رواية حياتي العاديه الحلقه الاولى والثانية بقلم الكاتبه مني الفولي حصريه وجديده على مدونة النجم المتوهج للروايات والمعلومات
![]() |
رواية حياتي العاديه الحلقه الاولى والثانية بقلم الكاتبه مني الفولي حصريه وجديده على مدونة النجم المتوهج للروايات والمعلومات
فى مطعم فى مكان راقى بالقاهرة جلس شاب وفتاة لتناول الطعام ......... ينظر لها هو نظرات عشق واضحة اما هى فتبتسم له ابتسامة محايدة خالية من اى تعبير
ابراهيم : خلاص يا سوسن تقريبا أنا أقنعت إخواتى اننا نبيع الأرض كلها مش نصيبى بس ونتشارك احنا الثلاثة فى الشركة اللى ناوى أسسها
سوسن بإستياء : وهما يشاركوك فى الشركة ليه أنت الوحيد فيهم اللى مهندس غير أن فكرة الشركة أساسا فكرتك أنت وأنت اللى هتكون قايم بالشغل كله
ابراهيم : أيوه لكن ثمن بيع نصيبى فى الأرض اللى ورثناها عن بابا مش هتكفى كرأس مال للشركة انا محتاج ثمنها كله كبداية للمشروع وياريت بس يكفى
سوسن بحدة : يعنى المفروض يكون عندهم اخلاق ويدوك الفلوس امانة ولما المشروع يشتغل ترجع لهم فلوسهم مش يستغلوا احتياجك للفلوس عشان يشاركوك فى حلم حياتك ويستولى على تعبك بدون اى مجهود
ابراهيم : الحقيقة انهم اساسا كانوا رافضين انهم يبيعوا الارض او يشاركونى وشايفينها مغامرة مش محسوبة خصوصا وهما مستقريين فى حياتهم وكل واحد ليه شغله وحياته ....... ووافقوا بس اكراما لي لما حسستهم ان مستقبلى متوقف على المشروع ده
سوسن بتهكم : كمان هما اللى كانوا مش موافقين
ابراهيم مكملا وكأنه لم يلاحظ تهكمها: ايوه وكمان هما هيبذلوا مجهود زى زيهم كل واحد فى مجاله احنا اتفقنا انهم هياخدوا اجازات بدون مرتب من اشغالهم وبما ان الاتنين خريجين تجارة عصمت هيكون مسئول عن الحسابات ومحمود هيمسك الشئون الادارية
سوسن بحدة : كمان عايزين يمسكوا الشركة وتبقى حساباتها فى ايديهم دول مش ساهلين ابدا وناويين على نهبك
ابراهيم بغضب : ايه اللى بتقوليه ده ياسوسن انا اخواتى مش حرامية ولعلمك انا اللى اقترحت ده لان من مصلحة المشروع ان اللى يمسكوه يكونوا اصحاب المال عشان يهتموا ويخافوا على مالهم مش مجرد موظفيين عايزين يقبضوا اول كل شهر
سوسن بحنان زائف : انا اسفة يا حبيبى انا مقصدش ...... انا بس صعبان عليا انك تبقى صاحب الفكرة وكمان اكتر واحد هيتعب فيها وفى الاخر يتساوا بك بدون وجه حق
ابراهيم بسعادة : بجد ربنا ما يحرمنى من رقتك واهتمامك بس ما تخافيش يا قمر حقى محفوظ هما مش يتساوا بيا
سوسن باهتمام :مش فاهمة
ابراهيم : يعنى احنا اتفقنا ان احنا هنقبض مرتبات عادية لمدة سنتين او ثلاثة والارباح هنزود بيها المشروع عشان يكبر بوقت قياسى وطبعا بما انى مهندس مرتبى هيبقى اكبر من مرتبهم بكتير واول ما المشروع يقف على رجليه ونوزع الارباح هنقسمها على اربعة ثلاث ارباع لينا احنا الثلاثة بصفتنا اصحاب راس المال والربع الاخير لي لوحدى بصفتى المدير الفنى والفعلى للمشروع نظير الادارة ايه رايك بقى
سوسن بابتسامة : مش بطال
