رواية 30 يوم حياه الفصل الاول والثاني بقلم الكاتبه اميره أسامه حصريه وجديده على مدونة النجم المتوهج للروايات والمعلومات
 |
رواية 30 يوم حياه الفصل الاول والثاني بقلم الكاتبه اميره أسامه حصريه وجديده على مدونة النجم المتوهج للروايات والمعلومات
مقدمه...
ليت الزمان يعود يومآ!🙏
أتحدي أي شخص علي وجه الارض لم يتمني ان يرجع به الزمن إلي الوراء..
فهذه هي أمنياتنا جميعا التي نتمني تحقيقها من قلبنا أصبحنا جميعا نبحث في الحاضر والمستقبل علي بساطة أيام الماضي والزمن الجميل الذي مضي ولم يعود نبحث علي روح الحياه التي لم تعد كما كانت نبحث عن رائحه الاماكن..نبحث عن أيام الصدق والهدوء وراحه البال ونقاء القلوب..نبحث عن بساطة الناس وصفاء النفوس ..إحترام الكبير..براءه الطفوله..الإلتزام بالقول والفعل👌..
رحم الله🙏 زمنآ كنا نجتمع فيه في فصل الشتاء ملتفين حول موقد النار نشوي ونأكل ونضحك ونحكي قصص خرافيه من وحي خيالنا...
رحم الله🙏 أيام زمان عندما كانت امهاتنا يحضرون الاكلات البسيطه والشعبيه دون أعتراض مننا...
رحم الله🙏
ايام الرضا بالقليل والحمد الكثير..
جميله هي أيام زمان ورائعون الاشخاص قديمآ
حياه بسيطه..روح..رائحه
روحانيات.
رحم الله🙏 ضحكات من القلب وقلوب مضيئه وأفكار نظيفه...
أشتاق وأحن إلي تلك الايام
أنا والكثير..💔
لذلك..قررت ان👌👌👌
احلم حلم بسيط لكن صعب تحقيقه.. أن أعيش الماضي في حاضري👌
واحقق حلمي وحلمكم في رجوع الزمن حتي ولو كان رجوع الزمن في خيالنا فقط...
ليت الزمان يعود يومآ🙏🙏
......
بارت 1
في القاهره في حي السده زينب تحديدا ومع غروب الشمس زحام شديد ناس رايحه وناس جايه ناس بتشتغل وناس بيسلموا علي بعض وناس بتاكل
كان بطلنا زين..شغال في ورشت المكانيكا بتاعته ومندمج في تصليح عربيه
الزبون...ايه يا بشمهندس العربيه فيها ايه.
زين...ابدا حاجه بسيطه ده البوچيه عايز يتغير بس وهغيرلك الفلتر
الزبون يعني هو ده سبب تقطيع العربيه
زين بامر الله هو وعموما هنغيره ونعرف لو اشتغلت يبقي هو فيها حاجه تاني هتهالي ومتقلقش
الزبون...قلق ايه بس يا بشمهندس انا جايلك من المهندسين علي السيره بس صاحبي اللي قايلي عنك وطلعت مشهور جدا سيرتك سبقاك
زين...الحمد لله.ده فضل من ربنا
الزبون...ونعم بالله
زين....كده انا خلصت دور كده وخدلك لفه وتعالي قولي ايه الاخبار
الزبون...طيب قولي كام
زين...كام ايه بس ياراجل جرب الاول وطمني يعني احنا هنروح من بعض فين
الزبون...بابتسامه تمام هجرب وارجعلك.
مشي الزبون بالعربيه ورجعله بعد عشر دقايق.ونزل من العربيه
زين...طمني ايه الاخبار
الزبون...بابتسامه رضا عن شغل زين...الله ينور يا هندسه تسلم ايدك احسن من الاول وان شاء الله مش اخر تعامل بينا
زين...يارب ديما تنور الورشه اي وقت ده مكانك
حاسبه الزبون ومشي..وابتدي زين يشيل العده وينضف ابده من الشحم وفجأه لمح والدته خارجه تجري وباين عليها التوتر.ساب زين الوشه مع الصبي بتاعه وجري علي والدته.
زين...في ايه يا أمي مالك
مديحه...الحقني ازين خالتك روحيه مش فالبيت
زين...مش فالبيت ازاي انتي مش كنتي عندها وقولتي هتأعدي معاها
مديحه...ايوه وقالتلي عايزه اشرب شاي دخلت اعمل خرجت ملقتهاش والباب مفتوح انت ملمحتهاش
زين....لا المحها ازاي انا بشتغل وكان معايا زبون
مديحه...طيب هنعمل ايه
زين...هنعمل ايه هندور عليها طبعا دي امانه في رقبتنا يا أمي جو بيخرج علي شغله وهو مطمن انها في وسطنا خليكي انتي هنا يمكن ترجع وانا هادور عليها انا وشباب الحته
مديحه...يارب يعتركم فيها يا ابني
جري زين بسرعه
لمحه...صلاح
صلاح...ايه زين بتجري كده ليه يا جدع.
زين...تعالي معايا يالاحه بسرعه روحيه خرجت من ورا امي ومش عارفين راحت فين
صلاح...يانهار اسود تاني ياصالح ياصالح
صالح..في ايه يالاحه
صلاح... تعالي معانا ندور علي خالتي روحيه بسرعه
صالح..هي عملتها تاني
صلاح ...انت ليه هترغي
زبن...خلبك انت ياصالح عشان متسبش القهوه لوحده
صالح...متقلقش ابويا جوه ومعاه الصبي
زين...طيب يلا بسرعه
جري زين وصلاح وصالح في الحاره وكل اللي يقابلهم يدور معاهم ثواني والكل بقي يدور خرج إبراهيم من صاله الجيم
إبراهيم...ولا ياصالح في ايه بتجرو كده ليه
صالح...خالتي روحيه يا هيما مش لاقينها
إبراهيم...تاني استنوا اجي ادور معاكم
صالح...خليك متسبش الصاله لوحدها
إبراهيم...متخافش ادهم اخويا جوه هقوله واجي وراك.
صالح...اشطا..جري صالح وسابه
ودخل هيما قال لادهم
ادهم...يا نهار اسود ده تاني استنوا اجي معاكم
إبراهيم...لا خليك متسبش الصاله لوحدها انا رايح
ادهم...طيب طمني لو لاقتوها
إبراهيم وهو بيجري...ماشي
نص ساعه كانت الحاره مقلوبه والكل بيدور...
فالوقت ده وصل يوسف الحاره ركن عربيته
ادام...محل الدهب بتاع عيسي والد خطيبته
يوسف...يا مساء الفل يا عم عيسي .
عيسي...بتوتر اهلا يا ابني جاي بدري يعني
يوسف...خلصت بدري وانت عارف ياعم عيسي اوبر الوقت مبقتش جايبه همها والشغل نايم قولت اريح العربيه اللي حيلتي دي تحويشت عمري يا عم عيسي وبعدين قولت اجي بدري عشان اعد مع روحيه
عيسي....اه اه طيب بقولك ايه
يوسف...مالك يا عم عيسي وبعدين الحاره فيها ايه كان في خناقه ولا ايه
عيسي...انت معرفتش اللي حصل.
يوسف...لا حصل ايه انا لسه جاي عديت اسلم عليك حتي مشوفتش اي حد من الشباب.
عيسي ...بصراحه بقي كده امك مش لاقينها.
يوسف...قلبه وقع في رجله...ايه أمي😳😳خرج جري بسرعه من المحل
وفضل يدور مع الشباب وينادي عليها بصوت عالي.
يوسف...ياروحيييه انتي فين
عم حسني...متقلقش يا چو ربنا يعترك فيها
يوسف...يارب يا عم حسني...ياروحيه.
في دخلت عامر وإيهاب.
إيهاب...في ايه يا حسني الواد ده بيجري كده ليه
حسني...اجروا معاه ياولاد بسرعه امه مش لاقينها
عامر وإيهاب في نفس واحد تااااني...وجريوا ورا چو
انتشروا الشباب في الحته وفي الحواري وبعد ساعه من اللف والجري
لمحها يوسف من بعيد واقفه عن واحد بيبيع فاكهه وهي واقفه تتخانق معاه.
