رواية 30 يوم حياه البارت الثالث عشر والرابع عشر بقلم أميره أسامه حصريه وجديده على مدونة النجم المتوهج للروايات والمعلومات
 |
رواية 30 يوم حياه البارت الثالث عشر والرابع عشر بقلم أميره أسامه حصريه وجديده على مدونة النجم المتوهج للروايات والمعلومات
كريم....كان بيتألم وكأن الوجع كان متخدر من خضته علي عامر
راح معاه زين وعادل وصلاح وادهم وفضلوا الباقي مستنين عامر وفجأه 😛
أتفتح باب الاوضه وخرج عامر مع الممرضين جري عليه ايهاب ووالده وشهد
ايهاب...عامر رد عليا انت كويس
حسني...قوم يا ابني طمن قلبي عليك
شهد...هو مبيردش ليه
نعمه...استني عليه يا بنتي يفوق دخلوه الاوضه بالترول
هيما..ايهاب انا وانت وصالح ويوسف نرفعه براحه عالسرير
ايهاب...يلا بينا
يوسف.. واحده واحده وانتوا بتنزلوه
صلاح...يلا واحد اتنين.....
شالوه مع الممرضين ونڨلوه عالسرير وخرجوا
حاج سعيد...حمدالله علي سلامته يا حسني
حسني...الله يسلمك يارب يا حاج سعيد وربنا يطمنا علي كيمو
سعيد ...يارب
سعير...حمدالله علي سلامته يا استاذ حسني الف بعد الشر عليه يقوم بالسلامه يارب
حسني...يارب يا ست سهير
شهد...هو بيقول ايه وليه مش بيفوق
صلاح...الله مش خارج من عمليه يا شهد وليه يادوب بيفوق من البنج
عيسي...شويه شويه يابنتي هيبتدي يفوق
حسني ..الف حمد وشكر ليك يارب وقعت قلبي عليكي يا ابني
فالوقت ده رجع زين والشباب
زين...ايه خرج
ايهاب...الحمد لله
زين...اعد جمبه عالسرير وباسه من دماغه عامر ولا ياعامر قوم ياصاحبي وحيات غلاوتك ما هسيب حقك
ادهم...الدكتور طمنكم
احمد العربي اه يا ادهم بيقول انه بخير وشويه وهيفوق
صالح...سلامتك ياصاحبي
زين...انا هقوم بسرعه اطمن كيمو عشان قلقان عليه
سعيد...هو فين صحيح يا ابني
وقف زين وبص لأدهم وعادل وصالح
فاطمه...فين كريم يا اولاد
منار...فين كيمو يا عادل حصله حاجه
عادل ..لا يا منار بعد الشر يا حبيبتي
سعيد...مالكم يا ولاد بتبصوا لبعض كده ليه
زين...كريم هيعمل عمليه في دراعه
فاطمه...ضربت علي صدرها بخوف عمليه ايه يا ابني
ادهم...كريم عنده كسر مضاعف وهلع فالكتف
فاطمه....ياحبيبي يا ابني كسر ايه ده اللي يتعمله عمليه مش الكسر ده بيتجبس يا ولاد صح ولا ايه حد يرد عليا
مديحه...براحه يا ست فاطمه
نعمه..استني بس يا ست فاطمه نفهم
زين....ياحاجه فاطمه ده خلع فالكتف ومش بسيط كريم نزل بكل وزنه علي كتفه ودراعه الدكتور اصلا مستغرب ازاي ده فيه وكان ساكت كده
فاطمه...ياحبيبي يا ابني
سعيد...لا خول ولا قوه إلا بالله
شهد....هو وقع جامد اوي ومسك كتفه بألم بس فضل يجري بسرعه عشان يلحق عامر
صالح...ماهو قال للدكتور كده كان عايز بس يلحق عامر ومكنش حاسس بالوجه اوي كده غير الوقت
حسني..حقكم عليا انا يا حاج سعيد
سعيد...متقولش كده يا حسني ده مقدر ومكتوب كان هيجرالهم اللي حصل ده لو عملنا ايه
فاطمه...ايه اللي بتقوله ده يا استاذ حسني عامر وكريم روحهم في بعض وبعدين هو عامر اللي وقعه الحمد لله المهم انهم معانا وفي وسطنا
سعيد...تعالي نروحله يا زين يا ابني
فاطمه...خدوني معاكم اشوف ابني
زين...تعالوا
راحو كلهم اطمنوا علي كريم وشويه وجهز كريم للعمليه
زين...اجمد يا بطل والله العظيم ارجع بس بيكم عالحاره واللي دعمل كده في عامر وكان سبب فاللي حصلك هعلقهولك فالحاره
هيما ..وغلا تك عندي لا البسهولك قميص نوم وسط الخلق واخلي الرايح والجاي يقول من ده بكره بي قرشين
كريم...طمنوني بس علي عامر عامل ايه
ايهاب...زي الفل يا كيمو شد حيلك عشان لو عرف اللي حصلك انت عارف عامر هيبقي عامل ازاي
كريم...طيب سعن سفاق وبيتكلم كده وكويس
يوسف...والله زي الفل بس هو لحد الوقت مافقش اعد يخرف وينادي عليك ويرجع ينام انا ياض ابتديت اشك فيك انت وهو
عادل...بهزار ابتديت يعني مش متأكد
سعيد...اتلم ياض واتربي
كريم...اجمد كده يا حبيبي عشان خاطري انا مش ناقص وجع
فاطمه...بدموع والنبي يا كريم ماتوجع قلبي عليك
كريم...في ايه يا جدعان ده انتوا لو عارفين ان رايح اموت كنتوا خوفتوا علي مشاعري اكتر من كده. اي التوتر ده🤣
يوسف...لا وبطوط بتوصيك ترجعلها ياولد يا كريم انا لو منك بالعند فيها مرجعش
كريم...بضحك اعد علي قلبكم انا
فاطمه...اخس عليك يا يوسف ميرجعش ده ايه ده انا اموت فيها
يوسف...مسك ايدها باسها بعد الشر عليكي وعليه يا بطوط بس اجمدي كده وادعيله شويه صغيرين ويبقي معانا وننقله اوضه الواد عامر ونقلبلهم المستشفي ملاهي
كريم...ولا ياچو متنساش تجيب روحيه😂
صلاح...روحيه تبقي خربت
ايهاب....كيمو عامر فاق وبيسأل عليك
مريم...الحمد لله يارب هو كويس
ايهاب...اه الحمد لله بس اعد يسأل عليك
كريم...اوعي تقوله ده لسه خارج من عمليه بلاش تضايقه
ايهاب...اطمن يا خويا ابويا قاله تعالي شوفه قبل ما تدخل
كريم...طيب تعالي منك لله يا عم حسني
سعيد...اتأدب ياواد وبعدين هتقدر تروح
زين...اطمن الدكتور كان مديله حقنه مسكنه عشان الاشغه وتحاليل قبل العمليه مكنش هيقدر مستحمل لحد ما يجهزوه
ايهاب...يلا تعالي
خرج معاهم كريم وراح علي عامر وهو لابس لبس العمليات وصحابه هارينه تريقه
في اوضه عامر...