ابراهيم : ياحبيبتى متخافيش ...... انت بس عشان متعرفيش اخواتى دول طيبين جدا وبعدين انا حريص جدا على كل مليم من حقى عشان احقق حلمى اللى اكبر من الشركة فى اقرب وقت ممكن
سوسن : حلم ايه ده
ابراهيم : جوازنا يا قلبى انا عمرى ماهانسى اد ايه وقفتى جنبى وانك فضلتى حلمى ونجاحى على راحتك فى خروجك من بيت عمك باسرع وقت وشجعتينى انى استغل ثمن الارض فى المشروع بدل ما تفكرى فى نفسك وتقولى نشترى شقة بثمنها ونتجوز بس اوعدك ان السنتين اللى هتصبرى فيهم هاعوضك عنهم سنين سعادة وهنا
سوسن بدلال : ربنا يخليك لي وعلى فكرة مش هانسى الوعد ده وهافكرك به بعد سنتين
ابراهيم : وانا عند وعدى
************************************
مساءا فى بيت سوسن
سوسن : اما كان غدا تحفة عوضت به شويه من الحرمان اللى معيشنا فيه المفترية مرات عمك
مها : غدا ايه بس اللى بتفكرى فيه انت مش عارفة انت بتعملى ايه ........... انت بتلعبى بالنار يعنى ايه تبقى واعدة واحد بالجواز وسافر عشان يكون مستقبله ويرجع وتتجوزوا ودلوقتى توعدى واحد تانى بانك مستنياه يبدأ مشروعه
وهتتجوزيه ده اسمه ايه
سوسن : ده اسمه تعدد الفرص المتاحة لاختيار الأفضل
مها : انت اتجننتى انت قلتى لمدحت قبل ما يسافر انك بتحبيه
سوسن : ما نا كمان قلت لابراهيم انى بحبه ........والحقيقة بقى انى بحب الحياة واللى هيقدر يحقق لى حياة احسن هو اللى هيبقى بيحبنى اكتر وبالتالى انا هحبه
مها : هو مزاد يابنتى
سوسن : لا استغلال لكل امكانياتك للحصول على حياة أفضل ...... مدحت استغل وجود اخوه فى الخليج عشان يسافر له ويحقق حياة افضل وابراهيم استغل ميراثه وعلمه وتفوفه فى الهندسة عشان برضه حياة افضل وانا بالنسبة للاتنين الحياة الافضل دى يبقى ليه انا كمان ما استغلش ذكائى وجمالى اللى هما مبهورين به واحقق لنفسى الحياة الافضل
سوسن : يا بنتى انا خايفة عليكى اعقلى احسن تضيعى نفسك
سوسن : واعمل ايه بقى عشان ابقى عاقله ....... اعمل زيك مثلا ويتكتب كتابى على اول واحد يتقدملى وأوافق انى أعيش مع امه عشان ابقى خرجت من جحيم مرات عمى على جحيم حماتى
مها : رغم انى حماتى ست طيبة وكانت صاحبة ماما الله يرحمها لكن ياستى اتجوزى واحد واشترطى عليه يجبلك شقة لوحدك ولو صغيرة لو مش عاوزة تعيشى مع حد
سوسن :وليه تبقى صغيرة ليه متبقاش كبيرة وفى مكان راقى........ أو ممكن كمان فيلا
مها :منين ان شاء الله
سوسن : بصى يا ستى ...... مدحت ربنا يوفقه فى الخليج قدامه مش اقل من سنتين عقبال ما يقدر يتقدملى ........ وابراهيم كمان قدامه نفس المدة عقبال ما شركته تتعرف فى السوق ويقدر يتقدم لو فى المدة ديه لو حد جاهز اتقدم يبقى نصيبهم كده ولو مفيش فى نهاية المدة هشوف مين فيهم ظروفه احسن و أوافق انه يتقدم
مها : والتانى هتقولي له ايه
سوسن : دمعتين وانا اسفة ياحبيبي وانت عارف ان بابا وماما متوفين وان عايشة مع عمى عديم الشخصية ....... ومراته المفترية ......... اللى غصبتنى على الجوازة ديه ......... والله تنفع اغنيه
ودخلت فى نوبة ضحك هستيرى وشقيقتها فى حالة ذهول من طريقة تفكيرها
************************************
بعد مرور اكثرمن سنتين فى بيت عصمت