أتنهد يوسف براحه وابتسامه..الله يسامحك ياروحيه وقعتي قلبي
روحيه...ياراجل انت متعصبنيش احسن اوقعلك الفاكهة دي كلها عالارض
الفكهاني...ياست الله يساهلك امشي من هنا انتي ست كبيره مش عايز ازعلك
روحيه...تزعل مين ياولا طب والنبي لا انا ضرباك.
يوسف..جري عليها بس بس بس في ايه يا اما
روحيه...انت مين يا ولا
يوسف...يا اما انا يوسف حرام عليكي وقعتي قلبي
روحيه...بأبتسامه يوسف
الفكهاني انت تعرفها يا استاذ
يوسف...معلش حقك عليا دي امي
الفكهاني...دي طلعت عيني وانا مش راضي اكلمها عشان ست كبيره
روحيه...لا كلمني يا ولا😡
الفكهاني اللهم طولك ياروح
يوسف...ياعم خليك معايا انا حقك عليا قولي ايه اللي حصل
الفكهاني...مصممه اني ببيع جميز ولما قولتلها معنديش فضحتني وإلا توقعلي الفاكهه عالارض
يوسف...بص لامه جميز يا روحيه ورجع بص للفكهاني..معلش حقك عليا انا وقاله بصوت واطي معلش هي تعبانه عندها زهايمر
الفكهاني...لا حول ولا قوه إلا بالله خلاص يا استاذ حصل خير بس متسيبوهاش لوحدها تاني
يوسف...ربنا يسهل بعد اذنك.
روحيه...انت هتسيبه ياولا ده شتم امك
شدها بوسف ومشي...شتمك ابه ياروحيه انتي بترمي بلاكي الله يسامحك انتي مرمطتي الراجل وبعدين ايه حكايه الجميز دخ اللي انتي عيزاه.
روحيه...بصتله وهي حاطه ايدها علي صدرها باستغراب انا ياولا عايزه جميز ده طعمه يقرف انا ولا عمري حبيته
ضحك...يوسف وباس ايدها وقعتي قلبي ياروحيه
روحيه...بحب ليه ياولا مانا زي الفل اهو
يوسف...الحاره مقلوبه عليكي بقالنا ساعه بندور عليكي خرجتي ليه من ورا خالتي مديحه مش قولتلك لو عوزتي اي حاجه قوليلها تتصل بيا وانا اجيبلك اللي انتي عيزاه
روحيه....عايزه جميز😏
يوسف...بضحك ياروحيه انتي مش لسه قايله طعمه يقرف
روحيه...انا ياولا انت بتقولني كلام مقولتهوش ولا انت بتهرب عشان متجبهوليش
ضحك يوسف بصوت عالي
انا يا أما الله يسامحك انا اقدر استخسر فيكي حاجه عنيا ياستي هقلبلك الدنيا عالجميز بس يعني ياروحيه ملاقتيش غير الجميز ميمشيش معاكي تين ولا انتي غاويه تلففيني عليكي وتلففيني علي طلباتك
روحيه....اه يا قليل الربايه مستخسر في أمك اللي نفسها فيه😒🤔
يوسف...بضحك انا عمري كله ليكي يا امي بس عشان خاطري وحيات يوسف عندك ماتوجعيش قلبي عليكي تاني انتي متعرفيش الساعه دي انا خصل فيا ايه ولنا بدور عليكي
روحيه...بحب انت بتحبني ياولا
يوسف...بحبك بس انا مليش غيرك يا روحيه انا من غيرك ولا حاجه ونزلت دمعه منه بسرعه
مدت روحيه ايدها مسحت دموعه. طب خلاص متعيطش ياولا في راجل يعيط خلاص مش همشي تاني غير لما اقولك بس لو مجابتش المانجه والتفاح مش اعدالك فيها🙄
يوسف...😒😒😒😒مانجه وتفاح الصبر من عندك يارب..
وصل چو وروحيه الحاره واتجمع حواليهم الشباب اصحابه والناس
حاج سعيد حمدالله علي سلامتها يا ابني
يوسف...الله يخليك يا حاج سعيد
زين....كده بردو يا مقدسه ترعبينا عليكي
روحيه...انت مين ياولا
يوسف كتم ضحكه.
زين...بصله بقرف وبصوت واطي قريب اوي هطلع فاليوم السابع وانا قاتلك وقاتل امك
يوسف ..الله وانا مالي
زين...مش امك
يوسف...طب وانا مال امي
روحيه ..انتوا بتتوشوشوا علي ايه يا عيال
زين...عيال 🤨🤨 عيب عالطول والدقن ياروحيه
روحيه...هتكبروا عليا ياواد يازين
زين...الله اكبر الذاكره رجعت اهي وافتكرتي اني زين
روحيه...ليه يا اد وحد قالك اني فاقده الذاكره
ضحكوا كل اللي فالحاره.
هيما...عارفه ياروحيه لو خرجتي من البيت بعد كده من غير اذن🤨
روحيه...بصت علي جسم هيما قربت من يوسف بخوف مين ياولا الراجل ده
يوسف...امتي خايفه منه ولا ابه انا اكسرهولك🤨🤨
هيما...في ايه يا حيلتها
يوسف...ياعم الوحش اهدي دي امي بردو
ضحكوا كلهم..
مديحه...كده بردو يا روحيه تخليني بعملك الشاي وتخرجي من ورايا.
روحيه...😏😏😏 وهو انتي شايك يتشرب ده يقرف
يوسف...متزعليش منها ياخالتي اسكتي بقي يا اما فضحتينا
مديحه...بأبتسامه طيبه لا با ابني مقدرش ازعل منها دي حبيبتي انا بس نفسي متهربش وتقولي هي عايزه ايه وانا اعملهولها.
روحيه...عايزه اكل😏
مديحه.. بس كده تعالي وانا أكلك
راحت معاها روحيه.
يوسف...الله يكسفك ياروحيه
زين... ياعم سيبها براحتها وحقك عليا يا صاحبي مخدتش بالي منها والله كان معابا زبون
يوسف...ازعل ايه بس يا جدع انتوا محدش فيكم بيأثر معاها في حاجه كفايه اني بروح شغلي وانا سايبها في وسطكم ومطمن.
هيما...متقولش كده يا چو دي روحيه حبيبت الكل
عامر...في ايه ماتصلي عالنبي كده يا عم چو هتقلبها دراما ليه.
بصوا لبعض وسكتوا.
عامر...الله بقولك ياجدع صلي عالنبي
چو...البعيد غبي ولا ايه
زين...بابتسامه عيسي نبي وموسي نبي
الشباب...وكل من له نبي يصلي عليه
إيهاب...بسخريه من عامر اخوه يارب تكون افتكرت
يوسف....لا خلاص انا خدت علي غباؤه هو والواد كيمو
عامر...بضحك 😂😂😂
ياعم بنسي الله
كيمو...مين جايب في سيرتي
يوسف...ابن حلال
كريم....روحيه فين
يوسف...دخلت مع مديحه
كريم...بقول ايه ما تيجوا تاكلوا فالمحل عازمكم علي سندوتشات كبده وسجق يستاهلوا بوئكم
يوسف...يدوم يا صاحبي بس خليني اتعشي مع روحيه انهرده
زين...وانا هطلع اتعشي مع امي ومنه ووعد
صالح...بقول ايه مش نازلين تأعدوا عالقهوه شويه
زين هخلص وانزلكم
يوسف...وانا هطمن ان روحيه نامت واجيلكم يلا سلام.
كريم...وانا هشطب المخل واجيلكم شويه
صالح...اشطا انا رايح عشان سايب ابويا يلا يا لاحه
هيما...يلا وانا ماشي رايح لادهم الصاله هنقفل الصاله ونرجعلكم
مشيوا الشباب كل واحد علي مكان شغله
قفل زين الورشه وطلع البيت فتح بالمفتاح.
