رواية حبي الوحيد الحلقه العاشره والحادية عشر والاخيره بقلم نجلاء عبد الظاهر حصريه وجديده على مدونة النجم المتوهج للروايات والمعلومات
 |
رواية حبي الوحيد الحلقه العاشره والحادية عشر والاخيره بقلم نجلاء عبد الظاهر حصريه وجديده على مدونة النجم المتوهج للروايات والمعلومات
إياد بغضب : مستحيل ده يحصل
مريم بانفعال : مستحيل ايه ها ؟؟ فاكر يعني لما انت تطلقني هفضل طول عمرى على ذكراك ال شوفته منك يا إياد يخليني مبكيش عليك دمعه ولا لحظه
إياد : وانا بعتذر عن كل ال حصل مني الإنسان بيغلط ويتعلم من غلطه
مريم ببرود : وانا مش مسامحه على غلطك فيا وقولتلك بلاش انانيه
إياد : دي مش انا"نيه ده حب
مريم بسخريه : حب !!!! كان فين الحب ده زمان فجأه كده غمضت عينك وفتحت لقيت نفسك بتحبني سبحان الله
إياد بضيق : مريم مش عايز سخريه انا بجد بحبك والله
مريم : انا مجرد بديل فى حياتك يا إياد مش أكتر لما نيرمين طلعت مقلب قولت ارجع اشوف البديل بسرعه بس ياخساره المره دي جيت متأخر وفى الوقت الغلط علشان انا فوقت لنفسى وعرفت أن أستاهل حد يحبنى بجد وكمان يضحي علشاني انا اسفه ياخالتوا لو الكلام ده هيزعلك مني بس انا فعلا مسحت إياد من حياتي ومستحيل يدخل فيها تاني
كريمه بصت لابنها وقالت : إياد خلاص كفايه نقاش كل واحد فيكم يابني يشوف حاله ومساحته مريم خلاص مش عايزاك
إياد بغضب : وانا عايزها وهعمل المستحيل أنها ترجعلى تاني ومش هتتجوز حد غيرى
قال كلامه وخرج من البيت وهو متعصب
كريمه بحزن : معلش يابنتي حقك عليا
مريم بهدوء : مفيش حاجه ياخالتو عادي إياد لازم يعرف أن محاولاته كلها هتكون فاشله
كريمه : والله أنا غلبت أفهمه ومفيش فايده ربنا يهديه
أحلام : اشمعنا مريم ال اختارت تتجوزها دون عن كل البنات انا مش فاهمه
أحمد بهدوء : مش سبب معين ولكن هي دلوقتي منفصله ومفيش حاجه ربطها وانا الحمد لله كونت نفسي وشغال فى السوبر ماركت بتاعي وكل حاجه تمام ناقص بنت الحلال بس ويبقى كده كملت
أحلام بغيظ : واشمعنا مريم دي مطلقه عارف يعني ايه مطلقه
أحمد : وايه يعني مطلقه مش عيب ولا حرام
أحلام : واحنا نعرف جوزها طلقها ليه يعني مش يمكن لسانها طويل ومبتسكتش يابني انا خايفه على مصلحتك
أحمد : لو خايفه على مصلحتي بجد مكنتيش قولتي كده فى حق بنت جوزك هو ليه دايما المطلقه هي ال لازم يكون عليها الذنب مش يمكن هو ال غلطان ومش يمكن متفقوش اصلا ليه نحكم عليها هى مش فاهم النظريه دي
أحلام : معرفش بقا دايما احنا نعرف أن الطلاق بيكون بسبب الست لأنها مبتعرفش تحافظ على بيتها
أحمد : أكبر غلط والافكار دي كلها ملهاش صحه اصلا
أحلام : انت الكلام معاك مفيهوش فايده
أحمد : انا بتكلم فى الصح
