رواية 30 يوم حياه البارت الحادي عشر والثاني عشر بقلم اميره أسامه حصريه وجديده في مدونة النجم المتوهج للروايات والمعلومات
![]() |
رواية 30 يوم حياه البارت الحادي عشر والثاني عشر بقلم اميره أسامه حصريه وجديده في مدونة النجم المتوهج للروايات والمعلومات
وصلوا الشباب كلهم الشارع
فضلوا يلفوا ورا بعض بالعربيات مع صوت الكلاكسات وباقي الشباب فضلوا يعملوا عروض بالموتسكلات
نزل هيما وادهم وزين
وسط الشارع وفضلوا يضربوا نار ويضربوا شماريخ والانوار تطلع للسما بتعلن عن وصول العرايس والعرسان
نزل صالح وفي ايده بوسي
ونزل لاحه ومعاه شهد
سهير...الله اكبر الله اكبر
ربنا يحميكم
و ابتدت الزفه لحد ما دخلوا العرسان اعدوا علي اماكنهم المخصصه..
توته...هتفضل زعلان كده كتير يا دومي
ادهم...انتي نهار اعلك مش فايت عالبس اللي انت لبساه ده ياتوته بس نخلص الفرح بس
توته...هو انت عايز تنكد عليا وخلاص يا ادهم ما قولتلك حقك عليا
ادهم...ماشي يا توته يخلص بس الفرح ويبقالي كلام تاني معاكي ومن هنا لحد ما الفرح يخلص مش عايزك تتحركي من الكرسي اللي جمبك والا والله يا توته لا هنكد عليكي وادام الكل
توته...بزعل ما شي يا ادهم
سهير...في ايه ياولاد مالكم انتو بتتخانقوا ولا ايه
ادهم...مفيش حاجه وسابهم ومشي
سهير...في ايه يابت يا توته منكده عالجدع ليه
توته...انا يا انا اللي منكده عليه ولا هو اللي منكد عليا زعلان عشان الفستان قصير شويه
سهير...يابت بيحبك وبيغير عليكي افهمي يا جموسه وبعدين حقه يغير عليكي
توته....مانا صالحته وطول ماحنا في زفه العربيات اعده اراضي فيه وهو مقفل دماغه ومش عايز يسمعني والوقت بصالحه طلع فيا
سهير...معلش واحده واحده الرجاله مخها زي العيال الصغيره شويه ويروق خليكي بقي اعده جمبي عشان متعكننوش علي بعض
توته...حاضر يا اما
سهير...اما اروح اشوف المعازيم
رحاب....براحه يا توته ادهم بيحبك
توته...يا اختي انتي كمان يعني انا اللي بكرهه بس انا صالحته اعمل ايه تاني ياناس
رحاب...واحده واحده ادهم مفيش اطيب من قلبه وبيروق بسرعه وبيحبك يا بت وبيغير عليكي
توته...ايوه يا اختي افضلي دافعي عنه ماهو اخوكي
رحاب...يابت انتي غبيه هو اخويا وانتي اختي وبعدين صراحه عنده حق يابت الفستان عليكي مخليكي بطل واديكي شايفه الفرح الشباب فيه بعدد شعر راسك وانتي موزه صراحه ليه حق يغير عليكي ويخبيكي من الناس
توته...والنبي شكلي يابت
رحاب...يخربيت جنانك شوفي انا في ايه والبت في ايه ده ليه حق يقتلك مش يتعصب عليكي
توته...انجري يابت من جمبي بدل ما اجيبك من شعرك😒
رحاب....بضحك ماشي يا مجنونه
أبتسمت...توته بحب واعدت عالكرسي
مديحه...لمنه ووعد عقبالكم يارب يا حبايبي لما اشوفكم عرايس زي القمر
منه...يارب يا ماما
مديحه...شوفي البت اللي مصدقت
منه...الله مش انتي اللي بتدعي
مديحه...اه ياختي بس انتي مصدقتي
منه...بضحك ربنا يخليكي لينا ياست الكل
مديحه...ويخليكوا ليا ياحبايبي عقبالك ياوعد
وعد....ربنا يخليكي ليا خالتو
مديحه...بس الشهاده الاول طبعا
وعد....ايوه طبعا ادعيلي
مديحه ..بدعيلك يا حبيبتي في كل صلاه انتي ومنه وزين يوفقكم في حياتكم ويجعل نصيب الدنيا الحلو من حظكم ونصيبكم انا هقوم اشوف الناس لو محتاجه حاجه
منه..بت يا وعد
وعد...نعم
منه...زين ما بينزلش عينه من عليكي
وعد...بجد ولا بتقولي كده وخلاص
منه...يا بت انتي حماره انتي انهرده زي القمر وشبه الملايكه وبتدين انتي ركزي يا اختي معاه هتلاقي عينه بتروح وترجع عليكي
وعد...بأبتسامه علي فكره انتي كمان زي القمر وهيما كمان مش بينزل عينه من عليكي
منه...عارفه هو يقدر يودي عينه في اي مكان تاني
وعد....يالهوي عالغرور
منه....مش غرور دي ثقه يالطخ
وعد...بضحك شكرا يا مؤدبه
بقولك ايه تعالي نشوف توته كانت بتتخانق هي وادهم واعده مش طايقه نفسها
منه...تعالي.
راحو عند توته
وعد...القمر ماله
توته...يا اختي انتي اللي قمر انتي والبت اللي جمبك
منه...والنبي صحيح
توته...ياعيال انتوا معندكوش مرايات في بيتكم ولا ايه
منه...مالك يا بت اعده شايله طاجن ستك ليه ماتروحي تقفي مع اختك
توته...ادهم قالب عليا بسبب الفستان ومش عايزني اتحرك
وعد..بصراحه بقي ومن غير ما تطلعي فيا الفستان مسخره والفرح مليان شباب وهو بيحبك وخايف عليكي وانتي جايه تزعليه منك وانت اوفرحكم خلاص كمان اسبوع ولا عشر ايام
توته...ياختي انا مكنش عندي وقت اقيس اختارته كده بعيني بس ملبستوش الشغل كان كتير وكنت ملخومه مع بوسي وشهد معرفش انه هيبقي متنيل عليا كده
منه...بس بقولك ايه شكلك جامد
توته...مانا عارفه يابت
وعد...يا دي ام الغرور اللي فيكم
توته...يابت دي ثقه
منه...قوليلها والنبي
وعد...تعالوا طيب نروح نشوف بوسي وشهد
توته...لا يا اختي روحوا انتوا بدل ما ييجي ينكد عليا
وعد...خلاص خليكي هنرجعلك تاني
عند العرايس كان صالح وصلاح مع اصحابهم
.....