زين...يا اهل البيت انا جيت
مديحه...نورت يا حبيبي
زين...ده نورك با مديحه انا فكرتك تحت عند روحيه
مديحه...لا طلعت وسبتها ليوسف.
زين...معلش يا امي عارف انه حمل عليكي كبير بس يوسف ملهوش حد وانتي عارفه الاصول مريم اه خطيبته بس مينفعش تفضل راحه جايه عالبيت الناس فهمها علي ادها ومش هيرحموها بالكلام وست ناريمان امها بتجيلها الصبح
مديحه...ايه با ابني الانت بتقوله ده انا اشيلها في عيني كفايه انها ست مريضه وابنها بيسيبها امانه في رقبتنا وبعدين يعني انا بعمل ايه اهو بنأعد نسلي بعض وانت عارف اني بحبها وبحب خفه دمها.
زين...مسك ايدها باسها ربنا يخليكي ليا يا امي
فالوقت ده خرجت منه اخته من الاوضه هي ووعد.
منه... امسسسسسك بتعمل ابه يا سطا بتبوس ايد امك كده فالطريق العام.
مديحه...ضربتها علي كتفها اسطا في عينك مش قولتلك متقوليش كلمه اسطا دي قبل كده اخوكي مهندس ميكانيكا اد الدنيا
منه...ميكت ابدها بوجع الله وانا مالي ماطول النهار سامعه الزباين بيقولوله يا اسطا يا اسطا
مسكها زين من كتفها...اولا بيقولولي يا بشمهندس بس مش مهم المهم بقي ايش عرفك انهم بيقولولي كده انتي بتبصي يابت من البلكونه
منه...انا والمصحف ابدا انا اقدر🙄🙄🙄
زين....برفعه حاجب 🤨🤨 المحك با منه واقفه فالبلكونه هقتلك
منه...بخوف انا اقدر بردو😁 اكسر كلامك با ابي زين وباسته في خده.
ابتسم زين بحب ايوه كده.
زين...بص لوعد اللي واقفه ومكسوفه...ازيك ياوعد
وعد...بابتسامه هدوء...الحمد لله يا ابي زين.
زين...عامله ايه فالمذاكره
منه...هتعمل ايه هي بتسيب الكتب دي ناقص تاكلها قال عايزه تطلع مهندسه زي ابي زين😏
وعد...ضربتها علي كتفها وانتي مالك انتي يارخمه
منه...مسكت كتفها ااااه هو كتفي ده مزعلكم في حاجه
مديحه...يالت بدل ما تذاكري انتي كمان وتشجعي بنت خالتك انها تطلع الحاجه اللي بتحبها.
منه...باست وعد في خدها.دي حبيبتي وهي عارفه اطلعي انتي منها ياديحه ان شاء الله وعد هتتخرج من كليه هندسه وتبقي اسطا اد الدنيا🤭🤭
وعد...والله هضربك
زين...بضحك سيبك منها دي مش فالحه غير انها تتريق وبس خليها هي في كليه التجاره بتاعتها
منه...ومالها بقي كليه التجاره يا ابي زين🤔
وطي زين علي خدها باسها احسن ناس
منه...بحب ديما تغلبني كده
زين...بقولك ايه يابت انتي كفايه رغي يلا روحي حضري العشا عشان اكل وانزل اعد مع الشباب شويه
منه...عيوني يا احلي اخ فالدنيا مشيت خطوتين ورجعتله..استني استني فين الشيكولاته بتاعتي انا ووعد
ضرب زين علي راسها بخفه اخخخخ
منه...نسيت🤔
زين...لا والله مش حكايه نسيت بس لما روحيه تاهت اتلخمت مع الشباب واحنا بندور عليها وبعدين قفلت الورشه وطلعت عموما حقكم عليا ياستي هاكل وانزل اجبهالكم واطلعهالكم قبل ما روح للشباب
منه...ماشي لما نشوف دخلت منه ووعد مع مديحه يحضروا العشا
دخل وين خد شاور سريع وراح علي الاوضه بتاعته يكمل لبس لحد مايخلصوا..
نام زين علي السرير بالعرض يريح ضهره لحد ما ينادوا عليه عينه راحت فالنوم وبعد وقت بسيط
مديحه..يلا يامنه حطي الاطباق علي السفره لحد ما اسخن العيش وانتي يا وعد روحي خبطي علي قوليله الاكل جهز
وعد ..بأبتسامه حاضر ياخالتو.
راحت وعد..خبطت عالباب محدش فتح خبطت كام مره مفيش صوت فتحت اوكره الباب براحه ودخلت لقيته لابس ونايم...
وعد...ابي زين.. ابي زين.
فتح زين عينه وابتسم وعد
وعد...انا اسفه خبطت والله بس لما مفتحتش قلقت عليك
زين...بابتسامه ولا يهمك يا وعد انا اللي شكلي تعبان شويه
وعد...بهدوء...طيب لو تعبان خليك اتعشي وادخل نام مش لازم تنزل كفايه تعبك طول اليوم
زين...مش هينفع الشباب هيستنوني تحت وبعدين رمضان قرب كلها اسبوع خلاص لازم نتفق ونجهز مائده الرحمن ونشوف النواقص.
وعد...بتوتر هو انا ممكن اطلب منك طلب بس والنبي توافق
زين...بأبتسامه جميله اطلبي طبعا طلباتك اوامر يا ستي
وعد فضلت تدعك في ايدها
زين ..في ايه ياوعد انتي مكسوفه مني ولا ايه
وعد...لا مش حكايه كسوف
زين...امال اتكلمي ياوعد انا مخدتش علي انك تخبي حاجه عني انتي ومنه
وعد...بصراحه بقي انا عايزه اشتغل وفي شغل ادامي محتاج بس موافقتك.
وقف زين وهو عينه بتطلع شرار..تشتغلي ياوعد ليه ان شاء الله ناقصك حاجه شيفاني مش قادر اكفي البيت ده شيفاني مأثر في اي حاجه وانا مش حاسس
وعد...بخوف لا والله انت عمرك ما حرمتني من حاجه
زين...امال ايه ياوعد
وعد...بدموع يا ابي زين افهم انا تعبت من اني احملك المسؤوليه ماما وبابا عملوا حادثه وماتوا وانا عندي 6شهور ومن وقتها وانا اعده معاكم خالتوا هي اللي ربتني وانت شيلت المسؤوليه من بدري خصوصا بعد وفاه عمو محمد بباك وكنت بتدرس وتشتغل عشان تصرف عالبيت انا بصراحه مش قادره اسكت اكتر من كده والوقت انا كبرت خلاص
زين...مسك دراعها بغصب انا اشتكتلك وبعدين ما انتي عارفه رأيي فالموضوع ده قولتلك ميت مره انتي ومنه مفيش شغل غير لما تخلصوا تعليمكم ولحد ما ده يخلص انتوا مسؤوللين مني انا مش بمنعكم عشان رافض شغلكم لا انا رافض شغلكم مع الدراسه ولو عالبهدله اللي بتقولي عليها شوفتها وانا صغير كنت مبسوط وعمري ما كنت مضايق عشان كنت حاسس انكم مسؤوليين مني وعشان كمان لو كنت بجد اتبهدلت فا انا مش هخلي حد فيكم يتبهدل وبعدين انتي لسه في اولي جامعه لسه ماتمتيش حتي ال19سنه يعني لسه صغيره ومسؤله مني انتي فاهمه
دخلت مديحه فالوقت ده...ايه ده ايه ده في ايه يازين
وعد كانت ساكته ودموعها نازله
بصلها زين بغضب...وساب ايده من دراعها
زين...مفيش يا امي انا نازل
مديحه..نازل طب والعشا يازين انت مكلتش من ساعت الفطار يا ابني
زين...معلش يا امي مليش نفس سلام.
خرج زين ورزع الباب.
منه ايه ده في ايه ابي زين ماله
نزلت دموع وعد اكتر وبصتخ لخالتها
وعد...والله يا خالتو معملتش حاجه
منه...طب هو ليه شايط كده
وعد...كل ده عشان فاتحته في موضوع الشغل
مديحه...مش انا قولتلك مش هيوافق وهاتزعليه منك
وعد...يا خالتو انا مش بطلب حاجه غلط انا عايزه أشيل الحمل عنه شويه.