أحلام : وأفرض موافقتش يافالح دي رافعه مناخيرها فى السما ومش متوافق بسهوله
أحمد : وليه بنسبق الأحداث ال رايده ربنا هيكون
إياد : وهو حضرتك موافق على كده
رزق : يابني انا معرفش اصلا ايه سبب طلاقك من مريم وفكرة أن مريم رافضه ترجعلك دي مقدرش أتدخل فيها وبعدين الولد اتقدم وانا عطيتها فكره علشان ده حقها
إياد بضيق : بس انا بحبها وعايزها والله مش متخيل اشوفها مع حد تاني
رزق : وانا قولتلك أن معرفش ال حصل خلاها تعمل كده بس كل ال اقدر اقولهولك أن مهما حصل لو هي من نصيبك من تاني هترجعلك أما لو مش نصيبك خلاص كله بيرجع للقدر والنصب
إياد : هو حضرتك ممكن تدينى عنوان احمد ده
رزق : ليه ؟؟
إياد : مفيش والله انا بس عايز أتفاهم معاه
رزق : طيب بس خليك عارف ان لو عرفت انك هددته أو لويت دراعه انا مستحيل افكر أرجعلك بنتي تاني
إياد : متخفش والله انا بس هتفاهم معاه مش أكتر
تاني يوم
إياد : السلام عليكم
أحمد : وعليكم السلام ورحمة الله وبركاته أؤمر
إياد : هو انت أحمد هانى
أحمد : أيوه أنا أقدر أقدملك خدمه
إياد : انا إياد طليق مريم ال انت اتقدمتلها
أحمد : اه عرفتك
إياد : عايز تتجوز مريم ليه
أحمد : عادي جدا المفروض تجاوب عليك اقولك ايه
إياد : هي بتحبني انا ومش متوافق عليك
أحمد : ده كلامها ؟؟
إياد : كلامي هو كلمها لما اسمع الكلام ده منها شخصيا وقتها مش هقدر أقرب منها
إياد بانفعال : بقولك بتحبنى انا
أحمد : سيبها هي ال تختار متبقاش أناني
إياد اتنرفز من كلمة أناني وقال بغضب : انت هتشوف هي هتختار مين
أحمد بتحدي : نشوف
إياد : على فكره انت لو مبعدتش عنها انا مش هسيبك
أحمد : انت بتهددني
إياد : اعتبرها زي ماتعتبرها
أحمد : طب اتفضل من غير مطرود
إياد بصله بغضب وخرج من المكان كله
أحمد : لاحول ولا قوة الا بالله العلى العظيم
كريمه دخلت على مريم الأوضه لقيتها بتجهز شنطتها
كريمه بدهشه : راحه فين يابنتي
مريم بهدوء: همشى ياخالتو
كريمه بزعل : ليه كده يابنتي
مريم بابتسامه : كفايه كده بقا انا هرجع عند بابا وصدقيني دايما هزورك باستمرار
كريمه : مش هطمن عليكى وانتي بعيد عنى
مريم بتردد : أصل الصراحه النهارده فيه رؤيه شرعيه وانا هروح علشان أقابل أحمد ولازم اكون موجوده
كريمه بزعل : وكده مخبيه عليا يامريم
مريم مسرعه : لاء والله ياخالتوا انا بس علشان متتضايقيش
كريمه ابتسامه : ودي يابنتى حاجه متضايقنيش كل شئ قسمه ونصيب طبعا وانا بتمنالك كل الخير
مريم حضنتها وقالت بحب : حبيبتى ياخالتوا والله
كريمه : ها قوليلي بقا هتوافقى عليه
مريم : هشوفه ونتكلم ولو مناسب هوافق طبعا
كريمه : خير ان شاء الله
إياد دخل وقف قدامها وقال : مريم بلاش الخطوه دي انا عارف انك بتعملى كده علشان تضايقيني انتي محبتيش غيرى
