رواية اسيرة الوحش الفصل السادس والسابع والثامن بقلم سجده محمد حصريه وجديده على مدونة النجم المتوهج للروايات والمعلومات
 |
رواية اسيرة الوحش الفصل السادس والسابع والثامن بقلم سجده محمد حصريه وجديده على مدونة النجم المتوهج للروايات والمعلومات
فهد بيمسك حامد من هدومه وبيضرب ضربات متتاليه في وشه وبيقوله: مش قولتلك يا ابن الكل~~متقربلهاش وانساها
حامد بخوف ورعب : هي...هي مين ياباشا
فهد: انت هتستعبط باعت مراتك وبتها البيت لسجده ليه
حامد: والله يباشا مبعت حد انتي روحتي لسجده القصر يا شادية
شادية بتلعثم: ان... انا كنت رايحه اطمن عليها
فهد بعصبيه: كنتي عايزه تضريبها.... وبنتك تهددها انو انا هقتلها وتقوليلي بتطمني عليها..... انا لو هقتل حد فهقتلك انتي وبنتك وجوزك
حامد بخوف: والله يباشا مكنت اعرف ومش هتتكرر تاني وبيمسك ايد فهد يبوسها
فهد بيزقه بعيد وبيقوله: اقسم بالله لو شفت حد منكم قربلها... لكون قتله وانت مشوفش وشك في الشركه تاني
حامد برجاء: لا يباشا الله يخليك متقطعش عيشي
فهد بصرامه: انتهينا فين اوضة سجده
حامد: هناك اهي يباشا فهد بيبعده وبيدخل الاوضه
&&&&&&&&&&&&&&&&&&&&&
بعد فتره فهد بيرجع البيت... بيلاقي سجده محضره الغدا علي السفرة بيقولها: انا مش قلتلك هطلب دليفري
سجده: خلاص انا حضرتلك الغدا مش لازم تطلب من بره
فهد بابتسامه: تمام يلا اقعدي كلي
سجده بتاكل...... وبعدين بتشيل الاكل.... وبتعمله قهوة...... بتوديه الاوضه، وبعدين بتنزل تحت تنضف المطبخ.... وبتقعد قدام الشاشه سجده، بتسمع صوت المطر... بتجري بفرحه علي الجنينه بتقعد
..... علي المرجيحه الي بره السما، بتوقف مطر سجده بتكون داخله بتلاقي السما مطرت تاني بتلف بسعاده تحت المطر وتوكة شعرها بتتفك بيكون شكلها جميل فهد بيلاحظها من شباك اوضته بيقف يتاملها وهيا بتلف وبيضحك
سجده تحت المطر بتقول بدموع: يارب ارحمني يارب... من الي انا فيه بقالي اسبوع هنا وبابا مفكرش..... يسال عليا، باعني لفهد الي مقدرتش اكمل تعليمي، علشان حكمه عليا ومشغلني خدامه ليه وبتنزل علي الارض.. ودموعها بتنسال اكتر وبتقول : يارب خدني وريحني
فهد بينزل بيشوفها كده بيجري عليها
سجده بتقوله: كل الي انا فيه بسببك... وبيغمي عليها
فهد بيشيلها بخوف... وبيطلع بيها الاوضه بيدخلها الحمام.... وبيحطها تحت الدوش، وبعدين بيغيرلها هدومها.... وبيحطها علي السرير وبينام جنبها
&&&&&&&&&&&&&&&&&&&&
بتصحي سجده بتلاقي فهد واقف قدام المرايه لابس بدله... رسميه وبيسرح شعره
سجده بتتذكر الي حصلها امبارح وبتقوله: انا جيت هنا ازاي
فهد بيقولها: اغمي عليكي امبارح طلعتك علي الاوضه وغيرتلك هدومك ونمتي
سجده بكسوف: شكرا
فهد بمشاكسه: متخافيش غيرتلك هدومك الي فوق بس علشان تعرفي اني طيب بس.... وبديكي فرص
سجده بتفتكر انها صحيت متاخر... ومحضرتش الفطار بتتنفض من علي السرير: انا اسفه والله اني صحيت متاخر، هقوم احضر الفطار قبل متروح الشركه... فهد بيشدها من ايدها: استني
سجده: نعم
فهد: عندي ليكي خبر حلو
سجده بوجع : بابا قلك سلملي عليها
فهد: لاء
سجده بحزن: امال ايه
فهد: انا قررت انك هترجعي الجامعه تاني... وبيفتح الدرج وكتبك... اهي طبعا... فهد لما دخل اوضة سجده امبارح جاب كتبها وحاجتها من الاوضه
سجدة بفرحة طفوليه: هيه وبتحضن فهد
سجدة بتفوق لنفسها وبتبعد: اسفه من فرحتي مش هكررها تاني
فهد: عادي انا زي جوزك بردو
سجده بتبتسم ابتسامه جميله: شكرا جدا انك وافقت ترجعني الجامعه
فهد: العفو عايز اكله جميله بقا
سجده: احلي اكله من ايد الشيف سجده بس هو انت جبت كتبي ازاي
فهد: بسيطه رحت بيتك وجبتها
سجده: شكرا
اليوم بيعدي وسط فرحة سجدة الي ملهاش حدود
&&&&&&&&&&&&&&&&&&&&
تاني يوم سجده بتلبس دريس زيتي وعليه طرحه كافيه... وبتستعد علشان تروح الجامعه
فهد بيوصلها... الجامعه وبيقولها في المعاد الخروج هيكون منتظرها
سجده بتدخل... بتلاقي اسراء قاعدة في الكافيتريا بتجري سجده عليها وبتحضنها وبتقولها: وحشاني جدا
اسراء: انتي وحشاني اكتر بس انتي جيتي الجامعه ازاي
سجده بتقولها: يلا ندخل المحاضره وبعدين هحكيلك
اسراء: تمام
سجدة بتدخل المحاضرة وسليم لما بيشوفها بيفرح جدا
بتخلص المحاضرة وبتطلع سجدة هي واسراء الكافيتريا وبتقعد تحكيلها ايه الي حصل
اسراء: مهو طيب اهو
سجده: يعني بس بجد يابختك يا اسراء... مش بحسدك والله .... لكن كنت عايزه اعيش حياتي.. مش اتقيد بفهد.. بس الحمد لله نصيبي
اسراء: متزعليش يا سجده انتي قويه مش عيزاكي تضعفي
سجده بحب: ماشي ياحبيبتي
بتمشي اسراء... وسجده بتروح تسال سليم علي سؤال مش فهماه.. بتتذكره وهيا ماشيه
سليم: ازيك يا سجده
سجده : الحمد لله يدكتور
وبتساله السؤال.... بترجع للخلف اتكعبلت في طوبه كانت هتقع..... سليم لحقها ومسك ايدها
فهد بيكون بيدور علي سجده.... بيشوفهم كده عيونه بتحمر جامد وبيروح يمسكها من ايده.....وبيضرب سليم بوكس..وبيمشي ولا كان عمل حاجه...وسليم كان واقف مصدوم مش فاهم ايه الي بيحصل .... وبيمشيها وراه
سجده : في ايه يافهد
فهد: ٠٠٠
سجده: فهمني... في ايه انت... بتجرني كده ليه
فهد بصوت جهوري: اخرسي خالص
سجده بتسكت بخوف وفهد.... بيركب العربيه وبيسوق بسرعه جنونيه بيوصلو... القصر بيسحبها من ايدها وراه... وبيدخل الاوضه وبيزقها علي السرير
سجده بعياط: في ايه
فهد بعصبيه شديدة: في انك وقفالي مع راجل وماسك ايدك عرفتي فيه ايه
سجده: انا٠٠فهد بيقطعها: انتي تخرسي خالص انا كنت غلطان اني
رجعتك الجامعه
سجده: والله كنت هقع هو مسك ايدي.. والله دي الحقيقه
فهد بعصبيه: اخرسي مش قولت متتكلميش انا كنت غلطان... لما رجعتك الزفته الجامعه بس.... تعرفي انا مش هقعدك من الجامعه.... علشان مرات فهد الراوي.... مينفعش تكون جاهله وبيعلي في صوته اكتر وقالها من هنا ورايح... هتصحي بدري فطاري يتحضر وتركبي مع السواق تروحي الجامعه الجديده الي هنقل ورقك فيها ترجعي الغدا يتحضر الغدا ومتورنيش وشك وبعدين تتزفتي.... تزاكري فاهمه
سجده: ٠٠٠٠٠٠٠٠٠
فهد بانفعال: فاهمه
سجده بخوف: ف٠فاهمه
سجدة بتقوم تعمل الاكل... وبعدين فهد بيتصل علي عميد الجامعه الي هينقل سجده فيها وبيعدي اليوم
&&&&&&&&&&&&&&&&&&&&
تاني يوم سجدة بتنفز كل الي فهد قالها عليه.... وبتروح الجامعه... وبترجع تنضف وهيا دايخه جدا من.... قلة الاكل فهد، بيجي بتحضرله الغدا وبعدين بتدخل تاكل هيا في المطبخ
فهد بيدخل المكتب سجده بتدخل المكتب وبيكون في ايدها القهوة
فهد: ايه الي دخلك هنا
