رواية زواج مصلحه الفصل السادس عشر والسابع عشر بقلم الكاتبه هناء أيمن حصريه وجديده على مدونة النجم المتوهج للروايات والمعلومات
 |
رواية زواج مصلحه الفصل السادس عشر والسابع عشر بقلم الكاتبه هناء أيمن حصريه وجديده على مدونة النجم المتوهج للروايات والمعلومات
وصلت على البيت ودقات قلبي عاليه حطيت شنطتي على الطاوله والابتسامه شاقه وجهي لاجى صوت من وراي
لؤي : بتحبي
ايليا : لؤي انت هون من متى
لؤي : من شوي روحت من الصبح ما شوفتك شو ايليا لهدرجه وصل معك الحب
ايليا : لاء يا لؤي أنا ما بعرف شو مالي ممكن إعجاب هرمونات
لؤي : شوفي ايليا كلمه وحده رح احكيها بعدين طالع لانو صارلي يومين هون وانا بحب اضل أسافر
ايليا : احكي
لؤي : الشب إذا بحبك بضحي على شانك ويل بحبك ما تفرطي فيه ويل بدو رضاكي تمسكي فيه واوعك تكبي
ايليا : صاير حكم طيب وشو نظريتك عن ادم
لؤي : ادم بحبك بس لسا ما وصل المرحله يل انت بتتخيليها على العموم ما تفرطي من أيدك
ايليا : بشوف ان شاء الله
لؤي : ديري بالك على حالك
ايليا : وانت كمان
ودعت لؤي وابتسمت قررت اعمل الو عشا لطيف على ذوقي وقفت بالمطبخ وبلشت اعمل لازانيا
ايليا : زمان عن طبخاتي
يا دوب نص ساعه حسيت في إيدين بتضم خصري
ادم : مرتي الحلوه شو بتعمل
ايليا : يي ادم خوفتني كيف دخلت
ادم : منطقيا من الباب
ايليا : ومين فتحلك
ادم : منطقيا للمره الثانيه سونيا المهم شو بتعملي
ايليا : بعملك عشا من تحت ايدي
ادم : وليش تغلبي حالك من برا بجيب
ايليا بزعل مصطنع : يعني مارح تحب أكلي
ادم : لا يا حلوتي مابدي ايديكي الحلوين تلمس اشي إلا أنا بخاف عليكي من التعب
ايليا : اف ادم صايره جرعة قلة الأدب عندك عاليه
ادم : مين قلك عاليه هاد ولا اشي
ايليا بخجل : طيب ابعد يلا هي لازانيا جاهزه
قعد ادم واكل بتلذذ
ادم : يم يمي ياعمي شو هاد مرتي بتعرف تطبخ أزكى اكل
ايليا : عجبك
ادم : اكيد عجبني حتى لو في ريحان
ايليا : خلص جد ما كنت بعرف
ادم بهدوء ونبرة صوت حزينه : بتعرفي متى آخر مره اكلت هيك طبخه
ايليا : متى
ادم : من لما امي كانت متجوزه ابوي تقريبا امي عمرها ما طبخت إلا مره عشان صاحباتها وما عادتها طول عمرها تسوق وحياتها وهي حتى يوم عرسي ما اجت حضرت بحجة اجتماع مهم اما ابوي مابعرف شو احكي عنه هو يحاول يعمل شو ما بدنا بس قاسي وحبيبتي رنا صحيح هي اختي بس علاقتي فيها مش بزياده بتعرفي يا ايليا صح عيلتنا غنيه وكلشي متوفر فيها بس عمرها ما كانت سند لبعض او حتى حناين حتى أنا تمنيت اعمل بيت عكسهم بس مابعرف معقول اكون اب ناجح او حتى زوج ناجح طول عمري فاشل بكلشي حتى مشاعري فاشل اني اعبر
ضليت اتأمل فيه وبملامح الرجوليه وسامعته بتركيز يحكي يل بقلبه حكى كلشي تقريبا عن حياته الجامعيه عن اهله اصدقائه وما بعرف لي قلبي بدق بصوت تقريبا مسموع معقول ادم عاش كل هل معاناه لحاله
ادم : حاسس حالي حكيت كثير
ايليا : احكي يل بدك ياه هيني بسمعك
وقف من مكانه واجى عندها باس ايدها بلطف
ادم : شكرا لانك سمعتيني .. وانتي ايليا احكيلي عن حالك أنا حرفيا ما بعرف عنك اشي واذا كان في حدا بحياتك سابقا
ايليا : اممم أنا حياتي مع اهلي هاديه دلوعة العيله ماما مع انها من عيله وعندها مساعدات إلا انو كانت دايما تحب تطبخ من ايدها كل يوم طبخه شكل حبيبة قلبي هي مش بس امي وأختي وصاحبتي عمرها ما حسستني اني بدون اخت اما يحيى طايش بس قلبه ابيض هو تقريبا بير أسراري يوم ما ترك رنا أنا شجعته عشان كان خايف من ابوي لانه ببساطه ابوي ما برفض الي طلب ومغرقني في حنانه لهيك ما كنت اسمح لحدا يحكي معي بالجامعه وما كنت اعطي وجهه لشباب لانو بعرف طمع بجمالي مش اكثر كنت اصد لجميع لحد
