رواية ليلكي بقلم_هناء_ايمن الفصل الاول والثاني والثالث والرابع والخامس حصريه وجديده في مدونة النجم المتوهج للروايات والمعلومات
رواية ليلكي بقلم_هناء_ايمن الفصل الاول والثاني والثالث والرابع والخامس حصريه وجديده في مدونة النجم المتوهج للروايات والمعلومات
 |
رواية ليلكي بقلم_هناء_ايمن الفصل الاول والثاني والثالث والرابع والخامس حصريه وجديده في مدونة النجم المتوهج للروايات والمعلومات
بتتمشى بممرات الشركه بثقه عاليه وشعرها الاسود الكاحل مزين ضهرها يل أصلا اسمها مأخوذ منه وابتسامتها اللطيفه مزينه وجها محبوبه الجميع رفعت نظراتها الشمسيه بهدوء وفتحت باب مكتبها بكل ثقه حطت شنتتها على طاوله وقعدت تتأمل اخيرا منصبها الجديد وصلت للمكان يل بتحلم في بعد شغل ثلاث سنين قطع شرودها صوت دق الباب
ليلك : تفضل …
دخل بكل هدوء وجاذبيه وريحة عطرو الرجوليه عبت المكتب ووجه مغطى ببوكيه الورد
ليلك بصدمه: استاذ سفيان كيفك
سفيان : انت يل شو اخبارك مبروك المنصب يا حلوه بعدين شو هاي استاذ مش اتفقنا تناديني سفيان حاف
قمت بعفويه واخذت منه الورد
ليلك : حاضر بس عشان تعود عليها لساني و شكرا الك الله يبارك فيك لي غلبت حالك هيك أحرجتني
سفيان : اوعك تحكي هيك ليلك انت عزيزه علي كثير
ليلك : جد بتشكرك بالعكس لازم انا يل أجبلك هل هديه لأنك سبب كبير لأوصل لهون
سفيان : اوعك تحكي هيك انت وصلتي بتعبك وجهدك صح أنا أرشدتك لهون بس انت بتعبك وصلتي
ليلك : جد مش عارفه شو احكيلك صحيح تعرفت عليك بوقت وزمان غلط لكن لولاهم ما تعرفت عليك
سفيان : لا تنسي ليلك الوقت والزمان الغلط هم يل عملو ليلك الحاليه يلا مع السلامه ما تنسي بعد ساعه بدك تكوني بموقع العرس تشرفي على التحضيرات
ليلك : اكيد
ابتسمت بخفه ومجامله وحمل حالو وراح سكرت الباب ورا وحطيت البوكيه على جنب ولا اراديا تذكرت هداك اليوم يل فعلا عملني
…
قبل ثلاث سنوات
صحيت بحيويه وحماس أجى اليوم يل بحلم فيه من الطفوله اني اصير عروس ومن مين من حبيب قلبي يل تمنيته سنين قمت اجهز حالي حضرت شنته يل رح تروح معي على الميك آب ارتست وبتأمل بفساتني يل اخترته بعنايه قويه ما خليت تفصيله ببالي إلا عملتها وطلع احلى من الخيال
سيرينا : صديقتي القمر طالعه بتجنني
ليلك : امانه سيري كيف مكياجي زابط شيكتي على كلشي تأكدتي من المعازيم ومن مكان العرس
سيرينا : ما تخافي كلشي تمام ويل اشرف على عرسك استاذ سفيان العابدي يعني كلشي مثل ما بتحلمي وأحلى
ليلك : اه منه هل استاذ شو انه إنسان منيح ومتفهم وحط كلشي نفسي فيه
سيرينا : بس ما تنسي حبيبك وزوجك المستقبلي مياس يل دفع كل هل تكاليف بس اقلك قليل عليكي
ليلك : اسكتي حرام عليكي دفع كثير حبيبي وتكلف
سيرينا : بس كلو يهون عشان عيونك انت لولي مش اي حدا
ليلك : اكيد يا ترى حبيبي كيف طالع بالبدله بسطل صح
سيرينا : اكيد انتو الاثنين احلى من بعض
ليلك : زينة سياره سيري كيف وضعها
سيرينا : قلتلك لا تخافي كلشي تمام انت عليكي بس تحضري عرسك وخلص استاذ سفيان عمل كلشي تحت إشرافه خصوصا انو مياس صديق عزيز عليه
ليلك : على قولتك خلص ما اهكل هم زياده التوتر مارح يفيد بشي
سيرينا : صحيح صديقتي ولك اما شو ها سفيان كتله جمال لو ما اني خاطبه بس
ليلك : اسكتي ولي مين يل قتلت حالها تاخذ قصي رغم انف الجميع
سيرينا : حبيب قلبي اكيد بمزح لو شو ما صار رح اختار قصي
ليلك : يختي انت وياه اخخ قصة حبي أنا ومياس مافي مثلها بتعرفي جد بحبه من قلبي وهو بحبني
سيرينا : كم مره قلتيلي انك كنتي ضيفه بشركتهم وبالغلط كبيتي القهوه عليه ومن هل موقف بلشت كل المواقف الحلوه هاد غير انو كان زميلك بالجامعه
ليلك : صح قصتي اشبه بروايات ولا تنسي حماتي الشريره
سيرينا : هاي فش بعدها كيف متحملينها
ليلك : عشان عين تكرم مرج عيون المهم مابدي امقت حالي اليوم يومي كيف طالعه
سيرينا : قمر قمر يا ناس يلا روحي البسي الفستان خليني احكي مع قصي يحكي لمياس يجي يأخذك
ليلك : تمام وصحيح امي وعيلتي كلها بالقاعه
سيرينا : ما تخافي بالقاعه يلا روحي كم مره بدي أعيد كلمه ما تخافي
ليلك : حبيبتي بعرف غلبتك بردلك ياها يوم عرسك
سيرينا : بدي أشوف كيف بدك ترديها من ايدي إذا مياس سمح النا نشوفك
ليلك : هه لا تكبريها هل قد يلا يلا رايحه اجهز حالي مش طبيعي الوقت يمر بسرعه
وبالفعل قمت البس فستان عرسي فستان احلامي بس ما توقعت كلشي يتبخر بثانيه طلعت من غرفه الغيار وأبتسامتي على وجهي وبكل حماس حكيت
ليلك : كيف طالعه سيسي قمر صح … سيرنا مالك اطلعي فيني
سيرينا : اه ولا اشي
ليلك بأستغراب : شوفي لي هيك وجهك مقلوب ومش على بعضك احكي
سيرينا : مياس
ليلك بعصبيه : شو مالو مياس احكي لي بتقطري الحكي تقطير احكي
سيرينا : ما ما بعرف خلص ثواني وراجعه
قعدت وانا منهاره مش عارفه شوفي ولي هيك بصير معي معقول صار اله مكروه او حدا تعدى عليه معقول امه عملت اشي دعيت من قلبي ما يكون صاير معه شر ما بتحمل زعله ومرضه وبعده وقفت امشي اخفف التوتر عني وبعد دقائق دخلت علي سيرينا وجها ما بتفسر
….