ابراهيم : الحمد لله رغم المشروع فى اوله لكن محقق نجاح هايل والفترة الجاية هيبقى افضل كمان باذن الله
محمد : الحمد لله ........ الحقيقة انك كنت دارس الموضوع كويس زى ما قلت ........... ورغم اننا تعبنا اوى فى الاول وصبرنا لكن الحمد لله تعبنا وصبرنا كانوا بفايدة
عصمت : النجاح ده على وش ابنى ما تنكروش ان اول مرة نوزع ارباح كانت بعد ما احمد ما تولد ومن ساعتها وربنا كارمنا جدا
ابراهيم ضاحكا : ياسلام بقى تعبنا ده كله وكلنا كنا بنخد نص مرتب وتبهدلنا وطلع فى الاخر الاستاذ احمد هو سبب النجاح
امال : طبعا ماهو الخير على قدوم الواردين واحمد وش الخير وقبليه سامح أخوه حبيب قلبى وش السعد برضه كافيه ان السنة اللى اتولد فيها هى اللى اتجوزت فيها عمه محمد بعد خطوبة ست سنين
حنان : ربنا يخليكى ياقلبى انت اللى رافعه روحى المعنوية
محمد : لو على كده يبقى وش سامح احلى اكيد لان ارباح الدنيا ما تساويش مكسبى بجوازى منك يا امال
أطرقت امال فى خجل وضحكوا جميعا
عصمت : ياسلام ما نجيب شجرة واتنين ليمون
محمد : حبيبى لا والنبى خليهم اتنين موز
عصمت : اتلموا ليكوا بيت اشربوا اللى انتوا عايزينه فيه
حنان : طب ماهو ده كمان بيتهم وبراحتهم ربنا يخليهم لبعض ويرزقهم الخلف الصالح
ردد الجميع التامين على دعاءها ولكن محمد قد لاحظ النظرة الحزينة التى احتلت عيون امال واختفاء ابتسمتها ففرد يده على كتفها محتضنا لها فابتسمت له بحب
ابراهيم : طيب بمناسبة الحالة العاطفية اللى انا شايفها انا غيرت وقررت اتجوز
بدأ الجميع تهنئته بسعادة متسائلين عن شخصية العروس المرتقبة
ابراهيم : بنت طيبة اوى اعرفها من حوالى ثلاث سنين كانت بتشتغل فى الشركة اللى كنت باشتغل فيها قبل ما افتح المشروع وهى اللى شجعتنى ووقفت جنبى كتير
عصمت : اسمها ايه بقى المحظوظة دى
ابراهيم : اسمها سوسن وبعد اذنك انا عايز احدد معهم نروح نتقدم لها على اخر الاسبوع
عصمت : ده العريس مستعجل أوى ............. عموما احنا مستعجلين اكتر منك اننا نفرح بك ....... حدد الميعاد اللى يناسبك
************************************
بعد اسبوع فى سيارة ابراهيم
ابراهيم : ما لكم يا جماعة من ساعة ما خرجنا من عند الناس محدش قالى مبروك
عصمت بغضب : مبروك على ايه على التدبيسة اللى دبسوهلك
محمد : اهدى بس ياعصمت
عصمت : أهدى ايه انت عمرك شوفت عريس بيجيب الشقة ويجهز كل حاجة لا وكمان يدفع مهر ويجيب شبكة
محمد مهدئا : على فكرة انا اه ماشفتش حد عمل كده بس على فكرة ده شرع ربنا لكن احنا ماشيين على العرف بالمشاركة مراعاة لظروف الشباب الصعبة بس لو هما عايزين يمشوا الشرع واخوك يقدر وموافق هو حر
عصمت بحدة : شرع ايه ........ الشرع اه ان هو يجهز لكن بقدر استطاعته لكن دول طلبين طلبات تعجيزية ومستوى معين مش مستواهم اصلا ........ وكمان محددين مبلغ خيالى للشبكة لا ومرات عمها تقوله اوعى تنسى هديتى وانت بتشترى الشبكة ........... وبعدين هما ما عرفوش الشرع الا فى دى ما انت شفت اللبس اللى البنت لابساه واللى مرات عمها الوقحة كمان لابسه زيه من غير ما تراعى سنها .......... ولا الغرور وقلة الذوق اللى بيتكلموا بيه ده كانهم عارضين البنت للبيع باعلى سعر........ لا وكل شوية تقولى انت مش شايف جمالها ولا كانى فى سوق نخاسة