مريم...يخربيت حلاوتكم شكلكم يجنن
بوسي... والنبي صحيح
مريم ..اه والله والفساتين عليكم مكنتش متخيلاها كده
شمس...بت يا شهد مالك ساكته كده ليه
شهد...بأبتسامه حزينه مفيش يا شمس انا كويسه
شمس...كويسه ايه انتي مش شايفه شكلك
رحاب...مين زعلك مانتي طول اليوم فالكوافير كويسه
شهد...مفيش والله
وعد...مبروك يا حلوييين
بوسي...عقبالك ياوعد
وعد...ربنا يخليكي يابوسي
منه...فتحتواونفسي عالجواز ياولاد اللذينه
رحاب....قولي لاخوكي يا اختي يلين دماغه شويه والواد هيما يجي يخطبك
منه...مبيلينهاش يا اختي ابدا
مريم...شوفي البت هتموت عالجواز ازاي
بوسي... ان شاء الله تخلصي السنادي وتبقي احلي عروسه يابت
منه...يارب يا بسبوسه
بوسي...هي البت توته اعده وسيبانا ليه
منه...سبيها ادهم منكد عليها بسبب الفستان
بوسي...احسن تستاهل مانا قولتلها لما لبست
منار...يابت انتي فرحانه في اختك 😂
بوسي...بضحك لا والله بس كنت واثقه ان ادهم مش هيسكت
شمس...هي يا عيني مكانتش تعرف انه ضيق عليها كده الشغل قيل العيد كان كتير عليها اوي
منار...معلش هيتصالحو بعد شويه انتوا تايهين عن توته وادهم
مريم...ادهم طيب وشويه ويتصالحو
وعد...مالك يا شهود ساكته ليه
شهد....سلامتك يا قلبي انا بخير
شمس...يا بت انطقي كلنا بنقولك مالك يعني فيكي حاجه
مقدرتش شهد تمسك دموعها فالوقت ده
وعد...ابه ده في ايه
منه...مالك يابت هو لاحه منكد عليكي انتي كمان ولا ايه
بوسي...في ايه ياشهد
اتلمو عليها البنات
شهد...كان نفسي ماما تبقي معايا اوي يا بنات قلبي واجعني في اليوم ده من غيرها
مريم خدتها في حضنها طيب بس خلاص
شمس...ادعيلها ياشهد
منه....ماحنا معاكي كلنا اهو
شهد...بس انا كنت محتاجه امي اوي محتاجه اشوف فرحتها بيا وانا عروسه
طلعت نعمه و مديحه وفاطمه يشوفوا العرايس ويشوفوا البنات متجمعين عند شهد ليه اتفاجأو بيها بتعيط
مديحه...ايه ده في ايه يا بنات مالها
نعمه...مالك ياشهد
شمس...أفتكرت امها
نعمه...يا حبيبتي يا بنتي خدتها نعمه في حضنها...
يابت واما مش زي امك انتي كنتي زي بنتي والوقت بقيتي بنتي خلاص
مديحه...بس يا حبيبتي ادعيلها يا بنتي هي حاسه بيكي الوقت
فاطمه..لا اله الا الله ده حال الدنيا يا بنتي
سهير...ايه في ايه مالك
مديحه...افتكرت امها وموته نفسها من العياط
سهير...ايه يا بت يا شهد واحنا قصرنا معاكي في حاجه احنا كلنا امهاتك يابت انا سبتك
شهد...لا والله ياابله ياسهير انتي مسبتنيش لحظه وكنتي بتلفي معايا عالفستان زي ما لفيتي مع بوسي
سهير...طب امال ايه بقي مش تضحكي كده بتنكدي علي نفسك يابت في يوم حلو زي ده
شهد...غصب عني والله افتكرتها كنت محتجاها في يوم زي ده
مديحه...يا بنتي هي الام بتتنسي بس ده حال الدنيا ادعيلها يابنتي
لمحها عامر من بعيد
عامر...ايهاب يا بوب
عامر...ايه
عامر...شهد مالها بتعيط ليه
ايهاب...ايه ده في ايه تعالي بسرعه
راح عامر وايهاب بسرعه علي شهد طلعولها فوق
ايهاب...مالك يا شهد
عامر...بتعيطي ليه
اول ما شهد شافتهم اترمت في حضنهم وكملت عياط
عامر...في ايه يا شهد
نعمه...يا ابني مفيش حاجه والله افتكرت امكم ياحبايبي
فاطمه... ربنا يرحمها يارب
ايهاب....بس ياشهد خلاص
عامر فضل ساكت وباصصلها وعيونه بتلمع من الدموع واعد يمشي ايده علي شعرها
منار...خلاص يا شهد بقي والنبي المكب بتاعك هيبوظ خالص
منه..شهد خلاص بقي
صلاح...ايه ده في ايه مالها شهد
مديحه...افتكرت امها يا ابني
صلاح...الله يرحمها طبطب صلاح علي ضهرها خلاص يا شهد ادعيلها يابت اضحكي بظل ما اغير رأيي
ايهاب...بعدها عن حضنه ومسح دموعها ربنا يرحمها يا حبيبتي يلا اضحكي ومتنكديش علي نفسك في يوم زي ده وبعدين الواد لاحه كده هيتصدم فيكي ويخلع واحنا ماصدقنا اننا هنخلص منك
شهد...بضحك وسط دموعها ياسلام وانا كنت اعده علي قلبكم يا اخويا مش كفايه طول اليوم رايحين جاين تغنوا لما صدعتوني
ايهاب...يابت انتي تطولي يبقي عندك اخوات صوتهم حلو كده
رحاب..كانت بصالحه وهي بتضحك ومبسوطه
بصت شهد لعامر وابتسمت
ابتسم عامر بحزن
ايهاب...عجبك كده اديكي نكدتي علي الفنان بتاعنا كمان
شهد...حقك عليا ياعامر
خدها عامر في حضنه مبروك يا احلي عروسه
شهد...الله يبارك فيك يا حبيبي
ايهاب...بقول ايه يلا يابنات ظبطولها المكياچ اللي باظ ده وانزلوا يلا رقصوهم الليله ليلتهم وعشان خاطر عيونك هغنيلك احلي اغنيه انا والواد ده
شهد...ماشي ياعم
شمس...استنوا انادي علي توته تظبطلها المكياج بسرعه
ايهاب...ماشي بلا بسرعه
راحت شمس نادت لتوته وجابو بسرعه مكياچ وقفت توته تظبطلها وشها
توته...بتعيطي ليه يا حزينه نقصاكي انا عشان اجي اظبط واوطي وادهم يشوفني قال يعني هو ناقص يشيط مني اكتر انتي منك لله
ضحكت شهد غصب عنها حقك عليا
توته...تعالوا ياختي انتي وهي اقفوا ورايا هوطي ازاي انا
رحاب...بضحك لا يا بنات سبوها كده عشان ادهم يطلع عينها
توته...يابت هجيبك من شعرك
رحاب...خلاص قلبك ابيض هاجي انا اقف وراكي بنفسي انا طويله وهخبيكي
توته...ايوه كده اتعدلي
مديحه...الله يخربيت عقلك يا توته مصيبه
فاطمه...والنبي دي العسل بتاعت الحته
توته...والنبي انتو اللي موزز😉
نعمه...الله يجازي شيطانك انا راحه اشوف الناس تعالي معايا يا فاطمه ست ناريمان لوحدها هي وسهير
مديحه...وانا راحه اشوف روحيه حبيبتي
توته...اعدلي يا اختي وشك حبكت تعيطي الوقت يومك مهبب
شهد...بضحك خلاص بقي حقك عليا
.........