مديحه عارفه انك معملتيش حاجه غلط بس انتي عارفه زين بيسمع السيره دي بيشيط يغني لو قولتيله عايزه اضيع وقت عايزه اكتسب خبره ممكن لاكن تقوليله اساعد مش هيرضي يا بنتي
منه....انتي ناسيه الخناقه اللي عملها معايا من كذا شهر يا وعد بسبب الشغل بردو
وعد...بس انا متخيلتش يتعصب بالشكل ده
مديحه...معلش يا وعد يا حبيبتي حقك عليا انا انتي عارفه زين عصبي بس مفيش اطيب من قلبه يزعأ يزعأ وينزل علي مفيش يلا يا حبيبتي تعالي ناكل
وعد...لا مش عايزه
مديحه يلا هزعل منك
وعد...والله ما اقدر علي زعلك بس مش عايزه والله لو جعت هبقي اكل
مديحه...طيب يا حبيبتي يلا يا منه
منه...حاضر يا ماما وراحت منه باست وعد من خدها فكي بقي 😘
ابتسمت..لمنه بحزن وفضلت اعده عالسرير مضايقه.
..........
في بقاله حسني والد عامر وإيهاب.
إيهاب وعامر نزلوا من شقتهم بعد ما غيروا لبسهم وعدوا علي والدهم.
إيهاب دخل عالبقاله وبأيده فضل يطبل علي المكتب بتاع والده ويغني..
إيهاب....حلو الحلو بكل خصاله الا دلاله ميعجبنيش
عامر...ميعجبنيش.
إيهاب...قالوا بيهجر قولت وماله يهجر يهجر بس يعيش
حسني...حلو حلو حلو الحلو
عامر...حلو الحلو مافهش وحاشه غيره بيوعد ولا يوفيش
إيهاب...ولا يوفيييش.
عامر...دا اللى فتح قلبى بطفاشه ثم قابلنى مكلمنيش إيهاب...مكلمنيششش
عامر...قولتلوا رد ياباشا ياباشاقالي لابوها متفلأنيش
قولتلوا رد ياباشا ياباشا
قالي لابوها متفلأنيش
وبيعجبنى اكمن جماله
وقه سكر سنترافيش
حسني....حلو حلو حلو الحلو
إيهاب...كل ماافوت من قدام داره ويشوف وشي يسد الشيش
حسني..عامر...يسد الشيييش
إيهاب...قلبي وعيني عليه احتاروا وبيتخانقوا الحق ياشويش
حسني...عامر..ياشوووويش
إيهاب...يحيا الحب وتسقط ناره اللي تولع ولا تطفيش
عامر...حلو حلو حلو الحلو..
حسني...بضحك ياسلام ياسلام.
إيهاب...ياسلام عليك يا عم حسني ياجامد
حسني...علي فين يا صايع انت وهو
عامر...بالزمه مش عيب صيع ايه بس يا خاج الصبح شغاليين في بنك انت وابنك وبليل مطربين افراح حفلات اي حاجه ماشي.
حسني....نفسي افرح بيكم واشوفكم مطربين اد الدنيا بدل الاصوات اللي بقينا نسمعها دي.
إيهاب...ادعيلنا بس انت يا يابا وهي هتفرج
حسني...بدعيلكم يا ابني علي طول ربنا يطمني عليكم واشوفكم اكبر مطربين
عامر...يارب يا حاج
حسني...بضحك وعلي فين انهرده فرح ولا طهور
إيهاب....لا قهوه يا عم حسني انهرده ناشفه مفيش حاجه هنأعد مع الشباب
حسني...ماشي شويه كده اقفل واجي اعد معاكم
إيهاب...هي فين البت شهد صحيح
خسني...نزلت من شويه راحت تأعد مع شمس اخت توته
عامر...شد كيس شيبسي كبير وجري اشطا يا حسني ياجامد
حسني...يلا ابن الكلب
جري عامر وإيهاب وهما بيضحكوا
راحوا عالقهوه
كان زين اعد هو وكيمو وعادل اخوه وإبراهيم وادهم
ويويف.
إيهاب....اول ماشافهم راح عليهم واعد معاهم اما
عامر فا وقف ادامهم يغني وسط الحاره
عامر....لو جبنا سيره الجدعنه..أسمك لازم يتقال
صاحبي اللي بيه بفتخر من يوم ما كنا عيال مهما الايام تتعبة عمره مابص شمال فى الشدة راجل جدع💪 واقف كما الابطال
والدنيا مهما اديتة ميغيروش المال لاعمرة منى اشتكى ولا عمر قلبة ماشااااااال
الشباب كلهم....اااااااااايه
ضحكوا الشباب وشد عامر كرسي
صالح...وعندك اتنين يانسون لاجدع مطربين فالحاره.
خرج..حاج فاروق والد صالح وصلاح.
فاروق...عارف يا ولا ياعامر انت وايهاب انتو محتاجين فرصه وأسمكم ده هيسمع الدنيا
عامر...ايدي علي كتفك يا عم فاروق
فاروق...لو بأيدي متأخرش با ابني
أيهاب...ادعيلنا انت بس ياراجل ياطيب
احمد العربي....السلام عليكم
وقفوا الشباب كلهم اول ماشافو والد إبراهيم وادهم.
واول ما لمحه أدهم رمي السيجاره من ايده.
زين...اتفضل يا ياعم احمد ولا يالاحه هات كرسي ليا.
احمد العربي...عاملين ايه ياولاد
الشباب...بخير الحمد لله
إبراهيم...وهو بيغمز لابوه كنت فين ياحاج بالشياكه دي لابس الحته الزفره ونازل من العصر وراجع بعد العشا ايه بتلعب من ورانا.
أحمد العربي بأبتسامه وانا هخاف منك ولا ايه ياولا
أدهم...وهو بيغمزله ايوه ياحاج مانت بردو مش سهل نمس من يومك وبعدين مبطمنش لنا لما بشوف الحته الزفره دي عليك هيما عنده حق
بص احمد للشباب وهو بيبتسم. العيال دي شكلها أستطولت نفسها واستكبرت جسمهم والچيم اللي عندهم فا بيحدفوني لبعض وبص لادهم وهيما...نسيتوا عولق زمان ولا ايه الن الكلب منك ليه.انا لسه شباب واقدر ارجع زمان
هيما...الله في ايه حاج بنهزر الله🙄
احمد العربي...ايوه كده اتعدل
ادهم...طب مش هتقول كنت فين😉
زين...انا لو منك يا حاج اقوم ارجع زمان
يوسف...ايوه ولعها انت
احمد العربي....قول للزمان ارجع يازمان خلاص بقوا طولي
قام ادهم راح لابوه....طولك ايه بس ياحاج احمد ولو طولنا اكتر من كده انت مسموحلك تعمل فينا الانت عايزه تضرب تدلع تشتم ياسلام وباس ايده
طبطب احمد علي ضهر أدهم...
كريم ..بمناسبه الكلمتين الحلوين دول ناكل بقي
جه...حسني فالوقت ده...ياولا هتنفجر من كتر الاكل بقيت سبه البالونه
احمد العربي....تعالي يا عم حسني سايبني اعد مع المعاتيه دول
حاج.فاروق...امال فين حاج سعيد
كريم...معرفش انا كنت فالمحل بتاعي شوفته ياعادل.
عادل...اه كنت بغير ونزل من شويه قال هيصلي العشا وبهدلني عشان منزلتش اصلي معاه وقال هيبقي يعدي علينا عشان حوار المائده
زين....صحيح يا عم احمد هنعمل ايه
احمد..اللي هتقولوا عليه انا معاكم فيه انشاء الله
حاج...سعيد...السلام عليكم
وقفوا الشباب وجاب بسرعه عادل كرسي لابوه.