ادم بأبتسامه : لحد ما اجى ابن العزام الطايش المجنون وخرب حياتها صح
ايليا : امم فيك تحكي هيك شي بس انت ما خربت حياتي انت اكبر درس بحياتي
ادم بلطف : وعد لأحاول قد ما اقدر أعوضك وشو ما بحكي ما بقدر أتشكرك انت أغلى انسانه عندي ايليا شكرا لانك جزء بحياتي
ايليا : ولو اي وقت أنا موجوده يلا تعال نحضر فلم مع بعض
ادم : جد بتحكي
ايليا : اكيد يلا
سحبته من ايده وكان وراي مثل المسحور شغلنا الفلم وبلش
ادم : رومنسي شكله
ايليا : اه يلا احضر
ادم ما ركز بالفلم ركز على ملامحها يل مركزه على الفلم تأمل وجها انفها عيونها فجأه لفت ايليا وجها
ايليا : شايف ما اثقل دمه مش راضي يعترف للبطله … ادم احم في اشي
ادم : ليش قطعتي أجمل اللحظات
ايليا : لا ولا اشي الفلم أنا بقول خليني اكمل
ادم : ياريت
بلش يحضر ادم معها ولا فجأه حس اشي ثقيل على كتفه لف وجهه لقى ايليا نايمه
ادم : حلوتي نامت
حملها بلطف وعلقت ايدها برقبته طلعها على الغرفه وقبل ما يطلع مسكت ايده
ايليا : خليكي ماما بخاف من العتمه
ابتسم بحب وسمح لحالو ينام جنبها ومسك رأسها وحطها على صدرو ونام نومه عميقه
…..
في الجهه الثانيه لونا قررت التوافق على يحيى وتعطي فرصه ابتسمت وهي بتبعت رساله الموافقه والا بتسمع صوت جاي من برا بنادي استغربت مين اجى بهل وقت اطلعت لقت يحيى راسم قلب وقاعد عليه
يحيى : لونا بحبكككك
لونا : وطي صوتك بلاش حدا يسمعك
يحيى : ويسمعوا مافي مشكله بسرعه انزلي قبل ما افلت
لبست باجرها ونزلت
لونا : شو بدك يحيى
يحيى : موافقه تتزوجيني انت بس احكي موافقه بكرا ببعث اهلي
لونا : جد بتحكي
يحيى : طبعا لانو اخذنا موعد من اهلك يا حلوه كلشي في الحلال احلى شو رايك
لونا : موافقه بس ابعد أعطيني الخاتم
اخذت الخاتم ولبستو هي بأيدها
لونا : بكرا بس تيجي مع اهلك ونحدد موعد كتب الكتاب بتلمس ايدي
يحيى : رح تتعبيني معك
لونا : اكيد يحيى الفرواني أنا لونا مش اي حدا
يحيى : انت اطلبي يل بدك ياه وانا حاضر اطلبي وتمني بس متى يجي بكرا
لونا : ما تخاف ان شاء الله بيجي رح ابعث رساله له لولي يلا مع السلامه
يحيى مع ابتسامه عاشق : مع السلامه
….
ثاني يوم الصبح صحيت ايليا قبل ادم بس هل مره ما صيحت زي المره الاولى بالعكس قعدت تتأمل وجهو وتفاصيل شعره وحلاوته ما قدرت ما تلمس وجهه
ايليا : يعني هاد الجمال ورقه والحلاوه كلها الي بس
نقزت من شدة خصرها بايدو
ادم : الك بس متى رح ترحمي وتصيري مرته
ايليا بخجل : انت صاحي كيف ومتى
ادم :صاحي قبلك بتأمل الجمال يل قدامي
ايليا : صباح الخير
ادم : هيك ناشف
ايليا : ادم لو سمحت ما تضغط علي
زبط قعدته وركى ظهرو
ادم : معك حق مع هيك رح استناكي نيالك يا مرتي على هيك زوج
ايليا : اممم هيك زوج بل بالبدايه شليتني كيف هيك تغيرت
مد ايده وقربها عليه وشبك ايدها بأيده
ادم : ببساطه لقيت العوض وحسيت لعبة القط والفأر على الفاضي بعدين يا مرتي مية مره سألتي السؤال ولو سألتي اكثر برضو رح أجاوبك
ايليا : بتعرف كنت خايفه منك جاي على بالهجوم ويوم ما عرفت وردة فعلك قدام الكل خوفتني اكثر قلت حياتنا رح تكون جحيم حتى انت بلسانك حكيت رح تشوفي ايام ويل
