رواية ليان الزعيم البارت الرابع والخامس بقلم الكاتبه آيه عيد حصريه وجديده على مدونة النجم المتوهج للروايات والمعلومات
 |
رواية ليان الزعيم البارت الرابع والخامس بقلم الكاتبه آيه عيد حصريه وجديده على مدونة النجم المتوهج للروايات والمعلومات
خرج اسر بسرعة هو وحازم
وليان كانت مستغربة بس طلعت اوضتها، وتامر راح اوضته.... والعيلة كلها
@@@@@@@@@@@@@@@@@@@
في مكان مهجور في منتصف الطريق
نزل يونس من عربيته، وشاف رجالته والعربية كانت مقلو"بة
اسر بغضب : ما انا مشغل عندي متخل" فين
احد الرجال احمد : ولله ياباشا احنا كنا ماشيين في امان الله وهما ال طلعو علينا
حازم :انتو كنتوا كام؟!
احمد بخوف : ك كنا خمسة
اسر بغضب :انت اتجننننت، انا مش قولتلك تاخد عشرين واحد.... قايم تاخد خمسة انت عب"يييييط
حازم :اهدا يا اسر اكيد في حل
اسر بص ل احمد بغضب :مين الناس دي
احمد :دول ناس جديد في السوق ياباشا
اسر :معرفتش عنهم حاجة
احمد :لا، بس كان فيه واحد واتصل علي حد اسمه ربيع
حازم بص ب اسر بزهول : ربيع السعدني
اسر بص نظرة مخيفة : هو ال جابه لنفسه
واتجه للعربية بسرعة وغضب هو وحازم، واتصل برجالته يلحقوه
@@@@@@@@@@@@@@@@@@@@
في القصر
ليان كانت قاعدة في البلكونة بتاعتها هي وميار
ليان :ميار ممكن اسالك سؤال؟!
ميار بصتلها :اتفضلي
ليان بتوتر :ه هو باباكي عمل ايه عشان اسر يكره كدا
ميار بصت للسما بحزن : اسر وبابا عمرهم ما كانو اب وابنه.... ب بابا دايما كان بيض*رب اسر وهو صغير وكان بيعامل ماما وح*ش اوي، وكل يوم خنا"قة مع اسر وبابا، وجدي لما شاف ان بابا كل شوية مع ستا"ت وانه هيبقي مش قد المسؤولية ال في الشغل عشان كدا كتب الشركة بأسم اسر
ليان بحزن :طب وانتي؟!
ميار والدموع بتتجمع في عنيها : ماما حكتلي ان لما انا اتولدت، بابا مكانش عايز بنات وكان عايز يخلص عليا
وكان هير" ميني من البلكونة، بس اسر انقذني علي اخر لحظة.....
وبدات اكبر مكانش حتي بيسأل عليا.... اكملت وهي بتعيط.... اتحداكي، انه ميعرفش انا عندي كام سنة دلوقتي
ليان حضنتها بحب
ميار بدموع :اسر اكيد مش ناسي هو عمل فينا ايه، بس مش مضطر انه يخا"ف منه، وبيقف في وشه وعينه في عنيه.... ا انما انا بخاف كل ما بيقرب مني
ليان مسحت علي شعرها
.............
وعدا وقت وميار هديت ونعست وقررت انها هتروح تنام في اوضتها
وليان استنت اسر
@@@@@@@@@@@@@@@@@@@@
في نا"يت كلا"ب
كان قاعد راجل كبير في السن وحواليه بنات كتير مش كويسة
ربيع : ايه الحلاوة دي
وقام ير" قص
فجاة
دخل اسر بهم*جية هو وحازم ورجالته الكتير
وكل البنات خافت وطلعت برا
اسر مسك ربيع ورماه علي الكنبة ورفع سلا*حه علي رأسه
اسر بغضب :غلطت، غلطت ياربيع لما فكرت تلعب معايا
ربيع بخوف :ا انا معملتش حاجة
اسر بحدة :مش عجوز زيك ال يبص علي حاجة مِلك اسر السيوفي
ربيع بخوف :ولله مش انا دا واحد تاني
اسر بعصبية :انططططق مين؟!