قطع لحظات ذكرياتي المشؤومة صوت طرق الباب كالعاده مسحت دموعي ورسمت ابتسامتي المزيفه
سيرينا بغمزه: ليلي مبروك يا روحي احلى منصب شو يا حلوه منصبك بتعبك ولا من استاذ سفيان
ليلك بضحك : خلص ولي سيسي بتتعمدي تستفزيني اكيد من تعبي استاذ سفيان ما عمل اشي
سيرينا : امم ولك عيونه فضحو يا بنتي متى تشفقي على قلبه ثلاث سنين وهو بحبك يا ظالمه
ليلك : سيسي مارح أعيد هل تجربه ثاني مره مش جاهزه الها بعدين هو شكالك اكيد لاء لو جد كان اجى اعترف انسيني المهم كيف النونو يل ببطنك
سيرينا : اخ منك ومن عقلك زي ما بدك اما النونو بسلم عليكي الحمد لله المهم يلا قومي بكفي طق حنك العرس لناس مهمه
ليلك بأبتسامه : يلا قومي
قمت من مكان حضرت حالي ورحت على مكان التجهيزات
ليلك : لو سمحت حط الورد هون … تمام ممتاز خلص هيك سيسي كيف العروس جاهزه
سيرينا : جاهزه وكلشي تمام
ليلك بأستغراب : طيب وين العريس لي مش ظاهر
سيرينا : مابعرف أنا مع العروس كنت
ليلك : بسرعه بسرعه احكي للحرس يفتشوا عليه .. هاد طبع الرجال الهروب هاد أصلا يل شاطرين فيه
سيرينا : طيب ممكن تهدي
ليلك : كيف اهدى كيف نحكي للعروس كيف
سيرينا : ليلي خلص عادي هلاء بنفتش عليه رح احكي لسامر يفتش
مسكت السماعه الصغيره وصارت تنتده على سامر وانا بطلع بتوتر فعلا مش وقته مارح اتخيل ردة فعل العروس رح اكون ريلاكس نفس عميق مارح يصير اشي كلشي رح يمشي قمت من مكاني قعدت افتش واشرف على المعازيم
ليلك على السماعه : شو صار معكم
سامر : لا تخافي انسه ليلك كان الأفندي في التواليت يل موجود آخر القاعه
ليلك : ما اثقل دمه نفسي اروح ابهدله
سيرينا : ليلي اهدي مش بحاجه كل هل انفعال كان لازم نحط هل احتمال
مش قادره اوقف قعدت
ليلك : كاسه مي لو سمحتي
ما كملت جملتي إلا لقيت ايد بتنمد الي وصوت كلو رجوله
..: تفضلي يا انسه
#ليلكي
#بقلم_هناء_ايمن
#بقلم_Hanaa_Ayman
#الجزء_الثاني
…..
رفعت راسي وابتسمت ابتسامه خفيفه
ليلك : شكرا الك
..: بعرفك بحالي غيمار الأسعد صاحب اكبر شركات تصدير الثمار
ليلك : اهلا وسهلا استاذ غيمار غلبتك معنا بس
غيمار : بعرف فكرتي اخوي هرب من العرس صح
ليلك بخجل : بصراحه اه يعني هل مواقف مش حلوه تصير بس الحمد لله مرت على خير بتشكرك مره ثانيه
غيمار : ولو انسه ليلك ما تتشكريني كلها كاسة مي
سيرينا : احم احم يلا ليلك ورانا شغل
غيمار : بس انسه ليلك تفضلي هي كرتي الخاص بتمنى بكرا تنوري الشركه
ليلك بأستغراب : لي استاذ في اشي
قطع حديثنا دخول سفيان يل سلم بحراره على غيمار
سفيان : زمان عنك يا رجل
غيمار : شايف كيف الظروف والأشغال
سفيان : ليلك روحي كملي شغلك
غيمار بهدوء : تشرفت بمعرفتك انسه ياريت ما تنسي موعدنا
استغربت من ردة فعل سفيان يل وجهه احتقن وما حكى كلمه ما اهتميت تركتهم يكملو حكي ورحنا اشتغلنا أنا وسيرينا شيكنا على كلشي والعرس طلع احلى من المتوقع
سيرينا : ولك ليلي مش ملاحظه يل اسمه غيمار مش عم يقيم عينه عليكي
ليلك : سيرينا مش ناقصني هاد يل بطلع عليه الرجال الجمال الخارجي بالله معقول خلال دقيقتين اعجب بشخصيتي اكيد لاء
سيرينا : في وجهه نظر في بكلامك بحب ليلي الناضجه بس حبج بدك تروحي على الموعد
ليلك : اكيد لانو شغل ما اظن اجى وبعرف اسمي ويكون غير الشغل
سيرينا : بس نظراته ما بتوحي هيك ولا شو رأيك
ليلك : ما بهمني المهم خلص أنا رح اروح لاني تعبت وانت يلا تعالي اكيد مع الحمل تعبانه من الوقفه
سيرينا : لا لا تخافي علي انت روحي هديك المره انت ضليتك للأخير ويل قبلها خليني هل مره
ليلك : بدك اشي ما تتأخري
سيرينا : اف ليلي ما تخافي علي روحي خلص
ابتسمت بنعومه وودعت العرسان وباركت الهم ووقفت استنى التكسي قطع شرودي صوت سفيان
سفيان : ليلك لي واقفه لحالك تعالي أوصلك
ليلك : لا لا سفيان مابدي اغلبك شكرا الك اتصلت على تكسي بس شكله تأخر
سفيان : ولو ليلك عيب عليكي يلا تعالي ما تزعليني منك دائما بترفضي أوصلك خليني هل مره
ليلك : مش حابه اغلبك وانت منظم الحفل لازم اضل للأخير
سفيان : تركت سيرينا جوا يلا تعالي
بعد تفكير وحسيت فعلا التكسي تأخر والطقس برد
ليلك : خلص تمام مارح اكسفك
ابتسم ابتسامه من قلبه حسيت فيها وركض فتح باب سياره
سفيان : تفضلي نورتيني
ليلك : يسلمو
دخل على سياره والهدوء كان سيد الموقف لقطع الصمت هو
سفيان : بعرف هاي اسرار شغل ويمكن ما دخلني بس حابب اعرف لي غيمار أعطاكي كرته يعني شو بده
ليلك : لا سفيان طبعا بحق الك هاد كلو في الاخير بشغل
سفيان بأرتياح : يعني شغل مش اكثر
ليلك : بصراحه سفيان أنا ما رتحت للاسمه غيمار حسيت نظراته مش طبيعيه وابتسامته وكلماته
سفيان : لي هيك حسيتي ما تحطي ببالك غيمار انسان جدا ناجح بشغله ما يروح بالك بعيد لا تخافي
ليلك : صح على قولتك مادام انسان ناجح ما اخاف منه .. جد بتشكرك استاذ
اطلع فيي نظره ما فهمتها والأصح ماعرفت أفسرها سكتت وكمل الطريق بهدوء لوصلني على البيت
سفيان : بدك اشي بتحكي معي
ليلك : اكيد …. اف يعني شو حكيت بيتعامل معي بهل طريقه ناقصني أنا أوامر
سكتت وكملت على بيتي فتحت باب غرفتي وقعدت فعلا يوم ملان احداث ومتعب ما لحقت ادخل إلا رن الجرس
ليلك : مين مين جاي المسا …… سيسي شوفي لي جاي عندي قصي مزعلك اشي
سيرينا : لا لا بالمره بس حابه انام عندك اليوم واهلك بالريف هل شهر حابه اقعد معك
ليلك : اهلا وسهلا نورتيني تعالي فعلا بحس بالوحده
سيرينا : اخرسي ما تحكي أنا معك ونونو الصغير واهلك ليلك انت مش وحيده كلنا معك وسفيان يل كانت رح تأكله الغيره والموظفين يل بعتبروكي اخت الهم
ليلك : ضلك قولي سفيان سفيان يا بنت الحلال ما اعترف الي وتصرفاته عادي اقل من عاديه زي زي اي موظفه عنده لا تكبري الامور
سيرينا : زي اي موظفه ليلي بنشوف الوحيده يل بضحك معها انت
ليلك : سيرينا سكري على الموضوع المهم يلا نفوت نام لاني جد نعسانه
انتبهت على سيرينا بتطلع على تقويم اكثر من مره
ليلك : مالك سيسي ليش بضلك تطلعي على التاريخ في اشي مهم عنا بكرا مثلا
سيرينا : اعملي حالك ناسيه بكرا الذكرى السنويه لليوم السيء
ليلك : اممم قولي من البدايه انك جاي عشان ما اتذكر او اقعد لحالي سيسي لا تخافي علي أنا أصلا نسيته وهل موضوع صارله ثلاث سنين
سيرينا : جد بتحكي انك ناسيتيه يعني أطمن
ليلك : اه أطمني خلص اتركيني
سيرينا : مع اني مش مصدقتك بس خلص رح اخليكي براحتك أنا رايحه انام برا
ليلك : تمام
سكرت الباب وراها ولا اراديا دموعي نزلت وذكرياتي رجعت لهل يوم ذكرياتي يل مرافقتني تقريبا كل ليله ما فهمت ولا رح افهم لي صار هيك
…
قبل ثلاث سنوات …
..
