لحد ما اتنحست
-ياسين وهو يمط شفتيه : الله ، الله مالك فيه ايه ؟؟ هي العروسة دبحتلك القطة ولا ايه ؟؟
-عز بضيق : لا دبحتلي ولا دبحتلها ، احنا اخوات يا بني !!!
-ياسين بعدم فهم : من انهو اتجاه ؟
-عز ساخراً : من المحور ياخويا ، انا مش فايقلك السعادي.. سيبني لأحسن مش طايق حد
فهم ياسين سر غضب عز الدين ، لذا حاول أن يواسيه و..
-ياسين بنبرة حزينة : معلش بقى يا زووز .. الجواز كده Ups and Downs.
-عز بضيق : طول ما انت باصصلي فيها هفضل downعلى طووووول
-ياسين ضاحكاً : ههههههههههههه كان بدري عليك عليك بدري
-عز بحدة : ولـــه ، اقفل السكة بدل ما انط في كرشك
-ياسين وهو يبتسم : خلاص هاقفل بس متزوءش
أنهى عز الدين المكالمة مع ياسين ، وهو يفكر في كيفية قضاء الأيام القادمة مع جانا .. وبالفعل توصل إلى فكرة ما جميلة ربما ستعوض ما يعانيه .. ربما ......................
#الحلقة_46
في فيلا عز الدين وجانا ،،،،
فكر عز الدين في طريقة ما تعوضه عن تلك الليلة الضائعة ، وربما ستمكن من التقريب بينهما ..
دلف عز الدين للأسفل حيث تجلس زوجته و..
-عز بنبرة عالية : جاجوووو حبيبتي انتي فين؟
ظلت جانا تتناول الطعام وهي تستمتع بكل لقمة تضعها في فمها و...
-جانا وهي تلوك الطعام : باكل سندوتش ، اعملك؟
أمسك عز الدين بجانا من معصمها ، وجذب الطعام من يدها ، ثم وضعه على الطاولة ، وسحبها خلفه و...
-عز بنبرة جادة : لأ سيبي الأكل اللي في ايدك دلوقتي
-جانا بضيق : استنى بس ، هاكل لقمة كمان
-عز مازحاً : يا بنتي أنا لو سبتك هتاكلي الأكل بالأطباق
-جانا على مضض : يوووه ، مش مخليني أعرف أكل بمزاج
اصطحب عز الدين زوجته إلى غرفة المعيشة ، ثم أمسكها من ذراعيها وأجلسها عنوة على الأريكة و...
-عز بنبرة هادئة : طيب بصي يا ستي ، بما أن مش نافع اننا نقرب من بعض اليومين دول ، ايه رأيك لو نطلع نغير جو
-جانا بأعين لامعة : واو
-عز مبتسماً : انا عندي مخطط حلو أوي ، ايه رأيك لو نطلع ع شرم ؟؟
-جانا وهي تزم شفتيها : شرم ؟ لأ
-عز وهو يعقد حاجبيه في تعجب : ليه ؟؟
-جانا وهي تمط شفتيها في قرف : جوها خنيق !!
-عز بتهكم : بقى شرم جوها خنيق ؟؟ ماهو مش هنروح الساحل ، توووبة
-جانا مبتسمة ابتسامة لئيمة : لأ هنروح حتة تانية أقرب شوية !!
-عز وهو يلوي فمه : مطروح؟؟
-جانا وهي تشير بيدها : لأ مش اوي كده
فكر عز الدين ملياً في ذلك المكان الذي تود جانا أن تقضي أول أيام حياتها معه .. و...
-عز وهو يزم شفتيه : مممم .. السخنة ؟
-جانا بضيق : هو مافيش إلا الأماكن دي ..
-عز وقد نفذ صبره : قولي م الاخر عاوزة تروحي فين وأنا أوديكي
-جانا وهي تشير بعينيها : وعد ؟؟
-عز مبتسماً : أوعدك يا ستي .. ها ع فين العزم بقى
أخذت جانا نفساً عميقاً ، ثم نظرت إلى عز الدين بكل ثقة و...