عامر....كيمو فين
شهد..جاي ياعامر ايهاب راح يناديه
مديحه..سلامتك يا حبيبي ان شالله اللي يكرهك
عامر...الله يسلمك ياديحه فين زين
مديحه...راح يشوف كريم عشان ميسبهوش لوحده
عامر...هو تعبان اوي كده
اتفتح الباب ودخل
كريم راحله واعد جمبه وخده في حضنه
فضل عامر يعيط
عامر...حقك عليا يا صاحبي انا السبب
كريم...بس يلا يا اهبل هو انت اللي وقعتني انا اللي نازل جري مخدتش بالي وبعدين انا كنت نازل زي المجنون خايف عليك وعايز ألحقك باي طريقه
عامر...انت وقعت ازاي
كريم...خدت اخر كان سلمه ووقعت علي كتفي
زين...ايه اللي حصلك ياعامر
ادهم...مين اللي عمل فيك كده ياض حد نعرفه
عامر....بعدين يازين انت وادهم
زين...هو ايه اللي بعدين انا هعرف الوقت
عامر...اما اطلع طيب يازين مغنديش استعداد اقول الوقت وافضل هنا مش عارف ايه اللي حاصل بره
زين...واللي خلقني وخلقك يا عامر لو ما قولت لا هروح افرغ كاميرات المحلات في كل مكان لحد ما اعرف نين عمل فيك كده وبردو هجيب حقك انت وكريم
ايهاب...مين عمل فيك كده يالا
فضل عامر ساكت
كريم...ما تنطق ياعامر
عامر...لما اخرج هاخد حقي بأيدي مش عايز حد يحصله حاجه بسببي كفايه كيمو واللي حصله
هيما...بعصبيه. ماتنطق يالا
صلاح...انت شايفنا عيال صغيره ولا ابهي اعامر شايف اننا مش هنجبلك حقك
زين...سيبوه خلاص انا هتصرف
سعيد...ياولاد مش كده
عادل...امال ازاي ياابا عامر مرمي ادامك اهو واخد مطوه في بطنه وكان ممكن تجيب اجله وكريم دراعه بكتفه عايزين شرايح ومسامير وتقولي مش كده
عامر..طب يا زين انا هقولك بس احلف برحمه ابوك انك مش هتعمل حاجه غير لما اخرج
زين...ياض يا حمار الحق مينفعش يبات بره وانا عايز اجبلك حقك انت وكيمو
عامر..عشان خاطري يا الني ريحني انا مش ناقص قلق
ادهم...ماشي ياعامر قول ومتقلقش هنستناك
عامر...زكريا
صالح...زكريا مين
عامر...زكريا سالم كان واقف هو واتنين من المقاطيع اللي معاه واول ما شافوني كأن مسكتهم كهربه وكأنهم مراقبين حركتي ومستنيني خدوا مني الفلوس اللي خدتها من الفرح كلها وخدوا مني الموبايل بتاعي والساعه خدوا مل حاجه معرفتش ارن علي اي حد فيكم وكنت قلقان لا يرجعوا يكملوا عليا عشان مقولش ان هما اللي عملوا فيا كده عشان كده بقيت انادي عليكم زي المجنون
زين...وديني لا هقطعه بأيدي زكريا الكلب
يوسف...واللي خلق الخلق لا نعلم عليهم ونخليهم نسوان
مديحه...يازين انت ويوسف الدنيا مبتتاخدتش قفش كده يا حبايبي
سعيد...قوليلهم يا ست مديحه عشان انا تعبت وبصراحه صدمتي في زين كبيره
زين...وانا قولتهالك يا حاج سعيد دول مش صحابي دول اخواتي وانا اللي يجي علي اخواتي امحيه من علي وش الدنيا ودول كانوا هيضيعوا واحد من اخواتي وراقد ادامك اهو والتاني داخل بعمل عمليه في دراعه برده بسببهم وتقولي مصدوم فيا انت تتصدم لو لقتني سبت حقهم
حاج فاروق...طيب قفلوا بقي عالسيره دي الوقت المهم انهم بخير واطمنا علي عامر وفاضل كيمو
عامر...بضحك ولا ياكيمو ايه اللي انت لابسه ده صحيح
كريم...نفس اللي انت لابسه يا ظريف😒
عامر....بس عليك انت مهزق اوي 😂😂😂
يوسف...بزمتك ياض ياعامر مش عامل زي يونس الشلبي في مسرحيه العيال كبرت😂😂😂😂
عامر...اه والله انا اعد افتكر شوفت المنظر ده فين قبل كده
كريم...انتوا بتشقطوني لبعض صح
عامر...وربنا يا كيمو شكلك مسخره😂😂. مسك الجرح اااه منك لله
منار...كانت بصاله ومبتسمه ودموعها نازله
وهو بيضحك عامر لمحها بتعيط
عامر...ايه منار بتعيطي ليه بس وكمل بضحك اكيد عشاني مش عشان اخوكي اصل كريم منظره مش عياط ده منظره يضحك وبس
كريم..لا اكبد عليا انا هتعيط عليك انت ليه يامعفن😒😒 وبعدين منار شربت الخضه زيي بالظبط علي فكره
عامر...هي كانت صاحيه
كريم...انا نزلت جري عليك وهي ورايا ولولا صريخها مكنش حد لحقنا بسرعه
عامر...ربنا يخليكوا ليا يا كيمو انتوا اخواتي ومنار اختي وغاليه عندي زي شهد بالظبط
ابتسمت منار بوجع من وسط دموعها وسكتت
بصلها كريم بطرف عينه وحس انه قلبه وجعه علب منار..