قلبي قبض لا اراديا رجعت سيرينا ومعها ورقه ووجهها ما بتفسر
ليلك بخوف : احكيلي شو صار معه لي ما برد طمني قلبي بردي خايفه عليه سيرينا ليش ما بتردي علي جاوبيني
سيرينا : ليلي ممكن تهدي اقعدي خليني افهمك
ليلك : شو تفهميني شو صاير صار معه حادث صح هلاء رايحه أغير فستاني العرس بتأجل
سيرينا : ياريت هيك صار
ليلك : بعيد الشر عن قلبه مالك ليش هيك بتقطري تقطير احكي لي تأخر
سيرينا : مافي عرس ليلك مافي
سكتت ودموعي ما وقفت
ليلك بأبتسامه متعبه : ما فهمت شو يعني وضحي
سيرينا : مياس هرب يا ليلك هرب
ليلك باستغراب : شو يعني هرب وين راح تركني يعني تركني
سيرينا : ليلك منشاني ما تعملي بحالك هيك هم ما بيستاهلك في مية شب بتمناكي
ليلك : بس أنا حبيته لي لي عمل فيني هيك وتركني شو بدي احكي لأهلي لناس يل اجت لنفسي يل حبت هيك واحد مش عم اصدق فهميني
نهرت وما صدقت وصابتني حالة جمود ودموعي تحجرو بعيوني
ليلك : وهاي الورقه يل بأيدك منه
سحبتها منها وقعدت اقرء فيها بصوت عالي واشهق من الموقف يل حطني فيه وقلبي يل سمعت صوت تكسيره كسره القلب اصعب من اي وجع
" اسف ليلك كنت بفكر اني قادر على الزواج بس اكتشفت اني ما بقدر على المسؤوليه او يمكن اعتقادي غلط ما تفكري اني بكرهك أنا حبيتك ومن قلبي ورح اضلي حبي الاول والأخير بتمنى تسامحيني الظروف كانت اقوى من حبنا "
سيرينا : خلص ليلك أعطيني هل زفته خلص
ليلك بدموع: الحق علي سلمته قلبي وحياتي شو ذنبي اني حبيت الانسان الغلط اه سيرينا شو ذنبي
سيرينا : لا ذنبك ولا واشي هو ما بيستاهل حبك إنسان حقير وأناني
انهرت من العياط كمان مره بس توعدت من جوى قلبي اني أتغير واكون اقوى ويطلع الوجه الثاني الي
…
قطعت ذكريات صرت سيرينا واري
سيرينا : لساتك بتبكي توقعت مارح تنسي
مسحت دموعي فورا وابتسمت
ليلك : لا لا أنا قويه شوفي
سيرينا : ومخدتك المبلوله
ليلك : خلص سيرينا حبيبتي مش ناقصه بضل احاول بس كل مره ذكرياتي بتهاجمني
سيرينا : تعالي لحضني تعالي يل بشوفك الصبح وانت بتعطي أوامر ما بعرفك هلاء وانت عم تبكي
ليلك بضحكه : خلص زناخه
…
في مكان ثاني وتحديدا بالمطار طلع بتلفت يمين شمال وبتمشى بكل هدوء ورزانه وشكله الانيق ملفت للانتباه
المضيفه: احم استاذ بدك مساعده بشي
ابتسم ابتسامه جذابه وجاوبها بكل هدوء
الشب :لاء شكرا بستنى في حد
ما كمل جملته إلا قاطعه حضن صبيه وريحه انثويه مميزه من ورا
..: حبيبي مياس اشتقت الك
#ليلكي
#بقلم_هناء_ايمن
#بقلم_Hanaa_Ayman
#الجزء_الثالث
……
مياس : هلا ديانا لحقتي تشتاقي الي ما الك يومين نازله قبلي
ديانا : يا روحي طبيعي اشتاق يعني خطيبي وما اشتاق اله لمين بدي اشتاق
مياس : امم صحيح يلا شو رأيك توصليني على بيتي ارتاح
ديانا : تمام بس بكرا الصبح بدك تيجي عند اهلي يسلمو عليك
مياس : حاضر من عيوني عندك طلب غيره
ديانا : لا حبيبي يلا مشي اساعدك بشناني بلاش نتأخر
مياس بأبتسامه : يلا
….
أول ما فتحت عيوني لقيت بوجهي فطور ابتسمت بنعومه وقمت
سيرينا : احلى فطور لأجمل وأرق مديره بالعالم
ليلك بنعس: ليش غلبتي حالك شكرا الك
سيرينا : اسكتي مافي بينا يلا قومي صحصحي عندك موعد
ليلك : اخ منك لازم تذكريني بعدين برأيك إذا رحت معقول يخليني استلم حفلات السنويه لشركه
سيرينا : كثير وارد وممكن المهم روحي انت وشوفي شو بده اكيد شغل
ليلك : وانا هيك بقول
سيرينا : يلا حبيبتي أنا بدي اروح بدك اشي اتصلي علي قصي من الصبح برن
ليلك بأبتسامه : حبيبة قلبي خلص روحي لجوزك لازم تكوني جنبه
سيرينا : تخافيش عليه المهم انت واي اشي بدك ياه بس اتصلي علي مابدك وصايه
ليلك : اكيد ابتسمت بهدوء لعبين ما حسيت انها طلعت حطيت الأكل على جنب وتجهزت البس لبست لبس رسمي وفردت شعراتي وكحل ليبرز لون عيوني قطع لحظات الهدوء صوت رنة جوالي ومثل ما توقعت سفيان رديت وحطيت سبيكر
سفيان : ليلك اسمعي اتصل علي غيمار وأكد على الموعد مجهزه حالك تروحي
ليلك :تمام هيني دقائق وبطلع من البيت
سفيان : بدك أجبلك شوفير الشركه
ليلك : لا مش ضروري بروح تكسي
سفيان : اوك ياريت بس تخلصي الموعد تتصلي علي لأني أنا على الاغلب مارح اكون موجود
ليلك بأستغراب : حاضر بس في اشي ما الك بالعاده تطلع خلال الدوام أنا بسأل بس عشان الاجتماع
سفيان : لا لا مافي إلا كل خير الاجتماع اجلتو لبكرا وبدي اخذ مغادره لانو ديانا روحت
ليلك : جد الحمد لله على السلامه خلصت يعني دراسه بلندن
سفيان : اخ منها خلصت دراسه من هون وجابتلنا خطيب من هون
ليلك : اف لحقت تخطب ما شاء الله عنها مبروك مبروك تتهنى اخيرا
سفيان : شايفه عقبالك
ليلك : سفيان مطره افصل بعتذر منك مع السلامه
سكرت الخط وزبطت حالي على الاخر مسكت أغراضي وأول تكسي اخذته طلعت الكرت وحكيت اسم الشركه ومباشره تحرك وبحاول اجهز الحكي يل بدي احكي
ليلك : انت قدها ليلي ما تتوتري
……
الكل كان متحمس ليشرف خطيب ديانا وخصوصا سفيان يل حرصت ديانا يكون مفاجأه
ديانا : جاهز اخوي العزيز تشوف زوجي المستقبلي
سفيان : اكيد يا بنتي صارلك سنتين مجننتينا فيه ما صدقنا وتحبي حدا بعد كل سنين الغربه
ديانا : شايف يا حبيب اختك كلها دقائق وبوصل
سفيان : هيني بأنتظار … هيو وصل
دار ظهره سفيان وسمع صوت مألوف عليه مش جديد استغرب
سفيان بصدمه : مياس …
…….