سجده: اتفضل القهوة
فهد بيقوم وبيجي، قلبها من ايدها علي الارض سجده.... بتتلسع منها بس مش بتبين وبتنزل تلم القزاز من الارض سجده بتخلص
فهد ببرود: بره
سجده بتطلع بدموع واول مبتطلع بتصرخ بصوت واطي علي... اللسعه والجروح الي في ايدها
فهد بتجيله مكالمه بيطلع من المكتب يتكلم في الجنينه.... وبيرجع بيلاقي سجده قاعده في الصالون بتزاكر ودموعها... نازله بيشوف الحرق الي في ايدها بيجيب علبة الاسعافات الاوليه وبيروح يمسك ايده
سجدهبخوف: والله معملت حاجه في ايه تاني
فهد متخافيش وبيمسك ايدها.... بيعقم الحرق وبيلفها برباط... وبيكون زعلان لان الحرق كبير
سجده بتتكلم: والله العظيم كنت هقع وهو لحقني
فهد: مصدقك
سجده: بجد
فهد: بجد... جهزي نفسك علشان جدي في الصعيد طلبني وعايزني اروحله علشان يتعرف عليكي
سجده بصدمه: هو انت صعيدي
فهد بابتسامه: اه
سجده بهمس: وانا اقول العصبية... دي جايه منين
فهد: بتقولي حاجه
سجده: كنت بقول انت ازاي صعيدي.. وبتتكلم كده
فهد: انا عيشت حياتي كلها في القاهرة
سجده بحماس: تمام انا هقوم اجهز هدومي
فهد: تمام يلا
بتطلع سجده... تحضر هدومها بتلاقي فهد داخل الاوضه... بتقوله: احنا هنطول هناك
فهد: بتسالي ليه
سجدة: علشان يعني الشغل بتاعك والجامعه
فهد: من ناحية الشغل في الشغل.... هنا اسر هيمشيه... مكاني والباقي همشيه انا في الصعيد والجامعه طبعا هتاخدي كتبك... تذاكري والي تقفي في انا هشرحهولك... وهنرجع علي الامتحانات
سجده بتفرح: تمام
وبيناموا..... بتصحي سجده.. بحماس بتجهز نفسها وبتحضر الحمام.... لفهد، فهد بيصحي بيجهز نفسه وبيفطروا وبعدين بيركبوا العربية وبيمشوا سجده بتكون سرحانه في الطريق بتفر دمعه من عينيها بتفوق علي صوت فهد: مالك
سجدهبتمسح دموعها بسرعه: لا مفيش حاجه
فهد: طب تيجي نجيب ايس كريم
سجده : يلا طبعا
فهد: بتحبيها بطعم ايه
سجده: الفانيليا
فهد: وانا كمان بحب نفس الطعم... وبينزل يجيب ايس كريم.. وبيرجع
سجده، بتاكل الايس كريم، وبتنام بتصحي سجده علي صوت فهد.... وهوا بيصحيها يلا وصلنا سجده بتصحي.... وبتبص بتلاقي نفسها قدام قصر كبير في الصعيد بينزل فهد وسجده من العربية والخدم بيجروا.... ينزلوا الشنط
فهد بيلاقي جده في استقباله بيجري عليه يحضنه
فهد: وحشتني ياجدي
الجد ويدعي صالح: انت اكتر ياولدي هيا دي مرتك
فهد: ايوه يا جدي
الجد بارتياح لسجده وحس احساس غريب نحيتها: قربي يابتي
سجده بتقرب منه وبتبوس ايده وبتقوله: ازي اخبارك ياجدو
الجد: انا بخير وبقيت بخير اكتر لما شوفت ان فهد اتچوز بنت زينه زيك
سجده بابتسامة صافية: يارب دايما تكون بخير
الجد بحنيه: اسمك ايه
سجده : اسمي سجده
الجد: عاشت الاسامي ياسجده... بيدخل سليم والد فهد: كيفك ياولدي
فهد بلهجه صعيديه: بخير يابوي اتوحشتني قوي
سليم: كيفك يابتي
سجدة: الحمد لله ياعمو
سليم: قوليلي يابوي
سجدة بضحك: حاضر يابوي
الجميع بيضحك علي طريقتها
سلمي مرات عم فهد التاني بتدخل بتسلم علي سجده بحب: ازيك يا حبيبتي
سجده باحترام: الحمد لله.. بخير
احمد جوزها: ازي اخبارك يابنتي
سجده: الحمد لله يا عمو
وبيجري بنت ولد توام علي سجده عندهم 13سنة وبيقولو لسجده: ازيك يا قمر
سجده بحب: ازيكو يا حلوين عاملين ايه
ميرنا ومراد: الحمد لله..... دول ولاد احمد عم فهد
الجد بينادي وبيقول: يا جليلة
جليلة: نزله يابا اهو وبتدخل جليله تصحي بنتها وبتقولها: اصحي يابت
حبيبة: ايه ياما في ايه
جليلة: فزي يابت فهد رجع ومعاه مراته
حبيبة بغل : والله لطفشها فهد مش هيكون لحد غيري
جليلة: طب يلا قومي... علشان تسلمي عليها وعليه
جليلة وحبيبة بينزلوا وبينصدموا.. من جمال سجده حبيبة بتنزل بتجري علي فهد... ازيك يافهد وحشتني قصدي وحشنا
فهد بود: الحمد لله يا حبيبة وبتقول لسجده: ازيك يا ٠٠٠٠٠
سجده: انا اسمي سجده.. الحمد لله اخبارك ايه
حبيبة بطيبه مزيفه: الحمد لله
الجد: يلا يافهد اطلعوا ارتاحوا في اوضتكم علي الغدا ميتحضر
فهد: حاضر ياجدي
صالح الراوي جد فهد يبلغ من العمر 70عام كبير... الصعيد وعمدة البلد... راجل حاد الطبع بس حنون جدا ومعروف بالعدل الصعيد كلها بتحترمه
سليم الراوي ابو فهد: راجل طيب وبيشتغل رجل اعمال برضه.... بس اغلب عيشته في الصعيد جدا يبلغ من العمر 50عام ابن صالح الكبير
احمد: يبلغ من العمر٣٩ عام طيب جدا
سلمي: مرات عم فهد الصغير تبلغ من العمر36 عام
حبيبة بنت عم فهد تبلغ من العمر 23 شريرة وعايزه تتجوز فهد علشان الفلوس... ومكملتش تعليمها
جليلة ست جبارة وحقوده تبلغ من العمر 45 ام حبيبة
&&&&&&&&&&&&&&&&&&&&
سجدة وفهد بيدخلو الاوضه وسجده بتقوله: بتتكلم صعيدي حلو اوي
فهد: عارف
سجدة: ايه الغرور ده
فهد: يابنتي انا فهد الراوي ابن سليم الراوي حفيد صالح الراوي
سجده:ايه ده... بس خلاص.. عرفت
فهد: بس جدي اتعود عليكي بسرعه وانا ممكن اغير
سجده: علشان انا اتحب بسرعه
فهد: ايه الغرور ده
سجده بضحك: علشان انا مرات فهد الراوي ابن سليم الراوي حفيد صالح الراوي
فهد بيضحك: بس خلاص عرفت
بيضحكو الاتنين..... بعدين سجده... بتدخل تاخد شاور وبتلبس ادناء واسع باللون الرمادي وبيكون شكلها قمر وشعرها بيكون مبلول بتهز دماغها الماية... بتيجي في وش فهد
سجده: سوري
فهد: براحتك واخده براءة انهارده
سجده: تمام.... وبتسرح شعرها وسط عيون فهد الي متبعاها باعجاب
سجده بتقوله: يلا يا فهد انا جهزت بيلاقي شعراية طالعه من الطرحه بيقولها: ايه ده
سجده: فيه ايه
فهد: شعرك باين من الطرحه
سجدة: مشوفتهاش فهد بيقرب منها وبيدخل شعرها في الطرحه... وبيطبع بوسه رقيقة علي خدها وبيمشي قدمها
سجده: هتفضل سافل
فهد: بتقولي حاجه
سجده: بقول انك راجل محترم
فهد: ما انا عارف
سجده... وفهد بينزلوا يقعدوا في الصالون بتدخل بنت بتجري علي فهد وبتحضنه وبتقوله: فهد وحشتني قوي
فهد: انتي اكتر ياعيوني
حور يطيبه : ازيك يا قمر انتي مرات فهد
سجده بابتسامه : اه
حور: فهد اخوي زوقه حلو قوي
سجده: انتي احلي ياحبيبتي
حور: ولسانك عسل زيك احنا من هنا ورايح اخوات واصحاب
سجدة: اتشرف انو يكون عندي اخت قمر زيك
حور اخت فهد بنوته عسوله ورقيقة عندها 20 سنه اكبر من سجده... بسنه في كلية تربية وبتحب اخوها وعليتها جدا
العيلة كلها بتتجمع علي السفرة وفهد بيقعد جنب جده وحبيبة بتروح تقعد جنبه
الجد بصوت جهوري: حبيبه ***
السابع
#اسيرة الوحش
حبيبة بخوف : نعم ياجدي
الجد: فهد قاعد اهنه يبقي مرتو تقعد جنبو
حبيبة: معلش يا جدي نسيت
الجد بغضب: نساكي الموت
سجده... بتاكل بتلاقي حبيبة بتبصلها سجدة بتبتسملها...