كريم...كان عارف ان منار بتحب عامر سمعها مره كانت منه ووعد عندهم واعدين معاها فالاوضه وسمعها وهي بتحكيلهم ان عامر حب عمرها وانه مش حاسس بيها وبيعتبرها زي اخته وانها بتحب اخواتها ومتقدرش حتي تلفت نظره عشان متقدرش توطي راس اخواتها فالارض وقتها حس كريم انها كبرت في نظره يمكن كلامها و دموعها ووجعها وجعوه اوي لاكن مقدرش يعمل حاجه بالرغم من ان عامر اقرب حد لكريم إلا انه ميقدرش يقوله عشان ميرخصش اخته هو بيحب منار جدا وشايف انها تستاهل انها تتحب لاكن ميقدرش يفرضها علي صاحب عمره خصوصا انه عارف ان عامر شايل فكره الجواز دي من دماغه خالص لحد ما يكون نفسه ويوصل لحلمه انه يكون مطرب..
فاق كريم علي صوت زين
زين...كيمو يلا الممرضه عيزاك
كريم...هااا يلا بينا
سعيد..اقرا قران يا ابني وسمي الله كده عشان ربنا يقف معاك
كريم...حاضر ياحاج. باس دماغ والدته ما كفايه عياط يا بطوط بقي انا داخل اتعدم دي عمليه بسيطه
فاطمه...بعد الشر يا واد متقولش كده
كيمو...كفايه عياط يا بت يا منار هخرج ونأعد ناكل ونرغي للصبح انا وانتي
منار...سلامتك يا حبيبي
كريم....الله يسلمك يا حبيبتي اشوفكم علي خير ولا ياعامر أتاخر شويه هخلص واجي اعد جمبك
عامر...مستنيك يا صاحبي
راح...كريم مع الممرضه ودخلوه اوضه العمليات
وفضلوا كلهم مع عامر فالاوضه مستنين خروج كريم
.......
في شقه سهير
توته كانت راحه جايه وهي بتاكل في ضوافرها
بوسي...يا بت اعدي خيلتي امي في اييييه
توته....مسكت مخده حدفت بوسي بيها بت انتي ملكيش دعوه بيا انا علي اخري
بوسي.. اااااه دماغي
شمس.. في ايه ياتوته مالك وترتينا صحيح راحه جايه ليه كده
توته...هتجنن يا بت يا شمس كل ما فرحي يقرب يحصل مصيبه خايفه عامر يجراله حاجه وفرحي يتأجل للمره المليون ساعتها وربنا انتحر
بوسي...انت يابت يا توته لسه واخده بالك الوقت انك نحس وبومه
توته...يابت اسكتي اتقي شري يا بوسي هموتك انا علي اخري
شمس ..بس بقي يا بوسي وبعدين يا توته انتي كل اللي همك فرحك نش همك عامر الواد لسه صغير ومحترم وجدع
توته...والله ما اقصد ده عامر ده مفيش زيه ووجع قلبي منظره وهو مرمي غرقان في دمه يابت انا بتكلم عاللي حاصل يعني شكلي بقي ايه لما فرحي كل شويه يتأجل ولازم يحصل مصيبه شكلي بقي وحش اوي
شمس...يا بت ده نصيب واللي ليكي فيه نصيب هتشوفيه ان شاء الله يقوم بالسلامه عامر وتعملي الفرح يا اختي ونكسر وراكي ميت زير
بوسي....ميه بس دي عايزه مصنع ياكش يتفك نحسنا😒
توته...بتلعبي في عداد عمرك يابوسي يابت بس هجيبك من شعرك
بوسي...انا داخله اتخمد
توته...احسن بردو غوري في داهيه
شمس...اسكتي بقي اهدي كده لحد ما حد فيهم يكلمنا يطمنا
توته...يارب
.......
في شقه زين
رحاب...ما حد فيكم يتصل بأبله مديحه ويطمن منها
منه...استني اكلمها يارب ما تكنسل
اتصلت منه وردت عليها مديحه
منه...ايه يا ماما طمنيني
حكتلها مديحه كل اللي حصل
منه...ياخبر ابيض كل ده حصل ياعيني عليك يا كيمو.مديحه...ادعولهم يا بنتي
منه...ربنا يشفيهم يارب المهم انتوا جايين امته
مديحه..لسه يا بنتي نطمن علي كريم ونشوف هيحصل ايه وهنيجي المهم خلوا بالكم من نفسكم واقفلوا علي نفسكم كويس
منه...حاضر يا ماما متقلقيش
مديحه...رحاب معاكم
منه...اه معانا يا ماما
مديحه....خلوا بالكم من بعض ومتخليهاش تطلع لحد ما نيجي معهاش حد هناك يا بنتي
منه...اطمني يا ماما
مديحه...سلام يا بنتي
منه...سلام
........