ادم اطلع فيها بحب
ادم : ببساطه غبي يعني سؤال إذا ضيعتك من ايدي من وين الاقي زيك مارح الاقي مابعرف ليش كنت مصر على حياتي القديمه المعفنه يل اساسا ما كنت عارف راسي من اجري ما انكر كنت خايف من المسؤوليه يل نحطت علي فجأه بس ياريت كل المسؤوليات هيك عيونها زرقاء بتسحرني وشعرها الأشقر قاتلني
ايليا : ادم ما تخجلني بعدين يل بسمعك بقول مش نفس الشخص يل كان يوم العرس كثير أحرجتني وحكيت عني كلام ما بينحكى
ادم : كذاب كنتي قمر مصور على الأرض بس بقتع لحالي اني رح انتصر وأفوز بهل حرب بتعرفي يومها صاحبي حكالي انت ما بتستاهلها وصار يتغزل فيكي
ايليا ضربته بخفه على صدرو
ايليا : وانت طبعا حكيت الو خذها
ادم بخجل : غبي مش عارف قيمتك
ايليا : ما تحكي عن زوجي غبي ما بسمح الك
ادم انصدم من ردة فعلها حملها ولف فيها
ايليا : ييي نزلني
ادم : تحمست ماكنت بعرف مرتي بسكوت
قطع لحظتهم اللطيفه صوت رنة تلفون ايليا بعدت عن ادم وراحت ترد
ايليا : جد …. الف الف مبروك حبايب قلبي ان شاء الله اليوم بروح من الدوام بكير وباجي عليكم اشتقت الكم … لا لا يا امي شو ادم لهاني الحياه والانشغال اوك
سكرت الخط وابتسامتي شاقه وجهي جد فرحت الهم من قلبي
ادم : شوفي لولي شو صار
ايليا : امي اتصلت علي تحكيلي اليوم بدنا نروح نطلب لونا ليحيى
ادم : اف سرعه التخطي عند اخوكي
ايليا : لا ادم مش سرعه تخطي اخوي عمرو ما حب رنا وكان حياتهم رح تنتهي بطلاق
ادم : امم مش شرط هينا أنا وياكي حياتنا صارت احسن وما انتهت بطلاق
ايليا : لانك ببساطه انت اخترت تحافظ علي بس يحيى ولا يمكن يحافظ على رنا لانو ببساطه قلبو معلق في لونا
ادم : وجهه نظر هلاء اتركيني منهم احنا لوين بدنا نوصل
ايليا : ادم مش حكيت انك مستعد تتحملني لأكون جاهزه
ادم لف عندها ومسك شعرها بلطف
ادم : مستعد استناكي العمر كلو إذا بدك ويريحك بس يعني فكري بقلبي وكيف بنام الليل وانا جنبي كتلة صاروخيه بعيون لوزيه
ايليا : صاير شاعر امم تحمل مش بدك تسرق قلب بنت الفرواني تحمل
قامت بنعومه من جنبه
ادم : وين رايحه
ايليا : ما بدك نحضر الفطور
ادم : اكيد
ابتسمت إيليا ولفت باتجاه آدم وهي فرحانة كتير.
آدم قرب منها وطبطب على شعرها بخفة:“طيب، يلا نجهز حالنا، بس قبل كل شي… بعدها فطور محترم.
ضحكت إيليا:آدم مش رح تلحق تتأخر
آدم وهو بيغمز:فطور مع مرتي أهم من الشغل كله.
دخلوا عالمطبخ سوا. آدم أصر يساعد، وقعد يكسر البيض بطريقة عشوائية نصه برا الطنجرة.
إيليا ضحكت وصرخت:يي آدم فضحتنا.
آدم:“عادي أهم شي الإحساس، مش الشكل
إيليا بخبث:آه الإحساس… ريحة البيض المحروق!
آدم عمل حاله زعلان ومسك المقلاة، بس حرق إصبعه وصار ينفخ عليه بطريقة مضحكة.
إيليا ركضت عليه ومسكت إيده:يي بدك اسعاف؟
آدم تمسكن وهو يضحك:آه، بدها بوسة… هيك العلاج عندهم.
ايليا ضربته بخفه : بلاش قلة ادب مش طبيعي صاير
ادم : حاضر ممكن تحطي عليها كريم
ايليا : ايوا من عيوني
جابت كريم وحطته بخفه وهو بتأمل فيها
ايليا : خلصنا شوفت ما أسهلها
ابتسم ادم على عفويتها واكلوا الفطور بضحك وبعدها راحوا على الشركه والاثنين جنب بعض ببتسموا لبعض وفي عيون فوقيهم بتراقبهم بفخر
ادم : رح اروح على مكتبي ديري بالك على حالك
ايليا : وانت كمان يلا مع السلامه
رحت على المكتب وانصدمت قاعده بكل كبرياء وقفت بغرور ومدت ايدها
#زواج_مصلحه
#بقلم_هناء_ايمن
#الجزء_السابع_عشر_والأخير
….