-جانا بجدية : راس البر
-عز بعدم فهم وتهكم : راس مين ؟
-جانا بنبرة جادة : ايه مسمعتش عنها قبل كده ؟ راس البر اللي في دمياط
-عز بتردد : لأ سمعت ، بس .. بس ..
-جانا وهي تشير بيدها : مافيش بس انت وعدتني !!
-عز على مضض : أمري لله .. راس البر راس البر
سعدت جانا كثيراً حينما وافق عز الدين على طلبها فمالت عليه بجسدها ، ثم لفت ذراعيها حوله ، واحتضنته بقوة و...
-جانا وهي تحتضن عز: ياهوووو
أحــاط عز الدين هو الأخر جانا بذراعيه ، وضمها أكثر إليه و...
-عز وهو ممسك بها: أمانة عليكي يا شيخة لتخليكي كده شوية
أدركت جانا أنها قد تسرعت حينما احتضنت عز الدين عفويا ، فحاولت أن تبتعد عنه و..
-جانا محاولة الابتعاد عنه: اووه ، سوري مقصدش
-عز بتهكم : هو انتي بتحضني واحدة صاحبتك ، ده انا جوزك يابت
-جانا وهي تحاول التحرر من ذراعيه : طب اوعى شوية
-عز وقد تشبس بها : لأ انا كده حلووو أوي
-جانا وهي تدفعه بيدها : اوعى بقى خليني اجهز نفسي
أرخى عز الدين ذراعيه عن جانا لتتمكن هي من التحرر من قبضته ، وتنهض مبتعدة عنه ، فينظر إليها باشتياق ويتابعها وهي تصعد على الدرج و...
-عز بنظرات عاشقة : ماشي يا عروسة ..
وبالفعل صعدت جانا إلى غرفة النوم ، وانظلت الحقائب ، وظلت تخرج بعض الثياب من دلف الدولاب المختلفة ، وترتبها داخل الحقائب والسعادة لا تفارق شفتيها ..
مر بعض الوقت حتى أعدت جانا الحقائب للسفر وتوجهت نحو سيارة عز وهي تحملها في يدها ، وما إن رأها عز الدين حتى أسرع ناحيتها ، ومد يديه وأمسك بالحقائب و...
-عز وهو يمد يده : هاتي يا جانا الشنط عشان احطها ف شنطة العربية
-جانا بنبرة جادة وهي تناوله أحد الحقائب : لأ ماحنا مس هنروح بالزلموكة
-عز متسائلاً وهو عاقد حاجبيه : زلموكة مين ؟؟
-جانا وهي تشير بيدها : زلموكتك .. ماهو المرسيدس اسمها الحركي زلموكة
-عز مازحاً : لا والله ، تصدقي أضفتيلي معلومة مكونتش عارفها
-جانا بضيق : انت بتتريق
-عز مبتسماً : لأ بنكت بس
-جانا وهي تلقيه بحقيبتها الصغيرة : طب خد شيل
-عز وهو يحملها : ياااابوي ، ايه ده كله ؟؟ انتي حاطة فيهم ايه ؟؟
-جانا بهدوء : شوية رفايع !
-عز بتهكم : رفايع !! اومال لو كانوا تخان شوية !!!
-جانا وهي تشير بيدها : يالا هنروح بتاكسي للموقف ، ومن هناك هناخد مواصلة لراس البر
-عز بضيق : طب ليه الغلب ده كله ؟ ما ناخد العربية أحسن
-جانا وهي توميء برأسها نافية : تؤ هتتبهدل
-عز مبتسماً : ماشي يا ست العريفة
........................
وبالفعل توجه كلاهما إلى موقف السيارات حيث بحثا عن وسيلة نقل لتقلهما إلى مدينة رأس البر ..
