رواية حياتي العاديه الحلقة الخامسة بقلم مني الفولي حصريه وجديده على مدونة النجم المتوهج للروايات والمعلومات

رواية حياتي العاديه الحلقة الخامسة بقلم مني الفولي حصريه وجديده على مدونة النجم المتوهج للروايات والمعلومات

بعد اسبوع فى شقة ابراهيم

سوسن بتوتر : يعنى انت متعرفيش يامنى هو عايزنا ليه

منى بضيق : مارديش يقول ياطنط ..... هو اتصل وقالى اجهز انا وانتم عشان هيرجع بدرى هو وبابا وعمى عصمت وانه عايزنا بمشوار وهنتغدى بره كمان

يارا بشرود : يمكن اشترى الفيلا اللى طلبتيها وعاملها مفاجاة وهيفرجنا عليها

منى بحزن : لا طبعا ده من يوم ما فتحت موضوع الفيلا وهو مافتحش الموضوع معايا تانى ولا عبرنى ........ ده غير المصيبة اللى انا ملاحظها

سوسن بفضول : مصيبة ايه

منى بنزق : من تانى يوم ما فتحت الموضوع ده ...... فى عمال طالعه نازله على فوق ........ يعنى الباشمهندس بيحطنى قدام الامر الواقع وبدل ما كان عايز ياخد رايى فى التصميم اتجاهلنى وبيعمل اللى هو عايزه

يارا بفضول : وطب لو عمل كده فعلا انت هتعملى ايه

منى بحيرة : مش عارفة

سوسن بخبث : هى مش عارفه دى سبب لهفته على الجواز

منى : يعنى ايه

سوسن بنعومة : يعنى ياحبيبتى عايزك كده وانت قطة مغمضة عشان يعودك على طبعه ويتحكم فيكى ........... لكن لو صبر عقبال ماتدخلى الجامعة وعقلك يتفتح وتبنى شخصيتك هيبقى ليكى راى وهتقفى اقدامه ......... ده غير ان ممكن تروحى منه خالص .......... لانه عارف انه عادى يعنى ........... واكيد فى الجامعة فى ولاد احسن منه كتير وساعتها ممكن تشوفيه على حقيقته وقلبك يميل لغيره .....وبخبث ..... امال انت فاكرة هو حبسك ليه ومنعك تخرجى من غيره ليه ....... ورغم مشاغله مصمم ان هو اللى يوصلك المدرسة ........ وكمان رافض ان يبقى ليكى اى صحاب غير البنت اللى اسمها رضوى ......... وده طبعا لان معندهاش اخوات ولاد ده غير انها كئيبة زيه وعلطول زى ما بتقولى بتدافع عنه ........ ومش بعيد يكون هو اللى مسلطها عليكى تميل دماغك ليه وتخليكى تحت سيطرته ويكون بيديها فلوس ولا هدايا

منى بصدمة : لا مش ممكن ......... رضوى دى صديقة عمرى من كى جى وكمان مش دى اخلاقها ولا هى محتاجة حاج.......... قطع كلامها رنين الباب لتذهب يارا لفتحه لتجد احمد امامها

يارا : اهلا يا احمد ازيك

احمد : الله يسلمك .......... منى هنا

يارا : ايوه ........ بس اتفضل الاول

احمد : لا انتوا كلكم اللى هتتفضلوا معايا ....... لان بابا واعمامى مستنين تحت

اتت منى وسوسن التى قالت : احنا جاهزين ........ بس مش نعرف رايحين فين

احمد وهو ينظر لمنى بابتسامه : لا دى مفاجأة

********************************

خرج الاربعه من المصعد ليجدوا بانتظارهم عصمت ومحمد وابراهيم

سوسن : ايه ياجماعة واقفين كده ليه

ابراهيم بنزق : والله ما عارفين ........ احمد قال لنا استنونى هنا وطلع يجيبكم

احمد باعتذار : انا اسف ياعمى بس مكنش ينفع اقول المفاجاة فى عدم وجود صاحبتها

ابراهيم بنفاذ صبر : والحمد لله صاحبتها جات ........ مش يالا بينا بقى قال ذلك وهو يتجه نحو باب المبنى للخروج

احمد : ثوانى ياعمى حضرتك رايح فين المفاجأة هنا ......... واتجه لباب شقة الدور الارضى لفتحه

ابراهيم بحدة : هى دى المفاحأة عازمنا على الغدا فى المخزن

احمد بابتسامة : لا طبعا ....... ثوانى بس وهتعرفوا ........ تعالى يامنى ادخلى انت الاول