لمى : بعتذر منك امبارح ما تعرفني علي منيح
ايليا : اها اهلا وسهلا انسه لمى
لمى : أهلين احم من دون مقدمات ايليا شو بينك وبين ادم
ايليا بابتسامه استفزازيه : على الاقل اشربي قهوه
لمى : مابدي شكرا شربت مستعجله المهم احكيلي شو بينكم لانو بصراحه عاجبني ويعني من الاخر بدي ياه أنا ما اجيت من فرع لفرع عشان تكوني بطريقنا
ايليا بأستفزاز : اها حبيبتي أنا مرته سمعتي ولا احكي بصوت اعلى مرته شوفي ايدي مزينه بخاتمه واذا بتقربي عليه اجريكي بكسرهم فهمتي زوجي الي وانا الو اوعك تفكري بفلم الابيض والأسود تبعك رح اصدقك انو مثلا وعدك بأشي او او اي اشي ثاني لاني ببساطه واثقه من زوجي
لمى : اعتبر يل بتحكي تهديد يا مدام
ايليا : لا يا حلوه اعتبري يل بحكي طرد وما تقعدي تحكيلي تعسفي ببساطه بروح بحكي لعزام حماي شو عملتي وشو حكيتي واوعك تفكري تنافسيني بأشي ملكي رح تكوني الخسرانه من الاخر ثقتك هاي لفيها وحطيها بمكتبك وشغلك وما الك دخل بغيرك
لمى : كيف ومتى تزوجتوا إذا هو ما اعترف انك مرته
ايليا : لا يا قلبي انت طرشه حكى امبارح بعرفك على مدامتي ياء الملكيه ايليا وهو زوجي وصلت
قطع حكيهم صوت الباب
ايليا : ادخل
دخل ادم وقرب عليها وحضنها
ادم : مرتي الحلوه نسيتي أسوارتك بسياره هاتي إيدك
طلعت ايدها ايليا بغرور ولبسها
ادم : طالعه عليكي بتجنن … انسه لمى ممكن تتركي الزوجين لحالهم
لمى بقهر : حاضر ماشي أنا بفرجيكي بتستفزيني
ادم : اعتبري حالك مطروده عينات معفنه
قرب وسكر الباب
ايليا بخجل : شو جابك
ادم بلطف : صوتك لبره يا حلوه قلتيلي زوجك وانا ملكك شو هل حلاوه حبيت ياء الملكيه احكيلي ادمي
ايليا : ييي ادم من من متى انت برا
ادم : هه من لما دخلتي قلتيلي بدك تكسري أجريها إذا بتقرب كيف لو تعرفي انو ادم العزام ماحدا معبي عينه إلا لؤلؤته الحلوه
ايليا : ادم لي بتقرب احنا بالمكتب
ادم : طز بالمكتب ما بضيع هل لحظه
ايليا : بالبيت هون لا
ادم : كيف طيب بعد ما اعترفتي اني الك وملكك واتركك
قربت بنعومه وحطت ايدها على رقبتو انصدم من ردة فعلها
ايليا : معك حق بس اصبر الصبر جميل
باسها من رأسها وحضنها بقوه
ادم : حاضر رح اصبر اشوف اخرة صبري
ايليا بحب : ما تخاف اخرته خير ان شاء الله
ادم : اخرته بيبي
ايليا : خلص ادم ءييي مش طبيعي قلة ادبك
ادم : انت ملاحظه من الصبح قليل ادب قليل ادب
ايليا : مستر قليل ادب
قطع لحظتهم اللطيفه صوت سكرتير عزام بدو ادم ضروري
ادم : هادمين اللذات متى رح نكون في بيت واحد
ايليا : ضحكت ما احنا دايما في بيت واحد
ادم : المفهوم الثاني
ايليا بخجل : خلاااص روح
ضحك بلطف وراح عند عزام
عزام : اهلا بابني الغالي تفضل وجهك منور
ادم : شايف هاي افعال الحب
عزام : شو يا حلو شايف انك واقع في بنت الفرواني
ادم : بصراحه يا ابوي اه هل بنت قلبي حبها بكل كيانه ما توقعت أتغير بيوم وليله بهل طريقه فكرت بالبدايه حبي الها إعجاب كشكل بس طلع كلشي بخصها حتى اصغر تفاصيلها
عزام : ببساطه هاي اختيار أبوك عشان تعرف عمري ما كنت اب قاسي طول عمري بدي مصلحتك انت ما بتعرف كم مره باليوم احس حالي بنطعن لما يحكولي ابنك وابنك احس حالي عاجز طيب واذا زوجتك اكيد رح تصير اسوء ما انكر عليك ايليا تجوزتك غصب مثل ما شوفت بالفيديو ومش بارادتها عشان عيلتها هل بنت ضحت كثير دير بالك عليها وحياتك القديمه انساها واذا بدك تطلقها ياريت اطلقها هلاء قبل ما تتعلق فيك هل بنت مثل بنتي وبخاف على مشاعرها رغم اني متاكد انها غيرتك حتى واضح من شغلك وكلامك بطلت دفش زي قبل او طايش بطريقه مؤذيه بس ياريت لو هل تغير مؤقت ايليا اطلقها وما تخاف حقوقها رح توصلها حتى زوج بخاف عليها من نسمه موجود