حبيبة بتبتسملها ابتسامه صفرا
بيخلصوا اكل، وبعدين الرجاله بيقعدوا في الجنينه وسجده... بتطلع تديلهم الشاي... بتلاقي الجد وفهد بيلعبوا شطرنج... بتقدم الشاي وبعدين بتساعد الجد في اللعبه
فهد: اسكتي كده بتخمي وبعدين انتي بتعرفي تلعبي شطرنج
سجده بطريقة مضحكة : امال انا مرات حفيد صالح الراوي
فهد: تلعبيني
سجده: علي ايه
فهد: القمار حرام
سجدة: لا لو انت خسرت انا اطلب طلب ولو انا خسرت انت اطلب طلب... متقلقش.. مش هطلب فلوس يعني
فهد: وانا موافق
بيبتدوا لعب وسط ضحك... وهزار بتكون حبيبة وامها وقفين هيموتوا من الغيظ
جليله: بصي يبت بت البندر كلت بعقلهم حلاوة ازاي.... مش انتي
سجده: دي عيله عره عجبه فيها ايه
جليلة بعوجة بوقها: انتي هتستعبطي البت كيف القمر... بس احنا لازم نتصرف علشان يطلقها
حبيبة بشر: حاضر يما فهد مش هيكون.. لحد غيري
عند سجده بتكسب فهد وبتقوله: كفايا عليك كده يامعلم علشان متتحرجش اكتر من كده بس طلبي لسه محفوظ
وبتلعب... هيا والجد وبتخسروا بيلاعبها سليم وبرده بتخسره.... وبعدين حبيبة بتدخل عليهم وبتضحك ضحكة سمجة: اني بقي هلعبك وهكسبك
فهد بيقوم وبيقول لجده انا طالع اشوف شوية شغل ياجدي
حبيبة بتعمل نفسها جالها تليفون علشان الي كانت جايه علشانه مشي وبتقول: بعد اذنكوا يجماعه هرد علي التليفون
سجده: اتفضلي
&&&&&&&&&&&&&&&&&&&
بعد فترة صغيرة بتطلع سجده لفهد وبتقوله: احرجتك
فهد: انا الي خسرت بمزاجي
سجده: والله بمزاجك
فهد: ايوه
سجده: فهد هسالك سوال
فهد: قولي
سجده: هو انت ليه اول ما حبيبة دخلت قومت
فهد: الحق ولا ابن عمه
سجده بضحك: ابن عمه
فهد: بصراحه كده قاعدتها ممله وكانت هترغي في حجات ملهاش لازمه فقومت احسن
سجدة: طب مش عايز تعرف الطلب بتاعي ايه
فهد: ايه
سجده: في جزئية واقفة معايا فهمهالي
فهد: من غير حاجه افهمهالك عادي
سجدة: تمام وبتقعد سجده.... جنب فهد بيبدا يشرحلها بطريقة عبقرية سجده: تصدق احلي من شرح دكتور سليم
فهد: سيرته متجيش تاني
وبتتذكر الي حصلها بسببه: اسفه خلاص
فهد بيكمل شرح وبعدين.... بيخلص وبيسالها في الي شرحه وهيا بتجاوب بالنص
فهد: فين المقابل
سجدة بعفوية: مقابل ايه يا حاج وده طلبي محدش قالك العب... وبعدين انت قولت تشرحهالي من غير حاجه
فهد: اهدي انا مش عايز مقابل مادي
سجدة: امال عايز ايه
فهدبيشاور علي خده
سجدة: فهد عايز اسالك سؤال
فهد: اتفضلي
سجدة: انت جايب السفاله دي من مين جدو.. عمو محترمين
فهد بمشاكسه: انتي مراتي
سجده: بس عيب
وبيقوم هوا يبوسها من شفايفها سجده بشهقة: سا فل
فهد: سمعتك واسكتي بدل ماجي اكمل
سجده بسرعه: لا خلاص
بينزلوا يقعدوا مع العيلة تحت فهد وسجده: مساء الخير
الجميع: مساء النور بيكونوا مشغلين الشاشة بيتفرجوا علي فيلم قديم سجده بتلاقي مراد وميرنا جاين يقولولها سجده تعالي ذاكرلنا
سجدة من عيوني وبتروح تذاكر لهم
الجد بيقول لفهد: مرتك طيبه قوي يا ولدي
فهد: وشقية يا جدي
سليم ابو فهد: بس روحها حلوه وعملت حس للمكان ياولدي
حور بتدخل عليهم وبتقول انا كده اغير بقي ست سجده هتخدكوا مني
فهد بضحك: متخفيش مكانتك محفوظه
حور بغرور مصطنع: اصلا عارفه انو محدش يقدر ياخد مكاني
فهد: روحي اقعدي جنب اختك المغرورة دي
حور: دي سجده قمر
سجده سمعتها وقالتلها: مفيش قمر غيرك
بتخلص سجده مذاكرة لميرنا ومراد وبيجروا علي مامتهم وبيقولولها: ماما سجده فهمتنا الدرس كله
سلمي: شكرا ياحبيبتي
سجده: العفو يا طنط وبتقول لميرنا ومراد: فين المقابل
فهد: ماديه
سجده: انت اخر واحد تتكلم وبيقعدوا يتخانقوا مع بعض
سجده: انت الي مادي
فهد: انتي
الجد بيكون.... قاعد مبسوط انو حفيده اتجوز وانو كمان اتجوز... واحده زي سجده
الجد: طب يلا اطلعوا ريحوا بقي
بيطلعوا وسجده بتدخل الحمام تاخد شاور وفهد بينزل يجيب.... حاجه من تحت سجده بتطلع من الحمام بتغير هدومها الي برموده مينت جرين وتشيرت كت عليها.. وبتصرخ........ لما بتشوف فار فهد بيكون داخل الاوضه سجده، بتجري عليه وبتحضنه بخوف جسمه.... بيقشعر علي اثر حضنها ليه
سجده بصوت مليان رعب: في فار طلعه بالله عليك...... انا بخاف منهم وبتكون لسه حضناه ومغمضه عيونها
فهد بحاول يهديها: اهدي متخافيش انا هطلعه فهد، بيطلع الفار وبعدين بيرجع لسجده، بيلقيها لسه خايفه وبيقولها: انا اعرف انو البنات بتخاف من الفران بس مش للدرجادي
سجده بعياط: طنط شادية حبستني في الاوضه وكان فيها فئران مره
فهد... بيضغط علي ايده من الغضب وبيحضنها جامد متقلقيش طول منا معاكي
سجده بطفوله وبتمسح دموعها بكف ايديها: ماشي خلاص
فهد بيضحك عليها وعلي حركتها الطفوليه
سجده بتنام وفهد بينام جمبها وبيخدها في حضنه
سجده: ابعد شويه
فهد: لاء
سجده: ابعد انا عايزه انام
فهد: متنامي
سجدة: مبعرفش انا كده انا اتعودت انام لوحدي
فهد: اتعودي انك تنامي جمبي
سجده: لاء