احمد العربي....رحاب طلعت يا ام زين
مديحه...لا مع البنات يا استاذ احمد متقلقش عليها انا قولت لمنه ماسبهاش تطلع
احمد...طيب كويس
ادهم ....انا بقول يا جماعه تطمنوا علي كريم وتروح ا انتوا عشان البنات اللي متسابه لوحدهم دول وعشان كده كده اعدتكم هنا ملهاش لزوم
فاطمه...انا مش هقدر اسيب ابني
هيما...يا خالتي اولا مش هينفع تباتي معاه ثانيا حتي لو ينفع مش هتقدرس تخدميه وبردو نفس الكلام مع عامر احنا شباب وهنقدر نساعدهم ندخلهم حمام نغيرلهم
احمد العربي...هيما بيتكلم صح هو وادهم اعدتكم هنا مش حلوه انا شايف ان الحريم كلهم يروحوا يرتاحو
الشباب كمان يبدلوا مع بعض عشان شغلهم
زين...كريم بس يخرج وهنمشيهم وانت يا عم حسني هتروح عشان اكل عيشك الدكتور قال يومين ويخرج من هنا واكيد كريم برده مش هيطول روحوا وتعالوا غليهم بس متعطلوش نفسكم وحاج فاروق روح علي قهوتك وصالح وصلاح يعني هنبدل سوا
نعمه...ايوه صح اللي فاضي يأعد معاهم
حاج سعيد....صح يا ولاد عين العقل ربنا يطمنا عليهم
عدي الوقت بسرعه وخرج كريم اخيرا كان الصبح طلع
دخلوه الاوضه مع عامر
فاتت ساعه كمان كان ابتدي يفوق كريم وبيتألم جامد من وجع دراعه
دخل بص عليه الدكتور وحطوله مسكن في المحلول وطمنهم عليه وسابهم وخرج
فضل نايم هو وعامر وهما حواليهم
ادهم...يالا يا ابا خد حد معاك وروح وانتويا چو خد معاك حد واتكل علي الله عشان امك وعشان شغلك
يوسف...لا شغل ايه مفيهاش شغل انا عايز انام شويه وهرجعلكم تاني ياكش بس روحيه تسيبني انام
زين...طيب يلا امي معاهم واللي عنده حاجه يتكل علي الله انا اعد معاهم
هيما...ايهاب انت وعامر مينفعش تأعدو من الشغل
ايهاب...مفيش شغل يا هيما لسه احنا واخدين اجازه العيدلاخر الاسبوع
هيما...طيب الحمد لله مصلحه
عادل...طيب معلش انا عندي جلسه فالمحكمه هروح اغير بسرعه واطلع عالمحكمه وهخلص وارجعلكم بس لما كريم يصحي عرفوه والنبي
زين...روح يا عادل طبعا احنا معاه يا جدع
ايهاب...احنا معاهم
سعيد
..شوف شغلك يا ابني ولما تخلص تعالي
حاج فاروق ..ربنا يتمم شفاهم علي خير يارب
عيسي...يارب يطمنك عليهم يا حسني علي عامر ويطمنك يا حاج سعيد علي كريم
حسني....يارب
حاج سعيد...يارب...يلا يا حسني
حسني...لا انا اعد
ادهم...يلا باعم حسني الحق ناملك شويه عشان تشوف اكل عيشك وعدي علي ابنك بليل ولا اخر النهار
ابهاب...يلا ياحاج انا اعد معاه متقلقش
حسني...طيب يا ابني يلا ياشهد
شهد...عامر مش عايز حاجه يا حبيبي
عامر...وهو بيفتح عينه بالعافيه لا ياحبيبتي سلامتك
شهد...هجيلك مع بابا
عامر...ماشي يا حبيبتي
زين...صالح انت وصلاح اتكلوا يلا روحوا نامو شويه
صلاح...لا انا اعد
صالح...وانا
زين...لا انت ولا هو تمشوا عشان اللي يتعب فينا يكلمكم تكونوا انتوا ارتاحتوا
ادهم....انا وايهاب وزين اعدين يلا الكل يمشي عشان نبدل سوا
هيما...مانا اعد معاكم
ادهم...لا اروح انت ارتاح شويه وعشان تفتح انت حبه الصاله انا اعد معاهم
هيما ..لواحتاجتوني كلمومني
ادهم...تمام
مشيوا الجميع وفضلوا كده 3 ايام يبدلوا مع بعض حد يروح وحد يشوف شغله وحد يشوف طلباتهم وحد يبات معاهم لحد ما الدكتور طمنهم وخرجوا اخيرا من المستشفي بعد ما حالتهم اتحسنت
.......
مديحه راحت تطمن علي عامر هي وسعير ونعمه وناريمان وبعد كده قالوا هيروحوا علي كريم راحت مع مديحه منه وفضلت وعد لوحدها دخلت تنضف المطبخ
كان زين خلص شغله ودخل ياخد شاور عشان يروح الصاله يخلص التمرين بتاعه ويروح يشوف عامر وكريم
فتح زين الباب ودخل
مكنش يعرف ان وعد فالبيت فكرها راحت مع امه خصوصا انه كان مشغول فالورشه كان عليه شغل متعطل كتير ووالدته بلغته بالتليفون انها راحه تزورهم
دخل زين حط موبايله ومفاتيح البيت والورشه عالتربيزه قلع التيشرت ودخل علي اوضته جاب غيار وراح علي الحمام وقبل ما يدخل اتخض لما شاف وعد فالمطبخ كانت واقفه مدياه ضهرها وسرحانه فيه وفي دنيا تانيه لا سامعه ولا شايفه ولا حتي حاسه بدخوله
زين...اول ما شافها وقف بسرعه حرام عليكي ياوعد رعبتيني
اول ما وعد سمعته صرخت وفضلت تتنطتت واول ما أتأكدت انه زين عيطت
زين...بس بس في ايه
وعد...حرام عليك خضتني
زين...ضحك زين عليها وهي بتعيط انا اللي خضيتك والله انتي وقفتي قلبي اصلا انا معرفش انك هنا فكرتك روحتي مع مديحه
وع وهي بتعيط لا مروحتش
زين...طيب خلاص متعيطيش بقي والله ما اقصد وبعدين ده انا بقولك حرام عليكي خضتيني
وعد...انا قلبي وقف والله
زين...طيب بطلي عياط بقي خلاص وقرب منها زين خدها في حضنه
حست وعد انها في دنيا تانيه وكانت محرجه وهي في حضنه وهو من غير تيشرت
زين...باسها من راسها وكمل بحنيه حقك عليا مت عليش مني
وعد...مسحت دموعها وهي محرجه مش زعلانه
زين...اكيد🤨🤨
وعد..بأبتسامه اكيد
زين...ممكن طلب بقي
وعد...اتفضل
زين..ممكن تعمليلي موبايه شاي لحد ما اخد دش سريع كده عشان اروح الچيم
وعد...لما تلكل الاول
زين...مينفعش اكل قبل التمرين
وعد...مليش دعوه كل ساندوتش صغير عشان خاطري😔
زين...بحب عشان خاطرك يبقي اكل اي حاجه
وعد..بفرحه...ماشي خلص الشاور بتاعك ويكون الاكل محطوط
رفع زين حواجبه ورجعلها...انا وافقت عالساندوتش
وعد...حطت صوباعها علي طرف مناخيره بطفوله بس انت قولت هتاكل اي اكل عشان خاطري
ابتسم زين علي حركت صوباعها ورفع ايده مسك ايدها بين ايده بحب ماشي ياستي انا موافق بس لو ادهم وهيما عملوا فيا حاجه يبقي زنبي في رقبتك
وعد...محدش يقدر يجي جنبك
زين...ايه ورايا رجاله🤔
وعد...طبعا🤨🤨
زين...بأبتسامه يلا يا مجنونه خلصي
وعد...بحب حاضر
زين...وعد
وعد...نعم
قرب منها زين
زين...فرح ادهم وتوته طبعا اتأجل لحد ما عامر وكريم يبقوا احسن وهيبقي الحد الجاي لا اللي من وراه والخميس اللي بعد الفرح علي طول هنطلع كلنا مع بعض رحله عشان تعرفي بس اني مكنتش ناسي
وعد...بجد😍
زين...بجد يا وعد واليوم ده لو حابه تقولي لحد من صحابك قوليله
وعد...لا مش حابه
زين...ايه لسه زعلانه
وعد...لا والله بس كفايه ان انت هتكون معايا
ارتبكت وعد من كلمتها اقصد يعني وخالتو ومنه وكفايه صحابنا هنا فالحاره
زين...حب يلعب معاها اه بس انا مش هطلع هسيبك براحتك شكلك كده مكنتيش عيزاني
وعد...ايه انا لا والله انا لو مطلعتش اصلا مش هروح
ابتسم زين....انا علي قلبك انتي ومنه🤨🤨 انا بضحك معاكي
وعد...ماشي
زين....يلا بسرعه عشان متأخرش
وعد...بحب حاضر😍😍😍😍
عدي الوقت بسرعه وابتدت الحاره شويه بشويه تهدي الحركه فيها والمحلات ابتدت تقفل والكل بقي يروح علي بيته
ومع هدوء الليل
ابتدا يظهر يوسف وإيهاب و عادل و صالح و لاحه وهيما وادهم وظهر زين
زين....ايه معايا يلا
ادهم...معاك ياصاحبي
الجميع...معاك يا صاحبي
🙄🙄🙄🙄🙄🙄⚔️⚔️
البارت الرابع عشر...