ادم : صحيح كلامك كنت طايش ومابعرف مصلحه حالي حتى ما بعرف ليش فكرة الانتقام كانت بس هي براسي ما توقعت انبسط او احس حالي مبسوط معها لا الموضوع فاق الانبساط صرت اشعر انها العوض ونصي الثاني ومستحيل اطلقها او افرط فيها ما صدقت متى لقيتها وان شاء الله اضل معي العمر كلو ثانيا بابا أنت عمرك ما أشعرتني انك بتحبني او بتهتم لمصلحتنا طبيعي افكر انو ايليا مجرد لعبه منك لتوقعني ما توقعت انها هل قد ضحت علشان اهلها وانها أطيب قلب ممكن أقابله بحياتي ممكن هل اشي الوحيد يل بتشكركك عليه فعلا هي ايليا وشكرا كمان لانك كنت وما زلت الاب يل بخاف علي صحيح اني كنت طايش ولا أطاق بس هاي ردات فعل من القيود الغريبه يل كنت أشوفها بيوم ما كنت متوقع انها تكون لمصلحتي بتشكرك
عزام بحب : اخيرا حكيت اشي منيح عني … طيب بعد كل هل كلام مافي حضن
ادم : حبيبي بابا شكرا الك لانك بحياتي
مرق اليوم اللطيف وطبعا ادم حكى عن لمى وبالفعل عزام عمل المناسب اما عصافيرنا وضعهم كان احلى من الحلويات وفي آخر دوام
سبقت إيليا آدم على بيت أهلها لتساعد بتجهيز طلبة يحيى ولونا.
دخلت على البيت وهي مبتسمة وفرحانة، ريحة القهوة والبخور مالية المكان، وأصوات الضحك بكل الزوايا.
سالي، أم إيليا قربت عليها وهي بتحمل صينية قهوة: تعالي ساعديني يا بنتي، اليوم يوم مميز.”
إيليا وهي بتأخذ منها الصينية:الله يتمم على خير.”
سالي جلست جنبها بلحظة هدوء وسألتها بحنية: إيليا… بدي أسألك سؤال بيني وبينك… أنت مبسوطة مع آدم؟”
ابتسمت إيليا بخجل وعيونها تلمع:مبسوطة كتير ماما، ما توقعت بحياتي إني ألاقي واحد يحطني بعيونو زي هيك
سالي مسكت إيد بنتها بلطف:أمك النصيحة بتعطيكي ياها، الرجال إذا لقيتيه بحبك ومتمسك فيكي، لا تضيعيه، خليكي ذكية، الحنيّة والكلمة الطيبة بتكسبه أكتر من أي شي…. احم طيب صار اشي بينكم
ايليا بخجل : بصراحه لاء اكثر من مره يلمح وانا أصده لانو ماما بتعرفي كيف ظروف زواجنا ولسا شوي خايفه
سالي : لا يابنتي الماضي ماضي وحاليا واضح عليه بعشقك ما بصير زوجك بصبر بصبر بس بعدين ممكن يطلع برا خصوصا انو البنات على زوجك ما شاء الله مثل المطر بعينك شوفتي
ايليا : لا ادم مستحيل يعملها
سالي : ايش مستحيل مافي مستحيل على زلمه وخصوصا بهل مواصفات اكسبي يا حبيبتي وما تخلي الخوف يسيطر عليكي وكوني واثقه فيه
إيليا هزت براسها وهي حاسة قلبها عم يدق بسرعه.
سالي كملت:آدم واضح انه حاببك بجنون، وهالفرصة لا تفرطي فيها. الزواج مش بس مشاعر، بدو صبر وذكاء. خلي حبك إله سند ودفي.
إيليا ضحكت بحب:إن شاء الله يا ماما
رجعت إيليا تكمل تجهيز البيت مع سالي والبنات، وزينوا القعدة بالورد الأبيض والشموع، كل شي كان بيحكي فرح.
وصول آدم…
رنة الجرس قطعت انشغالهم.
ركضت إيليا تفتح الباب.
آدم واقف على الباب لابس بدلة أنيقة، ماسك بوكيه ورد أبيض ضخم
آدم لما شافها، وقف مكانه مصدوم للحظة.
كانت لابسة فستان بلون البيج الفاتح وحجابها محطوط بطريقه لطيفه وعطرها معطر الجو كله
آدم همس وهو مأخوذ بجمالها:يا عيني عليكي… ملاك
إيليا خجلت:آدم ادخل الكل جوه
آدم قرب وهمس بإذنها:مش قادر أشبع من النظر احكيلي ادمي ببعد
إيليا بخجل دفشته بخفة:أهلك وأهلي وأهل العروس جوه شوي احترام
ادم : طيب وحده ادمي او دومي او زوجي تخليني ابعد
ايليا بهمس : ادومي الناس جوا ممكن ما تلفت انتباه
آدم ضحك:حاضر مدامتي
دخل وهو ماسك يدها بخفة، وكان واضح انه مو قادر يفلتها.