ليلك : شكرا الك هون عندك تفضل
شوفير : شكرا يا بنتي
ابتسمت بلطف وطلعت الهوا بضرب بشعري ومصدومه من ضخامة الشركه مشيت لحد ما لقيت مكتب استقبال
ليلك : مرحبا
السكرتيره : يا هلا انت انسه ليلك
ليلك بأستغراب : اه أنا بدي اسأل عن استاذ غيمار
السكرتيره : استاذ غيمار بستناكي من الصبح واكد علي إذا شوفت صبيه شعرها اسود طويل وعيونها زرقا واسعه تدخل عندو مباشره وحكالي عن اسمك
ليلك بصدمه : اف أعطاكي التفاصيل تفاصيل
السكرتيره : طبعا استاذ غيمار شخص جدا دقيق بالمواعيد
ليلك : ايوا احم طيب وين مكتبه
السكرتيره : الطابق السابع فش في إلا مكتب واحد مكتبه
ليلك : تمام
استغربت من كلامها طلع فعلا بستناني على نار
…..
ديانا بفرح : سفيان ما تحكيلي انت بتعرفه لمياس
سفيان بجفاف : اه معرفه سطحيه مش اكثر
ديانا : طيب كيف تعرفتوا ولا مره حكيتلي انو كان عندك صديق اسمه مياس
سفيان : ديانا ما حكيت صديق قلتلك معرفه سطحيه وبس
مياس : احم كيفك سفيان زمان عنك اشتقت اسمع صوتك
سفيان بتجهم : بس أنا ما اشتقت الك
ديانا : سفيان عيب شو بتحكي هاد خطيبي المستقبلي
مياس بأحراج : معلش كان بينا منافسه بالجامعه وهيك طبيعي مارح يكون مشتاق الي بس يعني يا سفيان مش مستاهله خلصنا منافسه جامعه فش اشي نتنافس عليه
سفيان بهدوء قاتل : مياس ممكن تلحقني على مكتبي بدي ياك ضروري
مياس بتردد : حاضر هيني جاي ديانا شوي وبرجع
ديانا بأستغراب : ايش في لي بدو ياك
مياس : لا لا تخافي اشي بسيط ما تهكلي همي
ديانا : طيب حبيبي دير بالك على حالك
مياس : ما تخافي علي يلا مع السلامه
طلع سفيان ونار بعيونه بستنى على احر من الجمر دخل مياس بلع ريقه بصعوبه
سفيان بعصبيه : ياريت تسكر الباب وراك مش حلوه يسمعوا صواتنا
مياس : سفيان ممكن تسمعني
سفيان : بقلك سكر الباب بعدين بنكمل حكي يلا
سكر الباب بخوف وقرب منه مسكه من جاكيته بقوه
سفيان : ولك انت من دون كرامه ما عندك رجوله فهمني
مياس : لو سمحت سفيان بترجاك اتركني ما كنت بعرف انو ديانا اختك
سفيان بعصبيه : كيف ما كنت بتعرف يا شو القبك يا ترى خاين العشره ولا الكذاب ولا المنافق اي لقب بتحب فيهم
مياس : خليني افهمك ونحكي بهدوء
سفيان : بديش احكي معك بهدوء مش قلتلك من يوم العرس مابدي اشوف وجهك شوفت كيف تركت البنت مجروحه ومكسوره بأكثر يوم مهم بحياتها ولفيت ضهرك وجاي تلف على اختي شو بدك مياس شو بدك
….
وصلت الطابق المطلوب وفعلا طابق كبير وملان مقاعد ومكتب ضخم فعلا اكبر من قاعه الاجتماع عنا
غيمار بأبتسامه : بقول لي الشركه نورت طلعتي موجوده فيها
ليلك بخجل : احم تسلم هاد من ذوقك استاذ
غيمار : لا لا يا انسه ياريت تشيلي كلمة استاذ وناديني غيمار حاف
ليلك : المهم تفضل بشو حضرتك كنت بدك ياني واصريت تشوفني
غيمار : بصراحه انسه ليلك أعجبت بشخصيتك بعرف رح احكي كيف أعجبت فيها وانت ما تعاملت معي إلا دقيقتين لا بصراحه كنت اسمع سفيان وهو يمدح فيكي وبشغلك وفعلا ما توقعت عرس اختي يطلع بها جمال لهيك قررت اعرض عليكي عرض شو رأيك تشتغلي معي
ليلك : اولا بتشكرك على مدحك لشغلي وانو العرس عجبكم وهاد الحكي فخر الي ثانيا ما فهمت الصراحه قصدك بأني اشتغل معك
……
مياس : بتفهم كل كلامك الجارح وبحق الك تعمل شو مابدك وتحكي كمان بس خليني احكي
سفيان : ياريت تحكي مش ماسك إلا هل كلمه من اول ما قعدنا
مياس : سفيان انت صديق عزيز الي وديانا مابتعرف بقصه ليلك
سفيان : وكمان كذاب حلو كثير من اولها بلشنا كذب
مياس : لا لا اكيد حكيت الها كنت بعلاقه سابقه وهيك بس ما حددت مين وياريت ما تحكي الها انها كانت ليلك
سفيان : واو لازم اصفق الك يا استاذ ممكن تفهميني كيف عرفتها لأختي وليلك شو رح تعمل معها لانو مش لهدرجه قلبك واسع
مياس : بتفهمك للمره الثانيه ليلك حب قديم وخلص راح وانتهى وما اظن يرجع وممكن اندفن
سفيان بأستهزاء : وأختي ديانا تجرح مشاعرها وتطحنها وتتركها بليله العرس
مياس : لا لا اكيد مارح يصير هيك ديانا انسانه لطيفه ومحبوبه وعرفت اطلعني من الأزمات يل كنت فيها
سفيان بأستهزاء : وليلك شو ذنبها تشوف منك الويل والقسوه والبعد
سكت وما جاوبه
سفيان : مابدك تجاوب زي مابدك في الاخير حتى لو رجعت ما رح تعبرك لانها صارت بمكانه انت ما بتتخيلها و من كلامك بفهمه منك انك انت نسيت ليلك ومارح ترجع الها او الاصح مارح تحن الها
مياس بتردد : اكيد لاء خلص ماضي وراحت وتخطيتها زمان
سفيان بشك: متاكد
مياس : طبعا متاكد اني متخطيها وأكبر دليل هيني رح اخطب
سفيان بأبتسامه : حلو كثير إذا مارح يكمل هل زواج ومارح تكمل مع ديانا إلا بشرط
مياس بأستغراب : وشو الشرط وايش بدك أنا حاضر
#ليلكي
#بقلم_هناء_ايمن
#بقلم_Hanaa_Ayman
#الجزء_الرابع
….