ومع هدوء الليل
ابتدا يظهر يوسف وإيهاب و عادل و صالح و لاحه وهيما وادهم وظهر زين
زين....ايه معايا يلا
ادهم...معاك ياصاحبي
الجميع...معاك يا صاحبي
زين...يلا بينا
عادل...متأكدين اننا هنلاقيهم الوقت
يوسف.
هيما...دول مقاطيع هيروحو فين
ايهاب...لما باجي متأخر من الشغل بلاقيهم
ادهم...طب اهدوا بقي عشان احنا قربنا
زين....اهم هناك
دخل زين وكل الشباب وراه ظهروا من وسط الضلمه شكلهم كان عامل زي الاشباح ويرعب
زكريا....ايه ده
صاحبه..في ايه ياض
زكريا...اخلعوا الواد شكله اتكلم
صاحبه...يلا بسرعه
وقبل ما زكريا وصحابه يجرواحوطوا عليهم الشباب وابتدوا يضربوا فيهم
وقف عادل أدام زكريا وقبل ما يضربه بسرعه طلع زكريا مطوه وعور عادل في ايده وجري دخل بيت
عادل...ااااه
ضرب زين الشاب اللي كان في ايده ورماه عالارض وجري بسرعه لعادل
زين..اتعورت جامد
عادل...مش عارف
زين...بص فيها وبغضب يا ابن الكلب 😡ساب عادل وقام وسط الحاره بعلو صوته
زين...يا زكرياااااااا زكرياااااااا
ابتدت الناس تبص من الشبابيك والبلكونات
زين...انزل يا زكريااا لو راجل انزل ووريني هتدافع علي نفسك ازاي انزل وانا هعلمك درس صغير ازاي تاخد واحد غدر ازاي تتكاتر انت وجوز النسوان اللي كانوا معاك علي واحد لوحده لو انت راحل وابن راجل انزل يا..........🙈
طلع زكريا فالبيت وطلع عالسطح ونط علي سط بيت جمبهم ونزل عالسلم براحه عشان يخرج ويجري من الشارع خالص عشان عارف انهم لو مسكوه هيقتلوه..
نزل براحه زكريا وهو سامع زين بينادي عليه وباين علي صوته الغضب
هيما...انزل يادكر انزل عشان عايزين نعلم عليك يالا انت وجوز النسوان اللي في ايدنا دول ونخليكم عبره لأي واحد يفكر نفسه راجل والشيطان يلعب في دماغه ويقوله علم علي واحد من حاره السعاده
يوسف...واللي خلق الخلق لو ما ظهرت يازكريا لأجيبلك محلك عالارض احنا ملناش في قطع الرزق عشان احنا رجاله بس لو حكمت هخليهولك هو والارض سوي واحد هعد 3 نزلت محلك بعيد عن حوارنا منزلتش اقرأ الفاتحه علي المحل ياروح امك
صالح....باللي فيه انت لما سرقت سرقت وانت خايف حد يشوفك ياروح امك لاكن أحنا علي عينك يا تاجر هناخد كل اللي جوه المحل وادام الحاره كلها
صلاح...انزل يا زكرياااااااا
يوسف.....واحد......اتنين.....................تلاته
ادهم.... رفع عصايه ابقي سلملي علي محلك ياروح امك
وفي اقل من دقيقه كان باب المحل عالارض وكل الحاره واقفه تتفرج عليهم وهما بيكسروا محل زكريا وصوت ازازه بيتكسر في كل مكان وابتدا صوت الناس يعلي من كلامهم مع بعض
المحل كان محل موبايلات خد زين الموبايلات وسط الشارع وحطهم عالارض
زين...الموبيلات دي كلها حقنا بس احنا مابنسرقش ولا بناخد حاجه مش بتاعتنا بس احنا لينا عندك حق وهناخده ونزل زين بكل قوته بالعصايه اللي في ايده علي الموبايلات هو وادهم ولاحه
صوت الناس بقي أعلي واغلبهم كان شمتان في زكريا عشان هو شر ومحدش بيسلم منه وسرق كذا حد في حتته
وفي وسط ماهما بيكسروا اتسحب زكريا عشان يجري بره الشارع لمحه هيما
هيما....يا ابن الكلب
زين...زقهم وجمع كل قوته عشان يجري بأسرع حاجه عنده حاول زكريا يهرب بس مسكه زين وهو بيعض علي شفايفه بغضب وبعزم ما في من قوه ضربه اول بوكس في وشه. واتجمع صحابه كلهم عملو دايره عشان ميهربش اما صحاب زكريا كانو مرمين عالارض من كتر الضرب..