مريم باحتقار : مغرور
إياد : تمام عايزك تعرفى انك لو وافقتى على أحمد انا هق"تله وأخلصك منه
الحاديه عشر والاخيره
مريم بصدمه : للدرجه دي وصلت معاك عايز تد"مر حياتي ال نفسى أبداها من جديد
إياد : أيوه هدمرها علشان انا بقالي اكتر من شهرين ماشى وراكي وبتحايل عليكى علشان ترجعيلى وانتي برضوا مصممه على عنادك هو أنا علشان غلط غلطه هفضل أتحاسب عليها طول عمرى
مريم بسخرية : والغلطه مكانتش قليله زي مانت فاكر انت اتهمتني فى شر"فى
إياد جز على أسنانه وقال : واعتذرت
مريمببرود : واعتذارك مرفوض بعد إذنك بقا ابعد عن حياتي خالص علشان مهما عملت محاولاتك هتكون فاشله
إياد بغضب : وانا هاخدك با"لقوه حتي لو هخ"طفك
اتصدم لما قلم قوي نزل على وشه من أمه
كريمه بغضب : انا سكتالك من بدرى قوي وقولت انك هتعقل بس الواضح أن الصدمات ال بتاخدها بتخليك تدوس على كل ال حواليك هي مش عايزاك ودي حاجه تخصها مش هنجبرها على حاجه كفياك بقا انانيه وكل حاجه عايزها لازم تاخدها مريم كانت دايما بتحاول علشانك وانت جيت بكل جبروت وقولتلها انا اتجوزت عليكي ومستني منها ايه أنها تتمسك بيك فوق بقا لنفسك يابني وشوف حالك وصل فين اختار الناس ال بتصاحبها وبتتعامل معاها اسمع نصيحة غيرك مش كل حاجه دماغك ال ماشي بيها
إياد كان بيبصلها وساكت ومصدوم من كلام أمه ليه
كريمه كملت كلامها وقالت : انا مش هعيش ليك العمر كله يابني فوق لنفسك وقرب من ربنا وربنا هيوفقك دايما فى حياتك وسيب مريم فى حالها كفايه ال حصل لحد كده وخلى صلة الرحم موجوده بينكم حتى
إياد خرج من البيت وهو ساكت ومردش على الكلام
مريم بدموع : انا اسفه ياخالتوا أن خليتك تضربي إياد أنا مش قصدي والله
كريمه : كان لازم ده يحصل ابني تايهه ومش عارف هو عايز ايه هو ماشى يظلم فى نفسه وفى غيره ربنا يهديه وينور بصيرته روحي يابنتي قابلى العريس ولو لقتيه مناسب ليكي اوعي تترددي لحظه انك توافقى انتي حقك تلاقي ال يعوضك ويسعدك عن كل ال شوفتيه فى حياتك انتي تستاهلي كل خير
مريم حضنت خالتها وقالت : ربنا يخليكى ليا يارب ياخالتوا انا بجد طول مانتي معايا مش مفقتده احساس أن ليا أم
كريمه بحنان : انتي بنتي يامريم وانا ال ربيتك بعد أمك الله يرحمها يعني انتي كل حياتي
مريم ابتسمت بامتنان وخدت شنطتها وخرجت من البيت
إياد كان ماشى بيفكر فى كل الاحداث ال حصلت ليه الفتره الاخيره وكان ماشى تايهه وافتكر موقف ليه مع مريم
مريم بابتسامه : حمد الله على السلامه
إياد : الله يسلمك
مريم بحماس : حضرت العشاء وجهزت قصة رعب تحفه هنسمعها مع بعض و
قاطعها إياد بملل : يامريم انا جاى تعبان من الشغل وده كله لعب عيال وبعدين انا اتعشيت بره فى الشغل