ربيع كان هيتكلم بس...... دخلت رصا*صة استقرت في رأسه
بس مكانتش من اسر
اسر بص حواليه وشاف واحد من بعيد، واول ما الراجل شافه طلع يجري علي برا
اسر ورجالته جريوا وراه
وطلعو برا النا"يت
وكان فيه رجالة تانية كتير.... وحصل اطلا" ق نا*ر في المكان
والكل بقي بيتفادا
واسر ورجالته عمالين يضر*بوا عليهم بقوة
واسر كان واقف عند العربية وكان بيلف لقي قدامه واحد من رجالة العد"و
اسر والراجل حصل بينهم ملا"كمة بالايدي ، بس الراجل كان معاه آلة حا"دة وضر*بها في كتف اسر من الخلف.... والراجل كان هيهرب بس ملحقش بسبب اسر ال اط"لق عليه رصا*صة ووقع بسببها
حازم جري علي اسر
حازم بقلق :تعالي هاخدك للدكتور
اسر بتعب :لا انا كويس.... دا جر*ح سطحي ، يلا خلينا نمشي من هنا
حازم عارف انه عنيد ومش هيوافق يروحوا دكتور
اخده وركبوا العربية
@@@@@@@@@@@@@@@@@@@@@
في القصر في اوضة ليان
كانت قاعدة علي السرير وتنام شوية وتفتح شوية
لحد ما سمعت صوت العربية قامت بسرعة ووقفت قدام باب الاوضة
....... بعد مدة
دخل اسر بثبات
ليان بابتسامة لطيفة : مساء الخير.
اسر ابتسم :لسة صاحية
ليان : اه رغم انك اتاخرت بس برضوا هستناك
اسر قرب وحضنها بحب، وبعدين بعد عنها وبا*س رأسها
اسر لف وكان رايح الحمام، ليان شافت د*م علي التيشرت
ليان بخوف وهي بتقرب منه :ا اسر ايه دا؟!
ليان مسكت ايده وقعدته علي السرير
اسر قل*ع التيشرت، وليان اتصدمت
ليان والدموع بتتجمع في عينها وبتترجف :ا ايه دا؟!مين ال عمل فيك كدا
اسر :اهدي دا سطحي
ليان بعصبية : سطحي؟! دا كله وتقولي سطحي
اسر شدها وقعدها علي رجله وابتسم :خايفة عليا
ليان بنرف"زة :انت بتسأل
ليان قامت وراحت وجابت الاسعافات الاولية، ولفت وقعدت علي السرير وبقت تحاول تعقم الجر*ح وهي خايفة
وبتر" تعش
اسر بضحك :انا حاسس برعشة ايدك
ليان بغضب طفولي :انت بتضحك؟!
اسر :يعني هتعمليها صح، ولا اجيب دكتورة
ليان بغيرة :نعمممم؟! دكتورة ومراتك موجودة، لا طبعا استني دقيقة بس
اسر ضحك : حاضر
ليان فعلا قدرت تعملها وعقمت ولفت وظبطت الدنيا
ليان براحة :اها اخيرا
اسر قام وقف ولفلها وابتسم:شكرا يا دكتورة
ليان بثقة :العفو، العفو مش بحب الغرور
اسر ابتسم اكتر وشدها وحضنها بحب
اسر بابتسامة خبيثة :طب انا عايز حاجة كمان يا دكتورة
ليان بصتله :ايه؟!
اسر قرب منها اكتر وابتسم.... وليان فهمت
ليان بضحك : انت تعبان
اسر ابتسم :لا مش تعبان
ليان بابتسامة : لا انت لازم ترتاح النهاردة
اسر بصلها: علي فكرة انتي بقيتي بتأمريني كتير، انا ال عايزه اقدر اخده حتي لو غص*ب
ليان بابتسامة ثقة : غص*ب تمام، انا قدامك اهو اتفضل
اسر ابتسم :انتي عارفة اني مش هقدر اعملها غير بمزاجك صح؟!
ليان بضحك : صح
اسر استلقي علي السرير واخدها في حضنه
اسر :طب تعالي ياباشا
ليان حضنته براحة عشان جر*حه
ليان بحب :انا بحبك يا اسر
اسر بصلها بابتسامة :وانا بعشقك يا قلب اسر
@@@@@@@@@@@@@@@@@@@@
في الصباح
الكل كان متجمع علي السفرة
سميرة :اسر مش هتاخد تامر الشركة؟!