فهد: طب نامي بدل مقوم انيمك بطريقتي وبيغمز
سجدة بتشد الغطا علي وشها وبتقول: انا خلاص نمت
فهد:ايوه شاطره وانتي بتسمعي الكلام
&&&&&&&&&&&&&&&&&&&&
سجدة بتصحي بتلاقي فهد نايم وشعره علي عينه... بتشيل شعره من علي عينه بتقوله: ايه كمية الغرور الي انت فيها دي علشان حلو شويتين يعني..... فهد بيصحي وبعد مكانت فوقه بتكون تحته
سجده بشهقه: ايه قلة الادب دي
فهد باستفزاز: مش انتي الي كنتي بتعكسيني وانا نايم
سجدة: لاء انا كنت ب٠٠٠٠٠٠
فهد: بت ايه
سجده بعفويه: كنت بقول انو انت مغرورمش علي شان عينك زرقا تتكبر علي خلق الله
فهد بضحك: انا مغرور
سجده: اه
فهد: مدام كده بقا وبيبوسها بوسه عميقه سجده بتبعده ووشها بيحمر جدا
فهد: حلوه الفراولة
سجدة: فراولة ايه
فهد: ولا حاجه قومي يلا بدل معمل حاجه هموت واعملها
سجده: تعمل ايه
فهد : يبنتي انقذي نفسك وقومي
سجده: انا قايمه اهو فهد بيدخل الحمام ياخد شاور، وسجد بترتب الاوضه... وبعدين بتلبس دريس مشجر وعليه طرحه سوده وبتكون فيه زي القمر
فهد بيطلع وبيقرب منها بخبث: وبيقولها مش قولت 100 مره متحطيش روچ
سجده: انا محطتش حاجه
فهد: لا اوعي كده اشوف سجده بتاخد بالها وبتطلع تجري وبتقوله: لا انت عملتها معايا مره وبتطلع تجري تفتح الباب
فهد بابتسامه: مجنونه
سجده وهيا بتجري خبطت في حبيبة
حبيبة: انتي مجنونه
سجده: معلش غصب عني
حبيبة: بتجري وبتضحكي بصوت عالي ولا كانك في كباريه وتقوليلي غصب عني
فهد بصوت عالي هز اركان القصر: حبيبة الزمي حدودك
حبيبة بتوتر: هيا الي٠٠٠
فهد: اخرسي انا سامع وشايف كل حاجه وبعدين تضحك براحتها هيا بتضحك مع حد غريب دي بتضحك مع جوزها
حبيبه: انا اسفه يافهد
فهد: الاسف مش ليا
حبيبة بغيظ وطيبة مصتنعه: انا اسفه يا سجده اصل كتفي وجعني
سجده بطيبة : متتاسفيش وحقك عليا لو خبطك
&&&&&&&&&&&&&&&&&&&&&
سجده بتنزل بتلاقي الجد قاعد في الصالون بتقوله: صباح الخير ياجدو وبتبوس ايده
الجد بحب: صباح النور يا قلب جدك
سجدة بتلاقي برشام قلب علي التربيزه بتقول للجد: جدو هو انت عندك القلب
الجد: ايوه
سجدة: الف سلامه عليك ياجدو بس اهتم بالعلاج كويس جدا
الجد: الله يسلمك يا حبيبتي بس انت عرفتي منين انو ده برشام قلب
سجدة: اصل ماما الله يرحمها كان عندها القلب
الجد: الله يرحمها ياحبيبتي وبيحضنها
فهد بيدخل عليهم وبيقول: دا انا كده اغير
الجد: تعال ياولدي.... وبيضمه لحضنه سجده بتطلع لسانها لفهد
فهد: انتي مجنونه يابت
سجده: سامع ياجدو ده بيشتمنى وانا معملتلهوش حاجه
الجد: اتادب يافهد
فهد: هيا الي بتطلعلي لسانها
سجده ببراءة مزيفه: انا
فهد: اه
حور بتدخل عليهم خلاص.... ياقط ويا فار يلا علشان الفطار اتحضر، بيروحوا يقعدوا علي السفره وبيفطروا... وسط نظرات سجده وفهد الي فيها تحدي
الجد: خلاص يا ولاد افطروا من غير نظراتكم لبعض دي
بيخلصوا فطار وسجده
.. بتشيل معاهم الاكل وبعدين بتطلع تقعد جنب والد فهدوبتقوله: هو ازاي راجل سكر زيك كده يخلف الكئابة والبرود دي
فهد من خلفها: ده الكئابه والغرور دي انا
سجده بتلعثم : دا دا انا كنت بتكلم علي البت حور
حور: انا
سجده بغمزة: اه
فهد طب اتفضلي المكمل الغذائي اهو
سجده: لاء
فهد بعصبية: اتفضلي خديه علشان الدكتور قال لازم تخديه..
سجده بتذمر: لاء
حبيبة بغيرة: خلاص يا فهد قالتلك مهياش عايزه
امها جليلة: اسكتي بدل مجدك يزعقلك مكملتش... كلامها وجدها قلها: وانتي مالك ياحبيبة واحد ومرتو بتتدخلي ليه
جليلة: خلاص يابا عيله وغلطت
الجد بيقول لسجدخ: خديه علشان خاطري علشان صحتك تبقي كويسه
سجده: حاضر ياجدو
وبيكونوا قاعدين بيلاقوا الغفير بينادي وبيقول: يا حاج صالح
صالح: في ايه يا جابر
جابر: في عاركه بين عيلة الزناتي والشناوي ومحدش عارف يوقفهم
صالح: جاي اهو
فهد: استني ياجدي هاجي معاك وبيمشوا وبعدين حور بتاخد سجده علي اوضتها تقعد معاها
حور: انتي ف كلية ايه يا سجده
سجدة: تجارة انجلش
حور: زي فهد
سجدة: اه
سجده: حور عايزه اسالك سؤال
حور: اتفضلي ياحبيبتي
سجده: انا حاسه انو حبيبة مش طيقاني ولا بطيق تشوفني مع فهد وبتحكيلها الي حصل
حور بضحك: اصلها بتحب فهد
سجده بصدمه : ازاي
حور: اه والله بس فهد طول عمره بيعاملها زي اخته وميعرفش انها بتحبه
سجده: قولتيلي وانا اقول هيا بتبصلي كده ليه
حور: دي مهوسا بفهد وغير كده وكده علشان عايزه تعيش في القاهرة... وتترفه
سجده: يا ختي خليها تاخده وتشبع بيه
حور بصدمه : ايه
سجده: لا بهزر
حور: احكيلي قصة حبك انتي وفهد
سجده: لا مفيش قصة حب
حور: اتجوزتو جوازه عادية طب احكيلي اول مقابله بينك وبين فهد
سجدة: لا مهيا مش جوازه عاديه واول مره اتقابلنا ضربته بالقلم
حور بصدمه: ازاي.......
سجده بتحكيلها اي الي حصل من اول مشافت فهد لغاية دلوقت
حور: ياه حصلك كل ده
سجده: اه
حور: بس بصراحه ابوكي ده راجل واطي..