مريم بزعل حاولت تداريه وقالت : اها طب تمام براحتك طبعا
إياد بزهق : هتتقمصي بقا يابنتي كذا مره اقولك بلاش حركات الطفوله دي انتي دلوقتي واحده مسؤله عن بيت يعني كبرى عقلك تصبحي على خير
قال كلامه ولسه هيدخل وقفه كلامها وهي بتقول بصوت مخنوق من العياط : إياد إنت هتحبني امتي
إياد بجمود : تصبحي على خير يامريم
قال كلامه ودخل الأوضه وسابها هي واقفه دموعها نزلت بيأس من كلامه
رجع من تفكيره ودموعه نزلت ورفع عينه للسماء وقال بحزن : ازاى مكنتش مقدر حبها ليا ازاى كنت غبي للدرجه دي فعلا هي كانت أجمل حاجه فى حياتي وأنا ال كنت أعمى
أحمد بهدوء : حابه تسألى ؟؟
مريم بهدوء : اه
أحمد : اتفضلى
مريم : بتصلى ؟؟
أحمد : الحمد لله محافظ على الفروض بس بحاول أجاهد نفسي فى النوافل على قد ماقدر والله
مريم : بتدخن ؟؟؟
أحمد : لاء الحمد لله
مريم : تعرف أن انا مطلقه وتعرف كمان ان انا كان عندي سرطان وفى مراحله الأخيرة ومعجزه من عند ربنا تم الشفاء منه
أحمد : عارف كل ده
مريم : وموافق !!!!
أحمد : وليه أعترض لو على المرض ده بيكون من عند ربنا وهو القادر على شفاءه
مريم : ولو المرض جالي وانا معاك مش يمكن تزهق وتبعد
أحمد : انتي متعاملتيش معايا خالص على فكره انا مش هقولك أن أحسن انسان فى الدنيا ولا ده كله انا انسان بحاول أجاهد نفسى فى كل الأخطاء بس انا واخد وعد على نفسي أن يوم ماهدخل بيت الناس عارف ايه ال لازم اعمله وازاى أراعي ربنا فى ال هتكون زوجتي وام عيالي
مريم : مردتش يعني على حكاية اني مطلقه
أحمد : انا عارف كويس انك مطلقه وموافق ومش شايف ده حاجه غلط ولا عيب
مريم : تحب تعرف اسباب الطلاق ؟
أحمد : دي حاجه ترجعلك
مريم : السبب الأساسي عدم الاهتمام وعدم التفاهم ومفيش عدل فى البيت
أحمد : ال أنا اعرفه عن الزواج أن الزواج مشاركه فى كل حاجه فى معامله فى تربية أولاد فى الحب
مريم : عمرك فى يوم هتزعلني أو هتكسرني
أحمد : ربنا يقدرني واقدر اسعدك لو لينا نصيب مع بعض
مريم : تمام
أحمد : أحب اعرف رأيك
مريم : هصلى استخاره وأبلغ بابا بالرد
أحمد : تمام
إياد : ممكن ياعم رزق اقابل مريم لأخر مره
مريم خرجت وقالت : الكلام انتهي
إياد : انا فعلا المره دي مش هكون أناني انا بس جاي اقولك تسامحيني علشان انا ضميرى عمره ماهيرتاح طول مانتي زعلانه مني
مريم : ادعي ربنا يسامحك وإذا كان عليا انا متقلقش الايام بتنسي وربنا يعوضك بالأحسن مني وانا ربنا هيعوضنى بالأحسن طبعا ربنا يوفقك عن أذنك
قالت كلامها ودخلت أوضتها
إياد : عن أذنك ياعم رزق
رزق : اشرب الشاي يابني
إياد : شكرا سلام عليكم
رزق : وعليكم السلام ورحمة الله وبركاته
كريمه : اتعلمت من ال حصل