ابراهيم معترضا : انا مالى ومرات عمها ما انا مفهمك الموقف وانها مفترية ومعذبة سوسن واختها من ساعة ما ابوهم مات واضطروا يعيشوا مع عمهم
عصمت بسخرية : عمهم ....... وهو فين عمهم ده انا ما شفتش غير لوح قاعد من غير لازمة وكل ما يجى يفتح بقه مراته تبصله يروح ساكت
ابراهيم : ما ده يخلينا نتعاطف مع البنت اليتمة الغلبانة وننشلها من العذاب اللى هى فيه
عصمت باستنكار : غلبانة ....... والله انت اللى غلبا ن دى العن من مرات عمها ومتفقين على كل حاجة ومأيدها فى كل طلباتها
ابراهيم : مضطرة ماهى لو عارضتها هتسود عيشتها بعد ما ننزل واديك شفت عمها مايقدرش يدافع عنها
عصمت : وانت ايه يجبرك تناسب عيلة زى ديه
ابراهيم : اللى جبر محمد انه يعيش مع امال اتناشر سنة وهى ما بتخلفش ورافض يتجوز عليها ........ واللى خلاك تتجوز حنان وهى معها دبلوم ورفضت الدكتورة اللى كانت هتتجنن وتتجوزك ............ اللى جابرنى انى بحبها
محمد : صلوا على النبى يا جماعة ابراهيم خلاص اتفق وما ينفعش نصغره قدام الناس ونقول له يرجع فى كلامه
عصمت : لكن ينفع هو يصغرنى قدامهم ويوافق على اتفاق انا رافضه ...... طب خدنا معه ليه بدل مش هيحترم كلمتنا
محمد : طبعا ما يقصدش بس على رايه انت مجرب الحب وبعدين العروسة اساسا بتكره مرات عمها واكيد ما هتصدق تبعد عنهم والعلاقة بينهم هتنقطع طبيعى
ابراهيم مؤكدا بلهفة : اه والله ياعصمت دى هتبقى ملهاش غيرنا بعد اختها ما سفرت مع جوزها والبركة فى امال وحنان بقى يكسبوها ويطبعوها بطبعنا
عصمت : ربنا يخلف ظنى ويسعدك بس ياترى انت معاك اللى يكفى طلباتهم دى كلها
ابراهيم : الحمد لله ما انت عارف انا بخد نص الارباح والحمد لله الشركة الفترة اللى فاتت حققت ارباح خيالية
محمد : ربنا يزيدك ويبارك لك ياحبيبى ويتملك على خير والف مبروك
ابراهيم : الله يبارك فيك يا محمد بس برضه فرحتى مش هتكمل غير لما اسمعها من كبيرنا
عصمت متنهدا : الف مبروك يا ابراهيم ........ الف مبروك ياحبيبى ربنا يتم لك بخير.
#الحلقة_الثانية
بعد مرور سنتين فى بيت عصمت
حنان باستعطاف : ازاى يعنى يبقى سبوع بنت اخوك وما تحضرش
عصمت بحزم : من فضلك ياحنان مش كل ما اجى اخد موقف من جنانهم تفضلى انت و محمد تزنوا لغاية ما اتراجع هو طول ما احنا ساكتين هو فاكر انه صح
حنان بلوم : ياسيدى احنا مالنا صح ولا غلط ماله وهو حر فيه احنا اللى علينا نروح نقف جنبه و نهنى ونبارك وخلاص
عصمت حانقا : وانا كنت طمعان فى ماله ....... لكن لما يعمل سبوع يارا بنته فى فندق خمس نجوم ويكلفه ده كله يبقى ده سفه ولازم حد يفهمه ان مش كل حاجة تقوله عليها المدام يعملها
حنان : ما انت كلمته وقالك انه عمل كده لمصلحة الشركة وان حفلة زى دى هتوسع علاقاتكم وتفتح سكك جديدة للشغل