سجده: حور ده مهما كان ابويا
حور: والي يبيع بنته يبقا اب
سجده: عادي ما اخوكي اشتري
حور: متزعليش من فهد والله قلبه طيب وحنين بس..... دا رجاله بشنبات محدش يقدر يرفع عينه في فهد جيتي انتي ضربتيه بالقلم
سجده: مهوا الي قليل الادب
حور: واحد شاف واحده قمر زيك... عيزاه يعمل ايه
سجده: يحترم نفسه
حور: ماشي يستي بس مش عيزاكي... تزعلي منه وقربي منه هتحبيه
سجدة: اقرب منه ده انا لو اطول اهرب ههرب
حور: هيجيبك لو روحتي فين
سجده: منا عارفه انو كده كده هيجبني
حور: بلاش نكد تعالي بقا افرجك علي شهاداتي
سجده: يلا
&&&&&&&&&&&&&&&&&&&&&
عند فهد بيرجع هو وجده البيت وبيطلع علشان يشوف سجده..... مش بيلاقيها بيروح اوضه حور بيسمع صوت سجده من جوه بتقول: تصدقي انو الوحش القاتل جابلي... شهاداتي كلها من بيت بابا
حور: مين الوحش القاتل ده ياسجده
سجده : اخوكي مين غيره
حوربضحك: هو اسمه الوحش القاتل
فهد بيفتح الباب: طبعا امال هيكون اسمي ايه
سجده بتلعثم: ف ٠فهد ان انت جيت امتي
فهد: فهد ايه بقا ده الاسم ده اتلغي من زمان
سجده باستعباط: امال اسمك ايه
فهد: اسمي الوحش القاتل وبيروح عليها يرفعها علي كتفه
سجده: نزلني يا قليل الادب وحور وقفه تتفرج عليهم وبتضحك
فهد: انا قليل الادب
سجده: وسافل كمان
فهد: ماشي وبيخدها وبيطلع من الاوضه وبيتجه لاوضته، وبيفتح الباب وبيقفله بالمفتاح... وبيرميها علي السرير وبيقولها: قوليلي بقا كنتي بتقولي ايه
سجده: انا مقولتش حاجه
فهد بيشدها عليه لغاية مبتلزق في صدره العريض وبيقولها: يعني مقولتيش حاجه
سجده بتوتر: لاء وابعد شويه
فهد: ولو مبعدتش
سجده: ها... ولسه هتضربه بالقلم بيمسك ايدها وبيكبلها في بعض
وبيقولها: انتي اتعودتي علي كده بقا
سجده بتوتر: ما انت الي سافل
فهد: طب لما انا سافل بقي... وبيبوسها
سجده بتبعده عنها وبتقوله: ابعد عني بقا
فهد: انتي الي استفزيتيني
سجده: طب خلاص حقك عليا سبني في حالي بقا
فهد: انا حالك
سجده بلماضه: حالي ازاي يعني
فهد بحنية ومحاولة انو يصالحها: يعني لما تزعلي من اي حاجه تعالي قوليلي.. وانا اجبلك حقك
سجده: طب انا زعلانه منك
فهد بضحك: لا دي بقا مقدرش اعملها
سجده: بس انا اقدر
فهد: عايزه تعملي ايه
سجده بتفكير: اعملي 100ضغط دلوقتي
فهد: بس كده
سجده بصدمه هما دول شوية
فهد: طب شوفي وبيبدا يعمل ضغط باحتراف وبعد مبيخلص بيقولها: حاجه تاني
سجدة: لاء كفاية انا اخدت حقي
فهد: متعيطيش تاني قدامي
سجده: ليه
فهد: علشان لما بتعيطي بتكوني قمر بكون عايز اعمل حاجه هتخليكي تعيطي اكتر
سجده: خلاص مش هعيط تاني وبتمسح وشها وبتضحك
فهد: طب يلا ننزل
سجده: يلا وبينزلوا
سجده بتروح علي الجد وبتقوله: تعالي اغلبك دور شطرنج
الجد: يلا
بيلعبو وسجده بتخسره
سجده: محدش قدي
الجد: عمر ما حد خسرني فيها جيتي انتي يا عيله وخسرتيني
سجده بضحك: انا مرات فهد الراوي
فهد من خلفها: ابن سليم الراوي حفيد صالح الراوي
سجده وفهد في صوت واحد: خلاص حفظتها
الجد بضحك: ده ايه ده
سجده: دي القصيدة الفخرية بتاعت فهد
فهد: انا
سجده: اه
فهد: طب ماشي
سجده: اسيبكم بقا تقعدوا مع بعض شويه وبتدخل المطبخ بتلاقي بنوته وقفه بتعمل الاكل
سجده: ازيك يا قمر
مريم: الحمد لله يا هانم
سجده: اسمي سجدهوانتي اسمك ايه
مريم: اسمي مريم
سجده: اسمك جميل يامريم انتي بتتعلمي
مريم: ايوه انا في اخر سنه كلية علوم
سجده: ربنا معاكي وبعدين... ينفع اكون اصغر منك وتقوليلي يا هانم
مريم: ميصحش اني اقولك غير كده
سجده بابتسامه: لا يصح واطلعي انتي ذاكري... وانا هطبخ انهارده
مريم: لا مينفعش
سجده لا ينفع وبعدين انا بحب اطبخ
مريم: حاضر وبتطلع مريم وسجده... بتبدا تطبخ وبعدين بتكون عايزه دقيق... مش بتلاقيه فوق ومش بتطوله بتحط كرسي.. وبتطلع علشان تجيبه
فهد بيدخل المطبخ علشان يشرب بيلاقي سجده متشعلقه بيقولها: انتي بتعملي ايه عندك
سجده: هكون بلعب يعني... بجيب دقيق
فهد: ومريم فين
سجده: انا قولتلها اطلعي وانا هطبخ
فهد: يبقي مفيش خد هياكل
سجدة: ليه دا انا طبخي جميل
فهد بكدب: لاء مش حلو خالص
سجده: طب اطلع بره بقي وانا هوريك اكلي
فهد: طب انزلي وانا هجيبلك الدقيق
سجده بعناد: لاء وبتشيل الدقيق وفهد رايح نحيتهاعلشان ينزلها الكرسي بيتحرك سجده بتقع علي فهد وبينزلوا الاتنين في الارض والدقيق بيقع فوقيهم
سجده: اااه يا ضهري منك لله... كان لازم تعصبني
فهد: انتي عبيطه يابت ده انتي الي وقعه فوقي ومدشدشه ضهري
سجده: ما انت الي وقفلي تحت الكرسي اكننا... في مسلسل هندي
حبيبة... بتكون معديا من جنب المطبخ وبتشوفهم بتتغاظ وبتدخل
وبتقول: ايه ده في ايه
فهد: انتي شايفه ايه
حبيبة: ايه الي عمل فيكو كده
سجده: الدنيا بقي هنقولولها ايه
حبيبة بغيرة: طب معلش قومو بقا
سجده بتعاند فيها :لا احنا مرتاحين هنا
حبيبة: بجد يافهد
فهدوفهم سجده وبيضحك: ايوه طبعا
حبيبة بتطلع وهيا هتموت من الغيظ...