إياد بتنهيده : للأسف أيوه والدرس كان قاسي اوي
كريمه : ابدأ حياتك من جديد وشوف ناس تانيه وأتعامل معاهم
إياد : مش عارف حاسس ان حياتي وقفت بعد مريم حاسس ان ضيعت حب كبير اوى من ايدي بكل سهوله
كريمه : خلاص يابني متشيلش نفسك الذنب هي دلوقتي مريم هتسامحك لأنها قلبها طيب اوى بس خلاص هي مش ليك
إياد : بفكر أسافر
كريمه : مش حل خليك هنا جنبي انا محتجاك يابني وبعدين انت قادر تشوف حياتك من جديد هنا
إياد : من بعد مريم معتقدش
كريمه : لاء هتقدر وانا واثقه فيك
بعد مرور شهرين
مريم وافقت على أحمد واتجوزوا واياد اشتغل وشال فكرة الجواز من دماغه لأن ملاقاش البنت المناسبه
أحمد : قفلت السوبر ماركت وجيت يا أخرة صبرى اوعي تقولى بتولدي لأنك لسه فى الشهر الأول
مريم بضحك : متخافش بس كنت عايزاك تقعد معايا شويه
أحمد بغمزة : إذا كان كده أنا موافق
مريم ضربته فى كتفه وقالت : ياعم عايزاك فى موضوع مهم متفهمش غلط
أحمد بصدمه : عم وعايزاك فى موضوع !!! ده انا صحبي عنده رقه عنك
مريم بغيظ : خلى صحبك ينفعك
أحمد بضحك : خلاص متزعليش خير ياحبيبتى أؤمرى
مريم برجاء : انا نفسى اعمل مركز تحفيظ القرآن للاطفال من زمان بس محدش شجعني عندي أمل انك توافق أن أجيب اطفال هنا البيت وأشارك وقتي معاهم طول مانت مش هنا
أحمد : بس انتي حامل يامريم والمجهود غلط عليكي
مريم : صدقني والله هخلى بالي من نفسى والبيبي بس دي الحاجه ال نفسى اعملها من زمان اوى انا اخدت شهادتي من الجامعه الأزهريه ونفسي استفاد بيها والرسول عليه الصلاة والسلام قال (خيركم من تعلم القرآن وعلمه)
أحمد بابتسامه : طالما مش هتتعبى نفسك وهتعملى الحاجه ال بتحبها انا موافق
مريم فرحت جدا وقالت بسعاده : ربنا يخليك ليا يا أحمد يارب
أحمد بحب : ويخليكى ليا يامريمة❤️
مريم&أحمد
تمت بحمد الله
حبيت النهايه كده جدا وحسين انها مناسبه محبتش ان إياد تكون نهايته وحشه لأن هو يستاهل فرصه تانيه بس مش مع مريم وأحمد شخص يقدر يسعدها أكتر ❤️
رأيكم فى النهايه مهم جدا بالنسبالي
رواية زواج لدقائق معدودة كامله من هنا
رواية خيانة الوعد كامله من هنا
رواية الطفله والوحش كامله من هنا
رواية جحيم الغيره كامله من هنا
رواية مابين الضلوع كامله من هنا
رواية سيطرة ناعمه كامله من هنا
رواية يتيمه في قبضة صعيدي كامله من هنا
الروايات الكامله والحصريه بدون لينكات من هنا
إللي خلص القراءه يدخل هيلاقي كل الروايات اللي بيدور عليها من هنا 👇 ❤️ 👇
❤️🌺🌹❤️🌺❤️🌹❤️🌺🌹❤️🌺🌹❤️🌺🌹❤️🌺🌹🛺🛺🛺🛺🛺
الصفحه الرئيسيه للروايات الجديده من هنا
جميع الروايات الحصريه والكامله من هنا
انضموا معنا علي قناتنا بها جميع الروايات على تليجرام من هنا
❤️🌺🌹❤️🌺❤️🌹❤️🌺🌹❤️🌺🌹❤️🌺🌹❤️🌺🌹🛺🛺🛺🛺🛺
تعليقات
إرسال تعليق