عصمت هازئا: وانت صدقتى هو بس مش قادر يقول انها اوامر عليا من المدام وان اللى هيحضروا الحفلة المقاطيع اللى اتعرفت عليهم فى النادى اللى اشترك لها فيه بمبلغ يخض ...... بايضاح ....... ياحبيبتى احنا شركتنا بقت من اكبر الشركات وبقينا احنا اللى بنرفض بعض الاعمال وكمان قايمة الانتظار عندنا لشهور قدام
حنان برجاء : الحمد لله ربنا يزيدكم ........ طيب بقى مش نقف جنب وش السعد اللى باب الخير ده كانت فكرته ونهنيه فى اول فرحته
عصمت بنفاذ صبر: ياستى سيبك منى كفاية انت والولاد ومحمود وامال
حنان بحزن : اولا انا عمرى ما هاروح من غيرك ...... وبصراحة كده صعبان عليا ان امال تروح لوحدها وطبعا سوسن مش هتسيب مناسبة زى ديه من غير ما تحرق دمها على عدم الخلفة
عصمت متنهدا : يبقى الصح ا ن هى كمان ما تروحش
حنان بنزق : اه وتبقى ما رحتش عشان غيرانة منها زى ما سوسن بتلقح عليها من يوم ما حملت
عصمت بعصبية : اهى دى اكتر حاجة قاهرنى منه انه عمره ما دافع عن امال او منع اذية سوسن ليها مع ان امال دى شالته فى بيتها من اول ما اتجوزت لحد هو ما اتجوز الهانم
حنان بدلال : طيب ينفع نسيب امال تروح لوحدها ونسيبها تقهرها وحد الله وقوم لو مش عشان خاطر ابراهيم يبقى عشان الغالية امال
عصمت : لا اله الا الله
حنان : سيدنا محمد رسول الله
************************************
بعد مرور بضعة سنوات سامح فى الثانويه واحمد عمره عشر سنوات ويارا اربعة
فى منزل عصمت
ابراهيم : ها ياجماعة ما بتردوش ليه هتشتروا ولا ايه
عصمت بحدة : نشترى أيه ....... انت ايه اساسا اللى يخليك تبيع جزء من حصتك فى الشركة
ابراهيم متنهدا : ما قولتلك يا عصمت محتاج سيولة ضرورى فيلا لقطة فى منطقة راقية اتعرضت عليا وانا شايفها فرصة هايلة والسيولة اللى معايا مش مكفية
عصمت بخبث : لون الفيلا ايه وفى شارع ايه بالضبط
ابراهيم بارتباك : ولازمتها ايه الاسئلة دى
عصمت هازئا : لازمتها انى متاكدة ان الفيلا ما اتعرضيتش عليك انت ولا انت اللى شايف انها لقطة ولا انت بقيت بتشوف اساسا انت اتعميت وماشى ورا اللى بتسحبك
ابراهيم ناهضا بغضب : لا هى ما وصليتش للاهانة ياعصمت صحيح انت اخويا الكبير وباحترمك لكن انا ادرى بمصلحتى
عصمت بغضب : فين مصلحتك دى واحنا الاسبوع اللى فات متفقين كل واحد فينا يحط مبلغ نزود به راس مال الشركة بعد التوسعات اللى حصلت لشغلنا واننا محتاجين نشترى مخزن كبير والنهاردة جاى تقول انك مش هتقدر تدفع نصيبك فى زيادة راس المال وكمان عايز تبيع جزء من حصتك ......... ادرى بمصلحتك ازاى وانا واخوك رصيد كل واحد فينا بقى ضعف رصيدك مع انك بتاخد ضعفنا فى الارباح لكن فلوسك كلها رايحة على مظاهر فارغة وسفريات الشوبنج بتاعة المدام
ابراهيم بحدة : كل واحد حر فى حياته انا ما بحبش ابخل على بيتى وبعدين فعلا المكان اللى عايشين فيه دلوقتى ما يتناسبش مع مركزى ولا مراكزكم انتوا كمان بس انتوا حريين
عصمت بغضب : يعنى احنا اللى بخلا .... لا يا باشمهندس احنا عايشين كويس جدا بدون تفريط ولا افراط زى ما ربنا امر وبالنسبة للمكان اديك شايف كله اتجدد وفرشه على احدث تراث بس مش قادرين نسيب المكان اللى فيه اهلنا وحبايبنا واحلى ذكرياتنا