بيدخل مراد المطبخ وبيقول: يماما مين دول
سجده بضحك: انا سجده يا مراد وده فهد
مراد: انت. عاملين كده ليه
سجده: الدقيق اتقلب علينا
مراد بطفوله: الله زي المسلسلات... انتي وقعتي وابيه فهد انقذك
سجده لفهد: مش لسه قايلالك
فهد: خلاص يامراد متقولش لحد بقي ونادي علي مريم... تيجي تنضف المطبخ
مراد: حاضر ياابيه
&&&&&&&&&&&&&&&&&&&&&
عند حبيبة بتروح لامها شوفتي ياما
جليلة: في ايه يابت
حبيبة: الاتنين عملين زي عصافير الكنارية وقعين فوق بعض في المطبخ
جليلة: يا خبتك انا مش قولتلك قربي منه يابت واي حته يقعد فيها اقعدي معاه وخليه يحبك
حبيبة: ده مش شايفني اصلا يما
جليلة يبقا خلاص نعمل مشاكل بينهم
حبيبة بشر: ماشي يما
&&&&&&&&&&&&&&&&&&&&&
فهد وسجده بيطلعوا الاوضه علشان يستحموا وبيتعاركوا الاتنين علي مين يدخل الاول
سجده: انا الاول
فهد: لاء انا
سجده بتذمر: لاء
فهد بمشاكسه خلاص نستحمي مع بعض
سجده خدودها احمرت: بردو قلة ادب
فهد: خلاص سيبيني ادخل الاول
سجده: تمام
بتتجه نحو الدولاب وبتقع وبتقول: اه يا رجلي
فهد بيجري عليها وبينزلها الارض: قومي براحه سجده.... بتجري علي الحمام وبتقفل الباب وبتقوله: تعيش وتاخد غيرها
فهد بغيظ: ده خم وده اخرت الي يخاف علي حد
سجده بتستحمي وبتكون ناسيه الهدوم بره
بتقول من ورا الباب: فهد
فهد: ايه
سجده: ممكن تجبلي هدومي
فهد: لاء
سجده: بالله عليك
فهد: لاء
سجدة: طب اطلع بره علشان اغير
فهد: بردو لاء
سجده... بتلاقي قميص من بتاع فهد.... متعلق في الحمام بتلبسه... وبيوصل لغاية ركبتها وبتطلع فهد،، بيلف دماغه بيلاقي حورية طالعه من الحمام بشعرها البني الي مفرود والمايه نزله علي وشها ووشها الاحمر
سجده بتوتر: ممكن تطلع بره
فهد: مقولت لاء وبعدين انتي لابسه هدومي ليه
سجده: منا مخدتش هدوم في الحمام
فهد بمشاكسه: طب اقلعيه انا مبحبش حد يا خد هدومي
سجده: طب اطلع وانا هقلعهولك
فهد: لاء انا عيزه دلوقت
سجدة: طب بالله عليك اطلع وهدهولك
فهد: والمقابل
سجده: انت كل حاجه عندك ليها مقابل
فهد: اه ويلا هاتي مقابل
سجده: ايه هو
فهد: بيشاور علي خده بوسه
سجده: استحاله
فهد: تمام.... وبيمد ايده علشان يقلعها القميص وووو
الثامن
فهد لسه بيمد ايده يقطع القميص
سجده بصوت مرتجف: لا خلاص يا فهد هعملك الي انت عايزه
فهد: يلا
سجده بترفع علشان تطوله رجلها وبتبوسه بوسه رقيقه في خده
سجده بكسوف: يلا بقي اطلع بره
فهد بضحك: تمام وبيطلع وبيغمزلها
سجده: سافل وبعدين.... بتغير هدومها وبتلبس دريس باللون الاصفر وعليه طرحه بيضا... وبتنزل تقعد في الصالون مع العيلة بتدخل، حبيبة عليهم وبتديلهم الشاي بتدي الجد... وبعدين سليم وامها وسلمي ومحمد وبتروح علي فهد وبتقوله بمياعه: اتفضل يافهد
فهد: شكرا
بتروح علي سجده.. تديها الشاي وبتقلبها فوقيها عمدا
سجده بصراخ: اه
فهد بخوف: وريني ايدك حصلها حاجه وبيصرخ في حبيبة: اجري هاتي علبة الاسعافات
حبيبة بخوف من فهد وحزن مزيف: حاضر وبتجري تجيب علبة الاسعافات.. فهد بيمسك ايدها وبيسعغها وبعدين بيلف ايدها
فهد بحنيه: كويس كده
سجده: ايوه شكرا
حبيبة بخبث: اسفه يا سجده غصب عني
سجده: ولا يهمك
جليلة بشماته وتمثيل: مش تاخدي بالك يا حبيبة
حبيبة: غصب عني يما
بتدخل الخدامه وبتقولهم: يلا ياحج صالح الغدا جاهز
صالح: ماشي
وبتتجمع العيلة كلها علي السفرة فهد... بيكون مهتم بسجده وعمال ياكلها كانها بنته
وحبيبة بهمس لجليلة: يعني يوم ما احرقها يتقرب منها كده
جليلة: يابت احنا لسه في البداية
بياكلوا وبعدين فهد بياخد سجده... وبيقول انو هياخد سجدة يذاكرلها علشان امتحانتها كمان اسبوع وبيطلعوا الاوضه
فهد: يلا علشان هنقفل مادة كامله انهارده
سجده بتذمر: كتيرعليا
فهد: لا مش كتير... وبطلي كلام واحنا هنخلصها سجده... بتغير هدومها لبجامه بيتي مريحه وبترفع شعرها كحكه فوضويه وبتحط القلم في شعرها
سجده: انا جاهزه
فهد بضحك: ايه ده
سجده: علشان اعرف اركز يلا بقي
فهد بيشرحلها المادة... وبيبسطها وسجده قاعده مركزه معاه وبعدين بيسالها وهيا ي... تجاوب وبيسرح فيها وفي انو هيا ازاي في اصعب اوقاتها بتبقي مبتسمه... ومش بتستسلم بسهوله وبسيطه
سجده: انت روحت فين
فهد بيفوق من سرحانه: ها لا انا معاكي اهو ويلا علشان دي اخر جزئية في المادة... ونكون خلصناها
سجده: تمام، بيشرحلها وبعدين بيقفل الكتاب وبيسالها عدة اسئلة وبتجاوب عليها
فهد: هسالك سؤال
سجده:اتفضل
فهد: لما انتي جايبه97٪ في الثانوية مدخلتيش طب لي
سجده: مرات بابا لما لقت مجموعي عالي كان نفسي ادخل طب واتخصص في علاج القلب بس هيا منعتني، وقالت هتسرفي كتير وعلشان ملك بنتها كانت جايبه65٪
فهد بيهون عليها: ربنا كاتبلك الاحسن
سجده: طبعا ربنا مش بيخترلنا حاجه وحشه
فهد: انا ورايا شوية شغل هخلصهم
سجده: تمام انا هنزل تحت ولسه هتنزل بالبجامه وناسيه
فهد: انتي هتنزلي كده
سجده بضحك: صح نسيت والله..مخدتش بالي وبتلبس الاسدال
&&&&&&&&&&&&&&&&&&&
بتنزل سجده بتلاقي العيله كلها نايمه بتطلع تقعد في الجنينه مش بتلاقي حد بتفكك شعرها... وبينسدل علي ضهرها والهوا بيطير شعرها علي وشها، بتنزل دمعه من عنيها وبتذكر مامتها وهيا بتقولها نفسي اشوفك في طب خاصة.... انو مامتها عندها القلب، وبعدين بتفتكر معاملة مرات ابوها وابوها الي باعها... ومفكرش يسال عليها ومعاملة فهد ليها في الاول... دموعها بتنزل بغزارة فهد بيبقي راجع من بره يشوفها بيلاقيها قاعده وشكلها... قمر والهوا بيطير شعرها سجده بتشوفه بتمسح دموعها
فهد: مالك يا سجده
سجده: مفيش حاجه
فهد بيقعد جنبها وبيقولها: قوليلي في ايه
سجده: لا ء.... بس ل امتي
فهد: هو ايه الي ل امتي
سجده: هتفضل اسرني لامتي
فهد: ايه الي انتي بتقوليه ده
سجده: بقول الحقيقة وحده ابوها باعها وعايشه تحت امرك تبقي اسيرة
فهد: ايه لازمته الكلام ده
سجده: لازمته انو كفاية كده بقي انا عايزه اتطلق وامشي من هنا