اسر اتضايق، وليان بصتله بتوتر
اسر اتنهد : حاضر ياتيتة
سميرة بسعادة ومسكت ايده :شكرا يا حبيبي
اسر ابتسم ليها
تامر :طب انا هاخد تولين معايا هي شاطرة اوي
ليان كح"ت
ليا بصدمة وغيرة :مين؟!
تولين بغرور :انا يا حبيبتي
اسر مسك ايد ليان وبصلها بعينه بمعني مش مشكلة
ليان بقت قاعدة مضايقة وساكتة
........ بعد وقت
اسر قام وليان قامت معاه عشان يوصلها الكلية
تولين قامت : ممكن توصلني معاك الشركة
ليان بصتلها :وانتي هتشتغلي كدا من اول يوم
تولين بكبرياء :بصراحة انا مش بحب اضيع وقت، وبحب اشتغل علطول
اسر :خلي صاحبك يوصلك
تامر :ما انا هتاخر شوية علي ما اوصل الشركة
اسر بصله بحدة :انت هتشتغل زي اي موظف عندي، يعني تروح الشركة في معادك مش وقت ما انت عايز
تامر قام : بس انا ابقي اخوك، يعني شريك في الشركة.... يبقي اروح وقت ما انا عايز
اسر بسخرية :وانت فاكر ان ليك حق عندي، ومين قال انك اخويا.... انا بلحد دلوقتي شاكك فيك
تامر بضيق بص لكمال
كمال :لا دا اخوك يا اسر، وهو ليه حق في الشركة
اسر :اه هو انت لسة فاكرها شركة.... جي مجموعة شركات اسر السيوفي، يعني ابنك ملوش حق فيها
سميرة : بس فيه صلة د*م بينكم يا اسر، يعني مش مشكلة لو تديله حقه
اسر بص لجددته بحدة : انتي بتتكلمي ازاي كدا، دا لسة مكملش يومين هنا
اميرة قامت وبصت لسميرة وكمال بحدة : بما انكم باصين في مجهود ابني، يبقي اسر هيديله نصيبه من شركة جدته... انما يبقي شريك، ينسي الكلام دا
وراحت دخلت اوضتها
اسر اخد ليان وطلعوا برا
@@@@@@@@@@@@@@@@@@@@@
في العربية قدام الجامعة
اسر وقف وشرد شوية
ليان مسكت ايده :متضايقش
اسر بغضب :انا مش عارف جدتي مالها؟!
ليان :دا حفيدها يا اسر، واكيد يعني مش هتزعله
اسر بعصبية :ما انا كمان حفيدها
ليان قربت وحضنته
اسر ضمها ليه بقوة
ليان بعدت واتكلمت بابتسامة طفولية : ممكن تيجي تاخدني من الجامعة النهاردة، ونتغدا في اي مطعم
اسر بابتسامة :حاضر
ليان با*سته علي خده وخرجت
واسر باصص عليها بحب وبيبتسم
@@@@@@@@@@@@@@@@@@@@@
عند تامر كان ماسك التلفون وبيتكلم بغضب
تامر بغضب :بس انا شايفه سليم اهو، انا مش قولتلك تخلص عليه
الراجل : اهم حاجة انه معرفش ان انت ال سرقت الشحنة
تامر بعصبية : بس انا مكنتش عايزززه عايشششش
الراجل :دا اسر السيوفي برضوا، مش اي حد عشان نخلص منه بسرعة كدا
تامر : انا عندي خطة تانية
الراجل :ايه هيا؟!
تامر بش"ر :مراته
@@@@@@@@@@@@@@@@@@@
#ليان_الزعيم
البارت 5
في الشركة
اسر كان قاعد علي الكرسي بتاعه في مكتبه، ومعاه بعض الموظفين
دخل تامر بابتسامة واسعة: اخويا حبيبي
اسر بصله بطرف عينه ووجه كلامه للموظفين : برا
الكل خرج باحترام
اسر رفع راسه ليه : عايز ايه؟!