محمد : ممكن تهدوا وتصلوا على النبى وتدونى فرصة اتكلم وانا عندى الحل اللى هيرضى جميع الاطراف
عصمت وابراهيم : عليه الصلاة والسلام ..... اتفضل
محمد بهدوء : مبدئيا كده انت لازم تتاكد يا ابراهيم ان كل اللى يهمنا هو مصلحتك واكبر دليل اننا مش عايزينك تبيع نصيبك رغم انه مكسب كبير لاى واحد فينا لو اشتراه صح ولا لا
ابراهيم بصدق : وانا معنديش شك فى ده
محمد : الحمد لله ....... طيب بالنسبة ان المكان مبقاش مناسب فده للاسف حقيقى
عصمت معترضا : بتقول ايه يامحمد
محمد : بقول الحقيقة بعيد عن العواطف وانا بفكر فى الموضوع ده من فترة وزاد تفكيرى لما احتاجنا للمخزن وتقريبا لقيت حل مثالى بس كنت بدرسه كويس قبل ما افاتحكم فيه لكن اللى حصل دلوقتى عجل بانى اقوله
عصمت : ايه الحل ده
محمد : لقيت مساحة ارض كبيرة جدا بسعر ممتاز وفى منطقة راقية جدا هنشتريها احنا وشركتنا تبنيها ............. ارضى كبير نستخدمه مخزن وخمس ادوار عل شقتين الشقة الاولى هتبقى بيت العيلة نتجمع فيها ونتونس ببعض والتسع شقق الباقيين كل واح ياخد ثلاث شقق وهو حر فيهم بالنسبة لك يا ابراهيم اختار اى ثلاث شقق تعجبك وصممهم بنفسك على مزاجك دوبلكس تعمل تحت شقتين استقبال وفوقهم شقة اوض نوم او العكس برحتك واعمل سلم داخلى مش تفرق عن اى فيلا وتبقى ارخص كتير وهيوفر المخزن اللى محتاجينه وهتتنقل للمستوى اللى عايزه
عصمت : بس انا مقدرش اسيب هنا
محمد : ولا انا والله عارف هامشى ازاى بس خطوة لابد منها وكفاية انه يبقى لينا شقة عيلة بدل ما كل ما نحب نجتمع نفضل رايحيين جايين ونضايق حنان
حنان بعتاب : بقى كده يا محمد طيب انا بقى مش موافقة
محمد باغراء: مش موافقة تبقى انت وحبيبتك مع بعض 24 ساعة
حنان بسعادة : لا لو الموضوع فيه امال يبقى افكر
محمد ضاحكا : انا كده معايا حليف قوى وضمنت موافقة عصمت يبقى على خيرة الله
الجميع مرددا الخيرة فيما اختاره الله
************************************
سوسن بحدة : يعنى ايه اطلب منك فيلا تروح تجبلى شقة وتقولى هتبقى فيلا ومع اخواتك كمان
ابراهيم موضحا : بصراحه محمد حلها حل عبقرى ووفر عليا خسارة كبيرة وفى نفس الوقت هنفذلك طلبك يا حبيبتى بس بتنازل صغير منك
سوسن بغضب : وانا اتنازل ليه الفيلا اللى عجبتنى تشتريها لى واتصرف انت مع اخواتك
ابراهيم بمهدانه : بصى يا حبيبتى انا هاشرحلك الصورة كاملة واللى تامرى به انا تحت امرك ..... لو هما الاتنين بس زودوا راس المال وفى نفس الوقت انا بعت جزء من حصتى معنى كده ان نصيبى مش هيتجاوز عشرة فى المايه بعد ما كانت التلت وده معناه نقص كبير فى نصيبى من الارباح وبالتالى دخلنا هيقل ......... بس لو نفذنا فكرة محمد راس مال الشركة هيزيد واعمالها هتتوسع وبالتالى ارباحنا هتزيد ودخلنا هيزيد واقدر بعد مدة ابيع نصيبى فى العمارة اللى هتتبنى واكمل واشترى لك فيلا احلا من اللى عجباكى دلوقتى ....... لا وليه نشترى فيلا انا ساعتها اشترى ارض فى المكان اللى يعجبك ونصممها على ذوقك ........ايه رايك بقى