احمد العربي عامل ايه يا حاج سعيد
سعيد...الحمد لله بخير انتوا عاملين ايه متجمعين عند النبي
زين...مستنينك ياعم سعيد عايزين نعرف هنجهز ابه للمائده
فالوقت ده جه عيس حماه يوسف..
عيسي....مساء الفل عالناس الحلوين
حسني...تعالي ياعيسي
فاروق....ولا يا لاحه هات كرسي لعمك سعيد
صلاح...عيني لعم سعيد
سعيد...تسلم عينك يا لاحه والحقني بالشاي المظبوط
زين....طيب ايه رايك يعني ياحاج سعيد بعد اذنك طبعا وأذن الناس الكبار اللب معانا نعمل زي السنه اللي فاتت
سعيد...معنديش مانع يا ابني ولا ايه يا حاج احمد
احمد العربي...انا قولت لزين قبل ماتيجي اللي هتتفقوا عليه انا معاكم فيه
سعيد...ايه رايك يا حسني
حسني ..وانا معاكم
فاروق....وانا كمان
عيسي...بقول ايه رمضان ده مش بتاعكم بس انا معاكم زي كل سنه
سعيد...طبعا ياعيسي مفيش بينا فرق كل حاجه هتطلع لوجه الله
يوسف...و انا كمان معاكم وبص لعامر ومش عايز غباء من واحد صاحبي 😒🤨
عامر...ماخلاص ياعم عرفنا عيسي نبي وموسي نبي وكل من له نبي
الجميع....يصلي عليه
حاج سعيد....ولا ياصالح مش هتجبلي القهوه بتاعتي ولا ايه
صالح....من غير ما تقول احلي فنجان قهوه مظبوط جاي حالا.
فالوقت ده عدت تهاني من ادامهم وبصت علي ادهم بطرف عينها بدلع ومشيت
ادهم...استناها مشيت شويه ولفت من الحاره.
ادهم....لحظه هعمل بس تليفون واجي
صحابه غمزوله كلهم اما ادهم عض علي شفايفه بغيظ وبصلهم.
مشي ادهم بسرعه وراها تهاني
ادهم...بت ياتوته انتي يابت
تهاني وقفت بدلع وحطت ايدها علي صدرها يا اما خضتني
ادهم...وحياه امك وانتي بتعرفي الخضه بردو
توته...عايز ايه يا ادهم
ادهم....راحه فين
توته...راحه الكوافير بتاعي عشان اقفل مع بوسي
ادهم...امال انتي كنتي فين
توته....كنت بوصي علي بضاعه
ادهم....مش قولتلك متعديش من ادام القهوه انتي بتعانديني يا توته
توته...بدلع الله وحشتني وقولت اشوفك
ادهم...لا ياشيخه وربنا يا توته نهارك هيبقي اسود لو عديتي من ادام القهوه تاني
توته...الله خلاص متعصبش روحك صحتك ياقلبي
ادهم...بغمزه الله خايفه عليا
توته....وانا ليا راجل غيرك يا ادهم
ادهم...ربنا يخليكي ليا ياتوته يلا انجري عالكوافير ولما تيجي تقفلي نادي عليا أشدلك الباب اللي بتفضل تنطي عشان تجبيه
توته....بدلع يخليييييك ليا
ادهم....طيب يلا بلاش دلع ادامب
توته....سلااام
ادهم...سلام.....بحبك يا بنت الجزمه ورجع تاني اعد معاهم
احمد العربي خبط علي رجله....خلصت تليفون😉
ادهم...ضحك واتحرج عرف ان ابوه فهم انه راح ورا توته..
سعيد...بقول ايه هقوم بقي انا افرد جسمي شويه لحد الفجر....واياك اشوف واحد فيكم مش واقف قبلي فالشارع عشان يصلي
زين....قبل المعاد هتلاقيني بنادي عليهم زي كل يوم
سعيد....هو في غيرك ملتزم فالصلاه يا زين يا ابني حتي ولادي ربنا يهديهم
كيمو...بزمتك ياحاج احنا عمرنا سيبنا فرض
سعيد....ايوه بس الفرض وسط جماعه يا ابني ليه طعم تاني وانتوا بتكسلوا تنزلوا هو في احلي من الوقت اللي بتروح برجلك تقف فيه ادام ربنا ده كنز يا ولاد.
احمد...العربي الله يفتح عليك يا حاج سعيد
سعيد...تصبحوا علي خير
مشي سعيد وانسحب واحده واحد واحد من الكبار وكملوا الشباب اعدتهم وبعد شويه كل واحد راح بيته
طلع زين بيته واتفاجئ اول ما دخل🙄🙄🙄🙄🙄
ورجعنا للمفاجآت وحشتونيييييييي
الناس الجديده منورين الجروب واكيد هتتعودوا عالمفجآت😘😘😘😘
مستنيه رأيكم في اول بارت
تعريف سريع عن شغل الشخصيات واحفظوهم😉😉
زبن...مهندس ميكانيكا عنده ورشه ميكانيكي بشمهندس اد الدنيا
ادهم وهيما...اخوات عندهم صاله چيم فالحته
كيمو....عنده محل كبده وسجق
عادل اخوه محامي وعنده مكتب محاماه صغير
والدهم بيساعد كيمو في المحل وهو المسؤول عن المسجد اللي فالحته
صالح وصلاح وابوهم عندهم قهوه
عامر وادهم...بيشتغلوا الصبح في بنك وبليل مطربين في فرح مراكب نيليه حفلات😉
حسن والدهم عنده بقاله 😉😉😉 سوبر ماركت
عيسي....عنده محل دهب
يوسف....عنده عربيه شغال عليها أوبر
تهاني ...توته عندها كوافير بتشتغل فبه هي واختها
البارت الثاني...
طلع زين بيته واتفاجئ اول ما دخل بوعد نايمه وهي اعده عالكرسي. فضل زين باصصلها شويه وراح
قرب منها...وعد وعد وعد
وعد فتحت عينها وبصتله وقامت وقف
زين....انتي ايه اللي نايمك هنا مانمتيش مع منه في أوضتكم ليه
وعد...انا كنت مستنياك يا ابيه زين
زين....بقلق ايه مالك انتي تعبانه ولا ايه
وعد...لا لا انا بخير الحمد لله انا بس يعني
زبن...ماتتكلمي ياوعد في ايه متقلقنيش
وعد...انا استنيتك عشان اتأسفلك واقولك حقك عليا
زين....بأستفهام علي ايه انتي زعلتيني اااااه يبقي اكيد لعبتي في حاجتي كالعاده وقولتي تجربيها وعملتي فيها مهندسه استني اشوف عملتي ايه عشان اطلع عينك ولسه هيمشي مسكته وعد من دراعه وأبتسمت لا ماتقلقش مدخلتش ألاوضه خالص والله...
أول ما حس زين بأيدها لمست ايده حس بتوتر وشد ايده منها بسرعه
وعد...بزعل طفولي أدام شديت ايدك كده تبقي افتكرت ولسه زعلان
زين...بعصبيه بسيطه وعد انا مفتكرتش حاجه قولي في ايه علي طول عشان انام شويه قبل الفجر.
وعد....انا كنت مستنياك عشان أتأسفلك علي موضوع الشغل والله يا ابي زين انا مقصدتش خالص اني اضايقك وعارفه ان عمرك ما أثرت معايا في اي حاجه بس حبيت اجرب مانا كده كده بعد ما اخلص دراسه اكيد هشتغل.