الجلسة صارت رسمية وراقية، عزام وعائلة آدم اجتمعوا مع عائلة إيليا ولونا، الكل كان مبسوط ومبتسم.
آدم كل شوية يطلع لإيليا بنظرة حب عميقة كأنها ملكة قلبه.
يحيى ولونا كانوا خجلانين خصوصا انو ما قدر يتحمل طلبها امبارح بليل ووافقت وثاني يوم صارت حفله الخطبه ببيت اهل يحيى لانو بيتهم اكبر وبس الضحك كان مالي الجو، الكل كان فرحان ومبسوط.
آخر السهرة…
آدم سحب إيليا على جنب وقال لها بهمس:عنجد عنجد… وقعت فيكي أكتر اليوم ايليا بحبك كل يوم اكثر
إيليا ضحكت وقالت له:وأنا كمان
آدم قرب منها وقال: مع اني حابب اسمعها منك بشكل مباشر بس يلا رح اصبر متى رح ننهي المسلسل هاد
إيليا بخجل:قريب إن شاء الله
آدم باس إيدها بلطف وقال: بوعدك… تكوني أسعد مرة بالدنيا وعد لأخليكي ملكة وشو مابدك يصير وعد حياتنا تصير احلى
ايليا ما قدرت تجاوب وخلص قررت اليوم يكون يوم مميز الهم الاثنين مسكت ادم بهدوء
ايليا : اسمع أنا رح اروح على البيت قبلك
ادم : ليش بنروح مع بعض خلص
ايليا : لا لا أبوك طلبك تشوفوا
ادم باستغراب : ابوي مع انو حكى معي الصبح حاضر اسبقيني وانا بلحقك
ابتسمت بخبث وبالفعل ودعت اهلها وراحت على بيتها جهزت البيت بالورد ولبست فستان ناعم لونو احمر خمري وعملت شعراتها وحطت مكياج ثقيل وقعدت تستنى ايدها على قلبها بعد نص ساعه رن الجرس قررت تطلع فوق على الغرفه تفاجئه وبالفعل ادم فتح الباب واستغرب وين ايليا
ادم بخوف : ايليا ايليا
حط الملفات يل أعطاهم إياه ابو على الطاوله وبخوف صار ينادي
ادم : حبيبتي وينك وين رحتي
دخل على المطبخ ما لقاها هون قلبه سقط بسرعه طلع على غرفتها وفتح الباب ولقى أجمل منظر ممكن يتخيله
ادم : ممرتي وين كنتي كنت أدور عليكي
لف وجهه بخجل لانو ما بنسى بس طلبت يخليها براحتها
بنعومتها قامت ايليا ولفته على وجها
ايليا : اطلع علي ادم
ادم بصدمه : أنا مصدوم انت مرتي ايليا ما غيرها
ايليا : اي متخيل كيف المفاجأه عجبتك
ادم : حلوه بشكل لا يصدق شو يا عسل بدك احكيلك قصه قبل النوم ولا انام جنبك عشان بتخافي من العتمه
ايليا بحب : بلا زناخه شو هل طلبات
ادم : امم كأنك طلبتيهم قبل بس شو مابدها مرتي الحلوه أنا حاضر
ايليا بحب : لالا قرب ذانك
همست بلطافه شو سبب وفتح عيونه من الصدمه
ادم : بتحكي جد
ايليا : جد الجد خلص مابدك خليني اروح على
مسكها بقوه
ادم : تروحي وين هل خمري جنني ما صدقت وانت تعطيني الاشاره الخضرا حبيبتي انت جاهزه ومارح تندمي
ايليا : اف ادم شو بتحكي ليش بدي اندم انت زوجي وأظن ما بصير فيها ندم
ادم : ولك يا عمروووو لأدم حاسس حالي رح ابكي من الفرح
ايليا : لا لا مش وقت البكي وقت في أنا وانت وبس بس لو سمحت
ادم : اكيد من قبل ما تكملي انت جوهرتي ايليا يل مستحيل اجرحها او امس فيها … جاهزه
ادم حضنها بقوة، كأنه خايف تضيع من بين ايديه، وهو يهمس بأذنها:أنتي حلمي يل تحقق، مستحيل أزعلك، رح أخليك أسعد وحده بالدنيا
لفت إيديها حوالين رقبته بخجل وهمست:آدمي انت صرت اماني
حملها بلحظة عفوية عيونه عليها بحب وضحكت بخفة وهي تخبّي وجهها بصدره من الخجل.
آدم بصوت مليان حب:خلص، الليله انكتبنا لبعض للأبد… الليله صرتي أنتي وأنا شيء واحد.
هزت برأسها بخجل في الموافقه وسكتت شهريار عن الكلام غير مباح
….