زين👊ده عشان سرقت الفلوس والموبايل
وضربه تاني👊وده عشان اتكاترت علي واحد لوحده ودي مش رجوله💪
وضربه البوكس التالت👊
وده عشان غدرت بيه 👊
عادل...بص لايده اللي اتعورت وبص لزكريا وضربه بكل قوته وده عشان الغدر كمان مره
زين...ضربه بكل قوته بوكس وقعه عالارض ووشه بقي مش باين من كتر الدم👊
زين...وده عشان تفكر ألف مره قبل ما تيجي علي كلب ولا قطه في حاره السعاده
يوسف..فك يوسف طرحه من علي ايده
وقرب من زكريا ولبسهاله ومسكه صالح ولاحه
يوسف..وقف صوره
ودي بقي تحيه مني ليكي ومني للحاره كلها عشان الصوره دي هتبات انهرده في تليفوناتكم عشان يوم لما تفكر تقرب من حد عندك فالحاره يورولك صورتك ويوم ما تفكر تعمل اللي عملته ده مع حد فينا تاني تفتكر صورتك وانت لابس طرحه
ادهم....انت عارف مين يا ض طبعا اللي بيلبس طرح
أيهاب..وعزه وجلاله الله المحك يا ابن ال........في اي مكان ادام عيني لاهقتلك هيما...المره الجايه لو لمحتك مش هطلع كريم زي چو والبسك طرحه لا انا هلبسك بيكيني ياض وقطعتين 😉😉😉
ساب صلاح ولاحه زكريا من ايدهم ووقع عالارض
يوسف...المرادي كان إنذار المره الجايه محدش يلومنا
زينبصوت عالي... وقد اعذر من انذر
لفوا كلهم ومشيوا ورا زين
وكان المشهد اتنين مرمين علي اول الحاره
وزكريا في اخر الحاره وفي وسط الحاره ازاز وتكسير المحل خارج بره في وسط الشارع ومحدش فكر يطلب البوليس عشان فرحوا في زكريا وصحابه ولانهم اغلبهم عارفين زين وصحابه وعارفين انهم رجاله بجد ومش بيجوا علي حد غير لو جه عليهم
وصل زين وصحابه الحاره بتاعتهم وقف زين وصحابه في وسط الحاره
زين....ياعاااااامر اطلع يالا
يا كيمووووو
ايهاب....عامررررر
ادهم....ولا يا عامر اطلع يالا
خرج كيمو وخرج عامر وخرج احمد العربي ورحاب خرجت مديحه ومنه ووعد وكل الحاره خرجت علي صوتهم
احمد العربي ...ولا يا ادهم انت وهيما بتعمل ا ايه تحت وضحك عملتوها ياولاد الكلب بردو
عامر....الله يخربيتكم عملتوا ايه
يوسف...لبسناه الطرحه يالا انت مصاحب نسوان ولا ايه اشهدي ياحاره حق عامر وكيمو رجع عشان مفيش واحد فيهم يقول صحابي مش رجاله
كريم...الله يخربيت جنانكم 🙈
حاج سعيد....كده بردو يازين انا حلفتك برحمه ابوك ياجدع
زين...حقك عليا يا حاج سعيد بس انا قولتهالك دول اخواتي وحق اخواتي مايباتش بره
حسني....انتوا كويسين
ابهاب بص لعادل وضحك هو والشباب ووقف طبل علي باب الورشه بتاعت زين عندنا ضحيه واحده عندنا ضحيه واحده
عادل...اه يا واطي والله خدني علي خوانا عشان يهرب بس خدت حقي
ادهم...بص لوالده العاركه كانت عيزاك يابرنس
احمد...كان زمان الله يرحم ايام الشقاوه
هيما....الشقاوه فينا بس احنا اللي ربنا هادينا متقولش كده يا برنس انت لسه شباب
يوسف...طب واللي خلق الخلق لو كنت معانا هو قلم واحد منك والواد كان هيجيب ورا
مديحه...كده برده ياولاد تنزلوا من غير ما نعرف وانت يا يوسف نزلت وسبت روحيه طبعا مقدرتش تقولي ولا تقول لام مريم عشان منعرفش انتوا رايحين فين
يوسف...الحق مينفعش ينام بره اكتر من كده يا خالتي واحنا استنينا كام يوم نطمن علي عامر وكيمو
مديحه...اه وتنسونا بالمره اللي انتوا ناويين عليه
ايهاب...ولا ياعامر مرضي
عامر...انتوا مجنانين وربنا
زين....رد يالا مرضي
عامر...بضحك مرضي يا زين الرجال
زين...وانت يا كيمو مرضي
كريم....والله انا مرضي بس لو كنتوا دخلتوا عليا بكيلوا كباب بفرختين مشويين كنت هبقي مرضي اكتر وكمان كنت هبقي راضي عليكم دنيا واخره
ادهم...تصدق يالا احنا غلطنا لما نزلنا نرجع حقكم
سهير....يحميكم ربنا يااجدع رجاله فيكي ياحاره
ادهم...تسلمي يا ام توته
يوسف....تصدق يالا انك مفجوع وهمك علي بطنك عارف انت فكرتني بمين ياض ياكيمو
كريم....اوعي تقولها يا چو اصلها بتيجي علي الريحه
يوسف...هو في غيرها روحيه
فتحت روحيه الشباك بايدها الاتنين خبطو فالحيطه
رجعوا بسرعه الشباب لورا من خضتهم
روحيه...جايب في سيرتي ليه يا ابن الكلب
صالح....احيييه سرعتيني ياروحيه
لاحه...منك لله انت وامك قطعتلي الخلف
ايهاب....في ايه روحيه😳
هيما...ولا يا چو امك كانت مخبر 🙄
يوسف...في ايا اما سرعتينا
ايه وحش داخل علينا
روحيه...وحش لما يلهفك يا صايع
يوسف...انتي ايه اللي صحاكي يا اما
روحيه...اللي صحاني لفك ورا النسوان في انصاص الليالي سا صايع
يوسف...وهو بيبص علي بلكونه مريم والشارع كله ميت من الضحك