-جانا متسائلة وهي تجوب ببصرها الموقف : ها يا عز .. تحب نركب البيجو الطائر ولا المكروباص
-عز بتأفف: بيجو ايه ؟
-جانا وهي تنظر إليه : البيجو ده عربية
-عز بضيق : ما انا عارف ، يعني جيبتي الديب من ديله ، انا بس عاوز اعرف ايه اللي طيره
-جانا وهي تشير بيدها : انا هفهمك ، البيجو الطائر معناها البيجو اللي بيطير ع الاسفلت مش بيتلزم بسرعات ولا قوانين ، وهوووبا في ثانية تلاقيك في قلب المكان اللي انت عاوزه
-عز بتوتر : طب ماهو ممكن يعمل حادثة لا قدر الله
-جانا وهي توميء ايجابياً برأسها : Oh, yeah .. It's expected .. متستبعدش
أخذ عز الدين نفساً عميقاً ونظر إلى المكان حوله بتأفف شديد ، و..
-عز بتوجس : انا كده اطمنت .. بصي احنا نركب المكروباص أحسن ..
-جانا وهي تشير بيدها : اوك ، يالا
سارت جانا أولاً ، ثم لحق بها عز الدين وهو يحمل الحقائب و...
-عز في نفسه على مضض : انا قولت م الأول جوازة فقر
صعدت جانا إلى الميكروباص ، بينما قام عز الدين بوضع الحقائب في سقفية الميكروباص حيث قام السائق بربطها جيداً كي لا تسقط ، بينما توجس عز الدين خيفة مما قد يحدث
-جانا وهي تصعد : أنا هأقعد جمب الشباك
-عز مازحاً : براحتك يا حبيبتي انا هاقعد في السقف مع الشنط
-جانا بدلع : هههههههههههههههه
-عز بنبرة جادة : لأ بقى نلم نفسنا شوية بدل ما أتهور !
-جانا بخجل وهي تعبث بخصلات شعرها : اوك
ثم جلس عز الدين بجوار جانا في منتصف المقعد الأمامي وبجواره جلست سيدة وقور ، وما هي إلا لحظات حتى امتلىء الميكروباص بالسيدات اللاتي ينتمين جميعاً لعائلة واحدة.. فأصبح عز هو الرجل الوحيد الجالس في وسط تلك السيدات بالاضافة إلى السائق ...
كانت السيدة الجالسة بجوار عز الدين تنظر إليه من زاوية عينها بتعجب ، وظلت ترمق كلاهما بنظرات غريبة ...
وحينما لم تجد مفراً من اشباع الفضول لديها ، قررت أن تتحدث معهما و...
-الست زهرة بابتسامة صافية : النبي حارسكم وصاينكم ، شكلوا باين عرسان جداد ، صوح ولا أني غلطانة
-عز وهو يوميء برأسه ويقلد لكنتها : لأ صح
-الست زهرة وهي تشير لنفسها : طب ما تعرفونا بنفسيكم .. أني الست زهرة
-عز وهو يشير بيده : أنا المهندس عز الدين ، ودي جانا مراتي
-الست زهرة مبتسمة وهي تتفحصهما : يا مراحب بالعرايس
-عز مبتسماً : الله يخليكي يا هانم
-الست زهرة متسائلة : ألا يا بني ايه نوع الكالونيا اللي انت حطتها دي ؟
-عز بنبرة هادئة : La coast
-الست زهرة باستغراب : بوست مين ؟
-عز مازحاً : كولونيا خمس خمسات يا حاجة
-الست زهرة وهي فاغرة شفتيها : قولتلي بقى .. وع فين العزم بقى في راس البر
-عز وهو يلوي فمه : لسه مش عارف
-جانا مقاطعة : هنأجر عشة يا أنطي
مال عز الدين على جانا ، ثم همس في أذنها بـ ....