تامر قعد قصاده وعلي صوته :تعالي يا تولين
دخلت تولين وقعدت قصاده
تامر :بما ان انا ليا نصيب في الشركة، يبقي لازم اعرف كل حاجة واجي معاك الاجتماعات واعرف كل كبيرة وصغيرة
اسر بهدوء وبأمر : بس انت لسة صغير، ومحتاج تتعلم.... عشان دي حاجة جديدة عليك
تامر بنرف"زة : انا مش صغير، انا كبير واقدر اعتمد علي نفسي وعلي شغلي
اسر : وانا ميمشيش معايا الكلام دا
ونادا علي حازم، ودخل
حازم :امرك يا باشا
اسر موجه كلامه ليه بس باصص ل تامر بحدة : تاخد الاستاذ وتعلمه الشغل.... خلينا نشوف مواهبه
وبص علي تولين :والاستاذة كمان
حازم : تمام
قام تامر بغي"ظ ومعاه تولين، وقبل ما تامر يطلع
اسر بحدة : لو دخلت مكتبي تاني كدا.... هتزعل
تامر اضايق وخرج
دخلت السكرتيرة : اسر بيه، فيه ميتينج دلوقتي
اسر قام ولبس جاكت بدلته :يلا
وخرج
@@@@@@@@@@@@@@@@@@@@@
في الجامعة
ليان كانت واقفة قدام الجامعة ومستنية اسر يوصل
ليان بغضب طفولي : الغدا هيروح والبيه لسة ما ظهرش
مسكت تلفونها واتصلت بيه، بس مردش
ليان وقفت مضايقة
وقفت عربية قدامها ونزل زجاج الشباك ولقت راجل شكله غريب
الراجل :لو سمحتي يا انسة، ممكن تقوليلي طريق****
ليان بتوتر :لا حضرتك مش عارفة
الراجل بصلها من فوق لتحت :طب هو انتي اسمك ايه؟!
ليان باستغراب وخوف وهي بترجع لورا : و وانت مالك؟!
الراجل ضحك :لا بسأل عادي
ليان مشيت من قدامه بسرعة وخوف
الراجل بضحك :بقي دي عايزني اخلص عليها يا تامر.... دي ملبن، انا لازم اخليها ليا انا دي خسارة في اسر
ليان دخلت جوا واتصلت علي اسر ومردش تاني فا اتصلت بالحارس ييجي ياخدها
@@@@@@@@@@@@@@@@@@@@
في الشركة
اسر كان في الاجتماع وقافل تلفونه واتاخر اوي في الاجتماع
............ بعد مدة
الاجتماع خلص، واسر خرج ومحسش بنفسه لدرجة ان الليل جه وهو في الاجتماع
حازم بتعب : انا مروح بقي يا عم، دا مكانش اجتماع دا.... دا كان سجن مؤبد
اسر ابتسم :تمام روح انت
ومشي حازم
اسر فتح تلفونه ولقي اتصالات من ليان وافتكر موضوع الغدا
اتجه للخارج وجه يركب عربيته لقي تولين بتجري وراه
تولين :ممكن توصلني معاك، انا اشتغلت كتير النهاردة واتاخرت.... وتامر مش موجود
اسر بصلها ببرود : اركبي
تولين ابتسمت وركبت معاه
ولسر بدا يسوق العربية
٪٪٪٪٪٪٪٪٪٪٪٪٪٪٪٪٪٪٪٪٪٪
في العربية
تولين بصتله : انا اسفة ولله لو ازعجتك
اسر مردش
تولين :انا عارفة ان ال حصل من باباك مش كويس و....
اسر قاطعها بحدة : متتدخليش في حاجة متخصكيش
تولين مثلت البراءة : انا اسفة، مكنتش اقصد انا بس....
قاطعها اسر :من الافضل انك تسكتي شوية
تولين بتسكت باحراج
@@@@@@@@@@@@@@@@@@@@@
في القصر ليان كانت قاعدة زعلانة، وفجاة الباب خبط
قامت بلهفة وفتحت.... بس لقت تامر
ليان بضيق: نعم، عايز ايه؟!
تامر بابتسامة :ولا حاجة كنت عايز اطمن علي مرات اخويا
ليان : انا كويسة، شكرا
وكانت هتقفل الباب، بس تامر حط ايده وفتحه
تامر :استني بس.... انا كنت عايز منك طلب
ليان بضيق :اتفضل
تامر : انا كنت عايزك تساعديني، اني احسن علاقتي باسر
ليان :وانا مالي؟!