ايهاب...فك يالا في ايه انت حالف تنكد انت واختك
كريم...ايه ده في ايه
ابهاب...مفيش شهد كانت بتعيط افتكرت امي وعامر زي مانت شايف
كريم...وحد الله يا عم انت في ايه طب هي وبنت ومحتاجه امها في يوم زي ده بدل ما تطبطب عليها تقلب وشك
عامر...مفيش والله صعبت عليا وفكرتني بأمي
كريم...الله يرحمها كانت ست طيبه ادعيلها وفك كده ده انت كنت هادد الدنيا من شويه
عامر...بضحك ماشي ياعم عقبال ماهدهالك يا صاحبي
كريم...لا يا اخويا سيبك مني انا اللي ههدهالك
عامر...لا ياعم شكرا
ايهاب....انت وهو ميتهيأليش
حد فيكم هيهد الدنيا للتاني ملكوش في صنف الحريم
عامر...انا عايز ابني مستقبلي ياعم مش ناقص انا مسؤوليه والكلام ده
كريم...ولا انا بفكر ولعدين مين سعيده الحظ اللي تستحملني ياعم انا مش جامد وعضلات زيكم انت ياض انت وهو مش شايفين الكرش ولا ايه
عامر...مش بالعضلات يا صاحبي انت عندك قلب مشفتهوش علي حد
ايهاب.. اهو قالك ياغشيم مش بالعضلات انت بس شاور وهتلاقي العرايس تحت رجلك
كريم...مش اوي كده احسن اتغر
هيما...افضلوا انتوا كده ارغوا ولكوا كتير وسايبنا مدعوكين اخلص يا عم انت وهو الناس كتير وعايزين كراسي
ايهاب...مفرق الجماعات
عامر...ده هيما مش جديد عليه يعني
هيما...طب اخلص وحيات امك انت وهو بدل ما ابوظ وشكم
كريم...انا كنت جاي اصلا هما اللي وقفوني
عامر.. اه يا واطي يا جبان😂
كريم...ايده طارشه امشي بكرامتي احسن
هينا...طب يلا يا اخويا ادامي انت وهو🤨
.......
مديحه...مبسوطه ياروحيه
يوسف...خالتي انتي فين تعالي انقذيني
مديحه...بضحك عملتلك ايه
روحيه...وانا هعمله ايه يااختي😒
يوسف...روحيه هو في زي روحيه دي ملاك برئ بس انا اللي خايف اسيبها وعايز اشوف الشباب لو محتاجين حاجه
مديحه...طيب روح
روحيه...اجري يا اخويا علي صحابك😏
مديحه...مالك قالبه بوزك ليه يا روحيه مين مزعلك
روحيه...يا اختي من ساعت ما اعدت مفيش ازازه حاجه سقعه حتت حاجه حلوه 😏
مديحه...بضحك بس كده انتي تؤمريني الوقت المح حد من الشباب يجبلك اللي انتي عيزاه
روحيه....طيب😒
مديحه...شوفي الوليه بردو قالبه بوزها ازاي...استني انادي علي ادهم
ادهم...ادهم
ادهم...ايه يا خالتي في حاجه عقبالك ياروحيه
روحيه..اختشي ياواد
مديحه...والنبي انت شايف قالبه بوزها ازاي وابتدتوتلسن وانا مش هعرف امسكها عايزه حاجه سقعه او جاتوه اي حاجه تتلهي فيها بدل ما تفضحنا😂
ادهم...ياسلام احلي طبق حلويات لروحيه هو احنا عندنا كام روحيه
روحيه...طب يلا يا اد انجر هات اللي قولنا عليه
ادهم...بضحك ماشي ياروحيه منك لله يا يوسف امك مش سايبه راجل فالحته غير لما هزقته
مديحه...مش قادره تمسك نفسها من الضحك امسحها فيا انا يا ادهم
روحيه...بت يا مديحه
مديحه...اللهم طولك ياروح عايزه ايه تاني
روحيه...يا اختي ما تقومي نرقص
مديحه...مالك ياوليه ايه اللي جرالك انهرده عايزه ترقصي ياروحيه
روحيه...ومرقصش ليه يا اختي مبعرفش ارقص ولا مبعرفش ارقص😏😏😡
طب ده انا كان عليا هز فشر سهير زكي
مديحه....بضحك الله يجازي شيطانك ياروحيه
روحيه...يابت اسمعي كلامي قومي معايا
مديحه...طب استني يوسف احسن يزعل
روحيه...يوسف مين ما يزعل ولا يتفلق انا لازم ارقص😒 وسابت مديحه وراحت عشان ترقص
فالوقت ده نزلوا البنات وابتدوا كلهم يرقصوا وجه صالح ولاحه كل واحد دخل جوه الدايره يرقص مع عروسته وجم الشباب كلهم وقفوا معاهم
ادهم...انا مش قولتلك متقوميش من عالكرسي
توته...ادهم خلاص بقي ورحمه امك متنكدش علينا
ادهم...انا قولتها كلمه
توته عينها دمعت طيب تعالي وديني الدنيا زحمه
مسكها ادهم من ايدها وقربها ليه وباسها من راسها ماشوفش دموعك دي
نزلت دموع توته بسرعه
ادهم...يابت بقولك ماشوفش دموعك وربنا انكد عليكي
هيما...خلاص بقي ماقالك ماشوفش دموعم
ضربته توته علي دراعه امشي من ادامي ياهيما
ادهم...اسمع الكلام وامشي ياعم
هيما...ماشي ياخويا ماشي ياست توته القوا شوفوا مين وحيات امكم الله هيهدلكم الدنيا في فرحكم
ضحك ادهم وقرب توته ليه...انا صالحتك عشان مبحبش اشوف دموعك بس بردو مضايق منك
توته...ورحمه ابويا ما قيسته يا ادهم و اتفاجئت بيه لما لبسته انهرده
ادهم...ماشي ياتوته بحبك يابنت الجز
سهير...بتقول حاجه يا ادهم
ادهم...بقول حماتي زي القمر
سهير...والنبي ماشي يا سي ادهم وانا اقول البت جيباه منين اتاريها جيباه منك بعتت عليها
ضحك ادهم وباس سعير من راسها
وابتدوا يرقصوا كلهم
والبنات بقت ترقص مع شهد وبوسي والشباب يرقصوا مع صالح ولاحه
وصوتهم كان جايب الشارع كله وهما بيشيلوا صالح ولاحه وبيرفعوهم لفوق