سوسن بضيق : بس انا اللى هختار تصميم العمارة وكمان هاختار الادوار اللى تعجبنى
ابراهيم بسعادة : بس كده انت تامرى
***************************
تم الانتهاء من انشاء المبنى واثثت شقة العائلة باعلى مستوى واجتمعوا فيها لتسوية امورتقسيم ادوارالمبنى
سوسن بتكبر : انا اللى هنقى الاول انا عايزة الشقة اللى قدام دى والشقتين اللى فوقها
أسرع محمد بالرد بعدما لاحظ ضيق عصمت من اسلوبها محمد : مفيش مشكلة احنا اللى اقترحنا على ابراهيم اساسا انك تنقى الاول
ثم نظر لامال وحنان ممازحا : وانتوا يا قمرات اختارتوا ايه
فردوا فى نفس واحد بلهفة : الشقتين اللى فوقيها قدام بعض
عصمت ضاحكا : ماشى دول اللى هتقعدوا فيهم الاربع شقق الباقيين كل واحدة دور ولا برضه كل دور قصاد بعض
فردوا ايضا فى نفس واحد : لا كل دور قصاد بعض
ونظروا لبعضهم وانفجروا بالضحك
محمد وهو سعيد بسعادة حبيبته : والله كنت متاكد انكم هتلزقوا لبعض وتبعونا ....... لا وامال مش راضية تيجى ابدا ثم اكمل مقلدا صوت امال مش هاقدر امشى من هنا هاموت قبل ما اسيب ذكريات احلى ايامنا ........واقنعتها بالعافية واول ما لاقت حنان نسيت الدنيا
سوسن وقد غارت من تعلقهم ببعضهم وارادت افساد هذ الجو الحميمى : حقها اعذرها اكيد خايفة يعنى انا التلات شقق بتوعى هيبقوا ليا انا ورنا ولو جاتنا حاجة كمان فى وحنان شققها ليها هى وسامح احمد فمن حقها تقلق ان ممكن وجود شقتين زيادة مقفولين عندك يخلوك ممكن تبدتى تفكر فى موضوع الاطفال
صمت الجميع فاجأة ونظروا لها باستنكار ولم يرد احد حتى لا تنفجر دموع امال المحبوسة بعينيها ولكنهم فوجئوا برد محمود الهادئ : هو انا لسه هافكر فى موضوع الولاد ده انا فكرت وقررت وابتدايت التنفيذ من شهرين
بدت الصدمة على وجوه الجميع وتطلعوا بذعر الى وجه امال الذى ظهرت عليه اثار الصدمة جلية حتى انها استندت الى ظهر المقعد المجاور لها حتى لا تخونها قدمها وتسقط امامهم وهى تتمتم بقهر: حقك
فرد بحنان : طبعا حقى
سوسن بشماته : طب الحمد لله اهى امال كمان تقبلت الموضوع ببساطة ايه التفاصيل بقى
أخرج من جيبه تذاكر طيران وقال بسعادة : التفاصيل ياستى ان انا وامال محجوز لنا فى اكبر مستشفى فلندن عشان نعمل حقن مجهرى والدكتور اللى انا براسله من شهرين اكد لى ا ن الامل كبير وحدد ميعاد العملية بعد اسبوع وهنسافر بعد بكرة ونعمل الفحوصات اللازمة قبل العملية
سوسن بدهشة : ازاى انا اعرف ان النوع ده من العمليات بيتاخد قبل منه ادوية لشهور مش بتتعمل فاجأة
محمود مبتسما وهو ينظر للذهول على وجوههم وخاصة امال : لا ما انا بقالى شهرين بدلع حبيبى وكل يوم الصبح وبليل باعمله بايدى كوبايه لبن وبجبها فى السرير وبشربه لها بنفسى
اسرع لالتقاط امال بين ذراعيه عندما وجدها تسقط فدفنت وجهها فى صدره واجهشت بالبكاء
حنان وهى تبكى : ومقلتش ليه
محمد وهو يحتصن امال بقوة :عشان تفضل شهرين فى الحالة اللى انت شايفها دى ........وأكمل ضاحكا ....... واللى يضحك انها صدقت ان اللبن عشان التحاليل قالت ان الانيميا عالية ....طب ايه علاقة اللبن بالانيميا ... ده للكالسيوم يا متعلمين يا بتوع المدارس