سفيان : شايفك متحمس تعرف شو شرط
مياس : سفيان احكي شو مابدك وانا حاضر
سفيان : ممتاز وهاد يل بدي ياه اولا مابدي ديانا تعرف انها ليلك خطيبتك السابقه ثانيا ممنوع منع بات اشوفك بتتعامل مع ليلك حتى لو عمل لانو مافي اشي بربطكم
مياس بأستغراب : اول شرط اكيد لانو ديانا بتحب ليلة وبتحترمها ومستحيل احكي لها ثاني شرط لي مين انت حتى تتحكم مع مين تتعامل ومين لاء
سفيان بعصبيه : اوعى اسمع اسمها على لسانك اسمع مياس بكفي اني مستقبلك ببيتي وبحاول أتقبل انك رح تصير خطيب اختي انت ما بتعرف ديانا قديش تعبت لوصلت لحاله نفسيه مستقره مش مستعد اخسر اختي عشانك ولا مستعد اخسر ليلك عشانك كمان
مياس : لا لا صديق عمري انت ما صدقت اتركها يوم العرس عشان تأخذها مني ولا مخططين مش فاهم في علاقه بينك وبينها من زمان
ما قدر يتحمل سفيان صفقه كف
سفيان : هاد الكف بتستاهلوا لانو ليلك اشرف منك ومن امثالك وبعدين اظن ما دخلك وجوابي مارح يعني الك اشي سواء اه او لاء هاي حياتنا الخاصه فهمت المهم موافق على الشروط ولا لا عشان إذا مش موافق بتمنى تترك اختي بأقل أضرار نفسيه وكون عارف وافقت ولا لا ليلك مارح ترجع الك يعني ما تبني أحلام فارغه فهمت واذا اختي صار الها اشي بسببك ما تلوم إلا حالك
حط مياس ايده مكان الكف وعيونه حمرت
مياس : مقبوله منك يا صاحب العمر و بتهددني كمان
حط سفيان أيديه بجيبه وجاوب بهدوء
سفيان : هل كل قليل عليك واعتبرها شو مابدك المهم عندي تعطيني موافقتك وأعرف إذا خلفت الشروط ما تلوم إلا حالك وماحدا خسران غيرك
…..
ليلك : تفضل استاذ غيمار هيني بسمعك
غيمار : انسه ليلك انت رح تستلمي حفلات شركاتي السنويه والمناسبات المهمه
ليلك بأبتسامه : جد بتحكي عفوا بقصد لي وكيف اخترت اكون أنا المنسقه لشركه
غيمار : ابتسامتك حلوه
ليلك بأرتباك : عفوا !!!
غيمار : احم ولا اشي بعتذر بس سرحت المهم ياريت ترديلي جواب بأسرع وقت لانو الحفل السنوي قرب وحابب تحطي بصمتك فيه
ليلك : تمام ما بقدر أعطيك كلمه من دون الأستاذ سفيان لانو هو المدير التنفيذي لشركه والكلمه الأولى الو بنسبه الي اكيد مافي مشكله بس لازم التنسيق يجي من عنده
غيمار بأبتسامه : حاضر تكرمي شو رأيك أعزمك اليوم انت وسفيان عشاء عمل عشان ناقش الموضوع
ليلك : ما بقدر اعطي جواب لانو اجتماعات العمل استاذ سفيان مسؤول عنها
غيمار : تمام زي مابدك شو رأيك نتغدى مع بعض
ليلك : بعتذر خلص وقت الموعد بلأذن
قامت بهدوء وسلمت عليه نظراته ما فهمتها وشدة ايدو على ايديها خلتها تستغرب وبكل رزانه سكرت الباب وراها
غيمار بأبتسامه مع ضحكه وحك دقنه بأعجاب : قياساتي ….
طلعت من المكتب ودقات قلبي عاليه ما رتحت
ليلك : خلص ليلك ما تحطي ببالك هاد شغل وبس ويمكن هيك هو بتعامل مع الكل اكيد رح اخذ نفس وأكمل شغلي بالمكتب يلا مابدي اتأخر
…..
مياس : حاضر موافق
سفيان : ممتاز توقعتك اطول اكثر بالجواب فاجئتني
مياس : قلتلك الماضي ماضي ومارح يهمني
سفيان : بتمنى اضل قد كلامك مياس
مياس : لا تخاف علي قد كلامي
قطع حديثهم صوت دقه الباب وديانا بتنادي
سفيان : تفضل قدامي لولا ديانا قعدنا اكثر
مياس : جاي الايام سفيان العابدي
ما علق على كلامه وطلعوا الاثنين
ديانا : شوفي مياس لي هيك وجهك محمر
سفيان بأستهزاء : ما تخافي عليه مزح شباب مش اكثر
ديانا : اف منك سفيان اطلع وجهه كيف
مياس : ما تكبريها ديانا ما صار اشي
سفيان بأبتسامه : على العموم أنا رح اروح على الشركه تأخرت
ديانا : سفيان رح اجي معك اتعرف على المديره الجديده
سفيان : حبيبة قلبي بعدين اليوم علينا شغل كثير بعدين بتعرفيها
ديانا بحماس : مين لا تحكيلي ليلك
مياس بصدمه : وانت شو عرفك فيها
ديانا بأستغراب : لي انت بتعرفها
سفيان بتدخل: لا انت بتعرفي ليلك معروفه وكنت احكي عنها كثير
ديانا : ايوه مهو أنا حبيتها بس من كلامك عنها وصرت متحمسه أشوفها وكثير حابه هي يل تنسق العرس وحفلة الخطبه
سفيان : لا لي أنا بنسقهم هي مشغوله كثير هل فتره وعندها مشاريع كثيره
مياس بخبث : لا سفيان حتى أنا بوافق رأي ديانا
ديانا : شايف سيوف احنا الاثنين حابين هي تنسق ياريت تنسق بكرا معها موعد
مياس : وإذا اليوم مافي مشكله
سفيان بعصبيه : لاء بكرا ممكن احسن
قرب سفيان على مياس وهمس بفحيح
سفيان : حلو استغلال الفرص وإحراجي قدام اختي بس ما تنبسط كثير
ديانا : شو سفيان عم تحكي همس سمعني
قطع الجو تشاحن رنة تلفون سفيان
ديانا : مين بتصل عليك
سفيان : ليلك بلأذن منكم مع السلامه
ديانا : مع السلامه .. شكلو بحبها هل فصعون
مياس : وانا شو بعرفني منيح إذا بحب حاله
ديانا : مياس ما تحكي على سفيان هيك ولو شوفي
مياس : بعتذر دندونه تحمست شو حابه نعمل بحفلة الخطبه
….
اتصلت على سفيان طمنته اني وصلت على الشركه قعدت على كرسي أراجع موافقات الأماكن والتصاريح قطع انشغالي دخول سفيان
سفيان : كنك مشغوله
ليلك : مش مشكله تفضل ولو
سفيان : يعني بتستقبليني
ليلك : ولو انت صاحب المكان واحنا الضيوف
سفيان : هه لا ما تحكي هيك وانت كمان احكيلي كيف كان لقائك مع غيمار
ليلك : منيح طلب مني استلم الحفلات السنويه لشركه واني افكر
سفيان بأستغراب : غريبه عمرو ما عرض علي هل عرض وانت شو حكيتي
ليلك : جاوبت انو القرار الاول والأخير الك بس أنا ما عندي مشكله
سفيان : ممتاز اكيد هل عرض ما بتفوت ومغري بنفس الوقت
قطع الحديث رنة سفيان
سفيان : مرحبا غيمار …. امم حكتلي ليلك على العرض وانا كمان اكيد موافق وأقرب وقت اختارو واحنا حاضرين ……. عازمنا على العشا اه اوك أنا فاضي بس اسال ليلك .. تمام تمام
طبعا طول المكالمه وانا منتبهه على ملامح وجهه امبين مش عاجبه ما علقت وضليت اقلب في الورق
سفيان : احم ليلك ما حكيتلي انو غيمار عازمنا على العشا
ليلك : بصراحه هو عزمني وانا اصريت تكون حضرتك موجود لانو عشا شغل
سفيان : اممم تمام رح اجي آخذك ونروح
ليلك : لا مش ضروري بروح تكسي ما تغلب حالك
سفيان : لو سمحتي ليلك يعني نفس المكان رايحين لي بتحبي الغلبه وعشاء عمل مش اكثر من هيك او ما بتوثقي فيني
ليلك : لا لا اكيد بوثق فيك خلص بتمر تأخذني
سفيان بأريحيه : تمام بستناكي مارح اعطلك على شغلك كملي وانا رح اروح اكمل شغلي
ليلك : تمام بتوفيق
سكر الباب ورا ومباشره كملت شغل
….