وجه حاج فاروق دخل رقص مع ولاده والشباب بقوا يصيحوا اكتر وصوتهم علي اكتر لما دخل احمد العربي وحسني وعيسي
وغني ايهاب وعامر ورقصوا مع شهد اللي ابتسامتها وفرحتها رجعتلها ورقصت مع والدها واتجمع اوالامهات كلهم مع البنات والفرح كان كله فرحه واللي زاد الدنيا فرحه روحيه اللي دخلت رقصت مع صلاح ولاحه وهي فرحتها ظاهره علي وشها
يوسف...الله اكبر عليكي يا اما ووقف يوسف يصقفلها بفرحه وهو شايفها ادامه بترقض ومبسوطه مريم وناريمان كانوا فرحانين ان روحيه مبسوطه واعدين يرقصوا معاها انضموا عليهم البنات وابتدوا يرقصوا معاها
زين...كان واقف عينه علي وعد ومنه عشان محدش يضايقهم
وعد كانت مبسوطه واعده تصقف
شدتها شهد عشان ترقص معاها هي ومنار مسكت ايدهم وهي بتتحرك معاهم برقه وهدوء وبصت بعينها لمحت زين مركز معاها وعينه بتطلع شرار رغم ابتسامته سابت وعد ايدهم ورجعت ورا وهي بتصقف بصت علي زين تاني أبتسملها بحب وفضل عينه مركزها في عينها ابتسمت وعد ليه باحراج ونزلت عينها وثواني رجعت بصت عليه لقيته بيبتسملها تاني وهو رافع حواجبه وغمزلها بعينه
اتصدمت وعد وابتسمت بحب غصب عنها ودقات قلبها مكانتش راضيه تسكت رغم ان مكانش في كلام بينهم يخلي دقات قلب وعد تدق بالسرعه دي إلا ان لغه العيون هي احلي كتير من اي كلام وعد مكانتش فاهمه زين بس نظراته ليها وابتسامته واهتمامه وغيرته انها مترقصش كانت مفرحاها حتي لو كان بيعمل كده عشان هي بنت خالته بس تصرفاته كانت كفيله تفرحها انا زين فا كان نفسه يقولها انه بيحبها عارف انها فاهمه غيرته وتحكمه عشان هي بنت خالته بس كان مبسوط انها بتسمع كلامه
خلص الفرح والكل مبسوط وطاير من الفرحه.
مديحه....ايه يا يوسف نامت
يوسف...نامت ايه بس يا خالتي دي مقتوله عملت مجهود جبار روحيه
زين...كانت فرحانه
يوسف.. اللي يشوفها الوقت وهي عامله زي العيال الصغيره ما يقولش ان دي اللي كانت بترقص ولا هي اللي مطلعه عيننا علي طول
ناريمان...عقبال ما تفرح من قلبها يوم فرحك يا يوسف
يوسف..يا رب ياحماتي
مديحه...ربنا يفرحها بيكوا يارب يلا جماعه اطمنا علي روحيه
ناريمان...اه يلا عيسي واقفلنا بره مع الرجاله
مريم...خلي بالك من روحيه
يوسف...في عيني ربنا يخليكوا ليا يارب
زين...ويخليك لينا يا صاحبي يلا تصبح علي خير
يوسف..وانت من اهل الخير
...........
ادهم مبروك يالاحه مبروك يابوسي عقبال الليله الكبيره
بوسي...عقبالك يارب يا ادهم انت وتوته
ادهم...بص لتوته بحب اللهم امين
لاحه...الفرحه الكبيره عندك يا صاحبي الاسبوع الجاي
صالح ..هنخربها ياصاحبي دي فرحه ادهم وتوته يعني مش اي فرحه
توته...اه والنبي ولعوها ده صبر 19 سنه
صالح ..هار اسود دي حسباهملك يا صاحبي
توته...اه حسباهم بحبه من وانا عندي 14 سنه
هيما...يابت متدلقيش عليه كده
توته...اطلع منها انت يا اخويا
هيما...ماشي انا غلطان اني بنصحك
ادهم...ماقالتلك اطلع منها🤨
حاج سعيد مبروك يا ولاد ربنا يفرح قلبكم يارب مبروك يا حسني عقبال ما تفرح بشهد وهي مخلياك جد ويفرحك بعامر وايهاب
حسني .يارب يا حاج سعيد ويفرحك بأدهم وهيما ورحاب
هيما...سيبك من ادهم ورحاب يا عم حسني ركز مع هيما حبيبك ادعيلي يحنن قلب زين عليا
زين...جايب سيرتي ليه يالا
هيما...انا اقدر يا ابو نسب انا بقول ربنا يحنن قلبك عليا
ادهم...واقع واقع يعني
زين...انت ياض مش هتبطل زن
احمد.. هو مش ابني بس انا لو منك موافقش
هيما...ليه بس كده ياحاج انا حبيبك هو ناقص توصيه
زين...ابوك نفسه مش طايقك عايزني انا اطيقك
عامر....ومين طايقه بس فالحاره
هيما...ياض بلاش انت ياض اتشطر علي اللي بيعمله فيك كيمو
كيمو...اطلع منها يالا
عادل...يا الني اسكت بقي شكلك بقي وحش
زين...سيبوه ده زنان مبيفصلش
هبما...مانا هفضل ازن عليك كده لحد ما توافق ماتقولي حاجه يا ديحه
مديحه...لو عليا انت عارف انك حبيبي وانا موافقه
زين...لا والنبي
منه ووعد كانوا ميتين من الضحك هما والبنات
هيما...عاجبك انت كده عاملني ضحكه الشارع
زين...انت اللي مبتسكتش قولتلك لما تخلص وبعدين هي هتطير ماهي مستنياك يا اخويا هي كمان وبص لمنه وهو رافع حواجبه🤨
هيما...ياعم مش هتطير بس الفلوس اللي هتطير الشقه خلصانه وعايز اجيب الحاجه فيها عشان مصرفش الفلوس
زين...ماتجيب يا اخويا حد حايشك
ايهاب...دي حجه البليد
هيما.. وهو بيعض علي شفايفه بغيظ ياض اسكت انت بدل وربنا ما افركش جوازتك من اختي
ايهاب...لزين ماتجوزه اختك ياعم انت هتضايقنا ليه
ضحكوا كلهم علي ايهاب
زين...طلعلك صوت الوقت ومسكك من ايدك اللي بتوجعك