أميره اسامه😎
زين....اولا انا مش زعلان منك وعارف انك متقصديش بس انتي عارفه ان الموضوع ده معايا مقفول نهائي لحد ما تاخدي شهادتك في ايدك واكيد هسيبك تشتغل لما تخلصي انتب مش بتدرسي في كليه هندسه عشان تأعدي فالبيت وعد انا عايزك انتي ومنه تبقوا احسن ناس فالدنيا وعمري ما هرفض حاجه فيها مصلحتكم بس شغل حاليا لا ولو علي انه فرصه والكلام الكتير اللي بتقولوه كل شويه انتوا بس خلصوا وهشغلكم في احسن اماكن انتي عارفه ان انا ليا معارف في كل مكان والف واحد يتمني يخدمني وطلبوا مني انا شخصيا اشتغل معاهم وانا رفضت لاني مبحبش اشتغل تحت ايد حد ولاني كمان بعمل الحاجه اللي بحبها وقادر اشغلها كويس والحمد لله اسمي معروف في كل مكان وبيجيلي ناس معرفهاش علي سيرتي ووصف شغلي من الناس اللي اتعاملوا معايا
لاكن يوم ماتسلموني شهادتكم في ايدي وعد اسلمكم الشغل اللي يليق بيكم اتفقتي
ابتسمت وعد بحب اتفقنا
زين...السيره دي متتفتحش تاني مفهوم
وعد...مفهوم
زين...ولو اتفتحت🤨
وعد...بضحكه طفوليه كسر دماغي
زين...بعد الشر عليكي يلا بقي روحي نامي في اوضتك بدل مانتي نايمه عالكرسي كده
وعد..طيب مش هتتعشي
زين...لا مش عايز مش جعان
وعد...انت مكلتش ونزلت متعصب مني
زين...صدقيني مش جعان..المهم انتوا اتعشيتوا
وعد..بزعل خالتوا ومنه كلوا
زين...وانتي
وعد...لا مش كلت انت نزلت زعلان مني ومكلتش وانت تعبان من الصبح فالشغل وانا كمان مرضتش اكل عشان زعلتك
زين...ابتسملها...طيب يلا روحي كلي
وعد...لا خلاص مش عايزه
زين...طيب حضري اي حاجه بسرعه وانا هاكل معاكي ياستي
وعد...بجدد هوااااا هعملك احلي بيض بالبسطرمه من اللي انت بتحبه
زين...بضحك علي الله بس متحرقيش الاكل
رجعتله وعد وبصتله سمعتك علي فكره
ابتسم زين بحب واعد عالكرسي استناها لحد ما رجعت وجابت معاها الاكل
زين....ايه الاكل ده كله
وعد...ايه ده بيض بالسطرمه وجبنه رومي وجبنه شيدر ولانشون وجبن كيري ومربي
زين....ااااه انتي ناويه تبوظي الميزانيه صح🤨🤨
وعد...الحق عليا اني بصالحك. .. أميره اسامه
زين....ياستي كلي وخلصي وبكره تلاقي غيرهم عندك
فتحت منه باب الاوضه وهي بتدعك عينها وبتتاوب بتاكلو ايه
زين ..ياساتر اقفلي بوئك ده راحه فين
منه...كنت راحه اشرب
منه...تعالي كلي معانا
منه اعمليلي ساندوتش علي ما اروح اجيب ميه
زين...بضحك مفجوعه صح
وعد...دي عسل
جت منه وهي حاضنه الازازه
هاتي أكلي مدتلها وعد الساندوتش بايدها خدته وراحت علي الاوضه تصبحوا علي خير....أميره اسامه
زين...هتاكلي وانتي نايمه
منه...دخلت قفلت وراها من غير ولا كلمه
بعد وقت بسيط خلصت وعد وزين اكل ونضفت وعد مكانهم وخرجت.
زين...يلا ادخلي نامي شويه عشان هصحيكم زي كل يوم للفجر قبل ما انزل
وعد....ماشي تصبح علي خير
زين...وانتي من اهل الخير
في منزل تهاني..
سهير والدتها...بت يا توته عملتي الطلبيه بالنواقص اللي محتاجنها.
توته...ابوه يا اما عملتها وبزياده شويه كمان
سهير..طب وليه بقييي كده الفلوس هتبقي كتير
توته...يا ختي ولا كتير ولا حاجه لما البضاعه تكون فالكوافير احسن وبعدين رمضان قرب والفتره الجابه هتلاقي كل الكوافيرات ساحبين البضاعه قبل العيد نعمل ايه احنا بقي وقتها نحتاس لاكن لما احنا نسحب ونخزن كل البضاعه اللي هنحتاجها هنبقي فالامان
سهير....يابنت الجزمه دماغك دي ايه لا تنفعي يابت تبقي سيده اعمال
توته...بضحكه دلع وحياتك عندي قريب اوي هعمل حته المحل اللي تحت ده اكبر سنتر فيكي ياحاره
خرجت بوسي من المطبخ وهي ماسكه طبق فاكهه.
بوسي..ياختي ادعي نطلع من الحاره دي الاول يا فقريه
توته...ونطلع منها لبا اختي ان شاء الله
بوسي...انتي تكرهي يا توته نعيش في حته انضف من الحاره. أميره أسامه
سهير....ومالها الحاره ياعين امك هو في زي حارتنا ولا انتي اللي براويه كده
بوسي...يا اما انا قولت حاجه بس نفسي نطلع من هنا ونشوف الدنيا
سهير...شوفيها يا اختي بس وانتي اعده في الحاره
توته... بعدين يا بت لما تخرجي منها هتسيبي سي صالح لمين
بوسي...اسيبه ده ايه هيجي معايا طبعا
سهير....بصفته ايه ياروح امك جوز الست صالح راجل وجدع ومش ست اللي تمشيه. يعني لا تأعدي ما كان ماهو اعد يا تمشي. تبعدي عنه
بوسي...ايه يابومه ساكته ليه عجبك الكلام ده
شمس....وانا مالي مش انتي اللي عايزه تهجي من الحاره
بوسي...عشان عايزه اروح مكان انضف يبقي اهج
شمس....النضافه مش نضافه مكان يا بوسي النضافه نضافه قلوب ياما ناس لابسه واعد في احسن اماكن لاكن قلوبهم مفيش اسود من كده
الحته هنا جميله وكله بيحب بعضه الناس هنا نضيفه بجد بيحبوا بعض من قلبهم مش مجرد تمثيل
سهير...شوفتي يا بت يا بوسي الكلام الحلو مش تقوليلي امشي من الحاره
بوسي....امشي اروح فين بقي بعد الكلام ده اعدت فالارض بطبق الفاكهه وادي اعده..
سهير...وانتي يابت يا شمس
عمله ايه مع عادل
شمس...عادل طيب يا اما وبيحبني ومحترم وبيشتغل بايده وسنانه عشان يتقدملي
سهير....هو الشهاده لله الواد محترم وامه حبيبتي ست فاطمه دي بميت راجل والواد كيمو ده عسل انا بحبه بصراحه وكفايه ان ابوه حاج سعيد راجل مبيسبش فرض وعلي طول فالجامع ربنا يجعله من نصيبك يا بت با ڜمس انت طيبه وتستهلي
قامت شمس حضنتها وباستها ويخليكي ليا يا اما
توته..بتريقه ويخليكي ليا يا اما😏 مالك يابت فرحانه اوي كده ليه ....امال لو كان قمر زي ادهومتي كنتي عملتي ايه.
سهير....خليكي انتي كده ماشيه ورا سي ادهم وضيعي عمرك عليه وهو ولا هنا
توته...اخس عليكي يا اما ليه بتقولي كده انتي اكتر واحده عارفه ان ادهم بيحبني
سهير...يابت انا نفسي اطمن عليكي لما هو بيحبك مش عايز يخلص وتتجوزو ليه
توته...ياما انتي عارفه ادهم كان متعلق بأمه ازاي ومن يوم ما ماتت وهو اعد يأجل وبصراحه بقي لنا سيباه براحته مش هفضل كل شويه اقوله هتيجي امته هنتجوز امته
سهير....انتي حره افضلي ضيعي عمرك لحد ما هتكبري وانتي لسه اعده جنبه مستنياه
قامت توته دخلت اوضتها وقفلت الباب
بوسي...ليه كده يا اما بس انتي عارفه توته بتحب ادهم ازاي
سهير...انا بفوقها يا بوسي عشان متصحاش من الحلم اللي هي فيه ده علي كابوس ادهم مش بتاع جواز بيحبها؟؟ اه بيحبها وانا واثقه من ده بس اللي بيحب حد يابنتي بيبقي هيتجنن ويعيش معاه تحت سقف واحد اختك مش صغيره يابوسي دي داخله علي 33 سنه نفسي افرح بيها واطمن عليها توته جدعه والف مين يتمناها وانتوا بنفسكوا شوفتوا العرسان اللي بتترفض منها عشان سي ادهم
شمس ..القلب ومايريد يا اما لا فلوس ولا مناصب تقدر تشيل الحب من القلب وكلما عارفين ان توته بتعشق ادهم وادهم بيعشق توته بس لسه نصيبهم انهم يتقفل عليهم باب واحد مجاش وان شاء الله انا حاسه ان اليوم ده قرب.