تامر :بصراحة عيد ميلاد اسر بكرا، وانا عايز اعمله مفاجاة
ليان ركزت اوي في كلامه، لان اسر عمره ما قالها عيد ميلاده امتا ولا شافته بيحتفل بيه
ليان بلهفة :بجد، ا اقصد اه ما هو جوزي واكيد عارفة عيد ميلاده امتا.... تمام انا موافقة
تامر ابتسم واتاكد انها متعرفش حاجة
تامر :تمام، بكرا بقي نجهز كل حاجة، بدري بدري يعني
ليان بابتسامة :تمام
وبتدخل وبتقفل الباب وبيمشي تامر
ليان بفرحة : اكيد هيفرح مني اوي
وفجاة سمعت صوت العربية، جريت علي البلكونة وبصت عليه.... واتصدمت لما شافت تولين نازلة معاه
ليان اضايقت وغارت عليه
نزلت جري لتحت
@@@@@@@@@@@@@@@@@@@@@
ليان نزلت ووقفت تحت قدام الباب
اسر دخل ووراه تولين
ليان جريت عليه وحضنته وهي باصة لتولين بكر"ه
ليان بابتسامة واسعة :وحشتنييي يا حبيبي
اسر استغرب ورد لها الحضن
ليان بعدت عنه وغمز" تله :تعالي بقي عشان في حاجة مهمة عايزه اقولك عليها فوق
ومسكته من ايده واخدته فوق
وتولين بش"ر: قريب اوي مش هيلاقي وقت يقعد معاكي
جه تامر ووقف قدامها
تامر :ها عملتي حاجة؟!
تولين بضيق :لا دا صعب اوي مش زي اي حد
تامر :اسر مش من النوع ال هيقع زي باقي الرجالة، لازم تفكري في حاجة تانية
تولين بش" ر : متقلقش انا مجهزة كل حاجة بعد اسبوع الجو هايبقي في ايدي
تامر ابتسم بخبث :احب تفكريك الشر" ير دا اوي
@@@@@@@@@@@@@@@@@@@@@
دخلت ليان وهي بتشد اسر وراها بغضب
ليان بعصبية وصوت عالي :ممكن تقوليييي كنت بتعمل ايه مع الست هاااانم
اسر بحدة : صوتك
ليان سكتت بعصبية ولفت وشها الناحية التانية
اسر قرب منها وحضنها من ضهرها : القمر زعلان ليه
ليان ساكتة
اسر : يعني مش هتردي عليا
ليان برضوا ساكتة
اسر طلع من جيبه شوكلاته وحطها قدامها
ليان كانت عايزة تاخدها بس كرامتها منعتها وكانت باصة للشوكولاتة بحزن
ليان بزعل وهي ضامة ذراعيها :مش عايزة
اسر با*سها من خدها وقال : براحتك
وسابها وحطها علي الكومود، ودخل الحمام
ليان واقفة مكانها وباصة علي الشكولاتة بر"غبة
ليان لنفسها :لااااا انا عندي كرامة، وكرامتي لا تسمح لي
(ايوا يا ام كرامة انتي 🫠)
قعدت علي السرير واستلقت عليه
اسر خرج وهو لابس بنطلون بس وكان عا*ري الصد*ر
وشافها وهي بتقاوم نفسها
اسر قرب واستلقي علي السرير وحضنها
ليان وهي بتحاول تبعد عنه بطفوليه :لا، لا ابعد
اسر بصلها :انا اسف
ليان ضمت زراعيها: اسف علي ايه بقي؟!