هيما...ياعم خليك معايا انا سيبك منه
زين...انزل يا خويا اشتري اللي انت عايزه
هيما.. ياعم هو انا العروسه مش المفروض في عروسه هتختار حاجتها زي اي عروسه فالدنيا هتنزل ازاي وهي مش خاطبتي ولا لابسه دبلتي حتي
احمد...صراحه في دي معاه حق
زين...انت عايز ايه الوقت ياض🤨
هيما.. نلبس دبل اسمع مني دبل وبس والشبكه والفرح بعد النتيجه
بص زين ليهم كلهم وبص لحاج سعيد
حاج...سعيد وهو بيهز راسه وافق يا ابني كمل فرحتنا
ابتسم زين ليه...عشان خاطرك انت ياراجل يا طيب مقدرش ارفضلك طلب
هيما...يعني ايه😳
زين...مش ناقصه غباء يعني تجيب الدبل وشوف يا خويا يوم نقرا الفاتحه ونلبس دبل
هيما..طب احلف
زين...ياض هرجع في كلامي وانا عمري ما عملتها
سهير...لا دي بقي عايزه احلي زغروطه
وزغرطت سهير
بوسي...زغرطوا يابنات
وقف البنات كلهم يزغرطوا ويحضنوا منه
هيما...وربنا انت مافي منك وخد زين في حضنه طبطب زين علي ضهره بحب خلي بالك منها لا أفرمك
هيما...بضحك دي في عيني وقلبي
زين...طب احترم نفسك عشان دي اختي بدل نا افركش الجوازه🤨
ضحكوا كلهم علي زين وهيما
وخرج يوسف وعرف ان زين وافق اخيرا بارك لهيما وهو فرحان
وخلص اليوم بينهم وهي الفرحه كامله واتفقوا ان الدبل هتتلبس يوم فرح ادهم وتوته.
خلص اليوم وجه يوم جديد الكل كان تعبان وهدود ومقضيها نوم
اما عامر وايهاب نزلوا علي شغلهم
عامر...كان عنده فرح كبير في فندق راح وغني وكسر الدنيا وكان طاير من رد فعل الناس..خلص الفرح متأخر رجع الحته كانت الساعه 3 قبل الفجر كلم ايهاب لقي صوته نايم وقاله انه رجع من ساعه.قفل الموبايل وهو مش مركز مع الشباب اللي كانت ماشيه وراه من اول ما دخل الحته وعارفين انه راجع من الشغل واكيد معاه فلوس كانوا شباب معاهم فالمكان لاكن مش من نفس الشارع
ياكابتن معاك ولاعه
عامر.....لا والله اسف مبشربش
واحد...تاني طب وما بتشربش ليه
عامر...بضحكه سخريه معلش قدري كده بقي مبحبهاش ولا بحب ريحتها
واحد...فيهم طلع مطوه بقولك ايه سيبك من الولاعه طلع يالا اللي في جيبك
عامر...بابتسامه يالا واطلع اللي في جيبي الله يسهلك ياعم
شاب.. الله يسهلي ليه ياعم وانا بشحت منك باض ولا ايه
عامر...اللهم اطولك ياروح ياعم احنا ساعت صبحيه اتكلوا علي الله لف عامر عشان يكمل وهو مش مهتم بيهم
جريوا عليه الشباب..
نتكل علي الله هنتكل با حبيبي بس مش قبل ما تسبقنا انت
وبعد المطوه وضربها في بطن عامر
عامر...ااااه
وقع عامر فالارض وهو حاسس انه مش قادر الشارع ساكت وفي مكان ضلمه لسه مقربش من الحته بتاعته
وقع عالارض وهو ماسك بطنه
بسرعه خدوا الشباب كل اللي في جيبه حتي الموبايل
وجريوا...
حاول عامر يقوم ويتسند الحيطان وهو ماسك بطنه
لحد .ما وصل الشارع بتاعهم الكل كان مقفل المحلات والدنيا ساكته قبل الفجر
وصل عامر وخو ماسك نفسه بالعافيه مش معاه حتي موبايل يكلم اي حد...
وفجأه🙄🙄🙄🙄😔
نفسي حد يشتم 😒😒🤔🤔🤔
البارت الثاني عشر..
عامر...اللهم اطولك ياروح ياعم احنا ساعت صبحيه اتكلوا علي الله لف عامر عشان يكمل وهو مش مهتم بيهم
جريوا عليه الشباب..
نتكل علي الله هنتكل با حبيبي بس مش قبل ما تسبقنا انت
وبعد المطوه وضربها في بطن عامر
عامر...ااااه
وقع عامر فالارض وهو حاسس انه مش قادر الشارع ساكت وفي مكان ضلمه لسه مقربش من الحته بتاعته
وقع عالارض وهو ماسك بطنه
بسرعه خدوا الشباب كل اللي في جيبه حتي الموبايل
وجريوا...
........
فاطمه.....انا داخله انام نص ساعه لحد ما الفجر يأذن ادخل ريح شويه ياكيمو
كريم...لا يا امي هستني الفجر مش جايلي نوم وبعدين مستني الواد عامر يرجع لسه كل ده مجاش
فاطمه...هو عنده شغل ولا ايه
كريم...اه عنده فرح وكلمته من ساعه كان خرج من الفندق وبعدها كلمني قالي انه خلاص فالسيده وبعدين قاللي اقفل اشوف لو حد فالبيت عايز حاجه ولا لا قبل ما اطلع ولسه مجاش وبكلمه موبايله اتقفل قلقان عليه اوي بفكر انزل اشوفه
فاطمه...ياابني تنزل تشوفه ده ايه هو عيل صغير ولا تايه وبعدين يمكن جه وطلع ويمكن موبايله فصل شحن
كريم...لو حتي طلع كان هيبقي بيكلمني وهو طالع وعامر مبيسبش موبايله يفصل منه ابدا
فاطمه...يا ابني الغايب حجته معاه الوقت يجي قوم ريح بس
كريم...لا ادخلي انتي ياست الكل انا اصلا والله ما جايلي نوم طول اليوم نايم من ساعت الفرح امبارح
فاطمه...ماشي يا حبيبي طب انتي يا بت يا منار مش هتنامي
منار...لا ياماما انا اعده مع كيمو شويه وهنام
فاطمه...ماشي يا حبايبي تصبحوا علي خير
كيمو ومنار...وانتي من اهل الخير
مسك كريم الموبايل بقلق يتصل تاني علي عامر بس كان مقفول..