في الطرف الثاني
يحيى : جد مش مصدق صرتي خطيبتي
لونا : ولا أنا قصتنا اسرع من طبخ الاندومي
يحيى : مين قلك أنا بحبك من زمان مش من يوم وليله تتذكري يوم ما اجيتي مع ايليا عشان فستان العرس
لونا : اها بتذكر
يحيى : يومها كنت بتقطع من الوجع وانا شايفك قدامي وعاجز اني احكي معك ومش مصدق انت رايحه تختار فستان عروسه ثانيه غيرك
لونا : مابعرف يعني الله يسامحك من الاول مش هيك بس صارو ادم وايليا مع بعض وراحو بخوض نعنع
يحيى بضحك : ههه مين حكالك بحوض نعنع بالعكس هم الوحيدين يل ربحانين ما شوفتيهم ميف بتغزلو في بعض قدام الكل
لونا : لاء شوفت الله يهنيهم ما توقعت يصيرو حبايب جد الدنيا غريبه عجيبه من زواج مصلحه لثنين عشاق
يحيى : شايفه الله يهنيهم
لونا : احم صحيح وين رنا ما اجت
يحيى : اخخ منكم النسوان الغيره بطبعكم رغم انك بتعرفي انو ما بنحب بعض بس يلا رح احكيلك رنا سافرت امبارح تكمل ماجستير ورح تحكيلي من وين عرفت يا يحيى ببساطه من لؤي ابن خالتي الاثنين التقو وهيك ما بتعرفي يمكن يتزوجوا الاثنين يعشقوا السفر
لونا : يلا زيادة الخير خيرين مين زعلان المهم يويو صار الي
يحيى : شو حكيتي ارجعي عيدي
قطع جمال لحظتهم صوت يامن الصغير
يحيى : يامن شو جابك
يامن : ماما حكتلي اجي اقعد معكم مابصير اضلو لحالكم
يحيى : هادم اللذات تفضل اقعد
يامن : لو سمحت بدي اقعد بنص
يحيى : مش فاهم قلة كراسي وكنبايات
يامن : اه أنا عاجبني هاد المكان ابعد
وبالفعل قعد بنص بيناتهم ويحيى بدو يفقع من الغيظ
لونا : هه بتستاهل عشان تعجل بالعرس
يحيى : الاسبوع الجاي ما بتحمل هل فر الصغير يضل قاعد بينا
لونا : ما تخاف اخرتنا ان شاء الله في بيت واحد
يامن : شو شو بتحكو
يحيى : اسكت اسكت
………
الصبح، خيوط الشمس الخفيفة دخلت من الشباك ولمست وجه إيليا النايم بأمان بين أيدين آدم.
آدم فتح عيونه أول، ظل يتأمل ملامحها الناعمة، نفسو يحفظ كل تفاصيلها، حتى حركة نفسها وهي نايم ما توقع هل ليلة تكون من أجمل الليالي وأجمل مما تتخيلها ضل يتأمل فيها
ابتسم لحاله وقال بهمس:ياااه شو حلوة وحياتي بلشت يوم ما عرفتك… كيف كنت عايش قبلك؟
حرك ايده بلطف على شعرها، وبلش يمرر أصابعه بخفة ع خصلات شعرها.
ايليا حست بحركته، اتحركت شوي بحضنه، وبدون ما تفتح عيونها، تمسكت فيه أكتر.
آدم ضحك بخفة وقال:يا ملاكي الصغير لؤلؤة حياتي اصحي يلا، بدي أشوف عيونك الحلوة
صحيت بخجل
ادم : مبروك عروستي الحلوه وحبيبتي القمر وزوجتي العسل
ضحكت بخجل وهي تخبي وجهها بصدره، آدم ما قدر يقاوم، قرب وطبع قبلة سريعة على خدها، وقال:صباح الخير يا دنيتي
ايليا : خلص بخجل الله يبارك فيك عريسي الحلو
ادم : شو ما حكيت كلام مارح اوفي حبي الك بالكلمات الله يرزقني واعوضك على كل لحظه كنت قاسي فيها معك و كمان اقعدي اليوم رح تكوني تعبانه اليوم الامل بس بصير بغرفتنا
ايليا : حاضر
ادم : شو يا عسوله ببلش اخاف حاضر وماشي شايف خجلك زاد
ايليا : قليل ادب خلص ما تذكرني
ضحك بصوت رجولي وشد عليها بلطف
ادم : قلتلك ما صدقتيني
حاول يغير الموضوع ويخفف خجلها
ادم : بتعرفي ما توقعت بيوم احب هل قد كنت افكر الحب مجرد وهم
ايليا : شايف لازم قصتنا يسموها زواج مصلحه
ادم : يا عمي وأحلى مصلحه نيالي بديش أحسد حالي حاسس قلبي رح يوقف من الفرحه
ايليا : بعيد الشر عنك حبيبي
ادم : بعيد الشر وحبيبي مع بعض كثير على قلبي بطلت قادر تعالي يلا نصنع ثمرة حبنا بأسرع وقت
ايليا : ادمممممي
همس قدام عيونها يلي بتلمع بحب وخجل:
بحبك ايليا… بحبك بحبك بحبك… وما رح أمل من اني احكيها طول العمر
ايليا بحب : وانا كمان بحبك
…
وبالفعل حياتهم صارت سمنة على العسل ايليا وادم قصة حب صار ينحكى فيها خصوصا لما حملت ايليا بالبوبو الصغير وخوف ادم عليها من نسمه الهوا
وبالفعل كانت الو العوض والحب والحنان وكل مفاهيم المحبه المتوفره
…..