لتدخل منى من الباب ليسمعوا شهقتها ليدخلوا جميعا مسرعين ليجدوا انفسهم بمكان مختلف تماما عما اعتادوا فقد ذهب المخزن القديم بلا رجعة ليحل مكانه مكان ترفيهى قمة بالرقى والجمال ففى احد الاركان يوجد حمام سباحة رائع التصميم وبركن اخرى صالة العاب رياضية على اعلى مستوى ومزودة باحدث الاجهزة الرياضية كما يوجد مكتبة كبيرة مملؤة بالعديد من الكتب والروايات وبجوارها اجهزة العاب كمبيوتر حديثة وعدة مقاعد هزازة كما يوجد ايضا بعض العاب الملاهى التى يمكن ان تتواجد بشقة مغلقة كالنطاط وعربيات التصادم وحجرة الكرات وغيرها

احمد بحب وهو ينظر لملامح السعادة على وجه منى : عجبك

منى بحماس : قوى .....قوى قوى

ابراهيم بغضب : انت وديت المخزن فين

احمد بهدوء : هاقول لحضرتك على كل حاجة بس الاول نشوف بقية المفاجأة الاول

منى بسعادة : هو لسه فى بقية

احمد وهو ينظر لعينيها بحب: دى نص المفاجأة بس يا منتى النص التانى فوق ......... تحبى نطلع نشوفها ولا نستنى هنا شوية

منى بحماس : لا يالا بسرعه ...... يالا نطلع

لتسحبه بلهفة ليدخل معها للمصعد ويقول لهم قبل اغلاق الباب : بس بعد اذنكم يا جماعة حصلونا على الروف

ليتبعوهما بعضهم سعيد وبعضهم ساخط ليصعدوا للسطح ليجدوه قد تغير بدوره وقد تحول لحديقة جميلة شديدة التنسيق وبها العديد من الازهار متعددة الالوان وفى احد اركانها ارجوحه كبيرة تجلس عليها منى بسعادة ويقف احمد بجوارها ليدفعها

محمد مازحا : خدتها وطلعت وعمال تمرجح فيها ......... ولا كانى واقف ........ ايه ياعم طب غدينى زى ما قلت على الاقل الاقى حاجة اعملها واسكت

عصمت ممازحا: غدا ايه بقى انسى ........ هما شبعوا من الفرحة ونسيونا

احمد باحراج : اسف والله ياجماعة فرحة منى لخبطتنى اتفضلوا ......... وهو يشير لركن قصى ليجدوا بعض مقاعد الحدائق و منضدة تضعا عليها سميرة وجميلة الغداء

محمد بدهشة : ايه ده انتوا عصابة ومتفقين ....... طب جميلة بتشتغل عندكم انما سميرة تبعنا احنا ....... طيب كنت قوليلى وانا هاعمل متفاجأ

سميره بقلق : انا مليش ذنب الباشمهندس محلفنى

احمد بهدوء : متقلقيش ياسميرة عمى بيهزر

سوسن بحدة : طيب مش هناكل ولا ايه

احمد ساحبا يد منى واجلسها بجانبه : طبعا اتفضلوا

جلس الجميع وبدأوا فى تناول الطعام

ابراهيم بعصبية : برضو ما قلتش وديت المخزن فين

أحمد بهدوء : متقلقش ياعمى ......... انا نقلت كل حاجة فى مخزن جديد مساحته اكبر مرتين من اللى هنا غير انه قريب جدا من الشركة يعنى كمان هنوفر فلوس كتير من النقل

ابراهيم بغضب: بس مخزن فى المكان ده وبالمساحة دى تمنه يبقى كبير قوى

أحمد بهدوء : ثمن المخزن وتكلفة كل التغييرات اللى عملتها بالعمارة من حسابى الشخصى

ابراهيم : بس ده كتير جدا ...... ده انت كنت اشتريت فيلا ارخص

أحمد بحب : من الاول والفلوس مكنتش هى المشكلة ...... وزى ما قالت طنط سوسن المرة اللى فاتت ......... اللى بيحب حد بيحاول يسعده ......... وانا السعادة اللى شايفها فى عنين منى دلوقتى عندى بالدنيا ....... وان شاء الله لو الظروف اتغيرت اجيب لها قصر مش فيلا

محمد احكا وهو ينظر لمنى التى تلونت وجنتاها بالاحمر من شدة خجلها : لا ..... صحيح الغدا كان حلو ..... بس مش للدرجة دى لم نفسك شوية

أحمد بخجل : اسف والله ياعمى

عصمت بسعادة : اهو اللى انت عملته فى العمارة فكرنى باللى عمله عمك محمد ساعة مابنينا العمارة دى وعمك ابراهيم كان عايز فيلا لكن محمد بذكاءه حقق لكل واحد حلمه بحل وسط زى ما انت عملت