في المساء
وقفت قدام المرايه مش عارفه شو البس لفت انتباهي فستان احمر مخمل قصير وكتافه نازله فعلا اول مره بنتبه عليه وطقس اليوم مش كثير برد قررت البسه وفتحت كاميرا مع سيرينا
سيرينا : طالعه بتجنني
ليلك : كيف بسطل صح
سيرينا : بجنن بدك تلبسي فوقيه جاكيت
ليلك : اه طبعا بلاش ابرد وبدي البس كلون خميل نفس لون اللحم
سيرينا : ممتاز مع انو أنا مش مع تلبسي قصير بهيك مناسبه عمل
ليلك : وانا معك بس المشكله اغلب الأطقم في الغسيل ومش حلوه البس كاجول
سيرينا : معك حق نفسي اعرف لي اصر يعزمك غيمار
ليلك : ما بعرف فعلا أنا مشوشه كثير بس خلص مارح أفكر إلا بشغل
سيرينا : ممتاز هيك بدي ياكي شعرك شو رأيك ترفعي
ليلك : يطلع احلى برأيك
سيرينا : طبعا اكيد
ليلك : يي ولك برن سفيان
سيرينا : طيب يلا روحي ردي عليه واحكيلي شو بصير منك
ليلك : من عيوني بوسيلي النونو
سيرينا : حاضر وهي بتبوسك يلا طيري
فصلت الخط مع سيرينا وطلعت على حالي آخر مره طلعت مرتبه فوق ما بتصور والبست جاكيت طويل اسود فوقيه عشان البرد وتركته مفتوح رديت على سفيان ونزلت لقيته بستناني دخلت
ليلك : جد بتشكرك غلبتك معي
سفيان : لا لا غلبك راحه
انتبهت على نظراتو صار ينفخ
ليلك : سفيان مالك اشي مدايق
سفيان بهدوء : لا مافي اشي بالعكس مبسوط احم انت مش بردانه يعني الفستان قصير ولا لا
ليلك : لا لا مش بردانه الجاكيت مدفوني شكرا
سفيان : اول مره بشوفك بهيك ستايل
ليلك بأحراج : بعرف يعني حلو التغير حبيت أغير لشي ثاني يناسب يل رايحين الو
سفيان : بس احنا رايحين عشا مش حفله
ليلك : عفوا !!!
سفيان : احم بعتذر تحمست صحيح بدي احكيلك شغله نسيت احكيها الصبح
ليلك : تفضل
سفيان : مثل ما حكيتلك ديانا رجعت ومصره انت تنسقي الها حفله الخطبه والعرس
ليلك بفرح : اكيد طبعا بشرفني اعمل الها ياهم ومتى مابدها كمان
سفيان بتوتر : يعني ما عندك مشكله بكرا
ليلك : اكيد مافي مشكله مالك سفيان في اشي يعني
سفيان : لا لا خلص إذا بحكيلها موعدنا بكرا
استغربت من توتره وملامحه يل تغيرت بس ما اهتميت وقلت اكيد عشان اخته الوحيده وصار الها سنين برا وصلنا على المكان وفعلا مكان فخم بمعنى الكلمه
سفيان : تفضلي ليلك
مد ايده يمسك ايدي بس أنا بكل ذوق ضميت ايدي على بعض ومشيت قدامه اول ما دخلنا استقبلنا غيمار
غيمار : يا اهلا وسهلا نورتوا المكان
سفيان : أهلين فيك ما لحقت اشتاق الك
غيمار : شايف يلا نصيبنا نشتغل مع بعض انت كيفك ليلك
سفيان ماسك أعصابه وجاوبه بهدوء : انسه ليلك يا غيمار عيب ما صارلك بتعرفها يومين ولا حابب اعلمك أصول التعامل
غيمار بأحراج : احم بعتذر لو ذائقتك يا انسه بس الصبح اتفقنا انو من دون القاب
بهاي اللحظه لف سفيان راسه ونظراته علي شرار بستناني أفسر يل صار طنشت
ليلك : احم استاذ بدنا انضلنا واقفين على الباب
غيمار : لا لا اكيد تفضلو المكان كلو الكم
بكل ذوق قعدنا على طاوله مرتبه حطيت الجاكيت وراي وقعدت
غيمار : جد أنا مبسوط أنكم نورتوني خصوصا الانسه ليلك شوفت سفيان ناديتها انسه ليلك عشان أعصابك
ليلك : احم استاذ غيمار ممكن نحكي بشغل
غيمار : قبل خلينا ناكل ومالك سفيان مش على بعضك
سفيان : لاء فش اشي خلينا ندخل بالشغل
غيمار : اخ منك يا سفيان ما بتحب إلا شغل وشغل من ايام الجامعه وانت على نفس الطبع
ليلك بفضول: انتو كنتو مع بعض
غيمار : طبعا كنا زملاء بعدين بحكم الشغل صرنا اصحاب وانت انسه ليلك كيف تعرفني على سفيان
سفيان : غيمار بلاها الاسئله المحرجه ما الها داعي عادي موظفه وقابلتها فش اشي ثاني
غيمار : أعصابك سفيان امسكها المهم يا انسه عندي سؤال ممكن يكون محرج بس حابب اسأله
ليلك : اه اكيد مافي مشكله
غيمار : حضرتك مرتبطه او مخطوبه ؟
#ليلكي
#بقلم_هناء_ايمن
#بقلم_Hanaa_Ayman
#الجزء_الخامس
…
استغربت من سؤاله بلعت ريقي وعيوني مصوبه على سفيان يل حرفيا عيونه عم تآكل غيمار ومقبض ايده بيض من الضغط عليه جاوبت بهدوء
ليلك : احم استاذ غيمار اظن هل سؤال مش من ضمن العمل يعني انت اكبر خبره في الاسئله الشخصيه والعمليه
غيمار : هه لا يا انسه مش هيك المقصد اكيد بعرف افرق بس فضول مش اكثر يعني ما شاء الله عنك ادب وجمال ورقه وحضور محبب
ليلك بأبتسامه : تسلم هاد من ذوقك بتشكرك
غيمار : لا يا انسه ما تتشكريني على اشي واقعي وموجود نيالو خطيبك فيكي إذا خاطبه
ليلك يضحكه ناعمه : لا اكيد مش خاطبه ماحدا يستحق قلبي
سفيان بهدوء : احم يعني عفوا كأني قاعد لوح بيناتكم
غيمار : لا لا سفيان حاشك التهيت مع الانسه
ابتسمت بخجل واعتذرت بدي أقوم على التواليت
سفيان قام من محله ومسك غيمار
سفيان : شوف يا حلو احترم حالك ليلك مش زي البنات يل انت بتعرفهم
غيمار : مهو عشان هيك أعجبت فيها
سفيان : لاء شكلك مش ناوي تحترم حالك اسمعني غيمار آخر مره بنبهك ليلك ابعد عنها لانها مش شبهك هل انسانه نقيه وقلبها ابيض ما بتستاهل تاخذ واحد زيك
غيمار بخبث : ممكن تبعد آيدك لانك لميت المطعم علينا
بعد ايده وزبط بدلته
غيمار : وانت شو يل مغصك بعرف انها مش زي البنات يل عرفتهم وبدي احاول أتغير وأتقرب منها أنا مش غبي أضيعها من ايدي لأي سبب كان وياريت تهدى الموضوع مش مستاهل هيها اجت
ليلك : بعتذر إذا تأخرت عليكم
غيمار : لا خذي راحتك شو رأيكم نبلش في الشغل
ليلك : ياريت
بلشنا نحكي عن الشغل وانسجمت بالحكي لانو فعلا قاعده بتخيل كيف ممكن اعمل شكل الحفله التفاصيل يل بدي أضيفها فعلا خيالي سرح بشغلات يل حابه أضيفها والمكان يل بدي اعمل فيه
سفيان : بس يعني يل فهمته منك بدك ليلة أداوم بشركه عندك الاسبوع يل قبل الحفله