اسر قرب واعتلا*ها، وقرب اكتر وبا*س خدها
اسر :عشان اتاخرت عليكي وما اخدتكيش علي الغدا
وقرب اكتر وبا*س خدها التاني
اسر :عشان جبت معايا البنت ال تحت
ليان سرحانة فيه ومبتسمة خالص
(يا مدلوقة🙂)
وقرب اكتر وطبع قب*لة قوية علي شفا*يفها
ووووووو
@@@@@@@@@@@@@@@@@@@@@
في اليوم التالي ليان صحيت بنشاط وهمة ولبست ونزلت علي تحت، واسر راح الشركة..... وليان قابلت تامر
تامر بابتسامة خبيثة :صباح الخير
ليان بابتسامة :صباح النور
تامر :ها مستعدة
ليان بحماس :طبعا، وهروح النهاردة اجيب هدية حلوة اوي
تامر بش"ر :انا هقول ان المفاجاة دي بتاعتك انتي، عشان اسر يفرح منك
ليان بفرحة :تمام
وبتخرج من البيت عشان تشتري هدية، وتامر بيضحك عليها بسخر" ية
@@@@@@@@@@@@@@@@@@@@@
في المول
ليان اشترت ساعة شيك وغالية لاسر، ومعاها اتنين خواتم واحد ليها وواحد ليه وكل خاتم مكتوب في حرف A و L
ليان كانت فرحانة اوي وفاكرة ان اسر هيبقي مبسوط
@@@@@@@@@@@@@@@@@@@@
في القصر رجعت ليان ولقت العمال بيعلقوا الزينة
ليان لواحد من العمال :لو سمحت انا عايزاه ورد ابيض
العامل :اوامرك يا هانم
جت اميرة بابتسامة واستغراب :احنا عندنا مناسبة النهاردة
ليان :دي هتبقي مفاجاة
اميرة :بجد؟! طب لمين
ليان بخجل :ل اسر....وكمان هتبقي حفلة عائلية بس
اميرة بضحك : ماشي، ربنا يجعلكم مبسوطين دايما
ليان بابتسامة :يا رب.
تولين وتامر واقفين بعيد وبيضحكوا بسخرية عليها
@@@@@@@@@@@@@@@@@@@@@
الليل جه، وليان لابسة فستان طويل وشيك.... والكل مجهز نفسه ومش فاهمين الحفلة بمناسبة ايه
ليان واقفة تظبتهم
ليان :تيتة اناي تقفي هنا، وانتي ياطنط اقفي جمب ميار
ميار بقلة حيلة : انتي حيرتيني، طب قوليلي بس الحفلة دي بسبب ايه؟! انتي نجحتي في الامتحان يعني
ليان باستعجال :لا يا ميار، يلا بقي امسكي البوكيه دا.... اسر قرب يوصل
ليان نادت علي كبيرة الخدم :طنط اسماء هاتي التورتة
اميرة باستغراب وقلق : ليه التورتة؟!
ليان بفرحة :بصوا يا جماعة انتوا نسيتوا لكن انا مش ناسية، ان النهاردة عيد ميلاد اسر
الكل اتصدم
اميرة بصدمة وتوتر :انتي عاملة حفلة عيد ميلاد لاسر؟!
ليان بحماس :اه
ميار بقلق :انتي ازاي متقوليش لينا، ازاي تعملي كدا من دماغك
ليان استغربت :في ايه يا ميار؟!
اميرة كانت هتتكلم بس اسر وصل
اسر دخل وهو مستغرب
ليان جريت عليه بالهدية ال فيها الساعة، ومدتها ليه
ليان بفرحة : كل سنة وانت طيب يا حبيبي
اسر فضل باصص ليها بصدمة وغضب
ومرة واحدة رمي الهدية ال في ايدها بقوة، لدرجة ان الساعة اتكسرت اوي
ليان واقفة مصدومة
اسر بغضب: انتيييي غبييية
@@@@@@@@@@@@@@@@@@@
استووووووب، فرهدت🫠😂
نكمل بكرا بقي بايييييي
وشكرا لتعليقاتكم السكرة 😘🦋🫶
رواية زواج لدقائق معدودة كامله من هنا
رواية خيانة الوعد كامله من هنا
رواية الطفله والوحش كامله من هنا
رواية جحيم الغيره كامله من هنا
رواية مابين الضلوع كامله من هنا
رواية سيطرة ناعمه كامله من هنا
رواية يتيمه في قبضة صعيدي كامله من هنا
الروايات الكامله والحصريه بدون لينكات من هنا
إللي خلص القراءه يدخل هيلاقي كل الروايات اللي بيدور عليها من هنا 👇 ❤️ 👇
❤️🌺🌹❤️🌺❤️🌹❤️🌺🌹❤️🌺🌹❤️🌺🌹❤️🌺🌹🛺🛺🛺🛺🛺
الصفحه الرئيسيه للروايات الجديده من هنا
جميع الروايات الحصريه والكامله من هنا
انضموا معنا علي قناتنا بها جميع الروايات على تليجرام من هنا
❤️🌺🌹❤️🌺❤️🌹❤️🌺🌹❤️🌺🌹❤️🌺🌹❤️🌺🌹🛺🛺🛺🛺🛺
تعليقات
إرسال تعليق