منار كانت اعده هي كمان جمبه قلقانه بس مش قادره تبين
منار...مبيردش بردو
كريم...لا مقفول بردو
منار...طيب ما تكلم ايهاب يمكن كلمه واو رجع اكيد يعرف حاجه
كريم...لا ده ايهاب رجع من شويه وقال انه طالع ينام مش عايز اقلقه
منار...ان شاء الله الخير
كريم...بقلق يارب
.........
حاول عامر يقوم ويتسند الحيطان وهو ماسك بطنه
لحد.ما وصل الشارع بتاعهم الكل كان مقفل المحلات والدنيا ساكته قبل الفجر
وصل عامر وهو ماسك نفسه بالعافيه مش معاه حتي موبايل يكلم اي حد
كان ماشي الدم مغرقه ومش قدر يمشي وكأنه بيجر في جسمه بالعافيه
عامر..بصوت ضعيف يا كيموو
وابتدا يعلي صوته شويه بشويه
يا كيمووو ..يا كيموووووووو يا ايهاااااب
يازييييين. ادهمممم كيمووووو
فاللحظه دي حس كريم انه سمع صوت عامر
منار...ده عامر
كريم...اه يبقي انا مش بيتهيألي وقام بسرعه يشوفه من البلكونه...هو الواد ده بيزعأ كده ليه
منار راحت وراه
فتح كريم باب البلكونه وبص علي عامر
كريم...في ايه يالا وطي صوتك😳😳😳 واتصدم كريم اول ما شافه بيقع علي ركبه وخد باله من الدم
عامر...الحقني ياصاحبي
منار....الحق ياكريم عامر متعور
كريم خرج زي المجنونه وهو بينادي عليه وبقي يخبط في اي حاجه ادامه يكسرها نزل بسرعه عالسلم من غير اي حاجه في رجله
كريم...عامررررر ولا ياعامر
فضل ينادي عليه طول ماهو نازل ورغم وزنه التقيل إلا انه كان بيجري عالسلم ومنار وراه ووالدته سمعت صوتهم العالي علي بال ماخرجت من الاوضه هي وحاج سعيد وخرج عادل من اوضته كان كريم ومنار خرجوا من الشقه فضلت والدته تنادي عليه هو ومنار مكانوش بيردو
وقبل اخر كام سلمه وقع كريم بكل وزنه التقيل من عالسلم نزل علي دراعه اتكسر صرخت منار حاسب يا كرييم رغم ألمه الشديد إلا انا اتسند عالسلم وقام بسرعه كمل ونزل خرج بسرعه كبيره جري علي عامر اللي كان واقع فالارض وغاب عن الوعي وكأنه اطمن ان كريم شافه
كريم...عامرر ولا باعامر قوم يالا مين اللي عمل فيك كده قوم ياعامر والنبي وحيات غلاوه امك قوم
منار...بأنهيار عامر قوم والنبي اصحي ياعامر
كريم..اعد وفرد رجله وخده في حضنه وفضل يخبط علي وشه ياعامررر قوم يالا متستعبطش قوووووم يازيييييين يا ادهمممم
صحي زين من النوم علي الصوت كان فاكر نفسه بيحلم قام بسرعه خرج في نفس الوقت اللي والدته ومنه ووعد خرجوا فيه علي صوت صريخ كريم ومنار
مديحه...خير يارب في ايه يازين
زين..وهو بيجري عالباب مش عارفي يا امي
خرج زين جري لقاهم اعدين فالارض وعامر في حضنهم وبيصرخوا
زين...عامر في ايه مين عمل في كده
فالوقت ده كل الحاره صحيت عالصوت نزل ادهم وهيما زي المجانين
وصحي ايهاب بسرعه هو وابوه وشهد بصوا من الشباك ونزلوا جري وهما ميعرفوش مين اللي مرمي عالارض
بمجرد ما شافه ايهاب جري عليه وهو بيصرخ بأسمه
وفضلت شهد تصرخ بهستيريا
شهد...عامررررر عامرررر قوم يا عاااااامر
نزل صلاح ولاحه وخرج يوسف
عادل....بسرعه نوديه المستشفييييي
حسني...قوم يا ابني متوجعش قلبي عليك يا حبيبي
يوسف...يلا بسرعه حطوه فالعربيه
زين...شاله بسرعه هو وايهاب وجريوا بيه عالعربيه دخلوه براحه ركب جمبه ايهاب وكيمو وركب ادام زين
ونزل احمد العربي خد حسني وحاج سعيد وعيسي وحاج فاروق وجريوا وراهم
ولحقوهم صلاح ولاحه وعادل وادهم وهيما بالموتسكلات بتاعتهم
فاطمه....يارب استر يارب
سهير....مين اللي عمل فيه كده
مديحه...منعرفش كريم اللي كان معاه هو ومنار
نعمه...مين اللي عمل في كده
منار...وهي منهاره منعرفش ده فضل ينادي علي كريم علي مانزلناله كان اغم عليه
ناريمان...يارب استرها عليه
سهير...احنا هنفضل كده مش نروح نشوفه ونطمن بدل القلق الاحنا فيه ده
مديحه...احنا منعرفش هيودوه فين
سهير...يا اختي نروح وراهم ونكلم اي حد فيهم
نعمه...اكيد هيروحوا اي مستشفي قريبه مش هيبعدوا
نزلت فالوقت ده شهد بعد ما لبست زي المجنونه
فاطمه...استني ياشهد رايحه فين
نعمه...بت يا شهد استني
شهد...انا راحه وراهم راحه تطمن علي اخويا
نعمه...طب استني بس هنروح سوا
مديحه...استني يا بنتي هحط حاجه عليا بسرعه ونروح مع بعض
شهد...بسرعه والنبي يا خالتي
فاطمه...هطلع بسرعه البس وجايه
سهير...متخافيش يابت هيبقي كويس
توته....يارب يا اما ده عامر غلبان
رحاب...ان شاء الله هتبقي بسيطه
وعد....بضوت واطي اهدي يامنار
منار...انا خايفه عليه اوي
وعد...متخافيش
منه...هيبقي كويس ان شاء الله
شمس..ربنا يطمنا عليه
بوسي...ربنا ينتقم من اللي عمل في كده
ناريمان...مريم تدخلي تأعدي مع خالتك روحيه احسن تصحي يابنتي وتخرج يوسف مش هنا ولا اب حد هنا محدش هياخد باله اذا كانت خرجت ولا لا وانا هروح معاهم
مريم...حاضر ياماما بس يوسف قفل عليها
ناريمان...اطلعي شوفي المفتاح بتاع الشقه في الدولاب
منه...استني هجبلك المفتاح اللي مع ماما
مريم...ماشي
سهير...هروح اشوف كام تاكسي او توك توك يودينا لحد ما يجوا
شهد...خديني معاكي يا خالتي
رحاب...استني انا جايه معاكم
نعمه...يابنتي رايحه فين بس خليكي انتي
رحاب...ماهو مفيش حد فوق وانا هخاف وعشان مسبش شهد لوحدها
نعمه...يابنتي خليكي احنا معاها واعدي مع منه ووعد متسبيهمش لوحدهم
رحاب...طيب
منه...هدي يا مريم المفتاح
وعد...تعالي يامنار معانا
منار...لا انا هروح معاهم
فاطمه نزلت خلي بالك من الشقه يا منار
منار...انا جايه معاكي
فاطمه...جايه معايا فين يا بنتي انا راحه اتفسح
منار...مليش دعوه انا جايه معاكي وعشان اطمن علي كيمو
فاطمه...ماله كيمو
منار...بدموع وقع علي دراعه جامد وهو نازل يجري
فاطمه.. استر يارب طب يلا بسرعه
مديحه...يلا يا جماعه انا جاهزه
نعمه...تعالي نخرج بره سهير وشهد وناريمان بيوقفوا حاجه نركبها
فاطمه يلا
مديحه يلا يابنات ادخلوا
وعد...حاضر يا خالتو يلا يارحاب
مريم...طمنونا لو عرفتوا حاجه
مديحه...ان شاء الله عينك علي روحيه
مريم...حاضر
دخلت مريم
ودخلت منه ووعد ورحاب
ودخلت توته واخواتها علي بيتهم. وهما كلهم بيدعو ان عامر ميحصلوش حاجه
......