-عز هامساً: دي مش هتفهم أنطي بتاعتك ، انتي تقوليلها يا حاجة أو يا ست
-جانا بنبرة عادية : هنأجر في راس البر عشة يا ست زهرة
-الست زهرة متسائلة : إيوه .. عشة من بتوع العرايس ، ودي ع الشارع ولا ع المالح
-جانا وهي تمط شفتيها : لسه مش عارفين ع حسب
-عز بنبرة جادة : والله اول ما هنوصل هنسأل على اوتيل أو...
-جانا مقاطعة بحدة : لأ انا عاوزة عشة
نظر عز الدين إلى جانا باستغراب ، ثم ...
-عز بضيق : عشة ازاي يعني يا جانا ؟ هنبات ع الأرض
-الست زهرة وهي ترمقه بنظرات متفحصة : شكلك ألفرانكة يا باشيمهندز عز .. عشة يا ضنايا معناها زي البتاع ده اللي الناس بتجعد فيه كده .. بيت اصغير
-جانا على مضض : شاليه
-عز وهو يشير برأسه : اها .. طب ما تقولي كده من الصبح يا جانا انك عاوزة تأجري شاليه
-الست زهرة وهي تشير إلى جانا : مرتك واعية .. اللي يحميكي يا بتي
-عز: شكراً يا ست زهرة
ثم سمعوا صوت فتاة يأتي من أخر مقعد بالميكروباص
-وداد بنبرة عالية : أمه ، ياااامه
-الست زهرة وهي تدير رأسها : إيوه يا به .. عاوزة ايه ؟؟
-وداد وهي تشير بيدها : يامه ما تجولي للسواق يشغلنا أي أغاني بدل ماأحنا زي اللي جعدين في ميتم
-الست زهرة وهي تنهرها : بس يا بت مش ناجصين صداع
نظرت السيدة زهرة مجدداً إلى كلاً من عز وجانا وأكملت حديثها بنبرة فرحة و...
- زهرة بنبرة سعيدة : بتي وداد ، ساقطة دبلون ، وأخر العنجود
-عز مبتسماً ابتسامة مصطنعة : تشرفنا
-الست زهرة وهي تعقد جبينها : بس غلباوية جوي
-عز وهو ينظر إلى جانا : كل البنات كده
-وداد من بعيد بنبرة عالية : يامه يااااامه ، بتلوكي مع مين جدام
-الست زهرة بنبرة عالية : يا بت ده اللي مهندز عز ، عريس اجديد
-وداد بصوت عالي : مبروك يا عريس .. أني وداد
-عز مبتسماً : الله يبارك فيكي يا آنسة وداد
-وداد بنبرة واثقة : أني متعلمة وساقطة دبلون وباعرف اتكلم عنجليزي
-عز وهو يرفع أحد حاجبيه : ماشاء الله
-وداد بنبرة فرحة وعالية : ازيك يا عروسة
-جانا وهي تشير بيدها : هاي
-وداد مكملة : امنورة المكروباز
-جانا برقة: ثانكس
مــال عز الدين مجدداً على جانا ، ثم همس في أذنها بـ....
-عز هامساً لجانا: اموووت وأعرف اشمعنى أنا اللي بتديني الوش الخشب
-جانا وهي تنظر إليه بحدة : ده الموجود
-عز على مضض : متكشرين يا آنسة وداد
-وداد بحدة : لازم نجوم معاكو يا عرايس بأيتها واجب .. يا أسطى يا اسطى ، شغلنا أغاني مهرجانات كده اللي يرضى عنيك
-السائق متسائلاً : خير يا ست
-وداد بنبرة أعلى : معانا عرسان إجداد وعاوزين نروجوهم .. عندك مهرجانات
-عز بعدم فهم : ايه مهرجات دي ؟؟ مافيش داعي لأي حاجة
-وداد بثقة : مهرجانات يعني أغاني فيستيفالز Festivals)) .. حاجات اكده حلوة لأوكا وأرتيجا والمدفعجية
-عز وهو يمط شفتيه في تعجب : يا سلام .. شوف ازاي
-الست زهرة وهي تشير بيدها : يالا يا أسطى ، البت مش هتفضل تزعق اكتير
-السائق وهو يوميء برأسه : أؤمرني أحاجة
وبالفعل أدار السائق التسجيل الموجود في سيارته لتشتغل بعض من تلك الأغاني التي أصابت عز بالصداع ، بالاضافة إلى جو التزاحم والخنقة والرائحة الكريهة لبعض الركاب ..