سوسن بخبث : ايوه فعلا نفس الطريقة .......... وبرضه ابراهيم ضحك علي ساعتها وقالى اما الظروف تتغير هاجبلك احلى فيلا ......... وادينى اهو قاعدة معاكم لحد دلوقتى

سكت الجميع واحمد ينظر لها بحنق بعد ان راى ملامح منى تتحول من السعادة للحزن والغضب

********************************

بعد بضعة اشهر فى شقة ابراهيم

ابراهيم بتوتر: اهدى بس ياحبيبتى انا هاعملك اللى انت عايزه ........ بس ماقدرش اشوفك منهارة بالشكل ده

يارا باكية : يبقى خلاص نرجع امريكا فى اقرب وقت

ابراهيم خانعا : مانا قلت انى موافق وماما اه قدامك هى اللى مش راضية

سوسن بحدة : ما هى ماما مش شنطة عشان تنقلها من هنا لهنا ....... ولو اعترضت تهددها بانك تسيبها فى الشوارع تشحت

ابراهيم بتأفف : اهى اللى فتح الموضوع ده تانى احنا بقى لنا اكتر من سنتين فى مصر وانا صالحتك من ساعتها

سوسن بعند : ايوه بس مش معنى كده اننا نعيده تانى

ابراهيم : يعنى ايه

سوسن باستغلال :يعنى قبل ما اتنقل من مصر تكتب لى نص املاكك

ابراهيم بعصبية : ايه اللى انت بتقوليه ده اعقلى

سوسن ببرود : اللى انا بقوله ده عين العقل ........ امال اسافر معك وبعدين اخواتك يميلوا راسك تانى بكلمتين ........ وتسحبنى وراك تانى زى البهايم ......... يا كدا ياتسيبنى اشحت

ابراهيم بحدة : اللى انت بتقول.......

ليقطع كلامه صراخ يارا وانهيارها : فلوس ايه اللى بتتكلموا عليها وانا بموت قدامكم كل يوم ........ لو مسافرناش خلال اسبوع انا هاموت نفسى ......... وخلى الفلوس تنفعكم

ابراهيم محتضنا ايها بفزع : لا ياحبيبتى بعد الشر عنك ........ خلاص هنسافر قبل الاسبوع

سوسن بانتصار: يعنى احضر العقود

ابراهيم باستسلام :حاضريها

********************************

ظن احمد ان اموره مع منى ستتحسن بسفر اسرة عمه التى كان يحملها مسئولية تمرد منى حديث العهد ولكن ازدادت الامور سوء فقد اصبحت لا يرضيها شئ كما عادت لتفتح موضوع شراء فيلا مرة اخرى وتصر عليه كطفل تعلق بلعبة كما اصبحت شديدة المزاجية فى الفترة الاخيرة ففى بعد الاحيان هى طفلته البريئة الرائعة واحيانا اخرى هى شخصية ناقمة ومتمردة ...... ولكن ذلك لم يؤثر على حبه لها فهو واثق من ان بمجرد زواجهم سيستطيع استعادة طفلته فهو واثق بها وبحبهم القادر على ارشادها لنفسها وطبيعتها مرة اخرى ........... وكان يمنى نفسه بقرب الوصال فقد اصبحت فى الصف الثالث الثانوى ولم يتبقى سوى بضعة اشهر ويفوز بحبيته ويحقق حلم الطفولة والصبا والشباب ..........ولكن تأتى الرياح بما لاتشتهى السفن فقد صدمهم القدر بفجيعة جديدة تمثلت بموت يارا بحادث سير بامريكا لتتجدد الاحزان ويغلق الحديث تماما عن الارتباط الذى كان قد اصبح وشيك ........... ليدمى قلب احمد وهو يرى حلمه يبتعد ومنى تلتحق بالجامعه وهى لم تصبح زوجته كما كان يتمنى

تابعوووووووني

بداية الرواية من هنا

رواية نار الحب كامله من هنا

رواية الطفله والوحش كامله من هنا

رواية منعطف خطر كامله من هنا

رواية فلانتيمو كامله من هنا

رواية جحيم الغيره كامله من هنا

رواية مابين الضلوع كامله من هنا

رواية سيطرة ناعمه كامله من هنا

رواية يتيمه في قبضة صعيدي كامله من هنا

الروايات الكامله والحصريه بدون لينكات من هنا

إللي خلص القراءه يدخل هيلاقي كل الروايات اللي بيدور عليها من هنا 👇 ❤️ 👇