سهير...😏😏😏موت يا حمار انا قايمه انام صدعتوا دماغي جتكم الهم كلكم
بوسي....انا داخله انا كمان انام
شمس...وانا كمان.
دخلت توته اوضتها اعدت فالبلكونه فالارض وفضلت تعيط واتصلت علي ادهم
في منزل ادهم..
هيما...رحاب
رحاب...ايوه ياهيما
هيما ..وحيات ابوكي اعمليلي كوبايه شاي
رحاب..حاضر ادهم عايز شاي
ادهم...ياريييت
رحاب...ياسلام احلي كوبايتين شاي
نزل احمد والدهم الجرنال
خليهم تلاته يا رحاب
رحاب...عيني يا ابو رحاب😘
هيما...ادهم ما تجيب الريموت اجيب فيلم
ادهم...لا
هيما...ياجدع هات متبقاش رخم
ادهم....لا بتفرج عالمصارعه
هيما...ياجدع انت مزهقتش من الاجسام اللي بنشوفها فالچيم طول النهار
احمد العربي...هو ده بيزهق ناقص يحول البيت هنا صاله چيم جت رحاب حطت الشاي..
رحاب...ادهم ناقص يدربني انا شخصيا ويطلعلي عضلات
ادهم وهو ماسك الريموت وسرحان والله انا موافق وانتي جسمك عنده استعداد 3شهور وتبقي فورمه زي اخواتك
رحاب....بضحك لا يا اخويا الله الغني عن دي فورمه
فالوقت ده رن موبايل ادهم لقاها توته.
ادهم...ولا ياهيما خد الريموت
هيما...الوقت خد الريموت عشان ست توته اكيد
ادهم🤨🤨🤨
احمد ضرب هيما بالجرنال علي راسه ملكش دعوه بيه يارخم
هيما...كده يا برنس السيده تضرب هيما حبيبك
احمد ...تبقي عايز حاجه
هيما...خليك انت كده ياحاج ظالمني ديما وبعدين انا بكدب طب مانت برنس السيده بشهاده الكل
رحاب...انت احلي واحد فالدنيا يا بابا
احمد العربي....اه ياولاد الملب يا بكاشين ناولني ياواد ياهيما الشاي وعلي الصوت الفيلم ده شكله حلو
اما عند ادهم دخل اوضته وقفل الباب ونام عالسرير ورد علي توته
ادهم....يامساء السكر علي احلي بنت في مصر كلها
وحشتيني يابت
توته...ساكته ودموعها نازله
ادهم.. بت يا توته مبتتكلميش ليه انتي بتعيطي يابت
توته...لا
ادهم...بقلق وعصبيه قام اعد علي السرير لا ايه مالك ياتوته مين زعلك
توته...مفيش يا ادهم بس حسيت اني مخنوقه قولت اكلمك
ادهم...مخنوقه تقومي تعيطي كده قوليلي مالك بدل مانزل واجيلك الوقت وانتي عارفه اني اعملها ياتوته.
توته...والله مافي محدش ضايقني كنت اعده مع امي واخواتي وحسيت اني مضايقه دخلت الاوضه اعدت اعيط وكلمتك
ادهم...بس يبقي سهير جابت سيرتي ونكدت عليكي بالكلام كالعاده
توته...انت عارف انها بتحبك
ادهم...عارف وانا بحبها اوي وعارف كمان ان هي ليها حق هي عايزه تفرح بيكي وده حقها وانا والله كان غصب عني ياتوته مش بمزاجي مش عارف افرح وامي مش معايا انتي عارفه ان امي دي كانت روحي
توته...بعياط طب وانا يا ادهم انا فين انا مبصعبش علبك يا اخي نفسي ابقي معاك في بيت واحد نفسي اشوف نفسي وانا عروسه وايدي في ايدك نفسي البس فستان فرح بشوف كل يوم عروسه وبجهزهم بأيدي ومش عارفه اجهز نفسي وابقي عروسه زيهم
ادهم...امك جيبالك عريس ولا ايه يابت
توته...يا ادهم انا لو لتقدملي كل بوم عريس مش هوافق غير عليك عشان انا ما بشوفش في حياتي راجل غيرك بس انا تعبت يا ادهم وبكبر ونفسي افرح بنفسي قبل ما العمر يجري ونفسي الحق ابقي ام يا ادهم نفسي زي ما كل يوم بيطلع من الكوافير بتاعي عرايس يجي اليوم اللي ابقي منهم
ادهم...حس انها صعبت عليه
بت يا توته واللي خلق الخلق لا هتبقي احلي عروسه فالدنيا قريب وهتلبسي احلي فستان فرح وهتطلعي من عند احلي كوافير فالدنيا وهعملك فرح الدنيا كلها تتخاكي عنه بس مش عايز اشوف دموعك دي
ضحكت توته بفرحه...والنبي ياادهم بتتكلم جد
ادهم...بأبتسامه حزن عليها وحيات توته عندي هتكلم مع ابويا وهتفق مع امك علي معاد اجي اقرا فتحتك والبسك الشبكه ونحدد معاد الدخله
تهاني...قامت وقفت فالبلكونه وهي طايره من الفرحه بحبك يا ادهممممم
ادهم...بت يا بنت المجنونه انا سامع صوتك من الشباك انتي واقفه في البلكونه ولا ايه
توته...بضحك اه
ادهم...طب ادخلي ياروح امك بدل ما جي اكسرك
توته...بحبك يا ادهم
ادهم ...وانا بموت فيكي يا احلي توته فالدنيا يلا ادخلي جوه
توته...حاضر
ادهم...تصبحي علي خير يا بت
توته...وانت من اهله❣️❣️
حضنت توته الموبايل وهي مش عارفه توقف ضربات قلبها من الفرحه..
اما ادهم...فا خد قرار انه هيتفق مع ابوه ويروحوا لسهير يخلصوا كل حاجه
........... أميره أسامه
في منزل يوسف
بعد ما اطمن ان امه نامت غطاها وباسها من راسها وقفل عليها الاوضه وخرج راح اوضته نام عالسرير وجاب رقم مريم
مريم....الو
يوسف....لسه منمتيش
مريم...يعني بزمتك ينفع انام من غير ما اطمن عليك يا چو
يوسف...عامله ايه
مريم....كويسه صوتك شكله تعبان
يوسف...طول اليوم بلف بالعربيه فالحر وجالي مشوارين ابعد من بعض ورا بعض ويادوب خلصت وقولت ارجع اريح شويه لقيت الحاره مقلوبه والكل بيدور علي امي وفضلت ادور علبها زي المجنون في كل مكان مخلتش مكان مدورتش فيه قلبت السيده كلها وفالاخر لقيتها ماسكه في خناق فكهاني وعيزاه بجبلها جميز
ضحكت مريم...بابا حكالي عاللي عملته فالفكهاني...