لاحظت السيدة زهرة امتعاض وجه عز الدين ، وملامح الانزعاج البادية على وجهه و..
-الست زهرة باستغراب : مالك يا بني؟ شكلك مش مبسوط
-عز بنبرة متعبة : لأ مافيش بس تعبت من السكة
-الست زهرة وهي تضحك: باينك طري ههههههههههههههههههه
-عز بضيق : طري ايه بس ، ده انا ناشف وعصب
-الست زهرة وهي تضع يدها على فمها : ماهو باين جدامي
غفلت جانا على كتف عز الدين الذي نظر لها بكل حب واشتياق و...
-عز في نفسه بسعادة : أموت انا في جو المكروباصات ده
-الست زهرة وهي تشير بيدها: اقفل ياسطى الصداع ده ، احنا هنسمعك يا باشيمهندز اغاني من يمتنا
-عز بعدم فهم : أغاني ايه ؟
-الست زهرة بلهجة آمــرة : بت ياوداد .. انتي يا به
-وداد من بعيد بصوت عالي : نعمين يامه
-الست زهرة: عاوزين نغني اغنيتين من بتوعنا
-وداد بنبرة فرحة : عينيا يامه
-وداد لباقي البنات: يالا يابنات عاوزين نسمعوا العرسان غنيوة من بتوعنا
وبالفعل بدأت الفتيات يغنين معاً
( وادحرج واجري ، يا رمـــان .. وتعالى على حجري، يا رمـــان ، ..... )
( ع الزراعية يا ولا ......... )
وما إن وصلوا إلى مدخل راس البر حتى تنفس عز الدين الصعداء ، و....،،،،
-عز بنبرة ارتياح : اشهد ان لا اله الا الله ، وأن محمد رسول الله... أخيرااااااااا
-جانا بهزار : ههههههههههههههه غني سلامتك يا دماغي
-عز بضيق : مش ناقصك ، ماهي شورتك المهببة .. تعالي اما نشوف هنتنيل نقعد فين
-جانا: في سماسرة كتير نقدر نأجر عشة ، قصدي شاليه
-عز بحدة : لأ هنحجز في اوتيل
وبالفعل وصل كلاهما إلى فندق ما بجوار الشاطيء وحجزا فيه 3 ليال ، ثم صعدا إلى الغرفة ليستريحا قليلاً أو كثيراً على حسب ..لأن الرحلة كانت مرهقة جداااااا لعز ....................
تابعووووووني
جميع الفصول كامله من هنا 👇
الفصل الأول حتى الفصل الثاني عشر من هنا
الفصل الثالث عشر حتى الفصل الثلاثون من هنا
الفصل الثالث والثلاثون والرابع والثلاثون والخامس والثلاثون والسادس والثلاثون من هنا
الفصل السابع والثلاثون والثامن والثلاثون والتاسع والثلاثون من هنا
الفصل الأربعون والحادي والاربعون والثاني والاربعون من هنا
الفصل الرابع والاربعون والخامس والأربعون والسادس والاربعون من هنا
الفصل السابع والاربعون والثامن والاربعون من هنا
أدخلوا واعملوا متابعة لصفحتي عليها كل الروايات بمنتهي السهوله من هنا 👇 ❤️ 👇
تعليقات
إرسال تعليق