فهد جذبها من دراعها بعنف... والغضب احتله: انتي ملكي ياسجده، ومراتي وعمرك مهتكوني لحد غيري..... ولا عمري هطلقك ياسجده
سجده بتزقه جامد: انا مش ملك حد انا ربنا خلقني حره مش ذنبي انو ابويا باعني
فهد ببرود: خلاص زي مقولتي وانا اشتريت يعني انتي ملكي
سجده: تعرف انو انت وحش
فهد ببرود وصرامه : اه ما ده لقبي انا الوحش
سجده بضحك هستيري: يعني انا اسمي اسيرة الوحش.. فهد بيتجاهلها وبيطلع ويسيبها
&&&&&&&&&&&&&&&&&&&
تاني يوم فهد بيصحي وبيبص علي سجده وبيقولها: عمرك مهتكوني... لحد غيري وعلي رايك اسمك بقي اسيرة الوحش
وبيدخل الحمام سجده.... بتكون صحت وهو بيطلع من الحمام بتدخل الحمام وهيا متجاهلاه تمام بتاخد شاور وبتغير هدومها، وبتطلع من الحمام، وبتنزل وبعدين فهد بينزل وراها بيلقي جده بيقله:اجهز علشان في جماعه جايين بعد ربع ساعه يباركولك انت ومرتك
فهد: تمام
&&&&&&&&&&&&&&&&&&&&
بعد ربع ساعه بيدخل رجلين من كبار البلد... ومعاهم ست وبيسلموا علي سليم والجد وفهد وسجده
سجده.... بتقدم العصير، وبتقعد وفهد بيقعد جنبها سجده بتبعد شويه... عن فهد بيجي جمبها بترجع تاني بردو.. بيروح جمبها وبيهمس جنب ودنها: اتعاملي طبيعي لغاية ما الناس تمشي
سجده: طب ابعد شوية
فهد: المفروض انو احنا زوجين
سجده: ماشي وبتبتسم علشان محدش ياخد باله
الست: يا زين مخترت يافهد
فهد: الله يباركلك يا حجه
الرجلين: طب نستاذن احنا بقي مبارك يافهد مبارك يا عروسه
فهد وسجده: الله يبارك فيكم
بيمشوا الضيوف وفهد بيقولها: ايوه شاطره كده
سجده: علشان جدو بس
فهد: ماشي.. وبيمشي وبعدين سجده بتجيب العلاج وبتقوله: يلا يا جدوعلشان العلاج
الجد: حاضر يا حبيبتي و بياخد العلاج وبتقعد سجده تتكلم معاه والجد بيكون مبسوط بقعدتها معاه
بيدخل عليهم فهد وبيقول: جدي
الجد: نعم ياولدي
فهد: في حاجه مهمه عايز اقولهالك
الجد:قول يولدي
فهد: احنا هنرجع القاهره
الجد بصدمه: انت بتقول ايه يفهد
فهد: حصلت شوية مشاكل في الشغل وبعدين امتحانات سجده بعد اسبوع
الجد: ماشي ياولدي بس بعد الامتحانات.. ترجع علي طول انا اتعودت عليك وعلي سجدة
فهد: حاضر ياجدي
سجده بتذمر: انا مش هرجع معاك
فهد: ده ليه ان شاء الله
سجده: لسه فاضل علي امتحاناتي اسبوع وبعدين انا بزهق من القعده لوحدي
فهد: اسبوع مش كتير علشان تلحقي تذاكري
سجده: هاجي بس بشرط
فهد: ايه هو
سجده: بعد مخلص محاضراتي هاجي الشركة وبعدين اروح معاك
فهد: موافق
سجده: تمام... يلا انا هطلع البس وبتروح علي الجد تبوس ايده وبتقوله: مش هغيب عليك ياجدو اتضرب علي الشطرنج بقي... ومتنساش تاخد العلاج في معاده
الجد: حاضر ياحبيبتي
بتطلع سجده بتطلع تلبس.. والجد بيقول لفهد: اقعد ياولدي
فهد.. بيقعد جنب جده وبيقوله: نعم ياجدو
الجد: متزعلش سجده سجده قلبها طيب وابيض وبنت حلال
فهد: هو انا اقدر ازعلها
الجد: متنساش انك متجوزها غصب وانها اكيد بتخاف منك
فهد: عارف ياجدي بس والله بحاول متعصبش عليها
الجد: ماشي ياولدي
فهد بيطلع يلبس بيلاقي سجدة لابسه دريس زهري تحفه عليها
فهد: ايه الي انتي لابساه ده
سجده باستغراب: لابسه ايه
فهد: البتاع الملزق الي انتي لابساه ده
سجده: لا مش ملزق وحلو
فهد: لا ملزق وروحي غيريه بدل مغيرهولك انا
سجده بتخبط رجلها في الارض لانه بيكون واسع اصلا..بس فهد بيتحجج... وبتروح تلبس دريس لافندر اوسع...... وعليه طرحه مشجره وبتطلع لفهد وبتقوله: حلو كده
فهد: ايوه كده
فهد بيلبس طقم كاچول وبيحط برفانه الجذاب وبينزل هو وسجده.... بيسلموا علي العيلة وحبيبة بتسلم، علي سجده... بقرف وبتروح علي فهد تسلم عليه بمياعه وبتقوله: متغيبوش علينا يافهد علشان سجده هتوحشني
سجدهبهمس: اناالي هوحشك بردو
فهد لسجده: يلا بينا
سجده: يلا
بيطلعوا يركبوا العربية وبيمشوا بتلاقي فهد بيقول مره واحده: ملزقه
سجده بغضب : انا ملزقه
فهد: لا مش انتي
سجده: امال مين
فهد: حبيبة
سجدة بضحك: طب ليه بس بتقول كده ... والله انا بعاملها حلو بس مش عارفه هيا مالها
وبيفضلوا يضحكوا لغاية ما سجده بتنام علي كتف فهد فهد... بيبوس دماغها وبيكمل سواقه
سجده بتفوق اول مبيوصلوا القصر وبينزلوا من العربية بيطلعوا علي فوق
سجده: انا تعبت من الطريق
فهد: امال لو مكنتيش مقضياها نوم
سجده: منا تعبت من النوم
فهد طب يلا خدي شاور... وبعدين اقعدي ذاكري وانا هروح الشركه
سجده: هتروح متاخر كده
فهد: اه ورايا شوية شغل
سجده تمام
&&&&&&&&&&&&&&&&&&&
فهد بينزل بيروح الشركة بيلاقي اسر هناك
اسر بيقوم يحضنه وبيقوله: حمد الله علي السلامه
فهد: الله يسلمك
اسر: العيلة وجدو وعمو وحور وقلبه بيدق لما بينطق اسمها كويسين
فهد: ايوه كويسين الحمد لله انت عامل ايه
اسر: الحمد لله
وبيشتغلوا بعد فترة من الشغل فهد بيقول لاسر: انا هروح بقا علشان سجده
اسر بضحك: جات ال هتربيك يا فهود
فهد: متظبط يلا
اسر: ماشي يا ابو الصحاب وبيمشي فهد.... واسر بيفتكر حور لما كانت صغيرة وبيقول لنفسه: يا تري بقيتي عامل ازاي دلوقت ياحور عمري
&&&&&&&&&&&&&&&&&&&&
بيوصل فهد القصر وبيطلع الاوضه بيلاقي سجده قاعده بتذاكر ولما بتشوفه.. بتقغل الكتاب وبتقوله: خلصت
فهد: تمام يلا ننزل نتعشي... وبعدين اطلع ارجعلك
سجده: يلا وبينزلوا يتغدوا وبعدين بيطلعوا
سجده: يلا اتفضل الكتاب اهو
فهد بيمسك الكتاب وبيسال سجدهاسئلة متنوعه وسجدة بتجاوب عليهم كلهم
فهد: برافو عليكي يلا نامي.... علشان الجامعه الصبح
سجده: حاضر وبتنام فهد.. بيبوس دماغها وبعدين بيطفي النور... وبياخد اللاب توب، وبيطلع البلكونه يشتغل شغله وبعديت بيدخل ينام جنبها وبيحضنها
&&&&&&&&&&&&&&&&&&&&
سجده بتصحي من النوم وبتجهز وبعدين فهد بيصحي بتقوله: السواق تحت
فهد: انا هوصلك وبعدين هروح الشركة
سجده: انت هتنزل الشركة بدري كده