غيمار : ياريت عشان تخلص الأمور هاي بسرعه ولا شو رأيك يا انسه
ليلك : ماعندي مشكله خلص ان شاء الله اتفقنا
سفيان بغيره واضحه : بس أنا عندي مشكله شو ليلك نسيتي الاسبوع هاد عندك مقابله مع عرسان عشان عرسهم مش منطق تروحي اسبوع عشان حفله سنويه لشركه وتتركي العرسان بأهم يوم بحياتهم
ليلك : أنا معك سفيان بس مافي مشكله سيرينا بتاخذهم عندها وهي كثير شطوره ومثابره
سفيان : بس اختي مثلا طلبت انت شخصيا تقابلك
غيمار : احم شباب مش بحاجه لهل عصبيه خلص مافي مشكله بكرا خلصي يل عليكي وتعالي شو رأيك
ليلك : تمام مافي مشكله
سفيان : خلص إذا هيك تصبح على خير غيمار بنشوفك
غيمار وعيونه مصوبه على ليلك
غيمار : لسا بكير ما عرفت اقعد معكم منيح
سفيان : الايام جاي ما تخاف يلا ليلك
غيمار : انسه ممكن اوصلك
سفيان : شكرا الك غيمار بس اظن شايفني معها مش بحاجتك يلا مشي ليلك
ليلك بتحدي : ولا أنا بحاجتك سفيان بلأذن
اخذت جاكيتي وطلعت مقهوره من تصرفات سفيان المش منطقيه بتعمد يحرجني مشيت بعيد عنه فجأه حدا بمسك ايدي بقوه
سفيان : ليلك ممكن افهم مالك
ليلك : ما مالي اشي منطق تحرجني جوا قدامه
سفيان اخذ نفس عميق فتح اول زرين من القميص
سفيان : عاجبك يعني الضحك معه ولا كأني موجود كأني هوا وقاعد بيناتكم وانت بتاخذي قرارات ومستعده تتركي الشركه اسبوع وتروحي
ليلك : وانت مالك سفيان اروح واترك كلو لمصلحة الشغل بعدين انت شو يل مزعلك ليش بتدايق
قطع شحنة الكلام تلفون ليلك
سفيان : ردي وبعدين بنكمل
راح وتركها فتحت الخط
ليلك : سيسي شوفي مالك ساعه بترني … نعم جد بتحكي طيب هيني جاي ما تبكي هيني جاي جاي
فصلت الخط ودقات قلبي عاليه حطيت جوالي بشتتي وركضت عند سفيان
سفيان : ليلك
ليلك : ياريت نأجل الحكي لو سمحت سفيان توصلني عند سيرينا
سفيان بأستغراب : شوفي مالك لي وجهك مخطوف شو مالها سيرينا
ليلك بدموع : ما حكتلي اشي بس بتعيط وسمعت كلمه دم وقصي مش موجود ما سمعت اشي ثاني إذا مش فاضي بروح لحالي خلص
سفيان : طيب خلص ما تبكي مستحيل أتركك يلا هلاء بنروح امسحي دموعك عشاني
ليلك : حاضر حاضر
…..
ديانا : بيب تفضل كاسة قهوه تروق
مياس : شكرا الك دندونه مابعرف شو ممكن اعمل لو انت مش بحياتي
ديانا : شايف احلى صدفه بحياتي اني قابلتك في لندن
مياس : اكيد المهم احكيلي شو حابه يكون العرس
ديانا : لا اول اشي الخطبه بعدين العرس بتعرف كثير متحمسه اتعرف على ليلك
مياس بلع ريقه بتردد
مياس : لي حابه تتعرفي عليها يعني بقصد شو المميز فيها لانو بعرفك مش اي حدا بتحبي تتعرفي عليه اساسا
ديانا : انت ما بتعرف سفيان قديش بحبها مش من اليوم لاء صارلو من ثلاث سنين من وقت ما تعرف عليها واجت على شركته دائما ببعثلي صورها ومره حكيت معها فيديو كثير اموره رح تحبها
مياس : اها من ثلاث سنين بعرفها حلو
ديانا : مالك حسيتك اتدايقت مش مبسوط لأخوي
مياس بنظرات مش مفهومه : لا بالعكس مبسوط انو حب يعني بتعرفي عقليه سفيان مش سهله
ديانا : مهو عشان هيك واسمع ما شاء الله عنها فاتنه بمعنى الكلمه نيالو عليها جد صبر ونال
مياس بعدم مباله : امم امم طيب المهم متى راجعين اهلك
ديانا : ما الهم زمان طالعين مالك لي غيرت الموضوع في اشي ما عجبك
مياس : لاء بس مش ضروري انضل نحكي فيه خليه لبكرا شو رأيك
ديانا بحب : اكيد يلا قايمه اجيب العشا عملتلك عشا من تحت ايدي رح تأكل أصابعك ورا
مياس بأبتسامه : تمام روحي …… انا بفرجيك يا سفيان كان عينك عليها من زمان هه توقعت شو بدو يطلع من واحد زيك سم بدني وها هي القهوه مش مكملها
….
دقائق وصرنا عند سيرينا يل بالفعل مغمى عليها وأواعيها دم
ليلك بدموع : سيسي حبي اصحي سيسي
سفيان : مابزبط هيك ابعدي خليني احملها وعلى اسرع مستشفى
ليلك : ياريت ياريت
حملها وركض على اقرب مستشفى كيف وصلت مابعرف احاول اصحيها ماعم تتحرك
سفيان بصوت عالي : لو سمحتوا حالة طوارئ ممكن تساعدوني
وبالفعل التمو الممرضين واخذوها ودموعي ما وقفت
سفيان : ليلك امسحي دموعك ليلك
ليلك : مش قادره اتخيل منظرها شو صار معها يا ترا أنا تركتها ورحت ياريت ما تركتها ياريت
حضنها بهدوء وانفجرت بكي انصدم سفيان من ردة فعلها وطبطب على شعرها
سفيان : خلص لا تبكي هلاء بتصحى بنعرف شو صار معها كوني اقوى من هيك ليلك مابعرفك هيك
مسكها ودخل فيها جوا وحضنها بقوه
سفيان : رح تكون منيحه لا تخافي
قطع وصلة البكي بعد فتره منيحه من التوتر
دكتور : انتو اهل المريضه
قمت ومسحت دموعي
ليلك : اه احنا اهلها مالها شوفي
دكتور : الحمد لله قدرتوا تيجوا بالوقت المناسب فقدت كميه دم منيحه بس الحمد لله قدرنا نوقف النزيف حالة الطفل كانت حرجه بس ان شاء الله مع الفتامينات والادويه بتتحسن
ليلك : والام كيفها لي غابت عن الوعي
دكتور : لا تخافي عليها الحمد لله منيحه بتكون ما قدرت تتحمل منظر الدم ومع فقدان هل كميه نزل ضغطها ما تحملت المنظر
ليلك : المهم هي منيحه وخلص
دكتور : الحمد الله منيحه واذا بدك تدخلي عندها صحيت
ليلك : شكرا الك كثير شكرا
راح الدكتور ومن الحماس حضنت سفيان يل بينت علامات الصدمه على وجهه
ليلك : الحمد لله منيحه شوفت سفيان سيسي منيحه
انتبهت اني حاضنته بعدت بخجل
ليلك : احم اسف تحمست
سفيان بضحكه : ياريت كل يوم تتحمسي هيك او اقلك كل دقيقه وثانيه هيك تحمسي
خجلت من كلامه وغيرت الموضوع
ليلك : ياريت ندخل عند سيرينا حرام لحالها
لفيت وجهي مابدي اطلع عليه صايره تخبصي يا ليلي وانت مش داريه على حالك
دخلت بهدوء عند سيرينا يل اول ما دخلت حضنتني