يوسف...اضحكي يا اختي اوي ده اللي باخده منك انتي وهي
مريم....هو في زيي انا وروحيه فالدنيا دي
يوسف....لا طبعا انتوا الحته الشمال
مريم...يارتني كنت هنا كنت نزل انا وماما دورنا معاكم بس انت عارف كنا عند عمي في اكتوبر قضينا معاهم اليوم
يوسف...عارف يا حبيبتي يلا عدت علي خير لو شوفتيها وهي نايمه الوقت بريئه ولا كأنها عملت اي حاجه😂🙈🙈🙈
مريم....اللي زيها بيبقوا حلويين لوي يا يوسف بيبقوا عاملين زي الاطفال ربنا يخليهالنا وتفضل علي طول منوره حياتنا
يوسف...يارب يا مريومه
مريم...يلا روح ريح شويه بقي عشان تقدر تصحي لشغلك ومتقلقش انا أستأذنت من بابا اني أروح مع ماما بكره لروحيه وهنتغدي سوا وهو وافق
يوسف...بسسسس يبقي اعمل نفسي تعبان واعد اقضي مع حبيبتي اليوم
مريم...بضحك يبقي مش هاجي يا حيلتها
يوسف...حيلتها🤨🤨 تصدقي يابت ان انا غلطان اني عايز اشوفك واجبر بخاطرك يا بت انا لو مكنتش خطبتك كان زمانك اعده بايره يابايره
مريم...ليه بقي ان شاء الله وحشه ولا وحشه
يوسف....لا ياختي قمر بس اللي كان هيقرب منك كنت هبوظ وشه ووشك
مريم...بحب بحبك يا چووو
يوسف....وانا بموت فيكي يا قلب چو يلا يابت غوري بقي عايز انام جتك القرف في حلاوتك
مريم....تصبح علي خير
يوسف...بت يا مريم ابقي اعملي انتي الاكل وسبيلي اكل عشان اجي من الشغل اكل من ايدك واهو نعمل تجربه كده قبل الجواز يمكن اغير رأيي
مريم...طب اقفل قبل ما اقفل في وشك
يوسف...تصبحي علي خير يا بايره😂😂
مريم...وانت من أهل الخير ياقلب البايره🙈🙈🙈❣️
حضنت مريم التليفون بحبك يا چووو😍😍
.....
عدي الساعات بسرعه من غير احداث..
صحي زين قبل الفجر كان الكل نايم
دخل اتوضاء وخرج ظبط نفسه وخبط علي باب والدته
مديحه من الداخل...ادخل يازين انا صاحيه
فتح زين....صباح الفل صاحبه وبتقرأي قرأن فكرتك نايمه
مديحه لا مجاليش نوم قولت استني الفجر
زين...ماشي ياحبيبتي انا نازل اصلي فالجامع
مديحه طيب يا حبيبي ادي صوتبن كده للبنات عشان يقوموا يصلوا بيدلعوا عليا انا
زين...حاضر يا امي يلا سلام
قفل الباب وراح علي اوضت البنات خبط
زين....يلا يامنه يلا ياوعد الفجر قوموا بدل ما ادخل اغرقكم
منه...من الداخل صحينا يا ابي زين انزل انت
زين...يلا اخرجوا عشان انزل
منه ..يووووه بقي
قامت وعد فتحت الباب
وعد...خلاص صحينا هيوح اتوضاء واصلي
زين...هو لسه مأذنش يلا خدي البت دي في ايدك
وعد...حاضر تقبل الله مقدما
زين...منا ومنكم ياوعد انا نازل
نزل زين الشارع وقف في وسط الشارع ينادي علي صحابه..
زين...يا هيمااااا... يا ادهمممم
عم احمد ياعربي الفجررر
يا لاحه ولا ياصالح يا حاج فاروق الفجر
خرج كيمو فالوقت ده البلكونه
كيمو...منك لله يازين ياض انت بتنادي علي لبن ولا بتبيع فول هلاقيها منك ولا من حاج سعيد
زين...بضحك مانتوا مابتصحوش بالذوق لازم اعملكم فرح ولو حاج يعيد نزل وملقاش حد فيكم تحت هيطين عيشتي 😂
كيمو...ماهو صحاني يا اخويا انا وعادل وعادل جوه اعد يبرطم بالكلام مش طايق نفسه😂😂😂
عارف ياض يازين انت وابويا بتفكروني بأيه
اعد زين علي حجر فالارض...بأيه
كيمو....ابويا بيفكرني بالاستاذ اللي ببوقف الطالب الشاطر عالفصل😂😂😂
زين....انا الطالب الشاطر
كيمو...هو في غيرك
زين...استني انادي عالباقي ابوك زمانه نازله الله يخربيتك...
زين....ياعم حسنييييي...ولا يا عامر
يا بوب.... يا لاحه حاج فاروق ولا ياصالح
صالح...ايببه ماخلاص ياعم بنتوضا ونازلبن
زين...علي صوتك اوي عليا لما بنزل حاج سعيد هقوله
ضحك....صالح لا خلاص انا اسف
كيمو...ولا يازين بقولك ايه نادي علي عادل اخويا ضايقه شويه😂😂😂
زين...كفايه عليه ابوك يا مفتري
كيمو...وحيات امك
زين.....ان مكنتش حلفتني بالغاليه
زين...ياعاااااادل ولا عادلللل يلا الفجر
عادل...بصله من الشباك....زين اسطبح وقول يا صبح بصوتك ده عاملي فيها بتاع لبن ماكفايه ابويا عليا
زين...ضحك هو وكيمو
زبن...طب يلا انزلوا بقي
مرت دقايق بسيطه ونزلوا الشباب ورجاله الحته الكبار
ودخلوا مع بعض المسجد
وقف حاج سعيد وكلهم وراه
والتدا يصلي بيهم وبشباب ورجالت الحته زي كل يوم
بعد وقت بسيط خلصوا صلاه وخرجوا مشيوا كلهم مع بعض الشباب ماشين يضحكوا ويهزوا وماسكين عادل تريقه عشان نازل وهو نايم علي نفسه....
وصل كل واحد فيهم قصاد باب بيته وقفوا يرخموا علي بعض
طلعلهم يوسف من الشباك كان ساكن في دور ارضي
كنت فين ياض يا صايع انت وهو لحد الوقت
عامر....بنصلي يا اخويا منزلتش معانا ليه ياض
يوسف...طب اعمل لاهلك ايه ارسملك علي اورتي صليب عشان تصدق اني مسيحي
ضحكوا الشباب كلهم
زين...ولا يابوب هو عامر طالع ذكي لمين
يوسف...هيطلع لمين طالعله ما هو كمان لما دماغه بتقفل بيبقي زيه
عامر...طب وربنا بهزر وبرخم عليك صدق بالله مش مهزر معاك تاني
بوسف ..ياعم احسن انا هلاقيها منك ولا من روحيه دي مطلعه عيني
دخلت روحيه من وراه وهي ماسكه عصايه مين دي ياولا اللي مطلعه عينك انت محتاج تتربي من اول وجديد جريوا كل الشباب بصو من الشبابك وميتين من الضحك وهو يوسف اعد يجري منها فالشقه ويطلع عالكنبه وينزل عالارض
يوسف...يا اما عيب العيال بيتفرجوا عليا
روحيه....خليهم يشوفوك يا ساقط
يوسف...ساقط ايه يا اما انا مخلص معهد من 7 سنين
روحيه...انت كمان بتكدبني يا ولا وديني مانا سيباك
فضلوا الشباب يضحكوا ويسخنوا روحيه وخلص يومهم علي ضحكه طالعه من القلب
عدي اسبوع من غير اي تفاصيل غير ان ادهم وابوه راحوا طلبوا ايد توته واتفقوا مع سهير ان فرحهم علي العيد الكبير تكون الشقه بتاعت ادهم جهزت...اما توته فكانت طايره من السعاده.
واخيرا هل علي الحاره روايح رمضان وقبل رمضان بيومين
😉😉😉😉😉😉😉😉
نكمل بعد التفاعل ي قمرات
يتبع
إللي خلص القراءه يدخل هيلاقي كل الروايات اللي بيدور عليها من هنا 👇 ❤️ 👇
❤️🌺🌹❤️🌺❤️🌹❤️🌺🌹❤️🌺🌹❤️🌺🌹❤️🌺🌹🛺🛺🛺🛺🛺
جميع الروايات الحصريه والكامله من هنا
انضموا معنا علي قناتنا بها جميع الروايات على تليجرام من هنا
❤️🌺🌹❤️🌺❤️🌹❤️🌺🌹❤️🌺🌹❤️🌺🌹❤️🌺🌹🛺🛺🛺🛺🛺