وصل يوسف ادام المستشفي والكل وراه نزلوا بسرعه الشباب وشاله ايهاب بسرعه وزين كان ماسكه معاه ودخلو بسرعه..
كريم كان بيجري وراهم وكل ده مش حاسس بالوقعه اللي وقعها كل همه يطمن علي عامر
كريم...دكتور بسررررعه
جالهم بسرعه دكتور من الطوارئ ومعاه الممرضين حطوه علي الترولي وهما بيجروا بيه
الدكتور...وهو بيجري ماله ايه اللي حصله
زين...في حد ضاربه
كريم...مضروب بمطوه
الدكتور...دخل بسرعه اوضه الكشف وجاله اتنين تاني من الدكاتره بسرعه ودخلو اوضه الكشف بعد خمس دقايق
واحد من الدكاتره حضروا اوضه العمليات بسرعه
زين..طمني يا دكتور
الدكتور...خير ان شاء الله الجرح مش عميق بس لازم نلحقه بسرعه عشان نزف كتير الحمد لله النبض كويس
كريم...وهو دموعه نازله الله يخليك يادكتور اوعي تسيبه يجراله حاجه
طبطب الدكتور علي كتف كريم متقلقش هيبقي بخير ادعيله عن اذنكم
ادهم...خد كريم في حضنه وفضل يعيط
هيما...معرفتوش مين اللي عمل كده
زين...معرفش انا نزلت لقيته واقع علي رجل كريم
فالوقت ده جه احمد العربي واللي معاه
احمد...طمنونا ياولاد
هيما...دخلوا بيه اوضه العمليات
ايهاب اعد عالارض وهو باين عليه القلق والخوف وساكت مبيتكلمش
حاج سعيد...ان شاء الله هيقوم بالف سلامه
حسني...يارب والنبي انا محلتيش غير ولادي فالدنيا خدني انا وسبهم هما
عيسي....بعد الشر عليكم متقولش كده هيبقس كويس
حاج فاروق...ادعيله يا حسني ان شاء الله هيبقي كويس
عادل.. اطمن ياعم حسني الدكتور بيقول الجرح مش كبير
جه يوسف...بسرعه وهو بيجري معلش مكنتش لاقي ركنه ايه حصل ايه
زين...دخل اوضه العمليات
يوسف...يارب سلم يارب
صالح...يفوق بس هو وديني لاهندم اللي عمل كده
صلاح...يقوم بس هو بالسلامه وحقه هيجيله
حاج سعيد.. براحه ياولاد هنقدم بلاغ فاللي عمل كده وهياخد جزاءه
زين...بصوت يخوف اللي عمل كده ياحاج سعيد هيحصل فيه زي ماعمل في عامر
عيسي...بالهداوه يازين يا ابني
يوسف...واللي خلق الخلق لا هرقد اللي عمل فيه كده جمبه
احمد العربي...هتودوا نفسكم في داهيه يا زين الحجات دي مابتتاخدش كده
هيما...واللي حصل في عامر ده هنعديه كده
سعيد...ياولاد احنا مش في غابه وبعدين يازين يا ابني الكلام ده يطلع منك انت طب ده انا بقول عليك العاقل اللي فيهم
زين...كله إلا اخواتي ياحاج سعيد انا ربنا اداني ال24 قيراط اللي رزقني بيهم فيهم هما انا معنديش اغلي من اي واحد فيهم واللي قرب لاي حد فيهم غدر يبقي غلط غلطه عمره
سعيد...يا ابني ربنا يحميكم ويخليكم لبعض بس انتوا بدل ما ترجعوله حقه وتفرحوا تورطوا نفسكم يعني لو حد فيكم راح في داهيه عامر هيتبسط
عادل...يا حاج زين عنده حق اللي عمل كده لازم يتربي ويتعلم عليه اللي عمل كده ميتهيأليش كان لوحده يعني اتكاتروا عليه يا ابا
حاج سعيد....وايه تاني يا متر حتي انت ياعادل طب ده انت محامي وعارف القانون ايه القانون اتغير وبقينا ناخده بدراعنا
ادهم...اه يا حاج سعيد ناخده بدراعنا عشان اللي عمل كده يفكر الف مره قبل ما يجي علي نفر واحد بس من حاره السعاده اللي شبابها معروفين و بتتحاكي عليهم السيده زينب كلها واللي لو حضروا في مكان بيهزوه هز
حاج فاروق...ياولاد حاج سعيد معاه حق مش كده
حسني...اهدوا ياولاد انا عارف انكم بتحبوا عامر بس اكيد ميرضنيش تضيعوا نفسكم انتوا زيه هو وايهاب وشهد يعني لو حصل فيكم حاجه هتوجع عليكم
احمد العربي....ادعوله ياولاد وسيبكم بس من الكلام ده لحد ما نطمن عليه ده اهم حاجه ولو علي حقه هيرجع هيرجع انتوا قسم السيده بظباطه بأمنائه كلهم عارفينكم وبيحبوكم يعني مش هيسيبوا حقه
حسني...يارب والنبي ابني يارب نجيه بحق حبيبك محمد
زين...راح لايهاب اعد علي ركبه
زين...قوم يا ايهاب قوم عشان ابوك محتاجك الوقت تطمنه وتقف جمبه ابوك هيتجنن قوم ياصاحبي وحيات غلاوه عامر عندي لا هجيب حقه بكره بالكتير بس يفوق عامر واسمع صوته ومد زين ايده لايهاب قوم ياصاحبي
مسك ايهاب ايده وقام مع زين وراح وقف معاهم وهو ساكت
فالوقت ده جت شهد ومنار ومعاهم ستات الحته.