سيرينا بدموع : راح صح بطل في بيبي
طبطبت عليها
ليلك : اهدي حبيبة قلبي البيبي منيح بس ديري بالك على حالك احسن من هيك و احكيلي شو صار معك ووين جوزك
سيرينا : الحمد لله يل صار اني حسيت بوجع قوي تحت بطني ما قدرت اعمل اشي رحت اخذ الدوا يل وصفوا الدكتور ما قدرت حسيت بدوخه قويه واطلع على أواعي لقيتهم دم ما تحملت رنيت عليكي وصفرنت حبيبة قلبي بلاكي كان شو ممكن اعمل
ليلك : يا قلب ليلي أنا موجوده بأي وقت وين الهطل جوزك
سيرينا : حرام لا تحكي هيك عنه كان بالشغل
ليلك : امم كثران وقتو بشغل ولا بتهيأ الي
سيرينا : ضحكتيني اكيد زاد عليه بسبب الترقيه مش اكثر قوليلي مين يل جابك بهل سرعه
ليلك : سفيان
سيرينا : ييي الاحراج طيب تاركتي برا دخلي
ليلك : لا ولك عيب خلص كنا بعشا مثل ما بتعرفي وهو شهم بطبيعته ما فشلني
سيرينا بخبث : امممم ما فشلك علشان شهم ولا علشانك ليلك
ليلك : بس استحي على حالك اقول نامي نامي
سيرينا بمزح : امممم ياريتني سفيان
قطع وصلة الضحك صوت سفيان بحمحم
سفيان : بتمنى ما اكون أزعجتكم
سيرينا : لا لا تفضل جد شكرا الك غلبت حالك واجيت
سفيان وعيونه على ليلك
سفيان : ولو غلبتك راحه يا سيرينا اي وقت أنا موجود
سيرينا : جد بتشكركم
ليلك : سفيان خلص بكرا حطني اجازه بدي اضل مع سيرينا
سيرينا : لا طبعا ما ترد عليها بتمزحي روحي على شغلك هي قصي بطريق روحي ارتاحي
ليلك : بس
سيرينا : ما تزعليني منك ما تخافي علي هي اهلي بطريق كمان قصي حكالهم
ليلك : تمام حبي اي اشي بدك ياه بس رنيلي
سيرينا بأبتسامه : اكيد من عيوني يلا اطلعي بدي انام
ليلك بضحكه : اعتبرها طرده
سيرينا : طيري ليلي
ابتسمت على خفة دمها حتى وهي تعبانه طلعت أنا وسفيان
ليلك : جد بتشكرك سفيان مابعرف من وين ابلش شكر
سفيان : ممكن طيب تبطلي تتشكريني لاني مش غريب مافي على لسانك إلا شكرا وبتشكرك
ليلك بخجل : يعني شو احكيلك
سفيان : يعني مش شكر بس كلام زي الحضن يل صار جوا
ليلك : سفيان يلا نروح يلا ولا اقلك رح اطلب تكسي
سفيان بضحكه : يلا مشي مشي
ركبنا بسياره وانا خجلانه اول مره سفيان بتعامل بهل طريقه المرنه زياده
ليلك : احم طيب انت مش بردان وفاتح زرار القميص يعني أنا لابسه جاكيت وبردانه
سفيان : وانت مش بردانه بالفستان القصير
ليلك بخجل : اطريت يعني شوفيها
سفيان : امم حكينا كثير بس بعدين لاني مبسوط
ليلك : لي بقصد يعني مش بالعاده تبتسم وتكون مبسوط صارلك ثلاث سنين بس مضغوط شغل
سفيان : يعني سؤال حدا باخذ حضن من انسانه رقيقه ولطيفه مابدو يكون مبسوط
خجلت ما جاوبت وطول الطريق سكوت لحد ما وصلت على البيت
ليلك : مش عارفه شو احكي بس
سفيان : قلنا من دون شكر
ليلك : اكيد اممم شو صار بموعد اختك
سفيان : بكرا على موعدها
ليلك : تمام أنا بس ممكن اروح أطمن على سيسي واجي ممكن اطول
سفيان : مافي مشكله خذي راحتك وديري بالك على حالك
ليلك : تمام حاضر
ابتسمت بخفه وفعلا اليوم كثير كان متعب ما قدرت اوقف دقيقه حطيت راسي على المخده ونمت
…..
ديانا : شرف سي سفيان شو شايفه ابتسامتك من الذان لذان
سفيان : امبين لهاي الدرجه
ديانا : وكثير كمان راحت عليك تعشينا
سفيان بهيام : مش ضروري تعشيت مع ليلك
ديانا : اممم كان لازم أتوقع ورا هل ابتسامه ليلك
سفيان : استني شمي قميصي
ديانا بأستغراب : لي
سفيان : بس شمي
ديانا بأستغراب : ريحة عطر أنثويه
سفيان : يا حبيبي هل قميص بذات بدي انام جنبه
مياس بعصبيه : أنا فايت انام بدكم اشي
ديانا : لاء مافي اشي وشو مالك معصب
مياس : لاء بالعكس رواق بس نعسان وبدي انام وبعدين سفيان شو حركات المراهقين هاي اكبر
سفيان بضحكه خبث : بعتذر ما شوفتك انك موجود بعدين شو دخلك عم بعيش لحظات حلوه مع حبيبة عمري انت عشتها من حقي أعيشها كمان صح ديدي
ديانا : اكيد خلص سفيان ما تاخد خاطرك بتعرف مياس مضغوط من شغله
سفيان : ولو مافي مشكله عادي تعودت يلا تصبحوا على خير فأيت انام وانتو كمان فوتوا ناموا موعدكم بكير
مياس : ما تخاف علينا يمكن حتى تلاقينا قبلك
سفيان بأستهزاء : بشوف
طلعت على الغرفه وانا بدندن مش مصدق هاي اول مره بتحضني صح بوقت وظرف مش مناسب المهم المبدأ وهاي اول مره بحس احساس غريب وشعور حلو اخخ يا ليلك متحمس اجرب معك الاحاسيس كلها لأول مره ضحكت على تفكيري وحطيت اواعي على جنب ونمت
….
ثاني يوم صحيت بوقت مناسب وحكيت من سفيان اني رح اتأخر وبالفعل ما عارض وحكالي رح يكونوا مستنيني تجهزت كالعاده وهل مره حبيت البس اشي بشبه شخصيتي الناريه حضرت حالي منيح طلعت اطمنت على سيسي وتأكدت انها مريحه واخذت اجازه من الشركه ورحت بنشاط على الشركه وأول وجهه الي مكتب سفيان فتحت الباب وتدريجيا ابتسامتي اختفت نفس النظره ونفس القعده بس هل مره المختلف اشي واحد
ليلك بصوت مهزوز : مياس !!
تابعووووووني
الفصل السادس حتى الفصل العاشر من هنا
رواية زواج لدقائق معدودة كامله من هنا
رواية خيانة الوعد كامله من هنا
رواية الطفله والوحش كامله من هنا
رواية جحيم الغيره كامله من هنا
رواية مابين الضلوع كامله من هنا
رواية سيطرة ناعمه كامله من هنا
رواية يتيمه في قبضة صعيدي كامله من هنا
الروايات الكامله والحصريه بدون لينكات من هنا
إللي خلص القراءه يدخل هيلاقي كل الروايات اللي بيدور عليها من هنا 👇 ❤️ 👇
❤️🌺🌹❤️🌺❤️🌹❤️🌺🌹❤️🌺🌹❤️🌺🌹❤️🌺🌹🛺🛺🛺🛺🛺
الصفحه الرئيسيه للروايات الجديده من هنا
جميع الروايات الحصريه والكامله من هنا
انضموا معنا علي قناتنا بها جميع الروايات على تليجرام من هنا
❤️🌺🌹❤️🌺❤️🌹❤️🌺🌹❤️🌺🌹❤️🌺🌹❤️🌺🌹🛺🛺🛺🛺🛺
تعليقات
إرسال تعليق