امال وهى تلكمه فى كتفه ومازالت تدفن رأسها بصدره : ياعنى انا غلطانة انى بصدقك
محمد بحب : لا يا قلبى بس ممكن تصدقينى دلوقتى وانا بقولك انى متاكد ان ربنا هيكرمنا
عصمت بلوم : طب ما قلتش ليا انا ليه
محمد : بصراحة انا من ساعة ما الدكتور قالى وانا حسيت ان العتبة الجديدة قدمها خير وقلت ان الخبرده هيكون اول فرحة فيها
حنان بسعادة : واى فرحة ...دى فرحة العمر والتف الجميع حولهم يهناؤهم بسعادة عدا قلب حاقد
************************************
بعد مرور تسعة اشهر وعلى باب غرفة العمليات باحدى المستشفيات يقف محمد مع اسرة اخيه عصمت
محمد : يارب اقومها بالسلامة يارب ........ انا مش عايز ولاد .......... المهم هى تبقى بخير يارب
عصمت : يا بنى اه الدعوة الوحشة دى............... اطمع فى كرم ربنا ده ربنا كريم اوى .... وادعى الاتنين يقوموا بالسلامة
احمد ذو الثمانى سنوات : هو انت مش عايز النونو ليه ياعمى ..... اهو انت مش بتحبها
محمد : لأ طبعا ده انا بحبها قوى واستنيتها كتير قوى بس من خوفى على امال مش عارف ادعى كويس
احمد : طب خلاص ادعى انت لطنط امال ..... وانا هدعى لنونو ... ماما علطول بتقول ان ربنا بيحبنى وبيستجيب لدعوتى...... يارب النونو تبقى كويسة ..... يارب ..... يارب
فتح باب غرفة العمليات وخرجت الممرضة ضاحكة : بنوتة زى القمر ...... ربنا يخليهالك ويبارك فيها
محمد بلهفة : وامال عاملة ايه
الممرضة بابتسامه : فى احسن حال تفوق بس وننقلها اوضتها وتشوفوها وتتكلموا معها
احمد بسعادة : شفت ياعمى ..... البنوتة جات عشان انا دعيت يعنى ربنا سمع كلامى وادهانى تبقى بتاعتى
محمد ممازحا : خد ابنك ده من هنا ياعصمت استنى كل ده وفى الاخر بتاعته عشان دعوة
أحمد حزين : يعنى ايه مش هتدهانى بعد ما دعيت
محمد مداعبا : متزعلش ياسيدى هخليك تشالها شوية
أحمد بحماسة : طيب سميها منى عشان فى الفيلم الرجل بيشيل البنت هى منى وهو احمد نبقى زيهم
محمد بصدمة : يالهوى....... شيلوا الواد ده من قدامى ..... ده ناوى للبنت اللى حيلتى على نيه سودة من قبل ما اشوفها
حنان : خلاص بقى يا ابو منى ....... حقه مش هو اللى دعى ....... وبعدين مين قاللك ان نيته سودة..... احمد ياحبيبى هو فى اخر الفيلم ايه لى حصل
أحمد ببراءة : احمد ومنى اتجوزوا
حنان ضاحكة : شوفت بقى ان نيته مش سودة ولا حاجة ...... الولد طالب الحلال
**************************
تابعوووووووني
رواية الطفله والوحش كامله من هنا
رواية جحيم الغيره كامله من هنا
رواية مابين الضلوع كامله من هنا
رواية سيطرة ناعمه كامله من هنا
رواية يتيمه في قبضة صعيدي كامله من هنا
الروايات الكامله والحصريه بدون لينكات من هنا
إللي خلص القراءه يدخل هيلاقي كل الروايات اللي بيدور عليها من هنا 👇 ❤️ 👇
❤️🌺🌹❤️🌺❤️🌹❤️🌺🌹❤️🌺🌹❤️🌺🌹❤️🌺🌹🛺🛺🛺🛺🛺
الصفحه الرئيسيه للروايات الجديده من هنا
جميع الروايات الحصريه والكامله من هنا
انضموا معنا علي قناتنا بها جميع الروايات على تليجرام من هنا
❤️🌺🌹❤️🌺❤️🌹❤️🌺🌹❤️🌺🌹❤️🌺🌹❤️🌺🌹🛺🛺🛺🛺🛺