فهد: اه وبيقوم يجهز وبينزلوا يفطروا وبعدين بيوصل سجده.. الكلية وبيروح علي الشركة سجده بتدخل المحاضره... وبتقعد جنب بنت، الدكتور بيدخل يشرح البنت بتسال سجده سؤال وسجده بترد عليها
الدكتور: البنتين الي قاعدين ورا دول يقوموا يقفولي
سجده والبنت بيقفوا وبيقولوا: نعم يادكتور
الدكتور: لما انتو بقي شطرين في الكلام قولولي انا كنت بقول ايه
البنت بتسكت وسجده، بترد علي الدكتور وبتشرح هوكان بيقول ايه بسهولة
الدكتور بصدمه: تمام اقعدي ومتتكلميش تاني المحاضرة بتخلص وسجده، بتطلع تدور علي السواق بتلاقي فهد هو الي مستنيها... بتجري علي العربية بتفتحها وبتركب وبتقوله: انت مش عندك شغل جيت ازاي
فهد: يبنتي مش انا قايلك اني هاجي اخدك
سجده: اه.... لازم يكون عندك انضباط في شغلك متسبعوش وتمشي
فهد: طب بطلي رغي علشان نروح علي الشركه
سجده بفرحه: واوووو
فهد: طفله
سجده: انا مش طفله
فهد: متاكده وبيمشوا، وفهد بيقف عند محل شاورما بيجبلهم... شاورما وبيدخل سوبر ماركت يجبلهم بيبسي... وشيبسي
وبيطلع يركب العربية بياكلوا الشاورما والتومية بتيجي علي وش سجده... وفهد بيفطس من الضحك
سجده: في ايه
فهد بيوجه المرايا علي وشها: في ده
سجده بتتغاظ بتيجي حاطه توميه علي وش فهد وعلي انفه
فهد بتمثيل العصبية : ده انتي ليلتك مش معديه
سجده: اهدي يا حاج فهد بس كده. وانا همسحها فورا
وبتقرب منه تمسحها عيونهم بتتقابل بيسرحوا شويه وبعدين سجده بتفوق: حلوه كده
فهد بتوهان: حلوه اوي
سجده بتتكسف وبتحس انو بيتكلم عليها: طب يلا بقي علشان نروح الشركة
فهد: يلا وبيدور العربية بيوصلوا الشركة... وفهد بيدخل.... وهو ماسك في ايدها الموظفين كلهم بيتصدموا بيطلع فهد المكتب... وسجده بتطلع معاه وبتتذكر لما ضربته وبتضحك
فهد: بتضحكي علي ايه
سجده: لا ولا حاجه
فهد: اه افتكرتي لما ضربتيني بالقلم
سجده: ما انت رديتهولي
فهد: انتي هتكدبي انا مديت ايدي عليكي
سجده: لا انت رجعتوا بقلم اقوي
فهد بيحاوا يغير الموضوع: طب ذاكري
سجده: لا هذاكر لما اروح انا هشتغل معاك
فهد: وانتي هتعرفي في الشغل
سجده بضحك: بيقولو ان انا في كليه تجاره..
فهد: تمام
بيشتغلوا سجده بتلاقي... بنت داخلة لابسه جيبه قصيره وبتكون.. مي
مي: حمد الله علي سلامتك يافهد باشا
فهد: الله يسلمك يامي
سجده بغيرة مش منها علي فهد : هو انتي مشوفتيش فهد بيه امبارح
مي بمياعه: لاء....سجده بتلقيها عماله تبص علي فهد بتروح تقف في النص، بينها وبين فهد بتروح مي لفهد تديلوا الملف... سجده بتاخدوا منها وبتحطه علي المكتب تقراه وبعدين بتبص بتلاقي مي لسه بتبص لفهد سجده بتيجي رافعه راسها لفوق علشان... مي متبصلهوش
فهد بيكون قاعد نفسه يضحك بس ساكت مي بتتحرج... وبتطلع
سجده: هيا البت دي سهتانه كده ليه
فهد بضحك: انا عارف
سجده: والله
فهد: انتي بتغيري
سجده: انا لا طبعا... بس مبحبش البنات دي
فهد: ماشي
سجده بتديلو الملف وفهد بيمسك ايدها
اسر بيدخل فجاة بيلاقي بنت مديالو ضهرها وفهد ماسك ايدها
اسر بصدمه: فهد...ايه ده.. انت مش خايف من مراتك
سجده بتلف وشها وفهد بيقوله: مهيا مراتي اهي يعم
اسر بضحك: اه
اسر بيدخل وبيقولها: ازيك.. ومبيسلمش عليها..... بايده علشان عارف صحبه ممكن يطربق المكتب علي دماغه
سجده: الحمد لله
فهد: انا همشي بقا، وانت شوف الدنيا هنا
اسر: تمام يافهد
بينزلوا يركبوا العربية... وبيوصلو سجده... بتلاقي داده فاطمه بتجري عليها وبتقولها: وحشاني مشوفتكيش امبارح
فاطمة: كنت في اجازه ياحبيبتي انتي عامله ايه
سجده: الحمد لله بخير
وبتطلع علي الاوضه بتحس انو دماغها وجعاها وبطنها وبتدوخ
سجده: فهد
فهد بخوف: في ايه
سجده: بطني ودماغي وجعني
فهد بقلق : اهدي هتصل علي الدكتورة.. الدكتورة بتيجي وبتكشف عليها وبتقوله: متقلقش يافهدبيه عندها شوية برد... وهيا ضعيفه فمش بتستحمل عايزه رعاية تامه
فهد: حاضر يا دكتورة
الدكتورة بتمشي وفهد بيقولها فاضل 5ايام علي الامتحانات.. لازم اقعد من الشركة علشان اهتم بيكي
سجده: لا مش هينفع تقعد من الشغل... روح شغلك وانا ههتم بنفسي.... وبتكمل بضحك ولا ان لو قعدن معايا هتسليني يعني
فهد بضحك: هقعد معاكي يا اخرة صبري
&&&&&&&&&&&&&&&&&&&
تاني يوم بتصحي سجده فهدوبتقوله: فهد قوم يلا علشان نفطر... علشان تذاكرلي
فهد: طب قولي صباح الخير حتي
سجده بابتسامه: صباح الفل علي احلي فهود
فهد: ايوا كده
بينزلوا يفطروا.. وبعدين بيطلعوا
سجده: فهد انا مش قادرة اذاكر
فهد: يلا مفيش وقت، علشان الامتحانات وبيذاكروا وسط، طلبات سجده الكتير... وفهد بينفذهالها كانها بنته الصغيرة وسجده.... بتدلع عليه بيعدوا الخمس ايام وسجده
... بتروح الامتحانات.. وفهد بياخده يوصلها وبعدين بيروح الشركة وبيرجع يجبها معاه بتخلص ايام الامتحانات... اخر يوم في الامتحانات سجده بتطلع مبسوطه وبتركب العربية وبتقول لفهد: كده انا خلصت الامتحانات هنروح بقي عند جدو
فهد: لما النتيجه تطلع علي مكون انا خلصت صفقه
سجده: ماشي.. وشكرا ليك علي وقفتك معايا
فهد بغرور مصطنع: عدي الجمايل
سجده: تصدق انا غلطانه
فهد بيضحك: لا خليكي زي مكنتي
&&&&&&&&&&&&&&&&&&&&
يوم النتيجه فهد بيقول لسجده النتيجه طلعت
سجدة بتوتر: جبت كام
فهد بصرامه : شيلتي ماده يهانم
سجده بصدمه: از.. اي
تابعووووووني
رواية زواج لدقائق معدودة كامله من هنا
رواية خيانة الوعد كامله من هنا
رواية الطفله والوحش كامله من هنا
رواية جحيم الغيره كامله من هنا
رواية مابين الضلوع كامله من هنا
رواية سيطرة ناعمه كامله من هنا
رواية يتيمه في قبضة صعيدي كامله من هنا
الروايات الكامله والحصريه بدون لينكات من هنا
إللي خلص القراءه يدخل هيلاقي كل الروايات اللي بيدور عليها من هنا 👇 ❤️ 👇
❤️🌺🌹❤️🌺❤️🌹❤️🌺🌹❤️🌺🌹❤️🌺🌹❤️🌺🌹🛺🛺🛺🛺🛺
الصفحه الرئيسيه للروايات الجديده من هنا
جميع الروايات الحصريه والكامله من هنا
انضموا معنا علي قناتنا بها جميع الروايات على تليجرام من هنا
❤️🌺🌹❤️🌺❤️🌹❤️🌺🌹❤️🌺🌹❤️🌺🌹❤️🌺🌹🛺🛺🛺🛺🛺
تعليقات
إرسال تعليق