يوسف...يا اما عيب هو انا ليا فاللف بردو انا خاطب وداخل علي جواز وخطيبتي سامعه كلامك يا روحيه متوديناش في داهيه
روحيه...ولما انت خاطب وداخل علي جواز ياولا مش تمشي دوغري
لاحه....نصحته كتير والله ياخالتي بس اللي في طبع
ضربه يوسف برجله وحيات امك
لاحه...بضحك ااااه😂
عامر....ياروحيه ياروحيه
روحيه...ميييين
يوسف...هو ايه اللي ميييين
وانت يا خويا واقف تحت بلكونتها
روحيه...😒 انت وحشتك العصايه صح
يوسف...لا يا اما اسكتي خلاص بقي حقك عليا
عامر...روحيه وحشتيني
روحيه...انت مين ياولا
عامر...انا عامر
روحيه...عامر مين
عامر...نستيني بسرعه كده ياروحيه ده انا النص الحلو اللي في حياتك
يوسف...وحيات امك انت بتشقط امي ياولا
روحيه....انت ياواد كنت فين رد عليا
يوسف...كنت في مشوار
روحيه...طب جبتلي ايه وانت جاي
يوسف...الستر والصحه يا اما
روحيه...والنبي ياواد انت تستاهل العصايه انا هلفلك
زين...قرب من الشباك استني بس ياروحيه رايحه فين في نص الليل كده
روحيه....يالهوي علي العيون الحلوه دي انت مين ياواد ياحلو انت
زين...نستيني ياروحيه انا زين😉
روحيه...زيييين ازيك يازين كده متسألش عليا
يوسف....هو في ايه ياما ما كفايه بقي كده عيب انا واقف بتلاغي صحابي ادامي
زين....بضحك وانت مالك ياعم دي روحيه دي حبيبتي
عامر....لا دي حبيبتي انا
يوسف...عجبك انتي السياح دع صح جرستيني وارتاحتي بقولك ايه لو دخلتي هجبلك مانجه
روحيه....والنبي وسابت ايد زين سيب ايدي ياولا 😒
زين...ماشي ياروحيه بتبعيني عشان المانجه ملحوقه بكره اجيب قفص واعد ادام الورشه اكله ومش هتطولي منها واحده
ادهم...ولا يا چو. هتجبلها مانجه😂😂
يوسف...منين هو في حد الوقت
زين...دي هتعلقك
يوسف....خلوها علي الله لو مظهرتش الصبح بلغوا عنها
روحيه...ولا يا يوسف
يوسف....سلام بدل ما تخرج بالعصايه
صالح....اجري
زين...يلا بيتك بيتك انت وهو المهمه خلصت بسلام
هيما...ايه ياعم هو احنا كتاكيت
زين...نعم بتعترض علي ايه ان شاء الله
ضحكت منه عليهم
هيما...ياعم انا اعترضت انا بسأل بس
زين...اه بحسب
عادل...شكلك بقي وحش اوي عمال يبيع ويشتري فيك
صالح...الله يرحمك يارجوله
ضربه هيما في رجله ابقي أقرالها الفاتحه ياروح امك🤨
ادهم...ده في عالم ما بتجيش غير بالعين الحمره
😂😂😂
هيما...كله يهون وبص لمنه
زين...بتبص فين ياحيلتها 🤨
هيما...بضحك برستيچي باظ انا ساكتلك غلب وربنا
ضحك زين طب خلاص صعبت عليا
سعيد...يلا ياولاد اطلعوا بقي
خرج يوسف فالوقت ده من الشباك وهو بيفتحه زي ما روحيه فتحته اعد عليه زي الحصان ووقفت جمبه روحيه مسك يوسف علبه بلاستيك وطبل
زين...الله يخربيتك
يوسف...يلا يا ايهاب..
حلو الحلو بكل خصاله الا دلاله ميعجبنيش
ايهاب...ميعجبنيش
يوسف...قالوا بيهجر قولت وماله يهجر يهجر بس يعيش
كل الحاره بقت ترد معاه...حلو حلو حلو الحلو
عامر...بصوت ضعيف عشان العمليه..حلو الحلو مافهش وحاشه غيره بيوعد ولا يوفيش
الشباب...ولا يوفيييش
عامر...دا اللى فتح قلبى بطفاشه ثم قابلنى مكلمنيش الشباب...مكلمنيششش
عامر...قولتلوا رد ياباشا ياباشاقالي لابوها متفلأنيش
قولتلوا رد ياباشا ياباشا
قالي لابوها متفلأنيش
وبيعجبنى اكمن جماله
وقه سكر سنترافيش
الشباب...حلو حلو حلو الحلو
إيهاب...كل ماافوت من قدام داره ويشوف وشي يسد الشيش
الجميع...يسد الشيييش
إيهاب...قلبي وعيني عليه احتاروا وبيتخانقوا الحق ياشويش
الجميع...ياشوووويش
إيهاب...يحيا الحب وتسقط ناره اللي تولع ولا تطفيش
الشباب...حلو حلو حلو الحلو
يوسف...براڤووووو
روحيه...ناتيجي ياواد نخرج نهز شويه
ضحكوا كلهم علي روحيه
يوسف...هي حصلت الهز ادخلي يا اما تصبحوا علي خير دي غلطتي من الاول😒😒
زين...الله يخربيتك 😂😂
كيمو...روحيه عايزه تهز يا چوو😂😂😂
يوسف...من ورا الشيش اتلم بدل ما اطلعلك
سعيد...يلا ياولاد اطلعوا بقي
ادهم...يلا هيما تصبحوا علي خير ..وبص لتوته علي جوه
توته...بحبه ياناس
ادهم...🙄يابنت المجانين
احمد العربي..يلا ياروميو
ادهم...منك لله ياتوته الكلب
حاضر يابرنس
زين...تصبحوا علي خير ياجماعه
ايهاب...يلا سلام
صالح...ادخل ياض يا كيمو هنرش ميه
كيمو...رش يا خويا الجو حر
صلاح...تصبح علي خير
دخل زين جوه البيت
زين...سلام عليكم
مديحه...كده يا زين تخرج من غير ما تعرفني يعني لو كان جرالك حاجه الوقت انا كنت هفرح باللي عملته
زين...مانا زي الفل يا ست الكل اهو وبعدين مين ده اللي يعملي حاجه انت مش عارفه ابنك ولا ايه