جريت شهد علي ايهاب وحسني
شهد...بابا عامر عامل ايه
حسني...ايه اللي جابك يا بنتي
ايهاب...جيتي ليه ياشهد بس
شهد...ردوا عليا عامر كويس
حسني...فالعمليات جوه يا بنتي بس الدكتور بيقول ان جرحه مش كبير
مديحه..الحمد لله ربنا يطمني عليه
سهير...ربنا يقومه بالسلامه يا استاذ حسني ويقوم بالف خير يارب ويطمنك ويطمنا عليه
حسني...يارب يا ست سهير تعبتوا نفسكم ليه بس
سهير...تعب ايه بس متقولش كده احنا اهل يا خويا
نعمه...تعب ايه بس يا استاذ حسني عامر ابننا كلنا مش ابنك انت بس وبعدين شهد كان مموته نفسها من العياط وكانت جايه ومينفعش نسيبها لوحدها
حسني...ربنا يبارك فيكم يارب
ناريمان...هما بقالهم كتير
صالح...مفيش نص ساعه لسه
فاطمه...يخرج بالسلامه يارب كريم كان عنده حق كان قلقان وزي ما يكون قلبه حاسس
حسني...طبعا ماهما الاتنين ما بيسبوش بعض
فاطمه...ربنا ما يفرقهم ابدا يارب
الجميع...يارب
سعيد...ايه اللي جابك يا منار يا بنتي
فاطمه...خافت تأعد لوح
ها قلب امها شربت الخضه هي وكريم وجات تطمن علي كريم بتقول وقع. انت كويس يا ابني
حاج سعيد...ماله كريم انت كويس ياولا وقعت ازاي
كريم...وهو دموعه نازله ومش باصص لحد متقلقش ياأبا انا بخير
سعيد...يارب ديما طيب بقول ايه تعالوا نصلي الفجر اللي راح علينا ده وندعيله ونرجع علي طول
نزلوا مع بعض صلوا وعيسي ويوسف فضلوا ادام باب العمليات لحد ما طلعوا
زين...ايه الاخبار مفيش جديد
يوسف...لا لسه
حسني...يارب
عدي حوالي ساعه ونص من بعد ما دخل عامر واخيرا الدكتور خرج جريوا عليه كلهم بقلق وتوتر
حسني...طمني يا ابني عامر ابني كويس مش كده
ايهاب...اخويا في حاجه يا دكتور
الدكتور.. اطمنوا اهدوا بس هو كويس والله
زين...يعني فاق
الدكتور...لا لسه فالافاقه متقلقوش
احمد العربي طيب طمني يا دكتور هو بخير
الدكتور...الحمد لله زي ما قولت لحضراتكم الجرح مكانش عميق هو صحيح نزف كتير بس الحمد لله قدرنا نلحقه وننقله دم ولحسن حظه فصيله دمه هي اكتر فصيله موجوده وقدرنا نوقف النزيف وان شاء الله بس يفوق هينقلوه علي اوضه عاديه
ادهم...طب ويقدر يخرج امته يادكتور
الدكتور...مش قبل يومين او تلاته احنا هنفضل حاطينه تحت الملاحظه 24 ساعه وان شاء الله مش هيحصل اي مضاعفات
هيما...يارب
صلاح...طيب هنقدر نطمن عليه
الدكتور...بس يخرج من اوضه العمليات وينقلوه الاوضه تقدروا تشوفوه بس بلاش اجهاد في الكلام
حسني...الحمد لله يارب قبلت دعائنا
سعيد...الحمد لله يا حسني
ابتدا كريم فالوقت ده يحس بالتعب
اعد عالكرسي شافه يوسف
يوسف...انت كويس يالا
كريم....ااااه لا يا چو انا بموت
يوسف...بقلق في ايه ياض متخوفنيش
كريم..بس عشان ابويا وامي ميتخضوش انا من الصبح بحاول امسك نفسي لحد ما اطمن علي عامر
يوسف...طب ايه اللي تاعبك السكر عالي عليك ولا ايه
كريم...لا سكر ايه دراعي شكله اتكسر
يوسف... بصوت مسموع ايه وريني كده
زين ...في ايه يايوسف
كريم مفيش حاجه يا زين
سعيد.... مالك يا كريم
كريم... مفيش ياحاج
منار....كريم دراعه تعبان عشان وقع عليه٠
صلاح....يانهار اسود ده وارم اوي
هيما ده شكله كسر
زين...انا هروح انادي للدكتور
فاطمه...ياربي ايه اللي بيحصلنا ده
حاج سعيد....استغفري ربك ياحاجه افتكاره رحمه
فاطمه...استغفر الله
سهير...والنبي دي عين
سعيد....الحمد لله علي كل شئ
راح زين بسرعه ورجع
تعالي معايا يا كيمو
كريم...علي فين
زين...الدكتور عايزك في اوضه الكشف اسنده معابا يا عادل
كريم....كان بيتألم وكأن الوجع كان متخدر من خضته علي عامر
راح معاه زين وعادل وصلاح وادهم وفضلوا الباقي مستنين عامر وفجأه
الفصل الثالث عشر والرابع عشر من هنا
إللي خلص القراءه يدخل هيلاقي كل الروايات اللي بيدور عليها من هنا 👇 ❤️ 👇
❤️🌺🌹❤️🌺❤️🌹❤️🌺🌹❤️🌺🌹❤️🌺🌹❤️🌺🌹🛺🛺🛺🛺🛺
جميع الروايات الحصريه والكامله من هنا
انضموا معنا علي قناتنا بها جميع الروايات على تليجرام من هنا
❤️🌺🌹❤️🌺❤️🌹❤️🌺🌹❤️🌺🌹❤️🌺🌹❤️🌺🌹🛺🛺🛺🛺🛺
تعليقات
إرسال تعليق