بعد سنه ..
ايليا : ادمممم مش قادره شوف عزام الصغير مش قادره طول الوقت بعيط
ادم : حبيبتي هاتي من أيدك وروحي نامي
ايليا : يا عمري انت شوف هل كلب الصغير اول ما حطيته
ادم : شايفه قلتلك يا قلبي مافي بعد حبه للبابا المهم يا عمري متذكره شو ذكرى بكرا
فكرت ايليا
ايليا : لاء مش متذكره
حط عزام الصغير على تخته ومسك ايد ايليا بحب
ادم : بكرا ذكرى زواجنا الاول معقول بتنسي هيك يوم أنا بعد فيه من اول يوم
ايليا : اكيد طبعا مارح انسى اليوم يل كبيت عليه في المي وخليتني مضحكه
ادم : يا عمري كنت متدايق من يل صار بس بسبب هل يوم صرتي مرتي
ايليا :يا قلبي مش من قليل بحبك بمزح اكيد هاي احلى سنه بحياتي
ادم : احم ما بتفكري تجيبي نونه صغير اخ او اخت هيك شبهك عشان تجنني لعزام نفسي في بنوته
ايليا : لا ادم لساته صغير ما تستعجل على نصيبك
ادم : حاضر يا روح وقلب ادم متى مابدك
مسك ايدها ومشى في الحديقه
ادم : تتذكري قبل ما نتمم زواجنا بفتره شو حكتلك
ايليا : اكيد بتذكر حكتلي لو ما عملت هيك كان ضلينا مثل القط والفأر وفي الاخير لبعض
ادم : بزبط متخيله لو ضليت أنا معند شو صار كان لسا أنا وياكي للان يا بنطلق يا بناقر بعض بس بسببك اول مره بستخدم عقلي بحكمه واخترت الطريق الأقصر وبالفعل صار عنا عزام الصغير وصرت مدير ناجح وصارت مرتي الحلوه مديره ناجحه وحياتنا صارت شبه مثاليه
ايليا : جد ادم بتشكرك لانك علمتني كيف احب وعلمتني شو معنى الحب
ادم بحب : ما تتشكريني على اشي انت سببه يا عمري لولاكي كان ادم لساته في اميركا في سهرات بين الشباب
ايليا : ادمممم
ادم : خلص سكتت بحبك
ايليا بضحك : هه خبيث بتعرف كيف تسكتني
قطع وصلة الرومنسيه صوت عزام الصغير وهو ببكي
ايليا : اخخ مش قادره تعبت
ادم : هادم اللذات هل ولد زي سيدو سبحان الله يلا يا بابا هيني جاي
…..
اما يحيى ولونا تجوزوا وبالفعل يحيى وفى وعدو بانه يسعدها اما يوسف صحيح اتدايق لانو حب طفولته تجوزت بس ما بقدر يدمر حياتها بحجة مشاعرو وشوي شوي بعد عن حياتهم وفضل يرجع في محل العرايس ولا وجعة هل قلب اما رحالين روايتنا رنا ولؤي بلشو يتعرفوا على بعض ويحاول لؤي يخرج رنا من عقدتها من الزواج واخيراً عزام يل بالفعل حس حالو هو الوحيد يل انتصر بهل حرب وقدر يسعد ولاده ويعوضهم عن يل فات وبالفعل وفى وعده مع ايليا وشارك مع سائد بشركته لتنجح في النهايه كل واحد اخذ نصيبه والبدايه ممكن تكون قاسيه بس العبره في النهايه يل ممكن تغير موازين كل الروايه
انتهت
رواية الطفله والوحش كامله من هنا
رواية جحيم الغيره كامله من هنا
رواية مابين الضلوع كامله من هنا
رواية سيطرة ناعمه كامله من هنا
رواية يتيمه في قبضة صعيدي كامله من هنا
الروايات الكامله والحصريه بدون لينكات من هنا
إللي خلص القراءه يدخل هيلاقي كل الروايات اللي بيدور عليها من هنا 👇 ❤️ 👇
❤️🌺🌹❤️🌺❤️🌹❤️🌺🌹❤️🌺🌹❤️🌺🌹❤️🌺🌹🛺🛺🛺🛺🛺
الصفحه الرئيسيه للروايات الجديده من هنا
جميع الروايات الحصريه والكامله من هنا
انضموا معنا علي قناتنا بها جميع الروايات على تليجرام من هنا
❤️🌺🌹❤️🌺❤️🌹❤️🌺🌹❤️🌺🌹❤️🌺🌹❤️🌺🌹🛺🛺🛺🛺🛺