مديحه...لا عارفه ابني وعرفاه كويس اوي كمان بس مش واخده علي الجنان ده ابني عاقل
زين...بس في اي حاجه تخصكم او تخص صحابي او الحته عموما العقل بيروح وانتي عارفه يامديحه
مديحه..طب طمني عملتوا ايه فالواد اوعوا تكونوا عملتوا فيه زي ما عمل في عامر يازين
زين...ايه يا امي من امته واحنا السلاح اللغه بتاعتنا انتي عارفه ان أذيتنا بتوجع وتعور بس متموتش
مديحه..ربنا يهديكم يارب
زين...فكي يامديحه بقي انا انهرده هنام وارتاح عشان جبت حقهم متنكديش عليا بزعلك
مديحه...انا مقدرش ازعل منك يا ابن عمري بس بخاف عليك انت والمجانين اللي معاك
زين...باس أيدها متخافيش ابدا يا حبيبتي طول مانا عايش
مديحه...يلا بقي ادخل نام عندك شغل بكره
زين...هشرب كوبايه شاي من ايد وعد وادخل انام علي طول
منه...ياسلام يا اخويا واشمعني وعد
زين...عشان بتظبطه اكتر🤨
منه...وانا لا😔
وعد...ده انتي قمر
منه...والنبي انتي اللي قمر
مديحه...اتخانقوا بقي انتوا تصبحوا علي خير انا مش قادره
زين..وانتي من اهل الخير
منه...يلا تصبحوا علي خير اشربي بقي يا اختي طلبات منه ده كويس انه مختارنيش
زين...والله طب تعالي ادخلي حضريلي لبس الشغل
منه...ليه كده ما كنا ماشيين حلو اقولك وعد با قلبي حضري انتي بعد ما تعملي الشاي يلا تصبحوا علي خير
زين...بضحك يابنت ال
وعد...بأبتسامه انا هحضرلك وامري لله
زين...قام وقف نعم يا اختي انتي كمان ايه أمرك لله دي🤨
وعد...رفعت ايدها بضحك لا مقصدش والله
زين...بابتسامه حب ايوه كده
وعد هعملك الشاي لحد ما تغير هدومك
زين...ماشي
دخل زين يغير هدومه ودخلت وعد تعمل الشاي وعملت لنفسها نسكافيه
حس زين انها اتأخرت دخلها المطبخ
زين....كل ده بتعملي كوبايه شاي 🤨
وعد...خضتني🙈
زين...بضحك احنا بقينا مسجلين خطر في المطبخ
وعد...انت اللي مسجل خطر عشان انت اللي علي طول تخضني
زين...حرام عليكي يا مفتريه ده انتي اخر مره اللي وقفتي قلبي
وعد...ياسلام بأماره ايه ده انا حسيت ان قلبي وقف وقبلها المعلقه لسعتني والوقت اهو خضتني تاني
زين...بأبتسامه مانتي اللي خوافه اعملك ايه
وعد...انت عارف اني بخاف من الضلمه او ان حد يتكلم وانا بقالي ساعه واقفه في هدوء ومفيش حد معايا
زين....طب خلاص اوعدك مش هخضك تاني
وعد...وعد☝️
زين....بحب وعد يا احلي وعد
ابتسمت وعد بأحراج...طب يلا نخرج بره انا هشرب معاك نسكافيه
زين....يلا بينا
خرجوا بره اعدوا مع بعض
زين...بقولك ايه ما تشغلي اي فيلم ولا حاجه
وعد...انت مش هتنام
زين...مش جايلي نوم انتي عايزه تنامي
وعد...لا ولا انا جايلي نوم
زبن...طيب خليكي اعده معايا
وعد...وهي باصه في عينه
حاضر❣️
زين...طب يلا هاتي فيلم
😉
......
احمد العربي كنت متأكد انكم هتروحوا ومش هتسمعوا كلامنا
هيما...مانت عارفنا يا حاج مبنسبش حق اخواتنا
ادهم...يعني بزمتك يابرنس ترضهالنا نبقي نايمين ولين حق بره
احمد العربي...علي اد ما بخاف عليكم علي اد مانا ببقي فرحان بيكم وشايفكم رجاله وكبرتوا ادام عيني
ادهم...ربنا يديك طولت العمر يارب
هيما....بت يارحاب اعمليلنا شاي
رحاب...وانا مالي🙄
هيما...يابت اخلصي بدل ما اقوم اروقك
ادهم...انا مش عايز داخل انام
احمد...وانا كمان
هيما...تصبحوا علي خير ومسك رحاب من هدومها علي فين
رحاب...هنام
هيما...مفيش نوم غير لما تعملي الشاي
رحاب...حرام عليك عايزه انام
هيما...يابت ماتبقيش رخمه وحيات امك كبايه صغيره
رحاب...طب مافيش حاجه كده ولا كده
هيما...عايزه رشوه يابت
رحاب....بضحك اه طبعا مش كفايه طول اليوم رايح جاي تلطش فيا من غير اي سبب
هيما...ياعبيطه ده حب🤨
وضربها غلي قفاها
رحاب...بضحك وربنا انت رخم اوعي بقي
هيما....طب هديكي 50 جنيه
رحاب...هات
هيما...يابنت الكلب يا ماديه
رحاب...انا بنت كلب يا باب....قفلت بسرعه هيما بوئها
هيما...ايه فضيحه خدي الفلوس حار ونار في جدتك
رحاب...اهو كده بقي احلي كوبايه شاي وباسته في خده وجريت
ابتسم هيما...ماديه حقيره😂
............
عند زين ووعد كانوا مشغلين فيلم وهما بيشربوا الشاي والنسكافيه وفجأه🙄
الفصل الخامس عشر والسادس عشر من هنا
إللي خلص القراءه يدخل هيلاقي كل الروايات اللي بيدور عليها من هنا 👇 ❤️ 👇
❤️🌺🌹❤️🌺❤️🌹❤️🌺🌹❤️🌺🌹❤️🌺🌹❤️🌺🌹🛺🛺🛺🛺🛺
جميع الروايات الحصريه والكامله من هنا
انضموا معنا علي قناتنا بها جميع الروايات على تليجرام من هنا
❤️🌺🌹❤️🌺❤️🌹❤️🌺🌹❤️🌺🌹❤️🌺🌹❤️🌺🌹🛺🛺🛺🛺🛺
